السبت، 5 يوليو 2008

هلاوس المرض

شعرت بوعكة صحية ارتفعت على اثرها حرارتى .. ثم بدأت الهلاوس تفرض نفسها على عقلى
بدات اشعر بالوحدة والمرض والضعف .. مستلقية فى فراشى .... منهكة .. متعبة .. أتألم من تكسير العظام المصاحب للأنفلونزا الصيفية
تتخطى الساعة الرابعة صباحا ولا احد يشعر بى .. تنادى على ابنتى ذات الأربع سنوات تريد الذهاب الى الحمام
اتحامل على نفسى لأصحبها ثم اعيدها الى فراشها
اعود لأسقط فى الفراش مرة أخرى .. اتذكر الأيام الخوالى واتمناها ان تعود
كنت يوما ما فتاة يافعة لا القى بالا لشىء .. كل ما يشغلنى هو الذهاب للعمل والعودة
الخروج فى صحبة الأصدقاء .. وأن احب واتحب .. وانتظر حتى ينام الجميع لتبدأ وصلة الرغى فى التليفون حتى الصباح
لم تكن هناك مسئوليات حقيقية .. ولا صغار يطلبون الرعاية .. ولا زوج يجب ان تجاب مطالبه
شعرت بالعبء الثقيل الملقى على كاهلى .. وكيف اننى اعتنى بكل من فى البيت قدر استطاعتى
انا التى تهتم بطعامهم ونظافتهم .. وصحتهم .. اسهر بجانبهم عند المرض .. اعتنى بهم وبم يأكلون ويلبسون
حتى بالترفيه عنهم اعتنى
يفرضون حتى المواد التى تعرض فى التليفزيون .. دول كارتون .. ودة اخبار .. ودى فيلم عربى
اظبط مواعيدى على مواعيد اللى راجع من المدرسة واللى راجع من الشغل
سألت نفسى .. هل يشعرون بأهميتى ؟؟؟ وما مفهوم الأهمية لديهم؟؟
الغسالة مهمة .. والتلاجة مهمة .. ولا نشعر بوجودهم الا عندما يصيبهما عطل
والآن وقد اصابنى العطل .. اقصد المرض .. هل يشعر احد بأهميتى؟؟؟
وادركت انى يمكن اقل فى الأهمية من الغسالة .. او يمكن مش حاسين
وتمنيت ان يعود بى الزمان .. وانطلق بلا مسئوليات ..
ابحث عن الحب

ومكالمة تليفون نص الليل لحد الصبح
وشوية لب .. قدام التليفزيون .. وجوز كتاشين ولمة
مع هدف انى انجز عملى بدقة
حتى احصل على علاوة
او حتى ثناء من المدير بتاعى
لكن الزمن مابيرجعش
يا خسارة


هناك 29 تعليقًا:

عبدالله يقول...

الف سلامه عليكي
متقوليش خالص انك مالكيش اهميه ده نوع من الاكتئاب و لا ايه بقي
علي العموم يا خساره برضه لو رجع زمان مكنتيش هتلاقي مدونه تكتبي فيها
:)

تحياتي

أسوور يقول...

شكرا يا عبد الله
دة صحيح
بس برضه الا ليت الشباب يعود يوما
تحياتى

•√أريـ السمر ـج√• يقول...

ألف لا باس عليك .. طهور لك بأذن الله
لكن الحياة مراحل .. بداية مرحلة بنستمتع فيها بالأخذ و الأستمتاع بدون ضريبة .. ثم مرحلة العطاء و متعتها رغم تعبها و مسئوليتها هي متعة أن تعطي .. يمكن مدى الأهمية مش ظاهرة لكل من حولك بنفس القدر الحقيقي لها .. لكن بتظهر بعدين اما يشيلوا المسئولية صحيح أمر قد يصيب بأكتئاب
لكن احنا فى يوم كنا زيهم

أدام الله عليك الصحة و العافية و اسعد قلبك بهم

دمتى بكل الخير

غير معرف يقول...

الف سلامة عليكى وانا كنت عمالة اقول هيا مختفية فين
ربنا يقومك بالسلامة

تعرفى فكرنى كلامك بتفكيرى فى بكرة وأنى خلاص شهور وهتجوز وهبقى مسؤلة عن بيت وشوية عن اطفال وخوفى انى مااكونش قد المسؤلية دى
شوقى ولهفتى لرجوعى لايامى دلوقتى اللى مش شايلة فيها غير مسؤلية شغلى واللى لما بتعب شوية بلاقى امى سهرانة عليا لحد ما اخف وابقى كويسة

أهى كلها ايام بنقضيها وكل شوية بنمر بمرحلة ولازم نعيشها

محمد حمدي يقول...

الف سلامه عليكى يا اسر .. برد الصيف من الحاجات الرخمه جدا .. الواحد فيه بيكون مش قادر يحافظ زى الشتا وفى نفس الوقت تعبان اكتر من برد الشتا

عموما انصحك بداى اند نايت حبايه الصبح وحبايه بالليل وتلات ايام وتبقى زى الفل

بالنسبه لموضوعك بقا
اولا انتى مبعدتيش جدا عن الشباب عشان تتكلمى عنه بكل الحنين ده .. انتى فعلا لسه شباب

ثانيا فى متعه خاصه فى الجواز .. متعه اننا نتشارك كبشر فى عمل الحاجات الصغيره سوا .. الاكل .. الشرب .. ترتيب الهدوم .. ده طبعا فى المجتمعات السويه الى الراجل بيقوم بدور مقارب لدور الست

ثالثا كل الى فى البيت بيحبك .. مش بس عشان بتطبخى وتراعى وتاخدى بالك من كل حاجه حتى الترفيه .. لكن كمان عشان بتقدمى الدعم النفسى والعاطفى وبتبقى بير اسرار لكل واحد فى البيت على اختلاف اسراره

صدقينى .. الام والزوجه حاجه اهم بكتير من غساله او تلاجه فى البيت .... بس مين يقدر

تحياتى الكبيره موت

سلام

أسوور يقول...

أريج السمر
شكرا جدا لزيارتك
على فكرة لك مدونة انحنى لها تقديرا

تحياتى

أسوور يقول...

بوس بوس
شكلك بتستعدى عشان تخشى فى الغميق
ربنا معاكى ويارب يسعدك

واهى ايام وبتعدى

نورتينى

أسوور يقول...

محمد حمدى
صديقى العزيز
والله كلامك كويس بس ساعات مبنقدرش نمنع نفسنا من مشاعر الإحباط

وكل اللى انت قلته صح بجد لكن الحياة ساعات مش بتدى كل حاجة

او هى فعلا مش بتدى كل حاجة

تحياتى

موناليزا يقول...

0جوز كتاشين(
مش فاهمة الجملة دى؟
لماذا لاتتحدثى معهم بصراحة عمايدور بداخلك
اكيد هتلاقى فيه اختلاف
تاكدى انك مهمة جدا ولكن لانك مستمتعة باداء واجبك تجاهم او هكذا يشعرون فلايلقون بالا
عموما الف سلامة عليكى وان شاء الله دور برد ويعدى بسرعة
=================
ممكن تشيلى تاكيد الكلمة حين ارسال تعليق

micheal يقول...

أولا..ألف حمد الله علي سلامتك
ثانيا..حاولي تستمعي بوقتك الحاضر علي قد ما تقدري لان الماضي لن يعود أبدا
تحياتي

دنـيـا محيراني(ايناس لطفي يقول...

اه يا قلبي الف سلامه عليكي يا جميل
تعليقي حاسه بيكي اوي ي ي ي ي ي
الحال من بعضه
----------
هارسلك ايميل مهم جدا علي ايميلك الشخصي ارجو تردي علي محتاج كلامك جدا
الف سلامه تاني يا قمر

أسوور يقول...

موناليزا
اعتدت فى شبابى ان اجمع بنات الجيران كل ليلة ونلعب كون كان حتى الصباح
وهى لعبة كوتشينة بتتلعب بجوز كتاشين

تحياتى لكى

أسوور يقول...

مايكل
نورت المدونة و واحشنى يا مايكل
تحياتى

أسوور يقول...

دنيا محيرانى
تحت امرك فى اى شىء
ابعتى الميل وانا فى انتظاره
وهأرد عليكى طبعا

تحياتى

أنا حر يقول...

الف سلامة عليكي اتمنالك الشفاء السريع
اما بخصوص الاهمية فأعتقد اننا بنتعامل مع الشيء الثابت وجوده بنوع من عدم الاهمية يعني تأثير الشخص بيبان اكتر في حالة عدم وجوده نتيجة الفراغ اللي بيسيبه وهنا بيبان اهميته
بس انا اقدر اقلك انك مهمه جدا في حياتك ليكي ولكل الناس اللي حواليكي ولو مش مصدقة جربي انك ماتقوميش بدورك وتسيبي فراغ وشوفي النتيجة
تحياتي

غير معرف يقول...

الف سلامة .. يمكن مايعرفوش قيمتك دلوقت زى كلنا و احنا صغيرين ماكناش نعرف قيمة امهاتنا .. لكن لما كبرنا و فهمنا عرفنا ان الام هى اغلى و اهم كائن فى الوجود و اننا من غيرها ولا حاجه

دنـيـا محيراني(ايناس لطفي يقول...

اسور حبيبتي انت لسه تعبانه ولا ايه يارب تكوني بالف خير وسلامه
ارسلتك الايميل بقالي كتير بس شكللك مشغول علي العموم هاستني ردك في اي وقت انا ارسلته علي الاميل الاي موجود هنا علي مدونتك مستنيه ردك
سلام

Mohamed Hesham Safa يقول...

no comment

hope u'll b ok

هانى المصرى يقول...

دى اول مره ادخل مدونتك وعجبتنى جدا
وانا دخلتها من مدونة آخر
والف سلامه
لو ميضيقيش هبقى امر على مدونتك كل شويه
................................

غير معرف يقول...

أسوور يا حبيبتى
ألف سلامه عليكى
هى الانفلوانزا بتقلب معاكى باكتئاب ولا ايه؟؟
ياحبيبتى انتى مهمه قوى قوى عندنا كلنا
للأسف الانسان لما بيعمل حاجه لأقرب الناس ليه بيتعودوا على كده وبيبقى ده حق مكتسب ليهم
فامابيفكروش اصلا هى ماما بتعمل كده عشانا ليه
هما اتعودوا ان ماما بتعمل وخلاص
بس ده مش معناه انهم مش بيحبوكى او انهم مش حاسين بيكى
الف سلامه عليكى كمان مره
فوقى كده ومستنيينك يا قمر

Princesa ... WHiSPeR يقول...

الف سلامة عليكي

انا اول مره اجى البلوج هنا
بس عجبنى البوست ده

بس مش تفتكرى ان لكل مسؤلية حاجه حلوة بردو

يعني زى ماكنتى بتتمتعى بايام الشباب دى
اكيد فى متعه فى ايام الامومة
صح ولا ايه؟

بنت مصريه يقول...

الف سلامه عليكى يا اسر
بس صدقينى انتى مش عارفه او مش حاسه بأهميتك اهميتك مش زى اهميه الغساله او التلاجه دول جماد لا يشعرون
اهميتك اهميه وجدانيه نابعه من الحب وليست نابعه من الواجب

يا رب تخفى وتقومى بالسلامه وزى ما قولتى كل دى هلاوس مرض بس ههههههههههه

شيماء الجمال يقول...

عزيزتي
أشعر بما تشعرين به تماما :(

غير معرف يقول...

الف سلامه لك سيده المدونات كلماتك بلسم لجروحنا ننتظرها بكل شغف ارجو منك المزيد جراتك حلوة وغير صادمه تكتبين بصراحه لاتزيفها الكلمات المزوقه اشعرتنا بان الحياه يجب ان تعاش على هذا النحو حين كتبتى عن الجنس كنتى صادقه من انه اكسير العلاقه الزوجيه وانه كلما كان ناجحا كان الزواج ناجحا وان الحب فى حيقيقته انجذاب جنسى يشتركان فيه الرجل والمراه وكانت تهمه الرجل انه يفكر فى محبوبته جنسيا وان المراه لاتشتهى حبيبها جنسيا وتسعدها فقط النظره والكلمه الناعمه والف مليون سلامه لك

غير معرف يقول...

الف سلامه لك سيده المدونات كلماتك بلسم لجروحنا ننتظرها بكل شغف ارجو منك المزيد جراتك حلوة وغير صادمه تكتبين بصراحه لاتزيفها الكلمات المزوقه اشعرتنا بان الحياه يجب ان تعاش على هذا النحو حين كتبتى عن الجنس كنتى صادقه من انه اكسير العلاقه الزوجيه وانه كلما كان ناجحا كان الزواج ناجحا وان الحب فى حيقيقته انجذاب جنسى يشتركان فيه الرجل والمراه وكانت تهمه الرجل انه يفكر فى محبوبته جنسيا وان المراه لاتشتهى حبيبها جنسيا وتسعدها فقط النظره والكلمه الناعمه والف مليون سلامه لك

غير معرف يقول...

الف سلامه لك سيده المدونات كلماتك بلسم لجروحنا ننتظرها بكل شغف ارجو منك المزيد جراتك حلوة وغير صادمه تكتبين بصراحه لاتزيفها الكلمات المزوقه اشعرتنا بان الحياه يجب ان تعاش على هذا النحو حين كتبتى عن الجنس كنتى صادقه من انه اكسير العلاقه الزوجيه وانه كلما كان ناجحا كان الزواج ناجحا وان الحب فى حيقيقته انجذاب جنسى يشتركان فيه الرجل والمراه وكانت تهمه الرجل انه يفكر فى محبوبته جنسيا وان المراه لاتشتهى حبيبها جنسيا وتسعدها فقط النظره والكلمه الناعمه والف مليون سلامه لك

غير معرف يقول...

الف سلامه لك سيده المدونات كلماتك بلسم لجروحنا ننتظرها بكل شغف ارجو منك المزيد جراتك حلوة وغير صادمه تكتبين بصراحه لاتزيفها الكلمات المزوقه اشعرتنا بان الحياه يجب ان تعاش على هذا النحو حين كتبتى عن الجنس كنتى صادقه من انه اكسير العلاقه الزوجيه وانه كلما كان ناجحا كان الزواج ناجحا وان الحب فى حيقيقته انجذاب جنسى يشتركان فيه الرجل والمراه وكانت تهمه الرجل انه يفكر فى محبوبته جنسيا وان المراه لاتشتهى حبيبها جنسيا وتسعدها فقط النظره والكلمه الناعمه والف مليون سلامه لك

yamen يقول...

اولا الف سلامة

ثانيا شكرا لانك قلبت المواجع

ثالثا ساعات كتير بيبقو الناس اللي حوالينا بيحبونا وحاسسين باهميتنا جدا ليهم بس مش عارفين يعبرولنا عن ده

لكن في اللحظات الحرجة بس بيبان كل واجد جواه ايه

كل سنة وانتي طيبة

تحياتي

غير معرف يقول...
أزال أحد مشرفي المدونة هذا التعليق.