السبت، 17 فبراير 2007

اللقاء الشهرى الثانى

أصدقائى المدونين الأعزاء
أختى سافرت النهاردة وفضيت لكم
الآن أحب اسمع اقتراحاتكم بالنسبة لمكان وزمان اللقاء الشهرى الجديد
عاوزة أحس بالحماااااااااااااااااااااااااااس
وبافكركم تانى
المكان المناسب واسعاره
اليوم المناسب
التوقيت المناسب
في

هناك 75 تعليقًا:

  1. أحمد سلامــةفبراير 18, 2007 12:40 ص

    انشاء الله أختك توصل بالسلامة وتكون اتبسطت هنا كتيير
    بالنسبه للمكان انصحك ماتتنازليش عن شرط الشيشه المره دي
    كويس انك ماتنازللتيش عن تكرار الفكرة
    انا قلت انتي نسيتي والله
    طبعا انا ماقلتش على اقتراحات لاني متعود اسمع الاول
    وطبعا كده كده هوافق غصب عني

    ردحذف
  2. raspoutineفبراير 18, 2007 2:02 ص

    انا كمان اختى مساره يوم الاربعاء وكنت مسافر معاها لكن ظروف شغلى منعتنى انى اسافر فى الوقت الحالى وهاسفرلها بعد كام شهر عشان اعمل العمرة ان شاء الرحمن
    بصى اى مكان تحددوه وتتفقو عليه ابقى بلغينى بيه ولا نسيتى عنوان البوست بتاعى
    انتى مشوفتيش اخر صور ليا فى اسكندريهعلى العموم حددو المكان والزمان وممكن يكون الكافيه بتاع المره اللى فاتت مكان جميل وكمان متأمن كويس يا ريس
    عشان بجد انا كمان نفسى اشوفكم واقعد معاكم وحشتووووووووووونى

    ايمن فاروق

    ردحذف
  3. عبداللهفبراير 18, 2007 7:45 ص

    بما اني مش هعرف اجي يبقي مالوش لازمه اعلق هنا
    :)
    انا بقول تعالوا نتاقبل في السعوديه في الربع الخالي و اهي فرصه برضه الي عاوز يدخن و لا يشرب حاجه الدنيا واسعه مش هيضياق الي جنبه

    تحياتي

    ردحذف
  4. محمد عبد الغفارفبراير 18, 2007 8:24 ص

    اى يوم خميس بعد الساعه 6 نادى القوات البحريه بكورنيش النيل بعد كوبرى قصر النيل وقبل شيراتون الجزيرة

    هذا أقتراحى

    ردحذف
  5. Hannodaفبراير 18, 2007 8:26 ص

    أخبرا ياسمين ع البلوج
    انشاء الله توصل أختك بالسلامة وتكونوا شبعتوا من بعض
    أما عن اللقاء فياريتني كنت معاكم بس طبعا حاتحكيلنا كل حاجة
    أتمنالكم لقاء لذيذ ومفيد لكم و لينا

    أنا في انتظار أخبار اللقاء

    ردحذف
  6. مصر هى أمىفبراير 18, 2007 9:21 ص

    ياسمين
    يارب تفضلى كده على طول تجمعى المدونيين

    ردحذف
  7. The Alienفبراير 18, 2007 9:34 ص

    مبسوط بالإقتراح وهاجي
    وأنا بقترح أي يوم جمعة
    الساعة 6 في وسط البلد
    علي البورصة
    حيث تتوافر الشيشة وجميع المشاريب
    بالإضافة إلي مكان واسع
    وكل ده بأسعار هتحبوها

    تحياتي

    ردحذف
  8. SomeOneفبراير 18, 2007 4:55 م

    على فكرة انت فوتي عليا فرصة المجيء
    بالغائك القاء السابق
    انا كنت فاضي
    وموجود بالقاهرة

    بس دلوقتي

    انا بدرس في اسيوط
    صعب قوي

    بس اتمنى للقاء النجاح
    واتمنى ان نسبة حضور المرأة تفضل
    30%
    اصله باين كده انها ح تقل
    :)

    ردحذف
  9. أسوورفبراير 18, 2007 5:28 م

    أحمد سلامة

    أدينا هنتابع الإقتراحات سوا

    وانشاء الله يكون لقاء موفق كسابقه

    ردحذف
  10. أسوورفبراير 18, 2007 6:05 م

    راسبوتين

    ربنا يوفقك فى العمرة

    انت بتقترح تريانون برضه

    بس فى ناس مش حاباه

    عموما هنشوف افقتراحات فى النهاية وهناخد رأى الغلبية

    اصلى ديموقراطية جدا

    ردحذف
  11. أسوورفبراير 18, 2007 6:10 م

    عبد الله

    أول مرة أعرف انك قاعد فى السعودية

    بجد الله يكون فى عونك

    العيشة فى السعودية صعبة بجد

    ولا انت ليك راى تانى؟؟

    ردحذف
  12. أسوورفبراير 18, 2007 6:14 م

    محمد عبد الغفار

    واضح ومحدد

    يوم الخميس الساعة 6:30

    فى نادى القوات البحرية

    بجوار شيراتون الجزيرة

    اللى موافق يرفع ايده

    ردحذف
  13. أسوورفبراير 18, 2007 6:25 م

    هنوودة

    يا ترى ليه ما تكونيش معانا؟؟؟

    ردحذف
  14. أسوورفبراير 18, 2007 6:29 م

    مصر هى أمى

    لا اقتراحات؟؟

    طيب

    ردحذف
  15. أسوورفبراير 18, 2007 6:34 م

    TheAlien

    انت تقترح الاتى

    قهوة بورصة أو البورصة

    يوم الجمعة الساعة 6 م

    ومازلنا فى انتظار اقتراحات أخرى

    أو تأييد لإقتراحك أو اقراح

    محمد عبد الغفار

    ردحذف
  16. أسوورفبراير 18, 2007 6:51 م

    شادى فايد

    للأسف مش هنشوفك

    معلش

    الجايات أكتر من الرايحات

    ردحذف
  17. قاسم أفنديفبراير 18, 2007 7:34 م

    والله كان بودي أشارك بس برضه من المقيمين في الخارج
    بس في انتظار المينتس اوف ميتنج بقي
    تحياتي

    ردحذف
  18. أسوورفبراير 18, 2007 7:36 م

    قاسم افندى

    كنت أتمنى أن تكون معنا بس معلش

    برضه الجايات أكتر من الرايحات

    وربنا يجيبك بالسلامة

    ردحذف
  19. .:.-=- ELGaZaLy-=-.:.فبراير 18, 2007 7:46 م

    فكرة حلوة ان الناس تتقابل لايف...

    بس يمكن مش كل الناس تعرف بعض اصلا..

    عامة فكرة جميلة..

    ردحذف
  20. أسوورفبراير 18, 2007 8:04 م

    الغزالى

    على فكرة دة انشاء الله هيبقى اللقاء الثانى

    وكنا نتمنى تكون معانا

    شكرا

    ردحذف
  21. عبداللهفبراير 18, 2007 10:53 م

    ليا مشاركه صغيره رغم اني مش هحضر

    لازم لما ننقي مكان نراعي ان ممكن بنات يقعدوا فيه يعني موضوع ان فيه شيشيه معتقدش هيناسب البنات لو في بنات هتيجي مش هتيجي بسبب المكان و النادي برضه مش هيبقي حل بس مقبول
    اعتقد افضل مكان تريانون مكان محترم و معروف و ان كنت بفضل اماكن مفيهاش تدخين كمان دي مش مجرد خروجه شبابيه يعني لو عاوزين يكون في بنات يبقي نراعي المكان

    ياسمين
    الحياة في الغربه دايما صعبه مش السعوديه بس هيا بلد منغلقه شويه و مفيهاش مكان للترفيه و الخروج قوي بس متعة انك تقدر تنزل مكه في اي وقت لو عاوز كل ويك اند عادي متعه تشيل قدامها اي صعوبه تواجها في الحياة
    سؤال اخير
    في البوست بتاع التعدد ده في الاخر واحد كاتب انه الزوج و عامل مدونه لعرض رايه
    هل هوا الزوج فعلا

    تحياتي

    ردحذف
  22. LAMIA MAHMOUDفبراير 19, 2007 1:05 ص

    انا جيت اصبح وامسي

    ردحذف
  23. Carolفبراير 19, 2007 1:06 ص

    hi yassmin ezayek :)
    merci 3ala so2alek gidan
    wenty kaman wa7ashtiny :)
    i'm back 7'alass...

    ردحذف
  24. أسوورفبراير 19, 2007 1:10 ص

    عبد الله

    على فكرة انا بحب الشيشة وفى بنات كتير بتدخن لكن راى المجموعة هو اللى يهمنى

    المكان اللى هيتفقوا عليه .. هأوافق عليه

    أيوة هو الزوج .. بس انا ما أخدتش بالى .. انت اللى نبهتنى

    دخلت مدونته؟؟

    ردحذف
  25. LAMIA MAHMOUDفبراير 19, 2007 1:12 ص

    اه لو خليتيها على البورصة يبقى هايل انا كده كده هناك

    ردحذف
  26. أسوورفبراير 19, 2007 1:26 ص

    لمياء محمود

    يا صباح ويا مساء الفل والورد والياسمين

    ردحذف
  27. أسوورفبراير 19, 2007 1:27 ص

    كارول

    أخيرا الحلوة اتكلمت

    تمام كدة يا قمر

    أوعى تغيبى تانى

    ردحذف
  28. أسوورفبراير 19, 2007 1:28 ص

    لمياء محمود

    أنا ممكن أعمل أى حاجة عشان تبقى معانا

    انتى تأمرى يا سكرة المدونات

    ردحذف
  29. الدبورفبراير 19, 2007 2:30 ص

    انا جاي يا كماحه
    مش مهم المكان المهم الشيشه
    و اعتقد ان مكان البورصه اللي بيقولوا عليه شكله كويس و فيه شيشه و حلبه حصي وسحلب و خلافه اما نادي القوات البحريه فمكان كويس بس مش فيه شيشه للاسف
    انا مع البورصه ومع الشيشه قلبا و قالبا
    بالمناسبه لو ليكي ايميل علشان اعرف منك تفاصيل اكتر و اسئله اخري حول اللقاء ياريت تبعتي ليه علي ايميل المدونه
    masryblog@yahoo.com
    وفي اسرع وقت

    نهارك لذيذ
    الدبور

    ردحذف
  30. karakibفبراير 19, 2007 2:34 ص

    أنا هاجي بس هو امتي ؟؟ و فين

    ردحذف
  31. مصر هى أمىفبراير 19, 2007 9:04 ص

    ياسمين
    اعتقد ان اغلبية الناس مختارة البورصة الايميل بتاعى
    m_adel2000@yahoo.com

    ردحذف
  32. Hannodaفبراير 19, 2007 9:05 ص

    أنـــا مش معاكم عشان أنـــا فقطر:(

    بس ولا يهمك.. لما أنزل وتعملوا لقاء حاجيلكوا من اسكندرية فورا

    تمنياتي بلقاء ناجح

    ردحذف
  33. .:.-=- ELGaZaLy-=-.:.فبراير 19, 2007 1:01 م

    انا فى مصر اساسا الايام دى اختارو مكان ولو سهل وقريب لية لا...

    ردحذف
  34. أسوورفبراير 19, 2007 1:19 م

    حتى الآن

    الغالبية يصوتون لقهوة بورصة اللى أنا ما اعرفش عنها حاجة خالص

    هى فين بالظبط يا جماعة؟؟

    حد يقول العنوان بالتفصيل

    وايه ظروف الركن فى وسط البلد؟؟

    ردحذف
  35. أسوورفبراير 19, 2007 1:20 م

    الغزالى

    فرصة طيبة عشان نشوفك

    ردحذف
  36. The Alienفبراير 19, 2007 2:27 م

    البورصة في وسط البلد
    في الشوارع الصغيرة اللي عند البنك المركزي والبنك اﻷهلي والبورصة المصرية ... عشان كده سموها البورصة
    فممكن توصلوها من شارع قصر النيل أو من شريف
    الموضوع سهل وميتوهش
    وبالنسبة للركن ... متقلقيش يا ياسمين ... ممكن نفضيلك شارع

    ردحذف
  37. أسوورفبراير 19, 2007 3:19 م

    the alien

    أنا اصلى وسط البلد بالنسبة لى توهان موووت

    وشكلى كدة هقابل حد فى اى حتة أعرفها وبعدين يودينى

    زى العيال الصغيرة

    ردحذف
  38. أسوورفبراير 19, 2007 3:26 م

    لو لية حق الإقتراح

    اقترح سافارى كلب
    فى ميدان لبنان
    أكل وشرب وشيشة واسعاره حلوة
    يعنى البيبسى مثلا بـ 5 جنيه
    وحجر الشيشة بـ 5 جنيه
    والشاى بـ 5 جنيه
    وطبعا رأى الأغلبية برضه هو اللى يمشى

    اصلى ديمقراطية جدا

    ردحذف
  39. Unknownفبراير 19, 2007 3:49 م

    انا سايبلك تحديد المككان و الزمان

    المهم اننا نتجمع و اتعرف على اصدقاء جداد جمال زييكم


    و اول ما تقرروا انا مستنى تقولولى

    تحياتى

    ردحذف
  40. أسوورفبراير 19, 2007 4:05 م

    why me

    طبعا هنقولك ومرحبا باى حد من المدونين الراعين اللى زيك

    ردحذف
  41. انحلت سيور العربه وسقط المهر من الاعياءفبراير 19, 2007 6:41 م

    ياسمين

    احب ان احيكى واقو ل انى مو افق على الحضور فى المكان الذى حددتيه بميدا ن لبنان فى سا فا رى
    اذا لن يكن هنا ك مو انع لحضورى

    ار جو تحديد الميعا د

    تحياتى لشخصك الجميل

    ردحذف
  42. أميرةفبراير 19, 2007 6:44 م

    يارب تكون
    اختك بخير ووصلت بالسلامة اعتقد اجازتها ماطولتش

    وتكونى انتى كمان بخير بعد سفرها ياجميلة

    صحيح هو اللقاء كل شهر ؟؟

    هقر عليكوا شوية انا فى المنصورة غلبانة كدة مافيش حد هنا عشان نعمل لقاء احنا كمان ؟؟

    على فكرة ياياسمين انا رديت على كل مواضيعك اللى فاتتنى بس انا بتأخر شوية معلش مشغوليات

    نفسى مرة اجى وابقى اول رد عندك او تالت رد حتى

    تحياتى

    ردحذف
  43. أسوورفبراير 19, 2007 6:45 م

    الجحيم هو الحقيقة

    طب كويس أول واحد يوافق على اقتراحى

    شفت البوست بتاع المشكلة؟؟

    عاوزين مشاركتك

    ردحذف
  44. frozen loveفبراير 19, 2007 6:47 م

    يبدو اني المشروع واخدني منكم فعلا..والله ليكم وحشة وانا مبسوط قوي بحوار اللقاء ده...المرة دي باذن الله لازم اجي..انا المكان مش فارق معايا..بس الوقت هو المشكلة الاسبوع ده عشان عندي مناقشة

    انا ممكن اجي لو هي يوم جمعة او سبت..غير كده هيبقى صعب..بس ان شاء الله هاحاول


    اقتراحي بقى المهندسين يوم الجمعة الساعة 6 او 7 كده

    ردحذف
  45. أسوورفبراير 19, 2007 6:47 م

    أميرة ويلز

    خسارة انك بعيدة كدة

    كان نفسى اشوفك وأتعرف عليكى وتكونى معانا

    أكيد ناس كتير هتفتقدك فى اللقاء

    شكرا لدعمك

    ردحذف
  46. أسوورفبراير 19, 2007 6:54 م

    يبقى كدة يا جماعة قدامنا
    الخميس
    الجمعة
    السبت

    الساعة 6 فى أى يوم منهم

    الأماكن المطروحة

    نادى البحرية بجوار شيراتون الجزيرة
    قهوة البورصة فى وسط البلد
    سافارى كلب فى ميدان لبنان

    رجاء التصويت لليوم وللمكان

    ردحذف
  47. انحلت سيور العربه وسقط المهر من الاعياءفبراير 19, 2007 7:15 م

    أزال المؤلف هذا التعليق.

    ردحذف
  48. حدوته مصريةفبراير 19, 2007 7:35 م

    انا مع اى مكان تقولوه باذن الله بس الوقت مهم و ربنا يستر وتختاروه و اكون فاضى فيه الايام اللى تنفع معايا الاحد او الخميس مثلا اللى تختاروه باذن الله هاحاول واجى
    و معلش على غيابى يا ياسمين

    ردحذف
  49. The Alienفبراير 19, 2007 8:23 م

    موافق علي أي حاجة
    مع إني طبعا بأيد إقتراحي
    بس بلاش الخميس لو هنتقابل اﻷسبوع ده

    ردحذف
  50. مصر هى أمىفبراير 19, 2007 8:25 م

    الجمعة الساعة 6 نادى البحرية
    اعتقد ده الانسب

    ردحذف
  51. michealفبراير 19, 2007 8:37 م

    رجاء يا ياسمين أول ما تتأكدوا من الميعاد و المكان بلغيني في مدونتي
    تحياتي لكي و للجميع

    ردحذف
  52. أسوورفبراير 19, 2007 9:37 م

    محمد ياسر

    الخميس ماشى

    ردحذف
  53. أسوورفبراير 19, 2007 9:42 م

    مصر هى أمى

    نادى البحرية

    ردحذف
  54. أسوورفبراير 19, 2007 9:55 م

    مايكل

    اكيد هيحصل

    ردحذف
  55. أسوورفبراير 19, 2007 10:01 م

    the alien

    والله موضوع قهوة برصة مطروح كغيره

    مع نادى البحرية وسافارى بالمهندسين

    والتصويت هو اللى هيحدد

    ردحذف
  56. الدبورفبراير 20, 2007 1:20 ص

    البورصه

    ردحذف
  57. Amr Ahmedفبراير 20, 2007 1:22 ص

    انا اقترح البورصة

    والمكان مش هايفرق اوي يعني


    بس انا يناسبني الجمعة

    يعني الجمعة في اي مكان مش هاتفرق
    بس ياريت تقرروا بدري شوية

    ردحذف
  58. أميرةفبراير 20, 2007 4:56 ص

    ياسمين ماتنسيش تفتكرينى فى اللقاء

    انا هبقى معاكوا بروحى طبعا

    ردحذف
  59. الأباصيرىفبراير 20, 2007 9:46 ص

    كان نفسى أجى معااااااكم
    بس انا فى الكويت

    لما أنزل مصر ياريت يكون فى لقاء.. بجد عايز أتعرف عليكم

    فكرة حلوة بجد

    ردحذف
  60. mariamفبراير 20, 2007 3:14 م

    دى فكره حلوه قوى يا ياسمين
    انا هحاول آجى
    و اصوت لقهوة البورصه

    ردحذف
  61. أسوورفبراير 20, 2007 4:41 م

    الأباصيرى

    أهلا بيك وكنا نتمنى تبقى معانا

    ردحذف
  62. أسوورفبراير 20, 2007 4:42 م

    مانو

    خلاص هنستناك
    تابع المعاد والمكان على البلوج

    ردحذف
  63. غير معرففبراير 20, 2007 6:57 م

    أنا بتوه من التعليقات كل واحد يحط مكان ومعاد ...ممكن لو أنت تحطى المعاد و المكان فى بوست واضح عشان الغلابة البيتوه زى ؟ هموت و أجاى المعاد الشهرى و لو مره .....

    أخر حاجة فهمتها أنه قهوة البورصة بس أمتى و الساعة كام ...؟؟؟؟

    ردحذف
  64. ody911فبراير 20, 2007 7:03 م

    أنا كنت معدية قلت أخد الجمعية

    وعادى بقة
    أودى

    ردحذف
  65. ody911فبراير 20, 2007 7:09 م

    ياترى أنا معزووووووووم
    ؟؟؟

    لو آه

    يبقى نقوا مكان رخيص وإبن ناس



    أعملوا حساب الناس العاطلة

    ولو مش مدعوا

    عاى برضوا
    أودى

    ردحذف
  66. أسوورفبراير 20, 2007 7:17 م

    نوران

    فعلا أنا هاعمل بنصيحتك وهاحط المعاد والمكان فى بوست لوحده

    وأكيد هتنورينا مش نور واحد لأ دة انت نوران

    ردحذف
  67. أسوورفبراير 20, 2007 7:18 م

    أودى

    انت تشرفنا والله
    دى مش مضمونة
    :))))

    ردحذف
  68. غير معرففبراير 20, 2007 8:55 م

    وياترى المعلقين مش المدونين مدعوين ولا لا؟

    ايه حكاية الشيشه دى
    زعلتينى أوى
    يابنتى خافى على صحتك

    ردحذف
  69. أسوورفبراير 20, 2007 9:18 م

    حسن محمود

    اهلا بيك معانا اشكرك لإهتمامك بصحتى

    ردحذف
  70. عبداللهفبراير 20, 2007 10:50 م

    ممكن اسأل سؤال رخم
    :)
    ليه
    :))

    تحيايت

    ردحذف
  71. غير معرففبراير 21, 2007 12:09 ص

    ياسمين خليها البورصة
    المهم انيت اخبارك ايه وحشاني يا بنتي

    ردحذف
  72. أسوورفبراير 21, 2007 12:37 ص

    عبد الله

    هو ايه اللى ليه؟؟ظ

    ردحذف
  73. أسوورفبراير 21, 2007 12:38 ص

    أخيرا سمراء الجميلة

    ايه يا بنتى .. انتى فينك

    نمشيها بورصة عشان خاطر عيونك ياقمر

    ردحذف
  74. كلبوزة لكن سمباتيكفبراير 21, 2007 12:57 ص

    نجيب قفل الدكان لية؟

    ردحذف
  75. غير معرففبراير 21, 2007 4:30 م

    كان نفسى اجى
    بس بقول لما الواحد بيشوف الواحد على الحقيقة كل اللى فى خياله بيتهد
    على ايه بقى
    وبعدين كله رايح بمدونه وانا أروح حاف من غير مدونه!!!
    وحشه برضه

    المهم كنت عايزكم تناقشوا مين احسن مدونة وتقيموا احسن مدونة ازاى

    وياست ياسمين مش بسأل على صحتك عالشان تقوليلى شكرا
    انتى حره بقى
    اللى بيدخن === بيأذى نفسه
    سلام

    ردحذف