أعزائى أصدقاء التدوين
بالنسبة لمكان وزمان اللقاء قام البعض بتقديم إقتراحات تتلخص فيما يلى
قهوة البورصة - وسط البلد
سافارى كلب - ميدان لبنان
نادى القوات البحرية - بجوار شيراتون الجزيرة
قصر الشوق - المقطم
أما الزمان المقترح للقاء هو
غدا الخميس - الجمعة - السبت
رجاء التصويت على المكان والزمان
دي الاقتراحات كترت قوي وانا مسحول مع المشروع...بس كويس اني جيت الاول
ردحذفانا رايي السبت في سافاري كلب...انا معرفوش بس المهندسين مناسبة قوي...الساعة طبعا العادي 6 -7 كده
انا على الخميس هفضى وتكونوا قررتم ان شاء الله
اشوفكم غلى خير
مش عارف حاسس انكم على ما هتقررو هايكون الواحد ساب مصر..
ردحذفورحل مع طيور السنونو الغريبة وكدة...
بما ان احنا فى عهد الديكتاتورية
ردحذففمن الممكن ان تصدرى فرمان بالمكان واليوم وتريحينا هوا احنا بنجهز الشهر ده ولا اللى جاى
frozen love
ردحذفالغزالى
مصر هى امى
اللقاء هيكون الخميس بكرة
أو الجمعة بعد بكرة
فى احد الأماكن المطروحة
فى البوست
وعلى المشاركين اختيار يوم واحد ومكان واحد من الخيارات المطروحة
البورصة
ردحذفالجمعة
الساعة 7
تحياتي
yareet akon mawgood m3akom yom el sabt fe ay makan'
ردحذفya reet felmohndessn
nefsey ashofkom ya shbab
khasatn
samraa we yasmeen :)
دندن
ردحذفوالله أهلا ومرحبا بالجميع
لكن اشمعنى يعنى البنات
هو انت فاكره رانديفو ولا ايه
دة صالون ثقافى للمدونين أساسا
لو مستعد لدة .. تشرف
الجمعة مناسب
ردحذفالمكان ؟؟
امممممممم
وسط البلد تقريبا اسهل مكان لكن باقي الاماكن برده جميلة ماعادا المقطم لأنه بيتهيألي هيكون صعب على اللي مش معاه عربيه بس برده لو الناس استقرت عليه هيكون أكيد جميل
وانا برجح رأي مصر هي أمي
أحمدسلامة
ردحذفأنا عملت التصويت دة طبقا لدستور المدونين الديمقراطيين
:)))
البورصة يوم الجمعة
ردحذفانا جاية اشجع
ردحذفواعرف نتيجة التصويت
ربنا يعينك ياياسمين
وسط البلد انسب حاجة خصوصا لمن يقطن خارج القاهرة
ردحذفياسمين
ردحذفانا رديت علي طلبك بالمشاركه في حل المشكله
و اسف جدا للتاخير
الرد في بوست المشكله
قهوة البورصة - وسط البلد
ردحذفغدا الخميس
..... ya rab nela7a2
الخميس الى هوا النهاردة؟؟
ردحذففين طيب والساعة كام؟
الطريقة دى مش هتوصلنا لأى شئ أبداً وانت عارفه الرأى بتاعى وطريقتى فى المواضيع
ردحذفالأمر يستلزم قرار ثم تعلنيه من حضر حضر ون لم يحضر معلش المره الجايه يحضر، اما الأقتراع والأراء فلن نصل به لأى شئ
أنت متعلمتيش من المره اللى فاتت
يبقى الجمعة وسط البلد يا ريســــة
ردحذفقهوة البورصة
تحياااااااتي
هيا سمرا راااحت فيييييين ؟؟؟
ياسمين
ردحذفانا من راى محمد عبد الغفار
حددى المكان والزمان وريحينا
ولو عايزة رايى
الجمعة واختارى انتى المكان ومفيش حاجة اسمها المكان ده بعيد على حد احنا مش عايشيين فى صحرا
و الله انا بحييكي انك واخده على عاتقك الموضوع ده
ردحذفاتمنى توصلوا لاتفاق
و تحياتي لكم جميعا
كان المفروض من الاول ان يكون التصويت علي مكانين و توقيتين
ردحذفعلي سبيل المثال
البورصه او سافاري
الساعه 6 او 7 وبعدها بقترة يتم ايقاف التصويت و احتساب الاصوات و الخروج بالنتيجهوفيها المكان و التوقيت
لكن انا شايف ان ده ارتجال والمطلوب نقطه نظام و احنا يوم الخميس اهو ومحدش حدد اي مكان و الساعه تقريبا 1 ظهرا وفي ناس من خارج القاهرةوانا منهم علشان يحضر يلزمه يخرج من بيتهم قبل قبلها ب3 ساعات علي الاقل علشان يحضر في ميعاد اللقاء
وعموما اتفقوا علي مكان و ميعاد و واي حد يبلغني عن طريق المدونه بتاعتي
او في ايميل المدونه و قبلها بمده كافيه
الدبور