السبت، 28 أبريل 2007

علمنى حبيبى

علمنى كيف تكون القبلات
علمنى يا حبى الأول
فأنا معشوقة أقلامك
وأنا تلميذة أحلامك
علمنى كيف تكون البسمة سعادة
علمنى كيف يكون الحب عبادة
حدثنى استاذى الأعظم
حدثنى عن الحب لأعلم
أخبر طالبة العشق بمحرابك
أتكون القبلة وليدة نظرات
ام تولد لما نتعانق
أخبرنى بكل الأسرار
حدثنى عن لغة الأعين
الحب نعيم أم نار
أحديد ام أنفس معدن
علمنى وجرب وتفنن
فأنا تلميذة فى العشقٍِِ
فنانٌ أنت .. ومتمكن
في

هناك 164 تعليقًا:

  1. واحد من الناس::طارق::أبريل 28, 2007 4:56 ص

    ايه يا ست الكل دة ... ايه الجمال والرقة والحب دى كله
    جميللللللللة اوى الكلمات دى ... اد ايه رقيقة
    عارفة ... واللله لسة حالا كنت بفكر انى ابعتلك ايميل اطمن فى عليكى ماقعطش تفكيرى دة غير البوست الجميل دة
    يا رب دايما الخب والسعادة تملى قلبك كدة على طول

    ردحذف
  2. أسوورأبريل 28, 2007 5:05 ص

    طارق
    انت أول واحد يعلق هنا
    ودى حاجة بسطتنى قوى قوى
    مبسوطة انك عجبك الكلام
    وعارفة انك حاسه وفاهمه
    ويارب انت كمان تكون سعيد
    انت تستحق كل حب بجد
    وكل سعادة

    ردحذف
  3. Unknownأبريل 28, 2007 5:10 ص

    يا ياسمين

    ساعات الأمر ما بيكونش محتاج لا عناق ولا حتى نظرات
    فيه قبلات بتتنقل كده ( طبعاً مش هاعرف أكتبلك طرقعة الصوابع اللي بنعملها للقطط ) بس إنتي فاهماني طبعاً

    إيه ده ؟
    فين الشكر الخاص ؟
    ده أنا الراعي الرسمي للبوست ده يا جدعان

    قال على رأيي المثل اللي أنا مش فاكراه أساساً
    الحاجات اللي إيه بتعمل إيه
    فيه مثل كده ؟
    مفيش ... صح ؟
    طيب
    عادي ... الساعة 4 الصبح

    اللي فات ده هزار
    اللي جاي برضو هزار
    لأ لأ جد

    ربنا يسعدك ويرضى عنك
    آمين

    ردحذف
  4. أسوورأبريل 28, 2007 5:16 ص

    أميرة حبيبتى
    طبعا انتى صاحبة فضل كبير
    انا قريت البوست دة لثلاثة بس
    اتنين منهم
    سهر الليالى واميرة

    أميرة الجميلة
    انتى سمعتى منى القصيدة قبل ما تنزل على البوست
    وكمان ساعدتينى فى اختيار الصورة
    بدل الصور الجريئة اللى كنت مختاراها
    الصورة اللى انتى بعتيهالى كانت كافية ومعبرة جدا
    اشكرك
    مش بس على الصورة
    انتى عارفة على ايه كمان
    على انك ورتينى صورة تانية ماكنتش شايفاها
    صورة اهم من أى صورة
    بجد اشكرك

    ردحذف
  5. Unknownأبريل 28, 2007 5:25 ص

    يالهووووووووووووووي

    أنا إتفضحت

    أنا كُنت طالبة شكر خاص مش عام
    كان ممكن تحطي لينك مدونتي على فانلة اللعيبة وخلاص
    سيحتيلي زي رجال أمن الإستاد
    ماشي يا ياسمين

    ثواني ألملم الجلاجل والشخاليل علشان ماحدش يدوس عليهم

    يعني أنا لمّا أتقتل دلوقتي
    تفتكري هتبقى قضاء وقدر ؟
    ولا بفعل فاعل ؟

    ردحذف
  6. أسوورأبريل 28, 2007 5:31 ص

    أميرة
    هموت من الضحك والله

    شفتى بقى آخرة انك تصاحبى واحدة لسانها مفلوت زيى

    انتى سكر بجد
    :))))))))

    ردحذف
  7. Unknownأبريل 28, 2007 5:38 ص

    O.K

    حلوة سكر دي

    ومفهومة
    مش كده ؟

    وحطي تحت (مفهومة ) دي خطوط الطول والعرض اللي على الكرة الأرضية كلها
    وكواكب المجموعة الشمسية كمان
    لو كان فيها

    إحم
    ده لو سمحتي طبعاً

    ردحذف
  8. أبو ضحىأبريل 28, 2007 8:12 ص

    تلميذة ايه بس يا استذه ده احنا اللى تلاميذك
    (:
    أتكون القبلة وليدة نظرات
    ام تولد لما نتعانق
    --------
    فعلا القبلة هل هى بنت النظرات أم العناق؟
    --------
    أخبرنى بكل الأسرار
    حدثنى عن لغة الأعين
    الحب نعيم أم نار
    أحديد ام أنفس معدن
    علمنى وجرب وتفنن
    فأنا تلميذة فى العشقٍِِ
    فنانٌ أنت .. ومتمكن
    --------
    الجزء ده رائع يا ياسمين
    -----

    و كالعادة البساطة فى الابداع ،و القدرة على التعبير عن أرق المشاعر بأسلوب السهل الممتنع

    -----

    p.s.
    لن أنس أبدا وقوفك بجانبى فى أوقاتى الصعبة

    تحياتى

    ردحذف
  9. bastokka طهقانةأبريل 28, 2007 8:21 ص

    متلبسة بحالة حب

    اطلعي بالفيش و التفتيش
    مين بقى ؟
    هة؟


    اوروفوار

    ردحذف
  10. محمد عبد الغفارأبريل 28, 2007 8:31 ص

    القبله لها الف اب وام

    وكل واحد ونيته وتربيته

    ردحذف
  11. R.Rأبريل 28, 2007 9:00 ص

    ايه الرقه والبساطه دى
    انا محستش انه خلص

    جميل هذا المقطع
    فأنا معشوقة أقلامك
    وأنا تلميذة أحلامك

    وهذا ايضا
    علمنى وجرب وتفنن
    فأنا تلميذة فى العشقٍِِ
    فنانٌ أنت .. ومتمكن

    انتى انسانه بسيطه ياسمينا
    تحياتى لكى

    ردحذف
  12. مصر هى أمىأبريل 28, 2007 10:07 ص

    ياسمين

    يااااه والله من اجمل البوستات اللى قريتها اليومين دول
    حاسس بحاجة كويسة ها هنقول مبروك قريب

    اخبارك ايه والله واحشانا اجتماعاتك جدا

    ردحذف
  13. غير معرفأبريل 28, 2007 11:00 ص

    جامد قوي يا ياسو الشعر ده انتي اللي كتباه
    لو انتي فااسمحيالي اقول انتي اكتشفت فيكي ميزه جديده
    علي فكره
    ياريت تبقي تقليلي هتكوني موجوده امتي علي الميل لاني عايز اتكالم معاكي بجد

    ردحذف
  14. غير معرفأبريل 28, 2007 11:23 ص

    انا مش فاهمك قبل بوستين كنتي بتقولي ان مفيش حب وفي بس جنس بين الرجل والست ودلوقت جاية تتكلمي بالحب
    ممكن افهم التناقض

    ردحذف
  15. كلبوزة لكن سمباتيكأبريل 28, 2007 12:56 م

    يا سيدي على الصبر

    فنان و متمكن
    ده مين ؟


    نقول مبروك؟

    ردحذف
  16. عبداللهأبريل 28, 2007 1:37 م

    هوا فيه ايه بقي مش فاهم حاجه
    :)

    اتعودنا دايما في بوستاتك انها شخصيه و بتعبر عن نفسك و مشاعرك ده بقي مش فاهمه في السياق
    :))))))
    الحب نعيم ام نار
    ده بقي بيتوقف علي معني الحب وفي وقته ولا لا
    :))

    تحياتي

    ردحذف
  17. أسوورأبريل 28, 2007 2:40 م

    ابو ضحى
    مبسوووووووووووطة قوى
    بجد بافرح قوى لما اشوف اسمك عندى
    بحس انك زرتنى فى بيتى بجد
    نورت المدونة يا ابو ضحى يا صديقى العزيز البعيد القريب
    يا اهلا يا أهلا بالناس الحلوة

    بجد عجبتك القصيدة؟
    دى شهادة اعتز بيها جدا جدا
    انت عارف رايك بيهمنى قد ايه
    تحياتى

    ردحذف
  18. Tamer Nabil Moussaأبريل 28, 2007 3:02 م

    كلام جميل اوى ياسمين

    كتبتى فابدعتى

    تحياتى

    ردحذف
  19. أسوورأبريل 28, 2007 3:04 م

    طهقانة
    اصل هو
    يعنى هو
    ايه الإحراج دة
    كسفتينى وانا وش كسوف بقى

    نورتى المدونة يا سكر

    ردحذف
  20. YHYيــوســف الـمصـرىأبريل 28, 2007 3:17 م

    جميلة اوى يا ياسمين
    ويا رب اشوفك قريب على المسنجر
    تحياتى

    ردحذف
  21. سهر الليالىأبريل 28, 2007 3:24 م

    ياسمين مع انى قريت القصيده قبل كده وعجبتنى وقولتلك انها حلوه لكن لما نشرتيها بقى ليها طعم احلى واحلى
    الله الله الله ياياسمين لما البال يروق ونطلع الكلام الجميل اللى مالى قلوبنا
    يارب تبقى سعيده ومبسوطه كده طول العمر وسيبك من الهم والغم ده اللى بييجى على دماغى انا كمان :)))))
    تحياتى يا قمر

    ردحذف
  22. أسوورأبريل 28, 2007 3:31 م

    محمد عبد الغفار
    بصراحة ردك مش فاهماه
    ايه تقصد بنيته وتربيته دى
    عموما نورت طبعا

    ردحذف
  23. أسوورأبريل 28, 2007 3:33 م

    r.r
    انتى اللى بسيطة بجد
    احرجتينى بردك البسيط السهل الممتنع
    تحياتى يا سكر
    ومبسوطة انك بتيجى عندى

    ردحذف
  24. أسوورأبريل 28, 2007 3:40 م

    مصر هى امى
    يا عم قول مبروك
    بجد عاوزة اسمعها من كل الناس

    :))))

    فاهمنى يا محمد كالمعتاد

    ردحذف
  25. أسوورأبريل 28, 2007 3:47 م

    خواطر شاب غاضب
    اشكرك يا سيدى العزيز
    ونورتنى

    زرتك على فكرة ولسة راجعة حالا

    ردحذف
  26. أسوورأبريل 28, 2007 3:52 م

    Anonymous
    انا قلت ان الحب هو رغبة فى الاصل ولا يكتمل بدونه
    وانا واضحة جدا فى رايى ولم أغيره ابدا
    والدليل انى ربطت الحب بالرغبة فى القصيدة
    الحب .. قبلة يا سيدى

    تحياتى بس ليه مش قايل اسمك يعنى؟
    هو سر؟

    ردحذف
  27. أسوورأبريل 28, 2007 3:54 م

    سمباتيك
    قولى مبروك ولا يهمك
    هم بيحبوا على فكرة يحسوا انهم فنانين ومتمكنين
    كلهم كدة
    :)))
    نورتينى ياسكر

    ردحذف
  28. أسوورأبريل 28, 2007 3:57 م

    عبد الله
    دة البوست دة صادق والله قوى
    وبيعبر عن نفسى قوى قوى
    ما انت عارف
    نورت يا عبد الله

    ردحذف
  29. أسوورأبريل 28, 2007 4:01 م

    تامر نبيل
    نورت وقرات ورديت
    فابهرت
    تحياتى

    ردحذف
  30. أسوورأبريل 28, 2007 4:05 م

    YHY
    كتر خيرك دة انت اللى جميل
    تحياتى ونتقايل قريب على الماسنجر

    ردحذف
  31. أسوورأبريل 28, 2007 4:08 م

    سهر الليالى
    حبيبتى وصديقة عمرى
    آه والله انتى شايلة همى على طول
    فى الفرح والحزن والضحك والهم
    على طول مع بعض
    بس والنبى مش ساعات بابقى دمى خفيف كدة فجاة واقعد اضحكك وأعوضك عن كل النكد اللى نكدته عليكى
    :))))))
    نورتى يا سكر

    ردحذف
  32. harmlessأبريل 28, 2007 4:46 م

    الى كل امرأه احبتنى
    الى كل غاده ابتسمتلى
    الى كل كروانه اشجتنى
    الى كل عاشقه همستلى
    الى كل حبيبه حضنتنى
    اهديها احلى قصيدة
    قصيدة ياسمينتى
    ---------

    معلش يا ياسمين القافيه حكمت
    وبعدين ولايهمك ماهو اصلا مافيش ولا واحده من دول
    بس الخيال حلو

    ردحذف
  33. reriأبريل 28, 2007 5:28 م

    أقول مبروك بقلب جامد... ولا مجرد كلام حلو في حلم جميل.. يا رب يكون علم مش حلم

    سلامااااااااااات

    ردحذف
  34. سندبادأبريل 28, 2007 5:32 م

    ابداع يا عزيزتي نقلتيني من حالة نفسية الي حالة نفسية في لحظة امتلاك للكلمات وسهولة في التعبير وقوة في المشاعر
    انتي قلتيلي قبل كده اني شاعر ممتاز ياريت تغيري رايك انا تلميذ تحياتي

    ردحذف
  35. كراكيب عادلأبريل 28, 2007 5:36 م

    استاذة تدعي التلمذة وحبيبها فنان متمكن طيب فرحونا بئي لو ممكن

    يعني نجيب الشربات ونعزم الناس ولا نخليها علي الضيق

    احلي بوكية ورد

    ردحذف
  36. غير معرفأبريل 28, 2007 5:44 م

    كما تحتاج المراة الحب والحنان من الرجل فأعتقد الرجل يحتاج أضعافه من المراه .أعتقد أن ما يجعل المراه ملاكا يهيم بها الرجل أن تكون عطوفه وحنونه.قسوة الحياة وضجيجها يجعل الرجل يحتاج ابتسامه عذبه من زوجته, يحتاج عطفها وحنانها, يحتاج الي من تعينه وتقف الي جانبه, يحتاج الي حب وأمان في عينها . هذا ما يحتاجه الرجل من المراة

    ردحذف
  37. gohaynaأبريل 28, 2007 6:19 م

    تصدقي انا كل يوم بكتشف فيكي حاجه جديده

    قرتك علي الحب جميله اوي

    واحساسك مرهف جدا في التعبير

    وفي نفس الوقت بشوف فيكي انسنه صلبه لما بنتناقش في باقي المواضيع

    ميزه انك تجمعي بين الطرفين

    بين رقه المشاعر عند اللزوم

    وبين الحزم والقوه برضه عند اللزوم

    تسلم ايدك بجد

    تحياتي

    ردحذف
  38. LOJAINأبريل 28, 2007 7:27 م

    وحشتينى مووووووووووووت موت موت موت
    :)))
    اغنيلك
    بحبك اه بحبك و دايب فيييكى
    وبحلف من اليلة دى هعيش انا لييييكى
    بس ايه الروقان ده يا عم هو ايييييه؟؟
    هه ايييييييييه؟؟
    ;)
    على العموم مبروك على البوست روعة و رقيق و حساس كالعادة ومبروك تانيه بس عشان......؟؟؟
    ;)
    سلام يا قمر و عايزة اكلمك قريب

    ردحذف
  39. أبو ضحىأبريل 28, 2007 7:45 م

    ميرسى للكلام اللاقيق اللى أنا متأكد انه من القلب

    عارفه أنا كتير بدخل على مدونتك قبل ما ادخل على مدونتى
    -------------

    ايه اخبار الكرون؟ أسوأ زيارة لدكتور بعملها بتكون لدكتور الاسنان
    (:

    سلام

    ردحذف
  40. Ahmed taherأبريل 28, 2007 8:11 م

    جميلة الكلمات بجد .... واحببتها هذه المره لانها كانت عذبة وبعيده عن اشياء اخرى ... احييكي هذه المرة بكل قوة
    تحياتي دائما .... وتذكري دايما الاختلاف مرحب به بين العاقلون

    ردحذف
  41. sherif gharibأبريل 28, 2007 8:37 م

    انا اول مره اعلق هنا
    و جميل انى الاقى كل المشاعر ديه
    جميل قوى ان الحبيب يكون هو المعلم و المحراب و
    جميل انه يكون هو الشعاع اللى بيمدنا بكل نور
    نحيا نحن انجد من يلهمنا الحريه و و نجده فيكون معلمنا من كل شىء
    تحياتى

    ردحذف
  42. أسوورأبريل 28, 2007 10:37 م

    هارملس
    بقى ما فيش ولا واحدة برضه
    اطلع من دول يا خبيث تلاقيق مدوبهم ومعذبهم فى هواك
    حلو التعليق ودمه خفيف موووت

    ردحذف
  43. أسوورأبريل 28, 2007 10:38 م

    ريرى
    قولى بقلب جامد مووووووووووووت
    ولا يهمك وقوليها بصوت عالى قوى عشان الكل يسمع
    نورتينى يا سكر

    ردحذف
  44. سندبادأبريل 28, 2007 11:10 م

    ياسمين انتي مخصماني ولا ايه كنت منتظر تعليقك علي البوست اللي طلبتيه مني لعل المانع خير

    ردحذف
  45. محمد حمديأبريل 29, 2007 12:18 ص

    ياسمين بجد دة إبداع

    أنا ربنا إدانى كل حاجه وخد منى كتابه الشعر أو تذوقه

    إلا مع شعر جاهين طبعا

    والغريبه شعرك كمان بتذوقه جدا

    أما عن الموضوع .. فا أنا قلت قبل كدة البوسه مش شفايف على بعضها وصوت مكتوم

    عمرك شوفتى عنين بتبوس شفايف ؟ عنين بتبوس عنين ؟

    عمرك شوفتى قلب حاضن قلب ؟

    بجد إنتى مبهرة .. وكلام الدنيا كلو ميكفيش إحساسى بالفخر إنى عارف إنسانه زيك

    تحياتى

    ردحذف
  46. -_-أبريل 29, 2007 12:30 ص

    يتفكرني برسالة من تحت الماء لنزار قباني

    ردحذف
  47. محمد مصطفىأبريل 29, 2007 1:44 ص

    بالتعاون مع أتيليه القاهرة تعتزم ورقة قلم إقامة ندوة أدبية أسبوعية كل أربعاء على أن يكون الأسبوع الأول من كل شهر ندوة بعنوان "ديوتو" لعرض أديبين و الثاني بعنوان "تجربة" لعرض تجربة أدبية و الثالث "قراءة و كتابة" لمناقشة عمل أدبي تحت الطبع و الرابع "مد وجذر" لمناقشة قضية أدبية كل أسبوع و من المقرر افتتاح سلسة النودات الأربعاء القادم 2 مايو حيث تقام ندوة "دويتو" للأديبين محمد صلاح العزب و وليد خيري و ذلك في تمام السابعة في قاعة الندوات بأتيليه القاهرة

    ردحذف
  48. ابن مرّأبريل 29, 2007 1:51 ص

    فيها كده حاجة من روح صلاح عبد الصبور في الحلاج وكده
    همممم الشعر معدي جدااا

    أنا حعمل حاجة كده مع نفسي

    وبعدين اجي أعلق بذمة

    بس تعرفي

    روحها حلوة بجد

    استنيني تاني

    ردحذف
  49. yamenأبريل 29, 2007 2:45 ص

    تعرفي..

    انا حسيت ان فيه خبرة عميقة قوي ورا الكلام ده..

    عادة الكلام عن الحب بيبقي مجرد جدا..

    وده مابيكونش حقيقي دايما

    انما ترجمة الحب في صورته المادية هو ده الكلام الحقيقي

    تحياتي بشدة

    ردحذف
  50. أحمد سلامــةأبريل 29, 2007 2:51 ص

    يا سيدي يا سيدي
    خلاص بقى عدينا يا ياسمين
    كده بقينا نكتب شعر لما نحب نكتب شعر
    اتمنى تكوني كاتباها قريب مش من مخزون الذكريات
    هنبقى إطمنا عليكي كتير
    ----------------------
    حدثنى عـن لغـة الأعين
    أحديد أم أنفس معدن
    علمـنى ، جرب وتفنن
    ----------------------
    ايه الجمال ده يا ياسمين ؟؟؟!!!

    ردحذف
  51. مجهولأبريل 29, 2007 4:18 ص

    ياسمين
    الرقيقه
    بجد رقيقه دي مش كفايه
    ايه الكلام ده
    شاعره كمان يا ستي الله يسهللك يا سيدي
    هههههههههههه
    بجد بعتذرلك اني معلقتش عن الموضوع اللي فات لاني كنت علي سفر
    بس بجد اجمل هديه اني الاقي الكلام الجميل ده في مدونتك
    علمنى وجرب وتفنن
    فأنا تلميذة فى العشقٍِِ
    فنانٌ أنت .. ومتمكن
    اجمل ما قرأت
    تحياتي

    ردحذف
  52. Ezzأبريل 29, 2007 10:18 ص

    welcome to the club my dear!! Ezz

    ردحذف
  53. محض روحأبريل 29, 2007 11:03 ص

    ديما بحس انك بتكتبي شعر رومانسي
    باسلوب حالم لا يخلو من الواقعيه
    مش عارفه ازاى بتقدري تعملي التوليفه
    ديه
    بجد رقيق موت
    ربنا يوفقك
    :)
    تحياتي ياجميل

    ردحذف
  54. admelmasryأبريل 29, 2007 11:49 ص

    ياعيني ياعيني علي الجمال
    .
    .
    الشعر بصراحه جميل .. وعجبني جدا
    سلاسة وطلاقه في الكلام مش سهله ومش عند اي حد
    .
    .
    اما صورك والفاظك حلوة وجميلة
    وفيها تجديد
    .
    .
    تحياتي ليك والسلام

    ردحذف
  55. Shreif fahmyأبريل 29, 2007 12:53 م

    أعتقد وأزعم أن هذه الابيات الرقيقة العذبة التي تشبه عين ميا بتجري وسط جبال صلبة أنها بداية لملمة الجروح والمعنى في بطن الشاعر

    ردحذف
  56. hesteruaأبريل 29, 2007 1:35 م

    جميلة قوى قوى
    ايه يا عم اللمحات النزارية دى

    جميل بجد
    ويا بخته بقه

    ردحذف
  57. أسوورأبريل 29, 2007 2:18 م

    سندباد
    انا رحت مدونتك وسبتلك تعليق وبعد ما أخلص هنا هاروح على رواقة واقرا البوست بتمعن
    تحياتى

    ردحذف
  58. أسوورأبريل 29, 2007 2:19 م

    كراكيب عادل
    هات الشربات يا عادل
    وشكرا على الورد
    :))
    تحياتى للتعليق خفيف الدم

    ردحذف
  59. أسوورأبريل 29, 2007 2:24 م

    مصرى
    شكرا للتعليق بس انا ملاحظة انك دايما تردد ما يحتاجه الرجل من المرأة وكأن الرجل هو فقط له طلبات ورغبات بينما لا تذكر ابدا ما تحتاج المرأة من الرجل
    أعرف من خبرتى ان الرجل الذى يردد دائما احتياجاته هو رجل يفكر فى اتجاه نفسه فقط
    المفروض نقول احنا هنتعامل مع بعض ازاى وعاوزين ايه عشان نكمل حياتنا سوا وايه اللى مفروض نشترك فيه عشان يبقى فى حاجة مشتركة بيننا
    دة اللى مفروض يقوله الإتنين مش بس الست ولا بس الراجل
    وعلى فكرة ردا على تعليقك عند أحمد حمدى انا عندى احصائية حقيقية
    من افواه النساء رأسا
    بتقول ان فى ظلم كبييييير واقع على المرأة
    جنسيا .. أولا
    اجتماعيا.. ثانيا
    عاطفيا .. ثالثا
    عشان دايما الرجالة بيتكلموا ويقولوا هم محتاجين ايه وعاوزين ايه عشان يبقوا مبسوطين
    لكن مش بيفكروا فى ايه اللى يبسط الست دى ويخليها تحقق لنا اللى احنا بندور عليه
    تحياتى

    ردحذف
  60. أسوورأبريل 29, 2007 2:26 م

    جهينة
    دمعت عيناى من فرط الخجل
    اطراءك أخجل تواضعى يا جميلة الجميلات

    شكرا بجد وخاصة انك انتى قلب المدونات النابض بالحب
    تحية خاصة

    ردحذف
  61. أسوورأبريل 29, 2007 2:27 م

    لجين
    الله يبارك فيكى يا قمر
    عقبالك يا جميلة يا سكرة

    لما اشوفك بقى اقولك
    تجياتى

    ردحذف
  62. أسوورأبريل 29, 2007 3:46 م

    ابو ضحى
    اذا تحدثنا عن الكلام الرقيق نذكر فورا ابو ضحى بلسانه الحلو

    انا برضه اللى كلامى رقيق أمال انت تبقى ايه بس؟

    انا على وشك تركيب الكراون
    وعلى فكرة كنت زمان بخاف من دكتور السنان بس انا معايا دلوقتى زى الفل
    تحب أديك العنوان؟
    :))
    تحياتى وعودة حميد يا سيدى
    تعليقك منور مدونتى

    ردحذف
  63. أسوورأبريل 29, 2007 4:01 م

    أحمد طاهر
    مبسوطة ان الكلمات عجبتك
    وبعدين اختلاف الراى لا يفسد للود قضية يا سيدى بلا شك
    تحياتى

    ردحذف
  64. أسوورأبريل 29, 2007 4:03 م

    شريف غريب
    انت نورت المدونة
    واشكرك على رايك فى القصيدة
    يا رب بس ما تكونش دى آخر زيارة
    جاية ازورك حالا
    تحياتى

    ردحذف
  65. أسوورأبريل 29, 2007 4:05 م

    محمد حمدى
    فخر ايه بس وكلام جامد
    دة انت فخر الشباب يا معلم
    انا واثقة ان على ايدك هتتعلم أجيال جاحات كتيرة
    كفاية تقديرا لسيادتكم انك فعلا .. مختلف
    تحياتى

    ردحذف
  66. أسوورأبريل 29, 2007 4:06 م

    شارم
    صديقة لى قالت نفس التعليق عندما قرأتها عليها
    تحياتى

    ردحذف
  67. أسوورأبريل 29, 2007 4:07 م

    مادو
    جميل قوى
    فين اصلا عنوان أتيليه القاهرة دة
    وبعدين فين التعليق الخاص بالبوست
    :))

    ردحذف
  68. أسوورأبريل 29, 2007 4:08 م

    ابن مر
    صلاح عبد الصبور مرة واحدة
    انا كدة هاتغر بجد
    اعمل يا سيدى اللى تعمله
    مستنياك
    تحياتى

    ردحذف
  69. أسوورأبريل 29, 2007 4:09 م

    يامن
    انت فهمت على فكرة
    انت الوحيد اللى فهمت فكرة البوست والقصيدة
    تصفيق حاد
    تحياتى

    ردحذف
  70. أسوورأبريل 29, 2007 4:11 م

    أحمد سلامة
    نورتنى يا دكتور
    رايك يهمنى جدا
    طب هى الحالة محتاجة علاج ولا كدة هنخف لوحدنا
    عاوزين تكتب لنا روشتة مضمونة لعلاج المشاعر الملتهبة
    :))
    تحية

    ردحذف
  71. أسوورأبريل 29, 2007 4:13 م

    مجهول
    حمد الله على السلامة يا باشا
    نورتنى ونورت مصر
    بجد عجبتك القصيدة؟؟
    :)
    تحياتى

    ردحذف
  72. أسوورأبريل 29, 2007 4:14 م

    عــــز
    طب بس احب أعرف أعضاء النادى عددهم كام عشان مش بحب النوادى الزحمة
    :)
    نورت المدونة

    ردحذف
  73. أسوورأبريل 29, 2007 4:16 م

    محض الروح
    والله انا معجبة بتعليقك جدا
    توليفة بين الرومانسية والواقعية

    تعرفى .. انا اصلا اصلا شخصيتى هى قمة الرومانسية تقف على أرض الواقع بثبات

    دى انا فعلا
    ازاى عرفتى؟

    ردحذف
  74. أسوورأبريل 29, 2007 4:19 م

    آدم المصرى
    نورتنى يا آدم
    وانت عارف انا بأعتز برأيك قد ايه
    تحياتى

    ردحذف
  75. أسوورأبريل 29, 2007 4:19 م

    شريف
    أحييك على قراءتك ما بين السطور
    دعواتك بقى
    تحياتى

    ردحذف
  76. أسوورأبريل 29, 2007 4:21 م

    hesterua
    نزار مرة واحدة
    دة يا بختى انا بمدون مجامل زيك
    :)
    تحياتى

    ردحذف
  77. michealأبريل 29, 2007 5:34 م

    ايه ده كله يا ياسمين
    بجد بجد كتاباتك في الحب و الرومانسيه تدرس و صدقيني مش ببالغ بس بجد بتبسط جدا لما ألاقيكي منزله بوست فيه خواطر جميله
    تحياتي لكي
    صحيح هو أخبار اللقاء الشهري ايه؟
    :)

    ردحذف
  78. مـحـمـد مـفـيـدأبريل 29, 2007 6:29 م

    الله الله
    علي الرومانسيه

    ردحذف
  79. مـحـمـد مـفـيـدأبريل 29, 2007 6:29 م

    الله الله
    علي الرومانسيه

    ردحذف
  80. أسوورأبريل 29, 2007 7:26 م

    مايكل
    ايه الكلام الجميل دة يا مايكل
    والله رفعت من روحى المعنوية

    القاء الشهرى فى ناس بتقول اجلى لحد الإمتحانات ما تخلص

    انت ايه رايك؟

    ردحذف
  81. أسوورأبريل 29, 2007 7:27 م

    محمد مفيد
    الله الله على زيارتك لية
    نورت المدونة
    تحياتى

    ردحذف
  82. خيرالدينأبريل 29, 2007 8:26 م

    أول زياره ليا وبصراحه يظهر فاتنى حاجات كتير جميله
    أنا عاوز اقول رايي فى البوست بعيدا عن الحاجت بتاعة معبر وربنا يوفقك وانت جميله والحاجات دى
    القصيد قد يراها البعض شبيهة لما كتبه نزار قبانى وغناه كاظم الساهر..علمنى حبك..لكن انا بصراحه شايف ان الفكره جديده جدا وعجبتنى الكلمات جدا والتعبيرات معظمها جديد وينقل الفكره بوضوح
    أكثر ما أعجبنى
    حدثنى استاذى الأعظم حدثنى عن الحب لأعلم

    ردحذف
  83. الوردة السوداءأبريل 29, 2007 8:30 م

    حلوة

    ردحذف
  84. michealأبريل 29, 2007 9:33 م

    بخصوص اللقاء فأنا شايف أن ممكن يكون فيه لقاء قبل الامتحانات علي الاقل عشان الناس متنساش بعضيها
    :)
    تحياتي لكي

    ردحذف
  85. أسوورأبريل 29, 2007 11:41 م

    احنا
    شرفت المدونة بزيارتك ويا رب ما تكونش دى آخر مرة
    فعلا فى ناس قالت دة اسلوب نذار وناس قالت صلاح عبد الصبور
    وناس حددت قصيدة نذار التى غناها عبد الحليم رسالة من تحت الماء
    لكن حقيقة انا لم يخطر ببالى ايا مما سبق وانا أكتبها بل خرجت من بين ضلوعى الكلمات تنساب بمنتهى الخفة ولم أواجه أى مشاكل فى انسيابية القصيدة أوموسيقاها
    القصيدة دى كانت بالنسبة لى دوما أفضل ما كتبت على وجه الإطلاق واحب قصائدى الى قلبى
    شكرا لك لأنك تبينت ما لم يلاحظه غيرك
    تحياتى

    ردحذف
  86. أسوورأبريل 29, 2007 11:42 م

    الوردة السودة
    دة انتى اللى حلوة بجد
    تحياتى

    ردحذف
  87. أسوورأبريل 29, 2007 11:42 م

    مايكل
    انا ما عنديش مانع خالص على فكرة
    الفكرة كويسة فعلا

    ردحذف
  88. محض روحأبريل 30, 2007 1:02 ص

    عرفت ازاي
    ديه اسرار
    :)
    تعرفي فيه
    ناس كتير بيقيضو رومانسيتهم
    باأرض الواقع
    علشان يعرفو يتعاملو
    مع الي حوليهم
    والنتيجه انهم
    بيخسرو حجات كتير حلوه كانت فيهم
    يمكن بيعملو كده
    علشان الوصل لمرحله زي ديه مش سهل

    فعلشان كده حسيت فيكي بالاختلاف

    تحياتي ياجميل

    ردحذف
  89. أسوورأبريل 30, 2007 10:04 ص

    محض الروح
    أولا اشكرك على المتابعة
    ألاحظ دائما انك لا تأتى فقط لتقرأى وتعلقى ثم تنصرفى
    لا
    انت دائما ما تعودين لتراقبى وتقراين ردى عليكى
    وربما يحظى البوست باكثر من تعليق من محض الروح الرقيقة
    تحياتى يا محض الروح

    ردحذف
  90. نورهان مفيدأبريل 30, 2007 10:53 ص

    فأنا تلميذة في العشق
    فنان انت ومتمكن

    أيه الجمال ده
    وأيه الاحساس ده
    من القلب للقلب بيوصل الاحساس لما بيكون صادق

    تحياتي
    يمكن تكون اول مرة ادخل هنا بس اكيد مش الاخيرة

    ردحذف
  91. أسوورأبريل 30, 2007 11:00 ص

    نورهان مفيد
    أجمل ما جاء فى تعليقك
    وعدك بالزيارة مرة أخرى
    نورتينى بجد وأهلا بيكى فى عالم التدوين
    تحياتى

    ردحذف
  92. عبسميعأبريل 30, 2007 12:32 م

    عجبتني بجد يا ياسمين
    حلوة اوي وحاسس فيها كم مشاعر كبير
    بيعجبني دومًا في كتاباتك كم المشاعر اللي بلاقيه فيها

    المشكلة اني مبعرفش انقد الشعر خالص
    فبكتفي بالرد باللي باعرف اقوله
    تحياتي
    محمد

    ردحذف
  93. أسوورأبريل 30, 2007 1:17 م

    الديكيلون
    كفاية عندى انك جيت
    وانك قريت
    وانك علقت
    زيارتك فى حد ذاتها هدف دائم لى
    تحياتى

    ردحذف
  94. Unknownأبريل 30, 2007 1:27 م

    تسمحيلي أجيب في سيرتك ؟؟؟

    في الحقيقة
    أنا جبت في سيرتك خلاص

    ردحذف
  95. Shreif fahmyأبريل 30, 2007 3:27 م

    على فكرة منتظر تعقيبك على بوست جديد

    http://sfahmy78.blogspot.com/2007/04/9.html

    ردحذف
  96. الأرمـوطــيأبريل 30, 2007 3:35 م

    جميلة قوى يا يسمين طيب منتى كمان بتكتبى عن الحب اهوه امال ليه مكنتيش مصدقانى لما كتبت عنه عموماً انا مبسوط ان مودك كويس ويارب دايماًكده ايه اخبار القاء الشهرى دى هيبقى سنوى كده مش شهرى بس بجد كل بوست بتكتبيه احلى من الى قبله تحياتى ليكى

    ردحذف
  97. Eric Mattأبريل 30, 2007 5:23 م


    اسف على التأخير يا ياسمين

    كنت مشغول شوية
    بجد والله فرحت بسؤالك عني

    ربنا يكرمك يا رب

    ليس أجمل ما كتبت أنت و لا أجمل ما قرأت أنا

    لكنه صادق

    وهذا يكفيني :))

    تحياتي لك من ماناساس البلد

    ردحذف
  98. أسوورأبريل 30, 2007 5:51 م

    شريف فهمى
    أخيرا بوست جديد
    رايحة اشوفه حالا

    ردحذف
  99. أسوورأبريل 30, 2007 5:52 م

    الأرموطى
    شفت بقى ساعات بأكتب فى الحب برضه
    اللقاء فى ناس عاوزين يأجلوه عشان فى امتحانات اليومين دول
    :)

    ردحذف
  100. أسوورأبريل 30, 2007 5:54 م

    The Groom
    ايوة كدة اظهر وبان عليك الأمان
    أصلى بصراحة بقلق موووت على الناس اللى فى ماناساس البلد دول
    اصلها بلد ما لهاش أمان
    مبسوطة بزيارتك وبلاش تغيب كدة تانى

    ردحذف
  101. محمد حمديأبريل 30, 2007 5:58 م

    مبروك كمان مرة يا ياسمين

    وميرسى اوى على اللينك .. انا من زمان بفكر اضيف قسم عندى لاحلى البوستات , بس مش هيبقى فيه منافسه عشان بوستاتك كلها هتتبقى هناك :)

    اما عن اللقاء بناشدكم بكل ما هو جميل بيننا يا جماعه تاجلوة 30 يوم بس .. ساعتها هقابلكم ولو حتى فى الدار البيضاء

    عشان الامتحانات

    تحياتى وحبى

    ردحذف
  102. أسوورأبريل 30, 2007 6:28 م

    محمد حمدى
    صديق التدوين العزيز
    ما هو انا برضه كدة كله محمد حمدى
    الناس كدة هتغير وتقول انى بأجاملك بس بجد بوستاتك تستحق الإهتمام
    لو اطول انشرها فى الأهرام كنت عملت كدة
    وبخصوص التأجيل
    انت تأمر بجد

    ردحذف
  103. Ezzأبريل 30, 2007 6:51 م

    سيدتي ياسمين:
    علمني حبيبي!! الله

    هذا المخطوط له رائحة الندى ووهج الياسمين....

    عز..

    ردحذف
  104. أسوورأبريل 30, 2007 6:56 م

    عـــز
    دة تانى تعليق ليك هنا
    اشكرك لإهتمامك
    تحياتى

    ردحذف
  105. Hannodaأبريل 30, 2007 10:21 م

    ياسمين

    حاحاول أزيح كل الستاير اللي مغلوشة على فهمي
    أصلي بجد مش فاهم
    بس حاقولك اني شايفة قلب عارف الحب و عارف منين يجيبه لو خلص من كل الدنيا

    ياااه

    حبي الأول؟؟؟

    لسة حاضناه.. لسة عارفة تمسكيه و تكلبشي عليه فقلبك

    للدرجة ده قلبك أقوى من الحياه

    ورغم اني مش فاهمة الحدث لكن فاهمة و حاسة قوي قلب صاحبة الحدث اللي مش لازم أفهمه مادام اللي حسيته جميل كده

    ردحذف
  106. Esmeraldaأبريل 30, 2007 11:58 م

    برضه نفس الكلام اللى باقوله انى ماليش فى الشعر و بينى و بينك مش بحبه اصلا
    اظاهر ده ارث من ايام المدرسه
    زى ما كان نفسي اتعلم اعزف على اله مزيكا و فى المدرسه كرهت الفكرة من اساسه
    بس لما قريت لناس هنا و خصوصا لو كلام سهل و مش مكلكع لقت انه بيعجبنى زى ده

    حاسه فيه حرارة جامده اوى مش شاعريه و خلاص

    حلو بجد يا ياسمين
    انت شاعرة اصلا؟؟؟

    ميرسسسيييع

    ردحذف
  107. MoHaMeD HoSSaMمايو 01, 2007 6:52 ص

    عجبنى البوست اوى

    كلمات حالمة ورائعة كتبت بشكل منسق وجميل

    شكرا ليكى

    ردحذف
  108. Masryمايو 01, 2007 1:14 م

    يا باشا يا باشا
    من زمان مقريش كلام حلو كدة . اسمحيلي ارفع القبعة
    ربنا يسعدك و يسعد كل الناس

    ردحذف
  109. غير معرفمايو 01, 2007 1:21 م

    اجمل احساس اتولد معانا هو الحب
    موجود جوان ومش محتاج لنظرات او لعناق عشان يفصح عن نفسه
    الحب مش محتاج ان حد يعلمهولنا عشان نعرفه
    لانه جزء من ذاتنا
    كلامك رقيق قوى ويدخل القلب
    حسستينى بجد انك تلميذه صغنونه فى سنه اولى حب
    تحياتى
    انا مررتلك تاج من عندى
    تعالى خديه

    ردحذف
  110. safa7_karmoozمايو 01, 2007 3:25 م

    يا سلام...علمنى حبيبى كيف يكون الحب

    حلو موووووووووووووووووووووت

    كل سطر بيكمل اللى بعده

    بجد تحفه يا ياسمين....

    البوست بتاعك ده شجعنى اكتر انى ااكتب بوست...بالليل ان شاء الله ..:)

    ردحذف
  111. أسوورمايو 01, 2007 3:47 م

    هنودة
    لحب دة حاجة كدة بتكلبش فى القلب غصب عنك ولا تقدرى تقاوميها ولا تقدرى تهربى منها ولا تقدرى تنسيها
    ولما بيروح برضه بيبقى غصب عنك ولا تقدرى تحتفظى ابدا بحب حد برضه غصب عنك
    ييجى ويروح من غير ترتيب
    يفاجئنا ويقتحمنا
    شكرا لتعليقك الحلو قوى قوى

    ردحذف
  112. أسوورمايو 01, 2007 3:49 م

    ازميرالدا
    احلى كلمة سمعتها
    انتى شاعرة اصلا
    تعرفى انا أول ما بدات أكتب فى حياتى بجد وانا عمرى 10 سنين كان شعر
    لية قصائد منذ نعومة أظافرى
    شكرا ليكى بجد

    ردحذف
  113. أسوورمايو 01, 2007 3:57 م

    محمد حسام
    أهلا يا محمد نورت المدونة
    فينك يا عم
    والله ليك وحشة
    مبسوطة ان عجبك البوست
    تحياتى

    ردحذف
  114. أسوورمايو 01, 2007 3:57 م

    آخر من الاخرين
    نورت يا باشا
    وبنا يسعد الجميع بجد
    تحياتى

    ردحذف
  115. أسوورمايو 01, 2007 3:59 م

    وينكى
    عجبتك القصيدة يا قمر
    كويس اصل انا بيهمنى رايك جدا
    بصراحة ناس كتير مررتلى تاجات بس انا مش بحبها ومش بعرف اكتب ايه وبحس انها مش بتهم الآخرين قوى
    تحياتى وشكرا انك افتكرتينى

    ردحذف
  116. أسوورمايو 01, 2007 4:00 م

    سفاح كرموز
    هاستنى بقى البوست بتاع بالليل
    تمام؟
    تحياتى

    ردحذف
  117. raspoutineمايو 01, 2007 6:27 م

    هو ده الشغل وهو ده الكلام يا صاحبة اجمل وارق قلب


    بس فين البوست بتاااااااااعى بقى

    ردحذف
  118. بسمه عبدالباسطمايو 01, 2007 6:31 م

    بجد كلامك رقيق وجميل جدا
    وكل مرة بزور مدونتك بتعلم منك حاجات كتير
    تحياتى لكى

    ردحذف
  119. أسوورمايو 01, 2007 8:46 م

    راسبوتين
    شكرا يا استاذى العزيز
    وقريبا انشاء الله

    ردحذف
  120. أسوورمايو 01, 2007 8:47 م

    بوس بوس
    الرقيقة
    شكرا يا سكر انا لسة جاية من عند شيماء الجيزى - صحفية مع ايقاف التنفيذ
    وشفت تعليقك
    بجد ميرسى قوى على رقتك وذوقك
    بس ايه رأيك فى شيماء بجد خسارة موضوع مع ايقاف التنفيذ دة

    ردحذف
  121. الملاح التائهمايو 01, 2007 10:00 م

    علمنى كيف تكون البسمة سعادة
    علمنى كيف يكون الحب عبادة
    ما أجمل تلك الرقة وذلك الرقي في اللفظ والمعني
    أرق تحياتي سيدتي

    ردحذف
  122. أسوورمايو 01, 2007 10:52 م

    الملاح التائه
    أعتقد ان دى أول مرة تعلق عندى
    أهلا وسهلا بيك .. نورت المدونة
    انا لسة جاية من عند شيماء وشفت تعليقك
    اشكرك

    ردحذف
  123. غير معرفمايو 01, 2007 10:56 م

    مش عارفة اقولك ايه
    بس بجد مفتقداكي اووووووووووووووووووووي
    حاسة ان في حاجة مش معايا

    انا اسفة
    انا عارفة اني مقصرة معاكي كتير
    بس بجد مشغولة جدا
    كلية علي امتحانات علي بيت
    علي حاجات كتير اوي

    بس بعد امتحاناتي هروق ليكي
    ومش هنسي اني معزومة عندك انتي عارفة انا بحب ايه؟؟
    عشان خاطري مش تزعلي مني

    والقصيدة في منتهي الروعه يا ماما

    علي فكرة مبروك الخبر اللي انا سمعته

    انا عارفة انك فرحانه وراضية
    ويارب تكمل سعادتك يارب

    انا كمان قريب هتقوليلي مبروك بس ادعيلي

    بحبك اوووووووووووووووي

    ردحذف
  124. أسوورمايو 01, 2007 11:06 م

    سمراء النيل
    والله كنت قربت ازعل
    بس عارفة انك بتعيشى حاجة جديدة ورنا يوفقك ويارب نسمع اخبار حلوة بجد
    انتى تستاهلى كل خير
    واحشااااااااااااانى

    ردحذف
  125. بسمه عبدالباسطمايو 01, 2007 11:17 م

    فعلا خسارة فى شيماء موضوع مع ايقاف التنفيذ ده

    ردحذف
  126. غير معرفمايو 02, 2007 12:28 ص

    لا أسرار هناك
    هذة الأشياء نولد بها

    ردحذف
  127. أسوورمايو 02, 2007 12:36 ص

    نبيذ
    صدقنى فى اسرار بس انت مش واخد بالك
    يعنى كل الستات بتعرف تطبخ بس فى سر الطبخة
    وفى سر المهنة
    وفى سر الصنعة
    وفى سر المرأة
    ولو امتلك الرجل مفاتيح المرأة وعرف أسرارها لعاش فى سعادة
    ولو كان بارعا تشعر معه بالتحليق فى عالم آخر غير العالم دة

    صدقنى فى اسرار ومفاتيح

    ردحذف
  128. حدوته مصريةمايو 02, 2007 2:44 ص

    فنانة انتى ومتمكنة
    بجد شعرك جميل

    وانا متابعك على طول يا ياسمين حتى لما يفوتنى بوست برجع اقراه

    تحياتى

    ردحذف
  129. غير معرفمايو 02, 2007 4:10 ص

    بجد حلوه قوى يا ياسمين تجنن والله عجبتنى جدا وربنا يوفقك

    ردحذف
  130. Carolمايو 02, 2007 4:32 ص

    النشرة الجوية البلوجارية

    موجة حب ساخنة أصاب بها أغلب المدونين
    و الرومانسيات في أغلب المناطق
    :)

    بوست حلو

    ردحذف
  131. ابن مرّمايو 02, 2007 4:41 ص

    أنا فشلت

    هييييه لازم الواحد يفرح بالفشل زي النجاح بالظبط

    أصلي وبدون زعل

    كنت حاسس ان البوست ككل يميل جدا للوزن "بالمناسبة انا مش بفهم قوي في الموضوع ده"

    فقلت نظبط طيب شوية حاجات بسيطة
    فحاولت وفشلت

    مش طلع حلو

    تعرفي هوا كده فيه شيء عجيب تحسي ان حد حقيقي صانعه مش متفبرك ولا متزوق

    لينا كلام عن الوزن ان شاء الله من واحد مبيفهمش في الوزن قوي أساسا بس انتي عارفة بقى حب البشر الأزلي للفزلكة"هي بالمناسبة بالزاي ولا الذال؟" ما علينا
    أنا مختلف معاكي فشوية في الفكرة
    أنا مش مع تبسيط العالم لأني بشوفه بعين تانية

    بحاوال أشوفه من جميع الزوايا وبرضه بتفوتني كادرات كتير


    الجنس الجسد الرغبة
    والروح الحب النفس
    والايما والشر والضلام
    و......الخ كل ده مع بعض كل لحظة بتصارع جوانا ويصنع الأحاسيس والأفعال اللي هي واحدة ويصنع كتلة النسيج البشري اللي بتصنع جوهر الحياة وتاريخها وصراعها واللي فوسطها -وسط كل اللي فات ده-

    بتتغلغل حكمة الله نور السماوات والأرض في خلق الكون واللي عشان الموضوع معقد كده بيبقى دايما خارج عن استعابنا فبنحاول نختزله عشان ندخله جوه ادراكتنا الصغيرة
    فبيطلع سخيف ومشوه وعبثي زي بالظبط طفل صغير بيحاول ينقل البحر كله بجردل في حفره عاملها على الشط بالجاروف


    أحيانا -وكعادة البشر أيضا في الكلام عن نفسهم كتير- أحياناباكتفي بنقل احساسي بس بكل الحاجات دي مش صناعة رأي
    لأن الرأي في الحاجات دي هوا محاولة خرقاء لحصر ما لا يحصر ووصف ما لا يوصف

    تحياتي لسعة صدرك على طوووووووووووول رغيييييييييييييييي

    -بعد مخلصت اتخضيت من اللي أنا كتبته الواحد لازم يبطل يسهر-

    ردحذف
  132. عمرو غريبمايو 02, 2007 5:46 ص

    مفيش لا اجمل ولا اروع من كدة

    ردحذف
  133. أسوورمايو 02, 2007 7:57 ص

    love_angels
    أهلا بيك وبكلامك اللطيف
    نورت

    ردحذف
  134. أسوورمايو 02, 2007 7:59 ص

    محمد ياسر
    التعليق على وزن القصيدة
    تمام
    واشكرك لمتابعة المدونة
    كان نفسى أكون معاكم فى حفلة وجيه بس الجايات أكتر من الرايحات

    ردحذف
  135. أسوورمايو 02, 2007 7:59 ص

    كارول

    الربيع بقى يا ماما
    تقولى ايه فينا
    الحب بقى عندنا مواسم
    نورتينى

    ردحذف
  136. أسوورمايو 02, 2007 8:08 ص

    ابن مر
    انا برضه اتخضيت على فكرة
    بس مش خضة وحشة يعنى .. لأ دة خضة فرحة
    فرحة .. مش فرخة
    فزلكة بالزاى مش بالذال
    انت كاتبها صح يعنى
    وبخصوص موضوع الوزن والقافية دة أنا دايما بأدخل مدونات والاقى فيها شعر .. وزنه مظبوط .. قافيته مظبوطة .. بس فى مشكلة .. كبييييييييييييييييرة
    ايه هى؟؟ المشكلة دى اسمها موسيقى الشعر
    فى ناس كتير مش فاهمة ان الشعر فى الأصل موسيقى .. لو موسيقى الشعر مش موجودة فى أى شعر يبقى مش شعر .. يبقى شوية كلام موزون وبس
    وصدقنى انا عمرى ما كتبت قصيدة وأنا مقررة انى أكتب قصيدة
    اللى بيحصل انى فجاة وبدون مقدمات تهاجمنى الكلمات بقافيتها و وزنها وموسيقاها وتنساب من بين شفتى أولا
    وأنا بقى وحظى .. ساعات يبقى فى جنبى ورقة وقلم وساعات ابقى قريبة من الكمبيوتر وساعات بقى ابقى سايقة العربية فأسجل على الموبايل كلماتى واما أرجع أكتبها
    أحيانا عند الكتابة أو اعادة القراءة اعيد صياغة بعض الأبيات أو أغير بعض الكلمات
    نورت المدونة
    ما بافرحش فى حد .. بس مبسوطة بقى المرة دى انك فشلت
    :)))

    ردحذف
  137. أسوورمايو 02, 2007 8:09 ص

    عمرو غريب
    كتر خيرك
    ابقى تعالى
    تحياتى

    ردحذف
  138. elkamhawiمايو 02, 2007 11:15 ص

    حلو قوى موضوع القبل ده
    وكلامك لذيذ

    قشطة جداً

    ردحذف
  139. dr_lazeezمايو 02, 2007 11:22 ص

    deah masha3er 7elwa 2awy we gamela gedan :)
    mokentesh 3aref 2enek sha3era kebera keda :)
    wenty hatzeleha ya amira 3ala el sora :)
    bas sora gamela

    ردحذف
  140. أسوورمايو 02, 2007 11:41 ص

    القمحاوى
    عجبك؟
    طب نفذ بقى عشان حبيبتك تحبك اكتر
    :)
    تحياتى

    ردحذف
  141. أسوورمايو 02, 2007 11:43 ص

    dr_lazeez
    بجد مبسوطة ان الكلام عجبك
    من ناحية ان انا شاعرة فأنا فعلا شاعرة
    بس شاعرة بإيه؟
    :)

    ردحذف
  142. كراكيب عادلمايو 02, 2007 5:17 م

    بنرد السلام سلام معطر اية اخر اخبار التلميذة الشطورة :)

    بقولك ابقي شوفي الصور دول عندي هنا

    http://adel29.blogspot.com

    ردحذف
  143. أسوورمايو 02, 2007 5:57 م

    رحت شفت الصور
    تحفة بجد يا عادل
    انت مصور بارع

    ردحذف
  144. حوريهمايو 02, 2007 7:33 م

    ياااسمين
    ايه الجمال ده ؟؟؟ .. تحفة حقيقى
    مبروووك
    ناديه

    ردحذف
  145. أسوورمايو 02, 2007 7:44 م

    نادية طه
    الله يبارك فيكى يا قمر
    :))

    ردحذف
  146. غير معرفمايو 02, 2007 10:54 م

    انت معزومه سعادتك على حفلتى البلوجريه جدا بكره الخميس الساعه 5 مساءا والسهره صباحى
    وهاتيجى من غير حجج كتير
    اوكى

    ردحذف
  147. غير معرفمايو 03, 2007 1:42 ص

    ياسمين عايز اتكالم معاكي
    انا مضايق قوي
    و زهقت من الناس اللي بتدخل المدونة وبس علشان تشتم
    انا مش عارف اعمل ايه و محتاج رايك ضروري

    ردحذف
  148. أسوورمايو 03, 2007 2:20 ص

    وينكى
    انا مش عارفة حاجة خالص عن موضوع الحفلة دى
    جاية عندك جالا عشان افهم

    ردحذف
  149. أسوورمايو 03, 2007 2:22 ص

    خواطر شاب غاضب
    انت اخترت طريقك فى التدوين وتخطيت الحدود الحمراء
    لازم ترجع كام خطوة عشان تقدم للناس معلومة مفيدة مش مجرد كلام فى الجنس
    تحياتى

    ردحذف
  150. دولليمايو 03, 2007 3:31 م

    كلام جميل و اكيد كتير منا حس بيه و فعلا الحبيب بيتعلم من حبيبه الحب والسعاده كيف تكون

    ردحذف
  151. ~ Bato0ot ~مايو 03, 2007 7:20 م

    gamila awy awy bgd

    ردحذف
  152. أسوورمايو 04, 2007 12:16 م

    دوللى
    واحشانى يا قمر
    وكلامك بجد عجبنى
    صحيح الحبيب بيتعلم من حبيبه
    تحياتى

    ردحذف
  153. أسوورمايو 04, 2007 12:18 م

    بطوط
    نورتى المدونة بجد
    تحياتى

    ردحذف
  154. Shikoمايو 04, 2007 8:58 م

    ابيات رقيقة اتمنى ان يديم عليك الله السعاده والحب والموهبه
    تحياتى

    ردحذف
  155. أسوورمايو 05, 2007 1:23 ص

    شيكو
    شكرا يا شيكو
    فينك ؟؟

    ردحذف
  156. غير معرفمايو 05, 2007 1:49 ص

    حلوة قوى
    رقة وحب وكلام جميل
    والكلمات كده تحسى انها مبسوطة
    بجد روعة

    ردحذف
  157. أسوورمايو 05, 2007 12:16 م

    هنا الجنة
    اهلا بيكى فى اول زيارة لمدونتى
    أشكرك بجد
    وهاروح ازورك حالا
    تحياتى

    ردحذف
  158. الفيلسوفمايو 06, 2007 3:32 م

    ايه يا عم الشعور ده ...بصراحة جديد و كنت فاكره انقرض ...بس رقيق و ده المهم..تحياتى

    ردحذف
  159. elkamhawiمايو 07, 2007 4:28 ص

    مفيش على فكرة

    ردحذف
  160. Amiraمايو 10, 2007 3:04 ص

    جميله جدا يا ياسمين
    تسلم ايدك

    ردحذف
  161. الدمعهمايو 14, 2007 2:04 م

    ايه الجمال دة والحب العذب دة وايه كمان الجرائه دي انتي يا بنتي محصلتيش الواحد نفسه والله يتكلم بس عايزة حبه جرائه شويه بس انتي عبرتي عن كل الي جوايا بجد بوست راااااااااااائع

    ردحذف
  162. Ehabمايو 27, 2007 8:56 ص

    جميله جدا جدا جدا جدا جدا جدا جدا
    انا مش عارف هل انتي اللي كتبتيها ولا من شاعر كبير لكن في الحالتين ده ميغيرش انها روعه وبعد اذنك انا هاتحفظ بيها عندي وهانشر جزء منها بس بإسمك طبعا
    سلااااااااااااااااااااااااااااام

    ردحذف
  163. غير معرفيونيو 04, 2007 5:33 ص

    ...mesh 3aref??!
    bass mesh ha2olek allah 3ala el romanc aw ad eh ente ra2e2a
    we 7asasa awe ....
    bas ha2olek enek 3eshte ayam fe 7ayatek kanet malyana be el romanceya&love ana mota2aked 3ashan ana 7ases beke aker 7aga
    bass ana 7asses en el kalam dah momken yetla3 men ta7to ba7r kalam tane we tane we mesh hayentehe mahma a3adte tektebe feh...
    i am ... sorry mesh hate3rafene

    ردحذف
  164. أسووريونيو 04, 2007 11:58 ص

    Anonymous
    أكيد حبيت طبعا وعشت قصة حب هو انا مش بشر برضه والبشر بيحصلهم الحاجات دى ولا ايه؟
    انا عارفة انى ساعات بأدى انطباع بالجفاء لكن كلنا لنا لحظات ضعف
    تحياتى

    ردحذف