أفتقد اللمسة الحانية .. افتقد الحضن الدافىء
صورة تتكرر فى ذهنى .. ذكرى ترسم على شفتى ابتسامة قبل ان تخنقنى
اتذكرنى وأنا ارتدى ابهى ثيابى وألون وجهى بالمساحيق واتبخطر فى دلال أمام المرآة
دلال الأنثى وهى تشعر بالحب .. دلال المرأة وهى تسعى للحب
أهرع فى خطوات واثقة الى الطريق .. ألقاه لأنظر فى عينيه
تمنحنى عيناه الشعور بالحب .. بالإهتمام .. الشعور بأنى امرأة مرغوب فيها
امرأة يسعى اليها رجل .. يخطتفها فى ضوء القمر .. تصعد معه الى عنان السماء
تذوب بين يديه .. تغرقها لمساته فى بحر من الحنان
أضحك معه .. أهمس له .. أحلم معه .. اشكو له .. ابكى بين ذراعيه
أغنى أغنية الحب الأخيرة
فى عينية أدفن كل آلامى
ذكريات كنت فيها ملكة متوجة على عرش الحب
لكن النهاية تأتى كالصدمة .. فيدمى القلب .. وتدمع العينان .. وتختنق الروح
وتتقوقع النفس داخل قوقعة الذكريات
لماذا لا يبقى لى دائما سوى الذكريات؟؟
سؤال افكر فيه ولا أجد الإجابة
كيف ليد حانية ان تلطم بعنف روح انسان أحب بعمق؟
كيف لحضن دافىء أن يحرق قلب احب بصدق؟
كيف لنظرات عيون العاشق الولهان ان تتحول لنظرات قاسى لا يرحم؟
الآن .. الوحدة والألم
الآن .. الان فقط .. استيقظ من الحلم .. فلقد كان دوما .. مجرد حلم
حلم لا يمكن تحقيقه ولا يمكن ان أعيشه فى الواقع مهما حاولت
صحيح صدق من قال أن
الحلم الرومانسى لا يمكن نجده الا فى اغنية حالمة او فى فيلم عاطفى
على الأقل عشتي الحلم فى فترة من حياتك لن تنسيها ابد الدهر
ردحذفالانسان يتغير بتغير الزمن و لا تنسى عزيزتى أنك أنت أيضا تغيرت
متفكريش تروحى عندى ..مش هتلاقى جديد
ياسمين...دى أول مرة أعلق عندك بس انا متابع كتباتك من زمان فبل سفرى للخارج
ردحذفتعالى ننظر للآخر بمنطق لآخر نلتمس له العذر ونلتمس له الأسباب
المشكلة أننا بنتوقع رد فعل ونفضل نحلم بيه وكمان لو الآخر لم يعطينا ما نحلم به نصاب بالألم ةالصدمة ولكن لنخفف سقف الأحلام والتوقعات ونلتمس الأسباب للآخر
المشكلة أنى اللى بيكلمك ده بيضع سقف توقعات من ناحية العلاقة الانسانية والحب مع الآخر لدرجة العذاب والألم ومش عارف يخرج بس تقولى أيه
قمة الألم لما يكون فعلك غير شعورك زى ما قولتى فى البوست السابق
بس زى ماقال أبوضحى فى التعليق على الأقل أنك حستيه وعشتية مرة على الأقل
السلام عليكم
ردحذفياسمين:
يمكن حاسه دلوقتى بفراغ .. يمكن تفتقدى ذلك الإحساس بالحنان والإهتمام .. يمكن الذكريات بتألمك
يمكن حاجات كتير ... بس أظن ده أهون من إن الطريق كان يمشى بيكم سوا وبعد فترة دوامة الحياة تغيركوا أكتر .. وكل واحد يتغير ناحية التانى
وبدل ما كان حب .. يصبح شبح
وبدل ما كان حلم .. يبقى كابوس
سيدتى .. أدعوا الله أن يوفقك إلى الرجل الذى يملء عليك حياتك ويكون ظلا لكى فى الدنيا .. ومعينا لكى على عمل الصالحات
السلام عليكم ورحمة الله وبركاته
غريبه هى الذكريات يا ياسمين
ردحذفأحلى وأسوأ حاجه فى الحياه !
أحلى حاجه لانها بتفكرنا بايام جميله عشناها
واوحش حاجه لان الذكريات دى ببساطه أنتهت وأصبحت ذكريات !
لكن فى النهايه يفضل فى أعمق أعماق القلب شعاع ضوء بسيط , بأن الذكريات دى هتحيا تانى من جديد ... ومش هتبقى مجرد ذكريات
وتحياتى لقلمك البارع .. أو لقلبك بمعنى أصح لأن قلبك هو الى بيكتب
بالظبط كدة في الافلام فقط
ردحذفومش في اي فيلم كمان
هجيلك تاني لاني قريت علي عجلة من امري
حياتنا بتمر بمراحل منها المراحل الكويسة ومنها السيئة ولازم نعيش كل المراحل لأن مفيش قدامنا غير كده
ردحذفتحياتى لكى
لا مش فى اغنية او افلام بس بدليل انك عشتى فترة من الحلم زى ما قالك ابو ضحى و ان كان دلوقتى الحلم راح و مش مستمر فاكيد انتى ليكى دور عشان ترجعيه
ردحذفتحياتى لكى
أبو ضحى
ردحذفان الذين لم يدخلوا الجنة ابدا ليسوا تعساء معذبين كالذين دخلوا الجنة ثم طردوا منها
تحياتى
عبقرينو
ردحذفكلامك حلو زى الحلم فى زمن مات فيه الحلم
نورت المدونة وأرجو ما تكونش آخر مرة
تحياتى
اسلام
ردحذفاحب اقولك بكل ثقة ان الحلم فعلا أصبح كابوس
تحياتى
محمد حمدى
ردحذفصديقى العزيز
شفت قلبى بيكتب حلو ازاى؟
تصدق انا لما قريت تعليقك رجعت قريت البوست وعجبنى الكلام الى قلبى كتبه فى لحظة انفعال
فعلا القلب له أحكام
تحياتى
كراكيب عادل
ردحذفعلى فكرة انت كل مرة تقول كدة ومش بتيجى تانى
هأستناك بقى
بوس بوس
ردحذفلكن فى قدامنا حاجة جميلة اسمها التدوين بتخلينا نخرج بيها اللى جوانا
تحياتى
محمد ياسر
ردحذفممكن حد يقولى ايه دورى وانا أعمله على طول؟
ممكن حد يقولى انا المفروض اقوم بايع عشان ارجع الحلم ويبقى حقيقة؟
شكرا يا عزيزى على الأمل اللى بتديهونى من غير ما تحس
عندما تقفل القلوب عن سماعك
ردحذفولا تجد لحياتك غاية
أكتفى بالمشاهدة
وأعيش فى عالم من الأحلام
عالم لا تحكمه القواعد ولا تتحرك فيه تبعا لاشارات المرور
فقط تترك نفسك لتيار الحلم يدفعك الى حيث يريد
أما عن الحب فالحلم فيه كالواقع
تصطدم فيه القلوب لتنتهى بحادث سعيد أو اصابات مزمنة
ايه الكلام الكبير ده ؟
هوه الواحد قلبه واجعه ولا ايه ؟
وحشتينى
voice of love
ردحذفآه والله كلام كبير قوى
انتى بتقولى كلام كبير وصعب فى نفس الوقت
السهل الممتنع يا صديقتى العزيزة
تحياتى
أنا مش هاتكلم كتير
ردحذفلكن هاقول كلمة واحدة
انتى مش ملاحظه ان كلمة الرومانسية دى بأت موضه أديمة؟
معلش بقوا عشر كلمات
تحياتى
ياسمين العزيزة عصرتى قلبى طمنينى؟
ردحذفالعزيزة ياسمين
ردحذفرغم انقطاعي عن عالم المدونات
لفترة تزيد عن شهر
و مدونتك اول مدونة ادخلها
واقدر اعلق فيها بعد الفترة دي
والسبب لانقطاعي والمي وعذابي
هو ما جاء فى موضوعك بالظبط
الان بعيش فترة الوحده والالم
!!راح الحلم
أحلي حاجة ف قصة حب هي الذكريات
ردحذفأنا بحب أفتكر الحاجات الحلوة ومش مهم النهايات
أصل لازم أكتر من قصة حب تنتهي عشان نقدر نحب الحب اللي هيستمر
لازم نستمتع باللي فات عشان هيساعدنا ف اللي جاي
تحياتي
الاحلام من الممكن ان يكون حقيقة
ردحذفو سراب الصحراء من الممكن ان يكون زرعا اخضر
و الشمس تأتى بعد الظلام
و لكن من منا يحول حلمه الى حقيقة
و من منا يستسلم الى اليأس و يفقد العزيمة
فتصبح الحقيقة سراب
و يصبح الحلم تخاريف الحقائق
صديقتى العزيزه ليس لك سوى احلام اليقظه
ردحذفليس لكى سوى مسكنات و مسكنات حتى تنقضى الحياه
ففى مجتمعنا هذا لا بديل عن المسكنات
اشعر بهذا البوست جيداً و اتمنى ان لا يكون فى يوم طريقى الوحيد هو المسكنات
تحياتى يا صديقتى
مشكلتلك الوحيده انك مازلتى انسانه
بس انا محتاج اعرف ايه السبب الى يخليه مش حقيقة يعنى
ردحذفحتى و ان لم يبق سوى الذكرى فجميل ان تكوني قد عشتي الذكرى
ردحذفياسمين
ردحذفالذكريات ..دائما ما اراها اسوأ شئ مريت بيه
يمكن لانها بتكون جميله جدا لدرجة انى ببكى عليها دايما
خلاص ..فقد الامل؟
خلاص انتهى كل شئ
كل الاحلام دى انتهت
ام كانت مجرد مشهد فى فيلم رومانسى
اعتقد ان هناك حكمة آخرى
اننا نعيش فى فيلم رومانسى ..نحن الرومانسيين
تحياتى حبيبتى
العزيزة ياسمين
ردحذفعارفه اوقات باحس ان احنا جيل اتضحك علينا بحكايه الزمانسيه دى
من واحنا صغيرين قصه سنديللا والاميره النائمه وكل دى قصص من نسج الخيال
وبعديها افلام كلها ناس بتتعذب فى الحب ايه ده ؟
واغانى واشعار
ونيجى للواقع ما فيش الكلام ده
للاسف احنا معظم احلامنا غير قابله للتحقيق لانها مغرقه فى الخيال
حتى الحلم لما بيتحقق بيفقد رونقه لانه بقا حقيقه وواقع
اجمل ما فى الاحلام انها ما زالت احلام
اما الذكريات فتمسكى بالذكريات الجميله واتركى ما دونها ولا تتقوقعى داخلها بل استمرى لتحصلى على ذكريات جديده 0
تحياتى لمشاعرك التى تعبر عن مشاعر اغلب الإناث التى بداخلنا
تحياتى يا قمر
اه يا سمسم
ردحذفوكأنك لمست موضع الجرح فى قلبى وضغطتى عليه بكل قوتك
ليه الحياه ظالمه ؟..ليه كل القسوه دى
أصعب احساس ممكن نقابله هو الحاجه الى حب صادق
بس الاصعب منه هو فقده بعد ما نلاقيه
ليه كل ما اجى عندك توجعينى كده
دانا حتى كنت جايه بخبر جامد جدا هايفرحك
انا نجحت وجبت تقدير محترم
وطالبه منك خدمه جامده جدا
عاوزه أعمل لقاء بلوجرى جامد احتفالا بالمناسبه ده
ممكن تساعدينى فى ترتيبات الموضوع؟؟
اسلام يوسف
ردحذفايوة عندك حق هى فعلا بقت موضة قديمة زى العربيات الحنطور بالظبط
:)))
تحياتى
حسنى سليمان
ردحذفسلامة قلبك الحنين يا صديقى العزيز يا فنان
انا كويسة والله بس المهم قلبك يكون بخير
تحياتى
الزعيمة
ردحذفقلبى معك يا ست الكل
والله لو أعرف انى هفكرك بالألم والوحدة ماكنتش كتبت البوست دة
خليكى قوية وخلى الألم والوحدة جواكى
تحياتى
The Alien
ردحذفدى حقيقة
بس تعمل ايه لو تحولت قصة الحب نفسها اللى هى مستمرة للأسف
تحياتى
الذكريات هي اللي بنعيش بيها
ردحذفأما الحلم فده اللي بنعيش ليه
إذا تبقي لك ذكريات فهي طاقتك لتكملي
وإذا كان لديك حلم فهو هدف تسعين إليه
ما بين الذكري الحلوه وتحقيق الحلم الرومانسي فترات من الإنكسار والشاطر اللي يفضل قادر يحلم الحلم ده من جديد
البوست ده واللي قبله فيهم شجن
حاولي تخرجي من المود الجميل ده
سلامي ليكي
بيجاسوس المصرى
ردحذفكالعادة يأتى تعليقك عميقا .. قويا .. محطما لكل القواعد
تحياتى .. وبشدة
whyme
ردحذفالمسكنات ضرورية فعلا
وأنا اصبحت أتعاطاها بلا انقطاع لدرجة الإدمان
مسكناتى من نوع خاص تسمى
التدويـــــــــن
التدوين هو أفضل المسكنات على وجه الإطلاق يا عزيزى ايلارى
ميراج
ردحذفالسبب دايما بيكون رحيل الحبيب
أو رحيل الحب
أو الملل من اعتياد الصحبة
السبب ان الراجل دايما بيدور على حب جديد وعلاقة جديدة لما يحب يكسر الملل
بينما تظل المرأة متعلقة بالحب القديم وتضع فيه كل آمالها وأحلامها لعلها تستطيع ان تسترجعه يوما ما
تحياتى
فريدة
ردحذفمتى تكون الذكريات مؤلمة؟
لما تتغير الأوضاع ويصبح من منحك الحب هو نفسه من يرفض وجودك وحبك ويبحث فى مكان آخر عنه
عندما تفقدين الأمل فى أن تعيشين الحلم مرة اخرى
وعندما تفقدين الأمل فى ان تجدى أنوثتك المفقودة لعدم شعورك بأنك مرغوبة
شيماء الجيزى
ردحذفالظاهر ان دة الحل الوحيد
ان نعشق الخيال
ونحب الحلم
ونتمنى السراب
ونرجو الستحيل
تحياتى
لومى الرقيقة
ردحذفيا لتعليقك المذهل
بجد مش عارفة اقولك ايه؟
لو بجد كل انثى مصرية تشعر بما اشعر لشعرت بألم أكبر
ولشعرت بضآلتى لعدم قدرتى على تغيير ما تشعرن به
كيف نغير ما يحدث لنا كإناث؟
كيف نقف ونقول لا كما فعلت لومى؟
علمينا يا لومى ولا تبخلى
وينكى
ردحذفبس كدة يا قمر
انتى تأمرى
انا بس هأخلص امتحانات يوم 22 يوليو
بعد كدة اللى تشوفيه
مستنية ردك
ريرى
ردحذفأكيد الشاطر هو اللى يقدر يحلم من جديد
بس الخوف من نهاية الحلم هو المشكلة
بقينا نخاف نحلم لخوفنا من النهاية زى كل نهايات أحلامنا الأليمة
تحياتى
مهو دة بيكون نص التعليق
ردحذفالنص التاني حين ميسرة بقي
طب تعرفي برضو
هجيلك تاني
اصل مواضيعك انتي محتاجة قعدة
:)
الواقعية هي الحل
ردحذفو ان كانت كل الخيارات تأتي بثمن باهظ و تضحيات، الواقعية و المنطقية هي الحل
فلندع الأحلام لمكانها الطبيعي و لنتعامل مع معطيات الواقع لايجاد حلول واقعية
تحياتي
و اعتذر على تعليقي الغير حالم
كنت لسه بقول لصديقة عزيزة من شوية
ردحذفالرومانسية خودعة سونمائية عشان الوسادة الخالية يفضل يتعرض و يجيب ارباح
عندما تمر بالانسان تجربه سعيده مع حبيب او صديق وتنتهي هذه التجربه ب فقد كليهما لاسباب لا يد له فيها وانما بسبب يد القدر ,في تلك الحاله لا يتبقي الا الذكريات ,انا شايف ان الذكريات دي هي عمر الانسان وحياته ,بهذه الذكريات يفتكر حبيبه ويضحك معه ويحكي معه بل ويتقابل معه كل هذا في خياله كل هذا مع علمه انه هذا الصديق أو الحبيب مستحيل أن يرجع اليه مره اخري ,ولكن هذه هي الذكريات انا شايف انها هي روح الانسان التي ان افتقدها فكأنه فقد روحه ,لا قيمة لانسان بدون ذكريات ,صديق الانسان او حبيبه هيفضل ظل له بهذه الذكريات, بطبيعة الحال كان كلامي كله عن الذكريات الجميله,أما ذكريات من سببوا لنا التعاسه اري انه نستفيد من هذه التجارب التي سببت لنا هذه الذكريات السيئه ,فكل تجربه سيئه مرت بنا وخلفت ذكري تعيسه يجب أن نستفيد من هذه التجربه واكتساب خبرات منها ,فشخصية الانسان بتتشكل من الملمات والمتاعب التي قدر له ان يواجهها في الدنيا ,اسف علي الاطاله
ردحذفكلام في منتهي الجمال بس أتمني أن يوجد في الواقع يا ياسمين و باذن الله حيتوجد
ردحذفتحياتي لكي
:)
ردحذفكلمات رائعة نقلتنى الى مكان اخر
فعلاً كلمات حالمة
ردحذفجديرة بأن تكون هي الاخرى حلماً
صعب المنال
تحياتي اختاة
وماله الحلم؟ خلينا نحلم..
ردحذفياسمين: دلالة أن الإنسان جميل من جوه هي إنه يفتكر الذكريات بحلوها .. و أنتي أفتكرتي الحلو.. سيبك من الوحش و افتكري الحاجات الحلوة علشان كمان تقدري تسامحي.. لو أنتي سامحتي .. جواكي هيكون مختلف... طبعا مش كل إنسان عنده القدرة دي.. يعني أنا ساعات ما بقدرش أسامح خالص... بس لما بسامح.. برتاح شوية..
و بعدين أيه الرومانسية دي ..لالالالالا ده كلام كبير.. و الكلام الكبير يطلع من القلوب الكبيرة... لكِ وحشة يا ياسمين... عز
22 يوليو؟؟
ردحذفدا لسه كتير قوى
انا كنت عاوزه حاجه خلال الاسبوع الجاى
يوم نخطفه فى نص الاسبوع
ينفع؟؟؟
مش عارفه ليه مع كل ده
ردحذفومع كل اللى بيحصل حواليا
وكل اللى بسمعه واللى بشوفه
مازال جوايا مقتنع ان الرومانسيه موجوده
هى بس مختفيه شويه
بس لسه مؤمنه انها موجوده وانى هلاقيها فى يوم
مهما طالت الايام ومهما مر العمر
جوايا بيقولى انها موجوده وبتدور عليا زى ما بدور عليها
الكلمات معبره اوى يا ياسمين
احييكى على البوست
محبتى
كل شيء في حياتنا له فائدة وله ضرر لا يوجد شر مطلق ولا يوجد خير مطلق - علي الأقل في الدنيا- وبناءا علي ذلك أعتقد أنك في البداية إستفدتي بشيء ما وفقدتي شيء ما والأن فقدتي شيء ما ولكنه هذه المرة ملك عليك مشاعرك وأحاسيسك فحزنتي ولكن يجب أن تبحثي عن الفائدة التي إستفدتيها قد تكون الخبرة الإرادة القوية أيا كانت فلقد إكتسبت شيء جديد و مفيد من هذه الخسارة الأخيرة ودورك أن تبحثي عنه
ردحذفاحساس صعب فعلا يا ياسمين ان يستقيظ الانسان من حلم الحنان والامان الى واقع القسوة والخوف احساس مهما استطاعت الكلمات وصفه تقف عاجزة عن وصفه بما يستحق عوضنا الله بالخير دائما
ردحذفعلى فكره انا عامله تجمع بلوجرى جامد جدا بمناسبة نجاحى وتخرجى على خير
ردحذفالتفاصيل على مدونتى الصغنونه..اللى من غير فذلكه
ياسمين العزيزه
ردحذفلم يكن يد حانيه لم يكن حضن دافئ لم يكن عاشق لم يكن... هذا ماكنتى تتمنى ان يكون وماحلمتى به لكنه كمعظم الاحلام لا يتحقق!ومش عارفه ايه السبب ولا انتى تعرفيه ومش عايزه تقوللى :))
كراكيب عادل
ردحذفانا بقول بلاش تتعب نفسك
تحياتى
Xee
ردحذفحتى رواية الوسادة الخالية التى تحولت لفيلم بتقول ان الواحد لازم ينسى الحب وان الحب وهم لو لم يتحول لزواج
وان المفروض نحافظ على بيتنا واسرتنا وحياتنا من أجل الأبناء الحلوين
طيب
الست تتحمل عشان البيت والأسرة والأبناء
ممكن تقولى الراجل بيحافظ على ايه؟؟؟؟
ايه اللى بيحافظ عليه لما يجرح زوجة متفانية؟
ايه اللى بيحافظ عليه لما تهتز صورته فى عيون ابناؤه؟
ايه اللى بيحافظ عليه وهو لا يحقق معادلة المودة والرحمة والسكن فى زواجه كما أمر الدين؟؟
تحياتى لواقعيتك .. لكن يبدو أن الواقعية مطلوبة من النساء فقط فى كل العصور
صحيح مجتمع يعيش بقلب امرأة ويفكر بعقل رجل
تحياتى
واهد
ردحذفكلامك ينفع بوست لوحده
تحياتى
مايكل
ردحذفكلنا نتمنى ان يكون فى واقعنا جزء من الرومانسية المفقودة فى عالم الماديات
تحياتى
أحمد حداد
ردحذفمكان آخر زى فين يعنى؟
:)
يمكن شرم الشيخ ولا حاجة
تحياتى
صاحب البوابة
ردحذففعلا لم يبقى لنا الا الحلم
متشبث به
لعلنا نستطيع المضى قدما فى تلك الحياة الجافة
تحياتى
عــــز
ردحذفالواحد ممكن يسامح لما يكون الخطأ حصل مرة وخلاص
لكن ازاى ممكن تقدر تسامح حد بيغلط فيك بقية عمرك
؟؟
وازاى تقدر تعيش الذكرى الحلوة وتستمتع بيها طول الوقت من غير ما تهاجمك احداث الواقع الأليم؟
تحياتى وشكرا لرقة المجاملة
وينكى
ردحذفمبروك يا قمر
ومش عارفة هقدر آجى ولا لأ
لكن بجد مبروك
تحياتى
ريمو
ردحذفاتمنى ان تجدى الرومانسية المنشودة
لكن خلى بالك
الرومانسية دى بتبقى فى بدايات العلاقات فقط
وبعد كدة بتتحول الى كابوس
او الى ملل ورتابةمن فرط الإعتياد
تحياتى
انا اختلف معاكى كثيرا
ردحذففدائما الرجل مايحتفظ قلبه بحبه القديم بينما تستطيع المرأة ان تكون علاقات اكثر تعددا طبعا على التوالى مش على التوازى
وده الغالب دايما
هاجي في يوم مش عارف امتي وتعليقاتي عندك اللي دايما بتقولي تنفع بوستات لوحدها واكتبها في مدونتي بس مش عارف امتي
ردحذفتحياتي ليكي
عزيزتى ياسمين
ردحذفوحشتينى كتير و نفسى اشوفك مش تيجوا تصيفوا فى اسكندرية السنة دى ؟
بوست جميل .. رغم الحزن بس احمدى ربنا ان احلامك حلوة غيرك بيشوف كوابيس
باى يا قمر
ناديه
nadiataha.maktoobblog.com
إزيك يا ياسمينا؟؟
ردحذفوحشتيني
إ،ت بالبوست ده جيتي و خبّطتي على باب قدييييم.. ليه بس؟؟
ولاعاوزة أعرف إ،ه موجود و لا عاوزة أفتحه و أبصض عليه و أشوف فيه إيه
وصفتي الإحساس بالحب الجميل اللي ففترة ما فالعمر بتولد جوانا بنفس الشكل و الطبيعية اللي وصفتيها
وبعدين تساءلتِ
صحيح صدق من قال أن
الحلم الرومانسى لا يمكن نجده الا فى اغنية حالمة او فى فيلم عاطفى
لا مش بس دول اللي نلاقي فيهم الحلم الرومانسي
لا ده في مكان تاني ممكن تلاقي فيهم الحلم الرومانسي بشكل أكبر و أعمق و أبهى
هو قلب إنسان بلا جروح.. بلا آثار تركها عبث الحياه و الناس
بس للأسف أصحاب هؤلاء القلوب لهم أعمار ضئيلة لا تستطيع الإعتناء بحلم فما بالك بالواقع
كلامك جميل و الواقع للأسف سيّئ
تحياتي ليك يا ياسمين
شباب روش طحن
ردحذفأنا فقدت وللأبد احساسى بأنوثتى وشعورى انى مرغوب فى كإمرأة وحبيبة
ودة بيحصل عادة بعد الجواز أو بعد الفراق
:)
تحياتى
truelove
ردحذفهو فعلا احساس صعب
ارجو ان ما حدش يحسه
ان تأمل فى اللاشىء
أن تتمنى الستحيل
الروانسية أصبحت مستحيلة
تحياتى
سهر الليالى
ردحذفلأ والله كان يد حانية
وكانت عيناه بلون الليل تمنحنى الراحة
وكانت أحضانه فى دفء الشمس تمنحنى الأمان
ورغم كل شىء
مازلت أشعر بالدفء
مازلت أتذكر كل لمسة وكل همسة وكل لفتة وكل ذكرى
ورغم كل شىء
لازلت أذكر.. فلقد كان كالنشوة ساعة الجنون
وماتنسيش اننا بننجرح كل يوم لكن بيفرحنا انه جوة القلب ساكن فى أفراحنا
عموما الحمد لله اننا سوا
ميراج
ردحذفانا معاك ان المرأة تستطيع ان تتعدد فى العلاقات على التوالى
لكن لا تنكر ان الرجل يتعدد فى العلاقات على التوازى بمنتهى القسوة
حتى لو كان دة ممكن يجرح حبه القديم اللى انت بتقول عليه
الرجل يفرق بين الحب وأى علاقة أخرى
بينما تعتبر المرأة أن الحب هو قائد كل العلاقات
ولكل قاعدة شواذ
تحياتى
واهد
ردحذفيا ريت
وأنا هأستنى عشان اعلق واقرى تعليقات غيرى على بوستاتك
شكرا للمتابعة بجد
حورية
ردحذف:)))))))))))))
ضحكتينى والله بموضوع الكوابيس دة
بس كل الأحلام كدة فى الأول ضوء القمرودفء الشمس ولمعة العين
وفى الآخر نار ودخان
وكوابيس مزعجة
هنودة
ردحذفمين دة اللى قلبه غض لهذه الدرجة ولم يمسسه جرح؟؟
اعتقد اننا جميعا .. كلنا .. كل البشر .. برضه مجروحين
بنسب مختلفة واسباب مختلفة
يعنى مثلا تلاقى واحدة مجروحة ان جوزها عايز يتجوز عليها
و هو مجروح عشان هى من انانيتها وحبها للتملك مش عايزاه يتجوز
:))))))))))
انتى فاكراها نكتة .. دة بجد .. دة بيحصل بجد
واحدة تقول كلمة بايخة لحبيبها .. يسيبها ويمشى
هى مجروحة عشان سابها ومشى حتى بعد ما اتاسفت وهو مجروح عشان برضه قدرت تقوله كلمة تزعله وعشان لازم تقعد تصالح فيه سنة
دة بجد برضه وبيحصل
الدنيا فيها كتير والجراح اتخلقت مع آدم وحوا
تحياتى لهنودة الجميلة
عارفه يمكن اول مره هقول الكلام دا
ردحذفويمكن يكون متناقض بشده مع الي بكتبه
في وقتانا دا الواحد مبقاش عارف يميز بين الي بيحبه والي بيحب يخدعه
الي بيحب يتلذذ برؤيته متعلق بيه وهو منتهي متعته انه يشعر انه امتلك مشاعر انسان اخر
مش مهم ازا كان بيبادله نفس المشاعر
المهم يشفي رغبه من جواه بالامتلاك والتعذيب
جوه كل حد فينا موجدود رغبه خفيه للانتقام من الطرف الاخر
يمكن عشان تجربه اتعرض ليها قبل كدا وبيطلع كل الي جواه مع انسان ملوش ذنب
كل غلتطه انه حب في يوم من الايام قلب ميستاهلش
او يمكن قصور من الطرف المظلزم بفهم طبيعه الطرف التاني ومعرفته علي حقيقته
زياده ثقه
وتصور صفات ملائكيه في بشر يا ياسمين
طبيعي اننا ننصدم ونرتطم بارض الواقع وبعنف كمان
صدقيني الاتنين غلطانين
الي حب والي بيعذب
والانتين مظلومين
قلبتي المواجع يا سمسم
المهم انتي روقي كدا
وحيات عنيكي الحلوه ما فيه حد يستاهل ابدا
تحياتي يا سمسم وطمنيني عليكي
لك الله
ردحذفلا استطيع ان اقول اكثر من ذلك
اي انسان نفسه يلاقي حد يفهمه. حد يحبه بجد ومن غير ما يقيده. حد يعترف به ككيان كامل ومرغوب فيه. لكن الموضوع مش بالبساطة دي
ردحذفانا هاقولك اللي قاله جابريل جارسيا ماركيز
ربما قصد الله أن تقابل بعض الأشخاص قبل أن تعثر على الشخص الصحيح لكي تشعر بالامتنان وقتها
للمزيد من اقول ماركيز
http://sam-youth.blogspot.com/2007/06/blog-post_14.html
جهينة
ردحذفالظاهر ان الرومانسية الوهمية التى نحلم بها جميعا قد نات منك يا عزيزتى جهينة
ويؤسفنى انك تكتبين لأول مرة وكأنك قد تلقيت صدمة الوهم العاطفى
يبدو أننا جميعا عشان الوهم لفترة
ويبدو اننا جميعا حلمنا
ويبدو اننا جميعا خدعنا
تحياتى لتعليق كالبوست
سندباد
ردحذفشكرا لك على سمو مشاعرك واحساسك بالآخرين
تحياتى
سمير
ردحذفيمكن يكون كلامك صح فى بعض الحالات
لكنه لا يمكن ان نطبقه على كل الحالات
عارف ليه؟؟
ينفع تقول كدة لما تكون فى بدايات حياتك
صعب تتحقق النبوءة لما تكون فى بداية النهاية
بمعنى .. ازاى وامتى هنلاقى الشخص المفقود دة واحنا بننتهى؟
تحياتى
جميل الحب بس نهايه لو الفراق
ردحذفصعبه اوى
ياريت تزورينى
4love
ردحذفرحت مدونتك
لكن ما عرفتش اسيب كومنت عشان الموقع عندك الظاهر فيه مشكلة
عموما هبقى آجى تانى أزورك
عجبنى الزجل اللى انت كاتبه ويارب تنول مرادك
تحياتى
موضوع جميل وذو احساس رائع
ردحذفتحياتي
ابن ناصر
ردحذفشرف لية يا فندم ان بوست عندى يعجبك
نورت المدونة
عمله ايه ليه كتير مجتش هنا
ردحذفوحشني كلامك
البوست ده كله شجن
كلها تسؤلات صعب نلقي ليها اجابه
الجفاء الغير متوقع بيقتل
كل شئ
وتعرفي كمان الرومانسيه الزياده بتقتل الحب
وبتحوله لعذاب وضغط يفوق الاحتمال
مش عارفه هتستغربي من كلامي
بس ده بيحصل
صعب نلقي شخص كامل الكمال لله وحده
على العموم هيه ديه الدنيا بتاخد منا حجات علشان تدينا غيرها
ربنا معاكي ياجميل
خلاص يا جماعة النواة تكونت و سنبدا ان شاء الله جريدتنا
ردحذفو على السادة:
ياسمين
منة
عمرو المصري
max.adams
اسراء
عاليا حليم
حدوتة
علا
المهاجر
التقدم بطلبات الترشح لرئاسة تحرير الجريدة
البيانات المطلوبة كالتالى:
1-هل ترغب فى الترشح
ليه
ما هى خبرتك او مؤهلاتك
تعليمك
مممم
ردحذفخدت الدش التاما وجيتلك لقيتك بتحلمى
كلنا بنحلم ...وبنصحى مة واحده ...بس بنصحى على اخر الحلم واخر وحش ساعات كتيير
بس بنحلم برضه ...بنعمل زى ما منير قال لو بطلنا نحلم نمووت ...بس فيه ناس مش بترضى تشوفنا بنضحك حتى لو فى حلم وهمى ...وبتيجى تقتل كل حاجه جميلة الحلم ده بيحققهالنا ...:(
تفتكرى ان الحلم ممكن يرجع واقع تانى ؟؟؟
معلش جاى اعمل دعاية عندك ...
ردحذفياسمين اابقى اسمعى بليييز
الحلقة اللى سجلتها مع عز...صاحب بيت العز فى برنامج مدونة عالهوا
http://www.horytna.net/Articles/Details.aspx?TID=2&ZID=55&AID=1027
السلام عليكم
ردحذفهناك من يفقد حتى الذكرى من هول ما تعرض له من مصاب
لكن أرجع واقول اذا صدقت النوايا يسر الله السبل
سفاح كرموز
ردحذففيه ناس مش بترضى تشوفنا بنضحك حتى لو فى حلم وهمى ...وبتيجى تقتل كل حاجه جميلة الحلم ده بيحققهالنا
كلام مظبوط قوى يا سفاح
نفس الناس اللى قتلوا أحلامنا هم الى بيقتلوا أى حلم جديد
الطائر الحزين
ردحذفمافهمتش ايه معنى اذا صدقت النوايا
طيب واذا كان الواحد داخل بقلب ونيته صافية لكن الطرف التانى مش كدة
تفتكر ايه النتيجة؟
هى هى برضه
اصعب حلم...ذلك الذي يبدأ دون أن نعرف له نهاية
ردحذفاصعب حلم... ذلك الذي يجيء في الزمن الخطأ
أصعب حلم...حلم مات بين يديك ولم تستطع أن تكفنه
أصعب حلم...عندما تكتشف أن من ظننته الأمل أصبح هو المستحيل
البوست بتاعك اكثر من رائه وملهم جدا
تحياتى
اقصد اقول البوست بتاعك اكثر من رائع
ردحذفمع خالص تحياتى
ياسمينا حبيبتي انا حسه بكي جدا عشان في يوم من الايام كنت زيك بظبط و الحمد لله انتهت هذه الايام و اصبح قلبي في احسن احواله عشان كده هاقولك خلاصه تجربتي الاي انت فيه ده طبيعي جدا عشان الموضوع شكله لسه جديد و كمان غصبان عنك بتفكري كتير فيه ايه بقي الحل هو الانشغال ثم الانشغال و طبعا اهم شيء اللجوء الي الله كلميه اشكيلوه هاتلاقي اقرب اليكي من حبل وريدك صدقني و اكيد اكيد هاينعم عليكي بحب العمر كله ان شاء الله الموضوع مسأله وقت مش اكتر من كده و كل شيء سيتحول فقط الي ذكري لا حلوه و لا مره مجرد ذكري
ردحذفربنا يهون عليكي و يزرقك بالاحسن
ان شاء الله تحياتي لمشاعرك الرقيقه
ياسمين العزيزة
ردحذفكون ان الواقعية مطلوبة من النساء في كل العصور، يأكد واقعية الرجل
:)
صدقيني يا ياسمين، الوحش الخرافي الظالم الملقب بالرجل في كلماتك من صنع امرأة
تحياتي
ممكن
ردحذفممكن بقى اشوف الكلام دة فى بوست عندك؟
تحياتى على تعبيرك الرائع
دنيا محيرانى
ردحذفانا مش عارفة اتمنى حاجة ولا احلم بحاجة
كل اللى بأكتبه عن واقع باعيشه ومش قادرة اغيره
الحياة هى هى
واللى بنبات فيه بنصبح فيه واحلامنا محددة فى نفس الأشخاص
والدنيا ما بتديش محتاج .. تقريبا
المدونة متنفسى الوحيد
هأروح ازورك يا سكر
Xee
ردحذفدة صحيح
انت عندك حق
جايز يكون كلامك كله صح
بس انا أعمل ايه يعنى دلوقتى؟
مخمخ لى كدة وقولى اعمل ايه يا زياد؟
:)
تحياتى
صحيح صدق من قال أن
ردحذفالحلم الرومانسى لا يمكن نجده الا فى اغنية حالمة او فى فيلم عاطفى
------------------------------------
بما انى راجع مصر قريب ...ومش بخش كتير وكدة وبقالى 4 مرات اجى اقرى ومش لاقى تعليق فلما ارجع ...هاعلق تعليق طويل جداا
ليه كل دة ؟
ردحذفومعرفتش رايك فى الاميرة ديانا؟
والسلام.........
كنت اسمع خلافات الاهلوية والزملكاوية على كره اوفسايد او على فاول مشكوك فيهما واتعجب
ردحذفكل طرف يقسم ويؤكد ومقتنع برأيه
كيف يكون نفس المنظر ويراه كل الاهلاوية بشكل ويراه كل الزملكاوية بشكل تانى؟!!!!!!!!
كنت فى الاول اعتقد ان احد الطرفين يكذب لهوى فى نفسه ولكنى بالتعمق وجدت الطرفين صادقان
فعلا كل طرف رأى بشكل مختلف نفس المنظر
عجيب؟
هل هوى النفس والانتماء للذات يصل بنا الى هذه الدرجه؟
ليس فقط نبرر ما نراه فى مصلحتنا ومتوافق مع هوانا
ولكن ايضا نرى ونسمع ونترجم مرائى حواسنا بما يتوافق مع هوانا؟
ماذا يتبقى لنا من حقائق حتى نثق فى حكمنا على الامور وعلى الناس وعلى المتعاملين معنا؟
فعلا
لا شئ مؤكد
حتى مع الصدق
لاء طبعا ياياسمين صعب تشوفى الكلام ده فى المدونه لسبب بسيط هو انه
ردحذفالكلام ده يعتبر الملهم بيه شريك فيه يعنى انتى لما كتبتلك الكلام ده البوست بتاعك هو الهمنى الكلام ده ... وبكده يبقى انتى شريكه فيه لانك صاحبه الموضوع الاصلى
لكن المدونه عندى مواضيعها من عندى وفكرتها من عندى لكن المكتوب عندك فى تعليقى كلامى بس يعتبر فكرتك
او تقدرى تقولى فكرتك باسلوب ممكن
انا عارف ان مواضيعى مش عجباكى الحقيقه مش عجبانى انا كمان... بس انا بحاول اطور من نفسى
تحياتى
انا كتبت بوست قمة الالم كما وعدتك وهكتب كمان عن الذكريات اللي هوم كان تعليق لي عندك
ردحذفندعوكم لزيارة العدد الثالث لمجلة نفسنا
ردحذفندعوكم لزيارة العدد الثالث لمجلة نفسنا
ردحذفالغزالى
ردحذفحمد الله على السلامة يا قمر
معلش والله كنت رايحة مشوار مهم ولما ركنت قابلت ناس مهمة
بس طبعا مش اهم منك
:)))))))))))
The Eagles
ردحذفانا بأموت فى الأميرة ديانا
بحبها جدا
وشايفة انها مثال لظلم الرجل للمرأة
ومثال للطريقة التى تنتقم بها المرأة من الرجل عادة ثم تنقلب عليها
ومثال لتعاسة الحب ورمز لعذاب الخيانة
ورغم ابتسامتها المشرقة واناقتها المفرطة وثرائها الفاحش
الا انها كانت اتعس النساء
استطيع بكل ثقة ان أؤكد لك هذا
هارملس
ردحذفقصدك تقول ان كل واحد له وجهة نظه فى تصرفاته مع الآخر مش كدة
وقصدك تقول ان كل واحد بيكون رد فعله مختلف
وكل واحد بيفهم التانى بطريقته
فهمتك
طيب انا بأعبر عن نفسى
ينفع يا قمر؟
ممكن
ردحذفانا رحت زرتك وقريت آخر بوست وهو فاية فى الجمال
تحياتى
واهد
ردحذفرايحة اشوفه حالا
ردحذفالمشكله فى مين يستحمل الصدمه
وكمان فى حاجه الذكرى اللى بتحمل الم ما بنقدرش ننساها زى الذكرى اللى كلها فرح ممكن ما نفتكرهاش فعلا
تحياتى لموضوعاك الحساس
كلامك عصف بيا يا ياسمن
ردحذفوصف حالة بجد انا عايشاها دلوقت
عبنى تدمع و خمس دقايق ابتسم
وفى الوقت اللى النتاس شايفاه انه عادى لا فى سبب لده ولا لده
الجوع بعد الشبع مؤلم جدا
الوحدة بعد الزحمة غريبة جدا
حالة الشلل النفسى واللى بيطغى مضمونة على الجسد نفسى اعرفلها حل
وحشتنيى قوى
ومعلش انا فى امتحانات
طمنينى عليكى
Regards:
Lojain :)
ياسمين
ردحذفانتي فين يا قمر
وحشاني والله
طمنيني عليكي يا جميله
ياسمين
ردحذفازيك
ايه اخبار الامتحانات؟
طمنينى
الله يكتب لنا الخير دائما
ردحذفوالنعيم الحقيقى لايكون
الا فى الجنة
تحياتى
يااااااه يا ياسمين
ردحذفالمرة دي جيتي عالوجع اوي
مش عارفة ارد اقولك اية
كفاية اني اقولك اني حسيت بكل كلمة
طيب وافرضي الذكريات حتى اتلوثت بمرارة التجربة
يبقى الحل اية؟
سندريللا
ردحذففعلا الذكرى الحلوة بننساها
ولا يبقى لنا سوى الألم
لجين
ردحذفانا كمان عندى امتحانات يا قمر
وادى اتلم المتعوس وخيب الرجا
معلش بقى الدنيا كدة وحشة وبتظلم البنات الحلوين اللى زيك
اكيد فى يوم الظلم هيمشى
تحياتى
ابو ضحى
ردحذفهأخلص بكرة
ادعيلى
محمد النجار
ردحذفحتى الجنة تميز الرجل عن المرأة
اشكرك
لمياء محمود
ردحذفوالله يا لمياء فرحت انك جيتى تزورينى
يا بنتى تقريبا دلوقتى بيوزعوا السعادة برضه ظلم على الرجالة والستات برضه لأ
اقول ايه بس
نورتينى يا سكر
صحيح ما ذكرته فاحيانا كثيره تكون اغنيه النهايه ليست كما تمنيناها تكون الاغنيه حزينه بكلمات موجعه عن الذكريات و الاحلام و ما تمنينا ان نعيشه فى عينا الحبيب الذى تظل الاجابات الغائبه ملكا له وحده ولكن فى النهايه نقول لانفسنا اننا على الاقل قد عيشنا تلك اللحظه قبل انقطاع الامل فى نحياها قبل الوداع
ردحذفتحياتى على شعورك الرائع بكلماتك المعبره
ابدعتي المره دي يا ياسمين
ردحذفحسيت الكلمات صادقه قوي
دائما يوجد الامل
لم تنتهي الحياه
ولا يستحق من تركك دموعك
ابحثي عن ذاتك ولا تسلمي نفسك للذكريات
ماشى يا ياسمين
ردحذفمفيش جديد ليه؟؟
ردحذفكفايه أحلام والنبي كده يا ياسمين
الواحد ملصم نفسه
:))))
سلامااااااااات يا جميل
ربنا يوفقك يا رب و نشوفك اشهر صحفية بتقول الصدق
ردحذفكلامك حلو اوى يا ياسمين اوى بصراحة فكرنى بأحلام اليقظة بتاعتى
ردحذفتحياتى يا عسلة