الجميلة سما كان أول يوم ليها فى المدرسة فى حياتها هو النهاردة
***
سما وأختها نورهما أحلى ضحكة وأحلى بسمة واحلى كلمة وأحلى رسمة فى حياتى
***
كانت فرحانة وقوى ومبسوطة بالمدرسة وحاسة انها كبرت زى اختها نور ولم تبك مثل بقية الصغار فى أول يوم للمدرسة
كانت فرحانة وقوى ومبسوطة بالمدرسة وحاسة انها كبرت زى اختها نور ولم تبك مثل بقية الصغار فى أول يوم للمدرسة
***
سما ثلاثة أعوام وثلاثة اشهر راحت كى جى وان .. وأختها نور أربعة أعوام وثمانية أشهرفى كى جى تو
***
صحيت الصبح أول واحدة
وجتلى وقالتلى : مامى هو أنا هأروح المدرسة النهاردة - مامى : ايوة يا سما
صرخت فى مرح وهى تقفز بين أحضانى .. مامى .. أنا كبرت يا مامى
***
وجتلى وقالتلى : مامى هو أنا هأروح المدرسة النهاردة - مامى : ايوة يا سما
صرخت فى مرح وهى تقفز بين أحضانى .. مامى .. أنا كبرت يا مامى
***
رجعت من المدرسة اول يوم وسألتها : الميس قالتلك ايه النهاردة يا سما
سما : مش عارفة
مامى : مش عارفة ازاى يا سما هى الميس اتكلمت معاكى ولا لأ؟
سما : أيوة اتكلمت كتير يا مامى - مامى : قالت لك ايه؟
سما : مش عارفة يا مامى .. هو أنا باعرف انجليس - تقصد انجليش يعنى
***
مامى : مين أصحابك فى الكلاس يا سما - - سما : يوسف وتيمور ومحمد عبد الجزار
مامى : قصدك محمد عبد الجبار - سما : لأ محمد عبد الجزار
مامى : يبقى أكيد اسمه محمد عبد الغفار
سما : يا مامى اسمه محمد عبد الجزار .. دة صاحبى انا وأنا اللى عارفة اسمه
***
أول تعليق عن سما كتبته المدرسة فى كراس التعليقات كان ترجمته كالآتى
الى الأبوين: واو .. كان لازم تشوفوا سما فى اول يوم وهى بتتعامل وتتآلف مع كل من فى الفصل
البنت فى منتهى الروعة
***
نور وسما هما نتاج حب عميق له تاريخ طويل .. أحيطهم ويحيطوننى .. بكل الحب
***
سما تتميز بخفة الدم والقفشات الذكية وحفظ كل شىء.. البنت جهاز تسجيل حى .. تحفظ كل الأغانى منذ كان عمرها سنة ونصف .. أسفنجة تمتص كل ما تسمعه أو تراه ويمكن ان تكون دليلك لكل الأفلام بأسماء الممثلين كمان
خيالها واسع جدا وتحكى قصص غير حقيقية بالمرة هى بطلتها طبعا
لمضة وغلباوية وترد الكلمة بمية وتستطيع بمهارة شديدة ان تخرج من اشد المواقف صعوبة بخفة دمها المعهودة
***
نور تتميز بالهدوء والرزانة رغم صغر سنها .. قليلة الكلام وتحب أن تجلس لساعات مع ألوانها وأوراقها ترسم وتلون .. أو تلعب بلاى ستيشن .. أو جيمز على الكمبيوتر
بنت فى منهتى الرقة وبتسمع الكلام ومؤدبة ورقيقة المشاعر للغاية .. حساسة جدا وتشعر بالآخرين وبيلفت نظرها أى حد محتاج مساعدة
بتحب باباها جدا وتعتبره مثلها الأعلى فى كل شىء
رغم كل ذلك تصر طوال الوقت على انها ولد .. وكمان اسمه حمادة .. لا ترتدى الا كل ما يفضله الصبيان من ملابس أو أحذية
ولا تشترى الا كل ما يخص سبيدرمان وبات مان وغيره من لعب الصبيان
***
نـــــــــــــــور وســـــــــــــــــما
فى يوم من الأيام هتشوفوا المدونة دى .. وهتشوفوا البوست دة
وهتعرفوا مامى بتحبكم قد إيه
***
بحبك يا نور .. بحبك يا سما
سما : مش عارفة
مامى : مش عارفة ازاى يا سما هى الميس اتكلمت معاكى ولا لأ؟
سما : أيوة اتكلمت كتير يا مامى - مامى : قالت لك ايه؟
سما : مش عارفة يا مامى .. هو أنا باعرف انجليس - تقصد انجليش يعنى
***
مامى : مين أصحابك فى الكلاس يا سما - - سما : يوسف وتيمور ومحمد عبد الجزار
مامى : قصدك محمد عبد الجبار - سما : لأ محمد عبد الجزار
مامى : يبقى أكيد اسمه محمد عبد الغفار
سما : يا مامى اسمه محمد عبد الجزار .. دة صاحبى انا وأنا اللى عارفة اسمه
***
أول تعليق عن سما كتبته المدرسة فى كراس التعليقات كان ترجمته كالآتى
الى الأبوين: واو .. كان لازم تشوفوا سما فى اول يوم وهى بتتعامل وتتآلف مع كل من فى الفصل
البنت فى منتهى الروعة
***
نور وسما هما نتاج حب عميق له تاريخ طويل .. أحيطهم ويحيطوننى .. بكل الحب
***
سما تتميز بخفة الدم والقفشات الذكية وحفظ كل شىء.. البنت جهاز تسجيل حى .. تحفظ كل الأغانى منذ كان عمرها سنة ونصف .. أسفنجة تمتص كل ما تسمعه أو تراه ويمكن ان تكون دليلك لكل الأفلام بأسماء الممثلين كمان
خيالها واسع جدا وتحكى قصص غير حقيقية بالمرة هى بطلتها طبعا
لمضة وغلباوية وترد الكلمة بمية وتستطيع بمهارة شديدة ان تخرج من اشد المواقف صعوبة بخفة دمها المعهودة
***
نور تتميز بالهدوء والرزانة رغم صغر سنها .. قليلة الكلام وتحب أن تجلس لساعات مع ألوانها وأوراقها ترسم وتلون .. أو تلعب بلاى ستيشن .. أو جيمز على الكمبيوتر
بنت فى منهتى الرقة وبتسمع الكلام ومؤدبة ورقيقة المشاعر للغاية .. حساسة جدا وتشعر بالآخرين وبيلفت نظرها أى حد محتاج مساعدة
بتحب باباها جدا وتعتبره مثلها الأعلى فى كل شىء
رغم كل ذلك تصر طوال الوقت على انها ولد .. وكمان اسمه حمادة .. لا ترتدى الا كل ما يفضله الصبيان من ملابس أو أحذية
ولا تشترى الا كل ما يخص سبيدرمان وبات مان وغيره من لعب الصبيان
***
نـــــــــــــــور وســـــــــــــــــما
فى يوم من الأيام هتشوفوا المدونة دى .. وهتشوفوا البوست دة
وهتعرفوا مامى بتحبكم قد إيه
***
بحبك يا نور .. بحبك يا سما
نور وسما
ردحذفهما أحلي حاجة ف حياتك
وبعدين لازم يكونوا أذكيا ومتميزين
يعني هيطلعوا لمين؟
الواحد بيطمن علي اﻷطفال لما بيعرف مين اللي بيربيهم
يعني متهيألي إنتي هتطلعي بنتين بمعني الكلمة
تحياتي
وعقبال ما يدخلوا الجامعة
رينا يخليوهملك وتفرحى بيهم دايما
ردحذفوتشوفيهم عرايس زى القمر
زيك كده يعنى
:)
السلام عليكم
ردحذفبجد من أجمل نما قرأت منذ فتره
الواحد بيحس وكأنه بيبدأ في جني الحصاد خطوه بخطوه وهو بيشوف اولاده قداموا كده بيكبروا وبشقوا طريقهم
ربنا يباركلك فيهم ويكونوا كما تتمني ان تراهم فانتي تستحقي كل الخير
وبعدين احنا كنا ناويين علي سما لعبد الله بس للاسف طلعت اكبر منه
يالا
يا بخت محمد عبد الجزار
ياه
ردحذفرجعتيلى ذكريات حلوة اوى أنا لسه لحد النهردة بسترجع ذكريات المدرسه والدراسه .. نور وسما .. بكرة تقروا البوست دة وتعرفو ان ليكو احسن مامى فى الدنيا
سلام
بسم الله ما شاء الله ربنا يخليهوملك و يباركلك فيهم
ردحذفوعقبال ما نشوف صور فرحهم بقي
سلميلي عليهم بقي
:))
تحياتي
بسم الله ما شاء الله ربنا يخليهم ليكى يارب
ردحذفأولا الأسماء بتاعتهم جميلة جدا
وثانيا وده الأهم أنهم بنات لأنى بحب البنات جدا جدا
وأن شاء الله كمان كام سنه لما هيكونوا فى أواخر المرحلة الأبتدائية أو الأعدادية هيقدروا يشوفوا المدونة بتاعتك ويشوفوا البوست الجميل وأكيد هما عارفين من غير حاجة أنك بتحبيهم
تحياتى لكى ولنور وسما
hi ,ich glaube ich muss etwas unhöflich schreiben und zwar für den person über mich, der intresiert sich für FILM
ردحذف. wenn Du mann bist und gefühle hast dann weisst Du das ist eltern freuen sich für ihre Kindern und Du hast keine Ahnung undkein meschliche sinn.
sory
ربنا يخليهم ليكى يا رب
ردحذفو عقبال ما تشوفيهم فى الجامعة و بعدها كمان و عايشين احلى دنيا
كنت مبسوط وانا بقرا البوست
تحياتى
نور وسما
ردحذفاللى شايفينه ان النور جاى من السما
والعلم بيقول ان السما جايه من النور
والحقيقه ان النور والسما جايين من القمر
اجمل قمر منور النت
كل اجزاء قمرنا جميله
أجمل ما كتبتى
ردحذفوأحلى ما قرأت
وأرقى احساس
وأعمق مشاعر
ربنا يخليهم ليكى ويخليكى ليهم
ويفضلوا دايما السما اللى بتضلل عليكى والنور اللى بينور حياتك
وحشتينى
كتير بتكتبى باحساس زوجة، باحساس حبيبة، و باحساس أخت
ردحذفلكن المرة دى بتكتبى باحساس أم
أحببنا الزوجة ،و تشاركنا مشاعر الحبيبة ،و تعلمنا من الأخت..لكن ما أعظم الأم
جميل أوى مشاعر الأم فى كتابتك يا ياسمين
ربنا يخليهم ليكى و تفرحى بيهم عرايس زى القمر
حفلة الصحبجيةالرابعة وعيد ميلادها يوم الاتنين الجاي 10 \9 \2007
ردحذفبجد يا جماعة نفسي كلنا نتجمع اليوم ده..بقالنا كتير قوي متجمعناش وكل واحد مشغول في حاجة...مستنيكم يومها الساعة 8 بساقية الصاوي"قاعة الحكمة...
ربنا يخليهملك
ردحذفتحياتي لكي
ربنا يخليلك نور وسما
ردحذفورمضان كريم
ملك المصرية
ربنا يخليهم ليكي و تفرح بيهم دائما يعني هايطلعوا حلوين و اذكياء لمين طبعا مامتهم السكر
ردحذفياسمين
كل سنه و انتي و عائلتك الجميله بالف خير و صحه و تقرب الي الله
تحياتي
العزيزة ياسمين
ردحذفكل سنة وانت طيبة بمناسبة المدارس ورمضان..ربنا يسعدكم ويهنيكم ويجعل ايمهم احلى من ايمناكل امنيات الطيبة وفى شوق لرؤياك
ربنا يحفظلك نور وسما
ردحذفمن كل سوء
ويكبروا لغايه ماتشوفيهم معتمدين علي نفسهم
واصحاب شخصيه قويه
وتفرحي بنجاحهم يوم بعد يوم يارب
السلام عليكم
ردحذفالعزيزه / ياسمين
كل عام وانت بخير
بمناسبه رمضان واللهم أجعلك من عتقاء هذا الشهر وان يتقبلك الله بقبول حسن
والاسره الكريمه بكل خير وصحه وسعاده
وان يجعل هذا الشهر شاهد لنا لا علينا
الله
ردحذفالله يا سما يوم جميل بجد..ممكن تقوليلها تاخدنى معاها
:d
بجد
انتى ام رائعه يا ياسمين
وهما كمان
يستحقوا انهم يملكوا ام بحنانك وحبك وعقلك
ربنا يخليهملك وتفرحى بيهم
.............
على فكرة
من غير ميقروا البوست لو كبروا
عارفين انك بتحبيهم
قبلاتى ليهم
ما شاء الله..ربنا يحميهم ويكبروا ويبقوا حاجة حلوة تنفع بلدهم
ردحذف:DD
بوست جميل جدا ...
ردحذفربنا يخليهمك يا رب وبكونوا بخير دايما
والسـ ختام ــلام
رينا يخليهم لك و يفرحك بيهم
ردحذفو تشوفيهم و هما بيكبروا
و بيتوفقوا فى حياتهم ان شاء الله
دلوقتى بس عرفت ليه المدونه
اسمها سكاى لايت
يا رب يطلعوا لمامتهم كده
البنات اجمل الكائنات رقة وحنية على جدعنة زي ماما ياسمين بالضبط ربنا يكرمهم ويحفظهم ويفرحك بيهم يارب وكل سنة وانتم طيبين بمناسبة شهر رمضان الكريم
ردحذفقبلاتي لك وللحلوين نور و سما
بسم الله ما شاء الله ..:)
ردحذفطب على كده انا احجز من دلوقتى عروسة :D
ربنا يخليهوملك بجد بجد ...
وان شاء الله لما يكبروا يشوفوا التدوينة دى اللى بدورلها على اى تعليق مش لاقى بجد..:)
بسم الله ماشاء الله يا ياسمين
ردحذفالبنات حلوين اوى
ربنا يخليهوملك يارب
وتفرحى بيهم وتشوفيهم عرايس حلوين
كل سنه وانت بألف صحه وسلامه انتى وبناتك الحلوين
رمضان كريم
يعوده الله عليكى بالخير
قبلاتى
هاى ياسمين
ردحذفازيك
ممكن تدخلى على الاميل عايزة اكلمك
tomarb2001@hotmail.com
ربنا يخليهملك يا ياسمين وتفرحي بيهم دايما كده
ردحذفدانتي من حبك فيهم..البوست طالع تحفة وخلاني احبهم هما كمان
ربنا يباركلك فيهم
محمد سمير
اللــــــــــــــــــــه
ردحذفايه الجمال ده ما شاء الله
ربنا يبارك لك فيهم وتشوفيهم احسن واحسن يارب
بجد تدوينة فرحتني اوي وحاسس بالحب الجميل ده
حب الام
ربنا يخليهملك
ياريت تسلميلي على القمرتين اللي عندك
:)
شكلهم لذيذ قوي فى المدرسه مش عارف ليه افتكرت نفسي وانا قدهم طبعا ده كان زمان قوى و فاكر ارض الطابور كانت اسفلت و كنت فاكرها زى الشارع و قعدت ادور على رصيف اقف عليه علشان العربيات لما تيجى على الاسفلت متدسنيش طبعا اخر عبط بس ساعتها كان الموضوع مهم
ردحذفايه يالله ربنا يخليهم لك و تربيهم كويس ما هو لو كل واحد ربا عياله كويسه حتبقى بلدنا حاجه تانيه خالص
ردحذفربنا يباركلك فيهم يا رب ويحميهم
سلميلي عليهم كتير
ويا رب يبروك وتفرحي بيهم لما يكبروا يا رب
تحياتي لك من ماناساس البلد وفاكرك يا ناسيني
السن دا متعه والاطفال وتربيتهم رغم صعوبتها بس هي نعمه ربنا اديهالنا
ردحذفربنا يخليهوم ليكي
تحياتي
أروع بوست كتبتيه يا ياسمين
ردحذفقلبي فرح بنور و سما من كلامك
وتخيلت فرحة قلبك انت بيهم ففرحت أكتر
ربنا يباركلك فيهم و يطلعوا زي ما بتتمنيلهم عشان أكيد أكنياتك ليهم هي أعظم منأي دعوة ممكن يتخيلها عقلي
مستنية لما يكبروا و أشوف أخبارهم المميزة جدا علىالمدونة
أكيد حاتكون أخبارهم مميزة عن أي أطفال لإن أمهم بجد مميزة جدا
وانت طبعا عارفة أكتر مني ايه اللي بيميز اي انسان عن باقي أفراد جنسه
ربنا يخليهوملك يا ياسمين
ردحذفويخليكي ليهم
كنت بدور على ميلك بس فضلت اني اقولك الاول
ياريت لو تقدري تضيفي الميل ده عندك عشان ابقى اديكي الميل التاني
lmy20_incomplete@hotmail.com
تحياتي
ردحذفالف مبروك و ان شاء الله ربنا يوفقهم...و عقبال الجامعة...و الا أقولك...بلاش جامعة لان الخريجيين بدون عمل....
المهم...ربنا يوفقهما و يسعدهما.
تحياتي
God protect your precious daughters. They're so cute! You should be so proud of them.
ردحذفNot all mothers can sense the importance of the first school day in the life of their children. You've got this sensitivity because of the special bond you've developed with your kids. Keep this unique relatioship with them and always shower them with your love and attention, they can never have enough of it.
My best wishes to Nour and Sama. May you witness them flourish into wonderful, successful women who can pay you back all the love and care.
كل سنة و انت طيبة يا ياسمين و كل الناس بخير
ردحذفرمضان كريم
كل سنة وانتم طيبين
ردحذفيا حبيبتي ربنا يبارك لك فيهم و يجعلهم خلف صالح
ردحذفكل سنه و انتي و هم بخير و صحه و سعاده يا ياسمين
رمضان كريم
كل رمضان وانتى بخير
ردحذفرمضان كريم
ردحذفياسمين
ردحذفالسلام عليكم
يارب يكبروا كده لحد ما يبقوا فى الجامعة وهكذا بقى
كل سنة وإنتى طيبة
السلام عيكم
ياه يا ياسمين
ردحذفربنا يخليهوملك يارب,,,
كل سنة وانتى طيبة وهما طيبين وعقبال ما تحضرى افراحهم يارب,,,
رمضان كريم يا صديقتى العزيزة
اقول ايه سكر وحبيبه قلبى من جوه وانتى عارفه غلاوتها عندى مبروك وعقبال ماشوفها داخله الجامعه يارب .ربنا يخليهملك ويفرحك بيهم يا جميل وقوليلها تسلملى على محمد عبد الجزار لحد ماشوفها:)
ردحذفسهر الليالى
ردحذفأخيرا ظهرتى يا بنتى
دة النت مضلمة بقالها كتير والمدونين عاملين اعتصام فى ميدان عبد المنهم رياض عشان انتى مش باينة
وحشتينى بقى
وان كان على سما هى كل شوية تقولى انها عايزة تروح عند ميرا
يا ريت تاخديلنا معاد بقى
ماشاء الله
ردحذفالله يباركلوا فيهم
وعقبال ما تشوفوهم فى المكان الى تبغوهم فية
ما شاء الله
ردحذفربنا يخلي الاتنين و يبارك فيهم، عقبال الجامعة
تحياتي و تقديري
ربنا يخليهوم ليكي و يخليكي ليهم بس نفسي افهم يعني مين عيل صغير في كي جي ون اهله مسمينه تيمور دا انا اللي في سني و اسمه تيمور بهريه تريقة
ردحذفربنا يخليهوملك و يخليهم ليكي
ردحذفو يملي حياتكم دايما بالسعاده
أزال أحد مشرفي المدونة هذا التعليق.
ردحذف