بنعمل فيلم تسجيلى إستقصائى بالجهود الذاتية يهدف لرصد ظاهرة التحرشات فى الشارع المصرى
الفيلم لا يتبع أى جهة رسمية أو قناة فضائية أو محلية ولا أى مركز ابحاث
*******
طبيعة الفيلم تقوم على متابعة عدد من الفتيات والسيدات على الطبيعة أثناء سيرهم فى الشارع بالكاميرا
لمدة 5 دقائق .. وتصوير المضايقات التى يمكن أن يتعرضن أثناء سيرهن فى الشارع على الطبيعة
ثم يتم حصر عدد المضايقات بالنسبة لعدد الفتيات أو السيدات محل الدراسة
*******
مطلوب متطوعات لتصوير الفيلم
*******
الفيلم لا يتبع أى جهة رسمية أو قناة فضائية أو محلية ولا أى مركز ابحاث
*******
طبيعة الفيلم تقوم على متابعة عدد من الفتيات والسيدات على الطبيعة أثناء سيرهم فى الشارع بالكاميرا
لمدة 5 دقائق .. وتصوير المضايقات التى يمكن أن يتعرضن أثناء سيرهن فى الشارع على الطبيعة
ثم يتم حصر عدد المضايقات بالنسبة لعدد الفتيات أو السيدات محل الدراسة
*******
مطلوب متطوعات لتصوير الفيلم
*******
اجمل شئ فى الشعب المصرى هو التريقة او الاستهزاء بكل شئ
ردحذفالى الامام اسورر ولا تلتفتى وراءك فانشاء الله سوف تنجحين
تحياتى
هم فكرة جيدة الفلم دة الي الامام
ردحذفنصيحة ، لازم تاخدى تصريح من الامن قبل تصوير فيلم وثائقى من هذا النوع ويستحسن استشارة من لهم خبرة فى هذا المجال
ردحذفورأيى الشخصى عدم الاستعانة بمتطوعات لان ذلك سوف يعقد الامور والاجدى هو الرصد من طرف خفى حتى يمكن فعلا الوقوف على الحقيقة
وهذا مشروع طموح ارجو لكى التوفيق فيه
اسر
ردحذفالكلاب تعوى والقافله تسير
انت بتعملى حاجه مهمه والناس الى بتقول الكلام ده بكره هيشكروكى لانك بكده حتحمى بناتهم واخواتهم
بالنسبه للاخ بتاع الشهره
شهره ايه اصلا اى حد بيشتغل فى العمل العام مبيشهرش وسط الناس سياتك الى بيبقوا عارفين عنه عدد محدود من الناس فى اوساط المثقفين والمهتمين بنفس المجال وعدد محدود من الناس العاديه الشهره للفنانين بس
آسر
ردحذففعلا الكلاب تعوى والقافله تسير
لا تهتمي لاشباة الرجال هذا ان كانوا
فعلا رجال
اما بالنسبه لموضوع الفيلم الفكره رائعه
وانامع رأي الاخ راجي في موضوع التصريح اولا لان ده مش غلط وثانيا انت مش هتحتاجي متطوعات كفايه جدا انك تتجولي بالكاميرا في ارجاء المحروسه هترصدي الاف المعاكسات
وعلى فكره انا مش بقول ان كل رجالة مصر بتعاكس ولا كل بناتها بيتعاكسوا
بس الموضوع بقى كتير قوي
آسر
ياليت كمان
لو ندور على الاسباب الرئيسيه الي وصلت لده بعيد عن المراة واللبس وغيروا
البنات زمان كانت بتمشي بمكروجيب وفساتين مكشوفه وكت
ومكانش حد بيعاكسهم او حتى الي كانت بتتعاكس كانت بتسمع كلمه ظريفه خفيفه والموضوع خلاص ينتهي
ايه الي وصل شبابنا لده
صدقيني لازم نحمي الشباب قبل البنات كمان
مع وافر احترامي
مروه
أنا مش عارفة اللى زعلانين زعلانين ليه ؟
ردحذفو الله أن طلع الفيلم مش جايب الحقيقة يبقى لكوا الكلام
بصى يا أسر أنا قلتلك رأيى أنا شايفة أنه صعب تنفيذه لان التحرش عادة ما بياخد لحظات و معظم حالات التحرش اللى بتحصل مش بتبقى ع المشاع
ممكن نصور مع فتيات من كل الأعمار بيتحدثوا عن تجارب التحرش اللى حصلت لهم
لكن ع العموم أنا معاكو بس قوليلى ممكن أعمل ايه ؟
تحياتى
اسر ممكن اعمل منتاج و مكس للصوت
ردحذفلو اقدر اعمل حاجه تانيه ياريت تبلغيني
على فكره يا آسوور التحرش يقع على الشباب الصغيرين كمان
ردحذفبس دا بيتم بسريه غير التحرش الذى تتعرض له الأنثى و الذى يكون أحيانا علنى
أنا لحد الثانوى مفيش مره ركبت فيها أتوبيس إلا و حسيت بتحرش
صحيح مرات ركوبى للأتوبيس كانت نادره , لكن كون إن كل مره شاب صغير برىء يركب فيه أتوبيس يحس بالشيء دا , فمش كويسه أكيد على نفسيته و يبدأ بإندهاش من هذه الحالات ثم تنتهى برأى سلبى على هذا البلد
و من هم يتعدوا مرحلة الأعدادى و الثانوى و فى مرحلة الجامعه فمازالوا أيضا عرضه للتحرش من الشواذ أثناء ركوبهم المواصلات
عزيزتى
ردحذفمش عارف بس انا شايف ان المفروض والابدى تردى على التعليقات والاستفسرات اللى عندك قبل تنزيل اى بوست جديد
ومش معقول اهتمامك بالرد على الناس فى موضوع القضية ولما يطلع المتهم برئ قضائيا ما ترديش على استفسرات اللى تابعوا الموضوع
الموضوع كده من غير زعل فى شئ غلط
وحب ظهور وبحث على الضجه اكتر من الحقيقه
على العموم ربنا يوفقك فى الخير وكل انسان حر طالما لن يضر
سلاااام
عزيزتى
ردحذفانا بتكلم على التعليقات عموما واللى فيها استفسارات خصوصا
استفسارات بخصوص القضية وليه طلع براءه
والسؤال ده سألته انا وكذا مدون من كام بوست وانتى من ساعتها مش بتردى على التعليقات
اصله شئ مهم اوى
ليه طلع براءه
وانا كمدون وبنظر للمواضيع بنظرة عدل المفروض اتعامل مع المتهم ده كانسان برئ ولا كمدان
ده بس اللى بقصده
تحياتى
سلام
فكرة كويسة بس بيتهيألى صعب تنفيذها
ردحذفانا مع حكاية التصاريح الأمنية و المفروض إن الأمن يساعدك فى حاجة زى كدة
اللى ممكن يحصل إختيار أماكن قريبة من أماكن شهيرة بالتحرش و تصويرها من جانب خفى أو غعترافات من الجنسين عن وقائع تحرش مع التصوير من الظهر لأن صعب حد هيفضح نفسه
حياة
ردحذفشكرا على تشجيعك وربنا يقدرنى واقدر اعمل حاجة لبناتى وبنات مصر كلها
تحياتى
مواطن مصرى
ردحذفربنا يسهل ونقدر نطلعه للنور
راجى
ردحذفتصاريح التصوير فى الشارع موجودة ولكن تتبع الناس فى الشارع صعب ومحتاج وقت طويل وامكانيات مادية كبيرة
لو فى متطوعين هتبقى احسن طبعا
ماجى
ردحذفانا مسحت تعليقات الناس المتخلفة مع انى كنت ضد مصادرة الرأى لكن زوجى اصر على مسح تعليقاتهم
شكرا لدفاعك عنى وعن القضية نفسها لأنها قضية كل بنت فى مصر
تحياتى
my dream
ردحذفشكرا لتشجيعك يا عزيزتى وكفاية محبطين
احنا معانا التصاريح
عايزين نرصد الظاهرة واسبابها على الطبيعة
يعنى بنت من المتطوعات تمشى بشكل طبيعى جدا فى الشارع والكاميرا تتابعها من بعيد لمدة 5 دقائق ونشوف النتايج عن طريق رصد ما يلى
هتتعاكس ولا لأ
هتتعاكس كام مرة
كل كام دقيقة
نوعيات واعمار اللى هيعاكسوها
الأماكن اللى هتزيد فيها المعاكسة
تحياتى
تحياتى
سارة نجاتى
ردحذفموضوع الحديث عن التحرشات دة موجود برضه كجزء من الفيلم
ولو فى متطوعات يبقى خير برضه
وكمان فى جزء صورناه خلاص وهو حوارات مع الناس فى الشارع وآرائهم بالنسبة للتحرشات .. منهم كان رجال وشباب صغير وبنات وامرأة منقبة ومحجبات ومتبرجات
وكمان فى جزء تانى خلص وهو رأى القائمين على رصد ظواهر المجتمع فى المركز القومى للبحوث وفيه بتقول المسئولة هناك ان دى مجرد مشكلة وليست ظاهرة وان الحل عند المجتمع مش عندهم
وكمان رأى القانون والدين والطب النفسى موجود
مش ناقص غير الجزء بتاع التصوير على الطبيعة ولازم يكون بإذن البنت عشان كدة لازم متطوعات
تحياتى
كريم
ردحذفشكرا ليك يا كريم لو عزت حاجة هأقولك على طول
انت انسان جميل قوى على فكرة
ربنا يوفقك
عماد
ردحذفشكرا لصراحتك ومشكلة التحرشات بالصبية مشكلة محتاجة اهتمام زى مشكلة التحرشات بالبنات بالظبط
وعلى فكرة برضه القانون فيه خلل فى الموضوع دة
التعدى الجنسى على صبى لا يعد اغتصاب فى القانون ولكنه يعامل معاملة هتك العرض واقصى عقوبة 7 سنوات
برضه لازم يتغير
تحياتى
احساس لسة حى
ردحذفانا رديت على الجميع اهه
معلش انا قلت كل التفاصيل فى البوست
وكمان كتبت عندك تعليق فيه تفاصيل اكتر
تحياتى وشكرا لإهتمامك
E_Mersal
ردحذفالتحرش فضيحة للمتحرش مش للمتحرش بها
يعنى لما اكون رايحة اجيب طلبات من السوبر ماركت لعيالى ولا رايحة شغلى اكسب قرشين أأكل بيهم عيالى وييجى واحد يمشى ورايا ويقل أدبه .. ايه الفضيحة فى كدة؟؟
الفضيحة للمجرم مش للمجنى عليها
ودة اللى عايزين نفهمه للناس
تحياتى
انا فاهم ده يا آسر
ردحذفبس يا ترى فى كام واحدة ممكن تقول ده فى فيلم تسجيلى , غذا كان فى بعض البنات بيتعرضوا للإعتداء الجنسى و تفكيرهم إنهم كدة جابوا العار لأهلهم
رأيى غن عشان مشكلة التحرش بالمراة تتحل لازم المرأة نفسها هى اللى تقتنع بيها , انا و كل الرجال مجرد بنحاول نسند إنما الشغل الحقيقى عليكم إنتم
سلامى
E_Mersal
ردحذفكلامك صح مليون فى المية
المهمة صعبة لكن انا مصممة استمر
تحياتى
عزيزتى
ردحذفأسوووور
كده الامور وضحت وفهمت
بس هو كده مفيش اى اجراء ممكن تعمليه
ولا بعد الحكم انتهى كل شئ
معلش انا مليش فى اجراءات القانون
واخر حاجه
ده درس لظلم القانون فى مصر اللى ممكن يسجن برئ فيه ويطلع مدان براءة بسبب تلاعب فى الاجراءات او خطأ فيها
وحقك مش هيضيع لان ربنا بيخدبنا حقنا سواء فى الدنيا او الاخرة اطمنى
شكرا على اهتمامك
دايمن بخير يا رب
سلام
عزيزتى
ردحذفمعلش تعليق تانى
اصلى نسيت اعلق على موضوع المتطوعات
شوفى انك تصورى واحده ده شئ ضد الحرية الشخصية
وكمان لو تابعتى اى وحده لمدة خمس دقايق اكيد مش هتتعرض لتحرش
ما تخلى الموضوع عام وكلنا نبقى متطوعيين ومطوعات
وكلنا لما نلاقى حادث تحرش نصوره باى شكل حتى بكاميرا موبيل
والمفروض لو ان التحرش منتشر بالشكل الفظيع ده فى يوم هتلاقى كل الناس صورة انواع كتيرة من التحرش
نشوف عدد المضايقات وصلت لايه فى المجتمع ونعرف مدى انتشار الموضوع ده بصورة عمليه
تحياتى
سلام
واضح طبعا المجهود الكبير اللي بتقومي بيه دفاعا عن قضية انت مقتنعه بيها
ردحذففكرة الفيلم ممممممممم
مش عارف اقول ايه
عموما انت طالبه متطوعات بس؟
ليه مش طالبه متطوعين
انا ممكن اتبرع بالتحرش المجاني
وممكن اقوم بدورين في الفيلم كمان
علي فكره سمعت عن اختراع حراشة بالكهربا لسه مغترعينها جديد في امريكا
هبقي اجبلكم واحده تساعدكم في الفيلم
شكلها باظت
انظر حولك
د. خالد عزب
احساس لسة حى
ردحذفوالله الفكرة دى مش بطالة خالص بس برضه بتعتمد على المتطوعين
ايدى على كتفك .. اللى يشوف حاجة يصورها ويبعتها
والله التحرشات بالقول والفعل اكتر مما تتخيل
انت عارف انت ليه مش مصدقنا؟؟؟
لأنك مش بنت
ولأنك مش متحرش
تحياتى
دكترة بيه
ردحذفانا مش فاهمة هو حضرتك رايح جاى تتريق وتهرج وتقول كلام سخيف ليه؟؟؟؟؟؟؟؟؟؟ ومش عاجبك اى حاجة بعملها ..
متشكرين عموما ويا ريت متتعبش نفسك وتيجى تزورنى لأن تعليقاتك بعتبرها خارج حدود اللياقة
انت بتمارس نوع من مصادرة حق الآخرين فى ان يكون لهم رأى .. أو رد فعل لأى وضع من الأوضاع تخصهم او تخص غيرهم
لو سمحت .. لو مش أنا مش عاجباك ولا مدونتى عاجباك ولا تصرفاتى عاجباك ولا أفكارى عاجباك
متتعبش نفسك.. مش عايزين نضايق سعادتك .. ومحدش فرض عليك تيجى وتقرا وتنتقد حاجة كويسة وتسىء لنفسك
ولو مصر على النقد الغير بناء.. ابقى اعمل مدونة وهاجمنى او اكتب بوست قول فيه رأيك فية بصراحة .. رغم انك متعرفنيش
شكرا لك ..وكفاية لحد كدة
اسور هانم
ردحذفانت اللي ليه واخده الامور بصورة شخصية
انا بقول رأيي
واعتقد اني حر فيه طالما لم اتعدي حدود الاداب والذوق العام
كون انه يختلف مع رأيك ( وهذا شئ انا لا اعتقده) فهذا لا يعني ان رأيي دائما خطأ ورأيك دائما صواب
اعتقد ان قولتيلي انك رئيسة لجنة في حزب ( الاحرار ) علي ما اتذكر
واعتقد ان اول مبادئ العمل الحزبي هو الديمقراطية , وتقبل النقد والاستماع للرأي الاخر
وكمان انت عندك مدونة , المفروض اصحاب هذا النوع من الثقافة يكون عندهم جرأة الرأي والرأي الاخر
انا هازور مدونتك اكيد
ولو لقيت اللي انا عايز اعلق عليه
هعلق , وانت صاحبة المدونة , لك مطلق الحق في ترك ما تريديه وحذف ما تريدين حذفه
ملحوظة اخيرة
دي مش أول مره اعلق عندك
لو راجعتي التاريخ القديم للمدونة , وخاصة بعد لقاء المدونين الاول ستجدي اني كنت اعلق عندك كثيرا , ولم يكن بيننا مثل هذه الحزازات
لكن الاختلاف في الرأي لا يفسد للود قضية , المفروض
ولا انت رأيك ايه؟
اه كمان
انا ابدا مش بهاجمك
هو بس الاختلاف
شكلها باظت
انظر حولك
د. خالد عزب
أزال المؤلف هذا التعليق.
ردحذفدكترة
ردحذفانت تقول رأيك على عينى وعلى راسى وأسمعه ولو مخالف احترمه طالما لا يتجاوز حدود الإحترام
وفى ثقافتى التهكم هو من التجاوزات فى حدود الإحترام
انت من حقك تقول انك شايف ان الفكرة مش هتنفع او ان الفكرة مش مناسبة لافكار الناس او اى حاجة موضوعية
لكن انك تقول ... انا ممكن اتبرع بالتحرش المجاني وممكن اقوم بدورين في الفيلم كمان
دة يبقى اسمه تريقة وسخرية من الفكرة بدون اى موضوعية
وايه الرأى فى انك تقول ... علي فكره سمعت عن اختراع حراشة بالكهربا لسه مغترعينها جديد في امريكا
هبقي اجبلكم واحده تساعدكم في الفيلم
هل اسلوب الإستهزاء برضه نوع من عرض الرأى ؟؟؟؟ وهل ترضى لنفسك ان يتهكم احدهم على حاجة انت مؤمن بيها وبالفعل بتنفذها وهى لا تضر احدا بينما قد تفيد؟؟؟
انا عايزاك وبشكل موضوعى ان تعرض وجهة نظرك وانا كالمعتاد هأناقشك وتناقشنى ولو لم يقنع احدنا الآخر فان اختلاف الرأى لا يفسد فى الود قضية
ولو انت بقى اللى راجعت تعليقاتك من مدة هتلاقيها كلها تهكمية ودة مكانش فى البوستات القديمة
بالعكس انا دايما كنت بحترم تعليقاتك
وكمان البوستات اللى كنت بتكتبها كانت وما زالت بتعجبنى
ارجو منك ابداء اقل القليل من الإحترام عند ابداء رأيك ما دمت مصر على زيارة المدونة وابداء الرأى
تحياتى
تحياتى
السيد المجهول
ردحذفانت تركت عدة تعليقات بدون اسم
ولما حد يمسح تعليقات مجهول يبقى محصلش حاجة
لما تبقى لك اسم ومحدد الهوية نبقى نعتبرك شخص جدير بالإحترام
دة اولا
أما ثانيا فبرضه اسلوب التهكم مرفوض
وهأمسح التعليقات مادامت تخرج عن حدود اللياقة كما تعملت وتربيت وليس من خلال رؤيتك انت ولا غيرك
تحياتى
للمجهول
ردحذفعلى فكرة أنا لى زوج وهو يقرأ المدونة وأساؤه جدا لما قلت هيكتبوا على قبرك ماتت من قلة الأضواء المسلطة عليها
وندمت على انى ممسحتش التعليق .. ولم يكن قد فات اوان الندم
علي فكرة صاحب تعليق القبر دا مش انا هو اي مجهول يبقي انا, انا ممكن اهزر اه ... لكن اجرح في الناس او اضايقهم لااااااا ..... عموما حصل خير ...
ردحذفوعشان خاطر جوز حضرتك ما يزعلش , انا مش هشارك هنا تاني ومش هاتفرج علي الفيلم حتي لو نزل في العيد
بس ياريت تغييري اسم المدونة وتضيفي علي تتر المدونة تحت اشراف ورقابة هيئة المصنفات العائلية
وكده الامر تحول من عدم مصداقية ... الي مصداقية محدودة
وشكرااااااااااااا
منذ قليل حدث إحتكاك بين سيارتين فى الشارع الذى أسكن فيه
ردحذفإحتكاك بسيط و لكن قامت عليه كالعاده خناقه بل و عركه كبيره و تنبهت إلى الأصوات فى الشارع فلما نظرت من الشباك كان أحد المتشاجرين يمارس كالعاده الشتائم الثقيله بعلو الصوت الحنجورى و الطريقه المصريه فى التلذذ بالسب و إهانة الخصم بالضغط على الحروف و هو يقول "يييييا بنننن اللللللللل ...كذا) , تذكرت كلام أسوور فى مقطع فيديو و هى تقول أن من يسافر بالخارج لا يتحرش بل حتى يخشى ان مجرد تلاحظ المرأه أن عينه مجرد نظرت لها نظره , إذا يستطيعوا هؤلاء ان يمسكوا انفسهم و ليس كما يدعون إنهم لا يستطيعون
نفس الشيء ينطبق على ما حدث بالشارع منذ قليل و الذى دائما يتكرر حدوثه فلا يجرؤ من قام به أن يكرره فى دبى مثلا او فى السعوديه أو فى إنجلترا او ... الخ
و أنا ذهبت إلى تلك الاماكن و لم أشاهد هناك المصريين يقومون بذلك و لا غير المصريين
ما رويته هو تحرش أيضا فلا يشترط ان يكون التحرش جنس فقط
بل ما حدث هو أقسى بكثير من التحرش الجنسى الذى تحارب من أجل التصدى له الناشطات الأن
و ما زلت عند رأيي إن الأمن لما غاب فغاب عن الجميع و لما أهل الحكم لا يهتمون بكرامة و راحة و الحقوق الشخصيه للمواطن فهم لا يهتمون بالجميع
و فى تلك الظروف عاش كل صايع الفتره الذهبيه من حياته يعمل إللى هو عايزه
فى الخناقات صايع كبير
و مع البنات وغد
و رأيي إننا فى مركب واحد فلماو الصح إننا نطالب بتشديد القانون على المتحرشين بصفه عامه و الاوغاد بصفه عامه و الصيع بصفه عامه إذا قلوا أدبهم عليه (المذكر) أو عليها (المؤنث) .. هذا رأيي و شكرا للسماح بعرضه
التحرش الجنسي بين االجنسين سلوك ترفضه الفطرة السليمة، لكن لنتسم بنوع من الموضوعية وافتحوا لي المجال لأذكر شهادتي والتي هي عبارة عن حوار مع مجموعة من الاناث حول موضوع "التحرش الجنسي" فقد ّأخبرتني عينة من الصديقات أنهن عندما يتجملن ويتعطرن بأجمل العطور ثم يخرجن للشارع العام مارين بالأزقة وأمام المقاهي وعارضة الطرقات المكتضة وحدث أن لم يتحرش بهن أحد من الذكور فانهن يمتعضن ويغضبن ويتخالجهن الاحساس بعدم الرضى عن النفس والقدرة على الاثارة... بالطبع هذا ليس موقفي وليس له دخل بوجهة نظري وانما احاول أن أضع الصورة المغيبة في الواجهة... لكن سيدتي الفاضلة أحبد فكرتك هذه وأرى انها مثالية وربما ستخلق شيئا جديدا سيكون له أثره ودوره ولي اقتراح أتمنى أن يؤخد موضع نقاش هو لماذا لا نمد جسور التعاون جميعا ونحاول رصد الظاهرة ضمن مجال أوسع "جغرافيا و منهجيا" لماذا لا نناضل من أجل أن تفرض رقابة على وسائل الاعلام التي مافتئت تروج للمرأة كجسد وبضاعة ولماذا لا ننتقد النظام الاقتصادي العالمي الجديد الذي أسهم في ذلك؟
ردحذفأجدد الشكر والتنويه بهذا العمل الجبار
تحيات قاسم الغزالي تلميذ بالثانوي ومدون مغربي
http://bahmut.blogspot.com
عماد
ردحذفاللى انت بتحكى عنه دة هو التحرش بعينه لكن موضوعنا هنا هو التحرش الجنسى
وهو ناتج برضه عن العنف فى المجتمع ككل
تحياتى
عزيزتى أسوور
ردحذفينسب للمسيح إنه قال لأحدهم كيف ترى القذى فى عين أخيك و الخشبه فى عينك لا تراها
و هذا ما قصدته
لا أقصد قول المسيح عليكى أو عليكن و لكن أقصده على نفسى و على الرجال
نعم معكى حق إن إللى بتحكى عنه هو التحرش الجنسى و إن ما كتبت عنه أنا هو تحرش و لكن ليس الجنسى
لكن ما قصدته هو عن مشاركة الرجال معكم بالتأييد و التظاهر و الكتابه و ... الخ فى حين أن ما يغضبون لأجله فى رأى المسيح هو قذى فى العين قياسا بخشبه فى أعينهم
إذا كان كل جنس يفصل قضيته و ينادى لحاله فمن الجنس الأولى أن يكون هو مجتذب التأييد من الجنس الأخر , من فى عينه خشبه أم من فى عينه قذى ؟
أنا فى رأيي إن الله لم يخلق شيئين ذكر و أنثى و لكن خلق شيء واحد هو الإنسان و لكن بشكلين فبالتالى رأيت ان تكون مطالبه واحده للجميع
على كل حال , سيبك منى , أحيانا أفكارى تكون جديده شويه و أحيانا مختلفه شويه و أحيانا ... إنتى تكسبى ... ربنا يوفقكم و أنا معاكم
تحياتى