أول جريدة مصرية تهتم بنشر ما يكتبه المدونون

جريدة الأسرة العربية
قرر رئيس مجلس ادارة الجريدة مشكورا أن يتبنى كل ما يكتبه المدونون
وان يفرد مساحة لا بأس بها لبوستات البلوجرز
كما وافق على نشر البوستات المرشحة بتوقيع كتابها
وسوف يفتح باب التدريب الصحفى لهواة الصحافة من المدونين
وذلك ايمانا منه بقوة التدوين وبأنها صوت المصريين
***
على كل مدون يرغب فى نشر مقالات - تحقيقات - قصص - نقد - ادب - شعر - سياسة او أى كتابات لم يرد ذكرها
ان يرسل البوست المرشح مذيل بتوقيعه وعنوان المدونة والإسم الحركى ان اراد
مرفق بصورة شخصية له
على الإيميل التالى

amyasser@hotmail.com

أو بتعليق على هذا البوست نفسه
يترك لينك البوست اللى عايز ينشره الجرنال له
تحت عنوان جريدة الأسرة العربية
الشـــــــــــــــــروط
-مراعاة الصحة اللغوية والنحوي والإملائية قدر الإمكان.
-مراعاة الا يزيد البوست المراد نشره فى الجريدة عن صفحة ايه فور.
- أولوية النشر تكون للبوستات التى فيها موضوعات عامة تهم قراء الصحف.
-اولوية النشر للبوستات التى ترسل على الميل المذكور أعلاه كفايل وورد مرفق.
الجريدة تصدر الإثنين من كل أسبوع

هلاوس المرض

شعرت بوعكة صحية ارتفعت على اثرها حرارتى .. ثم بدأت الهلاوس تفرض نفسها على عقلى
بدات اشعر بالوحدة والمرض والضعف .. مستلقية فى فراشى .... منهكة .. متعبة .. أتألم من تكسير العظام المصاحب للأنفلونزا الصيفية
تتخطى الساعة الرابعة صباحا ولا احد يشعر بى .. تنادى على ابنتى ذات الأربع سنوات تريد الذهاب الى الحمام
اتحامل على نفسى لأصحبها ثم اعيدها الى فراشها
اعود لأسقط فى الفراش مرة أخرى .. اتذكر الأيام الخوالى واتمناها ان تعود
كنت يوما ما فتاة يافعة لا القى بالا لشىء .. كل ما يشغلنى هو الذهاب للعمل والعودة
الخروج فى صحبة الأصدقاء .. وأن احب واتحب .. وانتظر حتى ينام الجميع لتبدأ وصلة الرغى فى التليفون حتى الصباح
لم تكن هناك مسئوليات حقيقية .. ولا صغار يطلبون الرعاية .. ولا زوج يجب ان تجاب مطالبه
شعرت بالعبء الثقيل الملقى على كاهلى .. وكيف اننى اعتنى بكل من فى البيت قدر استطاعتى
انا التى تهتم بطعامهم ونظافتهم .. وصحتهم .. اسهر بجانبهم عند المرض .. اعتنى بهم وبم يأكلون ويلبسون
حتى بالترفيه عنهم اعتنى
يفرضون حتى المواد التى تعرض فى التليفزيون .. دول كارتون .. ودة اخبار .. ودى فيلم عربى
اظبط مواعيدى على مواعيد اللى راجع من المدرسة واللى راجع من الشغل
سألت نفسى .. هل يشعرون بأهميتى ؟؟؟ وما مفهوم الأهمية لديهم؟؟
الغسالة مهمة .. والتلاجة مهمة .. ولا نشعر بوجودهم الا عندما يصيبهما عطل
والآن وقد اصابنى العطل .. اقصد المرض .. هل يشعر احد بأهميتى؟؟؟
وادركت انى يمكن اقل فى الأهمية من الغسالة .. او يمكن مش حاسين
وتمنيت ان يعود بى الزمان .. وانطلق بلا مسئوليات ..
ابحث عن الحب
ومكالمة تليفون نص الليل لحد الصبح
وشوية لب .. قدام التليفزيون .. وجوز كتاشين ولمة
مع هدف انى انجز عملى بدقة
حتى احصل على علاوة
او حتى ثناء من المدير بتاعى
لكن الزمن مابيرجعش
يا خسارة

البشر نوعين .. ذكر وأنثى

البشر نوعين .. نوعين وبس .. ذكر ..وأنثى

بسأل نفسى دايما ليه الأنثى لا تحصل على مايحصل عليه الرجل من متع الحياه؟

لماذا يفخر المجتمع بالذكر عندما يقيم علاقة خارج نطاق زواجه من أنثى بعينها .. بينما لا يفعل مع الأنثى؟

لماذا يبيح للذكر أن يقيم علاقة مع أنثى أخرى لو حتى تحت مسمى زواج بينما لا يحق هذا للأنثى؟؟

هتقولوا لى عشان اختلاط الأنساب؟؟

طب ماذا ان كانت تلك الأنثى لا تلد؟؟ أو ماذا ان كانت تستخدم وسيلة لمنع الحمل؟؟

ليه بقى ممنوع برضه؟

هل قدرة الرجل على ممارسة الجنس أو حتى على ازدواج المشاعر موجودة بينما هى غير متوفرة لدى الأنثى؟؟

لأ طبعا .. الأنثى عندها قدره بيولوجية على ممارسة الجنس مع أكثر من رجل فى اليوم نفسه مثلا

بينما غالبا لا يستطيع الرجل لما يتطلبه هذا من صحة وقوة وطاقة معينة

هل يمكن للرجل أن يحب أكثر من امرأة بينما لا تستطيع الأنثى؟؟

برضه لأ .. يمكن للمراة أن تنجذب وجدانيا لأكثر من رجل

اذن المجتمع يبرمج المرأة على ان تقنع طوال العمر برجل واحد بينما يبرمج الرجل على ان تعدد علاقاته شىء عادى

الخلاصة ان المجتمع لا يعترف بالأنثى كمخلوق بشرى له رغبات ومشاعر ينبغى اشباعها

اللى عقلى فاهمه كويس قوى ان الرجل والمرأة مخلوقان بشريان متساويان

لكن هل يفهم الرجل هذا؟؟ طبعا لأ .. ليه؟ ..عشان برمج من المجتمع على دة

مهم قوى ان ماحدش يفهم انى ادعو للرزيلة او انى أنادى للمرأة بتعدد العلاقات

أنا بس عايزة اقول ان المجتمع يعامل المرأة كأداه وليس كمخلوق بشرى له كيان

بيقولوا ان المرأة مخلوق عاطفى

طيب المخلوق العاطفى دة محتاج لإيه؟؟

للحب

زاى ممكن يكون فى حب مع فكرة الخيانة؟؟

ازاى ممكن لأى امرأة تفكر ولها عقل ومشاعر ان تقتنع بحب رجل يعدد فى علاقاته

طب هل هو يتقبل عادى بقى انها تحصل مثلا على الجنس من رجل فحل

وعلى الحب من رجل رومانسى

وعلى المال من رجل ثرى

وعلى مغامرة من رجل ثورى

وعلى الفكر من رجل ذكى

يخون الرجال .. ويبررون ذلك برغبتهم فى التغيير .. طب هو يعنى الغلبانة مانفسهاش تغير؟

يعدد الرجال ويبررون ذلك بأن لكل امرأة طعم ولون ورائحة مثل الفاكهة

طب ومين قال ان كل الرجال متشابهين؟؟

ازاى ممكن ان اى ست فى العالم تصدق ان راجل بيعرف عليها أو بيتجوز عليها يبقى بيحبها

اذا كان هو نفسه مش بيقتنع بدة لما تكون هى اللى بتعمل كدة؟؟

الهجر الجنسى ام العاطفى

ما معنى الهجر اصلا فى اللغة العربية؟؟
الهجر ضد الوصل والوصل فى القاموس المحيط هو الإتصال
اى ان الهجر فى النهاية هو تعبير عن قطع الإتصال

اغلب الرجال لديهم صورة ذهنيه معينة عن الإتصال بين الزوجين.. وتلك الصورة الذهنية تتمثل فى العلاقة الجنسية

هناك صورة أخرى للهجر انا بأسميها الهجر العاطفى

والهجر العاطفى هو الا يحدث اى تلامس بين الزوجين الا من خلال العلاقة الجنسية
يعنى .. لا قبلة ولا حضن ولا طبطبة ومسكة ايد ولا مداعبة ايا كانت .. الا عندما يهما بممارسة الجنس

هو دة الهجر العاطفى

تشعر المرأة بهذا الهجر وتكرهه .. تقول الإحصائيات ان الرجل فى مصر يكف عن تقبيل زوجته بعد ثلاث سنوات على الأكثر من الزواج

ان المرأة مخلوق عجيب ومعقد وانا اوافق كليا على ذلك
هذا المخلوق المسمى المرأة يعيش ويعطى ويتنفس ويقتات بالحب

لا تسأل زوجتك لماذا هى نكدية؟؟؟

اسأل نفسك انت امتى آخر مرة بوستها بوسة حارة بدون مناسبة.. اقصد بدون هدف الممارسة

اسأل نفسك امتى داعبتها وحدث بينكما تلامس جسدى بدون هدف الممارسة

اسأل نفسك امتى داعبت شعرها او حتى زغزغتها وهى بتعمل الأكل فى المطبخ

هناك بحث يقول ان الأطفال الذين يرون مظاهر الحب بين الأبوين اكثر نجاحا وثقة بالنفس

يقول البحث ان كل انسان مكون من رجل وامرأة وان الطفل يشعر براحة وثقة بالنفس عندما يرى ابويه يتلامسان .. ويتضاحكان وينسجمان .. ذلك لأن كل منا خلق من زوجين وكونهما متحدين يعزز شعورنا بأنفسنا

فلتقبل زوجتك امام صغارك بلا خوف او وجل .. فلتعانقها من حين لآخر اثناء اليوم ولتمسك بيدها اثناء مشاهدة التليفزيون .. دع الصغار يرون كم انت تحب امهم
ولا تنسى ان تغازلها وتثنى عليها وعلى جمالها وذكائها امام الناس وانت تحيطها بمعصميك

لأن مش كفاية خاااااااااااااااالص انك تشكر فى اكلها ..

سوف تذهل من النتائج؟؟ وهتستغرب انك كنت مش فاهم وبتسأل هى ليه مراتى نكدية
!!!

عندما نفقد الحب

الحب هو احدى الحاجات الإنسانية الملحة .. ماذا يحدث ان فقد الإنسان الشعور بالحب والتقدير؟؟

عندما نشعر اننا غير محبوبون او ان لا احد يقدرنا نقع فريسة لمرض يسمى الإكتئاب

والإكتئاب ينشأ نتيجة شعور عميق بالحزن او بالصدمة العاطفية لفقدان شخص نحبه او هجر من الحبيب او بوفاة عزيز وخلافه من مسببات الحزن

وهو تغير فى كيمياء المخ بحيث يقل افراز مادة معينة تدفع الإنسان للشعور بالبهجة عند حدوث شىء مبهج

وهى تساعد على شعور الإنسان بالحماس لشىء ما والرغبة فى تحسين حياته ومستقبله

والإكتئاب ليس حالة .. بل هو مرض .. مرض حقيقى يأكل كل شىء جميل فى حياتنا

يأكل ماضينا وحاضرنا ومستقبلنا ايضا

فهو ليس مرضاً نفسياً فقط وإنما يؤثر علي الأعضاء والمزاج، والتفكير. يؤثر أيضاً علي نومك وطعامك، والطريقة التي تفكر بها عن نفسك وعن الأشياء التي تحيط بك

فالمصابون به يفتقرون إلى احترام الذات. وهم يشعرون بفقدان الأمل والمساعدة والتقدير. والتشاؤم لديهم أمر عام كما أن اتـهام الذاتِ أو الشعور بالذنب أمر مألوف. وأيضًا فقدان الاهتمام بالعالم أو البيئة المحيطة يؤدي إلى جعل الناس المكتئبين معزولين، ومنسحبين من الاتصالات المهنية والاجتماعية. والاكتئاب يخل بالقدرة على التركيز وحصر الاهتمام في ناحية معينة. ويشكو المصابون من ضعف في الذاكرة، كما أن أفكارهم المثمرة تستبدل غالبا بتأملات متكررة في الأعراض البدنية، والمرض، والموت. وبالرغم من كل هذا الانشغال بالذات، فإن إهمال الذات يكون هو القاعدة السائدة
فقدان الشهية احيانا والشره احيانا .. الأرق الشديد والنوم العميق لوقت طويل احيانا
فقدان الرغبة الجنسية وعدم الشعور بأى متعة

يشعر انه فى بئر عميق مظلم وان كل من حوله لا يسمعون صراخه
يشعر انه غير محبوب وغير مرغوب ولا يهم وجوده احد وان وجوده زى عدمه
يشعر ان الدنيا من حوله سوداء وانه ليس له مستقبل

و تلاقيه بيقول الجملة الشهيرة .. مبقاش فى حاجة بتبسطنى
يتم علاج الإكتئاب ببعض الأدوية والتى لها تأثير سلبى واعراض جانبية كثيرة
وقد لا يستطيع الإنسان الإستغناء عنها لأنه تمنح المخ المواد اللازمة لحدوث البهجة
يفتقد التشجيع والحب وتقدير الذات

فى طريقة تانية لعلاج الإكتئاب
ان يشعر الشخص المكتئب بالحب .. بالإهتمام .. بالتقدير من الآخرين
حيث ان للمحيطين بالمريض اهمية كبرى فى تفاقم المرض
ان يسمع كلمات تشجيع وتقدير والا يتعرض للنقد حتى وان اخطأ
لأن النقد ولو كان بسيطا يدهور حالته ويشعره انه فاشل للأبد وانه لا فائدة مرجوة من وجوده فى الحياة

فلنشجع بعضنا البعض
فلنحب بعضنا البعض
فلنقدر بعضنا البعض
حتى لا نقع فريسة لمرض لا يرحم ينتهى بإثنين لا ثالث لهما
الإدمان .. أو .. الإنتحار

سندريللا العصر الحديث

سندريللا مامتها ماتت وهى صغيرة وباباها اتجوز واحدة ست عشان تاخد بالها منها وتربيها
كانت ست طيبة .. علمتها تعتز بنفسها .. وعلمتها ازاى تدافع عن نفسها ..وعلمتها ان البنت زى الولد ماهيش كمالة عدد
سندريللا كانت بتروح تمرين السباحة والجودو والجمباز والكاراتيه والتنس وكرة القدم
كانت بتحب تركب الحصان وودخلت كلية الطيران
وفى يوم شافت فى التليفزيون اعلان عن حفلة كبيرة عاملها ابن الرئيس وعازم فيها كل بنات البلد
راحت الحفلة بعد ما نزلت هى ومرات باباها الطيبة واشترت اجمل الفساتين
ووضبت شعرها وماكياجها وبقت اجمل البنات
وفى الحفلة شافها ابن الرئيس وطلب يرقص معاها وقالها انه معجب بيها وعايز يتجوزها
قالتله ازاى تتجوزنى عشان بس انا حلوة لازم تحبنى وتحب شخصيتى
وطلبت منه انه يدخل معاها فى اختبارات
اتبارزوا بالسيف واتسابقوا بالحصان وبالعربية ووطاروا بالطيارة ونطوا بالبراشوت
لعبوا كوتشينة ووشطرنج وبلاى استيشن غلبته وغلبها وفى النهاية لقاها بتعرف تعمل حاجات كتير زيه بالظبط
وعرف ان الجمال لوحده مش كفاية
وقالت سندريللا لابن الرئيس انا بعرف اعمل كل حاجة انت بتعملها لكن هل يا ترى انت كدة برضه؟
طلبت منه يعمل ملوخية وماعرفش .. طلبت منه يعمل ببرونة للبيبى وماعرفش .. طلبت منه يخيط زرار البلوزة بتاعتها ومعرفش
قالتله روح اتعلم وتعالى اتجوزنى
مشى زعلان لكن صمم انه يتعلم زيها تمام .. ويكون مناسب ليها
ورجع بعد ما بقى يعرف كل حاجة وطلب يتجوزها
قالتله هو انت هتتجوزنى ليه؟؟ .. قالها عشان حبيتك .. .. وافقت سندريللا
وعاشوا فى تبات ونبات وخلفوا صبيان وبنات
اصلنا بنتجوز بالحب .. وبنخلف بالحب .. وبنكبر ولادنا بالحب
وتوتة توتة خلصت الحدوتة
***
هى دى حكاية سندريللا اللى بأحكيها لبناتى

عدنا مع الفوازير

عدت للمدونات بعد طول غياب
وحشتونى
اما سبب الإنقطاع فملخصه فى كلمات محدودة
اكس بوكس
كاوتش سيرفينج
تكساس هولدم
انجليش كيبورد

فسر ما سبق كل على حدى

وحشتونى مرة تانية

نينا الجميلة و5 سنين

عيد ميلاد نور الجميلة
أجمل البنات فى نظرى هى واختها
وهى برج الجدى زى مامى
بنت رقيقة زى النسمة
مطيعة
وشاطرة فى المدرسة
بحبها حب الدنيا كله
عشان هى حتة منى وحتة من اغلى الناس
شايلة جينات كل الناس اللى بحبهم
جوزى واهله وانا واهلى
يبقى حتة من كل الأحباب بتتحرك على الأرض
وبتكبر وبتتعلم وبتعلمنى معاها حاجات كتير
بوسة كبيرة لنور او نينا زى ما بنقولها
وحضن كبير لحبيبة مامى واول فرحتى

من يوميات امرأة مازالت تحلم

كل ما الزمن يعدى وتيجى سنة جديدة بنقدَم سنة

اشعر اننى وردة مجففة فى كتاب قديم .. لا لون لها ولا رائحة
لكنها تحمل بين اوراقها الجافة بعضا من المعانى الحلوة .. والذكريات

عندما يبعثر الأشياء فى وجهى غضبا
اشعر بأن كل أحلامى تتبعثر فى الفراغ

عيد ميلاد الليلة مين ؟؟؟

ــ

عيد ميلاد الليلة مين
عيد ميلاد النونة
هنفرح ست الحلوين ونشيلها فى عيوننا

ســـــوســـــو

حبيبة الملايين والناس الحلوين

وبمناسبة عيد ميلادها بأهديها اغنية محمد فؤاد الجديدة

خدنى الحنين

خدنى الحنين بعد السنين جابنى هنا
هنا المكان اللى اتولد فيه حلمنا
وبكينا فيه وضحكنا فيه من قلبنا
هنا بلقى نفسى وروحى هنا ببقى انا
عديت على البيت اللى كان فيه الحبايب
راجع مالينى الشوق ولهفة قلبى دايب
اجمل صبا وناس طيبة
هنا اجدع جيران
هنا صحاب زمان
هنا حب عدى وفات عليه 10 و15 سنة
تعب السنين بأنساه هنا
هنا حضن دافى
لو حتى حمل الدنيا كله فوق كتافى
هنا ايد بتمسح دمعتى تهون عليا
فين الاقى حنية كدة .. والله مافى
رجعنى ليها الشوق .. وبعشقها انا
احساس واخدنى لفوق خلانى انا
عديت على البيت اللى كان فيه الحبايب
راتجع مالينى الشوق ولهفة قلبى دايب
اجمل صبا وناس طيبة
هنا اجدع جيران
هنا اصحاب زمان
هنا حب عدى وفات عليه 10 و15 سنة

Get your player at Mp3Profiles.com