الثلاثاء، 10 يوليو 2007

الحلــــــــــــــــــــــم


أفتقد اللمسة الحانية .. افتقد الحضن الدافىء
صورة تتكرر فى ذهنى .. ذكرى ترسم على شفتى ابتسامة قبل ان تخنقنى
اتذكرنى وأنا ارتدى ابهى ثيابى وألون وجهى بالمساحيق واتبخطر فى دلال أمام المرآة
دلال الأنثى وهى تشعر بالحب .. دلال المرأة وهى تسعى للحب
أهرع فى خطوات واثقة الى الطريق .. ألقاه لأنظر فى عينيه
تمنحنى عيناه الشعور بالحب .. بالإهتمام .. الشعور بأنى امرأة مرغوب فيها
امرأة يسعى اليها رجل .. يخطتفها فى ضوء القمر .. تصعد معه الى عنان السماء
تذوب بين يديه .. تغرقها لمساته فى بحر من الحنان
أضحك معه .. أهمس له .. أحلم معه .. اشكو له .. ابكى بين ذراعيه
أغنى أغنية الحب الأخيرة
فى عينية أدفن كل آلامى
ذكريات كنت فيها ملكة متوجة على عرش الحب
لكن النهاية تأتى كالصدمة .. فيدمى القلب .. وتدمع العينان .. وتختنق الروح
وتتقوقع النفس داخل قوقعة الذكريات
لماذا لا يبقى لى دائما سوى الذكريات؟؟
سؤال افكر فيه ولا أجد الإجابة
كيف ليد حانية ان تلطم بعنف روح انسان أحب بعمق؟
كيف لحضن دافىء أن يحرق قلب احب بصدق؟
كيف لنظرات عيون العاشق الولهان ان تتحول لنظرات قاسى لا يرحم؟
الآن .. الوحدة والألم
الآن .. الان فقط .. استيقظ من الحلم .. فلقد كان دوما .. مجرد حلم
حلم لا يمكن تحقيقه ولا يمكن ان أعيشه فى الواقع مهما حاولت
صحيح صدق من قال أن
الحلم الرومانسى لا يمكن نجده الا فى اغنية حالمة او فى فيلم عاطفى

هناك 127 تعليقًا:

أبو ضحى يقول...

على الأقل عشتي الحلم فى فترة من حياتك لن تنسيها ابد الدهر


الانسان يتغير بتغير الزمن و لا تنسى عزيزتى أنك أنت أيضا تغيرت

متفكريش تروحى عندى ..مش هتلاقى جديد

عبقرينو يقول...

ياسمين...دى أول مرة أعلق عندك بس انا متابع كتباتك من زمان فبل سفرى للخارج
تعالى ننظر للآخر بمنطق لآخر نلتمس له العذر ونلتمس له الأسباب
المشكلة أننا بنتوقع رد فعل ونفضل نحلم بيه وكمان لو الآخر لم يعطينا ما نحلم به نصاب بالألم ةالصدمة ولكن لنخفف سقف الأحلام والتوقعات ونلتمس الأسباب للآخر
المشكلة أنى اللى بيكلمك ده بيضع سقف توقعات من ناحية العلاقة الانسانية والحب مع الآخر لدرجة العذاب والألم ومش عارف يخرج بس تقولى أيه
قمة الألم لما يكون فعلك غير شعورك زى ما قولتى فى البوست السابق
بس زى ماقال أبوضحى فى التعليق على الأقل أنك حستيه وعشتية مرة على الأقل

islam يقول...

السلام عليكم

ياسمين:

يمكن حاسه دلوقتى بفراغ .. يمكن تفتقدى ذلك الإحساس بالحنان والإهتمام .. يمكن الذكريات بتألمك

يمكن حاجات كتير ... بس أظن ده أهون من إن الطريق كان يمشى بيكم سوا وبعد فترة دوامة الحياة تغيركوا أكتر .. وكل واحد يتغير ناحية التانى
وبدل ما كان حب .. يصبح شبح
وبدل ما كان حلم .. يبقى كابوس

سيدتى .. أدعوا الله أن يوفقك إلى الرجل الذى يملء عليك حياتك ويكون ظلا لكى فى الدنيا .. ومعينا لكى على عمل الصالحات

السلام عليكم ورحمة الله وبركاته

محمد حمدي يقول...

غريبه هى الذكريات يا ياسمين

أحلى وأسوأ حاجه فى الحياه !

أحلى حاجه لانها بتفكرنا بايام جميله عشناها

واوحش حاجه لان الذكريات دى ببساطه أنتهت وأصبحت ذكريات !

لكن فى النهايه يفضل فى أعمق أعماق القلب شعاع ضوء بسيط , بأن الذكريات دى هتحيا تانى من جديد ... ومش هتبقى مجرد ذكريات

وتحياتى لقلمك البارع .. أو لقلبك بمعنى أصح لأن قلبك هو الى بيكتب

كراكيب عادل يقول...

بالظبط كدة في الافلام فقط

ومش في اي فيلم كمان

هجيلك تاني لاني قريت علي عجلة من امري

بسمه عبدالباسط يقول...

حياتنا بتمر بمراحل منها المراحل الكويسة ومنها السيئة ولازم نعيش كل المراحل لأن مفيش قدامنا غير كده
تحياتى لكى

حدوته مصرية يقول...

لا مش فى اغنية او افلام بس بدليل انك عشتى فترة من الحلم زى ما قالك ابو ضحى و ان كان دلوقتى الحلم راح و مش مستمر فاكيد انتى ليكى دور عشان ترجعيه

تحياتى لكى

أسوور يقول...

أبو ضحى

ان الذين لم يدخلوا الجنة ابدا ليسوا تعساء معذبين كالذين دخلوا الجنة ثم طردوا منها

تحياتى

أسوور يقول...

عبقرينو
كلامك حلو زى الحلم فى زمن مات فيه الحلم

نورت المدونة وأرجو ما تكونش آخر مرة

تحياتى

أسوور يقول...

اسلام

احب اقولك بكل ثقة ان الحلم فعلا أصبح كابوس

تحياتى

أسوور يقول...

محمد حمدى
صديقى العزيز

شفت قلبى بيكتب حلو ازاى؟

تصدق انا لما قريت تعليقك رجعت قريت البوست وعجبنى الكلام الى قلبى كتبه فى لحظة انفعال

فعلا القلب له أحكام

تحياتى

أسوور يقول...

كراكيب عادل

على فكرة انت كل مرة تقول كدة ومش بتيجى تانى

هأستناك بقى

أسوور يقول...

بوس بوس

لكن فى قدامنا حاجة جميلة اسمها التدوين بتخلينا نخرج بيها اللى جوانا

تحياتى

أسوور يقول...

محمد ياسر

ممكن حد يقولى ايه دورى وانا أعمله على طول؟

ممكن حد يقولى انا المفروض اقوم بايع عشان ارجع الحلم ويبقى حقيقة؟

شكرا يا عزيزى على الأمل اللى بتديهونى من غير ما تحس

voice of love يقول...

عندما تقفل القلوب عن سماعك
ولا تجد لحياتك غاية
أكتفى بالمشاهدة
وأعيش فى عالم من الأحلام
عالم لا تحكمه القواعد ولا تتحرك فيه تبعا لاشارات المرور
فقط تترك نفسك لتيار الحلم يدفعك الى حيث يريد
أما عن الحب فالحلم فيه كالواقع
تصطدم فيه القلوب لتنتهى بحادث سعيد أو اصابات مزمنة
ايه الكلام الكبير ده ؟
هوه الواحد قلبه واجعه ولا ايه ؟
وحشتينى

أسوور يقول...

voice of love
آه والله كلام كبير قوى

انتى بتقولى كلام كبير وصعب فى نفس الوقت

السهل الممتنع يا صديقتى العزيزة

تحياتى

islam yusuf يقول...

أنا مش هاتكلم كتير
لكن هاقول كلمة واحدة
انتى مش ملاحظه ان كلمة الرومانسية دى بأت موضه أديمة؟
معلش بقوا عشر كلمات
تحياتى

hosnysoliman يقول...

ياسمين العزيزة عصرتى قلبى طمنينى؟

الزعيـمة يقول...

العزيزة ياسمين

رغم انقطاعي عن عالم المدونات
لفترة تزيد عن شهر

و مدونتك اول مدونة ادخلها
واقدر اعلق فيها بعد الفترة دي

والسبب لانقطاعي والمي وعذابي
هو ما جاء فى موضوعك بالظبط
الان بعيش فترة الوحده والالم


!!راح الحلم

The Alien يقول...

أحلي حاجة ف قصة حب هي الذكريات
أنا بحب أفتكر الحاجات الحلوة ومش مهم النهايات
أصل لازم أكتر من قصة حب تنتهي عشان نقدر نحب الحب اللي هيستمر
لازم نستمتع باللي فات عشان هيساعدنا ف اللي جاي

تحياتي

بيجاسوس المصرى يقول...

الاحلام من الممكن ان يكون حقيقة

و سراب الصحراء من الممكن ان يكون زرعا اخضر

و الشمس تأتى بعد الظلام
و لكن من منا يحول حلمه الى حقيقة
و من منا يستسلم الى اليأس و يفقد العزيمة
فتصبح الحقيقة سراب
و يصبح الحلم تخاريف الحقائق

Unknown يقول...

صديقتى العزيزه ليس لك سوى احلام اليقظه

ليس لكى سوى مسكنات و مسكنات حتى تنقضى الحياه

ففى مجتمعنا هذا لا بديل عن المسكنات

اشعر بهذا البوست جيداً و اتمنى ان لا يكون فى يوم طريقى الوحيد هو المسكنات

تحياتى يا صديقتى
مشكلتلك الوحيده انك مازلتى انسانه

Mirage يقول...

بس انا محتاج اعرف ايه السبب الى يخليه مش حقيقة يعنى

Amira يقول...

حتى و ان لم يبق سوى الذكرى فجميل ان تكوني قد عشتي الذكرى

شيماء الجيزى يقول...

ياسمين

الذكريات ..دائما ما اراها اسوأ شئ مريت بيه
يمكن لانها بتكون جميله جدا لدرجة انى ببكى عليها دايما

خلاص ..فقد الامل؟
خلاص انتهى كل شئ
كل الاحلام دى انتهت

ام كانت مجرد مشهد فى فيلم رومانسى

اعتقد ان هناك حكمة آخرى

اننا نعيش فى فيلم رومانسى ..نحن الرومانسيين

تحياتى حبيبتى

loumi يقول...

العزيزة ياسمين
عارفه اوقات باحس ان احنا جيل اتضحك علينا بحكايه الزمانسيه دى
من واحنا صغيرين قصه سنديللا والاميره النائمه وكل دى قصص من نسج الخيال
وبعديها افلام كلها ناس بتتعذب فى الحب ايه ده ؟
واغانى واشعار
ونيجى للواقع ما فيش الكلام ده
للاسف احنا معظم احلامنا غير قابله للتحقيق لانها مغرقه فى الخيال
حتى الحلم لما بيتحقق بيفقد رونقه لانه بقا حقيقه وواقع
اجمل ما فى الاحلام انها ما زالت احلام
اما الذكريات فتمسكى بالذكريات الجميله واتركى ما دونها ولا تتقوقعى داخلها بل استمرى لتحصلى على ذكريات جديده 0
تحياتى لمشاعرك التى تعبر عن مشاعر اغلب الإناث التى بداخلنا
تحياتى يا قمر

غير معرف يقول...

اه يا سمسم
وكأنك لمست موضع الجرح فى قلبى وضغطتى عليه بكل قوتك
ليه الحياه ظالمه ؟..ليه كل القسوه دى
أصعب احساس ممكن نقابله هو الحاجه الى حب صادق
بس الاصعب منه هو فقده بعد ما نلاقيه
ليه كل ما اجى عندك توجعينى كده
دانا حتى كنت جايه بخبر جامد جدا هايفرحك
انا نجحت وجبت تقدير محترم
وطالبه منك خدمه جامده جدا
عاوزه أعمل لقاء بلوجرى جامد احتفالا بالمناسبه ده
ممكن تساعدينى فى ترتيبات الموضوع؟؟

أسوور يقول...

اسلام يوسف
ايوة عندك حق هى فعلا بقت موضة قديمة زى العربيات الحنطور بالظبط

:)))
تحياتى

أسوور يقول...

حسنى سليمان
سلامة قلبك الحنين يا صديقى العزيز يا فنان
انا كويسة والله بس المهم قلبك يكون بخير
تحياتى

أسوور يقول...

الزعيمة
قلبى معك يا ست الكل
والله لو أعرف انى هفكرك بالألم والوحدة ماكنتش كتبت البوست دة

خليكى قوية وخلى الألم والوحدة جواكى
تحياتى

أسوور يقول...

The Alien
دى حقيقة
بس تعمل ايه لو تحولت قصة الحب نفسها اللى هى مستمرة للأسف
تحياتى

reri يقول...

الذكريات هي اللي بنعيش بيها
أما الحلم فده اللي بنعيش ليه
إذا تبقي لك ذكريات فهي طاقتك لتكملي
وإذا كان لديك حلم فهو هدف تسعين إليه
ما بين الذكري الحلوه وتحقيق الحلم الرومانسي فترات من الإنكسار والشاطر اللي يفضل قادر يحلم الحلم ده من جديد

البوست ده واللي قبله فيهم شجن
حاولي تخرجي من المود الجميل ده

سلامي ليكي

أسوور يقول...

بيجاسوس المصرى
كالعادة يأتى تعليقك عميقا .. قويا .. محطما لكل القواعد

تحياتى .. وبشدة

أسوور يقول...

whyme

المسكنات ضرورية فعلا
وأنا اصبحت أتعاطاها بلا انقطاع لدرجة الإدمان
مسكناتى من نوع خاص تسمى
التدويـــــــــن

التدوين هو أفضل المسكنات على وجه الإطلاق يا عزيزى ايلارى

أسوور يقول...

ميراج
السبب دايما بيكون رحيل الحبيب
أو رحيل الحب
أو الملل من اعتياد الصحبة
السبب ان الراجل دايما بيدور على حب جديد وعلاقة جديدة لما يحب يكسر الملل
بينما تظل المرأة متعلقة بالحب القديم وتضع فيه كل آمالها وأحلامها لعلها تستطيع ان تسترجعه يوما ما
تحياتى

أسوور يقول...

فريدة
متى تكون الذكريات مؤلمة؟
لما تتغير الأوضاع ويصبح من منحك الحب هو نفسه من يرفض وجودك وحبك ويبحث فى مكان آخر عنه

عندما تفقدين الأمل فى أن تعيشين الحلم مرة اخرى
وعندما تفقدين الأمل فى ان تجدى أنوثتك المفقودة لعدم شعورك بأنك مرغوبة

أسوور يقول...

شيماء الجيزى
الظاهر ان دة الحل الوحيد
ان نعشق الخيال
ونحب الحلم
ونتمنى السراب
ونرجو الستحيل
تحياتى

أسوور يقول...

لومى الرقيقة
يا لتعليقك المذهل
بجد مش عارفة اقولك ايه؟
لو بجد كل انثى مصرية تشعر بما اشعر لشعرت بألم أكبر
ولشعرت بضآلتى لعدم قدرتى على تغيير ما تشعرن به
كيف نغير ما يحدث لنا كإناث؟
كيف نقف ونقول لا كما فعلت لومى؟
علمينا يا لومى ولا تبخلى

أسوور يقول...

وينكى
بس كدة يا قمر
انتى تأمرى
انا بس هأخلص امتحانات يوم 22 يوليو
بعد كدة اللى تشوفيه

مستنية ردك

أسوور يقول...

ريرى
أكيد الشاطر هو اللى يقدر يحلم من جديد
بس الخوف من نهاية الحلم هو المشكلة
بقينا نخاف نحلم لخوفنا من النهاية زى كل نهايات أحلامنا الأليمة

تحياتى

كراكيب عادل يقول...

مهو دة بيكون نص التعليق

النص التاني حين ميسرة بقي

طب تعرفي برضو

هجيلك تاني

اصل مواضيعك انتي محتاجة قعدة

:)

Xee يقول...

الواقعية هي الحل

و ان كانت كل الخيارات تأتي بثمن باهظ و تضحيات، الواقعية و المنطقية هي الحل

فلندع الأحلام لمكانها الطبيعي و لنتعامل مع معطيات الواقع لايجاد حلول واقعية

تحياتي
و اعتذر على تعليقي الغير حالم

Xee يقول...

كنت لسه بقول لصديقة عزيزة من شوية

الرومانسية خودعة سونمائية عشان الوسادة الخالية يفضل يتعرض و يجيب ارباح

rack-yourminds يقول...

عندما تمر بالانسان تجربه سعيده مع حبيب او صديق وتنتهي هذه التجربه ب فقد كليهما لاسباب لا يد له فيها وانما بسبب يد القدر ,في تلك الحاله لا يتبقي الا الذكريات ,انا شايف ان الذكريات دي هي عمر الانسان وحياته ,بهذه الذكريات يفتكر حبيبه ويضحك معه ويحكي معه بل ويتقابل معه كل هذا في خياله كل هذا مع علمه انه هذا الصديق أو الحبيب مستحيل أن يرجع اليه مره اخري ,ولكن هذه هي الذكريات انا شايف انها هي روح الانسان التي ان افتقدها فكأنه فقد روحه ,لا قيمة لانسان بدون ذكريات ,صديق الانسان او حبيبه هيفضل ظل له بهذه الذكريات, بطبيعة الحال كان كلامي كله عن الذكريات الجميله,أما ذكريات من سببوا لنا التعاسه اري انه نستفيد من هذه التجارب التي سببت لنا هذه الذكريات السيئه ,فكل تجربه سيئه مرت بنا وخلفت ذكري تعيسه يجب أن نستفيد من هذه التجربه واكتساب خبرات منها ,فشخصية الانسان بتتشكل من الملمات والمتاعب التي قدر له ان يواجهها في الدنيا ,اسف علي الاطاله

micheal يقول...

كلام في منتهي الجمال بس أتمني أن يوجد في الواقع يا ياسمين و باذن الله حيتوجد
تحياتي لكي

Ahmad Hegab يقول...

:)

كلمات رائعة نقلتنى الى مكان اخر

صاحب البوابــة يقول...

فعلاً كلمات حالمة

جديرة بأن تكون هي الاخرى حلماً

صعب المنال

تحياتي اختاة

Ezz يقول...

وماله الحلم؟ خلينا نحلم..

ياسمين: دلالة أن الإنسان جميل من جوه هي إنه يفتكر الذكريات بحلوها .. و أنتي أفتكرتي الحلو.. سيبك من الوحش و افتكري الحاجات الحلوة علشان كمان تقدري تسامحي.. لو أنتي سامحتي .. جواكي هيكون مختلف... طبعا مش كل إنسان عنده القدرة دي.. يعني أنا ساعات ما بقدرش أسامح خالص... بس لما بسامح.. برتاح شوية..

و بعدين أيه الرومانسية دي ..لالالالالا ده كلام كبير.. و الكلام الكبير يطلع من القلوب الكبيرة... لكِ وحشة يا ياسمين... عز

غير معرف يقول...

22 يوليو؟؟
دا لسه كتير قوى
انا كنت عاوزه حاجه خلال الاسبوع الجاى
يوم نخطفه فى نص الاسبوع
ينفع؟؟؟

Reemo يقول...

مش عارفه ليه مع كل ده
ومع كل اللى بيحصل حواليا
وكل اللى بسمعه واللى بشوفه
مازال جوايا مقتنع ان الرومانسيه موجوده
هى بس مختفيه شويه
بس لسه مؤمنه انها موجوده وانى هلاقيها فى يوم
مهما طالت الايام ومهما مر العمر
جوايا بيقولى انها موجوده وبتدور عليا زى ما بدور عليها
الكلمات معبره اوى يا ياسمين
احييكى على البوست
محبتى

شباب روش طحن يقول...

كل شيء في حياتنا له فائدة وله ضرر لا يوجد شر مطلق ولا يوجد خير مطلق - علي الأقل في الدنيا- وبناءا علي ذلك أعتقد أنك في البداية إستفدتي بشيء ما وفقدتي شيء ما والأن فقدتي شيء ما ولكنه هذه المرة ملك عليك مشاعرك وأحاسيسك فحزنتي ولكن يجب أن تبحثي عن الفائدة التي إستفدتيها قد تكون الخبرة الإرادة القوية أيا كانت فلقد إكتسبت شيء جديد و مفيد من هذه الخسارة الأخيرة ودورك أن تبحثي عنه

truelove يقول...

احساس صعب فعلا يا ياسمين ان يستقيظ الانسان من حلم الحنان والامان الى واقع القسوة والخوف احساس مهما استطاعت الكلمات وصفه تقف عاجزة عن وصفه بما يستحق عوضنا الله بالخير دائما

غير معرف يقول...

على فكره انا عامله تجمع بلوجرى جامد جدا بمناسبة نجاحى وتخرجى على خير
التفاصيل على مدونتى الصغنونه..اللى من غير فذلكه

سهر الليالى يقول...

ياسمين العزيزه
لم يكن يد حانيه لم يكن حضن دافئ لم يكن عاشق لم يكن... هذا ماكنتى تتمنى ان يكون وماحلمتى به لكنه كمعظم الاحلام لا يتحقق!ومش عارفه ايه السبب ولا انتى تعرفيه ومش عايزه تقوللى :))

أسوور يقول...

كراكيب عادل
انا بقول بلاش تتعب نفسك
تحياتى

أسوور يقول...

Xee
حتى رواية الوسادة الخالية التى تحولت لفيلم بتقول ان الواحد لازم ينسى الحب وان الحب وهم لو لم يتحول لزواج

وان المفروض نحافظ على بيتنا واسرتنا وحياتنا من أجل الأبناء الحلوين

طيب

الست تتحمل عشان البيت والأسرة والأبناء

ممكن تقولى الراجل بيحافظ على ايه؟؟؟؟
ايه اللى بيحافظ عليه لما يجرح زوجة متفانية؟
ايه اللى بيحافظ عليه لما تهتز صورته فى عيون ابناؤه؟
ايه اللى بيحافظ عليه وهو لا يحقق معادلة المودة والرحمة والسكن فى زواجه كما أمر الدين؟؟

تحياتى لواقعيتك .. لكن يبدو أن الواقعية مطلوبة من النساء فقط فى كل العصور

صحيح مجتمع يعيش بقلب امرأة ويفكر بعقل رجل

تحياتى

أسوور يقول...

واهد
كلامك ينفع بوست لوحده
تحياتى

أسوور يقول...

مايكل
كلنا نتمنى ان يكون فى واقعنا جزء من الرومانسية المفقودة فى عالم الماديات
تحياتى

أسوور يقول...

أحمد حداد
مكان آخر زى فين يعنى؟
:)
يمكن شرم الشيخ ولا حاجة
تحياتى

أسوور يقول...

صاحب البوابة
فعلا لم يبقى لنا الا الحلم
متشبث به
لعلنا نستطيع المضى قدما فى تلك الحياة الجافة
تحياتى

أسوور يقول...

عــــز
الواحد ممكن يسامح لما يكون الخطأ حصل مرة وخلاص
لكن ازاى ممكن تقدر تسامح حد بيغلط فيك بقية عمرك
؟؟
وازاى تقدر تعيش الذكرى الحلوة وتستمتع بيها طول الوقت من غير ما تهاجمك احداث الواقع الأليم؟

تحياتى وشكرا لرقة المجاملة

أسوور يقول...

وينكى
مبروك يا قمر
ومش عارفة هقدر آجى ولا لأ
لكن بجد مبروك
تحياتى

أسوور يقول...

ريمو
اتمنى ان تجدى الرومانسية المنشودة
لكن خلى بالك
الرومانسية دى بتبقى فى بدايات العلاقات فقط
وبعد كدة بتتحول الى كابوس
او الى ملل ورتابةمن فرط الإعتياد
تحياتى

Mirage يقول...

انا اختلف معاكى كثيرا
فدائما الرجل مايحتفظ قلبه بحبه القديم بينما تستطيع المرأة ان تكون علاقات اكثر تعددا طبعا على التوالى مش على التوازى

وده الغالب دايما

rack-yourminds يقول...

هاجي في يوم مش عارف امتي وتعليقاتي عندك اللي دايما بتقولي تنفع بوستات لوحدها واكتبها في مدونتي بس مش عارف امتي
تحياتي ليكي

غير معرف يقول...

عزيزتى ياسمين
وحشتينى كتير و نفسى اشوفك مش تيجوا تصيفوا فى اسكندرية السنة دى ؟
بوست جميل .. رغم الحزن بس احمدى ربنا ان احلامك حلوة غيرك بيشوف كوابيس
باى يا قمر
ناديه

nadiataha.maktoobblog.com

Hannoda يقول...

إزيك يا ياسمينا؟؟
وحشتيني

إ،ت بالبوست ده جيتي و خبّطتي على باب قدييييم.. ليه بس؟؟

ولاعاوزة أعرف إ،ه موجود و لا عاوزة أفتحه و أبصض عليه و أشوف فيه إيه

وصفتي الإحساس بالحب الجميل اللي ففترة ما فالعمر بتولد جوانا بنفس الشكل و الطبيعية اللي وصفتيها

وبعدين تساءلتِ
صحيح صدق من قال أن
الحلم الرومانسى لا يمكن نجده الا فى اغنية حالمة او فى فيلم عاطفى

لا مش بس دول اللي نلاقي فيهم الحلم الرومانسي

لا ده في مكان تاني ممكن تلاقي فيهم الحلم الرومانسي بشكل أكبر و أعمق و أبهى

هو قلب إنسان بلا جروح.. بلا آثار تركها عبث الحياه و الناس

بس للأسف أصحاب هؤلاء القلوب لهم أعمار ضئيلة لا تستطيع الإعتناء بحلم فما بالك بالواقع

كلامك جميل و الواقع للأسف سيّئ

تحياتي ليك يا ياسمين

أسوور يقول...

شباب روش طحن
أنا فقدت وللأبد احساسى بأنوثتى وشعورى انى مرغوب فى كإمرأة وحبيبة

ودة بيحصل عادة بعد الجواز أو بعد الفراق
:)
تحياتى

أسوور يقول...

truelove
هو فعلا احساس صعب
ارجو ان ما حدش يحسه
ان تأمل فى اللاشىء
أن تتمنى الستحيل
الروانسية أصبحت مستحيلة
تحياتى

أسوور يقول...

سهر الليالى
لأ والله كان يد حانية
وكانت عيناه بلون الليل تمنحنى الراحة
وكانت أحضانه فى دفء الشمس تمنحنى الأمان

ورغم كل شىء
مازلت أشعر بالدفء
مازلت أتذكر كل لمسة وكل همسة وكل لفتة وكل ذكرى
ورغم كل شىء
لازلت أذكر.. فلقد كان كالنشوة ساعة الجنون
وماتنسيش اننا بننجرح كل يوم لكن بيفرحنا انه جوة القلب ساكن فى أفراحنا
عموما الحمد لله اننا سوا

أسوور يقول...

ميراج
انا معاك ان المرأة تستطيع ان تتعدد فى العلاقات على التوالى
لكن لا تنكر ان الرجل يتعدد فى العلاقات على التوازى بمنتهى القسوة
حتى لو كان دة ممكن يجرح حبه القديم اللى انت بتقول عليه
الرجل يفرق بين الحب وأى علاقة أخرى
بينما تعتبر المرأة أن الحب هو قائد كل العلاقات
ولكل قاعدة شواذ
تحياتى

أسوور يقول...

واهد
يا ريت
وأنا هأستنى عشان اعلق واقرى تعليقات غيرى على بوستاتك
شكرا للمتابعة بجد

أسوور يقول...

حورية
:)))))))))))))
ضحكتينى والله بموضوع الكوابيس دة
بس كل الأحلام كدة فى الأول ضوء القمرودفء الشمس ولمعة العين
وفى الآخر نار ودخان
وكوابيس مزعجة

أسوور يقول...

هنودة
مين دة اللى قلبه غض لهذه الدرجة ولم يمسسه جرح؟؟
اعتقد اننا جميعا .. كلنا .. كل البشر .. برضه مجروحين

بنسب مختلفة واسباب مختلفة

يعنى مثلا تلاقى واحدة مجروحة ان جوزها عايز يتجوز عليها
و هو مجروح عشان هى من انانيتها وحبها للتملك مش عايزاه يتجوز
:))))))))))
انتى فاكراها نكتة .. دة بجد .. دة بيحصل بجد
واحدة تقول كلمة بايخة لحبيبها .. يسيبها ويمشى
هى مجروحة عشان سابها ومشى حتى بعد ما اتاسفت وهو مجروح عشان برضه قدرت تقوله كلمة تزعله وعشان لازم تقعد تصالح فيه سنة
دة بجد برضه وبيحصل
الدنيا فيها كتير والجراح اتخلقت مع آدم وحوا
تحياتى لهنودة الجميلة

gohayna يقول...

عارفه يمكن اول مره هقول الكلام دا

ويمكن يكون متناقض بشده مع الي بكتبه

في وقتانا دا الواحد مبقاش عارف يميز بين الي بيحبه والي بيحب يخدعه
الي بيحب يتلذذ برؤيته متعلق بيه وهو منتهي متعته انه يشعر انه امتلك مشاعر انسان اخر

مش مهم ازا كان بيبادله نفس المشاعر
المهم يشفي رغبه من جواه بالامتلاك والتعذيب

جوه كل حد فينا موجدود رغبه خفيه للانتقام من الطرف الاخر
يمكن عشان تجربه اتعرض ليها قبل كدا وبيطلع كل الي جواه مع انسان ملوش ذنب
كل غلتطه انه حب في يوم من الايام قلب ميستاهلش


او يمكن قصور من الطرف المظلزم بفهم طبيعه الطرف التاني ومعرفته علي حقيقته

زياده ثقه
وتصور صفات ملائكيه في بشر يا ياسمين
طبيعي اننا ننصدم ونرتطم بارض الواقع وبعنف كمان

صدقيني الاتنين غلطانين
الي حب والي بيعذب
والانتين مظلومين

قلبتي المواجع يا سمسم

المهم انتي روقي كدا
وحيات عنيكي الحلوه ما فيه حد يستاهل ابدا

تحياتي يا سمسم وطمنيني عليكي

سندباد يقول...

لك الله
لا استطيع ان اقول اكثر من ذلك

Samir Saad يقول...

اي انسان نفسه يلاقي حد يفهمه. حد يحبه بجد ومن غير ما يقيده. حد يعترف به ككيان كامل ومرغوب فيه. لكن الموضوع مش بالبساطة دي

انا هاقولك اللي قاله جابريل جارسيا ماركيز

ربما قصد الله أن تقابل بعض الأشخاص قبل أن تعثر على الشخص الصحيح لكي تشعر بالامتنان وقتها

للمزيد من اقول ماركيز

http://sam-youth.blogspot.com/2007/06/blog-post_14.html

أسوور يقول...

جهينة
الظاهر ان الرومانسية الوهمية التى نحلم بها جميعا قد نات منك يا عزيزتى جهينة
ويؤسفنى انك تكتبين لأول مرة وكأنك قد تلقيت صدمة الوهم العاطفى
يبدو أننا جميعا عشان الوهم لفترة
ويبدو اننا جميعا حلمنا
ويبدو اننا جميعا خدعنا

تحياتى لتعليق كالبوست

أسوور يقول...

سندباد
شكرا لك على سمو مشاعرك واحساسك بالآخرين
تحياتى

أسوور يقول...

سمير
يمكن يكون كلامك صح فى بعض الحالات
لكنه لا يمكن ان نطبقه على كل الحالات
عارف ليه؟؟
ينفع تقول كدة لما تكون فى بدايات حياتك
صعب تتحقق النبوءة لما تكون فى بداية النهاية
بمعنى .. ازاى وامتى هنلاقى الشخص المفقود دة واحنا بننتهى؟
تحياتى

مش عارف يقول...

جميل الحب بس نهايه لو الفراق
صعبه اوى
ياريت تزورينى

أسوور يقول...

4love
رحت مدونتك
لكن ما عرفتش اسيب كومنت عشان الموقع عندك الظاهر فيه مشكلة
عموما هبقى آجى تانى أزورك

عجبنى الزجل اللى انت كاتبه ويارب تنول مرادك
تحياتى

ibn nasser - ابن ناصر يقول...

موضوع جميل وذو احساس رائع

تحياتي

أسوور يقول...

ابن ناصر
شرف لية يا فندم ان بوست عندى يعجبك

نورت المدونة

محض روح يقول...

عمله ايه ليه كتير مجتش هنا
وحشني كلامك
البوست ده كله شجن
كلها تسؤلات صعب نلقي ليها اجابه
الجفاء الغير متوقع بيقتل
كل شئ
وتعرفي كمان الرومانسيه الزياده بتقتل الحب
وبتحوله لعذاب وضغط يفوق الاحتمال
مش عارفه هتستغربي من كلامي
بس ده بيحصل


صعب نلقي شخص كامل الكمال لله وحده

على العموم هيه ديه الدنيا بتاخد منا حجات علشان تدينا غيرها

ربنا معاكي ياجميل

inspector يقول...

خلاص يا جماعة النواة تكونت و سنبدا ان شاء الله جريدتنا


و على السادة:


ياسمين


منة


عمرو المصري


max.adams


اسراء


عاليا حليم


حدوتة


علا


المهاجر


التقدم بطلبات الترشح لرئاسة تحرير الجريدة


البيانات المطلوبة كالتالى:


1-هل ترغب فى الترشح


ليه


ما هى خبرتك او مؤهلاتك


تعليمك

safa7_karmooz يقول...

مممم

خدت الدش التاما وجيتلك لقيتك بتحلمى

كلنا بنحلم ...وبنصحى مة واحده ...بس بنصحى على اخر الحلم واخر وحش ساعات كتيير

بس بنحلم برضه ...بنعمل زى ما منير قال لو بطلنا نحلم نمووت ...بس فيه ناس مش بترضى تشوفنا بنضحك حتى لو فى حلم وهمى ...وبتيجى تقتل كل حاجه جميلة الحلم ده بيحققهالنا ...:(

تفتكرى ان الحلم ممكن يرجع واقع تانى ؟؟؟

safa7_karmooz يقول...

معلش جاى اعمل دعاية عندك ...

ياسمين اابقى اسمعى بليييز

الحلقة اللى سجلتها مع عز...صاحب بيت العز فى برنامج مدونة عالهوا

http://www.horytna.net/Articles/Details.aspx?TID=2&ZID=55&AID=1027

الطائر الحزين يقول...

السلام عليكم

هناك من يفقد حتى الذكرى من هول ما تعرض له من مصاب

لكن أرجع واقول اذا صدقت النوايا يسر الله السبل

أسوور يقول...

سفاح كرموز
فيه ناس مش بترضى تشوفنا بنضحك حتى لو فى حلم وهمى ...وبتيجى تقتل كل حاجه جميلة الحلم ده بيحققهالنا
كلام مظبوط قوى يا سفاح
نفس الناس اللى قتلوا أحلامنا هم الى بيقتلوا أى حلم جديد

أسوور يقول...

الطائر الحزين

مافهمتش ايه معنى اذا صدقت النوايا
طيب واذا كان الواحد داخل بقلب ونيته صافية لكن الطرف التانى مش كدة
تفتكر ايه النتيجة؟

هى هى برضه

momken يقول...

اصعب حلم...ذلك الذي يبدأ دون أن نعرف له نهاية

اصعب حلم... ذلك الذي يجيء في الزمن الخطأ


أصعب حلم...حلم مات بين يديك ولم تستطع أن تكفنه

أصعب حلم...عندما تكتشف أن من ظننته الأمل أصبح هو المستحيل

البوست بتاعك اكثر من رائه وملهم جدا
تحياتى

momken يقول...

اقصد اقول البوست بتاعك اكثر من رائع

مع خالص تحياتى

دنـيـا محيراني(ايناس لطفي يقول...

ياسمينا حبيبتي انا حسه بكي جدا عشان في يوم من الايام كنت زيك بظبط و الحمد لله انتهت هذه الايام و اصبح قلبي في احسن احواله عشان كده هاقولك خلاصه تجربتي الاي انت فيه ده طبيعي جدا عشان الموضوع شكله لسه جديد و كمان غصبان عنك بتفكري كتير فيه ايه بقي الحل هو الانشغال ثم الانشغال و طبعا اهم شيء اللجوء الي الله كلميه اشكيلوه هاتلاقي اقرب اليكي من حبل وريدك صدقني و اكيد اكيد هاينعم عليكي بحب العمر كله ان شاء الله الموضوع مسأله وقت مش اكتر من كده و كل شيء سيتحول فقط الي ذكري لا حلوه و لا مره مجرد ذكري
ربنا يهون عليكي و يزرقك بالاحسن
ان شاء الله تحياتي لمشاعرك الرقيقه

Xee يقول...

ياسمين العزيزة

كون ان الواقعية مطلوبة من النساء في كل العصور، يأكد واقعية الرجل

:)

صدقيني يا ياسمين، الوحش الخرافي الظالم الملقب بالرجل في كلماتك من صنع امرأة

تحياتي

أسوور يقول...

ممكن
ممكن بقى اشوف الكلام دة فى بوست عندك؟
تحياتى على تعبيرك الرائع

أسوور يقول...

دنيا محيرانى
انا مش عارفة اتمنى حاجة ولا احلم بحاجة
كل اللى بأكتبه عن واقع باعيشه ومش قادرة اغيره
الحياة هى هى
واللى بنبات فيه بنصبح فيه واحلامنا محددة فى نفس الأشخاص
والدنيا ما بتديش محتاج .. تقريبا
المدونة متنفسى الوحيد
هأروح ازورك يا سكر

أسوور يقول...

Xee
دة صحيح
انت عندك حق
جايز يكون كلامك كله صح
بس انا أعمل ايه يعنى دلوقتى؟

مخمخ لى كدة وقولى اعمل ايه يا زياد؟
:)
تحياتى

.:.-=- ELGaZaLy-=-.:. يقول...

صحيح صدق من قال أن
الحلم الرومانسى لا يمكن نجده الا فى اغنية حالمة او فى فيلم عاطفى

------------------------------------

بما انى راجع مصر قريب ...ومش بخش كتير وكدة وبقالى 4 مرات اجى اقرى ومش لاقى تعليق فلما ارجع ...هاعلق تعليق طويل جداا

The Eagles يقول...

ليه كل دة ؟

ومعرفتش رايك فى الاميرة ديانا؟


والسلام.........

harmless يقول...

كنت اسمع خلافات الاهلوية والزملكاوية على كره اوفسايد او على فاول مشكوك فيهما واتعجب

كل طرف يقسم ويؤكد ومقتنع برأيه
كيف يكون نفس المنظر ويراه كل الاهلاوية بشكل ويراه كل الزملكاوية بشكل تانى؟!!!!!!!!‏

كنت فى الاول اعتقد ان احد الطرفين يكذب لهوى فى نفسه ولكنى بالتعمق وجدت الطرفين صادقان
فعلا كل طرف رأى بشكل مختلف نفس المنظر

عجيب؟
هل هوى النفس والانتماء للذات يصل بنا الى هذه الدرجه؟

ليس فقط نبرر ما نراه فى مصلحتنا ومتوافق مع هوانا
ولكن ايضا نرى ونسمع ونترجم مرائى حواسنا بما يتوافق مع هوانا؟

ماذا يتبقى لنا من حقائق حتى نثق فى حكمنا على الامور وعلى الناس وعلى المتعاملين معنا؟

فعلا
لا شئ مؤكد
حتى مع الصدق

momken يقول...

لاء طبعا ياياسمين صعب تشوفى الكلام ده فى المدونه لسبب بسيط هو انه
الكلام ده يعتبر الملهم بيه شريك فيه يعنى انتى لما كتبتلك الكلام ده البوست بتاعك هو الهمنى الكلام ده ... وبكده يبقى انتى شريكه فيه لانك صاحبه الموضوع الاصلى
لكن المدونه عندى مواضيعها من عندى وفكرتها من عندى لكن المكتوب عندك فى تعليقى كلامى بس يعتبر فكرتك
او تقدرى تقولى فكرتك باسلوب ممكن
انا عارف ان مواضيعى مش عجباكى الحقيقه مش عجبانى انا كمان... بس انا بحاول اطور من نفسى
تحياتى

rack-yourminds يقول...

انا كتبت بوست قمة الالم كما وعدتك وهكتب كمان عن الذكريات اللي هوم كان تعليق لي عندك

نفسنا يقول...

ندعوكم لزيارة العدد الثالث لمجلة نفسنا

نفسنا يقول...

ندعوكم لزيارة العدد الثالث لمجلة نفسنا

أسوور يقول...

الغزالى
حمد الله على السلامة يا قمر
معلش والله كنت رايحة مشوار مهم ولما ركنت قابلت ناس مهمة
بس طبعا مش اهم منك
:)))))))))))

أسوور يقول...

The Eagles
انا بأموت فى الأميرة ديانا
بحبها جدا
وشايفة انها مثال لظلم الرجل للمرأة
ومثال للطريقة التى تنتقم بها المرأة من الرجل عادة ثم تنقلب عليها
ومثال لتعاسة الحب ورمز لعذاب الخيانة
ورغم ابتسامتها المشرقة واناقتها المفرطة وثرائها الفاحش

الا انها كانت اتعس النساء

استطيع بكل ثقة ان أؤكد لك هذا

أسوور يقول...

هارملس
قصدك تقول ان كل واحد له وجهة نظه فى تصرفاته مع الآخر مش كدة
وقصدك تقول ان كل واحد بيكون رد فعله مختلف
وكل واحد بيفهم التانى بطريقته

فهمتك
طيب انا بأعبر عن نفسى
ينفع يا قمر؟

أسوور يقول...

ممكن
انا رحت زرتك وقريت آخر بوست وهو فاية فى الجمال
تحياتى

أسوور يقول...

واهد
رايحة اشوفه حالا

Radwa يقول...


المشكله فى مين يستحمل الصدمه

وكمان فى حاجه الذكرى اللى بتحمل الم ما بنقدرش ننساها زى الذكرى اللى كلها فرح ممكن ما نفتكرهاش فعلا
تحياتى لموضوعاك الحساس

LOJAIN يقول...

كلامك عصف بيا يا ياسمن
وصف حالة بجد انا عايشاها دلوقت
عبنى تدمع و خمس دقايق ابتسم
وفى الوقت اللى النتاس شايفاه انه عادى لا فى سبب لده ولا لده

الجوع بعد الشبع مؤلم جدا
الوحدة بعد الزحمة غريبة جدا

حالة الشلل النفسى واللى بيطغى مضمونة على الجسد نفسى اعرفلها حل

وحشتنيى قوى
ومعلش انا فى امتحانات
طمنينى عليكى

Regards:
Lojain :)

gohayna يقول...

ياسمين
انتي فين يا قمر
وحشاني والله
طمنيني عليكي يا جميله

أبو ضحى يقول...

ياسمين
ازيك
ايه اخبار الامتحانات؟

طمنينى

محمد النجار يقول...

الله يكتب لنا الخير دائما
والنعيم الحقيقى لايكون
الا فى الجنة
تحياتى

LAMIA MAHMOUD يقول...

يااااااه يا ياسمين

المرة دي جيتي عالوجع اوي

مش عارفة ارد اقولك اية


كفاية اني اقولك اني حسيت بكل كلمة

طيب وافرضي الذكريات حتى اتلوثت بمرارة التجربة

يبقى الحل اية؟

أسوور يقول...

سندريللا
فعلا الذكرى الحلوة بننساها
ولا يبقى لنا سوى الألم

أسوور يقول...

لجين
انا كمان عندى امتحانات يا قمر
وادى اتلم المتعوس وخيب الرجا
معلش بقى الدنيا كدة وحشة وبتظلم البنات الحلوين اللى زيك

اكيد فى يوم الظلم هيمشى
تحياتى

أسوور يقول...

ابو ضحى
هأخلص بكرة
ادعيلى

أسوور يقول...

محمد النجار
حتى الجنة تميز الرجل عن المرأة
اشكرك

أسوور يقول...

لمياء محمود
والله يا لمياء فرحت انك جيتى تزورينى
يا بنتى تقريبا دلوقتى بيوزعوا السعادة برضه ظلم على الرجالة والستات برضه لأ

اقول ايه بس

نورتينى يا سكر

sherif gharib يقول...

صحيح ما ذكرته فاحيانا كثيره تكون اغنيه النهايه ليست كما تمنيناها تكون الاغنيه حزينه بكلمات موجعه عن الذكريات و الاحلام و ما تمنينا ان نعيشه فى عينا الحبيب الذى تظل الاجابات الغائبه ملكا له وحده ولكن فى النهايه نقول لانفسنا اننا على الاقل قد عيشنا تلك اللحظه قبل انقطاع الامل فى نحياها قبل الوداع
تحياتى على شعورك الرائع بكلماتك المعبره

حصان بري يقول...

ابدعتي المره دي يا ياسمين
حسيت الكلمات صادقه قوي
دائما يوجد الامل
لم تنتهي الحياه
ولا يستحق من تركك دموعك

ابحثي عن ذاتك ولا تسلمي نفسك للذكريات

harmless يقول...

ماشى يا ياسمين

reri يقول...

مفيش جديد ليه؟؟
كفايه أحلام والنبي كده يا ياسمين
الواحد ملصم نفسه
:))))

سلامااااااااات يا جميل

أبو ضحى يقول...

ربنا يوفقك يا رب و نشوفك اشهر صحفية بتقول الصدق

بييبو يقول...

كلامك حلو اوى يا ياسمين اوى بصراحة فكرنى بأحلام اليقظة بتاعتى

تحياتى يا عسلة