السبت، 24 مايو، 2008

الهجر الجنسى ام العاطفى



ما معنى الهجر اصلا فى اللغة العربية؟؟
الهجر ضد الوصل والوصل فى القاموس المحيط هو الإتصال
اى ان الهجر فى النهاية هو تعبير عن قطع الإتصال

اغلب الرجال لديهم صورة ذهنيه معينة عن الإتصال بين الزوجين.. وتلك الصورة الذهنية تتمثل فى العلاقة الجنسية

هناك صورة أخرى للهجر انا بأسميها الهجر العاطفى

والهجر العاطفى هو الا يحدث اى تلامس بين الزوجين الا من خلال العلاقة الجنسية
يعنى .. لا قبلة ولا حضن ولا طبطبة ومسكة ايد ولا مداعبة ايا كانت .. الا عندما يهما بممارسة الجنس

هو دة الهجر العاطفى

تشعر المرأة بهذا الهجر وتكرهه .. تقول الإحصائيات ان الرجل فى مصر يكف عن تقبيل زوجته بعد ثلاث سنوات على الأكثر من الزواج

ان المرأة مخلوق عجيب ومعقد وانا اوافق كليا على ذلك
هذا المخلوق المسمى المرأة يعيش ويعطى ويتنفس ويقتات بالحب

لا تسأل زوجتك لماذا هى نكدية؟؟؟

اسأل نفسك انت امتى آخر مرة بوستها بوسة حارة بدون مناسبة.. اقصد بدون هدف الممارسة

اسأل نفسك امتى داعبتها وحدث بينكما تلامس جسدى بدون هدف الممارسة

اسأل نفسك امتى داعبت شعرها او حتى زغزغتها وهى بتعمل الأكل فى المطبخ

هناك بحث يقول ان الأطفال الذين يرون مظاهر الحب بين الأبوين اكثر نجاحا وثقة بالنفس

يقول البحث ان كل انسان مكون من رجل وامرأة وان الطفل يشعر براحة وثقة بالنفس عندما يرى ابويه يتلامسان .. ويتضاحكان وينسجمان .. ذلك لأن كل منا خلق من زوجين وكونهما متحدين يعزز شعورنا بأنفسنا

فلتقبل زوجتك امام صغارك بلا خوف او وجل .. فلتعانقها من حين لآخر اثناء اليوم ولتمسك بيدها اثناء مشاهدة التليفزيون .. دع الصغار يرون كم انت تحب امهم

ولا تنسى ان تغازلها وتثنى عليها وعلى جمالها وذكائها امام الناس وانت تحيطها بمعصميك

لأن مش كفاية خاااااااااااااااالص انك تشكر فى اكلها ..

سوف تذهل من النتائج؟؟ وهتستغرب انك كنت مش فاهم وبتسأل هى ليه مراتى نكدية
!!!



هناك 40 تعليقًا:

عبدالله يقول...

بوست جميل كعادتك يا اسر
فعلا وجود واستمرار العاطفه اساس استقرار البيوت و بالتالي استقرار الاولاد

مش تبقي تغيبي كده

تحياتي

koko يقول...

بس مين يقرأ و مين يسمع

Mohamed Hamdy يقول...

عوده قويه جدا ببوست فى الجون يا اسر

وفعلا .. مشكله رجاله الوطن العربى انهم شايفين ان واجبهم المقدس هو ممارسه الجنس مع الزوجه .. مش مهم احساسها النفسى او العاطفى

على فكره .. ده كان جزء مهم من روايتى الجديده بازل .. ياريت اعرف رايك فيها ... هتلاقيها على الرابط ده

http://demaghy.blogspot.com/2008/04/blog-post_21.html

تحياتى

أسوور يقول...

عبد الله
ادينى موجودة يا عبد الله وبأكتب لما بألاقى جوايا حاجة ملحة اقولها للناس عشان تعرف وتفهم وتتعلم حاجات كتير قوى بتخاف الستات انها تقولها

نورتنى يا عبد الله

أسوور يقول...

كوكو
والله حسيت بتنهيدة بين سطورك

تنهيدة حرفت الشاشة

نورتينى يا كوكو

أسوور يقول...

محمد حمدى

يا رواياتك يا محمد

جميل توارد الأفكار اللى بيننا دة

انا اكتب البوست وانت تكتب الرواية وتجمعنا نفس الأفكار دائما

تحياتى لك

.:.-=- ELGaZaLy-=-.:. يقول...

سوف تذهل من النتائج؟؟ وهتستغرب انك كنت مش فاهم وبتسأل هى ليه مراتى نكدية
-------------------------

يا اهلا يا اهلا يا اسر هانم

اخيراااا

البوست جميل اوى,,,ةحقيقى اوى

أسوور يقول...

غزالى
واحشنى يا راجل والله

ادينى لسة موجودة اهه و لسة بأفكر عشان اقول للناس حاجة ميعرفوهاش
او معلومة جديدة تساعدهم على حياة افضل

غير معرف يقول...

dah kalam gamed gedan
bass el mohem 2el nas tefham we te2adar

ahmEd_H يقول...

ربنا يكرمك يا أسر
يا رب الناس تفهم بس
بجد بوست تحفة

Barracuda يقول...

والله كلامك حكم وكلام مهم .. بس المشكلة ان الناس مش عارفة اهميته او بتعتبرها من نافلة القول مادام الأساسي موجود!!! بيني وبينك الناس ما طلعتش لقيت اهاليها بتعمل كدة ...يبقى هيتعلموه منييييييييييين ؟؟؟؟؟ ...وكمان زي ما تقولي كدة متاعب الحياة أصبحت أكبر من اللمسات دي.. ورجالة كتير بيفكروا انه طالما بيأدي (الواجب) يبقى خلاص نجح في الامتحان .. بس برضه الست عليها عامل.. الست هي الارادة المحركة في العلاقة والراجل هو الارادة المنفذة ... يعني ممكن انها تغير الراجل وتوجهه ناحية اللي هي عايزاه.. وتحسسه بأهميته.. مش عيب انها تطلب مرة واتنين... أو تعمل معاه اللي نفسها انو يعمله معاها علشان تضربله مثال ..( على شرط انو يكون في وقت مناسب) .. وهي في الحالة دي يكون قدامها خيارين.. يا امها تطلب وتوريه اللي هي عايزاه علشان يمشي عليه لأنه في الغالب بيصب في مصلحة الاسرة في النهاية) ... يا أما تستنى
العمر كله لمسة حنية

وتقعد في قعدات الستات تلعن أو الغباوة اللي صابت الرجالة في الزمن الاغبر والبخت اللي مال بدري ... كل ست لازم تضئ شمعة بدلا من ان تلعن ظلام حياتها ...

تحياتي العطرة

أسوور يقول...

مجهول
نورتنى ونورت المدونة بجد
تحياتى

أسوور يقول...

ahmEd_H

مبسوطة ان عجبك البوست
المهم بقى التطبيق
:)

واحشنى يا احمد والله

أسوور يقول...

باراكودا
كلامك كله صح ويجب ان يؤخذ بعين الإعتبار
بس انا اعرف كتيييييييييير جدا من السيدات المتزوجات صوتهم اتنبح مع ازواجهم
وكمان اعرف كتيييييييييير من الأزواج ردهم الوحيد والدائم هو انا دة مش اسلوبى او دى مش شخصيتى او هو انا هأمشى على مزاجك؟؟

صدقنى الموضوع مش سهل ولو سهل ماكانتش فى زوجات اشتكت اصلا وكانت كل واحدة حلت مشكلتها بنفسها

تحياتى وشكرا لتعليقك الجميل

bos bos يقول...

ومين يسمع ومين يفهم

أسوور يقول...

bosbos
ادينا بنقول يمكن نلاقى حد يسمع او حد يفهم

نورتينى يا سكر

Tamer Nabil يقول...

بوست مميز

ومعلومات جميلة


فى انتظار الجديد

تحياتى

أسوور يقول...

تامر نبيل
اشكرك على الزيارة
شرفتنى ونورتنى

تحياتى

Nour eldin يقول...

اولا احيي قلمك الجرئ والواضح فى كشف مشكلات مدمنة تعودنا ان نتعامل معها بنفس سياسة تعاملنا مع كل شئ حولنا بدءا بالحزب الوطنى مرورا بافران الخبز وانتهاءا بالعلاوة المجيدة وهى سياسة طمر الرؤؤس فى الرمال
.........
ولكن نصيحة لك كونى انت نفسك وابتعد عن كلام نوال السعداوى .. وليس هذا معناه انى اقول انك متاثرة بها ولكن ارجو الاتشاركيها فى بعض الاراء مدونتك تحتاج الى كثير من التامل والتفكير لانها سهلة صعبة فى نفس الوقت
..........
اعتذر للاطالة وارجو ان تشرفينى بزيارة لمدونتى
رغم انها دعوة جريئة ان ادعو قلما رائعا كقلمك لزيارة مدونتى المتواضعة
...........
نور الدين محمود

أسوور يقول...

نور الدين
نوت المدونة ونورتنى

تصدقنى لو قلتلك ان آخر كتاب قريته لنوال السعداوى كان عمرى 15 سنة وكان والدى هو اللى جايبهولى هدية كمان ولا حتى فاكرة كان عن ايه؟؟

انا لا اشارك احد فى أفكاره يا سيدى
وحقيقى دى مش أفكار دة واقع تعيشه الكثير من المتزوجات وشكوى مستمرة لا يعبأ بها أحد

تحياتى

شغف يقول...

حلو جدا و صح قوي الكلام اللي انتي قولتيه
متفقة معاكي 100%، لكن ... و تلك التي أعلق لأنها لدي :

الرجال في مجتمعنا لم يشبوا على أن التعبير عن المشاعر الإيجابية شيء جيد

لم يروا أبائهم - غالبا - يفعلون هذا مع أمهاتهم ، معظمهم قد نشأ على أن الطبيعي بالنسبة للرجل و لوجوده هو الانتقاد و الصراخ و الأوامر التي يجب أن تنفذ بلا مناقشة / أو بعد جدل و تشاجر حتى

أقول
أنه من الرائع أن يكون الرجل هكذا
لكن من المطلوب من المرأة ألا تنتظر فقط أن يبقى هكذا
أو أن تُصدم و تنعزل و تتقوقع و تشعر بخيبة الأمل و الحسرة لكون زوجها ليس كذلك

ليست مهمتها هي أيضا أن تضع يدها على خدها متحسرة : " بس مين يسمع " ، بل
عليها أن تطلب ما تريد أحيانا ، و أن تسبق هي به أحيانا أخرى ، و أن تفعل كل ما بيدها لتكون سعيدة

شغف يقول...

في إعتقادي كذلك
كلمات هذه الأغنية تناسب ما أريد قوله :
" ضلي زيدي هذا إحساسك عليا
ضلي زيدي ، خلي كل شيء بإيدك مو بايديا
علميني كيف أعزف على أوتار الحنان
علميني كيف أعشق مثل ما كانوا زمان "

هذا هو دور المرأة / زوجةً أو أما / أن تعلم ، و تأخذ بيد طفلها / زوجها إلى تلك المناطق التي تريدها هي

تحياتي

بنت مصريه يقول...

الله عليكى بجد
بوست جميل احييكى واتمنى تنورينى

محمــود العـدل يقول...

فعلا اكتر من رائع انتى احساسك جميل اوى شكرا على الكلام الرائع دة

harmless يقول...

كلام جميل
لكن اخبرينى

لماذا يتودد الرجل لامرأته ويقول لها كلمات الحب والهيام ويحرص على تقبيلها فى الرايحه والجايه؟
اقصد بغير الغرض الجنسى

انه يفعل هذا لانه يحبها فعلا ولديه رغبه فعلا فى التودد لها ويستمتع فعلا يتقبيلها والتمسح بها

فاذا كان هذا شعوره ولا يفعل هذا لانه لا يجيد التعبير فحسنا فعلتى بتنبيهه ولفت نظره

واذا كان لا يفعل هذا لان مشاعره تغيرت وعواطفه تجمدت ونفسه نفرت فلا انصح النساء بالبحث عن مظاهر لمشاعر مزيفه والفرح بتمثيليات عاطفيه والسعاده بوهم حب لم يعد موجودا

ربما غياب هذه المظاهر نافعا حتى يفهم جميع الاطراف ان تغييرا قد حدث ويبذلون جهدا فى فهم الاسباب ومعالجة النتائج

لكن التمثيل فى المشاعر عمره ما اقنع احد

زهرة الياسمين يقول...

فعلا مش كتير من الرجاله بيتفهموا حاجة المرأة للرومانسيه اللى بتكسر ملل الحياة الزوجيه
لو فهم كل راجل إزاى يوصل لقلب زوجت اكيد هتختفى كل المشاكل الزوجيه و هتتلاشى لإن هيبقى الرباط العاطفى بين الزوجين اقوى من خلاف على حله محشى او فاتورة التليفون

محمــود العـدل يقول...

تعليقك حلو اوى اوى ياياسمين وبجد كلامك صح بس بصراحة فية جراءة اوى
عموما انا بشكرك على الموضوع اوى اوى اوى

مدحت يقول...

جميل كلامك أختي العزيزة وهو بالضبط ما أعيشه مع زوجتي وأراه في عيون أطفالي رغم أنه مر على زواجنا عشرين عاما بالتمام والكمال وابنتنا ستتخرج هذا العام من الجامعة إن شاء الله وهي تغار من أمها بشكل جنوني وبتقعد تنق علينا كل ما تشوفنا بنتكلم مع بعض فقد اغتربنا منذ تسعة عشر عاما وقبل ثماني سنوات اضطرتنا الظروف أن نفترق حيث قررنا النزول ونظرا للظروف المادية بدأنا بنزول زوجتي وأولادي مع وعد مني بلملمة المواضيع واللحاق بهم خلال سنة تكون الامور اتحسنت ولكن هيهات هيهات لملمة مين ياعم إذا لم اتصل بها في الصباح تتصل بي هي في المساء وإذا لم أحدثها في المساء أستيقظ على تليفونها في الصباح فأصبحت مكالمتنا تليفونيا كل يوم مرة أو مرتين ده عن الكلام في التليفون طيب ماتنزل يابني احسن وتوفر الفلوس ... ومين قالك لقد أصبح نزولي في العام ثلاث مرات مرة في العيد الصغير ومرة العيد الكبير ومرة في النص لكسر المدة وفي الصيف تجرجر العيال وتجيلي وهي مستمتعة بقضاء الأجازة في الحر الرهيب الذي نعيش فيه فسرنا عكس الناس وهم لا يشتكون بل يتشوقون لليوم الذي يلحقون بي فيه والولاد زي امهم فرحانين ومبسوطين رغم أنهم محبوسين طوال اليوم في البيت وطول النهار تليفونات هتيجي امتى يلا خلص بقى وأول ما يسمعوا صوت العربية قدام البيت ألاقي الطابور واقف ومستني عايزين نخرج سوا طبعا أنا هلكان من الشغل ولكن يكفي انك تلاقي الفرح والحب في عيونهم تنسى كل التعب ونخرج مش عارفين نحوش حاجة نزول تلات مرات في السنة والرابعة هما ييجوا ولكن وسط كل هذا يبقى بيننا جميعا الحب والعشرة الجميلة كفاية قوي إن الحب يملأ بيتك لأنك مش هتقدر تأخذ كل حاجة .... مش هتقدر تأخذ فلوس وحب وصحة وسعادة وجنة لازم يبقى فيه ثمن بتدفعه لكن في وجود الحب والمشاعر الجميلة المتبادلة كل المصاعب اللي بتمر بيها بتلاقيلها حل والحياة بتعدي وهانت خلاص كلها عشرين يوم وحبايبي يشرفوا ....اللهم أدم علينا وعليكم جميعا نعمة الحب...وشكرا للتدوينة الجميلة التي فجرت فينا مشاعر نحن بأشد الحاجة إليها.... بس حلوة قوي الزغزغة اللي في المطبخ دي لازم الواحد يجربها

كلام على بلاطة يقول...

تحياتى على المواضيع الشيقة
والثقافة العالية

غير معرف يقول...

سيدتى كنت اعتقد انك شجاعه تناقشين الافكار وتردين عليها كتبت تعليق على مدونتك وزيلته باعجابى بان تفكرين بصوت عالى وتجعلينا نشارك فيها ولكن فوجئت بان حذفتها دون سبب واضح هلما بانىلم اضمنها لفظا خادشا او فكره صادمه او عباره سب تصرفك هذا جعلنى اشك فى نضج افكارك وسقوطك فى بحر الانا عليكى ان تتقبلى النقد الموضوعى كما تطربين لسماع عبارات المدح والاعجاب وشكرا

أسوور يقول...

اذكر تعليك واراه خارج عن حدود اللياقة

انت لا تعرف ما أفكر فيه .. وليس من حقك ان تعلق على شخصى .. لكن لك كل الحرية ان تعلق على موضوع ومضمون البوست

شكرا

mohamed hesham يقول...

معك كل الحق فيما قلتيه ...

بس مين يفهم ،

أسوور يقول...

محمد هشام
اشكرك على مشاركتك وعلى الزيارة
تحياتى

أسوور يقول...

محمد هشام
اشكرك على مشاركتك وعلى الزيارة
تحياتى

واحده من أصحاب القمر يقول...

انا سعيده جدا جدا بالبوست وبأفكارك
وتفسيرك للهجر العاطفي والجنسي .
وانا متفقه معاكي 100 % بأن علاقه الاب واللام الناجحه علي المستوي العاطفي والجنسي اكبر مصدر ثبات انفعالي للأطفال ومش بس كده ليها تأثير علي الهويه الجنسيه للطفل ايضا .
بمعني البنت اللي ابوها يدلل ويداعب زوجته هويتها الجنسيه بتتحدد مبكرا
والولد نفس الحكايه وبيبقي نسب تحولهم للشذوذ الجنسي واللي بيكتر في مجتمعنا
اقل من نظرائهم في اسر مفككه .
بس بعض التشويش انتابني لان الهجر الجنسي يتضمن هجر عاطفي والهجر العاطفي في مضمونه هجر جنسي الفصل بينهم مش مطلوب لان الجنس بلا عواطف هو اعتداء ....علي النفس قبل الاخر.
سعيده بمدونتك جدا ووضوحك في العرض
كل التوفيق .

اميره جمال

البحث عن الذات يقول...

كلام جميل بجد فيه توضيح لاننا مش ربطانا بس المنافع من جنس و رعاية لكن في حب من غير مقابل
انا مش بنفي اني ممكن اكون زوج من النوع ده بس انا عارف ان الي انت كتبتيه صح

بس فعلا مش عارف ليه كلنا وصلنا لده,, ليه جيلنا والجيل الي قبلنا راحت منة القدره علي ادراك الأنسانية المجرده في نظرته للمرآه,, لية دايما شايفنها جسد ونبحث عن التهامه ثم نهجره بعد الشبع منه

اري فيما آلت اليه عقول الرجال وسلوكهم ونظرتهم الموروثة الي المرءه انها السبب الحقيقي وراء خيانة النساء
انا مؤمن بهذا الأمر .. اعلم ان المرأه لا تخون بسبب تقصير زوجها الجنسي او بسبب عله في قدراتة , - كما كان يقول ابي وكل الرجال المبالغين في الفخر بفحولتهم-
بل ان الأمر كلة مجرد عناق حقيقي ونظرة دافئة تكفي المرأه وتشبعها

ان لدينا في مصر بالأخص هوس جنسي غريب قد اصابني في اعمق افكارنا والهب حياتنا ,,
نعم ينظر الرجل الي الجنس علي انه اثبات رجولته وان المرأة هي الأداة التي يثبت بها

اشكرك علي الفكره جديره حقا
واسف علي التطويل عليكم
............

فتوح أبو المفاتيح يقول...

خير خير خير
محدش عارف الخير فين
كما اقول دوما ان الحب هو الاحتواء
وبودون الحب مفيش حاجة هتحصل
دا غير انه المحرك الاول لكل حاجة حوالينا
خير حب جمال
الواحد لما يكون دايما خير هيبقا بني ادم كويس
الواحد دا هيعرف يحب كل حد حواليه ومش هيعرف يعيش من غير ما يحب الناس ويحب اللي حواليه
وفيه شوية حب وصاية كدا على جنب ;)

ولما الواحد يحب كل حاجة حواليه هتكون جميلة
وهيلاقي الدنيا جميلة
والكون سعيد ومنشكح

كن سعيدا ترى الكون سعيدا

خير خير خير

محدش عارف الخير فين

انسان يقول...

تحية طيبة ظاهرة الهجر التي تطرقتي لها ماهي الا صفة من صفات التطور وتعقد الحياة ومتطلباتها لكن يجب على الطرفين الزوج والزوجة ايجاد الاوقات المناسبة للتقرب من بعض بعيدا عن الاثارة بهدف االجماع .. كلماتك جميلة اتمنى لك الاستمرار.. والموفقية..

غير معرف يقول...
أزال أحد مشرفي المدونة هذا التعليق.
غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影