الأحد، 12 أكتوبر 2008

ساعدونى فى اى معلومات عن هذا المرض؟؟

احدى البنات فى ال15 من عمرها
تحولت الى وحش يأكل نفسه منذ سنتين
تغضب .. فتأتى بأى آلة حادة وتجرح نفسها فى اى موقع بجسدها النحيل
تجرح ذراعها اليسرى بشدة
تجرح ساقيها .. أصابع قدميها
تحاول تشويه جسدها بكل وسيلة
تصنع من كل شىء سلاح وتوجهه ضد نفسها
تستخدم امواس الحلاقة .. السرنجات فتسحب الدم من جسدها
السكاكين .. الزجاج المكسور .. حتى الأسلاك والمفكات
وتفعل ذلك فجأة وبلا انتظام
اذا ارتكبت خطأ فى حق شخص ما تحبه فهى تعاقب نفسها بهذه الطريقة
واذا ارتكب شخص ما خطأ فى حقها .. فهى تحول الألم النفسى الى الم جسدى بهذه الطريقة

هو مرض يصيب بعض الناس فى مرحلة المراهقة
افيدونى ان كان احدكم قد مر بتلك التجربة
او على الأقل يعرف احدا مر بها او تعامل معها



هناك 27 تعليقًا:

zahra يقول...

أعتقد انه من الأفضل استشارة طبيب أمراض نفسية

أسوور يقول...

زهرة الياسمين
اهلها عرضوها على عدة اطباء وهى تتناول الدواء بإنتظام مع جلسات علاج نفسى منذ عدة اشهر

وللأسف لم يحدث اى تغيير فى الحالة

شكرا لإهتمامك

انا حره يقول...

اممممممم

العلاج النفسى بيحتاج وقت طويل على فكره

اقولك يمكن عليها عفريت

الدبور يقول...

hi aser
so long time i didnt hear ur voice or even c u online on MSN
hope that ur ok and doing well in life
this link is for how to help this girl:
http://www.cyc-net.org/reference/refs-self-mutilation-alderman1.html

barbie girl يقول...

انا مسمعتش حاجة قبل كدا عن المرض دا ..شكله مرض نفسى

أسوور يقول...

أنا حرة
شكرا لمشاركتك
يا ريت كان عليها عفريت
دة ما عفريت الا بنى ادم

نورتينى

أسوور يقول...

الدبور
شكرا لك افادنى بجد الموقع دة

جزاك الله كل خير

أسوور يقول...

باربى جيرل
ادينى بحاول برضه افهم زيك وكل امنيتى انى الاقى حد قابل حالة زى دى علشان يفيدنى

قناة الرحمة يقول...

دعوة من الأنسة منى مشرفة مركز خدمة المدونين العرب لخدمة نشر المقالات على العالم ودعوة للعضوية فى مراسلتنا ونشر مقالاتكم أمام أشهر مدونة عربيةوتسجيلكم لدينا

محمد حمدي يقول...

اسر انا عندى معلومات عن المرض ده وشوفت عنه فيلم كامل قبل كده واعرف بنت مرت وبتمر بالحاله دى لحد النهرده

اظن الكلام عن الموضوع فى التعليقات هيكون صعب .. عموما انا من فتره بحاول اوصلك من خلال الموبايل بس مش بتردى فياريت لو غيرتى رقمك او حاجه تبعتيلى الجديد على الميل عشان نتناقش فى موضوع المرض ده

ده طبعا لو كنتى عاوزه يعنى

تحياتى

د. محمد رضا يقول...

اممممم

دا اكتئاب بقى من القوي

يعني اعلى مرحلة

اكيد العلاج يشمل ادويه اكتئاب وجلسات كمان علاج وعلاج اجتماعي


ولازم تكون تحت الملاحظه على طول

لدرجة انها تتحجز في مستشفى نفسي لو اقتضى الامر


واهم حاجه تتجه لربنا



بصي الحقيقه انا وصلت للمراحل دي من الاكتئاب

لدرجة طبعا محاولة الانتحار كزا مره

الحمد لله

الموضوع كله اراده

لا ادوية ولا غيرها

اعتماد على الله واراده

لازم تحس انها لازم تتغير

ان الله لا يغير ما بقوم حتى يغيروا ما ب انفسهم

وانا الحمد لله دلوقتي كويس جدا



تحياتي ليكي وقلبي معاها

micheal يقول...

ربنا معاها ومع أهلها ويا ريت يصبروا مع الطب النفسي لان الموضوع بيأخذ وقت
تحياتي

Hannoda يقول...

للأسف ماعرفش حاجة عن المرض ده

لكن فعلا ده مرض مؤلم

حاتابع عندك عشان أفهمه أكتر

تحياتي ليكي

-_- يقول...

ده مرض نفسي معروف
شهوة تعذيب النفس او لذة الالم و يعتبر درجة من درجات الاكتئاب لكن يمكن علاجه بسهوله يعني المسألة وقت مش اكتر
احيانا بيبقى جرح الجلد او عند بعض الناس شد الشعر حتى نزعه من بصيلاته و اخر حالة شفتها كده كانت لولد اللى يشوفه يقول ان عنده قراع مثلا لكن هو كان بيشد شعره لا اراديا حتى نزعه تماما اذا اي حد ضايقه

دعاء مواجهات يقول...

تالمت كثيرا من وصفك

ربنا معاها ويعينها يارب

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
ارسل ميلك اذا كنت ترغب في وضع البنر نرسل لك كود البنر

غير معرف يقول...

شكرا سيدتى على البوست الجميله انا متتبع كل البوستات كل مره بتطرحى للنقاش موضوع جميل وبالنسبه للموضوع انا كانت ليا صديقه خريجه اداب علم نفس قالت ليا انها شافت حاله امراه متزوجه كانت بتدخل اجزاء من عيدان الكبرت فى فتحه حلمتها

غير معرف يقول...

رواية للنشر الإلكترونيّ

الإبداع الحقيقي حري ٌبالتعبير عن ذاته ، والفكر الإنساني لم يخلق ليختنق في ظلام الصدور، والمبدع الحقيقي يمتلك دوماً الحق المطلق في أن تجد أعماله طريقها للنور باعتبارها خلاصة تجربة إنسانية كاملة تستحق النشر .
من هذا المنطلق تعمل دار رواية للنشر الإلكتروني على إفراد مساحة كاملة للنشر لكافة مبدعي الشبكة العنكبوتية بإعتبارها الخطوة الأولي نحو النشر الورقي، وفي سبيل الحلم في أن يصل إنتاجك للجميع تتعهد الدار خدمة النشر الإلكتروني على موقعنا أولاً بصورة تليق بالأعمال مع توفير الدعاية اللازمة والمناسبة له على الشبكة على كافة المستويات ثم تقديم ما يصلح منها لدور النشر المختلفة شرط أن يكون حجم هذه الأعمال صالحاً للنشر الورقي .
بدايتنا هي الحلم المشترك ودافعنا للاستمرار هو الأعمال المميزة من أجل أن نحقق معاً توازناً للنشر الإلكتروني والورقي ... الجديد عندنا هو اختيار أفضل عمل سنوي يصل إلينا كل عام من خلال لجنة تنعقد لذلك وتعتمد في اختيارها في الأساس على استقراء القبول الذي لاقاه العمل المختار لنشره بصفة سنوية في معرض الكتاب مع التزام الدار بتكليف نشره وعمل الدعاية اللازمة له كاملة و بصورة مرضية لصاحبه .
يبقى أن ننوه أننا لن نخضع لشروط النشر المعتاد وتعسف دور النشر التقليدية و يكفي فقط أن يمثل عملك تياراً أدبياً ناضجاً سواء أكان العمل في صورة رواية أو ديوان شعر أو مجموعة قصصية .

لزيارة الدار:
http://rewaya1.blogspot.com/

موقعنا على الفيس بوك
http://www.facebook.com/group.php?gid=41385681402

بريد الكتروني :
rewaya12@hotmail.com
rewaya12@yahoo.com

غير معرف يقول...

كل سنة و انت طيبة آسور الغالية
عيد اضحى سعيد
------------
بالنسبة للمرض اللى بتسالينا عنه
أعتقد انه نفسى و لا أحب التكهن بدون علم
قرات مرة يا آسور بمنبر دنيا الوطن عن حالة مشابهة لفتاة بحرينية تطورت حالتها حتى أصبحت تتلذذ بشرب الدم و تعالج فى مستشفى هناك .

شفا الله كل مريض و عفا عن كل مبتلى يارب

ربنا يطمنك يارب

تحياتى و احترامى

ناديه طه

غير معرف يقول...

المشكلة مش عند البنت
المشكلة في بيتها
المشكلة في علاقاتها بمن حوله
حتى لو كانتو شايفيين أن مفيش مشكلة في بيتها فده من وجهة نظركو
البنت شايفة مشكلة عن أقرب الناس ليها ومحملة نفسها مسؤولية المشكلة

غير معرف يقول...

اخى العزيز


مرور للتحية والسلام والتهنئة بعيد الاضحى

كل عام و نحن جميعا بكل خير

عذرا لمرورى السريع لتقديم التهنئة لتاخرى على باقى الاصدقاء

ستيتة يقول...

كل سنه وانتي طيبة وبنوتك الحلوة كمان
انا مدخلتش علشان موضوع البوست لكن علشان ده احدث بوست فممن تبصي على تعليقي
عرفت مدونتك النهارده ومكتبتش ليكي الا لما قرأت كل اللي انتي كاتباه
مقدرتش اشيل عيني من على المدونة وأروح في اي حتة تانية
انا برضه برج الجدي ولي شخصية كدت اظن اني اللي كاتبه كل اللي انتي كتباه بس انا يمكن افكاري مش بتنساب بسلاسة وجمال كتاباتك
اعلق على انهي بوست ده كل واحد منهم عاوزة اناقشك فيه ساعة كاملة
اتفق معاكي في كتير واختلف معاكي في كتير برضه والمناقشة على الصفحات مش ها تسعفني
لكن انا سعيده اني دخلت مدونتك واي موضوع جديد ربنا ها يفتح عليكي بيه مؤكد ها اناقشك فيه بشكل منفصل
طبعا انا اسمي مش ستيته بس ده الوضع اللي بحسه في مجتمعنا الذكوري وحسب الله ده جوز ريا فلقيت اني في شوية اجرام تناسب الأسم والحمش ده وضع وش الأبلكاش اللي الرجال في مجتمعنا لازم يحطه علشان يقولوا عليه ونعم الرجولة
ببساطة اسمي اعتراض علني على وضع رفضته وصححته في حياتي الشخصية بس نعمل ايه في سبعين مليون راجل وست بيحبوا الست تبقى ستيته وجوزها يبقى الحمش؟
انا استاذة جامعية واتشرفت بمعرفتك
كل سنه وانتي وبنوتك وانا كمان طيبين

الفقيرة إلى الله أم البنات يقول...

ياريت تطمنينا وصلتى لإيه علشان
نعرف اسبابه بيجى فجأة ولا له مقدمات
منتظرين عودتك
فرج الله كروب المكروبين

koukawy يقول...

انا مر علي في فتره الثانويه المرحله ديه
بس مش بالوحشيه ديه اوي بس برضو كنت بقطع ايدي بموس او بكتر او دبوس
و خرمت ودني خرم تاني بدبوس
بس كانت بسبب ظروف نفسيه وعائليه سيئه و تربيه قاسيه من صغري
و كنت عايشه حياة زفت
بس راحت لوحدها ما رحتش لدكتور و ده لعدم اهتمام حد بيا اصلا
الحمدلله جت من عند ربنا و اتعالجت كده
بيتهيألي ان المرحله دي عادي
بس يستحسن تشوفوا دكتور

غير معرف يقول...
أزال أحد مشرفي المدونة هذا التعليق.
شيماء الجمال يقول...

ماسوشية

Islam AboBakr يقول...

هذا مرض نفسي مسمى
ماشوسية معنوية
عكس السادية و لكنه من نفس الفصيلى
فصيلة الاذى
و لكن اذى النفس
عكس اذى الاخرين

هذا علاجه عند الطبيب النفسي لا محاله

اذا اردتي اي مساعده استطيع تقديمها باذن الله
شكرا