السبت، 21 فبراير 2009

الجواز وسنينه .. و وايلد هارت .. وانا فى مباراة تدوينية خاصة بموضوع التحرشات

تعليق الزميلة الجواز و سنينه على البوست السابق http://amyasser.blogspot.com/2009/02/blog-post.html
بصى انا مقدره موقفك جداااابس انا عايزه اقولك ان فعلا مستقبله هايضيع و ان ابوه كان عنده حق انه يقف معاه بس اكيد فى البيت كان هايبهدله بس لو بهدله فى القسم يبقى اكد الموضوع اكترطبيعى ان الابهات و الامهات تقف فى صف اولادها حتى لو متأكدين انهم غلطانينمتهيألى كفايه انه اتبهدل لغايه كده و اكيد عرف معنى الزل و اكيد مش هايكررها تانىو الحمد لله مافيش هتك عرض او حاجه ما تتصلحش و الحمد للهو بعدين ما كانش لوحده اللى عمل كده حتى لو هو اللى بدأ بس كان فيه غيره ليه يتعاقب لوحده علشان طلع اهبل و ماهربش؟؟؟مش بدافع عنه بس صعبان عليه مستقبله اللى فعلا هايضيع لو عايزه تخوفيه فهو و اهله اكيد مرعوبين كفايه بس ما توصلش لضياع المستقبل العفو عند المقدره
ردت الزميلة
Wild at Heart
إلى "الجواز وسنينه وجهة نظرك هي أحد أسباب ضياع الحقوق وانتشار هذه الظاهرة المقززة بيننا لحد ما بقت "عادي"، الزفت ده كان عارف كويس إنه بيعمل حاجة غلط ولو ماكانش عارف كده ماكنش انكر في القسم، لما مستقبله يضيع يبقى هو اللي ضيعه بإيديه مش آسر ولا أي بنت تانية هي السبب، أرجو تراجعي موقفك يا "الجواز وسنينه")وتعرفي إن العفو عند المقدرة في اللي مثلاً خبطني بالعربية من غير قصد لكن جرح حيائي بالشكل ده يبقى لازم يتعاقب
ثم كتبت على مدونتها
http://dustanddreams.blogspot.com/ البوست الآتى
حكايتي مع التحرش الجنسي عمرها أكثر من 13 سنة وطول السنين دي ماحستش بالأمل غير الأيام دي .. غير لما الإعلام اهتم ولقيت مدونيين وصحفيين وغيرهم بيدافعوا عن الضحية مهما كانت الظروف المحيطة بالحادثة وهو ده اللي لازم يحصلمن ساعة ما الموضوع اتفتح أو بمعنى أصح اتفجر في أكتوبر 2006 والناس بدأت تتغير واحدة واحدة، الناس بدأت تفهم إن في قانون بيعاقب التحرش الجنسي والمعاكسات لأنها جريمة .. الناس بدأت تفهم إن ظروف الحادثة سواء المكان أو الزمان أو أخلاق الضحية أو مظهرها أو عقيدتها مابتغيرش في الأمر شئ لأن التحرش الجنسي .. جريمةالبنات بدأت تفهم إن لازم مايسيبوش حقهن ويمشوا في طريق المحاضر والمحاكمات الصعب...عرفوا إن تحقيق العدالة محتاج شجاعة وجرأة، وعرفوا إنهم كده بيصلحوا المجتمع .. الناس بدأت تفهم إن الفضيحة مش على المجني عليها، على الجاني اللي عقدة النقص والكلاكيع و(الازدواجية للأسف) والقذارة اللي جواه خلته يشوه نفسية البنات كده نهى رشدي
وآسر وقطر الندى و(أنا) وكل بنت دافعت عن حقها...إليكن السلام
ردت
الجواز و سنينه فى مدونتى ومدونة Wild at Heart بالتعليق التالى
حكايتك مع التحرش ليهااكتر من 13 سنه؟؟؟؟؟؟عايزه اقولك حاجه لو واحد ساب باب شقته مفتوح و جه حرامى و سرقه يبقى العيب على الحرامى و لا عليهو لو واحد قفل باب الشقه كويس بس برضوا اتسرق يبقى العيب على الحرامى و لا عليهالواحد يعمل اللى عليه الاول و بعد كده يشتكىهو ده بالظبط لما الواحده تكون ملتزمه فى لبسها و تتعاكس يبقى العيب على الشاب و ساعتها تقطعه اربا اربالكن اللى لابسه مش ولابد و عايزه الناس تبقى مؤدبه طب ازاى؟؟؟؟اعرف ناس كتر اوى و على درجه كبيره من الجمال و مش بيعانوا من التحرش لانهم بياخدوا بالاسباب يعنى بتخرج فى موقت مناسب ليها من ناحيه الامان حد بييجى ياخدها من المكان اللى هيه فيهفيه حديث عن الرسول ما معناه ان لما الزمان يبوظ فكل واحديلزم بيته مش هاقولك ما تخرجيشاخرجى بس خدى احتياطات امانك و انتى مش هاتعانى من التحرشمش كل واحده تعمل اللى ما بدالها و تقولى بيتحرشوا مهم لازم يتحرشوا يعنى هايبقى التلفزيون و النت و الفضائيات و البنات فى الشارع و الظروف الاقتصاديه والزمن على الولاد
ردت وايلد ..
Wild at Heart
الجواز وسنينه،أنا عايزة أفهم حضرتك افتضرتي منين إن أنا مش ملتزمة في لبسي؟؟؟وعايزة أقوللك إني عندي 13 سنة ولما أقول بقالها 13 سنه يبقى بدأت تحصل من وأنا عندي 10 سنين بالذمة عيلة عندها عشر سنين المفروض تلتزم في لبسها أو أصلاً تاخد بالها إن ماحدش يأذيها إزاي يعني؟؟ يبقى الذنب عليها ولا على الوسخ اللي عمل فيها كده والناس اللي بتقول إن الضحية هي السبب؟إيه المنطق الغريب اللي بتفكروا فيه ده؟؟إزاي واحدة تبقى ماشية في الشارع عادي ولا راجعة من الشغل ولا بتتفسح ولا نازلة الشارع غلاسة هي حرة وحد يرتكب ضدها جريمة وتقولوا هي السبب؟ إزاي يعني؟بالنسبة للأمثلة اللي حضرتك جايباها أفهم من كده إن حضرتك لو لقيتي باب شقة مفتوح حتخشي تسرقيها؟ أكيد لأ، ليه؟ عشان السرقة حرام ويعاقب عليها القانون، مش عشان صاحب الشقة سايبها مفتوحة، حكاية إن البنت تعمل اللى عليها ولا ماتعملوش دي حاجة ربنا وحده هو الوحيد اللي من حقه يحاسبها، لا أنا ولا إنت ولا أي كلب بيتحرش بالبنات من حقه يهاجمها لأنها "مش ملتزمة" المفروض إن كل واحد يفضل في حاله إلا إذا حد طلب مننا المساعدة أو التدخل في شئونه، غير كده المفروض إن حضرتك تمشي في الشارع من غير ما تتدخلي في تصرفات أو مظهر الناس لإن كل واحد حر، أيوه كل واحد حر ولو ماكانش ربنا خلقنا أحرار كان خلقنا والحجاب على راسنا، وماكانش خلق جنة ولانار بقىوالله أصحاب حضرتك محظوظين لكن أنا وأصحابي باختلاف درجة جمالنا واحتشامنا بنعاني من التحرش من غير تمييز، القانون يا حبيبتي قال إن اللي يتعرض لأنثى يتعاقب، أنثى، مقالش محجبة ولا منقبة ولا نازلة في وقت مناسب ولا وضح أي ظروفيعني حضرتك ماسمعتيش قبل كده عن تحرشات حصلت في نص النهار وفي شارع زحمة؟ أنا عايزة مرة تبقى ماشية كدة لا بيكي ولا عليكي وحد يتحرش بيكي وساعتها حتعرفي مين فينا اللي صح.
رديت انا :
الجواز وسنينه .. الجريمة جريمة يا سيدتى ايا كان مكان وقوعها او اسباب وقوعها او من هو المجنى عليهالناس زمان كانت بتسيب ابواب بيوتها مفتوحة وكمان محلاتها ومكانش حد بيسرقها لأن الدنيا كانت بخيرالناس فى الأرياف .. واحب اقولك ان انا افخر بإنتمائى للريف .. الناس هناك بتسيب فعلا بيوتها مفتوحة ومحدش بيدخل يسرقها ابدا .. لو انا ماشية عريانة ملط .. ممكن واحد يبلغ البوليس عنى بتهمة الفعل الفاضح لكن مش ممكن يلمسنى لأنه لو لمسنى يبقى جريمة هتك عرض ولا يبررها فى القانون انى كنت عريانة .. والدتى استاذة فقه وشريعة على المعاش وتبلغ من العمر 63 سنة ومحجبة جدا وبتتعرض للتحرشات برضهانتى كدة بتدى مبررات للمتحرشين .. اللى مش بيهمهم اى سن ولا لبس معين ولاشكل ولا نيلة .. دول اسمهم متحرشين .. وعلى فكرة حكاية وايلد عن التحرش بيها من 13 سنة اى وهى طفلة صغيرة .. حكاية حصلت لنا كلنا تقريبا واحنا صغيرين وما اعتقدش ان مفيش بنت لم يتحرش بيها واحد فى اسانسير او فى محل وهى بتشترى طلبات او حتى فى الشارع او واحد فجأة بتلاقيه قالع قدامها او مبين جزء معين من جسمه .. او .. او .. او ..كلها قصص عارفاها البنات وبتتحكى بس لما بنكبر وبنقدر نواجه نفسنا بانها مكانتش غلطتنا والقوى فينا هو اللى بيبدأ يحارب المرضى دول زى ما انا عملت وهأعمل انشاء الله .. مش بس عشانى .. لأ عشان كمان انا عندى بنتين عايزة اربيهم على الحق .. وعلى عدم الخوف .. وانا صغيرة كانت ماما تقولى اوعى تخلى حد يلمسك .. اوعى تخلى حد يعاكسك .. ودة كان بيخلينى اخاف احكيلها لأن كلمة اوعى دى كانت بتخلينى افكر ان لما حد يعمل كدة تبقى غلطتىدلوقتى انا حريصة انى اقول لبناتى .. لو حد عاكسك او لمسك تيجى تقوليلى عشان اوديه للبوليس .. بناتى 6 سنوات و 4 سنوات ونص .. حافظين رقم النجدة 122 عشان اعرفهم ان القانون موجود وهنلجأله لما حد يعترض طريقناوهمة عارفين ان مامتهم اتصلت بالبوليس لما حد ضايقها فى الشارع .. انا دلوقتى عارفة انهم مش هيخافوا فى المستقبل .. ومش هيترددوا فى اللجوء للقانون .. ومش هيتكسفوا يقولوا لو حاجة حصلت زى دى
ردت الجواز وسنينه
ولا عايزه اقولك انى مش بعيب عليكى عدم الحجاب ده فرض و انتى اكيد عارفه زيه زى الجهاد الجهاد فرض على الرجال فقط و الحجاب فرض على النساء من دون الرجال .. حضرتك انا عامله ماجيستير فى الشريعه الاسلاميه .. و بعدين انا عايزه اقولك انا لما رديت عليكى ما كلمتكيش فى انك تتحجبى و لا اقدر اقولك صلى او حجى ده حاجات كل واحد عارفها و مسؤال عنها ادام ربنا مش ادامى .. انا بس قلت للى قالت ان الحجاب حريه .. ده بيغيضنى جدا و كانهم بيدافعوا عن التقصير فى حق الله .. كان عندى اهون انهم يقولوا ده غلط زى ما قلتى حتى لو انك مش مسلمه مش من حق حد ينتهك حرمتك و لا حد يقولى ان كل واحد بيلبس على حسب الطبقه اللى هو منه و كأن الحجاب و فروض ربنا ليها طبقه و بعد كده يتكلموا بالاسلام و غض البصر من الولاد .. طيب ده شيزوفرينيا بجد .. بيطالبوا الولد بغض البصر و مش بيطالبوا البنت بالحجاب؟ مهم الاتنين من الاسلام .. انا لم اقصدك بهجومى انا قصدت كل اللى حاول يجاملك على حساب فروض ربنا .. اما حكايه ان زمان كان فيه امان .. عندك حق جداااا بس لما كتروا الحراميه حرستى على بيتك حطيتى نظام امان ليه .. و حرصتى على العربيه و حطتيها فى جراج .. كمان المفروض نحافظ على جسمنا و نغطيه من عيون الكلاب لانهم لا يوصفوا إلا بكلمه الكلابلما يكون ربنا حاتطلنا نظام حمايه فالاولى اننا نتبعه لانه اكيد ربنا ما فرضدش حاجه إلا لمصلحتنا حتى لحم الخنزير فى تحريمه هو الخمر مصلحه الانسان و ليست مصلحه ربنا .. انا بس عايزه اقولك ان كل الناس اللى بتقولك استمرى مش هايقفوا جنبك لو الولد طلع برائه و طلعتى انتى اللى اتبليتى عليه .. اخرهم ايه هايقولولك كام كومنت مش قضيه يعنىانا لما قلتلك اتنازلى مش تفريط فى حقك .. بس هو رعبك و انتى رعبتيه اكتر من الرعب اللى انتى شوفتيه انتى عشتى كام دقيقه رعب و هو عايش كام يوم رعب ؟؟؟؟ لو على عدم حدوث ده مره تانيه فهو مش هايعمله و مش هانحاسب كل المتحرشين فى شخصه .. وحكايه ان مامتك كانت بتقولك اوعى حد يلمسك كلنا امهاتنا قالولنا كده و حتى الاولاد دلوقت المفروض يقولولهم كده .. الدنيا بقت زقت و حاجه تقرف .. بس المفروض كانوا فعلا قالوا زى ما قولتى لبناتك ربنا يحفظ كل البنات يارب .. طيب انتى عارفه انا على اد ما انا ملبسه بناتى حمالات و شورتات فى الصيف بس بقول لما يكبروا شويه هاينتهى الكلام ده النفوس المريضه كتير و انا بحميهم هالبسهم شيك جدا بس اكيد مش هايكون لبس النونات ده مستمر علشان انا بشوف بنات و ظهرت عليهم علامات البلوغ و الام مستصغرها و عملاها نونه بس الغريب مش شايف كده و على فكره انا لما كنت بتعاكس كنت فعلا بحس انى انا اللى غلاطانه .. اظاهر ان الامهات كلهم كانوا واحد .. انتى مش فى وضع دفاع عن نفسك لانى لما وجهت الكلام ليكى ما قلتلكيش اتحجبى انا بس كنت عنيفه مع البنت اللى قالت انها ليها 13 سنه بيتحرشوا بيهاعلى فكره انتى اسلوب الحوار معاكى ممتع و راقى .. غيرك كان ممكن يرد بقله زوق بس انتى انسانه اخلاقك باينه فى كلامك .. ياريت تكون وجهه نظرى باينه و موضوع القضيه دى انا مش شايفه انه حتى لو الولد اتحبس ده هايمنع غيره بدليل قضيه نهى رشدى .. يمكن لو ده اخوكى ما كونتيش صدقتى انه عمل كده لانك عارفه تربيته و كنتى هاتدافعى عنه جدااا و مش هاتصدقى انه عمل كده؟؟؟ و حتى لو عمل كده هاتدافعى عنه علشان مستقبله برضوا ..اسفه انك افتكرتى انى بهاجمك
ردى انا : الجواز وسنينه : الحق حق والقانون قانون وضع لإستخدامه .. والولد اللى بتقولى انه بيعيش الرعب كل يوم .. لا تأخذنك به شفقة ورحمة لأن دول اللى بيعيثوا فى الأرض الفساد .. انا امرأة فى اقترب من الأربعين .. متزوجة ولدى طفلتين .. كنت رايحة عزا .. ومش محتاجة طبعا اقولك الناس وهى رايحة عزا لفرد من الأسرة بتبقى لابسة ايه ولا شكلها ايه.. اكيد انتى عارفة .. الولد عاكسنى ولما حاولت تنبيهه ان لى ابناء فى مثل سنه .. شتمنى بأقذع الألفاظ أمام ابنة اختى اليتيمة التى ارعاها فى بيتى واعتبرها ثالت بناتى .. وتقدم اصدقاؤه لمساندته واثبات انهم رجالة قوى بمواصلة توجيه شتائم والله يندى الجبين لها .. الحجاب مش موضوعنا خالص هنا ومش هاتكلم عنه .. اللى بقوله هنا حالة خرق قانون ووضع غير مقبول .. ومش ممكن يعنى افرض الحجاب مثلا على واحدة كتابية لما واحد يتحرش بيها .. هو ماعاكسنيش وقالى .. ياقمر ومشى ..ولو ان دة برضه جريمة يعاقب عليها القانون .. لأ دة حاصرنى هو واصدقاؤه فى الطريق لبيتى .. ونعتونى بأسوأ ما تتخيلى من الصفات .. والفاظ يندى لها الجبين .. طب لو كان سرق شنطتى وجرى؟؟ .. هل كنتى هتدافعى عنه برضه وتلتمسى له العذر؟؟ ولا الشنطة والفلوس لهم قيمة اكبر من كرامة امرأة وترويع انسان؟؟ ترويع الآمنين فى الطريق هو اسوأ ما يمكن حدوثه .. انا بناتى صغيرين وبيحصل ان واحدة تمرض فى منتصف الليل واضطر الى اصطحابها للمستشفى ولا يمكن ابدا ان اتهاون مع عدم شعورى بالأمان فى الحى الذى اعيش فيه .. بل فى الشارع الذى اقيم به .. قرارى انا كنت واخداه ونشر الموضوع كان فقط للتأكد من صحة القرار .. يمكنك مراجعة البوست .. احترم وجهة نظرك فى موضوعى حتى لو اختلفنا ولو اختلف معك القانون .. لكن لا يمكن ابدا ان اوافقك على ان يكون التحرش الجنسى بطفلة عمرها 10 أعوام شىء عادى او حتى ان تتحمل جزء من المسئولية بأى صورة من الصور دى حتى فى نظر الدين والقانون غير مكلفة.. تعجبت لقسوتك مع البنت .. رغم انى لما قريت تعليقها كادت دموعى ان تسيل لأنى عارفة كويس هى بتتكلم عن ايه؟ .. وعارفة مقدار الألم الذى تعيشه كل يوم وهى تتذكر ما حدث لها وكيف يؤثر على نفسيتها .. .. وأعلن من هنا انى مستعدة لمساندتها فى اللجوء للقضاء حتى اخر العالم .. ولا يكفينى ان احجب بناتى او ان ادعو الله ان يجنبهم مثل تلك امور .. فالساكت عن الحق شيطان اخرس .. ولن يكفينى حكم الإعدام ان حدث ما حدث لها لإحدى بناتى او اى بنات اخرين فى هذا السن وفى اى سنوارجع واقولك ان ربطك التحرش بالحجاب ممكن ياخده اى متحرش كعذر ويقول ما هى مش محجبة بقى وكدة يبقى عرضها ولحمها ملك للعامة .. صدقينى المتحرشون لا يهمهم انتى لابسة ايه .. وبيبقوا فى منتهى الخسة .. واخويا اول واحد واقف جنبى هو وجوزى وابويا وامى وبقية اخواتى البنات .. الولد اللى انتى شايفة انه بيعيش الرعب كل يوم زية زى اى مجرم او اى متجاوز للقانون يعمل العملة وبعدين يقعد يعيط لما يتقفش .. اكيد ماتخيلش ان دة هيوديه للمثول امام القضاء .. اكيد انا مكنتش اول واحدة يعمل معاها كدة .. ولو سبته بدون ان ينال عقابه اكيد برضه مش هأكون اخر واحدة .. ومش هيتعظ اى من اصدقاؤه ولا المتحرشون اللى زيه .. الا لما يتنفذ حكم القانون فيه الناس اللى بتتحرش بالمحجبات والمنقبات كمان فى المواصلات العامة عندهم برضه اخوات واهل ولا يعفيهم هذا من المسئولية القانونية .. لأن الستات دول برضه عندهم اهل بيخافوا عليهم وحرمتهن من حرمة اهلهن وازواجهن تصدقى .. لو كانت امه او اى حد من اهله جه يعتذر عما بدر من ابنهم يمكن كنت فكرت .. لكن اكتفوا بمكالمات اللواءات بتوعهم وبس .. خلى بقى اللواءات ينفعوهم .. والأهل اللى ما يصدقوش ان ابنهم عمل كدة .. يبقوا يستاهلوا لأنهم مش قريبين من ابنهم كفاية ولا مهتمون بمتابعة سلوكه وتربيته .. لدرجة انهم مش عارفينه على حقيقته وسايبينه واقف على النواصى يلف بعربيته ومتوقعين ايه بعد كدة .. انا بأسألك بمنتهى الوضوح .. هل ما فعله الولد دة يعتبر جريمة فى حقى وحق المجتمع أم لا؟؟ .. وهل التحرش بطفلة او حتى قاصر يعد جريمة فى حقها وحق المجتمع أم لا؟ نورتى المدونة .. واذكرك ان اختلاف الرأى لا يفسد للود قضية
رد الجواز وسنينه عايزه اقولك ان فعلا المتحرش مش بيهمه .. و عارفه اساس الرعب اللى عشتيه و متخيلاه جدا .. و عارفه ان اهلك اكيد لازم يقفوا جنبك .. لانهم عارفينك كويس و لان ده حد اعتدى عليهم كلهم فى شخصكو لو طالوا يقطعوه هايعملو .. بس انتى طلبتى رأيى و انا قلتهولك .. مش من مصلحتك ان مستقبله يضيع صح و لا غلط .. انتى لو عايزه تربيهم اطلبى منهم مبلغ كبير و ممكن تتبرعى بيه لحاجه خيريه مثلا بس دخوله السجن وسط المجرمين مش هايفيدك بحاجه .. الولد اللى عنده 19 سنه يعتبر مراهق .. ده يادوب فى القانون يادوب من سنه واحده يعامل كراشد .. عارفه الحكايه دى بتفكرنى بأيه .. مره واحد سرق فى عهد سيدنا عمر ابن الخطاب و لما كانوا هايقويموا عليه الحد طلب العفو و قال انها اول مره فرد عليه سيدنا عمر و قاله لو كانت اول مره ما كانش ربنا فضحك و لما سألوا طلع انها المره الثالثه و اقاموا عليه الحد هو وقع فى شر اعماله و متهيألى نال جزاءه بس لو دخل السجن مش هايطلع انسان صالح إلا لو دخلوا المتحرشين سجن خاص او حاجه تأهيليه .. و بعدين برضوا نفس السؤال .. مش لوحده اللى تحرش لماذا يعاقب لوحده لانه طلع غبى و مش هرب؟ .. اما بخصوص ان المحجبه و المنقبه برضوا بيتحرشوا بيهم فانا قلتلك اننا فى زمن رديئ و فيه حديث عن الرسول ما معناه ان الزمن لما يبوظ فالتلزم بيتك .. مش هاقلك اقعدى فى البيت لانى انا نفسى مش اقدر اعمل كده .. بس انتى عارفه ان الدنيا وحشه فعلى الاقل تاخدى وسائل احتياطات امانك ..زى ما بتخافى من الحراميه و مش هاتروحى تصلحيهم عامليهم بنفس الطريقه حاولى تجنبهم .. و عايزه اقولك ان لو محتاجه حاجه بالليل فادلوقت فيه دلفرى و دى كمان مسؤليه الرجل مش مسؤليتك انه هو اللى ينزل .. طيب انتى عارفه انا استغربت اننا فعلا لما عربيتنا بتبوظ بندى بتاعتنا لازواجنا رغم ان المنطقى انهم هم اللى عادى انهم يتبهدلوا فى سبيل حمايتنا مش احنا اللى نركب تاكسى و همه ليهم وسيله مواصلات امنه .. برضوا بقولك انى حاسه بيكى بكى و فى الاخر القرار ليكىو انتى طلبتى رأى الناس و انا قلتلك رأيى ..سعدت بمعرفتك و الحوار معك
تكملة الحكاية عند حفصة فى

هناك 27 تعليقًا:

Unknown يقول...

أحب بس أضيف لبتاعت الشريعة والماجستير والكلام إللي ملوش لازمة ده

لا تزر وازرة وزر أخرى، ده قاعدة أساسية في الشرع الإسلامي بعيد بقه عن حجاب، مش حجاب، قالعة ملط، لا تزر وازرة أخري، وإللي ميتابعش القاعدة ده ياخد باله من دينه بقى

77Math. يقول...

وأعلن من هنا انى مستعدة لمساندتها فى اللجوء للقضاء حتى اخر العالم .. ولا يكفينى ان احجب بناتى او ان ادعو الله ان يجنبهم مثل تلك امور .. فالساكت عن الحق شيطان اخرس

انا بناتى صغيرين وبيحصل ان واحدة تمرض فى منتصف الليل واضطر الى اصطحابها للمستشفى ولا يمكن ابدا ان اتهاون مع عدم شعورى بالأمان فى الحى الذى اعيش فيه .. بل فى الشارع الذى اقيم به ..






بجد ربنا يحميكِ ويكثر من أمثالك

تحياتي لكِ :)

Wild at Heart يقول...

الجواز وسنينه،
أنا ماكنتش عايزة أقوللك كده لإني مؤمنة بإن الجريمة مالهاش مبررات وإلا بقت كل الجرائم مستباحة، بس أنا محجبة يا ستي، وبالبس محتشم مش حجاب تايواني، وبرضو بتعاكس كل ما أنزل، وفي مرات كتيرة رجالة هتكت عرضي وأنا بالمنظر ده. حضرتك لما تفكري وتلاقي إن الأطفال بيتعرضوا للتحرش والبنات والأولاد مش حوادث فردية لأ تقريباً بشكل منتظم، يبقى المفروض تفهمي إن دي ظاهرة مقرفة في مجتمعنا ولازم نوعي الناس ونعمل كل اللي نقدر نعمله عشان نوقفها، وبيتهيألي الأديان كلها بتأمرنا إننا نصلح في الأرض.
لما أقول إن الحجاب حرية ماقصدش إنه حاجة هامشية أو مش حنتحاسب عليها، بس هي حرية لإن ربنا ادانا اختيار نلبسه أو لأ، وفي كلتا الحالتين حيحاسبنا أو يجازينا، زيه زي الصلاة وزي أي أمر رباني تاني، إنت حرة في تصرفاتك...بس تتحملي عواقب اختيارك. دلوقتي لما حضرتك تقولى إن البنات المش محجبات هم السبب، يبقى إنت كده اديتي لنفسك حق مش من حقوقك وهو إنك تحكمي على الناس، ربنا وحده هو اللى ليه الحق يحاسبنا على تصرفاتنا، الحجاب والصلاة والنيات دي كلها حاجات بين العبد وربه مالناش نتدخل فيها إلا بالنصيحة، بالنصيحة يا أستاذة مش بهتك العرض. وعلى فكرة كلامك ده ممكن ينفر البنات اللي مش محجبات من إنهم يلبسوا الحجاب أصلاً.
يا أستاذة يا صاحبة الماجستير، واحد زائد واحد يساوي اتنين، شخص ارتكب جريمة التحرش يبقى لازم ياخد عقابه.

أسوور يقول...

وايلدهارت

حفصة كاتبة حتة بوست
لازم تروحى تشوفيه

غير معرف يقول...

حوارك يا اسر مثال للحوار بين الظلام والجهل والتخلف وما بين النور , ارجوكي يا اسر متتنازليش ارجوكي خليني احس ان لسة في مصر ممكن ناس تقضي علي التخلف دة, دوسي عليهم يا اسر وحسسيهم بوساختهم وحقارتهم وتخلفهم لان الناس دي بقيت عاملة زي الحيوانات ملهمش تفكير لازم يتضربو عشان يتصرفو صح

غير معرف يقول...

1)العــفو عند المقــدرة
الكلمة دي معاناها مهم جدا ، معناها ان الانسان عندما يعفو يكون اليد العليا مش يكون هو المظلوم
يعني منروحش نقول لواحد اتظلم واتبهدل حرام عليك بقى خليك انت الاحسن وسامح

لا طبعا ... لما يترفع عنه الظلم ساعتها يكون من كــرم اخلاقه انه يسامح

2)الولد اللي اتمسك وكان كبش الفدا ممكن يرشد عن باقي القطيع

3) اذا كان في حد حديث عن الرسول ان لما الزمان يسوء نلتزم البيوت يبقى باوجه دعوة للمتحرشين انهم يلزموا بيوتهم لان الزمان هيسوء قوي ف الفترة اللي جاية بالنسبة لهم

4)لو المتحرش طفل (وده بيحصل برضه من اطفال الشوارع) هاقول مش متربي واتوجه لاهله وحتى لو هما مش فاهمين ممكن احاول افهم ،لكن لو المتحرش شاب ناضج اتعامل معاه هو مش مع اهله وانا لا الومهم، لأن الشباب بيطلبوا ان محدش يتدخل ف تصرفاتهم وانهم فاهمين ومسئولين يورونا درجة تحملهم للمسئولية

5) متخافيش قوي كده على الولد انه يخش السجن لان الحكم ف الاغلب هيتخفف للغرامة لكن انتي عارفة كويس انه مش هياخد براءة والهدف مش سجنه الهدف القضاء على السلوك التحرشي ليه هو
وامثاله في الشوارع ومدافعتك عنه هتقلب الدنيا عليه عاوزة اقولك ان ده مش في صالحه خالص

6) انتقاد سلوك او مظهر اي واحدة تم التحرش بيها زي بالظبط لما تحصلك مصيبة وحد يقولك احسن تستاهلي ...!!!! ومافتكرش ان ده اسلوب بيساعد بل انه اسلوب منفر

7) مش اســور بس اي واحدة يتم التحرش بيها في الشارع سواء بفعل كبير او بكلمة صغيرة يجب ان تتوجه للقضاء حتى يتم القضاء تماما على الظاهرة وفي محاميين كتير متطوعين لمثل هذه القضايا بدون اي اجر

8) موقف هذه السيدة التي ترى ان التحرش سببه اصلا من سلوك او مظهر الاناث يمثل موقف العديد على فكرة من النساء في مجتمعنا ودي فرصة لتوعيتهم
حتى لو هي قريبته او متحمسة للولد لاي اسباب فهي اكيد اتعرضت للتحرش في يوما ما ولو محصلش هيحصل ويمكن الحملة بتعاتنا تجيب نتيجة وربنا ينجيها بس هي اكيد هتخجل من نفسها في قرارتها لما تشوف نوعيات البنات اللي عارفين حقوقهم وماسكين فيها

9) بالنسبة للمعيدة اللي راحت بلغت عن التحرش بيها ارجو نشر تفاصيل الموضوع وازاي هي بتبلغ عن حق فات عليه وقت طويل ؟؟
هل هو مستمر للان ؟؟؟
هل عندها دليل ؟؟؟
انا باساندك طبعا بس للاسف سمعت تعليقات فيها تهكم
والتوضيح اكتر هيخلي الناس تفهم
لان الموضوع مبتور

10) كفاية التسعة اللي فاتوا

الجواز و سنينه يقول...

الكلام ده انا رديت بيه عند حفصه
اولا انا مش بحب الرغى الكتير و خصوصا لما بيكون رد على كلام فيه كتير من اقل اصول احترام الاخر و كتير من قله الزوق فى الرد
حكايه ان المنقبه و الحامل بيتحرشوا بيها
طيب ده عيب فى الحجاب و لا عيب فى البشر
يعنى ده عيب فينا مش فى الحجاب مهى الناس بتسرح فى الصلاه هو معنى كده اننا ما نصليش سوء التطبيق مننا مش معناه اننا نبطل امر الله
2-"انا اعرف ان الفروض نفسها للرجل زي الست، الصلاة، الصوم، الحج، الزكاة، الشرائع الخ الخ الخ، ازاي يعني لبس الحجاب يكون فريضة زيه زي ذهاب الرجالة للجهاد؟ ما هو تعريف الجهاد؟ فيه جهاد نفس و فيه جهاد بشر و فيه جهاد معتدي؟؟ الاخت بتاعت الجواز تقصد انهي؟؟ و لو مافيش حرب دلوقتي، يبقى ازاي بقى الجهاد فريضة على الرجالة تحصل حسب الظروف بينما الحجاب اتكتب على الستات في نفس الوقت؟؟ و بتقولي انك دارسة شريعة اسلامية؟"
افهم من كده انك بتنكرى الحجاب كفرض؟؟؟؟ لاء واضح فعلا انك فاهمه و دارسه و كمان بتتريقى
طيب اسألى مامه آسر كده فى فرضيه الحجاب و انا مش هاتكلم لو هيه قالت انه مش فرض يبقى خلاص هيه ادرى و امشوا وراها مهو كله هايتحاسب فى الاخر

"مسمعتيش عن الستات اللي كانوا بيروحوا الحرب مع الرسول و بيجاهدوا زيهم زي الرجالة بالظبط؟
الرحمة كفاياكم تزييف و ضحك على الدقون و كلام فارغ نصه مانتوش فاهمين معناه ايه، اتقي الله انتي و اللي زيك"
و الله اللى خلاكى تسمعى يخلينى انا ابقى سمعت و اكتر منك
بس لمعلوماتك همه ماكانوش بيروحوا يحاربوا همه كانوا بيمرضوا مش بيمسكوا السلاح و ينزلوا المعركه صححى معلوماتك بقى
"لو كانت اسور مسيحية ، يعني مش ملزمة انها تلبس حجاب، هل ده يعني انها مستباحة و يحل فيها التحرش؟ فكري كويس قبل ما تردي و ردي بالعقل و المنطق عشان متغلطيش غلطة توقعك في مشاكل انتي في غنى عنها|"
لو كانت مسيحيه و حد اعتدى عليها هايعاقب بحد اسمه حد الحرابه لو تعرفيه
ابقى اقرى كويس و انتى تعرفى انا على الاقل عارفه
و خوفتنى اوى و اترعب من مشاكل انا فى غنى عنها تصدقى و لا انتى و لا عشره زيك يقدروا يخوفونى
"هل تحبي تتعرضي لتحرش و هتك عرض عشان تقرري بعدها ايهما اطول و اشرس على النفس في شعور الرعب؟؟"
لو ده سؤال فأكيد لا ما احبش طبعا و انا قلتلها انى مش بقلل من شعورها بالخوف انا قلتلها ان ده بس مش هايصلح حاله و لا هو و لا غيره و قلتلها كانت نهى رشدى خلت الناس بطلوا

*"باي حق افترضتي ان احنا حنتخلى عن اسور حتى لو ثبتت براءة الولد؟ و كمان لمحتي ان اسور ممكن تكون بتتبلى على الراجل، حضرتك متعرفيش ان ده حرام في الاسلام اللي انت عاملة فيه ماجستير؟ "
خلاص قوليلى هاتعملولها ايه؟
و انا ما لمحتلهاش انها اتبلت عليه بس هو لو جاب محامى شاطر ممكن يطلع برأه و ممكن لاء برضوا بس انا بحطلها احتمالات
كون بقى ان عقلك صورلك انى بلمحلها انها اتبلت عليه دى مشكلتك انى مش انا

*"احنا حنستمر لغاية ما اولا كل المتحرشي يرتدعوا،"
استمروا و انا معكم انا مش بدافع عنه بس انا بقول مش كل الناس تلعنه طيب ياللى بتعانوا من التحرش محدش منكم ليه مسك حد مادام التحرش كده عمال على بطال انا ماسمعتش حد تانى رفع قضيه على متحرش غير اسر
و مش معنى انى قلت رأى مخالف ليكم انه يتهاجم اوى كده فيه ثقافه بس معدومه عند ناس كتير اسمها ثقافه الحوار و كمان تقبل الاختلاف مع الاخر و بذوق مش بقله زوق
انا ما عبتش فى آسر انا كنت بتناقش معاها و عجبنى و اشدت بيها لانه ردودها خاليه من قله الزوق

*"كونك انتي محسسة نفسك بقلة قيمتك امام المتحرش و مدياه كرامة تتفوق على كرامتك فدي مشكلتك النفسية الخاصة بيكي انك شايفة نفسك بنظرة دونية، لكن ده ميديكش الحق انك تتحكمي في غيرك سواء ملبسهم، شكلهم، سنهم، عاداتهم او دينهم ولا حتى يديك الحق انك تنصحيهم"
قله زوق و ادب مش هارد عليها
انتى ما تعرفيش انا مين و احترمى نفسك
مش انا اللى احس بدونيه
انا ماحكمتش على اسر للمره المليون انا ماقلتلهاش اتحجبى فى اول رد ليه عليها و اقرى الكلام الاول و بعدين اتكلمى
انا ما نصحتهاش و لا قلتلها اتحجبى و لا حتى البسى ايه
كل واحد مسؤال عن نفسه و من هو ولى امرهم
ياريت نقرى كويس قبل ما نكتب

*"عنى كدا انك على معرفة بالولد ده و انه يقربلك بصلة قرابة و على الاساس ده بتدافعي عنه؟ اذا كان كدا فخلاص فهمنا منطلقك من الدفاع عنه و كان يجب توضحيه من الاول و تخشي تعلقي و تقولي انا قريبة الولد ده و بقولكم هو مؤدب بس يمكن يومها تهور شويتين، والا ايه الحكاية بقى؟ دفاعك ليه مستميت عنه مع العلم ان ليكي بنات و ممكن مهما لبستيهم حد يتحرش بيهم و يهتك عرضهم؟؟؟"
و الله انا لو قريبته كنت هاقول و بعدين اقولكم انتوا ليه برضوا انتوا و لا هاتضروا و لا هاتفيدوا
بس بقولك و الله العظيم لو قريبته كنت قلت انا كل اللى نرفزنى ناس كده بتتكلم من الدين اللى عاجبها و اللى مش عاجبها تنكره
تقولها الحجاب حريه شخصيه و بعدين يقولوا غض النظر
ماحدش بياخد من الدين اللى هو عايزه و ينكر الباقى

*
يمكن اسور مش شايفاكي بتهاجميها بس انا شايفة انك اعتديتي علينا كلنا من اول الملعقين عندها و تسخيفك لينا و شكك ان احنا بق عالفاضي و حنتخلى عنها لتعديكي علينا كستات انتي شايفة انهم مادام مسمعوش كلام معتقدك فيستحقوا التحرش
اذا انت شايفة ان التحرش سنة واجبة عليكي، افرحي بيه لوحدك، عذرا احنا مش سلع ولا ادوات ولا شايفين الخلل فينا او مستنقصين نفسنا قدام اللي يسوى و اللي ميسواش
غير ان فرضية الدلفري دي مش متوفرة للكل، انتي تفحصتي ظروف الكل و قررتي انها تنفع للجميع؟؟ الشغالة اللي عايشة في حي شعبي و لا تملك قدرة ترفيهية انها تطلب ديلفري، حتعمل ايه؟ البنت اللي معندهاش لا اب و لا اخ و لا قريب و لا اي نوع دكره يغيرلها اطار عربيتها، تعمل ايه؟

امتى نكف عن الاتهامات و نفرق بين النصيحة و فرض راي شخصي مينفعش يتطبق على الكل؟؟
امتى حنبطل نحط نفسنا في دور المصلح الاجتماعي و نرفع رايات الشرف و الطهارة حسب منظورنا الشخصي فقط؟
امتى نفكر بشكل عالمي مش بشكل شخصي ضيق محدود البصر و الفكر و الاوضاع؟
ردي: مظنش، موت يا حمار، مافيش فايدة، غطيني و صوتي يا صفية.
*
انا ما فرضتش رأيى على حد
انا من الاول و قلتلها نفس الكلام هيه طلبت أراء و انا قلت رأيى و ما اخدتهاش من ايدها و وديتها تتنازل و لا مسكتلها الطرحه و قلتلها مانتيش خارجه من غير ما تتحجبى
و لا حتى لغايه دلوقت فيه كلمه بقولها فيها كان مفروض تكونى محجبه علشان محدش يتحرش بيكى
لانى كمان قلت ان المحجبات بيترحرشوا بيهم
ولا حتى قلتها فى شخصها غير كل كلام ينم عن احترامى لانها متربيه كويس و مش قليله الزوق
يبقى انا ماهاجمتهاش بالعكس انا قلتلها انتى متربيه
بس احنا مش بنحب نسمع غير صوت نفسنا
"""""اختلف معايا لكن متتهمنيش بقلة المعرفة انت صح و انا صح""""
ياريت لما نكتب حاجه نكون مقتعين بيها مش كلام و بس

الجواز و سنينه يقول...

الكلام ده اللى رديت بيه عند وايلد هارت
بصى يا وايلد هارت
انا ماكونتش اعرف انك عندك 13 سنه حتى انا رديت و قلتلك انتى ياللى ليكى 13 سنه بتعانى من التحرش
يمكن انا مارجعتش عندك هنا تانى و اشوف ردك
بس بجد اتضايقت لما عرفت انك عندك 13 سنه بس
اوعى تسكتى لحد اتحرش بيكى و حاولى على اد ما تقدرى تبعدى عن كل موضع ممكن يصل فيه كده
ربنا يحفظ كل البنات
انا مش بقف مع المتحرش زى ما ناس غريبه فاهمه
انا بس مش بحب واحده تكون لابسه مش كويس و بعدين تقول بيتحرشوا بيه
و كلمه وحش دى علشان الناس اللى بتفهم غلط مش مقصود بيه آسر و لكن المقصود بيه ناس الواحد بيشوفها بقصير و شفاف و بيطالبوا الناس بالتدين اللى همه مفتقدينه

الجواز و سنينه يقول...

انا رجعت علشان ابين كام نقطه كده محددين
اولا انى رديت عند أسر بتاريخ 13/2 و هيه ردت عليه عندها بتاريخ 15/2
و انا شفته و ماعلقتش عليه لانه خلاص الموضوع كان انتهى على كده بالنسبالى
انا قلتلها اتنازلى و هيه ما رضتك و هيه حره
فالقتها ردت عندى فى المدونه بتاريخ
21/2
يعنى بعد 6 ايام من ردها عليه و بعد 8 ايام من ردى عندها
انا افتكرها عايزه تتحاور معايا بما انى الرأى المخالف لها و علشان كده رديت و الحمد لله ماكانش فى كلامى اى تجريح ليها بالعكس انا اشدت بالاسلوب الجميل فى الحوار
دلوقت انا عايزه افهم انتى عملتى كده ليه شو اعلامى مثلا لقيتى الموضوع سكت قلتلى تشعلليه
الموضوع ده رد كام واحد قالك اثبتى على موقفك و كام واحد قالك لاء متهيألى 3 انا منهم قالوا لاء
بمنتهى البساطه ماكونتش اهتميتى بالاقليه و خليكى مع الاغلبيه بس هو اظاهر فعلا شو اعلامى
و بعدين انتى اللى جيتى تردى عندى مهتمه اوى برأيى ليه كان كفايه عليكى الناس اللى معاكى إلا إذا كان فيه هدف وراء الزياره الخاصه دى
و بعدين لما انتى مش عايزه تسمعى رأى مخالف كان بمنتهى البساطه قلتلى انا مش عايزه حد يرد إلا اللى موفق على موقفى و و الله ماكونتش هارد عندك
كان كفايه اوى عليكى ال225
ده بالنسبالك


اما بالنسبه ل محمد الجهرى
ايه علاقه تزر وازه وزر اخرى باللى احنا فيه
يارتنى اعرف علشان اعرف ارد
و بعدين ياريت ما نتكلمش بشويه من الدين و شويه من اللى على هوانا
يعنى الحجاب مش إثم اللى يتركه لكن اللى يتحرش فهو إثم؟؟؟؟؟؟؟؟

77Math.
و الله و لا انا احب اننا نكون مفتقدين الامان فى بلدنا و لا طبعا بأيد التحرش بس انا بقول كلنا لازم نمشى صح لو عايزين الحاجات السلبيه تختفى من حياتنا


وايلد هارت
عايزه ارد عليكى حته حته
*
أنا ماكنتش عايزة أقوللك كده لإني مؤمنة بإن الجريمة مالهاش مبررات وإلا بقت كل الجرائم مستباحة، بس أنا محجبة يا ستي، وبالبس محتشم مش حجاب تايواني، وبرضو بتعاكس كل ما أنزل، وفي مرات كتيرة رجالة هتكت عرضي وأنا بالمنظر ده.
==============
انا ما بررتش للولد فعلته ابدا و لا اصلا بحب الناس اللى بتبرر الغلط
و اما كونك محجبه و بينتهك عرضك فده شيئ فظيع جدا و احساس انا مريت عليه و عارفه اد ايه مرعب الفرق الوحيد انى كنت زى ما اسر ردت عندى كانت امهاتنا مربينا على كلمه اوعى حد يقرب منك
يعنى لو قرب فانا الغلطانه
انتى هنا عارفه انك مش انتى اللى غلطانه يعنى انتى فى وضع احسن
ياريت بجد لو حد عمل كده زعقى او حتى زى ما واحده كانت كاتبه و قالت مره واحد اتحرش بيها قالت حراااااامى و الناس اتلمت و ضربته علقه تمام

*****
حضرتك لما تفكري وتلاقي إن الأطفال بيتعرضوا للتحرش والبنات والأولاد مش حوادث فردية لأ تقريباً بشكل منتظم، يبقى المفروض تفهمي إن دي ظاهرة مقرفة في مجتمعنا ولازم نوعي الناس ونعمل كل اللي نقدر نعمله عشان نوقفها، وبيتهيألي الأديان كلها بتأمرنا إننا نصلح في الأرض
==================
انا معاكى اننا المفروض نواجه مشكله التحرش لانى بموت كل ما افكر ازاى ممكن اسيب بناتى يروحوا المدرسه و اتطمن و انا فى البيت و حتى الاطفال دلوقت ما بقوش ابرياء زى الاول ده رعب انتى مش حاساه بس انا عايشاه
****
لما أقول إن الحجاب حرية ماقصدش إنه حاجة هامشية أو مش حنتحاسب عليها، بس هي حرية لإن ربنا ادانا اختيار نلبسه أو لأ، وفي كلتا الحالتين حيحاسبنا أو يجازينا، زيه زي الصلاة وزي أي أمر رباني تاني، إنت حرة في تصرفاتك...بس تتحملي عواقب اختيارك
====================
هو ده اللى انا بقوله من الصبح
الحجاب فرض و هانتحاسب عليه مش حريه و مانجاملش حد فى الدين
محدش بيشوف حد بيصلى او لاء بس كل واحد عارف اللى وراه
و بتضايق جدا من اللى ياخد من الدين اللى هو عايزه و يسيب اللى هو عايزه
يعنى يقولى غض البصر و ينسى امر الله بالحجاب
***************
. دلوقتي لما حضرتك تقولى إن البنات المش محجبات هم السبب، يبقى إنت كده اديتي لنفسك حق مش من حقوقك وهو إنك تحكمي على الناس
===============
انتى هنا فهمتينى غلط
مين قالك انى بلوم الغير محجبات لوحدهم انا لمت البطاله و لمت الاعلام و لمت الابهات و الامهات على التقصير فى التربيه و حتى لمت المحجبات اللى مش لابسين محترم و يادوب بدى على بنطلوب ملزق هو ده حجاب
بس بقول لو كل ده بايظ يبقى ما نحاسبش الشباب بس الدنيا كلها لازم تتعدل
و على فكره حتى الغير مسلمه مش من حق حد انه يعتدى عليها لانها ليها الامان هيه كمان
بس هيه مش مفروض عليها الحجاب فمش هاقدر اطالبها بيه
و لا هارضى على ناس مسيحيين انا اعرفهم انهم يتعرضوا للمواقف دى لانى اكيد بعزهم
****************
، ربنا وحده هو اللى ليه الحق يحاسبنا على تصرفاتنا، الحجاب والصلاة والنيات دي كلها حاجات بين العبد وربه مالناش نتدخل فيها إلا بالنصيحة، بالنصيحة يا أستاذة مش بهتك العرض.
============
هارجع اقول للمره المليون انا ماقولتش لآسر اتحجبى لانها كبيره كفايه على انها تكون عارفه اللى عليها انا قلتلها انه صغير و حرام مستقبله يضيع
قد اكون متسامحه لكن انا ماوعظتهاش بحاجه
****************
وعلى فكرة كلامك ده ممكن ينفر البنات اللي مش محجبات من إنهم يلبسوا الحجاب أصلاً.
يا أستاذة يا صاحبة الماجستير، واحد زائد واحد يساوي اتنين، شخص ارتكب جريمة التحرش يبقى لازم ياخد عقابه
==================
ايه اللى انا قلته بنفر فى الحجاب
بالعكس انا لما اتكلمت عن الحجاب قلت انه حمايه من كلاب الشوارع حتى ما توعتش اللى لابساه بالنار لان محدش عارف مين داخل النار و مين لاء
ياريت قرى كلامى من غير تعصب و انتى هاتعرفى انى ما اتكلمتش بحده باعكس انا كنت بتكلم بهدوء جدااااااااااا


Rasmaa

انا مش فاضيه ارد حته حته ياريت تقروا الاول قبل ما تعلقوا مش هاكرر الكلام مع كل واحد
بس هاقولك حاجه علشان بس انا مش بحب نظام لا تقربوا الصلاه
و يسيبوا باقى الايه
العفو عند المقدره
العفو ممكن يكون فى حاله لو حد قتل واحد ممكن اهل القتيل يعفوا عن الدم
و مش هايكون اللى حصل اكتر من القتل علشان تعفوا
فبلاش نظام نمسك كلمه و نجرى و احنا مش فاهمين
و بعدين هيه هاتعفوا و هو بيشتمها و تقوله روح منك لله
دى خدته على القسم و عملتله قضيه و همه اللى بيجروا وراها علشان تتنازل يبقى هيه الاقوى مش هو

عايزه اقولك ان لما الحكم هايتخفف فى الغالب و هايوصل للغرامه طيب ليه الغلبه دى بقى
و بعدين حتى لو هو اتحبس ده مش هايمنع غيره
كان القاتلين و الحراميه اختوا علشان عارفين انهم لما بتمسكوا بيروحوا السجن

و بعدين تاااااااااااااااانى هاقول
اللى مش محجبه انا ما حملتهاش المسؤليه بدليل المحجبات اللى بتحرشوا بيهم
انا قلت كله غلط البنات اللى بتلبس ديق و المطلوب من الولد انه هو اللى يكون مؤدب و يلم نفسه هو المفروض هو ده اللى صح


انا مش هاكرر الكلام تانى وياريت اى حد قبل ما يرد يبقى يقرأ و بلاش هلفطه فاضيه
و ده لنك موضوع بيتكلم عن التحرش ياريت تشوفوا الناس اللى بتتكلم صح عن التحرش بتقول ايه
http://ashaweghalbana.blogspot.com/2009/02/blog-post_16.html

غير معرف يقول...

I was shocked to read what that lady said, as if Egypt has only Muslim covered women, no Christians live in Egypt. Her words mean that if we Christian women don't want to be sexually harrased we should cover our hair or else get what we deserve. As if there is no law in this country, only her own version of(Shariaa).....

Doesn't she have any Christian friends to even think about them???

Ya khosara ya Masr.

Marika

غير معرف يقول...

I can't not understand why do we always have to put religion in any subject?? what does this subject has to do with religions.. this is basic manners, manners that you teach your children at home.

During the 70's and 80's we all wore mini and micro skirts, we never had any thing like what's happening now with all the show off of religious dress codes.

there was law, may be you can ask your mother or grand mothers about what the police used to do to boys like this one, they used to take them to police stations ans shave their heads when the fashion was for the boys to have long hair. That's when religion was not part of every conversation we hear.

Marika

غير معرف يقول...

الجواز وســــنينه

شايفاكي بتطلبي الحوار الراقي ويخلو اسلوبك منه....عمالة توجهي للكل عبارات زي افهموا بقى —انا باحب -انا مش باحب- مش فاضية ارد حتة حتة -وقلة ذوق—وقلة ادب — وهلفطة فاضية ....!!!!
لو عاوزة تعلمي الناس حاجة ياريت تبدأي بنفسك ومتقوليش انك بتستخدمي نفس اسلوب الشخص للرد عليه والا هنتعلم منين؟؟؟

ده غير اسلوبك في فرض رأيك اللي هو مش واضح المعالم خالص لانك مش مركزة في توضيحه بل تفرعتي لمواضيع كتير خلت وجهة نظرك تدوب في النص هل بتتكلمي عن التسامح؟؟؟ والا ان كل اللي بنعمله مفيش منه فايدة ؟؟؟ والا حبس الولد مش هيجيب نتيجة؟؟؟ والا هي فرصة للتذكير بالحجاب ؟؟؟ والا يمكن انا مش فاهمة زي مانتي بتتهمي الجميع ان محدش فاهم

وبتتهمي الجميع انهم غير متقبلين للرأي المعاكس وهو رأيك وجميل انك وضحتي انهم 3 اشخاص فقط طيب انتي ليه مش متقبلة ال500 رأي المعاكس لرأيك؟؟؟؟

اما عن ردك بالتحديد عليا
انتي بتقولي هي اخدته القسم وعملتله قضية ___ وهو الشرطة موجودة في بلدنا ليه؟؟؟ وبياخدوا مرتبات ليه؟؟؟ طريقة ان كل واحد ياخد حقه بإيده هي اللي عملت الفوضى في الشوارع وهي لانها انسانة محترمة اتجهت للقنوات الشرعية وهي قسم البوليس واظن المحاكم مليانة قضايا
ولو انتي شايفة ان قسم البوليس مفيش داعي للجوء ليه طالما مفيش قتل ... وان القضاء ده تكبير للموضوع.وان العقاب بالسجن او الاحكام مش بتحد من الحرامية والمجرمين ... يبقى نقفل وزارة الداخلية ونرجع للنظام القبلي


ده غير ان محدش جري ورارها خالص علشان تتنازل ___ هو كل اللي حصل مجموعة من الرؤوس الكبيرة في البلد كلموها ... واسمحي لي دي تعتبر كوسة مش طلب للعفو . يبقى منقولهاش اعفي وسامحي شخص لم يطلب العفو او السماح اصلا ولا هو ولا اي حد من اهله بل استخدم اساليب ضغط ولو هي سامحت تحت الضغوط دي ... اكيد هيبان انها خافت منهم والولد كمان هيفكر انه استخدم علاقاته في ارهابها وارغامها على التنازل .... لذلك هي مجتلهاش الفرصة اصلا انها تسامح او تعفو (عند المقدرة) المقدرة ماتوفرتش لسه

طالما اتضح من الحوار السابق ان البلد فيها ديانات متعددة يبقى احنا بنتكلم في القانون اللي كل مصري مجبر انه يلتزم بيه. القانون بيقول ان المعاكسة في الشارع ولو حتى باللفظ جنحة. اما بالنسبة للمظهر او الملابس في حاجة اسمها فعل فاضح في الطريق العام يتم تطبيقه على اي واحد او واحدة لبسهم يتعدي الحدود ويسبب شغب او بلبة في الشارع ولو تسمحي لي مش بس المحجبات هما اللي محترمين في لبسهم كما ان احترام الانسان لنفسه ده شيء شخصي لكن احترام الانسان لغيره ده واجب

لما يكون بلد فيها محجبات ومتبرجات والاتنين يتم التحرش بيهم وبلد تانية فيها محجبات ومتبرجات والاتنين محدش يقدر ييجي جنبهم ....... يبقى الخلل مالوش علاقة بطريقة اللبس بل في النظام والقانون وطرقة تطبيقه وكمان تنازل الناس عن حقوقهم... ومحدش اتهمك انك بتفرضي على اسر انها تتحجب ولا ان الحجاب فريضة في الاسلام او لا احنا بس بنقول ان مش التبرج هو السبب في التحرش واذا كان هو ده تفكير الناس فده تفكير خاطيء يجب تغييره —- مش عشان في متبرجات في الشوارع يبقى منقدرش نطلب من الشباب انهم يلتزموا بالقانون، طريقة اللبس ربنا هيحاسبنا عليها اما التحرش في قانون بيمنعه وهو ده بيت القصيد

اخيرا ... بالنسبة لرأيك ان( اسر بتعمل شـــو )اسمحي لي ... كلنا هنعمل شــو في المرحلة القادمة وهو ده الهدف من الحملة _________التــوعــــــــــيـــــــــــــــة_______ وشكراً


واذا كنتي مش فاضية تردي على كل حد حته حته مفيش مشكلة لاننا كلنا محددين في حتة واحدة وهي اللي تهمنا

لا للتحرش الجسدي او اللفظي في
الشوارع لو انتي مختلفة معنا في النقطة دي اهلا بيكي ولو متفقة معانا اهلا بيكي ويايرت بلاش التنبؤ بان كل اللي بنعمله هينزل على مفيش لان دي حاجة محبطة للبعض ... غير انها في النهاية مجرد تكهنات

الجواز و سنينه يقول...

Rasmaa
انتى عبتى عليه كلمه افهمو بقى و هلفطه
لانى عماله ادن فى مالطه
فى كلام بتهاجم فيه و يكون ليه رد فى كل كلامى زى الاخت
ماريكا
قالت هو انا ماليش اصحاب مسيحيين
طيب انا رديت على النقطه دى
بس محدش عايز يقرأ و لو قرأ مش عايز يفهم طيب ما انا قلت فى ردى على حفصه الاتى و قبل ما هيه ترد

******************
لو كانت اسور مسيحية ، يعني مش ملزمة انها تلبس حجاب، هل ده يعني انها مستباحة و يحل فيها التحرش؟ فكري كويس قبل ما تردي و ردي بالعقل و المنطق عشان متغلطيش غلطة توقعك في مشاكل انتي في غنى عنها|"
لو كانت مسيحيه و حد اعتدى عليها هايعاقب بحد اسمه حد الحرابه لو تعرفيه
********************
انا مش فاضيه ارد على الحاجه مليون مره و لا هارد واحد واحد انا لغايه دلوقت ما ردتش على الناس اللى علقت عندى فى البلوج علشان انا مش فاضيه و مش ممكن هاكون مش برد هناك و عارد هنا على كل واحد مش كلف نفسه يقرأ صح

و بعدين لما اسر تحب تعمل شو ما توقعش الناس و تستخدمهم فى الشو ده

هى اللى جات عندى علشان تعمل فرقعه و انا محدش يستخدمنى لمصلحته

هيه طلبت رأيى و انا رديت عليها بحس نيه كان المفرض قبل ما تعمله فى بوست تقولى انها هاتعمل كده و انا اسمحلها
لان محدش كان هيقرأ الكلام اللى فى الكومنت غيرها هيه بس
فحبت تعمل فرقعه على ناس مش هاتقرأ و ده اللى ارفضه

انا عمرى ما طولت فى بوستاتى فى الكلام علشان عارفه ان الناس مش هاتقرى الرغى كله
هاتخد حته من كل حته و تجرى ترد علشان تلحق ترد على غيرها كمان
و الاقى ناس مش فاهمه فى الدين حاجه داخله تتهجم و اللى لسانه طويل و ده انا ما اسمحش بيه
انا ما غلتطش فى حد و لقيت الناس داخله تهاجم طي ايه المبرر
انهم ماقروش كلامى كويس؟؟؟؟؟

ياريت الناس تفهم الكلام كويس قبل ما تجيلها العنتريه و ترد

الجواز و سنينه يقول...

Marika
انا كتبت حكايه المسيحيين فى اكتر من موضع بس انى مش قريتى كويس قبل ما تردى انا قلت الكلام التالى قبل ما تردى
*********
و على فكره حتى الغير مسلمه مش من حق حد انه يعتدى عليها لانها ليها الامان هيه كمان
بس هيه مش مفروض عليها الحجاب فمش هاقدر اطالبها بيه
و لا هارضى على ناس مسيحيين انا اعرفهم انهم يتعرضوا للمواقف دى لانى اكيد بعزهم



لو كانت اسور مسيحية ، يعني مش ملزمة انها تلبس حجاب، هل ده يعني انها مستباحة و يحل فيها التحرش؟ فكري كويس قبل ما تردي و ردي بالعقل و المنطق عشان متغلطيش غلطة توقعك في مشاكل انتي في غنى عنها|"
لو كانت مسيحيه و حد اعتدى عليها هايعاقب بحد اسمه حد الحرابه لو تعرفيه

ياريت نقرأ قبل ما نرد

غير معرف يقول...

الجواز و سنينه

you've said (ياريت نقرأ قبل ما نرد)

Clearly you didn't read my posts good or you choose to answer some of my comments and ignore the others.

Marika

غير معرف يقول...

you've said (لو كانت مسيحيه و حد اعتدى عليها هايعاقب بحد اسمه حد الحرابه لو تعرفيه)

and I, as a Christian, refuse that anyone apply what you said above on me... There is a law, we are not a religiously run country. Law applies on everyone, that is the civil way in dealing humans.

Marika

أسوور يقول...

الجواز وسنينه

انا رجعت رديت بعد كام يوم لما لفت نظرى انك بتتهكمى على البنت اللى تعرضت للتحرش من 13 سنة .. وهى الآن عندها 23 .. يعنى ساعتها كان عندها 10سنوات

ودة استفزنى جدا جدا لأنى انا شخصيا تعرضت للتحرش برضه وانا فى نفس السن من بواب العمارة اللى اكتشفت منذ عامين فقط انه كان يتحرش بكل بنات العمارة فى الاسانسير

ولم افهم ولن اتفهم مهاجمتك لها حتى كتابة تلك السطور ونحن بنات الجنس الواحد

موضوع الحجاب ملهوش دعوة خالص بالقضية هنا .. القانون هو اللى بنناقشه والقانون بيقول ان من خدش حياء انثى .. أى أنثى .. يعاقب بالحبس مدة اقصاها سنة وغرامة من 200 الى 1000 جنيه أو احدى هاتين العقوبتين .. ونص القانون واضح جدا هنا

اذا اخد الولد براءة يبقى بسبب الإجراءات فى الضبط أو بسبب عدم ثبوت التهمة فقط .. وهاستأنف بدون تردد لأنى تعرضت للواقعة المذكورة بالفعل .. يعنى مش من تأليفى

أما هأكسب ايه؟ .. هقولك .. أولا هأعلم بناتى انهم ياخدوا حقهم بالقانون
ثانيا هأعلم بنات تانيين انهم يتشجعوا ويواجهوا المتحرش فى اى مكان ويتصلوا بالنجدة وياخدوا برضه حقهم بالقانون وبكدة يبقى نشرت نوع من الوعى المفتقد فى مثل تلك الحالات
ثالثا .. مواجهة التحرش من احدى اولوياتى فى النشاط امجتمعى الذى أمارسه منذ 15 سنة ومن اول المواضيع التى بدات بها الكتابة فى مدونتى منذ عام2006
رابعا الناس ولا طلبوا الصلح ولا حاجة لحد دلوقتى ومش عارفة جبتى منين انهم بيجروا ورايا عشان يعملوا تصالح؟؟
كل اللى عملوه انهم خلوا ناس من الداخلية يكلمونى بصيغة فيها تهديد وسمعت انهم ادعوا فى انى كنت مع الولد وسرقت موبايله وهو كان بيحاول استرداد الموبايل بتاعه عندما اتصلت بالنجدة .. يعنى بيتهمونى انى داعرة .. وحرامية .. وكمان ملفقة التهمة
أى نوع من البشر دول اللى ممكن اتعاطف معاهم؟؟؟ ولو انتى مكانى هتتعاطفى على أى اساس مع ناس بتحاول تلويث سمعتك بدل ما ييجوا يعتذروا حتى عشان يعلموا ابنهم ان اللى يغلط لازم يعتذر ويطلب الصفح

سألت بالفعل عن امكانية التنازل عن المحضر وخلاص وعرفت من رجال القانون ان دة هيبقى فيه خطر علية لأنهم فى تلك الحالة ممكن يوجهوا لى تهمة البلاغ الكيدى وكدة هاثبت انى فعلا سرقت موبايله والكلام الفارغ اللى بيقولوه حتى لو معملوش بلاغ كيدى .. هيبقى ايه نظرة الناس لية ؟

لازم كانوا يطلبوا التصالح الأول ثم اقبل التصالح فى محضر رسمى عشان الموضوع يتقفل لكن دة محصلش

احب اعرض وجهة نظرى كاملة .. اللى يغلط لازم يتعاقب .. أو على الأقل يشعر بالندم ودة محصلش من الولد .. يبقى لازم يتعاقب

التحرش اصبح موضوع يفوق الوصف ولازم وقفة .. وانا مش هينتهى الموضوع بالنسبة لى عند الحكم على الولد .. لأ دة انا هاستمر فى محاربة هذا الفعل الحقير من خلال التوعية للبنات بجميع أعمارهم .. وكمان التوعية للشباب باللى مستنيهم عند ثبوت تهمة التحرش او خدش الحياء عليهم .. بإلقاء الضوء على القضية بتاعتى ودة اقل واجب أعمله لبناتى وبنات جنسى

ياسيدتى .. انا مش عيلة صغيرة اتخانقت مع واحد فى الشارع وخلاص .. انا زوجة وأم لطفلتين ليهم حق علية .. ولى مشاركة سياسية منذ ان كان عمرى 21 عام .. حاربت فيهم الجهل المتعلق بكل شىء يخص المرأة .. وحاربت فيهم احتقار المجتمع للمرأة واعتبارها عورة وحرمة .. لا يا سيدتى لسنا حريما بل نحن نساء .. خلقنا الله وكرمنا بالعقل مثل الرجال تماما .. ومن حق بناتى وبنات جنسى على أن احارب فى تلك الجبهة حتى يتوفانى الله

احارب احتقار الرجل لزوحته واساءة معاملتها .. احارب النظرة السائدة للمراة على انها متاع خلق لمتعة الرجل فقط ولو ربنا عايز كدة مكانش خلق لها عقل من أصله
أحارب تفضيل الذكور على الإناث فى الإنجاب

احارب النظرة المتخلفة من المجتمع للأنثى .. فقط لأنها خلقت أنثى .. ولا يعفى الحجاب الأنثى من تلك النظرة .. برضه شايفين اننا مجرد متاع حتى لو لابسين خيمة

النظرة دى هى اللى خلت التحرش ينتشر .. وخلت الشباب منذ نعومة أظافرهم يعاملون المرأة بعدم احترام .. طيب القانون بيحترمنى .. ليه ما استخدمش القانون علنى اغير شيئا فى النفوس يجعلهم يفكرون ولو قليلا

سافرت حول العالم فى مؤتمرات تخص أوضاع المرأة قبل أن اتفرغ لرعاية أسرتى .. ودة من الحاجات اللى بنادى بيها .. يجب ألا تجبر المرأة على ممارسة دورها كام أو كزوجة فقط لأنها مخلوق كامل الأهلية يجب أن يقرر مصيره بنفسه .. تتفرغ للبيت .. تشتغل مع دورها كزوجة وأم .. هى حرة .. والأصلح لها ولأولادها هى هتختاره بلا تردد

الموضوع كبر قوى يا سيدتى ورأى الأغلبية واضح .. مش عشان أغلبية ..لأ عشان القانون بيقول كدة .. فهل تريدين تغيير القانون؟؟ أم تطلبين منى العفو عن شخص لم يطلب العفو اصلا؟

أما عن قولك ان مادام التحرش يصل الى المحجبات والحوامل والصغيرات يبقى مفيش فايدة ونسكت .. اقولك ان دى حيلة الضعيف الذى لا يملك شيئا .. اما أنا فأملك قانونا من حقى تطبيقه .. وأملك قلما سوف أحارب به حتى النهاية .. وأملك تأييدا سوف استغله على أكمل وجه فى نشر الوعى بين البنات ليعرفوا حقوقهن وبين الشباب ليعرفوا برضه انهم بيخالفوا القانون لما بيعملوا كدة

وارجو أن تلتمسى العذر لكل من خالفك الرأى .. ولا أرى أى داع للدفاع عن الموضوع بزج الحجاب فى القصة لأن دة مش موضوعنا .. وكمان لأن المحجبات بتتعرض لدة

فى يوم انتخابات مجلس الشعب كنت وكية احد المرشحين فى احدى اللجان .. وكان المرشح امامه هو حازم ابو اسماعيل من الإخوان عن دائرة الدقى
ولاحظت ان حازم يحصل على اصوات كتير وان الناس افواجا افواج يأتون لتأييده
فسألنى أحد الزملاء وهو يعرف موقفى المعارض لحكم الإخوان للبلد .. هتعملى ايه لو الإخوان مسكوا البلد
قلتله الديمقراطية ليست فقط أن نؤمن بمسألة الرأى والرأى الآخر .. بل أن تذعن لرأى الأغلبية .. وسف اؤيد افخوان ان كان هذا هو ما أراده الأغلبية

فهل وصلتك الرسالة؟؟؟

نورتينى واثرتى جدلا ثريا سوف يفيد الجميع رغم معارضتك للإستمرار فى القضية الا ان مخالفتك جعل الكثيرون يعملون العقل واثبت لى اننى على الطريق السليم

تحياتى وارجو الا تمتنعى عن زيارة مدونتى علنا نتفق على أمور أخرى
واحب اقولك ان مدونتك من المدونات التى اثارت اعجابى رغم كل شىء .. فاستمرى

DantY ElMasrY يقول...

فى ناس بتسيب حقها من باب التخاذل (التسامح)
وناس تانية بتسيب حقها من باب الكسل
وناس تالتة بتسيب حقها من الخوف
كل دا موجود
لكن الغريب ان فى ناس تلاقى منطق لتجميل التخاذل والكسل والخوف

مساندتى واحترامى

كلاكيت تانى وتانى يقول...

ارجو نشر الايفنت لديك على مدونتك او جروبك والدعوة لحضور الحفل بين كل المدونين واصجقائكم على الفيس بوك وذلك لتأييد المدونات المشاركات فالحدث ويشرفنا حضورك
حفل توقيع العدد الثالث من سلسلة مدونات مصرية للجيب
كتاب "أنا انثى " ..لمجموعة من المدونات النساء

أول كتاب يناقش اهتمامات المرأة بقلم مجموعة من النساء ويطرح القضايا للنقاش

ضيفة شرف الحفل ..(غادة عبد العال ) صاحبة مدونة ..عاوزة أتجوز..والتي صدر لها كتاب بنفس العنوان عن دار الشروق

ومن المشاركات في كتاب ..أنا أنثى
نوارة نجم
اسر ياسر
ايناس لطفى
نرمين البحطيطى
شمس الدين
د . رشا عبد الرازق
بيلا شريف
مكسوفة
بسمة عبد الباسط
مريم الغنيمى
إيمان نادى
زهراء امير بسام
آية الفقى
مروة السيد
أميرة محمد محمد محمد
فاتيما
مذكرات عانس
نرمين البحطيطى
سلمى أنور
انجى سمراء النيل
سارة ابراهيم على
سمر مجدى
مروة النجار
شيماء حسن
نسرين عبد النعيم
د.مرام محمود
ايناس لطفى
نجلاء الشربينى
محاسن

يصاحب الحفل عرض فيلم قصير و==================================
المكان
المركز الثقافى الدولى
17 ش السد العالى ميدان فينى الدقى
الشارع المقابل لشيراتون الجزيرة
اقرب محطة مترو انفاق محطة الاوبرا
الزمان
يوم 3 مارس الساعه 4.30 عصرا

غير معرف يقول...

مش عارف ليه ياأسوور حاسس ان نفسك تتنازلي عن مطالبتك بحقك فى الموضوع ده عشان مستقبل اسم النبي حارسه

Magi Mostafa يقول...

اسر بس احب اقولك انك اتصرفت التصرف السليم واستخدمت حقك فى اللجوء للقانون الى ان شاء الله هينصفك
اما بالنسبه لاى حد يقول مستقبل الولد ومش عارف ايه اقوله مستقبله لا يهمك ولا يهمنا فى حاجه يوم متعدى على امان غيره وانسانيه وهدد امن الناس الامنه الى ماشيه فى الشارع والى اهله مربهوش السجن هيربيه
وسؤالى للجواز وسنينه لو ده كان حصل لبنت من بناتك كنت برضه هتقولى ولا هتفكرى فى مستقبل ولد مجرم زى ده
اسر استمرى كلنا معاك

hasona يقول...

السلام عليكم
استخدمتي حقك
وعليك الاصرار عليه

وان كان تعليقي السابق ان جزء من الخطأ يقع عليك

عندما لم تتحركي عندما استغاث بك الغير

ali & hope يقول...

بجد انا مش فاهم فية ايةواللى بيدور على مبررات لية ايان كان الاسباب بيقولك الجواز وظروف الحياة الموضوع دة بيحصل من ناس مستوياتها عالية جدا يعنى لو حب يتجوز هيتجوز بلاش ندور على حجج فارغة
انا شاب ورغم كدة بضايق من اللى بشوفوا قدامى فبال اللى بيتحرش بيها احساسها بيبقى عامل ازاى انا معنديش اخوات بنات بس ساعات بتخيل لو عندى وهيا خرجت هيحصلها اية
كملى الطريق يا اسر
مش علشانك انتى
لان فية الالاف غيرك مستنين يشوفوكى هتعملى اية
وممكن يتجراوا ويبلغوا
وماضاع حق وراءة مطالب

^ H@fSS@^ يقول...

اسور يا ريت لو تعملي بوست اعلان عن المدونة الجديدة عشان الناس تعرف بوجودها

تحياتي

أسماء علي يقول...

أنا مصدومة من رد (الجواز و سنينه)
لم أتوقع يوما أن يتم الربط بين الحجاب و الخروج و التوقيت بأنه من الممكن أن يكون مبرر للتحرش
!!!
الحق واضح مثل النور
و إلا اضطررنا جميعنا مهما كانت دياناتنا أن نلبس الحجاب !!
لكنها لم تخبرنا ما سبب التحرش بالمنتقبات و المحجبات و المرتديات الإسدال ؟؟

أرى أن مايحدث جريمة لا علاقة لها بأي حجج واهية من مظهر و توقيت و أشياء لم أفهم علاقتها

...

جميعنا ضد التحرش
جميعنا ضد الظلم
جميعنا مع النور و ضد الظلام

غير معرف يقول...

و من احدى العجائب الربط بين الحجاب و التحرش .. وهي محاولة غريبة لتبرير التحرش بملابس الضحية .. فهل مثلا يجيز الاسلام التحرش بغير المسلمات علما بأنهن لا يفرض عليهن ارتداء الحجاب أصلا..طبعا لا

الجواز و سنينه يقول...

اسر
**********************
انا رجعت رديت بعد كام يوم لما لفت نظرى انك بتتهكمى على البنت اللى تعرضت للتحرش من 13 سنة .. وهى الآن عندها 23 .. يعنى ساعتها كان عندها 10سنوات

ودة استفزنى جدا جدا لأنى انا شخصيا تعرضت للتحرش برضه وانا فى نفس السن من بواب العمارة اللى اكتشفت منذ عامين فقط انه كان يتحرش بكل بنات العمارة فى الاسانسير

ولم افهم ولن اتفهم مهاجمتك لها حتى كتابة تلك السطور ونحن بنات الجنس الواحد
*********************
انتى اسفزك ردى عليها و ما استفزكيش ردها عليه؟؟؟؟؟
و لا انتى بيستفزك الناس اللى بتوافقك بس؟؟؟؟
و انا ما فهمتش منها انها اتعرضت للتحرش من 13 سنه انا فهمت انها بقالها 13 سنه بتتعرض للتحرش ده سوء فهم
و انا اعتذرتلها على انى كنت عنيفه معاها بس ياريت الناس تتعلم ترد من غير ما تجرح فى اللى ادامها
و علشان كده انا قلتلك بيعجبنى الكلام معاكى علشان انتى مش همجيه
********************

موضوع الحجاب ملهوش دعوة خالص بالقضية هنا .. القانون هو اللى بنناقشه والقانون بيقول ان من خدش حياء انثى .. أى أنثى .. يعاقب بالحبس مدة اقصاها سنة وغرامة من 200 الى 1000 جنيه أو احدى هاتين العقوبتين .. ونص القانون واضح جدا هنا

اذا اخد الولد براءة يبقى بسبب الإجراءات فى الضبط أو بسبب عدم ثبوت التهمة فقط .. وهاستأنف بدون تردد لأنى تعرضت للواقعة المذكورة بالفعل .. يعنى مش من تأليفى
************************
انا عارفه القانون كويس و كمان الاجرأت و ده اللى خلانى لما انتى طلبتى رأيى انى انبهك لحاجه قد تكونى مش واخده بالك منها
و هيه منظرك اللى مضايق حفصه اوى انى خفت عليكى
و اخدته على انى بتهمك
**********************
أما هأكسب ايه؟ .. هقولك .. أولا هأعلم بناتى انهم ياخدوا حقهم بالقانون
ثانيا هأعلم بنات تانيين انهم يتشجعوا ويواجهوا المتحرش فى اى مكان ويتصلوا بالنجدة وياخدوا برضه حقهم بالقانون وبكدة يبقى نشرت نوع من الوعى المفتقد فى مثل تلك الحالات
ثالثا .. مواجهة التحرش من احدى اولوياتى فى النشاط امجتمعى الذى أمارسه منذ 15 سنة ومن اول المواضيع التى بدات بها الكتابة فى مدونتى منذ عام
2006
*****************
حلو اوى انك تعلمى الناس تاخد حقها
انا معاكى فى الجزء ده

***************************
رابعا الناس ولا طلبوا الصلح ولا حاجة لحد دلوقتى ومش عارفة جبتى منين انهم بيجروا ورايا عشان يعملوا تصالح؟؟
************
الكلام ده جبته من عندك

""""انا لا اريد ان اتصالح واريد فقط ان العدل ياخد مجراه وان الولد دة يبقى عبرة للى زيه ولأهله واهالى الولاد اللى بيستهينوا بالآخرين"""""

اللى يتفهم انهم عايزين يتصالحوا و انتى مش راضيه
مش انهم بيهددوكى

***************************

كل اللى عملوه انهم خلوا ناس من الداخلية يكلمونى بصيغة فيها تهديد وسمعت انهم ادعوا فى انى كنت مع الولد وسرقت موبايله وهو كان بيحاول استرداد الموبايل بتاعه عندما اتصلت بالنجدة .. يعنى بيتهمونى انى داعرة .. وحرامية .. وكمان ملفقة التهمة
***********************
انتى ما قولتيش الكلام ده إلا دلوقت
و اكيد ده غير فى رأيى كتير
*****************
أى نوع من البشر دول اللى ممكن اتعاطف معاهم؟؟؟ ولو انتى مكانى هتتعاطفى على أى اساس مع ناس بتحاول تلويث سمعتك بدل ما ييجوا يعتذروا حتى عشان يعلموا ابنهم ان اللى يغلط لازم يعتذر ويطلب الصفح
****************
اكيد ما يستاهلوش
و اكيد لو مكانك اكيد مش كنت هاسامح
انا اسامح اللى اعترف بغلطه و لو ظمنيا لكن غلطان و بيقاوح اكيد لاء
*************
سألت بالفعل عن امكانية التنازل عن المحضر وخلاص وعرفت من رجال القانون ان دة هيبقى فيه خطر علية لأنهم فى تلك الحالة ممكن يوجهوا لى تهمة البلاغ الكيدى وكدة هاثبت انى فعلا سرقت موبايله والكلام الفارغ اللى بيقولوه حتى لو معملوش بلاغ كيدى .. هيبقى ايه نظرة الناس لية ؟
لازم كانوا يطلبوا التصالح الأول ثم اقبل التصالح فى محضر رسمى عشان الموضوع يتقفل لكن دة محصلش
**********************
بصى اكيد مش تاخدى خطوه فيها خطر و لو بعيد عليكى و خصوصا ان انتى ليكى الحق و همه ممكن فعلا يعملو كده
لو فعلا بتفكرى تتنازلى زى ما قلتى اكيد لازم تاخدى احتياطات امانك جداااا منهم واضح انهم مش ساهلين
**************
احب اعرض وجهة نظرى كاملة .. اللى يغلط لازم يتعاقب .. أو على الأقل يشعر بالندم ودة محصلش من الولد .. يبقى لازم يتعاقب

التحرش اصبح موضوع يفوق الوصف ولازم وقفة .. وانا مش هينتهى الموضوع بالنسبة لى عند الحكم على الولد .. لأ دة انا هاستمر فى محاربة هذا الفعل الحقير من خلال التوعية للبنات بجميع أعمارهم .. وكمان التوعية للشباب باللى مستنيهم عند ثبوت تهمة التحرش او خدش الحياء عليهم .. بإلقاء الضوء على القضية بتاعتى ودة اقل واجب أعمله لبناتى وبنات جنسى
**********
ياريت بالمره تطالبى ان اللى يثبت عليه التهه يوقع ليه عقوبه تأهيليه يعنى يخضح لبرنامج تاهيلى مش بتحط فى السجن مع المجرمين فنبقى بوظناه مش صلحناه
************************

ياسيدتى .. انا مش عيلة صغيرة اتخانقت مع واحد فى الشارع وخلاص .. انا زوجة وأم لطفلتين ليهم حق علية .. ولى مشاركة سياسية منذ ان كان عمرى 21 عام .. حاربت فيهم الجهل المتعلق بكل شىء يخص المرأة .. وحاربت فيهم احتقار المجتمع للمرأة واعتبارها عورة وحرمة .. لا يا سيدتى لسنا حريما بل نحن نساء .. خلقنا الله وكرمنا بالعقل مثل الرجال تماما .. ومن حق بناتى وبنات جنسى على أن احارب فى تلك الجبهة حتى يتوفانى الله

احارب احتقار الرجل لزوحته واساءة معاملتها .. احارب النظرة السائدة للمراة على انها متاع خلق لمتعة الرجل فقط ولو ربنا عايز كدة مكانش خلق لها عقل من أصله
أحارب تفضيل الذكور على الإناث فى الإنجاب

احارب النظرة المتخلفة من المجتمع للأنثى .. فقط لأنها خلقت أنثى .. ولا يعفى الحجاب الأنثى من تلك النظرة .. برضه شايفين اننا مجرد متاع حتى لو لابسين خيمة

النظرة دى هى اللى خلت التحرش ينتشر .. وخلت الشباب منذ نعومة أظافرهم يعاملون المرأة بعدم احترام .. طيب القانون بيحترمنى .. ليه ما استخدمش القانون علنى اغير شيئا فى النفوس يجعلهم يفكرون ولو قليلا
سافرت حول العالم فى مؤتمرات تخص أوضاع المرأة قبل أن اتفرغ لرعاية أسرتى .. ودة من الحاجات اللى بنادى بيها .. يجب ألا تجبر المرأة على ممارسة دورها كام أو كزوجة فقط لأنها مخلوق كامل الأهلية يجب أن يقرر مصيره بنفسه .. تتفرغ للبيت .. تشتغل مع دورها كزوجة وأم .. هى حرة .. والأصلح لها ولأولادها هى هتختاره بلا تردد
****************
الكلام ده فيه تحيز واضح للانثى و انا مش بحب التحيز
فيه ستات كمان مفتريه و رجاله غلبانه
احنا المفروض نحارب اللى غلطان من امرأه او رجل
يعنى انا لسه شايفه فى بريد الجمعه الاسبوعين اللى فاتوا ستات غايه فى الافترى
يبقى زى ما فيه رجاله مفتريه لازم كمان نشوف الستات المفتريه
****************

الموضوع كبر قوى يا سيدتى ورأى الأغلبية واضح .. مش عشان أغلبية ..لأ عشان القانون بيقول كدة .. فهل تريدين تغيير القانون؟؟ أم تطلبين منى العفو عن شخص لم يطلب العفو اصلا؟
************
اكيد مش هاطلبله العفو

**********************

أما عن قولك ان مادام التحرش يصل الى المحجبات والحوامل والصغيرات يبقى مفيش فايدة ونسكت .. اقولك ان دى حيلة الضعيف الذى لا يملك شيئا .. اما أنا فأملك قانونا من حقى تطبيقه ..
*****************
انا ما قلتش نسكت ابدا
انا بس اكتفيت بالعقاب اللى حصله لغايه دلوقت
بس اظاهر انه محتاج اكتر من كده
و على فكره انا مش ضعيفه ابدا
و لما حد بيفكر بس يقربلى ببهدله

*************************

وأملك قلما سوف أحارب به حتى النهاية .. وأملك تأييدا سوف استغله على أكمل وجه فى نشر الوعى بين البنات ليعرفوا حقوقهن وبين الشباب ليعرفوا برضه انهم بيخالفوا القانون لما بيعملوا كدة

وارجو أن تلتمسى العذر لكل من خالفك الرأى .. ولا أرى أى داع للدفاع عن الموضوع بزج الحجاب فى القصة لأن دة مش موضوعنا .. وكمان لأن المحجبات بتتعرض لدة
********************
انا بلتمس العذر للى بيخالفنى لكن اكيد مش هالتمس العذر لكل من طول لسانه
و مسأله الحجاب اللى دخلها ان الناس علشان تحابيكى بيتهاونى فى حقوق الله و ده اللى مش اهبله و لو سكت عنه ابقى غلطانه
انا دخلت دافعت عن حق الله و كفايه ده عليه
*******************
فى يوم انتخابات مجلس الشعب كنت وكية احد المرشحين فى احدى اللجان .. وكان المرشح امامه هو حازم ابو اسماعيل من الإخوان عن دائرة الدقى
ولاحظت ان حازم يحصل على اصوات كتير وان الناس افواجا افواج يأتون لتأييده
فسألنى أحد الزملاء وهو يعرف موقفى المعارض لحكم الإخوان للبلد .. هتعملى ايه لو الإخوان مسكوا البلد
قلتله الديمقراطية ليست فقط أن نؤمن بمسألة الرأى والرأى الآخر .. بل أن تذعن لرأى الأغلبية .. وسف اؤيد افخوان ان كان هذا هو ما أراده الأغلبية
****************
بصى عايزه اقولك ان مافيش حد عايز الاخوان فى السلطه
الناس عايزه العدل
عبد الناصر ماكانش اخوانى
رغم كده الناس كانت بتموت فيه
*****************
فهل وصلتك الرسالة؟؟؟
******************
وصلت