الأحد، 15 مارس 2009

الأخوة الزملاء المدونون .. شكرا




السيده اسر ياسر
فى جو الشتا اللى بتتكلمى عنه
ردا على فوازيرك
حضرتك اللى جبتى سيرة
حفلة التوقيع
حضرتك بكل صدق ومصداقيه كنتى لابسه
انا فى منتهى الاسف والامتعاض
انى اقول
bra ابيض
اناشخصيا كنت شايفه من تحت اللبس اللى كان شفاف
فى عز الشتا
وكونك زوجه يحمل زوجك ذنب انه يسيبك بالشكل ده
اما عن اولادك فربنا يستر
واضح من البوست اللى اتنشر فى انا انثى
انك بتربيهم على ان الحياء ده مش من مستوانا خاااالص!
اما انك تمشى فى الشارع ملط ف ده انت لوحدك اللى ممكن تجربيه
وساعتها يا ريت تبقى تيجى تحكى على التجربه الاورجينال خالص دى
بس ارجو من سيادتك بلاش كلمه خدشوا حيائك لانها مش لايقه
---------
ده مع احتفاظى برأى ان التحرش جريمه تستحق اكبر عقوبه
ولتكن خدش حيائه وتجريده من ملابسه

هناك 45 تعليقًا:

77Math. يقول...

هههههههههههههههههههههه

الأشكال دي مش حتختفي أبدًا صدقيني

بس ليه تمنحيها الأهمية بإفراد بوست كامل لها؟

صدقيني، حلّهم الوحيد هو التجاااااااهل التام..

ولا حتى النظر إليهم

أولئك الذين نخر السوس رؤوسهم فلم يعودوا يفرّقون بين الحقيقي والمجاز، بين الكتابة والواقع، بين المجمل والتفصيل..

وكما يقول المثل: تظل الكلاب تنبح، والقافلة تسير

تحياتي

غير معرف يقول...

لا اعتقد يا اسر ان هذا الرأى قد يغضبك الى هذه الدرجه فالثقافه الموجوده فى مجتمعنا هى ثقافه غبيه واحب ان اقول لكى اننى ورغم عدم حضوري حفل انا انثي الا ان جائتنى بخصوصك كلمات مثل هذه نظلرا لتضامنى معك فى قضيه التحرش
يا اسر لا اظن ابدا انك والى الان لم تفهمى العقول من حولك كيف هي وانا اقول لك من يثار لمجرد انه راى حماله البرا ويصنع من ذلك مشهد جنسي هو انسان مريض ولا يستحق الرد عليه ولا تنسي ان الخلاف الطبقي فى مجتمعنا يتحور الى الى الحلال والحرام لتبرير الاسباب النفسيه صدقينى يازميلتى العزيزه ليس الناس كلهم سوا فقد اغضبنى عنوان البوست واحسست انك تتهمى الجميع بالنفاق والخسه يا اسر لن ترضي كل الناس ابدا ويب عليك ان تكونى نفسك لا ان تكونى الناس ولا تبالى بالتفاهات

غير معرف يقول...

* يجب عليك ان تكونى نفسك

AAF يقول...

انا فى منتهى الاسف والامتعاض
انى اقول
bra ابيض

You were wearing a white bra? Dear God, what a catastrophe! This is awful, horrifying, terrible, what a nightmare! [/sarcasm]

Egyptian men are sexually frustrated to the breaking point. I hope they find a cure fast, so we don't have to deal with this bullshit any longer.

Empress appy يقول...

طيب والبيه كان مركز فى البرا ليه حضرته يعنى
طيب هنعتبر انتى غلطانه
معلش خدينى على قد عقلى
هو مش عارف ان فيه حاجه اسمها غض بصر
معلش يا اسر فيه ناس مش فاهمه ايه المستويات ولا العيشه مرحبا بكى فى ارض الواقع مع العشوائيات

Empress appy يقول...

بجد اسامه فى الجملتين دول عبر عن اللى عاوزة اقوله ينصر دينك بجد يا اخى والله


لا تنسي ان الخلاف الطبقي فى مجتمعنا يتحور الى الى الحلال والحرام لتبرير الاسباب النفسيه

غير معرف يقول...

على فرض أنك يا أسر ماكنتيش لابسة هدوم اصلا هو ده مبرر انه اى حد يبص لك وانه يحلل لنفسة انه يبص ويتحرش بيكى
ايه الكلام ده

طيب هتكلم فى حاجة تانية طبعا كلنا عارفين ان الخمر حرام لو فرضنا وواحد قاعد مع صاحبة وصاحبة ده بيشرب هيقوم هو كمان يشرب ويقول ما هو صاحبى بيشرب فيها ايه
المفروض انه عارف ان ده غلط وحتى لو كل العالم حوالية بيشربوا خمر هو المفروض عارف الحرام من الحلال

ولو فرضنا ان واحدة ماشية عريانة هل معنى ده ان الواحد ما يغضش بصرة وهل معنى ده انه جسمها يكون لية حلال ايه الكلام ده حرام عليكم بجد

انا مش مع طبعا البنات اللى بتلبس لبس فاضح والحاجات دى ولكن مش معنى كده ان جسمهم يبقى مستباح لاى حد علشان هيا خرجت من بيتها بهدوم زى دى
ازاى يعنى

هو مفيش حاجة اسمها حلال وحرام وغض بصر

هو فيه ايه

طيب والمحجبة واللى بتلبس لبس محترم جدا لية بتتعرض لمعاكسات ولية بتتعرض لمواقف مقرفة زى اللى بتتعرض ليها اى واحدة مش لابسة
ما احنا لو قلنا ان البنت اللى لبسها اى كلام هيا اللى بتعرض نفسها للتحرش والمعاكسة طيب والكويسة والمحجبة واللى لبسها كويس أيه سبب اللى بتتعرض لية

ممكن حد يقولى

اعتقد مسألة اللبس دى شماعة بتعلقوا عليها غلطكم وعد غض بصركم

77Math. يقول...

على فكرة من البوست واضح إن اللي كاتبا الكلام دا واحدة ست

معرفش ليه افترضتوا إنه راجل وبدأتوا تهاجموا الرجالة

كمان في ستات متخلفة بتساهم في تخلف المجتمع كثير وتربية الرجالة اللي بيتحرشوا دول ( أو عدم تربيتهم بالأصح )

DantY ElMasrY يقول...

فعلا اللى كتبت الكلام دا نتاية
وعندها مفهوم تصاعدى للعورة الأنثوية
من أول الأنثى ككل
لحد كل ما هو أنثوى من أدوات
يعنى الملابس الداخلية عورة بصرية ولفظية لا يجوز ان ننطق باسمها

كان الله فى عونك

Empress appy يقول...

صدقى انا زعلت منك انك نشرتى الصوره انتي بتثبتى ايه ولمين يا بنتى بس
لو على راي77Math
ودانتى فلو كده انا بشده باكد كلامهم لانى اتعرضت لنفس ده وبين دي مركزه اوي غيره بقى

غير معرف يقول...

انا فى كلامى كنت بتكلم عموما ومش بس على التعليق اللى آسر حطتة ولان فيه رجالة كتير هيا دى وجهه نظرهم وان الواحدة هيا السبب فى التحرش اللى بيحصل لها بسبب لبسها
طيب والواحدة اللى لبسها محترم يبقى ايه السبب
بلاش تعلقوا غلطكم على شماعة اللبس

بس خلاص

إيمان قنديل يقول...

الصديقة الحبيبة والغاليه جدا آسر


قرأت هذا البوست والنقد الذي يتناول شخصك، ولكنني أتساءل ، هل أتي لك هذا الكلام مباشرة من الشخص نفسه، أو أنه آتي لك عبر الأيميل، لأنني بصراحه أشك في أن كاتبه رجل

بصراحه شكلها ست منفسنه ومغلوله منك،وسيبك من الحساد والغيرانين فهم كثر

اما أذا كنت متأكده من أنه رجل فهو للأسف منسون على الآخر


وده الكلام اللي عندي

Bella يقول...

مالكيش حق ياآسر

مالكيش حق تعيري هذا الكلام اهتمام وتفردي له بوست كامل

وكمان مالكيش حق تضعي الجميع في سلة واحدة

انت تعلمين ونعلم جميعا ان هذه العقليات منتشرة وبكثرة ولطالما كنا مجتمع يفكر بنصفه السفلي وليس العلوي ولهذا لن نتقدم خطوة واحدة.

ماالذي جد ؟؟

هل ستتغير العقول وتحترم المرأة ايا كان ماترتديه؟؟

لااعتقد ياعزيزتي فالعقول التي تسكنها العناكب والحشرات لايمكن ابدا ترى الامور بوضوح

وبالمناسبة انا محجبة وارتدي ملابس حشمة جدا ولاانجو من مضايقات اصحاب العاهات العقلية

فالعيب ليس في ماذا ترتدي المرأة لانها حتى لو اختفت وتلاشت تماما لن تنحل المشاكل

العبرة بتربية الذكور المحسوبين على كشوف الرجال وهم ليسوا برجال

والعبرة ايضا بتربية سوية وسليمة لطرفي المجتمع النساء والرجال خاصة وهناك من النساء من يقهرن الأخريات أكثر من قهر الذكور بمراحل

هدئي من غضبك ولا تلتفتي لهذه الاراء التي لن تقدم بل قطعا ستؤخر ولا تضعي الجميع في سلة واحدة.

تحياتي

Magi Mostafa يقول...

اسور اولا مش هقولك لبسك كان محترم وشيك جدا لانك اكيد عارفه ده وحتى لو مش كده مش من حق حد يعلق على لبس حد ولو كنتى حتى رحتى بمايوه بجد انا مش عارفه ازاى الستات دول بيدوروا على مبرر للمتحرشين مع انهم بيعانوا من التحرش هما كمان

سهر الليالى يقول...

انا بصراحه شايفه يا اسور ان تجاهل الاشكال دى افضل حل ده واحد لقى نفسه بقى محور للحديث فجاه ولو هو صاحب رأى وعنده شجاعه انه يقول رايه ده فعلا مادام مقتنع بيه ما كنش هيخفى شخصيته .وانا كمان شفتك قبل ماتروحى الاجتماع ولو شفت اى شئ ملفت او ما شابه ذلك كنت هلفت نظرك واللى بيقوله ده كلام فارغ ما يستحقش انك تنشريه ولا ان حد يعلق عليه وقبل ما يتكلم عن تربيتك لاولادك يشوف نفسه هو وتربيته اللى سمحت ليه انه يتجنى ويكذب ويقول كلام مش حقيقى عن لبسك ... من الاخر كده سيبك من الاشكال دى خالص دول نا س عايزين يلفتوا النظر وخلاص باى كلام فاضى

رئيس جمهوريه نفسى يقول...

آسر
اعتقد انك واثقه انك مش غلطانه واني اللى بيتكلم دة مش فاهم ابعاد الموضوع اصلا واللى بينتقد لبسك ولا بيقولك انتى لبسك يسوء دة للاسف الشديد انسان متحرش كل ما يعنيه انه يلقي لوم التحرش على المجني عليها فبيقولك تستاهلى بسبب لبسك لانه بمنتهى البساطه بيبرر تحرشة لاى بنت بلبسها رغم انه لو ملقيش بنت حسب مفهومة لبسها مغري حيبص على تاء تانيث فى الشارع علشان يتحرش بيها ودة شي متوقع من واحد نشاء واتربي فى مجتمع كل ثقافته ذكورية بحته بتتدى للذكر حقوق مش من حقة لمجرد انه راجل اما بخصوص تعليقه عن موضوع طريقة تربيتك للبنات فا اعتقد انه اخر واحد يتكلم عن التربية مع احترامي ليه لانه لو اتربي او اتعمل انه يكون راجل ويدافع عن قناعته الشخصية كان بمنتهى البساطه عرف هو مين

يا ريت يا آسر كل ما تصادفك النوعية دة ارجعي للنوت بتاع الفيس بوك تانى

لا تلتفتى لاى حد واعرفي انى الاغلبية فى صفك ومستنية ان شاء الله نفرح معاكي بعودة حقك في القريب العاجل

مواطن مصري يقول...

الاخ الي كتب تعليق دة او الي بيقولو اللبس هو السبب مرضى عقلين

أنا حر يقول...

هو احنا وصلنا لمرحلة اننا بقينا بنبرر كمان التحرش؟؟؟
البسي الي انت عايزاه ومن حق كل الناس انها تلبس الي هي عايزاه من غير ما حد يتحرش بيهم
للاسف الي كاتب او اللي كاتبه الكلام الفارغ ده حد متخلف عقليا عنده قصور في وظائف المخ
سيبي التفاهات دي وكملي في قضيتك وكلنا معاكي
تحياتي

Unknown يقول...

ما شاء الله علي صاحبة النظر الثاقب ده
هي عندها عنين زينا ولا اكس راي ازاي عرفت تشوف البرا من تحت كل ده
كده بجد اعجاز

هو ليه الناس مش قادره تفهم ان المعاكسه و التحرش مالهاش اي علاقه بالبس و انالراجل المحترم حتي لو الست لابساه بيكيني مش هايحاول يتحرش بيها

الي بيقول اصل لبسها اثارني ده مريض لانه المفروض يتحكم في نفسه او يغض بصره لو هي فعلا ماشيه من غير هدوم خالص بقي

عالم مريضه بجد و محتاجين حمله لابو العزايم

غير معرف يقول...

بقى بالذمة راي متخلف زي ده مهم لدرجة انك تحطيه بلوج لوحده؟

غير معرف يقول...

سيبك انتى

البرا كان فعلا جامد موت

ياترى عندك برا فوشيا؟

مـحـمـد مـفـيـد يقول...

في ظل المفاهيم المغلوطه فنجد كل الاصوات تتساوي
ليه محولين الموضوع قضيه شخصيه
يعني البنت اللي ماشيه بحجابها وبتتعاكس العيب في الحجاب ؟
يعني البنت اللي في الجامعه اللي زميلها بيغلس عليها وعلشان لبسها بس
ليه بننصب انفسنا حكام ونصدر فرمانات وقرارت تصل لحد الكفر
ليه نخوض في الاعراض ونتكلم علي الزوج والابناء والست بكلام كده
هي مش محجبه ايوه
بس ممكن تكون عند ربنا احسن مني ومنك ومن اي حد يتناول الموضوع بمنتهي قله الذوق
طالما تحدثت علي الذنب والوزر ودخلت في جدال ديني
ديني ودينك بيقولولك
انك تغض البصر
انك تصلح شئ ان وجدته خطأ من وجه نظرك بالرفق واللين
وليه الاختفاء
من حقك تختلف مع اي حد صاحب قضيه ولكن اعلن عن موقفك ولا تداري نفسك خلف قيد الاحتجاب
سؤال اخير
لو أختك او ابنتك أو والدتك
تحب يتقال عليها كده ؟

اسف للاطاله فالموضوع بجد ينرفز

قوس قزح يقول...

تصدقى نوعية الرجالة دى هى اللى بعد كده بتكون من المتحرشين
لانه بيبص بالطريقة دى و فى مرة هتلاقيه يجرب يقرب

عجبنى رد محمد مفيد

انا من رائى تلغى البوست ده لانه كلام فارغ

bluestone يقول...

المشكلة فعلا ان بعض الرجالة المصريين عندهم احباط جنسي مفزع يصل إلى حد التهيؤات .. فاكرة فيلم التهيؤات .. اهو البتاع ده برضه عنده تهيؤات

ممكن نقوله يروح يا يتجوز يا يتعالج

mohamed ghalia يقول...

أنا بصراحة كنت هقول نفس كلام محمد مفيد بالظبط
الله اعلم بمقدار كل واحد عن ربنا
مش نحكم أبدا بالمظاهر
دمتى بكل الود
وياريت فعلا متهتميش بالكلام ده

V.Hayat يقول...

الرجل العربى ينظر لما تحت الكرسي حين تجلس المرأة

تحياتى

محمد حمدي يقول...

للأسف مهما الواحد اتكلم وكتب وعمل حملات وجروبات على الفيس بوك .. ييجى واحد يرد ويقول ان العيب فى الهدوم .. وان المشكله ان فلانه معرفش كانت لابسه ايه

اصلا موضوعك يا اسر انا مخدتوش بشكل شخصى . او اللى اخدته بشكل شخصى من الموضوع ككل هو اتصالى عشان أطمن عليكى وكده اما لما قررت اتكلم عن الموضوع بشكل عام قررت اخد حالتك كقاعدة انطلاق للكلام عن التحرش ككل .. ليه بعد كل ده ييجى واحد زى ده يخلى الموضوع محدود فى هدومك او هدوم غيرك؟

شىء يغيظ

عموما مدونتك مهمه .. متفرديش مساحات منها للكلام عن البنى ادمين المراهقين دول

تحياتى

momken يقول...

انا اعتقد ان لبس الشخص مالوش علاقه بوقوعه فى التحرش

لان البنى ادم بيكون مرجعيته لادبه واخلاقه ومستوى تربيته مش لملابس المتحرش بيهم

يعنى لو الشخص محترم الاحتام ده مش هيتهز باى لبس اى حد لابسه

لان المبادىء لا تتجزاء

تحياتى

Wandering Scarab يقول...

Asser..

I responded to your post but I didn't want to clam up your comment section with one of my long winded comments. I hope you don't mind that I copied it and responded to it here:

http://harassmentsinarabworld.blogspot.com/2009/03/in-response-to-some-asinine-comment.html

كلاكيت تانى وتانى يقول...

حبيبتى أسر
الكلاب تنبح والقافلة تسير واللى مشافش منك غير البرا الابيض تأكدى انة معندوش الا التفكير المنحدر المستوى دة للتفكير فية
قلبا وقالبا هو لا يستطيع النظر للأشياء أو الافراد أو الناس بدون تعريتهم والنظر الى محارمهم
عزيزتى
انكى بنشرك هذا البوست ببساطة جعلتى لأحد الكلاب شأنا هو اقل من ان يشار الية واليوم بالفعل كنت افكر فى هذة الجزئية حين رأيت سائق التاكسى ينظر بنهم الى اجساد الفتيات فى الشارع وانا استقل معة التاكسى فحادثتة قائلة اين غض البصر يا عزيزى فأجابنى هوة انتى شايفة بنات متحشمة عشان اغض بصرى
فأجبتة لو انت غضيت بصرك تأكد انك هتلاقى الحشمة فكل مكان لأنك هتبدأ بنفسك
وبدأت افهمة ان اللبس مش وسيلة للتعبير عن الذات انما كينونة الانسان وطريقة حياتة وقدرتة على العطاء واحترامة لنفسة وحرية الاخرين واستقلاليتهم هى اللى بتحدد نوعية البشر
الرسول صلى الله علية وسلم لما اتكلم عن رسالتة للأسلام قال انما بعثت لأتمم مكارم الاخلاق وابدا لم يكن من مكارم الاخلاق اهانة الاخرين ولا الاعتراض على افكارهم او طريقتهم فى الحياة والا فأين وجادل اخاك بالموعظة الحسنة
واتبع السيئة بالحسنة تمحها
ربنا عملنا شرائع وقوانين وحدد لنا وسائل واساليب للحياة بدايتها الاخلاق واحترام الاخرين وللأسف احنا بنتمسك بأهانة الاخرين وبننسى تماما اننا حينما نهين الاخرين فنحن نهين انفسنا منذ ايام وبسبب مشكلات عالقة بينى وبين احد المهمشين فى حياتى كنت اركب سيارة مع احد ى زميلاتى فتبعنى هذا المهمش واستمر يطلق السباب بصورة لا مثيل لها نظرت الية بأبتسامة وتركتة ولم اعلق فسألتنى صديقتى لية منزلتيش بهدلتية وادبتية فأجبتها
ياعزيزتى
حينما ينحدر الانسان لهذة الصورة من الحقد والحسد والكراهية وسوء الخلق فهل لى ان ازيد علية همة
انة اساء لنفسة ولم يسئ لى
ودعوت لة بالهداية
يا حبيبتى
احيانا يصبح الصمت واللامبالاة افضل الطرق لتعديل سلوكيات افراد لا يستحقون منا الا الاهمال الاهمال التام والمطلق
امسحى هذا البوست رجاءا فأنتى بهذة الكلمات وبنشر هذا التعليق اكرمتية وجعلتى لوجودة معنى وهدف وهو فى الحقيقة اقل من ان تتذكرى حتى كلماتة دمتى بكل حب وخير
اشكرك لنشر صورتنا معا سعدت وشرفت بمعرفتك
تحياتى

احساس لسه حى يقول...

عزيزتى

معلش بقه اول مره اخش هنا

وهقول اللى فى قلبى وبس

اول حاجه انا شايف هجوم على الشخصية من المدونين اللى دخلوا

مع انهم مقروش الكلام كويس

منهم من قال عليه متحرش

وكاتبة التعليق امرأه

من الجملة دى

اناشخصيا كنت شايفه من تحت اللبس

شايفه مش شايف

انا مش عارف اى بوست بتتكلم عنه

بس هى مشتمتش ولا قامت بسبك

وبعيد عنك يا اسر

ساعات ستات بتلبس حاجات شفافه بتبين اللى تحته بطريقه تستفز

ويمكن فى ناس بتقول هى مالها ومال لبسك

بس يمكن هى محاوله بالنصيحة ليكى

ومش لازم كل الناس تفكرها وتدينها يكون واحد

وزى ما بنقبل حد مش متدين خالص وبنسيبه يقول رائيه وبنقول حرية راى

نسيب انسان متدين بيقول رائيه بحرية راى برضوا

بدل بيقوله بشئ من الاحترام

ويمكن طريقة عرض رائيها حاده بعض الشئ ليكى

لاكن هادية بعض الشئ

واكيد وجهت الكلام ده لحضرتك علشان الحملة ضد التحرش

وفى تصويت لمصراوى عن التحرش

اكثر من 65% ارجعوا اسباب التحرش لملابس الانثى

ومع ان فى كلام كتير عاوز اقوله لبعض التعليقات

بس غريبه التعليق اللى بيقول


على فرض أنك يا أسر ماكنتيش لابسة هدوم اصلا هو ده مبرر انه اى حد يبص لك وانه يحلل لنفسة انه يبص ويتحرش بيكى


غريبه اوى هو المجتمع ده من الملايكة

ومطلوب ان نفسوس الناس تكون مثالية

هو مش بيحلل ولا بيحرم لنفسه

هو بيفعل كده من غير ما بيدخل الحرام والحلال والدين فى الموضوع

بيكون انسان بلا دين فى اللحظه دى

انا ايه اللى دخلنى هنا

تقبلى مرورى

وارجوا ان كلامى ميكنش فيه اى اهانه لحضرتك

سلام

V.Hayat يقول...

شكرا لزيارتك واتمنى ان اسعد بها دائما
تحياتى

Migo Mishmish يقول...

يمكن صاحب التعليق ما بيحبش البراهات البيضه ممكن يكون بيحب الالوان
ثم هو شاف البرا من تحت البلوفر والقميص. ايه الحلاوة ديه
وبعدين لو واحدة ست تبقى مش مظبوطه. ابعدي عنها لان العالم ديه انتشرت كتير اليومين دول.
ديه عالم دماغها مسوسه سيبك انتي
Love,
MishMish

Desert cat يقول...

ايه ده يا اسور انتى ناشرة الصورة ومضيعة وقتك فى كتابة موضوع علشان واحد بيفكر بنصه التحتانى او واحدة اتربت على انها عورة انتى بتبررى لمين ولا علشان ايه .. انا أؤيد نرمين فى وجهة نظرها انك تحذفى البوست ده .. لأنه طلع نزل مجرد شيئ لا قيمة له فى الحياة .. ده انا بعض الكلاب اللى من العينة دى احيانا بتيجى ترمى كومنتات عندى تدل لى بيها على بيئتهم وانحطاطهم ولا بفكر ابص فيها حتى مش انشرها .. الناس دى مش تستاهل تشوف لها حرف عندك وكفاية عليهم الحقد اللى فى قلوبهم ... حتى فى ارض الواقع عارفه طبعا الحمد لله انى اتعينت من قريب وفى مكان محترم جداً .. وكل اللى فيه اصحاب مستويات ممتازة لكن الفرق انى اصغر واحدة موجودة فى المكان .. فالطبيعى كان اى حد يكلمنى تلاقى العيون كلها عليا وساعات من نظرات عينيهم كنت بحس بحوارهم الداخلى لكن هواجسهم مش طالت كتير اصلى فاجأتهم بعدها بكام يوم انى بعزمهم على خطوبتى وبعدها لما كنت بقدم للى مجاش الحاجة الساقعة لاقيت ناس بتعتذر لى لانهم كانوا متيخيلن واحدة صغيرة وكلهم ناس كفاءات يبقى جاية علشان تهرج مش تشتغل ومستغربين اوى ان اول تعيين ليا يبقى فى مكان زى ده .. المهم من الحوار ده كله ان اللى فى قلبه سواد هو اللى بيعيش فى العذاب وده يستحق الشفقه مش نعمله اعتبار وقيمة وننزل بوست وصور انتى مش فى حاجه لكدا يا حبيبتى خالص
وربنا يوفقك وكل همجى فاكر حرمات الناس ملك ليه ينال جزاءه

مواطن مصري يقول...

معلش يا اسور لاي بيقول التحرش سببة اللبس و يقول اصلها كانت لابسة كذا و تحرش بيها دة مش انسان ولا يستحق انو يكون انسسان يستحق لقب الحيوااااان و مريض نفسيييييي

سارة نجاتى يقول...

مين المتحرش اللى قال كده ؟؟

عنده مشكلة مع المرأةالغير محجبة و تؤرق له ذكورته , أوكيه نشوف له عروسه يثبت ذاته معاها

أما بخصوص نظريته الفذة , فطالما
تستاهلى التحرش بيكىوطالما ماشيه سافرة متبرجة و ان اللى عمل كده المفروض مش يتحاكم مفيش مشكلة .

لكن فى الحالة دى مش ح نحاكم اللى يسرق من الحرامى , لأن ساعتها ح يبقى الحرامى ده بنى ادم مش كويس و يستهال نسرقه ( بغض النظر عن ان ربنا نهى عن السرقة بشكل عام لكن احنا بمزاجنا بقى نخصصها لافراد معينين )

و مش نحاسب اللى بيقتل قاتل تانى ( مع ان اللى يقتل بس هو المسؤول عن القصاص ) لأن القاتل ده كان بنى أدم يستحق أن يقتل .

و هكذا , و يتولى هو و اللى شبهه مهمة تطهير العالم من الناس الوحشه سواء بالتحرش بيهم أو قتلهم او سرقتهم
يعنى الرد على الخطأ بخطأ

و بعدين ايه قوله فى المنتقبات و اللى بيتم التحرش بيهم ؟؟

بلاش , طب هو ربنا
لما نزل الأمر بغض البصر كان بيهزر معانا
مش كان لسبب , و هو ان فيه ستات وحشيين زيك
ما هو لو كل الستات مغطيين , مكنش ربنا أمر بيه

على رأى ابى ركز هو مع لبسك ليه
لدرجة أنه يشوف اللى تحتيه , بالذات و انتى لابسه طبقتين ( ده نظر طيارين مش بمى ادم عادى)

و بعدين طالما هو من أهل الحق و انتى من أهل الباطل لماذا لم يعلن عن نفسه و اسمه ؟ ما ربنا - من وجه نظره - معاه و هو بيتهم ست فى عرضها .

الناس دى تثير الشفقة و اخر مرة ألاقى فاردةالمساحة لحد منهم تانى , ايه كم الكراهية و الغل دول ؟؟

بيييييس يا ابنى , بيييييس عشان أنت محتاجه

Ahmed Al-Sabbagh يقول...

والله انا مش عارف انتى مضايقة نفسك ليه
بصراحة انا مختلف معاكى
والكلام ده بيستنزف وقتك وجهدك واعصابك
وغالبا الكلام ده من بنت متضايقة منك
او حد قاعد فاضى
تحياتى

غير معرف يقول...

العزيزة آسر
-----------
هذه اول مرة ازور مدونتك

والحقيقة انى لاافهم كيف يفكر هؤلاء

فما يبدو خادشا لشخص قد يبدو عاديا جدا بالنسبة لشخص مثلى

واننى اتعجب ايضا فيمن ليس لهم شغل غير البحلقة فى خلق الله .. غير انها نفوس غريبة

فاذا عدنا الى الدين فإن الله يأمر المؤمنين والمؤمنات بغض البصر "قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُل لِّلْمُؤْمِنَاتِ يَغْضُضْنَ مِنْ
"أَبْصَارِهِنَّ

والسؤال البسيط .. عما يغضوا من ابصارهم ان لم يكن عن شئ لايجب اطالة النظر اليه .. لأن كلمة "من" ابصارهم فيها بعضية .. ببساطة يعنى ماتقعدش تبحلق

ولو تحدثنا فى زمن الصحابة والحديث طويل ليس هنا مقامه فقد كانت هناك الجوارى والاماء وهؤلاء مسفحات الصدور تماما لأن عورة الامة كانت كعورة الرجل .. غير ان فى سوق الجوارى كانوا يقلبونهم عند الشراء

ثم ان الكتابيات كن لاحرمة لهن فى النظام الاسلامى القديم ويجوز النظر اليهن .. اقصد ان من يتحدث يحتاج الى كثير من الدراسة والقراءة قبل اصدار الاحكام

لو اراد دراسة كاملة ارسلها لك

وعلى الهامش حضرت حفلة توقيه انا انثى و
يشرفنى ان ادعوك لحضور حفل توقيع أول كتاب لى فى عالم الادب " لست الا بعض الاوراق" والذى يقام باذن الله يوم الاحد 5 ابريل 2009

المكان : مكتبة ديوان بمصر الجديدة
العنوان : 105 شارع ابو بكر الصديق مصر الجديدة – مقابل نادى ضباط الجلاء بمصر الجديدة
الميعاد : 7 مساءا

فى انتظار تشريفك

غير معرف يقول...

هذا قدر كل امرأة جميلة , وكل فكرة ولها ضحاياها حتي اكثر الافكار نبلا . فالعالم ليس بالعالم المثالي , حتي عالم المدونين ؟

micheal يقول...

والله ولا يستحق أنك تنزلي بوست مخصوص لكده وتثيري أعصابك..الأشكال الضالة دي حتفضل موجودة وللأسف بتزيد علي طول
خليكي علي طبيعتك يا اسر واللي مش عاجبه يخبط راسه في الحيط يا اما تأخدي حقك بالقانون لو مش عاجبه
وبعدين أنا مش قادر افهم هو يعني رايح هناك مخصوص عشان يركز في لون البرا..إيه مفيش حاجة اسمها عفة أو غض البصر في القاموس بتاعه
ولا يهمك يا اسر وكلها يومين وتطمنينا حصل إيه في المحكم
تحياتي وإحترامي

غير معرف يقول...

يعني أيه تحرش؟

غير معرف يقول...

انا اواسيكي على هذه الحادثة المشينة
انا مش عارف الناس جرالها ايه :(

soaad fakoory يقول...

آسر..صاحبة المشاكل
لايهمك من الكلام ده ابدا واللى قال او قالت هذا الكلام شاذبمعنى الكلمه ولاحظتى انه بيعتبر انك طفله وان لبسك حيحمل زوجك الذنب طيب ايه دخل زوجك وابنائك فى لبسك ؟ ..مش عارفه!!ولاتزعلى

Mahmoud Aboul Fotouh يقول...

واضح ان اللى بعث الكومنت ده من المتحرشين اساسا او نقدر نقول مش متربى و لا متحضر و اكيد كمان من النسبة بتاعة ان مصر اولى دول العالم فى التدين و اولى دول العالم فى التخلف ، و هو يا محترم التربية و الاخلاق تقولك انك تدقق فى لبس الناس و اللى تحت لبسهم كمان ؟! لكن اكيد الكبت هو السبب، بصراحة ما يستاهلش ابدا انك تفردى له بوست مخصوص ، على العموم ربنا معاكى و معانا كلنا فى التخلف اللى بقينا فيه ،

Hala يقول...

I was walking in towards my university just now, which is in Kattameya, looking ahead with my bag on my shoulder where a car passed me by and some male voice told me "what's up bitch". for no reason and out of the blue!!!! our streets are indeed turning into a jungle of men who compete to harass women who are seen as sex dummies!!!!!