الأحد، 10 مايو 2009

الحب فى زمن الكوليرا والفرق بين الرجل والمرأة



الحب فى زمن الكوليرا هو اسم رواية للروائى اللاتينى جابرييل جارثيا ماركيز
ولمن لا يعرف الرواية يمكنه أن يقرأ عنها وعن كاتبها الكولومبي غابرييل غارسيا ماركيز فى الويكيبيديا
الكاتب حاصل على جائزة نوبل فى الأدب عام 1982
*****************
الرواية تحكى عن رجل أحب امرأة ورفض والدها أن يزوجها له فظل متمسك بحبه لها
ولم يكف يوما عن الحلم بأن تكون تلك المرأة زوجته حتى بعد أن تزوجت وأنجبت
ناذرا نفسه لها للأبد .. ويعدها بأن لا يكون لأى امرأة غيرها
يعمل الرجل قبطان لسفينة نهرية فى القرن الثامن عشر وهو الوقت الذى تدور فيه أحداث الفيلم
*******************
لفت نظرى أحد مشاهد الفيلم

بينما يتفقد القبطان سفينته ويسير فى ممراتها
فى عصر يستخدم لمبات الكيروسين للإضاءة لعدم اكتشاف الكهرباء بعد
فجأة تفتح ابواب أحد الكبائن وتمتد يد لتجر القبطان جرا الى الداخل
وتلقى به على أحد الكراسى بينما امرأة تخلع ملابسها وتنزع عنه ملابسه بسرعة وعنف
وبسبب الظلام لا نستطيع نحن ولا البطل ان نحدد ملامح المرأة
ونفهم من المشهد ان امرأة ما تحاول ان تخضعه جنسيا لصالح متعتها
وتنجح
***************
المشهد التالى يظهر فيها ملامح البطل فى كابينته وهو تبدو عليها النشوة والسعادة
****************
ركزوا بقى معايا فى المشهد اللى جاى دة

فى اليوم التالى البطل يسير ببطء أمام الكابينه نفسها مرة أخرى وهو يترقب أن تسحبه المرأة الى الداخل
يكرر الذهاب والإياب أمام الكابينه وفى كل مرة يحاول أن يصدر أصواتا تدل عليه
مرة يسير بخطى قوية يظهر فيها وقع أقدامه
مرة أخرى بخطى أكثر قوة .. وثالثة وهو يحك قدميه فى الأرض أثناء سيره
الخلاصه أنه كانت مترقبا منتظرا متمنيا أن تعيد المرأة ما فعلته به فى اليوم السابق
****************
لم يغيب المشهد عن خاطرى لساعات .. وفجأة صرخت وقلت لزوجى وانا اقفذ
وجدتها .. وجدتها .. وجدتها
*****************
فلنعكس المشهد ونقول ان بينما امرأة تسير فى ممرات السفينه
فتح باب احدى الكبائن وجرتها يد رجل الى الداخل واغتصبها
ماذا سيكون رد فعل المرأة؟؟
الرفض .. المقاومة .. الحزن الشديد والإكتئاب والقرف بكل معانيه
وقد تستحم لبقية عمرها وهى تشعر بأن قذارة ما علقت بجسدها للأبد
***************
كثير من الرجال يوجهون لى سؤالا عند اثارة موضوع التحرش بالنساء جنسيا
السؤال هو .. وماذا عن المرأة التى تتحرش بالرجل؟؟
وردا على هذا السؤال اقدم لهم المشهد من الفيلم
******************
ان الرجل بطبيعته مختلف عن المرأة فهو لا ينتقى من يعاشرهن جنسيا مثلها
ويرحب بأى متحرشة ويعجبه أن يتحرش به ويتمنى أن يتكرر مرارا وتكرارا
يستطيع الرجل أن يعاشر أى امرأة حتى ولو لم يكن يعرفها
حتى وان كانت مجرد ظلا فى الظلام
ولهذا استطاعت النساء أن تستغل طبيعته تلك ويعملن على مقابلة المتعة بالمال
حتى العاهرات ينتقين رجالهن من خلال منظور الفائدة المادية
والإستغلال لطبيعة الرجل المرحبة بأى متعة جنسية
*******************
ان المرأة بطبيعتها لا تستطيع ذلك ولا ترحب برجل يستمتع بجسدها غصبا
ولو بلمسة عابرة فى احد الأماكن العامة
******************
لذلك سن البشر منذ الأزل قوانين خاصة لإنتهاك حرية استخدام الجسد بالنسبة للمرأة
وحرمت الأديان أن ينتهك جسد المرأة بدون ارادتها حتى ولو كان تحت مسمى الزواج
واشترط موافقة المرأة على الزوج حتى يتم الزواج
*******************
ان المرأة يجب أن تنتقى الرجل الذاى تعاشره جنسيا والا اعتبرته اغتصابا
بينما لا يشترط الرجل ذلك ولا يهمه كثيرا
انها طبيعة خلقة كل منها
******************
ملاحـــــــــــــــــــظة
يظل البطل يعاشر نساء لم يحبهن قط ويكتب فى مذكراته عنهم ليصل العدد الى ما يزيد على 660 امرأة
بينما هو باق على العهد لها و لنفسه ان يكون لها مهما حدث
وهو لا يشعر ان معاشرته للنساء ليست خيانة لحبه
وفى النهاية يجتمعا فى الفراش ليقول لها انه لم يخنها قط
فترد عليه بكلمة واحدة ....... أنت كــــــــاذب
هذا بالظبط ما يعتقده الرجال .. انهم يفصلون الجنس عن الحب ولا يعتبرون الخيانة جنسية
بينما يعتبرون أنفسهم خائنون عندما تكون الخيانة عاطفية

هناك 55 تعليقًا:

غير معرف يقول...

مش ها علق عشان ما تحذفيش التعليق زي كل مرة ........ وربنا يكفينا شر الكوليرا

77Math. يقول...
أزال المؤلف هذا التعليق.
77Math. يقول...

وهو لا يشعر ان معاشرته للنساء ليست خيانة لحبه

!

----------------
تفسير منطقي جدًا يا آسر ،تحياتي لك

غير معرف يقول...

بطلي قلة ادب بقى ياقليلة الادب

Desert cat يقول...

يااااااااه يا آسر كأنك فعلاً بتقرى أفكارى كنت لسه بتكلم فى موضوع الخيانة الزوجية والحب ده مع شخص ما وهو نفسه اللى قالى الحب حاجه والمعاشرة الجنسية حاجه اصل المرأة العابرة مش بتأثر إنما الست اللى بيحبها لو بعدت عنه ساعه بيشوف ظلام الدنيا كلها قدام عينيه
حقيقى تناقض مش شوفت له مثيل

تحياتى يا جميله

أسوور يقول...

المجهول

ربنا يكفينا شر المجهول

أسوور يقول...

77Math

نورتى المدونة يا عزيزتى

تحياتى

غير معرف يقول...

يااهل النت دماغنا وجعنا


دقيقه سكوت لله




داحنا شبعنا كلام ماله معنى


ياليل وياعين ويااّه

كل جدع فرحان بشبابه


يقول فى عنيَّه دمـــوع


ياللى جلبتى شقاه وعذابه


حلّى لنــــا الموضــــوع


طالع نازل يلقى عـــــوازل


واقفــــــــه بتستنــــــاه


ياهل النت دماغنا وجعنا


دقيقه سكوت لله


حافضين عشره اتناشر كلمه


نقل من الجـــــــــورنال


شوق وحنين وأمل وأمانــــــي


وصد وتيـــــــه ودلال


واللى اتعـــاد ينزاد ياخــــــــــوانا


وليل ونهــــــــار هُـــوّاه


ياهل النت دماغنا وجعنـــــــــــا


دقيقه ســكوت لله

أسوور يقول...

بسطاويسى

هى وصلت للشتيمة؟

من فضلك متجيش هنا تانى

أسوور يقول...

Desert cat

ايوة يا حنان الراجل مش بيشوف انه بيخون الست لما بتكون العلاقة جسدية فقط

وكمان مش بيتضايق لما واحدة تتحرش بيه

بينما المرأة تختلف فى ذلك ولا تحب أن يأخذها أحدهم غصبا

غير معرف يقول...

هاها طيب ماتزعليش مش هاشتمك تاني

معاكي حق الراجل غير الست فى النواحي الجنسية
زى مابقول ان الراجل هدفه من اى علاقة الجنس انما الست هدفها الاهتمام و الحب
الى حد ما الست عواطفها انبل من الراجل

عين فى الجنة يقول...

انا شايف ان كلامك فيه مبالغة وتعميم فكل انسان يحترم نفسه وعلى قدر من الاخلاق سواء كان رجلا او امرأة لا ينزلق ببساطة الى الفاحشة ، ومن ناحية اخرى فأن التاريخ الانسانى مليء بقصص الاخلاص فى الحب من جانب الرجال للنساء

غير معرف يقول...

اقري قصة سيدنا يوسف

أسوور يقول...

راجى

ان اغتصبتك امرأة هل تظل تستحم بشكل مرضى لمدة طويلة الى ان تعالج؟

هل ان احتكت بك امرأة فى أحد الاتوبيسات .. هل تستاءوتشعر بالمهانة؟؟

اذا قالت لك امرأة وانت فى الشارع .. ايه الحلاوة دى .. هل تشعر بعدم الراحة ؟

تحياتى

أسوور يقول...

المجهول

ماهو عشان كدة كتب عنه القرآن كرجل نادر الوجود ولو كان كل الرجالة بيعملوا كدة مكانش ربنا جابه مثل يعلمهم

تحياتى

غير معرف يقول...

ماهو عشان كدة كتب عنه القرآن كرجل نادر الوجود ولو كان كل الرجالة بيعملوا كدة مكانش ربنا جابه مثل يعلمهم

ـــــــــــــــــــــــ
لست افهم هذا المنطق ..... فبالفعل الله سبحانه وتعالي اختص بعض من عباده بشرف النبوة وجلال الرسالة ...... ولكن الله جعلهم القدوة والمثل الواجب اتباعه ...... اما التعلل بانهم حالات نادرة ومن طينة غير طينة البشر ..... يعطي المبرر لاي رجل في موقف سيدنا يوسف ان يقع في جب الرذيلة دون ان يخاف من عقاب او حساب .... بدعوي اننا مجرد بشر ولسنا من الحالات النادرة

كما ان قياسك سيدتي بان سيدنا يوسف حالة نادرة من الصعب ان يتكرر لانه نبي ........ يجعل من زليخة امرأة العزيز القاعدة لانها بشر ولا تخضع لمفهوم النخبة المختارة

كما ان اعتبار ما يورده لقران من امثلة نادرة الوجود بغرض ضرب المثل والتعلم فقط ..... يؤدي الي نتيجة مؤداها ان فرعون , هامان , النمرود
امثلة نادرة من الصعب الا تتكرر .... وهذا ما يجافي الواقع في الماضي والحاضر ففي عالمنا من فاقهم ظلما وغيا والله اعلم

رجاء الا يتصدي احد الي تاويل القران بحسابات العقل وموازين المنطق .. وفكرة التاويل ومنطق السجال في قضايا تخيلية ...... فهذا القران كتاب الله ورسالة نبيه .... ولايجب ان يكون محلا للنقاش او الجدل عن دون علم او دراية

وشكرااااااااااااا

الزيني بركات

أسوور يقول...

الزينى بركات

القرآن كتاب نزل للناس وفيه الكثير والكثير من الأمثلة السىء منها والجيد .. ومنه نتعلم ودليل ارسله الله لنا زى الكتالوج بالظبط

اللى يعمل خير.. يحصده خير.. واللى يعمل شر يحصده شر

وهكذا جميع الأديان

اذا كان المفسرين اختلفوا فى تفسير هذه الآية على وجه الخصوص فلماذا لا نعرض وجهات النظر فيما يقوله الرب ؟؟؟؟

هو القرآن نزل لحد تانى غيرنا؟؟ ولا هو برضه نزل للبشر اللى هو احنا؟؟ ومن حق الله علينا ان نجتهد فيه ونحاول ونحاول.. ونحاول .. أن نفهم مغزى كل ما جاء فيه

ان الله لا يحكى قصصا لمجرد الحكايات .. ان كل قصة ورددت فى القرآن كان لها معنى وهدف يعلم الناس شيئا

وفى كل الكتل السماوية ستجد أن الرسالة واحدة .. وهى الدعوة لمجاهدة النفس فى المعاملات بين البشر

ان العبادة الموجهة الى الخالق لهى أيسر كثيرا على المرء من معاملة الآخرين بالحسنى واتقاء الله فى الآخر لهو أصعب ما فى سلوك البشر

ان الانسان يا سيدى فطرته فيها الخير وفيها الشر .. نحن لسنا ملائكة ولسنا شياطين

وكل قصة اوردها الله فى القرآن كانت لنتعلم منها شيئا والا لما أوردها الله .. القرآن مش كتاب حواديت يا أستاذى العزيز

انك لتقلل من شأن كتاب الله عندما تشير لاحدى القصص التى يعلمنا الله كيف أنه يجب مجاهدة النفس فيما يخص اقوى الغرائز .. وتخالفنى الرأى فى أن الله يضرب لنا الأمثال ليعلمنا

اذن لماذا ترد تلك القصص؟؟؟

ولماذا كان هؤلاء رسلا وأنبياء ؟؟؟

وأهم ما فى القرآن أنه يخاطب العقل والمنطق .. لأنه نزل للبشر الذين خلقهم الله وميزهم بالعقل عن بقية خلقه

واذا كان ربى وربك هو الذى قال فى كتابه الكريم

فَاقْصُصِ الْقَصَصَ لَعَلَّهُمْ يَتَفَكَّرُونَ

ولماذا قال سبحانه وتعالى ؟؟

ويضرب الله الأمثال للناس لعلهم يتفكرون

وتلك الأمثال نضربها للناس لعلهم يتفكرون) الحشر 21

ويضرب الله الأمثال للناس لعلهم يتذكرون) إبراهيم 25

ايوة يا زينى .. ربنا خلق الراجل كدة .. فطرته كدة .. والعلم بيقول كدة والدين كمان بيقول كدة وقصة سيدنا يوسف هى أكبر دليل على أن مجاهدة النفس فى الجنس شىء صعب فى طبيعة الرجل ويطالبكم به فى قصة يوسف

يا سيدى كل ما فيه جهاد مع النفس صعب

اغراء المال - اغراء الجنس - اغراء الانتقام - اغراء الغرور والكبر - اغراء الحسد والحقد - اغراء الغيبة والنميمة -اغراء المجادلة أيضا ....... الخ

انت أخرجتنا من الموضوع الأصلى اللى هو بنتكلم فيه - وهو اجابة على سؤال وجه الى من قبل عدة مرات

السؤال هو .. لماذا لا توجد قوانين تحمى الرجل من التحرش والإغتصاب من امرأة؟؟؟

والبوست دة كانت فيه الإجابة

شكرا لك

غير معرف يقول...

سيدتي مع احترامي لردك وعلي الرغم بما فيه من مغالطات .... الا انني ساتجنب الرد عليها تطبيقا لدعوتي في البداية بعدم الخوض في جدال غير مثمر ولكن ان شئت ان ارد فهذا شان اخر .. وستكونين انت من طلبت الابتعاد عن موضوع النقاش ولكن لي بعض الملاحظات
1- بساطة ويسر الاشياء لا ينفي اللجوء الي اهل العلم والدراية وفوق كل ذي علم عليم ..... فكما نلجا للطبيب والمهندس .... الخ فلا حرج في اللجوء الي من هو اكثر علما في علوم اللغة والتفسير والحديث واسباب النزول واستخلاص الاوامر والنواهي ...... والا لا حاجة لنا اذن برجال الدين او حتي اصحاب الرسالات ... اذا كان التفسير واستخلاص التفاسير هي شان كل انسان علي حيدة

2- اللى يعمل خير.. يحصده خير.. واللى يعمل شر يحصده شر ..... هذه ليست ايه من ايات القران ولا اعرف اساسا لماذا اختلف فيها المفسرين علي حد قولك ... ولكن منكم نستفيد وبرجاء التوضيح ؟
3- لفظ كتالوج التي اوردتيه يتنافي مع احترام وتوقير كلام الله ...... كما انه يؤدي الي نتائج ايضا غير منضبطة
4- انا لم اقل ان القران والعياذ بالله كتاب حواديت كما تدعين .... بل قلت انه لايجب ان نلجا الي تاويل الكتب السماوية الي العقل والمنطق الا من قبل صاحب علم ودراية
5- ان شئت اللجوء الي العقل والمنطق .... فلا حرج ولكن لابد من توافر ادوات اللجوء اليهما لان بدون هذه الادوات فالعقل والمنطق لا قيمة لهم ......فاذا مثلا اردت ان تحسبي المسافة بين الارض وكوكب المريخ بمجرد العقل والمنطق ... هل تستطعين بدون اية ادوات ؟ بالطبع لاااااا وان استطعت فهذا هو التنجيم بعينه والفهلوة المجردة...... او طلبت منك ان تستخلصي العبر والمثل من كتاب قديم كتب مثلا بالهيلوغريفية او السريانية او الارامية هل عقلك ومنطقك يستطيع ذلك بدون تعلم تلك اللغات وادراك الفترة التاريخية التي عاصرها هؤلاء البشر ...
اذا في كل شئ اذا ما اردنا اللجوء الي التفسير بالعقل والمنطق فلابد من علم وقواعد ودراية ... والا تحول الامر الي مجرد سفسطة فارغة ... واتباع للهوي بغير هدي

6- انا لم اخالفك الراي بان الله يضرب لنا الامثال .... انت تقوليني ما لم اقله ...... وانما انا خالفتك في التفسير والقياس بغير علم ...... وان كان الامر هكذا فان شئت اخرجت لك من حادثة واحدة مئات التفاسير .... فلا يصح للمرء ان يلوي الحقائق او ان يميع الحوادث ليخدم فكره ويعزز منطقه ويستخلص قواعد عامة تتماشي مع ما ينادي به

واخيرا وتجنبا للاسهاب وانا بعون الله عليه قادر ..... اكرر دعوتي بتجنب الخوض في المسائل الدينية بغير علم ... في كل الرسالات السماوية...... ومن قال لا اعرف فقد افتي

وشكرا علي اتاحة الفرصة

الزيني بركات

أسوور يقول...

الزينى بركات

كتالوج مش كلمة تقلل من القرآن ولا حاجة وكنت اعنى بها قواعد الحياة .. القرآن فعلا هو كتالوج المسلم وهذا تقدير للقرآن وليس عدم احترام لأن ربنا بعته ككتالوج فعلا

محدش قال ان اللجوء للعلم وحش لكن برضه الدين مش حكر على العلماء فى الدين .. ولم تنزل الرسائل الالهية لرجال الدين ومن حق كل مسلم أن يجتهد فيما يراه وأنتم أعلم بأمور دنياكم .. والدين مش حاجة مجمدة .. لأ .. الديم مرن يناسب كل العصور وتختلف تفسيراته باختلاف الزمن والظروف

والقراءة تعوض عن الدراسة فى الكثير من نواحى الحياة .. والحقيقة اننى اقرأ كثيرا

لما قلت القرآن مش كتاب حواديت قصدت ارد على كلامك ان قصة يوسف مش مثل نتعلم منه شىء .. فكل قصص القرآن لها مغزى

قصدت باختلف فى تفسيرها العلماء
تفسير الآية ... وهمت به وهم بها لولا أن رأى برهان ربه

وانا مفتحتش باب الكلام فى الدين وانما أنت.. ولما حد هيكلمنى أكيد هأرد عليه على الأقل أدبا.. وهقول اللى اعرفه وقريت عنه أو حتى اللى فهمته بعقلى النونو اللى ربنا خلقه وهو عارف ان أمور الدين هى فى قدرة استيعاب الإنسان العادى .. أى انسان .. مسلم .. مؤمن بربه

تحياتى
تحياتى

عاشقة حبيبتى يقول...

مساء الخير

الرجل يسير وراء غرائزة اما النساء تسير وراء قلبها فالرجل يثار بالنظر اما المراة فتثار بالاذن لذلك هى تختار من تشعر انة يدغدغ مشاعرها

وانا بشوف ان الحب شئ والعلاقة الجنسية شئ تانى الحب عندى اسما وافضل مليون مرة

بوستك حلووووووووو جدا بجد ،ولقيت فى شئ لمسنى ، مش مهم هو اية بس عجبنى اوى

تحياتى

أسوور يقول...

عاشقة حبيبتى

شكرا لك على الزيارة أولا والقراءة ثانيا والإطراء ثالثا

تحياتى
نورتى المدونة

Unknown يقول...

أكيد مش كل الرجال زي الرجل دوت عندمهم يرضون بما رضا بها كما أن ليس كل النساء ترفض ما قد ترفضينه

لا داعي للتعميم

شكرا

أسوور يقول...

أحمد

حاضر

islamz يقول...

اذكر مقولة لاجدادنا

" الطبع غلاب " هل صدقوا
اشعر ببعض الظلم للرجل فى تعميمك
ليس لانى رجل
لانى اتفق معكى ايضا فى ان الرجل قد يستمتع بالتحرش به فعلا
قد يشعر بالنشوة .. عكس النساء قد تجلد ذاتها لشعورها بالذنب فى انها سبب التحرش بها .. اعترف بان هذه حقيقة ولكن هذا هو الرجل المريض حتى وان كثر عدد مثل هذا الشخص
بوست فى الصميم .. اتفق معك 80% تقريبا
دمتى بود

أسوور يقول...

اسلام

لم اقابل فى حياتى انسان صادق مع نفسه ومع الآخرين مثلك

كل الرجال أنكروا وادعوا ودخلنى أكثرهم فى مواضيع بعيد عن الموضوع الأصلى

ما علينا
انا معاك انه مش كل الرجال لكن بنسبة كبيرة وارجح النسبة التى ذكرتها انت بنفسك

تحياتى

بهجت الاباصيري يقول...
أزال المؤلف هذا التعليق.
أسوور يقول...

بهجت الأباصيرى

وقعت من على الكرسى من كتر الضحك وانا بقرا تعليقك


ههههههههههههههههههههههههههههههههههههههههههههههههههههههههههههههههههه

تحياتى

Mustafa يقول...
أزال المؤلف هذا التعليق.
بهجت الاباصيري يقول...
أزال المؤلف هذا التعليق.
أسوور يقول...

مصطفى

انا اللى بشكرك على توضيحك للعديد من النقاط بخصوص البوست

واشكرك أيضا لحماسك لدراسة الإختلافات بين الرجل والمرأة لأن الموضوع دة برضه شاغلنى منذ سنوات لدرجة جعلتنى ابحث عن الصيغ المناسبة التى تجعل الرجل يستجيب لطلبات زوجته .. حيث اننى تبينت ان الرجال يستجيبون أحيانا لطلبات زوجاتهم واحيانا لا .. بدون اسباب واضحة

ومن خلال عدة دراسات اكتشفت ان ان صيغة واسلوب الطلب بتفرق كتير مع الراجل

ما علينا .. الموضوع دة كبير ومش هيخلص الكلام فيه

أما بخصوص ان طبيعة الرجل بسبب جيناته فأنا أوافقك تماما وفى علم الوراثة تجد أن الجينات المتنحية يرثها الذكور بنسبة أكبر كثيرا ويعد الصلع دليلا وراثيا على ذلك

نعم سيدى اجتمعت الوراثة والطبيعة البيولوجية لتخلق رد فعل كل من الرجل والمرأة تجاه الجنس العابر والذى تهيئه الوظيفة فى العملية الجنسية
ولا عيب فى ذلك

مثلا .. هل يمكن أن يغتصب رجلا؟؟؟؟؟ العلم بيقول .... لأ

لأن الرجل ان لم يرغب فى العلاقة لا ينتصب وبالتالى لا يمكن مع هذا اتمام العلاقة

أما المرأة فهى متلقى للعلاقة فلا يوجد شروط لإستخدامها.. لذلك يمكن اغتصابها فأهلتها طبيعتها للنفور فى حالات الإغتصاب أو التحرش وغيره من الإنتهاكات الجنسية والتى استكملتها انت بموضوع الحمل الإنجاب .. واتفق معك تماما فى ذلك

لأن الوظيفة والطبيعة البيولوجية والتكوين البيولوجى بالعفل هو الذى حدد استجابة الذكر والأنثى للتعامل مع الجنس وبالتالى الجينات المناسبة لكل من النوعين

التحليل للتعليقات هدية أشكرك عليها من كل قلبى .. انا ايضا أهوى النسب والإستقصاءات والتحليل

تحياتى

أسوور يقول...

بهجت الأباصيرى

برضه تعليقاتك مازالت تثير عاصفة من الضحك

يمكن عشان اسمك لايق عليك تماما

سلم لى على مرسى الزناتى

تحياتى

FOrty يقول...

كلامك فيه وجهة نظر تستحق التأمل ممكن الرجل يحب واحده فقط و يظل مخلص لها بحبه على الرغم من معاشرته لاخريات دون ان بعتبر ذلك خيانه لمحبوبته تلك هى خلاصه البوست صح كده
طب ليه بقى الستات لما الرجل بيتزوج من اخرى بتعتبره خاين ماهو الرجل بيحب مراته الاولى ومخلص لها انما الزوجه التانيه غالبا بتكون اصغر من الاولى يعنى موضوع جسدى جنسى بحت
و اذا طبقا قاعده التفريق بين الحب و المعاشره يبقى الرجل مخلص للاولى و زى الفل وهو المطلوب اثباته
ملحوظه برجاء عدم الانفعال من الاخوات المدونات فتلك النظريه مبنيه و مستنتجه من البوست مش من عندى
تحيانى

أسوور يقول...

الست ممكن تسامح وتعدى علاقة عابرة او نزوة لكنها لا تسامح ابدا ولا تتقبل فكرة ان تكون الأخرى مساوية لها فى المكانة الإجتماعية ..و أول ما بتفكر فيه الزوجة ان جوزها بيعيد قصة حبه معاها مرة تانية لكن هى مش البطلة المرة دة

تحياتى

FOrty يقول...

يعنى الرجل بيحاسب على تصور زوجته انه بيعيد قصه حبهم الاولى مره تانيه صح كده يعنى يحاسب على تصور مراته وليس على افعاله هو
زى ما تفقنا قبل كده هو بيحب مراته و بيتجوز اخرى من اجل علاقه جسديه شرعيه فقط
و عليه طلع الرجل مظلوم بيحاسب على تصورات الزوجه و ليس على افعله
على فكره ان بستنتج من كلامك و من البوست نفسه
تحياتى

أسوور يقول...

أوفر فورتى

فكرة ان الراجل بيتجوز عشان الجنس معناها ان مراته الأولى لم تعد تغريه جنسيا وبشكل دائم مش مجرد شعور عابر لذلك قرر الزواج من أخرى .. وهو شعور جارح للغاية بالنسبة للزوجة أيضا

الراجل مش مفروض يفكر بالطريقة دى عشان الحياة الزوجية مش راجل وبس .. الحياة الزوجية والجنسية هى حياة مزدوجة .. فإذا شعر الرجل بالملل منها او شعر انها لا تكفيه يجب أن يعلم انه شعور متبادل لذلك المفروض اصلاح الأمر بينهما مش افساده بإدخال شخص ثالث الى حياتهم الا وهو الزوجة الجديدة

ولو اتجوز الراجل عشان الجنس .. يبقى الست اللى تزهق حقها تتطلق وتدور على راجل تكون هى الجديدة عنده والمرغوبة جنسيا وكثير من الزوجات تبدأ فى الإنحراف والإنخراط فى علاقة مع آخر عندما تشعر انها غير مرغوب فيها من زوجها

الصح انه يحصل حوار صريح لإصلاح الأمر أو على الأقل يعرف الزوج ان دة نفس شعور زوجته

المرأة مخلوق مركب ومعقد فى تكوينه العاطفى .. والفكرى أيضا .. لذلك يجب توخى الحذر فى التعامل معه

ان ادخال امرأة جديدة لحياة الرجل كارثة تحطم العلاقة الأولى للأبد ولا تحل شيئا .. واذا فكر الرجل قليلا فى افتتانه بزوجته الأولى فى البداية سوف يفهم وحده ان الزواج الثانى سوف يعيده لنفس النقطة يوما ما

ارجو أخذ كلامى بمنتهى الجدية لأنى رأيت أسر تنهار تماما لمجرد أن الزوج ينظر الى ما يريده فقط ولا يأخذ فى الإعتبار آثار ذلك على باقى أفراد الأسرة .. الزوجة والأبناء .. مع أن الزوج ليس رجلا بقدر ما هو أسرة كاملة وبيت كامل قد ينهار بسلوكه الأنانى

تحياتى

د/عرفه يقول...

أولا دى أول زيارة ليا للمدونة
مش عارف ممكن
طريقة تفكرنا مختلفة
بس انا بحب برضه اناقش الناس اللى انا مختلف معاهم فى طريقة التفكير
تقريبا كلامك فى الموضوع يبدو منطقبا فى الظاهرأولا حابب اقولك ان القران لما جه يحاسب على جريمة الزنى
كانت العقوبة واحدة للراجل والانثى
وان شاء الله الاتنين حسابهم عند ربنا واحد مفيش فرق

وبعدين لما ذكرتى مثال الفيلم
صورة الراجل كانت سيئة وده شىء يخصه هو بس
اه فى المقابل من الممكن ان تكون امراة فى مكانه ويكون رد فعلها مثل هذا الرجل الدنىء
عايز اوصل فى الاخر لنقطة مهمة
الجريمة واحدة
والعقوبة واحدة
مهما يكن لافرق بين الاثنين
واكيد من كلا الطرفين امثلة سيئة واخرى حسنة
مش بحب التعميم

تحياتى ليك
وان شاء الله نكرر الزيارة

micheal يقول...

ممممممممم..تصدقي أنا مش عارف أرد علي البوست ده بكلمة رغم أنه أكيد يمسني كراجل بس مش عارف أقول حاجة لأني عارف أن أغلبية الرجال _وليس كلهم-لن يمانعوا في ممارسة الجنس مع أي إمرأة
تحياتي

أسوور يقول...

د/عرفة

الموضوع مش عشان الصح والغلط ولا العقوبة لكن هو بيتكلم عن احساس الرجل لما بيتحرش به جنسيا

يعنى الرجل لا يتضايق مثلا عند احتكاكه بجسد امرأة فى مكان مزدحم

مشاعر الرجل ان ألمحت احدى النساء اليه بإيحاءات جنسية يختلف عن مشاعر المرأة تماما ..

اغتصاب الرجل من امرأة محال .. حاجة لا يمكن تحصل أصلا لأنه ان لم يرغب .. لن ينتصب وبالتالى مش هتبقى في علاقة

ولو حدث كما حدث مع بطل الفيلم لن يتضايق ولن يقضى بقية عمره يستحم لإزالة آثار العلاقة من على جسده كما تفعل المرأة المغتصبة ولا سيبكى ليال طويلة ويكره الجنس ولا سوف ينهار ويدخل مصحة نفسية

بنتكلم عن الفروق النفسية

اما الشعور بالخطيئة هو اقل ما يمكن ان يؤذى المرأة حال الإغتصاب ولكنه سيكون محور تفكير اى رجل على دين لأنه يعرف فى أعماقه ان له يدا فيما حدث

مش عارفة احنا مختلفين فى ايه ؟؟ محدش جاب سيرة الدين ولا العقوبة بتاعة الزنا

انا بأتكلم عن الفرق بين مشاعر الرجل ومشاعر المرأة عند الإغتصاب اللى مينفعش نسمية اغتصاب لأن الرجل لو مش عايز مش هيحصل

تحياتى

أسوور يقول...

مايكل

انحنى احتراما لصراحتك

تحياتى

Mustafa يقول...

انا برده مستغرب من مسار الحديث . في اعتقادي ان لب الكلام هو الجملة دي

وقد تستحم لبقية عمرها وهى تشعر بأن قذارة ما علقت بجسدها للأبد

لو دخلت في دماغ كل الرجالة ساعتها لما نشوف معاكسات في الشارع حتلاقي الناس تتصدى - بدل ما يقولوا يا عم انا مالي ممكن يكون معاه مطوه . لو ادركت مدى السوء اللي بيسببوا اللمس و الحركات دي - و لحظات الشعور بانعدام الامان ٬ و الايام الكتير بعد كده اللي تشعر فيها بالذنب و الخوف و الانكسار (ببساطة الهزة النفسية العنيفة) عند البنت ساعتها مش ح تقعد تقاوح و تقول ما هو و ما هوش

على فكرة .. علشان اوضح كلام ءاسر من
زاوية تانية .. تحرش راجل براچل .. الكلام للرجالة هنا : هل حد من الرجالة يحب راجل يتحرش بيه في الاتوبيس؟ هل لو راجل واقف جنبك في الاسانسير و ابتدا يبصلك بطريقة و لا يغمزلك و لا "يحك فيك" و لا شوية شباپ حوطوا عليك في الشارع و قالوك رايح فين يا حلو .. بجد .. لو حد عمل معاك كده؟ لو الموضوع تطور لراجل اعتدى عليك؟ ساعتها حينطبق عليك كلام ءاسر:

يقضى بقية عمره يستحم لإزالة آثار العلاقة من على جسده كما تفعل المرأة المغتصبة ولا سيبكى ليال طويلة ويكره الجنس ولا سوف ينهار ويدخل مصحة نفسية

ح يحصلك بالظبط كده ٬ حتفضل طول عمرك تستحمى و انت حاسس ان عليك قذارة رجل تاني . فكر بعقلك .. لو راجل لمسك في الزحمة ٬ و الله لتبقى خناقة ضرب نار ٬ و مش حتقول فوت ٬ و لا حد برده حيقولك "ما هو اصل انت اللي لابس جينز محزق" و لا "انت اصلك ماشي معرفش ازاي"

تعالى بقى نعكسها شوية .. انت برده بس اللي واقفة جنبك في الاسانسير واحده ٬ لو غمزتلك و لا لمستك .. مش حكمل الباقى انت عارفه .. زي ما قال مايكل

انا عارف ان كل المشاركين في التعليقات هنا ناس محترمين ضد التحرش و ضد فكرة ان حتى الراجل يقبل دعوة اي ست في الشارع كده . بس اعتقد ان المقصود هنا هو تبيين الفرق في السلوك و مدى الالم و "الشرخ" النفسي اللي بيحصل للست في حالة ما حد يتحرش بيها

مهما تكن ملتزم دينيا أو بتلبس عباءة الحياء و الادب ٬ لازم تعترف ان الرجالة مش ح يمانعوا -من حيث المبدأ- و بيردعمهم اي رادع اخلاقي/ديني و ده كويس يا ريت كلنا نتخلق بخلق رفيع . يا ريت كلنا نكون رافضين لفكرة حتى قبول الراجل بالتحرش

بس الستات ما بيحبوش كده .. لا المعاكسة و لا اللمس و لا الغمز و لا خلافه .. وجود بعض الستات المنحرفات (و بعض مراهقات المدارس الناقصات الرباية) لا يعنى ان الستات بيحبوا التحرشات .. و ءاسر وضحت بما يكفي كم الضرر الواقع "عليهن" و اذا كان لسه المفهوم ما وصلكش ٬ أهي واحدة "منهن" و قالت ان "المرأة مخلوق مركب ومعقد"

أطلت عليكم بلا داعي ٬ عموما دمتم بود

أسوور يقول...

مصطفى

ايوة .. بالظبط .. انت شرحت اللى انا عايزة اقوله بالمثل اللى ضربته

شكرا ليك

فعلا احساس الست بالنفور يوازى احساس راجل بيغتصبه راجل او بيتحرش بيه راجل تانى

ولو استثنينا بعض النوعيات من البنات فممكن نستثنى برضه بعض الرجال من اللى هيرحبوا بالتحرش بيهم من رجل

تحياتى

بهجت الاباصيري يقول...
أزال أحد مشرفي المدونة هذا التعليق.
أحساس لسه حى...كلام من جوه روح لكل روح يقول...

عزيزتى

فين الفليم عن المتحرشون من الرجال

انتى صورتى حاجه ولا لسه

انا معاكى الرجل لا يتحرش بيه لانه بيقبل ويفرح باى تحرش

تحياتى

سلام

أسوور يقول...

احساس لسة حى

احنا شغالين فى الفيلم والمفروش انه يظهر للنور فى خلال شهر انشاء الله .. فى حاجات ناقصة لسة مصورنهاش لآراء بعض الخبؤا وبيمطوحونا فى المواعيد كعادة المصريين

ولسة بقى المونتاج ودة أهم ما فى الموضوع بعد كدة .. زى ما انت عارف لأن اقل غطة فيه تضيع معنى أو تغيره تماما .. فمش عايزين نستعجل

لكن اطمن احنا شغالين فيه

دعواتك بقى

أسوور يقول...

احساس لسة حى

اشكرك على جرأتك وصراحتك فيما يتعلق بموضوع البوست

تحياتى

77Math. يقول...

واشكرك أيضا لحماسك لدراسة الإختلافات بين الرجل والمرأة لأن الموضوع دة برضه شاغلنى منذ سنوات لدرجة جعلتنى ابحث عن الصيغ المناسبة التى تجعل الرجل يستجيب لطلبات زوجته .. حيث اننى تبينت ان الرجال يستجيبون أحيانا لطلبات زوجاتهم واحيانا لا .. بدون اسباب واضحة

ومن خلال عدة دراسات اكتشفت ان ان صيغة واسلوب الطلب بتفرق كتير مع الراجل
\\\\\\\\\\\\\\\\\\\\\


أنا برضه اكتشفت دا لما قرأت كتاب جون غراي لأول مرة" الرجال من المريخ النساء من الزهرة" واكتشفت حاجات بتحصل حوالي فعلا زي ما هو قال تمااااااااااااااااام

وزي ما الستات تركيبة معقدة ونفسية تحتاج لتفهم..

كمان الرجالة تركيبة معقدة ونفسية تحتاج لتفهم..

وفي مجتمعنا دا بجد كل اللي الناس بتتربى عليه إن الرجل دا حاجة من اتنين

يا طفل كبير

يا صوت عالي وتسمعي كلامه من غير نقاش

مع إن في الأصل في الأصل كلنا بنا نفس الكروموسومات، كلنا نكون أطفال أحيانًا..

لكننا علينا أن نفهم بعض ككبار بالأساس.

تحياتي لكِ

:)

على باب الله يقول...

وجهة نظر جديدة عليَ فعلاً

مش قادر أتفق معاكي تماماً على أساس أن التعميم مش بيكون صحيح و أكيد في رجالة مش بتحب أن الستات تتحرش بيهم , و إن كنت لا أستطيع أن أفكر في شخص محدد أعرفه قد يرفض هذا الموقف , بما فيهم العبد لله شخصياً , أو في بنت لن تشعر بالعار و ربما الذنب إن تم إغتصابها

علشان كده أعتقد أن كلامك صح بنسبة كبيرة جداً

غير معرف يقول...

دى حقيقه فعلا
عارفع ليه بعض الرجاله مستغربه ومنتقده الكلام ده...للاسف للجهل بطبيعه المرأه...عارفه يعنى ايه اتنين شركاء وموش بيحاولو يفهموا بعض....من هنا بتيجى المشاكل
دمتى بخير...تقبلى مرورى

ابن المليونير يقول...

حضرتك بتقولى

ان اغتصبتك امرأة هل تظل تستحم بشكل مرضى لمدة طويلة الى ان تعالج؟

هل ستبكى ليال طويلة و تكرة الجنس و تنهار و تدخل مصحة جنسية؟

ايوة طبعا لأن الرجل دة مش كائن متوحش معدوم المشاعر و الإحساس ، و الرجل المعتدى عليه بيمر بنفس الإحساس بالذنب وكرة الحياة و الجنس الاخر و الزواج تمام كالمراءة
على فكرة انا مش بقول الكلام دة لانى قريته و لا اتحكى لى و لكن لانى مريت بتجربة إعتداء جنسى من قبل واحدة بطفولتى و كل اللى انتى بتقوليه دة حسيته و مرر حلقى و سود حياتى لكن اشكر ربنا انى تخطيت كل المشاعر المميتة دى من فترة و بدل ما ارغى كتير خدى حضرتك البوست دة اقريه و انتى هتعرفى ان تاثير الإعتداء الجنسى على الست زى تاثيرة على الراجل تمام
http://son-of-millionaire.blogspot.com/2009_02_01_archive.html

أسوور يقول...

77Math

ايوة صح .. كلنا بنكون اطفال احيانا

بس لحد امتى هتفضل المرأة تعامل على انها الأدنى .. رغم ان مطلوب منها تكون الأكثر نضجا؟؟؟

تحياتى

أسوور يقول...

على باب الله

انا فاهمة ان موضوع التعميم ممكن يضايق .. لكن عادة بنقول الرجالة كذا .. الستات كذا .. العيال كذا .. ولو حتى القطط ..

شكرا على الزيارة .. شكرا على الصراحة

تحياتى

أسوور يقول...

فتاة من الصعيد

ايوة انتى على حق .. صعب انك تلاقى راجل فاهم طبيعة المرأة .. المرأة بالنسبة للكثير من الرجال مجرد عامل مساعد على الحياة .. يبقى ازاى بتحس ؟؟ ازاى بتتألم ؟؟ ازاى بتعترض؟؟

نورتى المدونة يا ريت متكونش آخر مرة

أسوور يقول...

ابن المليونير

تقول انك تأذيت بنفس الشعور .. شعور المرأة المغتصبة او المتحرش بها .. لكنك لم تشعر مثل أى امرأة .. عارف ليه؟.. لأن شعورك دة شعور طفل .. والطفولة لا تصنف .. لا تصنف لذكر وأنثى

انت حسيت بإحساس طفلة او طفل يتم اغتصاب طفولتهم .. وهو شعور غاية فى القسوة .. تتعرض له بنات مصر الصغيرات .. من أول أقرب الناس وقرايب من الدرجة الأولى والتانية وحتى العاشرة .. لحد البواب .. والنقاش اللى بييجى يعمل شغل ويعسكر لمدة من الزمن جوة البيت لحد ما يخلص الشغل .. للسباك اللى ممكن يمد ايده ويقرص طفلة فى نهدها الصغير الذى لا يحمل من صفات الأنوثة سوى الإسم فقط .. للمدرس فى المدرسة .. والكابتن فى النادى .. والبياع بتاع الشكولاتة فى الكشك اللى على الناصية .. والغريبة يا أخى انهم بتصرفوا كدة وهمة واثقين ان البنت مش هتتكلم ..

كأنهم دارسين المجتمع كويس او كأنهم مروا بنفس التجربة و واثقين من رد الفعل اللى همة نفسهم عاشوه يوما ما.

المتحرش يا سيدى دائما هو انسان تم التحرش به وهو صغير .. شخص آخر صاغ له الجنس بتلك الطريقة .. طريقة فيها من العذاب بقدر ما فيها من اللذة .. ويظن الصغير فى عقله الباطن انه يجب أن يسير على نفس الخطى .. خطى الكبار البالغين .. الناضجين .. اللى غالبا ما بيكون برضه حد تحرش بيهم واغتصب طفولتهم فى الصغر

هل تعتقد انك الوحيد؟؟؟ لا يا سيدى لست الوحيد هنا .. بل ان الكثيرون قد مروا بنفس تلك التجربة .. واعرف كثير من البنات بعضهن كان يتم هتك أعراضهن او التحرش بهن أو الإعتداء الجنسى عليهن بإنتظام لسنوات وسنوات

انت بتقارن بين احساس امرأة واحساس طفل .. وانا بأتكلم عن احساس رجل بالغ او امرأة بالغة .. لا يمكن علميا اغتصاب رجل الا لو اراد .. المرأة مستقبل للعلاقة حتى لو لم ترغب فيها ويمكن اجبارها عليها .. أما الرجل وليس الطفلة .. هو معطى عام للعلاقة ولا يمكن اجباره على معاشرة امرأة الا لو كان راغبا ولو بقدر ما حتى يمكنه أن يمارس .. واعتقد انك فاهم قصدى ..

الطفل .. الطفلة .. المرأة .. لهم نفس الشعور .. شعور الكراهية .. والإستغلال .. والإستخدام .. تشعر المرأة المغتصبة انها استخدمت كمناديل كلينكس .. تعبير قاس لكنه حقيقى

أما الرجل فيمكن غوايته .. ويتساوى فى هذا مع المرأة أيضا .. ولا يمكن اغتصابه الا من رجل ..

تعرف انا معترضة على ان القانون يعتبر الإعتداء الجنسى من رجل على امرأة هو اغتصاب تصل عقوبته للإعدام .. أما اغتصاب الذكر لطفل أو ذكر آخر فتحدد جريمته على انها جريمة هتك عرض .. اقصى عقوبة لها هى 7 سنوات مع الشغل والنفاذ

اى تفرقة بين الرجل والمرأة فى هذا القانون المجحف .. ؟؟؟

اننى انادى بوقف التحرشات بكل امرأة .. وفى الوقت نفسه أعترض على اعتبار مواقعة ذكر لذكر هو مجرد هتك عرض .. لأنه .. فى رأيى .. اغتصاب أكثر ايلاما وأشد مهانة

فلتحارب معى التحرشات بالاناث .. وبالذكور .. جريمة تتم كل يوم وكل ساعة .. فلنحرج عن الصمت .. فنقل الحقيقة .. اسأل الناس .. هتلاقى .. انك .. مش .. لوحدك

شكرا على زيارتك لمدونتى واتمنى متكونش الأخيرة
واسفة للإطالة

تحياتى

beautiful mind يقول...

اول مرة اتعرفت بيكي وانتي في برنامج البيت بيتك لما كنتي بتحكي عن موضوع التحرش اللي حصل معاكي
يومها قررت اني ابحث عن مدونتك استاذه اسر وها انا الان اتابعك واتمني منكي المتابعه لمدونتي

بالنسبه للموضوع انا شاهدت الفيلم جيدا لكن هذا الرجل الذي تتحدثين عنه لم يحتفظ بحبه للمراة الاولي في حياته بل ظل يعربد ويقيم علاقات جنسيه مع كل من يقابلها

لكني معترض علي ان الرجل لا يريد من الحب مثلما تريد المرأة والا اين المساواه.......ههههههه

دومتي متميزة

Unknown يقول...

رووووووووووووووووووووعة
مش هقول غير كدة
انا معك بكل كلمة قلتيها

ربنا يقويكي :)
بالتوفيق