الأربعاء، 9 يونيو 2010

العادات الجنسية السيئة للرجال

كثير من المقالات والكتب تحاول توضيح الأمور الجنسية وتعريف كل جنس بالآخر سواء ذكر أو أنثى لكن الحقيقة ان غالبية الرجال عارفين كويس ايه اللى يبسط المرأة ويمنحها الشعور باللذة الجنسية لكن بيستهبلوا

اللذة تختلف عن الذروة ... اللذة ان الناس تستمتع بالممارسة ... الممارسة نفسها ...

اما الذروة هى الوصول لدرجة النشوة القصوى والتى تلى الشعور باللذة
--------------------------
-----------------
تعالوا نشوف ايه العادات السيئة اللى بيقع فيها الرجال عادة فى علاقتهم الجنسية
لو سألت أى راجل عن المرأة وما يمتعها هيقولك كتير وقليل
المشكلة انه عادة حافظ ومش فاهم
لكن المصيبة ان فى فاهمين لكن مطنشين .. او مكسلين

انا بأتكلم هنا عن رجل وامرأة قد يكون مر على زواجهم 3 سنوات فأكثر


اللى لازم نركز فيه ان المخ هو أهم الأعضاء الجنسية والغريب ان قليلين من يستخدمونه فى ادارة العلاقة الجنسية ودى غلطة يقع فيها غالبية الازواج


لازم تؤهل المرأة للعلاقة وتؤهل نفسك كمان .... استرجاع الذكريات الجميلة والأحداث المشجعة فى الذاكرة يحفز المخ للتدخل لصناعة علاقة جيدة

--------------------------
----------------------
ما تستغربش لما تبقى لسة شاخط فى مراتك عشان كوباية الشاى اللى عملتهالك طلعت دلعة .. وتقولها بعد نص ساعة الكلمة المعتادة (ياللا) ... ساعتها ممكن تتهرب منك وانت مش فاهم طبعا ليه؟ مخها رافضك لأنها حست من نقدك ليها فى شىء هى بتعمله تطوعا اللى هو الشاى مثلا ... حست انك مش مقدر اللى بتعمله
ولو استجابت بتبقى مش فى المود ومخها يخيم عليه الكآبة ... الكآبة هى أشد اعداء الجنس
--------------------------
-------------------
قاعد قدام التليفزيون وطلعت هيفاء وهبى ... تقعد بقى انت تقولها .. اهى دى الستات ولا بلاش .... مزة صحيح ... وتتطلع فيها بمنتهى الشغف مع ان مراتك لسة صابغة شعرها من اسبوع وانت ما أخدتش بالك
--------------------------
----------------
المرأة مخلوق صعب ومعقد جدا .... وكل ما حولها ينعكس عليها
المرأة زى الأرض كل اللى تزرعه فيها هيرجعلك وكل ما تهتم بالزرعة هتبقى احلى وأجمل وهتديك خير كتير
الرجال أغلبهم بيكسلوا ويطنشوا ويفكروا ان الأرض دى هتتزرع لوحدها طالما انك زرعت فى الأول .. هو احنا هنفضل نزرع طول الوقت ولا ايه؟
:)))
--------------------------
--------------
التقديم للجنس ....

كتير من الرجال بينسوا البوس بعد 3 سنين من الزواج (احصائية) ... كتير منهم بينسوا اللذة ويبقى هدفهم فقط هو الوصول للذروة .... الست ما تعرفش تصل للنشوة او الذروة بدول المرور بمرحلة اللذة


ويجب حقيقة ان المرحلة دى تاخد حقها تماما وبلاش نكسل ونطنش


لو لاقى نفسك مش قادر يبقى بلاش أحسن

--------------------------
-------
فى رجال برضه بيحاولوا يجددوا فى الحياة الجنسية بتغيير الأوضاع الجنسية

يا ريت نعرف الست بتحب أنهى وضع ونركز عليه ....

يا ريت نبطل ناخد خبراتنا من أفلام البورنو لأنها مجرد أفلام ومزيفة تماما والشعور اللى الممثلة بتوصلهولك مش شرط يكون هو الحقيقة
الأوضاع الغريبة الغير مريحة ... نتفاداها
--------------------------
-------
ابدأ انت بمداعبة زوجتك .......... كثير من الزوجات تشكين من أن زوجها يبدأ دائما الممارسة مركز كل التركيز على عضوه الذكرى
يا جماعة دى المرحلة التالتة .... يجب ان يكون الأول فى قبلات ومداعبات ولما تبدأ الست تتجاوب نبدأ ندخل العضو الذكرى فى الموضوع

حركة سخيفة تشكو منها بعض الزوجات


كف عن مد يدك مدعيا الخبرة لتبين ان كانت بدات فى انزال السائل المزلق الطبيعى الذى يفرزه المهبل عند الإستعداد للإيلاج .... لأن الحركة دى تشبه عند الرجل ان امرأة تطمئن على قوة انتصابك كل شوية فتزيد من توترك

--------------------------
-------
تذكر ان المرأة عايزة دايما تبقى المزة بتاعتك ..... وتذكر انها كانت فعلا المزة قبل ما تتجوزها ولو انت حسيت انها مابقتش مزة يبقى انت السبب لأنك التغيير الوحيد اللى حصل فى حياتها

عندما أرى امرأة تهمل فى مظهرها ... اعرف ان زوجها لا يثنى على جمالها ولا على مظهرها

عندما أرى امرأة مكتئبة ونكدية ... اعرف ان جوزها هو مصدر ذلك
عندما أرى امرأة سخيفة ... أعرف انها تتعرض لغلاسات زوجها باستمرار
عندما أرى امرأة عصبية المزاج ... اعرف ان جوزها مش مشبعها جنسيا
عندما ارى امرأة تخون زوجها .... اعرف ان زوجها بطل يمارس دور الذكر فى حياتها فوقعت فى براثن آخر بيعاملها على انها المزة
--------------------------
-------
اعرف ايها الرجل ان العلم بيقول ان مفيش امرأة باردة وأخرى سخنة
لكن فى راجل بيسخن وراجل مابيعرفش يسخن
--------------------------
---------
السؤال المعتاد السخيف الذى عادة يوجهه الرجل لزوجته فى السرير .... هاه خلاص.؟؟

كأنه يتعجلها .... فتبدأ هى بادعاء الاورجازم لتتخلص من شعورها انها متأخرة عليه

:))) واتحدى ان راجل يعرف الفرق بين اورجازم المرأة الحقيقى والأورجازم المزيف

السؤال دة بينتج عنه انها تعرف انه مش بيحس بيها لما تصل للذروة وهنا بقى المخ هيبدأ يترجم الشعور دة على ان جوزها مش عارفها جنسيا وبالتالى تهبط المؤشرات لأن المخ اتشغل بقضية اخرى غير الجنس

--------------------------
--------------
الاطالة بدون لازمة ..... لما الرجل يطيل العملية اكثر من اللازم وهو فاكر ان كدة يبقى كويس بيحصل نتايج مش كويسة .... زى ايه؟
الست بتعتقد انه مارس الجنس مع أخرى او مع نفسه
تعتقد انه غير مثار .. او ان رغبته تجاهها قد فترت .... او انه مكانش عايز وبيؤدى واجب وخلاص
وبالتالى تعطى نتائج سلبية
--------------------------
--------------
لا تحاول بدء الممارسة وعضوك غير منتصب تماما ....... موضوع تشكوا منه كثير من الزوجات
مستعجل على ايه يعنى؟
--------------------------
--------------
لا تنسى القبلة والتلامس بدون هدف الممارسة طوال اليوم
انت كدة بتحضرها للممارسة ... لما تيجى نازل الصبح وتبوسها ولما ترجع تبوسها ... ادخلها المطبخ وهى بتعمل الأكل واحضنها وداعبها
خليها بتاخد شاور واعمل نفسك بتبص عليها وخليها تشوفك وانت بتتفحص جسدها بشغف
مازحها جنسيا من حين لآخر خلال اليوم ....
لأن دة بيرفع درجة استعداد المخ للممارسة
--------------------------
------------
أسوأ حل يلجأ له الزوج حل مشكلته الجنسية هو ان يدخل طرف تالت فى المشكلة ... يعنى الخيانة
لا تلجأ لهذا الحل ابدا ... حل غبى وبشع ويحطم كل العلاقات .... حتى لو كان تحت مسمى الراجل ممكن يتعدد
لأن الست كمان بتعرف تتعدد كويس قوى
--------------------------
---------
لما تلاقى مراتك بتتهرب من العلاقة ... توقف واسأل نفسك ليه ولا تستخف

وتذكر ان المرأة زى الأرض .... بتديك على قد رعايتك لها واللى بتضعه من بذور


من اهم البذور بذرة الرغبة ... كل ما مراتك تحس انك ترغب فيها ... هتشعر انها ترغب فيك


تزرعها حب ... تلاقى حب اكبر ...

تزرعها اثارة ورغبة ... هتلاقى اثارة ورغبة اكبر
تزرعها اهتمام ورعاية ... تلاقى اهتمام ورعاية اكثر
تزرعها ايمان بأنوثتها ... تلاقى انوثة ماحصلتش

تذكر


انك تعلم تماما ما تريده زوجتك لكن انت بتستهبل

ان انت تملك الآداة التى تمتعها فلا تستسخدمها استخدام خاطىء
انها لديها نفس رغباتك الجنسية ... وليس أقل
انك عارف طريقك لجسمها فلا تتجاهل معرفتك بزوجتك
سائل المرأة هو البداية وليس النهاية
تحدث معها اثناء العلاقة وتجنب الصمت فتعرف اكثر فى كل مرة تمارس


لو نسيت حاجة يبقى نقولها فى المناقشات

هناك 22 تعليقًا:

غير معرف يقول...

ياللا

Enbee يقول...

الله ينور. كلام مفيد جدا. يارب يقروا ويستفيدوا منه.

اختلافي مع حضرتك في قشرة بسيطة: مش كل الرجالة تعرف كل المعلومات دي وبتستعبط!!!!.. في ناس كتير ما عندهاش فكرة عن الجانب العقلي في الموضوع.

تحياتي

Hook يقول...

الثقافة الجنسية مش عيب و للأسف مجتمعنا الشرقي مخليها عيب...بس مشكلتي مع المقال ده مع كامل احترامي ليه و لكاتبته انه بالمختصر المفيد الستات ملائكة و الرجالة وحشين...أو على الأقل الرجالة هما السبب فان الستات ملائكة او شياطين...لو ست وحشة يبقى الراجل هوه السبب...روح شوف انت بتعمل ايه يا خويا...مع عميق اعتذاري مرة تانية ده تصور ساذج شوية...الرجالة و الستات بشر في النهاية و فيه منهم الكويسين و الوحشين...
ايه اللي يمنع ان فيه ست نكدية لأن طبعها كده؟
و ايه اللي يمنع ان فيه ست باردة لأن طبعها كده؟
لو خنرمي كل حاجة على الراجل يبقى اعتقد الراجل برضو من حقه يرمي كل حاجة على الست
انا مش متحيز و لا عنصري و الله...بالعكس أنا أؤمن بالمساواة بين الراجل و الست...لكن للأسف زي ما كان مالكولم إكس بدأ العنصرية المضادة ردا على العنصرية ضد السود...انا شايف ان فيه عنصرية مضادة في موضوع الستات ردا على عنصرية الرجل او المجتمع ككل.
أنا آسف لو كنت تجاوزت حدودي و لا حاجة...انا بقول رأيي مش اكتر و لازلت أحترم رأيك.

أسوور يقول...

غير معرف

سافل

أسوور يقول...

Barracuda

فى بداية التدوينة بقول غالبية الرجال
وفى نهايتها بقول تذكر انك تعرف جيدا لأنى اتوقع انه يكون عرف فعلا بعد قراءته للتدوينة


تحياتى ونورت المدونة

والله زمان

أسوور يقول...

هوك

رأيك على عينى وراسى واختلاف الرأى لا يفسد للود قضية

العلماء يقرون ان المرأة زى الأرض
دة مش كلامى .. دة كلام علماء النفس والإجتماع

آه فى حاجة اسمها ست نكدية وفى راجل نكدى لكن علماء النفس بيقولوا ان النكدى والنكدية بيبقوا عندهم مرض اسمه الإكتئاب ومش عارفين ولا اللى حواليهم حاسين

دة موضوع آخر غير اللى بأتكلم فيه

غالبا تلاقى الست تكلم جوزها تقوله انت مجيتش على الغدا ليه .. يقوم يقولها اصلى على القهوة بأتفرج على الماتش ... تروح هية دابة خناقة على طول ... يقول نكدييييييييية

الحقيقة انها متغاظة ومتنكدة لأنه تجاهلها ونسي يقولها انه مش جاى يتغدى وممكن تكون مستنياه

اقصد اقول ان الراجل بيكون له الحرية اكثر فى كل شىء ودى حاجة بتضغط على اعصاب المرأة اللى عندها دورة هرمونية عالية جدا ...

تحياتى لك

Gid-Do - جدو يقول...

تحية ... وبعد
الموضوع فيه طرح علمى ممتاز ومكتوب باسلوب ادبى راقى تشكرى علية ولكن هناك نقطة تخص مجتمعنا المصرى وهى
ان الناس مطحونة الزوج والزوجة يعملان تحت ظروف حياتية صعبة- من مواصلات وظروف عمل ودخل لايكفى - اليس لهذة العوامل تاثير؟

معظم الازواج فى بعض الاحيان يعتبرون ان هذه العلاقة واجب مدرسى لابد من اتمامة فى وقت معين من الاسبوع اى انها روتين


ولك تحياتى

غير معرف يقول...

يااااااااااااه
كل دة
ياشيخة الموضوع ابسط من كدة بكتير, بلاش التعقيد والتفاصيل والتحذيرات والممنوع والمسموح
لو على كلامك...يبقى الثقافي اسهل

ابراهيم رزق يقول...

ازيك يا اسو
النهد زى الفهد نط اندلع
قلبى انهبش بين الضلوع وانخلع
ياللى نهيت البنت عن فعلها
قول للطبيعة كمان تبطل دلع
عجبى
زى ماقال عمنا جاهين العلاقة الجنسية علاقة طبيعية ومفيش اى تابوهات او احراج فى مناقشتها متفق معكى فى اغلب النقاط ومختلف معكى فى نقاط بسيطة منها سؤال الرجل للمراة انا معكى فى اسلوب السؤال ولكن يجب على الرجل ان يعرف ولا يهمل الطرف الاخر فى الوصول للنشوة
النقطه الثانية انا متفق معكى فى ان المراة ارض ولكن التربة تختلف فبعض انواع التربه مهما تضع وتصلح فيها فالنتيجة سلبية
تقبلى مرورى لاول مرة
ابراهيم رزق

Fadya يقول...

مش عارفه
حاسه ان معظم الرجاله غير كده وافضل من كده
بيتهيألى الرجاله الغشيمه مش منتشرين قوى كده

غير معرف يقول...

كتير من الرجال بينسوا البوس بعد 3 سنين من الزواج (احصائية)
ــــــــــــــــــــــــ
افهم بقي مين اللي عمل الاحصائية دي ... واتاكدوا من صدق العينة ازاي ... كانوا معينين باحث مقيم مع العينة العشوائية ...لااااااا .... لااااا... ما ينفعش نقول احصائية كده وبس ...فين المهنية في الموضوع ... ياعني اللي عمل الاحصائية مين بالظبط ...محكمة الاسرة ... المجلس القومي للمرأة ... مركز الامومة والطفولة ... هيئة المصل واللقاح...مركز السموم( دا بمناسبة ان واحد صعيدي مرة بلع ريقه جاله تسمم) ... كده ياعني .... وكمان دي حاجة تتنسي ... دا دي الحاجة الوحيدة اللي ما عليهاش ضرايب في البلد.

وكمان اشمعنا 3 سنين ... دا تطبيق لقاعدة التقادم الثلاثي كده في الدعاوي الجنائية .

عموما انا شايف ان الاحصائية دي بتهدد مصالح الدولة العليا ... زي اتفاقية حوض النيل كده ... ولازم نتاكد من مصداقيتها .

لان لا يمكن البوس يتنسي ابدا ... ماذا حدث للمصريين ؟ ... بوسة لها مذاق ... بطعم البرتقال او اليوسفي...حضارة...عراقة ... دا جاكي كانت علي وشك انها تاخد الجنسية ..... ايجيبشان هيه ...هيه.. هيه

علي العموم ... هيه مع نفسيكوا بقي ... استمروا ..هيـــــه....هيـــه


ملحوظة احصائية علي الماشي :

الاورجازم الحقيقي بيبقي عليه البار كود وتحته ختم بلد المنشأ ... اما المزيف بتبقي العلامة المائية بتاعته غير واضحة المعالم وسهل اكتشافة بالعين المجردة او باستخدام قليل من ثاني فوسفاس الفوساسيم
وبكل فخر اقول اننا تقدما علي الغرب في وسائل الكشف الحديثة بدليل الفيلم دا لميج ريان

When Harry Met Sally

ونشوف الفيلم مع بعض

http://www.youtube.com/watch?v=b0OeM6UUAoI

عشان نتاكد ان العيب اساسا في الاكل

سلام بقي

بهجت الاباصيري

النايم يقول...
أزال أحد مشرفي المدونة هذا التعليق.
الرايق يقول...
أزال أحد مشرفي المدونة هذا التعليق.
Hook يقول...

أسوور
اسمحيلي أختلف معاكي و أتفق...
أختلف في في فكرة ان الست زي الأرض تديك زي ما تزرعها تديك...الكلام ده مالوش أصل في علم النفس و لا حاجة...الانسان بطبيعته راجل أو ست بيتأثر أكيد و يتفاعل باللي حواليه خصوصا شريك الحياة...أعتقد ان الست زي الأرض ده أصله في عملية الانجاب تنجب ولد أو بنت...على حسب الكروموسومات اللي عند الراجل...لكن افتراض ان الست وحشة بسبب الراجل دايما..اعذريني مش قابله منطقيا...بل بالعكس بشوفه ضد مبدأ المساواة بين الراجل و الست..كأننا بندي هالة من القدسية أو نلتمس العذر للست المخطئة في أي أمر
أتفق معاكي في تفسيرك لما نسميه احنا النكد...هوه فعلا ناتج عن عدم فهم كل من الراجل و الست للطرف الآخر...كل واحد بيبقى مستني حاجة معينة من الطرف التاني...و الطرف التاني بيديله الحاجة اللي هوه شايفها حلوة بالنسبة ليه نفسه مش بالنسبة للطرف التاني...لازم الرجالة يعرفوا ان الستات مختلفين عنهم...يشوفوا ايه اللي يبسط الست و يعملوهولها ...مش اللي يعتقد هوه انه بيبسطها و يسعدها...و العكس...و لما مش بيعرفوا كده بتظهر المشاكل الغير مفهوم سببها للاتنين...هوه يقول دي نكدية...هيا تقول ده مش فاهمني
تحياتي ليكي

نساء في حياتي يقول...

فعلا فية رجالة ماتعرفش اي كلام من اللي حضرتك بتقولية

كل اللي يعرفوة انة يرفع ديل جلابيتة و سنانة و ينط

تصدقي ساعات بافكر ان كان عندهم حق يفكروا في تدريس الثقافة الجنسية في المدارس

يأما يسيبوا الشباب يتعلم في العرايس الصينيات اللي ماليين البلد
ههههههه

تقبلي مروري يا أسور

Unknown يقول...

كالعاده اسر هيه هيه مبتتغيرش جريئه و رائعه بجد موضوع مهم جداً و مفيد جداً شكراً

أسوور يقول...

جدو

تحية وتقدير لمرورك ... انت عارف طبعا قد ايه مرورك وتعليقك عندى بيسعدنى

اقدر رأيك والحياة فعلا بتطحن لكن المتعة الوحيدة المجانية لكل زوج وزوجة يجب ان تطرح وتناقش ونتعلم نستغلها لإدخال البهجة الى قلوب هؤلاء المطحونين حتى لا تزداد تعقيدات الحياة

الجنس ثانى اهم شهوة بعد شهوة الطعام ... ألا يجب ان نهتم بها ولو قليلا؟؟

ألف تحية لمروروك وتعليقك

أسوور يقول...

whyme

صديقى العزيز ... نورت المدونة

وانت يا عزيزى كالمعتاد تمنحنى دفعة الى الأمام ... وتضىء لى شمعة من الأمل ان هناك من هم يقدرون الجرأة ولا يعتبرونها ابتذالا

ألف تحية وتحية لصديقى العزيز

غير معرف يقول...

زيزنى دايما انت جريئه وارارائك صلئبه وانا شخصيا استفيد منها

soly88 يقول...

تحليلك جيد جدا
عدا ان الرجل عندما تمتد يده لأسفل
لايفعل ذلك لمعرفة ان كانت بدأت فى انزال السائل ولكنه يفعله لمداعبة ما تبقى من العضو الذى تم بتره او ما تبقى منه رغبة فى زيادة الأثاره لدى المرأه .
فى انتظار نصائح اخرى للسيدات فهن اكثر احتياجا لها بحكم ظروفهن

غير معرف يقول...

كون الرجل يمد يده ليعرف ان كان السائل نزل ام لا فهذا من الممكن لكن الحقيقة انه نوع من انواع المداعبه
ولو تعلمون ان هنا ما يسمى بال G-spot
وهى عملية اثارة لعضو المراة وهيه طريقة علمية صحيح مية ميه

Entrümpelung wien يقول...

شكرا لكم ..))