الاثنين، 4 ديسمبر، 2006

محشورة

محشورة .. هذا هو بالظبط حالى .. شعورى .. و واقعى .. بالظبط كما ينحشر الواحد منا بين شيئين .. لا يعرف كيف يخرج ولا يعرف كيف يدخل .. حقيقى أنا محشورة وكأنى فى باب دوار مثل بوابات الفنادق الكبرى التى يدخل إليها المرء ويدور نصف دورة مع البوابة حتى يخرج من الطرف الآخر .. كيف تشعر إذا انحشرت هذه البوابة فجاة وانحشرت انت معها .. هاه .. تخيل نفسك .. أنت محشور الآن .. البوابة زجاجية شفافة لا تدور معك الآن .. ترى منها كل المارة .. يروحون ويجيئون .. ينظرون إليك .. بعضهم تظهر على وجوههم علامات الإستغراب وكأنك أنت من حشر نفسه .. بل وقد يتهمونك بالغباء فى أنفسهم .. وبعضهم يرقون لحالك .. صعبان عليهم مووووووت .. لكنهم لا يستطيعون شيئا .. الحل الوحيد هو تحطيم البوابة الزجاجية الإسطوانية المغلقة بإحكام .. حتما سوف يجرحك الزجاج المتناثر ولا أحد يمكنه تقدير الخسائر .. قد تقطع لك يدا ..أو رجلا .. أو حتى أذنا .. وقد تفقأ عينا .. وعلى أفضل الظروف سوف تعيش مشوهاً .. كل هذا يجول بخاطر الجميع ممن يشاهدونك من الخارج .. اقصد يشاهدونى .. هم لا يعرفون أننى مستعدة للموت فى سبيل التخلص من تلك المخنقة .. لكن لا أحد يساعدنى .. ولن .. رغم انى لا أملك الكثير من الأدوات التى يمكن أن أحطم بها البوابة .. انا فقط التى ينبغى أن تحطمها .. وحدى .. ويا ليتنى كنت وحدى .. تخيل نفسك محشور ومعك طفلتيك .. ابنتيك .. تحطم الزجاج فيتناثر ويصيبهما .. لو كنت لوحدى كنت كسرته ويحصل اللى يحصل .. لكن للأسف البوابة حشرتنى ومعايا عيالى .. ساعات أتمنى انى أكسرها وساعات بابقى نفسى أفجرها .. كل اللى بأملكه حلم انى فى يوم أصحى ألاقى البوابة اتصلحت أو انفتحت دقيقة تسمحلى بالهرب .. أو يمكن تختفى .. يا رب ساعدنى

هناك 3 تعليقات:

moo_d يقول...

مساء الخير هوه موضوع إن الواجد يكسر الحاجز الزجاجى مش بسيط ساعات الحواجز دى بتبقى إنتى اللى حاطاها حواليكى بمعنى آخر مفسش حواجز بس كل الحكاية إنك خايفة مش أكثر مش كده؟؟
بس خايف تتحركى فبيتخيلى إن فى حاجز حواليكى طب لنفرض إن فيه حاجز وخايف تتجرحى لو كسرتيه طب وإيه المشكلة ؟؟ هيه مش الحريه ليها تمن؟؟
غالباً مفيش حواجز غير فى خيالنا ولو موجودة فعلاً لازم تتكسر
http://ayoube.blogsome.com
حاجة تاني سيبك من الناس اللى بيبصوا عليكى من برة غالباً مش كتير اللى بيبصوا لأن فيه كتير قوى زيهم زيك فمش بيبصوا غير على نفسهم وهمه محشورين وبرضه ماتستنيش حد يساعدك

Dananeer يقول...

مبروك البلوج

فريدة... يقول...

مؤلم هذا الاحساس حقا

حقيقي صعب

ومأكد فى حل ان شاء الله

تحياتى