الثلاثاء، 26 ديسمبر، 2006

طقل كبير

ان الرجل طفل كبير
تخيل طفل فى أحد المحال يصرخ طالبا لعبة معينة .. متعلقا بها
بقسم أنه لا يريد غيرها ولن يطلب بعدها شيئا
يحصل عليها
يذهب الى البيت .. يلعب بها
يفكها ويركبها ليكتشف أغوارها وأسرارها
يتركها .. يزهد بها
يطلب غيرها وبنفس الرغبة المحمومة والصراخ
انظر الى الرجل
يرغب فى امرأة ما
يصرخ راغبا فيها .. ويقسم انه لا ولن يريد شيئا فى هذا العالم بعدها
يحصل عليها بعد معاناة
يكتشف أسرارها وأغوارها
يزهد فيها .. يتركها مركونة .. محطمة من كثرة الفك والتركيب
يطلب غيرها بنفس القوة والصراخ
أليس الرجل حقا طفل كبير يبحث عن لعبة جديدة .. أقصد امرأة .. ليحطمها

هناك 79 تعليقًا:

شهروزة يقول...

هو طفل كبير
يبقا لازم المرأة تكون سر أكبر
حتى لا يكتشف أغواره
فلا يمله
ولا يلقيه فى أقرب سلة مهملات
أو على أقرب رف

نساء كثيرات نجحن فى البقاء كسر كبير لرجالهن

لذلك تجدى علامات تعجب كبيرة أمام صمود تلك العلاقة أو تلك الحياة
لا الرجل مل
ولا المرأة خمدت شعلتها وبريقها

تحياتى

سيف من خشب يقول...

المرأه ليست لعبه ومن يقول هذا فهو جاهل بالنساء المرأه كائن متجدد لطيف يشعرنا بالحب اما اذا شعر طرف بالملل ولا نلقى كل العبىء على الرجال فهذا ظلم كبير امل لو شعر احدهم ابملل فى العيب فى الطرف الاخر ولا محاله ويبقا فى النهايه ان العلاقه بين اثنين لو قاكت على ب متين صادق الهدف من ورائه ارضاء الله وليس ارضاء النفس بان يكون منتها حبنا ان نكون مع بعضنا البعض وكفا فعندما نحقق ذلك تنتهى القصه وكفا امال لو كان شىء اخر ولا نهايه للقصه فنحن نبحث عن الحب دائما فاذا وجدنا بحثنا عن حب اقوى فالمراه الذكيه هى من تقنع حبيبها ان عندها حب اضافى فى كل يوم يمر بهما فلا يبحث عن غيرها حين اذ وكذلك هو يشعرها دائما بالشغف نحوه انه رجل جديد كل يوم ويريها فى نفسه ما تبحث عنه فى كل الرجال وتحياتى واسالكم الدعاء

سيف من خشب يقول...

اما قصتى يا سيدتى فهى جد حزينه والسبب فى الفراق هى اسرائيل

Aoossa يقول...

شهروز بنت خالتى أول واحده معلقه
و هى تناولت نقطه مهمه لو أعترفنا بيها ممكن نحل مشاكل كتير
بس خلينا نتكلم فى عموم الناس مش الشواذ عن القاعده
ياسمين
أولآ بهنيكى على الطرح الجديد لموضع مهم
ثانيآ فى ظل الظروف الصعبه اللى بنعيشها الراجل بقا حلمه هو أنه يقابل بنت الحلال و أنه يروى ظمأه من الجنس وده طبيعى داخل أهم منظومه فى الحياه وعشان يوصل للمرحله دى بيكون الاتنين عانوا من تأسيس الشقه وتكاليف أقامة حياة مشتركه
الأنسان بطبعه سوي لكن نتيجة رغبة الزوجه فى الأنجاب من أول يوم وعدم أهتمامها برغبات الزوج واهمالها لنفسها
وأستبدال غريزة الجنس ورغبتها بغريزتها
الأقوى وهى الأمومه و تحول منها أنثى الى مجرد مرضعه وأمرأه عامله وطباخه
دى كلها أسباب بتخلى الرجل يبدأ يشعر
أنه وحيد ونه لسه مدخلش دنيا أكيد
هيبحث عن دنيته بطريقته و أنسانه تقدر رجولته وممكن يتحول من راجل محترم قبل الزواج الى زير نساء بعد الزواج
لأنه ببساطه عرف متعة الجنس وبعدين
زوجته هجرته الى دنيا الأمومه
وبمقارنه بسيطه بين البنوتات قبل الزواج وبعده هنكتشف أننا أمام كارثه
الرجل متجدد ويحافظ على مظهره الى حد ما والزوجه ضربه طبق كشرى
طيب تأجل الأنجاب عشان تعيش مع زوجها شهر عسل طويل ؟
بالطبع صعب مع تقدم عمر الزواج
لكن ممكن تمسك العصايه من النص
كفايه طفل أو طفلين حسب صحتها
مع ترك فترات بين الحمل ألأول والثانى
والأعتناء بنفسها وبجمالها فى حدود المتاح
و كما ذكرتى أن الرجل طفل يبقا مهم أنها تتذكر أنه طفلها الأول و أيضآ زوجها وعشيقها وحطى تحت عشيقها ألف خط
بالبلدى تشعلله زى شهروزه ماذكرت
وده مش عيب
العيب أن الزوج يتحول لزانى والزوجه تتحول لكيس قطن وبعد كده تشتكى من الهجر
عيشى وأسعدى وتجملى لزوجك لا للآ خرين
فهو يستحق
الأميره أوسه
مستشارة الأمن القومى

Aoossa يقول...

لتعديل طريقة أظهار الكمنتات وأظهارها بشكل صحيح
أولآ اختيار الأمر كمنت ثم الدخول
أختيار الآتى وفقآ للترتيب

Comments Show

Who Can Comment? Only Registered Users
Comments Default for Posts New Posts Have Comments

Backlinks Show

Backlinks Default for Posts ? New

Posts Have Backlinks

Comments Timestamp Format? 12/26/2006 12:26 PM

Show comments in a popup window? No

Show word verification for comments? No

Enable comment moderation? No


Show profile images on comments? Yes

Comment Notification Address سبيها فاضيه


Save Settings أضغطى لحفظ التغييرات
مع تحيات أوسه

micheal mohsen يقول...

unfortunately, tht is the men view in Arab world 2 women but in general, I believe tht both men and women should be capapble of containing each other and understanding each other caz both of them need each other equally

ياسمين يقول...

شهروزة
انتى فين يا حبوبة .. وحشتينى و وحشتنى تعليقاتك الذكية
والله عندك حق .. بس مجهود كبير قوى على الواحدة انها تعيش طول حياتها لابسة قناع ومتخفية

ياسمين يقول...

سيف من خشب
ما هو حجة كل راجل بيتجوز على مراته انه عاوز يرضى ربنا ومش عاوز يزنى وان الدنيا كلها مغريات وهو بيختار طريق الشوك لما بيتجوز على مراته
وحياتك بتيقى الست قايدة صوابعها العشرة شمع وبتتقمص كل يوم شخصية .. مرة نانسى عجرم ومرة هيفاء وهبى ومرة فاتن حمامة وبرضه بيعرف عليها ويرافق ويتجوز لو متدين شوية
وعلى فكرة الراجل اللى مبسوط فى الجواز بس هو اللى بيتجوز على مراته
لأن لو كان طهقان من صنف الستات مش هيفكر يبصلهم تانى

ياسمين يقول...

سيف من خشب .. لأ بجد نفسى أعرف الحكاية .. انت شوقتنى

ياسمين يقول...

أوسة
كالعادة قوية فى تعليقك وتحليلك للأمور
بس وحياتك أول طفل كان بعد سنتين وهم اتنين بس
ثانيا .. كان شهر عسل 4 سنين بجد
ثالثا .. والله هأحط صورتى عشان تعرفى انى 57 كجم فقط و واخدة بالى من نفسى مووووت ..
ثالثا دمى خفيف وبنت نكتة ودلوعة
رابعا .. مبدأى فى الحياة .. شعللها شعللها .. ولعها ولعها
خامسا .. لعبته كل الألعاب .. كيكا ع العالى وكيكا ع الواطى وحتى كيكا بالجنب وكل أنواع الكيكا اللى فى الدنيا لدرجة انى بقول ما لقاش لعبة جديدة نلعبها قال يغير اللعبة اللى هى أنا شخصيا
وشكرا

ياسمين يقول...

مايكل
كلامك جميل بس مين ينفذ .. يا ريت تقنع الرجالة فى العالم العربى بالكلام دة و تكتب فى الموضوع دة على البلوج بتاعك

ياسمين يقول...

شكرا يا أوسة على المعلومات والله تاعبة نفسك مع المبتدئين اللى زيى

albida يقول...

عجبنى أوى تشبيهك... بس لكل قاعدة شواذ
أنتى عندك حق فى رجالة كتير أوى زى ما أنتى ذكرتيهم بس برضه فى رجالة تانية بيحترموا اللعبة اللى هم اشتروها دى لحد اخر وقت لأنهم عارفين أن ده كان اختيارهم من البداية
اللى عايزة أوصله من الاخر أن المسئولية متبادلة بين الطفل واللعبة بتاعته.. ممكن يكون الطفل زهق من لعبته لأنها مابقتش تغنى أو تحرك راسها زى زمان او لأن البطارية خلصت.. هنا يبقى اللوم يقع على اللعبة نفسها, أما لو الطفل ساب لعبته بدون أى سبب فكده هو يبقى طفل مدلل واللوم كله يقع عليه طبعا
شهروزة عنده حق فى كلامهاو اللعبة لازم تكون متجددة وتخلى الطفل يكتشف حاجة جديدة فيها كل يوم علشان ميزهقش منها... هو الموضوع صعب ومحتاج مجهود لكن مش مستحيل

تحياتى ليكى

manal

bagabigo يقول...

عندك حق

Aoossa يقول...

أنا كنت بتكلم كلام عام
لكن معقوله بعد الألعاب دى كلها يغير اللعبه
أسمحيللى أضربه علقة موت
وبعدين وزنك 57 أنت لاعبة باليه
سيبك منه مفيش أحسن من الوحده
أطيعه الرجاله مناخدش منهم غير وجع الهارت
=====================
بالنسبه لموضوع تغيير التعليقات
ده هيساعد الناس تعلق أكتر وبسهوله
أما عن حذف تعليقات الأنينموس فده لأن فى ناس مش مدونين أحيانآ بيدخلوا يشتموا بدون سبب فى مدونات البنات
لسه واحد كان سايب عندى عشر تعليقات كلهم ألفاظ خارجه
صحيح هو انتى شغاله فى جريده
؟؟؟

Fancy يقول...

كلامك جميل اوى
عارفه جوزى دائما يصرح امامى باعجابة بالفنانة فلانة و علانة
و انا كبرت دماغى علشان ماتفرسش اكتر
و فمرة بيسألنى مين دى اللى فأغنية ايظن

هى مى عز الدين طبعا بس من غيظى نسيت الاسم

اللى استغربله كتير اوى
ازاى عنده القدرة يمدح فجمال ميرفت امين و مى عز الدين و مع ذلك عندما اكون على سنجة عشرة
لا يكلف نفسة عناء كلمة مجاملة واحدة

خلاص بئا يروح يدور على لعبة تانيه و اللى اخدتة القارعه تاخدة ام شعر

ياسمين يقول...

البيداء
يبقى فى الآخر برضه الرجل يتعامل مع المرأة على انها لعبة .. واللعب لا لوم عليها فهى جماد بالنسبة لهم

المسافر يقول...

أعترض على كون المرأة لعبة وعلى اختصار المرأة بالنسبة للرجل في مجرد لعبة أو ملهاة أو مرجد فرصة لتفريع الاحتياج الطبيعي

لماذا تركتم عقل المرأة وحنانها وإن اختلفنا معه في أحيان كثيرة لكن الرجل الذي لا يرى في المرأة سوى مجرد جسد فهو إنسان ناقص في التفكير وقاصر في الرؤية.

قد يكون ما كتب هنا للمبالغة لكنه لا ينطبق على الإطلاق بصفة التعميم أو حتى الأغلبية.

empire يقول...

happy new year

ياسمين يقول...

أوسة
أنل فعلا بأشتغل فى جريدة الأسرة العربية تصدر كل يوم اثنين

ياسمين يقول...

فانسى
أنا مش بقول ان جوزى مثال للرجالة .. هو عينه فارغة لوحده وبيعترف بكدة
اما اذا كان جوزك بيعجب بس بالفنانات فدة عادى .. البسيله وادلعى وناغشيه ولونى شعرك أصفر واحمر وأخضر لو عاوز .. واستعملى ألوان ماكياج زى بنات الليل .. هم بيحبوا كدة .. وحسنى أداءك فى الفراش .. حتى لو هتمثلى .. بعد شوية هتدخلى المود وهو هيدخل معاكى .. وربنا معاكى تتغلبى على الإحباط

empire يقول...

yasminamr6@hotmail.com

ياسمين يقول...

المسافر
أغلب الرجال يقولون ذلك لكنهم يتعاملون مع المرأة من هذا المنطلق وهم لا يدرون ..
وربنا يكتر من أمثالك

ياسمين يقول...

امباير
دة الإيميل بتاعى فعلا
وكل سنة وانت طيب

المسافر يقول...

أنا أقول ذلك من واقع ما أراه صحيحاً وأن من تقولين عنهم أغلب الرجال وانهم يتعاملون مع المرأة من هذا المنطلق قد يكون وجهة نظر متأثرة بظروف محيطة لكن دعينا لا ننكر أن هناك أخطاء من الطرفين.

Mohamed A. Ghaffar يقول...
أزال المؤلف هذا التعليق.
Mohamed A. Ghaffar يقول...

تانى مره تانى مبتعلمش ابداً ، لغيت التعليق عشان كله كلام مكتوب غلط واهو التعليق متصحح اهه وهتلاقوا فيه بردوا غلط ، أنا خنقتنى
شهروزه واوسة تعليقاتكم شدتنى جداً إلا أنى اتفق مع شهروزه تماماً ومع اوسة جزئياً وده لأن النماذج احاديه ولا تتمتع بالتعميم ، اول مره اشوف واحده عندها لوم على بنى جنسها أحييكم طلعتم اثنين

اما بالنسبه لمقال العزيزة ياسمين
صح الرجل طفل كبير وصغير كمان ، بس طفولته مش فى الجزئيه دى طفولته فى احتياجه لمن تشعره بالأمومه فى المقام
الأول من حب وحنان واهتمام دون وصايه الأم، انما النموذج اللى بيزهق ويرمى أسف انى اقول دول يبقم رجاله واطيه

صح الراجل طول الوقت عمال يفك ويركب فى الست عشان يعرفها من جوه ويثبر اغوارها ، بس غلط واتحدى ان فى اى راجل قدر يفهم اى ست لدرجه ثبر الأغوار وانا بتكلم من تجربتى وتجربه الى اعرفهم من الرجال وتعد المرأة بالنسبة لنا لغز الألغاز

فانسى الجميلة
انت ناقص تقولى زى محمد صبحى لعبتك كل الألعاب ، بس قولك ايه فى اللى مبيعملش اى حاجه من الى قلتيها دى وبيحاول مراعاه شعور الشريكه قدر استطاعته ، ولكن لم يستطع ان يرضيها فوصل لنتيجه ظريفه اوى وهى انها تخبط راسها فى الحيط بقى خربانه خربانه

أيوب زمانه يقول...

رجعنا تانى نتكلم عن نظرة الراجل إياها للمرأة
لعبة مش كدة
بس مفيش طفل مهما كان عنيد حيبص لإنسان على إنه لعبه بمعنى تانى وعى البنى آدم وثقافته بيحددها الناس اللى حواليه وأوله الأبوين وخصوصاً الأم وده ينطبق عالحالتين الولد والبنت والعلاقة الجنسية عموماً بين طرفين يعنى إتنين هما اللى بيحددوهاكون بفى إن مفيش بينهم حوار يعنى لو الراجل كل همه إنه يثبت إن هوه (دكر)والست كل همها إن هيه (تريح الزبون )ده بقى موضوع تانى
وشكراً

الجحيم هو الحقيقه يقول...

بصر احه مختلف مع حضرتك جدا؟
امممممممممممم
تحيا تى

سيف من خشب يقول...

لا اعلم لم اتزج بعد كى احكم لكنى احببت وعالجت ماهوا الحب والتفانى فيه ولا اظن ان كانت حبيبتى تهتم بى بعد الزواج ان اتركها واذهب الى غيرها اما كلامك عن الزواج بدافع الدين خشيه الوقوع فى الزنى فردى عليكى ان فكره الرجال عن التعدد فى الاسلام خاطئه وان كان سوف يعدل هذا من المستحيلات ويكفى زوجه واحده وليتقى الله ربه وكمان ليكونوا لبعض كل شىء ويهتم بها وتهتم به ويعلمها كيف تكتشف اغوار نفسها وجسدها وهى ايضا تعامله كطفلها وتهتم به وتعلمه كيف يكون العشق امال حكايتى فطويله واسالك الدعاء لكن ماقلته صحيح اقرئى مدونتى وانتى تعرفى الحكايه واتركى لى رايك؟

micheal يقول...

yasmine:
first of all:happy feast and happy new year..
um glad tht u like my point of view..concerning convincing other men in Arab world, I did my research of graduation in my faculty of economics and political science about women rights in arab world and I wrote 3 topics in my 2 blogs about the necessity of changing the society view towards females and a topic called wht happened 2 the egyptian society and sexual harrasment in egypt..I ll be glad if u read them ..tht is my adresses:
http://michealito.blogspot.com/
http://strugglingmichealitoo.blogspot.com/
so, lets wish they can help a little bit 2 change some stubborn deterrioraqted mentalities

ياسمين يقول...

أيوب زمانه
والله الكلام جميل .. لكن نظرة إلى الواقع بس وتلاقى ان الفعل مش زى الكلام .. حتى الرجال المثقفين برضه أطفال يملون اللعبة مهما كانت مواصفاتها .. يختارونها ذكية .. مثقفة .. جميلة .. محاورة .. قم يزهدون فيها بعد قليل أو كثير ليبحثون عن غيرها أيضا ذكية ومثقفة .. الخ
أما موضوع الحوار الجنسى فنحن نتحدث هنا عن موضوع آخر لا تكفيه كتابة ملايين الصفحات

ياسمين يقول...

محمد عبد الغفار
لو قريت كتاب الرجال من المريخ والنساء من الزهرة لجون جراى هتفهم حاجات كتير
تعرف أنا كنت وما زلت .. حلالة مشاكل للعلاقات بين الرجال والنساء بجميع أنواعهم .. وعجزت تماما عن حل لمشكلتى .. مع انى ساعدت ناس كتير انهم يحلوا مشاكلهم
بس تعرف أنا مبسوطة ان فى رجالة بينفوا التهمة دى عنهم .. دة أكبر دليل انها تهمة مش لطيفة وتستحق الإنكار والإستنكار

ياسمين يقول...

جحيم
عموما الإختلاف لا يفسد للود قضية
لكن كنت أحب تصححلى وتعرض وجهة نظرك فى موضوع اللعبة دة
ليه يا ترى الراجل بيمل بعد شوية مهما كانت مواصفات المرأة ومعاملتها له أكثر من ممتازة ؟؟؟؟؟
مرة راجل قالى .. مافيش راجل بتعجبه أفكار ست .. هو ممكن يناقش معاها أى حاجة ويتكلم فى أى حاجة عشان بس يوصل لحاجة واحدة .. هى جسمها مش عقلها

ياسمين يقول...

سيف من خشب
برضه انت شكلك كدة ىخر الرجال المحترمين
ولا دة بس عشان لسة ما اتجوزتش؟؟

ياسمين يقول...

مايكل
وانت طيب .. أكيد هأقرأ عن الموضوع الشيق دة .. وبرافو ان راجل هو اللى عمل دة مش واحدة ست .. انت تستحق أن أرفع لك القبعة

smraa alnil يقول...

يا سمين
ان لا اؤمن ان هناك اخر الرجال المحترمين
فالمرأة بمجرد فك قيدها والبوح باسرارها للرجل فانها ترمي فقد ادت الغرض واصبح ذلك الشئ الغامض كتاب مفتوح
ويبحث عن لغزاخر وخريطة بدائية لكي يفك طلاسيمها
ويعتبر المراة غزوة من غزواته
ويعتبرها فتحا نسائيا يضاف لتاريخه النسائي
بس تعرفي
ليس كل النساء اغبياء
فالمراة الذكية هي التي تجعل نفسها لغزا محيرا طول عمرها
زي ما المراة بالنسبة للرجل لعبه فاسمحيلي اقول هي من جعلت نفسها كدة
هي اللي قبلت انها تسلم اسلحتها عند اقرب مسرور السياف
لترضي شهريارها
ان تعطي المرأة كل ما لديها وفي نفس الوقت تمنع كل ما لديها ستظل لغزا وشكا للرجل
ينقصه اليقين والثقة
اذا شعر الرجل بلهفة في الاتيان بلعبته الاولي وجاءته فزي مانتي قلتي يفكها ويعرف اغوارها
لكن لاحظي كدة
ان الطفل عمره ما بينسي اول لعبه في حياته
وانه لا يسمح لغيره ان يمسها او يحتفظ بها غيره حتي لو مازالت مكسورة
عارفة ليه
لان اللعبة الجماد دي متحفظة باجمل لغز ليها وهو الصمت
لازم كل واحدة فينا تحتفظ بلغز عشان يكون مفتاحها للرجل
لكي ياتي لها
بتهيالي انه مش صح ان المرأو ترمي بكل سهامها مرة واحدة وتظل في وسط الصحراء لا تملك غير جعبة سهامها وتقول هحارب بيها
خلينا ندور علي سلاحنا

ياسمين يقول...

سمراء النيل
اذن نفس متفقتان على أن الرجل يبدل النساء كما يبدل اللعب
ولكنى أختلف معكى فى أن تظل المرأة لغز وتحاول أن تخفى أسرارها
تزوجى يا سمراء .. ثم حاولى أن تبقى لغزا للأبد
اجلسى فى بيتك بجوار حبيبك الذى اخترته كرفيق للعمر مرتدية قناع يخفى أسرارك
القناع الذى ترتدينه فى كل مكان تذهبين اليه طوال حياتك .. ترتدينه فى البيت ومع الزوج والأنيس (كما ينبغى أن يكون)
طبعا انت عندك حق .. مفروض دة يحصل
بس دة فيه مشقة كبيرة جدا على المرأة كإنسان له حق فى حياة طبيعية بدون تكلف
وكمان ايه الهدف فى النهاية .. انها تحتفظ برجل؟؟؟ رجل لو عرف أسرارها تركها ولو لم يعرف أيضا ترك الفزورة وذهب ليحل غيرها
انهم لا يعتبروننا إلا متع للفراش .. وفى النهاية نحن سقط متاع
نسقط من تاريخهم شئنا أم أبينا
يجد الرجل امرأة اخرى ويقول للأولى بمنتهى القسوة .. ألا يكفيكى أنى لم أطلقك
وألطفهم يقول .. أحبك .. و أحب كل النساء لأنك واحدة منهن

ياسمين يقول...

شهروزة
سيف من خشب
أوسة
مايكل
البيداء
بجابيجو
فانسى
المسافر
أمباير
محمد عبد الغفار
الجحيم هو الحقيقة
ايوب زمانه
سمراء النيل

أشكركم جدا جدا على المشاركة وعرض الاراء التى أستقى منها مفاهيمى فى الحياة الواقعية

وكل سنه والكل طيب وبخير

سردية يقول...

انت كدة افسدت التعبير الجميل الذي تصف به احيانا بعض السيدات الرائعات لازواجهن
(جوزي طفل كبير)

فأنا اكبر عيل في الدنيا لكني لم اعتبر يوما ما الانثى التي تشاركني حياتي لعبة

منك لله افسدت التعبير وشوشت على شهروزة التي شحذت سيف جدتها حتى لا يقرش الرجل ملحتها

ومنال تقولك لا مش كلهم ياختي فيه برضك رجالة بتحترم اللعبة اللي هم اختاروها
خلاص يا منال اصبحتن لعب يحترمها البعض والبعض الاخر لا؟؟؟؟
ايه العك دا يا يا جماعة فين المشتركات بين الرجل والست فين التكامل، فين الاختيار المشترك لكل منهما للاخر

لاحظت ايضا انك ركزتي على الدلع
والنغششة
لما لا تقولي ايضا ان تكون هناك قضايا واهتمامات مشتركة

جميلة هي الانثى التي تتمتع بقد جميل ومنحنيات متناسقة لكن ستكون اجمل لو اهتمت بربع الكيلو من اللحم الذي تخفيه تحت شعرها

الا تتفقين معي ان مسئولية التعامل مع الانثي من بعض الجهلاء من الرجال على انها لعبة لا تقع فقط على الرجل، ألا تقدم بعض النساء انفسهن للرجل بوصفهن لعبة

أيوب زمانه يقول...

يا ماما الموضوع مش بس موضوع راجل بيبص للمرأة نظرة (عبيطة) لا والمرأة كمان بتتحمل جزء من المسئولية عن اللى هيه وصلت له مش بي فى العلاقة الجنسية لا فى كل حاجة فى حياتها
كل سنة وانتم كلكم طيبين

ياسمين يقول...

سردية
انت زعلت ولا ايه .. يمكن تكون مختلف ويمكن تكون عامل انك مختلف ويمكن تكون عاوز تبقى مختلف
لكن نظرية اللعبة موجودة .. حتى مع الست اللى بتهتم بجسمها زى ما بتهتم بجمجمتها
ايه رايك فى ست كانت بتقول لجوزها كل يوم .. اذا أردت حب فها هو قلبى ملك لك وأذا أردت فكرا فها هو عقلى ملك لك واذا أردت متعة فها هو جسدى ملك لك .. ومع ذلك برضه طمع فى لعبة تانية .. لأ وثالثة .. ما خفى كان أعظم
نظرية اللعبة حقيقة مش مجرد نظرية

ياسمين يقول...

صح الست هى المسئولة .. أجيال كاملة من النساء صدقت واعتمدت وفكرت ان الراجل هو المنقذ من عذاب الدنيا ..
تخيلت ان الحبيب هو الفارس على الحصان الأبيض اللى هيخلى حياتها أجمل
لكن قال يا مآمنة للرجال .. يا مآمنة للمية فى الغربال .. نظرية قالتها جدتى وجدتك .. وهى برضه نفسها تؤيد نظرية اللعبة

سيف من خشب يقول...

مافيش لحسن من الحب فى الدنيا دى كلها مافيش اجسن من انك تحبى وتتحبى وتحياتى كل الرجال والنساء المحترمين والك منى تحيه خاصه لانك شكلتى لى دعما فى محنتى وشكرا

سردية يقول...
أزال المؤلف هذا التعليق.
سيف من خشب يقول...

ياسمين انا عايز اطلب منك طلب لو سمحتى اكتبلنا شعور امراه تركت حبيبها او اتفقوا انهم يتركوا بعضهم بارادتهم ماذا سيكون شعورها وماذا ستفعل

سيف من خشب يقول...

اختلف معك يا سمرا واختلف معك ايضا يا ياسمين صدقونى الرجل الذى يحب من كل قلبه يسنطيع ان يحتفظ بمن يحب الى النهايه ان ارادت هى ذلك

ياسمين يقول...

سيف من خشب
بجد .. صدقت .. ولخصت .. أجمل حاجة فى الدنيا هى الحب
ما أروعه .. بجد نفسى أعيش قصة حب دائما بس للسف تأتى الرياح دائما بما لا تشتهى السفن

انت تستحق حاجة جميلة لأنك جميل بجد .. أنا ما شفتكش .. بس حاسة بروحك .. روح فى منتهى الجمال
يا رب الدنيا ما تغيركش

ياسمين يقول...

سيف من خشب
أوعدك انى أكتب عن الموضوع دة .. وبمنتهى الصدق سوف أشرح احساسها وهى تقسو على حبيب كان

ايه رايك فى راجل بيقول انه بيحب من كل قلبه بس هو عاوز يغير شوية بس .. وتبقى وحشة وحشة وحشة .. ومش حاسة بحبه لو ما فهمتش نظريته فى الحياة عن التعدد والملل فى الفراش
بحبك مووووووووووت .. وما فيش فى قلبى غيرك لكن .. ممكن يكون فى فراشى غيرك .. كدة بكل بساطة
و طبعا ازاى ما تصدقيش .. أو ما تقتنعيش .. انتى بتحطمى العلاقة
انت راجل .. قولى .. انت فاهم حاجة؟؟

شهروزة يقول...

طيب يعنى كل اللى بيعترض على كلمة لعبة
مكن حد يكون صريح مع نفسه اوى ويخلع قناع التحضر و التقدم والنظرة الحيادية ويقوللى

بتنظر لحبيبتك ازاى؟
بلاش نقول زوجتك

ولو سمحت
متفكرش فى الاجابة قبل ما تقولها
جاوب وبسرعة جدا وبتلقائية




ها فكرت ؟
وجاوبت بينك وبين نفسك الأول؟

مش لقيت ان المفاهيم المتوارثة فى مخيلتك هى اللى جاوبت بدل منك؟
مفاهيم مزروعة وجذورها ممدودة لسابع أرض جواك؟
المرأة لعبة للمتعة فقط
ويجب أن تكون لعبة كاملة الأوصاف
والاااااااا
على أقرب مقلب زبالة
وتستمر دائرة البحث عن اخرى متكاملة

أنا عن نفسى
لقيت من كل النماذج اللى صادفتها
ان الرجل يخشى تمامااا من المرأة المفكرة أو المثقفة
لازم تكون تمثال جميل رقيق منزوع اللسان والعقل
مجرد فاترينة
لكن لما يطلع لها لسان وتفكر وتحاور وتتكلم وتناقش
لاء انا معترضة على دى
انا مش متفقة معاك فى النقطة دى
طيب ما تيجى تفكر معايا فى الحل التانى دة؟

لالالالا
يا عم دى حتتعب قلبى معاها
أنا عاوز واحدة لا بتهش ولا بتنش

أعتقد ان دة منطقى أكتر
الرجل هو من فرض على المرأة ان تكون مجرد لعبة
وحين تخرج هى عن ذلك الاطار
تصبح مغامرة غير محسوبة
وتكون هى الخاسر الاكبر فيها

Sampateek يقول...

طفل كبير عنيد و متسلط

كل سنة و انت بخير و عيد سعيد

smraa alnil يقول...

سيف من خشب من حقك طبعا انك تختلف مع اي حد ومعايا
بس انا لما بصيت كدة مش هقولك من واقع تجربتي بس شهرةوز قالت علي الي فيها
ان الرجالة بتخاف من المرأة الذكية والمفكرة
انا معاك انا كمان نفسي الاقي راجل يقدر عقل المرأة وروحها قبل جسدها
بس اسمحلي اقولك ايها السيف الخشبي ان الراجل هو الي ساب انطباع لدي المرأة بانها لعبة يعني هي مش من نفسها كدة حست بدة
انما الحب فهو انقي واطهر من اننا نلوثه بمفاهيم الرغبة والشهوة
بس الحب اللي انت بتتكلم عنه واللي انا بنادي بيه
صدقني مش بقي موجود غير في قصص الاساطير
او هاتلي قصة حالية فيها اللي انت بتتكلم عنه

سيف من خشب يقول...

صدقينى يا ياسمين فى حب كده وفى ناس كتير اوى بتعرف ربنا وتعرف حق زوجتها عليها وتحبهم ويحبوهم بس بعتقد المدنيا بتغير وقليل منهم الى بيحتفطوا بحبهم للنهايه انا قولتلك انا لسه ما تزوجت بس صدقينى بكل تجاربى وكل الى عشته انا باكدلك انتى وسمرا ان الحب موجود وممكن وسهل كمان بس الصدق فى المشاعر بين ال\رفين وتفانى كل طرف فى الطرف الاخر وكمان الصراحه بيولدوا حب كبير

سيف من خشب يقول...

اسف فيما سوف اقوله لكى يا ياسمين الرجل الذى يقول ذلك لزوجته هو جرب زوجه ويرد ان يجرب فى فراشه امراه اخرى ولكن المراه الاخره بالنسبه له لن تكون زوجه وانما سوف تكون غانيه هكذا هو يتخيلها تفعل معه مالا تفعله زوجته وهو اكثر من سوف يظلم نفسه فى النهايه سوف يفقد حبه وزوجنخ ولم ينال شهوته التى يتمناها والحل الذى اراها ان يتصارحا وكل شىء بينهما مباح فى حدود شرع الله اما بالنسبه احساسى فانا فى النهايه رجل احب واتمنا ان اعشق من احب واستحوذ عليها الى يوم القيامه ولا اريد غيرها ولن امل منها مادادت اعرف كيف اعاملها وكيف تكون لى فى كل يوم مختلفه عن اليوم الذى سبقه كما قلت لكى قبل ذلك وبهذا تستطيع المره ان تملك قلب الرجل وجسده ايضا وارجو منك الدعاء وشكرا لدعمك المتواصل لى فانا ايضا احسك مرهفه الحس جميله النفس

سيف من خشب يقول...

اما سمراء النيل فوالله الذى لا اله الا هو ان الحب موجود وهناك قصص اعرفها ماروعها ولكن المشكله فى الظروف التى حولنا هى من تفرق بيننا وبين من نحب وعسى ان تحبوا شىء وهو شرا لكم وعسى ان تكرهوا شىء وهو شرا لكم والله يعلم وانتم لا تعلمون واتمنا لكى ان تقابلى حبك الذى يثتحمك وتامنى بانه موجود

elkamhawi يقول...

كثرة الفك والتركيب
جامد جداً التعبير ده
مش كل الرجالة كدة يعنى تقدرى تقولى 90% هما اللى كدة

smraa alnil يقول...

يا سمين انتي فين
طمنين عليكي
انا بقالي كتير مش بشوفك ولا حتي اون لان
قلقتيني يا اماما
فينك كدة

albida يقول...

كل سنة وحضرتك طيبة

manal

ام العيال يقول...

الطفل الي عنده لعبه و بيحبها بس بيمل منها نعمل بيها ايه ؟؟؟
نجدد بيها يعني ايه
يعني لو فرضنا انها عروسه نغيرها الفستان نغير من شكلها باي شكل من الاشكال لو ما نفعش
عارفه الحل ايه ؟؟
الحل نحط اللعبه في مكان شايفه بس بعيد عن ايديه لغايه ما توحشه لانها الذكربات و لأ مش حيخدها
لازم يتشحتف عليها زي لما كان عايزها اول مره علشان يقدرها و ما يسبهاش مره تانيه

و كل سنه و انت طيبه

ياسمين يقول...

شهروزة الحبوبة
ايه الكلام الجاااااامد دة .. بجد انت قلتى حاجات كان لازم تتقال حول الموضوع دة.
هو كلامك كدة مظبوط مية فى المية وبيكمل المدونة بتاعتى ..
بجد المدونة كانت تبقى ناقصة من غيره
انت عظيمة كالمعتاد فى وصفك وشرحك وتحليلك .. أشكرك

ياسمين يقول...

سيف من خشب
فى قصص حب طبعا .. أنا شخصية بطلة اقوى قصة حب عرفها الناس فى مجتمعى وبيئتى ومنطقتى وأسرتى .. حلف الناس بحبنا .. وتابعوا أخبارنا .. لمدة 10 سنين والناس بتسألنى .. حتى اللى سافروا وسابوا مصر واشتغلوا برة مثلا .. كنت بأعرف انهم بيسألوا معارفى على حكايتى .. وهل لسة الحب موجود. وهل وهل ؟؟ وازاى ازاى؟؟
كنت مدرسة علمت كل البنات ازاى يحبوا ويعشقوا .. علمتهم ازاى يحافظوا على الحب مع الطرف التانى .. وازاى نحب ونحترم ونستمتع فى الوقت نفسه ..
لكن مافيش حكاية بتنتهى زى ما بدات ليه على طول؟؟
فجأة حصل اللى حصل
وحاولت .. وحاولت .. وحاولت
وفى الآخر استسلمت .. لكن كتمت الحب جوايا .. وقلت الكتمة هتخليه يموت لوحده
صعب علية الناس .. واحدة قالتلى .. بعد اللى حصل معاكى انت بالذات خلاص فقدت الثقة فى الحب وفى الرجالة كلهم
تعرف .. أنكرت .. قلت للجميع انه رجع نادم .. قلت لسة بنحب وعايشين نفس الحكاية كل يوم .. كذبت .. حتى لا أحطم ايمان الجميع ..نساء ورجال .. بالحب
الحب جوايا بيموت .. أنا سايباه يموت ..بس مش هأسمح ابدا انه يموت فى قلوب الناس اللى اتعلموا مننا ازاى يحبوا

ياسمين يقول...

القمحاوى
أشكرك لصراحتك

ياسمين يقول...

سمراء الجميلة
شكرا يا حبيبتى على اهتمامك .. انتى جميلة ورقيقة وحساسة الى أبعد حد
انا كنت مسافرة فى العيد ولسة راجعة .. مش هتصدقى ان أكتر حاجة وحشتنى هى البلوج

ياسمين يقول...

البيداء
وانتى طيبة يا سكرة

ياسمين يقول...

أم العيال
والله أفكارك ألمعية وذكية
لكن نحط اللعبة ازاى فى مكان بعيد
وآنهى مكان بالظبط هيتحمل اللعبة مع عيالها .. طبعا فاهمانى
وبعدين الإحتكاك داخل المكان نفسه بيولد مشاكل حتى لو اللعبه متقوقعة على أحد الرفوف

هيثم ابوعقرب يقول...


هـيا كــــــــــــــده البنــــــــــات

مـن يوم مــ اتخـــــــــلق الكون


ممكن تحزن علشــــــــان كلمه


وممكن تفرح علشــــــان جون


ممكن تعشق بكل مــــــــا فيها


وفـنفس اللحظه تكـــون بتخون


مليانيين عجـــــــــــــــــــــــايب


وتــنــــاقضات فظيـــــــــــــــــعه

بحبــــــــهم ســـــــــــــــــــاعات


وكتيـــــــــــــــــــــــــــر بقـــــول
قطيـــــــــــــــــــــــــعه
---------------------------------
مش ممكن تقولو ع الرجاله الكلام ده كلو

ويختي عليكو انتو
الامامير منتو برضه اطفال كبار
بس علي بنت
ع العموم الصراع من قديم الازل
و علي ايه
دي حكايه خلصت من بدري علي راي عمرو دياب
يلا


سيف من خشب يقول...

صديقتى ياسمين صدقينى لم تكونى تكذبى عليهم لو انك فشلتى مره فمن الاممكن ان تنجحى مرات ولو فكرتى ما هى رسالتنا فى هذه الدنيا وماذا نفعل بها سوف تعرفين اننا هنا تاديه رساله منوطين بها فكتشفى رسالتك فى الحياه وعيشى من اجل هدفك الاكبر وان شاء الله سوف تجدى حبك او يصلح الله ما كان وفعلا انتى صديقتى الوفيه واتمنا ان تقبلينى صديق لكى

tamer يقول...

انا مش معاكى ياسمين انا كل رجل ينظر الى المراة على انها لعبة يحتفظ بها بعض الوقت ثم يتخلى عنها وقت ما يشاء


المراة والرجل كل منهما يمثل نصف الاخر ويوجد من الجنسين من يقدر الجنس الاخر ويوجد من لايقدر وينظر لة على انة مجرد كوبرى للوصول الى شىء ما او لعبة وانتهت بعد لعبنا بيها


الامر مشاركة بين الطرفين ام سالبية او يجابية

لكن الحكم على طرف فقد انة صاحب القسوة والاخر الملاك

حكم غير عادل

وصوابع ايدك مش زى بعضها

تحياتى

ياسمين يقول...

هيثم
رغم ان الزجل ضد المرأة الا انه جميل جدا لدرجة خلتنى ما ازعلش منك
لكن انت وضحتلى نقطة مهمة .. كلا الجنسين فيهم الحلو وفيهم الوحش
يعنى فى ست مخلصة وفى واحدة بتخون .. فى راجل عينه زايغة وفى راجل يهب حياته لحبيبته
فعلا الدنيا دى غريبة .. بس دايما كل واحد بيشوفها من وجهة نظر الظروف اللى بيمر بيها
انا شخصيا لو حد كان يحلفلى على المية تجمد ان حبيب عمرى بعد كل هذا العشق ممكن يخونى كنت ضربته .. دة طبعا شعورى لمدة 10 سنين عشق وغرام وهيام
اما الآن فللأسف لم اعد أؤمن بالحب ولا بإخلاص الرجال

ياسمين يقول...

سيف من خشب
انا كنت فاكرة اننا..
كدة فعلا اصدقاء..
ومن زمان ..
من ساعة ما قلبك دق لحبيبة..
تاهت وسط الزحام..
من ساعة ما قلبى اتحرق
وصار رماد .. دخان .. ركام
كل دة مر علينا لكننا ..
ليه اصدقاء؟؟
عشان جوانا لسة فى حبة ايمان

ياسمين يقول...

تامر
انت أول مرة ليك عندى
أهلا بك وسهلا ومرحبا
وكل كلامك ماشى .. بس بشرط تيجى كل يوم

عمر يقول...

قطعوا وقطعت سيرتهم

ياسمين يقول...

عمر
تعليق لطيف والله .. شرفتنى بزيارة المدونة

واحـــد مـــــن الـنـــاس يقول...

طيب هسألك سؤال
لو حتى الراجل طفل عبيط عايز يلعب

مش الست هيا اللي ادتله انباع عنها انها مجرد لعبة ؟؟؟

يبقى مين السبب ؟؟

ياسمين يقول...

واحد من الناس
انت عندك حق
الأنثى اتربت فى بلادنا على انها لازم تكون لعبة
عروسة باربى
يغيرها ويجيب عروسة فلة
المهم انها عروسة ولعبة بتتغير لما الراجل يزهق

الأرمـوطــي يقول...

your discribation for men is the most intelegante one i have ever seen he express that you are relly understand the nature of men i thing it is very dificult for you as a woman to get such concepts related to men tinking.

BlogistPharaoh يقول...

استمتعت بالمقاله والمناقشه
تحياتي

فريدة... يقول...

لا اتفق معكى عزيزتى

فهى طبيعة الشخص سواء كان رجل او امراة

شخصية فقط

فمن الاناث من يفعل ذلك ايضا وبطفوليه شديدة ايضا

تحياتى

غير معرف يقول...

يسعدلي مساكم يارب ولك تئبشوني شو حلوين.