الجمعة، 13 أبريل 2007

ما هو الحب؟


وجه لى المدون العزيز يامن نوح صاحب مدونة صناعة الإنسان سؤال فى منتهى الصعوبة رغم أنه يبدو للبعض سهلا والسؤال موجود فى الرابط التالى

سألنى يامن .. ما هو الحب؟

لقتنى احتست وفكرت .. صحيح ما هو الحب؟ .. الحب له كذا معنى .. يا ترى هو يقصد الحب بمعنى الحب بين البشر ولا قصده الحب بمعنى العشق بين حبيبين ذكر وانثى؟؟

والحب عموما بين الناس له عدة أنواع .. حب فطرى طبيعى لا نتدخل فيه لكن يفرض علينا وبنتولد بيه .. زى مثلا حب الأم والأب لولادهم .. حب الأبناء لآبائهم .. حب الأخوة لأخواتهم وأهلهم

وفى حب الذكر للأنثى أو العكس .. ودة حب فطرى برضه بس بيخليك تختار شخص واحد بس تحبه لس له علاقة دم بك .. من غير سبب واضح تلاقيك واقع فى غرامه

لكن بالنسبة لى انا رايى انه فى النهاية نوع من التجاذب الجنسى فقط لاغير .. ولأننا آدميين كرمنا الله بالحب عن باقى المخلوقات

بمعنى اننا نفكره حب مش انجذاب جنسى لكن هو فى الأصل تجاذب بين نوعين ذكر وانثى

تفكر فى الحبيب .. يشغلك .. تبقى عاوز ماتفارقوش لحظة .. يعجبك كل حاجة بيعملها ويقولها .. وتبقى فى لغة مشتركة بينكم .. علامات وذكريات وأغنية وفيلم وحدوتة وفكرة

هتقولولى بقى الحب بكل سموه يبقى جنس .. اقول ايوة هو كدة فعلا والدليل على كدة ان اللى بيحب حد بيبقى عاوز يتجوزه .. ليه لأنه يرغب فى التوحد .. ايه هو التوحد ؟ التوحد هو اندماج ذكر وانثى اثناء ممارسة العلاقة الجنسة .. ربنا كرمنا بالحب كإطار آدمى للجنس
طب اثبتلكم ؟؟
اتنين بيحبوا بعض .. بيدوبوا فى بعض .. حكاية حب طويلة عميقة .. وقفوا قصاد العالم عشان يتجوزوا .. وحب وغرام وهيام وكلام ولا فى الأحلام .. يا سلام على كدة يا سلام..
بعد الجواز بشوية .. ودة على فكرة بيحصل كتييييييييييييييير .. مش طايقين بعض .. بيتخانقوا على كل كبيرة وصغيرة .. بيختلفوا فى كل شىء .. مش عاوزين يتكلموا مع بعض .. ليه؟؟ لغتها هو لا يفهمها ولغته هى لا تفهمه .. بيستعملوا نفس المفردات لكن اللغة مختلفة .. زهقوا ملوا .. ليه برضه؟ ................... عشان تذوقها وتذوقته .. شبعوا .. اتخموا من بعض

زى ما تعدى وانت جعان قدام محل كباب وانت جعان .. يسألك صاحبك انت ايه أكتر أكلة بتحبها؟ .. تقول الكباب فورا .. طب تعالى نضرب ربعين .. تطلع من المحل وانت متخم وشبعان .. بعد شارعين .. آدى محل كباب تانى .. هتدخل؟ .. هتاكل تانى ؟؟ طبعا لأ .. ليه ؟؟

حصل عندك تشبع خلاص فمش عاوز تشم حتى ريحة الكباب اللى كانت عاجباك ومجنناك من شوية .. يبقى مش الفكرة فى الكباب .. انت بس كنت جعان ولو كان محل كشرى كان حصل نفس الشىء

هتقولوا لى فى ناس بتتجوز وتعيش العمر كله بتحب .. اقول دى عشرة .. مودة ورحمة .. ربنا خلقها جوانا برضه كآدميين عشان تتدخل وتعمل توازن وتفرقنا عن الحيوانات .. تسأل واحد متجوز عن حب فظيع عن مراته .. يقولك بتعجبنى كل الستات ما عدا هى .. طب ليه قاعد معاها أو حتى ليه مش بتتجوز عليها؟ .. اصلها برضه كويسة وبتتعب عشانى وعشان الولاد وبتقف جنبى ومش عاوز أجرحها وكمان متعود عليها .. هنا بقى المودة والرحمة .. والضمير جوة الإنسان .. وكلما رقى الإنسان بروحه .. سمت على رغبات جسده .. فنقول ضمير ومراعاة مشاعر الاخرين وعشرة وخلافه
فى نوع تالت من الحب

وفى كمان حب البشر لبعض ودة حب كبييير كبيير كبيير قوى .. عارفين ليه؟ .. عشان ما حدش بيفرضه عليك .. حب الأصدقاء .. المعارف .. الجيران .. وكمان .. وكمان .. حب المدونين لبعض كأسرة لم يفرضها أحد علينا .. حب بدون غرض .. بنحب بعض .. بنقف جنب بعض .. بنغوص فى أعماق بعض .. بنحس ببعض ..

ايوة احنا أسرة لم يفرضها علينا أحد
أرجو يا يامن انى أكون جاوبت على سؤالك
مستنية رايكم واستفسارتكم فى التعليقات

هناك 197 تعليقًا:

micheal يقول...

هييييييييييييه هيييييييييييه..بجد مش مصدق أني صاحب أول كومنت عند ياسمين
الموضوع كعادته جميل مثل باقي مواضيغك عن الرومانسيه و الحب و أنا مؤمن بكل كلمه أنتي قلتيها و ده أنا شايفه سبب أكتر من 70% من حالات الطلاق في مصر و للاسف كله راجع بسبب ثقافه المجتمع الذكوري عندنا اللي بتختصر المرأه في جسد جميل لنتعه الرجال و اششباع رغباته و بس...يعني ممكن مثلا تلاقي راجل متجوز قاعد قدام الدش و فاتح بقه و حيريل أول ما يشوف نانسي أو هيفا أو اليسا و أخواتها و عمره ما حيفكر شعور مراته في نقطه زي دي مع أن أكيد مراته حتثار من الناحيه الجنسيه اذا رأت رجل و سيم مفتول العضلات...بجد يا ياسمين لازم ننظر للمرأه ككيان و عقل و ليس كجسشد فقط...وقتها سيعرف المتزوجون نعمه الزواج و معناه الحقيقي و ذلك لان العشره الجنسيه بين الزوجين وقتها قصير و مدتها ليست بالطويله و لكن ما يدوم هو العشره الروحيه و عندما تقوي و تنمو ستساعد الازواج علي التمتع أكتر بالمعاشره الجنسيه لانها في وقتها ستصبح تعبيرا عن عواطفهم الراقيه و ليس مجرد أداء واجب أو التخلص من نزوه جنسيه كما يحدث للاسف في أغلب البيوت المصريه
معلش طولت عليكي
تحياتي لكي

أسوور يقول...

مايكل
انت هنا يا بختنا يا بختنا
والله كلامك درر .. انت بتقول درر بجد
طب تصدق الواد جاد شويرى دة سكر بجد ولا تامر حسنى اللى مقعين البنات نفسهم عشانه ولا غيرهم ولا غيرهم
بس الرجل الشرقى تربى على ان الست جسد فعلا وليست روح عشان كدة بيعشق الجسد ولما يتذوقه يزهد فيه فهو يحب مجرد رداء وليس اصل المرأة وروحها
فتكون النتيجة ان يتجاهل كل حق لها فى أن يكون لها رد فعل أو شعور أو احساس
تحية للرد العميق

SomeOne يقول...

:))

يااااااااااااه يا ياسمين

حترجعينا للكلام ع الحب تاني

عموما انا كتبت رأي في بوست سابق عندي

فكراه اكيد

انا رأيي ان الحب كله واحد

بس درجات

وليه مسببات مختلفة

الحب هو حب انسان لانسان

:))

yamen يقول...

طب كويس جدا:

اولا احب اسجل اعجابي بالبوست الجميل..

بس خليني اقول حاجة..

انتي عملتي حاجة كويسة جدا وهي انك قسمتي الحب لانواع: نوع مفروض ونوع باختيارنا او نوع عام ونوع خاص بين الجنسين المختلفين..

طيب خلينا نمسكهم واحده واحده..

فيما يخص الحب المفروض زي حب الاب او الابن او الاخ..

تفتكري كل الناس بتحب ابوها او امها او ابنها او اخواتها..

انا رايي انه لا..

ليه؟ احنا بنسمع عن اللي قتل امه او ابوه او اخوه او ابنه..

و عن اللي سايب اهله ومش بيسال عليهم..
او الاب اللي ساب بيته وولاده ومراته مايعرفوش عنه حاجة..

كل ده معناه ان مش كل الناس بتحب النوع ده من الحب..

ومن ده نستنتج انه مش مفروض ولا حاجة زي مانتي قلتي..

تاني حاجة..

انا معاكي جدا في موضوع ارتباط الحب بالجنس..

ولكن..

انا مش معاكي في ان الحب ما هو الا تجاذب جنسي بين اتنين وبعد مايحصل الاتصال الجنسي يروح الحب..

ليه؟

لاني باعتقد ان الجنس هو اعلي صورة من صور التواصل البشري وهو قمة هرم الحب بين البشر عموما..

و خدي عندك الاية دي..

"و هو الذي خلقكم من نفس واحدة وخلق منها زوجها ليسكن اليها فلما تغشاها حملت حملا خفيفا"

شوفي ازاي ربنا قال ليسكن اليها..يعني تسكن نفسه بيها وده معناه الاتزان اللي بيحصل في حالة الحب"الحقيقي" (و اللي اصل سؤالي كان عنه)و بعدين قال فلما تغشاها وكأن تغشاها دي نتيجه طبيعية للتواصل اللي حصل بينهم كبشر

اما عن الناس اللي بيصيبهم الفتور بعد فترة فده عشان زي مانتي قلتي الموضوع كان بالنسبالهم مجرد جنس مش اكتر و اغلب الناس دي اتجوزوا بعض وهما مايعرفوش بعض وحتي اللي كان بينهم قصص زي مانتي قلتي (و هي دي المشكلة)ان ده مش بيكون حب ولا حاجة..و لكن ده بيكون تعلق بالقصة في حد ذاتها..مش اكتر..

انما ولا واحد فيهم بيكون شايف التاني بجد..و لكن بيكون شايف الصورة الوهمية اللي هوه راسمهاله

طبعا انا طولت عليكي جدا..

انا اسف..

و لكن انا بجد مبسوط انك اهتميتي بالسؤال وكتبني عنه

اشوفك علي خير

-_- يقول...

الحب هو الاهتمام

Eric Matt يقول...


معجبنيش البوست أوي يا ياسمين

بس ربنا يكرمك يا رب

ادعيلي

تحياتي من ماناساس البلد

reri يقول...

البوست جميل كالعاده.أنا قابلت كتيييييير من الي بيدوبوا في بعض وبعد الجواز بتتغير كل حاجه... الحب زي الهرم يا ياسمين يبدأ بمشاعر وقمته الجنس... لا يوجد حب روحي فقط أو الحب الجسدي الذي يجعل الجنس البشري في مرتبه أقل..هناك تكامل بينهم يصنع علاقه كامله... لكن
لاأوافقك في إختزال الحب إلي رغبه جنسيه
ولو دي النظره يبقي لازم تتغير

صحيح.. مبقتش أشوفك عندي في البلوج لييييييييه؟؟؟

سلاماااااااااااات

عبدالله يقول...

فكره جميله قوي انك تكتبي عن معني الحب بعد التجارب الكتير الي عشتيها و الي شوفتيها و الي سمعتيها
بس يا تري هل هوا صح و لا لا ممكن يكون اه وممكن يكون لا حسب الظروف
وجميل انك قسمتي انواع الحب
اولهم الحب الفطري و طبعا ادام فطري يبقي اتفطرنا عليه بس في ناس شواذ عن الفطره و ده الاستثناء الي يثبت القاعده
و حب الناس لبعضها الي هو النوع الاخير ده من اجمل الحاجات في حياتنا الي بحبها بس انا الحب ده متقسم عندي قسمين
حب عادي بدون سبب
والتاني الحب في الله
بجد النوع ده رائع مالوش حل عارف لما تحب واحد بس لمجرد حاسس ان ربنا بيحبه لمجرد بس عارف انه بيحب ربنا يبقي لازم تحبه عارف لما تسافر علشان بس تسلم علي واحد كل الي عاجبك فيه انه بيحب ربنا ده احساس تاني و الاجمل منه لما تكون مش قادر تتقبل شخصيه حد بس بتحبه علشان شايفه بيبذل قد ايه من حياته في سبيل ربنا ده نوع لما ربنا بيمن بيه علي حد بيشوف الدنيا من شكل تاني خالص

نيجي بقي للنوع الي الكل اكيد هيكلم عنه الي هوا الحب الطبيعي
بلا شك طبعا ان جزء من الحب الطبيعي بين الرجل و المراه يعتمد علي الاحتياج الجنسي
طيب هوا ربنا ليه حط فينا الغريزه اصلا سببها ببساطه من وجهة نظري هوا الحفاظ علي الجنس البشري ما هوا لو الناس مش مدفوعه لكده بغريزه محدش هيفكر فيه بمزاجه طيب ايه تاني
زي ما قولتي نوع من قمة التواصل البشري بين اتنين
طيب هل هوا ده بس الحب
يعني مفيش ولا حاله في التاريخ مسجله حب بين رجل عجوز و امراه صغيره و العجوز ده اصلا مالوش في الجنس مثلا
اكيد في حاجات زي كده كتير
ده بس سبب صغير يغير شكل الحب الي بتتكلمي عنه
طب ايه بقي الحب من وجة نظري
الحب هوا مجموعة الصفات الي بتحلم بيها من زمان في شخص نفسك انك تشاركه حياتك و تشاركه في حياته
الصفات دي اغلبها شخصيه وليست جسديه
الموضوع كبير و عاوز اكتر من بوست و اكتر من رد
بس نقدر نقول في الاخر الحب فيه جنس و فيه حاجات تانيه مش مجرد العشره بس ليه مشوفتيش حد بيحب زوجته بعد ما ماتت
ولا واحده بتحب جوزها بعد ما مات اكيد مش بسبب الجنس في علاقه روح اكبر من كده بكتير

علي العموم اتمني ان مفهومك عن الحب يتغير مع الايام وحاولي تبصيله من وجهة نظر تانيه

ابقي طمنينا عليكي دايما

سلام

shabfa2re يقول...

حب للناس للعبد من علامات حب الله له
دى نعمة كبيرة وجميلة اوى

عبسميع يقول...

حسنًا ربما كان كلامك صحيح بالفعل أعجبني تصنيفك نوعًا ما لكن أعتقاد شخصي أن الحب أسمي من كل هذا يحدث كثيرًا ما قلتيه بين المتزوجين ولكنه ليس دائمًا أحيانًا يتغير الأمر ولكن في بعض الأحيان يظل الحب بكامل قوته

أعجبني البوست كما أعجبني تحليلك

تحياتي

أسوور يقول...

شادى فايد
طبعا فاكرة جدا البوست بتاعك عن الحب
كان بوست قوى جدا جدا
هو دة فعلا الحب لكن الحب الموجود فعلا هو اللى كتبت عنه فى البوست بتاعى
تصنيفك للحب واسبابه ومسبباته كان رائع لكنه حاجة كدة زى العنقاء والخل الوفى

تحية للعبقرى شادى

أسوور يقول...

يامن
بالنسبة لأول نوع صحيح فى ناس بتقتل ولادها أو أمها أو أبوها أو أخوها بس دول شواذ .. القتل والقسوة والعنف عموما هو نوع من الشذوذ فى سلوك الجنس البشرى ولا يمكن أن أعتبره قاعد يا يامن
أنا معاك ان ممكن حد يختلف مع أهله أو يكره سلوكهم والعكس لكن الكراهية غير واردة حتى مع اللإختلاف والدليل ان مهما اختلف واحد مع ابوه مثلا .. شوفه بقى لما أبوه يموت هيبهدل نفسه ازاى وهيعيط عليه ازاى ومش هيفتكر غير كل جميل عنه
كما حب البوين دة حب فطرى نادر لايمكن مقارنته بأى حب آخر .. أنا ام وعارفة .. مافيش حاجة اقسى فى الدنيا على أم من أن ترى فلذة كبدها تحصل له حاجة وحشة واسال أى أم أو اب طبيعيين مش حد شاذ قتل ابنه وأودع مستشفى الأمراض العقلية
أما عن مضوع ارتباط الحب بالجنس فدة ربنا خلقه للحفاظ على النوع وحبشه بشوية عواطف لرقى الإنسان شميناها حب والمفروض ان دة يسمو بالإنسان لكن اللى بيحصل بقى فى الواقع ان الحب اللى بتتكلم انت عنه يبقى هو الشواذ بتوع القاعدة .. للأسف
وحتى مع وجود العواطف ومهما سمت يجب أن تحقق نوع من الإشباع الجنسى
والآية دى جميلة قوى قوى قوى وبتخلينى أفكر وافكر
طب لما ربنا قال كدة ايه بقى موضوع الآية الشهيرة بتاعة التعدد اللى كل الرجالة مش فاكرين غيرها وما بيرددوش غيرها طول الوقت
ويا ترى لو الحب مش مجرد تعلق بالقصة أو رغبة جنسية طب نفرق ازاى بقى؟؟
هو دة السؤال

أسوور يقول...

شرم
الإهتمام بمين .. بالحبيب .. بالطرف الآخر .. يعنى الإهتمام بإيه يخصه بالظبط .. أكله ؟ .. لبسه؟ شكله ؟
ولا الإهتمام بحالة الحب نفسها
تعرف .. أنا فاهماك بس بجد الإهتمام دة موضوع كبييييييييير قوى

أسوور يقول...

The Groom
معلش نبقى نعوضه ببوست تانى
تحب اكتب فى ايه وعن ايه؟
شور علية

أسوور يقول...

ريرى
الناس فعلا اختزلت الحب للمستوى دة .. رغم انه المفروض يكون اسمى العلاقات الإنسانية
بس تقولى ايه بقى هى دى الدنيا للأسف حاليا
هأجيلك بس كدة انتى تأمرى

أسوور يقول...

عبد الله
بالنسبة للحب فى الله دة عاوز بحث لوحده
بس ممكن برضه الواحد يحب حد مش متدين وبحبه دة يقربه من ربنا على فكرة
وبالنسبة للعجوز والصبية .. دول شواذ ولكل قاعدة شواذ
وبعدين مين قال انهم كملوا مع بعض أو عاشوا سعداء بعد كدة
أنا متفقة معاك جدا ان الحب هو خدعة الجنس للإنسان بهدف البقاء على النوع
بس وصفك للحب والكلام الجميل دة ممكن تقراه فى الكتب مش فى الحياة
للأسف كان نفسى اقول غير كدة لكن هى دى الحقيقة

أسوور يقول...

شاب فقر
طب الناس بتحب ميل جبسون .. تفتكر ربنا بيحبه
طب فى ناس بتحب شاكيرا .. رايك ايه فيها

أنا على فكرة متفقة معاك بس باشاغب معاك شوية
تحياتى

أسوور يقول...

الديليكون
مش عارفة اقولك ايه
دى أول مرة تزور مدونتى وأنا بأرحب بيك والله ونفسى أجيب شاى
الحب أسمى بس هو فين .. دة النوع اللى موجود دلوقتى حضرتك ولو لقيت النوع اللى بتقول عليه اسمى دة ابقى قولى لو سمحت
نورت المدونة

Unknown يقول...

بوست جميل :)

هي المشكلة كلها في تسطيح المشاعر وعدم وجود الإرادة القوية اللازمة لبذل الجهد لتحقيق السعادة المطلوبة

الإستسهال ده هو إللي بيخلي الراجل يبقى عنده النظرة ده للست

أسوور يقول...

IRC President
الست بالنسبة للرجل الشرقى مجرد متاع لا أكثر لا اقل
للأسف

عبسميع يقول...

علي فكرة يا ياسمين مش اول مرة ارد عندك
بس انا غيرت اسمي بس كان قبل كده
altaeeralgareeh
دي تاني مرة عمومًا لما الاقيه هقولك أكيد

تحياتي

harmless يقول...

ياسمين

عندى رأى صادم
تاخديه؟

ماشى تاخديه

رايى ان الناس خلطت بين المشاعر والعلاقات

والحب شعور وليس علاقه
الحب شعور يتخلل العلاقات
وليس علاقه بذاته

والحب فى طرف اخره من الناحيه الاخرى الكره
اى ان الحب عكس الكره

خلينا فى الحب

الحب موجود فى العلاقات المختلفه كما ذكرتى بنفسك

بين الاخوه واخواتهم والاباء وابناءهم والاصدقاء واصدقاءهم والازواج وزوجاتهم

فما الفرق؟؟؟

الفرق ليس فى نوع الحب
ولكن الفرق فى طريقة ممارسة الحب
لان طريقه الممارسه تحددها العلاقه وليس الحب نفسه

تمارسين الحب مع ابيكى بطريقه مختلفه عن اخيكى عن صديقك عن زوجك او حبيبك

خذى مثلا الزوج والصديق
طريقه ممارسه الحب مع الزوج فيها جنس
وطريقه ممارسه الحب مع الصديق ليس فيها جنس

لذلك
اذا امتنع الازواج عن ممارسه الجنس
فسدت الزوجية

واذا مارس الاصدقاء الجنس
فسدت الصداقه

كان نفسى اطيل اصل لى تحليل مقنع جدا للموضوع ده

لكن يابخت من زار وخفف

shady يقول...

طبعا الجنس ركن من العلاقة .. بس مش أساسه .. يعني الرغبة الجنسية مش موجودة من أول لحظة بالتأكيد .. الجنس جانب من الحب .. لكن ينبغي أن يسبقه ارتياح متبادل .. قبول .. تجاوب .. والا فلا اختلاف بينه وبين علاقة زنا مثلا .. الحب نفسه ليس احساسا واحدا بل مجموعة من الأحاسيس بعضها متشابه والبعض متناقض .. نحب ونكره أحيانا نفس الشخص .. الحب يشمل الجنس و لكنه لا يبدأ به ولا ينتهي عنده .. وإن حدث وكان الحب بداية او نهاية لقصة حب أتوقع فشلها او علي الأقل برودها في حالة ارتباط الطرفين بالزواج مثلا.. الحب عندي يبدأ بمجرد الرغبة في وجود هذا الشخص بجوارك .. في مجال رؤيتك باستمرار .. .. تتعاظم الرؤية . فتتمني لو تحادثتما .. تجالستما .. .. لتصل إلي الرغبة في التوحد.. والتوحد هنالا يقف عند حدود الجنس أيضا ولو وقف لكانت العلاقة الجنسية علاقة متعة جسدية فحسب ولحصرها ذلك في حدود في النهاية تؤدي إلي الملل من الجنس نفسه او من الشريك في العلاقة .. أغلب العلاقات الفاشلة هي في النهاية .. إما بدأت بالجنس مباشرة او بالتفكير فيه كهدف وحيد او انتهت عنده .. فحدث الملل .. جميل أن نعترف بالجانب الجنسي في العلاقة .. جميل أن تشعر ان هناك من يرغبك مثما ترغبه ولكن بالتأكيد ليس الجنس هو الإطار للحب .. بل الحب هو الإطار الأشمل ..
طولت عليكو معلش

GEBSON يقول...

كلامك حلو اوى بجد والموضوع جميل جدا زى ما اتعودنا منك وتقسيميك لانواع الحب صحيحه من وجهه نظرى بس مختلف معاكى فى حب الذكر للانثى مش شرط علشان الجنس فقط انتى حطتيه فى الاطار ده بس لا فى حاجات تانيه كتييير مش هاقولها دلوقتى دى فكره البوست الجديد اللى عاوز اعمله ومش لاقى وقت.

وبعدين جايبه سيرت جبسون ليه
تحياتتتتتتتتتتتتتتتتى

أبو ضحى يقول...

ياسمين

من ناحيه الحب بين الرجل و المرأة أعتقد أنك أصبت فى الرأى غلى حد بعيد..بس تعرفى ان رأيك ده صدمنى كتير..و فتح عنيا على حاجة كنت عارفها لكن بتناساها..الحب دايما بيظهر للى حبهم مكملش بالجواز و الارتباط انه شئ سحرى، كأنه أسمى شئ فى الوجود، و كلامك -رغم انه صح الى حد كبير - الا انه بيفضح الحب و يكشفه ادام عيونى
ده صدمنى فعلا

بس انا عندى سؤال..ساعات كتير الاقى واحد مختار واحده مش اد كده فى الجمال لكنه بيحبها..هتقولى هو ده زوقه و انه شايفها اجمل البنات ..هقولك انه رغم انه بيحبها الا انه لا يتوقف عن ابداء اعجابه بالكثيرات اللى هما اجمل من حبيبته بكتير و اللى يقدر يعمل معاهم علاقات و يرتبط بيهم..لكنه دايما يرجع و يقول ان الانسانه دى هى اللى بحبها مهما تكون.
فلو كان الموضوع من البداية موضوع جنسى لكان الواحد اختار اجمل البنات على الاقل من وجهة نظره

مش عارف الموضوع محير و مش سهل ان الواحد يقول فيه رأى قاطع

لكن تصنيفاتك لأنواع الحب شاملة بجد و اتفق معك فيها جدا

اتمنى اشوف رأيك

تحياتى

مجهول يقول...

العزيزة الرقيقة ياسمين
اولا تحيه كبيره اوي علي موضوعاتك الجميله دي
اللي دايما بتشدني لعالم حلو
....
أري ان الحب نفسه لا يحتاج تعريف او توصيف
فتعريف الحب في احساسه الذي لا يعرف فإذا عرف لم يصبح حبا بل اصبح مجرد اعجاب بناحية معينه
فحبي لأمي
ليس لانها امي التي أنجبت وربت و و و
بل هو حب غرس فينا لانعرف له سبب
وحبي لحبيبتي
ليس لانها جميله وذكيه و و و
بل انني لو احببتها لذلك صرت معجبا بناحيه معينه اذا زالت زال الاعجاب معها
فهو حب لا يبقي
انما ياعزيزتي
هو حب غرس ايضا فينا ... من نظره من همسه من موقف
وضعت في قلوبنا نحن الاثنين بذره من نوع خاص ليس لها تعرف هي الحب
وحبي لربي وديني
ليس لانني رأيت مثلا سيدنا محمد وعشت معه ولا انني قرأت كل الكتب عنه وجعلتني اعيش معه
بل هو ايضا حب من نوع ثالث لا يختلف توصيفا عن السابقيين له
حب بلا تعريف
وحبي لزوجتي
ليس لانني اعاشرها جنسيا او انها ام اولادي
بل هو حب زرع في قلبي ليس لصفه او لمهنه في زوجتي بل لانها هي زوجتي
......
عزيزتي
هكذا هو الحب
لا ندري من اين اتي ولا ندري كيف خلق ولا ندري عنه شيئا
......
طبيا عزيزتي
في علم
neurology
الخاص بوظائف المخ والاعصاب لم تستنتج او تكتشف استنتاجات و اجابات عن موضوع العواطف نهائيا
فقد حددت مناطق في المخ سميت بمناطق المشاعر
emotion areas
لكنها لم تعطي تفسيرا علميا محكما للعواطف
هل هي كيمياء وهرمونات ام انها شئ غير ذلك تماما
.........
تلك هي عظمه الحب
عندما نحب لاندري لما او لماذا او متي
فعندما نحب فقط نستمتع بجمال غريزه غرست فينا
وهكذا هو الحب
ليس بدافع شئ بل هو بلا دافع ابدا
فسبحان مقلب القلوب اذ يقول
لو انقت ما في الارض جميعا ما الفت بين قلوبهم ولكن الله الف بينهم
.......
كلامك يا ياسمين بجد يخليني اتكلم واعلق للصبح
انتي بتجيبي الافكار الجميله دي منين والله انا متشكر ليكي جدا
لاني كنت فعلا مضايق طول اليوم وموضوعك ده فعلا خرجني لعالم تاني
دمتي بخير وسعاده وفي حب دوما

YHYيــوســف الـمصـرى يقول...

بصى بقى انا كتبت اكتر من 4 تعليقات ومسحتهم ومش عارف ارد بأيه ؟
لكن أأويد رأيك بنسبة 75% ا
وانتظرى منى بوست عن المرأة اصالحها فيها كما طلبتى منى وبوست عن الحب يوضح اختلافى ال25% انما فعلا بوست هايل يا ياسمين واحييكى على جرائتك وموضعيتك فى طرح وجهة نظرك
تحياتى
يوسف المصرى
yhy

أسوور يقول...

الديكيلون
طب ممكن بس أعرف يعنى ايه الديكيلون

أسوور يقول...

هارملس
حاسة فعلا ان التحليل لسة ناقص وفى كلام كتير كان لازم تقوله
طريقة ممارسة الحب دى جديدة بصراحة
انت قلت ان لو امتنع الزواج عن ممارسة الجنس تفسد العلاقة لكن هل يستمر الحب أم لا ..دى حاجة
لو حد مارس الجنس مع صديقة له
هل دة معناه انه اتجوزها .. لأ طبعا .. هل ممكن يحبها ويتجوزها .. آه طبعا
يعنى الحب هو اللى بيحدد العلاقة مش العلاقة هى اللى بتحدد الحب
دة بإستثناء الحب الفطرى اللى اتكلمنا عنه ..حب الأهل والمقربون
كمان انا هنا بأتكلم عن الحب بين الذكر والأنثى .. الحب الجنسى .. أنا باسميه كدة .. كل حب جنس وليس كل جنس حب
تحياتى

أسوور يقول...

شادى
عجبنى كلامك جدا خاصة الجزء اللى قلت فيه..
أغلب العلاقات الفاشلة هي في النهاية .. إما بدأت بالجنس مباشرة او بالتفكير فيه كهدف وحيد او انتهت عنده .. فحدث الملل
المشكلة ان كدة تقريبا أغلب العلاقات فاشلة .. واسال عشرة متجوزين من معارفك وهم يقولوا لك
ولو فشلت العلاقة الجنسية برضه يضيع الحب .. يبقى الحب مرتبط جدا بالجنس لكن قولى فين حد بيحب وما يملش من العلاقة بعد الزواج بفترة تطول أو تقصر

أسوور يقول...

جبسون
اذا كان كدة بقى يبقى هاستنى البوست الجديد بتاعك عن الحب والعلاقات بين الذكر والانثى
أجيب سيرتك وماله
يا سلام على كدة يا سلام

أسوور يقول...

ابو ضحى
رأيى صدمك لأن هى دى الحقيقة
خاصة ان المتجوزين هم اللى عارفينها وفاهمينها والحب فعلا شىء سحرى لأى حد ما كملش حبه بالرزواج لأنه توقف عند الرغبة الجامحة التى لم تشبع زى الجعان اللى لسة ما كلش يفكر فى الطعام ولعابه يسيل ولما ياكل يبقى مش عاوز حتى يشم ريحة الأكل
أما موضوع ان واحد يحب واحدة وحشة .. هى وحشة فى نظرك .. ولو حتى شايف البنات التانية حلوة .. دة ما يمنعش انه لقى معاها اشباع معين لحاجة جنسية معينة .. قد يكون نظرة عينيها التى تثيره وقد تكون طريقة تمايلها فى المشى أو حتى صوتها وهى تتحدث بصوت متهدج
وعلى فكرة انت هنا كأنك بتربط بين الحب أو الجنس والجمال ودى نظرة ضيقة شوية
الإنجذاب الجنسى ليست له أى علاقة بالجمال والحب كذلك يا سيدى والا كان اللى شكله أو شكلها مش خلو ما لقوش حد يعبرهم ..

أسوور يقول...

مجهول
مبسوطة ان البوست عجبك وأشكرك على اطرائك الجميل
انت قلت ان كل الحب تلقائى وبدون سبب حتى حبك لزوجتك لأنها بس زوجتك فلها نوع من الحب
تمام
طب قبل ما تبقى زوجتك ايه اللى خلاك تحبها؟؟ .. وهو كل واحد بيحب زوجته بعنى لمجرد انها زوجته الى مالا نهاية ولا فى ناس بتطلق ولما تدور على الأسباب تلاقيهم كل الحكاية مللوا من بعض .. شبعوا
المهم .. هل كلامك دة معناه ان للزوجة حب يختلف مثلا عن حب واحد تانية .. فى رجالة كتير بتعمل كدة .. مراته لها تقديرها بحكم انها زوجته لكن يدوب فى العشق والهيام والغرام مع بنت تانية مش متجوزها ويفضل مبسوط معاها ويعيش أجمل الأيام وهو سايب ست تانية فى البيت فريسة للضعف الإنسانى على افتراض ان الست جماد .. كرسى .. كنبة .. لازم يرجع يلاقيها ..يريح عليها يفرد جسمه ينام .. يمارس الجنس بملل .. لكن الحب .. لأ .. لواحدة تانية برة
طب بذمتك مش بيحصل

أسوور يقول...

YHY
طب جميل
انت متفق معايا بنسبة كبيرة الحمد لله حد هنا متفق معايا
بس مستنية البوست بتاع الـ 25% اللى فاضلين
لما تكتبه لازم تقولى
اتفقنا؟

مصر هى أمى يقول...

ياسمين

الحب ده احلى حاجة فى الدنيا بس المهم يكون عن تكافؤ
احنا بنحب بلدنا بنحب اهلنا بنحب دينا بنحب زوجاتنا بنحب اولادنا لو بصيتى على اى حاجة والعلاقة اللى موجودة هتلاقيها علاقة حب معنى ذلك ان الحب بيتحكم فينا

احنا بنحيا بالحب

أسوور يقول...

مصر هى أمى
محسسنى انك آخر الرجال المحترمين
يا ريت اشوفك بعد الجواز بـ 3 سنين بس مش اكتر وأشوف هتقول نفس الكلام ولا لأ
تحياتى يا محمد
واحشنى والله

الوردة السوداء يقول...

بتهيقلى انك ظلمتى الحب شوية
حكاية ان الناس بجلها تخمة من بعضها دى

ظالمة شوية
حسة فيها بنظرة حيوانية للأمور

بس فى نفس الولت
حسة كلامك واقعى

توهتينى

أسوور يقول...

الوردة السودة
للاسف كان نفسى ان الحب يكون أسمى وأرقى من كدة لكن الإنسان وخاصة الرجل هو الذى يسىء استعمال المشاعر لذلك اصبح الحب مجرد طريق للجنس لا اكثر لا اقل
نورتى المدونة يا وردة

gohayna يقول...

معلش
يا ياسمين

استحمليني
واوع تزعلي مني


عمر الي انتي كتباه دا مكان حب ابدا

وعملر مكانت النظره بين الراجل والست جنس وبس


ابدا


الحب احساس ملوش اتجاهات

متحكموش علاقه

حاجه كدا ملهاش تفسير

وفي نفس الوقت نادر الوجود
من وسط ملايين البشر لو سألتي كام واحد لقي الحب بجد هتلاقيهم بيتعدو علي الاصابع
وهما دول الي ممكن يوصفولك الحب كويس


اما الي بتتكلمي عليهم دول فدا عمره مكان حب ابدا

وعمر المرأه مكانت جسد فقط
هدف لجعل الرجل يشعر بالاستمتاع

ابدا

المرأه عقل وقلب وروح قبل ما تكون لوحه جميله او جسد مرغوب


الحب حاجه تانيه خالص يا ياسمين


تحياتي ليك يا قمر

الأرمـوطــي يقول...

انا رايى زى رايك بالظبت بس للاسف ناس كتير بتبقى عارفة الحقيقة بس مش عايزة تعترف ان التجازب الجنسى هوا الاساس بس فيه معادله صعبة مش قادر احلها ازاى الراجل والست يقدروا يقيموا ويختاروا الى هيشركهم حياتهم بعيد عن اى ضغط جنسى لان مثلا لو راجل منجذب لوحدة جنسياً لو هيا شخصيتها وتفكيرها مش منا سب ليه مش هيشوف ده لان الضغط الجنسى الى عليه هيصورهاله ملاك زى مثلاً لو واحد بقاله 3 ايام مكلش وبعدين اتحطت ادامه اكله مبيحبهاش هتبقى فى فمه زى العسل اذاى الانسان يفصل مشاعرة الجنسيه ويبص لعقل وشخصية الشخص الى قدامه بعيد عن جسمه لان متعة الحسم زى مقولتى بتروح ومبيفضلش الا الشخصية والعقل وطريقة التفكير طولت عليكى سلام

malak يقول...

كلانك خلو اوى ياياسمين بس انت نسيتى اهم نوع من الحب وبرضه الانسان بتولد بيه هو حب الامسان لربنا وده اهم نوع للحب

تحياتى

كلبوزة لكن سمباتيك يقول...

ازيك يا جميلة
الحب ملوش معني و لا تفسير غير في قلوب كل اللي بيحبوا لان كل واحد بيشوف الحب بنظرته

بفرح قوي بزيارتك ليه
ربنا يخليكي

مجهول يقول...

طبعا بيحصل يا يامسين
بس انا قلت ده مش حب
هو انا ححب زوجتي علشان بمارس معاها جنس او علشان هيا ام عيالي
ما هي زوجتي دي اساسا كانت حبيبتي
ليه بقا حبيتها من الاول
غريزه الحب في وجههنظري ليس لها تعريف
مش معني اني قلت اني بحب زوجتي علشان هي زوجتي ان ده مبرر لحبي ليها
وبعدين يعني لما هيا زوجتي
حبتها ليه؟
تقدري تقولي
انا اتكلمت عن اللي بيحبوا
اللي بيخلصوا
ميعرفوش سبب لاخلاصهم الا لانهم سعداء
سعداء بشعورهم بالحب
حبهم للي بيخلصوا له
شفتي بقا كان قصدي ايه
مش قصدي الحيوانات اللي بتتكلمي عنهم
اللي فاكر مراته كرسي ولا تلاجه في البيت
ام للعيال واهي واحده بيمارس غريزته معاها وخلاص
لا دول فعلا خلوا من عمق الحب
ميستحقوش اساسا ان حد يعرفهم ولا يكتب عنهم
...
سيدتي الغاليه
ما اردته في كلامي وامثلتي
اننا نحب
الام ليس لانها فعلت وفعلت
والحبيبه ليس لانها جميله و مش عارف ايه
والزوجه ليس لانها ام للعايل وامارس معها جنس
الاب ليس لانه من رباني
الرسول ليس لانه مرشدي ومعلمي
ليس لكل هذا فقط
بل نحبهم لاننا نجد سعاده لا ندري تفسيرها في الاخلاص لهم ومودتهم
نحبهم كأننا خلقنا وقلوبنا مشطوره لنصفين
نصف ينبض في جسدنا ونصف نبحث عنه في حياتنا
فإذا وجدناه ارتحنا واخلصنا واحببنا بجنون
هكذا هو الحب
ليس قائم علي تعريف فقط بل قائم علي شعور ليس معرف
..
تحياتي لك يا رقيقه

الدبور يقول...

طيب سؤال منطقي و ليه علاقه بالموضوع
ممكن مثلا الراجل يطلب كباب و ياكل و يدخل المحل اللي جنبه و ياكل كده
علي اساس الاختلاف في نوع الصنف
وده اللي بيخلي الرجاله تنحرف اختلاف المذاق و الاصناف

عبسميع يقول...

تصدقي ضحكت جامد وانتِ بتسألي عن معني الديليكون
هتلاقي معني الأسم تحت أسم المدونة

كائن غريب لا يطير وغير ثدي ولا ينتمي لأي فصيلة من الكائنات الأرضية أو غير الأرضية

الفكرة كلها في تيمة هزار بيني وبين اصحابي يعني نوع من انواع الأكواد حاجة زي كده
بس هو دا معني الأسم اي بكل بساطة ملوش معني غير مع مجموعة بعينها وانا طورته عشان يبقي اسم مستخدم ليا وبس
حالة خروج من الخصوص للعموم زي ما بيقولوا

بس
تحياتي

بسمه عبدالباسط يقول...

ياسمين
أعتقد أن الحب له معانى كتير وأنواع كتيرة بس أنا بختلف معاكى فى موضوع ان الحب بين الرجل والمرأة أساسه الجنس لان لو هو كده فعلا لية مثلا بنشوف واحد بيحب واحدة ويصر يتجوزها ومثلا بيكون شكلها مش حلو والعكس ما كان الواحد بقى أختار أجمل بنت والبنت أختارت اجمل ولد وفى عصرنا ده الشباب بيشوفوا بنات أشكال والوان وبيصاحبوا بنات وبيعملوا علاقات كتير لكن لية بتلاقي الواحد فجأة حب واحدة بس وساب كل البنات اللى كان يعرفهم مع أنهم ممكن يكونوا أجمل منها
الحب هو تلاقى عقلى وروحانى بتلاقى الأتنين متفقين مع بعض فى حاجات كتير زى تفكيرهم وطريقة عيشتهم وكل حاجة فى حياتهم
والدليل أننا دلوقتى وفى عصرنا ده الشباب بقى كل حاجة ممكن يعملها يعنى مش مستنى يتجوز علشان يشبع رغبتة الجنسية لكنه فى نفس الوقت بيدور على الواحدة اللى زيه اللى تشبه
وطبعا الأختلاف فى الرأى لا يفسد للود قضية
تحياتى

nohamy يقول...

كلامك ممتع ؟؟ بيفكرنى بقصائد نزار .. بس كلامه شعر و كلامك نثر

أسوور يقول...

جهينة
والله يابنتى أنا مقتنعة برأيك بس دة فى الأمنيات بس
اسألى كدة أى اتنين عاشوا قصة حب حكوا عنها الناس واتحاكوا بعد الجواز بكام سنة عن رأيهم فى الحب
وبعدين انتى بتقوليلى انا الكلام دة؟؟
يا ريت يقروه الرجالة اللى حولوا الحب لمجرد متعة والمرأة لمجرد متاع ونسيوا أو تناسوا أو مش عارفين أصلا وحاسين ان المرأة انسان له مشاعر وأحاسيس بيحب ويكره بيخطىء ويصيب بيتجرح ويتألم .. وهم كتير قوى على فكرة .. للأسف
لو سألتى أى راجل من الكتيييييييير قوى دول عن مراته هيقولك على طول .. انها نكدية .. كلمة نكدية دى معناها ايه فى قاموس الرجل؟؟
معناها انها زعلانة مبوزة مكشرة بس عمر ما راجل منهم هيقول ولا حتى هيفكر ان دة نتيجة حزن أو غضب أو جرح أو ألم
عارفة ليه؟؟
عشان هى فى نظرهم مش انسان له الحق فى كل دة .. مجرد عروسة .. أو جارية مش من حقها انها حتى تحزن أو تدمع أو تكشر فى وش سيدها ومولاها
على فكرة أنا بأتكلم من واقع الحياة
تحياتى

أسوور يقول...

الأرموطى
طب كويس انى لقيت حد موافق على كلامى
هى فعلا معادلة صعبة
كل اللى بيحصل غير اللى مفروض يكون
التجاذب الجنسى أولا وقبل كل شىء وانا موافقة لكن المشكلة ان التجاهل لآدمية المراة هو اللى غالب
بتتعامل على انها متاع للأسف
عشان كدة بتتحول الزوجة لمسمى زوجة نكدية .. دة لأن الرجل الشرقى لا يعترف بحق المرأة حتى فى أن تغضب لتجاهلها
ويمكنك أن تقرأ تعليقى على كلام جهينة للتوضيح
تحياتى

أسوور يقول...

ملاك
حب الإنسان لربنا هو حب موروث يا ملاك
يعنى أهالينا هم اللى بيعلمونا دة من الصغر وكل واحد فينا بيحب ربنا بطريقة اهله وديانتهم عشان كدة صعب اذكره لإننا مش عارفين اذا كان حب ولا تعود ولا وراثة ولا ثقافة
وهو ليس حب دنيوى بل حب غيبى .. صعب قوى انه يقارن ياى حب تانى دنيوى
تحياتى

أسوور يقول...

سمباتيك
عندك حق هو فعلا كدة .. بس من مراقبتى لناس حبوا وحلموا وعاشوا فى سحر الحب لاحظت ان دة كله مجرد وقت وانبهار بالجنس الاخر لا أكثر ولا اقل
اسألى أى حد متجوز وهو يقولك
تحياتى

أسوور يقول...

مجهول
تعرف .. انا عارفة ان مش دة الحب كشعور
بس انا شرحت أنواع الحب اللى موجودة فعلا فى واقعنا المادى الملموس
ولأن الحب اصلا شعور .. فهو اذن غير مادى وغير ملموس ولا يمكن تعريفه أو تصنيفه باى حال من الأحول
يعنى متفقة معاك .. بس مختلفة فى ان ما تحكى عنه موجود فعلا أو حتى يمكننا أن نضع يدينا عليه
كتير من قصص الحب الملتهبة تتبعتها بنفسى على مر السنين ولقيت ان الجميع .. بجد الجميع بلا استثناء يصلون لنفس النهاية بإختلاف المشهد الأخير فقط
اما اتنين حبوا بعض قوى .. اتجوزوا .. بعد سنين ملوا .. اتخانقوا .. اطلقوا
مشهد آخر
اتجوزا .. ملوا .. اتخانقوا .. انفصلوا بس عايشين مع بعض عشان العيال
مشهد آخر
ملوا .. اتخانقوا .. راح اتجوز عليها
أو .. ملوا.. راح عرف واحدة تانية وتالتة ورابعة
مشهد آخر
راحت شافت لها شوفة تانية برة البيت مع راجل يقولها كلمتين حلوين .. والحياة تسير جوة البيت

بذمتك مش دى مشاهد من الحياة
تحياتى لمثلك العليا يا آخر الرجال المحترمين بجد

gohayna يقول...

انا عارفه انك بتتكلمي من واقع الحياه

بس زي ما فيه واقع اسود فيه واقع ابيض
صحيح قليل

مش كل الرجاله وحشه علي طول الخط

وفيه ناس عايزه الحرق صحيح بالنار وهما ذادو اليومين دول

بس دا ميخليناش نبص للدنيا من منظار قاتم اللون

وبجد اوعي تكوني زعلتي من الي انا قولته احنا بنتناقش وعمر الخلاف ما يفسد للود قضيه

تحياتي يا اختي العزيزه

أسوور يقول...

الدبور
ما هو دة النوع اللى بنقول عليه طفس
ما بيشبعش
وزى ما الكل بيجيب أمراض
برضه الرمرمة بتجيبها
وعموما دة بيحصل يا اسامة فعلا انت عندك حق
واحشنى والله

أسوور يقول...

الديكيلون
شكرا للشرح المفسر
:))))

أسوور يقول...

بس بس
انتى كدة بتخلطى بين الرغبة الجنسية والجمال
على فكرة مش شرط خالص ان التجاذب الجنسى يحصل مع حد شكله جميل .. لأخالص .. خالص والا كان كل الناس اتجوزوا واحدة بس أو العكس
:))))
والحب جميل زى ما بتقولى وشعور وكلام من دة
طيب هلى تتبعتى أى علاقة حب لمدة 10 سنين مثلا؟؟
أنا تتبعت عشرات من قصص الحب لمدة تفوق الـ 10 سنين
ولقيت النتيجة واحدة بس شكلك صغيرة ومش عاوزاكى تتعقدى من كلامى الواقعى المؤلم
تحياتى

أسوور يقول...

بنى آدم مع وقف التنفيذ
كتر خيرك
تصدق رغم قصر التعليق الا انه رفع من روحى المعنوية الى عنان السماء
نورت المدونة بجد

أسوور يقول...

جهينة
انا مش زعلانة خالص على فكرة بالعكس أنا بافرح جدا لما بتعلقى عندى وفرحت أكتر لما لقيتك متابعة المناقشات
وانا مش ضد الرجالة أنا بس ضد الثقافة العامة التى يتبعها الأجيال سواء رجالة أو ستات
ما هو برضه فى ام بتعلم ابنها ان مراته ولا حاجة ولازم تمسح جزمتك يا ولد وادبحلها القطة وكلام من دة
والنوع البيض دة انا لسة ما قابلتوش .. ممكن بس برة بيوتهم لكن جوة بيوتهم مع زوجاتهم .. كله غوامق يابنتى .. الفاتح فيهم كحلى
تحياتى ونورتينى بجد

أحمد سلامــة يقول...

العنوان شدمي يا ياسمين
بس الموضوع ده محتاج كذا بوست
بصراحة مش متعود اعرف اتكلم في مواضيع مفتوح زي ما هو الحب و هل هناك حب حقيقي ام لا
كل اللي انا اعرفه وواثق منه ان :
انسان = خد وهات
طبعا موضوع الـ
physical attraction
ده مش شايف انه مفروض يكون عليه خلاف وإلا ربنا مكانش خلقنا نوعين
هو اساس العلاقه غالبا وبدايتها
إضافة الى ارضاء الغرور البشري المعتاد
لكن ازاي بتستمر ؟؟
ازاي بتنجح ؟؟
كام علاقه ناجحة
من كام علاقه غير ناجحة
بيتهيألي النسبه بتخلي الواحد يفكر شوية وبعدين يسكت

أسوور يقول...

أحمد سلامة
زى ما اتعودت منك
تحليل علمى ومنطقى واحصائى
فعلا الواحد يفكر وبعدين يسكت
نورت المدونة يا دكتور

Ahmed Shokeir يقول...

مش عايز اختلف كتير في تعريف الحب عندك بانه نوع من انواع التجاذب الجنسي فقط ، فأنا لأ أريد ان افهم من تحليلك ان الغرض من الحب هو إقامة علاقة جنسية ولكن من الأفضل ان نقول ان العلاقة الجنسية هي تطور طبيعي لعاطفة الحب وترجمة مادية لها تأتي في وقت توهجت فيه المشاعر الرومانسية ووصلت لمرحلة التوحد
أي انها ترجمة لمجموعة من المشاعر العاطفية
كماأن العكس غير صحيح فليس كل من يمارس الجنس يمكن ان يقال أنه يعيش حالة حب مع الطرف الآخر

لذلك لاتقلق الزوجة من الرجل متعدد النزوات العاطفية ولكنها تقلق من الزوج التي تكتشف إرتباطه بواحدة اخرى جنسيا ولمدة طويلة

ففي الحالة الاولى ليست علاقة حب والحالة الثانية هي حب بالتأكيد

مش عارف كلامي مفهوم ولا غامض ؟؟؟

بس جرأة تحسدين عليها في قول هذا الرأي

أسوور يقول...

أحمد شقير
انت بجد عندى هنا فى المدونة
أنا مش مصدقة نفسى
دة شرف كبيييييييير مش عارفة أنا قده ولا لأ .. بس بجد نورتنى
كل كلمة قلتها صح ولو مش موافقة عليها خلاص هوافق
بجد انا باقتنع جدا جدا برأيك لدرجة مش ممكن هتتوقعها
واظن فى مدونين كتير كدة زيى
ومش بعدم فهم .. لأ بإقتناع
وانت اثبت رايك بحجة لا يمكن تجاهلها
فعلا الست بتخاف من العلاقة الثابتة المستمرة لزوجها ولا تهتم أو تغفر العلاقات العابرة والنزوات
نورتنى بجد ويا ريت ما تقطعش الزيارة بابقى فخورة جدا لما أعرف انك قريت بوست لية
تحياتى

MoHaMeD HoSSaM يقول...

لعل الحب هو من اكثر المواضيع اثارة للجدل بين الناس واعتقد ان ما من تعريف محدد للحب

فالحب فى حد ذاته هو تعريف لعلاقة بين انسان وانسان اخر وما تكلمتى عنه هنا هو انواع الحب وليس تعريف الحب

فى رايى ان الحب كالروح سر من اسرار الله على ارضه وضعه فى نفس كل انسان دون استثناء ولكن بدرجات واشكال مختلفة
والتى تكلمتى عنها انت مثل حب الابن للام والابئاء للابناء

بالنسبة للعلاقة بين الرجل والمراة

فالحب يمثل الجانب الروحى فى العلاقة ويكتمل بالجانب المادى وهو الجنس
وليس ان الحب ما هو الا انجذاب جنسى فالانجذاب الجنسى هو نصف الحب وليس الحب كله

ولكن ما يحدث فى مجتمعتنا هو ما جعلنا نستقبل كل شى بشكل برمجة مسبقة للاشياء
فتصرفات الرجل يبررها له المجتمع ويتقبلها على عكس المراة
مما جعل هناك ازدواجية فى المعايير وما جعل الرجل هو سيد المواقف ويحكم من خلال وجهة نظره هو فقط
وهذا ما وصل بنا اننا اصبحنا نحكم على الاشياء بطريقة ذكورية بحتة على حد سواء رجال او نساء
دون شعور وهذا ما اساقنا للربط دائما ما بين الحب والجنس ووصفهم بشكل موحد وهذا قد ينطبق على الرجل فى ربطه بين الاثنين ولكن لا يرتبط على المراة وهنا الخطأ لكن هناك اختلاف تام بين الحب والانجذاب الجنسى

كان الرسول صلى الله عليه يقسم بين زوجاته عن العدل بينهم فيقول

-اللهم هذا قسمي فيما أملك فلا تلومني فيما تملك ولا أملك-

قاصدا انه يملك حبه الجسدى ويعدل به فى علاقته ومعاملته مع ازواجه ولكنه لا يملك حبه الروحى بينهم

أسوور يقول...

محمد حسام
ياااااه يا حسام
كلامك بجد عجبنى جدا رغم صغر سنك
واستشهادك بحديث النبى دليل على انفصال الحب عن الجنس بالفعل لكن انا والآخرين لم نفطن له
اقنعتنى برأيك وأتيت بالدليل فلا أملك انا الا أن أنحنى لفطنتك وفهمك لأمور الحياة وتأملك لكل كبيرة وصغيرة تدور حولك
واعجبنى جدا كلامك عن مسلمات المجتمع بمعاملة المرأة على انها جسد نتيجة ان الرجل هو القوى وهو الذى يفرض ما يفيده ويحولها الى مسلمات يؤمن بها الرجال وكثير من النساء ايضا
تحية كبيرة للعبقرى الجميل

R.R يقول...

السلام عليكم
قريت الموضوع وكمان قريت كتير من التعليقات اتفق واختلف
بس فى العموم الحوار جميل وانيق

ومش هزود عن أغلب الى اتكتب بس هتنقل خطوه تانيه لانى اما اقرى حاجه بحس انى الهدف هو الخروج بشىء اضيفه لاعانتى على الحياه
واعتقد هو ده الهدف من الحوار عموما انك تطلع بحاجه او تلفت نظرك لحاجه تانيه مبنيه على الكلام وده الى هتكلم فيه يا ياسمينا
بس هبدء الاول بالموضوع واتنقل للخطوه
الى اقصدها
الحب
تصدقى عمرى ما فكرت فى معنى الكلمه
غير اما احس انى بدأت اكره او بمعنى اصح-لانى الحمد لله مش بكره بالمعنى المقصود-اما حبى يقل لحد
ساعتها بقعد مع نفسى واشوف انا حبت الانسات ده او دى ليه وهل انا حبته بشكل اكبر من اللى يستحقه
وابتدى بقى لو علاقتى بيه هتستمر احطه على الدرجه اللى يستهلها
سواء بنت او ولد
مقتنعه بتقسيمك للحب وراى ان الحب مخلوق جوانا بالفطره وفى عوامل بتقويه وعوامل بتضعفه

حب الاهل حب الاصدقاء حب الزوج حب الطبيعه الحيوانات حتى الجماد منتى ممكن تحبى كمان شنطتك توكتك
ساعة ايدك

ومن هنا هتنقل للخطوه التانيه
فى راى انه افضل من معرفة ماهية الحب
هو معرفة ازاى نحافظ عليه ونربيه جوانا بشكل صحيح
كل انواع الحب
المشكله اللى بنواجهها مثلا مع الاهل عشان احنا واثقين انهم بيحبونا ممكن نتجاهل حاجات كتير وننسى حققوقهم عشان احنا موقنين بانهم هيسمحونا
عكس ما بنبقى منتهى الذوق مع الناس بره
وحتى مع الازواج بعد فتره من الزواج بيحصل كده بننسى اللمسات الجميله فى التعامل بنحس اننا بقينا خلاص ملك بعض
عشان مطولش عليكى
فى راى انه افضل ما نقعد نصنف الحب اننا نحافظ عليه ونوجهه لسعادتنا
واننا نتعلم ازاى نحب ونعرف ان الحب مش امتلاك للشخص سواء صديق قريب زوج
ونعرف اساسا ازاى نحب نفسنا

وده ميمنعش انى استمتعت بالحوار الراقى الى قريته عند تعليقات كتير
وعندك طبعا يا عزيزتى
تحياتى ياسمينا اسعدنى معرفتى لمدونتك الرقيقه

Unknown يقول...

ياسمين

إزيّك يا قمر
بصي أنا مختلفة شوية معاكي
علشان أنا مقتنعة إن الحب بين الرجل و المرأة مش مجرد رغبة جنسية وخلاص
لأن الحب أكتر من مستوى
عاطفي وحسي وعقلاني بدون ترتيب محدد
والتلاتة مسئولين عن تجدد بعض بمعنى لو الإنفعال العاطفي قل شوية
الإنجذاب الجسدي والتوافق العقلي ممكن يرفعوه تاني
وده اللي بيحصل
الحب عموماً كائن حي ومتجدد
محتاج رعاية ومجهود علشان يستمر وينمو
وصعب ينتهي بمجرد إنتهاء غرض أو إشباع لذة
ده رأيي

ليه نسيتي حبنا للحيوانات وحبهم لينا
بذمتك شوفتي حب زي حب كلب لصاحبه؟

تحياتي ليكي

أبو ضحى يقول...

رانيا قالت حاجة مهمة كانت غايبة عنى، و عن الكثيرين..ازاى نحب نفسنا

و فى رأيى الموضوع ده مهم جدا، لأنه لكى نحب الاخرين من حولنا يجب أن نحب أنفسنا أولا
و من ليست لديه القدرة على حب نفسه لن يكون قادرا على حب الاخرين

لأن: فاقد الشئ لا يعطيه

أسوور يقول...

r.r
أولا اشكرك على لطفك واطراءك على البوست والحوار كمان
تعرفى انك لفتى نظرى لنقطة مهمة جدا جدا .. صحيح الحب بيفسد فعلا نتيجة اعتباره شىء مضمون .. يعنى لو ما اتعملهوش صيانة أو حافظنا عليه بيفسد زى اى حاجة فى الدنيا .. محتاج نرعاه مش نثق فى وجوده ونعتبره شىء مسلم به .. دى نقطة مهمة جدا واظنها هى السبب الرئيسى فى فساد العلاقات بأكلمها .. علاقة الأهل .. الزواج .. الصداقة
اشكرك على الإضافة القوية المهمة وأوعدك انى اضعها دائما نصب عينى فى المستقبل
نورتى المدونة بجد

أسوور يقول...

أميرة حبيبتى
نورتينى يا ست الكل
والله عندك حق فى موضوع حب الحيوانات دة أنا كان عندى قط حبنى لدرجة الجنون هبقى أحكيلك عليه فى التليفون بقى
أما بالنسبة لموضوع الحب العقلى والروحى والجسدي انا موافقاكى لكن مين تانى معانا .. والدليل ما تؤول اليه كل .. وليس بعض .. كل العلاقات الزوجية بعد فترة طالت أو قصرت
دى مجرد أمنيات يا أميرة .. بجد مجرد أمنيات
وحشتيييييينى

أسوور يقول...

ابو ضحى
فعلا يا ابو ضحى رانيا لفتت نظرنا لدة
لازم نتعلم نحب نفسنا
وأعتقد أن كل اللى ما بيعرفوش يحبوا أو بيخدعوا أو بيخونوا أو بلتفوا فى حياتهم حول الأمور هم فى الأصل ناس مابتعرفش تحب نفسها عشان كدة مش بيقدروا يقيسوا مشاعر الناس واحاسيسهم لأنهم فقدوا القدرة على الشعور حتى بأنفسهم
كالمعتاد طبعا ابو ضحى متابع للنهاية
شكر كبير وتحية لصيد التدوين الرائع ابو ضحى

yamen يقول...

اقولك انا ازاي تفرقي:
(و بالمناسبة..اسف علي التاخير بس انا كنت مسافر ولسه جاي)

شوفي ياستي..
الحب (الحقيقي طبعا)شعور مبني اساسا علي وضوح الرؤية للشخص الاخر وده الشرط الاول..
يعني كل طرف لازم يكون شايف الطرف التاني كويس جدا بعيوبه ومميزاته وبصورة واضحة وموضوعية مش راسمله صورة وهمية نابعة من احتياجاته هو..

تاني حاجة ييجي القرار او الاختيار..هاتقوليلي قرار ايه ده حب..هاقولك لا..

الحب مسئولية قبل اي حاجة..يعني اللي بيحب فكرة معينة او دين مثلا بيكون مسئول عنه و اللي بيحب شخص معين بيتحمل نتيجة الحب ده مسئولية ما عن هذا الشخص..

و المسئولية هنا تكمن في اعطاء الاهتمام و تحمل العيوب والاخطاء للشخص الاخر ودي مسئولية مش سهلة..

و في حالة ان الشخص مايتحملش المسئولية دي بشكل جدي فنفهم من هنا انه ماكنش عنده حب حقيقي ولا حاجة وزي ما قلنا قبل كده يا اما كان متعلق بالقصة او مسروع علي الجنس وطبعا المشكلة في الموضوع ده انه مابيبانش غالبا الا بعد الجواز..انما اللي عنده شوية موضوعية يقدر يستشف ده قبل كده في فترات التواصل اللي بتحصل قبل كده
تالت حاجة بقه وهي ان العلاقة دي تكون بناءة يعني تدفع بالطرفين الي الامام و الي تطور مستمر..

فاذا العلاقة دي ادت بالطرفين او واحد فيهم الي الخلف فده معناه ان العلاقة فيها خلل من طرف واحد علي الاقل..

طبعا هلاقي ناس تقولي ايه الكلام المعقد ده.. وشعارات حلوة زي "الحب ابسط من كده بكتير" و"يا راجل يامعقد" انما انا قلت اللي عرفته وعشته

تحياتي واشوفك في بوست جديد

محمد صلاح العزب يقول...

أنا موافق جدا على كلامك
ومن الناحية التانية الجنس في أحيان كتيرة جدا بيولد الحب

david santos يقول...

THANKS FOR YOU WORK, AND HAVE A GOOD WEEKEND,

The Alien يقول...

ملوش تعريف
واللي يقول أي حاجة
يبقي أي حاجة تانية غير الحب

تحياتي

Carol يقول...

أنا مش معاكي يا ياسمين خالص
!!!
طبعا الحب فيه جزء تتحكم فيه الرغبة الجنسية و لكن لأننا بشر فألله أعطانا ميزات كثيرة
أعطانا كيفية تذوق الحياة
أعطانا المشاركة و العاطفة
أعطانا أرواحنا البعيده عن الجنس و حب الجسد
أعطانا الإبتسامة التي ميزنا بها عن باقي المخلوقات

عشان مايكونش جواز تقليدي و و تتحكم فيه العشرة لأزم كل أثنين يدوروا على هدف لحياتهم عن طريقة كل واحد يساعد الاخر لعيش حياة أفضل
و ابتكار فن الإستمتاع بالحياة معا لرسم أبتسامة على وجوه فقط و لا
هدف أخر وراء ذلك

يمكن أنا بتكلم بمثالية
و بحاول تحقيقها
بدلا من أخذ حكايات الناس الحولنا من المسلمات
فمثاليتي تجعلنى أفكر كيف أعيش بصورة أفضل

gohayna يقول...

انا جايه امسي بس علشان وحشتيني

عامله ايه؟

raspoutine يقول...

الحب
اللى اعرفه عن الحب انه
وحى من الاله
يعنى ملناش فيه دخل
سبحان الله

حسام مراد يقول...

الحب هو كل شئ

حسام مراد
شغال

shady يقول...

فعلا الحب مرتبط بالجنس .. انا قلت ان الجنس ركن في العلاقة .. والملل بيحصل في أغلب الحالات فعلا .. اللي قصدته بالفشل مش مجرد الطلاق .. ممكن جدا في اغلب الحالات يحصل برود متبادل .. أو ما يسمي بالخرس العاطفي .. أما ازاتي نتفادي الملل دا .. بالتغيير باستمرار في الكلام والتصرفات والمعاملة والخروج .. الخ .. بالصبر \.. علي تقلبات الطرف التاني .. انا مش متجوز بطبيعة الحال .. بس قلت أخمن

BinO يقول...

مناطق خفية في أعماق كل مننا
مناطق الحزن
أحد هذه المناطق لا يستطيع احد ان يراه غيرنا
ولا يتحمل أحد أن يتعامل مع تلك المنطقة غير أنفسنا
فاذا فوجدت من يلمس هذه المنطقة
يحسها
ويطيبها
فهنيئاً
هناك من يحبك


علي فكرة موضوعك اللي قلتي حتكليمي فيه ولم تفعلي
منتظر !!!!

Ahmad Hegab يقول...

عندك حق فى حاجات كتير مع اختلافى معاكى فى نقطة انهم زهقوا من بعض ممكن يكون فى مشاكل فى العلاقة بس مش زهق

تحياتى

أسوور يقول...

يامن
حقيقى كلامك مقنع
وضوح الرؤية والمسئولية
عجبتنى جدا نقطة المسئولية دى
وصحيح لو كل واحد اتعامل مع الحب على انه مسئولية أكيد العلاقة هتنجح
شكرا لتوضيح نقطة مافكرتش فيها فعلا قبل كدة

LAMIA MAHMOUD يقول...

يمكن من منظور معين يا ياسمين

معلش .. مش موافقة

(وش مكسوف)
D:

أسوور يقول...

محمد صلاح عزب
الجنس يولد الحب
انا فى رأيى ان الحب هو جنس أصلا ولكن ليس كل جنس حب

أسوور يقول...

The Alien
فهمت من تعليقك انك مختلف معايا
انت شايف انه مالوش تعريف وانا شايفة انه فى الاصل رغبة جنسية
لكن اختلاف الرأى لا يفسد للود قضية
نورت والله واحشنى بجد

أسوور يقول...

كارول
والله أنا هبقى مبسوطة لو عرفتى تثبتى ان نظريتى غلط
ونفسى تنجحى فعلا
بس احب اقولك انى حاولت كتير واعترضت كتير على ىراء مشابهو وأنا هنا كل اللى باعمله انى بأعترف انى كنت غلطانى
نورتينى يا سكر

أسوور يقول...

جهينة
انتى كمان واحشانى يا دكتورة
نورتى بجد

أسوور يقول...

راسبوتين
طب لما الحب من وحى الإله .. هل برضه التوقف عن الحب من وحى الإله
ولما ييجى الوحى والناس تتجوز وتخلف ايه اللى بيخلى الوحى يبطل ينزل عليهم بالمشاعر
مش عارفة يا يامن مثالياتك الشديدة دى أعمل معاها ايه؟
انت وحشتنى قوىىىىىىى

أسوور يقول...

حسام مراد
ماشى يا سيدى .. كل شىء كل شىء
نورت المدونة

أسوور يقول...

شادى
شكرا لتخمينك ويا رب يطلع طريقة مفيدة
:))))
طب ليه المتجوزين بيحبوا يخرجوا مع واحدة تانية ويفضلوا دة على الخروج مع الزوجة؟؟؟

Eric Matt يقول...


ياسمين يا عزيزتي

انت مش تستأذنيني اكتبي في اللي انت عايزاه

انا لما قصدت انا مش عاجبني انا بس قصدت مش موافق على الراي ده

انا مع جهينة تماما في رايها

وانت عندك حق بس في حاجة

الكتير قوي اللي بتقولي عليهم دولا
فيه اكتر منهم بيؤمنوا ان الحب مش جنس بس

صدقيني

بس انت للاسف تجربتك مأثرة عليكي جامد

ربنا يرزقك باللي يسعدك طول العمر يا رب

ربنا يكرمك يا ياسمين يا رب

تحياتي لك من ماناساس البلد

أسوور يقول...

بينو
اخجلتنى كلماتك الرقيقة عن المناطق الخفية فى اعماقنا
لكن لماذا لا تستمر المشاعر حتى بعد لمس المناطق الخفية؟ لماذا تتغير وتندثر مع الوقت؟؟
تحياتى

أسوور يقول...

أحمد حداد
لما تتجوز هتيجى تقولى انك عرفت يعنى زهق
هتقولى كل حاجة كويسة بس انا زهقان
على فكرة المراة بتزهق برضه بس ما بتقولش
نورت ياأحمد

أسوور يقول...

لمياء محمود
مكسوفة ليه يا لمياء .. مع انك ثورجية ومتمردة على كل ثقافة بالية ضد المرأة
هو الجنس مش من حق المرأة ؟
نورتينى

أسوور يقول...

the groom
أنا عارفة انك مش موافق وان فى ناس كتير مش موافقة
لكن برضه هى دى الحقيقة..للاسف
تجربتى الشخصية مش هى اللى علمتنى دة .. أنا كنت الوحيدة المعترضة .. بس بطلت أعترض وعرفت انى كنت مثالية شوية
عموما اشكرك على عودتك واهتمامك بالتعليق
ويارب يسمع منك ويستجيب لدعواتك لية
تعرف انت تستاهل كل خير
تحياتى لكل الحبايب فى ماناساس البلد

LAMIA MAHMOUD يقول...

الجنس حق من حقوق المرأة .. والوش المكسوف كان عشان بقول اني معترضة بس


لكن انا معترضة على ان الحب في اساسه كيميا جنسية

ما ممكن الكميا الجنسية تتولد بين اتنين ويبقوا عارفين انهم مبيحبوش بعض


الجنس في الحب هو وسيلة للتوحد زي ما قلتي للتعبير عن مشاعرنا لكن مش اساسه

بس هو ده رأيي

LAMIA MAHMOUD يقول...

بالنسبة لنقطة الزهق يا جميلة
فالزهق ممكن يتولد في اي علاقة ينقصها التجديد

يعني ممكن ارتبط واحب وقبل الجواز ومفيش جنس ومازلنا لم نتذوق بعضنا البعض

ومع ذلك يدخل الملل العلاقة

وممكن مع الجنس وبعد 20 سنة وتبقى كل مرة زيها زي اول مرة

الفكرة في قدرة ال2 على التجديد والابداع في علاقتهم

ولا اية رأيك؟؟؟!

أسوور يقول...

لمياء محمود
فهمت دلوقتى معنى الوش المكسوف
وفهمت تحليلك وتعريفك
هو ممكن يعنى اتنين يحبوا بهض من غير ما يبقوا عاوزين يتجوزوا؟
أى بدون رغبة فى ممارسة الجنس
ممكن؟؟؟؟

Ahmad Hegab يقول...

هىهىهىهى

جواز ميــــــن انا عقبال ما اتجوز مصر حاتكون خدت كاس العالم

بجد ممكن ماتجوزش الا لما الاقى واحدة مينفعش ازهق منها

أسوور يقول...

يا سيدى وهو مين يعنى عاوز يتجوز
وبعدين يا رب تلاقى واحدة ماتزهقش منها ابدا هو حد يكره؟

shady يقول...

سؤال ممكن نعتبره ساخر .. ليه المتجوزين يفضلول الخروج مع واحدة غير الزوجة ؟

والله ممكن دا يكون لعيب في الزوج نفسه (في ناس قليلة الأصل ) وممكن دا يكون لعيب في الزوجة نفسها (مش محافظة علي شكلها أو مش بتحاول تبقا جميلة في نظره ) وممكن دا يكون حالة مشتركة (الاتنين مش قادرين يتوافقوا مع التغييرات اللي حصلت للشخيتين بعد الجواز .. أكيد مش هما نفس الاتنين اللي كانوا في أول حياتهم الزوجية ) .. أسئلة تانية ؟

Esmeralda يقول...

بصى يا ياسمين
انا بافكر كتير فى موضوع الحب داه
اقصد ليه شخص ما ينجذب لاخر بالذات
فيه اسباب و لا هو توفيق من ربنا بس؟؟؟
ربنا حط فينا العاطفه ديه زى ما حط فينا الشهوة و خلق لينا العقل اللى يوازن بين الاتنين
مينفعش الحب كده لمجرد الحب و فيه شهوة و العكس برضه
و بعدين الحب زيه زى اى عاطفه تانيه محتاج توازن و عقل مش زى مابشوف فى الافلام

LAMIA MAHMOUD يقول...

ما هو رأيي باختصار شديد .. ان الجنس مش اساس الحب هو عنصر من العناصر اللي موجودة في الحب .. يعني البني ادم مش بيحب عشان يمارس الجنس .. هو بيمارس الجنس عشان بيحب

بدليل ان ممكن تبقى الكيميا عالية اوي بين اتنين وعارفين انهم مبيحبوش بعض
وده موجود كتير في مجتمع غير مجتمعنا

صح ولا اية؟؟؟؟

حدوته مصرية يقول...

متهيألى لو الحب اطار للجنس فعلا كنت ابقى عايز اتجوز اجمل واحدة و بالشكل مش بالعقل و ده اللى اكيد مش بفكر فيه

بس انا معاكى ان مجتمعنا بيبص للمرأة بالنظرة دى ساعات كتير

و زى ما بتقول ماجدة الرومى فى (كن صديقى) على الرجل الشرقى
فلماذا تهتم بشكلى ولا تدرك عقلى؟!!

و تحياتى

Ahmed taher يقول...

ازيك يا ياسمين انا جديد هنا وقريت البوست بتاعك بالصدفة ...و ليا تعليق

اولا الحب ليس هو الجنس ابدا وليس هذا خيالا او وهما بل واقع وانا متفق مع لمياء ان الجنس ليس اساس الحب بل العكس هو الصحيح فلن تحلمي بعلاقة حميمية في اطار شرعي بالطبع "الجواز "ابدا مع من لا تحبيه ..اذا الحب هو الاساس وليس معني فشل البعض بعد الزواج ان يكون ذلك معمم فالخطأ قد يكون فينا نحن وليس في الحب ...
والحب مثله مثل اي شئ يحتاج للتغيير والتجديد والتطور بما يحافظ عليه دائما ...
وصدقيني نجاح الحب او فشله يعتمد في المقام الاول على افكارنا نحن وليس شئ اخر .... فبماذا نؤمن وماذا نريد وهل نفهم معناه في الاساس ...؟؟
وبالتاكيد فعندما تؤمنين تودين ان تشاركي من تحبيه العلاقة الحميمية ولا اود ان اسميها العلاقة الجنسية ...
فهي اساس التوحد لمن يتحابون وهي ليست مجرد رغبة سطحية اذا فعلتيها تبحثين عن غيرها ....
بل هي جزء من ثقافة الحب في الاطار الشرعي ....

ليس الجنس اساس كل شئ بل الحب
فالجنس بغير حب مجرد شهوة تقتضى ..
والحب بغير جنس ... يصير حبا ناقصا ..
والحب جائز بنية الزواج والجنس لا مكان له بغير زواج.... تحياتي لكي

دوللي يقول...

اهلا ياسمين وحشتيني
بصي كل الانواع دي في رأي نوع واحد و هو حب المصلحه يعني الابن بيتولد بيحب اهله لانه طلع لقي مصلحته معاهم بدليل ان في ابناء كتير بمجرد انهم يكبروا ويتكون ليهم رأي و وجهة نظر بتلاقي ان كل اللي بيربطهم بأهلهم هو الواجب و الطبيعه و ليس الحب و ايضا حب الاصدقاء من الممكن انه يكو مبني علي المصلحه حتي بدون علم طرفيه يعني مصلحه ان كل من الصديقين يلاقي اللي يسمعوا ويقف بجانبه اما بقي عن حب الرجل و الانثي فده بقي انواعه لا تحصي و افتكر ان كل واحد بيحب لسبب مختلف عن الاخرين و طبعا كتير بيكون الحب ده عشان مصلحه و المصلحه دي مش شرط تكون الجنس و لكن حاجات تانيه كتير زي مثلا الستر و الخلفه يعني وعندك بقي من ده كتير
و لكن
انا بقي رأي ان الحب الحقيقي هو اللي بيتبني علي الاعجاب بالشخصيه و ليس بالجسد وليس لتفادي الوحده و ليس للفطره يعني الواحد يحب ابويه لاعجابه بهم و بتعاملتهم و شخصيتهم و يتمني ان يكون مثلهم
و الرجل و المرأه عندما يجمعهم الحب الحقيقي يستطيع كل منهم ان يتكيف مع الاخر مش بس عشان العشره و لكن للحب
تحياتي ليكي يا ياسمين واتمني اشوفك قريبا ان شاء الله

أسوور يقول...

شادى
اشكرك على المتابعة والإجابة على الأسئلة المطروحة
واجابتك حقيقى مقنعة ..
شكرا يا باشا

أسوور يقول...

ازميرالدا
أنا موافقة على كلامك فعلا
ماينفعش حب من غير شهوة
وماينفعش حب من غير اقتناع عقلى
لكن برضه ما يبقاش حب بين ذكر وأنثى الا وكان قائم على رغبة جنسية
تحياتى يا سكرة

أسوور يقول...

لمياء محمود
فهمت قصدك وموافقاكى عليه
وصحيح بيبقى فى ساعات كيمياء عالية بين اثنين مش فى مجتمعنا لكن لو دة حصل عندنا البعض يظنونه حب ودة بيحصل كتير وساعات يرتبطوا نتيجة لذلك ويتجوزا كمان
وفى ناس تحب وبعد ما تحدث بينهما تجربة جنسية يبدأ الحب يروح مع الوقت نتيجة عدم تشبع عنصر هام من عناصره وهو الجنس
فاهماكى والله وموافقاكى واشكرك جدا على المتابعة ايتها الألمعية لمياء
بجد اسمك منور المدونة عندى

أسوور يقول...

محمد ياسر
على فكرة الجنس والرغبة الجنسية والحب مالهمش علاقة ابدا ابدا بالجمال
دة لأن لو تزوج رجل من جميلة الجميلات أو ملكة جمال بلده مثلا بعد قليل يشعر بشىء اسمه الإعتياد
اعتياد الشكل ودة بيحصل برضه لما واحدة بتتجوز واحد شكله وحش او العكس
بس اشك جدا جدا ان فى راجل بيتجوز واحدة عشان عقلها .. دى اسطورة وخرافة كبيرة

أسوور يقول...

أحمد طاهر
أعجبنى تعليقك واتفاقك مع لمياء محمود
لكن أنا بحلل الحب اصلا فى حد ذاته
ليه بيحصل حب ..؟؟ عشان دة حاجة حطها ربنا جوانا اسمها بقاء النوع
نحب يعنى نتجوز يعنى نمارس الجنس يعنى بقاء النوع
تحياتى ونورت المدونة والمدونات عموما
هأروح اشوف مدونتك حالا

أسوور يقول...

دوللى
انتى اللى واحشانى قوى على فكرة وأنا سالت عليكى سهر الليالى كتير
اتمنى اشوفك قريب يا سكر
والله موضوع المصلحة دة محتاج بوست لوحده
ما تشدى حيلك كدة وتكتبى الكلام دة فى بوست يكون عنوانه مثلا ..
الحب والمصلحة.. أحدهما أو كلاهما
نورتينى ومقتنعة بكلامك جدا

Ahmed taher يقول...

عزيزتي ياسمين
الحمد لله ان تعليقي عجبك ..
عزيزتي ... انت وضعتي حلقة الحب والجنس كالاتي حب ثم زواج ثم جنس ثم بقاء..
وان بدا ترتيبك منطقيا الى حد كبير الا انه انتقص شئ مهما للغاية من وجهة نظري بين الذكر والانثى . الرجل والمرأة الا وهي التعارف والسكينة
فانتي وان وجدتي صديقة وان كانت انتيم جدا ليكي
بحاجة دائم لرجل لا لكي تمارسين معه الجنس ولاكن لكي يحتويكي وتسكني بداخله ويسكن بداخلك
فيكون سكنا لك وتكوني سكنا له

البقاء سمة اساسية ولاكن ليس كل السمات او اهمها فقط....

أسوور يقول...

أحمد طاهر
شكرا للمتابعة برضه
شوف السكن والكلام دة مطلوب جدا طبعا
وربنا خلانا نحب ونختار شخص واحد نحبه عشان موضوع السكن دة بالذات حتى يفرقنا عن الحيوانات
المشكلة ان الناس بتنسى حكاية السكن دى بعد شوية ودايما بيكون الراجل هو اللى بيبتدى يدور على الإثارة والنشوة والمغامرة التى لا تتوفر ولا تجتمع مع موضوع السكن فيبحث عنها ودة بيحطم البيت والسكن معا
ولا انت مش معايا؟؟
كمان انا معاك ان الجنس لوحده من غير طرف تانى ماينفعش وما يشبعش .. الطبيعى وجود جسد بشرى فى الموضوع .. دى بقى نقطة عجيبة مش فاهماها بس اعتقد انها برضه غريزة ترتبط بغريزة بقاء النوع
واشكرك

Ahmed taher يقول...

ياسمين لا اعرف لماذا تصرين على مسالة بقاء النوع وانا معك فيها كسبب ولاكن ليس اهمها وهي ليست كل الاسباب ثم لماذا تتعجبين من ضرورة وجود جسد بشري لممارسة الجنس ومن هنا ياتي سؤالي لماذا لا تنظرين الي الرجل والمرءة على انهما مكملان لبعضهما هما ليسوا متسواويان ولاكن مكملان لن اقول من الاكبر نسبة لا يهمني ...
لا تنظري للعلاقة على انها جسد فقط ففي الغرب الجنس لديهم يباع ويشتري وله مؤسسات علنية تحيمها الحكومات ويتفننون فيه .... وهذا ما يضع العلاقة في اسوء وادني اشكالها ...
الحب شئ عظيم وبالرغم ان الجنس محرك اساسي الا ان التفكير كثيرا فيه يقلل من قيمة الحب ...
فقد احببت انا وكنت اعرف اني لن اتزوجها ولاكني احببت لان الحب جميل ولم افكر فيها خارج الزواج
عزيزتي
الجنس دقائق والسكن حياة
وانا احب ان اسكن حياة دائمة على ان احيا دقائق من المتعة ...
ارجو الا اكون ضايقتك بمشاركتي ...
انتظر تعليقاتك عندي
taher2all@hotmail.com

أسوور يقول...

أحمد طاهر
احساسك بالحب جميل وممتع
والدنيا وجهات نظر
والتجارب الشخصية تنعكس على حكمنا ونظرتنا للأمور
الجنس شىء اساسى للحب
والحب شعور اعطاه الله لنا لكى يميزنا عن الحيوانات حين نرغب فى الجنس الاخر
بس خلاص

حواء يقول...

ياسمين
الحب أعظم مافى الوجود
الحب حاجة كدة بتشبع كل الرغبات
إلا رغبة واحدة وهى الشعور بالرغبة الدائمة فى القرب من الحبيب وأرى أن الحب لو حقيقى وصادق فإن الجنس غالبا
مايكون وسيلة للقرب والتعبير عن مشاعر التوحدوالحب الكامن فى الاعماق
والذىلاينتهى أبدا بمجردلقاء جنسى فهو أسمى من ذلك

admelmasry يقول...

ياسمين
ـــــ
مع الاعتزار لاني مش متقف معاكي في نص كلامك تقريبا
.
.
حصر معني الحب في انه مجرد التقارب الجنسي بين اتنين هو اضيق وجهة نظر لتعريف الحب
.
.
ثم ان السؤال كدا اصلا غلط
تصوري بقي ؟؟؟
بعد كل دا السال طلع غلط
.
.
لان الحب انواع كتييييييييييير
طبعا انتي لما قولتي النوع التالت انا قعدت ادور ع التاني اصلا ما شوفتوش
انا عديت من بتاع الذكر والانثي للتالت وش
مش لاقي التاني
.
.
لكن ما علينا
.
.
دلوقتي الي عايز يعرف معني الحب .. يوضح الاول .. اي نوع من انواع الحب عايز يعرف
.
.
والا لو كان السال مفتوح يبقي برده لازم تكون الاجابة اكثر انفتاحا
.
.
ياعني لو ايه هو الحب ؟
اقول عاطفة بسبب او بدون سبب بين اتنين
.
.
طب ايه هو الحب بين الذكر والانثي ؟
طب ايه هو حب النثي لغريزة الامومة ؟
طب ايه هو حب الصديق لصديقه؟
طب ايه هو حب الانسان لفكرة ؟
طب ايه هو حب الانسان لربنا ؟
طب ايه هو حب الانسان لشهواته
زي المال والولاد والخ ؟
.
.
الانواع هتلاقيها كتيييييييييير
جدا جدا
صعب الحصر طبعا
.
.
وكل نوع من دول اكيد ليه الطبيعه المختلفه عن النوع التاني
.
.
يبقي صعب جدا اننا نفسر ان اي تقارب بين اتنين هو مبني في الاول والاخر علي اساس جنسي
.
والا تفسري بايه حب الانسان مثلا للشهادة في سبيل الله ؟
او حب الانسان مريض لتعذيب نفسه مثلا
اشكال ياعني
.
.
ياريت ما نحددش كلامنا او اجابتنا
علي انها قناعتنا او معتقداتنا
لانها سعات بتكون بدرجة كبيرة مش دقيقة
.
.
ياريت تكون الاجابة بقدر السؤال
.
.
ومش لازم نقع في الفخ اللي نصبه السائل اصلا
.
.
لازم اللي بيجاوب يكون اذكي من اللي بيسال
.
.
الموقف بين الاتنين .. واحد عارف وواحد مش عارف .. عشان كدا واحد بيسال والتاني بيجاوب
.
.
اسف ع الاطالة
مع تحياتي
والسلام

أسوور يقول...

حواء
انتى انسانة حساسة ورومانسية عشان كدة بتعرفى الحب كدة لكن هل هو فى الواقع كدة؟
هل يتعامل معه الناس على انه كدة؟؟
يمكن دة راى المحبين فى بدايات العلاقة .. مش فاهمين .. اسأليهم بقى بعد ما يتجوزوا بكام سنة أو راقبى بنفسك من حولك وانتى تعرفى ان وصفى للحب صح .. للأسف
نورتى المدونة يا ست الكل

أسوور يقول...

آدم المصرى
لو قريت البوست كويس يا آدم هتلاقينى ذكرت 3 أنواع
أولها كان حب الاباء والأبناء والأهل
وثانيها كان حب الذكر للأنثى
وثالثها كان حب الناس والصدقاء والجيران عموما

وبعدين أنا بقول وجهة نظرى ورايى فى حب الذكر للأنثى والعكس ايه بقى علاقة دة بحب واحد لتعذيب نفسه أو حتى حب واحدة لقلم الروج
عموما انا اخترت الأنواع دى فى البوست بتاعى وقلت رايى بناء على معتقداتى طبعا وتجاربى الشخصية وانت لو ليك راي تانى قوله
فى ناس كتير علقت واختلفت معى وأنا بأرحب بأى رأى حتى لو كان مخالف
نورت المدونة يا آدم .. فينك يا عم بقالى كتير ما شفتكش عندى وازى اخوك الشقى؟

admelmasry يقول...

اشكرك كثيرا علي تقبل الاختلاف

فقلما ما اجد شخصا كهذا .. اشكرك مرة اخري واغفري لي اندفاعي وقسوة لهجتي بعض الشيء
.
.
تحياتي لك
والسلام

rainbow يقول...

hi ya gameel love as you said is of diffrent types but when some one asked you what is love he ment love between a man and a women and this kind of love made every one gives an explaination from his point of view and this depend upon his nature eastern or western and finally who said love is not necessary end with sex is lyier real love should end with sexxxxxxxx but sex should not end with love as sex is the final distination of real love mesh keda walla eah ya kamar

hesterua يقول...

عاوز اقولك

ان قد اكون مش متقبل تحليلك ككل

من ناحية ان دافع الحب بين الجنسين جنسى

الا ان برضه حاسس ان فى جانب كبير من الصح

قد اكون بضحك على نفسى , او بتقمص دور المثالى , او الرومانسى

بس عموما البوست جميل ومفيهوش فزلكة

أسوور يقول...

آدم المصرى
شكرا لمتابعتك ومستنية رايك بجد
مش يمكن انت تعلمنى حاجة جديدة عن الحب
كلنا بنتعلم من بعض ومن آراء وتجارب الاخر يمكن تكوين وجهات نظر جديدة
تحياتى

أسوور يقول...

رينبو
ممكن يكون السؤال موجه عن الحب بين الذكر والأنثى بالتحديد لكن لما كتبت حبيت أعرف بعض أنواع للحب موجودة فعلا

اما تعريفى لحب الذكر والأنثى انت عرفت رايى فيه وهو الحب عموما بيعيش قد ايه بعد الزواج؟
علاقة الحب بالجنس قوية جدا وأنا بأعتبرهم حاجة واحدة اساسية مع بعض العوامل الأخرى الغير اساسية
بدليل ان اعتياد العلاقة يبعث على الملل عند الكثيرين ويبقى بعد ذلك الضمير .. المودة .. الرحمة .. السكن وهى دى الحاجات اللى بتخلى الجواز يستمر عند اللى بيضع تلك المسميات فى الحسبان
الضمير .. المودة .. الرحمة .. السكن .. الشعور بالاخر .. هى مشاعر انسانية بحتة ليس لها علاقة بالحب كتعريف للجنس وليس لها علاقة بالجنس كغريزة اساسية فى جميع المخلوقات
دى الحاجات اللى بتخلى الناس تكمل مع بعض وتعمل حساب لبعض مش الحب

أسوور يقول...

hesterua
اشكرك على صراحتك الشديدة و وضوحك بدون فزلكة فعلا
احنا كآدميين بنحب دايما ننفى الغرائز الحيوانية عننا فى حين ان ربنا خلقنا بيها برضه من غير فذلكة
ومجتمعنا ينكر ان نصرح بذلك
وشرقنا ينكر ان نفكر حتى فى ذلك
نورت المدونة
تحياتى

كراكيب عادل يقول...

كل التعليقات الي اتقالت دي وكلامك وكلام ناس من الاف السنين ومازال للحب معاني كتير تهبط احيانا فتكون في القاع وتسموا احيانا اخري فتلامس السحاب تهمس احيانا فتكاد لا تسمع وتصدح احيانا فتسمع الكون هكذا الحب شد وجذب احلام تحت ضوء القمر

او واقعية بين زوجين
صداقة تتحول لحب بين زميلين في العمل
زملاء دراسة يصبحوا عشاق وهكذا

قصص حب فاشلة تدمي القلوب واخري نظنها ناجحة
واخيرة ولدت بدون اي تدخل وفي منتهي السهولة وعاشت ونمت وكانت الافضل

مش هنخلص يا ياسمين كلام كتير بس الغالب بيكون جميل ومنهم كلامك

تحياتي

أسوور يقول...

كراكيب عادل
انت لخصت الموضوع كله فى تعليقك
صحيح الحب له صولات وجولات منذ ىلاف السنين

نورت المدونة ياعادل
ما تغيبش كدة تانى بقى

dr_lazeez يقول...

kalam gameeeel :)
kalam ma32ool ma2darsh 2a2ool `3ar keda :)
2aham 7aga fel 7ob el seka mish kida wala eah :)
ya salam 3ala keda ya salaaam :))

أسوور يقول...

dr_lazeez
اصل يعنى .. هو يعنى .. احم احم
انت عنك حق ..
بس برضه
يا سلام على كدة يا سلام

ابن مرّ يقول...

أنا تقيبا كنت هنا قبل ما حد يكتب أي تعليق
بس ما كتبتش تعليق لأن موضوعك ده خلاني أشرح نفسي يمكن للمرة المليون

كان تأثيره تأمّلي وكده

عموما أنا ليه وجهة نظر مختلفة ممكن أكتب عنها في يوم من الأيام

بس هوا على أي حال بوست قوي جدا

أسوور يقول...

ابن مر
اشكرك لأنك جيت قبل كدة وجيت تانى
دى حاجة مش متوقعة بصراحة وانا فخورة بنفسى قوى عشان جتلى مرتين
هاستنى البوست اللى هتكتب فيه عن الموضوع دة
هاتابعك وهاستنى
نورتنى

Ezz يقول...

ياسمين: بصراحة دي الزيارة الأولى و التعليق الأول. أنا موافقك في إن الحب هو الإطار الأدمي للجنس. بس الإنجذاب الجنسي هو السبب في اي علاقة.. إحتمال ممكن ولكن مش حقيقة واقعة، بمعنى أن الراجل بيبتدي علاقة مع إمرأة في أطر مختلفة: زمالة، جيره، صداقة، التطور الطبيعي للعلاقة دي لو تعمقت هو الجنس، إنما لا أعتقد أن الجنس هو العامل المحرك و ال deciding factor في بداية اي علاقة, و بعدين هي بتكون في البداية إمرأة، بعد شوية بتتحول في عينيه لإنثى.. ولا ايه؟ عز

Ahmed taher يقول...

ياسمين
اولا بشكرك على تعليقك عندي ويا رب يكون عجبك البوست بالفعل وليس مجاملة
ثانيا اعترف باعجابي بميزة لديك تكاد تكون مندثرة الا وهي تقبل الاختلاف
حتي ولو ظهر على النقيض من رايك او قاسي نوعا ما مادام يخلو من تجريح
احييكي على هذه الروح
ثالثا
رأيك في الحب والجنس اثارني بشدة فيبدو انك مقتنعة دائما وتماما انهم وجهان لعملة واحدة وعلى ما يبدو من كلامك انه راي نابع من تجارب شخصية وحياتية لك كما قلتي انت من قبل

واقول بدون فزلكة
الجنس محرك اساسي للحب والتواصل مادام شرعي ويتم بشكل صحيح لان ليست كل علاقة جنسية شرعية صحيحة وسليمة ويجب الاهتمام هنا بكلمة شرعية جدا جدا جدا جدا حتي لا يفهم كلامي خطأ

ولاكنه ابدا ابدا كان اساس الحب فهو وسيلة للتعبير عن الحب
ولاكن أيضا كثيرون من لا يعرفون كيف يعبرون بالجنس ولاكنهم بالتأكيد يحبون بصدق

تحياتي ايتها الياسمين الجميلة
برجاء التواصل لو احببتي
taher2all@hotmail.com

شيماء الجيزى يقول...

ياسمين
يااااه بتكلمى عن الحب
والله انا عارفه انى جايه متاخر
بس لسه شايفه الموضوع حالاً
مش عاوزة اتكلم عن الحب
عشان مكونش متأثره بشئ تانى
واقول رأى مغالط
بس انتى فعلا
جميله فى وصفك
تحياتى ليكِ

سهر الليالى يقول...

البوست حلو جدا يا ياسمين زى كل بوست بتكتبيه مع انى مش موافقاكى فى موضوع حب الذكر والانثى انا معتقده ان فى حاجه اسمها الحب العذرى وانه موجوداو كان فى زمن تانى موجود واختفى بس اكيد مانتهاش زى ناعسه وايوب كده
:)))
تعليق متاخر شويه بس انت عارفه الاسباب

غير معرف يقول...

في مثل به كثير من الردح والحكمه في آن واحد :))))))

بيقول "يا واخد القرد على جماله يضيع الجمال ويفضل القرد على حاله" :)))))) طبعاً مش المقصود هنا الإساءة للمرأة على الأقل من وجهة نظري

الفكرة أن الحب بين الرجل والمرأة اتبنى على أي أساس ؟ ونسبة تأثير الشهوة في قرار الإرتباط ومدى الثراء في الفكر والمعرفة والتجربة عند الطرفين كل هذه العوامل تؤثر في نجاح العلاقة بينهما

الجنس قد يكون عاملاً مقرباً بين الطرفين وقد يكون سبباً للفرقة

والموضوع معقد للغاية ولكن الهدف في النهاية إلتماس السعادة حتى ولو كانت وهماً فلحظة طيبة أفضل من لا شيء على الإطلاق

ونرجع ونقول كفايه عزوبية :)

محمد حمدي يقول...

البوست هايل يا ياسمين .. أنا قريته كلو , وقريت بعض التعليقات .. أصل مستحيل أقرا تعليقات أكتر من الـ100

وأنا رأيى إن كلامك صح ... أنا عاوز أقول كلام كتير عن الموضوع دة .. ومرتب الكلام فى دماغى .. الكلام من كتر ترتيبه مش هاين عليا أحطه فى كومنت , عشان كدة هحطه فى بوست قريبا عندى , بس أوعدك هتكلم فيه عن كل حاجه

حاجه ملهاش علاقه بكل دة

الدود عايش حياته .. و3 منهم شرنقوا خلاص ...

أظنك فاهمانى

سلام

أسوور يقول...

عز
الحب هو الإطار الأدمي للجنس
عجبنى جدا التعبير دة
هو ترجمة حقيقية وتلخيص لما أردت أن اقوله
تاه عنى فين التعبير دة
تحياتى وأهلا بيك فى مدونتى ويا رب ما تقطعش الزيارة

أسوور يقول...

أحمد طاهر
برضه أشكرك للمتابعة
والتعبير الذى استخدمته أكثر من رائع
وجهان لعملة واحدة
نعم الحب والجنس هما وجهان لنفس العملة ولا يكتمل أحدهما دون الاخر
تحياتى

أسوور يقول...

شيماء الجيزى
نورتى المدونات بعد غيبة والله
ونورتى مدونتى على الأخص
مستنية تيجى تانى عندى ويا ريت ماتقطعيش الزيارة

سندباد يقول...

ما للحب خلقتي ياحبيبتي
ليتني اعثر علي اكثر
يا سحر العصور الوسطي
يا امتداد عمر الهوي
ياضوء من القمر
ما للعشق خلقتي ياحبيبتي
ليتني اعثر علي اكثر
يا سكن بين البوادي
يا دقة الفؤاد
يا جميلة البشر

أبو ضحى يقول...

أتفق مع أمانى فى رأيها..مع عدم استثناء الجنس كجزء من الحب و ليس كل الحب أو جوهره

-------
ايه اخبار اللقاء؟

الحصان الأسود يقول...

لا يا ياسمين انا مش موافق بتاتا ان الحب هو اطار للجنس

الحب المبني على شهوة جنسية مش حب وانما هو تسبيب و تعليل لشهوة تجاة شخص معين ولكنة ليس حب

اللي بيحب بجد بش بيبقى كفاية علية يتكلم مع اللي بيحبة و يكون معاة حب عذري منزة عن الجنس و الشهوة

تعرفي ان بعض الناس اقلية قليلة جداً لما يحبوا واحدة بيصاب بحالة نفسية تمنعه من ممارسةو الجنس معها و دي حالة يعرفها الاطباءالنفسيين

يبقى بيحب واحدة قوي لدرجة انة يخاف يمارس الجنس معها كي لا يدنس هذا الجسد للمخلوقة التي يحبها للجنون

برغم انة بيكون طبيعي جدا و غضنفر مع اي واحدة لكن ييجي عند اللي بيحبها ومن كتر حبة ليها و خوفة عليها مابيقدرش او ما بيحبش يحٌول الحب العذري العفيف دة لشهوة و رغبة

طبعا دي حالة مرضية ونادرة لكن اللي عاوز اقولة ان اللي بيحب بجد بيبقى الجس دة اخر سيء في العلاقة دي

ولو كل واحد بيحب واحدة غرضة منها الجنس كان كل رجالة البلد اتجوزوا رقاصات

على رأي عادل امام

وكانت كل البنات الغير جميلة الجسم او غير جذابة او رفيعه او ممتلئة بارت وعنست

الحب الحقيقي مالوش اي علاقة بالجنس وانما هو علاقة روحية و عاطفية تسمو عن الغرائز و الرغبات بين البشر

او عالاقل دي وجهه نظري عن الحب

كراكيب عادل يقول...

علي فكرة انتي صاحبة اجمل تعليق عندي علي الصورة بتاعة لو انت عصفور

raspoutine يقول...

ياسمين
لما تبقى بتحبى انسان
وعايزة تقوليلو ازيك وتطمنى عليه ومتعرفيش
لما تبقى عايزة تصرخى بأسمه وتناديلو فى عز الضلمة والشمس منورة
لما تصحى من نومك على حلم هوا بطله وتقومى وانتى بتناديه
لما تشوفيه صدفة ومتبقيش قادرة حتى تبصى فـــ عنيه
ده ممكن يكون حب بس اصعب حب

أسوور يقول...

سهر الليالى
حب عذرى ايه يا بنتى
انتى عايشة فى الزمان والمكان الغلط
وبعدين ناعسة كانت متجوزة أيوب يعنى كان بينهم علاقة جنسية
ويمكن كمان يكون كان متجوزها جوازة صالون مش عن حب اصلا
وهى تلاقيها كانت مستحملاه بس عشان مش لاقية حتة تروحها
:))))))))
نورتينى يا سكر

أسوور يقول...

Anonymous
انت رديت على نفسك بالجملة دى
الجنس قد يكون عاملاً مقرباً بين الطرفين وقد يكون سبباً للفرقة

انت ليه مش قايل اسمك ولا حتى اسم حركى
تحياتى

أسوور يقول...

سندباد
قصيدة جميلة
بس مين الكاتب

أسوور يقول...

ابو ضحى
انت برضه لسة متابع
مش عارفة أقولك ايه
كلمات الشكر جميعهالا تقضى بالغرض

عموما اقرا ردى على أمانى
:)))))
برضه منور يا باشا

أسوور يقول...

ابو ضحى
مش عارفة برضه اعمل اللقاء فين بافكر فى نادى اليخت أو المقاولون العرب
ايه رايك؟؟

أسوور يقول...

محمد حمدى
بص هأستنى البوست بتاعك عن الموضوع دة

بس املهم ان الدود يا حلاوة يا حلاوة لسة عايش وكمان 3 عملوا شرنقة

بجد مبسووووووووووووووووطة جدا
وهافضل مستنية أخباره
أوعى تنسانى

أسوور يقول...

الحصان الاسود
الحب العذرى حب غير سوى وغير كامل
يجب ان ترغب فى الزواج من الحبيبة حتى يكتمل
وانت بنفسك قلت ان الناس اللى بيرفضوا انهم يمارسوا العلاقة مع اللى بيحبوهم مرضى
وهم فعلا كدة لأن التفكير فى الجنس على انه دنس هو نوع من الشذوذ الإنسانى
نورتنى .. فينك من زمان؟؟

أسوور يقول...

كراكيب عادل
بجد .. رايحة اشوفه تانى دلوقتى واشوف ردك علية هناك

بجد والله؟؟
بجد؟؟
مبسوطة قويييييييييييييييى

أسوور يقول...

راسبوتين
انت مشاعرك بتجننى
وتحسسنى انى ولا حاجة
ازاى قدرت تشرح كدة فى كلمتين؟
منين بتجيب الأحاسيس دى؟

مافكرتش فى كدة قبل كدة وانا بأكتب البوست
شكلى هأضطر اكتب بوست تانى عن مشاعرك

أبو ضحى يقول...

اى مكان بس المهم نتجمع كلنا

أبو ضحى يقول...

و بعدين بتشكرينى على ايه..انتى لو توقفتى عن التدوين انا كمان مش هكمل

أنا بستمد منك طاقتى التدوينية

تحياتى

أسوور يقول...

ابو ضحى
على فكرة أنا بقى باستمد منك ثقة كبيرة قوى فى نفسى
وشعور كبير بالتقدير والإهتمام
لما حد مش عارفنى يهتم بى كدة ويقدرنى كل التقدير دة يبقى كل الكلام الجميل فى الدنيا مش ممكن يوفيه حقه بجد

بجد

وبعدين انا ممكن أموت وأنا بأدون اصلا لأنى عمرى ما توقفت عن التدوين منذ الصغر
كل الحكاية ان التدوين انتقل من الصفحات الورقية للصفحات الألكترونية

عندك استعداد تدون لآخر العمر؟؟

Eman Eltaher يقول...

دى أول زيارة ليا لمدونتك و اسمحيلى أعلق ع الموضوع يتاعك بان الحب نوعين نوع عفيف عرى و هو النوع الحقيقى من الحب و نوع تانى لهدف معين ايا كان الهدف ده و انا عن نفسى ما بعتبروش حب و بكون ضد أى تصنيف تانى للحب غير الحب العذرى العفيف

أحب أدعوكى لمدونتى

و هناك هتلاقينى كاتبة موضوع ف نهاية الصفحة خالص عن ما هو الحب .. أتمنى ينال اعجابك و اعجاب أى حد يقراه

معلشى اسمحيلى انى أدعو الناس عندك لزيارتى لانى ف أول الطريق و محتاجة الناس تشجعنى

أتشرف بزيارة الجميع ليا و أتمنى تعجبكم المواضيع بتاعتى

أسفة اذا كنت ضايقتك بالاعلان عن مدونتى عندك

مستنية زيارتك عموما

Nohaz يقول...

yassmin plz try to contact me plz

أسوور يقول...

ايمان الطاهر
أهلا بيكى أولا كمدونة بتعلق عندى وثانيا كمدونة جديدة وشرفتنى بالزيارة
ولو انتى ما كنتيش عملتى الإعلان كنت أنا هاعملهمولك بنفسى
انا عارفة وفاهمة يعنى ايه تبقى بتدونى جديد ومستنية الناس تقرا وتقول رايها
وعارفة فرحة المدون بتعليق جديد ينبئه بإن هناك قارىء جديد
كلنا مرينا بالمرحلة دى
أهلا بك فرد جديد فى اسرة المدونين
وربنا يوفقك

أسوور يقول...

نهاز
أهلا يا سكر
حاضر يا حبيبتى
اشوفك قريب على الماسنجر
وحشاااااااانى

aya يقول...

انا اول مره اشوف مدونتك
كمان انا بحب الاسلوب ده
وتقريبا اسلوبنا متقارب
http://ayoyart2u.blogspot.com/

سندباد يقول...

اولا احب اشكرك علي موضوعك الجميل ثانيا اشكرك علي اهتمامك بالرد علي تعليقات الجميع ثالثا انا اسمي امجد لسه يادوب كجي وان مدونات عامل حاجة بسيطة اسمها فكرة اتمني بكرة بمساعدة الجميع تبقي افكار
وانا اللي كاتب القصيدة

مـحـمـد مـفـيـد يقول...

الحب هو
ان تعطي كل ما لديك لمن تحب دون ان تنتظر منه الرد

ممكن اكون مقصر معاكي شويه بس اكيد هتلاقيني تاني

you know who يقول...

السيده ياسمين
ايه الكلام ده
مش موافق طبعا
النظر الى الحب بمبدء فرويد فى نظرى نوع من انواع الهبل الانسانى البحت.
الحب هو تعبير عن ما داخل الانسان بدون اى تصنع او افتعال....هو نوع من التقارب الوجدانى بين البشر
فلا اظن ان حبى ازوجتى اختلف عما كان عليه اول يوم (على فكره مش قاعده جمبى)
ولكن البشر يحبوا ان يخدعوا نفسهم و يصفوا اى علاقه عابره على انها حب و اى حاله نشوه بالحب حتى انت شبهتى الحب بالكباب
وهناك فرق اساسى

الحب يأتى مجانا

raspoutine يقول...

ياسمين

وبدون مجاملة منى وانتى عارفة كده كنت عايز اقولك افكارك وكلامك ساعات كتير بيبقو مصدر الهام لكلامى البسيط اللى بيعجبك

أسوور يقول...

aya
اهلا بيك فى مدونتى
وهأروح اشوفها حالا
نورتنى

أسوور يقول...

سندباد
نورتنى وهاشجعك دايما
وأهلا بيك معانا فى اسرة التدوين
تحياتى

أسوور يقول...

محمد مفيد
تعريفك للحب عجبنى رغم اختلافى معاك
انا كمان مقصرة معاك

هأروح أزورك برضه
سلام

أسوور يقول...

you know who
شكرا لإختلافك معى
وشكرا لتعليقك اللطيف
تحياتى

أسوور يقول...

راسبوتين
صديقى العزيز الجميل
انا مصدر الهام لحضرتك
دة كتير قوى علية
بجد انا هأتغر فى نفسى من كلامك
شكرا يا ايمن
بجد اشكرك

محمد حمدي يقول...

ياسمين

أنا مقدرتش أصبر لحد بكرة عشان أكتب البوست

هتلاقيه فى مدونتى ويارب يكون بالجودة الى تخلينى أستحق إنى أكتب تعليقين فى مدونتك وأتعبك بقرايتهم

حبى وتحياتى

أسوور يقول...

رحت شفت البوست
فى منتهى الروعة بجد يا محمد

يا ريت كل المدونين يقروه
تحية كبيرة لوعى كبير

Reemo يقول...

ياسمين
بحس فى كلامك بنضوج فعلا
الحب قدر مش اختيارى
الحب مرتبط بالجسد بس مش مقتصر عليه
حب الروح والجسد وجهين لعمبه واحده
الحب مش بيقل بعد الزواج لكنه بياخد شكل تانى ومفهوم تانى
اكثر هدوء ورصانه لكنه بنفس درجه القوه
الحب لو قل يبقى بالتدريج هيموت فى يوم
لكن لو اتغير شكله بيفضل بنفس قوته
ياسمين كلام بجد لخبطنى جدا
مش عارفه
بس انا سعيده انى قريته
تحياتى

أسوور يقول...

ريمو
نوتى المدونة .. اولا
ثانيا متأسفة انى لخبطك
بس انا نفسى على فكرة اتلخبطت من آراء الزملاء وتعليقاتهم
تحياتى

سندباد يقول...

الحب في نظري مالوش تعريف لو عرفناه يبقي ليه مقياس ولا بقي ليه مقياس هايبقي شئ روتيني ، حلاوة الحب انه مسالة نسبية مالوش هوية ولا وطن الحب لازم يختلف من شخص للتاني لان المشاعر في اي حاجة بتختلف ، واجمل لغة للحب لغة العيون واجمل احساس لمسة الايد واجمل قصة حب اني اكون في تفكير اللي بحبه واللي بحبه في تفكيري

صاحب البوابــة يقول...

الحب

تلك الكلمة

التى عشقها الكل

ولم يفهمها الا البعض

تلك الكلمة التى يتنادى بها المحبون ليلا ونهارا

لكنهم لا يطبقونها الا قليلا

تحياتي على هذا اليوست الرائع

أسوور يقول...

سندباد
هنيئا لك حبك ولغة العيون فى لحظة خاطفة
ولمسة يد حانية

هنيئا لك
تحياتى

أسوور يقول...

صاحب البوابة
صحيح هى كلمة لا يستوعبها الا القليلون
ولا يطبقها أحد
لكنها ليست فوق مستوى فهم أحد

LOJAIN يقول...

اولا عايزة اقولك وحشتينى قوى قوى و طمنينى على اخبارك يا قمر
ياسمين كلامك جميل رقيق كالعادة
فراشة بجد
اقدر اقول ان الحب هو اقوى عاطفة انسانية على الاطلاقا واختلافه مصدره طريقة تطبيقه
يعنى لله غير للام غير الابن غير الاخ غير الحبيب
اسمى درجاته حب الله سبحانه و تعالى , ولا يختلف عليه اتنسن من البشر الاسوياء , باقى الانواع بيبقى فطرى وليه نفس الدرجة عند معظم الناس بس يختلف فيه حب الزوج او الحبيب لانه بيمر بمراحل وهج و تعود ولا قدر الله اذا ما حصلش توفيق فتور
مرحلة الوهج محدش بيشوف عيب خالص فى التانى يشوف فيه اللى عايز يشوفه
مرحلة التعود بتبقى فيها اكتشاف للشخص بيبان وقتها ايه الحاجات اللى مكنتش باينة فى الاول وللعلم محدش يقدر يغير حد ولازم نتقبل الشخص اللى بنحبه على حاله اذا لم تتنافر عيوبه من وجهة نظرنا واللى من وجهة نظره اولويات وفى المرحلة دى بيحصل سعى لتكامل الاولويات اذا اتفقوا ان بها متفقوش بيملوا من بعضهم وتصاب العلاقة بالفتور
يارب اوعدنى باللى مقدرش احس بفتورها ابدا يااااااااااارب
عوض علينا عوض الصابرين يارب
:))
سلامى للبنات

أسوور يقول...

لجين
ربنا يوعدك باللى بتتمنيه بس خليكى عارفة النهاية دايما
خلى بالك من نفسك ومنى انا برضه

تحياتى

LOJAIN يقول...

على ماجيت لقيتك مشيتى
كنت بعمل شاى
:(((

غير معرف يقول...

عزيزتى ياسمين
بعد انتهاء حالة الحب بالفشل يتضح انه وهم ..
مجرد وهم جميل يعيش فيه المحب بارادته و تتلاقى ارادة المحبوب معه بالصدفة
ثم ينتهى كل شىء فى لحظة .. و لكن
لو عاد الزمن للوراء و لبداية هذه التجربة فسنختارها ايضا
تحياتى لكى
ناديه

أسوور يقول...

حبيبتى وصديقتى نادية طه
انتى كلامك صحيح مائة فى المائة
الحب وهم اذ انا شىء غير مادى وغير ملموس
أما ما يحدث بعد تلاقى المحبين بفترة طالت او قصرت اننا نكتشف انه كان مجرد رغبات
واحشاااااااااااانى وهأكلمك قريب

harmless يقول...

سؤال يا ياسمين
سؤال يا نادية طه

ليه وهم؟
نفسى اعرف ليه وهم؟

هو موت مخلوق معناه انه ماكانش موجود اصلا؟

ايه المشكله ان الحب يموت
هو يعنى لو مش خالد وعايش للابد يبقى وهم؟

الغريب ان محدش ماحبش كذا مره الا نادر
يمكن صعب قوى الواحد يحب مرة واحده فى حياته
ازاى بقى بينكر انه حب ويقول ده كان وهم؟

زعلان ومش قادر اتخيل ان ذكرياتى دى كلها كانت اوهام

أسوور يقول...

هارملس
صدقنى الحب وهم
تحب اثبتلك؟
ممكن تورينى الحب رأى العين؟
وهل لوحد قال انه بيحب أكيد انه يكون بيحب؟
ممكن تخلينى المسه؟
هتقول انه احساس .. صح
أى احساس أصلا مش ممكن يكون فى تأكيد على وجوده حتى الحزن .. الدموع مش دليل لأن فى دموع تماسيح
هل ممكن تشاور على شىء موجود .. مادى .. ملموس .. وتقولى هو دة الحب يا ياسمين
الحاجة الوحيدة فى الحب اللى مادية وملموسة هى العلاقة الجنسية
هى دى الحاجة الوحيدة اللى ممكن تكون اقرب ما نسميها حب
حب لحظى بقى .. حب وقتى .. حب للجسد .. حي للعلاقة نفسها .. بس هى فى الآخر حب .. قصدى جنس يعنى
تحياتى

harmless يقول...

ياسمين

المشكله ليست هل هناك دموع تماسيح ام لا

المشكله هل لا يوجد دموع الا دموع التماسيح ام هناك دموع حقيقيه؟

لا ادعى ان كل من قال احبك صادق
ولكن ادعى ان ليس كل من قال احبك كاذب

الفرق واضح يا عزيزتى

هل لم تحبى ابدا؟
هل لم تحزنى ابدا؟
هل لم تفرحى ابدا؟

اتركى موضوع الجنس الان
انه الاعمده او الاساس الذى يبنى عليه المبنى ولكنه ليس المبنى ذاته

ايه رايك تعملى بوست من نوع جديد لانج
بوست مناظره بينك وبينى
او بينك وبين ما تعتقدى فيه حسن التفكير وقوة الحجه

تبدأى برأى
ويرد عليكى مناظرك برأى فتضعيه فى البوست
وتردى ويرد

و الردود باختصار
كل رد خمس سطور مثلا
ولكل متناظر خمس ردود مثلا

ثم نقرأ رأى المعلقين على ان ينتهى رأى كل معلق باختيار

هل هو معك ولا مع مناظرك ولا محايد؟

جديده
مش كده؟
مش حينفع معاكى غير كده

غير معرف يقول...

هارملس
لا يعجبنى الكلام العائم بلا ادلة
اريد اثبات مقنع
اريد حبا و حنانا
فهل عندك و لا اشتريه من السوبرماركت اللى فى اول الشارع ؟
ناديه

أسوور يقول...

نادية طه
أعجبنى ردك على هارملس
عودة للتعليقات والردود القوية

نورتينى يا روح قلبى
واحشانى مووووت
معلش حظى وحش معاكى فى التليفونات بس هأتصل بك قريبا
وعد

غير معرف يقول...

حبيبتى و روح قلبى ياسمين
الله يخليك .. عشان تعرفى ان وراكى رجالة.... انتى كمان واحشانى فى انتظار تليفونك لاطمئن عليكى .. و شكرا
ناديه

غير معرف يقول...

هارملس
لو ان انت معتز بذكرياتك لدرجة انك لا تتخيل انها اوهام كنت حافظت عليها و وفرت لها الحماية لتبقى و تستمر لكن مادمت لم تهتم برعايتها و حمايتها فهى تتحول لاوهام و تضييع للعمر و خسارة حتى تضييع ثوانى لتذكرها
طبعا الحب لا يموت و لا ينتهى لكن هناك فرق بين حب بناء و حب مدمر
لما واحده تحب واحد بتتخيل فيه كل شىء جميل و تحب هذا الخيال .. لو ان هذا الشخص ذكى يحافظ لها على هذه الصورة الجميلة
اما لو كان العكس فهى ستتاكد انها كانت تحب وهم صنعته بيدها اى ان الشخص المحبوب ليس حقيقيا .. اى وهما
لا تزعل ايها الوهم .. وهما مدمرا و ليس جميلا
ناديه

BinO يقول...

لأن لا أحد يجرؤ علي الأقتراب من مناطق الحزن والألم للأخرين
الا من يحب
فمن يقترب من حزن وألم وبه ما يكفيه
من قال أن المشاعر تتوقف
أن التدفق ممكن أن يضعف ولكنه لا يتوقف أبداً
هذا رايي

غير معرف يقول...

اعتقادك ان الحب هو هو الجنس ان دل على شيء فهو يدل على انك لم تعرفي ابدا الحب
انما عرفتي الجنس و ظننتية حبا
يوم ما حاتحبي حاعرفي انة حاجة تانية غير الجنس في السراير

ماتزعليش مني بس لا انتي ولا اي مدام من اللي فاكرين الحب هوة الجنس عارفين الحب في الاساس و فاكرين اللي بيعملوة مع اجوزاهم في الجنس دة حب

غير معرف يقول...

تسمحيلى اعترض معاكى فى موضوع ان الحب بين الذكر والانثى حب جنسى وهثبتلك كدة
اول حاجه انتى قولتى


تفكر فى الحبيب .. يشغلك .. تبقى عاوز ماتفارقوش لحظة .. يعجبك كل حاجة بيعملها ويقولها .. وتبقى فى لغة مشتركة بينكم .. علامات وذكريات وأغنية وفيلم وحدوتة وفكرة

دة اول اثبات لان اللى بحبه بفكر فى كدة مش بفكر انه هيبوسنى امتى ولا هيحضنى ولا .... اللى فكرت فى مجرد احساس انى بفكر فى ونفسى يبقى معايا علطول ولو فكرت تفكير جنسى يبقى اصلا مش حب


تانى حاجه

حد بيبقى عاوز يتجوزه

انا بتجوز اللى بحبه عشان ارتحتله نفسيا هقدر اعيش فى بيت واحد معا هقدر اكون اسرة كويسه وانا مرتاحه نفسيا بدليل اما واحده حد بيتقدملها اهلها بيقوله مرتاحه نفسيا مش قالوا جربى وشوفى انتى مرتاحه ولا لاء وكمان اما بتحبى واحد اكيد عيزا تعيشى معا طول عمرك واكيد عشان احساسك بالامان معا والحب مش احساسك الجنسى

تالت حاجه

بعد الجواز بشوية .. ودة على فكرة بيحصل كتييييييييييييييير .. مش طايقين بعض

اكتر حاجه مضيقانى بصى ايام الخطوبه او قبلها
كنت ببين احلا ما عندى وهو كذلك سواء بقى زهقت هو زهق بيبقى من اننا كنا بنبيت الحلو علطول
بقينا فى بيت واحد الطبيعى فى حاجات مش هتعجبنى وكمان انا ولسه فى بيت اهلى بزهق من مشاكل الحياه امال اما اتجوز واشيل مسؤليه برضه ربطى الجنس

رابع حاجه

زى ما تعدى وانت جعان قدام محل كباب وانت جعان ..

معتقدش فى اى وجه مقارنه خالص ماشى ولو حددت فى ايه بظبط هخرج عن نطاق الادب فبلاش

وكمان متزعلوش منى اللى يربط بين الحب والجنس يبقى اصلا هو بيفكر فكدة وانه رابط ديما الحب بجنس ما فى ناس بتحب وكل حبهم احساس
محدش قال بوست وعملت





اسماء

Ehab يقول...

عجبني جدا جدا صراحتك واسلوبك المتزن في شرح حقيقه مؤلمه لبعض الناس وان كانت واضحه زي الشمس لكن بنخاف نعلنها لنفسنا
بس انا بعد اذنك عايز اقول حاجه على موضوع انه بيشبع منها فبالتالي بيزهق منها وكده انا شايف غير كده انا شايف ان الرغبه الجنسيه متجدده دايما يعني انا اكيد دايما محتاجها ولما بيحصل اكيد في صوره معينه خياليه او واقعيه جوه الواحد عايزها ولو كانت لسههي ممثله له الصوره دي هتفضل هي اللي عايزها جنسيا
النقطه التانيه هي موضوع المشاكل الغريبه اللي من غير سبب مقنع انا قرأت موضوع جميل لهبه قطب عن ان فيه كتير من الأزواج والزوجات بسبب انهم مش مبسوطين مع بعض في الجنس ومش قادرين يعترفوا بده لبعض فالنتيجه خناقات من غير داعي وساعات طلاق
مش عايز اطول عليكي بس حقيقي اسلوبك هايل جدا وصراحتك مجنناني جدا
وعشان كده اتمنى نكون اصدقاء
سلاااااااااااااااااااااااااااام

جريحـ الزمان ـة يقول...

الحب له معاني كثيره

لا تتلخص بما ذكرت فقط

فللحب اتجاهات ومنافذ جميعها تنبع من القلب

لتصب في القلب وليس لها مأوى غيره


هناك من يحاول تدنيس الحب بأفعاله

وهناك من يحاول ان يخدش جماله

لكن لا يستطيع ان يزل أحساسه الصادق من القلوب

الحب هي كلمة من حرفين

لكن لا يشملها معنى واضح



عذرا لوجودي هنا

فقط احببت ان اشارك