الثلاثاء، 8 مايو، 2007

انسان ولا مسخ

أردت أن أكتب فلم أستطع .. واردت أن اقول فلم اقدر.. وأردت أن أتكلم فإنعقد لسانى
اصعب شىء ان تضطر أن تصمت .. وللأبد .. مش بمزاجك .. لأ .. عشان ماحدش هيسمعك
لأ.. عشان كل ماتتكلم يسكتوك
صعب قوى انك تبقى مخنوق وتخاف حتى تصرخ وتقول شيلوا الحبل من على رقبتى
صعب قوى تبقى نفسك فى مجرد طبق فول ويصر حد انك تاكل حاجة تانية .. حتى لو كانت كباب
صعب قوى انك كل ما تنطق بكلمة حد يييجى يضع كمامة على فمك
صعب ان حد يتساءل بمنتهى الإستخفاف والدهشة .. هو انت ناقصك ايه يعنى ما كل حاجة عندك؟؟
مع ان انت حاسس انك ماعندكش حاجة خالص
كل اللى عندك ممكن تبيعه وترميه عشان حاجة مش قادر تحصل عليها
الحاجة دى انك عاوز تبقى انسان
انا عاوزة احس انى انسانة مش مجرد مسخ
اعيش انسانة وأموت انسانة .. وأحب واتحب كإنسانة .. وأعبر عن رأيى كإنسانة
واقول اللى بيزعلنى ويفرحنى كإنسانة
كل ما أتكلم واعبر عن رأيى .. يقولوا لى .. هو انتى ناقصك ايه؟؟؟
هو انا اصلا عندى ايه؟؟؟ .. عندى ايه من متطلبات الإنسانية؟؟
ولا حاجة .. يبقى انا مش عايشة كإنسانة
بل مجرد مسخ

هناك 151 تعليقًا:

david santos يقول...

Thanks a lot, friend! My life is to exceed the barriers of the languages and to fight against the lie of the outlaws who make the wars, Bush & Cª

Mohamed A. Ghaffar يقول...

خلقنا الله اناس ليكون كل واحد منا انسان ، ولا يفقد انسانيته الا من يهدرها بيده عمداً

هونى على نفسك عزيزتى وانظرى اين أنت لترفعى رأسك ونفسك بعد ذلك

ربنا يفك عنك

ياسمين يقول...

محمد عبد الغفار
يهون على تعليقك بجد
شكرا لك يا محمد
دة انا لسة كاتبة البوست حالا
تحياتى

YHYيــوســف الـمصـرى يقول...

ياسمين
مررت بهذا الاحساس ومازلت اشعر به
حولت مرار ان اشرح لهم ما معنى انى انسان
التعريف اللغوى سهل بسيط
لكن التعريف الانسانى ابعد واصعب ان يفهموه الا اذا سلبت منهم انسانيتهم وشعروا بنفس الضيق
تعيش تضحك تبكى تأكل تشرب ولكن ينقصك شىء وليس بأى شىء
شىء تشعر انه لا يفهم معناه غيرك ولا يشعر به غيرك
كل ما استطعت فعلا هو ان اصرخ ليس بشرط ان تكونى صرختى بصوتى ولكن بأفعالى وتنفيذ اى شىء يوصلنى الى مبتغاى
فكانت صرختى الاولى هى (الساعة 6) ندونتى العزيزة
وصرختى الثانية لكى تكلمت معك مرتين على المسنجر وبرغم قلة كلامنا الا انى تعلمت منك كيف اشعر انى انسان
عزيزتى اذا كانو هم لا يشعرون فنحن اقوياء بأنسانيتنا نستطيع ان نرغمهم على احترامها وعلى الشعور بها
تحياتى لك
يوسف الانسان &المصرى :D

Hannoda يقول...

سايمين

عارفاه الإحساس ده قوي .. وعارفة الغصة اللي بتصاحبه طول الوقت و اللي بيزيدها كلامهم و إندهاشهم كإنهم ولا شايفين كل أمواج الألم الجامحة جواك

لو الكباب قدر ,, حاولي تنبشي فيه يمكن تلاقي فيه إنسانيات ممكن تسهلك فكرة تقبله

أما لو ماكانش قدر.. يعني فيه مجال لمواجته و رده يبقى ما تزهقيش

تحياتي يا أجمل ياسمين

ياسمين يقول...

يوسف المصرى
تعليقك بيقول كتير يا يوسف
وحسيت انك فاهمنى قوى
بس صدقنى ساعات تلاقى اقرب الناس ليك رافضين انك تعيش كإنسان
كأن كل مطالبط فى الحياة انك تاكل وتشرب وتلبس وبس
بس دى مش متطلبات البشر
ساعات تحتاج تحس بالإنتماء
اشكرك

ياسمين يقول...

هنودة
عارفاه؟؟
يبقى قلبى معاكى
الفكرة انك تصرخى وتقولى بحب اللون الأحمر ييجى حد يقولك لأ انتى بتحبى الأزرق
اقصد انهم يتعمدون ان يفرضوا عليكى ما لا تريدين
يفرضون عليكى أن تقبلى طريقة حياة انتى رافضاها
أنا مش عاوزة أغير الناس اللى حوالية بس كل اللى عاوزاه انهم يشوفونى
ويعترفوا ان من حقى انى يكون لية مطالب انسانية
أى مطالب .. انسانية
تحياتى

raspoutine يقول...

كتير بنحس اننا ناقصنا حاجة وحاجة ورا حاجة بتبقى حاجات
الناس وانا وانتى من ضمن الناس دى بنبص للظاهر القائم بذاته قدامنا مش بنبص للى جوة الانسان نفسه للى جوة عنيه وفى الاخر لما يشتكى نقولو وبمنتهى البساطة انت ناقصك ايه يا اخى احمد ربنا
اصعب جملة ممكن الواحد يسمعها انت ناقصك ايه؟؟؟ مع اننا ناقصنا حاجات كتير اوى
والله ناقصنا كتير اوى اوى

ياسمين
حسيتك مع انك مش كاتبة الكتير

ياسمين يقول...

راسبوتين
آه والله
اصعب حاجة ممكن تتقال .. هو انت ناقصك ايه؟
لما تشتكى اكيد يبقى ناقصك حاجة
ولما كمان تقول الحاجة دى وتلاقى الرد هو هو .. برضه انت ناقصك ايه
يعنى ما تتكلمش .. ما تنطقش .. ما تعبرش عن اللى جواك
ساعتها تحس انك مش انسان
او مطلوب منك انك تتنازل عن ابسط حقوقك
حقك فى انك لما تكون عاوز تقول حاجة .. تقولها ببساطة
شكرا يا ايمن انك حاسس بية
بجد شكرا

شادي فايد يقول...

انا شخصيا معرفش غير ياسمين المدونة
ياسمين صديقة كل المدونين
ياسمين زعيمة المدونين اللي جمعتهم اكتر من مرة في لقاءات اقل ماتوصف بأنها ناجحة
ياسمين التي جمعتنا في حالة وفاة جدة شيماء الجيزى
وجمعتنا في عيد ميلاد جني
ياسمين
ياسمين

انا معرفش غير ياسمين الانسانة
حتى لو هي حاسة بحزن

الحزن دا طبيعة
ولازم الانسان يجيلة الوقت اللي يبقى كاره فيه الحياة
لانه اكيد بعد كده جاي وقت حيبقى في قمة النشوة والسعادة

المهم ان الانسان يصبر في حزنه وكربه
ويدعي ربه
ويحاول يهون على نفسه
بالخروج
بالصحبة واللمة
بالسينما
بالقرايا
وان كان مش حاسس بطعم اي حاجة من الحجات دي يستحمل اكيد طعمها حيحلو بعد شوية من المضغ
:)

ياسمين يقول...

شادى فايد
انت كدة فعلا بتفكرنى بنفسى
بتهزنى عشان افوق
حسيت كإن ايد قوية بتهزنى وبتصحينى من الكابوس
شكرا يا شادى

Mohamed Hamdy يقول...

مش انتى يا ياسمين الى تتحولى لمسخ
ومش انتى الى طيور الظلام تقدر تكتم صوتك
ومش انتى الى حد ييجى يقولك تعملى ايه وتقولى ايه وتحبى ايه وتكرههى ايه

اما عن الناس الى بتدخل نفسها فى شئون حياتك وتحشر مناخيرها الى اطول من مناخير شخصيه الكارتون الشهيرة ( بونيكيو ) فى ادق تفضيلاتك كانسانه , فا نصيحه من مجرب اتعاملى معاهم بشعار مدونتى

لكم دماغكم وليا دماغى

اما عن حكايه مبدا انتى ناقصك ايه فى الحياه ؟ وطالما بتنامى شبعانه يبقى كلو تمام ومش من حقك تفتحى بقك , فعدم الرد على هؤلاء بيكون احسن , لحد ما حد مننا بيفهم يمسك البلد ويعمل عقاب فورى لاى حد يحاول يحول اخوة الانسان لمسخ

انتى مش هتبقى مسخ يا ياسمين حتى لو عوزتى , ومهما اتعمل معاكى مش هتبقى مسخ , يمكن عشان دى طبيعتك الانسانيه الى انا لمستها من كل نقطه على كل حرف فى كل كلمه من كل جمله من كل موضوع كتبتيه

يمكن عشان جنبك اسرتك التدوينيه ؟ يمكن عشان فى مجتمع بلوجرى منفتح رغم أنف الحاقدين ؟ المهم ابقى اضربينى بالنار لو بقيتى مسخ

ودة رهان

يارب اكون فهمت الموضوع صح وكلامى يغير شويه من حالتك

تحباتى

Anima يقول...

لديك كل ما تتمنيه
ربما هي حالة اكتئاب و انشاء الله تمر على خير

أتمنى لك التوفيق

ياسمين يقول...

محمد حمدى
صديقى العزيز
بجد بقى
انا ابتسمت لما قريت تعليقك
عارف ليه
لأن فى ناس زيك .. صحيح قليلين .. بس موجودين
انت وجودك نفسه بيبعث أمل كبير جوايا
بحس ان لسة فى أمل
بحس ان فى ناس بتحترم الناس
ان فى ناس بتعامل البشر مش بجنسهم ولونهم وشكلهم .. لأ بإنسانيتهم وفكرهم
تخيل بقى انك اصبحت بالنسبة لى أمل لمستقبل مجهول
مستقبل المرأة ونظرة المجتمع والرغبة فى تهميشها
متأكدة ان هيكون لك يد فى فى تغيير حاجات كتير مهمة فى يوم من الأيام
نورتنى يا محمد ومدونتى بتتشرف بيك بجد

ياسمين يقول...

أنيما
ما هو يا انيما الذى أتمناه
نعم .. قد يكون لدى الكثير من المأكل والملبس والسيارة الفاخرة والمستوى الإجتماعى الراقى وبنات حلوين
بس تعرفى
فى ناس كتير مربية قطط وكلاب برضه بياكلوا أحسن أكل وبركبوا سيارات فارهة وعايشين فى مناطق راقية وبيتجوزا وبيخلفوا كمان
فين بقى الرقى الإنسانى
اين ما استطيع أن اشعر معه بانى انسان يفكر ويقرر ويعبر عن رايه؟
شكرا لزيارتك يا عزيزتى

الأرمـوطــي يقول...

ايه بس ياسمسمة الى مزعلك والله مفيه حاجه تستاهل زعلك كلها فى الاخر بتحصل بعضها اتعس انسان على وجه الارض زى اسعد انسان وبعدين يا ستى كفايه ان فيه مدونين بيحبوكى وعندك بنتين زى القمر بيحبوكى ومحتاجنلك انا عارف انتى حاسة بقية محدش قدر يحل المعادلة دى ياريت انى اكون هونت عليكى لانى بجد حاسس بيكى
مع السلامة

واحد من الناس يقول...

الإنسان مش محتاج حاجه عشان يكون انسان
ربنا خلقنا كده بس احنا الي غيرنا نفسنا
افسدنا الصفاء و قتلنا البرائه بداخلنا
ياريت كلنا نرجع لإنسانيتنا عشا نكون اسعد

ياسمين يقول...

الأرموطى
والله سمسمة دى كفاية قوى علية
والمعادلة الصعبة حلها ان بجد مجروحة من اقرب الناس
تحياتى

ياسمين يقول...

واحد من الناس
صحيح الإنسان انسان غصب عن اى حد
بس حتى وانت عارف انك انسان
بتبقى محتاج حد يعاملك على انك انسان فعلا
نورتنى يا طارق

ياسمين يقول...

david santos
u welcome

bos bos يقول...

ياه أنا حاسة بكلامك ده قوى قوى لأنى
عايشاه
وجعنى قوى الكلام

الملاح التائه يقول...

يؤلمني كوني إنسانه
كان عنوان بوست قريته ومش متذكر في انهي مدونه ، أن تعيش كإنسان في عوالم لاتعترف بحقوق الإنسان ولا الحيوان ولا اى حاجه
شئ مؤلم
أنعتبر أنفسنا آلات ، جماد ، اشياء
حتى نستطيع ان نساير الألم ؟
سؤال في منتهى القسوة
أنتى ناقصك ايه
وسؤال فى منتهى الغباء أيضا
كيف يجرؤ أن يسأله من يعاين ويعايش أحلك اللحظات فى الوطن الذي اغتصب آلاف المرات؟
الله وحده ملاذنا فالنلوذ به من أجل الخلاص

جـــــوانــــا يقول...

كلنا بنمر بالاحساس ده
ربنا يوفقك
يهمنا رأيك

تحياتنا مجلة جوانا

R.R يقول...

وطبعا ده حقك ومحدش يقدر يسلبه منك ولازم تدافعى عنه مهما كانت الخسائر
وفعلا اهم حاجه ان الواحد يعيش كانسان مش دميه بتتحرك لارضاء الاخرين
حبى وعيشى واتكلمى براحتك
وبصراحه الى مش عجبه ميستهلش منك تبرير لموقف
كلامك جميل ومسنى جدا
تحياتى ياسمينا

ياسمين يقول...

bos bos
زعلت لما حسيت انك بتعانى نفس معاناتى
ربنا معانل احنا الإتنين
تحياتى

ياسمين يقول...

الملاح التائه
شوف انت بتقول ايه على حقوق االإنسان
تخيل بقى نفسك انسان بس النوع .. للأسف .. انثى
تخيل وتألم
وقولى ايه مقدار الألم؟
تحياتى

ياسمين يقول...

جوانا
تحياتى للزيارة
وهآجى أزوركم حالا

ياسمين يقول...

R.R
منتهى الألم أن تكونى انسان والنوع انثى
منتهى العذاب أن تكونى انسان تحت مسمى امرأة
منتهى التخلف أن يحجر على آراءك لمجرد كونك واحدة مش واحد
تحياتى

The Groom يقول...


ياسمين

اسف لتأخري في الزيارة

لكن هل انت بتحسي ان انت مش انسانة معانا؟

لا والله لا يكون

أنت أرق انسانة فينا

خلي ثقتك في الله كبيرة

وتذكري ان الحزن و الفرحة نحن من نصنعهما بأنفسنا

قولي ما تشائين و عبري كما تشائين فنحن هنا لنسمعك و نكون بجانبك

زوريني في أي وقت
:)):))

تحياتي لك من ماناساس البلد

masry يقول...

أستاذه ياسمين أجترار الالام الماضي الي الحاضر والاستغراق فيه لا طائل من ورائه ,أتمني تمتعينا بقصص وأشعار جميله في حفظ الله

Amr Ahmed يقول...

ياسمين

حد يبقي عنده الاصدقاء دول كلهم

ومش عارف يتكلم

لازم تدافعي عن حريتك
مهما كان

وربنا معاكي

من فضلك ابقي طمنيني عليكي
مختفية ليه

تحياتي

Tamer Nabil يقول...

اكتبتى عزيزتى ياسمين فالكتابة طوق نجاة لنا من الهم ومن جراح الايام وهموم الحياة

عبرنى عن نفسك كونى انتى لااحد غيرك


ربنا يوفقك


تحياتى

LOJAIN يقول...

ااااااااااااااه اضغطى على الوجع قوى
كنت انا لسة بقولك ايه من كام يووووم
نقول طور يقولوا احلبوه
نقول عصفور يقولوا اركبوه

متفكرينيش يا حبيبتى
لو كان بس نيل ارمسترونج فى المتناول
كنت رسمت عليه و اشترطت شقتى طريق زحل المريخ الصحراوى
احجز لك فى اللى فوقى يا عسل :))
????

Regards:
Lojain :)

بنى أدم مع وقف التنفيذ يقول...

عيشي أنسانه
طبعا
قومى كل الحاجات اللى بتضغط عليكي عشان تحافظى على انسانيتك

Nohaz يقول...

ياسمين
ارجوكي بطلي تفكير شوية

ياسمين يقول...

The Groom
أنا ثقتى فلا الله كبيرة لكن للاسف ثقتى فى الناس .. اقرب الناس بقت صفر
الأنثى فى مجتمعنا مجرد متاع
ليس لها رأى او قضية أو رغبات أو أحزان أو آلام
هى فقط عروس من صلصال لها وجه مبتسم
أو لعبة فى يد من لايرحم
ما تغيبش كدة تانى يا جرووم

ياسمين يقول...

مصرى
والله يا سيدى أنا أجتر آلام الماضى
بل هو الحاضر ومآسيه
الحمد لله على كل حال
وحسبى الله ونعم الوكيل

ياسمين يقول...

عمرو أحمد
تخيل بقى يا عمرو لما يؤمن بيك الناس اللى لسة عارفهم قريب
ويكفر بك من آمنته وائتمنته
معلش هآجى أزورك قريب
تحياتى يا صديقى العزيز

ياسمين يقول...

تامر نبيل
فعلا لقد أصبحت المدونة هى المتنفس الوحيد لكل منا
مش عارفة من غير التدوين والمدونين كنت هأعمل ايه
بجد .. بجد .. التدوين من أجمل ما قمت به فى حياتى

ياسمين يقول...

لجيــن
الرقيقة
ىه والنبى احجزيلى معاكى بس فى زحل نفسه
او فى أى مكان يحترم النثى ولا يعتبرها مجرد متاع
أى مكان بيعتبروا فيه ان المرأة من الكائنات البشرية
خدينى معاكى لأى مكان .. نفسى أكون انسان

ياسمين يقول...

بنى أدم مع وقف التنفيذ
بأحاول .. وبافشل
وبأحاول .. وبافشل
وبأحاول .. وبرضه بافشل
تحياتى

ياسمين يقول...

نهاز
دة مش مجرد نتاج تفكير
دة نتاج أحداث ومعاملات وتعاملات
تحدث كل يوم وكل ساعة
دة نتاج حياة عشتها وبعيشها وهاعيشها
للأسف .. كإمرأة
عار يا سيدتى أن تكونى امرأة
تحياتى

sendbad يقول...

ياسمين هوني عليكي كلنا بنمر بنفس الحالة لكن كل شئ بقدر يمكن ربنا بيختبر قوة ايمانا وسيوفي الصابرون اجرهم ربنا يرحمنا

مبرمج حر يقول...

انسان طبعا

ياسمين انسانة بجد

ياسمين أقوى من كل الاحزان دى

ياسمين انسانة وهتعيش انسانة غصبن عن أى حد

IRC President يقول...

هو عار على المجتمع

ساعات الواحد بيتمنى إن يكون عنده القدرة على مواجهة الناس إللي بيشوفهم

وفي نفس الوقت القدرة على الإستغناء عن تبهات النوع ده من التعليقات

عادة الناس ده أنا بشتمهم بأقذع الشتائم جوايا وبكبر دماغي، كل إللي أنا عايزه القريبين ليا، وأنا حاسس إنك ممكن تلاقي قريبيين كثير

حوريه يقول...

قلبى معاكى يا ياسمين يا حبيبتى
فاكرة لما اتكلمنا فى الموضوع ده على الماسنجر ؟
انا حاسة بيكى لانى حصل لى نفس الشىء ماانتى عارفة
مش لاقية كلام اقوله لكى غير ربنا معاكى
ناديه

reri يقول...

لازم نفضل حاسين إن ناقصنا حاجات كتير... الإنسان بطبيعته بيميل إنه يبص علي الشئ اللي ناقصه ولا يحاول التفكير فيما يمتلك ... تلك طبيعطنا البشريه بعيد عن كلام من يقولون إنتي ناقصك إيه .... هنا المعايير تختلف .. هم ينطرون إلي الخارج .. أو المظهر الخارجي ... ولكن داخلك بركان ثائر يريد ويريد ... لا يستطيع أن يصرح بما يريد ... مع إن ما يريده شئ مهم وأساسي وأهم بكثير من الأشياء السطحيه التي يعتبرونها كفيله بجعلك سعيده
كلنا بداخلنا هذا البركان

ربنا يقويكي

أحمد سلامة يقول...

الناس دايما مبيعجبهاش حاجه يا ياسمين
خللي بالك عشان ممكن برضو تكوني واحده من الناس دي
الناس دي بقى مش هينفع ترضيهامهما حاولتي
انسانيتك اهم
اصرخي يا ياسمين
اصرخيييييييييييي
في وش اي حد بيطغي على انسانيتك واحساسك
ايا كان
حاربي يا ياسمين
حاربي وما تمليش
احساس الراحه والامان يستاهل الحرب دي واكتر

safa7_karmooz يقول...

ياااااااااااااااه يا ياسمين ...كل ده جواكى وساكته ...:(

بتفكرينى بحياتى اللى انا فيها ....تحكم غريب ...وحسد غريب برضه

مانت عندك اهل وشقه وعربية وفلووس...و...الخ ...محتاج ايه تانى

محتاج حياتى ...عاوز حبة حرية من بتاعتى حبة ..:(

انا عاوز ااتكلم واطلع بس هقلب فى موود مش خلو...وبحاول ااتسم الايام دى اكتر...

بس هفكرك بنفسك ....وهقولك انتى مش مسخ....انتى انسانه ...وسيبك من كلامهم ...خليكى واثقه فى نفسك ...انتى ايه ...وهما شايفين ايه

خدى فترة راحه...وارجعى كالعادة كما اعتدنا عليكى...مبتسمه ...دؤوبة ...لا تملى ...ملاكا يجلس حولنا ...:)

gohayna يقول...

ياسمين يا رئيسه المدونين

انا مش فاهمه ازاي يجيلك احساس انك مسخ
مع وجود شخصيتك القويه الي ظاهره في كل كلمه من كلامك

في كل بوست

حتي في تعليقاتك

كلها بتنطق بالقوه والعنفوان

انتي ابدا مش من الشخصيات الي ممكن يتفرض عليها شيء

وحتي لو حصل بتكون محاوله من الاخر لهد جبل قدامه عارف انه مش هيقدر يعتلي قمته فبيهز اساسه

لكن للاسف هو مش فاهم ان سرعان ما الجبل دا يعتدل مره اخري ويأخد واضعه في الشموخ

لانه مخلوق علي كدا

انتي من النوع دا

ممكن الي حواليكي عايزين يهزو ثقه في نفسك

عايزين يحاصروكي
علشان عارفين انك اقوي منهم وانهم هما الاضعف

وصدقيني الي بيحصل دا ميزعلكيش

لازم تفهمي انه لولا قوتك مكنوش يحاولو يفرضوا ارءهم عليكي

ولو خوفهم من تنامي قوتك مكنوش حاولو انهم يدمروا نفسيتك


اوعي تديلهم الفرصه

انتي اقوي من كدا بكتير اوي

فوقي لنفسك واعرفي انك اعلي من اي احساس بالقهر او الظلم يا ياسمين


اوعي الاله دي تستمر الله يخليكي

طمنيني عليكي

تحياتي

أبو ضحى يقول...

ياسمين
يظهر انى جيت متأخر اوى..معلش متزعليش منى

فى ايه يا بنتى؟ الوضوع شكله كبير اوى و عاوز شرح وتفصيل.
انا عاوز اقولك حاجة ، يمكن تكون فى حاجات كتير نقصانا لكن بردو فى حاجات عندنا و متمتعين بيها يمكن غيرنا هيموت عشان تكون عنده جزء منها

الرضا و القناعة يا ياسمين بيفرقوا كتير مع الواحد و بيأثروا على نظرته للحياة
انا مجرب الموضوع ده بنفسى، و شتان ما بين الغضب و الجزع و الضيق من كل ما حولك و ما بين الاحساس بالرضا و السلام الداخلى و القناعة..و بأن كل ما لديك هو ما يكفيك و أنه هو الأفضل


تعرفى فى حديث لرسولنا الكريم بيقول: لو اطلعتم على الغيب لاخترتم الواقع"
فكرى كده فى معناه..هيفرق معاكى كتير

ابقى طمنينى عليكى

LOJAIN يقول...

بيقولك يا ستى اللى فاضى دلوقت بيت دورين كده الدور اوضة و صالة ومش وحشة مساحتها يعنى
بس فى البقعة الحمرا اللى على المريخ

عيبها انها ايجار جديد , وانا عينى على التمليك
والتليفونات لسة مدخلتش
بينى و بينك ياختشى ميزة حد ناقص وش
وان شاء الله المصرية للاتصالات تفتح فرح هناك و هتبقى عيشتنا منجة

ولو شفت راجل هناك وحياة ربنا لاقبض عليه وهعاملهم معاملة العبيد الرعاع يالله . و اتقى شر الحليم بقى
ولا يهمك .... النساء قادمون

Regards:
Lojain :)

micheal يقول...

ياسمين
بجد مش علرف أقولك ايه..يمكن لان عندي نفس الاحساس في الفتره الاخيره بسبب الظروف المحيطه بي..بس حاولي تبصي للجانب الايجابي أو تركزي جهدك و وقتك مثلا علي كيفيه اعداد البنات و تربيتهم علي أفضل صوره حتي يستطيعوا مقاومه أي ظروف و أي عقبات من مجتمع يتفنن في فرض القيود و العراقيل أمام المرأه
تحياتي لكي و أرجو تكوني بخير

karakib يقول...

أنها تلك الحياة البغيضة التي جئنا اليها دون ارادتنا لنتعذب و نقمع و نري القليل من اهوالها ثم نرحل عنها ايضا دون ارادتنا

ماجد ابراهيم صحفي مشاغب جدا يقول...

كلمات رائعة
وتحمل فلسفة مميزة
لا أملك أن أقول لكى
سوى ماشاء الله

وأعذرينى لعد زيارة مدونتك بشكل كافي بس أن مقصر مع الجميع لاسباب متعددة

عايز أقول أخيرا أنى بهديكى تاج مر عليا هتلاقيه فى مدونتى

وتحياتى اليكى

مصر هى أمى يقول...

ياسمين

ديه طبيعة الحياة عندنا الاب عايز ابنه نسخة منه لازم يفرض عليه كل حاجة
ياكل زى ماهوا بياكل ولازم تكون شخصية الابن زى شخصية الاب لان طبعا الاب هوا الوحيد الى فاهم وعارف كل حاجة

وبالتالى تطلع شخصية الابن منعدمة تماما واما الابن ده يكبر يحاول تكون ليه شخصية يطلع اولاده زيه سلسلة فاشلة من الحياة

للاسف احنا اللى بنخلى حياتنا مسخ بالمنظر ده
كل واحد فينا نفسه يكون حاجة مختلفة مش مختلفة بالمعنى المفهوم لكن نفسه يكون نفسه يعمل اللى هوا عايزة مش اللى غيره عايزه

safa7_karmooz يقول...

ياسميين

فيه طرطشة فى النص عنك هنا

http://meshmesh5000.blogspot.com/2007/05/blog-post_09.html

ممكن تساعد حبة..:)

Ezz يقول...

ياسمين يا صاحبة الروح الجميلة:
كلنا فينا شيء من المسخ ..ليه بقى؟ أقولك ليه.. علشان اللي حوالينا مسخ في مسخ.. الموازين أختلت بجد و بصورة مرعبة.. يعني أصبحت العلاقات بين الناس بتتقاس بمدى جدواها ماديا
وإجتماعيا، إقتصاديا و كمان سلطويا..
رغبات الناس و أحلامهم و أمنياتهم كمان تغيرت.. الشاب زمان يعني من يجي 15 سنة كان منتهى أملي أني أعيش قصة حب و أسمع عبدالحليم(على فكرة الإستماع لعبدالحليم و الواحد بيحب ده ظاهرة صحية جدا) و أعزم حبيبتي على سينما أو نتعشى او نتغدى في لاجازيتا مثلا.. لاكان في موبيل و لا كان في نت و لا كان في اي حاجة غير التليفون العادي و الأبوشن ده بيصبح مستحيل لو سلك التليفون قصير و البت او الواد ما يقدرش ياخد التليفون لغرفته. كلنا يا ياسمين مسخ مش انتي لوحدك.. الحل بالنسبة لي كوخ صغير في حضن ريف سالزبوج و طز في الناس..

The Alien يقول...

مش كل ما تفتح ايدك تبقى بتحضن بنى ادمين .. ده احنا ساعات لما نفرح غنوة يقوم يترد علينا اللحن حزين..
وفر حزنك لسه هتحزن و لم ضلوعك تحت ايديك و قبل ما تحضن بص الاول تحضن مين...
احنا ساعات يوحشنا الناس.. احنا ساعات يوحشنا البنى ادمين..

دا كلام أغنية لوجيه عزيز
بيفكرني دايما إننا عايشين ف غابة
وياما بنقابل ناس نفتكرهم بني ادمين ويطلعوا ...

اللي أعرفه وبشهادة الجميع إنك إنسانة
وإنسانة جميلة


تحياتي

مـحـمـد مـفـيـد يقول...

ياسمين
كلنا نتعرض للمحن
ومن المحن تاتي المنح

اخر من الاخرين يقول...

اصلا كلنا بنحاول نكون احنا و الدنيا بتقومنا بالقسوة و بتغرينا بالمتع و بتهددنا بانها هتسبنا و تمشي
اللي مش فاهم ميزة انة يكون فوق الجبل هيفضل طول حياتة يقنعني اني افضل معاه ... تحت . متسبيش حاجة تقنعك اني متطلعيش الجبل

whyme يقول...

يظل مشتت و مضطرب و متردد الى ان يتوحد و حينما يتوحد فقط يصبح انسان


ان تكون انسان فعلى هذه هى معركه الحياه و الغرض منها

يكفى هذا البوست لكى اتاكد انك لست بمسخ


فالمسخ لا يشعر او يحس انه مسخ و لكن مشاعر الانسان هى التى تحركه


تحياتى يا صديقتى العزيزه

ياسمين يقول...

سندباد
يمكن صحيح ربنا بيخضعنا فى اختبارات
بس صدقنى .. دى اختبارات جامدة قوى
ربنا يصبرنا بجد

ياسمين يقول...

مبرمج حر
تعليقك قدر يرسم بسمة على شفتاى
أشكرك

ياسمين يقول...

IRC President
المشكلة اساسا فى ان اقرب الناس لا يؤمنون بك بينما ناس لسة عارفهم من كام شهر ممكن يقدروك أكتر من القريبين
القرب قرب روح مش قرب جسد
تحياتى

ياسمين يقول...

حورية
فاكرة يا حورية يا رقيقة
فاكرة ..
بس عاوزة أسألك سؤال
هى الدنيا هتبطل تعمل كدة فينا امتى؟؟؟

ياسمين يقول...

ريرى
انتى من القلائل اللى فهمونى
وفهمتى قوى قوى أقصد ايه فى البوست

محض روح يقول...

انا عارفه الشعور ده اد ايه مؤلم
بس
عايزه اقولك حاجه احساسك انك معندكيش ولا حاجه مش هيخليكي تشوفي اي حاجه
عارفه انتي مثلا عندك زهره ياسمينا
بس مش حسه بيها مش مستمتعا بجملها مش قدره تشمي رحيتها
علشان عنيكي على الأوركيد
ممكن يكون انشغالك باالأوركيد مش مخليكي تشوفي اليسمينا كويس
انتي بيعدي عليك حجات كتير حلوه بس مش وخده بالك
ولو جالك الي انتي عايزها هتندمي على الوقت الي ضيعتيه تستنيه
حبي الي معاكي

ومضيعيش جماله بانشغالك بالي مش عندك
كل الي بيعدي عليكي دلوقتي حرام انك ماتستمتعيش بيه راعي اليسمينا لحسن تدبل

فهماني
ربنا يخليلك بناتك ويبركلك فيهم يارب
وتشوفيهم احلى عروستين

ربنا معاكي
ياجميل

ياسمين يقول...

أحمد سلامة
لا والله يا دكتور . أنا دايما عندى رضا بما قسمه الله
بس لو تعرف سبب كتابة البوست دة .. هأصعب عليك
لما تحتاج للحب والتقدير والإهتمام والناس تبصلك على انك مجنون .. ليه؟؟
عشان انت عندك حاجات كل الناس نفسها فيها؟؟ طيب قولى انت؟؟
هو مثلا العربية تغنى عن الحب؟؟
طيب .. هو الملابس الشيك والبرفانات تغنى عن التقدير؟؟
أو هل الطعام فى المطاعم الفاخرة تغنى عن طبق فول مع حد بيهتم لأمرك؟؟
هل اللأشياء أيا كانت قيمتها تغنى عن الشعور بالآدمية؟؟؟
الشعور انك انسان لا يعادل أى شىء فى هذا الكون وليس له ثمن

ياسمين يقول...

سفاح كرموز
كل اللى محتاجاه ان اقرب الناس يعاملونى على انى انسانة مش عروسة فى ثياب أنثى
تحياتى وشكرا لوقوفك جنبى
وشكرا للبوست الرائع اللى انت كاتبه عنى يا صديقى العزيز

ياسمين يقول...

جهينة
انتى كأنك عشتى معايا الأحداث اللى كتبت البوست بسببها
مش قادرة أتخيل قوة بصيرتك
مش قادرة اصدق قراءتك للأحداث
بجد .. كانك عايشة معايا وشاهدة على أحداث بتحصل فى حياتى الشخصية
تصفيق حـاااااااد
:)

خواطر شاب غاضب يقول...

luh;d pr
معاكي حق
معاكي حق

ياسمين يقول...

أبو ضحى
أنا بأتعرض فى المرحلة الحالية لنوع رهيب من القهر
الفكرة مش ايه اللى عندى
الفكرة فى انى ممكن اتنازل عن أى حاجةم مادية فى مقابل انى اتعامل كإنسان
انسان من حقه يعبر عن رأيه
يقول اللى جواه
يطلب حاجة وتتعمل حتى لو كانت صغيرة
يعنى انت لو كل اللى بتتمناه وردة حمرا تعبر عن الحب ولا أجمل جواهر العالم تغنيك لو كانت من غير حب
تحياتى

ياسمين يقول...

لجيـــــن
الرقيقة خفيفة الدم
أضحكتينى والله
كويس برضه .. ندور تانى وأكيد هنلاقى مطرحين بمنافعهم
والنبى يا شيخة أنا عاوزة اتنين عبيد من اياهم عشان التنضيف والطبيخ
:)))

ياسمين يقول...

مايكل
والله يا مايكل انا ابذل قصارى جهدى مع البنات عشان مايحسوش بالتمييز العنصرى فى المجتمع
لكن أنا بينى وبين نفسى اشفق عليهم منه فى المستقبل
تحياتى

ياسمين يقول...

كراكيب
كل انواع القمع فى الدنيا لا تعادل القمع الناتج عن التمييز العنصرى ضد المرأة فى مجتمعاتنا المتخلفة
أنا بقيت أدعى عليهم يتقلبوا ستات عشان يحسوا بالظلم اللى بتحس بيه الست
ولو ليلة واحدة

ياسمين يقول...

ماجد ابراهيم صحفي مشاغب جدا
لا يا فندم مالكش عذر
واستأذنك فى موضوع التاج دة
ماتزعلش بس انا مش بحب اتكلم عن نفسى
ممكن اتكلم عن روحى لكن مش عن نفسى
فاهمنى
تحياتى

ياسمين يقول...

مصر هى امى
مش الفكرة يا محمد
انا كل اللى عاوزاه ان حد يسمعنى ويفهمنى ويقدرنى ويهتم بما اريد مش بس ما يريد هو
تحياتى

ياسمين يقول...

عــــــــــــــز
آه والله كلنا بقينا مسخ
بس انت برضه فى النهاية رجل
أما الأنثى فى مجتمع زى مجتمعنا يا اما تبقى مسخ .. يا اما تكون أصلا مسخ
أما انسانيتها فهى مطلب بعيد المنال
تحياتى

ياسمين يقول...

The Alien
آه والله صدقت
كتييييييييييييير بنقابل ناس نفتكرهم بنى آدمين ويطلعوا مسخ وعاوزينا نكون زيهم
شكرا يا بيشو

ياسمين يقول...

محمد مفيد
صحيح
ضاقت فلما استحكمت حلقاتها
فرجت وكنت أظنها لا تفرجُ

ياسمين يقول...

آخر من الآخرين
طب ايه رايك بقى فى اللى يربطك بالسلاسل تحت سفح الجبل ويطلع لوحده

ياسمين يقول...

whyme
صحيح انا أكيد انسان والدليل البوست دة
يبقى بقى يا ريتنى كنت مسخ وما اهتمتش ولا اتالمت ولا حسيت بالغربة
تحياتى الى صديقى العزيز

ياسمين يقول...

محض الروح
انا للأسف بحب اللى معايا
بس اللى معايا هو اللى مش بيحبنى
ومش عاوزنى كمان يبقى لية متطلبات العاشقين
نوتى المدونة

ياسمين يقول...

خواطر شاب غاضب
طبعا معايا حق
بس الحق اغتصب من مالكيه يا سيدى

janin يقول...

نا زعلت لما قرات البوست لاني حسيت انك لازلت في ازمة,او علي الاقل مش راضية عن اللي وصلتي له,انا لما قرات البوست و فكرت فيه وجدت انه نفس اللي جوايا,بس لقيت اني من كثر ما اتقفل فمي و اتعقد لساني و لم يسمعني احد,اصبحت لا اعرف ماذا اقول ثم,اصبحت اللآن لا اعرف ماذا اريد ان اقول , نسيت اني انسانة,و يا عزيزتي لا تستسلمي لهذا الصمت , فاذا لم يهتم الآخر بما يسمع ,فعلي الاقل لن تنسي انت انك انسان, له مشاعر و ومتطلبات

حصان بري يقول...

الحريه هي اهم ما يميز الانسان
حقيقي
ولكن علي راي صلاح جاهين:
لا تجبر الانسان ولا تحيره
يكفيه مافيه من عقل بيحيره
اللي النهارده يطلبه ويشتهيه
هو اللي بكره يشتهي يغيره

حاربي من اجل حريتك عزيزتي
ولكن اعلمي اولا ماذا ستفعلين بها

فكره البوست جميله
يا ياسمين
ولو غصبوا عليكي بكباب تاني ابقي ابعتيه عندي المدونه وانا هبعتلك طبق فول بالزبده

أبو ضحى يقول...

ياسمين
بيضايقنى كتير انى الاقيكى فى أزمة و ميكنش فى ايدى اى شئ اعمله غير الكلام، و خصوصا ان مفيش اى تفاصيل عن ماهية الازمة دى، و ده لأنها حاجة شخصية طبعا

لا أعرف مادا أفعل؟
أتمنى لو تمر الأزمة دى و تخرجى منها على خير

ياسمين
يا ريت لو فى اى حاجة ممكن اعملها تقوليلى.انت عارفة انى لا يمكن اتأخر عنك

farida يقول...

انتي انسانه جميله يا ياسمين و ستظلي انسانه
و لن ينتقص أيا كان من انسانيتك شيئا
كلمة انتي ناقصك ايه دي كلمة كل الناس
الناس تشوف اللي عند غيرها و تستكتره عليه
و تبالغ في وصف ما ينقصها

سهر الليالى يقول...

لازم تصرخى وتقولى وتصرحى بكل حاجه جواكى علشان تقدرى تعيشى وتكملى مش ياسمين اللى ممكن تكون مســــــــخ واللى حواليكى عارفين كويس انك مش ممكن تكونى كده استرجعى ثقتك بنفسك وايمانك بانسانيتك احنا كلنا بشر وانت انسانه وانسانه عظيمه رغم انف اللى مش شايف كده ولو انى اعلم انه لايوجد شخص قريب او بعيد يشك ان ياسمين انسانه بمعنى الكلمه استرجعى تصرفاتك وافعالك مع الجميع وسوف تشعرين بقيمه وجودك فى حياتهم .. وتاكدى ان اللى يحاول يسكتك ويضع كمامه على فمك شخص اضعف منك وحجته ضعيفه والحق مش معاه لانه مش قادر يقنعك فقرر انه يخرس صوت الحق اللى هو صوت
ياسميــــــــــــــــــــــــــــــن

LOJAIN يقول...

تعالى يا حبيبتشى و عيطى على كتفى انا عندى كلينكس كفاية
هاهريكى نكت
واحب اختم الليلة بطبق بليلة من بتاع الجمعة اللى فاتت
:))

دماغك ده علبة مجوهرات
مش من المنطقى ابدا انه تحطى فى علبة المجوهرات زبالة

حطينى انا :))
ياريت نتكلم قريب يمكن الجمعة زى كل مرة واضحكك شوية
سلام يا قمر

Regards:
Lojain :)

.:.-=- ELGaZaLy-=-.:. يقول...

السلام عليكم ...

ازيك يا ياسمين يارب تكونى بخير

مسخ انتى؟؟؟

همممممممممم

مظنش خالص يعنى .ز مفيش مسخ عندة بنتين حلوين دة واحد

ومفيش مسخ عندة كل كمية الاصحاب دى

سواء على النت او فى الحياة دة اثنين

ومفيش مسخ بالشخصية دى والا يبقى سندريلا مش مسخ...

انتى افضل من يعرف نفسك لا الناس ولا المسوخ...بل انتى بس

محدش فى العالم كلة بيملك كل حاجة والا يبقى فى الجنة مش فى الدنيا ولا الاكل ولا الشرب ولا اى شئ اخر فقط انتى من يشعر بالنقصان فى شئ ربما انتى بذات نفسك

لا تدرية؟؟

غريبة بس احنا بشر ودة الطبيعىة

محدش هايعترف بحقك لان حقك مش محتاج اعتراف محتاج بس انك تفرضية بالقوة

انا مش هارهن على قوتك لان انتى بشر وليكى لحظات ضعف

انا هارهن على احترامك لنفسك ولفكرك ولدماخك الى هيا كدة عاجبكم عاجبكم مش عاجبكم فى اربع حيطان


ارجعى لقواعدك ولثقتك فى الله التى تستمدى منها ثقتك فى نفسك

واشك بانكى لم تعرفى الاجابة

انسان

انثى بشر


وكونى انتى حتى لو رفض كل المسوخ ستظلين انتى فقط

اخر من الاخرين يقول...

ياسمين لو حد ربطني تحت بالسلاسل و طلع لوحدة يبقي جني علي نفسة لانه حول المنافسة و الرغبة (الشخصية) في اني اكون احسن ل حرب . و في الحالة دي ههد الجبل فوق دماغة و هطلع اقعد في اعلي نقطة.

ياسمين يقول...

لجيــــن
انا فى الحقيقة مستسلمة
غصب عنى
وهاستناكى نتكلم .. بحب اتكلم معاكى يا سكر
ونضحك على حالنا شوية
تحياتى

ياسمين يقول...

حصان برى
اللي النهارده يطلبه ويشتهيه
هو اللي بكره يشتهي يغيره

عجبتنى قوى الكلمات بتاعة صلاح جاهين دى وجاية على الوجيعة

شكلك كدة نفسك فى كباب
:))))

ياسمين يقول...

أبو ضحى
شكرا طبعا لإهتمامك الدائم
المشكلة انى مش ازمة
دى حياة كاملة للأسف
احب اشوفك قريب على الماسنجر

ياسمين يقول...

فريدة
المشكلة اننا فى عالم لا يعترف بإنسانية النساء ويعتبر ان كل طلباتهم مجرد اكل ولبس واشياء بعيدة عن الإنسانية
تحياتى

ياسمين يقول...

سهر الليالى
انتى وكثير من الناس الحلوة دى بيرجعوا لى ثقتى فى نفسى
ربنا مايحرمنيش منك ابدا
تحياتى

ياسمين يقول...

الغزالى
فرحت جدا لما لقيت تعليقك
ولما قريت كلامك الحلو اللى كله تشجيع
انت عارف قيمتك عندى وعارف قد ايه آراءك بتعجبنى
ما تقطعش الزيارة بقى

ياسمين يقول...

آخر من الآخرين
اوعدك ان دة اللى يحصل
واشكرك بجد للمتابعة وتكرار الزيارة
تحياتى

Hannoda يقول...

ياسمين

قريت الحوار عند شيماء
وأنا مع فكرة الجمعية جدا لإن أولا إحنا محتاجين نتعلم إزاي نتكلم

إزاي نتثقف
أنا مش مثقفة.. عندي هواية القراءة لكن معنديش إراده الإستمرار

وكتير منا كده.. ما إتعلمناش نداوم على شيء.. أو نرتبط بشيء
وأكيد كتير مننا أول مرة يداوم فيها على شيء هي لما دخل التدوين

تلقائيا من غير ما نحس بقينا بنعمل حاجات يمكن كنا بنعتبرها نفخ و تعقيدات مالهاش لازمة

الحاجات ده هي إنتقاء الأسلوب الجيد
فهم الآخرين
إحترام الآراء
الإهتمام بالغير
التفكير العميق فبوست جيد عشان يكون تعليقي جيد
كل ده مش حاينعكس على تعاملاتنا

إسلوب عملنا في وظائفنا
إسلوب دراستنا لمناهجنا
إسلوبنا فحب البلد ده

الاجابة مش محتاجة

يا ريت يكون فيه جمعية ترتقي بفكر السباب .. و الشباب اللي فيها يسعوا لللإرتقاء بفكر اللي حوليهم بخطط منظمة من ناس واعية و مثقفة

أصل إحنا مش محتاجين غير الرقي

ملتيني حماس و أمل يا ياسمين

ياسمين يقول...

هنودة
انتى كلامك صحيح مية فى المية
التدوين علمنا كتير
علمنا ازاى نبقى متحضرين فعلا وازاى نقدر نحاور ونجادل ونناقض بدون انفعالات
وعلمنا ان اختلاف الرأى لا يفسد للود قضية
وعلمنا ازاى نحترم الرأى والرأى الاخر
وشكرا لدعمك لفكرة الجمعية لأنى أعتقد اننا يجب أن نظهر فى حيز قانونى تجنبا لأى مشكلات خاصة بعد تغيير الدستور
وحتى نخرج للنور بشكل واضح ومحدد ويكون لنا قوانين ودستور خاص بالجمعية
أنا معروض علية اننا نكون تابعين لحزب معارض على شكل لجنة حزبية
الأحزاب بيكون فيها لجان .. لجنة المرأة .. لجنة الشباب .. اللجنة السياسية.. اللجنة الإجتماعية
أحد الحزاب المعارضة عرض علية اننا نكون لجنة التدوين اللكترونى
بس فى الحالة دى هيبقى فى عيب وهو اننا يجب جميعا ان نعتنق افكار الحزب وتوجهاته ودى طبعا حاجة برضه صعب تتفرض علينا
الميزة الوحيدة انهم هيوفروا علينا التكاليف الخاصة بالجمعية وهيوفرولنا المقر كمان
لكن برضه انا لم أوافق ولم أعترض حتى الآن
شكرا لدعمك مرة أخرى
وشكرا لزيارتك العزيزة قوى علية
تحياتى لهنودة الرقيقة

قلوب حائرة يقول...

ليكي حق فعلا وخصوصا أن الانسان بيظن ان بالامور المادية بتحقق له كل شي وبينسي ان في امور كتيرة بيحتاجها الانسان تتعدى بكثير الامور المادية

REEMOO يقول...

ياسمين اللى اعرفها عمرها ما هتتحول لمسخ ابدا
ياسمين اللى بالنسبالى مثال يحتذى بيه
ياسمين الناضجه المتكلمه الصديقه عمرها ما هتسكت لانها بساطه كلامها بيدخل امل على قلوب كتير
وبيقوى قلوب كتير
اتمنى ان دى تكون مجرد تدوينه
متكنش حاله مسيطره عليكى
يارب تكونى دايما بخير
تحياتى

وينكى يقول...

اصعب حاجه بجد لما نلاقى ماحدش مقدر كل الاحاسيس دى
لما يبقوا فاكرين ان الحياه اكل وشرب ولبس ومتع وفسح
لكن لو الواحد بص كويس هايلاقى انه فى حاله يرثى لها بجد
بقى مسخ مشوه مالوش الحق انه يفتح بقه لمجرد ان متطلبات الحياه الاوليه متوافره ليه ولا اجدع بهيمه
اسفه لاستخدام اللفظ..لكن حبيت اقولك انك لقيتى من تشاركك الامك
اعذرينى على تقصيرى فى زيارتك بس خلاص الوقت ازف والامتحانات كمان اسبوعين بالتمام والكمال

الشيطان يعظ يقول...

مدونة جميلة جدا
اتمني نكون اصدقاء و تزروني

kafrawy يقول...

لا يوجد ما اصف بة شعورى ......؟
سيدتى
_اسمحى لى _ ان انحنى امام كلماتك

LAMIA MAHMOUD يقول...

اللي انا اعرفه ان مهما اختلفت رغباتنا فلازم نحترم رغبات بعض ورغبات الاخرين

واللي شايفاه مع غري وبيسعده ممكن يكون مبيمثلش ليه اي اهمية .. واللي معايا والناس شايفينه كويس ممكن يكون مش هو ده

اقولك سيبيها وهي حتعدي واعملي اللي يريحك واختاري اللي يريحك مش مهم مين عايز يقولك اية

الشيطان يعظ يقول...

هاي
هاي
زعيمة المدونين
تسمحيالي اني اتعرف عليكي
انا احدث عدو في المتنظومه تحياتي مولاتي الملكه
و اقبالي دعوتي لزيارة مدونتي المتواضعه

حوريه يقول...

حبيبتى ياسمينا
الدنيا بطلت تعمل فىا اى حاجة لا اريدها لما خليت قرارى بايدى و رفضت وصاية احد على
طبعا موقف مش سهل بس انا اتخذته و نجحت و الحمد لله
جربى يا ياسمين .. رغم انى متوقعة ان موقفك سيجبرك على اتخاذ هذه الخطوة
لاننا كما قلتى انتى لسنا مسوخ
و عندها ستعرف الحياة كم كانت مخطاة و سيندم من تهاونوا و ظلمونا
خليكى قوية مهما حدث ..
قلبى معك
ناديه

Big Trap Boy يقول...

Invitation from the tunisian bloggers
دعوة مفتوحة من المدونين التونسيين إلى كل مدوني المغرب الكبير
Invitation des bloggeurs tunisiens à tout les bloggeurs Maghrébins

dyin_soul يقول...

كلماتك مؤثرة جدا و موجعه أيضا
أعرف قول البعض ممن لا يعون ولا يفهمون شيئا
أنت تملك كل شئ فلم الحزن

أعرف أن هذا شئ مؤذ جدا للمشاعر لأن الناس في عصر الماديات لم تعد تنظر لما هو غير مرئي أي متطلبات الروح
وبما أن روحك لازلت حية و ترفضين الاعتراف بهذا الفكر التقليدي فأنا أبشرك بأنك انسانة كاملة ولست مسخا كما تظنين فالمسخ هو ذلك الذي يظن أن السعادة بقدر ما يمتلك الانسان من ماديات
وفقك الله و رزقك الطمأنينة و راحة البال

عبدالله يقول...

ازيك ياسمين عامله ايه
طبيعي جدا ان ناس مش تحس باحتياجتنا وطبيعي جدا اننا نعترض و اكيد هنقدر نوصلهم عاوزين ايه في يوم من الايام
افتكري دايما ان السعاده مش منبعها الاخرين السعاده طاقه ايجابيه بتخرج من داخل النفس لو اعتمتدت علي الاخرين او علي البيئه المحيطه هتنتهي بسرعه علمي نفسك يكون ليكي روح داخليه متوافقه مع نفسها قريب من ربها دي دايما الطريقه الوحيده الي بقدر احس بيها بسعاده و دايما بفتكر وقت الخنقه الايه الي معناها ومن اعرض عن ذكري فان له معيشة ضنكا
دي بجد بتلخص حاجات كتير في حياتنا كلنا فكري كتير في ربنا و قربي منه اكتر و حاولي تعرفيه و تفهميه اكتر وتحبيه اكتر ساعتها مش هيفرق معاكي اي حاجه بتحصل حوالي ان سعادتك هيبقي منبعها الروح


تحياتي

harmless يقول...

بصى
حاقول كلام من باب الكلام
يعنى من باب العك
يعنى من باب السفسطه
يعنى من باب الجدل
مرة يعنى وتعدى
ما تزعليش

مش باتكلم عشان كل ما اتكلم يسكتونى
ليه مسموح لهم يسكتوكى؟
ليه مش بتتكلمى غضب عنهم؟

مخنوقه وعايزه اقولهم يشيلوا الحبل من رقبتى
ليه عايزه حد يشيل الحبل
ما تشيليه او تقطعيه او تحرقيه هو واللى بيحاول يحطه فى رقبتك

فيه اللى بيقولك ان انتى عندك كل حاجه وما تتكلميش
ايه اهميه كلام من اللى مش حاسس بيكى؟
ليه معكننك ان حد يقول كده او حد ما يقدرش احتياجاتك؟

عايزه احب واتحب كانسانه
وليه تحبى او تنتظرى الحب من انسان مش عارف حب الناس ازاى ومش عارف الانسانيه ازاى
ارض الله واسعه وانتى شخصيه محببه جدا للكثيرين

ليه محتاجه معونه فى طلبات اساسيه
طلبات هى الفرق بين الانسانيه والمسوخ
يعنى مش موضوع هين
ما تاخدى المبادره وتنتزعى حقوقك وتشكلى حياتك بالشكل المريح لكى

انا زى ما قولتلك عارف ان كلامى سفسطه او جدل
لان اللى فى ايده فى الميه مش زى اللى ايده فى النار
وعارف ان ليس من رأى كمن سمع

لكن ياسمين اغلى من انها تتألم كده

Noony يقول...

على ما أعتقد إن الموضوع دة طبيعي وبيحصل عادي جداً
ولا المفروض انه ميحصلش ومن كتر ما بقى يحصل معايا مبقتش عارفة أفرق بين المفروض واللي مش مفروض!؟
مش عارفة بقى
على العموم، دي فترة وتعدي إن شاء الله
بس ماتسيبيش نفسك للأفكار دي كتير

إن شاء الله خير
وانتي انسانة...وانسانة جميلة أوي كمان

:)
نوني

ابن مرّ يقول...

عارفة

مش مهم العالم بيبص لنا ازاي

المهم احنا ازاي بنبص لنفسنا

بحس اننا في اللحظات اللي مش بنشوف فيها نفسنا بقلوبنا بياكلنا اليأس وبيحسسنا بالتضاؤل ده لأننا لما بنبطل نشوف بقلوبنا بنبص -في- و -ب- عيون الناس الباردة وبننسى عيون الله الحارس


من ابدع فيك الروح اطلقها انسانا مسؤلا

لا أحد يستطيع أن يغير ذلك
لكنا نعمى أحيانا
اذ نفتح أعيننا معتقدين بأنا نقرأ ما في أعين كل الناس
لأنّنا حينها نغلق قلوبنا عن كلمات الله المنثورة في لغة العالم






-وبرغم كل شيء يبقى قاسيا جدا أن ننظر في أعين من نحب ولا نجد ما نشتهي أن نراه-





ليكن الله في قلبك كي تري بنوره نفسك

كراكيب عادل يقول...

يا طماعة

:)

كفاية حب الناس ليك

انتي ياسمين

مش مسخ ولا حاجة

هوني علي نفسك واستشعري ما انت بة من عافية وصحة

اما عن الاخرين فرضي الناس غاية لا تدرك اطلبي رضا الله وسوف تجدين كل الرضا النفسي بداخلك

تحياتي

ياسمين يقول...

قلوب حائرة
نورتى المدونة بجد
وأرجو تكرار الزيارة
تحياتى

ياسمين يقول...

ريمووو الجميلة
نورتينى وشكرا لإهتمامك
كلنا آدميون لكن يعز على أى منا أن يعاملنا وكأننا لاشىء أقرب الناس الينا
تحياتى

ياسمين يقول...

وينكى
طب والله اللفظ اللى تعتذرى عنه دة هو المظبوط
وهو نفس اللفظ اللى انا باستخدمه فعلا
احنا بنفكر بنفس الطريقة على فكرة
تحياتى

ياسمين يقول...

الشيطان يعظ
انت نورت المدونة وانا رحت زرتك وتركت له تعليق
تحياتى

ياسمين يقول...

كفراوى
نورت المدونة وأهلا بك فى كل وقت
تحياتى

ياسمين يقول...

حورية
صديقتى العزيزة
انا مبسوطة قوى انى بأسمع منك الكلام دة
انتى انسانة قوية و واثقة من نفسك
الثقة دى هى اهم ما نملك
وربنا يقويكى اكتر واكتر على محن الحياة
تحياتى

ياسمين يقول...

dyin_soul
حلوة قوى الدعوة دى
فعلا الماديات طغت على حياتنا
والناس بتفكر انها اهم حاجة
هى طبعا مهمة بس مش كفاية عشان نحس بآدميتنا
تحياتى

ياسمين يقول...

لمياء محمود
دايما بتعجبنى تعليقاتك المتزنة
انتى عندك حق فعلا
تحياتى

ياسمين يقول...

عبد الله
شكرا لدعمك
بس برضه
أنتم أعلم بامور دنياكم
تحياتى

ياسمين يقول...

هارملس
انت رديت على نفسك بنفسك
اللى ايده فى المية مش زى اللى ايده فى النار
تحياتى

ياسمين يقول...

نونى
انتى اللى انسانة جميلة وما تستحقيش دة
انتى قدامك الحياة طويلة ولسة فى البداية
ماتخليش حد يعاملك كدة من الأول
تحياتى

ياسمين يقول...

ابن مر
انت هنا فى مدونتى
يا هلا يا هلا
ربنا يقدرنا ونتحمل قسوة الأحباب
تحاتى

ياسمين يقول...

كراكيب عادل
حب الناس جميل بس ساعات حب شخص واحد يكفى ويفيض
تحياتى

Ahmed taher يقول...

اعتذر عن تاخيري في الرد

اشعر بسخط كبير وعظيم في هذا البوست منك
وكم مرارة كبير وليس بهين وفد عبرتي عنه بكل قوة باحساسك انك مسخ وليس بشرا
استسمحكي عذرا اختلف معك كاعادة لاكنه خلاف الاعزاء
مهما يحدث حولنا لا يجب ان نكون هذه الصوردة السوداوية حول اعيننا وانت ما اري دائما دعمك لغيرك فكيف تقعين في الفخ يا عزيزتي اذا كنت فعلا على صواب فلا تبالين الا بالخالق وان كنت تشعرين بالخطأ فلدينا عقل لا يجب ان ينام

يبدو لي دائما وكان شريط حياتي مررت به هو من جعلك تمتلئيين بصورة شديدة السواد بالنسبة للرجال وهي بالتاكيد مبالغة منك لان ان نقلب الشواذ ونجعلهم هم القاعدة فهذا لا يصح
الخطأ موجود ليوم القيامة مادمنا مؤمنيين
يا عزيزتي ياسميين
اعتقد انك اقوي كثيرا من ذلك
تحياتي

loumi يقول...

يااااااااااااااااااااه
ده انا جيت متأخرة قوى قوى قوى ولما قريت كم التعليقات قلت يبقا انا فى الممكان الصح انا اكيد عند ياسمين:)
هاحاول ما اقلش حكم ومواعظ بس
عندما يحس انسان مننا بالمسؤليه يزداد احساسه بمشاكل كل من حوله من اول الطفل اللى ماشى حافى فى الشارع للاطفال الذين وجدوا انفسهم مضطرين ان يمتحنوا فى مواد اضيفت لهم قبل الامتحانات بشهر تقريبا0
وهذا قدرك
الذى اخترتيه بارادتك لذلك وجب عليك ان تكونى انت البادئه فى كل شىء لا تتركى احد يملى عليك شروطه مهما كان
و اللى شايف انك مش ناقصك حاجه مش فاهم اى حاجه لانه ينظر الى الاشياء الملموسه وتغيب عنه اشياء كثيرة لا يمكن ان يدركها اللى انت فيه ده طبيعى بشكل مؤقت لكنه لن يطول وانت تعلمين ذلك اكثر من اى شخص اخر
ودايما بعد الضيق فرج
وبعد الغروب شروق
و دايما اشوفك مشرقه
تحياتى

حواء يقول...

وحشانى جدا واللة
حاسة بيكى جدا وعارفة قاصدك
وبقولك معظم الناس بيكون دة ردهم ولسببين إما علشان مش حاسيين بيكى أو علشان بيصبروكى بطريقتهم
عايزة أكلمك على الاميل مابلاقيقيش
اتركى لى ميعاد

R.R يقول...

جاسى
انا مررتلك تاج

لو تحبى يعنى
يلا سلام

The Groom يقول...


متطوليش الغيبة علينا

دا حتا ديفيد سانتوس الامور ده يزعل

وانا كمان ازعل والله واقلق :((

تحياتي لك من ماناساس البلد

ياسمين يقول...

أحمد طاهر
هو مش شريط حياتى اللى فات بس انا كمان شفت تقريبا الماضى والحاضر وتوقعت المستقبل
تحياتى وشكرا

david santos يقول...

Blogues puts all the MADELEINE photo in yours, a girl of 4 years of age that was abducted in day 4 in the Beach of the Light, in the Algarve, Portugal. They send the image of MADELEINE to all blogues of Morocco, Tunisia and Argel, thanks a lot

أبو ضحى يقول...

ياسمين
لما كنت باقرا بوستاتك و اعلق عليها فى الاول كان عندى دايما الامكانيه انى احس انى بحاول احل معاكى المشكلاتيعنى كنت فاكر انى بساعدك..كنت فاكرنى مفيد بالنسبة ليكى
لما اتكلمت معاكى على المسنجر و عرفت ما لم اكن اعرفه حسيت ان كل كلامى اللى قبل كده و اللى بعد كده ملوش اى لزمة

ربما يكون افضل شئ اقولهولك انك لازم تفضفضى دايما و احنا نسمعك

عزيزتى
يضايقنى انك تكونى مش سعيدة فى حياتك و انت سبب من اسباب سعادتى

ولست وحدى بل الكثيرين

و يالها من مفارقة عجيبة

عزيزتى
صبرا جميلا و فرجا قريبا ان شاء الله

تحياتى

ياسمين يقول...

لومى
كلامك ادانى أمل كبير فى المستقبل
صحيح
ضاقت فلما استحكمت حلقاتها
فرجت .. وكنت أظنها لا تفرجُ

كلامك فكرنى ببيت الشعر دة
واشكرك على المجاملة الرقيقة فقد رفعت من روحى المعنوية بجد

تحياتى

ياسمين يقول...

حواء
أشكرك بجد لإهتمامك يا حواء الرقيقة
انا بكون دايما على الماسنجر الصبح من
الساعة 12 لحد الساعة 3 ظهرا
اتمنى اشوفك
تحياتى

ياسمين يقول...

R.R
هأروح اشوف التاج ولو انى مش بحب التيجان دى وبحس انها بتجبرك على انك تقولى حاجات يمكن تكونى مش عاوزة تقوليها
لكن اشكرك على التاج حتى من قبل ما أشوفه

ياسمين يقول...

The groom
صديقى العزيز من ماناساس البلد
انا هنا على طول ورايحة ازورك حالا
تحياتى لك ولديفيد سانتوس المريب

ياسمين يقول...

david santos
thanks alot but i dont understand why u need to contact the egyptian blogers when u dont understand arabic
thank u

ياسمين يقول...

ابو ضحى
لما تكون عارف ان حياتك خلاص اصبحت طريق طويل من الشقاء لا ينتهى الا بموتك أو بما يعلمه الله
هتفكر انك تحل مشاكل ناس تانية وتسعد ناس تانية لأنك يأست من نفسك .. دة أولا .. وثانيا لأنك ان كنت تفتقد السعادة فى حياتك هتعوضها بإبتسامة سعيدة تراها فى عيون شخص مددت له المساعدة يوما ما
ثالثا .. نحن مثقلين بالذنوب نبحث عن طريق الى الجنة بمساعدتنا للآخرين فقد يكونون الطريق لسعادة ابدية فى عالم آخر
شكرا يا أبو ضحى .. بجد اشكرك يا صديقى العزيز

شيماء الجيزى يقول...

مش عارفه اقول ايه يا ياسمين
انا مريضه وكنت مشغوله وغاصبه على نفسى رغم انى محتاجه للراحه
غير كده فى نفسى اسوأ حاله نفسيه
تقريبا انتى ترجمتى الحاله دى فى كلامك
مش عارفه اقولك ايه بجد
انا بمر بكل كلمه انتى كتبتيها
انا مش عارفه حتى اكلم
ومش عاوزة اسيب الكومنت ده
انا اسفه على كلامى

gohayna يقول...

ياسمين

يا اختي وصدقتي

بجد مش عارفه اشكرك ازاي

علي سؤالك عليا وتشجيعك ليا

ووقوفك جنبي

بجد مش عارفه

انا الحمد لله كويسه طول ما انتي منوره مدونتي بدخولك

والله مش هزار

ربنا يرفقك ويحبب فيكي كل النناس جزاء قلبك الطيب واخلاقك العاليه

الف مليون شكر يا ياسمين

.:.-=- ELGaZaLy-=-.:. يقول...

كل دة ومفيش بوست جديد؟؟؟

يا ستى كل الجروح ليها دوى على راى على الحجار

ربنا احن عليكى من الناس كلها..

يلا بقى فين بوستاتك فى انتظارك بفارغ الصبر

تحياتى

ياسمين يقول...

شيماء الجيزى
انتى عارفة غلاوتك يا شمياء
انتى تعلقى وتقولى اللى يعجبك هنا
دى مدونتك يا نور العين
ربنا يشفيكى يا حبيبتى وبلاش تحسى باللى انا حاساه عشان انتى لسة فى بداية الطريق
حاولى .. شاغبى .. جادلى .. تمردى
ولا تستسلمى ابدا
تحياتى

ياسمين يقول...

جهينة الحبيبة
اول تعليق من الغربة يا حبيبة القلب
والله وحشتيييييييييييينى
انتى واحدة من العيلة وسافرت
غربتك على عينى والله
بس اعمل ايه ما باليد حيلة
أوعى تاخدك الغربة وتنسى التدوين وتنسينا
ربنا معاكى
دايما هأستناكى

ياسمين يقول...

الغزالى
والله يا غزالى بأفرح قوى لما ألاقى تعليقك
انت عارف انت ايه بالنسبة لى
مبسوطة ان اسمك رجع يلعلع فى مدونتى من تانى بعد غياب
نورتنى بجد يا عزيزى
تحياتى

safa7_karmooz يقول...

وحشنى المكان هنا...قلت ااجى ابصبص ...اشوف فيه بوست جديد ولا تؤ...بس لقيت نفس البوست

ممممممممممممممممم
انا بس عاوز ااشوف بوست تكونى بتضحكى فيه ...

ضحكة من قلبك متكونش ضحكة لمجرد الارضاء وبس ...

مممممممممممم...ايه تانى ...نعتذر عن الغياب ...ولكن لظروف الامتحانات...مع انى عارف انى هطلع عيل وادخل تانى يوم...بس هنعمل ايه...ادمنتكم خلاص ..:)