الأربعاء، 16 مايو، 2007

للرجـــــــــــال فقـــــــــــط

يبحث الرجل ويفكر ويتمحص ويقرأ ويتعلم
اذا صادفه أى موضوع يدعو للبحث والتمحيص فى دراسته أو فى عمله أو هواياته
يدخل على النت لما يكون عاوز يعرف حاجة مديره اتكلم عنها عشان يبقى فاهم وغيره بيتكلم
يبحث فى الكتب والمراجع لما يكون عاوز يعمل بحث يسبق به زملائه فى مجال دراسته
يسأل علماء الدين ويستشيرهم ليعرف اذا كان شغله فى البنوك أو حصوله على عمولة البيع حلال ولا حرام
تعالى بقى شوف الرجل عندما تواجهه مشكلة فى فهم شريكة حياته
هى .. غالبا حبيبة اختارها لتكون رفيقة عمر
يعود الى المنزل ليجدها غاضبة .. يكتفى بالصراخ فى وجهها واتهامها انها نكدية
ويهرب الى المخدة ليضعها على أذنيه كى لا يسمعها
هل فكر فى سبب غضبها؟؟ .. ممكن .. طب عمل ايه؟؟ .. هرب
هل كدة هو حل المشكلة؟؟ .. طبعا لأ .. سلسلة طويلة من العذابات تبدأ عندما يجرى فارا خارج المنزل أو حتى خارج الغرفة أو الى فراش به وسادة ليضعها على أذنيه
النتيجة واحدة .. هروب وتعليق المشاكل دون حل
طب لماذا لا يدخل الرجل عند حدوث المشكلة على النت ليقرأ عن طبيعة المرأة ويفهم أكثر؟
لماذا لا يسأل علماء الدين عن رد الفعل المناسب لها وله ولدينه أيا كان؟
لماذا لا يشترى كتاب يتحدث عن طبيعة العلاقات ولا يحاول بذل أى مجهود لإصلاح ذات البين مع شريكة عمره؟
انا أقولكم ليه؟
لأنه يتعامل مع المرأة كدمية للهو
ولما تبدا الدمية فى اصدار اصوات يعتبرها عجيبة وغير مفهومة .. ليه .. لأنه اشتراها تغنى له أو عليه
ليه الدمية دلوقتى بتصرخ ؟ .. ليه بتعيط؟؟ .. ليه بتعترض؟؟
دى مجرد دمية .. يقول لنفسه امشى بعيد لحد ما تتصلح لوحدها.. بيقول كدة فى عقله الباطن أو فى اللاوعى
فى سبب تانى
انه مش عاوز يواجه .. فبيهرب .. هو عارف انها مش دمية بس مش عاوزها هى تحس بغير كدة
تبقى مصيبة لو حست انها انسان .. بشر .. أحسن يبقى عندها رغبات البشر وتطلعاتهم
لأ .. لازم تفضل دمية .. هأعاملها كدة لحد ما تنسى كل شىء عن آدميتها .. لازم تقمع وفورا
ممكن يزعق .. يشتم .. يضرب
على فكرة دة بيحصل يا جماعة وفى بيوت كتيييييييييييييييير للأسف
لو راجل واحد قرر فجاة انه يتعامل مع المرأة بنفس الأهمية التى يتعامل بها مع عمله أو دراسته أو أبحاثه
لنجح فى حل المشكلات واحتواها واقترب منها
يا سيدى اعتبرها ماكينة وحاول تعرف مكوناتها وطريقة تشغيلها
جرب .. يمكن ترتاح وتريحها
ولا برضه الموضوع مش مستاهل
اقولك .. الأحسن
روح اقرا على النت عن كيفية تنزيل أحدث جيم للبلاى ستيشن

هناك 131 تعليقًا:

شادي فايد يقول...

هههههههههههههه

البوست ده بيلخص الكام بوست اللي نزلتهم بعنوان بنات

بس أنا عايز اوصل بالفكرة براحة لعقول الناس

:)

بس حلوة حكاية يدخل على النت يدور عن كتب عن طبيعة المرأة

بجد فكرة
بس الاحسن ان الانسان يبقى عنده من خبرات الحياة
والثقافة الاجتماعية ما يؤهله للتعامل مع المرأة الانسانة

ها
ما علينا

انا لسة منزل بوست
بنات 3
ياريت تقريه
:)

safa7_karmooz يقول...

على فكرة هوا للاسف مش عاوز اعمم يعنى بس تقريبا 70% من الازواج بيعملوا كده ...للاسف تانى برضه ...

لان دى المفروض شركة والاتنين يسمعوا لبعض

لكن بتصرفه ده ...كده هوا بيلغى مفهوم الشركة اللى عاملينها ...بيلغى اصلا مفهوم الجواز اللى احنا عارفينه وبنسمع عنه ...

انا كنت بلاحظ ناس كتير كده ...لغاية لما ربنا هداهم ...وبقوا يسمعوا زوجاتهم...بس بعد ايه...بعد خلاص مابقت تشوفه صفر عالشمال ..مالووش لازمة...او واحده تانية رايحة تطلب الطلاق

على فكرة بجد هتفيد اوى وهتفرق جدا لو كل زوج عمل كده...مثلا هوا عاوزها ...وقالتله مش ينفع وكده...عشان الحيض ...فيه ازواج لغاية دلوقتى مش يعرفوا كده ...لانهم زى ما قولتى فاكرنها دمية للهو فقط ...وماينفعش انها ترفض اى طلب

انا عارف فى تانى مثال ممكن ناس مش تصدق ....بس فيه فعلا نماذج زى ديه ...وعالواقع شفت منهم نموذج حى ان عليهم

بس نيجى نبص لازواج تانيين الحوار هوا اللى سائد ما بينهم ....مشكلة معينة مش عارفين حلها ...زبيسألوا شيوخ...بيدوروا فى كتب ...طرق كتير ...راجع من الشغل ...مود بتاعه مش حلو ...لقى مراته زعلانه مضايقه ...تحامل شوية وكلمها وشاف مالها ....

الاتنين لما بيراعوا بعض شوية بتفرق ...ماهو مش كله عالراجل ...برضه منه حبة عالزوجه ....

عشان المركب تمشى ...والناس اللى فى المركب مش تغرق ...:)
*******************
تقريبا انا اول كومنت...لتانى مرة تقريبا ..:)

ياسمين يقول...

شادى فايد
بجد بافرح لما ألاقيك بتعلق عندى
فى كتب كتير بتتكلم عن كيفية التعامل والتعاطى مع الزواج
انا كنت أقصد كدة
هأروح اشوف البوست بسرعة
سلام

ياسمين يقول...

سفاح كرموز
تعليقك ينفع بوست لوحده بصراحة
فيه عمق وتحليل ومشاهدة وتمحيص
ربنا يسهل والناس تفهم عشان تريح وتستريح
تحياتى

nadine يقول...

كلامك بقدر ماهو مؤلم
بس للأسف صحيح

رجال كتير بيتعاملوا بمنطق الهروب
عايز يشوف قدامه الحياة بمبى
و تكون مراته قدامه ال24 ساعة
البيت على سنجة عشرة
مش طايق يسمع حوارات
مش مستحمل يحل خلافات او حتى يشارك فى البيت

اعتقد ان اصل المشكلة هى عدم التواصل
الراجل فى البيت مش بيتكلم مع مراته او عياله
بيبقوا فى بيت واحد اه بس مش فاهمين بعض
عشان كده بيبقوا حوارهم كله زعيق و صوت عالى
و بالتالى بيهرب رب الأسرة فى اقرب فرصة

لو حاول كل الراجل انه يسمع
يفهم
يشعر بالكائنات اللى معاه فى الشقة
اعتقد انها هتفرق كتير
و هيحس براحة اكبر

بس احيانا كبرياء الرجل بيمنعه من انه ينزل من مملكته و يحاول يفهم مراته

الموضوع متشابك
بس عموما
فيه كتاب مهم اتكلم عن الموضوع ده
اسمه الرجال من المريخ و النساء من الزهرة
انصح الكل يقراه

و اجدع سلام و تحية لأحلى ياسمينة

dr_lazeez يقول...

ana geat 2asaleeem :)
we 2a2oleek eah el kalaaam el gamed dah :)
leaky wa7sha mooot

عصفور المدينة يقول...

الحاجة ام الاختراع
ومعرفة الشخص بأهمية الموضوع هي ما تجعله يبحث فعلا ويقرأ ويفكر في وسائل وحلول
فالحل هو إعطاء هذا الموضوع حقه وأولويته ومكانه الطبيعي
وأيضا الأمور في أحيان كثيرة تحتاج لقدر من التنازل لا يكون أحد الطرفين مستعدا لتقديمه لأن الموضوع مش واخد أهميته الحقيقية
شكرا على فتح هذا الموضوع الهام

عصفور المدينة يقول...

معلهش إضافة بسيطة فيه ناس بتحج وهي لا تعرف أحكام الحج
أو تسوق وهي لا تعرف آداب وقواعد المرور ولا آلية عمل السيارة وهكذا
فهذا يؤكد ما قلته من الإحساس بأهمية الموضوع هو الدافع للحل

ياسمين يقول...

نادين
الكتاب دة أفضل الكتب على جه الإطلاق
وانصح كل زوج وزوجة بقراءته
هيفسر حاجات كتير وهيوضح العديد من المشكلات ويقدم حلا لها
تحياتى لكى لعى قراءاتك الرائعة

ياسمين يقول...

dr_lazeez
والله بأفرح قوى لما بأشوف تعليقك عندك
اول ما ألمح لذيذ الاقينى ركزت كدة وانتبهت كل حواسى
المهم
قريت البوست
استوعبته
فهمته
نفذ بقى يا بطل
تحياتى

bos bos يقول...

مع أنى مش متجوزة بس من مشاهدتى لناس كتير حواليا بقول أن الراجل فعلا ما بيحاولش يفهم مراته هو عايز واحدة لا تسمع ولا ترى ولا تتكلم هو بس اللى يعمل كل حاجة لكن هيا لا
ولو فعلا الراجل حسس مراتة بأهميتها وأتكلم معاها وفهموا بعض كانت معظم مشاكل الأزواج أنتهت
تحياتى يا جميل

ياسمين يقول...

عصفور المدينة
انت عندك حق
لو فعلا الزوج مهتم بفهم زوجته واسعادها وتلبية مطالبها كما يهتم بنفسه وسعادته ومطالبه كانت الحياة اتحسنت لأنه بالتأكيد كان هيدى وقت واهتمام
تحياتى على الرد الرائع

ياسمين يقول...

bos bos
يتعاملون مع المرأة على انها مجرد عروسة
للمتعة فقط
للهو فقط
هى دى الحقيقة
لو كان مهتم زى ما عصفور المدينة قال كان بحث وعرف وحاول يفهم
لكن هيهات
نحن فى مجتمع يقلل من شأن المرأة
هى ما حصلتش حتى جهاز كمبيوتر
تحياتى

micheal يقول...

معاكي حق يا ياسمين..للاسف عندنا نوع الثقافه اللي بتم للازواج قبل الزواج هي شراء الكتب الجنسيه الرخيصه و مشاهده أفلام البورنو و كأن هو ده الجواز
تحياتي لكي

ياسمين يقول...

مايكل
انت لخصت فى كومنت قصير نظرة الرجل للمرأة
هى مجرد كتاب رخيص على الرصيف او مجرد فيلم بورنو
لو كان فاهم انها انسان كان اهتم بها كإنسان
تحياتى

REEMOO يقول...

أعتقد التصرف ده بيحصل لما الراجل بتعتبر المرأه ملك اشتراه
ومن حقه انه يتعامل معاها كيفما شاء
ومش من حقها الاعتراض
ده هو مشتريها دافع فيها فلوس
يبقى من حقه بفلوسه يتصرف
ولو حصلت مشكله كبيره
ساعتها تبقى الشروه دى باظت
يا يدور على شروه تانيه
يا يرميها جايز تتصلح فى يوم
مبدأ غريب جدا وفيه اهانه كتير للمرأه
بس للاسف ان ده اللى بيحصل عند نا سكتير اعرفها
وده بناء على كلام ناس وتجارب لشخصيات اعرفها

تحياتى

الأرمـوطــي يقول...

عندى اقتراح مش عارف هيعجبك ولا لا انا طبعا موافق على كلامك وراصد الظاهرة دى فى مجتمعنا بس ساعات يا يسمين بيبقى فيه رجالة مش فاهمه طبيعة الست وكمان بتبقى زوجاتهم مش فهماهم وبيعيشوا كدة لانهم خجلانين من انهم يصرحوا لبعض عن رغباتهم المكبوته الى بتبقى ورا كل مشكلة بينهم على امل ان الطرف التانى يسال اويبحث لكن كل طرف بيبقى مستنى التانى الاقتراح هوا انك تقولى ايه الى الزوجة محتاجاه من زوجها فى كل مرحله من حياتهم مع بعض وبكده ممكن عدد من المدونين الرجالة ممكن يستفيدوا من ده انا عارف ان احتياجات كل ست بتختلف عن التانية لكن ممكن تتكلمى عن الحاجات المشتركة
تحياتى ليكى على البوست الجميل ده

The Groom يقول...


لا حول ولا قوة الا بالله

ربنا يصلح الحال يا ياسمين يا رب

أقولك حاجة

أنا ماليش دعوة بالبوست ده لأن مش كل الرجالة كده صدقيني و أنا مش من دول الحمدلله و بالتالي الكلام مش موجه ليا

تاني حاجة

ازيك بجا؟

يا رب تكوني بخير وسعادة يا رب

تخياتي لك من ماناساس البلد

ياسمين يقول...

ريمووووووو
على فكرة وجهة نظرك غلط فى نقطة واحدة
ان دة بيحصل سواء الراجل دافع فلوس أو مش دافع فلوس اصلا
بعد الزواج يا سيدتى ليس للمرأة ثمن
تحياتى

ياسمين يقول...

الأرموطى
الفكرة عجبتنى جدا يا أرموطى
صح
كتير بيبقوا مش فاهمين
انا قصدت هنا فى البوست الناس اللى مش عاوزة تفهم اصلا
بس انت عندك حق فى ان كتير محتاجين دليل لفهم الطرف الآخر
أوعدك انى أنفذ الفكرة
تحياتى على فكر رائع

ياسمين يقول...

The Groom
انت مش من دول طبعا لأنك مش متجوز
ربنا يستر
هنبقى نسال المدام لما تتجوز بقى
ازيك بجا
:)))
تحياتى

The Alien يقول...

ف البداية أنا بسجل إعتراضي وبقوة علي التعميم
يعني لا الكلام دا ينفع يتعمم علي الرجالة بشكل عام
ولا علي الرجالة ف مصر

هي ثقافة ومنتشرة وتلاقيها ف كل الطبقات
بس عشان نفهم السبب لازم نرجع لورا
يعني شوفي أساسا إحنا بنتجوز إزاي
تلاقي الراجل لما يبقي عنده إمكانيات وجاهز
يقول دورولي علي عروسة
قوم لما يشوفها وتعجبه يدفع ويشيل
كل دا والبنت مش واخده بالها
بالطريقة دي مينفعش نتوقع أكتر من اللي حاصل
الواقع الموجود هو نتيجة
يعني الرجالة مش بطبعهم كدا

طريقة الجواز عندنا هي السبب
واللي هي أساسا نتيجة لقهر المرأة وإستغلالها
ومحدش هيقدر يغير الوضع دا غير المرأة

تحياتي

ياسمين يقول...

بيشو
معلش انا بأختلف معاك
فى مجتمعى وبيئتى وثقافتى كل من اعرفهم من النساء أو الرجال تزوجوا عن حب
وبرضه نفس النتيجة
زيهم زى اللى اتجوزوا جواز صالونات
واللى دفع كتير بيعامل مراته زى اللى مادفعش برضه
انت قولى ليه؟
ليه الراجل بعد ما بيحصل على الست بيعتبرها امر مسلم بيه فى حياته ومش بيحاول يبذل اى مجهود فى اسعادها؟
انا معاك وموافقة انها ثقافة .. بس هى ثقافة عامة محتاجة ناس زيك تفكر وتغير من نفسها عشان جيل جديد
لكن احنا خلاص راحت علينا ومهما نقول ومهما نعيد مافيش فايدة ويبقى الحل هو اسوأ الحلول
ألا وهو الطلاق
عشان ايه؟
عشان الست تتجوز واحد تانى وبرضه تعيد الكرة مرة أخرى
تحياتى

فرحة يقول...

على فكرة انا معجبة جداً بالبوست دا علشان طول عمرى بقعد افكر فى حل للمشكلة دى بس مش لاقية حل وبشفهمبيعملواو بيقولوا يبقى الوضع كما هو علية انا عن نفسى شايفةان الجواز شر لابد منةوانة زى الموت لازم هايجى انامتجوزتش قبل كدة ومش معقدة بس اللى انا بشوفة مضايقنى بغض النظر اذا كان الجواز دا عن حب ولا جواز صالونات النهاية واحدة وهو عدم التفاهم بين الطرفين والمشكلة مش فى الراجل بس لا وبردة الست مشتركة هى فكرتك ان الواحد يدور فى الكتب وعلى النت حلوة موت بس المهم ان الواحد يكون عايز يسعد الطرف التانى هايعرف من غير ما يقعد يدور لازم الواحد يحس انة عايز يعمل كدةصدقينى هيلاقى نفسة بيسعد نفسة واللى حولية واللى مفروض انة بيحبهم

انا مبسوطة انى بعتلك وهى اول مرة بس مش هتكون الاخيرة علشان موضوعاتك حلوة قوى باىىىىىىىى

الملاح التائه يقول...

مش للدرجه دي
إحنا مش بالصورة البشعه دي ومافيش في قلوبنا رحمة
أنا عن نفسي مشمتخيل نفسي كده
المرأة إنسانه قبل كل شئ لها الإحترام المزدوج في قلوبنا نحن الرجال
أولا لكونه لها مالنا وعليها ماعلينا من حقوق وواجبات
ثانيا لأنها مصدر السعاده لنا وتحديدا فى البيت
فهل يعقل أن يغفل انسان ذلك الملاك الذي يهبه السعاده التى مصدرها الحب
وهل يبخل عليه بقول
مالك يا حبيبي؟
مدايق من ايه يا عمري؟
عشان هو بدوره يسعد لما يشوف البسمه الجميله الصافيه بعد التكشيرة المفزعه ويحس انه له اهميه كبيره فى الحياه أهميه مصدرها ذلك التحول الرائع فى وجه الحبيب وروحه معا
ده اذا كان حبيب
سيدتي تفائلى خيرا فى الأزواج من الجيل الجديد صدقيني لسه فيه أمل

.:.-=- ELGaZaLy-=-.:. يقول...

لو راجل واحد قرر فجاة انه يتعامل مع المرأة بنفس الأهمية التى يتعامل بها مع عمله أو دراسته أو أبحاثه
لنجح فى حل المشكلات واحتواها واقترب منها

----------------------------

جميل جداا الجزء دة يا ياسمين بجد

وفى ناس بتعمل كدة كتير اوى هما

العشاق المتافرغون من نوعية الاخ روميمو وكدة

النوع الى فى ستات كتير اوى ممكن تبيع عمرها كلة علشانه لانة بيديها الاهم احساسها بانها انثى

----------------------------
يا سيدى اعتبرها ماكينة وحاول تعرف مكوناتها وطريقة تشغيلها
جرب .. يمكن ترتاح وتريحها
ولا برضه الموضوع مش مستاهل
اقولك .. الأحسن
روح اقرا على النت عن كيفية تنزيل أحدث جيم للبلاى ستيشن

-------------------

انا مت من الضحك فى الحتة دى عجبتنى جداا يا ياسمين

Ahmed Shokeir يقول...

مش عايز استخدم لغة ذكورية بس مش عارف ليه الحمل كله على الرجل
يعني إذا إعتبرنا إن الراجل مش بيحاول يفهم المرأة او بيحاول تجاهل المرأة
من وحي ماكتبتي .. عايز أسأل فين هنا دور المرأة .. المرأة هنا ليها عامل كبير على محاولة فهمها وده بيتمثل في طبيعة تعاملها مع الرجل
نوضح أكتر .. المرأة في تلك النقطة وهي محاولة فهمها مثلها مثل الكتاب بالنسبة للرجل .. يبذل الرجل في البداية محاولة لفهم مافي الكتاب إذا كان الإسلوب بسيط ومشوق ومنطقي معه يواصل ارجل إستمتاعه بقراءة الكتاب وفهمه حتى نهايته مكتسبا في ذلك متعة كبيرة في نهم صفحاته
أما الكتاب الغامض ذو اللغة المعقدة والاسلوب غير المفهوم بعد عدة اسطر يكتشف الرجل فيه الملل والغموض والتعقيد ... فيقلب عدة صفحات بدون قرائتها ليصل لجزء آخر منه قيجده على نفس الوتيرة فيشعر باليأس من الكتاب ويلقيه جانبا وفي احيانا اخرى وعذرا يندم على ماانفقه في شراء الكتاب ولو امكن له لإستبدله بكتاب آخر حتى لو كان أرخص وإن لم طريق لإستبداله القاه على الرف حتى تغطيه ذرات التراب

للأسف
عندما يغيب ذكاء المرأة لانرى إلا حماقة الرجل

ياسمين يقول...

فرحة
انتى نورتينى بجد
وعقبال كدة ما نلاقى اسمك على احدى المدونات
انا برضه بقول ان فى بعض الزيجات ممكن تكون المرأة لها يد فى الفشل
لكن انا هنا بأتكلم عن الزيجات القائمة بالفعل والتى يتجاهل فيها الرجل زوجته .. ويتجاهل كل ما يخصها ويمكن يكون مهتم بجهاز الكمبيوتر بتاعه أكتر منها بكتير
ولو ادى لنفسه نفس الفرصة والوقت اللى بيديها لجهازه لزوجته يمكن يسعدها وتسعده
تحياتى ويارب ماتكونش الزيارة الأخيرة

ياسمين يقول...

الملاح التائه
طيب هاستبشر خير واتفاءل
يمكن فعلا يكون الجيل الجاى أكثر فهما وأكثر عدلا
شكرا على ردك اللطيف اللى أكيد نابع من انسان حساس
تحياتى

harmless يقول...

يا محاسن الصدف

ما ان انتهيت من قراءه البوست دق جرس الباب واستقبلت احد اصدقائى الذى كان حزينا مكتئبا

انطلق يقص بائسا كيف تعامله زوجته
طلباتها حقوق لا تفريط فيها
رفاهيتها لا تهاون ولاتأخير لها

لا تهتم اذا اصابه عسر مالى
ولا تبالى اذا صادف متاعب فى عمله

دائما تقول له انا مالى
انا اؤدى واجبى فى المنزل ومع اولادك فلا تدخلنى فى متاعبك
مشاكلك تحلها ولا تتحجج بعائق عاقك عن تأدية واجبك

اذا رجع على وجهه مسحة حزن او شبهة اكتئاب من متاعب صادفته فى يومه تغضب وتثور
ومنطقها ان فيها اللى مكفيها
وان لها متاعبها ايضا
وليس لها ذنب لتواجه وجها مكتئبا ولا دما معكرا

واستمر صديقى يشكو سلوك زوجته
وعدم شعورها به كانسان من لحم ودم
وانها تعامله كانها ماكينه بلا مشاعر
لا تكلف خاطرها فى البحث عن اسباب همومه
ولا تبذل مجهود فى التسريه والتخفيف عنه

وصار يعمم كلامه على النساء
فرأيه ان النساء قلوبهم من حجر
وانهم انانيون لا يهتمون الا بانفسهم واولادهم
وانهم لا يهتمون بمشاعر الرجال ولا بانسانيتهم

وانا
صامت افكر فى كلامه وكلام ياسمين وهذه المصادفه العجيبه
وهو بدأ يتملل من صمتى
ويتشوق لسماع رايى
واخيرا سكت لاتكلم

وجدت نفسى اقول له
المشكله ان النساء لا يبحثن فى الانترنت عن صفا ت الرجال وكيفيه التعامل معهم

الله يسامحك ياياسمين
الراجل شتمنى ومشى زعلان

ياسمين يقول...

الغزالى
أهلا أهلا بالغزالى
صديقى العزيز
بجد برضه بأفرح لما ألاقى تعليقك عندى
ومبسوطة انى ضحكتك
بش هو شر البلية ما يضحك كدة دايما
تحياتى

ياسمين يقول...

أحمد شقير
زعيم المدونين هنا عندى بنفسه
يا هلا يا هلا
جايز يكون فى حالات كدة زى ما انت بتقول
بس انا هنا بأعبر عن صوت المرأة الزوجة المقهورة
مش مقهورة يعنى ماسك لها كرباج .. لأ
هو بس مش شايفها .. شفافة بالنسبة له
تلبس حلو زى ما تلبس وحش
تقص شعرها زى ما تلبس باروكة
تحط بارفان زى ما تكون ريحيتها طبيخ
كله سيان بالنسبة له
وبعدين مستنياك على الغدا يا حبيبى
ييجى الساعة 10 باليل أصله كان قاعد على القهوة أو بيقرا كتاب جديد
مبوزة طبعا .. يستغرب قوى ويقول نكدية
طبعا الست الذكية تعمل نفسها مش زعلانة ولا حاجة ولا ما اتغدتش ولا حاجة وتبتسم فى وشه
يقوم هو بقى يعمل ايه ؟؟
ما يقدرش .. ويتأخر كل يوم ويعيث فى الأرض الفساد
ماهى مش زعلانة ولا مبوزة
هو دة الذكاء ولا انت ايه رايك؟
عموما أنا موافقاك على موضوع الكتاب بس مش موافقاك على الأسباب
هو آه بيغير الكتاب بس لأسباب أخرى
تحياتى

ياسمين يقول...

هارملس
ضحكتنى والله
انا واثقة ان القصة من خيالك
و واثقة ان لو كانت حقيقية تبقى نادرة
و واثقة كمان انها لو كانت بتعمل كدة معاه يبقى هو يستاهل ما هو اكيد قسى عليها لحد ما علمها القسوة
اصل المراة بطبيعتها تولد ولها مشاعر جميلة جدا
تنمو وتزدهر مع الرجل وتبدا فى ان تتعمل منه بعد ذلك
تقسو اذا قسى وتحنو اذا حنا وتفرح به اذا فرح بلقياها
تحزن اذا حزن لها وترحمه اذا رحمها
اسأل صديقك يا سيدى متى صرح لها بحبه آخر مرة
تحياتى

hamsa يقول...

باحييكي يا ياسمين على المطالبه بحقوقنا المهضومه والتعامل معنا كما قلتى على اننا
ولا بلاش اصل الكلام تقيل
الرجل بأنانيته بيضيع فرصة الحياة بسلام على نفسه وعلى بيته
الحياة الزوجيه شراكه قوامها الحب
لو كل الناس فهمت ده
هاتنتهي المشاكل
ويسود السلام الأرض
لكنكم ايها الرجال الأشرار
تحرقون أغصان الزيتون
تحياتى يا جاسمين

sendbad يقول...

انا متفق معاكي جدا في كلامك فعلا مشكلتنا اننا مش بنحس باللي معانا وبين ايدينا الا لما تزول النعمة لازم نقرب من بعض ونفهم بعض علشان نعرف نعيش ياجماعة اجمل شئ في الدنيا انك تحب وتتحب وده مش هايجي الا بالتفاهم ومعرفة الشريك متطبات شريكه احييكي

وينكى يقول...

بوست يوجع القلب سا سمسم
انك الواحده فينا تحس انها كائن درجه تانيه لمجرد ان فيه واحد جاهل اتربى على نظرة مجتمع متخلف وشايف انه لمجرد انه ذكر يبقى ملك الدنيا واللى فيها
ايه السبب فى تخلف الرجل الشرقى للدرجه دى؟؟
انا ومن مكانى هذا اعلنها صريحه
انا انسانه وليا كيانى وعندى كرامتى
واى حد يحاول يمسها بدعوى انه يستتنى او يهببنى يبقى مالوش مكان فى حياتى
ويغور هو وتخلفه ده على أقرب دكتور نفسانى
انا بجد مرارتى مفقوعه وباغلى من جوايا
معلش لو زودت فى الكلام يا قلبى
انتى اكيد حاسه بيا

reri يقول...

هو في أحلي من البلاي إستيشن ...ههههههههههه... للأسف فعلا دي طبيعة معظم الأزواج ... يتغير جدا في معاملته معها بعد الزواج .. وبعد أن كانت تشعر أنه يهتم بها في فترة الخطوبه وأنها رقم واحد في أولوياته ... تصبح بلا أي ترتيب في حساباته بعد الزواج ... إحساس الإمتلاك بيضيعها من الأولويات خالص ... المرأه فقط تريد من الرجل الإهتمام ليته يدرك هذا

سلاماااااااااااااات

masry يقول...

لا أدري لماذا هذا التعميم ,اتمني أيضا أن تبحث المراه علي النت لتتعلم كيفيه التعامل مع الرجل ,في حفظ الله

farida يقول...

ههههههههه

الظريف اني حمووت و اكتب تجربه شخصيه مريت بيها مع زوجي من يومين
لكن و زي ما انتي عارفه انا ابتعد عن التفاصيل الشخصيه في حياتي

أو أخوض فيها عرضا بدون تعمق أو اسهاب
و هذا الموضوع يحتاج أن يكتب بتفاصيله للوصول الى مغزاه

لذا لم أكتبه
جيت عندك لقيت
للمتزوجين فقط
ابتسمت لأني كان نفسي أكتب حاجات كتير لقيت جزء منها عندك
مع اختلاف الفكره و الموقف
و اتفاق الهدف

الفهم
الفهم
الفهم
و التفاهم

أحمد سلامة يقول...

هنريك إبسن
كاتب نرويجي من اشهر رواد المسرح ، تبلورت عظمة هذا الكاتب في ثورته في معظم اعمالة على التقاليد البالية
ماله بقى عم ابسن ده وايه علاقته بينا يعني
صبرك علي يا ياسمين
انتي بقيتي عجولة كده ليه
عمنا صلاح جاهين كان مرة بيتكلم عن ركن المسرح الخاص بزوجته في مكتبته وقال ان أفضل مسرحيات هذا الركن هي مسرحية بيت الدمية لهذا الكاتب العظيم
طبعا سمعتى الاسم مية مرة
وانا كمان بس ماكنتش لاعرف اسم الكاتب ولا اي حاجة عنه
قلبت عليها لحد ماجبتها وقريتها
بدون استطراد طويل لاحداث هذا العمل العظيم وايضا بدون حرق لاحداثة المسرحية بتتناول حياةفتاة اسمها نورا زوجة هيملر المدللة والتي يخشى عليها زوجها من الهواء ولكن في نفس الوقت غير مسموح لها بالتفكير أو الاشتراك في اي شيء من مستلزمات الحياة ، كل وظيفتها في الدنيا هي ان تظل جميلة ووضح العظيم ابسن هذه الفكرة في مشهد لوم الزوج لزوجته لتناولها البسكويت المحلى وذلك لانه سيؤذي اسنانها البلورية الساحرة
يتعرض الزوج لضائقة مالية تستدعي الزوجة ان تنزع عن نفسها ثوب الدمية الذي ترتديه طيلة حياتها لتقف بجوار زوجها وتساعده ي حل هذه الضائقة دون علم الزوج ، وتنجح في ذلك مما يترتب عليه انهيار الاسرة عند معرفة الزوج بذلك وينتهي مشهد الختام بباب المنزل مغلقا خلف نورا بعد ان قررت الحياة لنفسها كانسان وليس دمية
-------------------------------
طبعا استطردت وحرقت الاحداث وكل حاجة كمان
بس انا بجد اتفاجئت من تكرار كلمة الدمية في البوست وكان لازم اشاور للنقطة دي لانها تعتبر تصوير ادبي للمقال المهم جدا ده
تاني حاجة احب اشاور ليها يا ياسمين هي ان المشكلة مش مشكلة الرجل الزوج بس
بل هي اولا مشكلة الرجل الاب الذي يغلق على بناته الدنيا من أولها لاخرها فتظل الانثى بدون تفكير ولا يتغير الوضع كثيرا بعد الزواج
ثم مشكلة الاخ الذي لا يختلف عن الاب كثيرا
ويأتى الزوج بعد ذلك ليمارس حقه الطبيعي في فرض الرأي وقتل العقل والابداع داخل دميته
------------------------------
ملاحظات غير مهمة
اول عرض للمسرحية كان سنة 1879 في الدنمارك
عرضت عذا العام في مصر وحضرتها حفيدة ابسن شخصيا
------------------------------
------------------------------
ياااه كل ده تعليق
اسف فعلا بس الموضوع استهواني جدا
انا نسيت اني بعلق مش بعمل بوست
سماح بقى يا ياسمين

صاحب البوابــة يقول...

الاخوة الكرام لأن دورنا هو إظهار الحقيقة وتوعية الناس بها , ولأن ما علمته عن ذلك المجاهد يمثل قيمة عظمى المفترض أن نفتخر بها ونكرمها , لا أن نعتقلها ونسجنها , فإني أطلب منكم رجاءاً أن تساعدونا في بدء حملة الافراج عن شيخ المجاهدين السيد / أبو الفتوح شوشة , وتتمثل الحملة في نشر هذا البوست الجاهز يوم الجمعة الموافق 19/5/2007 , ونشر صور شيخ المجاهدين في جميع المدونات المشاركة – الصور موجودة في مدونتي- , مع توسيع نطاق الحملة لتشمل كافة المدونات التي نستطيع الوصول اليها .. وجزاكم الله خيراً ...

البوست بعنوان

أن تكون أبو الفـتوح شوشة

حملة الإفراج عن شيخ المجـاهدين :

في ظل تلك الهجمة الشرسة التي يتعرض لها كل وطني حر شريف , تتعدى تلك الهجمة هذه المرة خطوطها الحمراء , وتتمادى في غيها المنهجي , لتصطدم برمز من رموز العزة والكرامة في مصرنا الحبيبة , إنه شيخ المجاهدين الذي يربو عمره عن الثمانين , الأستاذ أبو الفتوح شوشة , ورغم ان الكثيرون من قد لا يعرفونه , ربما لأنه ليس بلاعب كرة قدم قديم أو مطرب شهير قد إعتزل ... بل إنه من القلائل الذين ما زالوا أحياء ممن سبق لهم الخروج مجاهدين وقت تقسيم فلسطين عام 48 م , ورغم أن الكل قد تناساه , في غمرة إعتقال نائبي مجلس الشعب من الإخوان المسلمين , وقد تم إعتقاله معهم وقتها بكل القسوة رغم شيخوخته وكبر سنه , إلا أنهم لم يرحموه , ولم تمنعهم كهولته , بل لفقوا له التهمة الشهيرة وهي محاولة قلب نظام الحكم !!! وكأن كهولته وكِبر سنه تسمح له بمجرد التفكير في قلب منضدة و ليس قلب نظام الحكم !!! لكننا اليوم نعلنها إننا لم ننساه , وكيف ننساه ؟؟ وقد حمل لواء الرجولة والعزة آنفاً وخرج ببدنه وماله قاصداً فلسطين ليجاهد عام 1948م اليهود الصهاينة وهو يبغي النصر أو الشهادة , , إنه اليوم له كل الحق علينا في ان ندعمه تماماً , حتى ولو لم يطلب , وحتى ولو لم يعلم , فإننا من منطلق من نمثله من صحافة شعبية , تمارس دورها في تنوير شعوب المنطقة , نعلن اليوم ما الذي يعنيه أن تكون شخصاً كشخص أبو الفتوح شوشة في مصرنا الحبيبة ...

أن تكون أبو الفتوح شوشة فهذا معناه أن تكرم وتصير رمزاً لكرامة الرجال لو كنت في بلد غير مصر ... أما لأنك في مصر ... فهذا معناه أن تصير نزيل أحد السجون وحبيس أحد المعتقلات ...

أن تكون أبو الفتوح شوشة فهذا معناه أن تخرج للجهاد في فلسطين وعمرك لم يتجاوز التاسعة عشر ...فتبلي البلاء الحسن ... ثم تعود لتنال جزائك على جهادك وبدلا من تكريمك يزج بك في السجون 15 عاماً مع الشغل والنفاذ ..

أن تكون أبو الفتوح شوشة فهذا معناه أن تعود من فلسطين راضياً عن نفسك ... راضياً عن جهادك ... راضياً عما فعلته لرفع لواء الذود عن فلسطين ... فلا يرضى عنك النظام ... لتذوق الويل والتعذيب في السجون المصرية ...

أن تكون أبو الفتوح شوشة فهذا معناه أن تخرج من السجن بعد 15 عاماً كاملةً لتمارس رسالتك في البناء والاصلاح من جديد ... بدون أن تتغير قناعاتك أو تتزعزع ثقتك في نفسك ...

أن تكون أبو الفتوح شوشة فهذا معناه أن تترشح في انتخابات مجلس الشعب لعام 1987م ... فيهب جميع أبناء دائرتك لإنتخابك ... بما فيهم أقباط دائرتك بالكامل .... فتنجح نجاحاً باهراً ... ثم يتم حل المجلس لأجل إسكاتك ...

أن تكون أبو الفتوح شوشة فهذا معناه أن تتحصن بحب الله و تحظى بحب الناس لك ...... لكنك في الوقت نفسه تجد أن النظام يُكن الكره لك ... ويعتقلك المرة تلو الأخرى ...

أن تكون أبو الفتوح شوشة فهذا معناه ألا يرحموا شبيتك وأنت قد قاربت الثمانين ... فيزجوا بك في المعتقلات غير آبهين ... ويحولوك لمحاكمة هزلية غير مستنكرين ...

أن تكون أبو الفتوح شوشة فهذا معناه أن تُحارب في رزقك وسكنك وراحتك وانت شيخ كبير ... ويضيقوا عليك كل شئ حتى يسجنوك ... في الوقت الذي تتمنى أن تنعم فيه براحتك ...

أن تكون أبو الفتوح شوشة فهذا معناه جهاد في صغرك ... تعذيب في شبابك ... بهدلة في كهولتك ...

أن تكون أبو الفتوح شوشة فهذا معناه ... اننا معك حتى النهاية ... نهاية ظلمهم أو نهايتهم ...

الروابط :
مدونة انسى تذيع نبأ اعتقال شيخ المجاهدين
http://ensaa.blogspot.com/2007/04/blog-post_9947.html

مجلّة "فلسطين المسلمة" تذيع فقرات من جهاد شيخ المجاهدين
http://www.fm-m.com/2003/aug2003/story24.htm

تقرير صحيفة المصريون عن اعتقال قدامى رجال الاخوان المسلمين
http://www.almesryoon.com/ShowDetails.asp?NewID=34088&Page=1

ملف pdf عن جهاد شيخ المجاهدين المصريين في فلسطين
http://www.fm-m.com/2003/aug2003/pdf/51.pdf

جاري تدعيم الحملة بتقرير جريدة الدستور عن شيخ المجاهدين بتاريخ 13/5/2007
جاري تدعيم الحملة بتقرير جريدة الوفد عن شيخ المجاهدين بتاريخ14/5/2007

ياسمين يقول...

همسة
عجبنى تعليقك قوى يا همسة
لأنه يدل على انى مش لوحدى اللى شايفة كدة ولا انى متهيألى ولا بيجيلى هلاوس سمعية وبصرية وعاطفية ولا حاجة
وعجبنى موووووووت كلامك

لكنكم ايها الرجال الأشرار
تحرقون أغصان الزيتون

تصفيق حاد

ياسمين يقول...

سندباد
كالمعتاد .. تعليق فى العمق
تحياتى

ياسمين يقول...

وينكى
طبعا حاسة بيكى وحاسة بكل انثى فى مجتمعنا
ظلم وقمع وقهر وتحقير واستخدام فى غير محله

تخلف مترسخ فى القلوب قبل العقول
تحياتى لكى يا حبيبة قلبى على التعليق المفعم بالحماس

ياسمين يقول...

مصرى
يا ريت وهو فى حد يكره
تحياتى

ياسمين يقول...

فريدة
هأستنى اقرا فى مدونتك بوستات من النوع اللى قلتى عليه
هاستنى يا فريدة
قولى اصرخى اتكلمى من واقع حياتك وحياتنا كلنا
نحن نساء الشرق
تحياتى

ياسمين يقول...

احمد سلامة
نورتنى يا دكتور
والله بافرح لما اشوفك عندى
انت تكتب زى ما انت عايز .. تعليق .. بوست
براحتك انت عارف رايى فى كل كلمة بتكتبها
صحيح المشكلة ليها جذور عميقة
من أب لأم تقولبت على ما تعلمته فى الحياة لأخ مش فاهم حاجة لدنيا واسعة بنفس الغباء
شكرا لك على سرد احداث المسرحية
افدتنى حقا واكدت على ما جاء فى البوست
تحياتى

Mohamed A. Ghaffar يقول...

لا اعفى الرجل

ولكن السيدات لسن هذا الملاك البائس المظلوم الذى يبرز بين سطورك

هم فى الأثم شركاء

كراكيب عادل يقول...

يا شيخة انا قريت العنوان للمتزوجين فقط قلت بس البنت ياسمين عندها خلطه حب جديدة او وصفة سحرية لطريقة عمل المهلبية بالشلولول اتاري بتتكلم علي الخناقات دي سهلة جنب اي حيطة حطي ودنك وانتي تسمعي الزيطة

هو الموقع اية بتاع اللعب دة مكتبتهوش لية ؟؟؟؟؟

Hannoda يقول...

كلامك خلاني أسترجع أمثلة كتيرة لرجال كثر في حياتي و حياة ناس حوليّ

تصدقي إن الصفة السائدة فيهم هي الهروب.. وهي .. طاطي للموجه لحد ماتعدّي

و الله أنا خايفة يا ياسمين

loumi يقول...

لا استطيع ان الومك على كل ما قلتيه لانه واقع ملموس بالنسبه لك تشاهديه فى اغلب من حولك
ولكن ليا تعليق بسيط
لو الراجل بيدور و يستفسر و يسأل شيوخ يبقا هو بطبعه انسان بيهتم بكل شىء حواليه ومن باب اولى انه يبحث ويقرأ عما تحتاجه شريكة حياته لكى تصبح الحياه افضل او على الاقل لتستمر بشكل مريح0
واذا كان اختارها حبيبه وشريكه فهو
يعى ماذا تعنى كلمه حياه مشتركه بكل ما تتضمنه من حقوق و واجبات
اما اذا كان اختياره لها على انها دميه فهو لن يسمح لها بان تتخطى هذه المكانه وهنا يقع خطأ المرأه فى قبولها
لشخص بهذه العقليه و لن يكون لشكوتها اى معنى و ستحتاج للكثير من الوقت حتى يستمع لصراخها احد
وربما لن يجدى صراخها مهما حاولت
انا ضد فكرة التعميم لانى ارى نماذج مختلفه عن ما تريه ربما بنسبه اقل
ولكنها موجوده
وللمرة مش عارفه الكام
المشكله مشكله ثقافه مجتمع
اسألك سؤال؟
ليه البنت لما بيجيلها اكتر من عريس فى وقت واحد بيبقا لازم تختار منهم واحد مع انهم كلهم لا يصلحوا؟
ليه ما نعلمش البنت ازاى تختار بحريه بعيد عن المعتقدات الخاطئه؟
ونعلم الولد كمان ان الاختيار الحر والسليم هو الطريق لبناء بيت سعيد؟
يمكن عشان احنا مش احرار لا بفكرنا ولا بتصرفتنا؟
تحياتى يا ياسمينا

عبدالله يقول...

طبعا موضوع مهم جدا وهوا من اساسيات فهم الحياة
بس انا معتقدش انه بالصوره دي انا شايف ان مشكلة عدم التواصل دي مشكله من الطرفين دايما محدش بيحاول يفكر زي الي قدامه بيفكر بياخد كل حاجه يترجمها حسب عقله هوا و خبراته هوا وتفكيره هوا مش بيحاول يفكر ان ممكن الحياة تبقي فيها وجهة نظر تانيه غير الي هوا شايفها بيها
كل مشكلة طرفين انهم مش عارفين يعيشوا علي نفس الموجه مش عارفين يفتحوا قناة اتصال صح وحاجه مهمه جدا برضه المجتمع بيربي الست دايما انها غلط تتكلم عن احتياجاتها النفسيه و الجسديه او تظهر استمتعها و الراجل دايما بيفكر بنفس الطريقه فبنلااقي في الاخر حالات طلاق بالهبل سببها عدم تناغم الاشباع النفسي والجسدي بين الطرفين
الكل مكسوف يقول عاوز ايه والراجل بيعبر غلط عن الي عاوزه و الست بتعبر بالنرفزه و الضيق عن نقص احتياجات و مفيش لغة حوار و الموضوع مش عاوز كتب و لاحاجه مجرد شويه تقدير لو عاملت مراتك زي ما بتعامل صحابك و تخاف علس مشاعرهم و تخرج معاهم الموضوع هيتحل في الاخر الحياة مجرد ادراك لمعني الحياة


تحياتي

ياسمين يقول...

محمد عبد الغفار

جايز برضه

مـحـمـد مـفـيـد يقول...

ياسمين
مش عايزين نفرق بين الازواج والزوجات
لان المسئوليه مشتركه وانا شخصيه لا احب ان اقول زوج وزوجه لانهم الاثنين كيان واحد
ولكني طرحتي فكره رتئعه هي كيفيه التعامل كل طرف مع الاخر

barbie girl يقول...

انا عجبتنى طريقة العرض

لكن مع اختلافى مع حضرتك ان مش كل الرجالة كدا

يمكن يكون اغلبهم كدا
بس اكيد مش كلهم كدا



واكيد بردوا الحمل كله مش عليهم
فى ستات فعلا نكدية وبتخلى جوزها يكرة يدخل بيته اصلا

ذى ما فى دا غلط فيها هى كمان غلط


وعجبنى كمان طرحك لحكاية انه لو مش فاهمها يدخل على النت يقرا ويعرف ويفهم لان فى اغلب الرجالة بياخدوا الموضوع دا بحساسية كبيرة وبيقولوا اذاى وبتاع وكانهم اتخلقوا وهم عارفين كل حاجة فى الدنيا

ياسمين يقول...

كراكيب عادل
تعليقك فى منتهى خفة الدم
اشكرك عشان رسمت ابتسامة على وجهى
تحياتى

ياسمين يقول...

هنودة
ماتخافيش يمكن حظك يكون افضل
تحياتى

ياسمين يقول...

لومى
على فكرة احب اقولك بمنتهى الثقة ان اختيار العريس أو العروسة ايا كان سبب الإختيار ..حب .. مصلحة .. جواز صالون .. الخ
لا يؤثر على النتائج على وجه الإطلاق فى حالة الإستمرار
برضه كلهم بيوصلوا لمرحلة الصمت الزوجى .. الرجل يا سيدتى بطبيعته يفقد الإهتمام بعد الحصول على المرأة التى أحبها وسعى سعيا اليها
تحياتى

ياسمين يقول...

عبد الله
صديقى المحلل النفسى الجميل
والله كلامك دة ينفع بوست لوحده
تحياتى

اخر من الاخرين يقول...

ياسمين .. انا مش متجوز و دة ممكن ميخليش تقديري للامور صح 100% بس انا من خلال تجارب كتير جدا جدا و جدا جدا دي حقيقة سواء شوفتها او عشتها مبيبقاش الخناق او المشكلة و الهروب بمعانيهم الحقيقية . يعني الست او البنت بتكون حاسة بوحدة بتجاهل بضيق و بتحاول تحسس شريكها بدة عن طريق وضعة قدام مشكلة ...
لما الراجل بيبدأ يشارك بيفاجا بيها بتتكلم و بتبدي رأي و بتعارض كمان . الراجل عندة مشكلة في الحتة دي . عايزتني اساعد , احل يبقي اسمعي الكلام ....
و هية مبيبقاش قصدها هية بطريقة عفوية تماما و حسنة النية بتتجاذب اطراف الحديث .. بتشاركة التفكير بس هوة مش فاهم كدة..
مش عارف الحل الحقيقة غير ان الطرفين يكونوا فاهمين كدة .. لما الست تسيب للراجل مساحة للمشاركة يبقي متتدخلش فيها لانها لو رجعت و تدخلت هوة هيبعد . هيحس بعدم قيمتة و هيهرب .
و لما الراجل يشارك في اي مشكلة المفروض يفهم ان الست ليها حق تشارك في مشكلتها و قبل كدة و كدة لازم يفهم ان الست ليها حقوق كتير اوي اوي حتي او حقها في الكلام هوة بينساها و هية بتدور عليها بالمشاكل و دة اللي بيخليه مش فاهم و بيهرب.
موضوعك مهم جدا جدا ان يتناقش بالتفصيل يا ياسمين و من خلال تجارب

ياسمين يقول...

محمد مفيد
مبسوطة ان عجبك البوست وفعلا المفروض ان الزوج والزوجة يكونوا كيان واحد
تحياتى

LOJAIN يقول...

مهو انا اصلى بتنكد قوى لما احس انك كده
ولا عارفالك اخبار و لا اهرام ولا اى حاجة خالص ولا بشوفك على النت اساسا حتى

ايه حالة الياس اللى انتى فيها دى
اول مرة احسك كده يا سامينا فى ايه ياقلبى

هم كلهم واحد و الله يا ستى متجوزين متطلقين , مترملين ... عارفين بس هنعمل ايه.. و فعلا تلاقيه طويل و كبير و عمره معدى الخمسة و خمسين و هايف و قاعد يلعب بلاى ستيشن و يدور على كراكات للعب

انا حجزت لك البيت هناك خلاص و الراجل مستنى نمضى العقد , يالله عايزة اشوفك

Regards:
Lojain :)

ياسمين يقول...

barbie girl
على فكرة مافيش ست نكدية
هو انتى مثلا بتصحى الصبخ وتقررى تبقى مكتئبة
أكيد لأ
فى ست مكتئبة لأنها متنكد عليها أو حاسة انها مش قادرة تنطق فتلاقيها مكشرة طول الوقت
أو كل ما تتكلم حد يقولها انها غبية أو مش فاهمة حاجة أو حتى تتعرض لنقد رايها بسبب وبدون سبب لا لشىء غير انها امراة
معلش الدنيا ياما تورى
تحياتى

ياسمين يقول...

آخر من الآخرين
أعجبنى تعليقك جدا
انت حللت الموضوع بشكل عميق فعلا
انا موافقاك فى كل كلمة قلتها
وازيد بس ان كتير الست بتكون مستنية كلمة حنينة بس الراجل يقعد يحلل وينقد وكلام كتير بيخليها تندم على انها اتكلمت فى اى وقت
تحياتى

ياسمين يقول...

لجين
آه والله صدقتى
بس ليه دايما لما بتقرى لى بوست بتتخيلى انى قاعدة اشد فى شعرى وأولول
:))))))))
دى مجرد كتابات يا صديقتى العزيزة
احاول من خلال تجاربى وتجارب الآخرين انى افيد الناس
تحياتى

LOJAIN يقول...

ياستى و انا مبسوطة و اطمنت جدا انك كويسة الحمد لله و يارب دايما كويسة و مبسوطة

بس عايزة اتكلم معاكى و حشتينى يا شيخة

Regards:
Lojain :)

Shreif fahmy يقول...

انا عارف أن البوست ده للمتزوجين فقط
حبيت استغل حالة النشاط اللي عندي اليومين دول وكتبت بوست جديد
http://sfahmy78.blogspot.com/2007/05/blog-post.html

اخر من الاخرين يقول...

ياريت التحليل العميق دة يكون ليه فايدة يا ياسمين
اعتقد ان قدرنا ان احنا بنشوف و بنلاحظ و بنفهم و اختيارنا ان احنا نحول الكلام دة لحل واقع . لفعل مفيد
هنفضل نحلل شوية و نناقش و نختلف و نتفق بس المهم تكون عنينا علي الحل
لان الفهم العميق لو متحولش لفعل هيعذبنا و هيكون نقمة مش نعمة

whyme يقول...

طبعاً انا مش متجوز بس صدقينى حاسس بكل الى كلام الى كتبتيه فى البوست من الى بشوفه يومياً فى الاهل و الاصدقاء و ده فى الجواز بس ده فى كل شئون الحياه

للاسف احنا شعب مبيعرفش اصلاً يعيش
الحياه عندنا لقمة عيش و جنس و فلوس و الجواز عندنا مجرد تفريغ لشهوات راجل و مجرد هروب ورا ضل حيطه من الست و بعد كده بيكتشفوا الخيبه الكبيره و بيفضلوا طول عمرهم يهربوا

تحياتى على موضوعك الرائع الى بجد بيلمس واقع دائم مرير

Xee يقول...

اسلوب غريب جدا في التفكير

ربنا يوفقك

:)

loumi يقول...

ياسمين
تفتكرى ان حاله الصمت دى بيوصل ليها الزوج لوحده لا طبعا الست عليها عامل برضه
دى شركه بين اتنين يعنى لازم يكون فيه امور واضحه ومتفق عليها
يعنى لا ينفع تعترض على طول ولا ينفع تسكت على طول
ولازم يكون عندها حس ازاى ما توصلش معاه للصمت ده0
اشكرك على تعليقك اللطيف
و سيبتلك الرد:)

Tamer Nabil يقول...

الحمد الله انا لسة على البر رغم انى عايش فى حر بس اهو شو يا

يعنى البوست دة بالنسبة ليا تعليمى وارشادى اروح اشوف ازى كيفية التعامل مع البنت قبل الجواز وخصوصا بعدة



فى اية ياسمين انتى هتكرهينى فى الجواز لية بقى

تحياتى

ياسمين يقول...

لجين العزيزة
اشكرك على اهتمامك
تحياتى للقلب الرقيق

ياسمين يقول...

شريف فهمى
جاية حالا أزورك
تحياتى

حوريه يقول...

حبيبتى ياسمين
سلامتك من الآه .. نفسى اشوفك فرحانة
و مع احترامى لكل آرائك الا انى اختلف معك هنا .. فالطبع يغلب التطبع و الرجل الذى تربى من طفولته على السيطرة و الافضلية فى كل شىء لن يغيره قراءة كتاب او راى شيخ بل ان الشيوخ هم اول من يهدموا البيوت و النفوس بآرائهم الغير واقعية
مافيش غير الحل القديم اللى قلته و ما عجبش الحصان الاسود / نعمل اضراب عام عن الزواج .. مش احسن
اضحكى يا شيخة و ياريت تقلبى على الخطة البديلة اللى قلتى لى عليها .. فاكرة ؟
ربنا يسعدك يا رب
مش بتزورى مدونتى ليه ؟
ناديه
nadiataha.maktooblog.com

الشيطان يعظ يقول...

حاسس انك محاملة علس الرجال قوي
معتقدش ان الستات ملائكة

ياسمين يقول...

آخر من الآخرين
فعلا لو الفهم لم يتحول لفعل يبقى كاننا لم نحاول ولم نفهم
موافقاك مية فى المية
تحياتى

ياسمين يقول...

whyme
انت لخصت المفيد والأهداف من الجواز فى تعليقك
فعلا دى حقيقة كل واحد بيحلم بالعش الهادىء لسبب معين فى دماغه وفى النهاية فشل ذريع
تحياتى لعقلية متفتحة

قلوب حائرة يقول...

عارفة يا ياسمينا واللهي خايفة من الارتباط جدا وده لاني شايفة معظم الرجالة بينظروا للمراة على انها موجودة بس لراحتهم علشان تدلع وتدلل وتصمت وقت الغضب وتكون العشيقة وقت ان يحب ذلك وتكون الام لولاده دون مساعدة وتكون الانثى وقت احتياجه لها يريدها كما تحلو له وليس كما هي عليه اتمنى اليوم الذي ياتي فيه الرجل وينظر الى المراة على انها كائن محتاج لحب وتفاعل وتقدير واحترام محتاج لكلمة شكرا

همسات يقول...

متهيألى المشكلة من الأول بتبتدى فى الاختيار الغلط
هو عايز واحدة حلوة وحبوبة
وهى عايز واحد امور ولطيف ويدلعها
وكل واحد فيهم مش بيبص هل ينفع ده أب لأولادى وهل دى تنفع ام لأولادى
لأن فى ناس كتير تصلح أحباب ولكن لا تصلح أزواج
...................
كل الكلام اللى بتقوليه صح ولكن هل هى عملت نفس اللى الىى انتى عايزاه يعمله هو
لازم يكون الامر مشترك
والا الدنيا مش هتمشى بعجلة واحدة


بس خلاس

ياسمين يقول...

تامر نبيل
يجب ان تستوعب الدرس وتعيه حتى تنجح
واتمنى النجاح لكل رجل لديه وعى
يتعامل مع المرأة على انها انسان له من نصيب المشاعر الكثير
تحياتى

ياسمين يقول...

حورية
حبيبتى ورفيقة الألم
واحشااااااانى جدا
واطمنى انا كويسة بس بأحاول افيد غيرى يمكن يعوا الدرس
تحياتى

ياسمين يقول...

لومى
فى دايما رد فعل لأغلب الرجال المتزوجين وهو ان اول ما الست تبدا فى اقامة حوار حتى ولو هادىء يبدا فى اتخاذ موقف دفاعى بدلا من موقف المتفهم الواعى
ودة بيخلى الزوجة تميل للصمت مرة بعد مرة وتخاف تعبر عن مشاعرها
تحياتى

ياسمين يقول...

الشيطان يعظ
لا هن ملائكة ولا هم أيضا
كل الحكاية ان الهيمنة دائما للأقوى
ساعتها بتلاقى الزوجة بتكتم مشاعرها لأنها كل ما تتكلم تتهزأ فى أغلب الأحيان
ودة بيحولها لإمرأة تعيسة تنعكس تعاستها فى سلوك هجومى
الراجل بيسميه نكد
تحياتى

ياسمين يقول...

قلوب حائرة
أعجبنى جدا تعليقك
فعلا انت بتتكلمى عن واقع مرير
أحسنى الإختيار يا سيدتى وتأكدى من اقامة حوار مع شريكك
ولا تتعجلى الزواج بل ادرسى الشخصية أولا بعيدا عن تاثير المشاعر والأحاسيس وانشاء الله ربنا يوفقك لحد كويس
تحياتى

ياسمين يقول...

همسات
ارجع واقول ان الإختيار ليس له علاقة بالموضوع
انا بأتكلم عن زوجين احسنوا افختيار لكن الثقافة السائدة هى الثقافة الذكورية يا سيدتى
تحياتى

miss_whoooo يقول...

هههههه
ياه دول فعلن اشرار
بس احنا بردو اشرار

gohayna يقول...

انتي ملكيش حل

بجد والله ملكيش حل

بس خلينا نعترف ان فيه ستات برضه بتحب النكد

يعني صحيح بجد انا لسه متجوزتش

بس يوم اما اكون زعلانه وجوزي يطلع بره البيت وميعاملنيش باهميه

بجد هتكون وقعته سوداء اللون

وهيندم بجدد

انبسط شيء الاحترام المتبادل بين الطرفين

دي اقل الحقوق الي المفروض تكون موجوده

وللاسف هيا سبب كل المشاكل والله يا ياسمين

عرفه لو فيه احترام ومش شرط والله حب وكلام من دا

كان كل الستات والرجاله ارتاحوا

بس نعمل ايه بقي

ادي الله وادي حكمته

الف شكر مره تانيه علي وجودك معايا بجد اخت ليا وصديقه عزيز مبسوطه بمعرفتها جدا جدا جدا جدا

من هنا لمصر

تحياتي ليكي يا سمسم

أبو ضحى يقول...

يظهر انى اتأخرت كتير ..عزائى الوحيد انك عارفة الظروف اللى بمر بيها

ياسمين
كل الكلام اللى بتقوليه فى البوست ده أنا موافق عليه و لا غبار عليه، لكن هل فكرت هى لمادا يتصرف بالشكل ده..بعيدا عن موضوع الدمية ده..ما هو كان بينهم حب كبير من الاول و الحب ده منتهاش و ضعف كده بين يوم و ليله..أكيد فى حاجة او حاجات هى عملتها و لا زالت تعملها و مش واخده بالها...ما هو اصل الواحد مننا ساعات مش بياخد باله من تصرفاته على اعتبار انها صحيحة و بتبقى عنيه مش شايفة غير اخطاء الاخرين
لو الحب اللى بينهم كان قوى اوى كده..طب ليه يكون تصرفه بالشكل ده
انتى شايفة انها ثقافة زكورية سائدة
لكن ممكن تكون فى حاجات مش شايفنها

ممكن نقعد نفكر شوية فى افعالنا السابقة و الحالية و نشوف ممكن نكون عملنا ايه مش صح و لا جرحنا حد فى يوم من غير ما نقصد

و فى نفس الوقت نحاول نفهم طبيعة الرجل بردو..ماهو مش واجب الرجل وحده انه يحاول يفهم المرأه
هى كمان لازم تبدل مجهود عشان تفهمه
ولو كان النصيب كتب عليها انها تعيش معاه العمر كله يبقى لازم تدور على سعادتها معاه بأى شكل من الأشكال

أنا اتكلمت كتير..يا رب اكون قلت حاجة مفيدة

تحياتى اليك

YHYيــوســف الـمصـرى يقول...

يا سمين ازيك
انتى عقدتينى من الجواز انا مش هتجوز خلاص ههههههههه
مش عارف كلام ده ممكن يكون فيه شىء من الصحة
بس بالبلدى كده صوبعك مش زى بعضها
تحياتى لك واعزرينى انى غبت عن التدوين الفترة دى وشكرا على سؤالك
واتمنى تبقى تشوفى البوست الجديد
سلام

ياسمين يقول...

miss_whooo
فعلا عندك حق
تحياتى

ياسمين يقول...

جهينة
انتى اخبارك ايه فى الغربة
والله النت قربت البعيد

عندك حق يا جهينة فى كل اللى قلتيه
بس صحيح
آدى الله وآدى حكمته

تحياتى

ياسمين يقول...

أبو ضحى
صديقى العزيز
والله نورت المدونة يا عزيزى ابو ضحى
ابحث يا ابو ضحى وانا معاك
وموافقة على اى حاجة تنقذ اسرة من الهدم
تحياتى

ياسمين يقول...

يوسف المصرى
ما تخافش يا يوسف
كل ما تدى الإهتمام لشىء كلما حصلت على نتائج جيدة
تحياتى

أبو ضحى يقول...

ياسمين
صاحبة الشأن هى الى لازم تقعد مع نفسها و تفكر و تدور..ليه؟
لأن هى اللى عارفة أدق تفاصيل العلاقة مع زوجها و اللى ميعرفهاش حد غيرها

اوعى تفتكرى ان ده تخادل او هروب منى..لأ
أنا مهما سمعت من صاحبة المشكلة فعمرى ما هكون على دراية بكل شئ زيها
و اللى سمع مش زى اللى شاف
و اللى شاف مش زى اى حد تانى شاف بردو

تحياتى

شيماء الجيزى يقول...

حبيبتى ياسمين

عاوزة اقولك وانتى اكيد عارفه
انى شوفت كل كلمه من كلامك
حقيقى ومباشر واون لاين
ومش بنسب تقريبا كل الرجال كده
وعلى فكره
مش بيتعامل مع المرأة الى هى بشكل عام كده
لا
مع الزوجه فقط
يعنى لو صديقه هيدلها كل آدميتها
لو عشيقه هيفضلها عن الزوجه
لو اى انثى غير الزوجه
لكن الزوجه هى الدميه
واللعبه الى المفروض تنخرص
تغنى فى هدوء
تبتسم فى ارتياح
او آليه
لم يعد يهم

البوست مؤلم الى حد ما يا ياسمين
وبجد
الكتاب الى ذكرته نادين فيه كتير
بس تفتكرى
ممكن يقرأوا
ولو قرأوا
هينفذوا؟
المشكله فى اسلوب التعامل
والى هو محفور فى العقل
قولتى للمتزوجين فقط
بس ده بيأثر على الكل كليله
حتى الابناء

تحيات مؤلمه

ياسمين يقول...

ابو ضحى
البوست بيتكلم عن حالة عامة تصيب المتزوجين بعد الزواج بفترة طالت أو قصرت
مش عارفة ليه بعد فترة يبدا احد
الأطراف وغالبا يكون الزوج بالنقد عمال على بطال أو التجاهل للطرف الاخر
مما يخلق جو مشحون بالتعاسة بينهما
تخيل شخص يتعرض للنقد أو لتجاهل بصورة مستمرة
لو اتكلم يسخر منه الآخر أو ينقده .. لو عبر عن نشاعره يبقى غلطان
طب دى مشاعرى يا ناس .. لأ انت بتحس غلط .. وبتفهم غلط وبتتكلم غلط
دة بدل ما يحاولوا يفهموا ليه الإحاسيس السلبية تسللت الى الحياة الزوجية لطرفين اتجوزوا عن حب
انا احاول هنا توجيه الزوج لطريقة يمكن أن تؤتى ثمارها مع الوقت
ان منح الإهتمام لطرف يشعر بالتجاهل هو اسلوب معروف لتوثيق العلاقات
تحياتى

ياسمين يقول...

شيماء الجيزى
صديقة التدوين والصحفية المميزة
كلامك طبعا مظبوط جدا ويكمل البوست والله بجد
فعلا الرجل يحترم كل انثى ما دامت ليست زوجته وسر الإحترام دة بيكون نابع من رغبته فى اقتناءها برضه والحصول عليها .. يعنى برضه دميه
بمعنى .. ان الرجل يظل يتعامل مع تلك الدمية الجديدة بمنتهى الإهتمام حتى يحصل عليها كالطفل تماما عندما يرغب فى الحصول على لعبة
وعندما يحصل عليها يبدا فى تجاهلها بعد أن يلهو بها بعض الوقت
ويعتبرها امر مفروغ منه وأمر مسلم به فى حياته .. طب يتعب نفسه بقى ليه فى الإهتمام بها
ما هى فعلا بقت بتاعته
أما الباقيين من النساء لسة ما حصلش عليهم يبقوا لسة فى بؤرة اهتمامه
كتاب
الجال من المريخ والنساء من الزهرة من أهم الكتب فى مكتبتى
وأعدت قراءته مرات ومرات
وأحب أقولك انه على طول على الكومودينو جنب سريرى
تصدقى .. لم يفكر زوجى ابدا فى قراءته
تحياتى

LAMIA MAHMOUD يقول...

عارفة هو مش كل الرجالة كده .. بس جزء كبير منهم

دايما الراجل يقولك احتويني .. طيب ويا ترى انا اية؟؟!
مش محتاجة حد يحتويني انا كمان؟؟!

بس على فكرة يا ياسمين ده مش للمتزوجين فقط .. ده للمخطوبين وللي بيحبوا بعض

رسالة موجهه تقدري تقولي .. ما البنت مش طول الوقت حتستحمل وتبلع ولما تتنرفز تبقى نكدية او تبقى بتتنرفز عليه وهو الملاك البريء اللي بيستحمل

طلب خاص وسعيها خليها تشمل علاقات اكبر من الجواز

الربان يقول...

تحياتي

كلامك مهم جدا...و اسر كثيرة في مسيس الحاجه اليه.

لكن ايضا هناك الكثير من الرجال الذين يعرفون زوجاتهم جيدا..
و ايضا الزوجات تعرف أزواجها جيدا..

المشكلة في رأيي ، ان التفاهم أصبح شبه مفقود... بين افراد الاسرة كلهم
و ليس فقط بين الازواج و زوجاتهم.

و اقتراحك بالاطلاع علي النت لمحاولة فهم اكبر و اكثر و اعمق للمرأة ممتاز، و اسمحي لي ان أضيف بعض المواقع.

http://www.almarefah.com/article.php?id=337

تحياتي

LOJAIN يقول...

انا مررت لك تااااااااااااج

اوعى تدعى عليا
:))

Regards:
Lojain :)

ياسمين يقول...

لمياء محمود
ياااااااااااااااا يا لمياء
والله تعبت لما قريت تعليقك بجد
حسيت ان نظرتى كانت قصيرة جدا لما اتكلمت عن المتزوجين فقط مع ان المجتمع تملؤه العلاقات الثنائية من ارتباطات مختلفة لم تصل بعد للزواج
1
وفعلا ان لم يتدرب الرجل ويتعلم كيف يعامل المرأة اساسا لن يستطيع ان يفعل وهو زوج

أشكرك يا لمياء وهأغير عنوان البوست حالا
تحياتى

Ezz يقول...

ياسمين العزيزة: كده انتي مش fair الشغل و البحث في وسائل الابداع في الشغل ده من صميم الحياة العائلية.. على فكرة الراجل ساعات بيهرب لشغله بسبب القرف اللي في البيت.. التعامل مع المرأة و كأنها دمية للهو مرفوض و تعامل المرأة مع الراجل و كانه أسفنجة تمتص كل القرف بحجة أنه راجل البيت و عامود الخيمة فده أيضا مرفوض و مقزز بجد.. الراجل ساعات بيحتاج مساحة من الحرية والخصوصية..ومحتاج أنه يريح قدام التليفزيون في ايده كوباية شاي بالنعناع و يأنتخ و بيحتاج أن مراته كمان تدور على اللي بيسعده و تعمله..الرحمة بجد..الراجل مش وحش كده.. يا نهار أسود ده أحنا بقينا بنطلب الرحمة.. عز

ياسمين يقول...

الربان
تحية كبيرة وتصفيق حاد لرجل يحاول أن يطلع ويفهم ويعى ما حوله ومن حوله

لقد ذهبت الى الموقع واطلعت عليه وهو يلخص تقريبا كل شىء عن المرأة

بجد
انت عظيم

ياسمين يقول...

للجين الحبيبة
لا يمكن ادعى على حد ابدا
وخاصة لما يكون حلو كدة زى لجين

انا والله اتمرر لى ييجى 20 تاج لحد دلوقتى ويمكن اكتر لم اتلقى ايا منهم

مين اللى قال ان فى حد مهتم اصلا انه يعرف اى حاجة عنى او عن آراءى أو عن شخصيتى؟

مش يمكن دة يكون اهدار لوقتهم وطاقتهم
:))))
شكرا يا لجين

ياسمين يقول...

عــــز

انا بقول هنا فى البوست للرجال انهم يحاولوا يفهموا ليه الست بتبقى نكدية وبتحاول تطهق الراجل فى عيشته فى عقلها الباطن الذى ينعكس على تصرفاتها الواعية

ليه بتضغط عليه وتعلق تعليقات سخيفة من حين لحين وتخنقه

عشان هى اصلا متنكدة ومخنوقة وتعيسة ومضغوطة

انت نفسك لو مديرك خانقك هتبقى غلس معاه من غير ما تحس

أنصحك وانصح جميع الرجال بقراءة كتاب رائع يشرح للرجل ويفسر له سلوك المرأة وكيفية الخروج من المعاناة معها
كما يشرح للمرأة كيف يفكر الرجل وكيف يتصرف وعلى اى اساس

اسم الكتاب
الرجال من المريخ والنساء من الزهرة
موجود فى السوق ومترجم الى العربية

كما ارسل لنا الزميل المدون الربان لينك فى منتهى الجمال يساعد كثيرا فيما نتحدث عنه

http://www.almarefah.com/article.php?id=337

تحياتى لكل رجل يرغب فى ان يغير الحياة من حوله بدلا من توجيه النقد

ان تشعل شمعة خيرا من ان تلعن الظلام
الرجل هو القائد فلتبدأ بنفسك
تحياتى

e7na يقول...

مجتمعاتنا صورت المراه بالنسبه للرجل مخلوق غير مفهوم الطباع ولا التصرفات وجزء من هذا تقع مسئوليته على المرأه فلماذا تجعل من متطلباتها وافكارها وكلماتها الغاز على زوجها اقرب الناس لها ان يبحث عنها فى النت ليحلل تصرفاتها كما يبحث عن اسباب اختفاء الظربان فى امريكا الجنوبيه
لنجعل من الحديث بين الرجل والمرأه امرا طبيعيا لايحتاج الى دراسات وتمحيصات
الامر لايحتاج الى كل هذه التعقيدات
أثرتى موضوع مهم رغم بعض الاختلاف
سعيد جدا لو تقبلتى رايي

LOJAIN يقول...

انا زحلانة منك:((
مش عشان التاج فى داهية
بس عشان ده اهدار ليكى انك تقولى مين مهتم يعرف عنى حاجة
انا مهتمه يا ستى منفعش ولا ايه
وبسال عليكى على طول و انتى منفضالىىىىىىىىىىىىىىىىىىىى

ياستى انا مسامحاكى فى ال 20 ج اللى خدتيهم منى متتكسفيش يا شيخة .. للعيال للعيال :))

عايزة اكلمك قريب و اطمن عليكى يا عسل و طظ فى التاج يا ستى
ده طلع سلطانية فى الاخر
:)))
ولا نسيتى

Regards:
Lojain :)

Sharm يقول...

طب و ليه الست متحاولش تفهم هي الراجل بدل ما هي قاعده تتكلم كتير و تنم على دي و دي

ياسمين يقول...

احنــــــــــا

انت اكيد مش متجوز
:)))
لو كنت متجوز كنت فهمت ان الموضوع معقد معلا وان الإحتكاك يولد مشاكل كثيرة

الست مش بمزاجها تقول وما تقولش
احنا هنا فى مجتمع الرجل فيه هو السيد ومهما قالوا غير كدة هى دى الحقيقة

انت فاكر ان الست مش بتتكلم وتحاول تفهم الرجل هى عاوزة ايه .. لأ .. بيحصل بس الزوج دايما يا اما بيتجاهلها يا اما بيقمعها يا اما مش مقتنع اصلا
يخش الساعة 12 باليل يلاقيها مبوزة
يتساءل فى ازبهلال قائلا هو فى ايه .. ايه النكد دة؟؟
طب ماقالتلك 100 مرة انها بتضايق لما ترجع متأخر
ولا حياة لمن تنادى
تحياتى

ياسمين يقول...

لجين
والله بتضحكينى يا ست البنات الحلوين
كلامك زى السكر ودمك زى السكر وانتى كلك سكر فى سكر
خلى بالك بقى من النمل
:))))
تحياتى

ياسمين يقول...

شارم
انا معاك برضه ان الست مفروض تحاول تفهم الراجل
بس الرجل هو السيد وهو القائد ويجب ان يبدأ بنفسه
دى حاجة .. الحاجة التانية
ان الراجل بيتفهم لما يكون بيتكلم لكن اغلب الرجالة فىة مصر بيجيلهم خرس بعد الجواز يتكلم مع كل الناس ماعدا مراته
تسأله ليه مش بتتكلم معايا؟؟
يرد .. اتكلم معاكى اقولك ايه ما انتى عارفة كل حاجة
حتى مجرد الدردشة العادية ولو حتى عن قصة فيلم .. بقت محرومة منها
وبعدين انا هنا بأتكلم عن الزوجة المهضوم حقها مش عن الراجل

شوية كدة وهأكتب بوست عن الرجل المظلوم
تحياتى

الربان يقول...

ياسمين

تحياتي.. فعلا التفاهم يكاد يكون في حده الأدني...

و مصداقا لقولك... قرأت من فترة خبر في العربية نت يقول :

سعودي يضرب زوجته ليلة الزفاف بناء علي نصيحة من أمه.

الروابط :

http://www.alarabiya.net/articles/2006/05/12/23674.html

يا ريت قبل الاقدام علي مشروع الزواج نقرأ عن النصف الاخر ... و قبل الإقدام علي الإنجاب نقرأ عن الاطفال و سيكولوجية الطفولة...
و ذلك حتي لا نظلم احدا .

تحياتي

ياسمين يقول...

الربان
فعلا المفروض نقرا عن النصف الآخر وعن تربية الأطفال وسلوكهم

وانا بجد بأشكرك على المجهود والمتابعة

تحياتى

حقى اهرتل يقول...

انا كنت من غير الصحاب صاحب قلق
وكنت عايش ف الحياه ع المفترق
مين اللى قال انك هتقدر تنتفض
من غير ما حد يشد ايدك م الغرق

dyin_soul يقول...

كلامك جميل بس أنا رأيي ان الكلام يوجه للطرفين

بما اننا في مجتمع الي حد ما ذكوري فده بيظهر أوي من الراجل بس مع الاسف في سيدات كمان بيتصرفوا بنفس الطريقة

المهم ان كل واحد من الطرفين يفهم ان الطرف الآخر انسان محتاج للحنان و الكلمة الجميلة و المشاركة و كل حاجة و لو أي طرف قصر التاني يساعده علي اكتشاف غلطه

أحييكي علي الموضوع و أرجو ان الناس تفهم معني كلمة انسان . الاحساس والتفكير , القوة و الضعف , الرغبة في المشاركة , الروح و الجسد , كل حاجة لأن اهمال جانب واحد كفيل بانه يعمل خلل في العلاقة

بجد يا ياسمين بتطرحي موضوعات اجتماعية غاية في الأهمية بس المهم ان الناس تفهم و توصل لحل

تحياتي

ياسمين يقول...

حقى أهرتل

أهلا بيك فى أول زيارة لمدونتى
كلام جميل
بس .. يا ترى ايه علاقته بالموضوع؟

تحياتى

ياسمين يقول...

dyin_soul
تعليقك فى منتهى الروعة وعندك حق فى ان بعض النساء كذلك يحتجن الى ارشاد

وبرضه وجهة نظرك فى ان الغالبية من الرجال هم الذين يحتاجون اطثر للوتجيه نتيجة وجودنا فى مجتمع ذكورى

اشكرك جدا على التعليق العميق
تحياتى

وينكى يقول...

ياسمين
سمسم
فينك ياقمر؟؟؟
ماتعودتش على غيابك كتير كده
رحتى فين؟؟؟؟

ياسمين يقول...

وينكى
انا هنا
جاية ازورك حالا اهه
:)
اشكرك على سؤالك الدائم عنى
تحياتى

.:.-=- ELGaZaLy-=-.:. يقول...

انتى بتنزلى بوست كل اد اية؟؟

افهم بس واللهى وهابطل اسال

يعنى كل كام فترة ولا كل ما يجد جديد


تحياتى اليكى ودعواتى ايضاء

ياسمين يقول...

الغزالى
انا بأنزل بوست كل ما يجيلى مزاج اكتب
بس حسيت من كلامك انى لازم انزل بوست جديد

حاضر
أوعدك .. قريب
منورنى والله يا غزالى يا صديقى العزيز

Ahmed taher يقول...

الاخت ياسمين
مشعارف ازاي جيت متاخر كده بعتذر
بس صراحة مختلف معاكي تماما او على الاقل بنسبة 90 % حتي لا اكون مبالغا
اكره بشدة مبدا التعميم في الاشياء
فلكل منا حالته الخاصة وليس معني تعاسة بعض الاشخاص ان نتعس الجميع او نطلق العموم عليهم والعكس صحيح في النجاح ونحن لسنا ملائكة ولن نكون ابدا فالرجال ليسوا ملائكة من السماء ولا السيدات ملائكة من السماء بل اننا بشر لسنا منزهون عن الخطأ فنحن جميعا نخطا ونصيب وهلم جره وهكذا هي الدنيا دائما انا هنا اتحدث من موقف قوي لاني لست خارج نطاق الزواج بل اني متزوج منذ 3 سنوات وهي فترة ليست بقصيرة الا حد ما ورزقني الله بابن رائع ادامه الله علي واحب زوجتي رغم ما بها من عيوب كما بي من عيوب واحاول التوجية بشكل محترم لا ينقص منها واسمع منها اعتراضا لي واحب ان اتناقش معها جدا ....نختلف كثيرا نعم وهذه سنة البشر والحياة وليس في ذلك عيب ولاكني افهم معني الزواج وغيري كثيرون يفهمون لست ملاكا ولا هي كذلك الموضوع ابسط من بذلك بكثير ...
هناك من يقصر من الجنسين المهم ان نتعلم بجد وبقوة وبامانة
وكل ياخذ جزائة بما عمل به وبنيته
فبنيتكم ترزقون
تحياتي

BinO يقول...

السلام عليكم
أستاذة ياسمين
أعتقد أن اختصار كل الرجال في رجل ليس حل للمشكلة
فنحن نعيش مع ابائنا وأقاربنا ومعارفنا
نعرف كيف كانوا وكيف يكونوا
كيف يحترمون نسائهم

دمية

أبداً لم تكون الأنسي في نظر الجل دمية

تعميميك للأمر ليس هو الحل
ربما يخطئ البعض في التعامل ولكن هذا ليس دليلاً علي أن كل الرجال لا يعرفون معني الزوجة
وكيف يعاملوها

وهدانا الله وأياكم الي ما فيه خير

ياسمين يقول...

بينو
يبدو انك لم تقرأ التعليقات
انا باتكلم عن أغلبية يا سيدى
وبعدين لو حد اتكلم عن الشوارع المكسرة فى مصر ييجى حد يقوله طب مافى شوارع كويسة وانت بتعمم
:)
مش معقول يا بينو .. انت عمرك ما قرأت عندى موضوع الا واعترضت عليه
انت غير متزوج ولم تعتركك الحياة بعد
ولا تعى ما يدور بين الجدران لأنك لم تختبره بعد
أنا أتمنالك سعادة قصوى يا سيدى
يا ريت تكون فعلا آخر الرجال المحترمين الذين يعطون للزوجة قدرها
عندى اقتراح
اعمل بحث .. اسأل كل امرأة تقابلها عن مشاعرها كزوجة وعن ما يضايقها من زوجها واعرف فى ايه جوة البيوت

أرجوك يا سيدى .. اشترى .. اسمع .. حاول تفهم ما وراء الأمور فقد تجد يوما شيئا جديدا لا تعرفه
تحياتى لك يا بينو

BinO يقول...

السلام عليكم

تعرفي
وانا بكتب التعليق
كان في بالي أنك حتقولي كده
"هو أنا كل ماأكتب حاجة يعترض " شكلي عايش للأعتراض

تعرفي موضوع أني أسأل كل واحدة عن ما يضايقها في زوجهامستحيل لعدة اسباب
أولاً فكرة ان حد من الأزواج يتكام عن ما يدور في البيت بينهما شخصياً لأحد أخر مرفوض تماماً كمبدأ عندي
لأن في هذه الحالة يصبح الزواج فقد السكن والأمان

موضوع الشارع ده تشبيه عاري من الصحة
لأني لما أقول الشوارع مكسرة لأن الشارع ده ملكية عامة مش كل واحد ليه الشارع بتاعه , بمعني اني لازم اعدي علي الشوارع مش أتجنبها , والمسؤل عن الشوارع ده مسؤل واحد , أما موضوع الرجال فكل واحد مسؤل عن نفسه ومن يعولهم , فلو قلت أن فلان لا يعامل زوجته بالحسني فليس معني ذلك ان والدك يعامل والدتك بقسوة او عمك وزوجته وهكذا
وايضاً اذا قلنا أن رسول الله صلي الله عليه وسلم كان أفضل الناس لأهله , مش معني كده ان كل الرجال مثل الرسول صلي الله عليه وسلم
, انما الأصل في الأمرو هو الشئ السوي
و الحاللات الخاصة تعامل كحالة خاصة كل لها أسبابه ودوافعه
أتعلمين ماذا يجعل المرأة دمية
النساء الان الاتي يتشبثن بالفكر العلماني البغيض , ومن يدفعهم العلمانيين بفكر مساواة الرجل والمرأة , وعمل المرأة
وسلاح المرأة , وحجاب المرأة اللي بيحاولوا يقنعو النساء بخلعه
والتعري ومصاحبة الرجال غير المحارم
وسفر المرأة بغير محرم
وغيره وغيره من المخلفات الشرعية
التي جعلت بعض النساء دمية
ولكن في ايدي ذو كيد ضعيف

-أنا فعلاً مقرأتش التعليقات لأنها كثيرة ولو قرأتها كانت حتدخلني لنقاط فرعية أخري ,كما أني عادة احاول أن اعلق علي أصل الموضوع ذاته , رغم أن بعض الاحيان يكتب نفس التعليق بأسلوب أخر وتضطري أن تردي نفس الرد , بس معلش استحمليني , أصل 100 تعليق كتير أوي

أنا صحيح لم اتزوج بعد
ولكن احب أقولك ان معادلة الزواج سهلة
أيجاد قانون يحكم بين الزوجين
أنت عارفه المثل اللي بيقول اللي مالوش كبير يشتريله كبير
أهو كده
والحمد لله
كبيرانا هو الشريعة المنزلة من فوق سبع سموات
فلو اتفق الزوجان علي الالتزام بشرع الله , وأتباع ما أقره الدين من حقوق للزوج علي الزوجة والعكس , لن يجرؤ أحدهما علي ان يعصي الله او الا يتقي الله في زوجه

انا أشتريت صدقيني ,
وأعرف علي قدر ما اعرف من اناس يعيشون بلا مشاكل والحمد لله
كما أعرف أناس تعصف بهم المشاكل
ولكن كلها داخل الأربع جدران
لتستمر الحياة
أو يقضي الله امره بأبغض الحلال أذا استحالت المعيشة

momken يقول...

الموضوع حلو اوى ياياسمين بس هى المراءه الموجوده فى الكتب هىهى الى فى الواقع المراءه الى فى الواقع اعتقد مافيش كتب ممكن تحتويها كمان انا اعتقد ان الكتب والكتب الى اتكلمت عن المراءه اغلبها كتبها رجاله يعنى ممكن يكونوا مش فاهمين زى البشمهندس الى اتكلمتى عنه او فهمين علط زى البشمهندس الى بيكلمك ده
انا اعتقد ان الثقافه عندنا هى سبب ده كله معندنا روح الفريق (التيم ورك) وكل واحد عاوز يلعب لوحده يجيب جون ولو طلعت اوت يقول اى الاخرين هما الى مش عارفين يفهموة

sousou يقول...

Hi YAsmin,
I totally agree with you,i think that's the way it is...men are what they are,and it's up to you "as a woman" ...to choose ..take it or leave it!!they will never try to understand a woman ...and if they try they will fail..
there are 2 kind of women
first:" nekadeyin fe3lan" and second: they are so intelligent and can make a man really happy
but both face the one and ONLY kind of men " eli mesh 3ayez yefham"!!
My advice to all women ,you have to know that men will never understand ....!

elkamhawi يقول...

مش كلة

المهاجر يقول...

بصراحة انا اتصدمت من كمية الظلم ده و الاغرب ان المشارك فى الظلم هو بعض المظلومين ما علينا المهم انك ظلمتى حمال الاسية ليه اعتقد انه غلطان ليه عشان مقدرش الامور بحجمها يعنى ادى الست اكبر من حجمها و ده السبب فى هروبه مش العكس انه بيعاملها كدمية ليه بقى تعالوا نراجع مع بعض الخلفيات اذا احب رجل ان يكمل نصف دينه او يخش دنيا او يبتدي الجد و يعمل عيلة بيجوز يعنى الجد انه يجوز توقع الرجل فى زوجته السند فتوقع انها هتنصهه و انها هى اللى هتدور على النت عشان تحصنه بعرفة يواجه بها مديره و هتدور معاه فى الكتب عشان يعمل بحثه لتجعل منه شخص متفرد بين اقرانه كما تمنته و هى اللى هتسأل عالم الدين عشان تاكل اولاده مال حلال كان منتظر كل هذا لكنه فوجئ انها فى حد ذاتها موضوع بحثى و مثار شبهة لابد ان نستفتى فيه و على ايه ده كله ما الهروب احسن يعنى الهروب جه بعد الصدمة

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人