الاثنين، 9 يونيو 2008

البشر نوعين .. ذكر وأنثى

البشر نوعين .. نوعين وبس .. ذكر ..وأنثى
بسأل نفسى دايما ليه الأنثى لا تحصل على مايحصل عليه الرجل من متع الحياه؟
لماذا يفخر المجتمع بالذكر عندما يقيم علاقة خارج نطاق زواجه من أنثى بعينها .. بينما لا يفعل مع الأنثى؟
لماذا يبيح للذكر أن يقيم علاقة مع أنثى أخرى لو حتى تحت مسمى زواج بينما لا يحق هذا للأنثى؟؟
هتقولوا لى عشان اختلاط الأنساب؟؟
طب ماذا ان كانت تلك الأنثى لا تلد؟؟ أو ماذا ان كانت تستخدم وسيلة لمنع الحمل؟؟
ليه بقى ممنوع برضه؟
هل قدرة الرجل على ممارسة الجنس أو حتى على ازدواج المشاعر موجودة بينما هى غير متوفرة لدى الأنثى؟؟
لأ طبعا .. الأنثى عندها قدره بيولوجية على ممارسة الجنس مع أكثر من رجل فى اليوم نفسه مثلا
بينما غالبا لا يستطيع الرجل لما يتطلبه هذا من صحة وقوة وطاقة معينة
هل يمكن للرجل أن يحب أكثر من امرأة بينما لا تستطيع الأنثى؟؟
برضه لأ .. يمكن للمراة أن تنجذب وجدانيا لأكثر من رجل
اذن المجتمع يبرمج المرأة على ان تقنع طوال العمر برجل واحد بينما يبرمج الرجل على ان تعدد علاقاته شىء عادى
الخلاصة ان المجتمع لا يعترف بالأنثى كمخلوق بشرى له رغبات ومشاعر ينبغى اشباعها
اللى عقلى فاهمه كويس قوى ان الرجل والمرأة مخلوقان بشريان متساويان
لكن هل يفهم الرجل هذا؟؟ طبعا لأ .. ليه؟ ..عشان برمج من المجتمع على دة
مهم قوى ان ماحدش يفهم انى ادعو للرزيلة او انى أنادى للمرأة بتعدد العلاقات
أنا بس عايزة اقول ان المجتمع يعامل المرأة كأداه وليس كمخلوق بشرى له كيان
بيقولوا ان المرأة مخلوق عاطفى
طيب المخلوق العاطفى دة محتاج لإيه؟؟
للحب
زاى ممكن يكون فى حب مع فكرة الخيانة؟؟
ازاى ممكن لأى امرأة تفكر ولها عقل ومشاعر ان تقتنع بحب رجل يعدد فى علاقاته
طب هل هو يتقبل عادى بقى انها تحصل مثلا على الجنس من رجل فحل
وعلى الحب من رجل رومانسى
وعلى المال من رجل ثرى
وعلى مغامرة من رجل ثورى
وعلى الفكر من رجل ذكى
يخون الرجال .. ويبررون ذلك برغبتهم فى التغيير .. طب هو يعنى الغلبانة مانفسهاش تغير؟
يعدد الرجال ويبررون ذلك بأن لكل امرأة طعم ولون ورائحة مثل الفاكهة
طب ومين قال ان كل الرجال متشابهين؟؟
ازاى ممكن ان اى ست فى العالم تصدق ان راجل بيعرف عليها أو بيتجوز عليها يبقى بيحبها
اذا كان هو نفسه مش بيقتنع بدة لما تكون هى اللى بتعمل كدة؟؟

هناك 32 تعليقًا:

zahra يقول...

مين قال الخيانه مباحه سواء للرجل او للمرة ؟؟
ربنا سبحانه و تعالى مفرقش بين الرجل او المرأة فى اى شىء
و ديننا ما ظلمناش ابدا
حتى لو كانت نظرة المجتمع ذكوريه ده مش معناه انها صح و ان هو ده قانون الحياه
و لو كانت النظرة دى هتبيح الخطأ و الخيانه يبقى ساعتها هكره المساواه
انا مش عاوزة حد يعاملنى كراجل و يبيح لى الغدر و الخيانه و التعدد فى المشاعر و الأحاسيس
لما نكون فوق مينفعش نطالب بالمساواه مع الناس اللى تحت
و لو على الغلط فاللى بيغلط مش هيستنى حد يبيح له خطأه

Unknown يقول...

انا رائى من راى زهرة الياسمين

انا معترف ان نظرة المجتمع للرجل الخائن اقل حدة

من نظرتة للمراءة الخائنة

غير معرف يقول...

الجنس من رجل فحل
وعلى الحب من رجل رومانسى
وعلى المال من رجل ثرى
وعلى مغامرة من رجل ثورى
وعلى الفكر من رجل ذكى


طيب و الامان تحصل عليه منين؟؟

و يعنى ايه راجل رومانسى ..يعنى بيقول كلام حب .. بس الكلام فقط من غير افعال ليس له اى معنى عند المرأه

الفكر من رجل ذكى دى مافيهاش خيانه فى حاجة على ما اعتقد

المال من رجل ثرى مقابل ايه؟؟ مافيش حاجة ببلاش

المجتمع ظالم و يكيل بمكيالين ده شئ لا يختلف عليه اثنين .. بس هل يا ترى الست فعلا عايزة رجاله كتير ولا عايزة راجل واحد فيه كل حاجة ؟؟

عين فى الجنة يقول...

انا موش عارف ليه دايما الستات بتحصر العلاقة بين الرجل والمرأة فى الفراش وتعتبر الخيانة بس عندما يسقط الرجل او المرأة فى الزنا
فماذا عن الحب الذى يسره الانسان ولا يبوح به
وماذا عن الكراهية والبغض المكنون فى الصدور ؟
الثقافة الشائعة فى المجتمعات قائمة على فكرة ان المرأة لغبة الشيطان كما انها عند المسيحيين سبب الخطيئة الاولى والخروج من الجنة و عند الهنود تحرق المرأة مع جثة زوجها
وهذا الفكر سائد عند ناس كثيرين
وكما قالت زهرة الياسمين ان موقف المجتمع ليس بالضرورة هو قانون الحياة
موضوع شائك شائق كعادتك

harmless يقول...

من المؤكد ان ما يصل اليه المجتمع من اراء وعادات له اسباب منطقيه بغض النظر عن اتساقها مع العدل او المنطق

وهذه الاسباب دخلت الى الوجدان بعد تجارب طويله مع الحياة اثبتت نوع من الصحه وشكل من اشكال الحقيقة مهما تعارضت تلك الحقيقة مع الوضع النظرى الامثل او الاكثر منطقية

مثلا
لو رأينا فى منطقه ما اهل المنطقه يتنجنبون شخصا ما ويهابونه ويلبون طلباته وفى نفس الوقت لا يهتمون بشخص آخر يماثله فى السن والمكانه فسنجد ايضا اسبابا تكونت بخبرات حياتية كأن يكون هذا الشخص بلطجيا او مؤذيا او تصادميا فنتج فى النهاية هذا السلوك الجماعى تجاهه
هذا مجرد مثال

وعلى نفس النسق فمن المؤكد ان المجتمع وصل الى ما اشرتى اليه نتاج خبره حياتيه طويله جعلته يسلك هذا السلوك

ربما النساء فعلا يختلفون عن الرجال فى الطبائع

ربما النساء فتنة مطلقه فى حد ذاتها والرجال مجرد فتنه نسبيه لقضاء وطر النساء فقط

ربما ان معظم الرجال فعلا تحب التعدد ومعظم النساء لا تحبه فصار الاول معذورا وصارت الثانية مثيره للعجب والرفض

ربما فعلا تشعر النساء داخليا ان جسدها غالى فلا تمنحه بسهوله ويشعر الرجل داخليا ان جسده رخيص فيعرضه شاكرا لكل طالبه وعند حدوث العكس هنا او هنا يكون ذلك غريبا وممجوجا

ربما تشعر النساء داخليا انها ارقى ولا يرفع من شأنها اجتذاب اى رجل لممارسة الجنس ويشعر الرجل داخليا انه اقل وان وصوله لاجتذاب اكبر عدد من النساء جنسيا يرفع من شأنه ويعلى من قدره ودليلا على تفوقه

المهم ان هناك اسباب معتبره والقاء السبب على عبارات شامله جامعه مثل المجتمع ذكورى او ان الرجال هم واضعى القوانين الخ هو تسطيح معيب

على العموم احب ان اطمأنك واطمأن النساء الى ان الجميع يفعلون ما يريدون وان عدد الرجال ممارسى الجنس الغير شرعى هو نفس عدد النساء ممارسات الجنس الغير شرعى بالظبط وبالملى وكل الحكايه ان الرجال يقولون فعلنا حتى لو لم يفعلوا والنساء يقلن لم نفعل حتى لو فعلن

لماذا؟
لان العلاقه الجنسيه تكون بين رجل وامرأه وليس بين رجل وقطه
فمع كل رجل يمارس الجنس امرأه تمارسه

ونيابة عن الرجال اقول للنساء
لا تعايزنى ولا اعايرك
الهم طايلنى وطايلك
ولو ان ده موضوع تانى

تحياتى

http://kasperb4.blogspot.com/ يقول...

مع احترامي لرأيك الشخصي

لكن منقدرش نعوّل عليه لأن ببساطة كل ما ذكرتيه ليس هو القاعدة في المجتمع

وف الحقيقة انا اتعجب لكلامك بشدة

يعني تعدد ـ علاقات ـ الرجل امر غير مسلم بيه ( عند فئة كبيرة من المجتمع ) بل ويعتبر من الفواحش

وحتى زواج الرجل من اخرى إذا لم يكن برضاء الزوجة فلا يجوز شرعا .. لأنه هيكون فيه ظلم للأولى

ثم ان مفيش حد عاقل بيفخر بالذكر عندما يقيم علاقة خارج نطاق زواجه
فأين الفخر في هذا؟
فهذه أيضا ليست قاعدة أو أمر مسلم به في المجتمع

وإذا كنت من وجهة نظرك ترين ان المجتمع ينظر للمرأة على أنها أداة وانها ليست مخلوق بشري
فأنا أرى من كلامك أنك تعتبري الرجل مجرد آلة مبرمجة وانه ليس مخلوق بشري ويحمل مشاعر

وطبعا النظرتين دول علط جداا

انا اتفهم ان حضرتك لا تدعي للرزيلة مطلقا

ولكن في نفس الوقت احب ان توضحي أكثر ايه اللي المفروض انه يكون حاصل؟

كلام على بلاطة يقول...

عزيزى ضوء السماء
البشر بشر سواء ذكر او انثى
وفكرة الخيانة فكرة قميئة سواء جاءت من رجل او من امراة
اما القهر المجتمعى الذى يمارس عاى النساء شىء غير حضارى وغير انسانى
وانسانى وخد عنوانى
تحياتى

بنت مصريه يقول...

والله سواء خيانه المرأه او الرجل ف ده ف الاول والاخر زنا
لتنين غلط
اما بقى ان الراجل ليه حق يتجوز اكتر من واحده
ف دا شرع ربنا ولكن بشروط
ويقول المولى وان خفتم الا تعدلوا فواحده ولن تعدلوا
اى ان هذا شرعا مجاز للرجل اما السيده
فغير مجاز لها الا رجل واحد
وبيتهيألى دا معروف شرعا وقانونا

بنت مصريه يقول...

اه مرسى لتعليقك عندى واخطارى بالخبر الجميل بتاع جريده الاسره العربيه

محمد حمدي يقول...

فاكره اما كتبت مره وقلت ان نظره المجتمع للانثى المدخنه غير نظرتها للرجل المدخن .. يعنى حتى بعيدا عن العلاقات الجنسيه خالص .. الانثى بالنسبه للرجل يتم تلخيصها فى الجنس والشرف ... حتى فى الارياف بيطلق على المرأه (حرمه) يعنى كل حاجه فى الست اصبحت ملخصه فى الجنس ... فى العشر أو العشرين أو حتى الاربعين دقيقه الى بتكون فى الفراش وخلاص على كده

عموما انا كتبت كتير وانتى كتبتى اكتر ولا حاجه اتغيرت .. تفتكرى احنا بننفخ فى قربه مقطوعه ؟

سواء بننفخ فى قربه مقطوعه او لاء ابقى استنى منى بوست عن موضوع مشابه قريب

سلام

Unknown يقول...

اللي عمل الفرق دا هوه نظام مجتع فاسد هوه اللي خلى للراجل الصلاحيه انه يغلط و سحب الحق " الفاسد " دا من المراه
لكن مش دا الاصل اللي نقيس عليه

الاصل اللي قالنا عليه الدين ان الاتنين ليهم حقوق وعليهم واجبات
وعقاب الاتنين في حالة الخيانه واحد
وجزاء الاتنين في حالة الاخلاص و الوفاء واحد

احنا بس كبشر اللي بنغير الصح وبنحوله ونشوهه ونعمله قوانين

تحياتي

المـــفـــــــقــــــــوعـــــة مــرارتـهــا يقول...

نفس الكلام ده بيدور في دماغي بس بخاف اطلعه
احنال مش عاوزين الأنثي تتساوي بالرجل
احنا عاوزين الرجل يتساوي بالأنثي
يعني اللي مايقبلهوش علي الست مايقبلهوش من الراجل

محمود حسن العدل يقول...

موضوعك جميل جدا ويتميز بالجرأة
بس عوزك تلاحظى ان اكيد فى فرق بين البنت والراجل رغم اننا متسوين امام اللة منةالناحية الدنية والاخلاقية
بس بردو مش معنى كدة ان الراجل يخون زوجتة او يهملهااو معنى كدة ان لو الراجل خان زوجتة يعنى زوجتة تخونة
المرأة لية حقوق وواجبات عند زوجها لو مش عارفة تاخدها اكيد فى طرق تانية تاخد بيها حقوقها من غير ماتغضب اللة ولا تحمل لقب يجلب لها العار طول العمر

أنا حر يقول...

الخيانة شيء مكروه للرجاله وللبنات بس هو غباء مجتمع
كل النظريات الانسانية بتقول ان لازم نفصل بين الجنس والحب ولو طبقنا النظريات دي هنلاقيها مش هتفرق بين الراجل والست
علشان كده لما بنمنع حاجة لازم نمنعها برده على الاثنين لأن فيه ظلم كبير على المرأة من الاحكام الذكورية دي
انا عندي راي خاص بيا بصراحة لو في راجل خان حبيبته يبقى هي كمان من حقها تخونه لأن الراجل زي الست في كل شيء خصوصالما نكون بنتكلم على مشاعر واحاسيس في الانسان مش في نوع معين من البشر
تحياتي

admelmasry يقول...

ههههه
اسف جدا لبدئي حديثي بالضحك
ولكن استوقفتني جملة البشر نوعان
رجل وانثي
.
.
اعتقد ان العالم الدي نعيش فيه الان اثبت بما لا يدع مجالا للشك ان هناك نوعا ثالت
الخنثي
.
.
.
ناهيك عن كون البشر معترفين او غير معترفين بوجود اللواطيين او السحاقيات بينهم
.
.
.
فانا اري ان التوجة العام الان هو توجه ناحية اعاطء المراة حقوقها الكاملة
..
.
اري ان استخدام كلمة المراة افضل بكثيرا من الانثي
.
.
لام كلمة المراة تحمل في طياتها معاني الانسانية البشرية والتي يحملها الرجل ايضا .. والتي تميز كل بني ادم
.
.
ولكن كلمة انثي لا تحمل الا ايحاءا علي التفريق جنسيا بين شقين اصلهم واحد
.
.
.
اقول ان العالم باسره يتجه الي اعطاء المراة حقوقها كاملة
.
لا اتصور اطلاقا
في ظل من ينادي .. بمنع تعدد الزوجات للدكور
حفاظا علي كرامة الانثي .. او المراة في المجتمع
.
.
من يحاول ان يدعوا لها
حتي يكتسب للمراة نفس الحق .... ادا كان هناك تشريعا الهيا سن للرجل ان يتزوج باربعة .. فهو لم يترك الحبل علي الغارب لكل من يشتهي النساء ان يشتري منهن
ولكن هناك شروطا وضوابط
.
.
وعندما راي كل مجتمع حسب ظروفه وحسب اوضاعة ضوروة منع هده العاده الغير ضوروية بالمرة .. اجدك وبغرابة شديدة
تدافعين عنها في محاولة لكسب مثل هدا الحق للمراة
..
يحاول ان يراعي المحتمع شعور المراة وكرامتها ورفعة مكانتها بتحريم تعدد الزوجات للرجل

اراك انت الان تدعو لتعدد العلاقات الجنسية للمراة بدعوة انها بيولوجية قادرة علي دلك
.
.
ارها دعوة للعهر المرخص حتي تعم فوضي الجنس بين الناس

لا اظن ان دلك يرفع من مكانه المراة ابدا بل يحض من شانها ويدفعها دفعا الي هاوية سحيقة

لا اتعقد ان الجنس رغم ضروريته الحيوية في حياة الانسان منها
هو المحرك الاول للاشياء


لنا الله
يهدينها الي ما يحبه ويرضاه
تحياتي والسلام

غير معرف يقول...

سيدتى اتفق مع معظم ما جاء بالبوست وكن ان العالم كله ماهو الا امراه ورجل واتفق معك فى ان الخيانه واحده طعمها مر للشريك الاخر سواء كانت امراه او رجل وليست هناك حقوق تعلو لطرف عن الاخر فخيانه الرجل كلنا نعتبرها رزيله وخيانه المراه نعتبرها كذلك ومن يفرق فى الحكم على الخيانه هو من يرتكبها واما الزواج لا يعد خيانه لانه امرا مشروعا ولا يلزم رضاء الزوجه كما ادعى احدهم ولماذا نعتبر اى زواج اخر هو رغبه جنسيه محضه ولماذا نضيق امرا مشروعا دينيا بهدف اننا متحضرون وهل التحضر هو الغاء الدين من حياتنا الجميل فىطرح الموضوع هو انك تكتبين كانك تفكرين بصوت عالى وعموما حلوة افكارك

micheal يقول...

كلامك صح ومضبوط من الناحية العلمية كمان
بس المشكلة في العقول اللي بتحب تبرر أيب حاجة للرجل وتجيب اللوم علبي المرأة رغم أن الاديان بتبص للخيانة من منظور واحد
تحياتي

محمد عبدالحي بتاع بيطري يقول...

أسمحيلي
أنا شايف أن اللي مضيع الدنيا أن لا الراجل عارف يبقى راجل ولا الست عارفة تبقى ست
و أن أحنا بناخد أسوأ عاداتنا و أفكارنا و بنتعامل معاها على أنها أمر واقع

الست كانت بتتجوز كتيييير على جوزها أيام الجاهلية و طبعا أنتي عندك فكرة المجتمع أيامها كان قذر قد أيه
و يقال أن الشيوع الجنسي كان أحد سباب أنهيار الأمبراطورية الرومانية

هل دي الحرية اللي أنتوا عايزنها كبنات أو ستات

الموضوع أن في مجتمع متخلف زي مجتمعنا
ماحدش واخد حقه
ولا رجالة و لا ستات
ولا مسلم و لا مسيحي

معلش لو كنت قفشت
بس الموضوع ده بيستفزني جدا

Unknown يقول...

تحيتي
الصراحة لم أقرأ البوست لأني الآن على عجل ولكنني سأعود حتما لأقرأه وأضع تعليقي
هذه المرة الأولى لي هنا وأحب أن أدعوك بدعوة مصحوبة بالفل والياسمين لزيارة مدونتي آملا أن لا أرد دون إجابة الدعوة ..
أنتظر زيارتك وتعليقك قريبا..أظنها ستروق لك
تحيتي
مدونتي هناhttp://kanyatklam.blogspot.com/

Unknown يقول...

انا بجد ندمان اني دخلت المدونه دي

لكن هقولك

العلاقات دي كلها حراااااااااام

بدل ما تقولي نحافظ علي الرجال لا انتي عايزه تشبعي غرائز النساء زي الرجال
يا سلام

خلي بالك كل اللي علقوا عليكي انتقدوكي ولو حد جاملك قصدي قال كلام في صفك فهو طبعا زيك

اكيد انتي فاهمه

انا توقعت ارائك دي من اول ماشفت تعليقاتك عند شي

لكن ربنا يحلها من عنده


حسبي الله ونعم الوكيل

بنت مصريه يقول...

ايه يا اسر
مفيش حاجه جديده
مستنيه جديدك

غير معرف يقول...

نفسى يعلق على ماهو مكتوب انه يكتب بشكل موضوعىويحتفظ بسطحيه ارائه لنفسه انت طرحت فكره بصوت عالى وعلقنا عليها مففندين ما كتبت والكل كان موضوعيا ماعدا قله منهم ولعلمك فى المجتمعات القبليه القديمه كان للمراه اكثر من زوج والعرب قبل الاسلام كانت المراه يدخل عليها رهط من الرجال ويجامعونها ولو حملت من احدهم ونسبت طفلها الى احدهم ما انكر نسب الطفل اليه وكذلك فى المجتمعات التى فيها اعداد المراه قليله كانت المراه تتزوج اكتر من رجل وفى الهند قديما كانت المراه تتزوج اكبر الابناء وكلما بلغ اخوته مبلغ الرجال كان من حقهم مجامعتها وهذا لايعنى العوده الى ذلك الزمن بل كانت فكرتك هى لما ذا يفرق بين الجنسين لمجرد نوع الجنس ولا تقصدين ان يحدث ذلك فعلا

sherif gharib يقول...

لقد افتقدتى عاملا مهما فى الحسبان ان السلوك فى الوقت الحاضر هو من نطاق الافعال الشاذه بمعنى ان سواء الرجل او المراه المتعددين المشاعر و الاحاسيس بيعتبر ده نوع من التقلب الوجدانى داخلهم و فى اللنهايه بتكون النتيجه انحراف اخلاقى يعنى فى الاول و فى الاخر احنا بناقش موضوع انحراف اخلاقى مش اكتر
اما عن الاحتياج الزائد عند كلاهما لعاطفه جرافه مبرره
هو برده نوع من التقصير من كلاهما تجاه الاخر
الاخلاق و لا تتوزع و لبا تبرر عند كلاهما
اللهم اللا اذا كان التقصير نهايته انهاء اى علاقه انسانيه لانه منذ البدايه القصه قصه تعاملات
تحياتى و خالص ودى

Mohamed Hesham Safa يقول...

كلام منطقي إلى حد بعيد ...

حقيقي منطقي ...

بس أختلف معاكي في حتة ان المرأة لها قدرة على حب العديد من الرجال في وقت واحد ... امممممممممم معتقدش

............

خلاص مش بقيتي تعدي علينا ...

.............

والسـ ختام ــلام

LOJAIN يقول...

اولا وحشانى مووووووووت
ثانيا مبتساليش عليا وزعلانة منك جدااااااا بس سماح مش هضيعها فى كلام فارغ

وميهمكيش من كلام البيه الندمان
بصى يا ياسمين
انا مش عارفة اقولها ازاى بس هانقلهالك و الله زى ما اتقالت لى
الراجل الشرقى هو اكتر راجل بيحب ياخد على قفاه
احدى معارفى قالتهالى لما بتقولى خطيبها قالها عرفتى مين قبلى وكلمتى مين بعدى و الاسطوانة الحمضانة اللى لازم تجاوبى عليها بالاجابة اللى فى دماغه وهى انت اول واحد عرفته فى حياتى
الغريب وهو بيسالك السؤال بيطعهمولك بقال ايه : و تجاوبينى بصراحة

بصراحة الخيانة شىء مقزز جدا جدا من راجل لست او ست لراجل او بين ابناء
الجنس الواحد

لكن ليه الفكر بتاعنا بيتقبلها من جانب و جانب لا , ليه مبسوط قوى و سيادتك خاطب و شغال على دى و دى قال دى صحبتى و دى زميلتى و دى بتاعة اللبن
واختم مطلع عينها و معيشها دور الفتاة المنحلة و انت ظل الله فى الارض و بتحاسبها و بتدخلها جنة و نار بمزاجك حاش لله
لين بيجيلكم حالة جواتر جحوظى لما بتشوفوا بنات الكليبات بينما لو ممثل مسرح شعره كويس و لفت النظر نسمع ما تصم به الاذان

اقولك ليه
عشان كل ذكر حاسس بنفسه ملك من العصر الجاهلى و مهما كان فيه عيوب لازم الست تقوم بدور شاعر المدح اللى عمال شغال على بطال يرص فى بيوت شعر و قصايد ولو ملهاش اساس من الصحة طمعا فى نيل رضا البيه

ليس كل ذكر برجل

Regards:
Lojain :)

أسوور يقول...

لجين
والله يا لجين دة اجمل تعليق جالى
واديكى شفتى اللى ندمان واللى كأنه دخل فيلم كوميدى واللى مش عاجبه العجب

ورفم ذلك مازال هناك ناس عندها وعى وبتفهم اللى بنكتبه مش بتقفل عقولها لمجرد ان الكاتب امرأة

شكرا لزيارتك وانتى كمان واحشااااااااااانى موووووووووت

tarek alghnam يقول...

الخيانه خيانه
مبتفرقش بين الرجل والمراءة
هو الجزاء واحد
ربنا يبعدها عنها
تقبل تحياتى وشكرى
ودمت بود

speaking يقول...
أزال المؤلف هذا التعليق.
speaking يقول...

اول مره أدخل المدونه ... وبجد إنسانيه
عارفه ليه كل التساؤلات دي؟
لأن الرجل أناني بطبعه وبفطرته ... والمرأة معطأة بفطرتها
أنا كمان مش مع تعدد العلاقات للجنسين مش راجل بس أو ست بس
لكن وجهة نظري في الموضوع ده حادة ... الر جل الشرقي والمصري طبعا بالتبعيه أتولد علي أنه الراجل اللي العيله مستنياه وهو الولد اللي يعمل اللي هو عاوزه ... ومع الوقت بيلاقي أن ده حق مكتسب حتي لو علي حساب ناس مهمين في حياته
وكنت قريت حاجه معناها أن النوع ده من الناس بيبقي ران علي قلوبهم ... بمعني قلوبهم أتكونت عليها طبقه من الصداء بتخليهم مش بيحسو بقوه أفعالهم
البعض بيسميه قانون التراكم .. أن تراكم الأفعال اللي بنقوم بيها بيخليها شئ عادي سواء الخير أو الشر
بل الشر أكتر لأن الشيطان بيدعمه ... لكن الخير الشيطان بيحاربه
الموضوع جميل ... وبجد طلعتي غيظي
تحياتي

أميرة جمال مصرية الديانة والجنسية يقول...

المدونه الجريئه skylight

لو اردت ان الخص البسوت لكان

لا تبرر لنفسك التعدد لانك رجل ولك احتياجات والي اخره مما تردد المسلسلات والحماوات والنساء ايضا قبل الرجال يمكنك ان تقول ان اردت ان تخون بجسدك او بعقلك او بروحك " انا ضغيف كاذب احمق احببت في الحب ان اغدر بمن احب واخلص لي سنين "
والنساء كالرجال في الضعف والغدر بمن احب واخلص لهن سنين والشاهد هو حالات الخيانه والقتل من نساء لرجال .
الخلاصه اذن في الصدق :
كن صادقا ورحميا مع زوجتك
والزوجه ايضا
وقبل كل الاشياء الحب والوفاء
سر من اسرار النساء " نحن من نروج اشاعات احتياجات الرجال للتعدد والتغيير لنبيح لانفسنا الحق في اجتزاب الجميع بلا اي حدود او عوائق "
وطبعا الرجال بلعوا الطعم كالعاده عبر السنين .
والخاسر الوحيد هو الاقل جمالا ومالا وجاذبيه من الرجال والنساء
وكل المجتمع خاسر لان الكمال لله وحده
مره أخيره
- من يخون يخون نفسه اولا والتي كرممها الله.
- من يبحث عن الحب دون ان يعطيه فهو اناني ولن يجده الي ان يموت .

- من لا يعرف ان الرجوله هي القوه والرعايه لمن حوله خير له ان يعلق لافته "لست رجلا ".

- ان لم تدرك المرأه ان في ضعفها قوه
وجسدها طاهر مقدس وخيانه وغدر الاخر
لا تبرر لها الخيانه وانما فرصه لها لتنجوا بهم من ابار الموت لانها" الام ".

اسفه للأطاله

سيدتي الف تحيه

اميره جمال

غير معرف يقول...

انتي يعني عاوزة تقنعي نفسك ان الست تقدر على كذا راجل في اليوم

اعتقد مش اي ست
الست المعتادة و المحترفة و الممتهنة الجنس مهنة تقدر

لكن الست اللي ماتعرفش غير واحد و مالهاش تجارب تعددية في الممارسات الجنسية و مش بتمارس الجنس مع اكتر من راجل و مش بتقوم من سرير جوزها بعد ما يعمل عملتة و ينام و تروح شقة جارها
تتعب و ماتقدرش يا ياسمين

غير معرف يقول...
أزال أحد مشرفي المدونة هذا التعليق.