الاثنين، 2 يوليو 2007

قمــــــــــة الألــــــــــــــــــــم



أن يتعارض سلوكك مع مشاعرك

أن تختلف أحلامك عن واقعك

أن تتعارض أفكارك مع عواطفك

ان تتمنى اللاممكن وتعشق المستحيل

أن تحيا وتموت فى آن واحد

أن تختفى ابتسامتك تحت مظلة الدموع

أن يرفض قلبك ما يردده عقلك

أن يرحل وللأبد شعورك بالتميز مع كونك جزء من كل

أن تظل تتضاءل وتتضاءل حتى تصبح فى حجم عقلة الأصبع

فلا يسمع صراخك احد

ولا يرى دموعك أحد

ولا يشعر بوجودك أحد

قمـــــة الألــــــم



هناك 133 تعليقًا:

عابرة السبيل يقول...

حظى حلو بقى ولا ايه؟ دى تانى مدونة اكون اول واحدة اعلق فيها
---------
فعلا دى قمة الالم ...بس هنعمل ايه ؟هى الدنيا كده ما بتديش للواحد كل اللى هو عايزه
----------
انا كان ليا نفس كلامك ده بس انتى سبقتينى وعبرتى عنه باسلوب حلو
--------
انا اول مرة ازور مدونتك ...حلوة وظريفة ...مش هتكون اخر مرة ان شاء الله
-------
سلام عليكم

محمد عبدالحي بتاع بيطري يقول...

أنا كنت فاكر أن قمة الألم أن الواحد يتزحلق على جبل أمواس و بعدين يقع فـ بير سبرتو


بس على العموم مش وحش أن الواحد يبقى عقلة صباع
أنتي عارفة أتعمل على عقلة الصباع كام فيلم و مسلسل ؟ بس بيقولك آخرتها واحد منتج ما خدش باله .. فعصه

مـحـمـد مـفـيـد يقول...

أن يتعارض سلوكك مع مشاعرك

أن تختلف أحلامك عن واقعك

أن تتعارض أفكارك مع عواطفك


حلوه اوي يا ياسمين رغم لمحه الحزن فيها

inspector يقول...

فعلا هذا هو قمة الالم
و اعتقد اكثر من يتالم هى امتى
كانك تكلمتى بلسان حالها

mariam يقول...

فعلا يا ياسمين
هى دى قمة الألم انك تكونى مش انت
شعور صعب ان شخص يشعر انه مضطر ان يكون شخص آخر من اجل ارضاء الآخرين
تحياتى

harmless يقول...

بل
قمة الالم ان تتجمد
ان تيأس وتنهزم
ان تنبطح ولا تقوم
ان تفقد العزم وتخور قواك

ليس قمة الالم ان تأخد سكين وتذبح نفسك
بل قمة الالم ان تعطى السكين لقاتلك وترجوه ان يذبحك

قمة الالم ان لاتجد مهرب تلجأ اليه فلا تختار ان تقاوم
عندما ترى ان الاستسلام لا مفر منه وان المقاومه لا طائل منها

قمة الالم ان تكتم صرخاتك وتظن ان لا سامع لك
ان تخنق دموعك وتظن ان لا احد رآها

اذا كنت ولا بد ان تتألم فلتتألم وانت تقاتل ولا تتألم وانت مستسلم

محمد حمدي يقول...

فعلا هى دى قمه الألم ..

لكن انا مؤمن بالمثل الى بيقول ان ربنا بياخد من ناحيه ويوصل من ناحيه تانيه ..

والانسان المتفائل هو الى يبص للناحيه المشرقه , ويشوف هو عندة ايه مش عند غيرة , ويشوف معندوش ايه ويحاول يعمل مقارنه بين الاتنين

أنا عارف كويس قد تكون ايه المشاكل الى عندك .. لكن لازم تفكرى ان عندك حاجات كتير جميله .. وتستحق الحياه من اجلها

تحياتى

.:.-=- ELGaZaLy-=-.:. يقول...

ن تحيا وتموت فى آن واحد

أن تختفى ابتسامتك تحت مظلة الدموع

أن يرفض قلبك ما يردده عقلك؟؟

----------------------------
فلا يسمع صراخك احد

ولا يرى دموعك أحد

ولا يشعر بوجودك أحد

------------------------

يا سلام دة لية كدة اساسا؟؟


فى اية يا بنتى؟

دة شجن عادى يعنى صح؟

هوا كشجن جميل بس كحالة حزن هايقلب باكتئاب

غير معرف يقول...

كلام جميل بيدل على احساس مرهف
بس ممكن قوى نكون نفسنا ودى قمه السعاده يمكن حانتعب شويه بس حتى اللى حا يختلفوا معانا حا يحترمونا لصدقنا مدونه جميله

غمض عينيك يقول...

فلا يسمع صراخك احد

ولا يرى دموعك أحد

ولا يشعر بوجودك أحد

قمـــــة الألــــــم


قمة الروعة

محمد سمير

Xee يقول...

ياسمين العزيزة

ازيك، افتقدت كتاباتك جدا خلال الأجازة
:)

==================
الألم أنواع
كألم المقهور و ألم الظالم لنفسه
و بينما يلجأ الأول -في الغالب للرثاء- يلجأ الثاني -عادة- لجلد النفس

أرى في كلماتك الثاني يتحدث

كلمات معبرة كالعادة
:)

تحياتي
و شكرا لكلماتك الجميلة
مع انك مخشبة عليا شوية، و انا تقريبا عارف ليه
:)

زياد

Shreif fahmy يقول...

أن تقرأ لمدونة سكاي لايت
قمة المتعة
أن تشعر بكلمات مدونة سكاي لايت
قمة التعايش
أن تفكر بكلمات مدونة سكاي لايت
قمة الحرية المفقودة

تحياتي على كلماتك المعبرة عن واقع أعيشه بشكل شخصي

غير معرف يقول...

قمة الالم:أن يري الاخرين ابتسامتك ولا يروا جبال الهموم والاحزان وراءها
قمة الالم:أن تضحي من أجل الاخرين ولا تجد منهم غير النكران والتجاهل
قمة الالم:
أن تحيا بلا هدف بعد ان بعد أن تكفل الواقع بالقضاء علي أهدافك
قمة الالم أن يتمني الشاب الموت وهو من كان يعشق الحياة
قمة الالم:أن تعيش لتبكي فقط
قمة الالم:أن تعيش مهموما حزينا لاسباب لا يد لك فيها
قمة الالم :أن يسكن بداخلك مرضا أو حزن او هما وتعلم انه لن يفارقك الي ان أن ترحل عن الدنيا
قمة الالم :عندما تدرك أن دموعك
أنهارا وسوف يكبر حتي تصبح اشجار
:بوست رائع بس ياريت تشرحي
أن يرحل وللأبد شعورك بالتميز مع كونك جزء من كل, ما معني هذه الجمله

شيماء الجيزى يقول...

ان تتمنى اللاممكن وتعشق المستحيل

أن تحيا وتموت فى آن واحد

هذا هو انا سيدتى
انا من يتمنى الا ممكن ويعشق هذا المستحيل
فيواصل ويحارب ويصر ..على امل المستحيل
اعترف ان اقترب منى احساس الفشل كثيراً
وكثيرا كان اليأس مكانه
لكنى
لا اعلم ...هذا انا

...................

ياسمين يا عزيزتى
كونى رحيمه قليلا بنفسك
فأنت ارق من تلك الكلمات القاسيه

تحياتى

كراكيب عادل يقول...

اية الكلمات القاسية دي

ان يرفض قلبك ما يرددة عقلك ؟؟

انا بعرف ان العقل دائما هو الي بيرفض مايرددة القلب

يمكن عقل وقلب ياسمين غير

:)

حزينة وجميلة

غير معرف يقول...

ليه كل الألم والعذاب ده يا سمسم
قلبتى عليا المواجع
انا مش عارفه اعلق

غير معرف يقول...

على فكره قبل ما انسى
فيه حفله جامده جدا فى ساقية الصاوى يوم الخميس الجاى الساعه تمانيه ونص
هايغنى فيها زميل بلوجرى( على الالفى)
عاوزين نروح ونهيص ونتقابل
والحاضر يعلم الغايب

بسمه عبدالباسط يقول...

كلمات جميلة قوى على الرغم أنها حزينة قوى
تحياتى

mesteka يقول...

المدونه جميله والكلام ابسط واروع وارق ما يمكن انه يوصف كل الالم وفعلا الالم ينحسر في الكلام اللي قولتيه
تحياتي

سندباد يقول...

فقدان الثقة في النفس في ظل خبطات الزمن والظروف ممكن تبقي قمة الالم
اسلوبك فيه شئ بيشدني تحياتي

Radwa يقول...


الله كلامك جميل اوى يا ياسمين وحقيقى وكتير بحس بيه وخاصة دى
أن يتعارض سلوكك مع مشاعرك

والله جبتى الفايده

بوست هايل

أسوور يقول...

عابرة سبيل
نورتى المدونة بجد
وأتمنى ما تكونش آخر مرة
أنا بأفرح قوى لما ألاقى حد جديد بيدون عندى
تحياتى

أسوور يقول...

محمد عبد الحى
تعليق خفيف الدم
رسمت ابتسامة على شفتى
أهلا بك فى أول زيارة للمدونة
ويا رب ما تكونش الأخيرة
تحياتى

أسوور يقول...

محمد مفيد
حقيقى حسيت بالكلام؟؟

الحزن يتضائل أمام الألم
نورتنى بجد

أسوور يقول...

المهاجر
نعم يا سيدى
تكلمت بلسان حالنا جميعا
نورتنى

أسوور يقول...

مريم

شعور صعب ان شخص يشعر انه مضطر ان يكون شخص آخر من اجل ارضاء الآخرين

تعليقك عبر عنى أكثر من البوست نفسه
ارفع قبعتى وأنحنى لك يا عزيزتى

أسوور يقول...

harmless
أعلم انك ترفض الخضوع
أعلم انك تعترض على الإستسلام
أعلم انك تحاول أن تهزنى بعنف حتى افيق من غيبوبة الروح

أشكرك
وأعتذر ان تشعر ان جهدك يذهب أدراج الرياح دائما

واحشنى

أسوور يقول...

محمد حمدى
فعلا انت عندك حق
عندى حاجات جميلة تستحق ان تتحمل من أجلها قمة الألم

تحياتى

أسوور يقول...

غزالى
انت ليه ما طمنتنيش عليك
عايزة اعرف أخبارك يا محمد

نتكلم قريب
تحياتى

أسوور يقول...

أميرة على
أهلا بيكى فى المدونة
نورتينى
حقيقى بأفرح لما أجد حد جديد بيعلق عندى وبيقرا لى

تحياتى

أسوور يقول...

غمض عنيك
محمد سمير
نورتنى

وشكرا لزيارتك الدائمة

أسوور يقول...

زياد
والله انت اللى وحشتنى كتاباتك
انا مش مضايقة منك بجد لأى سبب

بس تقدر تقول انى المقهور والجالد لذاته فى الوقت نفسه

ان يقهرك أقرب الناس اليك..
ان تظلم نفسك بنفسك حتى لا تظلم جزء منك

قمة الصبر
وانت بالذات فاهم قوى

أسوور يقول...

شريف فهمى
طول عمرك مجامل بطبعك

كلنا نعيش الألم بطرق مختلفة
تحياتى

أسوور يقول...

واهد

تعليقك بوست لوحده

الجملة دى يصعب على شرحها
اعذرنى
تحياتى

أسوور يقول...

شيماء الجيزى حبيبتى
انتى لسة صغيرة وقدامك الطريق
طريقك يمكن يكون صعب
بس أكيد هيبقى فيه جديد

واتمنى لك ان الجديد يكون جميل زيك

وحشتينى يا قلب التدوين النابض

أسوور يقول...

كراكيب عادل
آه يا عادل
لما تاخد قرار يمزق قلبك
والقرار دة يتخذه العقل

يبقى كدة قلبك هو اللى رافض
لأنه هو اللى بيتعذب
تحياتى

أسوور يقول...

وينكى

هأحاول آجى ياسكر
تحياتى

أسوور يقول...

بوس بوس

الكلام الحزين جميل
لكن الواقع الحزين .. كئيب
نورتينى

أسوور يقول...

مستكة
نورتينى يا سكر

ومبسوطة ان عجبك الوصف المختصر للألم
تحياتى

أسوور يقول...

سندباد
عارف ليه فى حاجة بتشدك فى اسلوبى؟
علشان الدنيا ظلمتك زى ما ظلمتنى
ظلمتك بالإبعاد
وظلمتنى بالإستمرار
تحياتى

أسوور يقول...

سندريللا
كتير مننا بيضطر انه يتصرف زى ما عقله بيقوله
أو زى ما الناس عاوزاه
لكن برضه يفضل جوانا الألم
يعصر فى قلوبنا
تحياتى للرقيقة سندريللا

غير معرف يقول...

انا بفكر انزل تعليقي بوست فعلا ,بس اسمحيلي استعير عنوان البوست بتاعك اللي هو قمة الالم ,

loumi يقول...

العزيزة ياسمين
بوست حزين وكله الم
عزيزتي
خلقنا لنحيا ونموت
ونسعد ونحزن
لنعيش الحياه بكل ما فيها من حلو ومر
لا انكر عليك حزنك وهمك
ولا شك ان فى الكتابه بعض السلوى لك
ولكن التوازن مطلوب
فعندما يصل الشىء الى قمته يبدأ فى الانحدار والنزول وتتبدل الحاله من قمه الالم الى اقل قدر من الالم وهنا يبدا منحنى جديد فى الظهور
اتمنى ان يكون منحنى سعاده هذه المرة
واوعى تصدقى ان ما حدش سامع صراخك
لانك لو صدقتى ده حتبطلى تصرخى
وانا متاكده انك مش حتبطلى ولا اى حد فينا حيبطل يصرخ
تحياتى
وتعالى اعزمك على فنجان قهوة
عمرك ما دقتى زييه وممكن نروح لحد يقرالنا الفنجان
مع انى ما باشربش القهوة
بس باحب ريحه البن
هههههههههههه

أسوور يقول...

لومى الرقيقة
انتى بجد رقيقة التدوين

كلماتك رقيقة زيك وبتبين قد ايه انك انسانة حساسة ومشاعرك صاحية
الإنسان الحساس هو الذى يشعر بالآخر مش بنفسه بس

وانتى كدة دايما

بس موضوع القهوة دة انا شبطت فيه خلاص ومش هتنازل عن انى اقابلك واشوفك واشرب معاكى اى حاجة تقولى عليها
:))
هاستنى منك بقى ايميل فيه المعاد
تحياتى للرقيقة لمى

micheal يقول...

كلام جميل رغم ما به من حزن و ألم..طمنيني ايه اللي جري في اللقاء و اسف مره تانيه علي عدم الحضور
تحياتي

rashida يقول...

والله اللى قولتيه ده يا ياسمين مؤلم و لكنى لا اعتقد انه قمة الالم .. اجمد جملة اول جملة ... بس يا ترى دى تدوينة تعبيرية شخصية و لا كلام و بس مالوش علاقة باللى كاتبه؟
ع العموم جمالها فى بساطتها و التلخيص اللى فيها
تحياتي

Unknown يقول...

لو دي مش قمة الألم

أمال قمته تبقي ايه؟

تحياتي(:

حدوته مصرية يقول...

كلامك حلو جدا احييكى على اسلوبك و هو الانسان كده بيقابل تناقضات كتير جواه و براه

بس ان شاء الله متوصليش للالم ولا قمته لانك انسانة جميلة
و تحياتى لكى

الربان يقول...

تحياتي

في رأيي أن أسوء شيء في الحياة هو الا يكون داخلنا كخارجنا....اي اننا نعيش حالة انفصام...نضحك و القلب حزين...افكارنا ضد عواطفنا...مبادئنا ضد اهدافنا...و هكذا.

و لابد ان نتمسك بأن الخالق جل شأنه ميز كل منا بميزات تختلف عن الاخرين..
و الا نسمح لانفسنا او للاخرين بتقليص دورنا أو وجودنا بالحياه...

و مهما كان دورنا...علينا أن نسعد به و ان نعظم شعورنا به.

تحياتي و تقديري

شيماء الجيزى يقول...

ياسمين

بدعوكى للقاء المدونين فى بورسعيد
واتمنى انك تقدرى تيجى زى متفقنا


تحياتى

الطائر الحزين يقول...

آه من الغربة وسط الناس مدمرة فعلا

أن يرفض قلبك ما يردده عقلك

اسمحى لى أن اغير واقول ان يرفض عقلك ما يرددة قلبك فالقلب يهى ويتمنى والعقل يصدة ويمنعه

تحياتى

غير معرف يقول...

قمه الالم برده يايا سمين
ان العقل بيقول امشي يمين
وقلبك يقول اسكت
امشي شمال
وتسمع صراخ عقلك ونواح قلبك
قمه الالم انك تريدين ولكن لا يمكنك
قمه الالم انك تكوني لا تفعلين ويقولون انك تفعلين
وعندما تفعلين لا احد يتكلم
ولكن حينها لا ترضين.
ده اول مره ازور مدونتك
بس بجد ربنا يوفقك

أسوور يقول...

مايكل
كان نفسى تبقى معانا يا مايكل بجد
الناس الحلوة
محمد عادل
بيشو
ايهاب ايجل
داليا صوت الحب
رغدة طرطشة
وأنا طبعا

لما تتذاع الحلقة هقولك
تحياتى

أسوور يقول...

رغدة صفوت
كنتى منورة التصوير والله
وسعيدة انى اتعرفت بمدونة جميلة زيك

كتاباتنا دائما ما تدل على ما يدور بداخلنا حتى ولو انكرنا ذلك
تحياتى للجميلة رغدة

أسوور يقول...

اسراء
بحب اسمك قوى عشان اسمك زى اسم أختى الأنتيم
وهى اكتر حد بحبه فى الدنيا بعد يناتى الحلوين


نورتى المدونة يا سوسو

أسوور يقول...

محمد ياسر
انت اللى جميل يا محمد
نورتنى
قمة الألم اننا نحس بقمة الألم
وتفسيره ممكن يختلف من شخص لآخر
تحياتى

أسوور يقول...

الربان
فعلا التناقض بين اللى جوانا واللى بنعيشه هو الى ممكن يهدنا بسهولة

نبقى عايشين مش لاقيين نفسنا
كأننا لابسين هدوم مش بتاعتنا ولا مقاسنا ولا على ذوقنا

تحياتى

أسوور يقول...

شيماء الجيزى
للأسف انا مش هقدر آجى
بجد متضايقةا نى بقولك كدة
لكن عندى امتحانات اعلام فى الجامعة المفتوحة

روحى بنفسك شوفى الجدول على الموقع

سامحينى يا شيماء .. غصب عنى
الجدول نزل واتفاجئت واتضايقت
لكن ما باليد حيلة

أسوور يقول...

الطائر الحزين
لا انا فعلا قصدت ان يرفض قلبك ما يردده عقلك

ساعات تضطر ان تسمع كلام العقل وانت قلبك بيتمزق من الجرح

ساعات تبقى مضطر تعيش وتتعايش مع وضع قلبك رافضه لكن العقل بيقول ان الخسائر هتبقى كبيرة لو اتبعت العقل

وترضى عقلك لكن يفضل قلبك مجروح

تحياتى

أسوور يقول...

آية

دة برضه قمة الألم فعلا

نورتى المدونة ويا رب ما تبقاش آخر مرة
تحياتى

Hannoda يقول...

صح عنك حق

هي ده قمة الألم

وحتى كمان لو حد حس بدموعك
ألمك

لكن مستحيل يحس بصراخك وثورتك


قمة الألم إنك تشيلي قلب عارف يعني ايه حياه و تتسجني جوة عقل أنهى الحياه و لخّصها في محيط ضيق جدا

قمة الألم إ، قلب يفضل يحلم رغم واقعه و ما يتعلمش يبطل الأحلام

بشاركك ألمك يا ياسمين و عارفاه

MoHaMeD HoSSaM يقول...

قمة الالم ان تشعر بالالم وحدك ولا يشعر

بك احد ولا يفهم الامك الا انت

تحياتى ويا رب تكونى بخير

أسوور يقول...

هنودة
انتى على فكرة انسانة حساسة قوى
ودة اهم ما يميزك ويربطك بزملائك من التدوين
انسانة بتحس قوى بكل من حولها وتتفاعل معهم وتشعر بهم وتفكر بعقولهم وتتألم لهم

تحياتى لهنودة
وحشتينى ونفسى اشوفك
هو انتى بتيجى مصر امتى؟

أسوور يقول...

محمد حسام

انت فين يا عزيزى
مش اخدنا الأجازة بقى .. يبقى نظهر كدة ونلعلع

عاوزين نعمل لقاء جديد

gohayna يقول...

قمه الالم

عده معاني كتير جدا يا ياسمين

عن نفسي انا شايفه الحياه كلها الم

كل مواقفها الم
كل احوالنا الم

معرفش دا تشائم ولا ايه بالظبط

بس مفيش حاجه بتعدي حلوه بس

لازم يصاحبها الالم

حتي في تعاملتنا مع الناس

قليل جدا الي ميسببش ليكي الم

بيكون فاكر انه بيفرحك

وهو بيطعنك

كل كلامك صح وانا حسه بيه
بس مش معناه اننا نستسلم يا ياسمين

لان دا هو الي بيضاعف من حجم الالم مليون الف مره


وحشتيني يا سمسم

روقي كدا وخلي مودك جميل


محدش واخد منها حاجه

تحياتي يا سمسم

momken يقول...

أصعب موقف...ألا تكون أقدارنا بأيدينا ونراها في أيدي من لا يقدرون قيمة الأشياء

أصعب لحظة...أن تنشطر الى نصفين وتجد انسانـاً يصافحك في لحظة وداع وأن تعلم أن طريق العودة مسـتحيـل

اصعب مكان...عندما تعود الى بيت جمعك يوماً مع من تحب فلا تجد فيه غير الأطلال وبقايا عمر رحل ، وذكريات لن تعود

أصعب قصيدة...عندما يتجاوز الاحساس حدود الكلمات ويتدفق الدماء على ورق ويصبح الحبر دماً

البوست بتاعك منتهى منتهى الجمال
تحياتى

بيجاسوس المصرى يقول...

كلمات صعبة جدا

و لكنها تحمل الواقع و الحقيقة التى لا يمكن ان نتهرب منها مهما كانت الدوافع و الاسباب
فالحقيقة هى لغة العين الاول
فأينما وجدت الحقيقة ذهب الاحلام

reri يقول...

علي كده أنا في قمة الألم
البوست كله ألم
ربنا يهون بقي
وحشاني والله يا ياسمين
سلامااااااااات يا جميل

Eric Matt يقول...


قمة الألم ألا تشعر به ولكن تراه في أعين الناس

:(

تحياتي لك من ماناساس البلد وربنا يعافينا كلنا يا رب

nohamy يقول...

احساسك حلو ..حاست بنفسي بصراحة

islam يقول...

السلام عليكم ورحمة الله وبركاته

ياسمين

لا شك أن الواقع كثيرا ما يفرض علينا تجارب وأشياء ومشاعر لا نفضلها
بل إنها قد تتعارض مع مشاعرنا وذواتنا وما نفض وما نريد أن نكون

إنها حياة الإغتراب كما وصفتها الكثير من الأبحاث والدراسات
لكن الأكيد أننا لابد وأن نحيا على أمل واحد وهدف واحد، ومن قلبه ينبع نهر السعادة الذى يطغى على هذا الألم

وهو أن نحقق ذواتنا
أن نكون نحن، نكون من نريد، وعلى ما يجب أن نكون عليه

وإلى ذلك الحين علينا أن نتحمل الألم، ونبحث عمن يحمله معنا، وةلكننا سنحمل العبء الأكبر
لأنها حياتنا نحن

أرجو أن تجدى ذاتك وأن تكونى أنتى

تحياتى
السلام عليكم ورحمة الله وبركاته

safa7_karmooz يقول...

وقمة الالم انى كل ما ادخل معرفش اسيب بوست عبر عن رايى عندك :D

دنـيـا محيراني(ايناس لطفي يقول...

ياسمين عارفه ايه قمه السعاده ان تجدي شخص يقول كل ما في داخل قلبك
انت هذا بالنسبه لي بالبوست الجميل هذا
تحياتي لاحساسك العالي

voice of love يقول...

من يومين بحاول أكتب لك كومنت ومش عارفة
يمكن علشان أنا حاسة دلوقتى بقمة الألم وحسيت بكلامك أوى
بس لو أعرف ان التعبير عن الألم بيكون بالرقة والشجن ده
ده أنا كنت أعمل لنفسى غطاء من الاحساس الخاص اللى تصنعيه ليا بايديكى

voice of love يقول...

استحضرتنى جملة للأديب الراحل عبد الوهاب مطاوع
أقسى من الجرح أن تتظاهر بأن ليس بك جرح وأنت الجريح حتى الموت
تحياتى

غير معرف يقول...

الاخت العزيزة الغالية
ياسمين
والاخوة الزوار الكرام
اسمحوا لى ان يكون تعليقى خارج الموضوع مع شديد اسفى لذلك ولكنها الانتخابات التى بدء التصويت لها فادعوكم الى الذهاب الى مدونة اتحاد المدونين العرب واختيار الاصلح والذى امل ان اكون من بينهم كل الشكر لك والى لقاء قريب ان شاء الله لكم كل الشكر
اخوكم
حسن توفيق

ياسر سليم يقول...

فعلاً

قمة الألم

بس

ياريت فى التدوينة القادمة

نشوف قمة السعادة

English يقول...

ايه الكلام الجامد دة يا عم
ايييييييه اخبارك عاملة ايه
ايه اخبار الاجتماع القادم
ياريت يكون قرب


والسلام........

The Eagles يقول...

ايه الكلام الجامد دة يا عم
ايييييييه اخبارك عاملة ايه
ايه اخبار الاجتماع القادم
ياريت يكون قرب


والسلام........

أبو ضحى يقول...

ياسمين

أسف..لم اتى إلى هنا لكى
أعلق على البوست الجديد
و لكنى أريد أن أتكلم مع انسانة عرفت عنها ما يكفينى لأدرك أنها من خير من ألجأ إليه فى موقفى الحالى

ياسمين
امشى فى طريق لا أعرف كيف ستكون نهايته

و لكن بالتأكيد لن تكون نهاية جيدة بأى حال من الأحوال

أعرف أنه ليس طريقى و لا يناسبنى إطلاقا، و لكنى أظل أسير فيه

أسوق نفسى أو تسوقنى أهوائى إليه

بداخلى شخصان يتصارعان كل واحد منهما على استعداد أن يقتل الاخر من أجل بقائه

أحتاج إلى أصدقاء يستمعون إلى ..احتاج إلى من يخرجنى من هدا النفق المظلم إلى نور الصباح
أحتاج أن أستنشق عبير الفجر الوليد..و أتدوق حلاوة نداه

كلما فكرت فى العودة من حيث أتيت و لاحت لى صباحات مشرقة من جديد ،أجدها أحلام يقظة كنت أعيشها بينما أنا لازلت أسير فى نفس النفق المظلم الدى لا أدرى كيف ستكون نهايته، و لكنها ليست نهاية جيدة بأى حال من الأحوال

..........

أبو ضحى يقول...

ياسمين

توقعت استجابتك السريعة
أنا موجود يوميا ان شاء الله من الساعة الثامنة مساء

شوفى الميعاد اللى يناسبك و اكتبيلى قوليلى عليه

شكرا يا ياسمين

أبو ضحى يقول...

ابتداء من الغد ان شاء الله
حددى الميعاد المناسب ليكى

أبو ضحى يقول...

خلاص يا ياسمين خليها بعد بكره فى الميعاد اللى تحدديه من بعد تمانية

انا مش عاوزك تقلقى عليا
انا الحمد لله لسه موصلتش لنهاية الطريق ده

الحمد لله

أبو ضحى يقول...

و الف مبروك لاختك على البنوتة الجديدة

ربنا يخليهالها

تحياتى

سابرينا يقول...

قمه الألم
انك مهما تصرخ
أو تتكلم
أو تبكي
لأيتوقف الألم
ويرحمك!1

مصر هى أمى يقول...

قمة الالم

ليه كده يا يا سمين ارجع بعد طول غيبة الاقيكى بتكتبى عن الالم

بس الالم ده انواع يا ياسمين بس الم المشاعر اصعب بكتير جدا من اى نوع تانى من انواع الالم

اما تحبى حد جدا ويغدر بيكى اما تحبى جامد وتكتشفى ان ده كله سراب بالنسبة للشخص الاخر

غير معرف يقول...

كلمات جميله لكن للأسف هذا هو الواقع الذى يحياه الكثير منا الأن و هو حقا قمة الألم

أحمد سلامــة يقول...

أن تتعارض أفكارك مع عواطف

أن يرفض قلبك ما يردده عقلك
-------------------------
جدا يا ياسمين
قمة الألم جدا
---------------
فناجينك اللي بردت عندي كترت

shady يقول...

معاكي انها قمة الألم .. بس مش معني كده اننا نستسلم له

ممكن تقعدي بس مع نفسك وتقكري وأكيد هاتقدري توفقي بين كل المتضادات دي ..

غبت عن مدونتك مدة لظروف الامتحانات في الكلية بس متابعها من بعيد

تحياتي

inspector يقول...

عندي امتحان ادعو لى كتيييييير
بالله عليكم

Tigress يقول...

yasmin, i know it has been a long time. im glad u r okay . oim happy to see u r active and lighting the bloggin world with all these activities and revolution. Im fine, just lots of ups and downs in life. i will try to get back and be more active insh'Allah
love
Samar

صاحب البوابــة يقول...

كلمات تقطر ألماً

تحياتي لقلمك المبدع الحزين

Amira يقول...

ازيك يا ياسمين
انا كنت غايبه غصب عني

الوقت اللي فات الكمبيوتر كالعاده مريض
:)

صحته مهكعه رغم انه شباب و حياتك
.........
قمة الألم

انا حسيت قوي لما قلتي ان تشعر انك فقدت تميزك لأنك جزء من الكل

انا ساعات بحس اني وسط القطيع سائره بقوة الدفع
بعمل حاجات مش عايزاها
و بحلم بحاجات ما بعملهاش
حساكي قوي في الكلمات دي

لأني حاسه قمة الألم دي

hosnysoliman يقول...

العزيزة ياسمين
بلا الم لا يكون لما نريد قيمة فما ياتى بسهولة يضيع كذلك ولكن الامل مع الالم يخفف من حدة الالم..واذا تحقق لنا ما نريد قد ياتى علينا يوم نستعذب معه الالم مع وجود الامل..وليس كل ما يتمناه المرء يدركه..وما لا يدرك كله لايترك كله ومحاولة الادراك تاتى بالاستدراك لما لم يدرك كله

طهقان يقول...

قمة الألم


ان تتزوج

Eric Matt يقول...


خير يا ياسمين لا تطيلي الغيبة

تحياتي لك من ماناساس البلد

Unknown يقول...

قمة الالم انا تحاول المعيشه كانسان فى مجتمع لا انسانى بالمره


قمة الالم ان تعرف الصح و تعيش فى الخطاء رغماً عنك

تحياتى يا صديقتى العزيزه

نـــ..!..ــور يقول...

وكأن الحزن هو ميثاق الشرف الوحيد الذي علقت أحباره بالقلوب وطويت أوراقه بين دفتي اغتراب
لا وقت لمساحة كذب ولو صغيرة كي يسلى بها هذا الذي فقد كل شيء حتى اعتاد الفقد
وخسر كل شيء حتى أنه دخل كل معاركه ولم يأبه لنتائجها
ليس لثقة ولكن لأنه على يقين مقدما بالنتيجة الحتمية لشيء ما يدعى"حظ عثر"
تتعثر خطاه عند كل تحدي لقانون المسافات، فتشتعل الورقة الأخيرة في رواية حاول ذات مرة أن يكتبها تدعى "للأمام"
فتسقط أشياء لم يكن لها يوما أن تسقط، ويسقط هو معها في بئر سحيق خصص له وحده
لم يكن نبيا ولم يكن له"يعقوبا" يبكي لأجله وينتظره، حتى أنهم ليكادوا يرسلوا واردهم فيدلي له بخنجر سطرت عليه قصة حياته مكتوب في نهايتها
"أقتل نفسك لو كنت رجلا"
فتبيض عيناه حزنا ويشم رائحة جبنه لولا أن تفندون!

نهى جمال يقول...

أن تختفى ابتسامتك تحت مظلة الدموع

بل قمة الوجع
أن تختفي أطلال الدموع وراء ستار ابتسامة

----
فلا يسمع صراخك احد

ولا يرى دموعك أحد

ولا يشعر بوجودك أحد

-----

وتصير منسيا في تفاصيل الأماكن والبشر


شكرا لبوست موجع
تحياتي لكِ

أسوور يقول...

جهينة
حبيبتى جهينة قلب التدوين النابض من الغربة
فعلا كل حاجة بقت ممزوجة بالألم
ليه كدة يا ترى؟؟ ليه ألمنا أكبر دايما من أى شىء جميل؟؟ وليه كل شىء جميل فى حياتنا بيتحول لألم؟؟

تحياتى لجهينة الجميلة

أسوور يقول...

ممكن

اصعب موقف .. اصعب لحظة .. أصعب مكان .. اصعب قصيدة

كلام جميل محتاج بوست لوحده زى كل تعليقاتك

وكأنك تنظر فى داخلى
وكأنك تعيش أيامى
وكأنك ترى بعينيك أطلال المكان
تحياتى

أسوور يقول...

بيجاسوس المصرى

فعلا .. صدقت

فأينما وجدت الحقيقة ذهبت الاحلام

انت فيلسوف يا عزيزى
تحياتى

أسوور يقول...

ريرى
ومن منا لا يشعر ولو ببعض الألم

المشكلة للى بيكون فى قمة ألمه ويضطر ان يبتسم حتى تخفى ذاك الألم

اللى زيى وزيك محتاجين ونش عشان يخرجهم من شعورهم بالألم

تحياتى يا قمر
سلامات يا ست الكل

أسوور يقول...

The Groom

الإنسان الحساس هو الذى يشعر بآلام الآخرين ويتفاعل معها

الإنسان الذى يشعر بنفسه فقط .. ألمه فقط .. رغباته فقط .. هو الإنسان الإنانى

تحياتى لك من أب تاون كايرو

أسوور يقول...

تهامى

أنت قليلا ما تترك تعليقا

اثلجت صدرى بتعليقك عندى

ويؤسفنى اننا جميعا نشترك فى الشعور بالألم

تحياتى

أسوور يقول...

اسلام
حياة الإغتراب دى صعبة قوى يا اسلام
زكيف نجد ذاتنا بينما نحن نحتاج لمن يشعرنا اننا موجودون
اننا محبوبون
اننا مرغوب فينا

تحياتى على تعليقك الشديد العمق

أسوور يقول...

سفاح كرموز
دة قمة الألم لية انا مش ليك انت

عاوزة تعليق بقى يا سفاح

ولا انت بس تعلق الجثث من رجليها بعد ما تخلص عليها
:))
تحياتى

أسوور يقول...

دنيا محيرنى
نورتى المدونة ومبسوطة ان قمة الالم بالنسبة لى هو قمة السعادة بالنسبة لك

:)

الظاهر كلنا فى الهوى سوا

تحياتى

أسوور يقول...

voice of love
تعليقك حلو قوى يا حبيبة قلبى

تعليقك هو اللى بيقطر شجن وحزن وألم

بجد عندك رقى غريب فى استعمال الكلمات

وحشتينى يا قمر

أسوور يقول...

حسن توفيق

طيب انا هبقى معاك بس ممكن تبقى تطبع اللينك بتاع التصويت عشان نروح نصوت ليك على طول؟

تحياتى وامنياتى بالفوز

أسوور يقول...

ياسر سليم
ايدى على كتفك ياعزيزى

لو عندك حد يمنحنى هذا الشعور مكن ادفع عمرى كله وأحس بالحب والإهتمام للحظة واحدة

تحياتى

أسوور يقول...

انجليش

الإجتماع قريب
استنى الأخبار وتابع المدونة عشان تشوف الإعلان عن اللقاء القادم

تحياتى

أسوور يقول...

The Eagles
مبروك يا باشا المدونة الجديدة

أسوور يقول...

أبو ضحى
عايزة اشوفك بقى أون لاين مرة
تحياتى

أسوور يقول...

سابرينا
نورتينى يا قمر
وفعلا تخيلت كلماتك التى تقطر ألما وشعرت بالألم
تحياتى

أسوور يقول...

مصر هى أمى

فعلا انت عندك حق
فيلسوف والل يا محمد

اما تحبى حد جدا ويغدر بيكى اما تحبى جامد وتكتشفى ان ده كله سراب بالنسبة للشخص الاخر

بجد كلام جامد قوى وحسيته قوى وعشته قوى ولسة بأعيشه
تحياتى

أسوور يقول...

محمد
نعم
هو الواقع المرير الذى نعيشه كل يوم مرارا وتكرارا

نورتنى
تحياتى لعزيزى محمد

أسوور يقول...

أحمد سلامة

استنانى هأجيلك واشرب معاك القهوة
اصلى محتاجة قوى اشرب قهوة واسهر اذاكر عشان عندى امتحانات اليومين دول

تحياتى لك يا دكتور

أسوور يقول...

شادى
ربنا يوفقك فى النتيجة

وحاضر هقعد معه نفسى
مع انى والله قاعدة مع نفسى على طول والوحدة هتموتنى خلاص

تحياتى

أسوور يقول...

شادى
ربنا يوفقك فى النتيجة

وحاضر هقعد معه نفسى
مع انى والله قاعدة مع نفسى على طول والوحدة هتموتنى خلاص

تحياتى

أسوور يقول...

المهاجر
ربنا يوفقك ويوفقنى
اصلى برضه عندى امتحانات فى الجامعة المفتوحة

تحياتى

أسوور يقول...

Tigress
واحشانى والله يا بنتى

طولتى الغيبة يا سكر

مستنية عودتك بفراغ الصبر
تحياتى

أسوور يقول...

صاحب البوابة
تحياتى لتعليقك القصير العميق

أسوور يقول...

فريدة
طولتى الغيبة فعلا

واحساس الشخص انه جزء من كل يفقده الشعور بالتميز

وعدم الإحساس بالتميز يجعلنا فى ادنى درجات الشعور بالذات

تحياتى لكى يا ست الكل

أسوور يقول...

حسنى سليمان
نورتنى يا عزيزى يا فنان
والله لك وحشة بجد

ما هو لو فى ألم كنا اتحملنا لكن المشكلة ان الأمل اصبح مفقود فى عالم تحكمه الماديات بينما يبقى داخل القلوب رغبة عارمة فى ان نحيا للحب وبالحب

ان نشعر بوجودنا فى لمسة حانية
ان ندرك ذاتنا فى حضن دافىء
ان ترتسم على وجوهنا ابتسامة مع لفتة اهتمام ونظرة عين عاشق

تحياتى .. واحشنى والله

أسوور يقول...

طهقان

تصدق
انت جبت المفيد

قمة الألم انك تتجوز

انا متجوزة وحاسة بقمة الألم الزوجى

تحياتى

أسوور يقول...

انت قلت كلام حلو قوى وقوى جدا

قمة الالم .. انك تحاول المعيشه كانسان فى مجتمع لا انسانى بالمره
قمة الالم .. ان تعرف الصح و تعيش فى الخطأ رغماً عنك

دة صحيح
مش قادرة اقول غير ان كلامك كلام حكماء يا ايلارى العزيز

أسوور يقول...

نور
كلامك جميل بس معقد جدا

هو مش ممكن بجد تبسط اللغة والأسلوب حتى يستوعبه القراء؟

صدقنى انا عارفة ان كلامك بينبع من القلب مباشرة

لكن من فرط حلاوته اريد ان يستوعبه الجميع وينساب داخل قلوبهم فى سهولة ويسر فلا ينشغل عقلهم بمعنى كلمة او بمغزى تعبير

تحياتى

أسوور يقول...

نهى جمال

كلامك حلو يا نهى

نورتينى

هأروح اشوف مدونتك حالا

تحياتى

rack-yourminds يقول...

انا كتبت البوست اللي عن قمة الحزن ,فين تعليقك بقي عشان هنزل البوست الاخر اللي عن الذكريات
تحياتي

DARK يقول...

أحييكى بجد على الكلمات والإحساس الأكثر من رائع

غير معرف يقول...

ممكن أستغل المساحه دى واعمل اعلان صغير
نوفمبر يا جماعه16 ..مستنياكو يوم الجمعه الجايه الساعه 8 م..قاعة الحكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب

غير معرف يقول...
أزال أحد مشرفي المدونة هذا التعليق.