الاثنين، 25 يونيو، 2007

الجمعية المصرية للتدوين

الجمعية المصرية للتدوين حلم بنحلم بيه كلنا
محمد عادل
مصر هى أمى قال الفكرة فى التليفون على شكل دعابة
وتشجع أكثر لما لقانى أخدت الموضوع بشكل جاد

آن الأوان عشان نخرج للنور بصورة واضحة
شكل رسمى

عاوزة اقتراحاتكم عشان نحط أهداف للجمعية
أهداف تكون واضحة
تجمعنا .. وتساعدنا .. وتقدم حاجة للمجتمع والبلد.. وتشجع كل واحد فينا يخرج للنور
مستنية أراءكم

تنويه: الجهاز عندى فيه مشكلة ولسة ما اتحلتش .. بأدخل على النت من برة لحد ما الجهاز يتصلح
ما تزعلوش لو اتأخرت فى الرد لأنى هأدخل مرة واحدة يوميا لحد ما الجهاز يتصلح

هناك 55 تعليقًا:

.:.-=- ELGaZaLy-=-.:. يقول...

هفكر وارد عليكى...

bebooooooo يقول...

فكرة حلوة أوى فعلا عمل جمعية على الاقل نساعد على وجود مدونات نظيفة
تحياتى

whyme يقول...

الموضوع فى دماغنا كلنا و انا ابتديت اسأل محامى صاحبى بالفعل عن الاوراق المطلوبه لعمل جمعيه و انا واثق ان الفكره هتكون ناجحه جداً و هتكون بدايه لحلم جميل زى حلم ساقية الصاوى مثلاً


لانها هتدينا شكل قانونى للتجمع و لطرح حلول و و جهات نظر بشكل مؤثر منظم


تحياتى
و صلحى الجهاز بسرعه

The Eagles يقول...

يا اهلالالالالالالالا
ازيك عاملة ايه
طبعا دة حاجة احنا نفسنا نحققها
وان شاء الله هتتحقق
انا ممكن اسلفك البوتجاز اللى عندى لحد ما تلاقى
ههههههههههههه
ايه اخبار اللقاء القادم عملتوا اييييييييييه؟


والسلام..........

bos bos يقول...

جميلة جدا الفكرة ولازم يكون من أهدافها حماية حقوقنا وحماية ملكيتنا الفكرية بمعنى أنه لازم قبل نقل أى موضوع من موضوعات المدونين المفروض اللى هاينقل ياخد أذن صاحبه وصاحب المدونة ليه حق القبول أو الرفض ولو حصل وحد نقل حاجة بدون أذن صاحبها لازم يتعرض للمسؤلية
تحياتى لكى على أفكارك الجميلة
وأنا بعد أذنك نوهت عندى فى المدونة عن موضوعك ده
تحياتى

جار القمر يقول...

السلام عليكم ورحمة الله وبركاته
تحياتي ليكي سيدتي على اقتراحك الجميل
انا بس عايز اقول حاجه
علشان تبقا الجمعيه دي ناجحه
احنا عايزين نعمل حقوق ملكيه فكريه لينا
وتحدبدا انا عايز اتكلم عن موضوع الاستاذ محمد خان اللي الصحافه بوظت الدنيا معاه وكانت النتيجه انه مسح كل بوستاته وانسحب
عايزين حد يضمن لنا حقنا واحلامنا وكلامنا
لو قدرنا نعمل ده ونحمي حقوقنا الفكريه
انا معاكم ومستعد لأي تضحبات علشان المشروع ده يتم
تحياتي...محمد علي ...جار القمر

ضد الظلم يقول...

فعلا موضوع لازم نفكر فيه كلنا
ولو اتاخد على محمل الجد هيكون افاده واستفاده وصوتنا هيوصل

علاء يقول...

بصي
انا اقترحت الحكاية دي في مؤتمر حرية الصحافة و التدوين

بس طبعا مش هتبدأ على شكل جميعية مرة واحدة كده
لان محدش هيوافقلك عليها و لو وافقوا هيكون عشان اول خطوة هيعملوها يقبضوا على ادارة و اعضاء الجمعية

اقتراحي كان عمل موقع خاص للمدونين يكون ملتقى لهم و بيتكلم باسمهم
يقوم بالاشراف عليه مجموعة من اللي لهم تقل في عالم التدوين

الموقع لن يحمل فكر سياسي او تحزبي من أي نوع
هو للتعبير عن المدوني عن اختلاف اتجاهاتهم
و الدفاع عن حريتهم في التعبير عن ارائهم و رؤاهم

انا و مجموعة من المدونين - حوالي 25 - بنجهز دوسيه مقترح للموضوع عشان نطرح في اول لقاء هيتجمع فيه عدد كبير
غير اننا هنطرحها في مدوناتنا عشان نحاول نلاقيلها دعم مننا

اكيد هاقولك هنا أول باول تطورات الموضوع
و ربنا يوفقنا و الموضوع يكمل

Hannoda يقول...

أخيرا يا ياسمين

و الله أن خايفة نتعود على نشاطك و إرادتك و نعلّق كل أحلامنا عليك و نبلّط في الخط..

يعني حلمنا بلقاء للمدونين و إتحقق بيك
وحلمنا بجمعية و بإذن الله تحقق بيك

أقولك على أحلامي و آخد راحتي؟؟

أنا عن نفسي كلّي ثقة أنا بحلم عند مين

اللي في دماغي إنها تكون جمعية هدفها الرقي بفكر الشباب إجتماعيا و ثقافيا ووطنيا للرقي بالوطن

مش سياسة.. ومن إمتى الوطنية سياسة.. ومن إمتى الأخلاق سياسة

يعني يكون فكرها الأساسي إعاده رفع معاني الالتزام بالقوانين.. التكافل الإجتماعي.. حب العلم ..

وغيرهم

أنا مش بثقافتك يا يا سمين .. يمكن تصوراتي تتكون في عمق لسة بدري عليه

أو تكون ساذجة شوية

مش عارفة

بس عارفة إني بحطها في المكان الصح

حاموت و أنزل لكم مصر

واحده يقول...

حلم بنحلم بيه كلنا
سؤال و الله
جيبتى منين كلنا ديه؟؟؟؟

غمض عينيك يقول...

فكرة حلوة...بس هيكون شكل الجمعية دي ايه بالظبط
مش عارف
يعني ايه الخطوط العريضة ليها؟
هتكون زي نقابة مثلا ولا ايه


تحياتي ليكي

محمد سمير

مـحـمـد مـفـيـد يقول...

بصراحه يا ياسمين
فره ممتازه كما قلت لكي سابقا
اري اننا نعمل تجمع بين المدونين زي اللقاءات الشهريه اللي مكنتش موجود في اي منهم ونحدد الاهداف ونعمل مساحه للتعارف ونحدد افكارها سويا
لان في افكار كتيره جدا واهداف عديده لابد ان تناقش اولا قبل انطلاقها

واحد يقول...

والله أنا متفق مع الأخت واحدة , جبتى منين كلمة "كلنا" دى , معلش يعنى مع احترامى ليكى ولجموع المدونين اللى يعرفوكى لكن بلاش تتكلمى بلسان كل المدونين .

أحمد سلامة يقول...

البوست إتكلم عن اقتراحات لأهداف الجمعية ومقريتش ده لسه في الكومنتات كتير
الناس اتحمست للفكرة يا ياسمين ونسيت تقريبا من فرحتها تقول افكارها :)
اقتراحاتي الغلبانة
بالنسبة للإنشاء:
أفضل ان تكون رئاسة الجمعية تحت قيادة عدد من الأفراد بالأنتخاب وليس فرد واحد للحد من مشكلة صعوبة التفرغ بالإضافة إلى ان اهم خطوة في الجمعية هي القيادة في الفترة الأولي لكي لا يحدث تشتت وتنبثق اكتر من جمعية ويتفرق مجتمع المدونين
تحديد امكانية وجود هوية حزبية من عدمها وكذلك التيارات السياسية منذ بدء الجمعية
التنسيق مع دور الإبداع المختلفه في الجمهورية كقصور الثقافة ومركز الابداع والفنون وساقية الصاوي حيث انها لها نوعا ما خبرة مسبقة بهذة النشاطات
وجود اكثر من مكتب للجمعية في اماكن متفرقه في البلد ومستقبلا في الوطن العربي لخدمة أوسع نطاق ممكن للمدونين
توسيع دعائي للفكرة اكثر من مجرد طرحها هنا لضمان كثافة الاقبال
بالنسبة للأهداف :
حرية التدوين وحماية الملكية الفكرية للمدون كمبدأ اولي
جلسات منظمة لمناقشة جميع قضايا المجتمع التدويني بلا اثتثناء
بنية ثقافية متنوعة لتنمية القدرات والمواهب للمدونين / ندوات شعرية ، مسرح وخلافه
لقاءات متبادلة بين الاعضاء في المحافظات المختلفة كنوع من التبادل الثقافي ويتم التنسيق له تبع المكاتب السابق ذكرها
------------------
ربنا يوفقك ويوفقنا كلنا يا ياسمين

المهاجر يقول...

الموضوع مهم جدا جدا بس الاهم وضوح الرؤية يعنى ممكن يتكون جمعية مصرية للتدوين ؟اعتقد طبعا
وهل ممكن يكون لها نشاطات كبيرة
اكيد طبعا
لماذا ستنشئ
هو سؤال ليس للتحبيط
بس زي ما قلت اهم حاجة وضوح الروية
و بالنسبة لافكاري فاوافيكى بها فيما بعد
فاصل و نعود

ياسمين يقول...

الغزالى
مستنياك

ياسمين يقول...

بيبو
فعلا دة لازم يكون أحد أهدافنا
أن تكون المدونات نظيفة تعبر بموضوعية وتنقد نقد بناء بدون استخدام الفاظ مبتذلة

ياسمين يقول...

whyme
انا مستنية منك النتيجة علشان نبدأ نحضر
البداية هتاخد مدة مش قصيرة
أول ما تعرف حاجة ابعتلى ايميل

ياسمين يقول...

The Eagles
اللقاء هيكون قريب جدا
انتظرونا
:))

ياسمين يقول...

بوس بوس
يارب يخليكى يا ست الكل
دى أول مساعدة ايجابية بجد

ياسمين يقول...

جار القمر
الحفاظ على حقوق الملكية الفكرية للمدون هو احد اهم اهداف الجمعية
انت اثرت نقطة فى غاية الأهمية

ياسمين يقول...

ضد الظلم
شكرا لحماسك

ياسمين يقول...

علاء
ايدى فى ايدك يا علاء
ايد لوحدها ما تصقفش
وانشاء الله نتقابل فى اللقاء القادم

ياسمين يقول...

هنودة
هنموت وتيجى .. مصر بتقول واحشانى يا هنودة

افكارك كويسة بجد وثقتك فية هى أجمل ما فى الموضوع
حماسك هيدينى اكبر دفعة لتحقيق الحلم

ياسمين يقول...

واحدة

واحد

هل انتم مدونون اصلا ؟؟

وان كنتم فلم لا تظهر اسم مدوناتكم؟؟

وان لم تكونوا فلم تعترضون او تتفقون والموضوع بعيد عنكم فى الأساس ولا يمسكم من قريب أو بعيد؟؟

ياسمين يقول...

غمض عنيك
ما هو احنا هنا عشان كدة

ياسمين يقول...

محمد مفيد
لازم تكون معانا فى اللقاء القادم

ياسمين يقول...

أحمد سلامة
تسلملى يا دكتور على الأفكار الحلوة
وشكرا بجد لأسلوبك فى التفكير
كل اللى ذكرته أكثر من رائع وسوف ينفذ بإذن الله
شكرا لحماسك

ياسمين يقول...

المهاجر
لماذا؟
عشان يكون لنا كيان فى شكل رسمى وقانونى
مستنية أفكارك

وينكى يقول...

واحشانى موووووووووووت ياقمر
انا له مخله امتحانات مابقاليش كام يوم
الفكره طبعا جنان ب هاتحتاج مجهود جبار
انا مش متخيله له شكل واضخ للموضوع بس اكيد اللى فيه الخير هايحصل
تحياتى

islam يقول...

الجمعية المصرية للتدوين، أكيد حلم لازم يجمعنا كلنا، ودى رغبة عندى من زمان، لم تكن بهذا الشكل وإنما كانت فى شكل تدوين جماعى
على كل حتى أصل الى اقتراح ما
انا معكى اتابع .. والله المستعان
تحياتى
السلام عليكم

نـــ..!..ــور يقول...

الفكرة رائعة تحتاج لدرسة مستفيضة وميثاق قوي للجمعية ...هناك جمعيات سابقة بأفكار مختلفة يمكن الإستفادة من تجاربها مثل جمعية المترجمين العرب..جمعية القصة العربية...

ذكرتني برابطة أدبية حاولنا فيها جمع الأدباء الشباب ونشر أعمالهم ..!
وحتى الأن لم تشرق عليها الشمس...

المهم لا تتعجلوا في التنفيذ

وتسعدني المساهمة معكم قدر المستطاع


أحدهم....

sendbad يقول...

كلنا معاكي ياقبلة التدوين كلنا لازم نفكر وندي حلول وانا اولهم
تحياتي

انتظار مؤقت يقول...

الحل ان شايفو في قوانين حماية الملكيه الفكريه و دي سهله و موجوده و بتحمي الملكيه الفكريه و على فكره انا من زمان بقول في الموضوع ده ..عشان انا محامي ..و ياريت يكون في تجمع يتناقش فيه الموضوع بشكل اوسع
تحياتي

المهاجر يقول...

بعد تفكير عميق و ارجو ان يردنى احد المدونين ان كنت خاطئا
هو اذا كان الهدف هو كيان رسمى يبقى الاجابة لا
لان سر تفوقها هو عدم رسميتها
و بالنسبة لوجود ضوابط مثل كلمة مدونات نظيفة فمصطلح نظيفة مطاط و مين اللى هيحدد
يبقى معنى كده رقابة على المدونات و كده هتفشل العملية
بالنسبة مثلا للدفاع عن الحقوق فمش محتاجة كيان رسمى
اما لما يسمى شكل قانونى فمش هتفرق لان الصحفيين انفسهم بيتحبسوا اكتر من اي حد بيكتب
الموضوع مكنش فى دماغى كده
اما البدائل
لا مانع من لقاءات شهرية او حفلات
عمل دليل للمدونين
عمل ميثاق شرف للمدونين
لكن وجود كيان للتحكم و للتوجيه
فانا مش معاكم
لانى مش محتاج قيود زيادة

The Alien يقول...

لطيف موضوع الجمعية
وشايف إن أهدافها تكون إجتماعية
يعني ممكن نساعد الناس
ونحاول نوصل كلامنا ليهم
لكن موضوع وجود قواعد للتدوين
وموضوع مدونات نظيفة فدا مينفعش يكون دور للجمعية
يعني م اﻷخر إحنا مينفعش نحط قيود علينا
عشان منبوظش أحلي حاجة ف التدوين
الحرية

تحياتي

وشوشني يقول...

الفكره جميله جدا جدا بس احنا فعلا لازم نحط اهداف معينه بس الحكايه محتاجه تفكير
ان شاء الله لو جت اي فكره على بالي هاجي ااقولها ان شاء الله

Shreif fahmy يقول...

مبدئيا أزيك يا أستاذة عاملة أيه ياترى هيصدر أمر عفو عني قريب ولا لسه على العموم قريب هيوصلك مني تصور ومقترح ان شاء الله يفيدك في تدشين الجمعية

وثانيا منتظر تعقيبك على الجزء الثالث والأخير

http://sfahmy78.blogspot.com/2007/06/blog-post_27.html

smraa alnil يقول...

هههههههههههه هو الجاز عملها معاكي انتي كمان

اصل انا برضه الجهاز والنت عندي زي الزفت

بصي بقي يا ست الكل
انتي عارفة طبعا اني راشقة معاكي في كل حاجة

بس مبدئيا كدة
لازم نسيبنا من موضوع مدونات نظيفة ويكون التدوين اجتماعي مش سياسي
والكلام دة
لان احنا كدة زي ما قال بيشوي بنقيد الحرية
وانتي عارفة ان واحدةمن الناس بحب اتكلم في اي حاجة بقي

لكن اهداف الجمعيه هي حماية المدون نفسه من اللي بيحصل لاي مدون بيقول رايه بصراحة

كمان نقل افكارنا وكلامنا اللي بنلاقيه مرمي في المنتديات
وانا مش هنسي الشخص اللي سرق مني 7 موضوعات بحالها
ونشرهم باسمه

لازم يكون في مسائلة قانوينة

الموضوع كبير يا ياسمين
لان دة هيحتاج شئون قانوينة للجميعية

خلي بالك هنصرف عليها منين

يعني الموضوع مش بالساهل
دة محتاج ماديات

وبعدين من الاخر بقي انا لازم امسك حاجة في الجميعه دي

انا بقولكو اهو ههههههههه

mariam يقول...

الحقيقه يا ياسمين انا مش متابعه الموضوع لكن اطلعت على الخبر ده بالصدفه و يا ريت تطلعى عليه
http://forum.harakamasria.org/showthread.php?t=11691

تحياتى ليكى

أنا حر يقول...

حلم كبير بقى ضروري تنفيذه فعلا ياريت ننسق كلنا كا مدونين لتنفيذ الفكرة لأنها هتفيدنا كلنا فعلا
تحياتي

sherif gharib يقول...

فكره بمليون جنيه
اناكتير جدا كنت بفكر فى حاجه تجمع المدونين كلهم تحت رساله واحده وكنت شايف الموضوعده صعب جدا
تحياتى

sendrlla يقول...


هى فكره حلوه جدا جدا وفكره ناجحه جدا بس تفتكرى الحكومه هتسيبنا فى حالنا دى هتدور علينا واحد واحد حتى لو ملكيش فى السياسه

وفى فكره حلوه كمان يعملوا رقابه وكمان يفتحوا مواقع كتير تساعد كل الناس على عمل مدونات خاصه ليهم

بس ما اظنش ان الحلم دا ممكن يتحقق

قلبى معاكى

The Groom يقول...


أنا معاكم ان شاء الله

اعملي حسابي بجد يا ياسمين

أشوفك قريب ا نشاء الله

تحياتي لك من ماناساس البلد

كراكيب عادل يقول...

فكرة برضو

وبعدين اية حكاية كل ما ادخل عند حد القي كمبيوترة بيتصلح

طب هو اتصلح ولا لسة ؟؟

شيماء الجيزى يقول...

اولا ازيك يا اجمل الجميلات

والله يخربيت الجهاز الى مانعك عننا

المهم طبعا فكرة جمعية مصريه للتدوين
وكما تحدثنا عنها خلال ندوة مجلة كلمتنا
والتى تحمست لها بشدة بالغه
فأعتقد اننا جميعا نحتاج لبيت كبير يجمعنا نحن الاخوة والاصدقاء
وابناء التدوين

وها انتى قد عرضتى الفكرة فى موضوع على المدونه واعتقد ان بكده الفكرة اخدت
الشكل الرسمى او بقى له ارض وياريت تكون صلبه

بصى يا ستى علشان فى شوية حاجات فكرت فيها
لما دخلت وقريت الموضوع وبعد كده نسيت

الجمعيه المصريه للتدوين هى اجتماعيه باحته ده الى فهمته وده الى برجوه
والى مش عايزة اى حد يفسرها على كيفه

تانى شئ
المحافظه على حقوق المدونين
من السرقه او غيره
ووضع حد لسرقات افكار وموضوعات المدونين
بدون ذكر اى مصدر

ياسمين
ان شاء الله انا معاكى
جمعيه مصريه للتدوين
جمعيه اهدافها ...فى الاصل لتجميع المدونين
رغم الاختلاف الا اننا كلنا لينا اب واحد
وهو التدوين
والجمعيه هى بيت كل المدونين

تحياتى ليكى

islam يقول...

السلام عليكم ورحمة الله وبركاته

ياسمين:

أخبرتك أنى سأفكر وأرد عليك، والحقيقة أن الإقتراح الرئيس الذى يدور فى ذهنى منذ فترة
هو كيف يكون لنا دور وصدى عالميا، نعرض أرائنا ومقترحاتنا، ونناقش وقضايانا؟
وربما وقتها سنكتسب كذلك الصفة الرسمية التى نريدها فى الداخل

على كل مازال الموضوع مطروحا للنقاش وأرجو أن يسفر عن خير
خاصة وأنه مطروح م\فى أكثر من مكان

فهو مطروح كذلفك فى مدونة علاء على الرابط التالى
http://msh-ana.blogspot.com/

أرجو التوفيق لنا جميعا
تحياتى
السلام عليكم

safa7_karmooz يقول...

انا معاكى يا ياسمين...

معنديش اقتراحات معينة

بس اهم حاجه متبقاش ليها طابع معين يسود عليها ...

تبقى حرة...مافيهاش كبت زى اللى الحكومة قررته من كام يوم انها تحجب بعض صفحات المدونات

وتبقى بتاعتنا كلنا ...مش عزبة بتاعت حد معين...:)

والف بسا على كوكى بتاعك

كمبيوتر يعنى :D

Rodrigo يقول...

Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.

Gid-Do - جدو يقول...

ياسمين

من العجيب ان الناس بتحاول التخلص من القيود وانتم عاوزين سلاسل تربط اديكم ورجليكم مش عارف لية

الناس فى امريكا بيسموا الحكومة الاخ الكبير وبيكرهوا اى حاجة الاخ الكبير يحط مناخيرة فيها وبيطلعوا مظاهرات ضد اى تدخل حكومى

المدونات بقت حاجة عالمية ـ لما علاء اتمسك فى المظاهرات زوجتة منال قلبت الدنيا والعام كلة عرف وكانوا بيطلبوا بالافراج عنة دة المفروض يكون

المدونين مش صحافيين ولا محترفين قلم المدونين هما صوت المجتمع ومش معقول المجتمع كلة حيعمل رابطة ولا نقابة

انا مش شايف غير المهاجر اللى فكر وقال لاء يمكن علشان انا وهو عايشين خارج مصر وعارفين قيمة البعد عن اى تدخل حكومى

كلامى دة حيزعل ناس لكن الهدف هو انكم تعرفوا ان اللى انتم عاوزين تعملوه راح ياخد حريتكم وانتم احرار دلوقت لكن لو استمرتوا فى المشروع دة مش حتكونوا مستقبلا ـ تحياتى

!!! الراس الكبيرة منة يقول...

فكرة صح وجاية فى السليم

اظن ان من اهم اهداف الجمعية دى ان احنا نطلع وجهة نظرنا الحقيقية للمجتمع

سلام

nadine يقول...

عزيزتى ياسمين

الفكرة فى حد ذاتها أكثر من رائعة
و انا من الناس اللى مستعدة اشارك قدر إستطاعتى فى الموضوع ده
بس مش عارفة العواقب ممكن تكون ايه، خصوصا و إحنا فى وقت بقى فيه اى مجموعة صغيرة تتجمع و تتكلم كلام عاقل تبقى على طول موضع شبهة
لذلك لازم يكون فيه حد مسؤل عن الشؤن القانونية بشكل جاد

النقطة اللى بعد كده انه يتم عمل عضوية و بنود للعضوية للمدونين عشان يبقى كل الأعضاء متفقين على خلفية واحدة تمثلنا جميعا و يبقى الموضوع متنظم بجد على الا يكون فى ذلك حد من حرية المدون فى التعبير اللى هى اساس التدوين

اهم حاجة ان تكون اهداف الجمعية بتصب فى مصلحة المدون اولا و اخيرا
يعنى دفاع عن حقوقه، ممكن نعمل إجتماعات مثلا نعرف بيها المدونين عن حقوقهم القانونية فى حرية التعبير بحيث اننا نبقى بنكتب و مش خايفين و مع الوقت نشيل منطق "انا مدون مصرى اذن انا متهم"

طبعا مانقدرش نغفل الجانب السياسى و الإجتماعى للجمعية عشان مانبقاش برضه بنفحت فى الهوا

الموضوع بجد جامد جدا
بس محتاج تخطيط و شغل كتير
عشان مايتحولش لجمعية روتينية تفقد بريقها مع الوقت

انا معاكم يا ياسمين و اتمنى الموضوع ده يشوف النور فى اقرب وقت

تحياتى

المهاجر يقول...

السلام عليكم ارجو مساعدتكم هذه فكرة ممكن تكون تحوير لفكرة ياسمين مش مهم مين صاحب الفكرة المهم نكسر القيود و صوتنا يهز الغول
الفكرة مطروحة على مدونتى فارجو المشاركة او ابداء الراي
http://eg-migrator.blogspot.com/

غير معرف يقول...

أسف على تطفلي, لكني لم اتمالك نفسي من الرد عند قرأتي للاقتراح,بالرغم من اني قرأت الكثير و لم ارد ابدا و لست مدونا.
لا اجد غير السؤال "لماذا جمعية؟" يطرح نفسه.
بالاضافة لاعتقادي ان فكرة جمعية للمدونين هي ضد فكرة التدوين نفسها.
لا ارى شئ مشترك يجمع المدونين غير انهم مدونين و لا اعتقد انها فكرة جيدة محاولة خلق ذلك الشئ.
لا احاول "تكسير الجاديف" و اتمنى لك التوفيق على اى حال.

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人