الاثنين، 23 يوليو 2007

بحبــــــــــــــــــــــــك


بحبك وانت قريب.. بحبك وانت بعيد
وبحبك وانت هناك.. بحبك لما تكون موجود

بحبك لما بتزعل .. وبحبك لما تكون مبسوط
بحبك لما بتضحك وبحبك لما بتبكى
بحبك وانت فاكرنى .. وبحبك وانت ناسينى

بحبك وانت صاحى وانت نايم وانت قاعد وانت ماشى وانت اى حاجة
بحب كلامك الحلو .. وبحب قلبك الحلو
بحبك كل ذكرى
كل كلمة .. كل همسة .. كل نظرة
بحب حضنك ونظرة عنيك .. وصوت قلبك وهو بينطق بإسمى
بحبك لما الليل يصاحبنا ولما النور يطلع علينا

وبحبك وانت بتلعب كون كان
بحبك غالب وبحبك مغلوب

بحبــــــــــــااااااااااك



هناك 109 تعليقات:

-_- يقول...

السلام عليكم

لقد تم اختيارك لتمثيل مصر في مدونة (مدونوا العالم المتحدين ) و التى يمثلها اكثر من 60 مدون من حوالي 50 دولة من كل قارات العالم و هي اول مدونة عالمية على بلوجر
تم اختيارك بناء على دراسة اجراها شارم لمدة شهرين لمدونات تفيد القارئ و تقدم الفكر المحايد و تسمح لوجود الاختلافات في وجهات النظر على صفحاتها
وجودك معنا يشرفنا
في حالة الموافقة يرجى ارسال ايميل الى العنوان التالي خلال
sharm_lover@hotmail.com
يحمل اسمك المستعار و سنك و اسم مدونتك و ايميلك و سيتم ارسال الدعوة الخاصة لدخول مدونة (مدونوا العالم المتحدين )حتى تتعرف على اعضاءها و اهدافها الذي يتقدمه اثبات ان اختلاف لغاتنا و اعراقنا و دياناتنا و توجهاتنا لا يعنى ابدا بعدنا عن بعضنا البعض او كراهيتنا لبعضنا البعض و اننا يمكن ان نجعل عالمنا سعيدا اذا استطعنا سماع اراء الاخرين التى تعبر عنهم و قول اراءنا التى تعبر عنا

شارم

Mirage يقول...

انا اول واحد يعلق هنا على البوست ده

مش ممكن انا مش مصدق نفسى

يارب يكمل حبك ده على خير وتفضلوا سوا للابد

أبو ضحى يقول...

أختى ياسمين

ايه الجمال ده..ايه الحلاوة دى
أنا سعيد انى شايف بوست جديد كله حب و سعادة
و بعدين هو ايه الحكاية..هو أنا أكتب بوست كله حب اجى ألاقى عاملة نفس الكلام
بس مش اى اى و لا زى زى أنا معرفتش أكتب كلمتين على بعض زى كلامك الحلو ده
ما هو أصل فى ناس كده لما مشاعرهم تملى قلوبهم ميعرفوش يصبوها على الورق لأن ايديهم بترتعش و هى ماسكه الكأس و بتدلدق المشاعر منهم فى كل مكان

ربنا يجعل أيامك كلها حب فى حب

Ezz يقول...

الله الله الله.... والله ووقعت ولا حدش سما عليكي.. النبي حارسك و صاينك.. بجد مبسوطلك.. حتى لو الكلام ده مش يمثل واقع حقيقي.. بجد مبسوطلك و ربنا يسعدك كمان و كمان يا ياسمين... عز

سهر الليالى يقول...

ياسلام على كده ياسلام ماقدرش على كده ابدااااااااااااا ايه الحب ده كله كل ده فى قلبك ومخبياه عليا ربنا يزيده كمان وكمان .مبسوطه جدا انك فى الحاله دى وسبحان مغير الاحوال انا اللى بجد بحبك وانتى مبسوطه وانتى زعلانه كمان تحيه منى وتحيه من رئيس العصابه اللى بيحب ولاده

شيماء الجيزى يقول...

يارب

يحبك ربع الحب ده
ويارب يديم عليكى الحب ده وتفضلى فى حب يا ياسمين

الحب نعمه بجد بتخلى الانسان فى حالة اكبر من السعادة

انتى تستحقى انك تعيشى الحالة دى

انا سعيدة ليكِ

بحبك

تحياتى يا قمر

عبقرينو يقول...

أيه ياعمنا حرام عليك...دى قالتلك بحبك بكتيييييير قوى يعنى
يابختك بيها والله والله العظيم أنت تبقى مش عارف أقول عليك أيه لو مش أتحركت بقى ...فيه حد يسيب حد بيحبوا الحب ده كله
ربنا يوفقك ياياسمين ويكرمك

أبو ضحى يقول...

ياسمين
أنا محتاج أتكلم معاكى
محتاج نصيحتك فى حاجة مهمة

أنا هبعتلك ايميل دلوقتى

غير معرف يقول...

سلام عليكم
-----------
!!!!!!!!!!!!!!!!
انا لاقيت الناس كلها بتدعيلك فربنا يسعدك ويوفقكم ويقدرلك الخير
ويديم عليكى السعادة
سلام عليكم

Nadine Alfred يقول...

احلى حاجة انك بتحبيه و هو زعلان
و هو مغلوب
و هو هناك
و هو بيبكى

اعتقد ان جوهر الحب هو اننا نحب الناس فى اسوأ حالاتهم وفى اوقات ضعفهم قبل ما نحبهم فى اوقات قوتهم
فهنيئا لك هذا الحب الصادق
و اتمنى لك كل سعادة

تحياتى الغالية لكِ

عبدالله يقول...

:)
اخيرا بوست مش فيه حزن
وياتري بقي ده حب بجد ولا حلم بحب
:)))
ايه اخبارك يا ياسمين عامله ايه ليكي وحشه والله معلش انا مش ظاهرالايام دي بستعد للاجازه هكون في مصر كمان يومين كده ان شاء الله و اجازه شهر بحاله بقي
:)
اتمني لو اعرف اشوفكوا فيها

تحياتي

سندباد يقول...

قبلة المدونين
يابخت اللي بتحبيه

BinO يقول...

السلام عليكم ورحمة الله وبركاته
أستاذة ياسمين
كيف أحوالك
اتمني ان تكوني بصحة جيدة وكذا الأولاد

ليا تساؤل بسيط بالنسبة للأستفتاء اللي علي جانب المدونة
هو ينفع نعمل أستفتاء علي شئ فرض من قبل المولي عز وجل؟
يعني نقول مثلاً
ايه رأيك في صلاة الظهر نصليها(ركعتين-ثلاث ركعات-اربع ركعات) مع العلم أن عدد ركعات الصلوات لم تذكر في القرأن الكريم كما ذكر موضوع التعدد بنصه في سورة النساء

طبعاً احنا اتكلمنا في الموضوع ده قبلاً بصورة مختلفة
بس لما زرت مدونتك أستغربت جداً جداً
من وجود هذا التصويت علي شئ مثبت نصاً في القرأن الكريم


أعتذر لأني علقت في غير موضوع البوست
فمعذرةً

BinO يقول...

ليا سؤال تاني طرق الي ذهني
لو الناس كلهم مثلاً صوتوا علي الأختيار الرابع
:)
حتغيري رأيك؟؟؟؟؟؟
!!!!!!
أنت بهذه الطريقة بتستفتي من هم ليس بأهل فتوي
وأنا منهم
عشان محدش يفتكر أن ديه شتيمة ولا حاجة
بس هي ديه الحقيقة
المواضيع اللي زي ديه لازم الواحد يقف فيها علي أرض صلبة
عشان يوصل لحقيقة بجد ترضي الله
مش رأي غالبية الناس اللي ممكن يكون في أحيان كتيرة يكون غلط
!!!!!!!!!!!!
ربنا يعلم نيتي في الكلام سواء اليوم أو قبل اليوم
تفكري في الكلمات قليلاً
بالمنطق

محمد حمدي يقول...

هاى ياسمين

طب اقولك افتراح حلو .. متدخليه يقرا البوست دة ؟ أكييد دة هيغير حاجات كتيرة اوى ... وربنا يرزقنا بالى يحبنا حب ياسمين لحبيبها يا جماعه :)

سلام

The Alien يقول...

حلو الحب
الواحد بيحب حياته وهو بيحب
حاولي تحافظي علي الحالة دي

متهيألي المفروض تتكلمي علي التصويت اللي إنتي حاطاه
بتاع تعدد الزوجات
تحياتي

أسوور يقول...

شارم
دة شرف كبير لية يا باشا
وهيوصلك الإيميل قريب
انا بس خارج القاهرة حاليا ولما ارجع يحلها ربنا
تحياتى

أسوور يقول...

ميراج
يا رب نفضل سوا للأبد بجد
امنية حلوة قوى منك يا ميراج
تحياتى

أسوور يقول...

ابو ضحى
شكرا ليك يا عزيزى
واتمنى لك كل حب
الحب حلو قوى يا اسلام
هأروح اشوف البوست بتاعك
انا حاليا خارج القاهرة بأستجم
ولما ارجع نتكلم
تمام كدة؟
تحياتى

أسوور يقول...

عـــــــــز
شفت بقى ياسمين واقعة فى الحب لشوشتها
على فكرة بقى انا طول عمرى بت حبيبة مووووت بس ماحدش واخد باله
:)
تحياتى لك يا عز

أسوور يقول...

سهر الليالى
حبيبتى الجميلة
كلامك سكر
والله ضحكت ورئيس العصابة بيسلم عليكى وكما ولاده بياخدوا غطس فى الساحل الشمالى دلوقتى
وهو قاعد على البلاج وحاطط الرشاش جنبه
:))))))))))
الا بالحق
سلامات .. يا سكر سلامات

أسوور يقول...

شيماء الجيزى
لا يا بنتى انا طماعة انا عايزاه يحبنى كل الحب مش ربعه ولا نصه
يا اما الحب كله يا اما بقى هأغنيله حب ايه اللى انت جاى تقول عليه

:))))
واحشانى يا ست البنات

أسوور يقول...

عبقرينو
على فكرة عجبنى تعليقك عشان موجه للشخص اللى مكتوب له البوست
والله كان نفسى حد يقوله كدة
:)))
بس هو اتحرك خلاص وعشان ساعات بيشك فى مشاعرك كتبتله البوست دة
تحياتى

BinO يقول...

جزاكم الله خيراً
وأسف علي الأزعاج

غير معرف يقول...

ااااسف
تعليقى اليوم خارج النص
للمرة الثانية رسوم مسيئة للرسول الكريم صلى الله عليه وسلم
هذه المرة فى السويد
ادخل على مدونتى واطلع على ما يجب علينا القيام به ولك كل الشكر انصر نبيك

أسوور يقول...

عابرة السبيل
كتر خيرك يا قمر

أسوور يقول...

نادين
فعلا يا سكر الحب انك تحبى الشخص بعيوبه قبل مميزاته
بوحاشته قبل حلاوته
فى ضعفه وفى قوته
فى غضبه وفى فرحه
تحياتى

أسوور يقول...

عبد الله
انا فى احسن حالاتى يا عزيزى
لما اشوفك على الماسنجر هقولك
انا بحب ومبسوووووطة قوى
تحياتى

أسوور يقول...

سندباد
المهم يكون هو حاسس بكدة
وشكرا بجد ان دة احساسك
وشكرا على قبلة المدونين دى
كلامك حلو يا سندباد ويفتح النفس رغم ايجازك فى الكلمات

أسوور يقول...

بينو
احنا اتناقشنا فى الموضوع دة قبل كدة
وانا تفكيرى غير تفكيرك
وانت بتقارن التعدد بالفروض
غريبة قوى الحكاية دى
على فكرة انا بقارن التعدد بالرق وجواز المتعة وانت شايفه فرض

اعتقد ان كل ما يؤذى انسان ويشعره بالظلم هو تشريع موضع نقاش

على فكرة المرأة .. انسان
تحياتى

أسوور يقول...

محمد حمدى
قراه خلاص يا حمادة
:)
تحياتى

أسوور يقول...

بيشو
واحشنى ياقمر

اقرا ردى على بينو

والله انا متعجبة فعلا من ظلم الإنسان لإخيه الإنسان
الا بقى اذا اعتبرت المرأة مخلوق مختلف لا يحمل صفات الإنسان او البشر
تحياتى لك يا بيشو

أسوور يقول...

حسن توفيق
نوترت المدونة
انا اعتقد ان اى شىء يفعلونه او يقولونه لا ولن يؤثر على مكانة الرسول فى قلوب المسلمين
ودفاعنا عنه هو لا يحتاجه
هو اعظم من مجرد الإهتمام بمثل تلك الترهات
تحياتى

أسوور يقول...

بينو
الظاهر انك يا بينو لا تيأس
احنا مختلفين فى الرأى وفى اسلوب النقاش وفى اسلوب الحياة كمان على ما اعتقد
انت مصر تفرض وجهة نظرك
وانا مصرة اناقش كل قضية من منظور اجتماعى لا من منظور دينى
وصدقنى ربنا عادل ولا يحب الظلم
وكل ما يظلم انسان ويؤذى مشاعره هو مرفوض وقابل للنقاش فى الدين او غيره
ربنا خلق حواء وآدم فقط لما كانت الأرض محتاجة تعمر ومع ذلك لم يخلق آدم ومعه 4 من النساء
دة معناه انهم متساويين
تحياتى

مصر هى أمى يقول...

بجد حلو اوى يا ياسمين

دا ايه المناسبة بقى عيد الجواز ولا ايه

انتى عارفة احنا الشعب المصرى منعرفش نفرح غير اما يكون فى مناسبة بس

عموما انا مبسوطلك اوى يا ياسمين وربنا يديم عليكى الحب دايما

الأميره أوسه يقول...

وأنا كمان بحبــــــك
بحبك با أستمرار وبحبك طول الوقت
هاتى بقا شندوشت مربى يا ياسمين

أبو ضحى يقول...

أتمنالك اجازة سعيدة
كان لازم نعرف ان بوستات زى كده متجيش الا برة القاهرة، فى الاجازة


تحياتى

غير معرف يقول...

اروع حب هو اللى ييجى من غير حسابات ولا تكلف
حب للعيوب والمميزات على السواء
عجبنى البوست ده جدا جدا جدا
حرك جوايا رغبه عارمه لانى اعيش قصة حب
اه على فكره
حفلة ايامنا الحلوه يوم الجمعه 27 يوليو الساعه 8:30 فى ساقية الصاوى
اكبر تجمع بلوجرى
اوعوا يفوتكوا
Blogger Radio Station

مجهول يقول...

عارف انك زعلانه يا استاذة
بس انا مقصر كبير طبعا بس كنت متابع بلا تعليق

عارفة يا ياسمين
أجمل حاجة في كلامك انك دايما حاسة بيه

الاحساس لما بيتكتب بيتحس اكتر من الشعر ومن النثر والادب

بمشاعرك الراقية المحبة المخلصة دي قدرتي توصلي لكل من قراالبوست معني الحب

تحياتي لك ودمتي بخير وسعادة

مشروع انسان يقول...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

عبقرينو يقول...

هههههههه ....ماشى ياستى ربنا يهنى سعيد بسعيدة
أنا بقى قاعد مع نفسى فى وحدة وغربة نظرا لسفرى الدائم
بس باحبها برده بكل اللغات وعلى كل أحوالها بس هيا مش عارف أزاى أوصل ليها حبى ده بجد باحبها ومش عارف اركز بمخى كله فى الشغل من تفكيرى فيها, عارفة لو مخى كله فى الشغل هتلاقينى طالع فى التليفزيونات بيل جيتس التانى او وارين بافيت مثلا بس هيبقى عبقرينو المصرى وان شاء الله هيحصل قريب
تابعى سلسلة من 4 مقالات هاكتبها عن الغربة على المدونة عندى
اللى هيقول مين وارين بافيت هيبقى ليه هديه:)

BinO يقول...

الأستاذة ياسمين
الحمد لله أنك رديتي
لأنك مكنتيش عارفة أن موضوع عدم الرد التجاهل كان حيأثر علي جامد جداً وكان حيغير فكرتي عن حضرتك تماماً
:)
المهم

أختي المولي عز وجل بيقول
إِنَّهُ لَقَوْلٌ فَصْلٌ* وَمَا هُوَ بِالْهَزْلِ
في سورة الطارق
لإانا قصدت أن ألفت النظر أنك تعين شئ شرعه الله عز وجل موضع تحكيم لأناس ليسوا أولوا فتوي
وأنا لم أفرضه ولكني أقول أنه شرع الله و الأصل في الزواج وسنة الرسول صلي الله عليه وسلم
وسألتك سؤال له مغزي والله
لو أن المصوتون صوتوا للأختيار الرابع ماذا سيكون رأيك؟؟؟؟؟
أيضاً المقارنة بالنسبة لزواج المتعة والرق غير واردة علي الأطلاق فجواز المتعة حرم , والرق غير موجود
أنما التعدد شرعه المولي في القرأن
جزاكم الله خيراً علي الرد

reri يقول...

الحب جميل
أدام الله عليكي تلك الحاله

سلامااااااااااات

صاحب البوابــة يقول...

كلمات رائعة حقاً يا ياسمين

مليئة بالتفاؤل والسعادة

تحياتي

micheal يقول...

أسمي معاني الحب لقيتها في كلامك
تحياتي لكي

غير معرف يقول...

ملكة الجميلات ... ياسمين
رااائعة
بجد فرحت لك كتيييير
ربنا يديم عليكى الحب و السعادة يا رب
ناديه
nadiataha.maktoobblog.com

LAMIA MAHMOUD يقول...

ربنا يخليكوا لبعـــــــــــــــــض

safa7_karmooz يقول...

يااااااااااااااااااه

الكلمة دى مش حسيت بيها الا من يومين بالظبط

يارب دمها نعمة...:)

safa7_karmooz يقول...

بس مبرووووووووووووووووووووووك

ان الواحد شاف الابتسامة بتترسم اخيرا على وجهك...وبتنوره

ممكن اكون مش شفتها

بس ممكن نكون حسيناها من كلامك الحلو ده..:)

gohayna يقول...

والله انتي حيرتيني معاك يا قمر

في حزنك بيكون جارف
والمك بيكون جارف

وحبك اهه برضه جارف
بس بجد هقولك علي سر

انا مبسوطه ان الكلام دا طلع منك انتي بالذات
بجد كنت متشوقه احس بيكي مبسوطه ومش بتكتبي بايدك لا بتكتبي بقلبك

بجد بهنيكي وربنا يسعدك دايما انتي تستاهلي كل خير يا سمسم

تحياتي ليكي يا احلي يا سمين

دكتور مستكنيص يقول...

ربنا يهنيكوا يارب ومايفرق بينكم بازن الله
وفي انتظار بوست زي ده تقوليلنا فيه الفرح يوم كزا
تحياتي يافندم

Hannoda يقول...

إنت عارفة أني كلما أقرالك كلام عن الحب بستغرب قوي؟؟

ولازم عيني تتبلّ بدمعة صغنونة

أصل غريبة بساطتك في وصف حب قادر يزيل بساطة الكلمات و يرسملي كل تفاصيله اللي جواك

ومش ده اللي بستغربله

اللي بستغربله هو التفاصيل يا ياسمين
هو مين لسة عارف يحتفظ بالتفاصيل

أما الدمعة اللي فعيني
عشان كل ما أتفرج على تفاصيلك بزعل على تفاصيلي اللي ضاعت منّي

بحس إني ضعفت قوي قدام جروحي و معملتش زيك و قاومت الجروح و رفضت إنها تتلف أي تفاصيل

بجد

أنا في شدة إعجابي بقلبك

خدي بالك من "بجد" ده
ماشي؟

تحياتي
:)

Unknown يقول...

الى محبى الفنان الجامد أوى و الأنسان الرائع أوى خالد الصاوى شاركوا مدونة عندليبيات تدعوكم لحضور لحفلها الذى تقيمه بمناسبة مرور عام على مدونة خلود... قيه تورتة ماتخفوش

daktara يقول...

www.picstalk.blogspot.com
مدونة جديدة
جامدة
وروشه

احرص علي متابعتها
د. خالد عزب

Eric Matt يقول...


ياسمين

أنا اتأخرت عليكي كتير بس لما جيت لاقيتك كاتبة البوست ده قولت في نفسي ما شاء الله ربنا يسعدك كمان وكمان ويرزقك الحب دايما والسعادة

الحمدلله


مبسوط ليكي والله
وفاكرك يا ناسيني


تحياتي لك من ماناساس البلد
:)))

The Eagles يقول...

طبعا مش هقدر اقول حاجة خااااااااااااالص
غير انى فرحان جدااااااااااااااااا ليكى عشان انتى فرحانة
ولو عايزة تسمعى حاجة وتبقى فرحانة ادخلى على مدونة كلبوزة واسمعى الموسيقى اللى هى حطاها عندها انا بسمعها دلوقتى وقفلت الاغانى اللى عندى

انا فرحان ليكى بجد
وعملتى ايه فى الامتحانات ان شاء الله امتيازات وحركات وكدة
ههههههههههههه
ربنات معاكى ويوفقك ويزقك الحب ويخاليه يحبك اضعاف الحب الى انتى بتحبيهوله لان من المستحيل ان يكون فى حد بيحب بالشكل دة الا لو كان اللى بيحبه بيحبه مووووووووووووووت


والسلام..........

Reemo يقول...
أزال المؤلف هذا التعليق.
Reemo يقول...

هو ده يا ياسو يا حبيبتى
هنلف نلف
وفى الآخر هنلاقى اننا عايزين نحب ونتحب
the greast thing u ever learn
is just to love
and be loved in retarn
يارب يديم عليكى سعاده الحب
قبلاتى

نفسنا يقول...

ندعوكم لزيارة العدد الثالث من مجلة نفسنا
ولمن لدية هواية الكتابة ويريد المشاركة معنا نرجو منه مراسلتنا
nafsena@gmail.com

mesh2dra يقول...

السلام عليكم

ربنا يخليهولك
ويسعدكم
ويزيدكم:)

catroz يقول...

ايييييييييييه الاحساس الرائع ده
جميله بجد
و بسيطه اوى
و معبره اوى اوى اوى
ربنا يكرمك يارب
هو ده الحب ولا باش
قالولى المدونه هنا جامده
بجد وصفهم ميجيش حاجه جمب جمالها و الله
:)

سندباد يقول...

جاي اشوف في جديد ولا لاء خير لعل الغياب يكون عادي

أسوور يقول...

مصر هى امى
اعتبره عيد حب يا محمد
:)
انا فى الساحل وراجعة قريب
ويا ريت نتقابل بقى بعد ما ارجع
تحياتى

أسوور يقول...

الأميرة اوسة
منورانى يا قمر والله
فينك من زمان
واحشانى
انا برضه مقصرة فى زيارتك شوية
هاجيلك قريب

أسوور يقول...

ابو ضحى
الحب مالوش وقت ولا معاد ولا مرتبط بمكان
طب يا ريت كان الحب بمزاجنا كدة
تحياتى لصديقى العزيز

أسوور يقول...

وينكى
فعلا يا عزيزتى لازم نحب العيوب ونقبلها قبل المميزات
يا رب تحبى وتعيشى الحب قريب يا ست البنات
تحياتى

أسوور يقول...

مجهول
واحشنى جدا جدا
واشكرك على الكلمتين الحلوين دول
وفعلا انا مش بأكتب غير اللى بحسه والله مؤمنة بيه
واللى عاجبه يقرا واللى مش عاجبه بلاش
:)
تحياتى لك وما تغيبش كدة تانى علية

أسوور يقول...

امام الجيل
للأسف انا فى الساحل
تحياتى

أسوور يقول...

عبقرينو
هآجى اقرا بوستاتك عن الغربة
و وارين بافيت هو ثانى اغنى رجل فى العالم
بعد بيل جيتس
عايزة بقى الجايزة
:)

أميرة يقول...

ياسلام بحبك وانت بتلعب كونكان

وبحبك غالب وبحبك مغلوب

ههههههه

جامدة حكاية الكونكان دى

بقالى كتير ماجيتش هنا وحشتينى ياياسمين

أسوور يقول...

بينو
انا شخصيا اصوت للإختيار الرابع
و اعلم ايها الفتى الغض
انت ما زلت صغيرا فى السن ولا تعلم الكثير
ودة مش اتهام لك ولكنه حقيقة هتعرفها لما يتقدم بيك العمر

عندما نزل الرسول برسالته فى الجاهلية كان يتزوج فيه الرجال بلا عدد
وجاء القرآن ليقنن الموضوع وليس لزيادة العدد كما يعتقد البعض
التقنين فى حد ذاته يعتبر نوع من التكريه زى تحريم الخمر اللى نزل على مراحل برضه
فى حاجة تانية
ليه ربنا خلق حواء فقط لآدم ولم يخلق له اربع من النساء
؟؟؟؟؟
مش برضه حكمة الخلق نفسها تخليك تفكر التعدد فكرة تهدم البيوت تماما وتقوضها وتحطم نفسية الابناء وتجعلهم بلا هوية
ربنا برضه أمرنا اننا نفكر فى امورنا
ولا تنسى وانتم أعلم بأمور دنياكم
ليه ربنا خلق ست واحدة وراجل واحد عشان يعمر الكون فى حين انه قادر على خلق كثير من الإناث لتعمير الكون بقى
ودة ردى على اللى بيقولوا التعدد مباح فى الحرب عشان زيادة النسل
فى حاجة كمان
رغبة الست زى رغبة الراجل تماما
يعنى ايه ابقى متجوزة راجل لبعض الوقت
ربعه او نصه او ثلثه
دة ظلم
ربنا هو اللى خلقنا وهو اللى عارف خلقنا ازاى نحن معشر النساء
وهو برضه اللى عارف ان دى حاجة بتجرح وبتكسر وكمان بتدفع المرأة للرزيلة
صدقنى يا بينو التعدد يدفع المرأة التى يتزوج عليها زوجها للرزيلة

التعدد له شروط شبه مستحيلة
تفتكر ليه؟؟
لو الرسول جه يقول لناس بتتجوز بالعشرين ست ما تتجوزوش غير واحدة تفتكر هيعملوا ايه؟
اكيد هينفضوا زى موضوع تحريم الخمر بالظبط
كمان انت ليه نسيت ان كلمة زواج نفسها تعتمد على الثنائيات وليس التعددية
يعنى الزواج كلفظ يعنى اتنين بس
هما الذكر والأنثى
مش راجل وعدة نساء
عشان كدة قال وانكحوا
لما تيجى آية تنسخ آية التعدد زى الآية الجميلة جدا اللى فيها قال تعالى

وَمِنْ آيَاتِهِ أَنْ خَلَقَ لَكُمْ مِنْ أَنفُسِكُمْ أَزْوَاجاً لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لآيَاتٍ لِقَوْمٍ يَتَفَكَّرُونَ

دة من آياته يا استاذنا
لقوم يتفكرون .. واخد بالك من موضوع يتفكرون دة؟

يعنى لازم نكون بنفكر .. مش ناخد نص ونحلله لنفسنا على حساب بيت واسرة وانسان تانى اسمه المرأة التى شاركتنا كل شىء

صدقنى الموضوع كبير وانت واخد النص بشكل مجرد من التفكر اللى ربنا امرنا بيه
بجد يا ريتك تكون امرأة ليوم واحد بس عشان تفهم وتحس وتعرف اللى ربنا عافه وشايفه وحاسه ومطلع عليه

احنا خلقة ربنا على فكرة وكل حاجة فينا ربنا خلقها
ازاى بقى هيظلمنا؟؟؟؟؟؟
وهو العااااااااااااااادل
تحياتى لك

أسوور يقول...

ريرى
طيبون يا ست البنات
:)
تحياتى

أسوور يقول...

صاحب البوابة
اتمنالك كل خير انت كمان
تحياتى

أسوور يقول...

مايكل
واحشنى يا باشا
يا ريت نتجمع قريب لما ارجع من الساحل
تحياتى

أسوور يقول...

حورية
ماقدرش على الكلام الجامد دة
دة انتى اللى ملكة بذوقك ورقتك وتفاعلك الدائم مع كل القضايا
تحياتى

أسوور يقول...

لمياء محمود
يا رب يخلى كل العشاق
ويا رب تكونى بخير
تحياتى

أسوور يقول...

سفاح كرموز
كلامك حلاو زيك يا سفاح
ورغم انك سفاح الا انك تملك قلب عصفورة
تحياتى

أسوور يقول...

جهينة الجميلة
الحب بيفرح وبيجرح
وبيسعد وبيكسر
بينور حياتنا ويعيشنا فى ظلام لما بيرحل
صح ولا غلط
واحشانى .؟. هتيجى مصر امتى بقى؟

أسوور يقول...

دكتور مستكنيص
فرح ايه يا دكتور
دة انا معايا بنتين
:))))))))
ولا الحب مش من نصيب اللى اتجوزوا خلاص؟
تحياتى

أسوور يقول...

هنودة
احلى تعليق على البوست يا هنودة
بجد اجمل تعليق اتكتب بقلب حب وعارف معنى الحب وفاهم قوى
حسيت انك فاهمة قوى
وحسيت انك اتجرحتى قوى
والتفاصيل الحلوة دى بتيجى تانى
تختفى وتظهر
ممكن لنفس الحب وممكن لحب تانى
الحب مراحل
هتعيشيها هتعيشيها
مرة فوق ومرة تحت
الحب محتاج حروب ومعارك اكتر من الخصام
تخيلى

وقلبى على دموع عنيكى
امسحى دمعتك وكملى رحلتك
وهتقابلى الحب رغما عنك
تحياتى

أسوور يقول...

عاليا حليم
انا فى الساحل يا سكر

تحياتى

أسوور يقول...

دكترة
هآجى ازورك
يا دكتور

تحياتى

أسوور يقول...

The Groom
انت دايما كدة
تفرح لفرحنا وتحزن لأحزانا
وعندك قدرة على التفاعل مع كل الأحداث وكل المشاعر وكل اللى جوانا نحن اصدقاءك من التدوين
انت انسان رائع يا جروم
تحياتى

أسوور يقول...

The Eagles
ازيك يا قمر
واحشنى
والله ما حدش بقى عارف اللى فى القلوب
انما هو بيقول انه بيحبنى
تفتكر اصدقه؟
اقولك
انا عايزة اصدقه
تحياتى

أسوور يقول...

ريمووووووووو
عاملة ايه يا ست البنات
مبسوطة انك ما بتنسينيش خالص
ومبسوطة ان مشاعرك حلوة دايما زيك
تحياتى

أسوور يقول...

مش قادرة
قولى يا رب
آمين
تحياتى

أسوور يقول...

catroz
نورتنى ويا ريت ما تكونش دى آخر زيارة
وشكرا على الإطراء الجميل دة
واشكر كل من له رأى فى مدونتى سواء حلو او وحش
لأن فى الآخر دة معناه انه قرأ لى
تحياتى

أسوور يقول...

سندباد
انا فى الساحل بس
هى دى كل الحكاية
بابلبط وبالعب واضحك واسهر
وكلام كبير من دة
اطمن
جاية قريب

أسوور يقول...

اميرة ويلز
اخيرا ظهرتى تانى
ايه الغيبة دى يا بنتى

شوفتى الكلام الجامد

تيجى تلعبى كون كان
:)))
نورتينى

voice of love يقول...

will u call me , plz.

أسوور يقول...

Anonymous
اللفظ اللى انت مستخدمه غاية فى السوء
وانت ايه اللى مضايقك من نوارة نجم كدة

يا ريت تستخدم ألفاظ افضل من كدة فى مدونتى لأنى رقيقة ومحترمة ومش بحب الألفاظ دى

كنت اتمنى ان يكون عندك قدرة على النقد بدون ابتذال

استخدام اللفظ المبتذل .. الخارج .. الذى يخدش الحياء يضعف المضمون ويلهى الجميع عن رأيك

كل من قرأ تعليقك عند نوارة ماعجبهوش الألفاظ رغم ان ممكن يكون عندك حق فى بعض مما قلت

عموما لو سمحت انا آسفة انى هأمسح تعليقك بخصوص نوارة لأنى ماحبش ان اخواتى وجوزى وبناتى يقروا لفظ زى دة فى مدونة يمكن تعيش اكتر من عمرى انا شخصيا
وأهلا بك رغم كل شىء

محمد حمدي يقول...

الاخ المجهول الى شتم نوارة نجم ..

نوارة مش قديسه ولا رسوله عشان اقول انها فوق النقد .. لكن النقد دة لازم يكون نقد موضوعى مش مجرد شتيمه حقيرة وخلاص .. لكن الحمد لله ادركت من ألفاظك أنك تفتقر لاى قدرة على النقد الموضوعى , أو ان معندكش نقد حقيقى تقوله فا أكتفيت بالشتيمه وخلاص .. وهى حركه صبيانيه تليق بطفل فى الحاديه عشر , بتفكرنى بصحابى لما كانو بيرمو الطماطم البايظه من البلكونه على العربيات ويجرو يخشو جوة قبل ما حد يشوفهم ... صدقنى منتهى لعب العيال

اما انك تفتقر للجرأه أنك تخش بأكونت مدونتك فا دة شىء أغرب وأغرب , ياريت تشوف عيوب نفسك الاول قبل متقذف المحصنات بشتايم اتعلمتها فى فترة مراهقتك من اصدقاء السوء

وتحيه للبروفيسيرة ياسمين الى طولت بالها عليك بصبر مشفتوش غير فى الانبياء .. وتحيه اكبر لنوارة نجم .. النخله المثمرة الى لازم تترمى بالطوب عشان تنزل ثمار كمان وكمان

سلام

maged stephen يقول...

فقط أرجوكى عدم التسرع فى الحكم على الأمور
أدرك تماما قيمة مشاعر المرأة لذلك لزم التنويه الى أنه فى حالة أهتمامك بالتفكير فيما كتبت اليكى ستحصلين على كيسين من أوكسى ايه أوكسى اه أوكسى الكيس البنبى

دومتى قادرة على الحب

غير معرف يقول...

سوري اني قلت الفاظ زي كده بش بجد لازم يكون في حل لامثال نوارة ووائل عباس ..بجد نوارة ووائل دول مخلوش اي شيء جميل الا لما بوظوه ...اللي اسمها نوارة نجم عمالة تتكلم باحترام اوي مع واحدة شاذة جنسيا سحاقية علي مدونة مذكرات فتاة مثلية ..وعمالة تتكلم معاها بادب واحترام وتقوليها يا اختي ويا حبيبتي وكان الشاذة جنسيا دي قديسة او ملاك وبعدين ليل نهار تشتم في عمرو خالد وسعاد صالح ..مالها سعاد صالح انسانة محترمة وصاحبة فكر متجدد ..لكن يظهر انها مش عاجبة نوارة هانم وبتقول علي ان مسيحين انهم افضل منها ..انا مش متعصب ولا مع حد ضد حد ...بس بجد مش معقول نسيب واحدة زي نوارة ووائل باشا عمالين يبرطعوا ويشتموا شوية في المفتي وشوية في عمرو خالد وهما لا عندهم علم في الدين ولا غيره ..بجد نوارة دي هي ووائل عباس ناس مرضي نفسيين مش طبعين بجد لازم يكون في وقفة بجد مع الناس دي ...يعني مينفعش واحد زي وائل عباس ليل نهار يشرب بانجو وحشيش وخمرة ونايم مع نسوان وعاهرات ليل نهار وييجي يعمل وطني ويدافع عن قضية البلد مينفعش لان الوطني لازم يكون قدوة يا ريت تدخلوا مدونته عشان تشوفوا اسلوبه القذر في الكلام ..لكن امثال وائل دول هيزيدو في البلد طول ما في واحدة زي نوارة عمالة تشجع فيه وتطبطب عليه
www.who-is-wael-abbas.blogspot.com
يا ريت تبقوا تدخلوا الموقع ده عشان تعرفوا مين هو وائل عباس اللي نوارة هانم عمالة تدافع عنه اوي وتدافع عن الشواذ من البنات والسحاقيات بجد لازم المثقفين اللي بيفهموا يخدوا بالهم كويس من امثال نوارة ووائل

gohayna يقول...

سمسمه
انا بمسي

وان شاء الله يمكن اكون في مصر اخر اسبوعين من رمضان واقضي العيد كمان

ولازم وحتما وضروري اشوفك يا سمسم

وحشاني يا قمر والله

نفسنا يقول...

ندعوكم لزيارة العدد الثالث من مجلة نفسنا
ومن لدية القدرة على الكتابة ويريد الكتابة معنا يراسلنا
nafsena@gmail.com

S H A H يقول...

و انا كمااااااااااااااان

متزعقيش خلاص سمعتك

وبعدين خلي بالك كدة النت كله اخد باله من علاقتنا

كان كفاية قوي تبقى بيني و بينك :P

ليكي كل الحب و يخليكو لبعض يا رب

أسوور يقول...

ماجد استيفن
انا مش من هواة السلع اللى عليها بروموشن وبأشترى فقط اللى انا عايزاه وواثقة فى جودته حتى لو بأغلى الأسعار
مايهمنيش عرض أوكسى عشان باستعمل برسيل
:)))
تحياتى

Carol يقول...

أحلى حاجة فيكي البساطة و العفوية
يارب تفضلي تحبي كده على طووول

أسوور يقول...

واحد وخلاص
حرية الرأى مكفولة للجميع
كل واحد يقول رأيه بصراحة ومن حق أى حد انه يرد عليه برضه
نوارة تتكلم مع المثليات .. هى حرة
وهم برضه حرين فى سلوكياتهم الجنسية مادامت لا تمس أحد بسوء
ما تقدرش تمنع حد من الكلام مع حد تانى حتى لو انت مش متقبله
كمان رايها فى عمرو خالد وسعاد صالح يخصها ولك الحق فى ان ترد بتعليق عندها على أى شىء تكتبه ولك الحق انك تعترض برضه على رأيها
فى كثير من وسائل الإعلام هاجمت عمرو خالد وسعاد صالح يعنى هى ما عملتش حاجة عجيبة ولا قالت راى مخالف للجميع
اختلاف الرأى لا يفسد للود قضية
دة مبدأى فى الحياة
والقدرة على المحاورة والجدال وافقناع مش محتاجة شتائم بذيئة ولا توجيه تهم ولا قذف علنى
كفاية انك تقول رايك المخالف وتبرره عشان تقنع بيه الناس

أنا مش معترضة على رايك لكن أنا معترضة على أسلوب عرض رايك

يعنى انت ليه ما قلتش رايك من غير شتيمة؟؟ وليه ما حاوتهاش بالحجة والبرهان ؟؟ وليه ما احترمتش رأيها عشان نحترم رايك كرأى آخر؟؟
دى الديمقراطية
والفرق بين الجرأة والإباحية كبير جدا
هى قالت راى بجرأة وانت قلت رايك بإباحية
انت قلت ألفاظ وحشة جدا فى حقها واقتحمت حياتها الشخصية وقذفتها هى وابوها باقذع الألفاظ
فين بقى رأيك انت فى اللى هى كتبته؟؟
الرأى المبرر المفسر الجرىء بدون ابتذال ولا إباحية؟؟

أعتقد انك خانك التعبير حتى انك أضعت قضيتك وضاعت هباءا وسط سيل الشتائم الغاية فى البذاءة التى تحتاج لقاموس مفسر بجد عشان نفهمها

ليه كدة ؟؟

ممكن انا آجى مدونتك مثلا واشتمك لمجرد انى بأخالفك فى الرأى؟؟ وهل الشتيمة دى فى مصلحة عمرو خالد أو سعاد صالح؟؟
لا اعتقد

سؤال أخير
انت ليه مش بتدخل بإسمك؟؟
أنا شخصيا عمرى ما سبت تعليق ماعليهوش اسمى .. عمرها ما حصلت

هل دة خوف؟؟ مش عارفة

فيها ايه لوكنت قلت انك مش معجب بوائل عباس ولا نوارة ولا بتعجبك كتاباتهم وان آراءهم فى عمرو خالد ولا سعاد صالح أو أى قضية أيا كانت لا تعجبك

يا ريت يكون اسلوبنا حضارى .. احنا مدونين يا سيدى .. والمفروض نعلم الناس ازاى نناقش ونعترض ونجادل ونخالف فى الرأى بدون افساد الود

نورت المدونة ..أورجو ان تزور مدونتى بإسمك
تحياتى

أسوور يقول...

جهينة
أكيد مصر هتنور
وأكيد هنتقابل يا ست الكل
تحياتى وقبلاتى

أسوور يقول...

شهريار
ابعد عنى لو سمحت انا ماعنديش وقت للحكايات بتاعة ألف ليلة
أوعى تفكر انى هأحكى وأقول وأعيد ..لأ ..دة الموت أسهل
يا مسروووووووووور

أسوور يقول...

كارول
أحلى حاجة فيكى انك مجاملة
نورتينى يا قمر
تحياتى

harmless يقول...

عمرك اتناقشتى مع حد مختلف معاكى فى الاراء فتلاقيه مخنوق منك ومتنرفز وملامحه كلها غضب وثورة ورغبه فى الفتك بكى؟

طيب عمرك اتعرضتى انك تتناقشى مع حد كده وتلاقى فى وسط كلامه بعض الكلمات المنفلته من اثار نفسه الغضبى ومن ضيق صدره بارائك فتلاقيه مثلا بيقول وسط الكلام

انت مش بتفهمى؟
اللى يقول كده يبقى غبى
ده الجهله اللى بيفتكروا كده
الخ

وتحسى ان الكلمات القاسيه دى بتريحه وبتنفس عن غضبه وبتقلل من فورانه فتقولى لنفسك فوتى وتكملى مناقشه

وبعدين الكلمات المنفلته تزيد وتبقى اكثر وقاحه وهمجيه فتنتقل لكى النرفزه وتبتدى تديله كلمات مماثله وبعدين الالفاظ تشتد وتشتد وتتحول لشتائم مستتره وبعدين شتائم صريحه وبعدين تطول الاب والام والاسره والعيله وبعدين تتحول الى تشابك وصفعات ولطمات وخناقه وكراهيه عميقه تدوم وتدوم

بيتهيألى ما جربتيش كده
:)

المهم انك عودتى ونحمد الله على سلامتك والمياه الراكده تحركت مره اخرى
والمختلفين يصفون حساباتهم عندك
ويحاولون استمالتك لارائهم

واحنا
اتاكدنا ان اختفائك مصيبه ووجودك نعمه

تحياتى

Xee يقول...

ههههههههههههه

انت شككتيني في المكان
أول ما قريت البوست، بصيت على اليو ار ال اتاكد ان دي مدونتك
ايه الكلام الشاعري الجامد ده كله
ههههههههه

مش قصدي والله ان كلامك الباقي مش حلو، بس مش ده اللي كنت متوقع اقراه خالص الصراحة
ان شالله دايما يا رب
:)

تحياتي لردك الجميل على الأخ المجهول الصغير اللي فوق
:)

الباحث عن الحقيقة يقول...

جئت لادعوكم لمدونتى ولكنى كنت سأكون قليل الذوق اذا لم اقرأ البوست
بالفعل كلمات رقيقة واسلوب فى غااااااااية التعبير
احب الكلام الصريح اللى على بلاطه
تقبلى تحياتى

احساس لسه حى يقول...

عزيزتى
انتى بتحبيه فى كل الحالات
بس مقولتيش
بتحبيه لما بيكدب
لما بيحور
لما بيهين
لما تقوليله بحبك الف مره وهو يرد بمره ولا اتنين
بتحبيه وانتى مغمضه ولا قلبك بايدك
سلام

Hossam يقول...

hiiiiiiii yasmina
nice words
congratualtion for ur join to the sharm
c u later
bye bye

غمض عينيك يقول...

:)
ربنل يديم الحب ده طول العمر يا ياسمين
ربنا يهنيكي

محمد سمير