الثلاثاء، 4 سبتمبر، 2007

سما .... فى المدرسة



الجميلة سما كان أول يوم ليها فى المدرسة فى حياتها هو النهاردة
***
سما وأختها نورهما أحلى ضحكة وأحلى بسمة واحلى كلمة وأحلى رسمة فى حياتى
***
كانت فرحانة وقوى ومبسوطة بالمدرسة وحاسة انها كبرت زى اختها نور ولم تبك مثل بقية الصغار فى أول يوم للمدرسة
***
سما ثلاثة أعوام وثلاثة اشهر راحت كى جى وان .. وأختها نور أربعة أعوام وثمانية أشهرفى كى جى تو
***
صحيت الصبح أول واحدة
وجتلى وقالتلى : مامى هو أنا هأروح المدرسة النهاردة - مامى : ايوة يا سما
صرخت فى مرح وهى تقفز بين أحضانى .. مامى .. أنا كبرت يا مامى
***
رجعت من المدرسة اول يوم وسألتها : الميس قالتلك ايه النهاردة يا سما
سما : مش عارفة
مامى : مش عارفة ازاى يا سما هى الميس اتكلمت معاكى ولا لأ؟
سما : أيوة اتكلمت كتير يا مامى - مامى : قالت لك ايه؟
سما : مش عارفة يا مامى .. هو أنا باعرف انجليس - تقصد انجليش يعنى
***
مامى : مين أصحابك فى الكلاس يا سما - - سما : يوسف وتيمور ومحمد عبد الجزار
مامى : قصدك محمد عبد الجبار - سما : لأ محمد عبد الجزار
مامى : يبقى أكيد اسمه محمد عبد الغفار
سما : يا مامى اسمه محمد عبد الجزار .. دة صاحبى انا وأنا اللى عارفة اسمه
***
أول تعليق عن سما كتبته المدرسة فى كراس التعليقات كان ترجمته كالآتى
الى الأبوين: واو .. كان لازم تشوفوا سما فى اول يوم وهى بتتعامل وتتآلف مع كل من فى الفصل
البنت فى منتهى الروعة
***
نور وسما هما نتاج حب عميق له تاريخ طويل .. أحيطهم ويحيطوننى .. بكل الحب
***
سما تتميز بخفة الدم والقفشات الذكية وحفظ كل شىء.. البنت جهاز تسجيل حى .. تحفظ كل الأغانى منذ كان عمرها سنة ونصف .. أسفنجة تمتص كل ما تسمعه أو تراه ويمكن ان تكون دليلك لكل الأفلام بأسماء الممثلين كمان
خيالها واسع جدا وتحكى قصص غير حقيقية بالمرة هى بطلتها طبعا
لمضة وغلباوية وترد الكلمة بمية وتستطيع بمهارة شديدة ان تخرج من اشد المواقف صعوبة بخفة دمها المعهودة
***
نور تتميز بالهدوء والرزانة رغم صغر سنها .. قليلة الكلام وتحب أن تجلس لساعات مع ألوانها وأوراقها ترسم وتلون .. أو تلعب بلاى ستيشن .. أو جيمز على الكمبيوتر
بنت فى منهتى الرقة وبتسمع الكلام ومؤدبة ورقيقة المشاعر للغاية .. حساسة جدا وتشعر بالآخرين وبيلفت نظرها أى حد محتاج مساعدة
بتحب باباها جدا وتعتبره مثلها الأعلى فى كل شىء
رغم كل ذلك تصر طوال الوقت على انها ولد .. وكمان اسمه حمادة .. لا ترتدى الا كل ما يفضله الصبيان من ملابس أو أحذية
ولا تشترى الا كل ما يخص سبيدرمان وبات مان وغيره من لعب الصبيان
***
نـــــــــــــــور وســـــــــــــــــما
فى يوم من الأيام هتشوفوا المدونة دى .. وهتشوفوا البوست دة
وهتعرفوا مامى بتحبكم قد إيه
***
بحبك يا نور .. بحبك يا سما

هناك 50 تعليقًا:

The Alien يقول...

نور وسما
هما أحلي حاجة ف حياتك
وبعدين لازم يكونوا أذكيا ومتميزين
يعني هيطلعوا لمين؟

الواحد بيطمن علي اﻷطفال لما بيعرف مين اللي بيربيهم
يعني متهيألي إنتي هتطلعي بنتين بمعني الكلمة

تحياتي
وعقبال ما يدخلوا الجامعة

Mirage يقول...

رينا يخليوهملك وتفرحى بيهم دايما
وتشوفيهم عرايس زى القمر

زيك كده يعنى

:)

مـحـمـد مـفـيـد يقول...

السلام عليكم
بجد من أجمل نما قرأت منذ فتره
الواحد بيحس وكأنه بيبدأ في جني الحصاد خطوه بخطوه وهو بيشوف اولاده قداموا كده بيكبروا وبشقوا طريقهم
ربنا يباركلك فيهم ويكونوا كما تتمني ان تراهم فانتي تستحقي كل الخير

وبعدين احنا كنا ناويين علي سما لعبد الله بس للاسف طلعت اكبر منه
يالا
يا بخت محمد عبد الجزار

Mohamed Hamdy يقول...

ياه

رجعتيلى ذكريات حلوة اوى أنا لسه لحد النهردة بسترجع ذكريات المدرسه والدراسه .. نور وسما .. بكرة تقروا البوست دة وتعرفو ان ليكو احسن مامى فى الدنيا

سلام

عبدالله يقول...

بسم الله ما شاء الله ربنا يخليهوملك و يباركلك فيهم
وعقبال ما نشوف صور فرحهم بقي
سلميلي عليهم بقي
:))

تحياتي

bos bos يقول...

بسم الله ما شاء الله ربنا يخليهم ليكى يارب
أولا الأسماء بتاعتهم جميلة جدا
وثانيا وده الأهم أنهم بنات لأنى بحب البنات جدا جدا
وأن شاء الله كمان كام سنه لما هيكونوا فى أواخر المرحلة الأبتدائية أو الأعدادية هيقدروا يشوفوا المدونة بتاعتك ويشوفوا البوست الجميل وأكيد هما عارفين من غير حاجة أنك بتحبيهم
تحياتى لكى ولنور وسما

غير معرف يقول...

hi ,ich glaube ich muss etwas unhöflich schreiben und zwar für den person über mich, der intresiert sich für FILM
. wenn Du mann bist und gefühle hast dann weisst Du das ist eltern freuen sich für ihre Kindern und Du hast keine Ahnung undkein meschliche sinn.

sory

محمد ياسر يقول...

ربنا يخليهم ليكى يا رب

و عقبال ما تشوفيهم فى الجامعة و بعدها كمان و عايشين احلى دنيا

كنت مبسوط وانا بقرا البوست

تحياتى

harmless يقول...

نور وسما
اللى شايفينه ان النور جاى من السما
والعلم بيقول ان السما جايه من النور

والحقيقه ان النور والسما جايين من القمر
اجمل قمر منور النت
كل اجزاء قمرنا جميله

voice of love يقول...

أجمل ما كتبتى
وأحلى ما قرأت
وأرقى احساس
وأعمق مشاعر
ربنا يخليهم ليكى ويخليكى ليهم
ويفضلوا دايما السما اللى بتضلل عليكى والنور اللى بينور حياتك
وحشتينى

إسلام يقول...

كتير بتكتبى باحساس زوجة، باحساس حبيبة، و باحساس أخت
لكن المرة دى بتكتبى باحساس أم

أحببنا الزوجة ،و تشاركنا مشاعر الحبيبة ،و تعلمنا من الأخت..لكن ما أعظم الأم

جميل أوى مشاعر الأم فى كتابتك يا ياسمين

ربنا يخليهم ليكى و تفرحى بيهم عرايس زى القمر

frozen love يقول...

حفلة الصحبجيةالرابعة وعيد ميلادها يوم الاتنين الجاي 10 \9 \2007
بجد يا جماعة نفسي كلنا نتجمع اليوم ده..بقالنا كتير قوي متجمعناش وكل واحد مشغول في حاجة...مستنيكم يومها الساعة 8 بساقية الصاوي"قاعة الحكمة...

micheal يقول...

ربنا يخليهملك
تحياتي لكي

Malk Almasria يقول...

ربنا يخليلك نور وسما
ورمضان كريم



ملك المصرية

دنــــيــــــا مـحـيـرانـي يقول...

ربنا يخليهم ليكي و تفرح بيهم دائما يعني هايطلعوا حلوين و اذكياء لمين طبعا مامتهم السكر
ياسمين
كل سنه و انتي و عائلتك الجميله بالف خير و صحه و تقرب الي الله
تحياتي

hosnysoliman يقول...

العزيزة ياسمين
كل سنة وانت طيبة بمناسبة المدارس ورمضان..ربنا يسعدكم ويهنيكم ويجعل ايمهم احلى من ايمناكل امنيات الطيبة وفى شوق لرؤياك

جنـه يقول...

ربنا يحفظلك نور وسما
من كل سوء
ويكبروا لغايه ماتشوفيهم معتمدين علي نفسهم
واصحاب شخصيه قويه
وتفرحي بنجاحهم يوم بعد يوم يارب

مـحـمـد مـفـيـد يقول...

السلام عليكم
العزيزه / ياسمين
كل عام وانت بخير
بمناسبه رمضان واللهم أجعلك من عتقاء هذا الشهر وان يتقبلك الله بقبول حسن
والاسره الكريمه بكل خير وصحه وسعاده
وان يجعل هذا الشهر شاهد لنا لا علينا

شيماء الجيزى يقول...

الله
الله يا سما يوم جميل بجد..ممكن تقوليلها تاخدنى معاها
:d

بجد
انتى ام رائعه يا ياسمين
وهما كمان
يستحقوا انهم يملكوا ام بحنانك وحبك وعقلك

ربنا يخليهملك وتفرحى بيهم

.............

على فكرة
من غير ميقروا البوست لو كبروا
عارفين انك بتحبيهم
قبلاتى ليهم

Marvel - واحد زهقان يقول...

ما شاء الله..ربنا يحميهم ويكبروا ويبقوا حاجة حلوة تنفع بلدهم
:DD

mohamed hesham يقول...

بوست جميل جدا ...

ربنا يخليهمك يا رب وبكونوا بخير دايما

والسـ ختام ــلام

mariam يقول...

رينا يخليهم لك و يفرحك بيهم
و تشوفيهم و هما بيكبروا
و بيتوفقوا فى حياتهم ان شاء الله
دلوقتى بس عرفت ليه المدونه
اسمها سكاى لايت
يا رب يطلعوا لمامتهم كده

Rania يقول...

البنات اجمل الكائنات رقة وحنية على جدعنة زي ماما ياسمين بالضبط ربنا يكرمهم ويحفظهم ويفرحك بيهم يارب وكل سنة وانتم طيبين بمناسبة شهر رمضان الكريم
قبلاتي لك وللحلوين نور و سما

safa7_karmooz يقول...

بسم الله ما شاء الله ..:)

طب على كده انا احجز من دلوقتى عروسة :D

ربنا يخليهوملك بجد بجد ...

وان شاء الله لما يكبروا يشوفوا التدوينة دى اللى بدورلها على اى تعليق مش لاقى بجد..:)

Reemo يقول...

بسم الله ماشاء الله يا ياسمين
البنات حلوين اوى
ربنا يخليهوملك يارب
وتفرحى بيهم وتشوفيهم عرايس حلوين

كل سنه وانت بألف صحه وسلامه انتى وبناتك الحلوين
رمضان كريم
يعوده الله عليكى بالخير
قبلاتى

غير معرف يقول...

هاى ياسمين

ازيك

ممكن تدخلى على الاميل عايزة اكلمك

tomarb2001@hotmail.com

غمض عينيك يقول...

ربنا يخليهملك يا ياسمين وتفرحي بيهم دايما كده

دانتي من حبك فيهم..البوست طالع تحفة وخلاني احبهم هما كمان

ربنا يباركلك فيهم

محمد سمير

آلام وآمال يقول...

اللــــــــــــــــــــه
ايه الجمال ده ما شاء الله
ربنا يبارك لك فيهم وتشوفيهم احسن واحسن يارب

بجد تدوينة فرحتني اوي وحاسس بالحب الجميل ده
حب الام
ربنا يخليهملك

ياريت تسلميلي على القمرتين اللي عندك

:)

OverForty يقول...

شكلهم لذيذ قوي فى المدرسه مش عارف ليه افتكرت نفسي وانا قدهم طبعا ده كان زمان قوى و فاكر ارض الطابور كانت اسفلت و كنت فاكرها زى الشارع و قعدت ادور على رصيف اقف عليه علشان العربيات لما تيجى على الاسفلت متدسنيش طبعا اخر عبط بس ساعتها كان الموضوع مهم
ايه يالله ربنا يخليهم لك و تربيهم كويس ما هو لو كل واحد ربا عياله كويسه حتبقى بلدنا حاجه تانيه خالص

The Groom يقول...


ربنا يباركلك فيهم يا رب ويحميهم

سلميلي عليهم كتير

ويا رب يبروك وتفرحي بيهم لما يكبروا يا رب

تحياتي لك من ماناساس البلد وفاكرك يا ناسيني

coca يقول...

السن دا متعه والاطفال وتربيتهم رغم صعوبتها بس هي نعمه ربنا اديهالنا
ربنا يخليهوم ليكي
تحياتي

Hannoda يقول...

أروع بوست كتبتيه يا ياسمين

قلبي فرح بنور و سما من كلامك
وتخيلت فرحة قلبك انت بيهم ففرحت أكتر

ربنا يباركلك فيهم و يطلعوا زي ما بتتمنيلهم عشان أكيد أكنياتك ليهم هي أعظم منأي دعوة ممكن يتخيلها عقلي

مستنية لما يكبروا و أشوف أخبارهم المميزة جدا علىالمدونة

أكيد حاتكون أخبارهم مميزة عن أي أطفال لإن أمهم بجد مميزة جدا

وانت طبعا عارفة أكتر مني ايه اللي بيميز اي انسان عن باقي أفراد جنسه

LAMIA MAHMOUD يقول...

ربنا يخليهوملك يا ياسمين

ويخليكي ليهم

كنت بدور على ميلك بس فضلت اني اقولك الاول

ياريت لو تقدري تضيفي الميل ده عندك عشان ابقى اديكي الميل التاني

lmy20_incomplete@hotmail.com

الربان يقول...

تحياتي

الف مبروك و ان شاء الله ربنا يوفقهم...و عقبال الجامعة...و الا أقولك...بلاش جامعة لان الخريجيين بدون عمل....

المهم...ربنا يوفقهما و يسعدهما.

تحياتي

Fantasia يقول...

God protect your precious daughters. They're so cute! You should be so proud of them.

Not all mothers can sense the importance of the first school day in the life of their children. You've got this sensitivity because of the special bond you've developed with your kids. Keep this unique relatioship with them and always shower them with your love and attention, they can never have enough of it.

My best wishes to Nour and Sama. May you witness them flourish into wonderful, successful women who can pay you back all the love and care.

إسلام يقول...

كل سنة و انت طيبة يا ياسمين و كل الناس بخير

رمضان كريم

كراكيب عادل يقول...

كل سنة وانتم طيبين

farida يقول...

يا حبيبتي ربنا يبارك لك فيهم و يجعلهم خلف صالح

كل سنه و انتي و هم بخير و صحه و سعاده يا ياسمين

رمضان كريم

safa7_karmooz يقول...

كل رمضان وانتى بخير

micheal يقول...

رمضان كريم

islam يقول...

ياسمين
السلام عليكم

يارب يكبروا كده لحد ما يبقوا فى الجامعة وهكذا بقى
كل سنة وإنتى طيبة
السلام عيكم

.:.-=- ELGaZaLy-=-.:. يقول...

ياه يا ياسمين

ربنا يخليهوملك يارب,,,

كل سنة وانتى طيبة وهما طيبين وعقبال ما تحضرى افراحهم يارب,,,

رمضان كريم يا صديقتى العزيزة

سهر الليالى يقول...

اقول ايه سكر وحبيبه قلبى من جوه وانتى عارفه غلاوتها عندى مبروك وعقبال ماشوفها داخله الجامعه يارب .ربنا يخليهملك ويفرحك بيهم يا جميل وقوليلها تسلملى على محمد عبد الجزار لحد ماشوفها:)

ياسمين يقول...

سهر الليالى
أخيرا ظهرتى يا بنتى
دة النت مضلمة بقالها كتير والمدونين عاملين اعتصام فى ميدان عبد المنهم رياض عشان انتى مش باينة

وحشتينى بقى
وان كان على سما هى كل شوية تقولى انها عايزة تروح عند ميرا
يا ريت تاخديلنا معاد بقى

حـريــة الــفـكــر والابــداع يقول...

ماشاء الله
الله يباركلوا فيهم
وعقبال ما تشوفوهم فى المكان الى تبغوهم فية

د /إياد حرفوش يقول...

ما شاء الله
ربنا يخلي الاتنين و يبارك فيهم، عقبال الجامعة
تحياتي و تقديري

توتة توتة يقول...

ربنا يخليهوم ليكي و يخليكي ليهم بس نفسي افهم يعني مين عيل صغير في كي جي ون اهله مسمينه تيمور دا انا اللي في سني و اسمه تيمور بهريه تريقة

koukawy يقول...

ربنا يخليهوملك و يخليهم ليكي
و يملي حياتكم دايما بالسعاده

غير معرف يقول...
أزال أحد مشرفي المدونة هذا التعليق.
غير معرف يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室