السبت، 15 سبتمبر، 2007

أحبك حتى الموت

اعترف انى لم أكن أعلم كم هو مغامر وكم هو جرىء
فاجأنى .. اذهلنى .. بمغامرته الجريئة
جولة فى سيارة جيب زار خلالها 23 ولاية أمريكية
لم يستوقفه الا سواد الليل أو رغبته فى الحصول على قسط من النوم
أرفع قبعتى وأنحنى أمام اصراره وتصميمه على المضى قدما فى مغامرته الجريئة
انسان غير عادى فى زمن العادى .. لكن حبه أبدا مش عادى
***
لقد كان حبنا هو أكبر مغامرة فى حياتى وحياته
حبنا الذى تملؤه كل المعانى وكل ما يمكن أن يمر به العشاق
حب وفراق.. شوق واشتياق .. غرام ووله .. مغامرات وتضحيات.. لقاء وبعاد
نيران تندلع .. ونيران تنطفىء .. قسوة وحنان .. عذاب وانتقام
أشواك وزهور .. أحلام وآلام .. دفء وجليد .. شمس تشرق وظلام يحل
لكن لا شىء يفرق بيننا
ان فرق المكان .. يبقى كل منا داخل قلب الآخر
وان فرق الزمان .. يبقى كل منا فى ايام الآخر
هو أنا .. وأنا هو
***
لا شىء يشعرنى بالأمان أكثر من قدماى تلامس قدماه فى فراش يملؤه الدفء والحب
أمد قدمى لتلامس احدى قدميه كل ليلة قبل أن أخلد إلى النوم .. فقط لأتأكد أنى ما زلت أحيا
أحيا بين يديه .. أحيا فى ظل حبيب علمنى الدهر أن العشق هو .. هو نفسه حبيبى
ان كنتم لا تعرفون الحب فإقرأوا تلك السطور
الحب .. أن تجتاز كل الآلام وأن تقفز فوق الحاجز والحد
أن يبقى شيئا مهما دار العمر ومهما اختلف الوقت
أن نعثر فى داخلنا عن شخص ونصبح نحن هو أو هو نحن
أن يخرج هذا الإنسان ويصبح احساسا
ألا نذكر الاه عند الأزمات وعندما تظلم ايامنا
عندما تخنقنا الأسئلة ولا نجد الا عنده رد
حبيبى ورفيق عمرى
أحبك حتى الموت

هناك 63 تعليقًا:

Mohamed Hamdy يقول...

مش معقول

انا فرحان اوى انى اول واحد اعلق .. متهيالى انا ضربت الرقم القياسى

اما عن البوست فا بجد .. كلام طالع من اعمق اعماق القلب .. وياريت رفقا شويه بالناس الى مجربتش الاحساس الجنونى المسمى الحب

وياريت تقولى انك كمان بتحبيه حتى الموت وبعد الموت .. مظنش الموت قادر على انو يفرق بين الاحباب الى زيكم

ربنا يهنيكم ويوفقنا كلنا وكل سنه وانتى طيبه

أبو ضحى يقول...

هو الحب جميل كده
:)

من كلامك بيظهر ان المرأة- لو اعتبرنا أن رأيك هو رأى الأغلبية من النساء- بتحب الراجل اللى عنده دايما جديد و غريب..و مش بيشدها الراجل العادى اللى بتقابله كل يوم فى اى مكان

لكن حتى كلمة مش عادى دى بتختلف من واحده للتانية
و متهيألى ان الواحد فينا بيكون عنده استعداد انه يحب كل حاجة فى انسان معين و يحس بكل الاشياء العادية انها حاجات مميزة اوى لو هو وقع فى حب الانسان ده

كلامك حلو اوى يا ياسمين..انا سعيد بالاستقرار العاطفى ده..و اتمنالك الافضل دايما
,,,,,,,,,,,,,,
أمد قدمى لتلامس احدى قدميه كل ليلة قبل أن أخلد إلى النوم .. فقط لأتأكد أنى ما زلت أحيا
أحيا بين يديه .. أحيا فى ظل حبيب علمنى الدهر أن العشق هو .. هو نفسه حبيبى
,,,,,,,,,,,,,,

تحياتى

farida يقول...

كل عام و انتم الاثنين بخير يا ياسمين
بوست اكتر من رائع

Mohamed A. Ghaffar يقول...

احبك اه ، حتى الموت لا

Mohamed يقول...

يلا يا شباب, تعالوا اعرفونا و نعرفكم
و أكيد هنعمل حاجة Trateesh Kalam

Mohamed يقول...

يلا يا شباب, تعالوا اعرفونا و نعرفكم
و أكيد هنعمل حاجة Trateesh Kalam

.:.-=- ELGaZaLy-=-.:. يقول...

هممممممممممم

اية الحلاوة دى..مش عارف لية فى الاخر كنت مستنى انها اقتباس من رواية ذهب مع الريح او حاجة زى كدة

:)

ربنا يسعدك يا ياسمين

ياسمين يقول...

محمد حمدى
انا اللى اتشرفت بجد بتعليقك الأول على البوست
تصدق انا كنت لسة ناشراه ولقيت تعليقك بعد ثانية واحدة

حقيقى رقم قياسى

كل سنة وانت طيب

وصدقنى الحب هتلاقيه بس ماتستعجلش عشان يطلع للحد الصح فى الوقت الصح
تحياتى

ياسمين يقول...

أبو ضحى
المرأة تكره الملل بطبيعتها مش بس الراجل هو اللى بيمل وبيزهق
الراجل لما بيحس بملل .. أو كثير منهم يعنى .. بيدور على ست تانية تضيع الزهق دة
فى حين ان الشخص الذى يشعر دائما بالملل ويحتاج لشخص آخر لإدخال البهجة على نفسه هو فى الأصل شخص ممل
ليه؟
لأنه لو ماكانش ممل كان ضيع الملل بنفسه بحاجات ومتع كتير ممكن يعملها
عشان كدة المرأة تسعد عندما تجد ان رجلها يستطيع ان يحطم الملل ويغامر ويقامر .. بتحس انها مع شاب فى العشرين مهما طال العمر
مع مغامر سوف يأخذها الى عرض البحر او عنان السماء
اى بنت بتحلم بالفارس والحصان
الشخص الغير عادى لخصته كل نساء العالم فى الحصان اللى عليه فارس هيخطفها
طب ليه يخطفها؟؟
دى كناية عن المغامرة والغير عادى الذى سوف يمنحه لها حبيبها المرتقب

التجديد يا اسلام
التجديد

الا قل لى .. انت رجعت ابو ضحى تانى ولا ايه؟؟؟؟؟
تحياتى

ياسمين يقول...

فريدة
وانتى طيبة يا ست الكل
تحياتى

ياسمين يقول...

محمد عبد الغفار
ليه حتى الموت لأ؟؟
انا عايزة اموت بين ذراعيه
طب دى تبقى احلى موتة والله

كل سنة وانت طيب

ياسمين يقول...

محمد
حاضر هنيجى
تحياتى

ياسمين يقول...

الغزالى
الحلاوة دى حلاوة الحب يا غزالى
كل سنة وانت طيب
تحياتى

you know who يقول...

23 ولايه
ياماما ده يبقى طفشان مش مغامر

ولو العمليه كده ده الواحد يبقى ابن بطوطه من بكره

maged stephen يقول...

أرى الحب اخلاء للذات

The Eagles يقول...

ازيك يا ياسمين
عاملة ايه اي اخبارك
طبعا الكلام الجامد دة ما يطلعش الا من حد جامد مشاعره فياضة واحسيسه جياشه
البوست اللى فات زى السكر على فكرة وكتاكيتك زى السكر
ربنا يخليهملك يااااااااااااااااااااااااااارب
وتفرحى بيهم دائما


والسلام..........

LAMIA MAHMOUD يقول...

ربنا يخليكوا بعض يا جميلة

حلوة يا ياسمين اوي

مش فاهم حاجة يقول...

معتقدش ان المغامرة

انة يلف كل الولايات دى

بدون راحة

المغامرة الحقيقية

انة يخاتر حبيبة تلف معاة

ويبقوا يقضوها لف

تحياتى
على كلماتك اللى
الاحساس
بيطلع منها
يدخل القلوب
من حتى ما يخبط على ابوابها

ياسمين يقول...

you know who
والله الطفشان مسيره يرجع
والبعيد مسيره يقرب
لكن الحب بيفضل دايما مهما بعدنا
تحياتى

ياسمين يقول...

ماجد ستيفن
يعنى ايه اخلاء الذات؟؟؟

ياسمين يقول...

The Eagles
كل سنة وانت طيب يا ايهاب
تحياتى

ياسمين يقول...

لمياء محمود
انتى الأحلى يا ست البنات
كل سنة وانتى طيبة
على فكرة اضفتك عندى بس مش بأشوفك اون لاين خالص

ياسمين يقول...

مش فاهم حاجة
عموما هو كدة مديون لية برحلة زى دى
او بمغامرة جريئة نعملها سوا
اقولك
حبنا هو اكبر واجمل مغامرة
تحياتى

غمض عينيك يقول...

ربنا يخليكوا لبعض يا ياسمين
وكل سنة وانتوا طيبيين

رمضان كريم
محمد سمير

عصفور بلا أجنحة يقول...

كلام جميل اوى ومشاعر ايضا جميلة
كل سنة وانتى طيبة

سهر الليالى يقول...

ايه ده كله ايه ده كله ياسلام على كده يا سلام ربنا يديم عليكى حبه يا ياسمين ويخليكوا لبعض يارب ويروق بالك كده على طول كل سنه وانتم طيبين وحمدلله على سلامته ...وحشتينى

ياسمين يقول...

غمض عنيك
كل سنة وانت طيب يا محمد
نورتنى دايما يا رب
تحياتى

ياسمين يقول...

عصفور بلا أجنحة
دة انت الأجمل يا عزيزى
كل سنة وانت طيب
تحياتى

ياسمين يقول...

سهر الليالى
شفتى
تفتكرى هييجى بفايدة؟؟
:)
ما علينا
كل سنة وانتى طيبة يا احلى المدونات

harmless يقول...

حلو
شوية مشاعر كتير

فرحــــــه ... عشان انتى فرحانه
واســــتغراب ... عشان اوقات مش بتبقى فرحانه
وأمــــانى ... انك تستنى على طول فرحانه
وتـــــأمل ... عشان مش كل الناس فرحانه
وغــــيره ... عشان ماليش حبيبه فرحانه

ما تاخديش فى بالك
تخاريف صيام بقى ورمضان كريم

ناديه يقول...

القبعة ترفع لكى انتى عزيزتى
انتى البطلة و المغامرة التى عرفت كيف تقتنصه و تروضه و ترضى غروره ... بذكاء
خايفه عليكى من مشاعرك الجياشة .. انتى ذى ما تكونى بتتكلمى عن واحد غير اللى كنتى بتكلمينا عنه زمان
خللى بالك من نفسك ..
و الاحسن تقولى بحبك موت مش حتى الموت .. الفرق كبير
تحياتى لكى و كل سنة و انتى طيبة
ناديه
nadiataha.maktoobblog.com

ياسمين يقول...

هارملس
ولا يهمك يا باشا
والنبى باين اننا كلنا بنخرف
تخاريف صيام برضه
كل سنة وانت طيب

ياسمين يقول...

نادية
الحياة دول يا عزيزتى
يوم فوق
ويوم تحت
يبقى لما ييجى الفرح نفرح قد ما نقدر
ولما ييجى الحزن نحاول نتحمل لحد ما ييجى الفرح تانى
كل سنة وانتى طيبة

ناديه يقول...

ربنا يفرحك يا ياسمين يا حبيبتى و يسعدك يارب
انا بس خايفة عليكى من الحسد ربنا يحميكى و يحفظك
و كل سنة و انتى طيبة
ناديه

voice of love يقول...

ده هوه اللى يا بخته بيكى
فيه حد يلاقى الحب ده كله وميسلمش ويرفع الراية البيضا
ربنا يخليكم لبعض ويبعد عنكم عيون الناس ويخليلكم البنات الحلوين
وحشتينى جدا
كل سنة وانتى طيبة

maged stephen يقول...

ياسمين
ليس لدى أدنى شك فى قدراتك المعلوماتية واللغوية ولذلك سأعتبر سؤالك لى كمية من الدعابة على أساس أنى كلامى قد يبدو مجعلظ وذلك حتى توضحى لى أكتر

The Alien يقول...

أنا هصدق إن فيه كدا
بس عشان إنتي اللي بتقولي

أتمنالك كل السعادة
تحياتي

gohayna يقول...

ياسمين يا حبيبتي

كل رمضان وانتي بالف خير وبتعيشي احلي احساس يارب

انا جيت امسي عليكي واقولك رمضان كريم

وبجد وحشتيني اوي

طمنيني عليكي لو سمحتي

تحياتي ليكي

Carol يقول...

رائعة كلماتك
منطلقة كحصان جامح حر في البرية
تجلب للعاشقين شحنة قوية لتجدد حبهم

mohamed hesham يقول...

الصراحة مش عارف أقول ايه ؟ ...

أنا عارف ومتأكد ان فيه حب كده وأكتر من كده بجد يا رب يخليكوا لبعض وبوفقكوا دايما ...

أهديلك المقطع ده من أغنية ألف ليلة وليلة لسيدة الغناء العربي :

"يا رب تفضل حلاوة سلام أول لقا في ايدينا ... وفرح أول معاد منقاد شموع حوالينا ... ويفوت علينا الزمان يفرش اماله علينا.. يا رب "


والسـ ختام ــلام

كلاكيت تانى وتانى يقول...

ياسمين
الحب لا نجدة فالحياة الا مرة واحدة فأذا وجدتية فلا تتخلى عنة أبدا فهو نادر فى عالم ملئ بالأشواك
أدام عليك اللة السعادة والحب ومتعك بكل لحظات الراحة فى الحياة
تحياتى

goodman يقول...

الكل يعتقد انة يحب حتى يصعب معرفة من يحب انسان
ومن يحب الحب نفسة
اعتقد اننى احب
ليس شخصا معينا
ولكنى احب فكرة الحب نفسها
تحياتى القلبية

safa7_karmooz يقول...

ممممممممممممممممممم

23 ولاية كى يصل الى قلبك ام كى يأكد انه مازال يتجول بداخلك وداخل قلبك بكل حرية ؟؟؟

هوا فعلا اكبر مغامرة حبكم لبعض

كلماتك ادخلت السرور الى قلبى قليلا ..

جعلتنى ابتسم ...واطمئن ان هناك حبا مازال يدور فى تلك الحياة

وجعلتنى اضحك كثيرا لاننى لم استطع ان اجد وصفا يكفى ما سطرتيه بأصابعك حقها ..:)

Aardvark EF-111B يقول...

كلمات لطيفه من مشاعر هادره
أرفع قبعتي

آلام وآمال يقول...

no comment
توبيك مذهل

ياسمين يقول...

voice of love
انتى كمان واحشانى يا قمر
مش هاشوفك على الماسنجر حتى ولا ايه؟
ابقى اتصلى لما تبقى فاضية

ياسمين يقول...

ماجد ستيفن
انت قلت ان الحب هو اخلاء الذات
انا قلت يمكن انت تقصد التجرد من رغبات النفس والنظرة الأنوية
واذا كان دة رايك فأنا أخالفك
الحب هو تقدير الذات يا سيدى
الحب هو أن تحب نفسك عندما تحب شخصا ما
الحب هو أن تجد ذاتك فى وجودك مع انسان معين
الحب هو أن تحب وتكون مستقلا بذاتك فى الوقت نفسه
تحياتى

ياسمين يقول...

The Alien
صدقنى هو موجود فعلا
بل اننا نستطيع أن نوجده وان نحييه وأن نميته كذلك بأيدينا
لما تلاقيه تعالى قل لى وأعدك بالوصايا العشر التى تبقى على الحب للأبد لأنه كالطفل يحتاج لرعاية حقيقية وبإخلاص وخلى بالك ان فى فرق كبير بين انك تحب شخص وتهتم بيه وبين انك تهتم بالعلاقة نفسها وتحافظ عليها
العلاقة أهم دايما
تحياتى

ياسمين يقول...

جهينة
انتى كمان وحشتينى جدا
كل سنة وانتى طيبة يا ست البنات
تحياتى

ياسمين يقول...

كارول
اشكرك على تشبيهك الرائع
وسعيدة انى مسست قلبك
تحياتى

ياسمين يقول...

محمد هشام
فى يا محمد .. فى حب بس احنا اللى بندور على الجديد رغم ان القديم ممكن يكون بين ايدينا وحلو وكافى

شكرا لإهداءك
يارب
تحياتى

ياسمين يقول...

كلاكيت
دة صحيح
الحب الحقيقى نادر لكنه موجود
تحياتى ونورت المدونة

ياسمين يقول...

جودمان
حتى وان أحببت الفكرة فقط
هذا كافى لإنجاح العلاقة
المهم هو انجاح العلاقة وليس التركيز على شخص بعينه سواء كان هذا الشخص انا أو حتى من احب

تحياتى

ياسمين يقول...

سفاح كرموز
ازيك يا باشا
كل سنة وانت طيب

الحياة حلوة بس نفهمها
تحياتى

ياسمين يقول...

Aardvark EF-111B
دة أنا اللى أرفع قبعتى وأنحنى أمام ضيفى الجديد
تحياتى لك وكل سنة وأنت طيب

ياسمين يقول...

آلام وآمال
تعليق قصير لكنه مؤثر
تحياتى ونورت المدونة وكل سنة وانت طيب

Fantasia يقول...

How Romantic! The way you expressed those feelings isn't only beautiful, but also conveys lots of facts. First, you explained that this person is different, thus he deserves an exceptional love. Then, you linked feelings of love to feeling secure, which is very true. A woman who doesn't feel secure can never be in love.
You both like to take risks when the prize is worth it. That's what happiness is all about. Investing all your emotions in such a way is a big risk, but it only makes sense when you know that the one you love understands what you're risking.
I enjoyed reading all those lines and what's between them. Thanks for this wonderful post.

The Groom يقول...


جميل

:)

تحياتي لك من ماناساس البلد

شيماء الجيزى يقول...

انا بعترف انى قرأت الموضوع كتير جداً
صراحةً حبيبتى
لم اتخيل ان اجد امرأة تعشق كل هذا العشق؟
اننى لست حاسده ..ولكن كمية الرضا عن هذا الحب
والتمنى للاستمرار
يحيرنى ..بل هو يجعلنى ايضا سعيده
لست سعيدة لكى فقط ..ولكن لان نظرتى لوجود الحب مازالت موجوده
مازال الحب موجود
ويملأ قلبك
ويملأ هذا القلب الجميل

تحياتى لأحساس عميق
وحب صافى

Fantasia يقول...

dear yasmine,
please accept once again my sincere gratitude for nominating our blog to receive the WUBA. We're so thankful to you and we hope that you will continue to back us with your encouragement and support.

نارديــــــن يقول...

قرأت السطور وهذا هو الحب حقاً
واكثر
وأكثر
وأكثر

koukawy يقول...

الله حلو اوي البوست لو كل اتنين فضلوا كده بعد الجواز
بس بس ..........ز سيبوني احلم

S H A H يقول...

بجد من اجمل ما قرات عن الحب