الخميس، 10 أبريل 2008

عندما نفقد الحب


الحب هو احدى الحاجات الإنسانية الملحة .. ماذا يحدث ان فقد الإنسان الشعور بالحب والتقدير؟؟
عندما نشعر اننا غير محبوبون او ان لا احد يقدرنا نقع فريسة لمرض يسمى الإكتئاب

والإكتئاب ينشأ نتيجة شعور عميق بالحزن او بالصدمة العاطفية لفقدان شخص نحبه او هجر من الحبيب او بوفاة عزيز وخلافه من مسببات الحزن

وهو تغير فى كيمياء المخ بحيث يقل افراز مادة معينة تدفع الإنسان للشعور بالبهجة عند حدوث شىء مبهج
وهى تساعد على شعور الإنسان بالحماس لشىء ما والرغبة فى تحسين حياته ومستقبله
والإكتئاب ليس حالة .. بل هو مرض .. مرض حقيقى يأكل كل شىء جميل فى حياتنا
يأكل ماضينا وحاضرنا ومستقبلنا ايضا

فهو ليس مرضاً نفسياً فقط وإنما يؤثر علي الأعضاء والمزاج، والتفكير. يؤثر أيضاً علي نومك وطعامك، والطريقة التي تفكر بها عن نفسك وعن الأشياء التي تحيط بك

فالمصابون به يفتقرون إلى احترام الذات. وهم يشعرون بفقدان الأمل والمساعدة والتقدير. والتشاؤم لديهم أمر عام كما أن اتـهام الذاتِ أو الشعور بالذنب أمر مألوف. وأيضًا فقدان الاهتمام بالعالم أو البيئة المحيطة يؤدي إلى جعل الناس المكتئبين معزولين، ومنسحبين من الاتصالات المهنية والاجتماعية. والاكتئاب يخل بالقدرة على التركيز وحصر الاهتمام في ناحية معينة. ويشكو المصابون من ضعف في الذاكرة، كما أن أفكارهم المثمرة تستبدل غالبا بتأملات متكررة في الأعراض البدنية، والمرض، والموت. وبالرغم من كل هذا الانشغال بالذات، فإن إهمال الذات يكون هو القاعدة السائدة
فقدان الشهية احيانا والشره احيانا .. الأرق الشديد والنوم العميق لوقت طويل احيانا
فقدان الرغبة الجنسية وعدم الشعور بأى متعة

يشعر انه فى بئر عميق مظلم وان كل من حوله لا يسمعون صراخه
يشعر انه غير محبوب وغير مرغوب ولا يهم وجوده احد وان وجوده زى عدمه
يشعر ان الدنيا من حوله سوداء وانه ليس له مستقبل

و تلاقيه بيقول الجملة الشهيرة .. مبقاش فى حاجة بتبسطنى
يتم علاج الإكتئاب ببعض الأدوية والتى لها تأثير سلبى واعراض جانبية كثيرة
وقد لا يستطيع الإنسان الإستغناء عنها لأنه تمنح المخ المواد اللازمة لحدوث البهجة
يفتقد التشجيع والحب وتقدير الذات

فى طريقة تانية لعلاج الإكتئاب
ان يشعر الشخص المكتئب بالحب .. بالإهتمام .. بالتقدير من الآخرين
حيث ان للمحيطين بالمريض اهمية كبرى فى تفاقم المرض
ان يسمع كلمات تشجيع وتقدير والا يتعرض للنقد حتى وان اخطأ
لأن النقد ولو كان بسيطا يدهور حالته ويشعره انه فاشل للأبد وانه لا فائدة مرجوة من وجوده فى الحياة

فلنشجع بعضنا البعض
فلنحب بعضنا البعض
فلنقدر بعضنا البعض
حتى لا نقع فريسة لمرض لا يرحم ينتهى بإثنين لا ثالث لهما
الإدمان .. أو .. الإنتحار



هناك 28 تعليقًا:

غير معرف يقول...

الحب هو أصل الوجود والحياه
الحب كل أنواعة وأشكاله
حب الأهل
الأصدقاء
الجيران
المعارف
الزملاء
حب الزوج لزوجته
حب الخطيب لخطيبتة
الحب هو القوة التى تدفعنا للأمام
الحب هو الحياه
الحب هو حياة كل أنسان

الحب يقوى ويدفع للأمام ويجعل الأنسان فى حالة سعاده دائمة وفى حالة ثقة بالنفس واستقرار نفسى وعاطفى كبير جدا

أشعر الأن بأنى أقوى وأعمق وأنقى عندما شعرت بالحب الحقيقى مع خطيبى العزيز
كل شىء أصبح له لون آخر
كل شىء أصبح أحسن وأعمق وأجمل
تغيرت كثيرا للأفضل بعد وجود هذا الحب فى حياتى

تحياتى لكى على الموضوع الجميل

مـحـمـد مـفـيـد يقول...

تحيه لكي أولا علي البحث الرائع ومقالك البديع
الحب
ذلك الشئ الذي لا يستطيع اي ان انسان يحيي بدونه ويعيش وكأنه غير حي
الحب هو قمه العطاء والوفاء والفناء من اجل الاخرين
ولا تستقيم هذه الحياه الا به
ولابد من الفهم المعني الحقيقي له

غير معرف يقول...

استغرب بعد كده لو لقيت انسان بيحاول يحرم حبيب من حبيبه
ناس كتير بتنسى الحب وسط زحمه الحياه اليوميه
بتحس بالاكتئاب وعلى اساسه بتنشغل اكتر فى حياتها وتقول ماعنديش وقت للحب
وماتعرفش انها بتهرب من علاجها
البوست ده رائع جدا كدراسة تحليليه
على فكره.. الماده اللى بيفرزها المخ وتشعر بالبهجه اسمها سرتونن
وممكن تزودي الماده دى فى الدم لو اكلتى شيكولاته كتير
حد عرف دلوقتى انا ليه باعشق الشيكولاته
:P

مصر هى أمى يقول...

ياسمين

حمد الله على السلامة
انا هاقولك كلمة واحدة احنا عايشيين بالحب هوا اللى بيتحكم فى كل حياتنا
حب الله
حب الدين حب الوطن جب الاهل
حب الزوج والحبيب
حب الابناء
حب الاصدقاء

الحب هوا اللى بيدينا الطاقة علشان تستمر الحياة

micheal يقول...

بصفتي واحد من كبار المكتئبين أؤكد لكي أن كل ما ذكرتيه عن أعراض الاكتئاب صحيحا و لكن مش شرك يكون الحب و فقدانه هو سبب الاكتئاب و أنا بقولك الكلام ده عن ثقه
تحياتي

أسوور يقول...

bos bos
الحب يشعر الإنسان بقيمته ويعطيه دافع لحب الحياة
وعندما نشعر اننا محبوبون نصبح فى مركز قوة .. قوة دافعة لكل نجاح
تحياتى

أسوور يقول...

محمد مفيد
هى حقيقة لا جدال فيها
الحب يمنحنا طاقة لا حدود لها
وشعور بالأهمية ودافع للنجاح
تحياتى

أسوور يقول...

وينكى
فعلا هى مادة السروتونين
الموجودة فى الشيكولاتة والكولا والقهوة
تحياتى لك على معلوماتك

أسوور يقول...

مصر هى امى
الحب طاقة كبرى
لكن انا هنا بأتكلم عن رغبة الإنسان فى أن يكون محبوبا وليس ان يكون محبا
من السها ان تحب ولكن من الصعب ان تجد من يبادلك الحب والإهتمام
تحياتى

أسوور يقول...

مايكل
انا موافقاك ان فى اسباب تانية لكن انا هنا اتكلمت عن فقد الحب كسبب هام
تحياتى

Shreif fahmy يقول...

عودا حميدا وحشتينا جدا
وإلى كل قاارىء هذه السطور تمنياتي أن ترسو سفينة أحلامك على شواطىء امنياتك

شيماء الجيزى يقول...

حبيبتى الغاليه ياسمين

رجوعى لم يكن رجوع بدخول مدونتك الجميله
ورجوعك اضفى على وجودنا وجود
الحب
نعم
لتعلمى الحب هو اساس تحرك كل الاشياء
فاليد تتحرك لشئ تحبه بطلقاء نفسها
والقلب ايضا يتحرك للحب بدون غصوبه

الحب عزيزتى ايضا هو من زرع هذا الحزن الذى اراه فى عيون من يعشقون ويجرحون

الحب

والحب هو من جعلنى هنا الآن
فيا حبيبتى رجوع جميل
واحساس اجمل
تحياتى لكِ

محمد حمدي يقول...

مرحب بالعوده يا ياسمين

وبجد بوست هايل

طب انا فى واحد صاحبى واقع فريسه للاكتئاب .. وحاولت كتير اقنعه ان الحب هو طريقه للخروج من الدوامه الى هو فيها .. لكن هو من كتر اكتئابه مش قادر ومش عاوز يمشى فى السكه دى

يعنى الموضوع اصبح حلقه مفرغه ... ان الواحد ساعات من كتر الاكتئاب مش بيبقى قادر يرجع يحب زى الاول

شوفتى بقا

بس عندك حق .. احسن الطرق لعلاج الاكتئاب .. علاج بسيط لكن مش موجود فى الصيدليات . موجود بس فى القلوب المؤمنه بالحب

تحياتى

محض روح يقول...

حمدالله على السلامه
بصي البوست حلو اوي بجد
الاكتئاب داء غريب
عامل زي الدوامه كل مابتحولي تخرجي منها بتشدك اكتر
المشكله في ان المكتئبين مش بيحسو باي حاجه من ال يحوليهم
حتى لو حبوهم ياسيمن
الحب شعور داخلي لزم يجي من جوه لبره
صعب نطلب من الي حولينا يحبونا واحنا مش عارفين نحب نفسنا
:)

Tamer Nabil Moussa يقول...

عزيزتى ياسمين

لتفق معاكى فى اهمية الحب هذا الاحساس الجميل

انا اعتبر الحب اساس للحياة السعيدة

ربنا يوفقك يارب


تحياتى

Christa يقول...

دة حقيقى جدا
لكن احنا دايما بننسى قد إيه احنا محتاجين لبعض

أنا حر يقول...

بوست رائع ومميز اخرجني للحظات من العالم السيء المحيط بنا وحولنا
تحياتي

Unknown يقول...

بوست جميل جداا ومبسوطة ان اول مرة ادخل مدونتك الاقى فيها دعوة للحب وياريت كل الناس فعلا تعمل كده
تحياتى ليكى

The Alien يقول...

وماذا نفعل في مجتمع يحرم الحب؟

مبسوط جدا إنك رجعتي تكتبي تاني
تحياتي

barbie girl يقول...

بوست عجبنى اوى بجد
ناس كتير بيعانوا منه
انا كنت على وشك اقع فيه او يمكن وقعت فيه بس طلعت تانى لانى بحاول مكنش كدا

بيجلى نفس الشعور بالاكتئاب دا لما مبشتغلش ومحدش بيهتم بيا ومحدش بيراعى لو كنت مبسوطة او لاءة
لكنى لما باشتغل وبحس باهتمام ومشاركة الاخرين ليا فى حياتى واهتماماتى بخرج من المود دا

بجد بوست حلو اوى اوى اوى

blue-wave يقول...

بصفتى دكتور نفسى بحييكى على افضل روشته لعلاج كل امراض العصر
تحياتى

yamen يقول...

سلام علي الناس اللي هنا

و الله انتي جبتي من الاخر
الحب هو العملة اللي كلنا بندور عليها في حياتنا ومش دايما بنلاقيها
لاننا احيانا -كتيرة- بنبخل بيها علي بعض
مع ان كلنا اغنيا فيها جدا
عجبني الموضوع ومعالجته جدا
تحياتي

.:.-=- ELGaZaLy-=-.:. يقول...

انتى فين بقى؟؟؟


ايون يعنى فين برضة...


اخبارك اية يا اخت اسور

انا اشيف ان لا وقت للحب وعندما نفقدة يمكن الاستعانة باى شئ...

منا زى الفل اهوة...

ازيك برضة؟


وحشتنى كتاباتك اتمنى تبقى بخير

Ahmed Al-Sabbagh يقول...

بجد مدونتك اكتر من رائعة

جادة

وشيقة

وطالعة من القلب

وتلقائية

:)

تحياتى
احمد الصباغ

أحمد سلامــة يقول...

كانت دايما مشكلة الاكتئاب العتيقة انه بيتفسر على انه شوية ملل وزهق وخلاص
مع ان دلوقتي بقى من الاعراض الجانبية مثلا لادوية كتير زي ادوية الضغط
حل الاكتاب اللي طرحتيه جميل
وهو حل لاي مشكلة في الدنيا مش الاكتاب بس

تحياتي لك

FOrty يقول...

يا ساتر يا رب مالك غمقتيها قوى كده اكيد بنحس كتير ان مفيش حاجه بقت تبسط الواحد زى زمان بس الحمد لله باقى الاعراض مش موجوده يبقى ده بدايه اكتئاب و لا ايه

momken يقول...

تسلم ايدك
انتى جيبتى الاكتئاب من جميع الجوانب

كلنا نعرف الاكتئاب واغلبنا اتصاب بيه لكن يعجز الجميع عن وصفه والالمام بجميع جوانبه مثلك

فكرت فاحسنتى وكتبتى فابدعتى

تسلك ايدك بوست مفيد جدا وهايل

فى الاخر بقى
تحبى اقولك على حاجه تضيع الاكتئاب
اشربى مج كاكاو
كل الاكتئاب هيضع خالص
مش مصدقه طيب ابقى جربيها

البوست هايل تسلم ايدك يا( ياسمين

يوةةةةة قصدى يا اسوور

تحياتى

v bnjvbbnfhnn يقول...

عزيزتى ياسمسن فعلا الموضوع دة حلو جد اجدا وانا من مايد حبيبتى وينكى فى موضوع الشكولاتة دة
شكرا ليكى على الموضوع