الثلاثاء، 10 فبراير 2009

خدشوا حيائى فى الطريق العام

اللى حصل يا انى انتقلت للسكن فى مكان جديد فى المقطم
المكان راق جدا وتتوسطه وتلفه الحدائق
تشكوا البنت اللى بتساعدنى فى البيت انها بتتعرض كل ما تنزل تجيب طلب لمعاكسات سخيفة تصل لحد اللمس
تشكو ابنة اختى التى تقيم معى من محاولات جذبها من ذراعها والتعدى عليها بأقذع الألفاظ وهى جاية من الدرس
اتضايق واطلب منهما ان تلتزما قواعد الطريق والإحتشام فى الملبس والإلتزام بمواعيد الخروج من البيت
فى يوم مشئوم .. تعطلت سيارة زوجى واضطر لاستعارة سيارتى ..
كان هناك عزاء لفرد من الأسرة يجب ان احضره
اتفقت مع زوجى ان استقل تاكسى وان اقابله فى العزاء بالمهندسين ونعود سويا

وبعد أن ارتديت السواد أنا وابنة اختى ذات ال 15 ربيعا .. طلبت صغيراتى بعض الحلوى
قبل ان اذهب للعزاء اتجهت لأقرب كشك سيرا على الأقدام وهو على بعد 200 متر من المبنى الذى اقطن قيه .. اشتريت ما اردت وسرت عائدة الى البيت لأعطى الحلوى للصغيرات واتجه للعزاء
اثناء سيرى لاحظت عدد كبير من الشباب يقفون فى الشارع على الناصية
بعضهم يقف بجوار سيارته فارهة كانت ام لا وبعضهم يجلس على الرصيف
وتستطيع ان تشتم رائحة الحشيش واضحة

فجأة بدأت سيارة بيضاء فى اللف حولى انا والفتاة فى استفزاز مع الأمركة واستخدام الفرامل بطريقة مستفزة
وفى محاولة للنجاة قلت للولد اللى سايق العربية .. عيب .. عيب انا عندى ابناء فى سنك

ولم يهمه ما قلت طبعا .. بل انه زاد من وقاحته وبدأ يوجه لى كلمات وشتائم غاية فى البذائة
كنت على بعد 100 متر تقريبا من بيتى ولم استطع التحرك بسبب التفاف بقية اصحاب الولد اللى فى العربية حولنا وابتدوا يوجهوا لنا الفاظ خارجة وتخدش الحياء
حاولت ان اردعهم ببعض الصياح ولكن لرقى المنطقة الشديد لم يهتم احد رغم ان البعض القى نظرة من شرفة منزله واكتفوا بالفرجة
وفجأة وبطريقة مسرحية خلع احد هؤلاء الشباب حزامه فى محاولة لتخويفى وتهديدى بالضرب عندما بدأت فى الصياح
حقيقى خفت .. بل اترعبت .. وحسيت انى محشورة فى الحتة دى
مش عارفة اوصل بيتى ومش عارفة ارجع للشارع الرئيسى ولا حتى فى حد ينجدنى من المارة او السكان

اتصلت بالنجدة من الموبايل وانا اقف فى مكانى ..
حضر ملازم اول اسمه مهاب الشبوكشى من نقطة شرطة المقطم .. وبدأت بعض السيارات تفر
طارد الضابط الشجاع احداها فى محاولة يائسة لإيقافها فلم يفلح وكاد قائدها ان يصدمه بالسيارة اثناء فراره

وكان مازال الفتى ذو السيارة البيضاء موجودا فى المكان بس ركن العربية على جنب و خلاص
اشرت الى السيارة البيضاء التى بدأت الموضوع بأكمله وكنت قد سجلت رقمها على الموبايل
والى الفتى الذى تحدى كل الأعراف فقام الضابط باصطحابه للنقطة

وهناك حررت محضر متهمة اياه واخرين بجنحة خدش حياء انثى فى الطريق العام
والولد بالطبع بينكر وبيقول مش انا دة انا كنت واقف بأتفرج ..
حضر ابوه ليفاجئنا انه مع ابنه قلبا وقالبا وقال لى بالحرف الواحد بمنتهى الكبر والعنجهية
انتى بتدعى عليه .. هو مش من سنك عشان يعاكسك اصلا

فاجبته ان الولد بالفعل مش من سنى يعنى ما اعرفهوش قبل كدة ومفيش ضغينة ضده
وقصصت عليه ما حدث .. ولكن لا حياة لمن تنادى

فى الحقيقة انا انتظرت ان يحضر الأب قبل ان اوقع على المحضر على امل ان يوبخه ابوه ويعرفه غلطه
لكننى فوجئت انه يدافع بشراسة عن الولد الذى بدا لى انه قد افسده الدلال

الولد ذو ال 19 عاما وهو طالب طبعا ..اتحول للنيابة التى
وتهمته خدش حياء انثى والقضية اخدت رقم 3038
لعام 2009 جنح الخليفة
انا الآن فى ازمة بسبب ان اهل الولد يقولون انى مفترية وانه مجرد عيل وطالب وانه مستقبله هيضيع
وفى نفس الوقت يتصل بى كل شوية ناس من طرفهم ..
من أول معاون مباحث للواء مش عارفة ايه فى مديرية الأمن للضغط على للتنازل والتصالح

انا لا اريد ان اتصالح واريد فقط ان العدل ياخد مجراه وان الولد دة يبقى عبرة للى زيه ولأهله واهالى الولاد اللى بيستهينوا بالآخرين
زوجى يؤيدنى تماما رغم تعرضه للضغط برضه بمكالمات من ناس كبار .. لكن اجابته كانت واضحة فى ان انا اللى اتأذيت وان انا الوحيدة اللى اقدر اقرر ايه اللى يتعمل
بحثت فى القانون وعرفت ان المادة 306 من قانون العقوبات رقم 95 لسنة 96 بتنص على انه " يعاقب بالحبس مدة لا تتجاوز سنة وبغرامة لا تقل عن مائتى جنيه ولا تزيد عن ألف جنيه أو بإحدى هاتين العقوبتين لكل من تعرض لأنثى على وجه يخدش حياؤها بالقول او بالفعل فى طريق عام او مكان مطروق

فما هو موقفكم من الموضوع .. هل انا صح ام لا؟؟؟




هناك 259 تعليقًا:

‏«الأقدم   ‏‹أقدم   ‏201 – 259 من 259
ibn_abdel_aziz يقول...

ردع فوري
+
تغيير طريقة التفكير
+
تغيير طريقة الخطاب الديني في النظر للمرأة
+
حماية الاطفال والناشئة في سن مبكر من التعرض لوباء العري والجنس المفتوح

هناك اشياء كثيرة يجب ان تحدث لايقاف وباء التحرش بشكل جذري

بس لازم يكون فيه حملة تصعيد توقظ الجميع علي سوء ما وصل الحال اليه

Sinar يقول...

أنا اتأثرت جدا وانا أقرا موضوعك
و بشجعك جدا على موقفك و اصرارك عليه و بدعيلك تثبتي عليه مع الضغط اللي بتتعرضيله

بجد إوعي تتنازلي، المواقف دي زادت بشكل مرعب ولو كل واحدة تنازلت هيزيدو فيها أكتر

صح إن العفو عند المقدره، بس مش معناه اتنازل عن حقي و حق المجتمع عشان يكون فيه عبره و عقاب رادع لكل الي يعمل كده

جايز الولد مستقبله هيضيع لو اتسجن، بس لو متعاقبش مش حيهمه أي حاجه بعد كده و هيكرر موقفه ده مره و اتنين و عشره و ساعها مش مستقبله هو اللي هيضيع ده مستقبل البلد

انتي على حق و ربنا أكيد معاكي ان شاء الله
اصبري على الضغوط و باذن الله ينصرك
ويهدي امثال الولد ده

فكرة من الزمن ده يقول...

قلبي معاكي ويارب تقدري تنسي الاحساس البشع ده
واستمري في مشوارك ولا تتنازلي بس لازم تكوني حذرة على نفسك واللي يخصوكي من اي تهديد لاسمح الله ربنا يحفظك واتمنى لك النجاح في مهمتك لانه فعلا بقينا عايشين في غابة وناس لازم تبقى عبرة لغيرها
بجد اصبت بالعب من قصتك
قلبي معاكي

المـــفـــــــقــــــــوعـــــة مــرارتـهــا يقول...

انا لازم اكتب عنك في جريدة المقطم اللي باشتغل فيها
ولنا الله يااهالي المقطم

أبو أمك يقول...

لو أن لي بكم قوة..أو آوي إلى ركن شديد

daktara يقول...

زي ما قلت قبل كده
التحرش موضه قديمة
والاعمال بالنيات
اسمحلي اختلف مع اغلب من علق

مين ركب مترو ولا اتوبيس مننا قبل كده وشاف خناقه بين ست وراجل او شاب بتتهمة انه عاكسها او حتي مد ايده عليها بفعل قبيح
طبعا بتبقي ظيطه اللي يشتم والل ي يعمل فيعها حمش واللي يحاول يهدي
واللي يشك في الست اصلا انها بتاعة تبالي!!!!!!!!!!!
المهم غالبا الموضوع بيتلم ويخلص ساعتها وخلاص
اعتقد كلنا شوفنا الموقف
طبعا موقف مرفوض بدون جدال
ولكن
ولكن لو كل واحده من الستات اللي بيتخانقوا في المترو او الاتوبيس او اي مكان أخر
عملت محضر وطلعت في واتهمت المتحرش ورفعت قضية والسكه دي
كام قضية تحرش هتترفع
وكام واحده هتتشهر
هل الاتهام بالتحرش الان اقصر الطرق للوصول للشهرة والنجومية
ما ارفع قضية تحرش بقي والكل يكتب عن الست الهانم
والتلفزيون يصور وقنوات الرغي تستضفها لمده اسبوع
وكله يبقي نهي رشدي بقي


مدام أسر ياسمين سابقا
لو كنت رفعت القضية وفي نفسك غرض واحد في الميه شهرة
لا تجعليها علي حساب شاب , انا معترف انه مذنب
لو لأ
فالأعمال بالنيات

انظر حولك
انظر بجد المره دي
د. خالد عزب

daktara يقول...

حلو حكاية ذات ال 15 ربيعا دي
تفله لسه يعني

وكمان مستغرب كتابتك
كون المنطقة راقيه جدا محدش اغاثك
او ساعدك
لأ راقية راقية صحيح
فين الرقي ده بقي؟؟؟؟؟؟؟؟؟؟؟؟؟
شكلها باظط

انظر حولك
د. خالد عزب

Wild at Heart يقول...

الجواز وسنينه،
أنا عايزة أفهم حضرتك افتضرتي منين إن أنا مش ملتزمة في لبسي؟؟؟
وعايزة أقوللك إني عندي 13 سنة ولما أقول بقالها 13 سنه يبقى بدأت تحصل من وأنا عندي 10 سنين بالذمة عيلة عندها عشر سنين المفروض تلتزم في لبسها أو أصلاً تاخد بالها إن ماحدش يأذيها إزاي يعني؟؟ يبقى الذنب عليها ولا على الوسخ اللي عمل فيها كده والناس اللي بتقول إن الضحية هي السبب؟
إيه المنطق الغريب اللي بتفكروا فيه ده؟؟
إزاي واحدة تبقى ماشية في الشارع عادي ولا راجعة من الشغل ولا بتتفسح ولا نازلة الشارع غلاسة هي حرة وحد يرتكب ضدها جريمة وتقولوا هي السبب؟ إزاي يعني؟
بالنسبة للأمثلة اللي حضرتك جايباها أفهم من كده إن حضرتك لو لقيتي باب شقة مفتوح حتخشي تسرقيها؟ أكيد لأ، ليه؟ عشان السرقة حرام ويعاقب عليها القانون، مش عشان صاحب الشقة سايبها مفتوحة، حكاية إن البنت تعمل اللى عليها ولا ماتعملوش دي حاجة ربنا وحده هو الوحيد اللي من حقه يحاسبها، لا أنا ولا إنت ولا أي كلب بيتحرش بالبنات من حقه يهاجمها لأنها "مش ملتزمة" المفروض إن كل واحد يفضل في حاله إلا إذا حد طلب مننا المساعدة أو التدخل في شئونه، غير كده المفروض إن حضرتك تمشي في الشارع من غير ما تتدخلي في تصرفات أو مظهر الناس لإن كل واحد حر، أيوه كل واحد حر ولو ماكانش ربنا خلقنا أحرار كان خلقنا والحجاب على راسنا، وماكانش خلق جنة ولانار بقى
والله أصحاب حضرتك محظوظين لكن أنا وأصحابي باختلاف درجة جمالنا واحتشامنا بنعاني من التحرش من غير تمييز، القانون يا حبيبتي قال إن اللي يتعرض لأنثى يتعاقب، أنثى، مقالش محجبة ولا منقبة ولا نازلة في وقت مناسب ولا وضح أي ظروف
يعني حضرتك ماسمعتيش قبل كده عن تحرشات حصلت في نص النهار وفي شارع زحمة؟
أنا عايزة مرة تبقى ماشية كدة لا بيكي ولا عليكي وحد يتحرش بيكي وساعتها حتعرفي مين فينا اللي صح.

أبو أسامة يقول...

انتي صح
وأؤيدك بكل قوة في ما فعلتيه

حتى وإن كان لي بعض التحفظ على طريقة اللبس أو عدم الحجاب

لكني في النهايسة أدعمك بكل قوة
وأدعوك لعدم التنازل والثبات على موقفك

مصعب رجب
مدونة كباية شاي
http://kobbaya.blogspot.com

mohamed ghalia يقول...

عندك حقا طبعا
وأوعى تسيبى حقك
دمتى بكل الود

انت تسال والكمبيوتر يجيب يقول...

صح طبعا
دعوه
الأخ العزيز/او الأخت العزيزه
تحيه طيبه
برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
المدونه
http://netonradio.blogspot.com
الموقع
http://dear.to/cairo

غير معرف يقول...

first i want to tell u stay on ur opinion.
2nd u did the right thing to call the police cuz i think if i were in ur place i wouldn't think of this from z panic & shock.
3rd im asking all the real men in Egypt to help any woman who screams for help pls pls move it & be courage to help her as if she 's ur sister or mum instead of watching & im sure after that any one who will think of looking even to a woman won't dare cuz he'll be sure what will happen to him.

حسن مدني يقول...

سيدتي الكريمة

رجاء
استكملي إجراءاتك، وضيعي مستقبله
السكوت على مثله يزيدهم فجورا، إذا واحد ضاع يمكن الباقي يخاف.
وياريت يتم القضاء على الأشكال دي، عايزين بناتنا يكبروا في أمان

تحياتي

My Life Thinking يقول...

I really don't know what to say, but this is too bad, fight for it because what this boys did was too much thing to handle!

وينكى يقول...

انا مش هادخل اقولك حاجه منطقيه وباينه من اولها
انتى على حق
ربنا يقويكى ويثبتك

mohamed يقول...

الى السيد المعلق د. خالد العزب
تحيه طيبه لحضرتك
سيادتك فى تعليقك قلت الاتى
-----------------------------
ولكن لو كل واحده من الستات اللي بيتخانقوا في المترو او الاتوبيس او اي مكان أخر
عملت محضر وطلعت في واتهمت المتحرش ورفعت قضية والسكه دي
كام قضية تحرش هتترفع
وكام واحده هتتشهر
هل الاتهام بالتحرش الان اقصر الطرق للوصول للشهرة والنجومية
ما ارفع قضية تحرش بقي والكل يكتب عن الست الهانم
----------------------------
وأعتقد أن سيادتك مال بك الرأى عن الصواب للاسباب التاليه
1- من يعلم نية الانسان هو الله فلا تفترض
ما لا تعلمه بدون دليل قاطع

2- سيادتك تركت فاعل العمل المادى الاجرامى وهو التحرش وأكتفيت بتأنيب
ورجعت على من تحرش بها
3- الرجل الذى يخشى أن تدعى عليه أى واحده أنه تحرش بها عليه أن يبتعد تماما عنهم ولايضع نفسه فى موقف الشبهات
ولك تحياتى

The Alien يقول...

لو مش إنتي اللي هتكملي
مين هتكمل ؟

تحياتي

تشاندرا يقول...

أسوور
الجزء الثالث فى صورته الأوليه

http://somethingforthesoul.blogspot.com/2009/01/blog-post_19.html

أعتقد إن الحادث الذى تعرضتى ليه ينطبق عليه المعنى النهائى الذى توصلنا إليه لمعنى الكلمه فرأيت أن أخبرك و خصوصا النبوءه بوجود من يرأف بالأشرار

تحياتى

غير معرف يقول...

keep going .. you are on the right track

blue-wave يقول...

اولا
انا معجب جدا بصراحتك واصرارك على الدفاع عن حقك
ولازم تواصلى دا لأبعد مدى
والا
كلنا هانضيع
بجد بقت حاجه تقرف
اللى بيعمل كدا دا
يرضاة لأخته؟
يرضاة لأمه؟
يرضاة لمراته؟
الناس دى ايه؟
بنى ادمين ولا حيوانات؟
حاجه تقرف

غير معرف يقول...

المشكلة مش في لبس البنات و لا غيره. و لا التدين و لا الكبت و لا أي حاجة من ده. كل دي مبررات ما بعد ارتكاب الجريمة. مبررات المرتبكين و المتخاذلين في محاربة الاجرام
المشكلة في رأيي في غياب الجريمة و العقاب.
من غير عقاب الناس ح تسرق و تقتل و تدهس و تغتصب و ترتكب افظع الشنائع مبررين ده بالدين و لا الثقافة و لا الحالة المعرفش ايه. دايما ح نلاقي مبررات للأخطاء و حجج لكل شيء.
عموما

My support again this time with my name :)

-Mustafa

ربما تشرق الشمس يقول...

قرأت حكايتك ولي عليها عددة ملاحظات :
1- أ ن ما حدث معك ليس إلا قطرة في بحر مما يحدث في شتى بقاع مصر المحروسة.
2- أن انفلاتاً قادماً لا محالة في أخلاق شباب مصر ما دام الوضع السياسي والاجتماعي والثقافي في مصر باق كما نحياه الآن .
3- يجب عدم الاتكال على الحكومة في أخذ الحقوق خاصة ما يتعلق بالعرض فالوقاية خير من العلاج .
4- لا أقول ذلك اتهاماً لكِ - لا سمح الله - بل لعلمي بما يحدث في مصر المحروسة بالرغم من أني من الصعيد الجواني وأعمل بالسعودية ، ولكن كي نحاول أن نبتعد عن مناطق السوء ولو كان في ذلك انتقاصاً من حريتناً التي هي مسلوبة على جميع الأصعدة .
وأخيراً .......... لنا ولكِ الله .

محجوب عبد الدايم يقول...

يتحبس... بس كده

كلمة و رد غطاها

و اللي قلبها حنين قوي و زعلانة علشان ما عرفتش تربي ابنها و خايفة يا نني عين أمه على مستقبله ما تزعلش قوي

السجن يربيه

علشان يعرف يعمل أمريكاني كويس على الغلابة اللي ماشيين في حالهم

اللي ناقص رباية بعد ما بقى 19 سنة يتربى برضه

ما تسيبيش حقك... ماحدش تاني هايخدهولك

الجواز و سنينه يقول...

ولا عايزه اقولك انى مش بعيدب عليكى عدم الحجاب ده فرض و انتى اكيد عارفه زيه زى الجهاد الجهاد فرض على الرجال فقط و الحجاب فرض على النساء من دون الرجال
حضرتك انا عامله ماجيستير فى الشريعه الاسلاميه
و بعدين انا عايزه اقولك انا لما رديت عليكى ما كلمتكيش فى انك تتحجبى و لا اقدر اقولك صلى او حجى ده حاجات كل واحد عارفها و مسؤال عنها ادام ربنا مش ادامى
انا بس قلت للى قالت ان الحجاب حريه
ده بيغيضنى جدا و كانهم بيدافعوا عن التقصير فى حق الله
كان عندى اهون انهم يقولوا ده غلط زى ما قلتى حتى لو انك مش مسلمه مش من حق حد ينتهك حرمتك
و لا حد يقولى ان كل واحد بيلبس على حسب الطبقه اللى هو منه
و كأن الحجاب و فروض ربنا ليها طبقه
و بعد كده يتكلموا بالاسلام و غض البصر من الولاد
طيب ده شيزوفرينيا بجد
بيطالبوا الولد بغض البصر و مش بيطالبوا البنت بالحجاب؟
مهم الاتنين من الاسلام
انا لم اقصدك بهجومى انا قصدت كل اللى حاول يجاملك على حساب فروض ربنا
اما حكايه ان زمان كان فيه امان
عندك حق جداااا بس لما كتروا الحراميه حرستى على بيتك حطيتى نظام امان ليه
و حرصتى على العربيه و حطتيها فى جراج
كمان المفروض نحاوظ على جسمنا و نغطيه من عيون الكلاب لانهم لا يوصفوا إلا بكلمه الكلاب
لما يكون ربنا حاتطلنا نظام حمايه فالاولى اننا نتبعه لانه اكيد ربنا ما فرضدش حاجه إلا لمصلحتنا حتى لحم الخنزير فى تحريمه هو الخمر مصلحه الانسان و ليست مصلحه ربنا
انا بس عايزه اقولك ان كل الناس اللى بتقولك استمرى مش هايقفوا جنبك لو الولد طلع برائه و طلعتى انتى اللى اتبليتى عليه
اخرهم ايه هايقولولك كام كومنت مش قضيه يعنى
انا لما قلتلك اتنازلى مش تفريط فى حقك
بس هو رعبك و انتى رعبتيه اكتر من الرعب اللى انتى شوفتيه
انتى عشتى كام دقيقه رعب و هو عايش كام يوم رعب ؟؟؟؟
لو على عدم حدوث ده مره تانيه فهو مش هايعمله
و مش هانحاسب كل المتحرشين فى شخصه
و حكايه ان مامتك كانت بتقولك اةعى حد يلمسك كلنا امهاتنا قالولنا كده و حتى الاولاد دلوقت المفروض يقولولهم كده
الدنيا بقت زقت و حاجه تقرف
بس المفروض كانوا فعلا قالوا زى ما قولتى لبناتك ربنا يحفظ كل البنات يارب
طيب انتى عارفه انا على اد ما انا ملبسه بناتى حمالات و شورتات فى الصيف بس بقول لما يكبروا شويه هاينتهى الكلام ده النفوس المريضه كتير و انا بحميهم هالبسهم شيك جدا بس اكيد مش هايكون لبس النونات ده مستمر علشان انا بشوف بنات و ظهرت عليهم علامات البلوغ و الام مستصغرها و عملاها نونه بس الغريب مش شايف كده
و على فكره انا لما كنت بتعاكست كنت فعلا بحس انى انا اللى غلاطانه
اظاهر ان الامهات كلهم كانوا واحد

انتى مش فى وضع دفاع عن نفسك لانى لما وجهت الكلام ليكى ما قلتلكيش اتحجبى انا بس كنت عنيفه مع البنت اللى قالت انها ليها 13 سنه بيتحرشوا بيها
على فكره انى اسلوب الحوار معاكى ممتع و راقى
غيرك كان ممكن يرد بقله زوق بس انتى انسانه اخلاقك باينه فى كلامك
ياريت تكون وجهه نظرى باينه و موضوع القضيه دى انا مش شايفه انه حتى لو الولد اتحبس ده هايمنع غيره بدليل قضيه نهى رشدى
يمكن لو ده اخوكى ما كونتيش صدقتى انه عمل كده لانك عارفه تربيته و كنتى هاتدافعى عنه جدااا و مش هاتصدقى انه عمل كده؟؟؟
و حتى لو عمل كده هاتدافعى عنه علشان مستقبله برضوا
اسفه انك افتكرتى انى بهاجمك

أسوور يقول...

الجواز وسنينه

الحق حق والقانون قانون وضع لإستخدامه
والولد اللى بتقولى انه بيعيش الرعب كل يوم .. لا تأخذنك به شفقة ورحمة لأن دول اللى بيعيثوا فى الأرض الفساد

انا امرأة فى اقترب من الأربعين .. متزوجة ولدى طفلتين .. زكنت رايحة عزا .. ومش محتاجة طبعا اقولك الناس وهى رايحة عزا لفرد من الأسرة بتبقى لابسة ايه ولا شكلها ايه.. اكيد انتى عارفة

الولد عاكسنى ولما حاولت تنبيهه ان لى ابناء فى مثل سنه .. شتمنى بأقذع الألفاظ أمام ابنة اختى اليتيمة التى ارعاها فى بيتى واعتبرها ثالت بناتى .. وتقدم اصدقاؤه لمساندته واثبات انهم رجالة قوى بمواصلة توجيه شتائم والله يندى الجبين لها

الحجاب مش موضوعنا خالص هنا ومش هاتكلم عنه

اللى بقوله هنا حالة خرق قانون ووضع غير مقبول .. ومش ممكن يعنى افرض الحجاب مثلا على واحدة كتابية لما واحد يتحرش بيها

هو ماعاكسنيش وقالى .. ياقمر ومشى ..واو ان دة برضه جريمة يعاقب عليها القانون .. لأ دة حاصرنى هو واصدقاؤه فى الطريق لبيتى .. ونعتونى بأسوأ ما تتخيلى من الصفات ..

طب لو كان سرق شنطتى وجرى؟؟ .. هل كنتى هتدافعى عنه برضه وتلتمسى له العذر؟؟

ترويع الآمنين فى الطريق هو اسوأ ما يمكن حدوثه .. انا بناتى صغيرين وبيحصل ان واحدة تمرض فى منتصف الليل واضطر الى اصطحابها للمستشفى ولا يمكن ابدا ان اتهاون مع عدم شعورى بالأمان

قرارى انا كنت واخداه ونشر الموضوع كان فقط للتأكد من صحة القرار

احترم وجهة نظرك فى موضوعى حتى لو اختلفنا واختلف معك القانون .. لكن لا يمكن ابدا ان اوافقك على ان يكون التحرش بطفلة عمرها 10 أعوام شىء عادى او حتى ان تتحمل جزء من المسئولية بأى صورة من الصور دى حتى فى نظر الدين والقانون غير مكلفة.. تعجبت لقسوتك مع البنت .. رغم انى لما قريت تعليقها كادت دموعى ان تسيل لأنى عارفة كويس هى بتتكلم عن ايه؟ .. وعارفة مقدار الألم الذى تعيشه كل يوم وهى تتذكر ما حدث لها وكيف يؤثر على نفسيتها ..

ولا يكفينى ان احجب بناتى او ان ادعو الله ان يجنبهم مثل تلك امور .. فالساكت عن الحق شيطان اخرس .. ولن يكفينى حكم الإعدام ان حدث ما حدث لها لإحدى بناتى او اى بنات حتى

وارجع واقولك ان ربطك التحرش بالحجاب ممكن ياخده اى متحرش كعذر ويقول ما هى مش محجبة بقى وكدة يبقى عرضها ولحمها ملك للعامة

صدقينى المتحرشون لا يهمهم انتى لابسة ايه .. وبيبقوا فى منتهى الخسة

واخويا اول واحد واقف جنبى هو وجوزى وابويا وامى وبقية اخواتى البنات

الولد اللى انتى شايفة انه بيعيش الرعب كل يوم زية زى اى مجرم او اة متجاوز للقانون يعمل العملة وبعدين يقعد يعيط لما يتقفش

اكيد انا مكنتش اول واحدة يعمل معاها كدة .. ولو سبته بدون ان ينال عقابه اكيد برضه مش هأكون اخر واحدة .. ومش هيتعظ اى من اصدقاؤه ولا المتحرشون اللى زيه .. الا لما يتنفذ حكم القانون فيه

الناس اللى بتتحرش بالمحجبات والمنقبات كمان فى المواصلات العامة عندهم برضه اخوات واهل ولا يعفيهم هذا من المسئولية القانونية .. لأن الستات دول برضه عندهم اهل بيخافوا عليهم

تصدقى .. لو كانت امه او اى حد من اهله جه يعتذر عما بدر من ابنهم يمكن كنت فكرت .. لكن اكتفوا بمكالمات اللواءات بتوعهم وبس .. خلى بقى اللواءات ينفعوهم

والأهل اللى ما يصدقوش ان ابنهم عمل كدة .. يبقوا يستاهلوا لأنهم مش قريبين من ابنهم كفاية ولا مهتمون بمتابعة سلوكه وتربيته .. لدرجة انهم مش عارفينه على حقيقته

انا بأسألك بمنتهى الوضوح .. هل ما فعله الولد دة يعتبر جريمة أم لا؟؟

وهل التحرش بطفلة او حتى قاصر يعد جريمة أم لا ؟

نورتى المدونة .. واذكرك ان اختلاف الرأى لا يفسد للود قضية

تحياتى

الجواز و سنينه يقول...

عايزه اقولك ان فعلا المتحرش مش بيهمه
و عارفه اساس الرعب اللى عشتيه و متخيلاه جدا
و عارفه ان اهلك اكيد لازم يقفوا جنبك
لانهم عارفينك كويس و لان ده حد اعتدى عليهم كلهم فى شخصك
و لو طالوا يقطعوه هايعملو
بس انتى طلبتى رأيى و انا قلتهولك
مش من مصلحتك ان مستقبله يضيع صح و لا غلط
انتى لو عايزه تربيهم اطلبى منهم مبلغ كبير و ممكن تتبرعى بيه لحاجه خيريه مثلا
بس دخوله السجن وسط المجرمين مش هايفيدك بحاجه
الولد اللى عنده 19 سنه يعتبر مراهق
ده يادوب فى القانون يادوب من سنه واحده يعامل كراشد
عارفه الحكايه دى بتفكرنى بأيه
مره واحد سرق فى عهد سيدنا عمر ابن الخطاب
و لما كانوا هايقويموا عليه الحد طلب العفو و قال انها اول مره فرد عليه سيدنا عمر و قاله لو كانت اول مره ما كانش ربنا فضحك و لما سألوا طلع انها المره الثالثه و اقاموا عليه الحد
هو وقع فى شر اعماله و متهيألى نال جزاءه بس لو دخل السجن مش هايطلع انسان صالح
إلا لو دخلوا المتحرشين سجن خاص او حاجه تأهيليه
و بعدين برضوا نفس السؤال
مش لوحده اللى تحرش لماذا يعاقب لوحده لانه طلع غبى و مش هرب؟
اما بخصوص ان المحجبه و المنقبه برضوا بيتحرشوا بيهم فانا قلتلك اننا فى زمن رديئ و فيه حديث عن الرسول ما معناه ان الزمن لما يبوظ فالتلزم بيتك
مش هاقلك اقعدى فى البيت لانى انا نفسى مش اقدر اعمل كده
بس انتى عارفه ان الدنيا وحشه فعلى الاقل تاخدى وسائل احتياطات امانك
زى ما بتخافى من الحراميه و مش هاتروحى تصلحيهم عامليهم بنفس الطريقه حاولى تجنبهم
و عايزه اقولك ان لو محتاجه حاجه بالليل فادلوقت فيه دلفرى و دى كمان مسؤليه الرجل مش مسؤليتك انه هو اللى ينزل
طيب انتى عارفه انا استغربت اننا فعلا لما عربيتنا بتبوظ بندى بتاعتنا لازواجنا رغم ان المنطقى انهم هم اللى عادى انهم يتبهدلوا فى سبيل حمايتنا مش احنا اللى نركب تاكسى و همه ليهم وسيله مواصلات امنه
برضوا بقولك انى حاسه بيكى بكى و فى الاخر القرار ليكى
و انتى طلبتى رأى الناس و انا قلتلك رأيى
سعدت بمعرفتك و الحوار معك
بس انتى لغيتى ردى اللى قبل كده ليه؟

أسوور يقول...

الجواز وسنينه انا ما لغتهوش والله
انا لقيته على الميل عندى لكن ما لقتهوش فى التعليقات

عموما انا نشرت كل حاجة فى بوست انصافا لوايلد هارت

أحمد سعيد بسيوني يقول...

http://ana-elbahr.blogspot.com/2009/02/blog-post_17.html

وانا اول المتحرشين

Blank-Socrate يقول...

متضامن معك
تحياتى

koko يقول...

الجواز و سنينه

"طبيعى ان الابهات و الامهات تقف فى صف اولادها حتى لو متأكدين انهم غلطانين"

انتى شايفه ان ده الطبيعى و هل بتربى ولادك كده .. واضح جدا ان موازين الحق عندك مقلوبه .. و بالتالى ليس مستغربا الاراء التى تكتبيها و لن تقتنعى بالمنطق لأن المنطق عندك غير سوى اصلا

Rohaiem يقول...

You're 100% right and I think he will be a model for others later on...keep it up

غير معرف يقول...

keep on ur position until u take ur right

amazing_angel يقول...
أزال المؤلف هذا التعليق.
amazing_angel يقول...

أرجوك لا تتخلي عن موقفكوليس من أجلك فقط ولكن لأجل كل الفتيات ..لأجل ابن أختك التي شهدت في مثل هذا السن واقعة كتلك..التي قدر لها التي تري ما أغتال براءتها..ونحن معــك

غير معرف يقول...

السلام عليكم
هل ممكن يكون لينا دور إيجابى اكتر , ايه رأيكم؟؟؟؟
ممكن نعرف اسم الشخص اللى اتحرش و نعمل فى الفاس بووك "Face Book"
لو فيه اى افكار يا ريت نتكلم
م محمد

ندى يقول...

اثبتي على موقفك و لا تتنازلي
و اللي بيقول إن الولد كده مستقبله ضاع
أصلاً إللي يعمل جريمة زي كده مش هيكون ذو فائدة للمجتمع أصلاً
فقلته تبقى أحسن

و ربنا معاكي :)

BoBo يقول...

ارجوكي اثبتي على موقفك واوعي تتنازلي
خليه يكون عبرة لغيره
لو اتصالحتي يبقى ايه اللي هيمنعه يكرر اللي عمله معاكي مع واحدة غيرك ممكن تكون انا او واحدة من اخواتي او بنات اخواتي
عشاني وعشان كل بنت وست ماشية في الشارع ونفسها تبقى ماشية مطمنة
متتنازليش

غير معرف يقول...

عزيزتي أسر تحية طيبة
انطلاقا من أهمية قضية التحرش افردنا حلقة خاصة عن التحرش الجنسي وخطورته علي المجتمع في برنامج المسكوت عنه الذي يذاع علي قناة مدودرن المنوعات وتقدمه الفنانة عبير صبري ويسعدنا ان تكوني احد اهم ضيوف الحلقة لمناقشة القضية لذا يرجي التواصل معنا علي تليفون 0129494590
او علي ميل : eyeon_light@yahoo.com
اقول لكي اثبتي علي موقفك واسعي للوصول لملف القضية وعرضه كاملا وبكل التفاصيل داخل الحلقة وسوف اسعي لتصوير القضية من النيابة وتقديم بلاغ للنائب العام بشأنها وبشأن التهديدات التي تعرضتي لها
ان ماتقتومين به مبدأ والمبادئ لاتتجزأ ولو تجزأت لابن الكبير فكيف نسعي لتطبيقها علي ابن الصغير المسألة مبدأ والقضية لاتتجزأ انا معكي ولكن نرجوا ان تكوني مع كل الضحايا وتشرفينا بتجربتك الصعبة هذه لنقول لا للتحرش الجنسي في كل مكان بمصر ان عمليات الأغتصاب اصبحت منتشرة في كل مكان ولكي تعلمي فإن اصغر مغتصب لفتاة في مصر عمره ثماني سنوات ان البداية التحرش والنهاية اغتصاب كل الفتيات في مصر فهل يقبل هذا الأب ان تغتصب ابنته في الطريق العام وسط صمت الجميع
الحمد لله انكي نجوتي بنفسك وبابنتك وهي الاهم
يرجي ضرورة الاتصال بفريق عمل البرنامج لترتيب تفاصيل الحلقة علي الموبايل المذكور اعلاه وترتيب كافة التفاصيل ويمكنك الحديث من خلف ستارة لو اردتي ذلك ويمكنك الحديث بشكل علني لو اردتي ذلك
وتقبلي تحياتي ودعمنا الكامل لقضيتك ولكل ضحايا التحرش في مصر ساعدينا ان نخرج من صمت المجتمع القاتل لكل مايقتل أفراده من صمت وسكوت عن قضايا هامة ومصيريه وأهمها التحرش الجنسي بكل نساء مصر والمصيبة ان الجميع يصمت والجميع متهم ولاعزاء للوطن اذا ضاعت نسائه فهل سيبقي رجال يجلسون علي الكراسي بكرامة
اشكرك

salamatv يقول...

الفاضلة والعزيزة اسر
يرجي التفضل بالإتصال بفريق عمل برنامج المسكوت عنه بقناة مودرن علي تليفون 0129494590
او علي ميل : eyeon_light@yahoo.com

للترتيب لعمل حلقة خاصة عن القضية وعن التحرش انطلاقا من اهميتها
نتقدم لكي بأسمي تقدير لانك خرجتي عن صمتك حماية لآبنتك وكل بنات مصر في المستقبل ونظرا لخطورة هذه القضية علي سيدات وفتيات واطفال مصر يسعدنا في برنامج المسكوت عنه الذي سيذاع قريبا علي قناة مودرن ان نثير تلك القضية ونبحث سببها ونراجع هذه المشكلة وخطورتها ويكفي سيدتي ان اقول لكي ان كل فتايات مصر في خطر وان التحرش هو شروع في اغتصاب لما ننظر للموضوع بهذه التفاهة وننسي انه لولا وجود ظابط الشركة لكنتي ضحية انتي وابنتك ان الخطر الأكبر تتعرض له ابنتك ويكفي ان اذكر لكي ان اصغر متحرش ومفتصب في مصر عمره ثماني سنوات ان عمره يكفي لندرك سويا خطورة القضية وأهمية معالجتها وان يكون هناك قانون رادع وعقاب رادع لكل من تسول له نفسه اغتصاب فتاة او التحرش بسيدة او فتاة
ان خطورة هذا الشاب وامثاله تزداد ببداية التنازلات والتنازلات لاتنتهي ولن ينتهي ويرتدع ابدا مهما سعى أهله لتربيته من جديد
بالطبع انا لاألوم واحدا من هؤلاء المتصلين فهم يتفهون القضية ولو تعرض ضابط لواحدة من بناتهم بنظرة فقط سيمحي من فوق الأرض واعتقد ان لاأحد يملك شيئا تجاهك ولو ملك لفعل
انتظر تليفونك وأسعي للوصول اليكي
تحياتنا
دينا توفيق
سلامه محمد

بنت أبيها يقول...

لا تتنازلي عن حقك

فان لم يستطيع ابوه ان يربيه ويعلمه

فليربيه المجتمع ويعلمه

ولا فسيصبح لدينا في المجتمع من اشباه اللى ملهوش خير في حاتم ملهوش خير في مصر

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣.
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

maha يقول...

سلام عليكي يا اسر
مين اللي غلط ؟
ليه دلوقت بقي المفروض و الطبيعي هو الشئ الخارج عن المالوف ..
..
قبل اي رد انا ليا كذا تعليق علي اكتر من نقطة
اولا
السلبية اللي كانت حاله منتشرة من الناس اللي اكتفوا بالمشاهده من الشباك او اثناء مرورهم في الطريق ..؟؟
ازاي يعني حد ..و لنترض انه حتي كان بين المشاهدين او الهود علي هذا الفعل راجل ..و اسفه اني ااقول عليه راجل لانه مداش رد الفعل المفروض منه عشان القبه بلقب فيه احترام و تقدير زي "راجل"
مين هنا اللي غلط ؟
..
الاب اللي بيدافع عن ابنه و هو اكيد عارف انه غلط من اول لحظة ساب ابنه في حاله الضياع اللي هو فيها دي ..
...
لا حول و لا قوة الا بالله
انتي صح يا اسر
اكيد انتي بتمري بضغوط وواضح ان اهل الطفل ده مراكزهم كبيرة ..بس مهما كانوا فلازم تتمسكي بحقك و موقفك
و ان شاء الله ربنا يحفظك انتي و وزوجك و ابنتك
ربنا مش هيضيع حد بيدور علي حقه بشرف
و ان شاء الله يفوقوا اهله قبل ما يفوقوا علي صدمه اكبر و اكيد راح تكون مؤلمه جدا ليهم
المهم انتي صح...اتمسكي بحقك
ربنا ينصرك يا رب يا اسر
سلام
مها

kiki يقول...

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

Sosso يقول...

انت صح الف في الماية ما تسامحبش لانو اذا انت اكرمت اللئيم تمردا

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品
情趣用品,情趣用品,情趣用品,情趣用品.情趣,情趣,情趣,情趣
視訊聊天室

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人

masry4ever يقول...

بصراحة بصراحة ... الواد كان عنده حق بصى الكلب لما يشوف حته لحمة لازم يجرى عليها ولو فى حته لحمة بس جوه كيس عمره ما هيجرى عليها .. الموضوع طرفى مقص .. هو أخطأ بس أنتى تتحملى قدراً من المسؤلية . وربنا يحميك فى الايام السودا دى

فضفضاتى يقول...

الأخت آسر

أولا انا دخلت على البوست ده لأنى إستغربت إن إسم آسر يبقى نسائى لأن إسمى آسر

ثانيا أنا هاقولك إوعى تتنازلى وإنتى مش غلطانه ولازم ده واللى زيه يتعلموا الأدب ، وماضاع حق ورائه مطالب

أخيرا ربنا يسترها معاكى ومع كل بناتنا وإخواتنا وزوجاتنا

وشكرا

آسر الشاملى

Devman يقول...

ي البداية أنا مستااااااء للغاية لما حدث لك من رعب وقهر نفسي في هذه اللحظات العصيبة
ثانيا أرجو منك الثبات علي موقفك ليس من أجلك فقط ولكن أيضا من أجل المجتمع اللي انقلبت فيه المعايير وأصبح الجاني مجني عليه والمجني عليه هو الجاني قاسي القلب منعدم المشاعر
وأرجو من الجميع الوقوف بجانبك أكتر وأكتر وتقديم الدعم المادي والمعنوي ليكي في هذه القضية ليس لمساندة شخصك فقط ولكن لمساندة القضية بشكل عام
وأرجو منكم أن نعود لروح النخوة التي تربينا عليها والتي لا نري لها أثر الآن في مجتمعنا الثي هرم وشاخ وشاخت مبادءه وقيمه

Mira K يقول...

Unfortunately i have to tell you that harassment is a trend being practiced nowadays!!!.... putting all the blame on the girl which is so much wrong...because all the women (including the elders & the children) have experienced this!!
we're all wondering WHY this is happening i think i know the reason...Most of the women give up their right for the fear of the traditions & conventions which put the blame on the women for whatever mistakes happen....
so Asser please please please don't give up your rights not for the sake of the Egyptian women only ...but also for your own sake,for your husband sake & of course for your children sake...God bless you

الرايق يقول...

اثبتي على موقفك وسيبك من اللي بيقول كلام ملهوش معنى ، وبعدين انا زعلت لما رديتي على احد الشباب مدافعة عن نفسك
مش محتاجة تدافعي عن نفسك لو معاكي حق
ربنا هيجيبلك حقك ان شاء الله
وانتي معاكي حق
ما تشغليش بالك بالليي بيتقال عشان انتي معاكي حق
وأهنيكي على نشر موضوعك في التليفيزيون
دي حركة جريئة منك وربنا يوفقك

will يقول...

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園

غير معرف يقول...

Never leave those bastards get away with their harrassments and ALWAYS be strong, those who tell you not to respond or be considerate screw them.

My friends and I never walk, stand, drive or even live alone without a weapon, ever.Even when with male friends.

A girl I know has her electric shock planted beside her 24/7 or in her pocket and this BS about police and law, tell them WHY you are carrying this and then bother with us instead of beating those non-souls up to death.

I never hated anything as much as these creatures.

Kosasah يقول...

استاذه اسر

اوعى تتنازلى والا مصر كلها هتتنازل
ارجوكى لو احتجتى اى شئ ارسلى لى وانا على اتم استعداد للمساعدة

تحياتى لك ولشجاعتك ولمصريتك

Ahmed komsan يقول...

لا حول ولا قوة الا بالله
اثبتيى على موقفك حتي لو كان ابن مين
ربنا يهدية ويصلح حاله

كويتي مغترب يقول...

نعم الذي فعلتيه هو الصح ..... و الولد و ابوه و الجيران اللي كانوا يتفرجون كلهم على خطأ .. وحتى من يتصل حتى يتوسط له على خطأ .... إلا يستحي من نفسه بأن يتوسط لشخص تحرش بأمرأه ... اين المروءة اي الشهامه والاخلاق العاليه .... للاسف من امن العقوبه ساء الادب .... كان هناك شيء جميل جدا في الماضي وهو موجود في اماكن قليل الان للاسف ..... ألا وهو انه .. اذا تحرش اي شخص في بنت خصوصا في المكان الذي نعيش فيه ... يقوم الجميع بتأديبه وضربه ليكون عبره لمن اعتبر ... توجد مناطق معينه عندنا لا يتجرء الشاب بان يتحرش بأي انثى بها ... لان الكل سوف يضربوه و يعرفوه من هو والتأكيد على انه ليس سوى نكره و من حثاله المجتمع ............................. خير فعلتي ... وصوتنا معك ... ونريد مجتمع شهم كما كان في السابق .. نريد مجتمع يعامل المرأه التي في الشارع كأخته فلا يتحرش بها ويدافع عنها اذا ظلمت ..... اللهم احفظ بناتنا و استر عليهم

غير معرف يقول...

عزيزتى
بالرغم انى معرفكيش ولا أعرف ما يدور حولك من ظنون او شكوك لأن ما حدث من شباب المنطقه الذى تسكنين فيها ليست طبيعى..
لأنهم يعرفوكم
وأن حدث هذا من شباب من خارج المنطقه فسوف نقول انها سفاله وأنحطاط وعدم تربيه ....الخ
لأنهم لايعرفوكم ,,,,,,
ولكن يحتم عليك الموقف أن تتمسكى بموقفك , وهذا رجاء منى كارجل يريد الأمان لزوجته وأبنته وأخواته ولاتتهاونى ولاتضعفى فأنت فى موقف الأقوى وهم الضعفاء , فأن تساهلتى وتنازلتى, فسيحدث هذا مرارا و تكرارا وربنا معاكى ...
.. أحب اقولك ان بموقف والده , نقدر نقول انه الولد غير متربى فعلا, أى أن كان السبب الذى دفعه لعمل هذا فأن عرفتى تربيه بأى طريق ان كانت حتى لو كان دخوله السجن وهذا ما يستحقه, فهذا هو الصواب...
لا تخافى من أى تهديدات وضغط من أى أحد وأن كان حتى (سلطه) لأن كل هذه الضغوط ناتجه عن خوفهم وزعرهم, فلا تتهاونى لأى سبب أن كان
..وأن حدث الضغط عليك انت وزوجك الزائد فاعليك .
1. بمحضر عدم تعرض من قبل أهل الولد .
..وأن تم الضغط عليكم من قبل سلطه ما فلا تخافى .
2. عليك التوجه الى الأمانه العامه(النيابه العامه).
.. و بعد ذالك أن حدث وتم الضغط عليك وتهديد من أى جهة أخرى فلا تخافى ولاتتهاونى فى حقك .
3.عليك التوجه للصحف والجرائد ,وهناك سوف تقابلين الألاف من الصفوف يريدون مساعدتك , وسوف أكون اول الصفوف بأذن الله ,,,,,
انشاء الله ينصرك ويفقك

غير معرف يقول...

صح جدا يا مدام اسر
وان شاء الله حقك يرجع
والولد يكون عبرة لأي حد يفكر يعمل كده

resalatye يقول...

لكل البنات عايزه تكونى اصدقاء بنات بس وعايزه تتكلمى معاهم فى مشاكلك عايزه يكون ليكى اصدقاء بجد تعالى مدونه اصحاب بنات وبس وانتى تتعرفى على اصدقاء جددhttp://banatas7ab.blogspot.com

غير معرف يقول...

This is such a nice addition thanks!!!
عرب كول
شات صوتي شات
شات مغربي
دردشه صوتيه
شات صوتي
إنحراف كام
شات عرب كول
صوتي شات كول
دردشه صوتيه
سعودي كول
شات صوتي
شات صوتي
شات عربي
شات بنات كول
شات صوتي
دردشه صوتيه عربيه

‏«الأقدم ‏‹أقدم   ‏201 – 259 من 259   ‏›أحدث ‏أحدث»