الثلاثاء، 24 مارس 2009

طلب محاموا المتهمين
التأجيل للإطلاع
فتأجلت الى 7 ابريل
****
انا باشكر كل اللى بيسأل علية
او على اخبار القضية
او
اى حد بيسيب تعليق
ايا كان رايه
لأن دة معناه انه اهتم بالموضوع
*****
شكرا للجميع
واخص بالشكر العزيز
أحمد شقير
مدونة حكاوى آخر الليل
لأنه اول من كتب تدوينة عن الموضوع
وأول من دعا المدونين للتكاتف فى حملة لتأييد قضيتى
*****
فى عندى قائمة بأسماء ناس وقفت جنبى
ناس تعرفنى او متعرفنيش لكن ساندتنى
مش عشان اسر .. لأ
عشان همة ضد التحرش
ومؤنين بحق المرأة فى ان تسير بأمان فى الشارع المصرى
القائمة دى هأنشرها كاملة بعد انتهاء القضية




هناك 34 تعليقًا:

غير معرف يقول...

طبيعى لازم هتتأجل شويه بس نتمنى ما يكونش كتير

good luck

غير معرف يقول...

هو متهم واحد أم متهمين ؟

أسوور يقول...

اسامة
شكرا لمتابعتك .. لأنك لا تكل ولا تمل من المتابعة للقضية
سواء فى مدونتى او فى باقى المدونات التى كتبت عن الموضوع ضدى او معايا

أسوور يقول...

مجهول
همة كذا متهم .. تم ضبط اتنين منهم

غير معرف يقول...

check ur facebook MSG

Desert cat يقول...

إن شاء الله خير ويتم الحكم عليهم فى الجلسة القادمة
ربنا معاكى

77Math. يقول...

عارفة أكثر حاجة غايظاني ف الموضوع؟

المماطلة دي، أنا عايزة أسأل الولد دلوقت ف الحبس على ذمة التحقيق ولا حر إلى حين صدور الحكم؟

غير معرف يقول...

هو مش إنتى كنتى قلتى إن الظابط ضبط واحد , الأن أصبحوا إتنين ؟ ..
طيب أحسن بردو

أسوور يقول...

مجهول
من الأول تم ضبط الولد صاحب السيارة وكان معاه صديقه

أسوور يقول...

حماس
انا متضايقة جدا لأن تحريات المباحث قالت انه لم تثبت حدوث المعاكسة وانما ثبت حدوث مشاجرة
طب يعنى كنت بأتخانق وبهلل ليه؟؟؟
!!!!!!!!!!!

أسوور يقول...

قطة الصحراء
ربنا يسهل والعدل يتحقق

انا متضايقة وقلقانة زى ما قلتلك

DantY ElMasrY يقول...

طلب التأجيل دليل على الارتباك
أو فى أحسن الأحوال البحث عن الثغرة القانونية لتكييف الوضع الأفضل للمتهم

عندك محامى ؟
ولا معتمدة على النيابة ؟

soaad fakoory يقول...

اعتقد ان مصر كلها معاكى آسر..حتى ننتهى من هذا التحرش السافل وتأمن
كلواحده على نفسها..اتمنى

Ahmed Shokeir يقول...

آسر

حتى لو لم يأت القانون بما نتمناه .. يكفي جرأتك وشجاعتك في إبراز القضية .. وهذا هو الجانب الإيجابي من القضية وياليت الأخرين يحذو حذوك

ولاداعي للشكر فقضيتك تستحق كل إهتمام

safa7_karmooz يقول...

معلش دى محاكم بلدنا التأجيل هو سمتها

ربنا معاكى ان شاء الله

معلش مقدرتش اجى توداى

هحاول يوم 7 اكون موجود ان شاء الله ..:)

أسوور يقول...

دانتى المصرى

وكلت محامى كويس ومعروف فى القضايا دى
الأستاذ زياد العليمى
وهو محامى نهى رشدى اللى حصلها على الحكم الشهير

أسوور يقول...

سعاد فاروق
ربنا يسهلها والعدل يتحقق
يا رب

تحياتى لك يا سعاد

أسوور يقول...

عزيزى احمد شقير

شكرا مرة ومرات
املى فى ربنا كبير جدا
واكيد العدل هيتحقق

نورت المدونة

أسوور يقول...

سفاح كرموز

دى لعبة محامين يا سفاح

نورتنى

مـحـمـد مـفـيـد يقول...

الموضوع هيطول شويه
بس خليكي علي يقين ان الحق لا يضيع
جايز يتوه شويه
بس عمره ما بيضيع
فيكفيكي شجاعتك واصرارك علي ثبوت هذا الحق

V.Hayat يقول...

اتمنى ليكى التوفيق

نحياتى

غير معرف يقول...

انا معاكي يا اسر وخدي حقك علشان لازم كل البنات والستات يتعلموا من المواقف دي ازاي يواجهوها بشجاعة
وتحياتي لزوجك اللي ياريت يبقى نموذج للرجل اللي يساند زوجته

micheal يقول...

بإذن الله تأخدي حقك حتي لو تأخر..فيكفي إيجابيتك وشجاعتك
تحياتي

DantY ElMasrY يقول...

بتاع اليسار الديمقراطى؟
شخصية جميلة ومحترمة
أعرفه شخصيا

ربنا معاكى

ali & hope يقول...

باتلتوفيق انشاء اللة
والحق يرجع لاصحابة
ويا رب تكون بداية لبنات كتير وستات مش يسبوا حقهم

مواطن مصري يقول...

بأذن الله تاخدي حقك

و نفرح معاكي لما تاخدي حقك يوم 7 ابريل

مواطن مصري يقول...

لية البنات ميعملوش وقفة احتجيجية سواء كانو ضحايا تحرش اولا غير ضحايا


هتكون واقفة تاريخية لو حصلت

غير معرف يقول...

هل قنوات الفضائيات كان لها تواجد ؟

voice of love يقول...

ربنا يفرحنا كلنا باذن الله يوم 7 ابريل

ربنا دايما مع الحق

خليكى واثقة فى ان ربنا سبحانه وتعالى هينصرك .. ودعواتنا معاكى

تحية مستمرة لشجاعتك واصرارك على اظهار الحق

تحياتى المعطرة بالحب

كلاكيت تانى وتانى يقول...

ربنا معاكى يا اسرحبال القانون طويلة والاعيب المحامين كتييييير جدااااااا بس انا شخصيا باخد الاول حقى بأيدية وبعدها بتصل بالشرطة هههههههه
تحياتى

david santos يقول...

Excellent posting!
Happy week!!!

غير معرف يقول...

هي موضوع الوقفة الاحتجاجية ضد التحرش دي فكرة كويسة وتاريخية فعلا , لانها هتبقي مليانه تحرش سواء من الشعب او الحكومة

إيمان قنديل يقول...

سيبك من الموضوع ده خلاص


عايزين كتاباتك الجميله



كفايه أخد منك الموضوع ده وقت كبير



حرمتينا فيه من أبداعاتك

أحمد سليمان يقول...

أتمني لك التوفيق و إن حقك يرجع لك و دا بداية الطريق الصحيح لحل و لو جزء من المشكلة في الشارع المصري