وقفة احتجاجية فى جميع محافظات مصر يوم السبت 18 ابريل لكل المحتجين على التحرشات فى الشارع المصرى
قررت ان ادعو لوقفة احتجاجية فى جميع محافظات مصر
يوم السبت 18 ابريل لكل المحتجين على التحرشات فى الشارع المصرى
دة لينك الجروب على الفيس بوك
من أجل شارع آمن 18 ابريل اليوم المصرى لمواجهة التحرش -حملة مش هأسيب حقى
الهــــــــــــــــدف
ان يوافق مجلس الشعب على قانون تجريم التحرش الجنسى
ألا يكون على المدعية فى قضايا التحرش ان تقدم دليلا على واقعة التحرش
التى عادة ما تحدث فى الخفاء وينفيها المتحرش
فى حين ان اثبات عدم التحرش يكون على المدعى عليه
لأنه يسهل اثبات الصلة ان وجدت بين المدعية والمدعى عليه
فى حين يستحيل احيانا اثبات واقعة التحرش فى أغلب الآحيان
نشر الوعى
بان تتقدم اى سيدة او فتاه ببلاغ فور تعرضها للتحرش
ان يتعاون الرجال المحترون مع أى سيدة او فتاه تتعرض للتحرش بالمساعدة
سواء كانت لمنع المتحرش او للشهادة ضده
تنبيه المتحرش بحجم الإيذاء النفسى الذى يقع على الضحية من جراء التحرش
*****
لو ليكم مطالب أخرى نتمنى المشاركة
الوقفة ستكون فى المقطم حديقة الخزان بجوار حديقة الأندلس
اى ميكروباص من السيدة عائشة - تنزل عند حديقة الأندلس فى شارع 9
التجمع عند حديقة الأندلس الساعة 5 مساءا
الوقفة اجتماعية بحتة ولا تمت للسياسة بصلة ولا نتبع اى حركة سياسية معارضة
نتمنى المشاركة
يوم السبت 18 ابريل لكل المحتجين على التحرشات فى الشارع المصرى
دة لينك الجروب على الفيس بوك
من أجل شارع آمن 18 ابريل اليوم المصرى لمواجهة التحرش -حملة مش هأسيب حقى
الهــــــــــــــــدف
ان يوافق مجلس الشعب على قانون تجريم التحرش الجنسى
ألا يكون على المدعية فى قضايا التحرش ان تقدم دليلا على واقعة التحرش
التى عادة ما تحدث فى الخفاء وينفيها المتحرش
فى حين ان اثبات عدم التحرش يكون على المدعى عليه
لأنه يسهل اثبات الصلة ان وجدت بين المدعية والمدعى عليه
فى حين يستحيل احيانا اثبات واقعة التحرش فى أغلب الآحيان
نشر الوعى
بان تتقدم اى سيدة او فتاه ببلاغ فور تعرضها للتحرش
ان يتعاون الرجال المحترون مع أى سيدة او فتاه تتعرض للتحرش بالمساعدة
سواء كانت لمنع المتحرش او للشهادة ضده
تنبيه المتحرش بحجم الإيذاء النفسى الذى يقع على الضحية من جراء التحرش
*****
لو ليكم مطالب أخرى نتمنى المشاركة
الوقفة ستكون فى المقطم حديقة الخزان بجوار حديقة الأندلس
اى ميكروباص من السيدة عائشة - تنزل عند حديقة الأندلس فى شارع 9
التجمع عند حديقة الأندلس الساعة 5 مساءا
الوقفة اجتماعية بحتة ولا تمت للسياسة بصلة ولا نتبع اى حركة سياسية معارضة
نتمنى المشاركة
هناك 38 تعليقًا:
ان شاء الله
هعمل ما بوسعي علشان اقدر احضر واشارك
بس قوللنا المعاد
احمد ناصر
نتشرف بوجودك انشاء الله
ححاول يا اسر بإذن الله ولو أن المشكة الكبيرة في اليوم بالنسبة لي أني معزوم فيه علي فرح واحدة زميلتي بفندق الماسة
يعني لو جيت تعرفي طريق أقدر أطلع منه بسرعة ع الفندق
:)
تحياتي
مايكل
هو فين فندق الماسة؟
يار يت كنت أقدر اجى بس أنا زى ما أنتى عارفة فى الاسكندرية
طب ما تيجوا تعملوا الوقفة هنا ؟؟
هههههههه
بتكلم بجد المرة الجاية تبقى فى محافظة تانية و هكذا
ربنا معاكو بجد و ياريت يبقى فى عدد كتير
( نصيحتى جمعى اكبر عدد ممكن من الرجال و من المحجبات و المنتقبات )
ياللهوى يا أسر
أنا لسه واخدى بالى
معلش كنت مشغولة الفترة اللى فاتت
رفضوا شهادة الشهود ليه ؟؟
و الواد خاد براءة ليه ؟؟
و اشمعنى فى قضية نهى محصلش كده ؟؟
طب ياريت تكتبى بوست تفهمينا ملابسات الموضوع اكتر و نبى
سارة نجاتى
فى وقفة فى محافظات كتير وجامعات كتير فى نفس اليوم
رتبوا انتوا فى اسكندرية وقولولى المكان وهأبلغ الإعلام
سارة
انا نفسى مش فاهمة
القاضى رفض سماع اقوال الشهود
واصدر الحكم لعدم كفاية الأدلة
نصيب
احيى هذه الفكرة تماماً
وأتمنى ان تجد الصدى اللازم لنجاحها
وهحاول اجى فيها إن شاء الله
ماجد ابراهيم
نتمنى بجد يكون معانا رجال مصر المحترمين عشان نثبت ان مش كل الرجالة فى مصر كدة
شكرا ليك
فكره هايله للاسف ظروفى مش هتسمح انى اجى بس ان شاء الله هعلن عن الايفنت فى مدونتى وعلى صفحتى فى الفيس بوك
ربنا يوفقكم
ازاى الواد ده متحبسش مينفعش تستأنفى او اى حاجه
اتمنى ان تنجح هذه الوقفة الاحتجاجية فى دق ناقوس الخطر لكل انسان فى مصر ان التى تتحرش بها دى( اختك -امك- زوجتك -ابنتك )خلى بالك
بالتوفيق يا اسوور كنت اتمنى اكون بمصر واشارك معاكم بس قلبى معاكم
تحياتى
خليكي كده تتقفشي امن دولة مادام بتحرضي على تجمعات وولادك يتحرموا منكي و تتحرمي من ولادك
أعقلي احسنلك
انا بطالب ان الوقفة تكون من ضمن اهدافها تحويل اسم التحرش الجنسي لكلية التكنولوجيا ببنها
بما ان الرجل كائن مستبد وغاصب ومتحرش ويجد صعوبة في تحديد هوية من يراه سواء كان انثي او ذكر فلابد من حل عملي للتخلص من هذا الكائن .
1- الغاء خانة ذكر من البطاقة
2- تسارع كل فتاة بالتخلص من عائلها الذكروي البغيض وذلك عن طريق تعميم ثقافة الاكياس البلاستيكية والاسلحة البيضاء لتمتد لاعناق الاباء والازواج
3- نشر ثقافة للنساء فقط في الميكروبصات ودور السينما ..........الخ
4- التوسع في عمليات الاستنساخ وتحديد نوع الجنين واتخاذ جميع الاجراءات المشددة للحيلولة دون الوقوع في جريمة وجود ذكر اضافي في الحياه
5- منع جميع الشعارات والرموز السياسية التي تفصح عن هوية الذكر ومعاقبة المخالفين بارتكاب فعل فاضح في الطريق العام
6- جعل جميع الطرق اتجاه واحد عشان اللي يروح ما يرجعش
دلوقتي بس عرفت الديناصور انقرض ليه ؟
اعملوا حملة تعلموا الناس الادب مش وقفات تاني ..... انا مش عارف ايه الناس اللي غاويه زحمة ديه
صباح الخير
كنت اتمنى اكون فى مصر واشارك معاكم لكن اعتقد من سيكون متواجدين فيهم الخير والبركة وقلبى معاكم لتجريم هذا الفعل
ويارب مصر كلها تشارك رجالة وسيدات
تحياتى
السلام عليكم
فكرة الاحتجاجات بخصوص الموضوع ده
فكرة رائعة
وكنت اتمنى انى اكون معكم
لكن للاسف انا حاليا خارج حدود مصر
ثانيا وبدون زعل
هل سبب التحرشات دى الشاب ام الفتاة
الرجل ام المرأة
اسف لو قلت ان هناك الكثيرات من النساء هن اللاتى يطلبنا التحرش
سواء بتعمد او بدون تعمد
وعلشان مطولش عليكم كتير
باتمنى التوفيق للعملية الاحتجاجية
ربنا معكم
بعد المنصة
والله يا آسر لو كنت في مصر لكنت اول واحده معاكي
بس انا عاجبني قوي تعليق
Anonymous
بجد دمه خفيف وزي العسل
شرباااااااااااااااااااات
ولازم يؤخذ كلامه بعين الإعتبار
وربما دي تكون خطة عملنا القادمه
وبعدين انا موش فاهمه بسطويسي ده قاعد لك الواحده ليه
تكونيش مرات ابوه واحنا منعرفش
هههههههههههههه
والله يا اخت غرام انت اللي زي العسل , وواضح ان قبلك رهيف بشكل
وامانة عليكي لو طبقت الخطة بتاعتي تبقوا تعملولي جنازة عسكرية وتكتبي علي قبري
ها قد عدنا يا صلاح الدين
Anonymous
بعد اذنك يا آسور حا ارد على المجهول
اللي خايف يطلع لنا بره
لأننا ستات متوحشه بناكل المشابك
يا مجهول
أنا فعلا قلبي رهيف وقلبي قلب خسايه
وبعدين تعليقك بتاع القبر فيه تلميح إننا موش حا نقدر نعمل حاجه
يعني زي ما كانت الأمهات تشمت في ولادها زمان وتقول ابقى تعالى توف على قبري لو نفعت
عموما وعلى أي حال ياريت تقول لنا قبرك حايكون فين علشان نبقى نيجي نزورك و نعمل عنده وقفه إحتجاجيه
برضه
شفتي اد ايه الناس بتهرج يا بنتي انشاء الله حاجي رغم اني شوفت منكوا كتير اوي زي ما انت عارفه و عشان اثبتلك ان محدش حيجي الحل هو انكوا تسلحوا نفسكوا بسلف ديفنس علي الاقل
غرام
واضح انك فهمتيني غلط .... انا لا بقول تعالوا اعملوا ...... كذا علي قبري , بلاش يبقي ظنك وحش , انا قصدي لو جه يوم وانقرضنا يا ريت تعاملونا معاملة كريمة, وتذكرونا في كتب التاريخ وما نبقاش ياعيني زي الهنود الحمر ... يادوبك يتعمل فيلم عننا اسمه الرقص مع الذئاب وبس
اما حكاية ان خايف اطلع بره ...... لااااااااااا ياأمي لست انا هذا الرجل , انا ممكن اطلع بره في اي وقت ...... اروح بنها , المنصورة ولا بيهمني
بس انا مش عايز ابقي متطفل زيادة عن اللزوم .... يكفيني ان اكون مصدرا للابتسامة علي شفتيك ولو ماتت ذكراي معها
ايه فيلم اذكريني ده ....... المهم انا لا اقصد اي اساءة لا خوفا وانما احتراما وحبا
برضه يا أسوور حارد على المجهول
أولا
أسمح لي أقول لك انك فعلا أضحكتني من كل قلبي
وإضافة الى خفة دمك المصريه الجميلة
انت دقيق ومنظم وأفكارك مرتبه ومسلسله
وبعدين بيني وبينك الرجاله دول بيصعبوا علينا مانقدرش نستقوى عليهم
لأنهم غلابه مالهمش الا أحنا
يا ابني الراجل ده مهم في حياتنا ومنقدرش نستغنى عنه دا احنا نموت
من غيره
حد يستغنى عن ابوه والا اخوه والا حبيبه والا جوزه والا أبنه
والا حتى ابن الجيران
مش ممكن بس بنحب نوريكم العين الحمرا من حين لآخر علشان ماتستقوش علينا
وزي ما بيقول المثل يافرعون أيش فرعنك قال موش لاقي حد يردني
فأحنا كل شويه نردكم علشان خايفين عليكم ليكون مصيركم الموت غرقا زي فرعون
شفت أزاي أحنا بنحبكم
ونبهكم دايما ونقول لكم حنفي
تردوا تقولوا طيب حاتنزل المره دي
لكن المره الجايه كلمتي لاممكن تنزل الأرض أبدا
وبرضه لو شاطر اطلع لنا بره
تحياتي وأحترامي
واضح ان سلسلة التعليقات مستمرة ... بس عموما فضلك تعليق وتخدي 75 قرش
مبدئيا مش مشكلة ان فرعون غرق .... راجل ما بيعرفش يعوم ودماغه برضه برطوشة قديمة ... ويستاهل اللي جراله
المشكلة الحقيقية في حنفي ...... لان حنفي من ساعة ما تجنن وقال من النهاردة ما فيش حكومة ... انا الحكومة ...وهو اتزنق زنقة سودة وشكلة بقي وحــــــــــــش قوي
اما بالنسبة للعين الحمرا ... وبما اننا في فصل الربيع وانتشار التهابات العيون فا للاسف الستات عنيهم بقت حمرا علي طول .... بمناسبة ومن غير مناسبة .... طب بالذمة دا مش ظلم .... دا اشارة المرور زي ما بيقولوا احمر وا صفر و اخضر .... لكن الستات احمــــــــر علي طول , طب اعدي انا ازاي دلوقتي , هي البطالة زادت من شوية الرجالة قاعدين في بيوتهم مش عارفين يعدوا الشارع
اما حكاية اطلع بره دي انا مش فهمها ... معقول بعد العشرة الطويلة دي بتعاملني علي اني كتكوت .... انت عايزة انفلونزا الطيور تنتشر ... خليني قاعد في البيضة ... فلوسي معايا والدش متظبط والنت شغال زي السكينة في الزبادي
دا غير اني كان ليا 3 اصدقاء اتجننوا في يوم وطلعوا بره وللاسف
واحد دخل السجن ,,, والتاني مشرف في السرايا الصفره
والتالت لسه بدور عليه
يا تري انت فين يــــــــــــــا مرزوق ؟
المجهول
اسوور
لو سمحتي المكان بالظبط عشان انا ناوي اجي و معرفش حاجه في المقطم خالص
لا للتحرش
نعم لعقاب المتحرشين بفتيات مصر
فتحي سرور يا فتحي سرور
القوانين ظلمت أسووور
_________
أطالب كل شريف ببر مصر حتي لو رجال
الدفاع عن المرأة واجب قومي وديني
تذكروا إنتفاضة المعتصم للمرأة بعمورية
________
مش مهم تلبس أيه
المهم تحميها يا بيه
****
فتحي سرور يا فتحي سرور
القوانين ظالمت أسوور
دى بعض الهتافات اللي جات بدماغي وألفتها
معاكي أن شاء الله فلنجعلها قضية رأي عام
نشرة اعلانك للوقفه عندى زى مكتبيه واسف اني مستأذنتش بدري
بس يا ريت يبقي الهتاف الرئيسي :
سيد بيه ..... يا سيد بيه .... كيلو اللحمة بقي بجنيه
لان بصراحة نفسي اتحرش بكيلو كباب من فترة , بس المحفظة ضايعة مني من زمــــــــــــــــان
ان شاء الله تجيب نتيجة
عزيزتى
اكيد اى غلط فى المجتمع محتاجات وقفه مننا بس على كده هنحتاج الف يوم لالف وقفه فى السنه
موضوع القضية مش عارف انتى مش مدياله حقه فى المدونة
مع ان المفروض من حق الناس اللى دافعت عنك وساندتك
تعرف ليه الشاب اخد براءه
وبراءته موضوع مهم زى قضية التحرش
يا ريت تهتمى بالموضوع ده واشرحى ليه اخد براءة بالتفصيل
اجابتك على سارة غريبه بالنسبالى
انا نفسى مش فاهمة
القاضى رفض سماع اقوال الشهود
واصدر الحكم لعدم كفاية الأدلة
لو انتى مش فاهمه المفروض مين اللى يفهم
تحياتى
سلام
عزيزتى
اسر
انا بس حبيت اوضحلك ان كلامى ده مش ادانه ليكى ومقصدش بيه اى شئ
لانى عارف ان القضاء المصرى يشوبه كثير من الاخطاء
اللى بتدين ابرياء بسبب تقصير ما
وبتطلع مدانين ابراياء بسبب خطأ ما
ده بس للتوضيح
سلام
اسر عملت تغطية متواضعه عندى اول مرجعت المحله الكبري
شرفيني محتاج منك توضيح
سؤال يا أسر لو جاوبتي عليه اوعدك ابقى مؤدب من هنا و رايح
هو انتم ليه فى التجمهر كنتم ماسكين يافتات بالانجليزي؟؟هما اللى بيتحرشوا بيكم انجليز؟
اي شخص لما بيتحرش بواحدة بأي شكل
اكيد بيتعمد اخفاء فعلته
ومن الصعب اثبات الواقعة
لانها عندما تظهر للنور تظهر في شكل خناقة او مشادة كلامية
كيف تثبت اي فتاة تعرضه للتحرش؟؟؟؟
هل لازم تخلي المتحرش يغتصبها علشان يكون في دليل مادي؟؟؟؟
ننادي بتعديل للقوانين يكفل لاي فتاة او سيدة
توجيه تهمة التحرش لاي رجل عندما يفعل ذلك
ويؤخذ بكلامها دون اللجؤ للادلة المادية
او
السماح لاي فتاة او سيدة بحمل وسيلة للدفاع عن النفس واستخدامها عند تحرش اي شخص بها
مثل الوسائل الموجودة بالخارج والمصرح بها
إرسال تعليق