الثلاثاء، 21 أبريل 2009

تفاصيل يوم 18 ابريل - يوم أن قلنا لا للتحرش






فى تمام الساعة الثالثة والنصف بدأت سيارات الأمن فى الحضور
وكانت هناك سيارتان كبيرتان محملتان برجال الأمن المركزى

وسيارتان بوكس بيلفوا حوالين الجنينة خلف خلاف وبعد شوية وقفوا
ونزل منهم شوية شباب معاهم كورة وبدأو يلعبوا كورة فى جنينة الخزان
تمويه يعنى .. هاهاها
وعدة سيارات اتارى تدور حول الحديقة طوال الوقت
المكان مرشق أمن على الآخر .. ظباط كتيييييييير .. ومعاهم لاسلكى
دة طبعا غير ماتشين كرة القدم اللى كانوا شغالين فى جهتين مختلفتين من الحديقة
*******************
كان أول الحضور الدكتور شريف حافظ مؤسس حركة 14 فبراير
وهى حركة اجتماعية تنموية تهدف الى تقويم السلوكيات الغير مقبولة فى المجتمع المصرى
وتحارب العنصرية بشتى صورها
ثم توالى حضور الآخرين - مجدى وسامح سمير وهو منشىء جروب
معا نمنع المعاكسات - حملة احمى اختك
********************
بدأت الوقفة فى الموعد المحدد فى تمام الخامسة مساءا
وفى المكان المحدد وهو حديقة الخزان بالمقطم
*********************
حضر الوقفة العديد من المدونين والفيسبوكيين
بالإضافة الى أبى وزوجى وأخى
شارك بعض الاجانب فى الوقفة الإحتجاجية
شاركت فى الإحتجاج مندوبة من مركز دراسات المرأة الجديدة
حضر الوقفة محمد عمر من المنوفية وهو الذى تبرع لنا بتصميم لوجو الحملة
حضرت حنان الشريف من الشرقية خصيصا للمشاركة
********************
وزعت البوسترات على الحضور مع العلم انى قمت بطباعتها فى شركتى الخاصة
وهى شركة برينتنس للطباعة الدجيتال
وكان عددهم 40 بوستر وزعت جميعها ولم تكفى الحضور
فقام الزميل سامح سمير وهو رسام كايكاتير
بعمل عدة بوسترات يدوية لتوزع على البقية من الحضور
وقام برفع علم مصر مكتوب عليه - احمينى يا بلدى
**********************
حملت البوسترات شعارات مختلفة تناهض التحرش
لا للعنف لا للتمييز الجنسى
No to violence, of sexual discrimination
الإنتماء هو الحل
we all are Egyptians
انا مش سلعة .. انا انسان
كلنا نهى رشدى .. كلنا آسر ياسر
المتحرش مش انسان
the harasser is not a human
احمى اختك
اوقفوا التحرش
stop harassing me
يوم 18 ابريل اليوم المصرى لمواجهة التحرش
احمينى يا ابن بلدى
مش هأسيب حقى
النهاردة بتقول انا مالى .. بكرة يحصل لأمى واختى وعيالى
احمينى يا بلدى
*******************
تابع الوقفة الإحتجاجية لفيف من الإعلاميين
مثلول العديد من وسائل الإعلام
صحف - مجلات - قنوات فضائية ومحلية - مصرية .. عربية وأجنبية
********************
انضم للوقفة الإحتجاجية بعض المارة
بعضا من سكان المنطقة اصطحبوا اطفالهم للمشاركة
واذكر منهم سيدة شاركت وبناتها الثلاث محتجة
وذكرت انها تتعرض هى وبناتها تتعرضن للتحرش فى كل مرة يخرجن للجامعة او المدرسة
واشادت بمنظمى الوقفة ولم تذكر اسمها
شارك بعض شباب المنطقة فى الوقفة ووعدوا بحماية اية فتاه من التعرض للتحرش
اعتراضا ومشاركة منهم فى الحملة ضد التحرش
*******************
جدير بالذكر انه تقدم شاب الى مندوبة مركز دراسات المرأة الجديدة
طالبا منها ان تساعده على الإعتذار لإحدى الفتيات المشاركات فى الوقفة من سكان المنطقة
لأنه تحرش بها فى احدى المرات
فحيناه جميعا وهو يقول لها
ارجو ان تقبلى اعتذارى ومن هنا ورايح اى هشوفه بيضايق بنت هوقفه عند حده
وصفق له الحاضرون
*******************
لم تحدث أية قلاقل واستمرت الوقفة الصامتة لمدة ساعتين
*******************
من القنوات الفضائية البارزة
المحور - برنامج 90 دقيقة
الحياة - برنامج الحياه اليوم
الأوربيت - برنامج القاهرة اليوم
دريم - الطبعة الأولى
النيل - الساعة - الانسانية
الأهرام -الشروق - روزاليوسف - اليوم السابع - لها
وغيرهم العديد من القنوات والصحف والمجلات والمواقع الإخبارية على شبكة الإنترنت
*******************
لم يحضر الوقفة أحدا من المصرى اليوم
لذلك فقد ارسلت لهم ردا على ما نشرته الصحفية بالجريدة هدى رشوان
بخصوص الوقفة الإحتجاجية من معلومات مغلوطة
سوف ينشر على صفحات الجريدة قريبا
مع العلم ان الصحفية هبة عبد الحميد هى التى كانت تتابع الموضوع منذ بدايته
********************
اصدرت السفيرة مشيرة خطاب بيانا يوم الوقفة الإحتجاجية
تعلن فيه رفضها لظاهرة التحرش التى انتشرت اخيرا وانها ظاهرة دخيلة على مجتمعنا
********************
تحية لكل من شارك بالتواجد او شارك بقلمه او حتى بقلبه
*******************
أما عن الناقدين والحاقدين فأقول لهم
احنا عملنا حاجة كويسة .. حقيقى ايه اللى مضايقكوا؟؟؟؟




هناك 22 تعليقًا:

V.Hayat يقول...

النجاح جميل فى كل شئ واتمنى ان الوقفة تلاقى الصدى والجميل هى البداية بالتوفيق يا اسورو

تحياتى

أسوور يقول...

شكرا يا حياة .. عشان بس يبطلوا نقد وتحرشات

:)
تحياتى

soly88 يقول...

أحييك وياريت المبادرات اللى زى كده تستمر وتدعم
لأن مصر قاربت ان تتحول الى غابه
ياريت الحمله تكون دعوتها اوسع
يعنى عودة الجمال لمصر والمصريين

على باب الله يقول...

نتمنى النجاح للوقفة و يا رب الحركة تمشي و ما تقفش

إيمان قنديل يقول...

ايوه كده ينصر دينك يا آسوور

Unknown يقول...

كان نفسي أكون معاكم بجد حاجة تشرف والله العظيم مش كلام مدونات

أكيد لو كان في فرصة ثانية إن شاء الله هكون معاكم

وعن الناس الثانية أنا مش عارف هما ليه ينتقدوا حركة زي ده مهما كانت مببرراتهم طبعا

غير معرف يقول...

ما شاء الله...بجد شىء يشرف....اعتقد ان مفيش اكتر من كده نجاح
وكويس انك نشرتى البوست ده علشان المشككين
الى الامام دايما استاذه اسر...وننتظر المزيد
دمت بخير

Blank-Socrate يقول...

برافوا آسر
كنت احب انى اكون معاكم سورى كنت برا القاهرة
دا غير انى بصراحه مكنتش متأكد من جديه الوقفه تحياتى
------

غير معرف يقول...

ياعيني عالمزز اللى في الصور
ماعدا انتي طبعا ياأسر الواد اللى عاكسك ده مفروض بتحبس لانه عاكس واحدة مش مزة زيك

غير معرف يقول...

معلش استاذه اسر اسمحيلى
استاذ بسطويسى يؤسفنى انى فى يوم ادايقت لما واحده هزءتك فى احدى المدونات ورديت عليها بس بجد انت تستاهل كل التهزيىء ...وعرف ليه هى هزءتك
حاول تحترم المدونات اللى تدخلها وبلاش تفاهه...وفعلا ليها حق حواء فى اللى قالته عنك

غير معرف يقول...

طيب بما ان الوقفة خلصت .... يا تري العيد امتي ؟

abderrahman يقول...

بالتوفيق يا آسر

Desert cat يقول...

إحنا بدأنا يا أسور
ومهما عمل الحاقدين مينفعش اى حاجه فى العالم توقفنا
ومعلشى يا حبيبتى انا عذراهم فى حقدهم لان اول خطوة ولاقت النجاح العظيم ده
فليهم مننا كل مواساه الحقيقة
واحنا ربنا يوفقنا ونقدر نكمل
انا عايزه استأذنك فى نشر البوست عندى

أسوور يقول...

حنان

ارجو كل واحدة مننا تنشر البوست دة بالصور كمان

عشان يعرف الجميع ايه اللى حققناه

E_Mersal يقول...

بجد بعتذر جدا يا آسر عشان مجتش معاكوا بس فعلا معرفتش انزل القاهرة يومها
بجد الله ينور مقدرش اقولك اكتر من كدة اليوم كان متنظم جدا و ده على غير عادتنا كمصريين
و برضه الامن شكله كان متعاون و من زمان مشفناهوش بيحمى الشعب من غير مايضايقهم و برضه على غير عادتنا كمصريين
بجد الله ينور

E_Mersal يقول...

الاخ اللى بيسأل على العيد اللى اللى بعد الوقفة بجد حلوة منك
و الاخ المانجة التانى اللى مستخف دم ... يا ريت يحل عن سمانا شوية عشان بجد تعليقاتك لذيذة قوى اوى بس مش ببلعها عشان خايف لايجيلى السكر

غير معرف يقول...

هو السؤال حلو فعلا ........ بس ماحدش قال العيد امتي ؟
اوعوا يكون لغوه السنة دي ....... اصل الحراك السياسي من ساعة ما دخل مصر والبلد بقت بتحصل فيها مواقف بايخـــــــــــــــــــــــــــــــه

my dream يقول...

صباح الخير
ازيك يا اسر
انا مبسوطه جدا بالي اتعمل على فكره انا اخدت صورة البوستر وعملتها عندي في البلوجر واتمنى لو نقدر نعمل حاجه زي لوجوا كده ينحط في كل المدونات الي بتساند الموضوع على فكره انا محجبه ومتزوجه ومش بنزل الشارع الا مع جوزي وبرضه بتعاكس مع العلم اني مش ملكة جمال ولا حاجه وكمان غالبا مش بكون حاطه ميكب ولا بلبس ضيق ولا قصير وده برضه ما بيمنعش
ربنا معاكي يا آسر

mahasen saber يقول...

ازيك يا اسر اولا انا اسفه انى مكنتش معاكوا فى الوقفه دى
بس ظروفى كانت ملعبكه

بس عايزه ااقولك ان الكم عملى صدمه

ربنا يكون فى عونك انا حسيت بمراره واتصدمت وانا اعرف كويس يعنى ايه حكم يحكم عليكى بالاحساس ده

my dream يقول...

آسر العزيزه
تعليقك عندي في المدونه بجد
انا حتى مش عارفه ارد
بس بجد شكرا شكرا ليكي
والله ياآسر انا لولا ان اليومين الي فاتوا وحاليا بمر بظروف صعبه جدا جدا كنتي لقيتيني معاكي بس اعمل ايه ادعيلي وانا اوعدك اني هعمل كل الي اقدر عليه

Forrest Gump يقول...

حضرتك كاتبة اسم المفضل غلط
اسمو الصحيح Forrest Gump

انا بصلحو علشنان هاد أحلى موفي عندي أنا كمان

شكرا

واحد يقول...

لازم نتحد عشان نحافظ على بلدنا. لو ماحافظناش عليها, مش حتبقالنا