الخميس، 9 أبريل 2009

تم رفض سماع اقول الشهود بتوعى واصدر القاضى حكمه ببراءة المتهمين
**************
اشكر كل الناس اللى اتصلت بية عشان تتطمن
اشكر كل الناس اللى وقفت جنبى
اشكر كل صحفى كتب عن القضية
اشكر الأستاذ زياد العليمى على رفضه تقاضى اى اتعاب
اشكر مركز دراسات المرأة الجديدة والمركز المصرى لحقوق المرأة لتأييدهم الكامل لموقفى
أشكر المدون العزيز أحمد شقير صاحب مدونة حكاوى آخر الليل
على اثارته القضية ودعوته لحملة فى المدونات
أشكر المدون الصديق محمد حمدى صاحب مدونة
دماغى على الجروب الذى انشأه للتضامن معى على الفيس بوك
هأكتب بوست شكر خاص موجه للمدونين والفيس بوكيين اللى ساندونى قريبا
***********************
أشكر الصحفى الكبير والصديق الدكتور ياسر ايوب على قلمه الذى لم يكل ولم يمل من الكتابة عن القضية وعلى سؤاله الدئم على سير الأمور
أشكر الرائعة بلا منافس الكاتبة المحاربة الأستاذة سحر الجعارة لأنها اول من اهتم وكتب عن القضية
أشكر الفنان المبدع مودى الإمام لموقفه الواضح من التحرشات عموما وتأييده التام للقضية عامة حتى تلك اللحظة
أشكر الصحفية الجميلة ايمان القصاص على تحقيقاتها الرائعة بمجلة نصف الدنيا عن الموضوع وعلى متابعتها واتصالها الذى لم ينقطع
أشكر كل من كتب عن القضية وتحمس لها سواء كتب فى المدونات او على الفيس بوك او فى الصحف والمجلات
أشكر الانسان خيرى رمضان على تأييده للقضية ومتابعته
***************

أشكر كل فرد من افراد عائلتى واخص بالشكر أختى الجميلة سوسو صاحبة مدونة خرابيش القطة سوسو للمجهود الكبير الذى قامت به فى المدونات او على ا لفيس بوك
أشكر اصدقائى جميعا .. وأخص بالشكر أمانى سهر الليالى على ايمانها الشديد بقضيتى من اللحظة الأولى
**********
أشكر و للأبد .. زوجى الحبيب على ثقته الشديدة فى قرارى .. وعلى محبته واحتوائه الدائمين .. وايمانه بأنى .. أنا فقط .. صاحبة الحق فى هذا القرار .. وعلى تأييده ودعمه بشتى الوسائل رغم الحملات التى شنت ضدى وضد اسرته .. الا أن ايمانه بى لم يخفت قط .. ولم يقابل أيا من تلك الحملات الا بكل التأييد لى والإصرار على الإستمرار مهما قالوا .. وفى كل مرة كان يقولها واضحة .. دول شوية متحرشين خايفين منك أحسن البنات تعمل زيك
زوجى الحبيب .. أحبك إلى الأبد
اشكر بناتى الحلوين .. نور وسما .. عشان همة فخورين بمامى
وبقولهم .. انا عملت كدة عشانكوا
وعشانكوا انتوا وكل البنات.. مش هتبقى دى النهاية
دى يادوبك أول طلقة فى الحرب ضد التحرش

هناك 38 تعليقًا:

محمد حمدي يقول...

ماشى

الحكم مش مهم .. المهم ان الناس هتفتكر ان سيده مصريه مخافتش من رعونه شباب حشاش خدش حيائها.. وانها فضلت وراهم لحد ما تحفظت عليهم وجرجرتهم فى قاعات المحاكم

سواء انتى او نهى رشدى الكل هيفتكركم بأول من لم يجبنوا فى مواجهة التحرش والسعار الجنسى الذى حول شوارعنا لمناطق غير أمنه

اما شكرك ليا فا بجد الشكر الحقيقى ليكى انتى اللى تجشمتى كل المعاناه دى عشان ترسى قواعد من شأنها انها تحمى امى واختى وبنتى فى المستقبل .. اللى عملته كان ابسط مسانده وعرفان بالجميل لشخصيه زيك .

تحياتى

مـحـمـد مـفـيـد يقول...

احييكي علي نجاحك
فأنتي لم تخسري القضيه
انتي كسبتي احترامك لنفسك ولقرارك ووقوفك وتصديكي للموقف المشين ده
صدقيني نجحتي
وتأكدي انهم دلوقتي مش فرحانين ان الحكم اترفض
لانهم عارفين انهم مخطئين
فيكفيهم احاديثهم بينهم وبين انفسهم

تحيه لكي ولكل من وقف بجوارك
وتأكدي ان الخطوه رسخت افكار كتيره اوي

تحيه لكي

محمد حمدي يقول...

والخبر على بلوجرز تايمز

http://bloggers-times.blogspot.com/2009/04/blog-post.html

safa7_karmooz يقول...

:(

مضايق حبة ان القضية اترفضت ...

بس يكفى انه اتبهدل اكيد فى الحبة دول

عارفه ممكن فعلا زى ما انتى كاتبه انك خسرتى جولة واحده

بس شايف انك كسبتى كتير

ادتيتى امل لللبنات ان لو حد اتحرش بيهم يبلغوا عنه...خليتى شوية توعية اكتر بكتير لان مش دى حاجه تتسكت عليها ونقول داروا عالفضيحة...لاء دى جريمة وكل واحد بيعملها لازم يتعاقب عليها ..

انتى فعلا كسبتى حاجات كتير يا ىسر ..مخسرتيش الا حاجه واحده...وفى المقابل كسبتى حاجات كتير جدا جدا جدا جدا ..:)

AHMED SAMIR يقول...

ارجو اعتبارها سحابة صيف وعدت
او مجرد زوبعة في فنجان
الاولاد دول اتربوا بما فيه الكفاية..يكفي القلق اللي عاشوه والسمعة اللي اكيد طاردتهم واهلهم
رب ضارة نافعة
جايز جدا يكون دة درس لهم اتعلموه وبدل ما بتسجنوا ويضيع مستقبلهم يكون قرصة اذن ويبقى ما ضيعتيش مستقبلهم
تقبلي تحياتي

... amr يقول...

:S

ممكن تكوني خسرتي القضية .. بس أكيد مخسرتيش احترام و تقدير ناس كتير .. ناس ممكن مكيونوش شافوكي أو شفتيهم

انتي قدوة حسنة .. ربنا يحميكي و يحمي بناتنا و يهدي شبابنا

Fantasia يقول...

ولا يهمك يا آسر.. المهم إن اللي انتي عملتيه هيشجع بنات كتير إنها تدافع عن حقها وعن كرامتها. لكي كل الشرف انك اخذتي موقف ايجابي وماهمكيش كل الضغوط اللي كانت عليكي ودافعتي عن حقك للآخر

الحكم واضح إنه كان بسبب الحرص على مستقبل الشاب المستهتر ده. لكن اللي هيدفع التمن هو المجتمع كله، واللي فلت من العقوبة انهاردة بكرة مش هيقدر يفلت

تحياتي ليكي يا بطلة، ومن حق اسرتك وكل اصدقائك ومجتمعك إنه يفخر بيكي

ايام العمر يقول...

حصل خير
ورب ضرة نافعة
وكويس انك فتحت الباب

Blank-Socrate يقول...

كل التقدير و الاحترام

AAF يقول...

الحكم كان متوقع
تلاقيهم قالوا لنفسهم السجون مليانة و مافيش مكان للعيال
لأن للأسف ماعندناش في مصر جمعيات لإعادة تأهيل و إصلاح الصييع اللي أهلهم ما عرفوش يربوهم
دا لو كان في أمريكا كان حكم عليهم بأقل حاجة
community service hours
معلش يا حبيبتي ماتزعليش نفسك
خيرها في غيرها

Ahmed يقول...

انا معرفش الحكاية ودي أول مرة أزور المدونة بتاعتك لكن أكيد هفضل ورا الموضوع لحد معرف تفاصيل ( فضووووووووووووول )

وربنا معاكي إن شاء الله

77Math. يقول...

تحيا العدالة الاجتماعية وعاش القضاء المصري حر نزيه شريف مفيد عبد العال

عبدالله يقول...

ازاي يعني القضيه اترفضت يعني خلاص مفيش درجات تقاضي تانيه ولا ايه
فهمني يعني الموضوع كده خلص ولا لسه ينفع ترفعي قضيه قدام درجات اعلي

اتمني فعلا انهم يتبهدلوا ويكونوا عبره لكل المتهورين

تحياتي

Desert cat يقول...

مش مهم الحكم
الاهم ان المتحرش اخد درس ان مش ا واحدة جسمها رخيص عليها وممكن يعاكسها وتبتسم له لان دى فتاة الليل اما اللى جسمها غالى عليها هتجرره فى الحكام وهتقلق منامة هيفكر الف مرة قبل ما يقبل على فعل زى ده
ودرس لكل بنت ان فى قانون فى البلد وانها مش سلعة لكل من هب ودب يتعدى عليها بلفظ او بفعل
انت كسبتى كرامتك يا آسر واحترامك لنفسك واحترام الآخرين ليكى مهما كان .. فاكرة يا آسر البقال اللى حذر الولاد اللى كانوا بيعاكسو بنت اختك وفهمهم انكو مش بتسيبوا حقكو ؟؟ ده فى حد ذاته نجاح هايل انكو مش اى حد وان كرامتكو عندكو بالدنيا
كمان سما ونور يكبروا ويبقوا فخورين جدا بمامى وبابى اللى علموهم يعنى ايه انا انسانة غاليه اوى على نفسى يعنى انا جسمى ملكى انا لوحدى مش من حق حد حتى نظرة عابرة مهما كانت
درس لكل بنت دخلت مدونتك انها مش تسكت ومش تقول المجتمع والناس لان المجتمع اللى بيدين البنت لما يشوفها غالية اوى على نفسها غصب عن عينه هيحترمها

تحياتى ليكى ولشجاعتك

Wild at Heart يقول...

و أنا بختلف مع المعلقين إن الحكم مهم، لإن القانون هو الرادع ومش "البهدلة" في الأقسام وبس، ده لو اعتبرنا إن الواد ده أساساً اتبهدل
المهم
أنا لو منك أكتب ورقة وأوزعها في كل عمارات المنطقة جنب الأسانسير إن فلان الفلاني متحرش (من غير ما تقولي إنت مين أو اسمك إيه)وعمل كذا وكذا وأبوه وقف معاه فياريت ماحدش يتعامل معاهم وخدوا حذركم منه وتقدموا ببلاغ للشرطة لو بدر منه أي شيء...
يعني افضحيه الفضيحة التمام وخللي اللى ما يشتري يتفرج وخليه يهج من المنطقة من اللي عمله فيكي ويشوفك بعد كده يحط عينه في التراب.

*SosSoOo* l'o'l يقول...

احنا يا اسووور اللي المفروض نشكرك
مش لتفاصيل الموضوع
ولكن لانك اشتغلتي بكل طاقتك
واهتميتي انك تثيري موضوع
بيضايق كل بنت وسيدة وام واب واخ في مصر

ظاهرة تحدذ كل يوم بمنتهى السلاسة والبساطة من بشر المفروض انهم زينا ومن نسلنا

القضية مش قضية الاولاد اللي ضايقوكي
وانا وانتي عارفين ان مش دي اول مرة حد يضايق واحدة ف الشارع

القضية مازالت مفتوحة
وارجو من الجميع انهم ميناموش
ونستمر في التوعية
ونبذل الجهود

فالقضية مازالت مطروحة

DantY ElMasrY يقول...

فرق كبير بين العدل بالمعنى القانونى وهو العدل بالمعنى الأخلاقى

الملاحظ إن المتهم مارس اللعبة القضائية بدناءة
أبسط حيلة بلجأ ليها محامى فاسد وعاجز عن الدفاع عن موكله
وهو التزير
فالقضية من وجهة نظره مجرد محضر وبالتالى يمكن التلاعب فى القضية بالتلاعي فى المحضر عن طريق رشوة بسيطة لموظف أو ضابط
وبالتالى تفسد القضية
وتعجز العدالة معصوبة العينين عن نصرة المظلوم

لكن رغم كل شىء

اعتقد ان محاميك استسلم بسرعة
لأنه كان يقدر يطعن فى موضوع رقم العربية خصوصا إن الخلاف على مجرد نقطة حبر ممكن أى حد يضيفها

بالإضافة لأن عندك شهود عيان
وشهود العيان فى هذه الحالة أقوى من الاستدلال برقم السيارة

حاولى كدا

سحر اجعارة يقول...

آسر .. لا تحزنى
الحقيقة فة مثل هذه النوعية من الجرائم، لا يكون العقاب هو الهدف منها .. ولا أتصور أن حبس شاب سيضيف شيئا للمرأة المصرية !!. الهدف الأهم هو خلق وعى مجتمعى بخطورة تلك القضايا. وتكوين جبهة تجمع رموز الإستنارة، وأنصار المرأة فى مواجهة العبث بكرامتها .. ومصادرة وجودها .
لقد نجحت يا عزيزتى بجدارة فى تحقيق هذا الهدف. دون أدنى مجاملة، وتحملت الهجوم الضارى بشجاعة وصبر .. وقد قلت لك سابقا أننا ندافع عن أنفسنا ، بدفاعنا عنك .. تذكرى جيدا أن الناس لم تعد تتذكر إسم السائق الذى تحرش بنهى رشدى .. لكنهم يذكرون جيدا أنه عوقب بالحبس !!. القضية ليست فى شخص مصاب بلوثة جنسية، إنها ثقافة عامة تحاصر المرأة .. وقد كسرت الحصار .. ودفعت ثمن موقفك راضية . إسمحى لى أن أشكر زوجك نيابة عن كل إمرأة تفتقد معنى الرجولة الحقيقية
إنها تجربة مرة ومؤلمة أرجو أن تتجاوزيها سريعا
سحر الجعارة

غير معرف يقول...

اشكر كل الناس اللى اتصلت بية عشان تتطمن
اشكر كل الناس اللى وقفت جنبى
اشكر كل صحفى كتب عن القضية
اشكر الأستاذ زياد العليمى على رفضه تقاضى اى اتعاب
اشكر مركز دراسات المرأة الجديدة والمركز المصرى لحقوق المرأة لتأييدهم الكامل لموقفى
أشكر المدون العزيز أحمد شقير صاحب مدونة حكاوى آخر الليل على اثارته القضية ودعوته لحملة فى المدونات

كما اشكر السيد مدير الامن والعاملين بالاستاد واشكر الجمهور والسيد المخرج والسادة الحضور والاخ المذيع
كابتن لطيف

LOJAIN يقول...

الباشا الكبيرة
الف مبروك على فكرة
عشان انتى كسبتى جيش وراكى اهو بيساندك و يدعم قضيتك
والمسج اللى بعتها دى بيفكرنى زى الراجل اللى مع محمد صبحى بيقوله متقدااااااارش

بس ايه ياعم الجبروت ده كله
عينى عينك كده فى وش المدفع
وبعدين زى ما قلتى انه لسةالموضوع منتهاش وعلى راى منير الامانى ممكنة
بس اعذرينى بس فى الحتة دى
انتى مش محتاجة محامى شاطر
محتاجة محامى سافل
عشان يقدروا يتعاملوا مع بعض
من غير ما يظلم حد

أشر انت بس يا جميل و انا الم العصابه و ناكلهولك بريشه غراب العشة ده

Regards:
lojain :)

soaad fakoory يقول...

حصل خير .... ىاآسر...ولكن اهم مافى
الموضوع انك قدمتى لكل فتاه المثل والقدوه والشجاعه والجرأه فى رفض السلبيات التى يعانى منها المجتمع..ووىالا نرجع للتدوين...و

أنا حر يقول...

بعد النجاح اللي حققته قضيتك على المستوى الانساني وتضامن معظم الناس معاكي ضدالتحرش وضد الظاهرة الخطيرة دي احنا مش مستنيين حكم من محكمة لان المجتمع ادان الشاب قبل القاضي
انت نجحتي في قضايا اهم وخسرتي اتفه قضية
اتمنى ان الحملة اللي ضد التحرش متنتهيش بنهاية القضية علشان نقضي على الظاهرة المخيفة دي
تحياتي

allfollowsome يقول...

طبعا انتى اثرتى قضية مهمة جدا وبغض النظر عن النتيجة الموضوع اتعرف انه بعده بيكون فى حساب

.....

معلش هاصطاد فى الماية العكرة شوية وهاقتبس من كلامك

أشكر و للأبد .. زوجى الحبيب على ثقته الشديدة فى قرارى .. وعلى محبته واحتوائه الدائمين .. وايمانه بأنى .. أنا فقط .. صاحبة الحق فى هذا القرار .. وعلى تأييده ودعمه بشتى الوسائل رغم الحملات التى شنت ضدى وضد اسرته .. الا أن ايمانه بى لم يخفت قط .. ولم يقابل أيا من تلك الحملات الا بكل التأييد لى والإصرار على الإستمرار مهما قالوا .. وفى كل مرة كان يقولها واضحة .. دول شوية متحرشين خايفين منك أحسن البنات تعمل زيك
زوجى الحبيب .. أحبك إلى الأبد

انتهى الاقتباس


طب ما فيه رجالة ميت فل واربعتاشر اهه امال ايه بقى

:)

daktara يقول...

يعني اخدوا براءة

طبعا البراءة متعنيش انهم فعلا براءة
ياما ناس اتبرأت بهتانا وياما ناس اتحبسوا ظلم

لكن في الاخير اخدوا براءه
براءه يعني براءه يا هانم

طبعا القاضي او غيره لو عرف اراءك وتوجهاتك اكيد كان هيعمل نفس الشئ

يعني في الاخر برضه هما طلعوا براءة
هنا نفسر موقفك انت بقي بأيه
وهل من حقهم يرفعوا قضية تعويض
او تشهير
او سب وقذف عليكي؟
فعلا شكلها باظت

شكلها باظت
انظر حولك
د. خالد عزب

daktara يقول...

بالنسبة للبوست السابق

مش ده برضه يعتبر تحرش ولا ايه؟
ولا ممكن نسميه دروس في الفسق والانحلال
ولا نجيب علي بلاطة
دروس في العلاقات الجنسية غير المشروعة
ازاي تكون متجوز وتخون مراتك بمنتهي السهولة
ازاي تكون متجوز وتمشي وتنام مع مائة واحدة وولا يهمك

وهل نعتبر الدروس دي
من حد عنده خبره

ولا حد معتاد علي الاخذ والعطاء
علي الفعل ورد الفعل؟

انت بنفسك قدمتي مستند البراءة للقاضي
اي قاضي لو قرا البوست اللي فات
وهيحكم في قضيتك اكيد كان هيحكم نفس الحكم

اخخخخخخخخخخخخخخخخخ

شكلها باظت
انظر حولك
د. خالد عزب

daktara يقول...

ممكن العيال دي غلطانة
بس انت مينفعش تلبسي ثوب الحمل

مواطن مصري يقول...

انا قولتلك يا اسر لازمن يكون فية واقفة للبنات ضد التحرش

دنـيـا محيراني(ايناس لطفي يقول...

انا حزينه للحكم يا اسر حزينه جدا
مش عارفه اتكلم

V.Hayat يقول...

هكذا هى الشرطة المصرية تقلب من المحاضر ثغرات لبراءة المتهمين اللى عايزينهم ياخدوا براءة والقضاء للاسف ياخد بالاوراق وليس بالشهود او ملابسات الحادثة ولكن ولا يهمك المهم انك اخدت موقف من هولاء الشباب ولكن الحذر مطلوب خلى بالك من نفسك واولادك وانشاء الله لا تتعرضين لهذا الموقف ثانيا
تحياتى

*SosSoOo* l'o'l يقول...

دكترة ايه بس؟؟؟؟
ده يادوب اعدادية

ممكن اي حد يفسر اي حاجة على مزاجة ويقلب الموازين.. عادي ... بيحصل

وممكن حد يكون شمتان في حد ... عادي بيحصل

وممكن حد يكون متحرش وبيدافع عن المتحرشين .. عادي .. بيحصل

بس دكترة ؟؟؟؟ ومش فاهم اي معنى من المعاني الموجودة في بوست اسووور اللي فات؟؟؟

دكترة وبيحكم على شخصيات الناس وكأن هو اللي ملاك؟؟؟؟

دكترة و بتفكر للقاضي بطريقة طفولية سطحية مهمشة؟؟؟؟


فعلا هو ده الفرق بين دكتور و ... دكترة ...

daktara يقول...

أسر
الاختلاف في الرأي لا .....

حذفك للتعليق البذئ اللي كان مكتوب اكسبك نقطة ايجابية لدي
الحجة بالحجة
والمنطق بالمنطق
اما شتايم وبذاءات ينم عن ضعف وجهل وقلة حيلة واحساس بالخطأ يحاول صاحبة مداراته بالصوت العالي

شكلها باظت
انظر حولك
د. خالد عزب

daktara يقول...

soso

انا طبعا مش ملاك
ولا ادعي

لك مطلق الحرية في قول ما تشائين
ولكن مش فاهم قولك
بس دكترة ؟؟؟؟ ومش فاهم اي معنى من المعاني الموجودة في بوست اسووور اللي فات؟؟؟

البوست واضح
واذا كنت انت بفلسفة شايفه حاجة تانية بين السطور قولي
منك نستفيد

شكلها باظت
انظر حولك
د. خالد عزب

*SosSoOo* l'o'l يقول...

يا دكترة
انا فهمت كلمة دكترة دي
يعني واحد معاه دكتوراه

ولقيت الامضاء
دكتور

يعني بنتكلم مع عقلية لا تعتمد على التخمينات وانما تعتمد اسلوب بحثي يعتمد على الادلة والبراهين


ومش عارفة ليه كل شوية واحد يدخل يكتب دكتور .. دكتور
طب انا كمان دكتور
بس يعني عمري ما اهتميت اني اقول

لان الموضوع هنا مالوش علاقة

المهم

بالنسبة للبوست يا سيدي
واضح وضوح الشمس
الست بتحذر النساء من الطرق التي يتبعها الرجال في للكذب والخداع والخيانة

وتحذر الرجال ان حيلهم كلها بتتكشف يمكن يتعظوا

واسمح لي

تفكير غريب ان واحد يتخيل ان في واحدة ست متزوجة ممكن تدعو الرجال للخيانة

Unknown يقول...

أيوه مش مهم الحكم و إن كان ظالم لكن يكفى انك لم تتركي حقك و حق كل مصرية تتعرض لهذا الإيذاء اليومي
شكرا ليكي إنت يا أسر

micheal يقول...

المهم أنك حاولتي وده في حد ذاته خطوة إيجابية
اكتبلنا بوست هنا أحسن من الفيس بوك وقولي علي موضوع الوقفة الاحتجاجية وبقية الأفكار اللي عندك لمواجهة تكرار الظاهرة
تحياتي يا اسر

محمد عتلم يقول...

ده فى حد ذاته انجاز ونجاح
مش مهم بأه خد حكم مخدش حكم المهم اتعرف ان فيه احترام للناس وحقوق للبنى ادمين
استمرى والناس كلها معاكى

daktara يقول...

soso
مش عارف ليه انت اللي مديه لموضوع دكتور ودكتره دي اكتر من حجمها وحقها

اما عن قولك
وتحذر الرجال ان حيلهم كلها بتتكشف يمكن يتعظوا

ممكن برضه ... وجهات نظر ممكن انت علي حق وانا غلط
تاني
منك نسنفيد

شكلها باظت
انظر حولك
د. خالد عزب

soaad fakoory يقول...

انا آسفه جداا آسر ..لانى مش حأدر احضر كان عندى مشهد تصوير (واحد)فى الغردقه وكنت ناويه ارجع الجمعه لأشاركك السبت ولكن حظى دايما كده !!ولكن راجعه السبت مساءاا وقلبى معاكى
ومع كل المتحرش بهن!!ومره اخرى تقبلى
اسفى!!ومعلشى..و