الخميس، 8 أكتوبر، 2009

نحن نستخدم حيواناتهم المنوية لنحصل على الصغار

لماذا تصر المرأة على ان تنادى بالمساواة وتقلل من شأن نفسها؟؟؟
هم أدنى منا ... وما يفعلونه فى الحياة هو الأصعب والأقل شأنا وليس ما نفعله نحن
نحن نحمل البشرية كلها فى احشائنا
نحن نبدع فى بقائهم احياء بعد ولادتهم
نحن نصنع شخصياتهم ونكونها بأنفسنا
نحن نستخدم حيواناتهم المنوية لنحصل على الصغار
نحن نستخدم قوتهم ليبنون لنا بيوتنا وليحضرون لنا كل ما نشتهى
نحن نستخدم مجهودهم فى العمل لنشترى زينتنا
نحن نحكمهم بغريزة البقاء الأولى وهى الطعام والشراب
ونسيطر عليهم بغريزة البقاء الثانية وهى الجنس
ورغم اننا تتحكم فينا نفس الغرائز الا اننا اقنعناهم بغير ذلك
ازاى ما أعرفش؟؟ :))

نسيطر على الرجل بساندويتش على الفطار
بطبق ملوخية وحمام محشى
بصينية بسبوسة وقالب كريم كراميل
بكوب شاى بعد الغذاء وفنجان قهوة الصبح بدرى

الرجل لو زعل من زوجته يرافق عليها ويمكن يتجوز عليها
... قليل لما يطلقها
تلاقى واحد جاى كل يوم يشتم فى مراته ويسب ويلعن وفجأة ييجى القهوة وهو مبهدل ودقنه طويلة
فى ايه يا عم ؟؟؟ ايه اللى حصل؟؟؟
مراتى سابت البيت وطالبة الطلاق ... مش هى دى اللى طول الوقت مش طايقها
أه بس مقدرش استغنى عنها

قارن فى حالات الطلاق كم نسبة الطلاق بسبب رغبة المرأة وكم راجل هو اللى بيطلق؟

لما الست تكتشف ان الرجل اللى معاها مش مكفيها ف حاجة ما
جنس او مال او عاطفة
تسيبه فورا وتشوف غيره بلا تررد ... بلا رحمة ... وبكل قسوة تطرده من حياتها

روضته على الا يعبر عن مشاعره ... روضته على ألا يشكو ويبكى
الدموع للنساء فقط ... قمة التحرر من الألم فى البكاء
عليهم ان يتألمون

تسيطر المرأة على الحاجات الأساسية للرجل
شهوة الطعام لبقاء الفرد نفسه
شهوة الجنس لبقاء النوع

يسعى الرجل ويكد ليوفر الرفاهية وهى تجلس فى البيت تشكو انه معزمهاش على العشا من شهرين

لا تتخلى سيدتى عن سيطرتك ... انها مصدر قوتك
فلتظل ايها الرجل تعيش وهم القوة .... فأنت مصدر راحتنا

هناك 31 تعليقًا:

فتاه من الصعيد يقول...

اولا عود احمد :)

ثانيا كده حضرتك فتنتي علينا .... خايفه يطالبوا بانهم يقعدوا في البيت واحنا نصرف عليهم :D

تحياتي لقراءتك للواقع بعقلانيه وذكاء

tw33ty يقول...

على فكرة الراجل ممكن يتخلى عن فكرة الجواز بسهولة عكس المرأة يبقى مين الى مسيطر
و بعدين الكلام الى انتى بتقوليه ده كان زمان دلوقتى الجنس الناعم ما بيعرفش يطبخ ده اذا اساسا كانت قاعدة فى البيت و الولاد فى الحضانة و الهدوم عند المكوجى و باقيتهم فى الدراى كلين او فى الفول اوتومتيك و فى الاخر تقولى لى انك انتى الى مسيطرة و عاوزة تمشى
طب الف سلامة على بيت ابوكى و انزلى بقى دورى على شغل و جيبى مصروفك ده انا بجرى فى ساقية طول النهار و الليل تفتكرى ليه ناقص هم على همى اكيد لا
علشان فى واحدة قاعدة فى البيت انا بحبها عاوز لها احسن حاجة فى عيال شالين اسمى ملك و عمر اينعم هم خانقنى هم و امهم بس تخيلى كده و انت دخلة من باب البيت و ابنك جاى بيجرى عليكى
دى بالدنيا و ما فيها

و بعدين تعالى هنا بتقولى ايه جنس ايه الى مسيطرة علينا بيه بزمتك كان اخر مرة امتى
الاكل اخر مرة طبختى اكلة جوزك طار بيكى السما بيها
يا حوا احنا الاتنين محتاجين لبعض فخلى الطابق مستور و روحى ذاكرى للعيال

نبراس العتمة يقول...

بوست نسائي 100 في 100
الغريب والعجيب أن كل ما قلت يطرح السؤال كبيرا إذا كانت المرأة هكذا؟ ما السبب في قبولها لأفضع الادلال: حجاب/عنف/ استلاب..
ومهما أنه يقال أن لين المرأة قوة فإن هذا قول مردود لأنه حيلة ما عادت تنطلي إلا على العوجيز ولا أظنك منهم
والقول بأن المرأة تحكم من الخلف وهي حلف الرجل هو ليس امتياز
السؤال الكبير من يملك القوة الوهمية؟
لتكن القوة الحقيقية عند أصحاب الضمائر الحية نساء ورجالا.
سلمت.
مودتي

Barracuda يقول...

سيدتي العزيزة،،،

رائحة سحابة الكراهية السوداء والضيق الخانق تفوح من هذه التدوينة - وكأنك تكتبين مرثية تأبين لقتلى معارك داحس والغبراء !!

نحن نعرف أن المرأة مهضوم حقها في كثير من المواضع والأوقات وأن هذا العالم تسيره النظرة الذكورية للامور .. ولكن ليس هناك من داع لهذه النبرة التي تثير الحنق في نفوس النساء المتقلبة بطبيعتها!

نعم الخيانات كثيرة والمصائب أكثر -- ولكن هناك أيضاً رجال لا تلههم تجارة ولا بيع عن بيوتهم وأبنائهم - وليس لديهم ركن يحجون إليه سوى بيته وحضن إمرأته

مهما قلتِ لن تعتكف النساء في معتزل جبلي مسور بالسلك الشائك بعيداً عن عالم الرجال - مهما بذلتِ من الكلمات لن تترهبن النساء وتزهد عالم الرجال.. ولن تتوقف فرحة فتاة حين يجيئ من يخطبها - ولن يقسو قلب إمرأة على زوج تعرف أنه يحبها

وتذكري سيدتي العزيزة.. أنه ليس هناك في هذا العالم أدفأ من حضن رجل قوي وحنون لإمرأته ليشعرها بامتلاك العالم

تحياتي العطرة

سقراط مصر يقول...

لما الست تكتشف ان الرجل اللى معاها مش مكفيها ف حاجة ما
جنس او مال او عاطفة
تسيبه فورا وتشوف غيره بلا تررد ... بلا رحمة ... وبكل قسوة تطرده من حياتها

روضته على الا يعبر عن مشاعره ... روضته على ألا يشكو ويبكى


" ايه الحياد ده مش معقول "
بصراحه وجهة نظر تحترم جدا

احساس لسه حى يقول...

بصراحة

الست اللى بتحس انها مش مساوية للرجل ودايمن تتكلم عن المساواه

بحس انها ناقصها شئ ومحتاجه علاج

الست فى مصر ليها وضعها واحترامها المهم هى اللى تفرض شخصيتها على اللى حوليها وتكون ست بجد

على باب الله يقول...

العجيبة انها قابلة الوضع اللي بيحاول الرجل الشرقي يفرضه عليها ... و احياناً مستمتعة بيه كمان !!

Mustafa يقول...

قرأت البوست عدة مرات محاولة لايجاد معنى اعمق. ما اراه هو اختزال (برأيي مغلوط تماما و مهين في ذات الوقت) للمرأة في نمط واحد (ماذا عن الانماط الاخرى؟) هو نمط "امراة متزوجة" و "ست بيت" و "اداة للتكاثر" و "صانع للحمام المحشي" و "مبدد لمال الرجل على الزينة". و محاولة لتفسير ذلك على انه تسلط لجنس على اخر. لست من مؤيدي هذه المقارنة: "امرأة في صحن الدار تربي العيال أهم؟ أم رجل في الغيط يسوق البهائم و المحراث؟" العالم لم يعد صحن دار و لا غيط! و نزاع الذكر و الانثى ليس بالضرورة بين زوجين (ماذا عن فتاة يجبرها أبوها على اختيار دراسة/جامعة/وظيفة/مدينة معينة) الخ من الانماط الاخرى. طرح سؤال "من هو أهم و أعلى شأنا؟" برأيي هو مدخل مغلوط تماما لبث الثقة و احترام الذات عند النساء. أنت وجهتي رسالتين للنساء و الذكور في النهاية. رسالتين للعداء و لتحقير الاخر. بوجه عام انا مستغرب على هذا الكلام

hosnysoliman يقول...

الاخت العزيزة أسر/وحشتينى فعلا ياه كم هذه الدنيا عجيبة غريبة, وكم هى عادتك المشاغبة ةالحروب الدائمة.ارجوا ان تكون الامور على مايرامز. اطيب امنتياتى.

أحمد1316 يقول...

لا تنسي كذلك أن معظم الازمات على مدار التاريخ كانت بسبب ندرة الرجال...
و لم يشك العالم للحظة من ندرة المرأة .. بل على العكس.. الرجل دوما سلعة نادرة .. و قلته تسبب مشكلة حقيقة
و السبب في انه يقل هو انه يقوم بالأعمال الأصعب و الأهم ليس على مستوى اسرة .. بل على مستوى امه..
كما ان الانبياء كلهم رجال لأن الله يرى ان هذا الجنس هو الأكثر قدرة على حمل الرسالة ..
لا تجعلي الامر معركة .. فلقد يسر الله لكل جنس وظيفته و لا اعتقد أن هناك جنس يطغى على الآخر .. ولو طغى لكان الرجل لعدة اسباب يطول شرحها هنا.. و شكرا :)

نمووول يقول...

اذا لم يستطع ابليس انجاز العمل بنفسه
يرسل المرأة لانجازه

نعم .. نعم انتم الاقوى انتم الافضل وانتم الاهم
وبلاكم ليس لوجودنا معنى ولولاكم لما وجدنا

شكرا
ودمتي بخير

غير معرف يقول...

عفوا ياااا سيدتى مع احترامى لكل ماكتبتيه الا ان هناك نقائص فى افكارك وعلمك بالاشياء اولا بالنسة لشهوة الجنس انتى وصفتى الراجل كأنه هو بس اللى عندة رغبة وغريزة ونسيتى ان الطب والعلوم كلها اثبتت العكس تماما المراءة شهوتها 27 مرة من الراجل ( الرجل شهوتة من عينية اما المراءة من جسدها بالكامل )

ثانياالمراءة التى يبعد عنها زوجها ويسافر اكبر دليل حى وواقعى يثبت انه من الممكن تحمل بعد المراءة فهى ليست بالضرورة القصوى التى وصفتيها اما المراءة التى يتركها زوجها لماذا تكون فى اسواء احوالها وتشتكى دائما بعده وعدم المقدرة على المعيشة من غيرة
يا سيدتى الرسول لما سأل السيدة عائشة قد اية ممكن يترك المراءة الرجل ويسافر قالت له ممكن لحد 3 شهور حيث كان مقصد الرسول الجهاد فأمر الجنود التى تركوا زوجاتهم اكثر من 3 شهور بأن ينزلوا لزوجاتهم حتى لا يفتتنوا وهذا هو الدليل القاطع بعد تحمل المراءة بعد الرجل عنها.
ياسيدتى لازم تفهمى الحياة قبل ان تكتبى مقال كهذة حتى لا تؤثرى فى مفاهيم بعد من البنات بالخطأ ويفوجؤا العكس فى الواقع كلانا الرجل والمراءة فى احتياج للأخر المراءة لاتستطيع العيش بدون الرجل وايضا الرجل لا يستطيع العيش بدون المراءة لان دة الطبيعى اللى ربنا خلقوا ولو حصل غير كدة يسمى شذوذ وغير طبيعى
وبالنسة لسعو الراجل للرفاهية هو دة الأمر الطبيعى لأنة مفضل عن المراءة بما انفق زى ما مذكور فى القرآن .

momken يقول...
أزال المؤلف هذا التعليق.
momken يقول...

هههههههههههههه

ماشى انا مش حاسس اى مركب نقص ان المرأه تكون حتى ارقى منى

المهم يا اسر الست تقتنع بالكلام ده

عارفه يا اسر الفرق بين الست والراجل

الراجل بيشوف الست هى اخته وامه وبنته وحبيبته
ودول كلهم معندوش اى مانع يكونوا افضل منه ومش هيغير منهم

اما المرأه فترى الرجل فى زوجها الى مش طيقاه .....ومديرها فى العمل ......والمنافس بتعها
وحبيبها القديم .....وخطيبها الاولانى

فرق كبيييير


بس البوست جامد

تسلم ايدك


تحياتى

*,*AMY LEE*.* يقول...

الله
كلام جميل جميل جميل
تسلم ايدك والله

غير معرف يقول...

الحقيقة المرة - شعب مصر في كارثه حقيقية‏

صراع فى النيل...

غالبية طعام المصريين الذي يتضمن الكراث والجرجير والبقدونس واللفت والكرمب والخيار والقثاء وغيرها من الأطعمة التقليدية يحتوي الآن على نسب عالية من بكتيريا القولون البرازية والعديد غيرها من البكتيريا والطفيليات التي تسبب أمراضا قاتلة على رأسها السرطان والفشل الكلوي علاوة على إصابة الأطفال بالقصور الذهني ونقص النمو. المزيد من التفاصيل ضمن مقالات ثقافة الهزيمة بالرابط التالى

www.ouregypt.us

Israa El-sakka يقول...

احيييي حضرتك بجد ...فعلا إحنا مسيطرين عليهم بس بنستهبل بجد بحي حضرتك مرة تانية ..لأن مقالاتك واعية جدا جدا جدا :))) مش عارفةأقول إيه تاني

RAWAN يقول...

ممممممممممم بوست روعة ووجهة نظر لاااازم نحطها ببالنا

بس تعرفي .. الكلام دة ما بنفعش مع كل الرجالة .. في منهم ما بحبوا زوجاتهم ومستعدين يتخلوا عنهم بسهولة

عالعموم برضه كل واحد وشطارته وحداقته ..

سعيدة إني دخلت لمدونتك :)
متابعة

غير معرف يقول...

يامتوحشات

mustafa ezzudin يقول...
أزال المؤلف هذا التعليق.
mustafa ezzudin يقول...

أرى ان المقال هجومي بالدرجة الأولى

وكأن الحياة هي صراع بين الرجل والمرأة

وليست علاقة تكامل وتوافق

تحياتي

!!! عارفة ... مش عارف ليه يقول...

جميل أوي المنظور ده

لأن لو كل بنات حوا

شافو الأمور من المنظور ده

هترتاح كل الأطراف

وبالتالي هيتم استيعاب إن العلاقة بين الرجل والمرأة

قائمة على التكامل وليس التنافس


تحياتي
وليد

غير معرف يقول...

ya salam 3ala keda ya salam :)
kol sana wenty tayeba

نساء في حياتي يقول...

الست تقدر تروض الراجل و تخلية طوع ايديها بحاجتين, تعرف تستغل ايديها ..... و رجليها
من ناحية امتى و ازاي

احلى اكل بيطلع من بين "ايديها"

و احلى جنس بيبقى بين "رجليها"

بس تبدع في استخدام الادوات اللي ربنا اداهملها

و الممنوع مرغوب يعني التقل صنعه يا بنات حواء

الست اللي تتدلق على جوزها حتى الراجل مابيرغبش فيها

هي من خلال اهتمامها بنفسها و مظهرها و "ريحتها" من اول النظافة الشخصية للاعتناء بجسمها وشعرها تخللي جوزها يجري وراها في البيت طول النهار ههههههههه

و للا اية رأيك يا أسووووور

Diyaa' يقول...

اذا لم يستطع ابليس انجاز العمل بنفسه
يرسل المرأة لانجازه

نعم .. نعم انتم الاقوى انتم الافضل وانتم الاهم
وبلاكم ليس لوجودنا معنى ولولاكم لما وجدنا


يخرب بيت النقص اللي عندك. ما هو ممكن يقولك إحنا بنستخدم فتحتها ورحمها للحصول على الصغار... إنسانة مريضة وكل المعقدات صقفولك وكل معدومي الشخصية كمان

تاني تعليق هو اللي كان معقول شوية.
ولا خليكي عايشة في مرض السيطرة والتفوق المزيف ده... هتشيلي أوبح يوم القيامة

Wohnungsräumung Wien يقول...

شكرا لكم ..دائما موفقين..))


Wohnungsräumung
Wohnungsräumung Wien

entrümpelung wien يقول...

شكرا على الموضوع
entrümpelung
entrümpelung
entrümpelung wien

Bookmarks يقول...

تسلم ايديك على الموضوع المتميز جداا
delogierung-delogierung
Wohnungsräumung
zwangsräumung-zwangsräumung

umzug يقول...

مشكوووور .. وتسلم ايديك على الموضوع الممتاز
umzug-Transport
Räumung-bookmarks

الربح من الانترنت يقول...

الف شكر على الموضوع الرائع
التسويق الالكتروني
bookmarks

luxusumzug يقول...

Thanks for the blog
umzug wien
umzug wien
umzug
umzug-umzug
Wohnungsräumung