الثلاثاء، 12 ديسمبر 2006

الملل الجنسى والزواج

مين قال ان الست مش بتمل .. ليه المجتمع دائما ينظر إلى النساء على أنهن مجرد اشياء يمتلكها الرجال ..
ان النساء يشعرن بالملل من العلاقة الزوجية كما يشعر الرجال تماما .. ولكن يسهل على الرجل إقامة علاقة أخرى .. يصرح له بذلك الدين والمجتمع .. بينما لا يسمح للمرأة بذلك .. ان المرأة ايضا ترغب فى رجل جديد يملأ اذنيها بكلمات العشق والهيام .. برجل جديد يحاول إكتشافها .. ويحاول إختراق شخصها ونفسها وعقلها وقلبها .. فإن إستجابت المرأة ينبذ من الدين إن كانت علاقة غير شرعية .. وتنبذ من المجتمع إن أرادت الطلاق والحصول على رجل آخر غير زوجها الذى ملها وملته .. مع انه حلال .. تماما كما هو حلال تعدد الزوجات
حينها تتهم المرأة أنها أنانية .. تهد البيت .. وتشرد الأسرة .. وتحطم الأبناء
بينما يعذر المجتمع والدين الرجل إن تزوج من أخرى على زوجته .. وله ألف عذر اقلها أنه قد مل من القديمة .. ألا يحطم لقب القديمة نفس الزوجة ويحط من قدرها وكبريائها .. كيف تعيش المرأة وتربى ابنائها وهى تشعر بالدونية والإحتقار لمجرد أن الزمن مر وأخذ من أيامها ما لايمكن أن تسترده .. كيف تمنح الحب لمن حولها وهى تشعر أنها غير مرغوبة وغير محبوبة .. وهل يمكن أن تصدق أن هذا الزوج يحبها بالفعل ويرغب فيها جنسيا .. فغذا كان يحبها ؟ كيف إذن قبل لها بكل هذا الهوان؟ .. وإن كان يرغب فيها كانثى .. كيف بحث عن أخرى ليقيم معها علاقة ؟ .. مشروعة كانت أم غير مشروعة
أنا ايضا أرى رجالا وأميل اليهم ويثيرون إعجابى كإمرأة .. لماذا أفكر أنا فى جرح مشاعر الزوج والحبيب ولا يخطر هو بباله هذا ؟
ولماذا لا يريد أن يعطينى الفرصة قى التجديد كما يمنحها لنفسه وبكل إصرار؟
مجتمع ذكورى بحت وثقافة وديانات من صنع الرجال

هناك 20 تعليقًا:

أحمد يقول...


الرجال أنواع كثيره لكن فيه نوعين محل كره من جميع النساء الرجال المزواج و البصباص لكن مش كل الرجال كده فيه ناس محترمين جدا

Unknown يقول...

اولا
مبروك البلوج
افكارك جديدة وحلوة
بتترجم مشاعر انثوية كتير جدا بتخجل اى واحدة متزوجة انها تبوح بيها
احييكى على مبادرتك بالبوح
اكيد حنلاقى كلنا سوا حل لكل تساؤلاتك
لو سعينا لتغيير المفاهيم والمعتقدات الذكورية فى مجتمعنا
مش من باب المساواة
لاااااا
من باب حب بحب
قلب يكلم قلب
انسان يحتوى انسان وليس مجرد جسد للمتعة
=======

البوست اللى فات قريته مرة واتنين وتلاتة
شدنى وصفك لمشاعرك الحرة
كل واحدة مننا بتحس بكدة
حتى اللى مش متزوجة
حبيبها كمان بيعاملها بنفس الطريقة
يحب معاها واحدة واتنين وتلاتة
ويرجعلها فى النهاية
انتى الكوم الكبير
انتى الاصل
او زى ما قلتى
القديمة

=========
احييكى تانى يا عزيزتى
مشاعر حقيقية
مشاعر حرة
بدون اقنعة
استمرى فى الوصف والحكى
بنسمعك ويمكن نفيدك

تحياتى يا جميلة

Unknown يقول...

معلش يا عزيزتى
الجوجول اكاونت عامل لى مشكلة فطلع عندك التعليق اتنين
احذفى واحد وكدة
انا شهروزة

أسوور يقول...

يا ريت يا مبرمج تقولى هم فين المحترمين دول عشان فى ناس طالبين طلبية من النوع الجديد دة ..

أسوور يقول...

شكرا ليكى يا شهرزاد على تشجيعك ليه .. انتى جميلة بجد .. أنا أصلى جديدة فى موضوع البلوج دة ومبسوطة ان فى ناس زيك كدة تشجعنى ..

غير معرف يقول...

طب إزاى إنتى مستغربه إن مجتمع الرجل بيقبل للمرأه (بكل هذا الهوان) وهيه اللى بتقبل على نفسها كده من الأول باعتبار إن (ضل راجل ولا ضل حيطه) مش كده؟
أكتر النساء فى مجتمعنا إتجوزت لمجرد الجواز من راجل (الراجل مايعيبوش غير حاجتين جيبه و...)وأنا بتكلم عن الغالبيه الساحقه
طب إنتم جايين تشتكوا من إيه دلوقت؟
وأنا رأيى إن الطرفين لازم يتخلوا عن أنانيتهم علشان خاطر الأولاد ,إيه ذنبهم يصابوا بأمراض نفسية؟

أسوور يقول...

والله انا اتجوزت بعد قصة حب عاصفة كان بيحكوا عنها الناس وقبلت ظروف صعبة جدا جدا فى سبيل اننا نكون مع بعض وكنت مثال للزوجة الصالحة بكل مواصفاتها بجد .. ودة مش رأيي دة رأى جوزى نفسه وكل الناس اللى يعرفونى بس هو مل منى وشافله شوفة .. بيقول ان دى طبيعة الراجل انه يحب التغيير .. ومثنى وثلاث ورباع .. هى دى الحقيقة اللى صعب عبية الإعتراف بيها ..كتالوج الزوجة الصالحة طلع مضروب يا جماعة

أسوور يقول...

أنا مش عارفة أدخل على مدونتك معظم الوقت يا شهروزة .. يا ترى ليه؟

غير معرف يقول...

والله أنا ماكنتش بتكلم عنك بشكل شخصى أنا كنت بتكلم عن المرأة ومجتمعنا بشكل عام أنا كنت بعرض موقفى أنا مش شايف إن من حقى إنى أصدر حكم أو أقول نصايح لحد من الناس أنا بس بحييكى إنك من الأقلية اللى بتدورش على ضل راجل والسلام غير كده الست أدرى باللى بينها وبين الزوج فالقرار هنا يرجعلك إنتى بس برضه العلاقات مش مستحملة أنانية ورد فعل

أسوور يقول...

دلوقتى فهمت قصدك .. وشكرا حقيقى للإهتمام .. ما تبخلش علية بتعليقاتك فى المستقبل .. أرجوك

nooooooooooo يقول...

سلام عليكم

انا لسة ماكملتش قراءة باقى المدونة

و لكن حتى الان عجبانى جدااااا

و اظن ان الجواب بيبان من عنوانه اكيد الباقى رائع

بالنسبة لموضوع الملل الجنسى و الزواج
اشاركك الرأى فى ان الزوج عندمل يمل الجنس فهو يمل الجنس مع الزوجة و يبدأ فى البحث عن اخرى

و لكن اعتقد ان الزوجة عندما تمل الجنس تمل الجنس عموما و ليس فقط مع الزوج

لذلك فى الغالب لا تبحث عن اخر ليس فقط احتراما للعادات و التقاليد

و لكن لانها ملت الجنس عموما

تحياتى لكى على موضوعاتك الرائعة

أسوور يقول...

نانسى
دى نقطة مهمة جدا .. وعندك حق فى جزء منها .. يتسبب الزوج الممل فى ان تمل زوجته الجنس معه .. ولو ما عندهاش تجارب قبله .. تفكر ان كله كدة وتبيع القضية .. هههههه
هى حاجة تضحك بس دى الحقيقة

أسوور يقول...

نانسى .. انتى عاملة التعليقات عندك ما تظهرش .. كدة مش هتشوفى تعليقات حد الا لما تعرضيها بنفسك .. لازم
تظبطيها من الموديراتور
يا ريت تظبطيها لأن البلوج بتاعك حلو جدا وخسارة ان ما حدش يزوره أو يعلق عليه

الحصان الأسود يقول...

رأيي اذا كان زوجك كما تقولين شافلة شوفة مش عارف بقى هيه زوجة تانية ام عشيقة مش حاتفرق كتير عالعموم

واذا كان لا يشبع رغباتك الجنسية ويتجاهلك طبيعي ماهو عندة الجديدة والرجل بطبعه ملول ويحب التجديد

فأنا انة من حقك انت الاخرى ان تجدي من يشبع شهوتك ومن يحتاج اليك وتحتاجين الية

طلاق - زواج من أخر عشق وحب

انتي لك الاختيار

تلك حياتك وشبابك فعيشية بطريقتك

وخللي بالك ان العمر اتجاة واحد
< =====
يعني الثواني اللي عدت دلوقتى اثناء قرائتك لتلك الكلمات ذهبت هباء من عمرك ولن تعود

بصي في ساعتك

شايفة الثواني اللي بتمر دي تك تك تك تك تك

دي رايحه ومش راجعه والعمر زي ماقلنا اتجاة واحد

الحقي اللي فاضل منة

الحصان الأسود يقول...
أزال المؤلف هذا التعليق.
nooooooooooo يقول...

شكرا ياسمين على كلامك الجميل

و اتمنى ان تنال مدونتى اعجابك دائما

على فكرة انا عاملة الموديريتور علشان اقدر امنع اى كلام يكون مش كويس

بدل ما اى حاجة تظهر للناس و يكون كلام مؤذى

و دائما باتابع المدونة و هى لسة فى البدايه ماتعرفتش اوى

اشكرك جدا و اتمنى لكى التوفيق

nooooooooooo يقول...

شكرا ياسمين على كلامك الجميل

و اتمنى ان تنال مدونتى اعجابك دائما

على فكرة انا عاملة الموديريتور علشان اقدر امنع اى كلام يكون مش كويس

بدل ما اى حاجة تظهر للناس و يكون كلام مؤذى

و دائما باتابع المدونة و هى لسة فى البدايه ماتعرفتش اوى

اشكرك جدا و اتمنى لكى التوفيق

غير معرف يقول...

اعتقد انكلمة مللت الجنس كلمة تتنافي والغريزة الالاهية ولو ان الأنسان وصل حد الأشباع من الجنس لأنقرضت البشرية وانتهى نوع الانسان في الكون كما انتهت الديناصورات وخلافه وانما احساسك اختى بالملل حالة مرضية نفسية يوجد لها علاج وتذكري ان الشريعة قد وضعت ضوابط لكل ممارسات الأنسان في الأرض اعانك الله على نفسك وعودة الى الدين الاسلامي لتصلي الى الرقي

غير معرف يقول...

ما هو رأيكم اعزائي القراء الكرانم في وجهة نظري بخصوص الملل والرجوع إلى الشريعة والبعد عن الرزيلة والدنيا لسة طويلة وباقية ومش خلاص يا عديلة أخوكم صداح

Unknown يقول...

ايا كان رأيك في العادات و التقاليد وايا كان اتجاه الرجال و النساء في هذه الايام التي اقل ما يقال عنها انها صعبه من حيث ابواب الفتن التي لا تزال في ازدياد حتي يكون الحليم حيران فارجو مراجعة اخر فقرة في الموضوع حيث تقولين انها اديان من صنع الرجال و هذا خطا ارجو الا يكون مقصود فان الدين من الله و الي الله و الرسول ما ينطق عن الهوي و العيب فينا و ليس في ديننا
و كما قال الشاعر
نعيب زماننا و العيب فينا و ليس لزماننا عيب سوانا
و شكراً