السبت، 16 ديسمبر 2006

التحرش الجنسى 1

التحرش الجنسى قضية سرية لا تظهر إلا عندما تثار كقضية عامة تمس جموع خفيرة فى الوقت نفسه .. ليه ماحدش بيتكلم فى الموضوع دة .. طبعا لا اقصد موضوع وسط البلد .. بل اقصد الموضوع عامة .. كم عدد الذين تحرش بهم جنسيا يوما ما .. سواء فى الطريق العام أو من الأصدقاء أو من أحد الأقارب .. وهل كان تحرشا عابرا فى مواصلة عامة مثلا .. أم كان تحرشا متكررا منتظما من صديق للعائلة أو قريب غير مشكوك فيه؟؟ .. كيف يكون وقعه على الفتاه وكيف يترك أثره على الصبى؟؟ .. وهل تحرش إمرأة ناضجة بصبى يترك اثرا اقل وطاة من تحرش رجل أو ذكر بمعنى اصح بصبى؟ .. ما هو السن الذى يبدأ فيه التعرض للتحرشات؟ .. متى يخشى على الطفل من التحرش؟ .. ما هى طبيعة المتحرش؟ .. ان المتحرشين غالبا ما يكونون ضحايا للتحرش فى سن الطفولة ...
ألا نخرج عن صمتنا فى قضية تهمنا جميعا .. ألم يحن الأوان لنتخفف من هموم الطفولة التى دفناها سنينا طويلة ..
المتحرش هو شخص غير سوى يفكر فى الإيقاع بضحيته كما أوقع به هو عادة .. (هذا لا يعنى أن كل من تعرض للتحرش هو مشروع متحرش)
ان هناك آثارا عديدة يتركها التحرش فى نفسية الطفل .. وتظل معه إلى سن النضج .. ابسطها شعوره بأنه مجرد قيمة جنسية .. ويعامل نفسه من هذا المنطلق دون أن يدرى .. سواء كان فتاة أم صبى
وللحديث بقية بناء على تعليقاتكم ..

هناك 11 تعليقًا:

غير معرف يقول...

مساء الخير يا يسمين
المشكلة الخاصة بالتعليق لانك تعلقين وانت لم تفتحي بلوجك زي مانا دلوقت عامل، افتحي بوجك بكلمة السر ثم يمكنك دخول اي بلوجر اخر وتعلقين وسيظهر عند الضرف الاخر بشكل تلقائي اسم المدونة ولنك لها
أما المشكلة الاولى والخاصة بوضع لنك
أولا تعملي كوبي لعنوان المدونة التي تريدين اضافتها عندك وهذا باستخدام الماوس ثم افتحي
Layout
تكي عليه سيظهر لك على اليمين
Add pag Element
تكي عليه ستخدي جدول بالمهام، فوق على اليسار تجدي
Link list
تكي عليها يظهر لكخانات
في خانة العنوان يمكنك وضع عنوان عام مثلا مدونا صديقة، أو زي ماتحب
ثم تحت تضعي العنوان الذي عملتي له كوب بالضغت على الزر الأيسر من الماوس ستظهر لك قائمة تتكي على
paste
ستجدي العنوان ظهر، ثم تكتبي اسم المدونة
ثم
Publish
بس خلاص

يا ريت أكون عرفت اشرح

سردية
http;//maraseel.blogspot.com

smraa alnil يقول...

السلام عليكم
دي اول مرة ازور مدونتك يا ياسمين وبجد عجبتني اوي
وتابعت كل اللي فات
اكتبي وقولي اللي اي بنت مش تقدر تقوله
دة مش معناه اننا مش قادرين لا
معناه اننا متكتفين
استمري
وكملي موضوعك دة وانا معاكي

غير معرف يقول...

هيه أى قضية متعلقة بالجنس مش قضيه سرية ولا حاجة إحنا بس اللى بنفتكر كدة ناخد مثال أفلام البورنو أى حد بيتفرج عليها بيفتكر إن هوه بس اللى بيعمل كده يعنى التكتم الشديد على كل ما هو جنسى هو دفاع ضد الكبت الرهيب اللى بيفرضه المجتمع أو شعور بالذنب أو الإتنين مع بعض لأن موضوع الجنس ده معقد قوى حسب المجتمع اللى بيعيش فيه الفرد
نيجى للتحرش أنا مثلاً ممكن إكون إتعرضت للتحرش وأنا صغير بس عمرى ماهتكلم طبعاً ممكن أكون مش فاكر(مش عاوز أفتكر) أو أنا إعتبرت نفسى مجرد قيمة جنسية فالموضوع بقى عادى وخصوصاً لو إتكرر وعلى كده الطفل بدل مايعتبر نفسه موضوع الرغبة بينفى عن نفسه الصفة دى بأنه يقوم بالفعل ده مع الأصغر سناً أو عند التقدم فى السن وده يعنى بيتحول من مفعول به لفاعل وده ليه أكتر من سبب إلا لو قابل فى نموه اللى يمنعه من التحول ده عن طريق التربية أو تسامى الرغبه لإتجاهات أخرى غير جنسية لكن فى مجتعتا الموضع غالباً لو ماتجهش للجنس حيتجه للعنف وإقصاء الآخر والعدوانية وعدم تقبل الأفكار والإنطوائية والهوس الجنسى
بس دى حاجة بتفرق من واحد للتانى طبعاً وحاجة معقدة مش سهلة إحنا بنتكلم هنا عن نشاط إنسانى شديد البدائية والتعقيد فى الوقت ذاته

آسف لو كان كلامى معقد شويه

أسوور يقول...

أيوب .. انت بتثبت نظريتى وشكرا على مشاركتك فى الموضوع دة .. أكتر حاجة عاجبانى فى تعليقاتك هى الحماس .. انت عندك حماس لموضوعات الحساسة .. وعند الجرأة انك تناقشها ولو مع واحدة ست .. كثير من الرجال .. بل الغالبية العظمى منهم .. بيرفضوا ان واحدة ست تفتح مواضيع حساسة زى دى .. بس أنا عندى دايما حب استطلاع شديد وفضول عجيب .. لكل ما يحدث من الناحية الإجتماعية ودة من صغرى .. دايما أبحث وأتمحص وأسأل .. الناس ليه اتطلقوا وليه اتجوزا وازاى حبوا بعض وازاى كرهوا بعض وكيف يمارسون الجنس قبل أو بعد الزواج .. أحب أعرف واقارن وأعمل إحصائيات خاصة بية .. ولو مسكت موضوع ما اسيبهوش إلا لما أعرف قراره .. بس بجد قليل الرجالة اللى زيك .. أرجوك تابعنى فى الموضوع دة لأنك لن تتخيل كم منا تعرض للتحرش .. الرقم كبير فعلا

محمد عبد الغفار يقول...
أزال المؤلف هذا التعليق.
غير معرف يقول...

لأ أعتقد إن رجالة زيى موجودين كتير وبيناقشوا التابوهات بجرأة لأن همه فى الآخر رجالة وعندهم الجرأة دى لأن همه فى الآخر رجالة هامش الحرية عندهم هامش حرية أوسع من المرأة فى كل شىء إنما لما يكون واحدة عندها الجرأة دى تفرق كتير وبرضه الحرية لها حدود يعنى أنا مثلا مقدرش أتكلم عن آرائى فى الدين إلا لما أكون مع حد واثق من تقبله للكلام ده
أما فكرة إن الراجل بيرفض إن واحدة تفتح معاه مواضيع زى دى فده موضوع تانى
أحييكى على جرأتك

محمد عبد الغفار يقول...

أنا لغيت التعليق عشان كان فيه اخطاء كتير فى الكتابه اظاهر الأنفعال خلانى اعك واكتب غلط على العموم التعليق مره تانيه بالمضبوط اهه

للأسف اللى انت قلتيه فى الموضوع صح الف فى المية التحرش اصبح وحش رهيب والإنكار صار اشبه بمن ينكر بزوغ الشمس من المشرق وافولها من المغرب لدرجة انى خايف على ابنى انى مقدرش احميه وعلى اختى واللى اكيد بيحصل لها احساس بشع ومؤلم انك تكون مكتوف اليد ادام خطر بيصيب اعز ما لديك
اما بخصوص تعليقك على ايوب فى نقطه هامه للغايه اثرتيها وهى تقتلنى رغم كونها حقيقه من حيث كون الرجل يرفض ان واحدة ست تفتح مواضيع حساسة زى دى على حد تعبيرك
المشكله ان الراجل عندنا لا يستطيع انا يزيح عن دماغه فكره انه يتحدث مع انثى مهما كان موضوع التحدث بجد حاجه تقرف
ولن اذكر من السبب فى ذلك حتى لا اتهم مره اخرى بأنى زكورى

Sun Dec 17, 07:16:00 PM

أسوور يقول...

محمد عبد الغفار .. جميل تعليقك .. صريح و واضح .. بتقول اللى حاسس بيه تجاه الموضوع بصرلحة .. تحياتى وربنا يكتر من أمثالك

الحصان الأسود يقول...
أزال المؤلف هذا التعليق.
أسوور يقول...

الحكاية دى مش أول مرة اسمعها .. والموضوع مش زيادة هرمونات .. هو اللى بيحصل ان اللى بيتعرض لدة فى الصغر بيتخيل فى عقله الباطن انه قيمته كإنسان موجودة فى ممارسته للجنس .. فتجده يكثر منه ويتهافت على ممارسته .. ويشعر دون أن يدرى أنه لن يكون انسان مقبول من النساء ومن نفسه إلا إذا مارس الجنس .. يجب ان تواجه نفسك .. وتكف عن الشعور الدائم بأن قيمتك الحقيقية فى ممارسة الجنس .. كمن يتعلم الغناء مثلا فى الصغر مثلا ويجد الآخرين يحبون الإستماع اليه وبشغف .. فيقرر دون أن يدرى السبب الحقيقى وراء هذا القرار أن يصبح مطربا .. وللحديث بقية

غير معرف يقول...

مساءالخير
فى البداية اود ان اقول ان طرح هذا الموضوع فى غاية الاهمية,و لهذا دعيني اقص عليك هذا:عندى صديقة متزوجة و لديها طفلتان وهى تسكن مع حمتها فى العمرة,و لهذا السبب فان البنات يقابلون اولاد عماتهم كثيرا,ويذهب البنات للعب معا و ايضا يذهب ابن عمتهم معهم (مع العلم ان البنات ما بين السابعة و الثامنة,م هو فى سن الخامسة عشر) و لا احد يعرف م يحدث... حتى خرج كل من بالبيت و تركوه مع البنات ليحرصهم, و اذ به يتحرش بهم,و يجردهم من ملابسهم,و لقد ربط رجل واحدة منهن و فعل م يريد,و لكن الحمدلله لم يحدث شيئا يمس شرف هذة الطفلة البرييئه,لكن حدث ما هو اكبر ,لقد اصيبت البنت بعقدة,ربما ستكون السبب ف فشلها فى علقتها بزوجها فى المستقبل..