عيناك قيود
عيناك بحور تأخذنىأسبح فيها
تغمرنى
أحيانا
وأحيانا أخرى
تذبحنى
كالسكين
تتغلغل فى قلبى المسكين
تقتلنى حنين
يهتز كيانى
ويهيم العشق بوجدانى
اتمنى أن أهجر عيناك
لكنى أعود
وأحيانا أخرى
تذبحنى
كالسكين
تتغلغل فى قلبى المسكين
تقتلنى حنين
يهتز كيانى
ويهيم العشق بوجدانى
اتمنى أن أهجر عيناك
لكنى أعود
لأذوب ببحر هواك
عيناك قيود
عيناك قيود
تطاردنى فى صحوى
تغزونى فى أحلامى
عيناك
تزلزل ايامى
تغزونى فى أحلامى
عيناك
تزلزل ايامى
أوا تعلم كم أهواك؟
فلتنظر فى المرآة
لترى عيناك
هناك 115 تعليقًا:
ايوه كده هو دى الكتابات الجميلة اللى نحب نشوفها منك
تعبيراتك جميلة و راقية
بنتعب منه لكن دايما بنرجع له..مش قلتلك قبل كده إنه أفيون المشاعر
مرحبا بك مرة أخرى فى دنيا الرومانسية الجميلة
ابو ضحى
انت أول واحد تعلق عندى ودة شرف كبير لية لأن معناه انك متابع المدونة أول بأول
وشكرا لرايك فى الكلمة والتعبير
أنا على فكرة عمرى ما رحلت عن عالم الرومانسية .. دة ورايا ورايا
نورتنى واللقاء الشهرى انت هتكون معايا فيه
استعد له بعد اعياد الأخوة المسيحيين وشم النسيم
على فكرة أنا مش بس متابع ده أنا تقريبا بدخل على مدونتك فوق التلات او الاربع مرات يوميا
و الدليل انك فى الاول مكنتيش حطه صورة فى البوست ده و بعدين حطيتى صورة ابيض و اسود و بعدين غيرتيها و ضيفتى جزء تانى على القصيدة
ايه رأيك بقى
الرومانسية شئ جميل و انا عن فسى مقدرش اعيش من غيرها لكن احاسيسنا ممكن تجيبنا لورا او تدفعنا لقدام ...انا نفسى فى النوع التانى لكن يظهر لسه مجاش نصيب فى كده لأنه عندى كله من النوع الاولانى
بادن الله هحضر اللقاء اللى جاى..أهم حاجة يكون يوم جمعة
أو سبت
و على فكرة الجزء اللى ضفتيه أضاف للقصيدة
أوا تعلم كم أهواك؟
فلتنظر فى المرآة
لترى عيناك
ياسمين
انا عارفة انك مش عايشة غير بالرومانسية
واك محتاجة دايما للحب
فمش مستغربة لكلامك دة ابدا
ومتوقعاه
انا بس مبسوطة انك نوعا ما خرجتي من ثوب الجرح وبدئتي علي الاقل تلملي رفات حزنك وتبتدي تفتشي عن مشاعرك وتكتبي من تاني
والعين دايما هي سر شخصية البني ادم وهي المرآة اللي بنقدر نبص بيها علي اللي جوة البني ادم
كلما سبحتي فيها كلما يقتلك الحنين
للهفة حضن
او اشتياق لمسة
ولا داعي لينظر في مرآته ليري عيناه
يكفي ان ينظر اليكي ليري عينيه داخل عينيك
هتلاقي يا ماما صدقيني
رومانسية جدا.. وده جميل
بس تفتكري الحب قيد فعلا.. ولا حرية؟
انا رأيي ان الحب الحقيقي بيحرر الانسان من خوفه ..مش بيقيده بخوف تاني
و طبعا الكلام ده مايمنعش اعجابي بالكلمات الرقيقة
تحياتي
دائما ما تفضح العيون سر القلب
انا عرفت مدونتك عن طريق مدونه محمد حمدى
وفعلا عجبتنى
حاسه برقى فى الكلام والاسلوب
اكيد هزورك كتير
تحياتى ليكى
ياااااااااه
ربنا يكرمك يا رب
وعالطول دايما سعيدة و بتفكري كويس دايما يا رب
شكرا لك
تحياتي من ماناساس البلد
أبو ضحى
انت كشفتنى وكشفت كمان تدرجات بناء القصيدة ومن أول لحظة لآخر لحظة
ودة لأنى دايما بأكتب فى البوست على طول وعمرى ما كتبت على فايل وورد ونقلت للمدونة
المهم انى برضه مش عارفة الاقى كلام يعبر عن سعادتى بمتابعتك وعلى فكرة انا ايضا بأدخل على مدونتك كتير ودى طبعا مسئولية تخليك انت نفسك متابع المدونة وتخليك دايما عندك جديد
اشكرك بجد
سمراء النيل
حبيبتى اللى دايما حاسانى وعارفانى حتى أكتر من نفسى
وآه فعلا يا سمراء حلوة قوى فكرة انه كفاية يبص فى عنية أنا عشان يشوف صورته ويعرف هو ايه بالنسبة لى
واحشااااااااااااانى ومستنية اللقاء الجاى عشان نتقابل لكنى فكرت انه من الأفضل أن يعقد بعد الأعياد
شم النسيم وهيد الأخور المسيحيين
وعلى فكرة احتمال كبير قوى ان يكون فى راعى للقاء .. لما اقابلك على الماسنجر هقولك التفاصيل
وحشتينى بجد يا أرق المدونات
يامن
واحشنىىىىىىىى مووت
مستنية اللقاء بعد الأجازات عشان نتجمع تانى مع بعض
الحب قيد محبب الى النفس
ساعات بتلاقى نفسك مقيد فى علاقة ورغم عذاباتها وجراحها تلاقيك مش عارف تطلع منها
تقرر وتحاول وتفكر وتغامر لكن فى النهاية مربوط فى احساسك ومش عارف تخلى عقلك يسيطر ويقرر انك تبعد
هو دة القيد اللى بأتكلم عنه
لما تقول لنفسك العلاقة أنا ضعيف قدامها يبقى خلاص اتحط قيد حوالين عقلك وقلبك .. قيد من الحب
ريمووو
نورتى المدونة ومش عاوزاكى تبطلى زيارة
أنا رايحة اشوف مدونتك حالا
كلام جميل و انهيتيه بطريقه رائعه
تحياتي
The Groom
دايما من أوائل اللى بيعلقوا عندى
اشكرك على المتابعة
مبسوطة ان البوست عجبك
وربنا يكرمك برضه عشان دايما معايا
شكرا
دوللى
أهلا يا سكرة
وحشانى
اشكرك على الزيارة
ومبسوطة ان الكلام عجبك
تحياتى
ياسمين
ازيك
حلوة جدا
عجبتني الكلمات والاحساس اللي فيها
وعاوزين معلومات عن اللقاء الجاي
تحياتي
عمرو احمد
الحمد لله انه عجبك كلامى
اللقاء اللى جاى مؤجل لما بعد الأعياد
انتظر البوست عن اللقاء
تحياتى
الله يا ياسمين
مانتي بتكتبي شعر حلو اهو
جميله يا نورس
انتي كنتي عاملاها مفاجأة ولا ايه
ايه الجمال ده
تذبحنى كالسكين
تتغلغل فى قلبى المسكين
انا مبجاملش حد وانتي عارفه
برافو
أحمد سلامة
مبسوطة ان عجبتك القصيدة
وعلى فكرة دى أحلى حتة بتعجبنى أنا شخصيا فيها
الأبيات اللى انت اخترتها دى هى المفضلة لى
شكرا يا دكتور
لتنسي عيون لابد ان تعشقي عيون اخرى
اروفوار
جميله اوي يا ياسمين
خصوصا اخر كلمتين
انظر في المراه لاري عيناك
تحفه بجد
احساسك بالحب رائع
ربنا يزيدك جمال وجمال
عوده للبوستات الرومانسيه الجميله التي دوما تتألقين فيها بأحساسيك العاليه جدا في الكتابه
تنمياتي لكي بالتوفيق و حستني بقيه بوست الطلاق الناجح برضه
انا اول مقريت الشعر ده افتكرته كلمات اغنية او قصيدة انتى مقتبصاها من احد الشعراء الكبار زى نزار او غيرةلكنى ملقتش اشارة لكدة فى البوست وبعدين لما قريت الكومنتات اتاكدت ان ده كلامك مش ممكن يا ياسمين فعلاً انتى موهوبه بالفطرةبس القصيدة اكتر من رائعة جميلة فعلاً بكل ما تحملة الكلمة من معنى انا فرحنلك انك خرجتى من المود الى كان مسيطر عليكى اليومين الى فاتوا بس شوفى لما بالك بيروق بطلعى حاجات جميلة ازاى يارب دايماً كدة عشان نستمتع اكتر واكتر ...........سلام
جميله جدا جدا جدا
ايوه يا ياسمين ارجعى لكتابه احاسيسك الحلوه التعبيرات الجامده اللى تخلى الحجر ينطق تذبحنى كالسكين تتغلغل فى قلبى المسكين بجد بجد حلوه موت ..
تحياتى لمعبوده المدونين
هي الحياة كده
شوية رومانسية وحب
وشوية شغل وزعل وبكا
حلوة الحياة ودي متعتها
تحياتي
بصراحه من غير ما تفكرى
هل بدأ الملل يتسلل الى قلبك؟
لا
يبقى انتهينا
نعم
يبقى هل هى حاله مؤقته؟
لا
تبقى مصيبه
نعم
يبقى الى متى؟
ايوة كدة ارجعي حبي الحياةو الحب اللى عشتي علشانه ,الدنيا فيها كتير بس احسن حاجة نعيشها بطريقة تريحنا ,ىعني لو محتاجة الحب خذيه علشان انتي محتاجاه و عايزاه, و لانه شئ بيبسطك و يرضيك,يعني من اللآخر كوني انانية ,و فكري انك تاخدي المشاعر اللي تكفي كل اللي جواكي و اللي مريتي به, شوفتي ان العين مصدر الشعاع الي مبهدل كل الناس,
صديقتى العزيزه
بجد البوست ده من اجمل البوستات الى قريتها عندك فى البلوج و ده مش معناه ان باقى البوستات مش حلوه
لأ ده معناه ان البوست ده حلو اوى حلو زياده كلماته منغمه و رقيقه
و لو مكنتيش مصدقه بصى فى المرايه قصدى بصى للبوست
تحياتى
ازيك يا ياسمينا
ده انت كمان طلعتي شاعرة جامد جدا
كلامك كله احساس
د. خالد عزب
ياسمين الله الله عليك وعلي الرومانسيه الجميله
الرومانسيه دائما ما تضفي بصيص نور وامل في وقت الازمات وبهجه وسرور في كل الاوقات
جميله وحساسه اوي
kalam gameel, u gotta read my poem, only for her eyes
الجميلة ياسمين
انا عرفت مدونتك من خلال مدونة دماغى لمحمد حمدى
وخصوصا لما اتكلم عندك كتير
بس بجد بعد ما قريت الابيات الاكتر من رائعة دى
عرفت ان محمد عنده حق فعلا
كلماتك جميلة بجد
واجمل ما فيها انها بسيطة وسهلة ومعناها عميق وجميل
تسلم ايدك يا ياسمين
ومنتظر منك المزيد دايما
تحياتى
اتمنى أن أهجر عيناك
جميل اوى يا ياسمبن ومتناسق وبيمس قلب كل واحد فينا
يارب الحالى دى تفضل مسيطرة عليكى على طول
على فكرة انا قريت التعليقات وكلها عجبتنى
وعلى فكرة فى مدون جميل اسمه على اسمى
بس عشان متتلغبطيش فينا
انا لسة راسبوتين وهفضل راسبوتين
تحياتى ليكى
وعايز اشوفك قريب
إتأخرت انا في التعليق انا عارف
وبعتذر لسيادة الدكتوره ياسمين
........
عيناك
بحور تأخذني
....
عيناك
سكين تذبحني
....
عيناك
قيود تطاردني
..............
ايه الجمال ده
قصه الحب كلها في عيناك دي
بين حب وعشق وسباحه في روح الاخر
بين هجر وظلم وغدر يقتل ويعذب ويسلب الروح
بين عين لا تقدر ان ترحل عمن احبت رغم غدره
فعيناك قيود
.......
كلامك رائع فعلا بجد اوي يا دكتوره
دمتي سالمه وسعاده ياسمين
رائع كالعاده يا ياسمين
شعور جميل دايما اننا نشوف الحياة من منطلق تاني و كلمات مشاعرها اجمل بكتير من كلماتها
بس يا تري عيناه هتفهم
اتمني
:)
تحياتي
انا اول مرة اعلق عندك بس بجد شعر رائع
وانا ياسمين اللي كنت تقولي من توقع باسمي الحقيقة لم اكن اعرف بوجودك ولكني غيرت الاسم الى الانجليزية لانني لا استطيع تغيير اسمي تماما
ادعوك الى دخول مدونتي الجديدة
http://kalemat48.blogspot.com/
ياسمينه
كلمات جميلة ياسمين
تسلمى عليها
والانسان يعيش بالحب وبدونة لاحياة
تحياتى
طهقانة
صحيح عشان ننسى عيون لازم نحب عيون تانية
لكن النسيان شىء صعب حقيقى خاصة فى الخب
جهينة
سعيدة ان القصيدة عجبتك يا دكتورة
تحياتى
مايكل
فعلا هى عودة للرومانسية
لكن على فكرة انا فعلا جوايا رومانسية لا تنتهى
بس دة سر
:)))
بوستات الطلاق هتتوالى قريبا
انتظرونا
الأرموطى
هى فعلا من كلماتى أنا
ودة اطراء أنا فخورة بيه بجد
كل مود وله انتاجه الفنى والأدبى
تحياتى
westtewest
متشكرة جدا جدا جدا
وما تحرمنيش من الزيارة
سهر الليالى
معبودة المدونين مرة واحدة
دة بس عشان انتى بتحبينى
ربنا ما يحرمنيش منك ابدا يا سكرة
The Alien
صحيح .. هى الحياة كدة
مرة حب وسعادة .. مرة حب وتعاسة
مرة حب ونشوة .. مرة حب ولهيب
هى دى الدنيا
harmless
انت لخبطتنى بجد بالتعليق بتاعك
أنا مش ناقصة تساؤلات
انا عندى مليون سؤال عاوزين اجابات فى خاطرى فإنت بتزودهم علية
ماشى يا عم
مقبول منك
janin
صحيح يا جنين يا حبيبتى
العين والقلب بينهم لغة خاصة
مين اللى يقدر يعيش من غير قلبه ما يكون بيدق
الحب دة حاجة مش بإدينا ومهما حصل ما تعرفيش تعملى ايه عشان تهربى منه
وحشتينى
whyme
على فكرة انا رجعت قريت البوست تانى وحسيته تانى
أصلى دايما بأكتب بتلقائية وسرعة من غير تفكير
فى كلام كتير حلو .. حلو عشان طلع من جوة .. احساس مش مجرد كلام
شكرا يا صديقى العزيز
daktara
شفت بقى
سبع صنايع والبخت ضايع
نورتنى
hamasat
حسستينى انى بطلة فيلم رومانسى بجد
مبسوطة ان البوست عجبك
تحياتى
WHISKEY PUZZLER
هآجيلك واقرا اللى كتبته
العيون لها لغة خاصة
تحياتى
SeeFoOoOo
اشكرك بجد على كلامك اللطيف دة
ومحمد حمدى أحرجنى بكلامه الجميل عنى
أخجل تواضعى فعلا
تحياتى
raspoutine
ايوة فى مدون اسمه على اسمك وأنا فكرته انت
دلوقتى فهمت انك هتفضل على طول راسبوتين
معلش العتب على الفهم
واحشنى والله
مجهول
انت فعلا اتاخرت شوية بس اسعدنى انك جيت برضه
استنيت تعليقك ولم تخذلنى
صحيح العيون هى التى تحمل رسائل الحب
للعيون لغة خاصة .. للعيون عالم خاص
مبسوطة بتعليقك
عبد الله
والله الفهم دة حاجة من عند ربنا
ساعات الواحد تبقى قدامه الاشياء واضحة وضوح الشمس ورغم ذلك يبقى متشكك برضه
وعجبى
yasmina
أهلا بيكى يا ياسمينة
معلش تشابه الأسماء عامل لخبطة شوية
نورتينى بجد وهاروح أشوف مدونتك حالا
تامر نبيل
صحيح مين يقدر يعيش من غير حب
دة يبقى كان قلبه توقف عن النبض بالحياة باظبط
نورتنى
حلوة قوي قوي
هاستنى كتابات رومانسية أخرى وهانتظر اللقاء
تحياتي
ياسمين
ايه الرقه ديه كلها
جميل اوي جو الرومانسيه ده
كنت محتاجه اوى اشوفه عندك
تحياتي ياجميل
يارومنسياتيك يا ياسمين
علي فكره انا اكتر كلام بحب اسمعه في الرومانسيه عن العيون بعشق الوصف فيها و الكلام عليها حتي لما باجي اكتب حاجه لازم اذكر فيها العيون والا ااحس بالنقص اكمن عنايا حلوه ههههههه اشطه يا ياسمين
حلوة قوي يا ياسمينا
وحشتيني يا ست إنتي
ايه ده
هو انتى دكتورة يا ياسمين؟
ياترى طبيبة ولا صيدلانية؟؟
بجد بجد ابداع
انتي مدهشه
ربنا يحفظك يا رب
و اسمحيلي ارد بكلماتي المتواضعه
عينيكِ
علي صفحات عينيكِ ..
كتبت الشعر اغنيه ..
علي صفحات عينيكِ ..
محوت خطوط سنواتي .
نسيت جميع ما اكتب ..
و لا اذكر سوي عينيكِ ..
و بعضاً من قراءاتي .
جعلتك قبله تقصد ..
و نوراً .. صعب أن يرصد ..
و ما اكتبه في عينيكِ ..
اصبح كل عاداتي .
فهل يا كل ما املك ..
و ايضاً يا قناعاتي .
تحبيني .. كما اهواكِ ؟ ..
و هل انتِ علي علم ..
بأني فيما اكتبه ..
اعبّر عن معاناتي .
و شياً من نداءلتي.
و حين يجيئني صوتك ..
اعيش الحب اغنيه ..
و تنساني عذاباتي .
احن اليكِ سيدتي ..
فأسكن شوق كلماتي .
فضميني ..
لأن البعد يأكلني ..
يزيد من حماقاتي .
فضميني ..
فدونك انتِ سيدتي ..
اودع عمري الباقي ..
و لا ابكي علي ذاتي .
تحياتي
إسلوبك فى الشعر تحفه يا ياسمين .. رغم إنى بعتبر نفسى إنسان غير متذوق للشعر لكن بجد كلامك لمس قلبى
تحياتى .. وشوفى ميلك فيه رساله منى أو إبعتيلى ميلك عشان أبعتلك عليه
سلام
هاي
انا فارس الي كالمتك علي الميل
وده الينك بتاع مدونتي يارب يعجبك
و تعجبك افكاري
عبوووود
مبسوطة ان البوست عجبك
تحياتى
محض الروح
يعجب بالرومانسية من هو فعلا رومانسى
وانتى انسانة حساسة فعلا
تحياتى
كوبا
ابو عيون حلوين
العيون ليها لغة خاصة .. ممكن تقول اللى ما يتقالش باللسان
تحياتى
أميرة
صديقتى العزيزة
البعيدة القريبة
الحاضرة الغائبة
وحشتيييييييييييييييينى
ابو ضحى
انا دكتورة فى القلوب يا باشا
فى المشاعر والأحاسيس
فى سلوكيات البشر
فى نفسية الناس
فى الحب والكراهية والخير والشر اللى جوة الجميع
ليه وعشان ايه فلان بيتصرف كدة
ليه وعشان ايه فلان سلوكه مخالف لارائه
ليه وعشان ايه فلان عنيف وفلان لطيف وفلان يبدو ظريف وهل هى الحقيقة؟
نفسية الناس لعبتى
تحب اعالجك؟
:))))))))
pro id
قصيدة فى منتهى الروعة
انت حاططها فى بوست
لازم طبعا
اشكرك .. تضائلت قصيدى بالمقارنة بما كتبت
تصفيق حاد بجد
محمد حمدى
الإيميل وصل
تذوق الشعر زى تذوق الفن ساعات واحد ما بيحبش الرسم ولا اللوحات يروح مكان يشوف لوحة تشده
الشعر كدة برضه
لوحة فنية ترسمها الكلمات بدلا من الالوان
فاريو
دخلت على مدونتك
شعرت فعلا بمذكرات شاب غاضب
تحياتى
القصيده جميله أوي... العيون أرقي لغه للتعبير عن الحب...معلش إذا كنت برد متأخر... بس البوست تحفه
سلاااااااااامات يا ياسمين
ريرى
اشكرك على رايك
وسلامات يا ريرى
هههههه
ضحكتينى و الله يا ياسمين..سورى..أقصد يا دكتورة ياسمين
نسانك صعب اكيد
لا وحشة السونج دي
شغلي سونج
اه يا ليل
ازيك يا ياسمين
أنا تابعت كل التغيرات اللي مريتي بيها في الفترة الأخيرة
وسعيد بخروجك من حالة الحزن اللي مريتي بيها
يا رب أشوفك دايما سعيدة
لا لا لا إيه الكلام الجامد الكبير قوي قوي ده.. أجمل ما قيل عن العيون
فعلا العيون بحر واسع أحياناً حصان نركبها ونطير وأحياناً قيود تشلنا وتوقفنا
انت بعد كلامك مفيش كلام يتقال
تحياتي يا ياسمين
اصدقائي الأعزاء
نظراً لأنشغالي الشديد ولحتى نهية العام قررت دمج مدونتي سردية وسرديات مصرية وإليكم العنوان الجديد
http://maraseel60.blogspot.com
اتمني انك تكوني في احسن حال
هو انت نفضتي خلاص
للقاء
؟؟؟
ياسمين
بعد السلام
انا بس بسلم وبتشرف بدعوة سعادتك لحضور حفل غنائي اتمنى تشريفك
http://hearttrainer.blogspot.com/2007/04/wama.html
ده لينك الدعوة
وآسف انا هقولك بما ان الوقت ضيق قوي
بطلب منك تبليغ الناس فقط حطي اللينك ده في بوست عندك
وشكراً ليكي
منتظر تشريفك يا جميل
لوهله صغيرة تخيلت انها أغنية معروفة و اخذت ادندها بلحن من خيالى
كنت منقطع عن التدوين لفترة و اسعدنى كثيرا رؤيتك تنشدين مرة أخرى
يااااااااااه
قد ايه تبقى الحياة جميلة ...مع مج الشاى....وتدوينة جميلة من ياسمين نقراها الصبح قبل اى حاجه...:)
اولا الكلمات فيها احساس جميل جدا...اى حد يركز كويس وهوا يحسها ....
ثانيا ...عجبتنى اوى التعابير ...البسيطة...مش مكلكعه..ززى تغمرنى...وتذبحنى...
مش عارف...اصل لو قعدت من هنا للصبح ااقعد اقول هى حلوة قد ايه مش هيكفى ...:)
ارفع قبعتى لكى سيدتى ...:)
ابو ضحى
انا مش دكتورة خالص على فكرة
لكن كتير من صحابى بيطلقوا علية اللقب دة .. لما اشوفك على الماسنجر هقولك السبب
طهقانة
حاضر هاغير السونج يا ست الكل
محمد صلاح عزب
اهتمامك بالآخرين يدل على انسانيتك
اشكرك
ابراهيم محسن
أنا اللى مش عارفة أرد اقولك ايه على تعليقك الجميل دة
تحياتى
سردية
نورت المدونة
هاروح اشوف المدونة حالا
شادى فايد
اللقاء هيعلن عنه قريبا
استنى البوست
ابراهيم محسن
اى خدمى يا فندم
بس كدة تحت أمرك
أحمد حداد
وكمان عملت لحن
انا كدة هأتغر فى نفسى بجد
واحشنى .. استنى بوست اللقاء
سفاح كرموز
لما قريت تعليقك تخيلت نفسى واقفة بالقى القصيدة قدام الناس وانك فعلا بعد ما خلصت القاء القصيدة بتتقدم كام خطوة تجاهى لترفع قبعتك مع انحناءة بسيطة
سعدت بهذا الخيال
اشكرك واستنى بوست اللقاء
ايه الرومانسيه والكلام الحلو ده
ماقدرش اقول غير الله الله الله
تحياتى
جميلة اوى الكلمات دى يا ياسيمن
ووالحمد لله انتى احسن كتير ..يوم بعد يوم
اسف والله انى متاخر فى الرد بس فعلا كنت مشغول
تحياتى
اولا روعة كلامك
رقيق قوى
زى الندى على ورق الورد
ميرسى قوى على كلامك الجميل فيا
انا بعت لك ميل ياريت تشوفيه
جبسون
عجبتك؟
وكمان الله الله الله
يا سلام على كدة يا سلام
طارق
ولا يهمك يا بطل
انا عارفة انك مشغول
مشغول وحياتك مشغول
ربنا يسعدك يا طارق
لجين
نورتى مدونتى
أنا شفت الكلام اللى كتبتيه فى مدونة دكتور لذيذ وعجبنى
ودلوقتى انتى شرفتينى بالزيارة
بجد .. اشكرك ورايحة اشوف الميل حالا
بصراحة المدونة رائعة و الموضوع اروع
عمرو
اشكرك ورايحة اشوف مدونتك
شريف
هأروح أزورك ومش كل سنة لأ على طول
ana 2et2akart fel rad basss enty 3arfa el zoroooof :)
ana mish ha2olek eah el kalaaam el gamed dah !!!!!!!
wala eah el romanceya deah !!!!!!!
ana ha2olek !!!!!!!!!!!!!!!!
enty zay el 3asal .
we 3omr el kalaaam ma haY kafeeky :)
كلام جميل وكلام معقول مقدرش اقول حاجة عنه
جميلة اوى
للأمام دائما ان شاء الله
متعرفيش راسبوتين اختفى فيين؟؟؟
انا عملت توبك وبدور عليه ..http://meshmesh5000.blogspot.com/2007/04/blog-post_12.html
dr_lazeez
انا مش قدك ولا قد الكلام دة
أشكرك على شعورك وتقديرك وثقتك وايمانك
YHY
أشكرك على تعليقك اللطيف
تحياتى
سفاح كرموز
انا رحت وسبت تعليق
تحية كبير لقلبك الكبير
اعتقدته في البدء كلامًا ولاكني اكتشفت انه حروف رائعة تشكلت بايدي انسانة
حالمة رائعة الاحساس ....
... سلمت مشاعرك ...
أحمد طاهر
أنا مبسوطة جدا جدا بوجودك فى مدونتى
وسعيدة أكتر لقراءتك البوستات القديمة
مرحبا بك سيدى فى عالم التدوين
لاني في هواكي قد سكنت
وبكل معاني الهوي تكلمت
اطلقت صوتي في العشق
احبك
احبك
بلا قيد او شرط
سندباد
انت شاعر باين عليك
اشكرك على قراءة بوستات قديمة
تحياتى
انا دايما بقول ان احلي حاجه في الانسان عينيه واكيد انتى عينيكى حلوة قوى عشان تكتبي الكلام الجامد ده
انوس
كتر خيرك يا قمر على التعليق السكر دة
يا رب ما تغيبيش بقى
ياريت الدنيا تمشى على هوانا
او تبقى عارفة اللى جوانا
كلام جميل
http://4moreandmorelove.blogspot.com/ياريت تزورينى
إرسال تعليق