الخميس، 5 أبريل 2007

عيناك قيود

عيناك بحور تأخذنى
أسبح فيها
تغمرنى

أحيانا
وأحيانا أخرى

تذبحنى
كالسكين
تتغلغل فى قلبى المسكين
تقتلنى حنين
يهتز كيانى
ويهيم العشق بوجدانى
اتمنى أن أهجر عيناك
لكنى أعود
لأذوب ببحر هواك
عيناك قيود
تطاردنى فى صحوى
تغزونى فى أحلامى
عيناك
تزلزل ايامى
أوا تعلم كم أهواك؟
فلتنظر فى المرآة
لترى عيناك

هناك 115 تعليقًا:

أبو ضحى يقول...

ايوه كده هو دى الكتابات الجميلة اللى نحب نشوفها منك
تعبيراتك جميلة و راقية

بنتعب منه لكن دايما بنرجع له..مش قلتلك قبل كده إنه أفيون المشاعر

مرحبا بك مرة أخرى فى دنيا الرومانسية الجميلة

أسوور يقول...

ابو ضحى
انت أول واحد تعلق عندى ودة شرف كبير لية لأن معناه انك متابع المدونة أول بأول
وشكرا لرايك فى الكلمة والتعبير
أنا على فكرة عمرى ما رحلت عن عالم الرومانسية .. دة ورايا ورايا
نورتنى واللقاء الشهرى انت هتكون معايا فيه
استعد له بعد اعياد الأخوة المسيحيين وشم النسيم

أبو ضحى يقول...

على فكرة أنا مش بس متابع ده أنا تقريبا بدخل على مدونتك فوق التلات او الاربع مرات يوميا
و الدليل انك فى الاول مكنتيش حطه صورة فى البوست ده و بعدين حطيتى صورة ابيض و اسود و بعدين غيرتيها و ضيفتى جزء تانى على القصيدة
ايه رأيك بقى

الرومانسية شئ جميل و انا عن فسى مقدرش اعيش من غيرها لكن احاسيسنا ممكن تجيبنا لورا او تدفعنا لقدام ...انا نفسى فى النوع التانى لكن يظهر لسه مجاش نصيب فى كده لأنه عندى كله من النوع الاولانى

بادن الله هحضر اللقاء اللى جاى..أهم حاجة يكون يوم جمعة
أو سبت

أبو ضحى يقول...

و على فكرة الجزء اللى ضفتيه أضاف للقصيدة

أوا تعلم كم أهواك؟
فلتنظر فى المرآة
لترى عيناك

smraa alnil يقول...

ياسمين

انا عارفة انك مش عايشة غير بالرومانسية
واك محتاجة دايما للحب
فمش مستغربة لكلامك دة ابدا
ومتوقعاه
انا بس مبسوطة انك نوعا ما خرجتي من ثوب الجرح وبدئتي علي الاقل تلملي رفات حزنك وتبتدي تفتشي عن مشاعرك وتكتبي من تاني

والعين دايما هي سر شخصية البني ادم وهي المرآة اللي بنقدر نبص بيها علي اللي جوة البني ادم
كلما سبحتي فيها كلما يقتلك الحنين
للهفة حضن
او اشتياق لمسة
ولا داعي لينظر في مرآته ليري عيناه
يكفي ان ينظر اليكي ليري عينيه داخل عينيك
هتلاقي يا ماما صدقيني

yamen يقول...

رومانسية جدا.. وده جميل

بس تفتكري الحب قيد فعلا.. ولا حرية؟
انا رأيي ان الحب الحقيقي بيحرر الانسان من خوفه ..مش بيقيده بخوف تاني

و طبعا الكلام ده مايمنعش اعجابي بالكلمات الرقيقة

تحياتي

Reemo يقول...

دائما ما تفضح العيون سر القلب
انا عرفت مدونتك عن طريق مدونه محمد حمدى
وفعلا عجبتنى
حاسه برقى فى الكلام والاسلوب
اكيد هزورك كتير
تحياتى ليكى

Eric Matt يقول...


ياااااااااه

ربنا يكرمك يا رب

وعالطول دايما سعيدة و بتفكري كويس دايما يا رب

شكرا لك

تحياتي من ماناساس البلد

أسوور يقول...

أبو ضحى
انت كشفتنى وكشفت كمان تدرجات بناء القصيدة ومن أول لحظة لآخر لحظة
ودة لأنى دايما بأكتب فى البوست على طول وعمرى ما كتبت على فايل وورد ونقلت للمدونة
المهم انى برضه مش عارفة الاقى كلام يعبر عن سعادتى بمتابعتك وعلى فكرة انا ايضا بأدخل على مدونتك كتير ودى طبعا مسئولية تخليك انت نفسك متابع المدونة وتخليك دايما عندك جديد
اشكرك بجد

أسوور يقول...

سمراء النيل
حبيبتى اللى دايما حاسانى وعارفانى حتى أكتر من نفسى
وآه فعلا يا سمراء حلوة قوى فكرة انه كفاية يبص فى عنية أنا عشان يشوف صورته ويعرف هو ايه بالنسبة لى
واحشااااااااااااانى ومستنية اللقاء الجاى عشان نتقابل لكنى فكرت انه من الأفضل أن يعقد بعد الأعياد
شم النسيم وهيد الأخور المسيحيين
وعلى فكرة احتمال كبير قوى ان يكون فى راعى للقاء .. لما اقابلك على الماسنجر هقولك التفاصيل
وحشتينى بجد يا أرق المدونات

أسوور يقول...

يامن
واحشنىىىىىىىى مووت
مستنية اللقاء بعد الأجازات عشان نتجمع تانى مع بعض
الحب قيد محبب الى النفس
ساعات بتلاقى نفسك مقيد فى علاقة ورغم عذاباتها وجراحها تلاقيك مش عارف تطلع منها
تقرر وتحاول وتفكر وتغامر لكن فى النهاية مربوط فى احساسك ومش عارف تخلى عقلك يسيطر ويقرر انك تبعد
هو دة القيد اللى بأتكلم عنه
لما تقول لنفسك العلاقة أنا ضعيف قدامها يبقى خلاص اتحط قيد حوالين عقلك وقلبك .. قيد من الحب

أسوور يقول...

ريمووو
نورتى المدونة ومش عاوزاكى تبطلى زيارة
أنا رايحة اشوف مدونتك حالا

دوللي يقول...

كلام جميل و انهيتيه بطريقه رائعه
تحياتي

أسوور يقول...

The Groom
دايما من أوائل اللى بيعلقوا عندى
اشكرك على المتابعة
مبسوطة ان البوست عجبك
وربنا يكرمك برضه عشان دايما معايا
شكرا

أسوور يقول...

دوللى
أهلا يا سكرة
وحشانى
اشكرك على الزيارة
ومبسوطة ان الكلام عجبك
تحياتى

Amr Ahmed يقول...

ياسمين

ازيك
حلوة جدا
عجبتني الكلمات والاحساس اللي فيها

وعاوزين معلومات عن اللقاء الجاي

تحياتي

أسوور يقول...

عمرو احمد
الحمد لله انه عجبك كلامى
اللقاء اللى جاى مؤجل لما بعد الأعياد
انتظر البوست عن اللقاء
تحياتى

أحمد سلامــة يقول...

الله يا ياسمين
مانتي بتكتبي شعر حلو اهو
جميله يا نورس
انتي كنتي عاملاها مفاجأة ولا ايه
ايه الجمال ده

تذبحنى كالسكين
تتغلغل فى قلبى المسكين

انا مبجاملش حد وانتي عارفه
برافو

أسوور يقول...

أحمد سلامة
مبسوطة ان عجبتك القصيدة
وعلى فكرة دى أحلى حتة بتعجبنى أنا شخصيا فيها
الأبيات اللى انت اخترتها دى هى المفضلة لى
شكرا يا دكتور

bastokka طهقانة يقول...

لتنسي عيون لابد ان تعشقي عيون اخرى

اروفوار

gohayna يقول...

جميله اوي يا ياسمين
خصوصا اخر كلمتين
انظر في المراه لاري عيناك
تحفه بجد
احساسك بالحب رائع
ربنا يزيدك جمال وجمال

micheal يقول...

عوده للبوستات الرومانسيه الجميله التي دوما تتألقين فيها بأحساسيك العاليه جدا في الكتابه
تنمياتي لكي بالتوفيق و حستني بقيه بوست الطلاق الناجح برضه

الأرمـوطــي يقول...

انا اول مقريت الشعر ده افتكرته كلمات اغنية او قصيدة انتى مقتبصاها من احد الشعراء الكبار زى نزار او غيرةلكنى ملقتش اشارة لكدة فى البوست وبعدين لما قريت الكومنتات اتاكدت ان ده كلامك مش ممكن يا ياسمين فعلاً انتى موهوبه بالفطرةبس القصيدة اكتر من رائعة جميلة فعلاً بكل ما تحملة الكلمة من معنى انا فرحنلك انك خرجتى من المود الى كان مسيطر عليكى اليومين الى فاتوا بس شوفى لما بالك بيروق بطلعى حاجات جميلة ازاى يارب دايماً كدة عشان نستمتع اكتر واكتر ...........سلام

غير معرف يقول...

جميله جدا جدا جدا

سهر الليالى يقول...

ايوه يا ياسمين ارجعى لكتابه احاسيسك الحلوه التعبيرات الجامده اللى تخلى الحجر ينطق تذبحنى كالسكين تتغلغل فى قلبى المسكين بجد بجد حلوه موت ..
تحياتى لمعبوده المدونين

The Alien يقول...

هي الحياة كده
شوية رومانسية وحب
وشوية شغل وزعل وبكا
حلوة الحياة ودي متعتها

تحياتي

harmless يقول...

بصراحه من غير ما تفكرى
هل بدأ الملل يتسلل الى قلبك؟
لا
يبقى انتهينا
نعم
يبقى هل هى حاله مؤقته؟
لا
تبقى مصيبه
نعم
يبقى الى متى؟

janin يقول...

ايوة كدة ارجعي حبي الحياةو الحب اللى عشتي علشانه ,الدنيا فيها كتير بس احسن حاجة نعيشها بطريقة تريحنا ,ىعني لو محتاجة الحب خذيه علشان انتي محتاجاه و عايزاه, و لانه شئ بيبسطك و يرضيك,يعني من اللآخر كوني انانية ,و فكري انك تاخدي المشاعر اللي تكفي كل اللي جواكي و اللي مريتي به, شوفتي ان العين مصدر الشعاع الي مبهدل كل الناس,

Unknown يقول...

صديقتى العزيزه


بجد البوست ده من اجمل البوستات الى قريتها عندك فى البلوج و ده مش معناه ان باقى البوستات مش حلوه
لأ ده معناه ان البوست ده حلو اوى حلو زياده كلماته منغمه و رقيقه

و لو مكنتيش مصدقه بصى فى المرايه قصدى بصى للبوست


تحياتى

daktara يقول...

ازيك يا ياسمينا
ده انت كمان طلعتي شاعرة جامد جدا
كلامك كله احساس
د. خالد عزب

hamasat يقول...

ياسمين الله الله عليك وعلي الرومانسيه الجميله
الرومانسيه دائما ما تضفي بصيص نور وامل في وقت الازمات وبهجه وسرور في كل الاوقات
جميله وحساسه اوي

Hamza matar يقول...

kalam gameel, u gotta read my poem, only for her eyes

غير معرف يقول...

الجميلة ياسمين
انا عرفت مدونتك من خلال مدونة دماغى لمحمد حمدى
وخصوصا لما اتكلم عندك كتير
بس بجد بعد ما قريت الابيات الاكتر من رائعة دى
عرفت ان محمد عنده حق فعلا
كلماتك جميلة بجد
واجمل ما فيها انها بسيطة وسهلة ومعناها عميق وجميل
تسلم ايدك يا ياسمين
ومنتظر منك المزيد دايما

تحياتى

raspoutine يقول...

اتمنى أن أهجر عيناك


جميل اوى يا ياسمبن ومتناسق وبيمس قلب كل واحد فينا
يارب الحالى دى تفضل مسيطرة عليكى على طول

على فكرة انا قريت التعليقات وكلها عجبتنى
وعلى فكرة فى مدون جميل اسمه على اسمى
بس عشان متتلغبطيش فينا
انا لسة راسبوتين وهفضل راسبوتين
تحياتى ليكى
وعايز اشوفك قريب

مجهول يقول...

إتأخرت انا في التعليق انا عارف
وبعتذر لسيادة الدكتوره ياسمين
........
عيناك
بحور تأخذني
....
عيناك
سكين تذبحني
....
عيناك
قيود تطاردني
..............
ايه الجمال ده
قصه الحب كلها في عيناك دي
بين حب وعشق وسباحه في روح الاخر
بين هجر وظلم وغدر يقتل ويعذب ويسلب الروح
بين عين لا تقدر ان ترحل عمن احبت رغم غدره
فعيناك قيود
.......
كلامك رائع فعلا بجد اوي يا دكتوره
دمتي سالمه وسعاده ياسمين

عبدالله يقول...

رائع كالعاده يا ياسمين
شعور جميل دايما اننا نشوف الحياة من منطلق تاني و كلمات مشاعرها اجمل بكتير من كلماتها
بس يا تري عيناه هتفهم
اتمني
:)

تحياتي

yasmina يقول...

انا اول مرة اعلق عندك بس بجد شعر رائع
وانا ياسمين اللي كنت تقولي من توقع باسمي الحقيقة لم اكن اعرف بوجودك ولكني غيرت الاسم الى الانجليزية لانني لا استطيع تغيير اسمي تماما
ادعوك الى دخول مدونتي الجديدة
http://kalemat48.blogspot.com/
ياسمينه

Tamer Nabil Moussa يقول...

كلمات جميلة ياسمين

تسلمى عليها

والانسان يعيش بالحب وبدونة لاحياة

تحياتى

أسوور يقول...

طهقانة
صحيح عشان ننسى عيون لازم نحب عيون تانية
لكن النسيان شىء صعب حقيقى خاصة فى الخب

أسوور يقول...

جهينة
سعيدة ان القصيدة عجبتك يا دكتورة
تحياتى

أسوور يقول...

مايكل
فعلا هى عودة للرومانسية
لكن على فكرة انا فعلا جوايا رومانسية لا تنتهى
بس دة سر
:)))
بوستات الطلاق هتتوالى قريبا
انتظرونا

أسوور يقول...

الأرموطى
هى فعلا من كلماتى أنا
ودة اطراء أنا فخورة بيه بجد
كل مود وله انتاجه الفنى والأدبى
تحياتى

أسوور يقول...

westtewest
متشكرة جدا جدا جدا
وما تحرمنيش من الزيارة

أسوور يقول...

سهر الليالى
معبودة المدونين مرة واحدة
دة بس عشان انتى بتحبينى
ربنا ما يحرمنيش منك ابدا يا سكرة

أسوور يقول...

The Alien
صحيح .. هى الحياة كدة
مرة حب وسعادة .. مرة حب وتعاسة
مرة حب ونشوة .. مرة حب ولهيب
هى دى الدنيا

أسوور يقول...

harmless
انت لخبطتنى بجد بالتعليق بتاعك
أنا مش ناقصة تساؤلات
انا عندى مليون سؤال عاوزين اجابات فى خاطرى فإنت بتزودهم علية
ماشى يا عم
مقبول منك

أسوور يقول...

janin
صحيح يا جنين يا حبيبتى
العين والقلب بينهم لغة خاصة
مين اللى يقدر يعيش من غير قلبه ما يكون بيدق
الحب دة حاجة مش بإدينا ومهما حصل ما تعرفيش تعملى ايه عشان تهربى منه
وحشتينى

أسوور يقول...

whyme
على فكرة انا رجعت قريت البوست تانى وحسيته تانى
أصلى دايما بأكتب بتلقائية وسرعة من غير تفكير
فى كلام كتير حلو .. حلو عشان طلع من جوة .. احساس مش مجرد كلام
شكرا يا صديقى العزيز

أسوور يقول...

daktara
شفت بقى
سبع صنايع والبخت ضايع
نورتنى

أسوور يقول...

hamasat
حسستينى انى بطلة فيلم رومانسى بجد
مبسوطة ان البوست عجبك
تحياتى

أسوور يقول...

WHISKEY PUZZLER
هآجيلك واقرا اللى كتبته
العيون لها لغة خاصة
تحياتى

أسوور يقول...

SeeFoOoOo
اشكرك بجد على كلامك اللطيف دة
ومحمد حمدى أحرجنى بكلامه الجميل عنى
أخجل تواضعى فعلا
تحياتى

أسوور يقول...

raspoutine
ايوة فى مدون اسمه على اسمك وأنا فكرته انت
دلوقتى فهمت انك هتفضل على طول راسبوتين
معلش العتب على الفهم
واحشنى والله

أسوور يقول...

مجهول
انت فعلا اتاخرت شوية بس اسعدنى انك جيت برضه
استنيت تعليقك ولم تخذلنى
صحيح العيون هى التى تحمل رسائل الحب
للعيون لغة خاصة .. للعيون عالم خاص
مبسوطة بتعليقك

أسوور يقول...

عبد الله
والله الفهم دة حاجة من عند ربنا
ساعات الواحد تبقى قدامه الاشياء واضحة وضوح الشمس ورغم ذلك يبقى متشكك برضه
وعجبى

أسوور يقول...

yasmina
أهلا بيكى يا ياسمينة
معلش تشابه الأسماء عامل لخبطة شوية
نورتينى بجد وهاروح أشوف مدونتك حالا

أسوور يقول...

تامر نبيل
صحيح مين يقدر يعيش من غير حب
دة يبقى كان قلبه توقف عن النبض بالحياة باظبط
نورتنى

Abd El Rahman Magdy يقول...

حلوة قوي قوي

هاستنى كتابات رومانسية أخرى وهانتظر اللقاء

تحياتي

محض روح يقول...

ياسمين
ايه الرقه ديه كلها
جميل اوي جو الرومانسيه ده

كنت محتاجه اوى اشوفه عندك

تحياتي ياجميل

Music Gates يقول...

يارومنسياتيك يا ياسمين

علي فكره انا اكتر كلام بحب اسمعه في الرومانسيه عن العيون بعشق الوصف فيها و الكلام عليها حتي لما باجي اكتب حاجه لازم اذكر فيها العيون والا ااحس بالنقص اكمن عنايا حلوه ههههههه اشطه يا ياسمين

Unknown يقول...

حلوة قوي يا ياسمينا

وحشتيني يا ست إنتي

أبو ضحى يقول...

ايه ده
هو انتى دكتورة يا ياسمين؟
ياترى طبيبة ولا صيدلانية؟؟

•«ρяoιd»•™ يقول...

بجد بجد ابداع

انتي مدهشه

ربنا يحفظك يا رب

و اسمحيلي ارد بكلماتي المتواضعه

عينيكِ

علي صفحات عينيكِ ..
كتبت الشعر اغنيه ..
علي صفحات عينيكِ ..
محوت خطوط سنواتي .
نسيت جميع ما اكتب ..
و لا اذكر سوي عينيكِ ..
و بعضاً من قراءاتي .
جعلتك قبله تقصد ..
و نوراً .. صعب أن يرصد ..
و ما اكتبه في عينيكِ ..
اصبح كل عاداتي .
فهل يا كل ما املك ..
و ايضاً يا قناعاتي .
تحبيني .. كما اهواكِ ؟ ..
و هل انتِ علي علم ..
بأني فيما اكتبه ..
اعبّر عن معاناتي .
و شياً من نداءلتي.
و حين يجيئني صوتك ..
اعيش الحب اغنيه ..
و تنساني عذاباتي .
احن اليكِ سيدتي ..
فأسكن شوق كلماتي .
فضميني ..
لأن البعد يأكلني ..
يزيد من حماقاتي .
فضميني ..
فدونك انتِ سيدتي ..
اودع عمري الباقي ..
و لا ابكي علي ذاتي .

تحياتي

محمد حمدي يقول...

إسلوبك فى الشعر تحفه يا ياسمين .. رغم إنى بعتبر نفسى إنسان غير متذوق للشعر لكن بجد كلامك لمس قلبى

تحياتى .. وشوفى ميلك فيه رساله منى أو إبعتيلى ميلك عشان أبعتلك عليه

سلام

خواطر شاب غاضب يقول...

هاي
انا فارس الي كالمتك علي الميل
وده الينك بتاع مدونتي يارب يعجبك
و تعجبك افكاري

أسوور يقول...

عبوووود
مبسوطة ان البوست عجبك
تحياتى

أسوور يقول...

محض الروح
يعجب بالرومانسية من هو فعلا رومانسى
وانتى انسانة حساسة فعلا
تحياتى

أسوور يقول...

كوبا
ابو عيون حلوين
العيون ليها لغة خاصة .. ممكن تقول اللى ما يتقالش باللسان
تحياتى

أسوور يقول...

أميرة
صديقتى العزيزة
البعيدة القريبة
الحاضرة الغائبة
وحشتيييييييييييييييينى

أسوور يقول...

ابو ضحى
انا دكتورة فى القلوب يا باشا
فى المشاعر والأحاسيس
فى سلوكيات البشر
فى نفسية الناس
فى الحب والكراهية والخير والشر اللى جوة الجميع
ليه وعشان ايه فلان بيتصرف كدة
ليه وعشان ايه فلان سلوكه مخالف لارائه
ليه وعشان ايه فلان عنيف وفلان لطيف وفلان يبدو ظريف وهل هى الحقيقة؟
نفسية الناس لعبتى
تحب اعالجك؟
:))))))))

أسوور يقول...

pro id
قصيدة فى منتهى الروعة
انت حاططها فى بوست
لازم طبعا
اشكرك .. تضائلت قصيدى بالمقارنة بما كتبت
تصفيق حاد بجد

أسوور يقول...

محمد حمدى
الإيميل وصل
تذوق الشعر زى تذوق الفن ساعات واحد ما بيحبش الرسم ولا اللوحات يروح مكان يشوف لوحة تشده
الشعر كدة برضه
لوحة فنية ترسمها الكلمات بدلا من الالوان

أسوور يقول...

فاريو
دخلت على مدونتك
شعرت فعلا بمذكرات شاب غاضب
تحياتى

reri يقول...

القصيده جميله أوي... العيون أرقي لغه للتعبير عن الحب...معلش إذا كنت برد متأخر... بس البوست تحفه

سلاااااااااامات يا ياسمين

أسوور يقول...

ريرى
اشكرك على رايك
وسلامات يا ريرى

أبو ضحى يقول...

هههههه
ضحكتينى و الله يا ياسمين..سورى..أقصد يا دكتورة ياسمين

bastokka طهقانة يقول...

نسانك صعب اكيد

لا وحشة السونج دي

شغلي سونج

اه يا ليل

محمد صلاح العزب يقول...

ازيك يا ياسمين
أنا تابعت كل التغيرات اللي مريتي بيها في الفترة الأخيرة
وسعيد بخروجك من حالة الحزن اللي مريتي بيها
يا رب أشوفك دايما سعيدة

إبراهيم محسن يقول...

لا لا لا إيه الكلام الجامد الكبير قوي قوي ده.. أجمل ما قيل عن العيون

فعلا العيون بحر واسع أحياناً حصان نركبها ونطير وأحياناً قيود تشلنا وتوقفنا

انت بعد كلامك مفيش كلام يتقال
تحياتي يا ياسمين

غير معرف يقول...

اصدقائي الأعزاء
نظراً لأنشغالي الشديد ولحتى نهية العام قررت دمج مدونتي سردية وسرديات مصرية وإليكم العنوان الجديد
http://maraseel60.blogspot.com

SomeOne يقول...

اتمني انك تكوني في احسن حال

هو انت نفضتي خلاص

للقاء
؟؟؟

إبراهيم محسن يقول...

ياسمين
بعد السلام
انا بس بسلم وبتشرف بدعوة سعادتك لحضور حفل غنائي اتمنى تشريفك
http://hearttrainer.blogspot.com/2007/04/wama.html
ده لينك الدعوة

وآسف انا هقولك بما ان الوقت ضيق قوي
بطلب منك تبليغ الناس فقط حطي اللينك ده في بوست عندك
وشكراً ليكي
منتظر تشريفك يا جميل

Ahmad Hegab يقول...

لوهله صغيرة تخيلت انها أغنية معروفة و اخذت ادندها بلحن من خيالى

كنت منقطع عن التدوين لفترة و اسعدنى كثيرا رؤيتك تنشدين مرة أخرى

safa7_karmooz يقول...

يااااااااااه

قد ايه تبقى الحياة جميلة ...مع مج الشاى....وتدوينة جميلة من ياسمين نقراها الصبح قبل اى حاجه...:)

اولا الكلمات فيها احساس جميل جدا...اى حد يركز كويس وهوا يحسها ....

ثانيا ...عجبتنى اوى التعابير ...البسيطة...مش مكلكعه..ززى تغمرنى...وتذبحنى...

مش عارف...اصل لو قعدت من هنا للصبح ااقعد اقول هى حلوة قد ايه مش هيكفى ...:)

ارفع قبعتى لكى سيدتى ...:)

أسوور يقول...

ابو ضحى
انا مش دكتورة خالص على فكرة
لكن كتير من صحابى بيطلقوا علية اللقب دة .. لما اشوفك على الماسنجر هقولك السبب

أسوور يقول...

طهقانة
حاضر هاغير السونج يا ست الكل

أسوور يقول...

محمد صلاح عزب
اهتمامك بالآخرين يدل على انسانيتك
اشكرك

أسوور يقول...

ابراهيم محسن
أنا اللى مش عارفة أرد اقولك ايه على تعليقك الجميل دة
تحياتى

أسوور يقول...

سردية
نورت المدونة
هاروح اشوف المدونة حالا

أسوور يقول...

شادى فايد
اللقاء هيعلن عنه قريبا
استنى البوست

أسوور يقول...

ابراهيم محسن
اى خدمى يا فندم
بس كدة تحت أمرك

أسوور يقول...

أحمد حداد
وكمان عملت لحن
انا كدة هأتغر فى نفسى بجد
واحشنى .. استنى بوست اللقاء

أسوور يقول...

سفاح كرموز
لما قريت تعليقك تخيلت نفسى واقفة بالقى القصيدة قدام الناس وانك فعلا بعد ما خلصت القاء القصيدة بتتقدم كام خطوة تجاهى لترفع قبعتك مع انحناءة بسيطة
سعدت بهذا الخيال
اشكرك واستنى بوست اللقاء

GEBSON يقول...

ايه الرومانسيه والكلام الحلو ده
ماقدرش اقول غير الله الله الله
تحياتى

واحد من الناس::طارق:: يقول...

جميلة اوى الكلمات دى يا ياسيمن
ووالحمد لله انتى احسن كتير ..يوم بعد يوم
اسف والله انى متاخر فى الرد بس فعلا كنت مشغول
تحياتى

LOJAIN يقول...

اولا روعة كلامك
رقيق قوى
زى الندى على ورق الورد
ميرسى قوى على كلامك الجميل فيا
انا بعت لك ميل ياريت تشوفيه

أسوور يقول...

جبسون
عجبتك؟
وكمان الله الله الله
يا سلام على كدة يا سلام

أسوور يقول...

طارق
ولا يهمك يا بطل
انا عارفة انك مشغول
مشغول وحياتك مشغول
ربنا يسعدك يا طارق

أسوور يقول...

لجين
نورتى مدونتى
أنا شفت الكلام اللى كتبتيه فى مدونة دكتور لذيذ وعجبنى
ودلوقتى انتى شرفتينى بالزيارة
بجد .. اشكرك ورايحة اشوف الميل حالا

عمرو غريب يقول...

بصراحة المدونة رائعة و الموضوع اروع

أسوور يقول...

عمرو
اشكرك ورايحة اشوف مدونتك

أسوور يقول...

شريف
هأروح أزورك ومش كل سنة لأ على طول

dr_lazeez يقول...

ana 2et2akart fel rad basss enty 3arfa el zoroooof :)
ana mish ha2olek eah el kalaaam el gamed dah !!!!!!!
wala eah el romanceya deah !!!!!!!
ana ha2olek !!!!!!!!!!!!!!!!
enty zay el 3asal .
we 3omr el kalaaam ma haY kafeeky :)

YHYيــوســف الـمصـرى يقول...

كلام جميل وكلام معقول مقدرش اقول حاجة عنه
جميلة اوى
للأمام دائما ان شاء الله

safa7_karmooz يقول...

متعرفيش راسبوتين اختفى فيين؟؟؟

انا عملت توبك وبدور عليه ..http://meshmesh5000.blogspot.com/2007/04/blog-post_12.html

أسوور يقول...

dr_lazeez
انا مش قدك ولا قد الكلام دة
أشكرك على شعورك وتقديرك وثقتك وايمانك

أسوور يقول...

YHY
أشكرك على تعليقك اللطيف
تحياتى

أسوور يقول...

سفاح كرموز
انا رحت وسبت تعليق
تحية كبير لقلبك الكبير

Ahmed taher يقول...

اعتقدته في البدء كلامًا ولاكني اكتشفت انه حروف رائعة تشكلت بايدي انسانة
حالمة رائعة الاحساس ....

... سلمت مشاعرك ...

أسوور يقول...

أحمد طاهر
أنا مبسوطة جدا جدا بوجودك فى مدونتى
وسعيدة أكتر لقراءتك البوستات القديمة
مرحبا بك سيدى فى عالم التدوين

سندباد يقول...

لاني في هواكي قد سكنت
وبكل معاني الهوي تكلمت
اطلقت صوتي في العشق
احبك
احبك
بلا قيد او شرط

أسوور يقول...

سندباد
انت شاعر باين عليك

اشكرك على قراءة بوستات قديمة
تحياتى

anos يقول...

انا دايما بقول ان احلي حاجه في الانسان عينيه واكيد انتى عينيكى حلوة قوى عشان تكتبي الكلام الجامد ده

أسوور يقول...

انوس
كتر خيرك يا قمر على التعليق السكر دة
يا رب ما تغيبيش بقى

غير معرف يقول...

ياريت الدنيا تمشى على هوانا
او تبقى عارفة اللى جوانا
كلام جميل
http://4moreandmorelove.blogspot.com/ياريت تزورينى