الاثنين، 21 مايو 2007

سؤااااااااااالاااااااااااااااات

اتكلمنا عن المرأة فى الحب وفى الجنس وفى الزواج وفى الطلاق
البوست دة انا قررت افتح فيه موضوعات للمناقشة
فقط اترك أى سؤال يدور بخلدك
ذكرا كنت أم أنثى
وأنا سوف ارد عليه
الأسئلة مفتوحة للجميع
اترك سؤالك فى التعليقات وستجد الرد برضه فى التعليقات
يحق للجميع التعليق والمشاركة فى موضوع السؤال
فى انتظار أسئلتكم .. وشكرا

هناك 166 تعليقًا:

.:.-=- ELGaZaLy-=-.:. يقول...

هممممممممممممممم

ممتاز انا اول واحد هنا غريبة جدااا

هقولك سؤال

برغم ان الست صانعة عقلية الرجل الرجل الا نها دايما بتستنكر صنعة يدها ..

ممكن اعتبر دة؟ غباء او جنان بس

السؤال الاغرب لية دايما بتنسى اقوى النقط ان قوتها كلها بتكمن فى ضعفها؟؟؟

سندباد يقول...

تفتكري الواحد ممكن يسامح حتي لو كان غلط اللي قدامه مستمر ومتواصل وبيعتبر انه نوع من انواع الانتقام او التعجيز او رد اعتبار

عصفور المدينة يقول...

أنا بقة عني سؤال مهم لنفسي ولك ياسمين وللجميع
من منا يتغير نتيجة ما يقرأ أو يتعلم

ويستحسن تطبيق الكلام على الموضوع نفسه

صاحب البوابــة يقول...

متى سوف نرى الشمس ساطعة في مصر ؟؟؟

هذا هو سؤالي

غير معرف يقول...

مش الدنيا هتكون أحسن من غير رجالة ؟

سعتها مفيش بنت هتغير من التانية ...وسعتها البنات هيرتحوا من الهم ...و الناس هيعيشوا فى سلام ..و أمان ...بعيدا عن الدوشة ...وتعب الأعصاب البيعملوه الرجالة


مش الدنيا هتكون أحسن من غير رجال؟

صح؟

محمد حمدي يقول...

موضوع هايل يا ياسمين , وميصدرش إلا من إنسانه واثقه من الى بيتابعوها , لإنهم ببساطه هم صانعوا هذا البوست , لو انا عملت كدة فى مدونتى إن شاء الله محدش هيشوف الموضوع ولا هيسأل عن حاجه

أما عن سؤالى , ليه كلمه " كلام ستات " أو بلهجه أكثر شعبيه " كلام النسوان " دايما بيكون مرادف للكلام الفاضى عديم القيمه ؟ بينما جمله " كلام رجاله " أو " وعد رجاله " بيكون دايما مرادف للكلام المهم ؟

أنا بسألك وأنا تقريبا عارف الإجابه , أنا عاوز بس أفتح مجال للمناقشه والحوار .. وفى إنتظار إجاباتك الجهنميه يا زعيمه المدونات

سلام

Reemo يقول...

البوست فكرته جنان يا ياسمين فعلا
لان بطل البوست هنا هو القارئ
سؤالى هنا
لو إمرأه مرت بتجربه جواز فاشله انتهت بالطلاق
هل تعتقدى ان المرأه دى هتكون نفسيا سويه لبدء مشروع آخر ناجح؟
وهل من الممكن ان نجاحها ده يوازى نجاح واحده لم تمر بنفس التجربه ولم تكتسب نفس الخبره السيئه عن الزواج؟
بوست هايل يا ياسمين
تحياتى واحترامى

Nohaz يقول...

ليه يا ياسمين كل الرجالة معفنيين ونضاف فاكرين ان النسوان هيفطسوا عليهم وان منغيرهم هيضيعوا
وان الستات كلها عايزة تتجوز وبس؟؟؟؟
بجد حاجة تقرف
ليه منهم الي يلعب علي واحدة و صاحبتها؟ او يتراهن مع صاحبه ان هيوقع فلانة الي انت تعرفها؟؟
اية ام الحوارات الي تجيب الشلل دي؟؟
ليه تفكيرهم منحصر في قلة الادب و الوساخة من ورا مراتتهم؟؟؟
ليه معظمهم فاكرين انهم محصلوش و اي بنت تجري وراهم
يا خرابي انا كان معايا واحد في الشغل بيمشي ورايا يا امي يشوف بقابل مين ... تخيلي ام الشلل؟؟؟؟؟؟؟؟

تخيلي تخيلي واحد يعرف انتمتي كان متراهن معاها يجيب بنت اما البت سكته.. قالها طيب انا هقوم اعلق واحدة من البار بتاع الفندق لحسن مش قادر وسلام.... تخيلي الوساخة؟؟؟
واحد تاني اعرفه مراته منفضه له قاعد طول الليل علي النت يحاول يعلق واحدة علي النت يعمل معاها اي حاجة قبل ما مراته تصحي من النوم
اية الناس دي بجد؟؟؟؟

هما ليه كده؟؟؟

بلاش .. ليه دايما يفسروا اي حاجة بالمعني الوسخ؟؟؟
يعني لو واحدة اتخانقت علي الشغل .. يقولك لا اصل كانت عنها عليه و نفض لها
انا بشوف حوارات غريبة

يا امي ده ابن اختي كان عنده سنتين .. و بنت الجيران سنة ... والاتنين بيتشالوا لسه علي الكتف .. يقول لامي .. دي بصتلي .. هي عايزة تتجوزني؟؟
عيل يا امي سنتين ونص .. فاكر البت الي عندها سنة بصت له عايزة تتجوزة

اه يا امي الهم ده
انا هتشل

safa7_karmooz يقول...

مممم

موضوع جديد ....ومميز

سؤالى صغنن

ليه الحب بقى لعبة ...وقليل اوى اللى بقى ياخد الموضوع جد

يعنى النهاردة مع ده بكرة مع ديه

Hannoda يقول...

سؤالي هو
لما كل الأعداد ده فبلدنا عندها الثقافة و الوعي بمشاكل البلد.. ليه محدش بيتصرف طبقا لما يحمله بداخله
**********
ولما كل الرجال عارفين يعني ايه وجود ست فحياته.. ويعني ايه يفقدها.. ليه كتير منهم ما بيتصرفوش بنفس إدراكهم الداخلي لأهمية هذه المخلوقة
***********
ولما كل الأمهات عارفة يعني ايه ضنى.. وقد ايه المسئولية اللي على عاتقها.. ليه كتير واخدين مشروع الإنجاب على إنه مركب في الحياه الموج بيمشيها بمعرفته؟
************
((من الأخر )) سؤالي هو هو .. واحد في كل دول

يعني ليه اللي جوانا مش شبه اللي بنعمله؟؟

Ahmed taher يقول...

سؤالي
ممكن تجاوبي على تعليقي الاخير في موضوع للرجال فقط
وللاخت نوران اسمحيلي ارد عليها بعد اذنك يا ياسمين
هذا سؤال غريب ينم عن نقص وعي شديد بمدي اهمية التكامل بيننا
وهل يمكن ان نسأل نحن نفس السؤال
ماذا حدث للشباب بنين وبنات والله مشعارف
ليه كل ده
هو انا الوحيد في البلد دي اللي بيحس بتفائل ولا ايه
الرجل ابيكي واخوكي اذا اتسغنيتي عنهم فاستغني عن الرجال ولن يحدث
ان انه مجرد اعتراض
تحياتي لكل بنت لا تفهم واقعا ويجب عليها المحاولة
وتحياتي لكل شاب يعطي صورة سيئة ولا يريد ان يغيرها
وانا لست ملاكا ولاكن الا يمكن ان نحاول
فقط نحاول

Masry يقول...

اسأل انا بقي .. ليه الست
1- بتعمم . يعني الست بطبعها مش مؤمنة ان صوابعها مش زي بعضها. لو راجل و حش يبقي كل الرجالة وحشين .
2- بيجيلها لحظة كدة مش عارف احدد معادها و بتعتمد علي ايه . لحظة انانية ( تفكير مطلق في النفس ) في مصلحتها . بتنسي ظرف اللي قدامها تماما. مش مهم حالة ايه ولا بيفكر ازاي و مش اختلاف . لأ دي حالة كدة الست بتقول فيها انا ثم انا ثم انا ثم انا . سواء بقي زوجة ولا صديقة ولا حبيبة و بتكون محتاجة حاجة من 2 يا الراجل يقولها الرحمة . يا حد يفوقها و يقولها فكري في حالة 5 دقايق و انتي هتعذرية .
سؤال تاني : ليه في فشل في التواصل و فجوة عمالة تكبر . لا الست شايفة الراجل انسان ولا الراجل شايف الست انسانة .لان الست شايفة من الراجل روحة و عقلة و الراجل شايف من الست جسمها . طريقين بيبعدوا عن بعض و مش هنوصل .
الاسالة كتير يا ياسمين . و اعتقد ان البوست اللي اتفتح دة مش هيتقفل .
رائع ان يكون في مشاركة و مناقشة مفتوحة زي دي . ممكن نوصل لحاجة
تحياتي بجد علي الموضوع

Masry يقول...

nohaz

صوابعك مش زي بعضها و مش معني ان في شخص مش متربي ان كل الناس مش متربية

مصر فيها 82 مليون بني ادم و شوية كمان
لو في مليون زي ما انتي بتقولي كدة برضة مش كل الرجالة كدة

Masry يقول...

صاحب البوابة ...

لما احنا نكون بنعمل زي ما بنقول .. و نقدر نغير دماغ واحد مش فاهم و نرجعة يحس انة انسان
الناس نسيت اصلها

Masry يقول...

sendbad

ممكن تكون ابيض من جواك ناحية كل الناس.
لما تعرف حد حبه
ولما يغلط سامح و متنساش تعاتب . الغلط بالقصد ليه حل من 2
يا هسامح و هستحمل و هتحمل مسؤلية اني سامحت
يا هبعد علشان يفضل قلبي ابيض من ناحية اللي قدامي
اهم حاجة يفضل قلبك لبيض من ناحية الناس

Masry يقول...

ياسمين

سوري ان برد علي تعليقات كتير بس اعتقد ان دة مسموح بيه في البوست دة.
كدة المناقشة تكون احلي :) و افيد

أسوور يقول...

الغزالى
السؤال الأول .. انت بتسأل عن ان الرجل من صنع امرأة فى النهاية هى امه
طيب انا هاشرحلك
الأم المقهورة فى اغلب الأحيان تنجب ذكرا تظنه منقذها وهى تحمل بذرة مجتمع وثقافة ذكورية تربت عليها

لما قالوا دة ولد .. اتشد ظهرى واتفرد
ولما قالوا بنية .. طربقوا الأوضة علية

المرأة تظن انها سوف تحصل على التميز عندما تنجب ذكرا وهذا ما يحدث بالفعل فى أغلب الأحيان .. وتبدأ بدون وعى فى تلقينه ما تلقته عبر السنين
انت راجل .. انت هتبقى بدل ابوك..اسمعى كلام اخوكى .. قومى حضريله الأكل .. نظفى الأوضة بتاعة أخوكى
هى تشعر انه حاميها وهى تربية خاطئة تماما وتفرز من الذكور جيلا بعد جيل من يحتقر المرأة فى عقله الباطن ويقلل من شأنها
ولما يحب الإبن زيتجوز بدل ما أمه تقوله وتوعيه ان معاملته لمراته لازم تكون فيها اهتمام وحب .. تقوله انها لازم تسمع كلامه ولازم تدبحلها القطة
ليه؟؟
لأنها هى نفسها حصل لها كدة .. وهى يعنى زوجة ابنها احسن منها؟؟
لأ طبعا .. يبقى لازم تتقهر وتتبهدل زى ما أنا اتبهدلت
ولو شافت ابنها بيعمل اى حاجة كويسة لمراته تبقى متغاظة وتحاول بكل طريقة ان تعيده الى خط السير الذى سارت عليه حياتها من قبل

السؤال التانى
ولا قوة الست فى ضعفها ولا حاجة يا غزالى
الست الضعيفة .. يستضعفها الرجل أكثر وأكثر
المرأة المتخاذلة .. يخذلها زوجها أكثر وأكثر .. والزوجة الخنوع يذلها زوجها أكثر فأكثر .. وانت سيد العارفين بالنفس البشرية يا غزالى
تحياتى لصديقى العزيز

أسوور يقول...

سندباد
التسامح شعور صعب التنفيذ لكنه ليس مستحيلا
والكاظمين الغيظ والعافين عن الناس
أولا لازم تعرف ليه اللى قدامك متغاظ وعنده رغبة فى الإنتقام
ثانيا لما تعرف ما تقولش دى حاجات وراحت وانا هأعمل ايه أو تقول دول ناس مجانين وانا مالى
يجب ان تبحث وتفكر وتقرر ان تتسامح انت وتحاول ان تثبت حسن النوايا بكل شكل وبكل طريقة
اللى اعرفه ان لما حد يكون عاوز ينتقم من حد يبقى اكيد تعرض لظلم شديد .. دة من وجهة نظره التى يجب ان تؤخذ بعين الإعتبار
قدم السبت .. واصبر عليه .. وأوعدك انك تلاقى الحد قدامك يا سندباد

تحياتى

أسوور يقول...

عصفور المدينة
سؤال غاية فى الأهمية
من منا يتغير نتيجة ما يقرأ أو يتعلم؟
انا شخصيا تؤثر فى القراءة جدا
القراءة فى اى موضوع
بل انى لما بتواجهنى مشكلة فى حياتى اذهب وابحث واقراء واعرف رأى الدين و العلم وخبراء الإجتماع وعلم النفس
واحاول جاهدة ان انفذ توصياتهم بعدما اختار ما يناسبنى من التوصيات وما يناسب حياتى و وضعى ومشكلتى

أما عن الآخرين فأنا لا أعلم حقا ولكننى احاول وأتمنى ان يفعل الجميع ذلك
تحياتى على سؤال فى منتهى الأهمية

أسوور يقول...

صاحب البوابة
الشمس تسطع رغم أنف الظلام يا سيدى
تحياتى

أسوور يقول...

نوران
بجد يا نوران .. صح
:))))
مش قادرة اقول انك غلط
اعمل ايه ؟ .. هى دى الحقيقة
بس ايه رايك لو قلنا ان الدنيا هتكون احسن من غير رجالة متخلفة .. مسيطرة .. انانية .. تمحور حول الذات .. احتقار للأنثى والنظر لها على انها متاع
متى علم والرجل وتأكد وشعر وأحس وتبين ان المرأة هى مخلوق بشرى يشعر ويغضب ويحب ويكره ويتألم ويفكر ويعى ويتعلم

سوف يرسح ويستريح

تحياتى يا عزيزتى شريكة الألم

أسوور يقول...

محمد حمدى
والله نورتنى يا صديقى الصدوق وشكرا على اطراءك الرقيق
وبعدين اراهن ان انت لو عملت كدة هتلاقى ناس كتير تتجاوب برضه
انت مش قليل فى عالم التدوين يا محمد

طبعا سؤالك الخبيث هأرد عليه
:))))

اعتاد المجتمع ان يقلل من شأن المرأة فى كل شىء .. وذلك نتيجة تطبيق نظرية البقاء للأقوى
الرجل أقوى جسديا .. ولكنه لم يوظف قوته الجسدية للأسف بالصورة الصحيحة فبدأ يغتر ويسيطر ويفرض هيمنته على باقى المخلوقات وأولها المخلوق البشرى الرقيق الجميل الذى يشعر أمامه بضعفه فقرر ان يخضعه
بدأ الذكر على مر العصور فى اصدار بعض المقولات تقلل من شأن هذا المخلوق الذى يهدده ويخشاه فى أعماقه
لو ماكانش بيخاف منه ما كانش حاول يقلل من شأنه

اقوال .. أمثلة .. كلام بيتقال عن لسان ذكور برضه ويقولوا انه بإسم الدين

الرجل وظف كل شىء حوله على مر الأزمنة بحيث يسجن المرأة فى عادات وتقاليد وحتى سلوكيات تضعها فى أسفل سافلين

مش بس كلمة كلام نسوان وكلام رجالة
لأ
اقولك كمان
اكسر للبنت ضلع يطلع لها 24 ضلع .. يدل على تمرد المرأة الدائم
اقلب القدرة على فمها تطلع البنت لأمها .. يعنى لو ام مطلقة يبقى لازم البنت هتتطلق زى امها
نار الزوج ولا جنة الأهل
طبعا يعنى يذل فيها ويقرفها بس ماترجعش لأهلها لأنهم هيذلوها برضه .. ماهى بنت
لما قالولي ولد اتشد ظهري واتفرد ولما قالوا لي بنيه وقعت الحيطة عليً
طبعا مفهومة ان خلفة البنات عار
البت يا تتستر يا تتقبر
يعنى يا تتجوز يا اما موتها احسن
هم البنات للمات
يدل على تقل مهمة تربية البنات وكانهن مصيبة كبرى
دايرة على حل شعرها
يعنى اخلاقها وحشة عشان فكت شعرها

المهم الأمثلة كتيرة ومنها ما هو مدسوس على الدين الذى يفسره دائما الذكور
;)
تحياتى

أسوور يقول...

ريموووووووو
ردى على سؤالك .. لأ هى مش هتقع فى الحب بسهولة زى قبل الطلاق وهتبقى عندها تحفظات شديدة على سلوكيات الرجال وانماطهم وهتبقى بتفهم قوى شخصياتهم من بضع لقاءات قليلة .. ومش هيأثر فيها الكلام المعسول والحركات المعروفة
وهيبقى قلبها مغلق الى حد كبير
المرأة هنا تحتاج لرجل يختطفها .. بمعنى تحتاج الى مطاردة من رجل ما بإصرار حتى تبدأ فى الإستجابة
وبرضه لما تتجوز بعد كدة هتبقى بتتحاشى المواضيع التى تفجر المشاكل وهتبقى أكثر عقلانية واتزان ورغبة فى انجاح الزيجة الثانية
هيكون احتمالات نجاحها أكبر طبعا من الزيجة الأولى لأنها تعلمت والإنسان يعى ما يتعلمه
تحياتى على السؤال الحساس جدا

أسوور يقول...

نوهاز
مت من الضحك على تساؤلاتك والله يابنتى
عارفة ايه الإجابة
هى اجابة قبيحة شوية

عشان هم بيفكروا وبتصرفوا وبيتعاملوا على انهم قيمة جنسية فقط
محطوط فى دماغهم منذ الصغر ان الراجل يعيش ويموت وقيمته فى قدرته الجنسية

وهو يظن ان قدرته دى هدف سامى من النساء ويعتقدون ان المرأة تسعى للحصول على رجل فى فراشها مهما كان الثمن

مساكين لأنهم لم يفهموا المراة ابدا
المرأة يا ناس عاوزة الحب والتقدير والإهتمام والجنس مهم طبعا لكنها تهتم به وتضعه فى نصابه عكس الرجل

هذه الأنماط تحقر من شأن نفسها ومن شأن المرأة لأنهم لا يستطيعون ان يفرقوا بين انسانيتهم وحيوانيتهم
تحياتى على السؤال الجرىء

أسوور يقول...

سفاح كرموز
عمر الحب ما كان لعبة
لاناس هى اللى بتلعب بيه .. زى ما طفل صغير يلعب بالكبريت
هو الكبريت عمره ما كان لعبة اصلا

اللى بيعملوا كدة عمرهم ما حبوا اصلا
ولا يعرفوا ايه هو الحب

الحب الحقيقى غير كدة خالص يا سيدى
لكن هو فعلا بقى عملة نادرة

واللى بيغيروا كل يوم فى المشاعر زى ما بيغيروا شراباتهم لازم تشفق عليهم .. لأنهم مش فاهمين وفاكرين انهم بيحبوا

سؤال فى العمق يا سفاح
تحياتى

أسوور يقول...

هنودة
احنا عندنا الوعى بمشاكل البلد بس للأسف غرقانين فى مشاكلنا ومش قادرين ننقذ البلد
كل الرجالة عارفين قيمة الست .. آه دى حقيقة .. بس هم من كتر ما عارفين قيمتها عاوزين أكثر من ست ى حياتهم
بيجمعوهم زى الطوابع يعنى
بصى يا هنودة الراجل يحب الست ويقدرها لحد ما يحصل عليها بعد شوية تروح زهوتها ويهملها ويفكر فى تغييرها زى العربية بالظبط

يعنى هى مهمة له .. آه .. لكن فى صورة متاع مش فى صورة انسان

اما عن الأمهات ومشروع الإنجاب فالأم مدرسة اذا أعددتها أعددت شعبا طيبا الأعراق
طيب هو انت أعددتها أصلا .. لأ
أعددتها على انها ولا حاجة
المراة يا سيدتى يقر علم النفس انها الكائن الوحيد الذى كلما زاد حصوله على الإهتمام والحب زادت قدرته على العطاء وكلما شعرت بعدم الإهتمام و انها غير مرغوب فيها كلما فقدت القدرة على العطاء لمن حولها وأصبحت لا مبالية
معلش لأن فاقد الشىء لا يعطيه

تحياتى على أسئلة غاية فى الذكاء

أسوور يقول...

أحمد طاهر
أولا هأتكلم عن البوست اللى فات
انا بأتكلم عن سلبيات كثيرا ما تحدث وان كنت انت بعيدا عن تلك السلبيات فكان من الأفضل أن تستنكرها لا ان تدافع عنها وتنفيها والا نبقى بنحط دماغنا فى الرمل
واحد بيقول انه بيتألم نقوم نقوله لأ مش حقيقى انت كويس
انا بقول ان فى زوجات كثيرات بتشتكى وبتصرخ وحاسة بالألم تيجى تقول لأ مش حقيقى
بلاش تعميم
على فكرة 3 سنين مدة قصيرة فعلا فى الزواج
وتعالى نتكلم بعد كمان 3 سنين
يمكن تكون انت مختلف .. اتمنى ذلك
وحتى لو كنت مختلف ليه مش متقبل النقد للناس اللى مش فاهمة
انا بحاول افهم الراجل مشاعر المرأة .. قد لا يكون يعنى أو يعى ما يفعله ولا يعلم تاثيره عليها
انا بقول ان دة احساسها
لكل قاعدة شواذ طبعا

انت مش عاجبك كلامك نوران
بتدافع بتلقائية بدون تفكير زى أى راجل
كل الرجال بيعملوا كدة مش انت بس
بدل ما تدافع عن جنسك فكر هى ليه حاسة بالمشاعر السلبية دى .. أكيد قابلت كثير من الرجال خذلوها وقللوا من شأنها وجرحوها واهانوها
وأولهم بيكون الأب والأخ اللى انت بتستخدمهم فى دفاعك
عالم المرأة يا احمد ملىء بالآلام .. عاوز تفهم وتعرف دهاليزه اترك لعقلك العنان وحرره من الأفكار التقليدية
حاول واوعدك انك تنجح
انت من الذكاء والفطنة لدرجة انى واثقة انك هتنجح
يمكن كمان شوية الاقى بوست عندك بينصف المرأة التى ظلمتها المجتمعات
تحية لرجل أحب زوجته ويحاول جاهدا ان ينجح فى زواجه
بالتوفيق يا أحمد

Shreif fahmy يقول...

تحياتي لك ياسيدتي ففي البداية أوجه لكي عظيم الشكر والعرفان لكي يرى أصدقائي المدونون هذه الكلمات التي أعبر فيها عن خالص تقديري لكونك ممن شجعوني على المضي قدما
في الكتابة مما نتج عنه كتابة موضوعان في أقل من شهر

أما سؤالي
متى سوف نرى صورة المرأة المصرية كما كانت قديمة مصانة ومحفوظة في إطار من الحياء في حالة الحديث عنها ورغم من يعترضون على صورة سي السيد التي رسمها عمنا نجيب محفوظ الا أن المرأة وقتها كان الحديث عنها بحساب وبأدب والأن مع ما تتمتع به المرأة من حريات سواء في الدخول والخروج ونزولها إلى ميدان العمل ونزولها بشكل مكثف للحياة العامة الا أن صورة المرأة الان أعتقد أنها تحتاج إلى إعادة تحسين أنا مش بقول أن الراجل مالوش ذنب لكن عاوز أعرف السبب بوجه عام
شكرا سيدتي

أسوور يقول...

آخر من الآخرين

يمكنك ان تجد كثير من الإجابات فى اللينك التالى

http://www.almarefah.com/article.php?id=337

اللينك دة بعته الربان وهو رجل بحث وقراء وحاول يفهم بدون اتهامات أو دفاعات

المرأة تكف فجأة عن العطاء عندما تفقد الحب وتتحول الى نار تأكل ما حولها

الرجل هو الأقوى وهو المسيطر وانا بشوف رجالة كتير بجد اغلبية يحطمون فى طريق رغباتهم نساء احبوهن حقا وتمنين ان يكن الى جوارهم بقية العمر لا لشىء الا لأنهم لم يشفع الحب لهم فى السيطرة على رغباتهم ولم تتدخل انسانيتهم للسيطرة على الجزء الحيوانى فيهم

المرأة التى تتعرض للخيانة او لسوء المعاملة من أكثر رجل ظنت انه يحبها تفتكر هتفكر فى ايه فى الرجالة التانية
اذا كان أكثر رجل احبها حطمها وخانها

تحياتى واشكرك على الزيارة والمتابعة والإهتمام

أسوور يقول...

شريف فهمى
والله فرحتنى كلماتك
انت كاتب متميز فعلا ولولا كدة ما كنتش شجعتك وخشارة موهبتك تبقى سجينة عقلك يا شريف

سى السيد كان رجل يكيل المور بمكيالين
كان عنده ازدواجية مازالت موجودة حتى الآن رغم كل التغييرات التى تحدثت انت عنها

مازال الرجل يتزوج امرأة يضع حولها هالة من القدسية ويعاملها كأم وليس كانثى ثم يبحث فى جهة أخرى عن انثى ولا يهمه ماهيتها سوى انها انثى

الأم أنثى والأنثى برضه أم أو مشروع أم

المشكلة مش فى خروج المرأة ولا اعتماد الرجل على دخلها فى أحيان كثيرة

المشكلة ان الرجل أو أغلبية الرجال فى مجتمعاتنا ينظرون للمرأة على انها مجرد متاع للأسف
ملكية خاصة .. أو عامة
أكيد فهمت عاوزة أقول ايه
تحياتى

Masry يقول...

ياسمين شكرا علي اللينك و هقراة بكل تركيز ان شاء الله .
بدون تحيز للرجل . خليني اقول انك انتي بتقولي ظنت انهم بيحبواها ماهي دي مشكلة ان البنت بمجرد ما تخرج من بيتهم و دة بقي حسب وقت بداية الانطلاق في الاسرة ثانوي ولا جامعة و تسمع كلمتين حلوين من شاب غالبا بيكتب اسمة بالعافية بتبدأ تظن .
طيب اصنف المشكلة دي فيين علي الاب ولا الام ولا البنت نفسها...!!!
طيب فرضا اني بني ادم طبيعي و كلنا اول ما اشتغلنا مكناش لسة عارفين نظام الشغل اضحك علينا و اتبهدلنا لحد متعلمنا . لكن كام واحد قعد في البيت و حكم ان كل الشغل اللي في الدنيا وحش. زي ما الست بتحكم علي كل الرجالة بعد تجربة او 2 مع ناس ميرقوش لسة لانهم يكونوا رجالة . و انا مش بتكلم في حكم الست . لان من حق اي حد مجروح انه يفضفض و يصرخ و يطلع اللي جواه . لكن تأثير دة عند الراجل ايه؟؟؟؟ . ولا علشان هية اتجرحت تسيب اثر سيء عن اي راجل هيسمع كلامها . اعتقد ان الحتة دي محتاجة كنترول...!!
ليه كمان الست مش بتقاوم . ليه لو جوزها ضغط عليها بتميل ليه . دة مش جوزها بس دة اي راجل قريب منها بدرجة معينة . اعتقد انها بتتخلي عن جزء من انسانيتها بسبب العاطفة القوية اللي عندها و دة طبع الست ..
بس هية اللي اتخلت . هية اللي مفكرتش كفاية و بمنطق قبل ما تدي للعاطفة زمام الامور . اعتقد برضة ان الست المفروض تدي عقلها 20 % علي الاقل في حالة التعامل مع الراجل و تحط في الاعتبار ان احتكاك الراجل الاقوي بالمجتمع بيديلة خبرة اضافية ..
انا مش مع الراجل بس انا نفسي احظي بحياة اسرية مش مليانة مشاكل و خصوصا التقليدية منها..
معلش تاعبك معايا بس بجد عايز استفيد

Ahmed taher يقول...

ياسمين
انا لا ارفض النقد اطلاقا على العكس انا احب الاختلاف في الراي فهو يثري النقاش دائما
وانا اعلم بالتاكيد ان هناك نماذج سيءة سواء من الرجل او من المرأة وكان قصدي ان لا نضع ذلك قانونا عاما ولاكني معك ان هناك حالات كثيره فاشلة في التعاملة مع بعضها تماما مثلما هناك حالات ناجحة
والفكرة يا عزيزتي ليست قضية 3 سنوات انا اعلم انها ليست فترة طويلة ولاكني اذكرك انها وفقا للابحاث فانها من اصعب الفترات وقد تعديتها والحمدلله لن اقول بنجاح تام لان لمشاكل لن تنتهي ولاكني مازلن احاول وساظل احاول للابد وما حييت بان احافظ على بيتي
وبالنسبة لنوران انا لا انتقدها او اسلب منها حقا بل كان قصدي ان لاتعمم ايضا اعرف انها قد تكون مرت بظروف ما او مشاكل ما ولاكن لا ينبغي ان نعمم الامور لمجرد اننا مررنا بتجربة مريرة
كل منا ينتلك نفس بشرية ضعيفة جدا ولاكن بايمانا وقوة عقلنا نستطيع ان نقاوم هذا الضعف وان نستفيق من جديد وان نستمر في الحياة بصعابها
كلنا نمر بازمات ولاكن هل يجب علينا ان نكره كل شئ حولنا حتي نشعر بالراحة
بالتاكيد لا
اعرف ان المرأة بشكل عام تحتاج لنوع خاص من المعاملة وذلك لطبيعتها المتقلبة والرقيقة
ولاكن ماذا لو حاولنا جميعا ان نرتقي ونفهم ان نتكامل مع انفسنا
لا الرجال افضل من النساء ولا العكس
اتمني بالفعل حياة هادئة للجميع وانت اولهم واؤكد مرة اخره اني اتقبل اي نقد بكل رحابة ولا اضيق صدرا ان شاء الله ودعوة ان نختلف باحترام
اعذريني للاطاله

أسوور يقول...

آخر من الآخرين
يا سيدى العزيز انا مش بأتكلم هنا على علاقات عابرة .. أنا سنى 36 سنة ومتجوزة وعندى طفلتين وكل صديقاتى تقريبا متزوجات الا قليلا
يعنى عشت كفتاة تواعد شاب واكثر وعشت عدة قصص غرامية وشفت تجارب الآخرين
وشفت الحب قبل الجواز وبعد الجواز
وعرفت كتير عن العلاقات وكنت بحل مشاكل الكثير والكثير من المتزوجين
ولى كتير جدا من الصدقاء الرجال فى جميع الأعمار

يعنى مش بأتكلم على تجربة واحدة ولا اتنين ولا حتى تلاثة

الحب الكبير عند الراجل رغبة كبيرة فى كثير من الأحيان هو نفسه مش بيبقى عارف وبعد شوية يتجوز حبيبة قلبه وهو فرحان جدا وشوية ويحس بالملل ويدور على حبيبة جديدة
طب احب اقولك ان برضه الست بتحس بالملل بس نعمل ايه بقى نروح نصيع ونستهبل ولا نطلق ونخرب البيت ونشرد العيال
الراجل بيعمل كدة كتير ويقولك اتجوز عليها أو ارافق عليها
ليه .. مراتك مضايقاك فى ايه؟؟ لأ هى زى الفل بس زهقت من المشمش قلت آكل مانجة ولا فراولة

للأسف هتعرف انا بأتكلم على ايه بعد ييجى 10 سنين
ويمكن انت تكون بقى عندك ساعتها الوعى الحقيقى ومايحصلش منك كدة

بجد انا مبسوطة لأن مناقشتك دى معناها انك انسان مهتم وعاوز تنجح فعلا
اتمنى لك كل خير بجد

reri يقول...

كل سؤال ورد ينفع بوست منفرد
إيه الأفكار دي يا ياسمين ؟؟؟
بحييكي عليها طبعا
و أسأل سؤال من نفسي ... إشمعني أنا

مين السبب في نظرة الرجل للست ... هل للست دور فيها ؟؟؟

Masry يقول...

جميل يا ياسمين .كدة انا هستني 10 سنين لحد معيش الموقف و يمكن مستناش الفترة دي لان كل محد يشوفني يقولي متجوزتش ليه . مستني ايه , كاني نازل اشتري هدوم :)
طيب و السؤال التاني
(((بيجيلها لحظة كدة مش عارف احدد معادها و بتعتمد علي ايه . لحظة انانية ( تفكير مطلق في النفس ) في مصلحتها . بتنسي ظرف اللي قدامها تماما. مش مهم حالة ايه ولا بيفكر ازاي و مش اختلاف . لأ دي حالة كدة الست بتقول فيها انا ثم انا ثم انا ثم انا . سواء بقي زوجة ولا صديقة ولا حبيبة و بتكون محتاجة حاجة من 2 يا الراجل يقولها الرحمة . يا حد يفوقها و يقولها فكري في حالة 5 دقايق و انتي هتعذرية )))
و دة بقي مش محدود بحبيبة او زوجة او ام او اخت .. دة عامة في الست

Eric Matt يقول...


سؤالي يا ياسمين انت مش بتيجي مدونتي ليه؟

:((

عموما يا سيدتي أفكارك متجددة دوما

صحيح أنا بفكر أنزل مصر قريب وعايز أحضر اجتماع المدونين

أنا بقول أهو من بدري عشان تظبطوه في معاد نزولي

تحياتي لك من ماناساس البلد

بسمه عبدالباسط يقول...

موضوع هايل جدا ورائع

عندى أسئلة كتير
بس نبدأ بواحد دلوقتى
لية دايما أى مشكلة بتحصل بين أى أتنين أو أى علاقة بتفشل الناس بتحمل البنت أو الست المسؤلية حتى لو كان الراجل هو السبب برضة بيحملوا الست سبب ده

.:.-=- ELGaZaLy-=-.:. يقول...

همممممممممممممممممم

كالعادة الانثى هيا الانثى فى كل زمان ومكان مهما بلغت درجة الثقافة والخبرة

اوك انظرى يا ياسمين

الام الممقهورة يا ياسمين الى قهرتها انثى زيها وهيا الى بتمجد الذكر منذ مولدة وبتحتقر الانثى الى هيا من جنسها بتلمونا لية؟؟؟


جميل اوى انك قولتى الشعر دة اية رايك انا من الصعيد والشعر دة اصلا انثوى بحت ومن كتبة اناث طيب برضة انا مالى؟؟

انا ذكر خدت مزايا اكثر لية معرفش يبقى اكيد انا مميز المراة هيا الى بتقهر المراة

وعلى فكرة دة مش مورورزث شعبى وبس لا وغربى كمان ودى احصائيات عالمية

المرأة تفضل الجنين ذكر؟؟

ثم نتحدث عن ظلم المراة لا اله الا الله يا مثبت العقل والدين يارب

وبعدين زى ما قولتى وسردتى هيا الى عملتة سي السيد بتشتكى لية بقى


يبقى اتفقنا ان المراة مشكلة صنعتها المراة وليس الرجل


السؤال التانى

لا يا ياسمين قوتها فى ضعفها بصى على التاريخ كويس مين قوم كل الحروب الى فى العالم اكثرهم رقة هيا بتتحكم بضعفها او بانوثتها ... فى اى رجل

سالومى قطعت راس سيدنا يحيى برقصة!!

وشمشون هد المعبد علشان الاخت ضحكت علية

نابليون المجنون حارب العالم لانة فشل مع جوزفين وعلشان الحرب تغطى مصايفها

والتخاذل حاجة والضعف حاجة انا شايف ان قمة قوة المراة فى انها انثى وفقط

تحياتى وبجد بوست هايل اتمنى ان يستمر لفترة

ممتاز يا صديقتى العزيزة والمناكفة الى الابد

SomeOne يقول...

لالالالالالالالالالالالالالالالالالالالالالالالا


دا مش بوست
دا مصيبة

دا عشرين بوست
بس في الكومنتات

الالالالالالالالالالالالالالالالالالالالالالا

اقراهم بكره بقى على رواقة

تصبحي على خير
:)

Unknown يقول...
أزال المؤلف هذا التعليق.
frozen love يقول...

ياسمين...اوا واحشاني جدا..وثانيا عجباني قوي فكرة المناقشة كعادتك افكارك حلوة...وانا قريت معظم المناقشات..انا بقى سؤالي عن حاجة كلنا بنعملها

ليه بناخد قرارات غلط في موضوع الحب ده بالذات مع اننا عارفين الصح فين..اقصد ايه تفسير اني الواحد رغم اقتناعه بفكرة بيعمل حاجات عكشها في الحب بالذات؟...العاطفة مسيطرة للدرجة دي..ولا نعتبر ده ضعف مننا..ولا هي كده ولا ايه!!

أحمد سلامــة يقول...

انتى انسانه عشتي فترة غير قصيرة من الحياة والتجارب
سؤالي :
هل مازلتي تتفاجئين ؟؟
من الاشخاص ، أو من الحياة ، وبصورة اهم وأخص من نفسك ؟؟
وان كانت الإجابة بلا
ففي اي سن توقفت هذه المفاجآت لديك ؟؟
--------------------------------
بوست رائع جدير بشخصيتك وبالمستوى الجديد للمدونة

مصر هى أمى يقول...

سؤال غريب شوية

انهى الاحسن اليومين دول

جواز عن حب ومعرفة قبل الجواز

ولا
جواز عن طريق الصالونات

أسوور يقول...

أحمد طاهر
لا أملك الا ان انحنى امام اسلوبك المهذب والراقى فى الحوار أو حتى فى الإختلاف
واحب اقولك انى حقا لا أختلف معك ولكنى أطرح المشكلة بقوة حتى أحظى بنقاش واسع وشامل
الرأى والراى الآخر
احنا هنا بنحاول نفهم بعض ونعرف آراء بعض
الرجل يدافع بشدة عن نفسه فى مقابل المرأة التى تشعر بالظلم والتجاهل .. وحقيقى التجاهل يا أحمد هو اقسى واقصى درجات الظلم بالنسبة للمرأة

أما عن نفسى فأنا أفهم جيدا ومستوعبة فكرة ان صوابعك مش زى بعضها بس حتى صوابع الجميلة الحلوة محتاجة بهض التوجيه لكشف غموض المرأة وسلوكياتها التى لا استطيع ان أصفها أبدا بالمستقرة
فالمرأة تبدو دائما انسان غامض .. لكن الدورة الهرمونية العنيفة جدا لدى المرأة وأيضا شعورها الدائم لشحن بطارية مشاعرها حتى تستطيع منح تلك المشاعر للآخرين تؤثر جدا على سلوكها الذى لا يستطيع كثير من الرجال تفسيره
تحياتى بجد لعقلك الواعى واسلوب مناقشتك الراقى لدرجة أنحنى أمامها اجلالا

أسوور يقول...

ريرى
تكونت نظرة الرجل للمرأة على مر السنين وليست وليدة عصرنا هذا أو ذاك
ربنا خلقنا زى بعض وبنكمل بعض
واكتشف الرجل طبعا من الوهلة الأولى ضعف الأنثى البدنى والعاطفى وقوتها العظيمة فى الحصول على حب وتقدير الناس وخاصة أبنائها وعشيرتها لما تملك من حس مجامل بالسليقة
دة كلام الخبراء
وبدون وعى منه تكون لديه خوف من تفوقها العاطفى .. المرأة لديها حس عاطفى عنيف جدا وقوى وهى تشبه بطارية من المشاعر والأحاسيس كلما شحنت من حب وتقدير واهتمام الرجل كلما استطاعت أن تشع حب للآخرين من حولها ومهما بلغت من المواقع والمراكز الإجتماعية لا يمكن أبدا أن تشعر بالتقدير لذاتها الا فى وجود الشاحن ..ألا وهو الرجل
فهم الرجل تلك المعادلة منذ زمن وتحكم فى انثاه أو فى شحن أنثاه بمعنى اصح
ثم تحول الموضوع الى روتين وسلوك عام من الرجل عبر السنين دون أن يفهم ذلك
ولا تربى الأنثى التى لا تستطيع الحصول على شاحن لعواطفها وليدها الذكر على أن يكون قادرا على شحن بطارية أنثى أخرى .. لأنها لم تعى سرها هى أيضا
لم يمنحها رجل الحب والإهتمام والتقدير فكيف تعلم ابنها الذكر شىء لم تعرفه
ليخرج للحياة وهو يشبه اباه ولا يستخدم نفسه كشاحن لمشاعر انثاه اذ انه لم يتعلم ذلك لا من الأب ولا من الأم
تحياتى

أسوور يقول...

آخر من الآخرين
أنا عارفة الوقت اللى انت بتتكلم عنه عند المرأة دة
فعلا كتير يشعر الرجل ان المرأة تركز على نفسها جدا وتبدأ فى اصدار الأوامر وتبدو متطلبة للغاية
ساعتها تعرف على طول انها محتاجة شحن لبطارية عواطفها .. بس هى برضه مش فاهمة هى عاوزة ايه
تقوم تلاقيها بتتخانق على مواقف وعلى طلبات يمكن افستغناء عنها أو فيها نوع من عدم الفهم لظروف الرجل
أحب أقولك بكل ثقة انها محتاجة جرعات حنان وحب مكثفة جدا
وكلما كانت المرأة متطلبة تعرف ان عندها ترمومتر المشاعر يشير الى انها تحتاج للشحن من الرجل
يعنى تحبها .. وتشعرها انها رائعة وذكية وبارعة وانك بتثق فيها وعارف انها افضل وأجمل وأحسن وأذكى وأنقى واقوى انسانة فى العالم فى نظرك
اشرح تانى ولا كدة فهمتنى
تحياتى

أسوور يقول...

جروووووووووووووووم
بجد .. طب والله صرخت من الفرحة لما سمعت الخبر دة
بجد هنشوفك يا عريس التدوين الشهير
طب والله احلى خبر سمعته من مدة طويلة
ومعلش انى بقالى شوية مش بآجى
دة لأن كان جهازى بايظ واتفرمت وقعد كام يوم بايظ وكنت بأروح عند صحابى عشان ابص على المدونة لكن ماكنتش بأعرف أتجول طبعا فى المدونات
انت عارف بتاخد وقت ازاى
والله مصر هتنور

أسوور يقول...

بوس بوس
واحشانى يا قمر
هى دى حقيقة فعلا .. والسبب هو انك ملا تلاقى اتنين بيتخانقوا واحد ضخم وقوى والتانى هو المظلوم بس نحيف وقليل الحجم .. الناس لما بتحاول تحوش تلاقيها راحت اللضعيف وطلبت منه انه يعتذر ويا دار مادخلك شر
المرأة هى الأضعف فى نظر المجتمع وهى التى تعودوا أن تعطى لا أن تاخذ
استحملى عشان العيال
الراجل راجل برضه ويعمل اللى يعجبه
هو مش بييجى يبات فى حضنك آخر الليل
كلام كتير كل ست بتسمعه ومضطرة تخضع لأنها الجانب الضعيف اللى بدلا من حمايته بنظلمه ونيجى عليه
تحياتى

نفسنا يقول...

تم أفتتاح العدد الأول من مجلة نفسنا
نتمنى منكم زيارتنا

أسوور يقول...

الغزالى

طيب يا غزالى
ماشى
طب لما الأنثى هى التى ظلمت الأنثى على حد كلامك يعنى.. لماذا لم يتدخل الرجل العادل وينصف أنثاه التى أحبها؟؟؟
بل ظلمها أكثر واكثر
ولا واحدة من دول اتجوزت حبيبها بل كانوا عشاق لا أكثر وانا قلت ان الرجل قبل الزواج عاشق متيم ويتغير بسرعة عجيبة عندما يحصل على المرأة
التى يدعى انه أحبها
تحياتى

أسوور يقول...

شادى فايد
هأستناك
تحياتى

أسوور يقول...

frozen love
واحشنى يا حامد
انا مش عارفة انت بتتكلم عن ايه فى الحب بالظبط؟
هل تقصد العلاقة العاطفية أم أسلوب التعامل ام الإنجذاب الحسى بين المحبين؟
حدد الجزئية التى ترغب فى فتح الحوار حولها
تحياتى

أسوور يقول...

أحمد سلامة
ازيك يا صديقى الدكتور .. واحشنى
لا يا سيدى الإنبهار والدهشة والمفاجاة ما زلت اشعر بهم
لكن اعترف ان الأشياء التى تدهشنى اصبحت مختلفة عما مضى
كل سن تجد نفسك فى نضج عقلى وحياتى مختلف
يعنى زمان كان يبهرنى جدا واد أمور عمال يلف بالعربية ويعمل خمسات قدام المدرسة الثانوى
انما دلوقتى ممكن يبهرنى ويفاجأنى جدا خاتم ماس فى كوب العصير
:)))))))))))))
سلوكيات البشر متشابهة كثيرا لذلك عندما تقابل العديد والعديد منهم تتوقع اشياء كثيرة منهم ولما تتوقع لا تتفاجأ بنفس القدر
فهمتنى طبعا
بصراحة آخر مفاجأة فى حياتى كانت منذ عام تقريبا ومنذ ذاك الوقت تضاءل شعورى بالمفاجأة الى حد رهيب
تحياتى

أسوور يقول...

مصر هى أمى
سؤال عويص
:)))
بصى يا محمد من واقع خبرتى ان الإتنين ممكن ينجحوا لو اتبعنا الكتالوج
بس لازم يبقى فى وقت كافى للتعارف والتقارب حتى نصل الى الحد الأدنى من المشاكل ثم بعد الزواج نعالج تلك المشاكل
وايه المانع انك تتعرف على واحدة .. عروسة يعنى وتقابلها برضه وفترة وتكلمها فى التليفون وتجس نبض التفاهم بينكم
فى حاجات فى الثقافة والتربية لازم يكون فى تفاهم عليها
تحياتى

كراكيب عادل يقول...

فكرة جميلة جدااا الاسئلة دي


انا سؤالي لية المرأة مش عايزة تكون مرأة وعايزة تتساوي مع الراجل في كل حاجة مع ان كلامي دةم مش انتقاص ليها
بس دول مختلفين المهام زي الشمس والقمر {إِنَّ سَعْيَكُمْ لَشَتَّى }الليل4

لكل واحد مهمة معينة في الحياة وهل صلابة المرأة وحدتها هتفيدها في شئ ؟؟

ولا لما تكون قوتها في ضعفها وحنيتها وامومتها ومطيعة لزوجها افضل ؟؟؟

loumi يقول...

ياسمين
ده اثبات متابعه بس لان بصراحه
كلنا عندنا اسئله كتيره جدا جدا
بس كل واحد وواحده فينا عايز يسمع الاجابه اللى تعجبه
اسمتعتت بقراءه الاسئله والردود
تحياتى

SomeOne يقول...

اممممممممم

سؤالي أنا بقى

أنا فعلا لحقد دلوقتي مش عرف افهم رأيك في الحب

سعات احس انك مش معترفة بوجوده
وسعات لا

بجد مش فاهمك
؟؟؟

Masry يقول...

لا كدة تمام اوي . فهمت جدا
انتظري بقي باقي الاسألة
اعتقد من حقي استغل الفرصة :)
تحياتي

أسوور يقول...

كراكيب عادل
سؤال حيوى جدا وهتستغرب من اجابته انت كل الزملاء
المرأة فى الواقع هى متساوية مع الرجل فعلا أمام الله وكلنا عارفين كدة
الموضوع مش مساواة بل تقسيم للمهام
خلينا نسميه كدة أحسن

مش فاهمة بقى سؤالك دلوقتى بالظبط .. هل تقصد رغبتها فى الخروج للعمل مثلا أو لطلب العلم أو للعمل الإجتماعى؟
أظن ان دة مافيهوش عيب
ولو انى أفضل ان نقول انه يجب أن يترك للمرأة حق الإختيار .. حق اختيار حياتها واسلوبها فى الحياة
والمرأة فى حقيقة الأمر ترغب فى اطاعة زوجها وتدليله والتزين له
دى فطرتها الحقيقية
بس لا تتعارض الفطرة دى مع رغبتها فى العمل وطلب العلم
يعنى يا عادل ممكن جدا تلاقى زوجة تعمل وتعود الى المنزل لتتولى باقى مهام المنزل وتربية الأبناء
ولنترك لها حق اختيار ان تظل فى العمل او تتركه لرعاية أكبر لأبناءها
المرأة تريد شىء عجيب جدا هقولهولك
هى دائما زى السفنجة
عارف السفنجة؟؟
لما تغمرها فى المياه تتنفش وتكبر كدة ولما تطلعها تعصرها تلاقيها تديك مية قد اللى امتصتها
اديها حب .. تديك حب .. اديها تقدير لذاتها .. تديك تقدير لك كرجل .. اديها ثقة فيها..تثق فى حكم وتقدر رايك ..اديها اعجاب بعقليتها .. تديك انبهار بتفكيرك وذكاءك .. اديها اهتمام وشعور بأنها متميزة تديك عناية فائقة لا يمكن تخيلها
انا شخصيا كنت لامعة جدا ومتفانية فى عملى وترك لى زوجى تقدير الأمر وظللت أعمل وأنجبت ابنتى الكبرى وعدت للعمل بعد ثلاث شهور .. وعندما أنجبت ابنتى الثانية بعد الكبرى بمدة قصيرة تركت العمل وتفرغت لهما ولزوجى تماما
هو وثق فى حكمى وترك لى القرار .. وكانت النتيجة ان اتخذت قرارا فى صالح الأسرة .. لقد منحنى زوجى ماكنت أصبو اليه من الثقة والحب وتحقيق الذات فلما لا اترك العمل من أجله ومن أجل حب ابنائى ورعايتهم؟؟
وكثير من الزوجات يعاندن فقط للعند لما جوزها يقولها لأ مش هتشتغلى مع انه لو تركها وبراحتها وحسسها انه واثق فى قراراتها لإتخذت فورا قراراتها بناء على مصلحة الآخرين
تحياتى للسؤال الرائع

أسوور يقول...

لومى
نورتينى يا قمر ونورتى المناقشات
تحياتى

أسوور يقول...

شادى فايد
دة سؤال صعب جدا جدا ومحتاج لتفكير عميق
هو فى حب .. بس الحب دايما للأسف عمره قصير بيتولد ويعيش ويشيخ ويموت
هو دة النوع الوحيد من الحب اللى انا أعرفه
يمكن يكون فى حب عمره أطول من عمر الإنسان لكن انا لسة ما قابلتش النوع دة .. الحب اللى أعرفه عمره قصير يا شادى .. عمره دايما اقصر من عمرى
باشوفه وهو بيكبر وأشوفه وهو بيموت أو هأكون دقيقة أكتر .. وهو بيتقتل .. أيوة الناس دلوقتى بتقتل الحب وتبقى مش عارف تنقذه ازاى لما يصر الطرف الآخر على قتله بكل وسيلة وبكل طريقة ممكنة سواء كان يقصد قتله أو لم يقصد .. المحصلة واحدة .. وهى .. ان الحب مات
تحياتى

أسوور يقول...

آخر من الآخرين
مستنية ومبسوووووووطة جدا انك مندمج فى المناقشة والمتابعة
حاسة كأنك قاعد قدامى وبنتكلم وبنتجادل وبنتناقش
بجد انت انسان رائع

you know who يقول...

فكره مطرئعه
و لكن فيه سؤال هيموتنى من زمان
كل مااسئل بنت انتى بتحبى ايه فى الرجاله يكون الجواب شخصيته و تفهمه ؟ مع كده كل اصحابى الى شخصيتهم كويسه و صحيح رجاله محدش عارف يخطب او يتجوز ؟؟؟
مش حاجه غريبه

كراكيب عادل يقول...

انا بقصد انها تتصارع من اجل مهام الرجل التي خلق من اجلها وهي ان يكد علي رزق اولادة وتكون المرأة هي السؤلة عن كل شئ اخل منزلها وتربي اولادها ولا اختلف معك اذا كانت طبيعة العمل تحتاج وجود المرأة زي مثل طبيبة نساء او مدرسة لمدرسة بنات او ما شابة ولكن الاعمال التي تناسب الرجل قلما تتناسب مع المرأة مهندس مواقع او مندوب مبيعات او او او

باختصار كل الاعمال التي لا تناسب انوثتها وما جبلها الله علية وما يفيد ان كل النساء اخذوا كل مواقع الرجال وحلت البطالة وحلت معها العنوسة بالتاكيد فمن اين ياتي الشاب بالرزق الذي نافستة فية المرأة
اما عن طلب العلم مطلقا لا احد ينكر مهمتة سواء رجل او امرأة بالعكس اعداد امرأة متعلمة يعني اعداد اجيال

وعن التخيير في العمل يعني الراجل يخير المرأة انها تعمل او لا

وهل اذا كان مصدر الرزق متوفر للرجل ويفيض عن الحاجة يلزم خروجها وتخيرها من اصلة لو كان الرجل في سعه من الرزق هل يلزم خروجها للعمل ؟؟

اما اذا كان الرجل من ذوات ضيق اليد والكسب وتندر علية جودة العمل ومشقة الحياة تحتاج لوجود مصدر رزق اخر ومساعدة من المرأة هنا تخير واذا رفضت
فهو مكفل بالصرف عل بيتة واولادة والقناعة بالرزق الموجود

حتي الان احاول ان اقنع نفسي بان السيدة التي تعمل وتعود لتولي باقي المهام سعيدة

وحتي الان لست مقتنع بوجد امرأة في مكان مختلط بين الرجال لتعمل وتعمل
وتتزين عند الخروج وتتعرض لكل انواع المضايقات في العمل والشارع الظاهرة منها والباطنة

باختصار شديد جداااا

الرجل مساوي للمرأة امام الله

الرجل لة مهام والمرأة لها مهام

الرجل مكفل بالاصراف علي بيتة

المرأة مسؤلة عن المنزل وتربية الاولاد

المرأة غير ملزمة بتاتا بالاصراف او العمل

ينقصني ان اقول المرأة تحتاج جداااا للرجل

والرجل يحتاج جدااااا للمراة

فهي لة سكن
وهو لها امن


والسح الدح امبوووووووووو

Masry يقول...

ياسمين انا كمان مندمج جدا في المناقشة و مبسوط اني بوصل لحاجات انا كان نفسي اعرفها . اكمل بقي استغلال الفرصة...

بنسبة 100% من البنات اللي سالتهم ايه اول اهدافهم كان الجواب
(((الاستقلال ))) كأنهم محتلين او القيود المفروضة بقت غير محتملة
انا بقي عايز اعرف ايه هية كمية القيود دي و البنت بتبصلها ازاي
و هل البنت مش عارفة انها لو اتجوزت ممكن جوزها ان مكانش في معظم الاحيان يفرض قيود ما .
و هل الستقلال هو الحل

شيماء الجيزى يقول...

كان عندى سؤال

بس قولت بلاش احسن

ولا اقولك هفكر وارجع تانى

يلا سلامات يا جميل

تعالى شوفى حوار مصطفى فتحى

اسمك بردو مذكور فيه

سلام يا اجمل ياسمين

أسوور يقول...

you know who
البنات بتحب الراجل اللى يحسسها انه فاهمها وهتم بيها وعاوزها ومعجب بيها
حتى لو مش عاجبها فى الأول بشوية اصرار من الرجل هيعجبها هيعجبها
تحياتى لصديقى الدكتور

أسوور يقول...

كراكيب عادل
هو انت متجوز؟؟
أكيد لأ
والا كنت اتمنيت ان مراتك تشتغل
:))))))))))
تحياتى

أسوور يقول...

آخر من الآخرين
الإستقلال هو افستقلال المادى الإقتصادى أولا
ثانيا طبعا فى قيود كثيرة جدا على المرأة كإنسان
أنظر كيف يعامل الإبن الذكر وكيف تعامل الإبنة الأنثى
البنت فى مجتمعنا مخنوقة وفاكرة انها ممكن تتفك خنقتها لما يجيلها الفارس على الحصان الابيض
لكنه هو نفسه هيكون سجن وخنقة لو مش مناسب
تحياتى

أسوور يقول...

شيماء الجيزى
بافرح لما ألاقى تعليقك عندى
جاية حالا
تحياتى

كراكيب عادل يقول...

متجوز وعندي 3 اولاد والرابع في الطريق ولاقتناعي الكامل بان الرجل هو من يهتم بالشؤن الخارجية

نجحت في الاهتمام بهذا الامر وابد لن افكر ان تشتغل زوجتي الا لو اصبحت مشلولا عاجز عن العمل


تحياتي مع انك هربتي من الاجابة


ومرة تاني السح الدح امبوووووووو

micheal يقول...

أنا جي اسلم و أمسي علي أحلي ياسمين
لما يجي في دماغي سؤال حجي تاني و اقولك
:)
تحياتي

أسوور يقول...

كراكيب عادل
وكمان 4 عيال
ربنا معاك بجد
لأ يا عادل انا ما هربتش من الإجابة ولا حاجة
انت عاوز الست تقعد فى البيت .. تقعد .. ماشى بس بمزاجها وبعدين مين قال ان الشغل غلط أو عيب للبنت ومين قال ان الخلطة فى العمل عجيبة
النساء كن تعملن فى عهد النبى وكانت بعضهن تخرج فى الجيش يا سيدى
أنا شخصيا أعرف كتير من الرجال عاوزين عروسة تكون بتشتغل مع انهم مرتاحين ماديا جدا
ولما تسأله يقولك انا عاوز واحدة عندها دخلها لو حصلى حاجة
وعاوزها تبقى عندها خبرات اجتماعية من الإحتكاك فى العمل عشان تقدر تعبى
واسباب أخرى خاصة بتربية الابناء مع أم منفتحة على العالم وتجيد التعامل مع نوعيات مختلفة من البشر

وأنا أحترم الرجل اللى يقول مراتى انا واثق فى قراراتها لأنها انسان كامل الهلية ولا يحتاج الى وصاية
وأحترم رجل يختار زوجته على اسس يتفقان عليها منذ البداية
ماتاخدش مثلا واحدة مش محجبة وتقعد تنقدها وتقولها اتحجبى .. وما تاخدش واحدة تعمل تفضل تنتقدها وتقلل من شان عملها وتطالبها بالمكوث فى المنزل لا لشىء غير انك مقتنع بكدة
طب واللى مقتنعة بغير كدة تعمل ايه فى نفسها؟؟
وبعدين تعالى هنا .. هى تقدر تشتغل اصلا بعد كل العيال دى
ربنا يخليهملك ويعينها على تربيتهم والعناية بهم
بجد انتوا فى كفاح .. تربية الأبناء والعناية بهم مهمة غاية فى الصعوبة
تحياتى والسح ادح امبووووووو
:)

أسوور يقول...

مايكل
نورتنى يا بطل
تحياتى

نفسنا يقول...

مجلة نفسنا

http://nafsena.blogspot.com/

انا عايزة اسأل سؤال

هو الراجل فى طبيعته عنده استعداد للخيانة ؟ يعنى عنده قابلية لحب اكتر من واحدة والا دة شىء مش طبيعى وودى استثناءات والا الاستثناءات انه يحب انسانة واحدة الرجالة تجاوبنى

عصفور المدينة يقول...

أستاذة ياسمين عندي سؤال بس تلاقيه عندي في تعليق على تعليقك ياريت تجاوبيني عليه

Mirage يقول...

انا جى اهنيكى بس على مدونتك الناجحة جدا دى وربنا يزيد ويبارك :)

Masry يقول...

بس انا اللي بشوفة النهاردة ان في نسبة نحرر كويسة جدا عند البنات .. هية صحيح مش نفس نسبة الولد بس دة لخوف الاسرة علي بنتهم في مجتمع رائع بيدلدق احترام يوم بعد يوم زي مجتمعنا و الخوف دة هوة اللي بيعمل الفارق في نسبة الحرية بين الولد و البنت ..
بالنسبة للأستقلال المادي في دي رغبة اي انسان ولد ولا بنت . انا اول لما دخلت الكلية كانت اول حاجة بفكر فيها الاستقلال المادي مع ان بابا عمرة ما رفضلي طلب وقتها . و هوه عارض بحجة اني مش محتاج حاجة و لو عايز حاجة هيجبهالي . بس انا كنت بس عايز استقلال ..
مش موضوعنا دة .. اللي انا عايز اقولة ان في بعض الاحيان البنت بتفسر خوف الاسرة عليها مع عدم احتكاك البنت الكافي بالشارع لانها بنت او لصغر سنها و انا هنا بتكلم علي طبقة الكلية بتفسرة علي انة نوع من السجن و الكبت و دة بيبني حاجز . انا عارف ان الراجل المفروض يتغير و المجتمع يتغير علشان البنت تقدر تاخد حريتها بس البنت برضة المفروض تفهم الحاجز اللي هية بتبنية دة لان الشعور بالسجن لي تاثير سلبي علي النفس .
انا عايز اتجوز :) و من غير معجز عن حل المشاكل التقليدية دي. عايز رايك

Eric Matt يقول...


أحلى خبر يا بكاشة؟
أومال لما اتجوز حتعملي ايه؟

ربنا يستر بقا انا ماليش دعوة

:P

تحياتي لك من ماناساس البلد و متطوليش الغيبة - حمدالله على السلامة

أسوور يقول...

نفسنا

بجد سؤال مهم جدا

هل الرجل بطبيعته يحب أكثر من امرأة؟؟ هل الخيانة جزء من طبيعته؟

الرجالة ترد لو سمحتم

أسوور يقول...

عصفور المدينة
جايالك حالا

أسوور يقول...

ميراج

دى أول مرة تيجى عندى
اشكرك جدا وجاية أزورك حالا

أسوور يقول...

آخر من الآخرين
هى دى المشكلة
اشرحلك مشاعر البنات بالسجن وليه بيحسوها
البنت دايما بتتعامل وعلها وصاية دائما .. تخيل نفسك انسان كامل وعندك مخ وبتعرف تستخدمه ومع ذلك حد قاعدلك طول الوقت وصى عليك
انا عارفة ان برضه فى شباب بيحسوا بدة فى بيوتهم لكن شعور البنت بيبقى اصعب لأن الوصاية بتكون أكبر بكتير من أى وصاية على أى شاب
الوصاية فى اللبس فى الأكل فى العمل داخل المنزل فى التعليم حتى فى اختيار كتاب تقراه وفى اختيار الأصدقاء وفى العمل وفى اختيار الكلية
وصاية دائمة ومنفرة
ولو بنت حاولت تفكر ويبقى لها آراء تبقى متخلفة والمفروض تروح تتعلم الطبيخ أحسن . طب ايه المانع انها تتعلم الإتنين
طبعا دة مش فى كل البيوت لكن فى الغالبية العظمى منها

تخيل نفسك فتاه لمدة يومين وحاول تفكر فى اللى هتعيشه
تحياتى

Masry يقول...

مش قادر اتخيل يا ياسمين . انا لو عليا وصاية في حاجة واحدة من الحاجات دي مش هقدر اعيش. يمكن كمان علشان انا اتربيت علي اني اكون حر . صعب اوي . بس المفروض البنت تتعلم تدور علي حريتها . ماهو فيش مستحيل . و المشاكل بتبدا من البداية . خلينا نفكر في حل يمنع التاثيرات السلبية علي النفس و اللي بتبوظ المستقبل .

بالنسبة للسؤال اللي طرحتة نفسنا و انتي اعدتي طرحة ... الخيانة مش طبع في الانسان راجل ولا ست . لا بيحب يخون ولا يتخان . بس العلاقة الراجل و الست بتقوم علي التكامل يعني كل واحد فيهم بيحاول يكمل التاني و لما التكامل دة بيغيب بتظهر الخيانة لان احد الطرفين بيدور علي حد يكمل الناقص في حياتة . النقص دة بيحصل مع غياب لغة التفاهم او مع اهمال النفس او الطرف التاني او لحظة صعبة يكون فيها الطرفين مشدودين و الحل في اللحظة دي ان المسؤلية تكون هية الرابط اللي بيمنع الخيانة . طبعا كلامي بعيد شوية عن الواقع و دة اللي مش هيخليكوا تحسوة مباشرة ..
بس لان الانسان في الواقع النهاردة بيحاول يغيب دماغة بأي طريقة بيحاول ينسي اي حاجة لاي سبب . مفيش حد اول ما بيصحي الصبح بيفكر في يومة لا دة بيستعيد برنامج قديم و بيعيد تنفيذة و هتيجي لحظة يكون البرنامج فيها محتاج تعديل و التخص مطلوب منة تفاعل .
طيب ازاي هيتفاعل و هوة اصلا تايه .
دة لو الواحد قدامة طريقين للشغل هيختار واحد و يفضل ماشي عليه طول عمرة و يمكن الحظ يساعدة و بعد كام سنة يسأل نفسة انا ليه مجربتش الطريق التاني مرة و مرة تانية علشان الاحظ كويس و مرة تالتة علشان اعرفة و اعرف اختار..
لما الانسان يكون بيفكر يوم بيوم و يكون جاهز للتفاعل مع الحياة هيكون الشد و الجذب في اي علاقة وارد و مفيهوش مشاكل كتير و مش هنوصل لازمات زي مبيحصل مع شباب لسة بيحبوا لاول مرة و بيتفاهموا علشان يحافظوا علي حبهم.
مشاكلنا احنا اللي بنبنيها و بنعليها و كل حق هيقلدنا هيبني زينا و يمكن اعلي و معتقدش ان في مشكلة طبع في الانسان

اسف علي الاطالة و الحكي و الامثلة بس الموقف محتاج .. مناقشة ممتعة
تحياتي

harmless يقول...

سؤال جاد جدا ومن غير نرفزة ولا عصبية

استلهاما من فيلم
Indecent Proposal
لو عرض مليونير على رجل وزوجته (مصريين) مبلغ مليون دولار لقاء ليلة استمتاع بالزوجه

كام فى المية حيوافقوا وكان فى الميه حيرفضوا؟

Yasser Hussein يقول...

ليه بعض النساء لما بتعدي سن التلاتين
بتحاول تعمل علاقات مع رجال في العشرينيات؟
هل ده لتعويض نقص ما؟
ولا بتحاول تقنع نفسها إنها لسه شابة ومرغوبة؟
ولا بتكون فعلا بتكون وصلت لقمة النضج كأنثى وأصبحت أكثر استيعاب لطبيعة الرجل فبتتعامل معه كلعبة الميكانو ؟

خالص تحياتي

Ahmed taher يقول...

العفو يا ياسمين
هي مسالة ايمان مني بقضية عامة
الا وان الخير والشر قائمين الا ان يرث الله الارض ومن عليها
دائما وابدا يظل هناك النموذج الخير ونموذج الشر هكذا هي الحياة لا تخلو ولن تخلوا منهم ابدا ....وعلى هذا الاساس فانا اكره ودوما مبدأ التعميم في الاشياء
فكلنا شركاء يا عزيزتي فيما نوصل اليه فلسنا معزولون عن بعضنا البعض
فالرجل مسئول والزوجة والمرأة مسئولة عما يصل اليه المنزل من حال سواء جيدا او العكس
فالرجل هو عماد البيت الذي يرتكن عليه الجميع زوجة واولاد وهكذا نظرتي اليه والزوجة ايضا عماد البيت فبها وبداخلها يرتاح الزوج ويشكي لها هموم الحياة وتاخذ منه ويعطي لها فيرتاح هو وترتاح هي لان زوجها لم يذهب لغيرها لبث همومه هكذا اري المنزل هكذا اري الزواج
هكذا اري بعض حياتي وليست كلها
نقطة اخري
انا لا املك كل شئ في حياتي ومررت بكل مرر به اي شاب او فتاه
ولاكني اتعلم ولازلت اتعلم
وحتي لو فشلت لا اكسي حياتي باللون الاسود واكره الدنيا بما فيها
وهل معني ان تخدعني فتاه مثلا او اتزوج انسانه وافشل معها ان اكره كل النساء
بالتاكيد تكون نظرة قاصرة مني
تحياتي يا ياسمين

غير معرف يقول...

عزيزتى ياسمين
أحييكى على هذا البوست الرائع
أما سؤالى فهو مقتبس من سؤال فيلسوف المنتديات " هارملس " استلهاما من رواية الاديب الدكتور علاء الاسوانى
عمارة يعقوبيان
لو عرض مليونير على رجل و زوجته " مصريين " مليون دولار لقاء ليلة استمتاع .. بالزوج
كام فى المية هيوافقوا و كام فى المية هيرفضوا .. مع خالص تحياتى للفيلسوف
شكرا لكى ياسمين
حوريه
nadiataha.maktoobblog.com

أسوور يقول...

آخر من الآخرين
أحلى ما قرأت فى تعليقك على موضوع الخيانة
جملة...
"الحل في اللحظة دي ان المسؤلية تكون هية الرابط اللي بيمنع الخيانة"

فعلا المسئولية هى التى تمنع .. ولو هرب مثلا مع واحدة تانية وساب البيت والعيال والسرة يبقى انسان لا يتحمل مسئولية ولا يعرف لها معنى
ولكلام ينطبق فى حالة المرأة برضه اذا اعجبها شخص غير زوجها أو اكتشفت انها اختارت الطريق الخطأ
لا يمنع الخيانة سوى المسئولية
تحياتى

أسوور يقول...

هارملس
أتنلافز ليه وأتعصب ليه
طول عمرى باشوف الفيلم دة وبحبه جدا جدا
وطول عمرى بأتمنى ان ييجى مليونير ويعمل كدة لما يشوفنى
:)))))))))
تخيل ما فكرتش فى رد فعل جوزى بجد
بس تصدق .. أعتقد انه هيوافق
متهيألى ان كل الرجالة فى مصر هيوافقوا

وحتى بتوع عباءات الدين .. هيحللوا الموضوع ويقولوا ان الهبة موجودة فى الإسلام وان ممكن الواحد يهب زوجته لحد تانى
وممكن كمان يقولوا ان النساء ما هن الا جوارى واماء ويمكن التنازل عنهن للغير لأى وقت معلوم ومحدد
:)))))))
بجد سؤال عاجبنى موووووووووووت
ما تعرفش حد يدينى انا المليون ومالهوش دعوة بجوزى
تحياتى

أسوور يقول...

أحمد طاهر
انت تتكلم عن عالم مثالى
وكأنك رجل مثالى
هو فى حاجة كدة؟؟
انت تبهرنى يا سيدى
كلامك كله صح لدرجة لا تصدق

بجد لدرجة لا تصدق
تحياتى

أسوور يقول...

حورية
كلهم هيوافقوا يا حورية
وتحدى
تحياتى

harmless يقول...

من ردك على الرائعة حورية تخيلت انك قرأتى سؤالها غلط

مليونيرها طلع شاذ وحيستمتع بالزوج وليس بالزوجه

كلهم حيوافقوا وتحدى؟
ولا خليهم 99% حتى

Yasser Hussein يقول...

مش عارف سؤالي سقط الرد عليه سهوا
ولا متعمد عدم الرد عليه
ولا مالهوش رد عندك
عموما أنا لا أقصد أي إهانة
أنا بأسأل سؤال أعتقد أنه
ينطبق على الجنسين مش المرأة فقط

خالص تحياتي
ياسر حسين
فنان كاريكاتير

nohamy يقول...

انتي سعيدة

FATMA يقول...

فكرة حلوة اوي

السؤال بأى
هو احنا ليه دايما بنربط الحب بالجواز رغم اني شايفة ان دا ملوش علاقة بدا؟

أبو ضحى يقول...

أنا اقدر اقول ببساطة انى اقدر احب اكتر من اى واحدة ما بتحب..هل فى واحدة شايفة غير كده؟

Masry يقول...

اعتقد يا ياسمين ان ردك علي هارمليس و حورية كان بعيد عن الواقع شوية...
انا اعرف ناااس كتير هترفة تبيع الشرف و لو لليلة و بمليون جنية و مش شرف بس لا انا اعرف ناس رفضت تبيع دمغها و في البلاد اللي فيها نفس المليونير الثري دة مقابل المليون جنيه
اسمحيلي اسال سؤال بني ادم مع وقف التنفيذ تاني و اسألك .. انتي سعيدة
و سؤال كمان ... بتحققي احلامك؟؟ . اني لما بتحلمي بحاجة بتوصللها ولا بيجي المستقبل مختلف عن اللي تخيلتيه..
تحياتي

you know who يقول...

معلش ياياسمين انا تانى
حبيت اقل للتوته توته ان الحب هو الشيئ الوحيد القادر على جعل الزواج ممكن فى الاوقات العصيبه و بدونه هنشوف طلق كل ثانيه
)حب حقيقى مش بتاع اخر صف فى السينما او نص ساعه على طريق المطار)
و شكرا

شيماء الجيزى يقول...

ياسمين معلش انا ممكن اسأل فى الحب

هل بالفعل كل إمراة قادره على الاستحواذ على قلب كل رجل (تبغيه)؟

المرأة ممكن تحصل على حب الرجل بأى طريقه؟
او ايه هى اسرع واسهل طريقه
وايه هى اصعب طريقه؟

هل الاسلوب المباشر فى التعبير عن الحب بالنسبه للمرأة ...مش محبب؟
يعنى لما تروح تقول لواحد انها بتحبه؟

ياريت تسيبى البوست ده شويه كمان
علشان عندى اسئله كتير
بس مش فاكره دلوأت

ياسمين
البوست ده حلو اوى بينقل خبرات الناس لبعضها من خلال الاسئله
انا بجد تعمقت فى القراءة دى
تحياتى ليكى

أسوور يقول...

ياسر حسين
سؤالك حيرنى شوية وفكرت فيه كتير
ولما غلبت قررت أسأل بعض النساء ممن مررن بتلك التجربة
وكانت الإجابة هى كالآتى
الرجل فى العشرينيات من عمره يكون ملتهب المشاعر متأجج الأحاسيس .. يهتم باللمسة ويهدى الورود والكلام الحلو بيكون على لسانه دائما .. بالإضافة الى عفوية وتلقائية شديدة تستشعرها المرأة ذات الرادار الذى يبين اذا كان الرجل كاذب أم صادق
الرجل بعد منتصف الثلاثين يكون أكثر اتزانا من الناحية العاطفية ويكون فهم أن الحب ما هو الا بدايات لمشاعر حسية تؤدى الى علاقة جنسية وهم يستخدمون العواطف للوصول الى الفراش والمرأة تعى ذلك تماما ولا تنخدع بأكاذيبهم
بينما لا تكف المرأة مهما زاد عمرها عن الرغبة فى أن تكون مميزة عاطفيا وليس جنسيا .. هى تظل حتى الممات تتمنى أن تكون محبوبة ومرغوبة
كما أن المرأة فى الثلاثينيات تكون فى قمة أنوثتها مما يجعلها موضع ابهار لرجال أصغر سنا
ناقشت بعض الرجال فى ذلك فوجدت انهم سعدوا جدا بعلاقاتهم مع نساء أكبر سنا واجتمعوا على ان المرأة فى هذا العمر تفيض حنانا وأنوثة وهذا ما يصبو اليه الرجل فى هذا السن
الرجل ذو القلب الغض والمرأة التى توقف زوجها منذ أمد عن مغازلتها تجد ما تصبو اليه فى رجل أصغر سنا يستطيع ان يعبر عن مشاعره تجاهها بصورة رائعة
جاوبتك .. صح
والله السؤال دة تعبنى وخلانى عملت شوية تليفونات عشان أجاوبك من واقع الحياة
تحياتى

بسمه عبدالباسط يقول...

ندعوكم للمشاركة فى حملة المليون توقيع لنصرة الأقصى
الموضوع فى مدونتى

الشيطان يعظ يقول...

هاي
عندي سؤال مهم
ليه الست في مصر بتنسي انها ست و بعد فترة ليست بطويلة من الزواج بتفقد كل رغباتها الجنسيه

أسوور يقول...

هارملس
:))))))))))
انا فهمت سؤال حورية صح

طب انت بس قولى
مين يرفض مليون دولار يعنى ييجى 6 مليون جنيه عشان حاجة زى دى
بذمتك مش حاجة تزغلل العين
هو يعنى الموضوع هيلزق
:)))))))))
تحياتى

أسوور يقول...

بنى آدم مع ايقاف التفيذ
لأ
الدنيا دار شقاء
هو فى حد سعيد أصلا؟؟
مافيش أصلا حاجة اسمها سعادة
فى بس شعور مؤقت بالسرور بييجى لما حاجة تبسطك وتروح بعد شوية وترجع للواقع عشان احنا عايشين فى الدنيا اللى هى دار شقاء
تحياتى

أسوور يقول...

توتة توتة
الحب مرتبط فعلا بالجواز
ليه؟
عشان الحب هو شعور انسانى يختلقه العقل ربنا عمله جوانا عشان يميزنا عن الحيوانات عندما ترغب فى التزاوج
ربنا ميزنا بالشعور دة والذى لابد أن ينتج عنه انجذاب جنسى والا يبقلا مش حب طبيعى ودة بشهادة علماء النفس والإجتماع
يجب على من يحب ان يرغب فى الطرف الآخر جنسيا وبعدين يتجوزوا ويخلفوا عيال
ربنا عمل دة لبقاء النوع
احنا مضحوك علينا بالحب لأننا بشر لكن الحقيقة ان الحب هو تجاذب جنسى يوازيه تجاذب عقلى ونفسى لا يحدث بين الحيوانات

الحب هو نوع من الجنس يا سيدتى
والا يبقى حب مبتور
زى ما الجنس من غير حب هو جنس برضه مبتور
الحب والجنس بينهم علاقة تكاملية
عشان كدة مهما كان بين الزوجين من حب بيروح بعد الجواز لأنهم خلاص حققوا الهدف من الحب ألا وهو الزواج والتكاثر لبقاء النوع
:))))
تحياتى

أسوور يقول...

ابو ضحى
القدرة على الحب رائعة بس القدرة على الإستمرارية هى المشكلة
انت يمكن تكون بتحب أكثر من واحدة بس هل لديك القدرة على أن تختبر حبك
هل لديك القدرة على المحافظة على الحب دة بعد الإرتباط الأبدى
هل سيصيبك الملل؟؟
مش هتعرف غير لما تجوز اللى بتحبها وتعيش معاها سنين
تحياتى لصديقى العزيز اللى واحشنى قوى قوى

أسوور يقول...

آخر من الآخرين
أنا رديت على موضوع سعيدة ولا لأ دة

أما عن الأحلام فأنا اكتشفت اننا ممكن نحلم بحاجات كتير ولما نحققها نكتشف اننا ما حصلناش على النشوة اللى كنا منتظرينها
بعنى مثلا يبقى كل أملك انك تسافر دولة خليجية عشان تشتغل ويبقى معاك فلوس كتيرة وبرضه لما ترجع تلاقى ان اللى معاك ما يكفيش حاجة من اللى كنت متصور انك هتقدر تجيبها لما تسافر

مثل تانى
أحلم لسنين انى اتجوز الراجل اللى بحبه وبعدين بعد ما اتجوزه اكتشف انه سبب شقائى فى الحياة

مثل تالث
احلم انى اجيب عربية جديدة معينة ولما أجيبها أعمل حادثة مثلا وأبقى قعيدة بسببها

عشان كدة أنا بقيت أخاف أحلم
تحياتى

أسوور يقول...

توتة

فى زميل رد عليكى ورده جميل حقيقى
اسمه

you know who

تحياتى

أسوور يقول...

شيماء الجيزى
عاوزة تخلى راجل يحبك
حبيه حتى النخاع وافضلى لازقة

اظهريله انه أفضل وأعظم الرجال
دورى على كل حاجة حلوة فيه وقوليهاله
ما تنقديش أبدا وان اختلفتى فلا تجادلى ان أصر على رأيك
ركزى على رغباته ولوحى بها من بعيد
لا تدعى شخصا ليس أنتى .. يعنى أحرصى على التلقائية
حسسيه انه سيدك وانك محتاجة له
وبرضه حسسيه انك ملكة وانك اخترتى انك تحطى عرشك تحت رجليه
ابتعدى عن المواضيع المأساوية وخليكى دايما بشوشة
خليه يتكلم ويحكى عن المشاكل بتاعته و وافقيه على أى شعور سلبى بيحسه ولا تسخرى منه أبدا
أخبريه أنه أجمل وأفضل ما حدث لك فى الحياة

أرجو أكون وضحت الصورة
تحياتى يا ست البنات

أسوور يقول...

الشيطان يعظ
سؤال جاااااااااامد موووووت وكان نفسى قوى قوى ان حد يسأله بجد انت رائع

الست فى مصر يا سيدى فعلا بعد فترة من الزواج تبدأ فى اهمال نفسها وتهمل زينتها ثم تزهد فى العلاقة الزوجية

ليه؟؟؟؟؟؟؟؟؟؟؟؟؟

هقولك الحقيقة وأمرى لله

أول ما البنت تيجى تتجوز تبقى مهتمة جدا بالجنس وتنزل تجيب مليون قميص نوم والذى منه . صح
بعد الجواز تلبس وتتمخطر وتتزين ليل ونهار .. صح
جوزها يبقى طاير بيها ومستعجل عشان يرجعلها البيت ويبقى هيموت عليها .. صح
يحصل حمل .. الست جسمها اتغير .. جوزها مستغرب ومش فاهم ايه دة . ايه البلونة دى اللى نايمة جنبى؟ ..
تخلف .. ايه دة هى دى انثى ولا أم؟؟
دة الحوار الداخلى عند الرجل
ويبدأ فى الزهد فيها
يبطل يقول كلام حلو .. يبطل يشكر فى لبسها وتسريحتها حتى لو على سنجة عشرة وما ياخدش باله حتى لو صبغت شعرها أو قصته
ولا ياخد باله لو لبست قميص نوم جديد
بعد سنة من الزواج بينسى أغلب الرجالة القبلة .. يعنى بينسى يبوس مراته قبل الممارسة الزوجية
بعد 3 سنين بينسى باقى المداعبات
يبطل يشكر فيها وفى جمالها وزينتها
يبقى متعود عليها ويحس بالملل اللى هى على طول بتحس انه حاسس بيه برادار حساس قوى تملكه المرأة
اتعود على كل حتة فى جسمها فمبقتش تثيره حتى لو لبست ايه ولو حتى عارية تماما
تبدأ هى فى الشعور بأنها مهملة
المرأة بطبيعتها فطرت على الزينة
تبقى متغاظة منه وعاوزاه يا خد باله منها .. ولا هو هنا
تبقى عنها شعور بالإهمال وبإنها مهما عملت مش هتعجبه وانه مكره على علاقته بها
تزهد هى فى زينتها لأنها بطبيعتها تحب الثناء عليها
تهمل فى نفسها كنوع من الإكتئاب
هى لا تحصل على ما تصبو منه من العلاقة وهو غير مهتم .. طب أنام معاه ليه؟
زى بالظبط ما تتعين فى وظيفة جديدة وتبدا تدى للشغل بكل طاقتك وتحصل على مكافآت ثم مع الوقت تصبح اجادتك فى العمل أمر مسلم بع لدى رؤساءك .. ولا مكافأة بالفعل ولا حتى بالقول
هيحصلك ايه؟
هتقل طاقتك الإنتاجية وتصبح فى داخلك غير مهتم .. ما انت كويس وبتدى زى ما انت مش كويس ومقصر
طب تتعب نفسك ليه؟
كمان بتحبط وتشعر بعدم الرغبة فى العطاء المتميز اللى كنت بتديه زمان

المرأة زى السفنجة كلما امتلأت بالمياه كلما أعطت .. سيب الأسفنجة تجف ولا تغمرها بالمياه .. هتاخد منها ايه بقى دلوقتى؟؟ ولا حاجة
المياه عند المرأة هى الحب والتقدير والثقة والإهتمام اذا لم تجدهم من الرجل لا تستطيع أن تعطيهم

الجنس عند المرأة هو وسيلة للحصول على الحب والحب عند الرجل للأسف هو وسيلة للحصول على الجنس لذلك ينسى الحب بعد أن يحصل على الجنس وتكف هى عن ممارسة الجنس ان لم تجد له مردود من الحب

أرجو أكون نقلت الصورة صح

Masry يقول...

(((نصائح ياسمين لشيماء الجيزي)))
ارجوكي حطيها في بوست باكبر فونت و بلون فاقع لاتي اهنيكي عليها . رائع الحقيقة بس برضة الراجل هيجيلة وقت و يمل ... الراجل النهاردة محتاج تفاعل كامل يعني يكون بيشتكي و بيطلع اللي جواه و في نفس الوقت بيسمع شكوي

""لا تدعى شخصا ليس أنتى .. يعنى أحرصى على التلقائية"" دي مهمة جدا و في مطلق الحياة مش في علاقة الراجل الست بس

""أخبريه أنه أجمل وأفضل ما حدث لك فى الحياة"" لو دي هتكون كدبة فقلتها احسن علشان الراجل حساس للكدب و خصوصا من الست مع ان العكس غير صحيح

بالنسبة للأحلام فا انتي نشينتي الحقيقة :)
انا بعد ست شهور من تخرجي كنت في بلد عربي و بكتبلك من هناك و في بوزيشن كويس جدا و بعائد مادي رائع الحقيقية
لدرجة ان كل الناس اعتبرتني مجنون لما قررت ارجع . و اللي يقولي فكر تاني و اللي يقول ايه العبيط دة... بس مش حلمي اللي انا فيه دة فبكل بساطة هشوف حلم تاني بس في مصر
بس انا مكنتش بسأل علي امثلة يا ياسمين.. انا بسأل سؤال شخصي . انتي حققتي احلامك و لا كان بيكون في مفجأة في النهاية

أسوور يقول...

آخر من الآخرين
مبسوطة ان عجبتك نصائحى لشيماء الجيزى لأن دة دليل على انى فاهمة الرجل كويس برضه
بس موضوع الملل دة شىء آخر تماما .. هى سألت عن كيفية اجتذاب رجل ولم تسأل عن ما سوف يحدث مستقبلا
:)))
هو فعلا بيحصل ملل سواء هى ادت كل شىء ببراعة أو تعاملت بلامبالاه وانانية
بس الست اللى بتعمل اللى أنا قلته هتعرف ترجع الراجل مهما بعد عنها لأنه من النادر انه يلاقيه عند واحدة تانية فى زماننا العجيب

لما شيماء تتجوز هقولها نصائح اضافية
:)))

وحقيقى جت معايا بالصدفة انى اتكلم عن السفر بس انا رأيت الكثير من النماذج دى فى حياتى ولم أدرى انك من أولئك المغتربين

انت بتسأل عن أحلامى وانا جاوبتك تقريبا .. بخاف أحلم أحسن يطلع الحلم نتائجه مش تمام لو أصبح حقيقة

لكن برضه انا بحلم بجمعية للمدونين المصريين .. دة حلم عام

الحلم الخاص
نفسى يكون عندى بيت .. بيت بتاعى .. تعرف انا عمرى ما كان عندى بيت
والدى و والدتى كانوا منفصلين وعشت شوية عند امى وشوية عند ابويا وكان دايما البيت مؤقت ومش بيتى
ولما اتجزوت لم احصل برضه على بيت بتاعنا .. لظروف خاصة
نفسى فى بيت ابنيه طوبة طوبة وارسم كل ركن فيه بنفسى
أعيش فيه وأموت فيه
هو دة أكبر حلم فى حياتى لكن برضه خايفة منه دايما الأحلام لما بتتحقق بتاخد معاها واقع حلو وماكناش حاسين بحلاوته

تحياتى على متابعة غير مسبوقة ومشاركة فى منتهى النضج

Unknown يقول...

سيدتي الجميلة ياسمين احييك بشدة على كل بوستاتك الرائعة يا اصدق صوت معبر عن تناقضات الحياة
انا فاهمة كل احاسيسك ..انا برج الجدي برضه:))

عندي سؤالين محيرني جدا:

كيف تستعيد المراة ثقتها في شخص الرجل الغريب بعد ان خانتها رجولة الاب والشقيق والحبيب السابق؟

والسؤال الثاني: قرأت ردك على سؤال ياسر حسين وما زلت لا اتوقع ان شاب العشرين سيكون كامل النضوج العاطفي والفكري لابنة الثلاثين وكمان لانني لا اضمن ان هذا الرجل قد يندم او يتمنى لو لم يتزوج واحدة اكبر منه وخصوصا بعد التغيرات التي تحصل للمراة وحالة الملل التي تفضلت بمناقشتها سابقا؟
اشكرك جدا واسفة للتطويل ولك مني كل التقدير لسعة صدرك.

أسوور يقول...

رانيا
خذلان الأب والشقيق والحبيب السابق بالطبع لا يؤثر على سلوك أى فتاه تتعرض له
الأب يكون هو الدرع والأمان للفتاه فإذا شعرت انه لايقدرها ولا يثق بها وبقدراتها أو مواهبها أو غير مؤمن بهاولا يحترم كيانها كإبنة.. تفقد الإحترام لذاتها والقدرة على الثقة بنفسها والتقدير لشخصها وتظل تبحث عن شخص يمنحها التقدير والثقة بالنفس ألا وهو الحبيب غالبا وتسترد ثقتها فعلا اذا كان الحبيب صادقا ولو حدثت الخيانة تسقط ففى بئر من عدم الثقة بالنفس والشعور بفقدان الأمان الذى ظنت انها سوف تحصل عليه من الحبيب بعد خذلان الأب

أما بعد فترة من الزمن تبدأ الذاكرة فى النسيان بينما فى العقل الباطن تتحرك مشاعرنا لتسيطر علينا وتمنعنا من الثقة بأى شخص آخر من نفس النوع وخاصة الرجال فى حالتنا

ولا يمنعها ذلك عن التعرف على أشخاص مختلفين وقد تقع فى الحب بمشاعرها بينما يظل العقل مسيطر على المشاعر ولا تطلق العنان لمشاعرها أبدا

لكن يجب أن تعلمى ان الرجال أيضا هم بشر ومنهم الصالح ومنهم الطالح .. اتركى لمشاعرك العنان كى لا تتجمد الى الابد

سؤال ياسر حسين ما كانش عن الزواج كان عن العلاقات الغير رسمية
وأنا جاوبته
حد جاب سيرة جواز؟؟؟

أتمنى انى أكون أجبت على السؤالين
نورتى المدونة .. تحياتى

Radwa يقول...

شوف كم لحظه فرح مريت بيها وكم لحظه حزن

كام لحظه صدق ورجعت فيها عن قرار او اخذت فيها قرار حاسم خلصت فيه موضوع وحسمته وارتحت

وكم مره خد قرار ضيع منك فرصه

وكم مره ندمت على قرارات خدتها

Masry يقول...

لو النصائح دي كانت لاجتذاب رجل بس فهتنجح نجاح باهر مطلق و هتجذبة هتجذبة هتي لو عامل نفسة حيطة :))

بالنسبة للخوف من الحلم لما تحلمي و تعيشي الحلم فكري فيه و شوفي ايه الناقص يعني متحلميش بالبيت .. احلمي بحياة البيت دة جزء منها .. حياة بكل جوانبها لو لو لاقيتي جانب ناقص ولا حد تعرفية و ملوش مكان في الحلم شوفيله مكان علشان لما يكون واقع تحسي بحلاوتة.
علي فكرة الخوف من الحلم بيمنع تحقيقة .. بصي هو تقريبا كدة الفارق بين ان الحلم يفضل حلم و انة يتحقق مهما بلغة صعوبتة هية الرغبة الداخلية المطلقة فيه و الايمان بامكانية تحقيقة حتي لو بمعجزة زي ما بيقولوا و الحاجتين دول ضد الخوف . بجد صدقي انك في يوم من الايام هيكون عندك بيت و حياة سعيدة و ان شاء الله هيحصل..
يمكن مريت بشوية تجارب و شوية نجاحات و شوية تحقيق احلام لقيت نفسي بعدها في مواجة ما يسمي اليومين دول علوم التنمية البشرية و اللي اكدت لي كلامي دة . بس متنسيش مكان كويس للكمبيوتر علشان التدوين
و علي فكرة جمعية المدونين حلم لناس كتير اوي بس المدونين النهارة بغض النظر عن مين موافق او مين مش موافق كيان لا يمكن اهمالة
تحياتي و و نفسي ماكونش في منتهي النضج نفس ارجع عيل تاني مش فاهم اي حاجة زي ما انا في الصورة :)))

Masry يقول...

sendrlla
شوف كم لحظه فرح مريت بيها وكم لحظه حزن(((كتير و كتير - مباقوش يتعدة)))

كام لحظه صدق ورجعت فيها عن قرار او اخذت فيها قرار حاسم خلصت فيه موضوع وحسمته وارتحت (( كتير برضة )))

وكم مره خد قرار ضيع منك فرصه (( لو الفرصة ضاعت يبقي ماكانتش ليا - لما باخد قرار اني معملش حاجة مبفكرش ايه ضاع و ايه مضعش علشان انا اخترت))

وكم مره ندمت على قرارات خدتها ((( وعلشلن كدة بجد عمري ما ندمت علي اختيار )))

Masry يقول...

سؤال بقي لكل البنات و الستات ...

هل الست بتفضل الهدية المادية ولا المعنوية يعني تفضل اني اجيبلها خاتم دهب ولا اني اعزمها علي العشاء؟؟؟

عايز تجابات كتير علشان هجمع اصوات و في الاخر هستشير صديق و هعمل العكس :)))

YHYيــوســف الـمصـرى يقول...

السلام عليكم
انا جيت متأخر اوى بس كان عن عمد تقريبا .....:)
هو لازم اسأل سؤال ولا ممكن اسلم وامشى ؟
على العموم نسأل وامرنا لله
ممممممم!!نسأل ايه يا ترى ؟....
هى الساعة كام ؟؟؟ههه
السؤال بقى بجد: هل لحرية الرأى او مساحة الحرية التى نتمتع بها الان سلبيات ؟
وما هو مفهوم وحدود الحرية فى التعبير فى وجهة نظرك ؟
وهل توافقين على الرأى الذى يقول انه لا يوجد سقف لحرية التعبير مهما كانت ؟؟ وهل يجب ان نضع فى اعتبارنا اننا مجتمع شرقى مسلم عندما نعبر ان ارائنا ؟
لما اشعر من خلال كتابتك دئما ان المرأة مظلومة وان الرجل يعتبر المرأة جماد او قطعة اساس على حد تعبيرك فى بعض كتاباتك!!؟؟
ما هى مواصفات الرجل الشرقى فى وجهة
نظرك ؟ وماذا تتمنين ان تكون شخصيته ؟
هل تعرفين انه مع اعتزازى بك كاصديقة ومدونة عزيزة انما ارى فى كل بوست تكتبيه علامات استفهام كثيرة ؟
معلش طولت لكن سؤالى الاخير
ما هى قضية يا سمين الاساسية والرئيسية ؟
واخيرا اقدم لكى تحياتى
واشكرك جدا على متابعتك لى وتشجيعك الدائم

محمد حمدي يقول...

بعيدا عن كل الأسئله والأجوبه

أنتى بجد طاقه رهيبه يا ياسمين ... التعليقات على البوست دة تعمل مدونه كامله لوحدها .. انا لو منك أخد كل الاسئله والأجوبه وأنقحها وأنشرها فى كتاب وبجد هيكسر الدنيا وهكون أنا أول واحد أشتريه

وأنا الى اقول برضو ياسمين مش بتنزل بوستات جديدة ليه , أتارى كل كومنت ليكى ببوست كامل .. ربنا معاكى .. انا واثق ان كلامك دة مش هيروح هدر , وإن الجيل الجاى هيفهم المرأه صح , وهتكونى انتى من رائدات التغيير دة .. مش بعيدألاقى اسمك فى كتاب التاريخ بتاع أحفادى

أستمرى يا ياسمين

سلامى للبروفيسيرة

غير معرف يقول...

سؤال دايما باسأله لنفسي وبيؤلمنى
المفروض اننا أمام الدين والقانون سواسيه
طب ليه المجتمع بيظلم الطرف الأضعف اللى هو المفروض انه ينصره
بمعنى.. زى مابنشوف فى الأفلام العربى
ولد وبنت غلطوا مع بعض..ليه البنت تتحمل كل العار لوحدها؟؟
هى يعنى كانت عملت ده لوحدها؟؟
ليه يقولوا على الولد شاب طايش وربنا هايتوب عليه
طب والبنت... مين يقف جنبها؟؟؟
تفتكرى ده خوف من الطرف الأقوى؟؟
ليه دايما البنت بتتعامل على انها هى أس الفساد وسبب الغوايه..مع انى والله كل يوم باشوف بنات فى منتهى الاحترام والتحشم وبرضه مش متسابين فى حالهم
القفه ام ودنين يشيلوها اتنين..مثل كل المصريين بيقولوه
طب اشمعنى دى القفه كلها تشيلها البنت لوحدها
ليه البنت يعتبروها محترمه طول ماهى مطاطيه راسها وبتقول حاضر ونعم وتحت امرك وبس
تفتكرى البنات هى اللى عملت كده فى نفسها؟؟
احساسها بالضعف اوهمها انها لو مشيت جنب الحيط هاتعيش
بس اللى حصل غير كده للأسف
ليه الجواز بقى هو أمل كل انثى اللى مالهاش غيره فى الحياه؟؟
اكيد الجواز مهم بس مايبقاش هو هدف الحياه الأسمى
حاجه كمان.. ليه المجتمع بيحجر على أفكار الانثى لو حاولت تتكلم فى موضوع شائك
يعنى ممكن واحد يؤلف قصه وحشه خالص كلها افكار متطرفه او شتائم او بتتكلم عن الجنس بطريقه فاحشه وتلاقى كل الناس بتصفقله وتقول عليه مثقف حر
طب لو كاتبه حاولت تتكلم فى موضوع انسانى حساس حتى ولو باسلوب مهذب تلاقى الدنيا قامت وماقعدتش
وينالها أبشع التهم اللى تمس الفضيله
بالله عليكى فين الفضيله فى كل ده؟؟؟
معلش انا صدعت دماغك ورغيت كتير بس انتى الوحيده اللى بتقدر تخرج كل الكلام المحبوس فى صدرى
سؤال أخير..مافيش اجتماع مدونين قريب كده ولا حاجه؟؟؟

Unknown يقول...

سيدتي اشكرك على ردك الوافي على اسئلتي السابقة. ونفسي اشارك في التعليق على بعض التساؤلات.

ردا على اخر من الاخرين:

المراة عموما تحب تقبل اي هدية سواء مادية او معنوية المهم انها تلمس صدق احساس الرجل ورغبته الحقيقية على اسعادها يعني مش "طبطبة" وقتية وابتسامة مصطنعة والمطلوب ان الخاتم الغالي يؤدي الغرض وهو اسعاد المراة وكده تم اداء المهمة وخلاص .
وكما قالت ياسمين المراة لديها رادار لكشف الصادق من الكاذب.

همسة في اذن الرجل:
الرجل الذكي هو الذي يحتوي المراة عاطفيا ويحترم عقلها دون تسلط ويجعلها تحس بالامان المادي دون ذل او قهر لانوثتها هو من اراه يملك مفاتيح قلب المراة. الرجولة الحقة = موقف وليس ادعاء او جسد مفتول العضلات فارغ من الاحساس او متنصل من المسؤلية!

ياسمين انا لم اتزوج بعد لاني اريد شريك حياة وليس زوج امام الاسرة والمجتمع ولذلك يمكن تكون رؤيتي للرجولة غير كاملة او دقيقة.

تمنيت المشاركة في الحوار الرائع واقبليني صديقة جديدة.

مع خالص شكري.

أسوور يقول...

سندريللا

الكثير من لحظات الحزن والعديد من لحظات الفرح

لحظات الصدق كثيرة لكن للأسف أنا فاشلة فى موضوع الحسم دة .. لما بأخد قرار أو بأمشى فى طريق بيبقى صعب علية قوى انى أرجع منه .. لأنى بخاف دايما من التغيير وبخاف من النتائج

أنا لست حادة ولا قاطعة ولا حاسمة بطبيعتى ولكنى لم اتخذ قارات مصيرية فى حياتى سوى مرتين ولم ألتفت أبدا للماضى ولم أفكر أبدا ان أرجع
فقط مرتين

مرة اخدت قرار بترك عملى فى شركة وصلت فيها لمنصب كبير وكنت أقترب من منصب أكبر وضيعت الفرصة ولكنه قدر ومكتوب

سيدتى .. ندمت على كل علاقة مع رجل سواء ارتباط .. حب .. خطبة .. أو زواج
لم أحظى ابدا برجل جيد .. الظاهر ان انا اللى فية حاجة غلط لأنى عمرى ما اخترت صح
تحياتى

أسوور يقول...

آخر من الآخرين
هقولك رأيى فى موضوع الهدية بمنتهى الصراحة وبناء على دراسة وبحث وتمحيص

المرأة نظرتها للهدايا تختلف عن الرجل
ازاى؟؟؟ .. هقولك
الرجل مثلا ممكن يروح يجيب خاتم دهب غالى قوى ويهديه للمرأة اللى بيحبها ويزنق نفسه شهرين تلاتة عشان يسعدها

المرأة لا تعبأ بذلك .. ليه برضه ؟؟ .. المرأة تحب تعدد الهدايا .. يعنى تجيبلها الشهر دة مج هدية تشرب فيه القهوة .. وبعد اسبوعين أباجورة .. وبعد شهر ميدالية ولو حتى رخيصة
بمعنى ان المرأة تهتم بكم الهدايا وليس بقيمتها بينما الرجل يهتم دائما بقيمة الهدية وليس عدد الهدايا

الراجل ممكن يستنى أول الشهر عشان يعزم حبيبته على عشاء فاخر فى مكان راقى بينما هى تفضل الخروج معه كل يوم فى قهوة رخيصة

عندما تسجل المرأة النتيجة للهدية فمهما كان كبر او صغر قيمة هدية الحب ماديا فهى تساوى عند المرأة نقطة واحدة انت احرزتها بهديتك وكل هدية مهما كانت قيمتها المادية تسجل نفس القيمة العاطفية عند المرأة

جرب وهتدعيلى

أسوور يقول...

يوسف
ايه كل الأسئلة دى؟؟ .. انا بدأت أقلق منك
:))))
نبدا من الأول سؤال سؤال .. ماشى

هل لحرية الرأى او مساحة الحرية التى نتمتع بها الان سلبيات ؟
وما هو مفهوم وحدود الحرية فى التعبير فى وجهة نظرك ؟
وهل توافقين على الرأى الذى يقول انه لا يوجد سقف لحرية التعبير مهما كانت ؟ وهل يجب ان نضع فى اعتبارنا اننا مجتمع شرقى مسلم عندما نعبر ان ارائنا ؟

الحرية طبعا لها سلبيات لكن الديمقراطية هى التى لا تحمل سلبيات
أنا حر .. مش معناه انى أطغى على حق الآخر فى التعبير ومش معناه انى أجرح حد لم يقترف شيئا سوى أن يعبر عن رايه
يعنى ييجى مثلا مدون من الإخوان ويدعوا لتعدد الزوجات .. أنا ناقشته بالدين والعلم وآثار ذلك على المجتمع والمرأة والأسرة لكنه لم يقتنع رغم انه لم يتزوج بعد

دى حرية .. أن أنقد الاخر بدون الخروج عن حدود الأدب واللياقة وهذا الشخص يصر ان يأتى ويترك تعليقات على كل بوستاتى يعترض عليها .. حقه برضه .. بس حقى انى ابطل أزور مدونته برضه
تمام

يجب ألا تنتقص حرياتنا من حريات الآخرين يا يوسف
يعنى لما اتكلم عن الجنس مثلا يجب أن أختار ألفاظى وصورى .. مش أجرح عين واذن القارىء بالكلام البذىء أو بالصور الإباحية والا تبقى مدونة بورنو
انت حر روح اتفرج على الصور اللى تعجبك بس ما تفرضهاش علية كمان انا بقى حرة انى ما أدخلش مدونتك
أما عن موضوع الدين والإسلام دة أنا لية وقفة برضه .. قول انك مش مقتنع بالإسلام أو أى دين براحتك بس برضه بدون ما تشتم فى حد زى الرسول محمد أو حد من تابعيه من الصحابة وخلافه .. انقد بموضوع ية .. نقد مقنع بناء .. الألفاظ الخارجة والتجريح وسيلة الضعفاء .. صح

السؤال التانى
لم اشعر من خلال كتابتك دئما ان المرأة مظلومة وان الرجل يعتبر المرأة جماد او قطعة اساس على حد تعبيرك فى بعض كتاباتك!!؟؟
يمكن عشان أنا بأتعامل كدة .. ويمكن عشان ماشفتش لحد دلوقتى زوجة واحدة بتتعامل غير كدة رغم انى من بيئة متحررة جدا ومن مجتمع بيقولوا عليه راقى لكن صدقنى الرجل واحد فى كل مكان وزمان ومستوى

ما هى مواصفات الرجل الشرقى فى وجهة
نظرك ؟ وماذا تتمنين ان تكون شخصيته ؟
بص .. أنا حظى فى الرجالة زفت .. الراجل الشرقة راجل تربى على ان المرأة أقل منه فى كل شىء ومش عارفة ازاى دة ممكن يتغير يمكن لما حد زى محمد حمدى صاحب مدونة دماغىة أو شادى فايد يبقوا يقودوا المسيرة تبقى الدنيا تتغير والعقول تفهم ان الست انسان وبشر
نفسى فى حاجة واحدة بس فى شخصية الرجل الشرقة .. يفهم ان الست انسان يغضب ويحزن ويتألم ويبكى ويصرخ
الراجل الشرقى يحب المرأة فقط عندما تكون مبتسمة وفى ابهى صورها وينكر عليها حقها فى ان تغضب حتى لو كان هو السبب
بإختصار لو بس يحبها فى لحظات ضعفها الإفنسانى زى ما بيحبها وهى فى ابهى صورها؟؟ أكيد هتتغير حاجات كتير

السؤال التالت
هل تعرفين انه مع اعتزازى بك كاصديقة ومدونة عزيزة انما ارى فى كل بوست تكتبيه علامات استفهام كثيرة ؟
لأ ما كنتش عارفة بس انا ممكن أقولك حاجة عن نفسى .. أنا عشت ظلم لا يوصف وحياة اجتماعية سيئة جدا وكل نصيبى من الرجال كان فى منتهى السوء وخذلونى جميعا لدرجة لا يمكن تخيلها

السؤال الأخير
ما هى قضية ياسمين الاساسيةوالرئيسية ؟
نفسى الناس تعيش مستريحة ومبسوطة فى داخل الأسرة التى أرى انها نواة لكل مجتمع ناجح وسر نجاح اى انسان وثقته بنفسه وتقدمه
أنا يمكن فشلت وجيلى فشل لكن عندى أمل فى جيل جاى يعيش كويس فى دفء السرة ويشوف أبويه على وفاق ويحس بتشجيعهم ودعمهم
أوعدك ان دة لو حصل مصر تتقدم
تحياتى

أسوور يقول...

محمد حمدى
بجد كلامك بيثلج صدرى وبيدينى دفعة كبيرة لقدام وبيحسسنى انى على الطريق الصح
لما باشوف واحد زيك بأحس ان فى أمل

تعرف انا طول عمرى نفسى أنشر كتاب

يمكن فكرتك تتحقق مين عارف
يا رب يخليك لية يا صديقى العزيز جدا جدا محمد حمدى اللى اسمه هيفضل يرن فى ودنى طول العمر
تحياتى لشاب سوف يغير وجه الحياة

أسوور يقول...

وينكى
أسئلتك أرهقتنى
مش تعبتنى عشان كتيرة .. لأ عشان دايما بتدور فى عقلى
انا عملت المدونة دى اصلا عشان أحارب الظلم والفكر المتخلف
ودايما بقول هو يعنى ايه واحدة غلطت .. الغلط دة محتاج اتنين عشان يحصل

حطى ايدك فى ايدى ونحارب الظلم سوا .. ظلم المجتمع الأحمق للمرأة الضعيفة بدنيا والقوية نفسيا لتحملها كل دة على مر العصور

قريب هيبقى فى اجتماع بعد الإمتحانات بناءا على طلب المدونين
نورتينى يا سكر التدوين

أسوور يقول...

رانيا سعدت جدا جدا بمشاركتك
والنبى تخليكى معانا يا رانيا
بجد انتى جميلة لأنك رجعتى وشاركتى واهتميتى

مرحبا بالرقيقة رانيا دائما فى مدونتى
عقبال ما نزر مدونتك قريب بقى
ولا ايه؟

سهر الليالى يقول...

ياسمين السكره ايه الصالون الثقافى الهايل ده بجد فكره عبقريه بس مش غريبه على افكارك الجامده.عندى سوال
ممكن الواحد مننا يقدر يتغير علشان شخص تانى ويعيش بشخصيه وطريقه مختلفه عن اللى اتعودعليها؟؟؟؟؟؟؟؟

Masry يقول...

ياسمين ...

شكرا جدا علي النصيحة . اكيد هجرب

و ربنا يستر :))

Ehab يقول...

مش عارف اسأل عن ايه ولا ايه
انا اول ما بدأت المدونه كنت متأكد ان عمر ما حد هايفتحها او يقرأها بس الغريب اني لقيت بتكلمني وبترد عليه وبتقولي رأيها وكأن يعني فيه بشر سامعني وانا بصرخ وبيردوا عليه
عشان كده اول سؤال انا عايز اسأله تفتكروا فيه حد سامعني وممكن يعرفني ولا انا بهلوس
سلاااااااااااااااااااااااااااام

Ehab يقول...

سؤال مهم جدا جدا
انا عايز اعرف اقرب ميعاد للمدونين هايجتمعوا فيه وهل الدعوه مفتوحه ولا لأ ولو مفتوحه هتعرفوني ازاي ويا ترى ابلغ مين اني عايز اجي ومين هيوصفلي العنوان و ايه النظام
ده سؤالي انا ودوبه برده
سلاااااااااااااااااااااااااام

أسوور يقول...

سهر الليالى الجميلة
بصى .. هو ما حدش بيتغير عشان حد
لكن فى انسان بيطلع أحسن ما فينا وآخر يطلع أوحش مافينا
يعنى الحرامى مثلا أو قتال القتلة برضه ممكن يقع فى الحب لما يقابل واحدة تطلع أحسن ما فيه
كلنا جوانا الحلو وجوانا الوحش ويبقى يا ويلنا لما نقابل ناس تطلع مننا الوحش .. هنعيش وحشين للأسف وماحدش هياخد باله من مميزاتنا لأن ما كانش فى فرصة عشان نستخدمها
تحياتى للحبيبة سهر الليالى

أسوور يقول...

الشنكوتى الكبير
انت يوم ما عنلت المدونة دى انضميت لأسرة دون أن تدرى
انت بقيت واحد من أسرة المدونين وعلى فكرة دى عيلتى بجد
كلنا بنقرا وبنتفاعل وبنحس ببعض لكن أوعى تفكر اننا عالم مثالى .. لأ احنا فينا كل مميزات وعيوب البشر

لقاء المدونين الجاى انا هأعلن عنه على المدونة قريب بعد ما الإمتحانات تخلص عشان يحضر أكبر عدد منهم

وانت طبعا معانا يا باشا .. مش بقولك احنا أسرة كبيرة بنحب بعض وبنخاف على بعض وبنسأل على بعض وبنحس ببعض وبرضه بنتخانق مع بعض ونتصالح مع بعض
تحياتى

harmless يقول...

ياسمين ووينكى

تخيلوا مجرم مسجل خطر صاحب سوابق وشيخ جليل ذو مهابه واحترام وتوقير وتقدير

الاثنان سرقا او فعلا فعلا شائنا
هل سيعاملهم المجتمع معاملة واحده؟
ام سيقسو على الشيخ ويلوك سيرته ويخوض فى شخصه ويصب جام غضبه عليه بينما لن يلتفت احد الى المجرم ولن يلومه احد ولن يتعجب من امره احد

اذا كان المجتمع ينظر الى المرأه نظره اعلى من الرجل ويعتبر الرجل مؤهلا للخطأ والخيانه ونكران العفه بينما يرفع شان المراه وينزهها عن الخطأ ويستعجب من زلاتها فيلومها اكثر على الزنا ويتعجب منهااكثر عند التفريط فى شرفها

ايكون المجتمع بهذا يحقر المرأه ام يجلها؟
يرفع شأنها عن الرجل ام يهبط بها عنه؟

يا سلام يا وينكى
كل امثله التفرقه عندك فى الزناة والخاطئين وكاتبى القصص الجنسيه والمنحلين؟

كل تفكيرك اتجه للتفرقه بين الجنسين فى اوساط الخاطئين الفاسدين عديمى الشرف الذى هم اصلا شواذ فى اى مجتمع؟

وياسلام يا ياسمين
هل هذا هو الظلم الذى صنعتى من اجله المدونه والتى تدعى فيه النساء ان يتكاتفوا ويضعوا يدهم فى يدك حتى تجبروا المجتمع ان يعامل الزناة من النساء مثل الزناة من الرجال؟

الم تدركوا ان قسوة المجتمع على الخطاة من النساء عن الخطاة من الرجال هو توقير للنساء ورفع من شأنهم واعلاء من مكانتهم واخراجهم من دائرة الشبهات؟

truelove يقول...

عايزة اسال سؤال يا اجمل ياسمين ليه المرأة لما تحب الراجل بيستحوذ على كل تفكيرها اما العكس مش بيتحقق ليه

Unknown يقول...

سيدي هارمليس:
ممكن ارد عليك؟ اعجبتني فكرتك الرائعة عن المراة ووضعك لها في منزلة رفيعة المستوى وفوق مستوى كل الشبهات في رغبة صادقة منك لحفظ الجوهرة من اي عبث واحترم بشدة هذا التفكير النادر تفعيله من قبل الرجال على ارض الواقع.


مثال: شاب طلب من فتاة في الجامعة وبينهم علاقة عاطفية جديدة انهم يذهبوا للسينما معا وهي بكل ذوق واحترام رفضت وتعجب الشاب وزعل فسالته بهدوء ترضى ان اختك اللي اصغر مني بسنة تخرج مع شاب من وراكم؟ وكان الرد لا طبعا فردت طب انا مش زي اختك قاللها لا انتي حاجة وهيا حاجة فردت ليه انا مش بنت ناس برضه؟ فصمت وهو مدايق منها.

المعنى: اخت الشاب فوق مستوى الشبهات
ولكن الحبيبة ممكن استمتع بانوثتها ولتذهب سمعتها للجحيم لانهااخطات فتستحق كل الاحتقار.

قس هذه الواقعة على مواقف مماثلة تتعرض فيها المراة الى سلسلة من الاختبارات والضغوط اليومية لاثبات براءتها امام مجتمع يكون فيه الجاني
هوالقاضي والجلاد في نفس الوقت ويظل خطا المراة يعم وخطا الرجل يخص في تناقض انساني عجيب

سيدي: المراة تشتكي من سياسة المعايير المزدوجة في التفرقة بين مرتكب الخطا في مجتمعنا بدعوى ان الاثم تنسحب اثاره على الرجل فقط اما المراه فخطاها ينسحب علها وعلى اسرتها والمحيطين بها ايضا على الرغم ان الله لا يعاقب المخطئ على حسب جنسه او شكله او لونه

Masry يقول...

انا قلت اعدي اقول اني هبطل اسالة علشان انا كدة زودتها اوي مع ان ايدي بتاكلني اسال تاني :))

harmless يقول...

rania

اشكرك يا رانيا على تفهمك لرايى ولا اكتمك سرا انى كنت على وشك الغاء التعليق لانى خفت وقلقت من رد فعل ياسمين وشعرت انى تسرعت وتورطت والموضوع مش حيعدى على خير
لكن يبدو ان شاء الله انه حصل خير

احب ان الفت نظرك ان كل الذكور احبوا فتيات وفى نفس الوقت كانوا يثورون لو عرفوا ان اخواتهم يحبون

هل فسرتى هذا انه يرى ان الفتاة التى تحب خاطئه؟

بالتأكيد لأ حتى لو قالوا لاخواتهم ان الحب قلة احترام او عيب او او

وبالتاكيد ان كل المحبين يسعون للزواج ممن احبوا سواء نجحوا ام لا
باستثناء اللاهين والكاذبين طبعا
وهذا دليل اكيد انهم يرون ان الحب والسينما والنزهة البريئه لا تشين الفتاة

الحكايه ابسط من كده
انها الغيره يا عزيزتى
مجرد غيرة لا مبرر لها فيخلق لها تبرير من كلمات ان هذا غير محترم او ان السمعه ستبوظ او ان انا عارف نفسى بس مش عارف الاخرين او فيه ناس بتتسلى وبيضحكوا على البنات ...الخ

وهذه الغيره موجوده من الطرف الثانى ايضا باشكال مختلفه
ممكن زوجه تقبل ان يوصلها زميلها بسيارته الى المنزل ولكن لا تقبل ان يوصل زوجها زميلته
وفى حالتها ترى ان الموضوع لا تشوبه شائبه وفى حالة زوجها تراه لا يصح وعيب
الم ترى هذا كثيرا؟

هناك امثله كثيرة لازدواج المعايير كما قلتى لكن اؤكد لكى انها لبست ازدواج معايير انى رجل والاخرى انثى
ولكنه ازدواج معايير بين انه انا والاخر اخر

انانيه يعنى

Unknown يقول...

هارمليس :

كنت هارد عليك ولكني تصفحت مدونتك فوجدت ضالتي : هذا كلامك يا سيدي

وانا اعلم ان المرأه مخلوق اكثر رقيا
من الرجل

وكل سؤء تفاهمها مع الرجل انها تحاول ان تطبق مقاييسها الراقيه على تصرفاته

ولانها لم تعرف الا الرقى فدائما تتساءل
كيف فعل الرجل هذا؟

هذه المراة التي وصفتها هي انا.

واذا قلت لي هذا ليس بتعميم على كل النساء فعلى الاقل يستحق الاعجاب بعقل رجل ينافس انثاه في الرقي.

شكرا على التواصل وكل الشكر لياسمين لتيسير هذا التواصل بين الاصدقاء في مدونتك التي ادمنتها

gohayna يقول...

ازاي نضمن عدم خيانه الطرف التاني لينا مهما كنا واثقين من نفسنا؟

ازاي نخلي الحب دائم في بيوتنا

ازاي منتفاجئش بشخصيه اخري بعد الزواج ووجه اخر لم ظر لانه وجه قبيح

ازاي تمنعي شخص في الربعينات انه يعيش مراهقته المتأخره بدعوي البحث عن الحنان المفقود

ازاي نحب بعض بجد من غير كدب وزيف وخداع وانانيه؟

ازاي يا ياسمين

smraa alnil يقول...

ياسمين
يمكن مش فدماغي سؤال دلوقتي
بس حبيت اقولك شكرا بجد علي اليوم بتاع انبارح
وشكرا بجد علي كل حاجة
بجد كنت مبسوطة اوي وانا كنت عندك
ربنا خليكي ليا يارب

Unknown يقول...

الفكره جميله يا ياسمين
بس هتلاقى وقت منين لكا ده ربنا يكون فى عونك و ربنا معاكى

و انا عندى برضه سؤال
هل فيه كتاب مترجم عن رجل من المريخ و امرأه من الزهره ؟

لانى من ساعة مانت قولتى عليه فى اللقاء و نفسى اقراه و لكن للاسف الانجليزى بتاعى مش قد كده


تحياتى على فكرتك الرائعه و على وقتك الجميل الى بتديهولنا

أسوور يقول...

رانيا .. هارملس
استمتعت بحواركما معا

اتفق مع رانيا و وينكى وأختلف مع هارملس الذى أخذ على عاتقه الدفاع عن عالم الرجال اللى مش محتاج دفاع اصلا
كنت أتمنى أن تخدم آراءك المتحضرة قضيتنا
على فكرة احنا مش عاوزين حاجة غير رفع الظلم البين من على المرأة والذى تحاول انت أن تجد له مبررات جيدة
ليس للظلم مبرر يا سيدى مهما حدث
نورتنى بجد
تحياتى

أسوور يقول...

truelove
سؤالك أفهمه جيدا
المرأة بالفعل تحقق أقصى سعادة لها من خلال شعورها بحب رجلها واهتمامه بها وتقديره لها
أما الرجل فيحقق اقصى سعادة بنجاحه فى العمل
دى طبيعة زى ما الرجالة بيطلع لهم دقن كدة
المهم ان كل طرف يفهم طبيعة الآخر
مش معنى ان الرجل بيهتم بعمله أو اصدقاءه وعائلته كدة يبقى مش بيحب .. لأ .. هو بيحب برضه بس هو خلق لإهتمامات أخرى ولو قدرت المرأة ذلك لعرفت قيمتها لدى الرجل
الرجل يحب ان يشعر بالمسئولية تجاه المرأة .. بل أنه يحب أن يشعر بذلك واللى بيحصل العكس
لما واحدة تحب واحد تقعد تهتم بكل كبيرة وصغيرة فى حياته وتديه اهتمام بالغ ونصائح عديدة كأنه ابن لها بينما هو يبحث عن انسانة يكون مسئول عنها ويدعمها
الرجل يحتاج أن يبحث عن المرأة وليس العكس
لما تلاقى حبيبك بعد شوية عنك .. مشغول فى أى حاجة .. شغله ؟ .. أصحابه؟ .. أو حتى الكمبيوتر بتاعه؟
سيبيه خاااااالص براحته وأوعى تقوليله أبدا ابدا العبارة الشهيرة بتاعة انت مش بتحبنى .. انت مش بتهتم بيه .. لو كنت بتحبنى كنت تبقى معايا على طول
اتركيه براحته تماما واعدك انه يرد عليك بقوة .. يرجعلك بكل حب وشغف
كل الحكاية ان الرجال دائما ما يحتاجون مساحة خاصة بهم .. انتظريه وسوف يعود
تحياتى

أسوور يقول...

جهينة
ازاي نضمن عدم خيانه الطرف التاني لينا مهما كنا واثقين من نفسنا؟
موضوع الخيانة دة بيحصل فى حالتين
اما ان الطرف الاخر يكون طبعه كدة ودة صعب تعديله أو تغييره
اما ان يكون فى تقصير مننا فى العلاقة
يبقى نحاول نشوف ماذا يريد الطرف الآخر ونمنحه له .. الرجل يبحث دائما عن امرأة يشعر انه مسئول عنها وأن له دور فى حياتها وليس العكس .. كونى تلك المرأة لأنه سيبحث عن أخرى ليهتم بها بدلا من امرأة تعطيه كل شىء وتدعمه فى كل شىء
هو لا يحتاج لدعمك .. هو يحتاج أن يدعمك

ازاي نخلي الحب دائم في بيوتنا؟
ابتسامة رقيقة ترتسم على الوجه دائما .. مساحة خاصة لكل منا .. ان يكون هناك دائما خطط مستقبلية تجمعكما .. أن يكون هناك من الأصدقاء ممن يهتمون لأمركما حتى يتدخلوا للصلح عند اللزوم .. لا تصرى على التحدث حينما يرفض هو ذلك .. لا تقدمى شىء تعتبريه تضحية ابدا مهما حدث فالرجال لا يفهمون هذا المعنى بفطرتهم .. اهتمى به كطفل واحترميه كأب .. وحبيه كعشيق .. وعامليه كصديق

ازاي منتفاجأش بشخصيه اخرى بعد الزواج ووجه اخر لم يظر لانه وجه قبيح
فقط لا تتبعى هواكى ولا تستشيرى قبلك .. استشيرى الآخرين وخذى برايهم أما ان خالفوا قلبك واخترتى قلبك .. لا تلومين الا نفسك

ازاي تمنعي شخص في الأربعينات انه يعيش مراهقته المتأخره بدعوي البحث عن الحنان المفقود
صعب انك تمنعى دة .. لكن الراجل بعمل دة لما يحس ان مافيش حد محتاجله .. طول ما بتحسسيه انك محتاجة له وان ابناؤه محتاجين له هيبقى عنده نوع من الإشباع الذكورى

ازاي نحب بعض بجد من غير كدب وزيف وخداع وانانيه؟
ابدأى بنفسك يا جهينة واخلعى القناع
تحياتى

أسوور يقول...

سمراء النيل
انتى اللى نورتينى ونورتى البيت والله يا سكر
شكرا ليكى بجد

أسوور يقول...

whyme

الكتاب موجود ومترجم الى العربية فى الأسواق
هتلاقيه فى مكتبة ديوان فى الزمالك
وفى كارفور المعادى
وفى مكتبة الأهرام بفروعها
وفى مكتبة مدبولى بفروعها
أنا شخصيا اشتريته من مكتبة الأهرام فى أركيديا مول
ممكن يكون فى أماكن أخرى انا مش عارفاها .. اسأل عنه فى المكتبات
دة مش كتاب بجد دة دليل لازم يكون فى بيت كل واحد مننا رجل أو امرأة
زيه زى القاموس بالظبط
تحياتى

الربان يقول...

تحياتي

أولا اسمحي لي بالتهنئة...لقد استطعتي ان تجري حوارات بين اسئلة و اجوبه..و ردود و تعقيبات...الحوار في البوست يكاد يكون ملتهب...من الحماس طبعا و ليس من شيء أخر..

اسمحي لي ان اقول ان معظم الحوارات اتجهت الي العلاقة الازلية بين الرجل و المرأة...البعض تمني نهاية الرجل..لان الحياة ستكون بدونهم افضل...و الحقيقة اقولها بدون تحيز(كوني رجلا) و بدون تردد لاني أزعم ان من مشاهداتي و تجاربي الحياتية، اقول ان العالم بدون رجال سيكون بائس و مظلم...كما هو الحال بالضبط في حال خلو العالم من النساء...
لان الخالق العليم خلق كل شيء في الكون لحكمة..حتي و لو لم ندركها نحن... و جعل التوازن سمه من سمات الحياة.

الموضوع الأخر...انه لعلاقات اجتماعية و انسانية ناجحة و مثمرة في الحياه، لابد لكل طرف ان يعرف الآخر جيدا...
و لا يسعي للحصول فقط علي ما يريد.

قبل ان أدخل في علاقة يجب ان احدد هدفي منها...و ان اكون علي دراية كاملة بالاخر...
لابد من ان نفرق بين 3 أشياء:
النزوة....الاعجاب...الحب
النزوة تكون موجوده لدي الرجل أكثر من المرأة...و النزوه هي العلاقة العابرة..الاعجاب هو ان نتعرف علي صفات او سمات جيدة في شخص ما..نحب هذه السمات او الصفات...لكننا لا نري او نتجاهل المثالب او العيوب في الشخص.
اما الحب...فهو أشمل و أعمق...يبدأ بالاعجاب بالمزايا...ثم يتطور لقبول الاخر بعيوبه...اي القبول بالشخص كما هو...قبوله بمزاياه و عيوبه...

الحب يبدأ كنبته صغيرة يغرسها الاثنان
يرويها الفهم المتبادل..و المواقف الايجابية المشتركة تقوي النبته...و الرغبة المشتركة في تنمية العلاقة و تطويرها هي الساق القوي للنبتة..الزواج و الاسرة هو الثمرة.

اما التساؤل حول المليون دولار...فاقول:

مهما كانت ملايين العالم...فالعلاقة الحميمة التي تقام بين احد الطرفين و طرف ثالث هو سبه و انحدار اخلاقي لا يغتفر و لا يمحوه الزمن...و نهاية العلاقة الاصلية تكون حتمية...

العلاقة بين الرجل و المرأة علاقة جميلة و تعطي الحياة رونق و بهجه...إن تفهم كل منهما الاخر...بالشكل الصحيح، و لينظر كل منا في علاقاته ليصحح ما يحتاج الي تصحيح...و ينمي الي الاحسن..
اما ما عدا ذلك..فالنسيان اجدر و اولي...

تحياتي

غير معرف يقول...

تفتكري فيه نهايه للموضوع ده ؟

Masry يقول...

whyme

انا كمان عندي سوفت كوبي من الكتاب لو تحب ابعتهالك ..
اكتبلي ميلك او ابعتلي ميل علي
eng.mfekry@gmail.com

Mirage يقول...

ياسمين

انتى اتأخرتى قوى

فينك كده ؟

momken يقول...

ليه البنت والت الشرقيه شايفه ان الراجل كائن غريب عن ايات تكوينها
كائن يرحل من الصبح حتى الغروب
ويعاود الرحيل حتى الصباح
ليه البنت الشرقيه حتى المثقفه منهن
تتحدث عن الرجل الشرقى طبعا كانه كائن قادم من كوكب اخرمن مجاره اخرى؟
تتحدث عنه هو الى مبيفهمش دمغها اكنها لغز محير
مبيفهمش مشاعرها اكنه حمار وجامد او جماد
مبيفهمش ميلوها ورغبتها اكنه عايش فى العصر الحجرى
؟

.:.-=- ELGaZaLy-=-.:. يقول...

هههههههههه

شكلك اطحنتى يا ياسمين ...

والاختفاء الى مش عادتك دة هاترجعى تلاقى اسئلة متللتة ..

يارب تكونى بخير طمنينى عليكى

أسوور يقول...

الربان
أحييك على آراءك
بجد قرأت كل كلمة وكل حرف بتركيز وأعدت القراءة مرات
كلامك مظبوط جدا خاصة فى التفريق بين النزوة والحب

ادعو الجميع لقراءة ما كتبت
تحياتى لك

أسوور يقول...

نرفانا
نورتى المدونة بجد
أنا بحب جدا جدا مدونتك وبحب أزورها كتير

موضوع المشاكل والأسئلة انا بس اللى ممكن أنهيه بإنى أعمل بوست جديد
تحياتى

أسوور يقول...

ممكن
لأن دى الحقيقة
واحد بيصرخ ويقول موجوع وبيتألم
أكيد يبقى بيتألم

نبقى نشوف ايه شكوته ونحلها
مش ننكرها ونتجاهلها
للأسف التجاهل دة هو اللى بيحصل لأن الحل محتاج مجهود من الرجل وهو يرفض التنازل عن عرشه والنزول لأرض المرأة
تحياتى

أسوور يقول...

الغزالى
ازيك يا قمر
والله واحشنى
ماتخافش علية .. أنا قدها يا باشا
كان بس نفسى تشارك فى الحوار وتساعد فى الرد على الأسئلة
بس شكلك مش فاضيلى بقى
سلام

غير معرف يقول...

عزيزتى الجميله ياسمين أنا سؤالى صعب شويه هيا الست التعيسه فى حياتها مش من حقها تتطلق وتبحث عن سعادتها فى مكان آخر جتى لو أختارت تعيش وحيده؟ صحيح الأولاد مالهومش ذنب بس ازاى واخده تعيسه تربى أبناء أسوياء؟ تيه نظره المجتمع قاسيه كده للست المطلقه؟

أسوور يقول...

Anonymous
المرأة التعيسة طبعا تنعكس تعاستها على من حولها
ولكن احيانا تحاول المرأة التعيسة فى حياتها الزوجية أن توازن بين أيهما أكثر تعاسة لها .. أن تعيش فى التعاسة فى ظل زوج واب لأبناءها أم أن تعيش فى التعاسة فى ظل وحدتها
الموضوع مش نظرة المجتمع خالص لما الست بتيجى تاخد القرار دة رغم ان نظرة المجتمع فعلا بتظلم الست فى كل الاحوال سواء مطلقة أم لا
الأم أحيانا بتكون سعادتها فى سعادة ابنائها فلو كانوا تعساء وهى ايضا تعيسة .. من الذى يربح؟؟ لا هى ولا الأبناء ولا أحد على الإطلاق
مش نظرة المجتمع هى اللى قاسية .. الوحدة هى اللى قاسية جدا
وتعاسة حتة منك أقسى وأقسى
تحياتى

Unknown يقول...

ياة

من اول مرة اجى

ومن اول بوست

ومن اول حرف

المدونة تخطفنى كدة


بجد

انتى عديتى حدود الابداع فى البوست دة

غير معرف يقول...

teftekre fe el bost beta3 3alamane 7abebe be kol el ma3ane ele feh we el a7ases leh el bent fe awel keset 7ob leha we awel bosa we 7odn we awel kelmet ba7ebak betefdal ma7fora gowaha 7ata law etgawezet 7ad tane ger ele bet7ebo we 7ata law ba2a 3andaha 70 sana
gareb awe el mawdo3 dah we a3taked en mesh sababo el 7ob bass aked fe 7aga tanya teftekre el 2ostora beta3et en kol el bashar etkala2o ro7en zakar we mo2anas we kol ro7 leha el mathel beta3ha yemken howa dah el sabab we el donya heya ele betfara2 benhom mesh 3aref bass yaret torode 3ala el so2al el gareb dah
sorry tany mara
bardo ente mate3rafensh
see u???????????????

أسوور يقول...

Anonymous
لا يا سيدى انت غلطان .. كل حب هو حب أول .. يحمل نفس المشاعر ونفس الأحاسيس
غرام وهيام و وله .. رعشة ورجفة وارتعاد
كل حب يحمل فى طياته نفس الشعور
وبعدين نظرية كل ذكر له نصه التانى دى نظرية كوميدية جدا
هو سيادتك شفت قبل كدة راجل محتفظ بست واحدة
دة حتى الدين خلاهم 4 ستات

ولو عاوز رأيى بجد .. الحب وهم كبيييير وحلم نعيش فيه شوية ونصحى
الحلم يبقى كابوس لو تخيلت انه حقيقة
فى الحالة دى هتصحى مفزوع

تحياتى

Egyptian out there يقول...

الأخت ياسمين
طبعا ديه أول زياره ليه لمدونتك الجميله شفت حاجات كتير عجبتني ومنها ضحكة بنتك نور .. صحكتها جميلها أوي ربنا يحفطهالك.. وعجبتني كتير فكرة البوست ده .. عرفت أنك ما شاء الله أنسانه مثقفه ومبدعه وصاحبة خبره في الحياه ناتجه عن تجارب مش من فراغ ..
لقيت كمان أنعكاس التجارب إللي مريتي بيها وإللي شفتيها فحياتك .. أنا للأسف ما لحقتش أقرأ كل البوست ده وإلا كنت عرفت أكتر
لقيت تحاملك على الرجل وعلى ما سمتيه بالتحكمات من المجتمع.. بس أسمحيلي أتوجه ليكي بفكره من خلال تجربتي الشخصيه ..
عشت فتره طويله من حياتي في دبي
إللي هيه ما بين الثقافات العربيه وأوروبا مزيج من الثقافت المختلفه والمتداخله شفت كتير أوي وعشت وسط حاجات أكتر .. مكنش عاجبني أوي الأنغلاق اللي ممكن يؤدي لأنفجار بالنسبه لمواطنين الدوله
فهمه من أصل بدوي لفتره طويله كان فيه حجم عن حريات المرأه ..بس ده كان زمان ،معدش هناك فيه كده
وفيه هناك بردو الحرية مكفوله للأجانب وعايشين حياتهم هناك كأنهم فبلدهم.المهم
سافرت أيطاليا للدراسه ،أتيحت ليه الفرصه أني أقترب من حياة ناس كتير شفت حرية المرأه ، من أول الزميله لغاية مديرة الجامعه ، حتى وزيرة الأقتصاد ..
كنت زمان بعتب على التزمت و بعتب كتير زيك على إللي بتسميه تحكمات . خرجت وشفت ، شفت مجتمعات راقيه جدا ً
و عرفت كمان انه مع الرقي ده والحريه ديه ، أحساس بأنه مفيش فرق بينهم وبين مجتمع الحيوانات .. فالبنت لها كامل الحرية و يوم السبت (الويك أند )
الشوارع و مواقف السيارات .. زي مكان تتقابل فيه القطط مع زكورها فمرحلة التزاوج .. مع أني مش شاب ملتزم اوي بدين ربنا .. بس حسيت أنه فطرتي رفضت حاجه زي ديه حسيت بتقزز
من أصاحب المجتمعات الراقيه زي ما بنسميهم المتحررين..
هتقوليلي لأ ده مش معنى الحرية .. ولا هوه ده إللي أحنا عايزينه .. هقولك أحنا مش فالمدينه الفاضله .. أذا فيه تحرر فأحنا بني آدمين كتير بنضعف ووجود بعض التحكمات فبردو ما بنحبش أي قيود
فكل الحالات مش هنستريح .
بس الإنسان إللي يقدر يقتنع هوه إللي يقدر يرتاح على الأقل من غيره ..
يعني مثلا سمتيها تحكمات .. طب وليه ما سمتيهاش خوف ؟ يعني الخوف عليكو أكتر ؟
وأمتى الأنسان بيخاف إلا على الأهم فاالأكثر أهميه بيزيد خوفه عليه ..
غيري بس المنظور أو النضاره والله هتشوفي حاجات كتير بلون ومعنى تاني ..
يعني شوفت جوازات كتير سوده و قصص مات فيها الحب بعد وقبل الجواز
مرينا كلنا بتجارب صعبه وقاسيه هزت كيانا لسنين طويله وزي ما شفت من ده كتير شفت بردو بس قليل قصص لأزواج فضلو لآخر العمر أحبه رغم بساطتهم بس أنا شايف فيهم الأمل أني أفضل و حبيبتي إن شاء الله زيهم أحبه لآخر العمر
تعرفي من كتر حبهم لما توفى واحد منهم التاني مسبوش في عصر اليوم التاني حصله وسبحان الله حتى صدفت أنهم دفنوا جمب بعض .. أكيد ده مفيش من كتير بس على الأقل عرفت أنه الحب ده موجود
وهيفضل عندي أمل أنه حبي إللي جوايا يبقى زي الحب ده وطول مهنحاول هنقدر ولو أستسلمنا للسلبيات والله هتتملكنا.. بس الناجح هوه إللي دايما ما يسيبش التجارب ديه يبقى ليها الأثر الأكبر على إللي باقي من حياته. لو بص للأمور أكثر بحياديه قراراته هتبقى أصح والقرارات ديه هتوصله للراحه أو هيقدر فعلا يوصل نفسه للراحه بعيد عن التعاسه .. أعتبريني أخ عايزك تشوفي حاجه يمكن نضارتك مش مخلياكي تشوفيها .. هطلب طلب وأسئل سؤال .. ممكن تشيلي النضاره إللي قلت عليها ..
اما السؤال .. يا ترى ممكن ؟؟

غير معرف يقول...

ماهو اشد الاشياء خطرا على البشريه وماهو الشىء الذى لا يمكن مواجهته لان مواجهته هتكون الهزيمه وما هو الشىء الذى يصعب تحديد رد فعله وما هو الشء الذى اذا فكر تعتقدى ان قنبله ذريه انفجرت وما هو الشىء الذى تلميذة الشيطان ؟ الجواب امرأة ممكن اعرف موافقه على الاجابه ام لا