الجمعية المصرية للتدوين
الجمعية المصرية للتدوين حلم بنحلم بيه كلنا
محمد عادل مصر هى أمى قال الفكرة فى التليفون على شكل دعابة
وتشجع أكثر لما لقانى أخدت الموضوع بشكل جاد
آن الأوان عشان نخرج للنور بصورة واضحة
شكل رسمى
عاوزة اقتراحاتكم عشان نحط أهداف للجمعية
أهداف تكون واضحة
تجمعنا .. وتساعدنا .. وتقدم حاجة للمجتمع والبلد.. وتشجع كل واحد فينا يخرج للنور
مستنية أراءكم
تنويه: الجهاز عندى فيه مشكلة ولسة ما اتحلتش .. بأدخل على النت من برة لحد ما الجهاز يتصلح
ما تزعلوش لو اتأخرت فى الرد لأنى هأدخل مرة واحدة يوميا لحد ما الجهاز يتصلح
محمد عادل مصر هى أمى قال الفكرة فى التليفون على شكل دعابة
وتشجع أكثر لما لقانى أخدت الموضوع بشكل جاد
آن الأوان عشان نخرج للنور بصورة واضحة
شكل رسمى
عاوزة اقتراحاتكم عشان نحط أهداف للجمعية
أهداف تكون واضحة
تجمعنا .. وتساعدنا .. وتقدم حاجة للمجتمع والبلد.. وتشجع كل واحد فينا يخرج للنور
مستنية أراءكم
تنويه: الجهاز عندى فيه مشكلة ولسة ما اتحلتش .. بأدخل على النت من برة لحد ما الجهاز يتصلح
ما تزعلوش لو اتأخرت فى الرد لأنى هأدخل مرة واحدة يوميا لحد ما الجهاز يتصلح
هناك 54 تعليقًا:
هفكر وارد عليكى...
فكرة حلوة أوى فعلا عمل جمعية على الاقل نساعد على وجود مدونات نظيفة
تحياتى
الموضوع فى دماغنا كلنا و انا ابتديت اسأل محامى صاحبى بالفعل عن الاوراق المطلوبه لعمل جمعيه و انا واثق ان الفكره هتكون ناجحه جداً و هتكون بدايه لحلم جميل زى حلم ساقية الصاوى مثلاً
لانها هتدينا شكل قانونى للتجمع و لطرح حلول و و جهات نظر بشكل مؤثر منظم
تحياتى
و صلحى الجهاز بسرعه
يا اهلالالالالالالالا
ازيك عاملة ايه
طبعا دة حاجة احنا نفسنا نحققها
وان شاء الله هتتحقق
انا ممكن اسلفك البوتجاز اللى عندى لحد ما تلاقى
ههههههههههههه
ايه اخبار اللقاء القادم عملتوا اييييييييييه؟
والسلام..........
جميلة جدا الفكرة ولازم يكون من أهدافها حماية حقوقنا وحماية ملكيتنا الفكرية بمعنى أنه لازم قبل نقل أى موضوع من موضوعات المدونين المفروض اللى هاينقل ياخد أذن صاحبه وصاحب المدونة ليه حق القبول أو الرفض ولو حصل وحد نقل حاجة بدون أذن صاحبها لازم يتعرض للمسؤلية
تحياتى لكى على أفكارك الجميلة
وأنا بعد أذنك نوهت عندى فى المدونة عن موضوعك ده
تحياتى
السلام عليكم ورحمة الله وبركاته
تحياتي ليكي سيدتي على اقتراحك الجميل
انا بس عايز اقول حاجه
علشان تبقا الجمعيه دي ناجحه
احنا عايزين نعمل حقوق ملكيه فكريه لينا
وتحدبدا انا عايز اتكلم عن موضوع الاستاذ محمد خان اللي الصحافه بوظت الدنيا معاه وكانت النتيجه انه مسح كل بوستاته وانسحب
عايزين حد يضمن لنا حقنا واحلامنا وكلامنا
لو قدرنا نعمل ده ونحمي حقوقنا الفكريه
انا معاكم ومستعد لأي تضحبات علشان المشروع ده يتم
تحياتي...محمد علي ...جار القمر
فعلا موضوع لازم نفكر فيه كلنا
ولو اتاخد على محمل الجد هيكون افاده واستفاده وصوتنا هيوصل
بصي
انا اقترحت الحكاية دي في مؤتمر حرية الصحافة و التدوين
بس طبعا مش هتبدأ على شكل جميعية مرة واحدة كده
لان محدش هيوافقلك عليها و لو وافقوا هيكون عشان اول خطوة هيعملوها يقبضوا على ادارة و اعضاء الجمعية
اقتراحي كان عمل موقع خاص للمدونين يكون ملتقى لهم و بيتكلم باسمهم
يقوم بالاشراف عليه مجموعة من اللي لهم تقل في عالم التدوين
الموقع لن يحمل فكر سياسي او تحزبي من أي نوع
هو للتعبير عن المدوني عن اختلاف اتجاهاتهم
و الدفاع عن حريتهم في التعبير عن ارائهم و رؤاهم
انا و مجموعة من المدونين - حوالي 25 - بنجهز دوسيه مقترح للموضوع عشان نطرح في اول لقاء هيتجمع فيه عدد كبير
غير اننا هنطرحها في مدوناتنا عشان نحاول نلاقيلها دعم مننا
اكيد هاقولك هنا أول باول تطورات الموضوع
و ربنا يوفقنا و الموضوع يكمل
أخيرا يا ياسمين
و الله أن خايفة نتعود على نشاطك و إرادتك و نعلّق كل أحلامنا عليك و نبلّط في الخط..
يعني حلمنا بلقاء للمدونين و إتحقق بيك
وحلمنا بجمعية و بإذن الله تحقق بيك
أقولك على أحلامي و آخد راحتي؟؟
أنا عن نفسي كلّي ثقة أنا بحلم عند مين
اللي في دماغي إنها تكون جمعية هدفها الرقي بفكر الشباب إجتماعيا و ثقافيا ووطنيا للرقي بالوطن
مش سياسة.. ومن إمتى الوطنية سياسة.. ومن إمتى الأخلاق سياسة
يعني يكون فكرها الأساسي إعاده رفع معاني الالتزام بالقوانين.. التكافل الإجتماعي.. حب العلم ..
وغيرهم
أنا مش بثقافتك يا يا سمين .. يمكن تصوراتي تتكون في عمق لسة بدري عليه
أو تكون ساذجة شوية
مش عارفة
بس عارفة إني بحطها في المكان الصح
حاموت و أنزل لكم مصر
حلم بنحلم بيه كلنا
سؤال و الله
جيبتى منين كلنا ديه؟؟؟؟
فكرة حلوة...بس هيكون شكل الجمعية دي ايه بالظبط
مش عارف
يعني ايه الخطوط العريضة ليها؟
هتكون زي نقابة مثلا ولا ايه
تحياتي ليكي
محمد سمير
بصراحه يا ياسمين
فره ممتازه كما قلت لكي سابقا
اري اننا نعمل تجمع بين المدونين زي اللقاءات الشهريه اللي مكنتش موجود في اي منهم ونحدد الاهداف ونعمل مساحه للتعارف ونحدد افكارها سويا
لان في افكار كتيره جدا واهداف عديده لابد ان تناقش اولا قبل انطلاقها
والله أنا متفق مع الأخت واحدة , جبتى منين كلمة "كلنا" دى , معلش يعنى مع احترامى ليكى ولجموع المدونين اللى يعرفوكى لكن بلاش تتكلمى بلسان كل المدونين .
البوست إتكلم عن اقتراحات لأهداف الجمعية ومقريتش ده لسه في الكومنتات كتير
الناس اتحمست للفكرة يا ياسمين ونسيت تقريبا من فرحتها تقول افكارها :)
اقتراحاتي الغلبانة
بالنسبة للإنشاء:
أفضل ان تكون رئاسة الجمعية تحت قيادة عدد من الأفراد بالأنتخاب وليس فرد واحد للحد من مشكلة صعوبة التفرغ بالإضافة إلى ان اهم خطوة في الجمعية هي القيادة في الفترة الأولي لكي لا يحدث تشتت وتنبثق اكتر من جمعية ويتفرق مجتمع المدونين
تحديد امكانية وجود هوية حزبية من عدمها وكذلك التيارات السياسية منذ بدء الجمعية
التنسيق مع دور الإبداع المختلفه في الجمهورية كقصور الثقافة ومركز الابداع والفنون وساقية الصاوي حيث انها لها نوعا ما خبرة مسبقة بهذة النشاطات
وجود اكثر من مكتب للجمعية في اماكن متفرقه في البلد ومستقبلا في الوطن العربي لخدمة أوسع نطاق ممكن للمدونين
توسيع دعائي للفكرة اكثر من مجرد طرحها هنا لضمان كثافة الاقبال
بالنسبة للأهداف :
حرية التدوين وحماية الملكية الفكرية للمدون كمبدأ اولي
جلسات منظمة لمناقشة جميع قضايا المجتمع التدويني بلا اثتثناء
بنية ثقافية متنوعة لتنمية القدرات والمواهب للمدونين / ندوات شعرية ، مسرح وخلافه
لقاءات متبادلة بين الاعضاء في المحافظات المختلفة كنوع من التبادل الثقافي ويتم التنسيق له تبع المكاتب السابق ذكرها
------------------
ربنا يوفقك ويوفقنا كلنا يا ياسمين
الموضوع مهم جدا جدا بس الاهم وضوح الرؤية يعنى ممكن يتكون جمعية مصرية للتدوين ؟اعتقد طبعا
وهل ممكن يكون لها نشاطات كبيرة
اكيد طبعا
لماذا ستنشئ
هو سؤال ليس للتحبيط
بس زي ما قلت اهم حاجة وضوح الروية
و بالنسبة لافكاري فاوافيكى بها فيما بعد
فاصل و نعود
الغزالى
مستنياك
بيبو
فعلا دة لازم يكون أحد أهدافنا
أن تكون المدونات نظيفة تعبر بموضوعية وتنقد نقد بناء بدون استخدام الفاظ مبتذلة
whyme
انا مستنية منك النتيجة علشان نبدأ نحضر
البداية هتاخد مدة مش قصيرة
أول ما تعرف حاجة ابعتلى ايميل
The Eagles
اللقاء هيكون قريب جدا
انتظرونا
:))
بوس بوس
يارب يخليكى يا ست الكل
دى أول مساعدة ايجابية بجد
جار القمر
الحفاظ على حقوق الملكية الفكرية للمدون هو احد اهم اهداف الجمعية
انت اثرت نقطة فى غاية الأهمية
ضد الظلم
شكرا لحماسك
علاء
ايدى فى ايدك يا علاء
ايد لوحدها ما تصقفش
وانشاء الله نتقابل فى اللقاء القادم
هنودة
هنموت وتيجى .. مصر بتقول واحشانى يا هنودة
افكارك كويسة بجد وثقتك فية هى أجمل ما فى الموضوع
حماسك هيدينى اكبر دفعة لتحقيق الحلم
واحدة
واحد
هل انتم مدونون اصلا ؟؟
وان كنتم فلم لا تظهر اسم مدوناتكم؟؟
وان لم تكونوا فلم تعترضون او تتفقون والموضوع بعيد عنكم فى الأساس ولا يمسكم من قريب أو بعيد؟؟
غمض عنيك
ما هو احنا هنا عشان كدة
محمد مفيد
لازم تكون معانا فى اللقاء القادم
أحمد سلامة
تسلملى يا دكتور على الأفكار الحلوة
وشكرا بجد لأسلوبك فى التفكير
كل اللى ذكرته أكثر من رائع وسوف ينفذ بإذن الله
شكرا لحماسك
المهاجر
لماذا؟
عشان يكون لنا كيان فى شكل رسمى وقانونى
مستنية أفكارك
واحشانى موووووووووووت ياقمر
انا له مخله امتحانات مابقاليش كام يوم
الفكره طبعا جنان ب هاتحتاج مجهود جبار
انا مش متخيله له شكل واضخ للموضوع بس اكيد اللى فيه الخير هايحصل
تحياتى
الجمعية المصرية للتدوين، أكيد حلم لازم يجمعنا كلنا، ودى رغبة عندى من زمان، لم تكن بهذا الشكل وإنما كانت فى شكل تدوين جماعى
على كل حتى أصل الى اقتراح ما
انا معكى اتابع .. والله المستعان
تحياتى
السلام عليكم
الفكرة رائعة تحتاج لدرسة مستفيضة وميثاق قوي للجمعية ...هناك جمعيات سابقة بأفكار مختلفة يمكن الإستفادة من تجاربها مثل جمعية المترجمين العرب..جمعية القصة العربية...
ذكرتني برابطة أدبية حاولنا فيها جمع الأدباء الشباب ونشر أعمالهم ..!
وحتى الأن لم تشرق عليها الشمس...
المهم لا تتعجلوا في التنفيذ
وتسعدني المساهمة معكم قدر المستطاع
أحدهم....
كلنا معاكي ياقبلة التدوين كلنا لازم نفكر وندي حلول وانا اولهم
تحياتي
الحل ان شايفو في قوانين حماية الملكيه الفكريه و دي سهله و موجوده و بتحمي الملكيه الفكريه و على فكره انا من زمان بقول في الموضوع ده ..عشان انا محامي ..و ياريت يكون في تجمع يتناقش فيه الموضوع بشكل اوسع
تحياتي
بعد تفكير عميق و ارجو ان يردنى احد المدونين ان كنت خاطئا
هو اذا كان الهدف هو كيان رسمى يبقى الاجابة لا
لان سر تفوقها هو عدم رسميتها
و بالنسبة لوجود ضوابط مثل كلمة مدونات نظيفة فمصطلح نظيفة مطاط و مين اللى هيحدد
يبقى معنى كده رقابة على المدونات و كده هتفشل العملية
بالنسبة مثلا للدفاع عن الحقوق فمش محتاجة كيان رسمى
اما لما يسمى شكل قانونى فمش هتفرق لان الصحفيين انفسهم بيتحبسوا اكتر من اي حد بيكتب
الموضوع مكنش فى دماغى كده
اما البدائل
لا مانع من لقاءات شهرية او حفلات
عمل دليل للمدونين
عمل ميثاق شرف للمدونين
لكن وجود كيان للتحكم و للتوجيه
فانا مش معاكم
لانى مش محتاج قيود زيادة
لطيف موضوع الجمعية
وشايف إن أهدافها تكون إجتماعية
يعني ممكن نساعد الناس
ونحاول نوصل كلامنا ليهم
لكن موضوع وجود قواعد للتدوين
وموضوع مدونات نظيفة فدا مينفعش يكون دور للجمعية
يعني م اﻷخر إحنا مينفعش نحط قيود علينا
عشان منبوظش أحلي حاجة ف التدوين
الحرية
تحياتي
الفكره جميله جدا جدا بس احنا فعلا لازم نحط اهداف معينه بس الحكايه محتاجه تفكير
ان شاء الله لو جت اي فكره على بالي هاجي ااقولها ان شاء الله
مبدئيا أزيك يا أستاذة عاملة أيه ياترى هيصدر أمر عفو عني قريب ولا لسه على العموم قريب هيوصلك مني تصور ومقترح ان شاء الله يفيدك في تدشين الجمعية
وثانيا منتظر تعقيبك على الجزء الثالث والأخير
http://sfahmy78.blogspot.com/2007/06/blog-post_27.html
هههههههههههه هو الجاز عملها معاكي انتي كمان
اصل انا برضه الجهاز والنت عندي زي الزفت
بصي بقي يا ست الكل
انتي عارفة طبعا اني راشقة معاكي في كل حاجة
بس مبدئيا كدة
لازم نسيبنا من موضوع مدونات نظيفة ويكون التدوين اجتماعي مش سياسي
والكلام دة
لان احنا كدة زي ما قال بيشوي بنقيد الحرية
وانتي عارفة ان واحدةمن الناس بحب اتكلم في اي حاجة بقي
لكن اهداف الجمعيه هي حماية المدون نفسه من اللي بيحصل لاي مدون بيقول رايه بصراحة
كمان نقل افكارنا وكلامنا اللي بنلاقيه مرمي في المنتديات
وانا مش هنسي الشخص اللي سرق مني 7 موضوعات بحالها
ونشرهم باسمه
لازم يكون في مسائلة قانوينة
الموضوع كبير يا ياسمين
لان دة هيحتاج شئون قانوينة للجميعية
خلي بالك هنصرف عليها منين
يعني الموضوع مش بالساهل
دة محتاج ماديات
وبعدين من الاخر بقي انا لازم امسك حاجة في الجميعه دي
انا بقولكو اهو ههههههههه
الحقيقه يا ياسمين انا مش متابعه الموضوع لكن اطلعت على الخبر ده بالصدفه و يا ريت تطلعى عليه
http://forum.harakamasria.org/showthread.php?t=11691
تحياتى ليكى
حلم كبير بقى ضروري تنفيذه فعلا ياريت ننسق كلنا كا مدونين لتنفيذ الفكرة لأنها هتفيدنا كلنا فعلا
تحياتي
فكره بمليون جنيه
اناكتير جدا كنت بفكر فى حاجه تجمع المدونين كلهم تحت رساله واحده وكنت شايف الموضوعده صعب جدا
تحياتى
هى فكره حلوه جدا جدا وفكره ناجحه جدا بس تفتكرى الحكومه هتسيبنا فى حالنا دى هتدور علينا واحد واحد حتى لو ملكيش فى السياسه
وفى فكره حلوه كمان يعملوا رقابه وكمان يفتحوا مواقع كتير تساعد كل الناس على عمل مدونات خاصه ليهم
بس ما اظنش ان الحلم دا ممكن يتحقق
قلبى معاكى
أنا معاكم ان شاء الله
اعملي حسابي بجد يا ياسمين
أشوفك قريب ا نشاء الله
تحياتي لك من ماناساس البلد
فكرة برضو
وبعدين اية حكاية كل ما ادخل عند حد القي كمبيوترة بيتصلح
طب هو اتصلح ولا لسة ؟؟
اولا ازيك يا اجمل الجميلات
والله يخربيت الجهاز الى مانعك عننا
المهم طبعا فكرة جمعية مصريه للتدوين
وكما تحدثنا عنها خلال ندوة مجلة كلمتنا
والتى تحمست لها بشدة بالغه
فأعتقد اننا جميعا نحتاج لبيت كبير يجمعنا نحن الاخوة والاصدقاء
وابناء التدوين
وها انتى قد عرضتى الفكرة فى موضوع على المدونه واعتقد ان بكده الفكرة اخدت
الشكل الرسمى او بقى له ارض وياريت تكون صلبه
بصى يا ستى علشان فى شوية حاجات فكرت فيها
لما دخلت وقريت الموضوع وبعد كده نسيت
الجمعيه المصريه للتدوين هى اجتماعيه باحته ده الى فهمته وده الى برجوه
والى مش عايزة اى حد يفسرها على كيفه
تانى شئ
المحافظه على حقوق المدونين
من السرقه او غيره
ووضع حد لسرقات افكار وموضوعات المدونين
بدون ذكر اى مصدر
ياسمين
ان شاء الله انا معاكى
جمعيه مصريه للتدوين
جمعيه اهدافها ...فى الاصل لتجميع المدونين
رغم الاختلاف الا اننا كلنا لينا اب واحد
وهو التدوين
والجمعيه هى بيت كل المدونين
تحياتى ليكى
السلام عليكم ورحمة الله وبركاته
ياسمين:
أخبرتك أنى سأفكر وأرد عليك، والحقيقة أن الإقتراح الرئيس الذى يدور فى ذهنى منذ فترة
هو كيف يكون لنا دور وصدى عالميا، نعرض أرائنا ومقترحاتنا، ونناقش وقضايانا؟
وربما وقتها سنكتسب كذلك الصفة الرسمية التى نريدها فى الداخل
على كل مازال الموضوع مطروحا للنقاش وأرجو أن يسفر عن خير
خاصة وأنه مطروح م\فى أكثر من مكان
فهو مطروح كذلفك فى مدونة علاء على الرابط التالى
http://msh-ana.blogspot.com/
أرجو التوفيق لنا جميعا
تحياتى
السلام عليكم
انا معاكى يا ياسمين...
معنديش اقتراحات معينة
بس اهم حاجه متبقاش ليها طابع معين يسود عليها ...
تبقى حرة...مافيهاش كبت زى اللى الحكومة قررته من كام يوم انها تحجب بعض صفحات المدونات
وتبقى بتاعتنا كلنا ...مش عزبة بتاعت حد معين...:)
والف بسا على كوكى بتاعك
كمبيوتر يعنى :D
Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.
ياسمين
من العجيب ان الناس بتحاول التخلص من القيود وانتم عاوزين سلاسل تربط اديكم ورجليكم مش عارف لية
الناس فى امريكا بيسموا الحكومة الاخ الكبير وبيكرهوا اى حاجة الاخ الكبير يحط مناخيرة فيها وبيطلعوا مظاهرات ضد اى تدخل حكومى
المدونات بقت حاجة عالمية ـ لما علاء اتمسك فى المظاهرات زوجتة منال قلبت الدنيا والعام كلة عرف وكانوا بيطلبوا بالافراج عنة دة المفروض يكون
المدونين مش صحافيين ولا محترفين قلم المدونين هما صوت المجتمع ومش معقول المجتمع كلة حيعمل رابطة ولا نقابة
انا مش شايف غير المهاجر اللى فكر وقال لاء يمكن علشان انا وهو عايشين خارج مصر وعارفين قيمة البعد عن اى تدخل حكومى
كلامى دة حيزعل ناس لكن الهدف هو انكم تعرفوا ان اللى انتم عاوزين تعملوه راح ياخد حريتكم وانتم احرار دلوقت لكن لو استمرتوا فى المشروع دة مش حتكونوا مستقبلا ـ تحياتى
فكرة صح وجاية فى السليم
اظن ان من اهم اهداف الجمعية دى ان احنا نطلع وجهة نظرنا الحقيقية للمجتمع
سلام
عزيزتى ياسمين
الفكرة فى حد ذاتها أكثر من رائعة
و انا من الناس اللى مستعدة اشارك قدر إستطاعتى فى الموضوع ده
بس مش عارفة العواقب ممكن تكون ايه، خصوصا و إحنا فى وقت بقى فيه اى مجموعة صغيرة تتجمع و تتكلم كلام عاقل تبقى على طول موضع شبهة
لذلك لازم يكون فيه حد مسؤل عن الشؤن القانونية بشكل جاد
النقطة اللى بعد كده انه يتم عمل عضوية و بنود للعضوية للمدونين عشان يبقى كل الأعضاء متفقين على خلفية واحدة تمثلنا جميعا و يبقى الموضوع متنظم بجد على الا يكون فى ذلك حد من حرية المدون فى التعبير اللى هى اساس التدوين
اهم حاجة ان تكون اهداف الجمعية بتصب فى مصلحة المدون اولا و اخيرا
يعنى دفاع عن حقوقه، ممكن نعمل إجتماعات مثلا نعرف بيها المدونين عن حقوقهم القانونية فى حرية التعبير بحيث اننا نبقى بنكتب و مش خايفين و مع الوقت نشيل منطق "انا مدون مصرى اذن انا متهم"
طبعا مانقدرش نغفل الجانب السياسى و الإجتماعى للجمعية عشان مانبقاش برضه بنفحت فى الهوا
الموضوع بجد جامد جدا
بس محتاج تخطيط و شغل كتير
عشان مايتحولش لجمعية روتينية تفقد بريقها مع الوقت
انا معاكم يا ياسمين و اتمنى الموضوع ده يشوف النور فى اقرب وقت
تحياتى
السلام عليكم ارجو مساعدتكم هذه فكرة ممكن تكون تحوير لفكرة ياسمين مش مهم مين صاحب الفكرة المهم نكسر القيود و صوتنا يهز الغول
الفكرة مطروحة على مدونتى فارجو المشاركة او ابداء الراي
http://eg-migrator.blogspot.com/
أسف على تطفلي, لكني لم اتمالك نفسي من الرد عند قرأتي للاقتراح,بالرغم من اني قرأت الكثير و لم ارد ابدا و لست مدونا.
لا اجد غير السؤال "لماذا جمعية؟" يطرح نفسه.
بالاضافة لاعتقادي ان فكرة جمعية للمدونين هي ضد فكرة التدوين نفسها.
لا ارى شئ مشترك يجمع المدونين غير انهم مدونين و لا اعتقد انها فكرة جيدة محاولة خلق ذلك الشئ.
لا احاول "تكسير الجاديف" و اتمنى لك التوفيق على اى حال.
إرسال تعليق