السبت، 22 سبتمبر 2007

حوار داخلى من سهر الليالى

كتبت زميلة التدوين وصديقة العمر سهر الليالى بوست عمرها
ومن حلاوة البوست وشدة تعبيره عما يجول بخاطر كل امرأة
وجدت ان نشره هو الوسيلة الوحيدة للتعبير عن تقديرى لها وللبوست نفسه
اليكم كلمات البوست
حوار داخلى يدور داخل كل النساء
فى ستات تخرجه من قلبها على لسانها
وستات تانيه تفضل كتماه فى قلبها لحد ما تطق وتموت بحسرتها
كل ست نفسها تبقى بطله لفيلم رومانسى جميل لكن للاسف البطل دايما مش موجود
وهى جواها كتير وشايله كتير ونفسها توقفه قدامها كده وتقوله
اسمع بقى
ايه اللى ممكن اكون محتاجاه منك عمرك سالت نفسك السؤال ده ؟؟؟
انا محتاجه تكون معايا .. محتاجه لحبك .. محتاجه لقربك منى .. عايزه احس بلمسه حنانك
عايزه اسمع منك كلمه حلوه من كلام زمان .. عايزه وقت من وقتك .. عايزه نخرج سوا
عايزه ورده تهديهالى ..عايزه هديه .. مش مهم هى ايه .. ولا قيمتها ايه
بس حلاوتها انها من غير مناسبه
عايزه رساله حب حلوه تبعتهالى وانت فى شغلك .. عايزه ابتسامه من شفايفك
ونظره اعجاب من عيونك لما تشوفنى وكانى الست الوحيده اللى عيونك بتشوفها
عايزه لما تخدنى فى حضنك انسى الدنيا وهمومها .. وده كان بيحصل قبل كده من غير مااطلبه
ايه اللى جرى علشان مايحصلش دلوقتى ؟؟
والاكيد طبعا انها مش هتلاقى اجابه للسؤال .. ولا استجابه لمطالبها
مع ان الاجابه واضحه قدام عنيها
وهى ان ده احساس هو مش حاسه تجاهها علشان يقدر يعبر عنه بالافعال دى
بس ياترى هى هتفضل عامله نفسها مش واخده بالها لحد امتى ؟؟
ومش عايزه تصدق ان مشاعره اتغيرت لحد امتى؟؟
اكيــــــد مش كتيـــر

هناك 68 تعليقًا:

Ahmad Hegab يقول...

بيعجبنى فى مدونتك انى كل لما اجى هنا استفيد



يارب الرجاله تفهم بقى

شكرا يا ياسمين

Enbee يقول...

قريت الموضوع كله ومتعاطف معاه جداً جداً .....لأن الست لما تبقى سعيدة الدنيا شكلها هيتغير تماماً ... بدل حالة البلادة العاطفية اللي مسيطرة على المشهد الانساني المصري العربي بعد الجواز والذي منه

أكيد في فرق كبير بين أيام الخطوبة والحب .. وبين أيام الجواز اللي بيسطر عليها الملل والتعود وجلاليب البيت والعيال ومامتي وخالتي وطنطي وماجاورهم

والرجالة طبعها النسيان .. الرجالة يا عالم من كوكب والستات من كوكب تاني ماحدش سمع عن كتاب ( الرجال من المريخ والنساء من الزهرة) ؟؟؟

وفي نسبة كبيرة منهم بتتصور انه طالما بيأدي (واجباته) الزوجية - شفتوا؟ سموها واجبات !! - يبقي هو كده كفاها معنويا وعاطفيا
ومالهاش حجة ... ويقعد يقولك : جماعتنا... ده في رجالة ما بتدهش على الست بإسمها .. بيناديها بإسم عيالها

السؤال هنا بقى

الست شريكة في الحياة ماهياش تابع ولا شيء ثانوي .. شررررررررررييييييك

رجالة كتيير قوي بيقوا جواهم حاجات حلوة بس محتاجين اللي يحركهم .. في رجالة كتير كدة

ليه الست ما تحاولش تشكل حياتها زي ماهي عايزة ؟
ليه السلبية في التعامل ؟
ليه شحاتة العواطف والمشاعر ؟
ليه ما تحاولش انها تمد ايدها وتجيب اللي هي عايزاه؟
ليه ماتمشيش مملكتها زي ماهي عايزة ؟؟؟
ليه ما تحطش القواعد في بيتها ؟
ليه ما تبادرش هي .. وتقوله بص... أنا بحب كده؟
ليه ما تجيش وتجيبله هي هدية وتخجلة من نفسه ؟
مرة والتانية ... ليه ما تقولوش تعالى عازماك على بره بس انت اللي تدفع ؟

حركيه ... ابذلي مجهودك .. اصبري عليه.. حطي نظام ...وبعد كدة لو ما استجابش ابقى حطي ايدك على خدك واندبي حظك وميلة بختك على عادة الستات التاريخية

المهم المحاولة .. محاولة انقاذ مايمكن انقاذه بدل الشكوى المرة المخفية الي ماحدش سامعها ولاحاسس بيها
ولاحتى الراجل

أنا عارف هلاقي ناس كتير ترد وتقولك ده احنا آيدين صوابعنا العشرة ومافيش فايدة
ونهيتك ما انتهيتك والطبع فيك غالب .. وديل الكلب ما ينعدل ولو علقوه في قالب وعجبي

تحياتي العطرة

غير معرف يقول...

بجد الكلام دا واقعى جداًجداً
انا مع كل حرف وحاسة كل كلمة

قالت بكل بساطة عن الى جوة المرأة
فى بداية الحب تلاقى مشاعر جميلةوحب خيالى ولما يقدم شوية تلاقى الملل وتعرفى انة فعلن خيال وتلاقى الفيلم اللى كنتى فية بطلة خلص واتصدمتى بحقية مرةومش شرط بعد الجواز بس دا اللى اكيد هايكون، بس بردة فى الفترة اللى قبل الجواز لما الحب يعدى علية كام سنة كدة تلاقى دا بيحصل تخيالى بقى بعد الجواز

مش معنى انك عايزة تسمعى كلام حلو وعايزة هدية او وردة اوخروجة تكونوا فيها لوحدكوا انك خيالية ولا رومانسية زيادة لا دا لازم علشان يعينك على الحياة بس مافيش حد بيسمع

بجد تحياتى ليكى انك نقلتى الموضوع دا وتصفيق حاد لسهر الليالى بجد قالت الى انا حاسة وشايفة

micheal يقول...

بجد مدونتك يا يالسو أصبحت مدونه لتعليم الدروس الخصوصيه المجانيه للرجل في كيفيه معامله المرأه
تحياتي لكي

غير معرف يقول...

بسم الله الرحمن الرحيم
كل عام وأنتم بخير

الأخت ياسمين
أرجو عدم إزعاجكم بما سأكتبه وتقبلوه منى بصدر رحب

اخوتى المدونين
قمت مؤخرا - بفضل الله - بتصميم مدونة لخدمة المدونات العربية .. هذه المدونة سميتها

المدونة الخدمية
http://free-blog-serv.blogspot.com/

وهى
مدونة شاملة تختص باهتمامات المدونين , كما أنها توفر لهم خدمات مجانية ليقوموا من خلالها بتطوير مدوةناتهم وجعلها أكثر رواجا وشعبية , تقدم خدمات مجانية للمدونين العرب فقط مثل قوالب التصميم وعدادات الزوار أكواد بإضافات للمدونات مثل آخر أخبار الجزيرة والعربية , ومثل توقيعك أون لاين وتعلمك التحكم بمدونتك خطوة بخطوة , انت تستطيع جلب الزوار لموقعك , ولكن هل تضمن متابعتهم لك ؟؟
نحن نضمن لك ذلك
أخى المدون : لاتبخل علينا بالدخول والاستفسار عما تريد ليعم النفع علينا جميعا

رابط المدونة الخدمية
http://free-blog-serv.blogspot.com/

Unknown يقول...

انا مقتنع بكل دة
ان فى حالة ممكن تسميها لا مبالاة من الرجالة فى العواطف والرومانسية
بس عاوزك تبصى على حالة الشعب كحالة عامة
شوفى كمية الضغوط النفسية
فى الشغل وفى الشارع
وفى كل حتة
واعتقد ان الضغوط دى ليها تاثير على المراة



جاى من بلادى البعيدة..لا زاد ولا ميه..وغربتى صاحبتى..بتحوم حواليا..وانتى تقوليلى باحبك..بتحبى ايه فيا..ودا حب ايه دا اللى من غير اى حري

Reemo يقول...

كنت سألتك مره يا ياسمين عن الموضوع ده فاكره؟
ليه دايما البدايات بتكون حلوه لكن حلاوتها مش بتدوم
مش عارفه ليه دايما الاحاسيس فى بدايه اى علاقه بتكون متوهجه وملتهبه وساخنه جدا
والبدايات بتكون كتيره من الطرفين بمعنى ان اى واحد من الطرفين بيقوم بالمباره بدايه من الكلمه وانتهاء بالفعل
بتكون بدايه بدون اى حسابات
لكن بعد فتره كل كلمه ولمسه وفعل بيسبقها تفكير وحسابات
ليه دايما العلاقه مبتثبتش على البدايه
وليه دايما تغيرها بيكون للأسواء
ليه دايما بتكون البدايه خيال
بعد فتره بيبقى الخيال وهم وسراب
كلام صديقتك جوه كل واحده يا ياسمين فعلا
كتير بنات جواهم كل كلمه اتقالت
بس قليل اوى اللى بيعبر عن الكلام ده
بتمنى بجد يكون فى سبب للحاله دى ممكن حله ومبيقاش الرد زى التقليدى ان ده طبيعه الحال وان الحب بعد فتره بيتحول من حب الى عشره والاتنين مختلفين تماما

البوست فعلا بيفتح كلام كتير جدا يا ياسمين
كل التحيه لاختيارك
قبلاتى

you know who يقول...

عرفه المشكله هى التعميم فى كل حاجه
الست عيزه ايه من جوزها
يمكن محتاجه الحجات دى بعض الوقت مش كل الوقت
المهم ان يكون فيه حوار من الطرفين و ان الستات ينسوا ان اللبيب بالاشاره يفهم
(الان اى راجل متجوز خلاص مبقاش لبيب )
اذا كانت عيزه حب تديله شويه و لكل فعل رد فعل مش هيكون مساوى له فى القوه بس هيكون فيه رد فعل دائما
اذا عيزه اهتمام تديله شويه من غير ما تطبق على انفاسه و تطفشه
م كل سنه و انتى طيبه

islam yusuf يقول...

هتفضل كده على طول عهاملة مش واخدة بالها
لأن الدنيا اللى احنافيها دى عاملة زى البخار بييجىمن حالة فيزيائسة معينهوبعد كدة بيختفى أو زىالدخان
أول الحياة العاطفية غير وسطها غير نهايتها بتبقى فى حالات متغيرة لظروف احنا ممكن نكون مالناش سد فيهاأو ماقدرناش نستحملها
و التغيير ده بيحصل بصورة تدريجيةلدرجة اننا ممكن مانلاحظهوش ال بعد تفكر و اعادة حسابات

أعتقد أنها المفروض تطنش

الأميره أوسه يقول...
أزال المؤلف هذا التعليق.
misha و lado يقول...

it's some kindda "what women want" theme

حصان بري يقول...

فعلا يا ياسمين كتير الناس بتبقي فاهمه وتقنع نفسها بالعكس
لمجرد انها خايفه من المواجهه
فتنجرح اكتر من جوه
جميل البوست

سهر الليالى يقول...

ميرسى يا ياسمين على اهتمامك ده وربنا يخليكى فاتحه نفسى كده على طول على الدنياانا كتبت البوست ده علشان اقول اه وطالما قولت اه يبقى انا موجوعه مش كده ولا ايه ..وحشتينى موت

غمض عينيك يقول...

كلام جميل
وكلام معقول
ماقدرش اقول حاجة عنه

لكن في ظل الهموم والمسؤوليات الكتير اليومين دول
الرجالة بجد اوقات كتير بتكون مظلومة
ده لا يعفيهم من كلمة حلوة او ابتسامة
لكن ان غابت لازم الزوجة بردو تقدر

تحياتي ليكي يا ياسمين ويا سهر اليالي
محمد سمير

safa7_karmooz يقول...

ليه دايما فارس الاحلام ...بيبقى موجود اول سنة وبعد كده بيحتفى

ليه اغلب الرجاله لما بيتجوزوا بينسوا الكلمة الحلوة وبيقولوها فى الاعياد والمناسبات بس؟؟؟

ليه بنفتكر ان الست دى حاجه تغسل وتمسح وتأكلنا والعيال وممكن نحن عليها ونمن عليها بكلمة حلوة او وردة وقت ما ربنا يفرجها

انا بستغرب لما بسمع حكايات من ناس متجوزة او بشوف قدامى اللى بيحصل ..:(

love يقول...

أختى ياسمين
لو حدث ذلك وتوافر فسنكون فى أرجاء المدينه الفاضله نحيا،ياريت ده يحصل وساعتها سنقوم بإعدام كل الكلمات المقذعه التى تشوب قاموس العلاقه بين الرجل والمرأه
الرجل ياصغيرتى يعمل لدى جهتين أو أكثر ليحصل على لقمة العيش،فد تكون لقمة عيش مدعوم،أو لقمة عيش فينو وهذا آخر مايتمنى أن يحصل عليه لزوجتهولأبنائه ثم له هو!!ا
بذمتك لو تحقق ماتطلبين أو به تحلمين،هل نكون نحيا على ألأرض أم على ركام السحاب؟؟ثم لنفيق بعد كل هذا لنجد أنفسنا نرتطم بأرض الواقع
تحياتى

محمد حمدي يقول...

تحياتى ليكى ياياسمين انتى وسهر الليالى وكل افراد الكتيبه الى واقفه ضد التيار .. دة انتو مش بس واقفين وصامدين ضد التيار .. انتو كمان بتسبحوا ضدة .. ودة شىء رائع ومليان بالمخاطر

متهيالى سهر الليالى لو كتبت تلات او اربع بوستات على نفس المنوال دة وممكن انتى تكتبى معاها موضوعين كمان ممكن تضموهم فى كتاب وتسموة كتالوج المراه المعاصرة نفسيا وجسديا .. وصدقينى ناس كتير هتشتريه لان المجتمع النهردة اصبح منفتح .. وفى اصوات ذكوريه كتير بتنادى بحقوق المراه

تحياتى ليكى واسف على تاخرى اليومين دول فى المتابعه .. مش هتصدقى انا شغال فى حوالى 3 تصميمات مدونات جديدة .. دة غير انى بكتب روايه وبشوف افلام .. بعمل حاجات كتير اوى

تحياتى

Ezz يقول...

مش كتير..

وهو محتاج حاجه برضه عشان نكون موضوعيين؟؟

أنا هنا بـأتكلم عن الراجل الطبيعي الوفي مش اللي يضرب في عين اهله الزايغه!!!

يا ياسمين..و يا سهر الليالي... مثل هذا الرجل في تدوينتك كتير.. في منهم اللي بجد يستاهل الحرق لأنه بيعمل كده فقط لأنه زهق..وطبعا ما ينفعش واحد اتجوز وكون أسره يزهق فقط لأنه زهق.. يعني لازم يكون في سبب

و في منهم اللي نفسه يا ياسمين يحس بلمسة رجل مراته في فراش يملئه الدفء والحب....و أعيد السادة المعلقين و القراء لتدونتك السابقة"أحبك حتى الموت"

في حاجه مهمه أوي نفسي بجد الناس تفكر فيها و تسأل و تناقش.. هو الراجل سبب الفجوة ولا الست سبب الفجوة

أنا و أعوذبالله من كلمة أنا و تفاديا للوقوع في فخ عدم الموضوعية أعتقد إن الأتنين هما السبب..

الراجل ساعات بيبقى راجع و عايز حتى ما يشوفش نفسه.. قرفان و مش طايق.. مراته مستنياه.. لما تشوفه بالصورة دي بتتحول من زوجة إلى صديقة.. عشيقة.. صاحبه.. تخرجه من اللي هو فيه,, و صدقيني بيخرج من اللي هو فيه و فجأة بيحس إن الدنيا ممكن تتعاش.. راجل زي ده بيبقى إبن محظوظه صحيح..ولا حسد

هي تعبانه..زهقانه..حاسه بوحده.. الأخ الزوج الرائع عشان هي شالته في الفقرة اللي فاتت بيتحول فجأة إلى اب حنون.. و صديق ممكن تشكيله..و تحكيله..

صعب أوي على اي راجل إنه يرجع لبيته عشان يرتاح.. يلاقي نفسه مضطر يسيب البيت عشان يرتاح..

الراجل مش دايما سبب في البرود ..و الست مش دايما سبب في ده.. و لكن و أنا عارف إني طولت معلش استحميليني ياختي ما انتي زي اختي

في حالات بقى يا ياسمين الراجل لما مراته بتلمس رجله في سرير الحب و الدفء بيحس إن في أفعى لدغته.. وده بقى بيكون عشان الراجل ده أتجرح اوي أوي أوي..

والست لما تتجرح بتجرح..و تعور..وتكره..وممكن تموته وهو على قيد الحياه و طبعا هو يستاهل عشان جرحها ربنا ياخده..و ربنا ياخد جيرانه اللي ساكنين جمبه عشان زعلهاو ربنا ياخد الشارع و تنزل عليه قنبلة عنقودية عشان جرحها...

المهم... كلنا شركاء في الجريمه...البرود في علاقة اي زوجين بالنسبه ليا جريمة..

تحياتي و كل سنة و انتي طيبة و بجد ليكي وحشه

عز

غير معرف يقول...

Dear jasmien,

It is the first time for me visiting your blog, it a great one, a wonderful posts. I think that is verey important as man and women to understand each other, talk with each other about eachother feelings is the first step for a good romantic relation.Your post abour Porno films is also a great one i am a gree with aal you said about that point. have a nice day

Sherif

Holland

سندباد يقول...

انا مقصر معاكي والله جدا
بس ياريت تعذريني
تحياتي

كراكيب عادل يقول...

كل سنة وانتي طيبة

انا جاي اسلم وابارك برمضان

الربان يقول...

تحياتي

قد تكون المشاعر مازالت موجوده..و ربما تكون مازالت متوهجه و متقده لكن الرجل بعد الزواج غالبا ما يكون ذهنه مشغول بعمله و بتدبير نفقات الحياة...

يا سيدتي ..ان مسؤليتك عن الاخرين و توفير حياه كريمة و مستقرة لهم ليست بالامر الهين و لا بالسهل لمن يعلم معني الرجولة الحقيقية...و ليست الذكورة لان الفرق بين الاثنين شاسع.
و في حديث للرسول الكريم ، فيما معناه:
كفي بالمرء أثما ان يضيع من يعول .

هذا ليس تبرير لتقصير قد يبدو من الرجل في حق زوجته....لكن بالتأكيد
نضج المرأة و ذكائها و قلبها قادر علي إحتواء هذا التقصير...

و لا بد من المصارحة بهدوء و في الوقت المناسب و بالطريقة المناسبة لانه ليس من المستحب و لا مطلوب ان يكتم أحد الزوجين ما يشعر به سواء أكان رضي و سعادة أم غير ذلك.

تحياتي

غير معرف يقول...

هاي عليكي يا ياسمين وكل سنة وانتيطيبة قريت البوست ده عند الرقيقة سهر وتحفة بجد وياريت الكل يفهم والكل يقدر

Eric Matt يقول...


جيت أسلم بس واقول فاكرك يا ناسيني

تحياتي لك من ماناساس البلد

Fantasia يقول...

dear yasmine,
thanks for encouraging good material on the web and publicizing the good posts. thanks for sharing this post with your readers. i hope they will get the message of a woman in distress and see how her dreams are simple.

many of those who commented showed sympathy and understanding. many also had some advice to give.
i will however share my analysis from a different point of view. i believe that solving any problems starts from defining its cause.

why do men change? why do their feelings change? why do they stop expressing their feelings? why don't they communicate with their loved ones? why don't they care to please their partners? many questions that women (especially the romantic ones) try to find answers for, and most probably end up blaming themselves.

that's our culture: if the man doesn't pay attention to your emotional needs then it's your fault. even if it is not your fault, the solution lies in your hands. you are the woman, you are the heart, you are the emotions, so you must work hard on bringing out his feelings of love.

OK, what if he has no feelings of love? and this is most probably the case. men don't love, men desire. they want things. once they get what they want, they lose interest. just like the kid who keeps jumping up and down for a toy he wants. and then when his parents finally get it, he plays with it for a few minutes and then forgets about it completely. he may pick it up every now and then to check that it is still there, and then throw it again.

the way our society shapes its men, makes it very difficult for a man to experience what love is. he is always after something. if he wants something, he thinks that he loves it.

as opposed to women who fall in love just once or twice during their lifetimes, men fall in love many times. they think it is love, while in fact it is desiring to have a woman. they then follow all the techniques of romance to get to their goal. once they get it, they enjoy the victory for some time and then lose interest gradually.

women should understand this in order to be able to deal with men and to know what to expect from them. the women who asked for divorce after watching the movie Titanic were both right and wrong. they were right because they discovered that their men don't love them. because each woman of those imagined what her husband would do in the same situation. Will he sacrifice his life for her? of course not. so he does not love her.
they were also wrong because they don't have a realistic view of men. they think that there is a man out there that is willing to love his woman the way Jack loved Rose. they didn't know that such a man doesn't exist except in movies and romantic novels.

getting real is hard, but what is harder is to keep waiting for something that will never come.

آخــر قــرصان يقول...

كل سنة وانتى طيبة الاول ورمضان كريم
اعتقد اى دى مش اول زيارة ليا لكن اول تعليق هنا
مدونتك حلوة
اتمنى زيارة مدونتى المتواضعة فيه هدية ليكى هناك ياريت تقبليها
تحياتى ليكى

The Eagles يقول...

عبقرة العباقرة عبقرة معبقرة بعبقرة العباقرة
سوكسية من كل الجماهبر للملكة ياسمين
ههههههههههههه
ازيك عاملة ايه
ايه الاخبار
وازى الكتاكيت وعاملين ايه فى المدرسة وزميلها اللى فى المدرسة طلع عبد الجبار ولا عبد الجزار
هههههههههههههههه
مدونتك عبقرية بجد


والسلام..........

أسوور يقول...

أحمد حداد
نورت المدونة وشكرا لكلماتك الرقيقة

أسوور يقول...

Barracuda
كتاب الرجال من المريخ والنساء من الزهرة كتاب رائع أضعه بإستمرار على الكومودينو بجوار الفراش وأعتبره دليلى للتعامل مع زوجى
عجبنى جدا كلامك عن نظرة الرجل للمرأة فى مجتمعنا
لكن صدقنى الحالة اللى بنتكلم عنها هنا هى عن ست تفعل المستحيل للحصول على عواطف زوجها ومعاملته لها كإمراة لها وجود وليست فقط ام العيال
الست مش بتضرخ الا لما تستنفذ طاقتها وتفشل جميع محاولاتها
تحياتى

أسوور يقول...

فرحة
فى تعليقك كل الشرح والتحليل للبوست نفسه
وتعليقك فعلا بيحسسنى انى كنت صح لما اخترت البوست دة للنشر

تحياتى وتصفيق حاد لك انت أيضا

أسوور يقول...

مايكل
أيتها خدمة يا باشا
:)
تحياتى

Unknown يقول...

حلو فعلآ البوست و شكرآ انك جبتيه بس تفتكري الرجاله ممكن تفهم حاجه

احساس لسه حى يقول...

عزيزتى
هى عارفة هى محتاجه ايه
بس الاهم تعرف الراجل محتاج منها ايه
مش مهم تدى حاجات كتيرة اوى
المهم تدى الحاجه اللى بيحبها الرجل وعوزها منها
ولو حبها الرجل هيديها عمره كله
سلام

أسوور يقول...

مش فاهم حاجة
صدقنى الوضع اللى بتحكى عليه سهر الليالى دى ما بيكلفش الراجل حاجة
وكمان المشكلة دى مشكلة عامة بتواجه بيوت الغلابة زى ما بتواجه بيوت الأغنياء
بس يمكن الغلابة مش بيهتموا بيها قوى عشان لقمة العيش بتشغل الست أكتر ويهمها ان الراجل يوفرها اكتر من مجرد كلمتين حلوين
وكلما رقى المشتوى وارتفع زادت المتطلبات العاطفية للمرأة
تحياتى

أسوور يقول...

ريموو
كل سنة وانتى طيبة يا ست الكل
واحشانى جدا جدا
لو قريتى تعليقات الرجال هتلاقيها برضه عجيبة وبيتمحوروا حول ذاتهم كالمعتاد

لما يحبوا واحدة أو تعجبهم يسعوا لها ويجروا وراها بالمشوار لوما يحصلوا عليها بأى شكل خاصة بالزواج مهما عملت لهم يبقوا مش مهتموين وكل حاجة بتتعملهم تبقى فرض عليها ومافيش حتى كلمة شكر على أكلة ولا ثناء على زرار قميص التخيط ولا حتى لو اتزينت وكانت فى ابهى صورها ياخدها على الفراش بدون أن ينطق بحرف وكانه هو نفسه جائزة كبرى يجب أن تشعر بالإمتنان لمجرد انه اتجوزها او أخذها للفراش
ودة ردى على كل اللى بيقولوه

أسوور يقول...

you know who
المشكلة ان الراجل فاكر انه لقية ومادام اتجوز الست يبقى تشكر ربنا بقى على الجوازة الفظيعة موووووت وعلى انه سيد الرجالة

سيدى
الميزة الوحيدة فى أى رجل هو أن تحبه زوجته
فإن كفت عن حبه خسر كل شىء
والحب فى الحقيقة هو رصيد ومخزون من الذكريات الحلوة والمعاملات التى ترفع من الأسهم للطرفين لدى بعضهم البعض فإن كف أحدهم عن اضافة رصيد نضب الحب
تحياتى

أسوور يقول...

islam yousef
أنا موافقاك يا اسلام
تحياتى

غير معرف يقول...

ما تكتبى حاجه مفيده يا ست انت
احنا فى رمضان و انت بتتكلمى فى ايه

elkamhawi يقول...

اكيد مش كتير

He and She يقول...

Great post, Great blog and a great lady blogger. I admire you before I came here. I admire you from your comment at another blog that pulled my legs quickly to here. Thank you because you proved it to me, that Egypt still has fair great women not like the stupid fiminists who scream here and there

The Rock يقول...

لازم تتكلم ولا فعلا هتطق وتموت

غير معرف يقول...

I am so sorry to write here something unrelated to your post. I am the anon that you blamed. I understand your feeling. You can tell how much I RESPECT you as an Egyptian woman BUT, The story with Fantasia started long ago in many blogs ( that side that you don't know) She started it. Her words were severer than my words. You just happened to read only my retaliation. I appologize for you. only for you

غير معرف يقول...

Let me tell you what I think. This is my first time here by the way. I absolutely agree %100 with barracuda. he said it the right way. I also agree with Fantasia for her accurate description of the nam's nature. Let me tell you girls what change in you after marriage that makes the man ignore his toy. 1- After the honeymoon there is no more transparent clothes instead it is galabeyya kastoor wa ta7taha bantalon. 2- No more regular shaving unless there is part of your legs or hand appearing to the public. 3- No more make up at home. Make up only when you go out. 4- You fail to space the hours of the day between your job and your house chores that you can't find time for your man. 5- kids take ALL your attention. so basically at home you look dull, hairy, tired, hidden under your thick clothes and the bright, shiny, colored toy becomes 7ettet khorda. What unexpected gifts you want? what flowers you want? what dinner outside you want? You already made yourself in his eyes like 7ettet khorda and please don't argue because this is the reality.Sorry if some words sound inappropriate but the is the bare fact. Waguih Azmi

أسوور يقول...

وجيه عزمى
أولا شكرا لإهتمامك ولإعتذارك

ثانيا ودة الأهم
ضحكت من قلبى وانا أقرأ تعليقك بجد
أنا مش عارفة انت سنك قد ايه بس الحاجات اللى انت بتحكيها دى ممكن تكون فى زمن آخر غير اللى أنا عايشاه أو فى مستوى اجتماعى منخفض جدا

دة حتى الشغالة بتاعتى بتجيب لانجيرى وتلبسه لجوزها وبتدلعه ويجيبوا بيرة يوم الخميس وحاجات من دى

الزميلة سهر الليالى بتحكى حاجة موجودة فعلا

الست بتتزين لجوزها ولغير جوزها دى فطرة المرأة يا سيدىولو زهدت فى الزينة بيبقى علشان ماحدش واخد باله منها ولا بيثنى على زينتها وجمالها

زمان كانت الست بتتعمل ان دة عيب وان مش لازم الراجل يحس انها عايزاه أحسن يقول عليها فاجرة

دلوقتى طبعا دة مش بيحصل
الست بتلبس وتتزين ولو الراجل طنش تقوله .. جرى ايه يا راجل هو احنا هنفضل عايشين اخوات كدة كتير
:)))

أنا متزوجة منذ 8 سنوات
وسهر الليالى صاحبة البوست متزوجة منذ 10 سنوات وأنا أعرفها جيدا وهى صديقة مقربة

كل ما ذكرته فى البوست هو مطلب للست .. اى ست .. والرجالة كلهم كلهم مطنشين

مش عشان اللى انت كاتبه فأنا اعتقد اما ان سنك كبير جدا وعشت ايام غير أيامنا يا اما سنك صغير جدا ولسة مش متجوز

يا سيدى احنا ستات مدلعة وبتلع اجوازها بس الراجل بيبقى أغلب الوقت كسلان .. هيقول كلام حلو ليه مادام وصل مع الست دى للسرير
وبعدين الرجالة فى الشرق بيحصل عندهم لخبطة لماالست تخلف عشان تقديس اللأمومة الغبى الموجود عندنا

يعنى المرأة الأم ماتنفعش عشيقة فيدور على واحدة تانية يمارس معها فنون الحب ولا يفعل مع زوجته

النغمة بتاعة ان الست مش واخدة بالها من نفسها دى اختفت من زمان يا وجيه

والله احنا زى القمر برة البيت وجوة البيت

وزى ما الست تتزين لازم الراجل يتزين برضه
قولى فين الراجل اللى بيقعد فى البيت بلبس غير الشورت والفانلة
قولى مين راجل بيقعد أجازة فى البيت وبيحلق دقنه
بيحلقوا بس عشان الشغل
مين راجل بتبقى ريحة البرفان مفحفحة منه الا وهو نازل من البيت

؟؟؟؟؟

ولا هو الست مالهاش نفس يعنى ان راجل يحضر نفسه ليها؟

الكلام فى الموضوع دة يطول ولو قعدنا نقول البيضة الأول ولا الفرخة مش هنخلص

أعتقد ان المفروض لما الراجل يسمع شكوى يأخذها بعين الإعتبار ولما الست برضه تسمع شكوى تاخدها فى حساباتها بدون جملة طيب ما انتوا عملتوا ولا ليه حصل ولا ليه كان

الرد بجملة .. ما هو انت عملت كذا أو ماعملتش كذا .. دى أسوأ جملة فى الدنيا وتغلق الحوار بلا رجعة

كل واحد يسمع الآه من الآخر ويعمل اللى عليه بدون لوم الآخر وصدقنى الحياة هتبقى أحلى كتير

أنا شخصيا ساهمت فى انقاذ وانجاح العديد من العلاقات الزوجية

أحب أعرفك بنفسى

ياسمين
خبير علاقات زوجية واجتماعية

غير معرف يقول...

Wallahi ya madam Yasmin eti arooba. Ana fe3lan kebeer. Ana mosh 7a aawe7 me3aki ella fe 7aga wa7dah. The word that a woman can say that really turns her man crazy in bed is one word " Ana 3ayza" Any " Ana 3ayza" If she told him" Ana 3ayzak te7ot el parfan da 3alashan bey2thar feyya" Wowowowowowo 7a yeste7amma bl parfan. If she told him" 3ayzak te7la2 3alashan teb2a na3em 3alayya" wowowowowo 7a yenteff kol gesmoh. El ragel moken ye3mel ai 7agah...ai 7agah 3alashan el set teskhan. Ya setti el set mabtenta2sh. la bet2ool aih bay sakhkhan wala aih bay barrab. wahe a3da bel kastoor wa ree7et el basal wa ma khafeya kan a3zam. specially the middle eastern woman Waguih

غير معرف يقول...

الراجل بيبقى أغلب الوقت كسلان .. هيقول كلام حلو ليه مادام وصل مع الست دى للسرير
tb keda khalleih a3ed fel sala wenti keda labsa el baby doll el asfar wa ta7to el bikini el eswed and passing across his place between the kitchen and the rooms just faking reasons to move around. Da law 7agar 7a yentA2. te2olili el ragel kaslan ye2ool balash zolm ya gama3ah. Waguih

He and She يقول...

They say it perfectly here in America. Men know it and women know it. It is not about how pretty the woman are. It is all about the newness. Is she new to him or old. Guess what? some women know how to keep themselves always new to their men. Please don't ask how.

raspoutine يقول...

السلام عليكم
ازيك يا ياسمين
كل سنة وانتى طيبة
اول مدونة فتحتها بعد ما رجعت من السفر واول ما قعدت على النت كانت مدونتك
وحشنى كلامك واسلوبك كتير اوى اخر بوستين عجبونى
تحياتى ليكى

raspoutine يقول...
أزال المؤلف هذا التعليق.
أسوور يقول...

He & She
شكرا للإستفادة
لكن هل هو دة الموضوع الرئيسى فى المشاكل بين الرجل والمرأة؟

مجرد ان العلاقة الجنسية جيدة أم لا؟

رغم انى أعطى للعلاقة الجنسية أهمية كبرى بنسبة خمسين فى المية من نجاح العلاقات بس ساعات خمسة فى المية عدم تفاهم أو لا مبالاة بتسبب الطلاق

وبعدين ما هو احنا قلنا لسيادتك ان الجلابيات الكستور دى انقرضت من زمااااااااان

والبصل بقى بيتعمل فى حاجة اسمها الكلة ولا بقاش له ريحة دلوقتى
:)))

أما عن موضوع ان الست تقول دة بقى موضوع كبير وبتحصل بسببه أغلب المشاكل

الرجل لا يحب النقد ابدا
مهما كان

أعرف واحدة .. بجد
طلبت مرة من جوزها بمنتهى اللطف انه يبوسها زى الأفلام
وكانوا على وشك الطلاق بسبب طلبها دة

كمان انا غيرت رأيى وبقول ان حضرتك مش كبير فى السن ولا حاجة وأكيد كمان مش متجوز

ليه؟

لإنعدام الخبرة تماما بمشاكل الزواج من خلال تعليقاتك

اللى انت بتقول عليه دة مش من شكاوى الرجال فى الشرق على وجه الإطلاق

أقولك أنا الراجل بيشتكى من ايه؟؟

بيشتكى من انه مش حاسس بقيمته عند مراته مش جنسيا .. لأ .. بوجه عام

ييجى يدى فلوس لمراته تقوله مش كفاية

فيها ايه لما تقول كتر خيرك ربنا يزيدك وبعدها بيومين تطلب غيرهم
صدقنى ساعتها هيديها عنيه وهيعمل المشتحيل عشان يزودها

بقول دايما للستات لما يقولك جوزك أى تعليق على أكلك زى مثلا حلو الأكل النهاردة .. يبقى ترد تقوله .. دة من خيرك يا حبيبى

تودعه بكلمة حلوة وهو نازل الشغل وتقابله بإبتسامة حلوة وهو جاى تعبان

تحضنه دايما وتقبله كطفل

تشاركه اهتماماته او حتى تدعى ذلك

تعامل أهله بمنتهى الحب وتحرص على انها تقوله انها بتحبهم عشان هم السبب فى وجوده فى الدنيا

تخلى ولاده يسمعوا كلامه .. مش يخافوا منه .. لأ .. يحبوه .. وتشكر فيه دايما قدامهم حتى لو كانت على خلاف معاه

ما تكسرش كلمته ابدا قدام حد

ما تعارضوش قدام حد

لبسه وحاجته يبقوا دايما على سنجة عشره وخاصة جزمته

تشكر فيه دايما قدام الأغراب وهو موجود وتقول مميزاته وتعددها

حاجااااات كتير غير الجنس لكن لو نقصت تضيع حلاوة الجنس والحياة كلها

تحياتى

أسوور يقول...

فانتازيا
اقولك حاجة

لما شفت الفيلم .. فيلم تيتانيك .. دموعى نزلت لأنى كنت واثقة ان حبيبى اللى هو زوجى الحبيب .. كان هيحبنى كدة وأكتر وكان هيعمل المستحيل عشانى

ولكن لم نناقش الموضوع دة انا وهو

ولما كنت فى البيت تانى يوم الباب خبط ولقيت بوكيه ورد جميل معاه كارت محتفظة بيه لحد دلوقتى ومكتوب عليه

to the woman who will always have a place in my heart
you are the only woman who will back for me like rose back to jack
i love you forever

الحب موجود
والرجال يحبون ولكن بطريقة مختلفة
وأنا آسفة فعلا لأن انسانة جميلة زيك لم تجد من يمنحها الحب الصادق حتى الآن

لأنك تستحقى الحب

تحياتى

He and She يقول...

I didnt say Kastoor. I didnt say basal and I didnt even say I am old.. That is funny. You need a cup of coffee Yasmin

He and She يقول...

I didnt say Kastoor. I didnt say basal and I didnt even say I am old.. That is funny. You need a cup of coffee Yasmin

Ezz يقول...

انت فين يا أستاذه....

Coca يقول...

لما القلب بيستريح العقل بيفكر بهدوء وحكمه والحياه بتتظبط كتير الحب اجمل حاجه
مش هتيجي يا ياسمين تقولي رايك في المدونه بتاعتي انا وايمي احنا من نساء الشرق برضو ههههههه
تحياتي

محمد حمدي يقول...

أنتى فين يا ياسمين

بلوجر وجوجل ضلمه منغيرك

Fantasia يقول...

you are so lucky to have such a man, yasmine. no doubt he deserves the love of a wonderful person like you. of course i'm not saying that all men are made of stone. in fact, i said that it is how society shapes them that makes them the selfish kids they are. maybe a few escaped this horrible transformation, that's what leaves the rare good men around.
as to finding the man who loves me, i did found many, but each wanted me to love him in a certain way, which is not mine.
thanks for bringing hope :)

moodysalihamidzic يقول...

السلام عليكم
اتمنى ان تشاركونى
فى حملة هنكون احسن
http://hankoona7san.blogspot.com/

أبو ضحى يقول...

ياسمين

فى حاجة مش واضحة للستات كلها..تعبير الراجل عن الحب بيختلف كتير عن الست..ده حتى بيختلف بين راجل و راجل و بين ست و ست تانية

واحد بيعبر عنه بالكلام و التانى بأفعال من غير كلام..واحد بنظرة عين..و التانى باهتمام دائم..واحد بقبلة و لمسة..و التانى بوردة
و الستات كمان كده

تحياتى

و شكرا أنك شلتينى من قائمة المدونين عندك فى الوقت اللى بتعرضى لينك لبوستاتى عنك

على فكرة أنا رجعت من فترة

http://kasperb4.blogspot.com/ يقول...

اوعدني يارب
هههههههههههههه

انا بس ربنا يكرمني والاقي شريكة حياتي وانا اغرقها حب ف حب
ههههههههه

ادعيلي بس
:D

Unknown يقول...

بس اهم حاجه انها تفضل محتاجه منه الحاجات دى لان فيه ناس كتير فقدت حتى الرغبه فى الاحتياج

بقت كائنات مودمره من كتير الجفاء فى التفاعل و التعامل

بجد بوست جميل و معبر و بكلمات بسيطه قريبه للقلب

تحياتى ليكى يا صديقتى العزيزه و للعزيزه سهر الليالى

حياة الأحلام يقول...

السلام عليكم

بجد كلام حلو أوى وصح أوى ولو كل راجل وست كمان عملوا كده هتبقى الحياه أجمل بكتير أوى

لان زى ما احنا عايزين الرجاله تعمل كده
أكيد الرجاله عايزين مننا كده برضه

يارب كل واحد يفهم التانى

يارب أقدر أعيش حياة أحلامى أن شاء الله

تحياتى على المدونه الجميله

frozen love يقول...

kl sana wenty tyba...i missed ur blog we ur words wlahy

iam back to my blog...we nfsy a2dr atab3 zy zman elblogs..bgd w7shtony klkm...we atmna tkono bkher


we t7ya khasa lshr elyal mn khlal ur blog 3la elpost elgamed da we e7saso el3aly

غير معرف يقول...

هو انت كمان بقيتى من اللى بيحذفوا يا ياسمين
أهلا وسهلا بالديمقراطية
طيب التعليق اللى اتحذف ده أنا عارف كان مكتوب فيه ايه و مايستاهلش أبدا الحذف
بقيتى نسخة منهم

أسوور يقول...

أبو ضحى
أنا شلت اسم المدونة لما انت عملت واحدة جديدة وكنت مستنية انتاجك على المدونة الجديدة كبداية لمرحلة برضه جديدة من حياتك زى ما انت فهمتنى

أسوور يقول...

أحمد
أنا ما مسحتش أى تعليق
التعليق الممسوح دة حد تانى مسحه وهو المدون الزميل راسبوتين لأنه غلط فى الكتابة على ما أعتقد ويمكنك أن تسأله بنفسك

انت ضحكتنى بتعيلقك

أسوور يقول...

راسبوتين
واحشنى يا أيمن جدا وحمد لله على السلامة

He and She يقول...

I guess I should be expecting a response from you.. didn't you read my comment?