الثلاثاء، 10 فبراير 2009

خدشوا حيائى فى الطريق العام

اللى حصل يا انى انتقلت للسكن فى مكان جديد فى المقطم
المكان راق جدا وتتوسطه وتلفه الحدائق
تشكوا البنت اللى بتساعدنى فى البيت انها بتتعرض كل ما تنزل تجيب طلب لمعاكسات سخيفة تصل لحد اللمس
تشكو ابنة اختى التى تقيم معى من محاولات جذبها من ذراعها والتعدى عليها بأقذع الألفاظ وهى جاية من الدرس
اتضايق واطلب منهما ان تلتزما قواعد الطريق والإحتشام فى الملبس والإلتزام بمواعيد الخروج من البيت
فى يوم مشئوم .. تعطلت سيارة زوجى واضطر لاستعارة سيارتى ..
كان هناك عزاء لفرد من الأسرة يجب ان احضره
اتفقت مع زوجى ان استقل تاكسى وان اقابله فى العزاء بالمهندسين ونعود سويا

وبعد أن ارتديت السواد أنا وابنة اختى ذات ال 15 ربيعا .. طلبت صغيراتى بعض الحلوى
قبل ان اذهب للعزاء اتجهت لأقرب كشك سيرا على الأقدام وهو على بعد 200 متر من المبنى الذى اقطن قيه .. اشتريت ما اردت وسرت عائدة الى البيت لأعطى الحلوى للصغيرات واتجه للعزاء
اثناء سيرى لاحظت عدد كبير من الشباب يقفون فى الشارع على الناصية
بعضهم يقف بجوار سيارته فارهة كانت ام لا وبعضهم يجلس على الرصيف
وتستطيع ان تشتم رائحة الحشيش واضحة

فجأة بدأت سيارة بيضاء فى اللف حولى انا والفتاة فى استفزاز مع الأمركة واستخدام الفرامل بطريقة مستفزة
وفى محاولة للنجاة قلت للولد اللى سايق العربية .. عيب .. عيب انا عندى ابناء فى سنك

ولم يهمه ما قلت طبعا .. بل انه زاد من وقاحته وبدأ يوجه لى كلمات وشتائم غاية فى البذائة
كنت على بعد 100 متر تقريبا من بيتى ولم استطع التحرك بسبب التفاف بقية اصحاب الولد اللى فى العربية حولنا وابتدوا يوجهوا لنا الفاظ خارجة وتخدش الحياء
حاولت ان اردعهم ببعض الصياح ولكن لرقى المنطقة الشديد لم يهتم احد رغم ان البعض القى نظرة من شرفة منزله واكتفوا بالفرجة
وفجأة وبطريقة مسرحية خلع احد هؤلاء الشباب حزامه فى محاولة لتخويفى وتهديدى بالضرب عندما بدأت فى الصياح
حقيقى خفت .. بل اترعبت .. وحسيت انى محشورة فى الحتة دى
مش عارفة اوصل بيتى ومش عارفة ارجع للشارع الرئيسى ولا حتى فى حد ينجدنى من المارة او السكان

اتصلت بالنجدة من الموبايل وانا اقف فى مكانى ..
حضر ملازم اول اسمه مهاب الشبوكشى من نقطة شرطة المقطم .. وبدأت بعض السيارات تفر
طارد الضابط الشجاع احداها فى محاولة يائسة لإيقافها فلم يفلح وكاد قائدها ان يصدمه بالسيارة اثناء فراره

وكان مازال الفتى ذو السيارة البيضاء موجودا فى المكان بس ركن العربية على جنب و خلاص
اشرت الى السيارة البيضاء التى بدأت الموضوع بأكمله وكنت قد سجلت رقمها على الموبايل
والى الفتى الذى تحدى كل الأعراف فقام الضابط باصطحابه للنقطة

وهناك حررت محضر متهمة اياه واخرين بجنحة خدش حياء انثى فى الطريق العام
والولد بالطبع بينكر وبيقول مش انا دة انا كنت واقف بأتفرج ..
حضر ابوه ليفاجئنا انه مع ابنه قلبا وقالبا وقال لى بالحرف الواحد بمنتهى الكبر والعنجهية
انتى بتدعى عليه .. هو مش من سنك عشان يعاكسك اصلا

فاجبته ان الولد بالفعل مش من سنى يعنى ما اعرفهوش قبل كدة ومفيش ضغينة ضده
وقصصت عليه ما حدث .. ولكن لا حياة لمن تنادى

فى الحقيقة انا انتظرت ان يحضر الأب قبل ان اوقع على المحضر على امل ان يوبخه ابوه ويعرفه غلطه
لكننى فوجئت انه يدافع بشراسة عن الولد الذى بدا لى انه قد افسده الدلال

الولد ذو ال 19 عاما وهو طالب طبعا ..اتحول للنيابة التى
وتهمته خدش حياء انثى والقضية اخدت رقم 3038
لعام 2009 جنح الخليفة
انا الآن فى ازمة بسبب ان اهل الولد يقولون انى مفترية وانه مجرد عيل وطالب وانه مستقبله هيضيع
وفى نفس الوقت يتصل بى كل شوية ناس من طرفهم ..
من أول معاون مباحث للواء مش عارفة ايه فى مديرية الأمن للضغط على للتنازل والتصالح

انا لا اريد ان اتصالح واريد فقط ان العدل ياخد مجراه وان الولد دة يبقى عبرة للى زيه ولأهله واهالى الولاد اللى بيستهينوا بالآخرين
زوجى يؤيدنى تماما رغم تعرضه للضغط برضه بمكالمات من ناس كبار .. لكن اجابته كانت واضحة فى ان انا اللى اتأذيت وان انا الوحيدة اللى اقدر اقرر ايه اللى يتعمل
بحثت فى القانون وعرفت ان المادة 306 من قانون العقوبات رقم 95 لسنة 96 بتنص على انه " يعاقب بالحبس مدة لا تتجاوز سنة وبغرامة لا تقل عن مائتى جنيه ولا تزيد عن ألف جنيه أو بإحدى هاتين العقوبتين لكل من تعرض لأنثى على وجه يخدش حياؤها بالقول او بالفعل فى طريق عام او مكان مطروق

فما هو موقفكم من الموضوع .. هل انا صح ام لا؟؟؟




هناك 254 تعليقًا:

‏1 – 200 من 254   ‏›أحدث   ‏أحدث»
مفقود يقول...

hold your ground and take those idiots to court

Ahmed Shokeir يقول...

آسر

قرأت ماكتبتيه عندي وفي مدونتك ، وإنزعجت كثيرا ان يحدث هذا معك ، بالفعل الجريمة لو تم ثبوتها تعتبر جنحة فعل فاضح والعقوبة المقررة لها الحبس مدة لاتزيد عن سنة والغرامة أو إحدى العقوبتين تبعا للفعل

يجب إستكمال إجرائك ولاتهابين احداً فتلك الفوضى يجب وضع حد لها ، وهذه الحالات ماكانت لتحدث لو تم الكشف عنها وتوجيه العقاب المناسب لها

أقترح عليكي مخاطبة إحدى المراكز الحقوقية لتعلميهم بالقضية فقد يستطيعون مساعدتك واخص هنا المركز المصري لحقوق المراة ورئيسته د. نهاد أبو القمصان فإستشارتها واجبة في تلك الحالة ، تليفون المركز وعنوانه لدي لو تفضلين محادثته

هذا الموضوع ولو وافقتي يمكن الإشارة لذلك وتقوم حملة في المدونات

Amr Ahmed يقول...

اثبتي علي موقفك

ده لو متعاقبش هيبقي اسوأ من الاول

وهيحس انها سايبة

ربنا معاكي

غير معرف يقول...

You are absolutely right. By the way, in sexual harassment cases, punishment is a society bill. I mean it is not your right to withdraw the case, although Egyptian laws might give you the right but this wrong. Society is punishing outlaws and by any means these should be no amnesty. Here in Canada, they have a policy called zero-tolerance: no tolerance with sexual harassment.

Thanks and my support.

محمود سعيد يقول...

لأ طبعاً حضرتك مش لازم تسيبيه

لأنه أجرم
ولأنه لو أتساب وخصوصاً مع دعم والده هيطلع أسوأ

ربنا يثبتك
ولو فى حاجة نقدر نعملها أكيد هنعمل

أسوور يقول...

مفقود

شكرا لمرورك واهتمامك ودعمك رغم ان الموضوع شخصى

تحياتى

أسوور يقول...

احمد شقير

أكون شاكرة جدا بجد لو دلتنى على حد يقف جنبى فى الموضوع دة لأنى بالفعل اتعرض لضغوط شديدة من المجتمع قبل اهل المتهم نفسه وكأنى انا الظالمة واصبحت متهمة بعد ان كنت مجنى على ..
هذا طبعا لأن الولد طالب وصغير فى السن (20 سنة تقريبا) وأهله من مستوى اجتماعى مرتفع للغاية ولهم اصدقاء بالداخلية يضغطون على فى موضوع التصالح..
وايه يعنى لما عاكسك ولا قالك كلمتين .. ما كل الستات بتتعاكس وبتسكت .. وكلام كتير من النوع دة ..
لدرجة ان يتهمنى البعض ان انا كدة بأفضح نفسى اكتر ما باخد حقى

ورغم ثباتى الشديد على موقفى الا انى اعانى من حالة اكتئاب شديد بسبب ان الناس مش فاهمة وبيعاملونى على انى انا المتهمة ببهدلة طالب جامعى تجاوز كل الحدود ..

كل مقترحاتك اعجبتنى وسوف اتصل بالفعل بالمركز الذى اشرت اليه .. ولا مانع لدى ابدا من حملة فى المدونات

انتظر تليفونات الدكتورة ناهد .. وشكرا لك لإهتمامك

أسوور يقول...

عمرو احمد

والله ليك وحشة ومعلش انك جاى فى عز المشاكل ..

ورأيك يهمنى جدا لأن الولد من سنك تقريبا ودة معناه ان دة مش الطبيعى وان فى شباب كتير ملتزمين وعارفين الصح من الغلط

تحياتى

أسوور يقول...

Anonymous

thanks for your support i really need it right now

i hope if the society start to change and start to respect women's
rights

i hope to know your name

thanks again

أسوور يقول...

محمود سعيد

تحياتى لك وشكرا لأهتمامك بالموضوع رغم انه خاص وشخصى واضررت لنشره على البلوج ليأسى الشديد وتعرضى للضغوط حتى من بعض الأصدقاء

لا يؤيدنى في موقفى سوى اهلى وزوجى

رغم ان الأخير يتلقى كل يوم العديد من المكالمات لإقناعى بالعدول عن موقفى

اشكرك مرة اخرى

إيمان قنديل يقول...

في بلد فوضى يسودها قانون الغاب لابد ان يحدث ذلك،تعرفي يا اسور انا شفت النماذج دي وهي بتحشش في الطريق اللي نازل من الهضبه العليا الى الهضبة الوسطي مكان مودرن أكادمي وطبعا أفزعني ما رأيته، وللأسف لايوجد رادع، وأنا مع شقير فيما قاله لابد من الأستعانه بمنظمة حقوق الإنسان وطرح الموضوع في الصحافه والفضائيات لأنهم لن يتركوك حتى لو تنازلت ستبدأ معك مرحلة جديدة من الإنتقام ، صدقيني ياعزيزتي لقد تركت شقتي بعد سرقتها بسبب الخوف من تهديدات الذين أجروا معهم تحقيقات في الشرطة وضربوهم ، ولم استطع أثبات التهمه عليهم، فخفت على أبنتي وابني ورحلت لمكان آخر


لا تتركيهم لكن خططي لحملة مدوية وأنا اول من سيكون معك في مدونتي وهذا اضعف الأيمان

أسوور يقول...

غرام

كنت متأكدة انك هتبقى اكتر واحدة فاهمة الوضع اللى انا فيه

انا فعلا بدل ما احس بالأمان بعد تسليم الموضوع للقضاء .. اصبحت مهددة اكتر من الولد واسرته واصدقاءه

تخيلى انى اتجه للسلطات عشان امشى فى الشارع بتاع بيتى بدون خوف فأخاف من النزول اصلا من البيت ولو حتى بالسيارة

حتى الأصدقاء المقربون ينصحوننى بالتراجع حتى اعيش انا وبناتى فى سلام

انا عارفة انك هتكونى معايا قلبا وقالبا و اقتراح احمد شقير انا مرتاحة له جدا وعايزة فعلا احس بأى نوع من الحماية أو على الأقل احس انى صح وان العدل هو السائد فى العالم

هقول لبناتى ايه لو اتراجعت .. انا عملت كدة عشانهم .. عشان يعيشوا فى أمان زى ما عشنا احنا زمان
عشان يتعلموا انهم مايسيبوش حقهم مهما حصل

هقولهم ايه وهمة فرحانين بمامتهم وبيحكوا لأصحابهم ان ماما اتصلت بالبوليس وان البوليس ساعدها ضد الناس الوحشين

اقولهم ان البوليس عمل اللى عليه لكن المجتمع ضد العدل .. واقف مع الظلم؟؟؟؟

انا بجد متلخبطة جدا ومش عارفة اذا كنت اتصرفت صح من البداية ولا لأ .. لكن اللى انا عارفاه كويس انى مش هقدر اتراجع ولكن خايفة لدرجة انى بتجيلى كوابيس باليل

تحياتى

انا حره يقول...

كلنا معاكى لو تحبى

وقبلنا ربنا طبعا

أسوور يقول...

أنا حرة

شكرا لكى يا عزيزتى ومش عارفة من غير مجتمع التدوين كنت هأعمل ايه

بجد بحس بأمل كبير فى بكرة لما بأدخل عالم المدونات

مدونة انا حرة تطالب بحرية التقاضى

تعرفى انه ينفع عنوان رئيسى فى جريدة

تحياتى

maioya يقول...

الضعيف ديما بيلجأ لاساليب
قذره يبين قوته بيها
بس صاحب الحق عينه قويه
وخليكي قويه طالما
صاحبه حق متتنازليش عنه
وربنا معاكي والناس مشجعاكي
وكفايه اهلك وجوزك وولادك

عماد يقول...

إمضى للأمام

كل المجتمع سيقف معكى
هؤلاء لا يعملون إلا فى الظلام فبمجرد أن تسلطى الأضواء على ما يفعلونه معكى و تصبح قضية رأى عام سيصمتوا

أتوقع أن نرى فيكى نهى رشدى جديده

V.Hayat يقول...

انتى على صواب لو كل انسان فعل ما تفعليه لكان هناك التزام لا ادارى لماذا الانحلال الاخلاقى الذى حدث للشباب فهل اصبحت الاعراض مباحة هل لهولاء الشباب نخوة هل لديهم اخوات يرضون ان يحدث لهم ذلك لا اعرف

اساندك فى قضيتك ولا تترجعى

تحياتى

أسوور يقول...

maioya
شكرا يا عزيزتى
وربنا ما يوقعش حد بجد فى ايدين ناس معندهاش لا دين ولا اخلاق

تحياتى

أسوور يقول...

تشاندرا

رأيك اثلج صدرى
تشجيعك انت والزملاء يشعرنى بالقوة والثقة فى انى على صواب

تحياتى

أسوور يقول...

حياة

ايوة والله صدقتى .. مش عارفة ايه اللى جرى للناس .. الصح مبقاش هو الصح .. والاخلاق ميزانها مال
حتى الأهل اللى كان دورهم توجيه الأبناء وتربيتهم على حسن الخلق اصبحوا هم انفسهم محتاجين تربية وكل اللى بيعملوه انهم بيشجعوا اولادهم على الغلط

فأى مجتمع هذا الذى نعيش فيه؟؟

نورتينى

karakib يقول...

مش عايز اكرر التعليق مرتين يا آسر لأني قرأت ما حدث معكي في مدونة احمد شقير

أسوور يقول...

كراكيب

قريا تعليقك واتفق معاك تماما فيه .. الموضوع مش انى انا او غيرى بيحصلنا كدة .. الموضوع ان الثقافة السائدة الخاصة بموضوع المعاكسات لازم يتغير

تحياتى

مراقب مصري يقول...

التنازل هيكون هزيمة وانكسار

لن يعرف أحد غيرك - إن تنازلتي - كم القهرة التي ستشعرين بها وغصة المرارة التي ستملأ فمك شهورا طوال وربما سنوات

لا أحد غيرك يدرك حجم الإهانة الشخصية التي شعرتِ بها في تلك اللحظات والتي ستتضاعف لتصير جبلا من الهوان والذل الذي ترزحين تحت وطأة ثقله إن تنازلتِ

لا تتنازلي ولا تشفقي... لا تقبلي بصلح أو ترضية فلن تساوي أي ترضية لحظة مرارة واحدة من تلك التي عشتيها

لا تقبلي بصلح قائم على انتهاك حقوق "الولد" لإرضائك، فقد قالوا لنهى رشدي سنعذبه ونضربه "لك" حتى نعلمه الأدب ولكن اصفحي عنه، فما قبلت ولا صفحت!! لأنها أرادت حقها وليس انتهاك حقه!!


لقد أصبتِ يا سيدتي عندما لجأتِ للقانون وأنا أثق أنه سينصفك القانون فلا تتراجعي... من أجل ابنة أختك أو ابنتك أو ابنة الجيران - كل الجيران - لا تتراجعي ولا تتنازلي

تحياتي لزوجك في موقفه الرائع وتعضيده لك في موقفك الشجاع الصلب الذي لا يلين

مراقب مصري يقول...

بعد إذنك هنشر عن قضيتك في مدونتي

خمسة فضفضة يقول...

السلام عليكم ورحمة الله وبركاته

اوعي تتنازلي يا اسر
وماتضعفيش تحت كلام الناس وضغوط قرايب الولد اللي عاوزين يدخلولك من بند العواطف وان الولد صغير ومستقبله

كيب كانوا فين اهله اللي سايبينه ماشي علي حل شعره وبيئذي في بنات الناس
يمكن انت عرفتي تلحقي نفسك والظروف خدمتك والبوليس جه بسرعه

افرضي بقي لو بنت صغيره هي اللي ف مكانك وماعرفيتش تتصرف ولا قدرت تتصل بالبوليس كان ايه اللي هايحصلها خصوصا ان الشباب دول زي ما بتقولي كانوا محششين

انهارده لو زي ما بيقولوا حاجه تافهه بكره تبقي فيه مصايب ربنا يكفينا ويكفي الجميع شرها

اثبتي علي موقفك وان شاء الله تاخدي حقك


سلام

غير معرف يقول...

انا معجب بمدونتك كتير و دايما بتابعها
بس لو اتنازلتي عن المحضر انا هاضطر اسفا اقاطع مدونتك و الى الابد لان تنازلك هايبقى تضييع لحقوق المراة فى مجتمعنا عموما

أسوور يقول...

مراقب مصرى

تعرف ان هو دة بالظبط اللى بقوله للناس اللى بينصحونى بالتنازل وان اقصر الشر احسن لى ولأسرتى

انا بارد اقولهم ان محدش منهم كان مكانى ولا حد ابدا هيعرف قد ايه انا شعرت بالإهانة .. والموضوع هينساه الناس لكن هيفضل جوايا كسرة كبيرة .. وكل ما افكر انى اتراجع احس انى بأغلط فى حق ناس كتير تانيين .. واولهم بناتى الصغيرين اللى لازم يتعلموا ان القانون هو الطريق الوحيد للحصول على الحقوق .. وانه فعلا بيجيب الحق لأصحابه

اشكرك من كل قلبى

أسوور يقول...

خمسة فضفضة

صدقينى كلامك هو ما يدور فى ذهنى طوال الوقت

وبناتى الصغيرات .. كيف سوف يواجهون المجتمع فى المستقبل عندما تواجههم مشكلة؟؟؟

بس ساعات ومن كتر ما الناس بتقولك انتى غلط .. حتى لو انتى صح .. بتشكى فى نفسك وتاخدى رأى ناس تانيين على أمل انك تلاقى حد من برة الموضوع ومالهوش مصلحة بيقولك .. انت صح .. استمرى

تحياتى لك ونورتينى بجد

أسوور يقول...

بسطاويسى

وانا بجد ميخلصنيش اخسر واحد من قرائى

شكرا لموقفك اللى برضه بيعلمنى القوة والصلابة فى مواجه تحدى ربنا يقوينى وابقى قده

نورتنى بالزيارة وبالتعليق

^ H@fSS@^ يقول...

اسوو
ارجوكي و اشد على ايديكي ماتتنازليش عن قضيتك
و هي مش قضيتك لوحدك
دي قضية بنات جنسنا كله
مرة على مرة حنربي السفلة اللي ماشيين في الشوارع دول و نعلمهم ان كل فعل له رد فعل مساوي له في القوة و مضاد في الاتجاة
simple physics
كلنا معاكي
و اسمحيلي انقل موضوعك ده في جروب على الفيسبوك

محمد عتلم يقول...

اسوور
تابعت مدونتك
قريت منها كتير ومتابعها من زمان
حلوه . عقلانيه . بتتكلم جد .فيها مواضيع جميله ... بس معلقتش فى اى موضوع كنت مستنى اخلصها الاول بس البوست المره دى استفزنى كتييييير اوى
بس هوا ده المقطم وهوا ده الشباب اللى فى المقطم وهما دول نوعية الشباب اللى بتروح تسهر وتشرب وتتنيل فى المقطم بس ياريت تثبتى على موقفك ومتتنازليش لا انتى ولا غيرك ولو كل الناس اصرت على موقفها وثبتو اقدامهم صدقينى المواضيع دى هتقل كتير اوى ومتنسيش انهم لسه عيال صغيرين فى سن اقل من ال25 سنه يعنى اكيد مع البلاغات والغرامات والشوشره والنيابه هيخليهم مع الوقت يراجعو نفسهم 100 مره وكمان الولد من دول لو فكر فى صحيفة سوابقه وفكر ان هيكون فيها سابقه وحشه كفيله انها على الاقل تخلى شكله زباله اكيد مش هيعمل كده
طولت عليكى

اميرة بهي الدين يقول...

انت صح .... وانا مستعده لو عايزه تتكلمي في الموضوع علي المستوي القانوني مستعده للمناقشه معاكي وبحث الموضوع من كل جوانبه .. ماتخضعيش للضغوط .. والعيل الصغير اللي مستقبله حيضيع لازم يتعلم يبقي مؤدب ويتربي والا يضيع مستقبله في ستين داهيه .. لو عايزه اي مساعده قانونيه اتصلي بي ..

الفقيرة إلى الله أم البنات يقول...

آسر
أوعى تتنازلى عن حقك تحت أى ضغوط
لازم يروح المحكمه
وخلى بالك انه من حقك وحق كل النساء انها تتحرك بأمان وان يبتعد عنهن هوام الارض من اشباءه الرجال
اللى اهلهم هيموتوا عليهم دلوقت



كانوا ربوهم الاول وبعدين مكنوش اتحطوا فى الوضع ده
اياك تتنزلى
انت قدوة لاولادك..هتعلميهم السلبيه لو اتنازلتى
هتعلميهم ياخدوا حقهم إزاى
احنا عايشين زمن الناس فيه اصبحوا شئ غايه فى الاختلاف
ولكن بما انك صاحبة حق لا تتنازلى
المؤمن القوى احب عند الله من المؤمن الضعيف

وخلى بالك
التسامح شئ
والتساهل فى الحق شئ آخر

Empress appy يقول...

اسر انا معرفكيش فعلا
بس عاوزة اقولك لا اوعى تتنازلى علشان لازم يتربى هو واهله احنا بنتعرض لده كتير ولو الولد جاهل ومش عارف عقوبه اللى بيعمله يبقى من باب اولى اهله يربوه ويعرفوا وده لازم يبقى رادع للكل
احنا بعد كده هنتقتل فى الشارع ومحدش هيسال عننا
بعد اذنك هكتب عن موضوعك
وانا مستعده اقف جنبك باى شكل
وسيبك ان شاء الله رئيس الجمهوريه يكلمك ده حقك انتى ولو باضعف الايمان بوظوا القضيه يبقى برضه اتربى واتأدب
وكل اللى بيكلموكى مع مرور الوقت هيتلموا
ما لسه فى بتاعت العيد وولد غلبان وبرضه عمل كده واتسجن ده مش احسن من ده

Migo Mishmish يقول...

انا اول مرة اخش عندك
مش قادرة اتخيل احساسك كان ايه ساعتها. كل المهانه اللي حسيتي بيها مش هتروح ولا هتحسي انك تقدري تمشي رافعه راسك في الشارع غير لما العيال ديه تتلم وتاخد جزائها. اوعي تتنازلي وانا عندي اسعتداد انشر لينك ليكي عالمدونة بتاعتي ويوم القضيه عندي استعداد اسيب شغلي واجي احضر المحاكمة معاكي وممكن تبقى دعوة عامة زي يوم المحاكمة في قضيه نهى رشدي.
لو اتنازلتي اعملي حساب انه ده ممكن يحصلك ويحصل لبنتك ويحصلي ويحصل لبنتي واختي وصحابي وقرايبي. وان كنتي انت عايزة تتنازلي عن حقك فمش من حقك انك تتنازلي عن حقي.
Love,
MishMish

أسوور يقول...

حفصة

شكرا ليكى لإهتمامك لدرجة انك توصلى الموضوع للفيس بوك

مش عارفة اقولك ايه بجد

حقيقى وقوفك انتى وبقية الزملاء جنبى ادانى احساس مختلف تمام

الحياة اختلفت معايا قوى من امبارح للنهاردة

تحياتى

أسوور يقول...

محمد عتلم

انت عندك حق فعلا وكلامك انت والزملا اكد لى انى برضه على حق

انا هدفى انى امشى فى الشارع بامان وان بناتى يعرفوا ان ليهم حقوق قانونية ممكن يستخدموها ان حدث تجاوز ضدهم

تحياتى

أسوور يقول...

اميرة بهى الدين

يبدو انك محامية وانا بالفعل احتاج لمحامى لمتابعة القضية .. فهل تقبلين ؟؟

يمكنك الإتصال بى عن طريق الإيميل بتاعى لأنى حاولت ادخل لمدونتك ولكن معرفتش

amyasser@hotmail.com

دة ايميلى ومنتظرة ردك

أسوور يقول...

الفقيرة الى الله

اثرت فى جدا مقولتك ان المؤمن القوى احب عند الله من المؤمن الضعيف

اشكرك لأنك ذكرتينى بذلك

نورتى المدونة .. وارجو المتابعة

أسوور يقول...

appy

انتى كلامك فيه صلابة تكفى الدنيا

ودة اللى انا محتجاله فعلا حاليا

اشكرك من القلب

أسوور يقول...

Migo Mishmish

اول مرة تيجى عندى ويارب ماتبقاش اخر مرة

الدخلة قوية .. وربنا بعتكوا عشان تأكدولى انى على صواب بعد ما الشك بدأ يدخل قلبى

وشكرا لموضوع اللينك .. مش عارفة اشكرك ازاى

انا هأتابع القضية لما اشوف محامى كويس وهأعرف معاد الجلسة واقول للكل

تحياتى

Unknown يقول...

لا طبعا لازم تفضلي على موقفك، ماهو الناس مش هتتعلم غير كده، وخلي بجاحة عم الوالد تنفعه بقى

إيه العالم ده

أسوور يقول...

محمد الجوهرى

اه يا محمد شفت الاهالى دلوقتى بقوا عاملين ازاى

دة انا كنت بخاف اصلا لما بابا يجيلى المدرسة عشان اى شكوى من المدرسن كنت باتروق

الدنيا بقى فيها حاجات عجيبة

انا بقيت حاسة انى كبرت قوى .. وان انا اخر واحدة بتفكر كدة

وعجبى

بقالك كتير مجتش .. لازم يعنى تحصل مصيبة عشان تجيلى :)

تحياتى

Zeinobia يقول...

Mrs. Asr insh Allah I will publish your story in my blog , please do not give up , we are all with you

Unknown يقول...

أنا مش بعلق كتير معلش، بس أنا متابع عندك على طول :)

... amr يقول...

امال لو كان أهلة ناس مش متعلمين أو مستواهم الاجتماعي اقل من العادي مثلا .. كان عمل اية ؟؟؟

يانهار اسود !!! انا فاكر ان والدي جة المدرسة على شكوى من الوكيل ان مدرس العربي بيقول عليا مشاغب .. والدي لما دخل المدرسة أول لما شافني هزأقني .. والله ماستناش حتى انة يسمع الوكيل ولا حتى المدرس ولا انا .. المشكلة مشكلة أخلاق من الاول .. وللأسف مبقتش تفرق ... مستوى مادي أو اجتماعي عالي من واطي

لو اتنازلتي عن حقك تبقي غلطانة

ربنا يحميكي و يحمي بناتنا

Abou Zaki يقول...

انت صح لا تتنازلي عن حققك ويجب وقف التحرشات بالفتيات في كل مكان

مـحـمـد مـفـيـد يقول...

ارسلت لكي رساله عبر الفيس بوك انتي وشقير
ياريت الرد سريعاً

محمد حمدي يقول...

الموضوع اتنشر على بلوجرز تايمز

http://bloggers-times.blogspot.com/2009/02/blog-post_11.html

وكلمينى فى اقرب وقت لو عاوزه نوصل الموضوع لاكبر المؤسسات الصحفية

لانى ناوى مسكتش

رئيس جمهوريه نفسى يقول...

انا تتبعت اللينك من خلال دعوتك عند مدونه غرام ودفعنى حب الفضول انى اشوف اللى حصل
اولا انا محامي ونص المادة اللى انتى جبتيه للقاضى الحرية فى انه يطبق نص المادة ويعاقب بالحبس او غالبا حيستبدل عقوبة الحبس بالغرامة حفاظا على مستقبل الاخ
ثانيا: بخصوص التنازل عن الشكوي المقدمه فبلاش لانى دة حينمى عند الاخ الشعور بالعظمة وانه فوق القانون هو واهلة وحيكرر الفعل مع غيرك لانه بمنتهى البساطه عرف اخر الفعل بتاعه ايه مجرد ضغط ولا تليفون من واحد صاحب سلطه حيخلى الضحية تنازل فحتكونى السبب انه يكرر فعلته تانى مع غيرك دة غير شلته اللى حتحذو حذوة فى موضوع التحرش وبدل الكلام حا تبقى بالايد
ثالثا: كان فين اهله وهما سايبينو فى الشارع يعاكس بنات الله وجايين دلوقتى يحافوا على مستقبله طب ليه وازاى
اوعى تنازلى علشان يبقى عبرة لمن يعتبر ولو على الاقل مدة انتظارة الحكم فى القضيه

Jana يقول...

ببساطة شديدة ...انتى كده حتربى الولد اللى اهله معرفوش يربوه
يعنى لو صعب عليكى بكاء امه او رجاء ابوه...متضعفيش لأنهم ميستاهلوش

الحاجة التانية
موقفك ده حيغير من اللى بيحصل فى المنطقة ليلا بما انه تحول لأمر عادى ووصلتك الشكوى من البنت اللى بتساعدك ومن بنت اختك
وده بيخليكى مسئولة دلوقت عن حماية بنات كتير..على الاقل داخل منطقتك

ربنا معاكى قبل الكل ....

Che Ahmad يقول...

طبعا ما تسيبيبش حقك وما تتنازليش رغم ان ممكن بعد كدا دعوات الصلح دي تاخد شكل تاني بس دا حقك والمفروض تحافظي عليه وما تسمعيش لأي حد بيقولك انك غلط لأنك اصلا مش غلط وهو اللى غلط ولازم يتعاقب واللى زيه علشان واحدة واحدة الموضوع دا يختفي من الشوارع
وعلي فكرة انا كمان عندي 19 سنة وما بعاكسش بنات ولا حد وانا ماشي ف الشارع ولما اكون ماشي مع زمايلي ونلاقي حاجة زى كدا بنحاول نمنعها كمان وبحتقر للى بيعمل كدا يعني مش مجرد انه 19 يبقي عادي وطبيعي لان كتير مننا ما بيعملش كدا اصلا

تحياتي

غير معرف يقول...

رجاءً لا تتنازلي عن حقك أبداً.. أبداً.

لو كل واحده تعرضت لهكذا بذاءه و إعتداء و أشتكت و عملت على أخذ حقها سيفهم من يسيرون بعقول بين أقدامهم أن هناك شئ إسمه قانون و ربما يفهمون أن هناك شئ إسمه أخلاق. لو تنازلتي ستكونين من ضمن الجموع التي تخضع و تفتح الباب أمام هؤلاء لفعل المزيد.

شكراً لشجاعتك في التبليغ عنه و أيضاً لكتابتك عن الموضوع في مدونتك. درس لكل البنات أن يقفوا في وجه المصرين على الإساءة للمرأة.

tamer.sala7 يقول...

http://www.masrawy.com/harassment/default.aspx

أحمد (زوج مخنوق ). يقول...

رجاءا الا تتنازلي يا اسر
تخيلي ان بنتك هي اللى مكانك
و بنت اختك و بنت صاحبتك
يضغطوا ما يضغطوا عليكي او على جوزك
اثبتي
نهى رشدي اتضغط عليها كتير
بس المجتمع كله بعد كده وقف معاها
و لو اتنازلتي اعرفي انك هتشيلي في ذنب اي بنت يتعمل معاها كده على الاقل في منطقتك اللي حواليكي
لان الشباب دي لو واحد منهم و ابن ناس كبار زي ما بتقولي اتبهدل البهدلة دي و بدون لمس حتى
هيترعبوا بعد كده ان اي كلب منهم يتحرك ناحية اي واحدة او حتى يهوب منهم

و ما يهمكيش حتى لو الموضوع اتطبخ في المحكمة او النيابة بسبب علاقات اهله او العاب المحامين القذرة
فيكفيكي انه اتبهدل و اصحابه عرفوا ان الله حق
ربنا معاكي و يثبتك

!!! عارفة ... مش عارف ليه يقول...

بالقطع

أنت على صواب

استمري إلى نهاية الطريق

حتى يتحقق العدل ولكي يحترم كل مستهتر

حٌرمات الآخرين

وربنا يعينك

طريقك صعب وشاق


إنما لازم تمشيه للأخر

علشانك .. وعلشانا كلنا


وليد

Desert cat يقول...

انا اكتر ما غاظنى من الفعل نفسه هو موقف والده اللى بالفعل اثبت انه هو اللى محتاج يتربى اكتر من ابنه
بحق الصداقة اللى بينا وعلشان خاطر كل بنت فى مصر ارجوكى اوعى تتنازلى
وياريت تبلغينى بمعاد المحاكمة امتا
علشان احضرها

Desert cat يقول...

كتبت عن موضوعك يا اسر

http://catofdesert.blogspot.com/
2009/02/blog-post_11.html

رئـــــيسـة حزب الأحلام يقول...

بصى يااسر هى القضيه دى قضيه راى عام وانا نفسى ان كل بنت تاخد حقها فى شوارعنا المصريه بدل احساس الغابه اللى احنا عايشينه
ايوة غابه احنا بقينا فى غابة واى واحدة ماشيه هاى حيوان من حقه انه يخدش حياءها ويقولك اصل وفصل واهله يقفوا جنبه والحكايه الهابلة اللى بتكرر فى كل حادثة
لا الموضوع دة عايز واقفة وتنظيم حملة عايزين نمشى بكرمتنا فى الشارع ايوة كرمتنا المسلوبه حقى كبنى ادمة دة احنا لو فى زمن الجوارى مش هيحصل فينا كدة ولا بقى تتقلب الشوارع غابة دول لا عاتقين محجبة ولا منقبة زلا اى حد اى انثى فى الطريق وفى الاخر يقولك اصلها كانت اية وايه وكأن عايز ينصب نفسة الحاكم بأمرة شفتى الهبل على العبط اللى احنا عايشين فيه لا القضيه دى لازم تبقى عبرة لكل واحد يتجرأ ويتعرض لانثى دى هتبقى هيصة بعد كدة
اعانك الله واعاننا جميعا امام هذا الفساد وعدم الامان
تحياتى
وانتى صح وكفايه بقى هيتعمل فينا ايه اكتر من كدة

^ H@fSS@^ يقول...

الموضوع على جروبنا في الفيسبوك

http://www.facebook.com/inbox/readmessage.php?t=1067459616444&f=1&e=-12#/topic.php?uid=17506580775&topic=7218

استمري و احن امعاكي و لو سمحتي بلغيني باي تطورات و ده ايميلي عندك اتفضلي راسليني لو تحبي

dorybettyx@yahoo.com

غير معرف يقول...

الاستاذة الفاضلة هذه هى المرة الاولى التى ازور فيها مدونتك وسعيد بتعرفى عليها انا اسمى كريم البحيرى صاحب مدونة عمال مصر www.egyworkers.blogspot.com ومدونة احترس انت الان فى نصر http://yalhwy.maktoobblog.com وبشتغل صحفى فى جريدة صوت الامة وكنت عايز اسئل هل استطيع ان اقدم لكى اى مساعدة بنشر الموضوع فى الجريدة اذا كان معندكيش مانع ارجو الرد على على الاميل التالى فى موعد اقصاه غدا الخميس صباحا حتى استطيع تقديمة فى عدد هذا الاسبوع اميلى
kareemelbehirey@gmail.com
اما عن رأى فى هذا الامر فاعتقد انى من رأى زوجك الفاضل انتى الوحيدة صاحبة القرار ومهما كانت ارأنا الا انه اخيرا يجب ان يكون القرار لكى بمفردك وذلك لان ما تعرضتى له انتى الوحيدة التى تشعرين بمرارته
تحياتى واتمنى لك اختيار القرار الصائب الذى يرضيكى ويأتى لكى بحقك

رامز عباس يقول...

للاسف المشكله مش اننا نقولك اثبتي علي موقفك يا أسر

المشكلة زى مفهمتها أنا اننا نقف كلنا بنات وصبيان وشباب جدع معاكي ونعمل لو ينفع وقفة احتجاجية وياكي تطالبي النائب العام برد حقك وحمايتك من اهل الكلب ابو عربية بيضا ويضيع مستقبله يروح في مصيبه مش مهم مفيش مستقبل في زمان مبارك الغادر بينا

انا حسيت باحساس الرعب اللي انتابك لما حسيتي انك لوحدك وخلاص مفيش حد هينجدك ونحمد ربنا انك استجمعتي شجاعتك واتصلتي بالشرطة


الاهم اننا نكون وياكي
لكن مش عارف اجمع الناس علي قضيتك ازاى كل اللي بسمعه خليكي علي موقفك ده اللي بيقوله لا زم نقف وياكي

Desert cat يقول...

انا نشرت الموضوع على الفيسبوك وده رأى الناس هناك
http://www.facebook.com/topic.php?topic=7218&post=26357&uid=17506580775#/topic.php?uid=16124942799&topic=7037

الجميع معاكى صدقينى

غير معرف يقول...

انتى صح جدا متسيبيش حقك و العيال الصيع دول لازم يكونو عبرة عشان محدش يفكر يعمل كدة تانى

غير معرف يقول...

انا شايفة ان الجميع بينصحوكي يا آسر انك متتنازليش وفعلا الموضع يستاهل شد الودن
لكن بافكر لو انا ام الولد ده كنت هاحس بإيه؟؟؟؟
حتى لو معرفتش اربي ابني وده ممكن يحصل لان مش كلنا اتولدنا خبراء ف التربية أكيد برضه قلبي هيوجعني على حاله واللي وصل له
وانا نفسي ان كل التحرشات اللي ف الشارع تنتهي
مش بس تحرشات بكلام يخدش الحياء لا
النظرات والتحديقات والكلام المعسول المقصود منه المعاكسة
كل الحاجات دي سيئة جدا بصراحة
وموجود بطريقة مكثفة في مصر
انا من باب بيتي لعربيتي اللي راكنة ف الشارع
باسمع على الاقل تعليق
وعلى فكرة باتضايق جدا
والمسافة الصغيرة دي بتكون كبيرة وعلى قلبي زي الهم
وكمان سواقين التاكسي
قبل ماجيب عربية
كرهوني ف التاكسيات والتاكسجية
من كتر معاكساتهم وسماجتهم
وكأن مصر دي اتعملت للرجالة بس
الرجالة هما اللي يقدروا يعيشوا فيها براحتهم
اما الجنس اللطيف من جميع الاعمار
متبهدلين بجد بجد بجد
وانا نفسي اسمع رأي الجنس اللطيف ف اللي باقوله

وانا اؤيد انك تستمري يا آسر
وياريت تلاقي تدعيم لحملتك ضد التحرشات
بس لو الولد واهله جم لغاية عندك واعتذروا اعتذار تحسي انه حقيقي وانهم اتعلموا الدرس

يبقى ممكن تسامحيه لانه هو كبش الفدا
ولو تاب توبة نصوحة
يبقى المسامح كريم

لكن متسيبيش القضية العامة وهي موضوع التحرش نفسه وكملي مع كل اللي بيساندوكي وانا معاكم

مواطن مصري يقول...

متسبيش حق دافعي عنة اعملى زي نهى
يقولو عليكي اسرائيلية مش اسرائيلية متسبيش حق

مواطن مصري يقول...

خليكي القانون في صفك و انشاء الله حقك هتاخدية

Kiara يقول...

انتي صح طبعا ومليون صح وخليكي علي موقفك

Mafrousa يقول...

طبعا صح و اوعي تضعفى خليكي على موقفك
و الاهل لازم تتربي
زي ما الحبس حيربي ابنهم
اوعي تضعفى خليكي على مبدأك
و قل لن يصيبنا الا ما كتب الله لنا
ما تخافيش من اي تهديدات
ربنا اقوي من الكل
و الرزق برضه فى ايد ربنا
و لن ينتقص من عمر احد او يزيد الا بإذن الله سبحانه و تعالى
خليكي قوية بمانك صادقة فى كل كلمة
و انك مش بتفتري وكنتى محافظة على الاحتشام فى اللبس و الماشية الجادة

قوس قزح يقول...

طبعا مش لازم تتنازلى
لان تنازلك معناه ان الولد هو اللى كسب
و يخرج للناس و يقول انا اهو محدش قدر عليا
لكن حبسه هيكون رادع للكل و هيختفى الجروب اللى بيعاكس فى الشارع كل بنت معدية
انا عارفة انه مش هيكون سهل عليكى و هيكون فى مضايقات كتير من اهل الولد و خصوصا ان من كلامك واضح انه له معارف فى مراكز كبيرة

الحل انك تخليها قضية راى عام علشان كل المراكز دى تخاف على اسمها و النيابة نفسها تهتم بالموضوع اكتر

ربنا معاكى
و كلنا معاكى لو فى حاجة نقدر نعملها

غير معرف يقول...

لو تخليتي عن القضية ديه يبقى بتتخلي عن آلاف البنات والستات المصريات اللي بيتعاكسوا وبيتخدش حيائهم بالألفاظ أو باللمس في الشارع المصري. مهما حصل، إثبتي على موقفك عشان الولد ده يبقى عبرة لغيره.

حواء يقول...

السلام عليكم
اوعي تتنزلي يا أسر
اوعي تتنزلي
العالم ديه لازم تتربي
وحتي لو كلمك وزير الدخليه نفسه
اوعي تتنزلي
انا لو مكانك مش هتنازل
ربنا معاكي

soly88 يقول...

طبعا لا تتنازلى مهما كان حجم الضغوط
وياريت المحامين من المدونين يتعاونوا معاكى فى القضيه وكذلك الصحفيين
وكمان بلغينا بميعاد الجلسه للحضور معك

Wandering Scarab يقول...

If I were you I wouldn't drop the charges, especially now that you know the offender comes from a wealthy or well known family. The young man will set the precedence regardless of what the outcome of the case will be. I can sympathize as I have been there before, but you also have to think about your well-being and that of your family. Retaliation is not a desired outcome, which is what happened in my case. Stick to your guns, not for friends or for other women, but for yourself, so that you can go to bed at night knowing that you did everything you could to stand your ground.

But even if (or should I say when) you get your way with the case against this offender, be prepared for next time. This is a gradual process and change takes time. Public sexual harassment is extremely common in Egypt. My only advice for you is to carry a weapon - switchblade, gun, kitchen knife, pepper spray, whatever. I personally carried one and it came in handy more than once. I wish you all the best, and I am truly sorry for what you are going through. No woman should ever have to.

غير معرف يقول...

تمنيت لو كان أول تعليق لي عندك في مناسبة افضل..لكن أحببت فقط أن أقول لك لا تتنازلي...ما حدث فضيع...وإن تنازلتي هذه المرة فثقي وتأكدي بانه لن يمضي أسبوع إلا وتجدي نفس العصابة قد عادت كما كانت إن لم تكن أقوى

قول الوالد أن ابنه شاب وطالب وسيضيع مستقبله..مردود عليه...فمستقبل الولد ضاع ولست أنت الملامة...فليأخذ جزائه لعله يكون عبرة لغيره وبذلك يكون لحياته هدف على الأقل

تحياتي..وبانتظار سماع أخبار مفرحة

ليبية

M.Sameer يقول...

انا اسف. انا عيني دمعت و انا باقرا

انا بجد اسف و مش عارف ايه ممكن اعمله اكتر.

ماعنديش حاجه غير كلام ...

انا لو مكانك ممكن اجبن بس في الاخر لن يصيبنا الا ما كتب الله لنا.

الي ابوه مارباهوش قبل كده اشك ان هايربيه لو سبتيه المره دي

Shimaa Gamal يقول...

إنت مش مفترية ، أهل الولد هما اللى بيفتروا عليكى لما يقولوا إنك هاتضيعى مستقبله
هو اللى ضيع مستقبله لما إعتبر الناس فى الشارع لعبة و هما اللى ضيعوا مستقبله لما نسيوا يربوه

لو صعب عليكى كل واحد هايعمل اللى عمله و يقول ما هو مافيش عقاب

كل الستات بتتعاكس و بتسكت علشان مش عارفين إن ليهم حق و علشان كل اللى بيعاكسوا مش بيخافوا من حاجة

ما تخافيش

micheal يقول...

اوفففف
والله أنا زعلان جدا من اللي حصلك ده بس عاوزة نصيحتي
اتمسكي بحقك مهما حصل لان السلبية مش حتنفع في موقف زي ده بيتكرر كثيرا
تحياتي يا ياسمين واتمني تكوني بخير

bluestone يقول...

شوفي انا مش هقول كتير
بس ببساطة شديدة اوعي تتنازلي

مش لانه لازم يبقى عبرة ولا حاجة
بس ببساطة اقامة للعدل ولحقك وبس

ونصيحة من اعلامية
ماتتكلميش للاعلام خالص قبل ما القضية تتنتهي ويتحكم على المتهم
وبعدين يبقى لنا كلام تاني

تحياتي واي نصائح اعلامية
ماتتردديش

تحياتي

سمكه واحده يقول...

اوعي اوعي تتنزلي
ده هو واهله عايزن ضرب النار هو عشان مترباش كويس ولا عنده دين ولا اخلاق
واهله عشان معرفوش يربوه وبجد لازم تصعدي الموقف اوعي تضعفي او يصعب عليكي اهله او توسلاتهم لانه مش راجل اصلا ولا عنده نخوه فيستاهل اللي يجراله واكتر شويه
احنا كلنا معاكي بجد وخليها قضيه رأي عام
انا عارفه امتي التخلف ده هيبطل وهيتهدوا امتي بلا هم جتهم الارف
مين عارف كان ممكن يعملوا ايه تاني؟ او لو حد تاني غير حضرتك ومعرفش يتصرف ويطلب الشرطه
ربنا معاكي
تحياتي

mahasen saber يقول...

فين فى المقطم انا عشت فيه اربع سنيين وكنتبحس فيه بمنتهى الامان
ايه اليى جرى للشارع والناس وبعدين يتفرجوا من بلكوناتهم ويشوفوا المنظر ده ومحدش يتحرك

الموضوع قاسى قوى وآلمنى لسببين اليى اتعرضتله بنت اختك وانتى وان الولد فى السن الصغير ده ويبقى بالانحلال ده وان والده حتى ميكلفش نفسه انه يعرفه ان ممكن اخته او امه يحصلها كده فى الشارع

شئ مؤسف وحزين وموقف مفجع

انا عرفت الموضوع ده من مدونة اسامه عبد العال وانا حره
لانى للاسف متشرفتش بمعرفة مدونتك قبل كده اعتقد
وده من سوء حظى ليس الا

مش عارفه ااقولك ايه الولد صغير بس مكلفش خاطره لا هو ولاا والده ابداء الندم والاعتذار والاحساس بفجع الجريمه عشان كده متتنازليش واوعى تسيبى حقك وحق بنات وستات كتيره غيرك

littilemo يقول...

اثبتى لغايه الاخر لغايه ما يتعلم الدرس
وممكن فى الاخر يعد ما يكون فاق تسامحي
لا الناس اللى بالنظر ده ما يتربوش غير بالطريقه دى
وخلى بالك ان لو هاتتنازلى لازم هو كما يتنازل لان لو اتنازلتى ممكن هو يطلب تعويض لانه زى البرئ ةانت اتهمتيه ظلم
واسالى محامى عن الموضوع ده
بس خلى بالك ان التنازل او براءته ممكن يرفع عليكى انت قضيه

Ahmad Hegab يقول...

اسر

ابوس ايدك اوعى تتنزلى .. خليه يتحبس ... ممكن فى ثانيه واحده كانوا يشدوكى جوا اى عربيه ... اوعى تتنزلى
اوعى تتنزلى
اوعى تتنزلى
اوعى تتنزلى

الحلم العربي يقول...

ارجوكي ما تتنازليش أبدا
اللى زي الولد ده و أهله بتدليلهم ليه هما السبب في ان التحرشات الجنسية دلوقتى وصلت لمرحلة لا يمكن السكوت عليها
و اللى بيقولولك اتنازلى هما فاكرين انهم بيحموا مستقبل شاب لكنهم في الحقيقة بيهدموا مستقبل بلد
و بعدين انتى مش بتفتري عليه هو أجرم جريمة الرسول صلى الله عليه و سلم كان هيحرم واحد من الدخول في االإسلام بسببها لولا انه تاب و عزم ألا يعود لها أبدا
ارجوكي ما تتنازليش ده حقك و حق بنات تانية كتير اتعرضوا للمواقف دي و ما قدروش او مالحقوش يعملوا حاجة زيك
تحياتي لك و لإيجابيتك

غير معرف يقول...

طبعا اللى حصل ده شىء مش سهل ولا يجب السكوت عليه
ونتيجه ان البعض دايما يقول انتو بتسمعوا من طرف واحد
انا بقول لو اللى حصل دة حقيقى مش بس الولد اللى عمل كده هو اللى يتحاسب ده كمان ابوه اللى رباه لازم يتحاسب على قله الربايه
وانا من هنا بقولك ماتتنازليش ولو جابولك اكبر راس عندهم
العالم دى لازم تتربى ومافيش غير القانون

Fantasia يقول...

يا حبيبتي كلنا معاكي، أوعي تستسلمي

مش هنسكت وهنقلب الدنيا لغاية ما تاخدي حقك وحقنا كلنا
أنا عارفة ان الضغوط اللي عليكي صعب الصمود قدامها، وان اللي ايده في المية مش زي اللي ايده في النار، لكن وغلاوتك عندي الواد ده هيتحاكم وهياخد جزاءه، ونفسي أبوه وكل اللي بيتوسطوله يتحاكموا هما كمان على افسادهم للمجتمع بالشكل المقرف ده

اؤيد بشدة ابلاغ جمعيات حقوق المرأة، واحنا من ناحيتنا هنخلي مصر كلها تعرف ونحول الموضوع لقضية رأي عام، ويبقى أبو الواد يتشطر على مصر كلها بقى ويتباهى بتربيته الزبالة

دا مش حقك لوحدك عشان تتنازلي عنه، دا حق كل واحدة بتتهان في الشارع. حق الآلاف من النساء الضعيفات والفقيرات اللي مايقدروش يدافعوا عن نفسهم. حق البلد دي ان القانون فيها ياخد مجراه عشان ما تنهارش وينهار معاها كل شيء

خالص تحياتي ومودتي

غير معرف يقول...

أوعى تتنازلى وكلنا معاكى
وأوعى تسيبى حقك مهما حصل

safa7_karmooz يقول...

صح ومليووون صح كمان ..

خليكى على موقفك ومش تتراجعى عنه حتى لو ايه ..

دى بقت قضية راى عام مش قضيتك لوحدك

بتكلم جد فعلا

انا هدور بجد على حد يكون معاكى سواء صحافة او حقوق انسان او مراة حتى...يوم بس كده وارد عليكى..:)

Epitaph1987 يقول...

i totally support you!
do not give up your right..!

just hold on....! and keep the strength you have within!!

مهندس مصري بيحب مصر يقول...

ما تتنازليش عن حقك
الواد ده لازم يتحبس و يآخد جزاؤه
ربنا ينصرك

Ahmed EIssa يقول...

بصي يا ست الكل
الواد مترباش وعايز يتربي
وابوه وامه لازم يتربو عشان يعرفو يربو ولادهم
وفي النهاية دي مش قضيتك لوحدك الناس الزبالة دي لازم تكون عبره لاي كلب معندوش نخوة ولا شرف
اسف علي اللهجة الحادة بس انا مستغرب من انك محتارة تتنازلي ولا لا
تخيلي بنتك ولا بنت اختك ياستي في الموقف ده
انتي ست كبيرةوعرفتي تتصرفي
هم مش حيعرفو يتصرفو
تخيلي كان ممكن يحصلهم ايه
وممكن يحصلهم ايه لو اتنازلتي عن قضيتك وبقي الحبل ع الغارب واي حيوان عارف انه حيعمل كدة ومش حيتعاقب

في الاخر انا بقولك زي التسعين بني ادم اللي قبلي متتنازليش

لكن في الاول وفي الاخر ده قرارك انتي

kholoud kandil يقول...

اولا انا قرات ما كتبتيه واعتقد انى لن اضيف جديد بعد ما شاهدته وقراته من ردود الاصدقاء على ما يجب فعله وهل تتنازلى ام لا
ومن رايي الشخصى المتواضع انك اذا تنازلتى فبهذا تجعلى هذا الشاب وزملاءه يتمادوا اكثر
وبالتالى فعدم التنازل امر لابد منه حتى لا يضيع حقك وحق كثر يعيشوا فى نفس المنطقة او الشارع
ولكى منى خالص التحيه والتقدير على موقفك الثابت ومعكى بقلبى وبقلمى لو احببتى

safa7_karmooz يقول...

كتبت بوست عندى ودى ااقل حاجه اعملها دلوقتى ..

وبكرة ان شاء الله هكلم باقى الناس

ربنا معاكى بس وان شاء الله تاخدى حقك تالت ومتلت

غير معرف يقول...

إيه ده
و الله ما كنت مصدقة نفسى و أنا بقرا البوست
الناس جرلها إيه.....بقى يسيبوا اللى بيحصل ده و يتفرجوا عليه...لا إله إلا الله......ناس معندهاش دم بجد


و لا الأب ده كمان......دول لما يقفوا قدام ربنا حيقولوا إيه...و لا حد أساسا مرعاش ربنا و أتقاه فى ابنه يبقى حيراعى الناس




أسبتى على موقفك و الحق اللى له صاحب مش بيضيع و ربنا معاكى و هو أكبر من أى حد

غير معرف يقول...

ماتتنازليش

وتضيعى حقك وكمان مجهود الظابط اللى اهتم واتحرك وانقذ الموقف

بعد كدا مش هيهتموا بالبلاغات دى لو كل واحد اتنازل والموضوع عدى

واللى مش متربى اصلا مايستاهلش يبقى له مستقبل

Asmaa يقول...

انا اول مرة ارد هنا .. ومش هقولك كلام جديد

كل اللي قبلي تقريبا قالولك اثبتي واوعي تتنازلي .. وانا هقولك زيهم بالظبط

هقولك متستهينيش بقدر نفسك ابدا .. واللي دخل الخوف في قلبك و رعبك انتي وبنت اختك متسكتيش عليهم ..
انتي مش وصية علي الولد دا عشان تحافظي علي مستقبل هو نفسه محافظش عليه ..

والجزاء من جنس العمل .. وماهواش صغير اوي كده

19 سنة مش صغير اصلا .. مش عيل دا راجل ولما يموت هيتحاسب

اوعي تسكتي

انا بنت وبتعاكس كتير .. ولو اطول ادخل كل اللي عاكسوني وخوفوني وانا ماشية في الشارع .. لو اطول ادخلهم السجن مش هتردد

اوعي تسكتي !

عمرو فكرى يقول...

اوعى تتنازلى !

Rannon يقول...

اوعى تتنازلي عن حقك
وزي ما قلت اللي زي ده لازم يبقى عبرة لأمثاله واهله لازم يفهموا ان ابنهم محتاج تربية وطالما هما قصروا في تربيته يسيبوا أفعاله ونتايجها تربيه

قلبي معك

FemTo يقول...

اوعى تتنزلى لو الواد جاله حكم اعدام .. لازم يبقى فيه ردع , كفاية اصلا الرعب للى سببه ليكى وللى حيسببوا لبنات تانيين لما يطلع من السجن لازم يتربى ومهما مين يكلمك متتنزليش عشان انتى مش واحد بس انتى اكتر من واحد واكتر من بنت بتكلمى بلسانهم وحنا كلنا معاكى ومستعدين لاى تعبير عن رفضنا ودعمنا

احمد سعيد يقول...

لأ
اوعى تتنازلى
وخليكى دايما على استعداد لاسوأ الاحتمالات
بس اوعى ترجعى
لانك لو قررتى ترجعى كان يبقى احسنلك من الاول ماتمشيش فى الموضوع من اساسه
لو تراجعتى الولد دة هو واهله هيسوقوا فيها
وهيزيدوا كمان
وساعتها اللى حصلك دة هيحصل اسوامنه لغيرك
طبعا ماهو بقى عارف ديتها
وساعتها هل هتتحملى انتى وزرها
انا اسف على ردى الحاد
بس بصراحه القضيه مش قضيتك لوحدك
يا ريت دايما توافينا لو حصل اى جديد
وخلى بالك من نفسك
ربنا معاكى

Ahmed Awadalla يقول...

it's not easy to hold on, but be still on your stance and don't hesitate to follow it through, and you have our support. :)

Diyaa' يقول...

أعتقد إنك تكملي لأنه غالباً هياخد حكم مخفف هيبقي في حدود الغرامة لو معاه محامي شاطر
أهم حاجة إني شايف إنك حتي بتقولي لبسك كان عادي والمفروض رايحين بعدها عزاء يعني أي مبرر ممكن يدافع بيه المحامي عن الولد قدام القاضي مش موجود
غير بس لو جاب شهود زور إنه مش تدخل في الموقف
خليها قضية رأي عام عشان مش بس المشكلة في الضغوط قبل..المشكلة لو حد من العيال دي قرر ينتقم بأي شكل بعد الحكم عشان كده إنتي عايزة الناس كلها تعرف باللي بيحصل..المعاكسة لو من واحد فقير أو غلبان هيبقي المبرر إن أهله مطحونين ومش فاضيين يربوه وهما أصلاً مش هيقبلوا من إبنهم كده
لكن لما أهله يبقوا مراكز وليهم معارف
يبقي بصراحة
أهله لازم يتربوا
ومش تعملي حساب إحساس والدته ولا والده

لأنهم بكل بساطة بيجنوا نتيجة حصادهم الغلط..معرفوش يربوا الولد وكمان بيصدقوه رغم إن غلطه واضح زي الشمس

أتمني إنك تستمري :) وربنا يوفقك وينصرك

وأنا بعترض علي الهجص بتاع بنات جنسك

حضرتك بتاخدي حقك وبس

وكل واحد يقدر يتولي أمر نفسه
وربنا مع كل واحدة مظلومة مش محتاجة تبقي محامية عن حد..خدي القرار بناء علي معطيات موقفك وبس :) وبإذن الله هتكسبي القضية

Unknown يقول...

اوعي تتنازلي
الناس دي لازم تتعلم الادب
واللي اهله ماقدروش انهم يربوه يسيبوا المجتمع يربيه
خليكي علي موقفك ربنا يعينك يارب ويصبرك علي الضغوط دي

الطائر الحزين يقول...

المشكلة مش فى الغلط الاكبر هو الاصرار على الخطأ والكبر الذى تحدثتى عنه
لا تتنازلى

Mo يقول...

Do not abandon your rights and continue with the case. If his parents use people in high positions to put pressure on you then you should play the same tactic:

!!!!!GO TO THE MEDIA!!!!!

What was done to Noha Rushdi was much worse than what happened to you and to your niece and she still went public because she felt that there was a chance the law might not give her the full rights she deserved.

The public opinion is in your favor, the legal environment now is in your favor and the media are waiting for anything to make people watch. Unfortunately as strong as Facebook groups and blogs are, they are still not as strong and as widespread as television. By reaching the media you will make the case bigger than any "wasta" these people might have.

Also your position is strong because your case is not like Noha Rushdi's case. You were harrassed in a high class area by supposedly high class people. I mean it will show that the problem is not just in the lower classes of society but that there are university level students who will stop at nothing to harrass a lady in the middle of the street.

I wish I could give you names and numbers to contact media personalities but unfortunately I don't live in Egypt and I don't have anybody's number.

Rabena ma3aki w ye7fazik enti welli zayik yarab ameen.

ibn_abdel_aziz يقول...

لا تتنازلين ابدا

معكي ان شاء الله
يجب اقتلاع هؤلاء المجرمين من قلب الشوارع وفورا
اثبتي مهما كان
ويجب ان تتحول لقضية راي عام
ايضا

الحقيقه المصريه يقول...

دعوه للتضامن
لعلك علمت بالحكم الصادر ضدي بغرامه 42.500 الف جنيه لاني نشرت مستندات تؤكد خطوره شركه تراست للكيماويات ببورسعيد على البيئه وعلى العمال وعلى امن مصر القومي لذا ادعوك لزياره المدونه والوقفوف على اخر التفاصيل
وارجو في حال الاقتناع بما نشرته ضد الشركه من مستندات ان اجد تضامنا منكم
لان الرساله هناك رساله خطيره جدا موجهه للمدونون المصريون
وأنا اول من تلقى هذه الرساله
فأما ان نتكاتف واما سنقول غدا
اوكلت يوم اكل الثور الابيض

تقبل تحياتي تامر مبروك


http://elhakika.blogspot.com/


http://www.elhaqeqa.com/?page_id=1160

Randa El-Adawy يقول...

اتمنى ان دا فعلا يكون رادع لامثاله
فقط اتمنى ذلك
:)

Osama Sherif يقول...

اسمحي لي أن أتقدم بنصيحتين متواضعتين

1- استمري ولا تتنازلي عن حقك أبدا
فهؤلاء المجرمون يجب أن يتلقوا عقابهم
فليضِع مستقبله بما يفعله
أسأل الله أن ينتقم منه
أو أن يهديه

2- النصيحة الثانية مبنية على صورتك الشخصية في مدونتك، ولتعذريني
التمسك بالحجاب الشرعي (الشرعي، لا أعني الحجاب الموضة المنتشر) يدفع عنكِ أذىً كثيرا
كما أنني أعتقد أنكِ لا ترضين أن تؤذيننا كرجال، كما لا نرضى نحن لكِ الأذى

شكرا
:)

hasona يقول...

علي موقفك
لكل من يخطأ لابد أن يأخد عقابه

hasona يقول...

السلام عليكم

الموقف ده تلاحظ فيها أكثر من مشكلة
وأكثر السلبيات أراها فيما يلي

*تربية الاباء للأبناء
يعني كما حضرتك بتقولي الاب كأنه بيشجع أبنه والولد فهم ده كويس وفاهم منصب والده ومعارفه التي تطاركم ليل نهار
أب غير مهتم بتربية حسنة أبن غير متحمل للمسئولية ( نتيجة طبيعية)


**دور الشرطة
عندنا الشركة لا تتحرك الا بعد فوات الاوان وبعد حدوث المصيبة
لو فيه تواجد أمني من البداية كان ممكن يقدر يمنع حدوث تلك المواقف من بدايتها
تصوري كام حالة ممكن تتعرض لأكتر من كده تصل الي الاغتصاب في ظل غياب الشرطي المناسب في المكان المناسب والوقت المناسب

***المحيطين ( الناس)
الناس عادي مش مهتمية لأي صوت استغاثة واللي يهتم أقصي حاجة يعملها الفرجة
فين الشهامة فين بن البلد اللي كان لا يرضي بأن يري أو يسمع شئ غير لائق


**** دور حضرتك
مع انك سمعتي كتير لكن لم تحاولي تغير أو تتخذي خطوة عملية ( من غير زعل ) وده أصبح دورنا جميعا لا نتحرك الا بعد ما يصيبنا الضرر في شخصنا
،،،،،
بجد لازم حضرتك تكملي
لابد لكل من يسئ أن يحاسب علي أساءته
لأنه لو ترك سينتشر الرزيلة أكثر فأكثر

ندعمك في قرارك

تحياتي

إيمان قنديل يقول...

العزيزة أسوور لقد نقلت البوست على مدونتي لأعلن تضامني الكامل معك، والذي تريدنه مني في المستقبل سأفعله دون نقاش حتى تأخذي حقك

زهرة الجنة يقول...

آسر

انا اول مرة ادخل عندك
لاقيت تضامن كتير معاكي علي الفيس بووك
حاولت اتخيل نفسي مكانك حسيت برعب شديد جدا من اللي عملوه معاكي

أحييكي علي شجاعتك جدا
وأحيي زوجك علي موقفه
صدقني لو اتنازلتي الولد هيكرر اللي عمله تاني مش ضروري معاكي لكن مع اي حد
والخطأ الأكبر والمصيبة موقف أهله
لان الأب مربي ابنه علي عدم احترام الناس

مبسوطة بيكي جدا وبموقفك واتمني اكون في نص شجاعتك

غير معرف يقول...

اوعى تتنازلى عن حقك

عشان لو اتنازلتى عن حقك دلوقتى

الله اعلم اللى مكن يحصل بعد كده

وانتى عارفة بلدنا ما شاء الله يعنى

hartaka يقول...

مشهاقدر اضيف جديد علي كل الي اتقال
غير حاجة واحدة كان ذكرها د احمد عكاشة
في كتابه الممتع تحليل الشخصية المصريه
ان اي مجتمع بيكون فيه نسبة ال ٧٥ في الميه الي مستوي ذكاؤهم بيكون دايما متوسط بالاضافة الي مسايرتهم للواقع ورفض التجديد
في كل مجالات الحياة
وال ٢٥ في الميه التانيين هما الي دايما بيخلقوا الافكار
ودايما دول الي بيعتمد عليهم المجتمع في التغيير
فميهمكيش راي الاغلبية
وكملي المحضر
وكلنا معاك
وياما قوانين اتغيرت بسبب مواقف اشخاص فردية
تحياتي

غير معرف يقول...

اااااااااااااه انا مغلولة من الحيوانات دول ارجوكي متتنازليش لازم يبقوا عبرة لمن يعتبر الكلب دا هو وغيره بقيوا عاملين زي الكلاب المسعورة لازم ياخدوا جزاء
ثم ما يضيع مستقبله ولا يروح ف ستين داهية
ما الحيوان اللى زي دا اذا كان وصلت بيه البجاحة انه يعمل كدا ف منطقة سكنية يبقي لو اتيجت ليه فرصة انه يغتصب بنت مش هيتردد لحظة
يبقي لازم يتربي قبل ما يعمل كارثة
ارجوكي خليكي قوية

غير معرف يقول...

انا نسيت اقول لحضرتك

ده رقم جريدة المصرى اليوم
7926440

اطلبيهم الناس مش بتتأخر بصراحة

ونخليها قضية رأى عام

غير معرف يقول...

طبعا ليكي حق
و انشالله يروح في ستين مصيبه انت مالك مستقبله يروح و لا ما يروحش
اهو يتربي و يبقي عبره
و اهله دول هتتردلهم برنا ما بيسيبش
اجمدي انا شخصيا معاكي و لو مكانك هعمل كده و مش هتنازل

ehabegypt يقول...

سيدتى، فعلا انتى فى حيرة من امرك هل تتنازلين عن القضية وبالتالى تتخلين عن مبدأك ام تستمرى فيها
دعنى ابسط الموقف عليكى ولننظر اليه من وجهة نظر اخرى
لنفترض ان ما حدث لكى حدث مع طفله صغيرة ولا تستطيع ان ترفع الاذى عن نفسها ولا تستطيع الاتصال بالنجده كما فعلتى ماذا سيكون مصيرها الان (مغتصبه) وهذا ما نسمع عنه فى صفحة الحوادث على جرائدنا

سيدتى اثبتى على موقفك لتنقذى به طفلة صغيرة ضعيفة كان من الممكن ان تكون فى موقفك

بموقفك تستطيعين ان تنقذى شخص اخر بحاجه الى عونك وقد تكون مسألة حياة وشرف

هذا رأى الشخصى
والله أعلم

على باب الله يقول...

إتكلمي و أتمسكي بحقك

كلمة الحق قوية

---

الكلمة تنمو بالدمعة

فليسحقني الألم إذا الكلمة عطشت

كي أسقيها بدل الدمعة عشر دموع

و ليزرعها كل شقي مثلي , عرف الجوع

و لتمتد جذور الكلمة نحو قرانا

نحو قرانا ذات الدمع الوافر

كي تورق في القلب قرانا تلك الكلمات

و ليقرأها الرجل الطيب

و لتنضج , و لتصبح رايات

تتقدم خطوات الإنسان

ليقيم على الأرض الجنة

( أحمد عبد المعطي حجازي )

(من قصيدة ( ميلاد الكلمات

سارة نجاتى يقول...

تصدقى أنك لو سبتيه يبقى استنينى انا اللى ح أجرى وراكى بعربية
مش كفاية اهله مدلعينو ده أنتى ح تكسبى ثواب فى كل بنت كان ح يؤذيها قد كده , أنا حاسه باحساسك وقتها أصل معظم الولاد ميعرفوش الضرر النفسى اللى بيلحقنا من بعض الكلام فما بالك اللى عملوه ده

طالما أنتى متأكده أن الولد ده تعرض لك يبقى طبعا مش تسيبى حقك , لما ياخد حكم و يتثبت عليه ممكن تبقى تروحى تتنازلى , بس لازم ياخد حكم يربيه الأول طالما أهلله مش عرفه
بس الغريب أن التحرش من النوع ده مش منتشر فى المناطق الراقية كتير ؟؟
و ازاى الضابط جالك بسرعة كده ؟ هما فضلوا محاصرينك قد ايه ؟؟

بلغينا بتطورات الموضوع ياريت و أوعى تتنازلى عن حقك ده احنا مابنصدقك و واحدة تعرف تثبت على متحرش حاجة
و بعدين يجى ليك واحد عبيط يقولك اصل لبس البنات السبب , أصل الشباب مش عارف يتجوز , ما هم شباب ميسور ماديا أهو , و ماعتقدتش أنك كنى لابسه لهم القصير و الضيق يعنى
ربنا معاكى

غير معرف يقول...

اوعى تتنازلى مهما حصل
الصفح والتسامح اه من الاسلام
بس الاسلام بردو مبيقولش بالتعدى على الحرمات فى الشارع

وبصراحة المجتمع بقا زبالة اوى
وكل واحد من دول لازم يتربى
العين بالعين والسن بالسن والبادى اظلم

وكل واحد يتحمل نتيجة غلطة
كلنا معاكى


مدونة نيرفانا

Unknown يقول...

طبعا صح واياكى تتنازلى

محمد فوزي يقول...

انا اول مره ازورك وعرفت موضوعك من مدونة آبي ورأيي أوعي تتنازلي أرجوكي كفايانا بقى معلهش وزي بعضه وحرام وعشان خاطر مش عارف ايه لحد ما كل حاجه في حياتنا باظت

احنا في زمن لازم يكون في شده , البلد دي مش هتتصلح ونرجع بلد متحضر واهلها متحضرين غير لما القانون يتطبق وعلى الكل وبمنتهى الحسم والعدل مع بعض ولحد ما ييجي اللي يمسك البلد ويمشيها كده احنا لازم بينا وبين بعض منتنازلش عن حقوقنا

تحياتي

عبقرينو يقول...

ياسمين

اصمدى ولاتتنازلى عن حقك
انا معاكى لحد النهاية وممكن نتواصل على موقع ابناء مصر وابناء مصر هاتنشر وهاتسندك بكل امكانياتها
وتأكدى انك لو تخاذلتى فأنتى تفعلى جريمة كبيرة فى حقك مرة اخرى وحق بناتك واخواتك وقريباتك وكل المصريات
اصمدى ولاتتنازلى ولايضيع حق وراءه مطالب ابدا

Alkomi يقول...

انتي صح و ماتتنازليش

بل المقاييس

حتى لو طلعلك واحد يقولك ظروف الولد و الكبت و المجتمع

ماهي دي برضه عقوبة من المجتمع على اهمال المجتمع

صراحة مكسوف اوي و انا ما عنديش اقدملك غير التعاطف

همس الاحباب يقول...

اكيد انتى على حق
ولاتتنازلى اطلاقا
والجميع معكى قلبا وقالبا
بس بصراحة اكتر حاجة غاظتنى الموقف السلبى للسكان وموقف اسرته
تحياتى

غير معرف يقول...

enty sa7 akeed we aw3y tetnazly mahma 7asal 3lashan ba3d keda el nas tet3alem

M Al3wady يقول...

استمرى وتمسكى بحقك فما ضاع حق وراءه مطالب
وليكون عبرة لغيره مش علشان خاطر نحافظ علبى مستقبل واحد نضيع مستقبل المجتمع

Mohamed Ibrahim يقول...

لو اهله خايفين عليه كانوا يربوه
مادام مربهوش يبقى هبل اللى بيعملوه

وانتى مش هتخافى عليه اكتر من اهله
خللى المحكمة تربيه

عبدالله يقول...

اتمني فعلا ان كل حد يحترش ياخد حكم انها من الافعال المقززه جدا في المجتمع المصري حاليا اكيد مش هتتنازي واتمني القضيه يبقي فيها حبس مش قولتي النيابه المفروض تحولها امتي عاوزين نتابع الاخبار


تحياتي

أكون أو لا أكون يقول...

حمدا لله على السلامه...
نتمنى أن تتابعي دعواك عليه حتى يتأدب... وأن يكون درساً له و لأهله... وحتى لا يتعدى على أعراض الناس بعد ذلك...
إن تنازلتي... فأنتي تقدمين له فرص للتمادي بدون حسيب ولا رقيب...
وستفرطي في حقك... وستقل قيمتك أمام ذاتك...
تابعى حتى يعرف هو وأمثاله أن في الحياه قوانين... ومن يتعدى يلقى الجزاء... لا يلقى السماح ليكرر ذات الغلط بكل سهوله وتهاون...

حماك الله ورعاك...
أختك...

nouna يقول...

اذا كانوا اهله نفسهم عايزين تربيه واقفين مهاه فى الغلط يبقى الواد فاكر نفسه مغلطش
اوعى تتنازلى عن حقك واللا تكونى غلطتى فى حق نفسك وتندمى دافعى عن حقك للنهاية واستخدمى كل الوسائل الممكنة لازم يبقى فيه ردع

Yasmine يقول...

خليكى ثابتة على موقفك انتى صح اى منطق و اى عرف و اى دين اللى يسمح لكلاب من النوعية دى انها تنجى بعملتها بمنتهى البساطة بعد ما سببوا الرعب ده و اتعدوا على ابسط حقوقك الانسانية و هى المشى فى الشارع زى خلق الله..اثبتى ما دام معاكى الق و ولا يهمك منهم ولا من غيرهم..ربنا معاكى

Unknown يقول...

السلام عليكم ورحمة الله وبركاته
اختي في الله آسر الحقيقة انا اول مرة ادخل مدونتك وانا اصلا جديدة على عالم المدونات بس لفت نظري الموضوع وحبيت اقول رايي بعد اذنك اوعي تتنازلي عن حقك ولن يضيع حق ووراه مطالب لنفرض انه وحدة من بناتك لا سمح الله تعرضت للموقف ده حتسكتي؟ طبعا لالالا ومليون لا ربنا معاكي اختي واللي معاه ربنا ما بخفش من حاجة بدعيلك ربنا معاكي ان شاء الله
اختك في الله
فرح

ميرا ( وومن ) يقول...

آسر

انا اتشرفت بزيارة مدونتك ومش عاوزة اقولك قد ايه سعيدة بيكي ياريت كل المواقف المهببه دي الواحدة تعرف تصرف فيها كدة

ولا تلاقي ظابط شرطة يهتم ويتحرك بسرعه غالباً علي ما البوليس بيجي بيبقي الفاعل في بيتهم نايم

انا وأي بنت نفسها تمشي في الشارع وتحس بأمان متضامنين معاكي

سيكو يقول...

سيدتى الجميله
لقد قرات ما كتبتى وانا احيانا اتعرض لتلك المواقف واعلم ما هو شعورك
ليس اللوم على الفتى سيدتى بل على هذا المجتمع الذى لم يعد به اى شى عن الاخلاق او خشيه الله
سيدتى انتى على حق فى موقفك ولكى مطلق الحريه فى ما تقررين
ولكن اعلمى على قدر خطا هذا الولد على قدر خطا هذا المجتمع الذى ينظر لنا نحن اخواته وامهاتهم وزوجاتهم باننا عاهرات فالخطيئه دائما علينا هم مساكين فقد اثرت شهواتهم وقد نسوا غض البصر والبصيره

ولكن سيدتى
انتبهى
فقد تحولين هذا الفتى الى مجرم

هو يستحق العقاب

ولكن

عندى لك اقتراح
ارجو منك ان تذهبى وتتحدثى معه

وتعلمى كيف وصل شاب فى مقتبل العمر الى هذا

وانا مع عقابه وليس مع تحويله لمجرم

فاذا كنت تسطعين باخد يده من طريقه وتحويل مساره فافعلى فهو محتاج الى مساعده

واذا قدرتى

فاعفو

وان لم يشعر بذنبه

فدعيه فقد اختار طريقه
ولكن حكمى عقلك واستفتى قلبك


لانكى الان يجب ان تحكمى

وفقك الله
فانت فى موقف اشد من موقفه واصعب

الله معك

Empress appy يقول...

اسر انا اسفه من اللى كتبتيه عند محمود ان المجتمع بيقول محجبه او مش محجبه
برضه مش من حق اي حد يجرد انسان من خصوصياته علشان لبس او غير وانتى مش مضظره تدافعي عن نفسك قدام حد انتى زي ما انتى
حتى سوري يعنى الرقاصه اللى بتمشي فى الشارع مش معناه ان حد يتحرش بيها
انتظرنى بس ليوم الاحد وانا اطرقع لكل اللى قال كده فى المجتمع كله على مدونتى وهقول على دور الاعلام واللى المفروض يعمله من اعلانات علشان ميتكررش الموضوع زي ما حصل مع نهي وافتكري ان ناس كتير كانت ضدها وفبركوا صورتها وقالوا شوفوا لابسه ازاي وده زادها جراه وتمسك بحقها مش اضعفها
اسر صدقينى كل واحد من اللى بيتكلموا عن اللبس بيحكم عن طريقه طبقته اعتقد انتى فاهمه دي يعنى الطبقه اللى تحت بتحكم ان لبسها الصح ويبقى اى حد مخالف ليها غلط
كل حد على حسب البيئه
وبعدين حجاب او مش حجاب عمر الحجاب ما كان حمايه لواحده يا ريت يفتكروا الستات اللى لابسه خمار ومن قريب واحد اتحرش بيها فى اكتوبر
وكانت قضيه برضه وكانت بنتها ماشيه معاها طفله صغيره
وسفاح المعادي لما كان بيهاجم الستات ومنهم منقبه
الفكره فكره مجتمع يا اسور مش لبس دي اخلاق
حبيبتى يا ريت تفضلى قويه ومتبصيش وراكي ابدا
عاوزه احس بده فيكي لانى واثقه انك قويه مش ضعيفه

غير معرف يقول...

لأ أنتي صح
صدقيني هما بيتكلموا دلوقتي و يقولوا عشان خاطر الواد ما يضيعش مستقبله و يتمسكنوا
بس لما حتتنازلي حيقولك عيب يا إبني ده إحنا ناس واصلة و بنعرف كذا و كذا


بس عايز أنبه حضرتك لحاجة
مش كل الناس كدة
بالمناسبة أنا كمان طالب و عندي 19 سنة

ربنا معاكي و تبقي نهى العربي التانية

شوية شوية حيحترموا نفسهم
ما أهو أصل اللي ما يختشيش بيخاف

نـــــور يقول...

السلام عليكم
مش عارفه ليه لما قرات الكلام افتكرت مسلسل حضره المتهم ابى

بس انتى صح جدا ماتتنازليش
وهو غلط اه وصير اه بس لازم العبره
ولو كان اهله نصفوكى من الاول ولو بكلمتين تعنيف لابنهم كان الامر اختلف
ربنا يهديهم هما علشان يعرفوا يربوا اولادهم

ياريت مش تتراجعى عن موقفك

بخصوص حاولت ان اردعهم ببعض الصياح ولكن لرقى المنطقة الشديد لم يهتم احد رغم ان البعض القى نظرة من شرفة منزله واكتفوا بالفرجة

هو ده برضو يبقى اسمه رقى ولا انعدم نخوه ورجوله؟!!!!
يبدو انك اخطأت التعبير ياافندم
سعدت بمرورى عند حضرتك

رئيس جمهوريه نفسى يقول...

آسر
انا اعلنت تضامنى معاكى هنا قبل كدة وبعلن تضامنى كمان مرة وبصفتى محامى انا لو في القاهرة اقسم بالله العظيم كنت انضميت لفريق الدفاع عنك وفضلت معاكي لحد ما تجيبى حقك بس انا من قنا للاسف انا مبقصدش يا آسر في البوست بتاعى اللي ممكن يكون تبادر ليكى لا يا آسر انا اقصد اننا نتضامن معاكي ونقف جنبك لحد ما حقك يوصل ليكى لانى راجل قانون بس مش عايز بعد كدة احنا كمثقفين نقف نتفرج على همجية البعض فى الشارع وتعديهم على حرية الناس ولا حقهم انا اقصد اننى انت نموذج يثير الاعجاب بحق وعندك ثقه فى نفسك وكرامة بتدافعى عنها بس للاسف فى غيرك كتير معندهمش دة وكرامتهم وجسمهم بينتهك الف مرة في الشارع ولا عنديهم الوعي الكافي باللجوء للقانون يرجعوا حقهم آسر انا لما بقول منفرغش القضيه فى اسماء مش كنت قاصد حاجه تمسك لا والله لانى بعد نهي رشدى الموضوع مات وخايف انى بعد ما يوصل حقك ان شاء الله ليكى الموضوع يموت ونفضل نتنتظر لحد ما تظهر واحدة تانى عارفه حقها علشان تعلى صوت الناس ونتضامن معاها مش عايز الموضوع دة يتكرر يا آسر انا عندى اخت وبنات اخواتى وبتمنى انى ربنا يهب ليه بنت مش عايزهم لما يكبرو وينزلوا الشارع اخاف عليهم عايز اوفر ليهم الامان وحقهم فى الحياة
بخصوص الكلام اللى اتقال ليكى كلام هبل ولا تحطية فى دماغك اصلا انتى ليكى حق بصفتى محامى عارف انى القانون فى صفك علشان كدة بقولك متتنازليش عن حقك
انا رديت هنا خوفا انك متشوفيش ردى هناك

mohamed يقول...

أنا متضامن معاكى
عندى اقتراح
اولا
ينشروا اعتذار فى جريدة الاهرام
تانبا يتبرعوا بمبلغ كبير لصالح اى مشروع خيرى

mohamed يقول...

وده الحد الادنى مقابل التنازل
وأثبات لكرم أخلاقك
أنما لو ركبتهم العنجهيه
يبقى القانون ياخد مجراه

mohamed يقول...

العقاب الى انا بقوله مش للولد الى مش متربى
ده عقاب وفضيحه لابوه الى معرفش يربى
يعتذر باسمه علانبه عن سوء تربيته
ويدفع حق المجتممع تبرع كبير للاعمال الخيريه

Ehab يقول...

جدعه طبعا انك اتصرفتي كده
واتمنى فعلا متتراجعيش عن حقك

النبي صلى عليه وسلم لم يقبل الشفعه في حدود الدين وغضب جدا من الصحابي اللي كان جاي يشفع للست الغنيه اللي سرقت
يعني المفروض منقولش لواحد اتظلم لا والنبي بلاش تاخد حقك اصله عيل وغلط
ولما اهله عارفينه عيل ومش قد مسؤلية حمل نتيجة تصرفاته بيدوله عربيه ليه ولما هو عيل لو كان مسك الحزام وضربك في الشارع وبعد الشر اتبهدلتي بلا نجده من احد الا الله ومكانش رحمك من افتراه عليكي تفتكري حد من اللي بيشفعوله دلوقتي كان هينفعك
سدي ودنك عن اللي هيضيعونا بتدليلهم لوحوش قذره منطلقه في شوارعنا
ولا احنا عارفين نأمن على اخواتنا ولا زوجاتنا
يبقى فاضل تاني ايه
بلدنا مبقاش فيها شهامه تسنجدي بيها
يبقى خلاص نمشيها رسمي زي الخواجات
واللي عامل شجيع وبيخوف الضعيفه اللي قدامه يفرجنا نفسه في الحبس وسط ناس لا يقلوا عنه سفاله وان كانوا اشرس واقوى منه
خليهم يتربوا

معلش طولت عليكي
سلاااااااااااااااااااااام

ali & hope يقول...

انا رايى تكملى لحد الاخر لان دول مش ينفع معاهم غير كدة وكمان لان والدة مش مقتنع ان ابنة غلطان لانو لو كان حتى قالوا حاجة كنت ممكن اقول اتنازلى كملى الطريق لان دة مش علشانك انتى بس دة علشان بنات وستات كتير انا شاب عمرى عشرين سنة وبشوف مناظر قدامى من معاكسات بتستفزنى بس لاسف مش بقدر اعمل حاجة وبحمد ربنا انى مليش اخوات بنات مش عارف كنت هعمل اية بس بردوا يتخيل اللى قدامى دى امى او اختلى او حد عزيز عليا كملى مش عشان حقك انتى بس علشان الاف غيرك مش بيشتكوى ولا يتكلموا

غير معرف يقول...

السلام عليكم
شفت تنوية على الفيس بوك وقلت اعرف الباقى !! بصى لو تنازلتى فلن تتنازلى عن حققك بل عن حق الالف الفتيات التى تتعرضن لمثل تلك المواقف
لازم الولد دا وغيرة من اللى متربوش يتربوا والا البلد هتبقى غابة
برافوا عليكى وربنا يقويكى يارب

dodda يقول...

بصى
انا بصراحه شديده
مستاءه جدا
لكن
الضغوط حتزيد
واللى خايفه منه اكتر ان الموضوع يزيد هن حد الضغوط

تمسكى الى اخر لحظه
ولا تفسدى حياه الولد
فيتحول الضغط الى انتقام ...
ربنا يستر
بجد احنا بقينا فى مجتمع غريب
كل حاجه بتحصل مش مفهومه
والمفاهيم مقلوبه
واضح ان كل الستات والبنات لازم تشيل سلف ديفنس!!!!

انا عارفه ان الف حد حيقولك اتمسكى واوعى تتنازلى
بس ده ورأى
والرأى يختلف تماما عن الوضع
وضعك انت بس اللى حاساه
وانت بس اللى تقدرى تقيميه
وربنا معاكى

Ahmed Al-Sabbagh يقول...

http://ahmedelsabbagh.blogspot.com/2009/02/blog-post_12.html

غير معرف يقول...

An example must be made out of him, for not only harassing but also terrorizing our women and childern.
Good luck.

A long distance يقول...

ربنا معاكي
ويعينك
استمري في القضيه
علشان الولد الفاسد ده يتعاقب
ويتحاسب
وعلشان يبقى عبره لغيره
مع ان في الزمن ده
مفيش حد بيعتبر
اصبري وان شاء الله ربنا هيجبلك حقك

ahmed_k يقول...

موقفك صح مليون في الميه
ولو كل واحده تعرض لمثل تلك الأفعال الوقحه تقدمت ببلاغ وتمسكت بحقها في تطبيق العداله في المعتدي لما تجرأ أي واحد مش محترم على التعرض لواحده في
الشارع
أنا ساكن في المقطم برضو وبشوف لمة الشباب الكتيره على النواصي
ولكني لم أصادفهم أبدا وهما بيتحرشوا بأي إمرأه
أنا فعلا مش عارف مصر وأخلاق ومجدعة الشعب المصري راحت فين
الله يرحم أيام زمان

غير معرف يقول...

قرأت قصتك في مدونة أحمد ورأيي ان تثبتي علي موقفك .. التسامح والعفو وكل ما سيبرر به الآخرين طلبهم لتنازلك لاينفع في حالة مثل حالتك لان من أمن العقوبة اساء الادب والعقوبة ستجعل غيرهم يفكرون الف مرة قبل ان يسلكوا سلوك هذا الشاب المستهتر

تخيلي لو ان الشرطم لم تنجدك وتخيلي لو ان فتيات اصغر سنا تعرضن لما تعرضت ولم يستطعن المقاومة .. لاتتنازلي لان اب مثل اب هذا الشاب لايستحق لا هو ولا ابنه ان تتنازلي فلو كان لديه ذرة احساس لاعتذر او على الاقل تعلم كيف يربي ابنه

صبرني يارب يقول...

يا حبيبتى ابدا ما تتنازليش وما تعبريش اي حد

خلي كل كلب فى المجتمع الى بقى مجتمع معووج وفاسد ده يعرف انه لما يقل ادبه على واحده فى الشارع هايطلع عينه

وخلي كل اب وام يتلموا ويعرفوا يربوا عيالهم بدل ما سايبنهم فى للشارع والحشيش يربيهم

معاكي قلبا وقالبا وكمدونين كلنا ان شاء الله معاكي ومع اي حد له حق بيطالب به

وما تقلقيش ما دام بيجروا وراكي بالوسايط يبقى الواد ده احتمال كبيره ياخد حكم

خليه ياخد حكم ويضيع مستقبله ولا يولع بجاز هو كده كده ضايع
اهالي تقرف

مهندس مصري بيحب مصر يقول...

شوفي المقالة دي عن نفس الموضوع
http://ahmedsaed.blogspot.com/2009/02/blog-post_13.html
بس متناوله بتحليل شامل و نظرة واسعة جداً

arabesque يقول...

اثبتي على موقفك
انت صح

you know who يقول...

سيدتى
اقول لك انك على صواب و ان الكثير من الاباء يحتاجن ان تعاد تربيتهم قبل اولادهم. لا تتنازلى عن موقفك , ليس من اجلك و لكن من اجل كل انثى تسير فى ربوع مصر.
و اتمنى ان اجد ما استطيع ان اساعدك به اكثر من الكلام.
احترم شجاعتك التى عاهدتها بك.
)) على فكره رجعى القانون تانى انتى كان معاكى قاصر و دى فيها مصيبه ليهم))

you know who يقول...

سيدتى
اقول لك انك على صواب و ان الكثير من الاباء يحتاجن ان تعاد تربيتهم قبل اولادهم. لا تتنازلى عن موقفك , ليس من اجلك و لكن من اجل كل انثى تسير فى ربوع مصر.
و اتمنى ان اجد ما استطيع ان اساعدك به اكثر من الكلام.
احترم شجاعتك التى عاهدتها بك.
)) على فكره رجعى القانون تانى انتى كان معاكى قاصر و دى فيها مصيبه ليهم))

إيمان قنديل يقول...

الحبيبة أسوور



أظن بعد كل الناس اللي بتناصرك دي اصبحت في مركز قوة بالحق الذي معك وبكل الشرفاء الذين يرفضون السفالة وقلة الأدب والأستهانه بالآخرين ، وياريت تطلعينا على المستجدات هل أتوا اليك ثانية؟ هل عرفوا مايحدث بين المدونين الآن؟....لو حبيتي تتفاوضي معاهم وكانوا مؤدبين ويقدموا أعتذار ملائم ممكن تتنازلي وده درس ليه ولغيره ،ولو موش عايزه برضه انا معاكي قلبا وقالبا وعلى طول الخط ومن غير نقاش

وميض ابتسامة يقول...

عارفة لو كان ابوه اخذ موقف متشدد معاه وعنفه بقوة وامامك كان ممكن الموضوع ينتهى وجايز كنت ساعتها اعتبرت ان ده نوع من الترضية ومن الجائز ان تتنازلى عن المحضر
..
لكن المحزن فى الموضوع هو موقف والده المحير .. فمعايير الاخلاق والتربية اخذت منعطف خطير واصبح الاب والمربى الفاضل مشاركا ومنغمسا فى جريمة ابنه بكل صفاقة متجاهلا كل الاعراف والاصول

عموما كلاهما فى حاجة الى درس من الحياه .. وليتحمل الاب نتيجة صلفه وغروره وعدم تربيته لابنه وليأخذ الابن درس عمره لعله يتعلم شىء

الجواز و سنينه يقول...

بصى انا مقدره موقفك جداااا
بس انا عايزه اقولك ان فعلا مستقبله هايضيع و ان ابوه كان عنده حق انه يقف معاه بس اكيد فى البيت كان هايبهدله
بس لو بهدله فى القسم يبقى اكد الموضوع اكتر
طبيعى ان الابهات و الامهات تقف فى صف اولادها حتى لو متأكدين انهم غلطانين
متهيألى كفايه انه اتبهدل لغايه كده و اكيد عرف معنى الزل و اكيد مش هايكررها تانى
و الحمد لله مافيش هتك عرض او حاجه ما تتصلحش و الحمد لله
و بعدين ما كانش لوحده اللى عمل كده حتى لو هو اللى بدأ بس كان فيه غيره ليه يتعاقب لوحده علشان طلع اهبل و ماهربش؟؟؟
مش بدافع عنه بس صعبان عليه مستقبله اللى فعلا هايضيع لو عايزه تخوفيه فهو و اهله اكيد مرعوبين كفايه
بس ما توصلش لضياع المستقبل
العفو عند المقدره

الازهرى يقول...

موقف الاب يتكرر كثيرا هذه الايام لانه فى الحقيقة يدافع عن نفسه ويحاول الا يبدوا مقصرا فى تربيته وتنشئته

وإذا كنت مؤمنة أنك تقومين بالأمر الصحيح (وهو فى رأيي كذلك )فلا تتنازلى عن موقفك مهما كانت الضغوط
والكل بالطبع سيتضامن معك ما دمت تطالبين بحقك

تحياتى دوما

أنا حر يقول...

لازم مستقبله يضيع هو واللي زيه
لازم مانخافش عليه مادام هو مخافش على نفسه ولا خاف علينا
كلنا معاكي خليكي على موقفك ضده وضد اي حد يعمل الجريمة دي
قلبي عندك لاني عارف الضغوط اللي بتتعرضي ليها بس خليكي عارفة ان الموضوع كان ممكن يتطور اكتر من كده لا قدر الله وكنت هتتأذي اكتر من كده
خليكي على موقفك وكلنا معاكي بجد
تحياتي

dr.lecter يقول...

حتي لو كان واسطه الواد ده رئيس الجمهوريه اوعي تتنازلي

الله يكون في عونك انت بتحاربي لوحدك

همسات دافئه يقول...

يمكن انتى الى تحسسينى بالأمان لما أمشى فى الشارع تاني

يمكن انتى الى هاتدينى قوه وثقه انى مش هاضيع فى البلد ده

انتى صح
خليكى فى طريقك عشان نفسك وعشانى وعشان كل بنت أرجوكى:(
خدى حقنا وكرامتنا الى بتضيع كل يوم:(
متهديش كل ده بالتنازل ده مش طالب عنده 19 سنه ده رمز من الى ماشيين فى الشارع وصدقينى هيرعب الباقيين
اثبتي

غير معرف يقول...

لو اتنازلتى الولد يبقى مش هنخلص من التحرش دة ابداً
أما بالنسبة لمستقبلة ده يتحمل مسؤوليته أهله اللى معرفوش يربوه
وبعدين أى حكم حتى لو كان الغرامة بس هيكون درس ليه ولكل اللى زية

أية الشقية الشعنونة يقول...

مدة لا تتجاوز عن سنة

هى دى العقوبة

فى ناس اعتادت الإجرام خلاص

وبقا الحبس ليهم معتاد

سنة دى هتفرق معاهم ف ايه

إذا كان الأهل والأب معه

فكلنا معكى ايضا قلبا وقالبا

فجميع الفتيات محتشمات وغير محتشمات
الحلوة والوحشة
الموضوع مبقاش متعلق بالفتاة نفسها

الموضوع بقا هياج وتعطش جنسى غير عادى لدى الشباب

والله وحتى الطفال والشيوخ
ألفاظ وسفالة

اللهم أحفظنا يارب

أحييكى على موقفك واحييى زوجك

فلتثبتى

الله معك ومعنا

تحياتى
سلام عليكم

mohamed يقول...

سيدتى نشرت
بوست بمدونتى شوية كلام
تضامنا معكى
ومع أى أحد
يتم التحرش به
الله معكى

موناليزا يقول...

طبعا موقفك صح
ولا تتنازلى مهما حدث
ويكفى انك لما اتصلتى بالنجدة حد جالك وده كان ممكن مايحصلش وساعتها مكنتيش هتعرفى تاخدى حقك فمش معقول بعد ماحد جه عشان ينقذك انتى تتنازلى فى الاخر

وردة فرح يقول...

انتي ما غلطتي ..
بالعكس خله يفهم و يتربى ..

و يعرف ان الدنيا مب فوضى ..
اذا كل حد بيسكت عنه بيزيد و بيصير العن ..

هذا رايي المتواضع .. :)
و دمتي بود ..

mohamed يقول...

السيده والاخت آسر
أشكرك لزيارتك وتعليقك
لقد علمنا رسول الله أن الحق حق
ولقد علمنا أن نحترم الكرامه البشريه
هذا السلوك الوقح لولد تصور أن المال والنفوذ لاسرته يجعل كرامات الناس ملعبا له ولامثاله من الذين تصوروا من جهلهم أنهم ملكوا الارض وما عليها
مع ان خليه اصغر من واحد على الف من المليمتر قادره على ان تجعل أفضلهم مالا ونفوذ يتمنى الموت ولايستطيعه
الله مع كل مظلوم

فأن زوال الارض أهون عند الله تعالى من ترويع أنسان
تحياتى لكى وأحترامى
سواء كنتى محجبه أم لا
وسواء كنتى مسلمه أولا
أحترامى لكل بنات مصر ورجالها
الذين يحترموا أنفسهم
مثلك
دمتى أخت فاضله

Unknown يقول...

انا احلفك باغلى حاجه عندك تكملى ومش تظنى ان التفافنا حولك مجرد كلام ويوم هينتهى
انتى عانيتى مشكله كلنا بنعانى منها وانا لو مكانك عمرى ما هسكت مع ان لو ابويا مكان جوزك هيمنعنى او اهلى هيمنعونى اعملى الى كتير مش هيقدروا يعملوه
انتى صح انتى ام
انتى مثال ليا ولكل البنات من سن 5 سنين والى بيتحرش بيهم فى زماننا ده للستات الى وصلوا سن كبير
انتى يبقى حرام عليكى لو سكتى عن الحق
الى يسكت عن الحق بيهين نفسه
ويهين المجتمع
ويهين الدين ويهين كل حاجه كويسه وانسانيه
كملى يا آسر
وانا معاكى وهنزل الجامعه بتحقيق مميز ان شاء الله الاسبوع الجى واكشف عن حوادث حصلت قدامى
حتى من اطفال صغيرين ملقيوش حد يربيهم وخدوا التحرش من قدواتهم الكبار انا مش عارفه اتكلم واقول ايه لأنى خلاص والله تعبت من الموضوع ده من كتر ما بشوفه فى الشارع ولازم وقفه
وقفه نقول لقلة الدين قلة الخلق كفايه انا انسان ليا حق فى انك تحترم نفسيتى الى انت بتدمرها

دى اول مره ادخل مدونتك وربنا معاكى وكلنا معاكى
وربنا يباركلك فى زوجك

Marwa Rakha يقول...

http://globalvoicesonline.org/2009/02/13/egypt-harassed-blogger-raises-hell/

غير معرف يقول...

ربنا بثبتك هذا ابسط شيئ يحصل مع من لم يربيه ابيه فليربيه القانون لان التحرش اصبح للاسف ينظر اليه باستخفاف ارجو ان تثبتي علي موقفك لان هذا ما سوف يحفظ حقوق بناتنا في المستقبل لا تفرطي في حقك

Hossam يقول...

سلام عليكم
انا بجد انزعجت جدا من المووضع ومكسوف انى فى اشياء بيندرجوا تحت اسم رجال وهم لم يستحقوا.انا عندى بس ملاحظة ان مع كل اللى حصلك مينفعش صورك تتنشر عل النت وعلى الفيس بوك وده مش عشان مجتمع شرقى وحتى فى امريكا واوربا ممكنوع نشر صور اصحاب حوادث زى دى لان ده غلط فى حقك انتى.مجرد راى
وطبعا انا معاكى وبحيكى انك ناقشتى موضوع زى ده بالطريقة دى
تياتى وسلامتك من كل شر انتى وابنتك.

دنـيـا محيراني(ايناس لطفي يقول...

اسر انا وضعت كل اللينكات للناس فعلا شاركونا التضامن في مدونتهم
http://3azatklm.blogspot.com/2009/02/blog-post_13.html

Unknown يقول...

السلام عليكم
باختصار ينبغى أن يعاقب المذنب ليس فقط لعقابه ولكن حتى لا يضيع الحق بين الناس
حتى يكون قدورة لغيره
وتكونى قدوة لغيرك
أرجو أن تستمرى
دمتِ بكل الخير

أحمد سعيد بسيوني يقول...

حقيقي نحن معك قلبا وقالبا

ولا تتنازلي مهما كان الثمن

يجب ان يعتبر هؤلاء ومن على شاكلتهم

كان الله في عونكم

Unknown يقول...

والله يا اخوان ... انها مشكلة ... اللي يقول لا تتنازلي كلامة صحيح ... لكن هذولا عيال صيع ... يعني تخيلوا لو طلع بكفالة مش ممكن انه يتعرض لها تاني ... كيف حتحمي نفسها ... لأنها سكنه هناك ومش عاوزة تخش في مشاكل وعوزة تعيش مطمنة فلازم تشوفوا لها حل من الناحية هذي

والا المفروض مثل هذا الموقف لازم له عقاب ورادع كمان ... لأن المصيبه هي في عدم الشعور بالاطمئنان مستقبلا

الله يعينك وينصرك

غير معرف يقول...

dont ever ever ever ever think twice that u did anything wrong his parents are the ones who did him wrong .Also what if u didnt catch him that day you would've beeen more depressed than now.Go on and sue that SOB .Clean this country

غير معرف يقول...

صباح الخير
آسر أنا بقرأ التواصل الحاصل فى جروب كلنا ليلى
ولاحظت التوجس الضمنى الغير معلن اللى داير فى النفوس عن حكاية نهى رشدي واللى قالوه عنها

لازم تعرفى ان كل حق لازم يكون وراه مطالب شجاع
بالتأكيد انتى هتتعرضى لسخافات ومحاولات تشويه سمعة
وتقليب فى الماضى القريب والبعيد ممزوج بإفتراءات لو زودتى الضغط شوية

صدقينى ما تهتميش بأى شىء
انتى صاحبة حق وبتدورى على كرامة مجتمع مش كرامة فرد بس

كلنا معاكى ولو بأبسط شىء نملكه
بالدعاء ان ربنا ينصر الحق
ولا يضيع حق وراءه مطالب

لازم تكونى قوية
فيه مثل شعبى حكيم اوى بيقول

الطلب الهين يضيع الحق البين

خليكى قوية وحطى اسوأ الافتراضات عشان لو لا قدر الله حصل سخافات تكونى نفسيا مهيأة لقبولها


ربنا معاكى يا قمر
ربنا يسترها عليكى وعلينا وعلى كل بنات مصر
وولادها كمان

micheal يقول...

ياسمين
ممكن أطلب منط طلب
يا ريت تطمنينا علي اخر أخبار الموضوع ده ببوست جديد
وبجد انا نفسي من جوايا الواحد يقدر يعملك حاجة أكثر فاعلية من جروب الفيس بوك
فائق تحياتي

tarek momen يقول...

لا تتنازلي و اثبتي علي موقفك ففيه صالحك و تربية للولد الجاني و صلاح للمجتمع و لا تستهيني بالموقف فربما تكوني اول الغيث لايقاف مثل هذه الممارسات المعيبة من شباب و اباء لا يقدرون النعمة التي انعم الله بها عليهم

غير معرف يقول...

طبعا أنا بقول إن التنازل ليس معناه أبدا ضعف منك و لكنه منتهى القوة ،لأنكي تغلبتي على مشاعر الإنتقام و لكن في نفس الوقت من حقك أن لا تتنازلي

و من رأيي أن تتشاوري مع الضابط الذي قبض على هذا الشاب المتخلف

و لكن في الحقيقة موش ده اللي خلاني أعلق على الموضوع أنا خايف من حاجه أفظع من كده بكثير

أنا ملاحظ إن التحرش الجنسي بالبنات أصبح في جزء كبير منه لأسباب دينية

فهو نوع جديد من الجهاد الإسلامي لإجبار الفتيات على إرتداء الزي الإسلامي

فأنا أتعجب ما الذي يجعل هذا المتخلف يتحرش بإنسانه لبسها محترم مثلك و لو أنها ليست محجبه و على قدر كبير من الجمال ،و لكن ملابسها محتشمه ،و نرى كثير من المحجبات يرتدون الملابس الضيقه جدا و التي تظهر جميع أعضاؤهم التناسلية و لكن المهم الإيشارب الذي على الرأس ,و مع ذلك لا يتعرض لهم أحد .

و نتيجه للتربية الإسلامية التي ترباها هذا الشاب و أمثاله و رؤيته لأمه بالزي الإسلامي و إخوته و ثناء أهله على المنقبات فهو يشعر في قرارة نفسه أن أي إمرأه تترك شعرها هي ماجنه ووجب القساس منها و طالما هي ماجنه فحلال معها كل شئ ،و هذا التحرش هو نوع من تأديب الفاسقة .

و مما يؤكد كلامي ما ذكرتيه يا آسر أن والده يظهر أنه فخور به و أن إبنه عمل عمل عظيم لأنه تحرش بفتاه غير ملتزمه إسلاميا ،فمن الطبيعي في موقف كهذا و لو حتى من باب المجاملة للضحية أن يعنفه والده أمامها لكي يرد لها جزء من كرامتها و لكن الواضح أن أبوه نفسه مقتنع بما فعله

فهل لو فعل هذا الولد نفس الفعل مع فتاه محجبه فماذا سيقول له أبوه في حينها ؟؟؟؟؟

و للأسف مثل هذه الأمور تجعل الإنسان غريق في مستنقع الشك فلا يعرف أين الحقيقة ,و لكن الظاهر لي أن حملة التحرش الفتيات الغير محجبات في زياده كل يوم بتحريض غير مباشر من رجال الدين ،و هو نوع من الجهاد بقصد نشر الفضيلة في المجتمع ،فإذا كان الفتاه التي تكشف وجهها في السعوديه يقوم مندوب الهيئة بضربها بالكرباج ،فهنا في مصر العقاب من نوع آخر وهو مسكها من أجزاؤها الحساسه كنوع من العقاب البدني على سفورها .

لأهمية الموضوع يا آسر ياريت تخصصي له بوست مستقل و تنقلي له تعليقي هذا

سلامي و تحياتي

مهندس مصري بيحب مصر يقول...

رداً على مصلح إجتماعي
======================
تعليقك هو أعجب التعليقات و أغربها
من اين اتيت بهذه الفكرة العجيبة
ثم إذا كانت جميع أنواع النساءفي مصر تعرضن للتحرش سواء كن منقبات او محجبات حجاب شرعي او محجبات حجاب غير شرعي مثل اللاتي وصفتهن او غير محجبات
و ذلك طبقاً للمحاضر و الإحصائيات و الدراسات الرسمية
فما هو دليلك على وجود ما تزعم

77Math. يقول...

لا تتنازلي

الدفاع يقول...

السلام عليكم
انا اؤيدك فى تصميمك على عدم التنازل اولا علشان ده حقك وثانيا علشان يتحقق بعض من مفهوم الردع للفئه اللى منها الولد ده
وربنا معاكى وانا يشرفنى انى اتضامن معاكى ومع اى حد يقع عليه ظلم وباى شكل
وادعو الله لكى بالتوفيق ان شاء الله

Wild at Heart يقول...

Asser I have sent you an e-mail (my name is Noha) so let me reply to one of your commentators :)
إلى "الجواز وسنينه
وجهة نظرك هي أحد أسباب ضياع الحقوق وانتشار هذه الظاهرة المقززة بيننا لحد ما بقت "عادي"، الزفت ده كان عارف كويس إنه بيعمل حاجة غلط ولو ماكانش عارف كده ماكنش انكر في القسم، لما مستقبله يضيع يبقى هو اللي ضيعه بإيديه مش آسر ولا أي بنت تانية هي السبب، أرجو تراجعي موقفك يا "الجواز وسنينه")وتعرفي إن العفو عند المقدرة في اللي مثلاً خبطني بالعربية من غير قصد لكن جرح حيائي بالشكل ده يبقى لازم يتعاقب."

daktara يقول...

ممممممممم
تحرش تاني؟
انت غيرتي اسمك الي اسر
اشمعني؟
اسامه ياسر بيسلم عليكي

الجواز و سنينه يقول...

الرد ده على
Wild at Heart said...

حكايتك مع التحرش ليهااكتر من 13 سنه؟؟؟؟؟؟
عايزه اقولك حاجه
لو واحد ساب باب شقته مفتوح و جه حرامى و سرقه يبقى العيب على الحرامى
و لا عليه
و لو واحد قفل باب الشقه كويس بس برضوا اتسرق يبقى العيب على الحرامى و لا عليه
الواحد يعمل اللى عليه الاول و بعد كده يشتكى
هو ده بالظبط لما الواحده تكون ملتزمه فى لبسها و تتعاكس يبقى العيب على الشاب و ساعتها تقطعه اربا اربا
لكن اللى لابسه مش ولابد و عايزه الناس تبقى مؤدبه طب ازاى؟؟؟؟
اعرف ناس كتر اوى و على درجه كبيره من الجمال و مش بيعانوا من التحرش لانهم بياخدوا بالاسباب يعنى بتخرج فى موقت مناسب ليها من ناحيه الامان حد بييجى ياخدها من المكان اللى هيه فيه
فيه حديث عن الرسول ما معناه ان لما الزمان يبوظ فكل واحديلزم بيته
مش هاقولك ما تخرجيش
اخرجى بس خدى احتياطات امانك و انتى مش هاتعانى من التحرش
مش كل واحده تعمل اللى ما بدالها و تقولى بيتحرشوا مهم لازم يتحرشوا
يعنى هايبقى التلفزيون و النت و الفضائيات و البنات فى الشارع و الظروف الاقتصاديه والزمن على الولاد

غير معرف يقول...

ماذا عن ضحايا الاغنصاب من قبل فوّات الأمن بذاتها؟ من يحاسبهم؟ بل من يراهم من الأساس ؟ اللهم الّا من تسرب له الحكومة أفلاماً!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!

Ola يقول...

طبعا معاكي حق!! و بعدين مستقبل ايه ده اللي حيضيع من سنة سجن كحد أقصى!! ده تلاقيه بيسقط كل كام سنة مرة

غير معرف يقول...

نرجو اعلامنا بمعاد الجلسة لعمل اللازم
و انا واثق انك ستحصلين على دعم هائل من المدونين و الحركات النسائية و الفيسبوكيين

سيذهل ذاك الاب الانانى المثالى

لابد من تاسيس ان الدنيا بتتطربق على دماغ المتحرش
و ازالة رعب الشوارع و اعادة الامن الى الناس
و ده مش ح يحصل الا لو اللى يفكر فى التحرش يحط عقله ف راسه كويس قوى قبل ما الدنيا تتطربق على دماغه


مجدى الشافعى

blackcairorose يقول...

انا جيت متأخرة بس بصراحة مش عارفة آخد رأي فى الموضوع لاني ساعات بقول قرصة الودان كفاية، بس برضه برجع واقول ان من مشاكلنا الازلية انه مفيش عقاب رادع لكتير من الجرائم فيمكن قرصة الودن مش كفاية

يتبقى انك اقدر واحدة انك تخدي قرار فى الموضوع ومفيش قرار خاطىء تماما او صحيح تماما لان كل قرار من الاختيارين فيهم عوامل سلبية وتانية ايجابية

وياريت الموضوع ده زى موضوع نهى برضه يسلط الضوء على الجريمة اليومية المسكوت عنها فى شوارعنا

Rosa يقول...

انتي صح جداً جداً مليون في الميه من فضلك اوعي تتنازلي الولد دا لازم يتربى لانه زي ما انتي قلتي واضح من موقف والده ان الدلال أفسده و لو خرج من الموضوع دا و ما اتعاقبش هيفتكر ان الموضوع سهل و بسيط و هيكرره بدل المرة مليون

اللي أهله ماربوهش و هم كمان ناقصين تربية و بيتصرفوا بالعنجهية دي يبقوا لازم يتربوا

و كمان انتي موقفك دا لكل الستات مش عنك لوحدك دا هيشجع كل بنت و كل ست انها ماتخافش تاخد حقها

أرجوكي أرجوكي و أرجوكي إلى ما لا نهاية اوعي تتنازلي

simply me يقول...

ربنا يقويكى
اثبتى على موقفك وانا عارفه ان الموقف صعب

بس العيال دى لازم تتربى هو اكيد اهله هايجيبولوا مليون محامى ومش بعيد يقول انك انتى اللى عاكستيه

بس على الاقل يعرف ان لسه فى عقاب
وحسبى الله ونعم الوكيل فى الاهالى اللى مش عارفه تربى كلاب السكك دى

أسوور يقول...

مصلح اجتماعى

الجواز وسنينه

اللى انت بتقوله دة انتهاك صريح لحقوق الإنسان .. يعنى مثلا هل من حق الغير مسلمين انهم يتحرشوا بالمحجبات لأنهم مفيش فى دينهم حجاب؟؟؟؟؟؟؟؟؟؟؟؟؟؟؟؟؟؟

هل يبيح الدين الإسلامى ايذاء حد مش عاجبك شكله او مش ماشى على منهجك هكذا بكل بساطة؟؟

والم يأمرك الله بغض البصر؟؟

واحب اقولك يا سيدى مايلى ولو ان مش من حقك .. لكن هقولك

انا كنت ارتدى ملابس الحداد لأن فردا من العائلة توفى وكنت متجهة الى المسجد المقام بع العزاء فى المهندسين

لم اضع اى مساحيق تجميل فى هذا اليوم

انا ان أم لإبنتين وزوجة لرجل محترم جدا لا يستحق ان تنتهك حرمة زوجته فى الطريق العام

والدى رجل سياسة معارض ورجل أعمال ربانا على الإعتزاز بالنفس وان الكرامة لا شىء يوازيها فى العالم ..

أمى استاذة جامعية تدرس الفقه والشريعة

اخوتى الأربعة لكل منهم مركزه فى المجتمع

لم يحدث ان خرق احدنا القانون يوما

ان ما تقوله يبيح ما يفعله الأمريكان بالفتيات المحجبات فى الطريق العام هناك .. فإحذر .. رايك يؤذى الإسلام ولا يفيده

الولد لم يغض بصره ولا هو لا والده ملتزمين كما تعتقد .. ولم يحاول الإعتذار حتى ولا التبرير .. هو بينكر وخلاص

وماذا عن غير المسلمات؟؟؟

الموضوع هنا .. هل من حق اى حد انه يقترف السوء فى حق حد مش على نفس منهجه ام لا؟؟

ولو نسيت اقفل بابا بيتى حتى وجه حرامى سرقنى .. هل القانون يعفيه من المسئولية؟؟

وهل الدين .. كل الأديان تعفيه من المسئولية؟؟؟
تحياتى لك لأن اختلاف الرأى لا يفسد للود قضية

Zeinobia يقول...

Asr, speaking of strange comment please read a comment from someone outside Egypt in my blog in the post I wrote about your incident

Zeinobia يقول...

مصح اجتماعى
طب و البنات المحجبات و المنقبات اللى اتعرضوا للتحرش فى جامعة الدولة !!؟؟؟

ibn_abdel_aziz يقول...

لا تتحرش بأختك

http://justice4every1.blogspot.com/2009/02/blog-post_15.html

‏«الأقدم ‏‹أقدم   ‏1 – 200 من 254   ‏›أحدث ‏أحدث»