السبت، 13 يناير، 2007

أول لقاء

التقينا فى تريانون المهندسين اليوم فى تمام السابعة .. كنا 6 من المدونين ..
حضرت مع سمراء النيل
و وجدنا محمد عبد الغفار منتظرا فى الموعد
http://inside-view.blogspot.com//
بعدها حضر الحصان الأسود
ثم تلاه رجل ميت
وأخيرا حضر بكرة أكيد أحلى
http://raspoutine1.blogspot.com/
تعارفنا .. ثم بدا كل منا فى شرح كيفية معرفته بالبلوجات عموما .. ثم السبب فى فتح بلوج خاص به
إقترح رجل ميت أن نلعب لعبة الصراحة .. فإخترنا شخص منا وكان أولنا بكرة أكيد أحلى .. وقام كل منا بتوجيه سؤال له .. وهكذا تلاه الحصان الأسود .. ثم أنا ياسمين .. ثم رجل ميت .. وفى النهاية استمتعنا بإعترافات الجميلة سمراء النيل
حقيقة لم أشعر منذ مدة طويلة بسعادة كما شعرت وأنا مع تلك المجموعة من المدونين .. الصدق كان شعار اللقاء
قال كل منا رأيه فى الآخرين من الحضور كإنطباع أول
عبر الجميع عن آرائهم بمنتهى الصراحة فى موضوعات شتى
سياسة .. دين .. مدونات أخرى
انصرفنا فى حوالى الساعة 11 ونحن فى غاية السعادة
أنا عن نفسى حاسة بسعادة ما حسيتهاش من زمان
حاسة انى لقيت اصدقاء بجد كلهم يتحبوا بلا استثناء
اللقاء القادم هيكون انشاء الله
يوم الجمعة الموافق 2 فبراير
لسة ما حددناش المكان
نتمنى نكون أكثر عددا
الدعوة عامة

هناك 31 تعليقًا:

smraa alnil يقول...

ياسمين
بجد كان يوم تحفة وان استمعت حجدا
اي نععم اتاخرت وكنت هتعلق
بس بجد مروحة وانا مبسوطة
يمكن dead man
انا اعرفه واعرف ايمن وانتي وحصان اسود
لكن مش كنت اعرف محمد عبد الفار
بجد كان يوم لذيذ اوي
كان فيه كل حاجة
مشاحنات
وارتباكات
وضحك
وسخرية وجد
واختلاف في وجهات النظر
وقدرت بجد اتقرب اكتر من العالم اللي دخلت فيه
تجربة كانت حلوة اوي
كان نفسي يبقي معايا بنات كتير بس تتعوض
بقي
شكا ليكي يبجد يا قلبي

dead man يقول...

طيب أنا مش هقعد أقول أن أنا كنت مبسوط قد ايه .. لأني كنت مبسوط علي الاخر..

شكرا لكم جميعا

بين الأمل و اليأس يقول...

مبوك عليكم اول تنفيذ لعالم المدونات على ارض الواقع
يارب كدا تفضلوا علطول احباب وتزيدوا يبوم بعد يوم
اهداء خاص لاصحاب اللقاء الاول
كان نفسي تكون معايا
دي اغنيه عندي بس مش عارف لمين بصراحة
وربنا يسترها

albida يقول...

هو أنتم عايزين تغيظونا يعنى؟!! أجى عندك الاقيكى بتكلمى عن اللقاء.. أروح عند انجى الاقيها بتتكلم عن اللقاء
:(

الحمدلله أنه كان يوم جميل وأهم حاجة انكم اتبسطوا
:)

manal

حفصوتشا ام مصطفيتش يقول...

والله فكرة جميلة جدا و الاحلى انها بالفعل اتحققت

و حلو كمان انكوا اتكلمتوا واتناقشتوا في بث حي و مباشر

يارب الموضوع فعلا يتحول لاكتر من كده و تزيد رقعة تطبيقه

تحياتي

غير معرف يقول...

يا سمين انا اعجبت جدا بحضورك اللى غطى على القعده وانا كنت متخيلك كده
بس انا كنت عايز تقرى البوست بتاع انجى
انا اسف اناى كنت جى فى حاله وحشه بس محبش ان انجى بالذات تقول عليا نكد وانا قررت ابعد عن المقابله دى عشان متحسوش انى انسان نكد
صدقينى الظروف هيا اللى بتتحكم فى مشاعر الانسان فى لحظه وفى لحظه تانيه بتنتهى
ومنكتش عايزكو تاخده عن الانطباع ده وانا بجد اسف
وبجد تانى شرفت بمعرفت


ايمن فاروق

Mohamed A. Ghaffar يقول...

بجد كان 4 ساعات ونصف تحفه ومش هقول اكتر من كده الباق هيبقى فى موضوع هنزله عندى فى المدونة بس اما ياسمين تبعت الصور اللى شكلها كده ضربت عليهم لا نشرتها ولا بعتتها على الميل زى موعدت

أيمن فاروق بكره احلى من النهادره يا ايمن مش كده ولا ايه ، ومتعتذرش احنا كنا مبسوطين كلنا بيك

الحصان الأسود الوحيد اللى مبعتش تعليق انت هربت ولا ايه يا ريس

linda يقول...

خيانة


بس انا بدي تعويض على بعادي شو رايكم هههه

ياسمين يقول...

سمراء النيل
عندك حق فى موضوع ان عدد البنات يزيدوا شوية .. ودى حاجة لازم نحاول فيها .. مش معقول ان نسبة حضور الأناث تكون 30 فى المية
لازم نسعى انها تكون 50 فى المية على الأقل

ياسمين يقول...

dead man
كنت مبسوط على الآخر
دة شرف لينا يا فندم
احنا كل هدفنا انك تمبسط يا ميت باشا
بجد كنت منور القعدة
وحرصت على المشاركة فى كل الموضوعات

ياسمين يقول...

بين الأمل واليأس
البيداء
حفصوتشا
ليندا

اشكركم على تشجيعكم .. بجد سعدت جدا لما لقيتكم بتشجعوا اللقاء
وتكونوا معانا بقى المرة الجاية

شادي فايد يقول...

امممممممممممممممممم


بجد بجد كان نفسي اكون معاكم
انا بصراحة خوفت ورهبت الموقف
ولم احضر عن عمد

معاملة البني ادم اكيد مختلفة عن
معاملة مدونة

بس مدام الاغلبية طلعت مبسوطة
انا ح احاول التغلب على خجلي
وان شاء الله حكون موجود في اللقاء الثاني


ايه يعني نسبة البنات
30%
ليه التفرقة العنصرية دي

بنات ولاد مش مهم
المهم نكتسب اصحاب جدد
ونشوف افكار مختلفة

ثانيا
ياسمين
انت عايزة البنات
50%
على الاقل

يعني قصدك اكتر مش مهم

انت من بتوع
حقوق المرأة
!!!!!!!!!!!!!!1

:)
:)

micheal mohsen يقول...

شوقتينا يا ياسمين..أنا بجد كان جوايا بعض الشك أن الفكرة الجميلة دة تنجح بس دلوقتي أنا متأكد أن نجاحها حيكبر

Abdou Basha يقول...

جميلة الفكرة
كويس اديتونا انطباع كويس عن لقاءات المدونين

:)

Mohamed A. Ghaffar يقول...

عزيزتى ياسمين

أنا خلاص نشرت موضع اللقاء عندى بالصور كمان

ياسمين يقول...

شادى فايد
ضحكتنى .. بصراحة ىه طبعا عاوزة نسبة مشاركة المرأة تكون أكبر
ودى فيها حاجة دى

نتمنى مشاركتك بقى يا شادى المرة الجاية

ياسمين يقول...

مايكل محسن
اشكرك على التشجيع الجميل دة
وتكون معانا بقى المرة الجاية
صدقنى هتمبسط جدا

ياسمين يقول...

عبده باشا
حقيقى كان لقاء جميل
عاوزينك معانا المرة الجاية

ياسمين يقول...

محمد عبد الغفار
صديقى الجميل .. حالا رايحة أشوفه

Harmless يقول...

اختنا ياسمين
قضيت بالامس وقت ممتعا جدا فى قراءه كل خواطرك وكل ردودقراءك ولانها المرة الاولى التى اتعرف فهيا على المدونات فقد اثارت داخلى الكثير من التفكير وحفزتنى لكثير من التعليقات التى كانت تقفز الى عقلى مع كل موضوع ومع كل تعليق وكلما عقدت العزم على الكتابه انساب الى عقلى تعليق جديد من زاوية جديدة ونظرة اخرى حتى حزمت امرى واغلقت جهازى وخلدت الى كتبى وتليفزيونى وجرائدى لتلتهم البقيه الباقيه من ليلى
واليوم جئت لاسئلك سؤالا دار فى ذهنى كثيرا وهو
هل كانت فكرة اللقاء الشهرى فكرة حكيمه؟
كنت ارى دائما ان النت خلقت عالم افتراضى مبتكر له خصائص لم يكن من الممكن وجودها الا فى هذاالعالم الذى يتيح التقاء الالاف وانفضاضهم وتتيح لهم التواصل والافتراق والاتفاق والاختلاف والرفض والقبول, عالم يتيح لهم كل انواع النشاط الفكرى والوجدانى والروحانى وهم احرار من القيود الاجتماعية والاهداف الخفيه واهواء النفوس وتبريرات العقول
كل المخلوقات لها اجساد والانسان له جسد وعقل وجاء اخيرا عالم النت ففصل العقل عن الجسد وحرر الافكار من الماديات وجعلنا جميعا فى عالمه عقول فقط بدون اجساد وافكار بلا وعاء
بالتاكيد انك انتى وانا وكل القراء لنا عالمنا الحقيقى وشخصياته الكثيرة والتى بمجهود صغير يمكن زيادة مساحته واكثار افراده وهو عالم تعودنا عليه والفنا قواعده وقوانينه وخبرنا اطماعه وصراعاته ثم جاء عالم النت بقواعد جديده واسلوب مختلف فصار له تميزة وسحره وتعلق الناس به
فما الفائده التى تعود علينا من نقل افراد عالم النت الى العالم الحقيقى فيفقدوا مزاياهم وينتهى بريقهم ويختفى دور الخيال الساحر فى تكوين شخصياتهم ورسم ملامحهم فتلتصق الشخصيات بالاجساد ويتحولون من افكار انسانيه الى اناس تسعى لهم جنس من ذكر اوانثى ولهم ملامح من وسامه او دمامه ولهم مستوى اجتماعى من غنى اوفقر, ماذا سيبقى لنا منهم فى رايك؟ استطيع ان اتنبأ ان بريقهم سيخفت وافكارهم ستتلون واراءهم ستتشكل بهوى نفوسهم ورغبات قلوبهم وفى فترة وجيزة ستريهم يدورون فى قواعد العالم الحقيقه مره اخرى قواعد المقارنات والاهواء والاطماع والمنافسات والصراعات
انتى نفسك هل ستظلين على جرأتك ام هل ستتذكرين الموعد القادم وانت تكتبين وستتذكرين الاعين التى ستنظر لكى والكلمات "الانسانية" التى ستسمعينها وهل ستتذكرين رغبات نفسك التى لا تقاوم وتسعلى دائما ان تكونى فى احسن صورة امام اقرانك من عالم الحقيقه بدون ضعف وبلا نقص هل ستتخيلين وانت تكتبين عن مأساه فى حياتك او ضعف ألَمَ بك او رغبة راودتك عن نفسك نظرات الشفقه عندما تقابلى القارئين ناهيك عن ردود افعال الطامعين والمحرومين والذى فى نفوسهم مرض؟
مرة اخرى اسالك (وهو سؤال مرتبط بتجربتين شخصيتين على فكرة) هل كان قرارا حكيما ام كان قرار بالاعدام على صداقه جميله ثم يأتى التنفيذ ببطء
لا تتعجلى الاجابة
harmless

سيف من خشب يقول...

لم اكن فى حاله تمكنى من اللقاء ولكن اتمنا لكم التوفيق

ياسمين يقول...

سيف من خشب

ليه بس يا جدع .. دى القعدة كانت حلوة قوى .. بس كنا عاوزينك معانا

صدقنى كل واحد مننا حط همومه على التانى وفضفض

المرة الجاية هتيجى .. صح

غير معرف يقول...

عزيزتى ياسمين
مبروك نجاح التجربة الحلوة دى
أنا من اسكندرية و لا أستطيع السفر للقاهرة للأسف عشان كده هعزمكم عندى فى اسكندرية انشاء الله كل واحد على حسابه .. يالله حوشوا من دلوقتى
و الى اللقاء قريبا
ناديه طه

إبـراهيم ... معـايــا يقول...
أزال المؤلف هذا التعليق.
Tigress يقول...

خسارة انى مجتش ان شاء الله تتعوض الشهر الجاى ويكون احلى

Tigress يقول...

الى حدا ما اجدنى اتفق مع harmless
عالم النت يحررنا من قيودنا ويرسم لنا بالفعل شخصيات افتراضية وافتراضيتها وغموضها او على الاقل عدم وضوح تفاصيل حقيقتها هو الذى يضمن لها النجاح والاستمرار بنفس الاحساس
لا اريد ان نتحول الى مجرد مجموعة من الاصدقاء نتناقش ونتصادق ونحب يمكن... نحن اعمق من ذلك

ياسمين يقول...

تايجرس

مرحبا بيكى لو حابة تيجى لكن اتفاقك فى الرأى مع هارملس خلانى أشك

خياليين

دينا فهمي يقول...

ممكن تقولولي المرة اللي جاية؟؟

ياسمين يقول...

دينا فهمى

أهلا بيكى فى مدونتى

طبعا هقول
وهاعمل بوست بالمعاد الجديد
والمكان الجديد
عشان الكل يعرف
ونتعرف .. وجها لوجه

whyme يقول...

ياريت المره الى جايه تعملوا حسابى معاكم

انا بجد فى اشد الحاجه للتعرف على اصدقاء جدد

تحياتى
واحد هاوى صداقه

ياسمين يقول...

why me

انت مرحب بيك بالطبع من قبل ما نشوفك

احنا عارفينك كويس
المدونة بتدل على صاحبها