الأربعاء، 31 يناير، 2007

نظرية الذبذبات




النظرية دى من اختراعى .. وسميتها نظرية الذبذبات للاسباب التالية
يعنى ايه ذبذبات؟؟
لما يمر حد من جنبك وتحس بشعور غريب يشبه القشعريرة كأن هناك ذبذبات من نوع خاص تنطلق من الجسد لتخاطب الجسد
تحس انه منجذب لك .. وتبقى الذبذبات أقوى لما تنطلق ذبذباتك لتخاطب ذبدبات منطلقة من هذا الشخص
كلما تراه تشعر بنفس الشعور .. رغم ان الشخص دة ممكن يكون فى الواقع لا يمثل لك أى قيمة .. ولا هو صديق ولا هو حبيب و لاجار ولا قريب
الذبذبات هى نشوة اللمسة الأولى .. القبلة الأولى .. العناق الأول .. الرغبة فى شخص ما لأول مرة
وتقاوم .. وتقاوم.. فلا تفلح
لا يوجد قانون يحكم انطلاق الذبذبات من شخص فى اتجاه شخص آخر
ذبذبات تسرى فى الجسد .. بتقول عاوزك أو عاوزاك
ولو ما بعدش بسرعة .. تفضل تزيد لحد ما تاثر عليك
نداء خفى من الجسد للجسد زى المغناطيس بين قطبين مختلفين .. ما تقدرش تقاوم .. ومرة بعد مرة .. تزيد وتسيطر عليك
ولو حصل وفقد القطبين السيطرة .. يبقى ايه الإحتمالات القائمة؟؟
يا اما تهدأ خالص وتنطفى بس للأبد عند واحد من القطبين ويترك الآخر يعانى .. أو عند الإتنين معا فى نفس الوقت .. يا اما تهدا خالص لمدة وترجع تزيد من جديد زى مؤشر البنزين لما تمون العربية
يا اما تفضل مشتعلة لمدة كافية عشان تخلى القطبين يفضلوا فى تجاذب لأجل غير مسمى
والأجل دة محدد بمتى تنطلق ذبذبات من شخص آخر لواحد من القطبين فتجذبه بشكل اقوى من القطب الأول؟
فى الحالة دى لازم القطب الآخر اللى بطل شريكه يلقط ذبذباته يدور على آخرعنده ذبذبات اقوى
ويعانى حقا من يحاول مقاومة الذبذبات .. وساعات يبقى نفسه يبعد ومش عارف
الذبذبات لا تعرف قانون ولا يحكمها مقاييس
تهاجمك فجاة .. تشعل فى الجسد نيران لا تهدأ .. وتعبث بك كما تشتهى
تشبه المخدر فلا تستطيع أن تتخذ قرار مع وجودها .. تجعلك فاقد السيطرة على جسدك بصورة مذهلة
ورغم ذلك تشعر معها بنشوة غريبة .. تجعلك تحب كونك فريسة لذبذبات الاخرين
تجعلك تشعر بوجودك .. والغريبة تشعرك بأنك فعلا انسان .. موجود .. مرغوب
أما عن البهجة الناتجة عن الذبذبات الخاصة بك فلا تضاهيها بهجة

هناك 94 تعليقًا:

أحمد سلامة يقول...

مش عارف يا ياسمين
لو الكلام ده فيه إسقاط لحاجة معينه انتي تقصديها فبصراحة انا مافهمتوش
لكن لو الكلام ده عام يعني
ففي نظرية بتتكلم عن الموضوع ده وبتسمي الذبذبات اللي بتتكلمي عنها باسم THE AURA وهي تحت بند النظريات التابعه لتفسير GOK اللى هي اختصار لجمله GOD ONLY KNOWS وبعض الابحاث اتعملت عليها واتشافت بترددات معينه من الاشعة تحت الحمراء وده طبعا مكانش تهريج علماء ولا حاجة وسجلت كنظرية لانها قابلة للتكرار وادرجت تحت بند GOK لانها غير قابلة للتفسير وعلي سبيل الفزلكة العلمية مني النظرية دي بتتضح اكتر مع القطط والكلاب
وإلى حلقه أخرى

ياسمين يقول...

أحمد سلامة

انت أول واحد يعلق
وأول واحد يساعدنى فى اثبات النظرية ومن وجهة نظر علمية كمان

والموضع مافيهوش اسقاطات خالص
أنا بأتكلم عن حالة التجاذب الجنسى بين اتنين فجاة وبدون مناسبة

albida يقول...

نظرية ملفتة فعلا يا ياسمين!!.. انا مش هقدر أفتى فيها لأن اكيد فى ناس مختصة بكده, بس على الأقل هقول رأيى الخاص

أعتقد أن الانجذاب الجنسى ده سببه عوامل نفسية فى المقام الأول.. عمليات لا نشعر بيها بدور فى عقلنا الباطن والعمليات دى بتكون مبنية على خبرات سابقة أو تكوين الأنسان النفسى ده كل... والله أعلم
:) :)

تحياتى واسفة على الغيبة الطويلة دى.. معلش بقى هايصة فى الاجازة
ههههه

manal

Mohamed A. Ghaffar يقول...

انا جهاز الذبذبات بتاعى عطلان

وبعدين ايه اخبار اللقاء الشهرى راح لحاله ولا ايه

AZ يقول...

انا ذبذباتى عنيفه.. بالذات الذبذبات اللى بصدرها مع المشاعر السلبيه.. يعنى لو فى واحد مش طايقاه هيعرف حتى لو مبصيتش فى وشه.. ولو متتنرفزه من حد الناس كلا هتعرف منغير ماتكلم

عبدالله يقول...

النظريه الي بتتكلمي فيها ياسمين اساسها نظريه الطيف النفسي و هي ان كل انسان ليه طيف غير مرئي محيط بيه بيتكون من مشاعره الايجابيه و السلبيه والعقل الباطن هوا الي بيقدر يحس بالطيف و يحلله و في ابحاث كتير عن الموضوع ده و وصلوا انهم بيصوره بالاشعه تحت الحمراء و تغيره حسب نوع المشعاعر المنطلقه من الشخص
ده النطريه العامه اما انطباقها علي الناحيه الجنسيه دي مجرد استجابه من العقل الباطن مع طيف متوافق في حاله البحث عن اكمال لهرم الاحتياجات النفسيه
بمعني لو كنت تفتقد الاحساس بالجنس كمطلب رئيسي في هرم الاحتياجات سيبحث عقلك الباطن عن طيف يستطيع فهم انه سيشبع هذه الرغبه
بوست معقول بس فكرته ضيقه فكره الاطياف اكبر من كده مش محصوره بس في الجنس
تحياتي

الربان يقول...

تحياتي... في رأيي ان هذا بيحدث في واقع الحياه... أسبابه في إعتقادي بترجع الي اللا شعور في لعقل... يعني ممكن يكون الشخص شاف فيلم من فترة طويلة او مذيع في برنامج ممكن يكون لاعب كرة او تنس ..اشياء من هذا القبيل...كمان ممكن يكون فيه شبه من الاب او الام... و المعروف طبعا ان البنت بتنجذب الي شخصية الاب و الولد الي الام ( طبعا هذا في حالة ان كانت شخصية الاب او الام سويه)... ممكن كمان تكون صورة فتي الاحلام التي رسمتها في داخلها...

المهم ان كل هذا بيظل في العقل الباطن و اللا شعور داخل الانسان.... و بطريقة آليه تطفو الصورة المختزنه الي بؤرة الشعور حينما نري شخص يشبه أو قريب الشبه من الصورة المختزنه في العقل الباطن...

لكن بصدق... يجب الا ننساق وراء هذا الاحساس أو الشعور ....لانه يمكن ان يدمر حياة الشخص.


المهم

raspoutine يقول...

يا سمين
عارفه
انا بحث بالذبذبات دى بس مع اختلاف النوع
ماهى الذبذبات انواع برضه
وبتمنة ان الطرف الاخر اللى انا منجذب اليه يفضل جنبى وافضل جانبه
لانى اخيرا وصلتله

ياسمين يقول...

البيداء

أهلا يا سكرة منورة البلوج

مش مطلوب منك انك تفتى بس أكيد كل واحد فينا حصلتله الحكاية دى قبل كدة
انك تحسى بشخص معين فى مجالك المغناطيسى بشكل ملفت وقوى ولا فكاك منه

وانا معاكى ان التجارب السابقة بتأثر على الإنجذاب الجنسى .. لكن دة اذا كان الموضوع مخطط وعلى البال

لكن فى نظرية الذبذبات دة بيحصل فجاة وبدون سابق تخطيط .. لدرجة انه ممكن يحصل وانتى طالعة سلم عمارة وفى واحد ما تعرفيهوش نازل .. وفجاة تلاقى الذبذبات

طبعا الموضوع كدة هينتهى بمجرد انه اختفى من نطاق الرؤية

لكن لو حصل واتقابلتوا تانى بجد هتبقى مشكلة .. وتلاقى الذبذبات قوية قوية وما لهاش حل

المسافر يقول...

اتفق مع عبدالله في أن الموضوع متراكب وهو نتاج مركب من الاحتياجات والطيف النفسي والاحتياجات وأضيف إلى ذلك المناخ المحيط والبيئة الموجود فيها الشخص فعلى سبيل المثال قد يتغير ذوق الانسان لما ينجذب إليه بتغير ما هو موجود حوله بحيث أن نجد شخص من أصل أنجلوساكسوني يتزوج من أفريقية بعد أن عاش لقترة في دولة أفريقية مثلاً بينما لوكان هذا الشخص نفسه عاش في موطنه الأصلي لما حدث له هذا الانجذاب لنوعية مختلفة من الأجناس البشرية إلا فيما ندر. في واقع الأمر أنا أؤمن تماماً بما تسميه تجاذب وتنافر الذبذبات والتي قد تزيد من تأثيرها العوامل الحسية الأخرى مثل الشكل والرائحة والصوت أي أن المستقبلات البشرية العادية من سمع وبصر وشم تساعد على زيادة أو نقصان ذلك الشعور بالذبذبات فمثلاً قد يرى شخص ما شخصية أخرى أمامه عن بعد ويبدأ في الانجذاب للذبذبات الناتجة لذلك الأخر لكن عندما يقترب أكثر منه تحدث نتيجة عكسية ولا يعرف لماذا وقد يكون السبب في ذلك نفور من ألوان التي يرتديها أو عطر يستخدمه أو صوت يصدر من ذلك الشخص الآخر وأحياناً يحدث العكس فقد يسمع شخص ما صوت الطرف الآخر على التليفون ويثير ذلك الصوت إعجابه وتبدأ الذبذبات في الانجذاب إلى بعضها البعض وعند التلاقي قد يجد عكس ما كان متوقعاً من مجرد سماع الصوت حيث أن الشكل أو الألوان أو الرائحة تكون ذبذبات أخرى معاكسة في الاتجاه عن الذبذبات الناتجة عن الصوت فقط.

أما عن حدوث ذلك فجأة فإن ذلك يعتمد على ظروف مختلفة ومتباينة وتعتمد بشكل كبير على خلفية كل شخصية بالإضافة لظروفه النفسية في تلك اللحظة. وكثيراً ما يحدث أن تتلاقى عيون أناس لا يعرفوا بعضهم البعض ولكن يكون هناك الانجذاب الجنسي والذي يسمى مجازاً إعجاب.

ياسمين يقول...

محمد عبد الغفار

ضحكتنى .. نصلحهولك يا باشا

أنا هأطلب تأجيل المعاد شوية لحد ما اختى تسافر

معلش كلها اسبوع وتسافر

ياسمين يقول...

az

انتى اثرتى نقطة هامة جدا وهى ان الذبذبات مش بس ذبذبات جنسية للتجاذب لكنها ايضا ممكن تكون ذبذبات سلبية تنفرك من شخص ما وتحس ان الشعور متبادل عن طريق الجهاز اللى عندك اللى برضه بيلقط الذبذبات السلبية زى ما بيطلقها بالظبط

ياسمين يقول...

عبد الله

والله كلامك مقنع جدا جدا ويعمم النظرية

شكرا للزيارة والتعليق

ياسمين يقول...

الربان

تحليل رائع للنظرية بصراحة .. بل يجعلها تدخل فى حيز الإثبات

وطبعا الإنسياق وراء هذه الذبذبات قد يسبب مشاكل خاصة عندما تكون هناك اختلافات اجتماعية أو مادية أو حتى ثقافية بين الطرفين

ياسمين يقول...

راسبوتين

عموما أنا بأتكلم هنا عن نوع محدد من الذبذبات الغير مدروسة والغير مخططة

تنطلق بلا تخطيط لتفعل بك الأعاجيب وتحاول السيطرة عليها بطرق مختلفةفلا تفلح الا اذا ابتعدت عن هذا الطرف الآخر

ياسمين يقول...

المسافر

انت كتبت فى الموضوع دة كلام كان لازم يتحط فى بوست لوحده

بجد عجبنى جدا تفسيرك للأمر
تفسير واقعى يقوم على أسس علمية حلل الموضوع كما ينبغى

اشكرك
تحياتى

المسافر يقول...

أي خدمة

تحياتي

FemTo يقول...

موضوع بجد بيحصل كتير والجديد التسمية له ..ممكن زى مقريت فى الردود عبارة عن تجارب منسية فى العقل الباطن او حاجة لسه منعرفش لكنها موجودة..اول مرة ادخل البلوج بتاعك وعجبنى اووى شكرا

whyme يقول...

الذبذبات دى على فكره مش بتيجى بالصدفه دى بتيجى بالتوجيه المباشر و ان فى رأيى ان مصدر التوجيه المباشر ده هو العين

لان نظره العين بتوجه الذبذبات بقوه ناحيه مركز التحكم الى هوه القلب

و لازم علشان الذبذبات تشتغل لا تقل مده التوجيه عن 5 ثوانى
و على فكره دى حاجه تانيه غير التسبيل ( لان التسبيل ده لغه المهابيل الى عنيهم مبتعرفش توجه ذبذذات .. يدوب بتعرف ترمش و خلاص )


مطولش عليكى
الذبذبات دى حاجه مهمه زيها زى القشعرينه تمام

تحياتى

micheal mohsen يقول...

موضوع لذيذ و شيق كعادتك بس انا علي فكرة كنت سمعت في مرة أن الموضوع دة لة اساس علمي بس الصراحة مش عارف بيقولو علية اية بس بالبلدي كدة أنا مؤمن بوضوع الذبذبات و الكيميا اللي ممكن تحصل بين شخص و اخر...علي فكرة انا عملتلك تاج عندي..مستني الزيارة...تحياتي لكي
just click on micheal mohsen 2 c the blog

harmless يقول...

لاحول ولا قوة الا بالله
ما اعظم قدرة العقول على التبرير

اهكذا يا اصحاب العقول حولتم شعور جنسى اولى بدائى الى ذبذبات ونظريات واطياف وعلوم وميتافيزيقا وماوراء الطبيعه ..الخ ..الخ

اهكذا وجدتم الحل فى عبارات لافكاك ولابد ولا مناص لتحويل الاهواء والرغبات من منطقه العقل والقرار الى منطقه الاقدار والنصيب

لا احب ان اجادل فى هذا الموضوع ولذا ساكون مختصرا

الجنس حقيقه

انظر له من ناحيه دوره فى دمج المحبين وصهر المخلصين وكشف الاسرار والحجب بين من سكنوا لبعض

او انظر له من باب الفروسيه والتفوق والشعور بالتميز والجداره

او انظر له من باب الاستمتاع وقضاء الوطر

او انظر له من الناحيه الميكانيكيه كعمليه بيولوجيه صحيه تجدد الخلايا وتفرغ الهرمونات

كل نظره منطقيه ومقبوله وربما نمر بكل ذلك فى حياتنا حسب الحالة

لكن لا تخدع نفسك بنظريات الذبذبات

حتى لو حدثت فهى ايضا نتاج نشاط جسدى هرمونى طبيعى ونشاط عقلى تبريرى طبيعى ايضا

عقل يبرر لك ما لا يبرر ويمنعك من ان يكون لك راى واراده

هل نعين الشيطان على انفسنا؟؟؟؟

عبدالله يقول...

فعلا استمتعت بقراءه الردود المره دي كلها وخصوصا الناس الي شافت الموضوع بصفه عامه
بالنسبه لكلام الاخ انينموس انا اتفق معاك في ان الجنس احتياج من الاحتياجات غير المعقده البشريه بس ايه رايك تبص لكلامي الي كتبته تاني هتلاقيني بقول ان العقل الباطن نتيجة وجود احتياج اساسي علي هرم الاحتياجات النفسيه بيبدا يفكر في طرق اشباع لهذا الاحتياج حسب المدركات الي هوا بيتعامل معاها فاذا كنا احنا بنتعامل مع المدركات الحسيه الاوعي عنده اداراكات تانيه اكبر شويه
و كلمة جميله جدا عجبتني في ان مصدر التوجيه المباشر ليها هوا العين من كلام هواي مي طبعا هي مش العين بس لا دي كل الجوارح علشان كده ربنا امر بغض البصر والرسول ذكر ذلك في احاديث كثيره وكان اشملها مش خاص بالبصر بس لا بكل الجوارح لو طبقنا سنة نبينا و غضينا بصرنا و نقينا سمعنا من السماع وحفظنا جوارحنا كلها مش هنقع في حاجه غلط مش هتجيب غير اشباع وقتي يجلب الندم لوقت طويل وفي حديث نصه قال صلى الله عليه وسلم (ان الله قد كتب على ادم حظه من الزنا ادرك ذلك لا محاله فزنا العين النظر وزنا السان النطق والنفس تتمنى والفرج يصدق ذلك كله او يكذبه) رواه البخارى بجد مفيش اعظم من كده من قبل ما الناس تتكلم في كل النظريات العلميه الاسلام بيقرر الحقيقه دي من زمان بيقرر الاستثاره ايه اسبابها و اذاي نتجنها
لو فكرنا شويه ايه الصح من ناحية الدين هنلاقي حلول علميه جميله و تفسيرات كتير اجمل
وبنتهز الفرصه دي و انقل كلام صغير عن عض البصر في رد كمان شويه
تحياتي

عبدالله يقول...

ده كلام سهل قريته عن غض البصر بيدعم كل الي بنتكلم فيه وبيقول اذاي نحمي نفسنا

غض البصر وفوائده
الحمد لله رب العالمين والصلاهوالسلام على اشرف المر سلين اما بعد
امر الله تعالى المؤمنين فقال(قل للمؤمنين يغضوا من ابصارهم ويحفظوا فروجهم)
(وقل للمؤمنات يغضضن من ابصارهن ويحفظن فروجهن)
وهو امر صارم للمؤمنين بغض البصر
وقد ربط الله تعالى بين غض البصر وحفظ الفرج وكان من يغض بصره اقدر من غيره علا حفظ فرجه اما مناطلق بصره فقد فتح بابا عظيما ياتيه منه الخطر وذلك لان النظره تحرك الشهوه ومكامنها فيخضع لهواه ونزواته
ان غض البصر امر مهم ومطلوب للمرأه ايضا فهن يتاثرن بالنظره وتفعل فيهن ما تفعله فى الرجال بل ان الامر ياتى بالنسبه لهن مؤكدا حيث ان الله خصهن بالخاب مره اخرى فى قوله (وقل للمؤمنات يغضضن من ابصارهن ويحفظن فروجهن)
تحذير
ولقد حذر رسول الله من النطره وذلك لما قد تفعله من نتائج وخيمه اذا تعلق الامر بالشباب فقال صلى الله عليه وسلم (ان الله قد كتب على ادم حظه من الزنا ادرك ذلك لا محاله فزنا العين النظر وزنا السان النطق والنفس تتمنى والفرج يصدق ذلككله او يكذبه) رواه البخارى


ويقول الشاعر
كل الحوادث مبدأها من النظر
ومعظم النار من مستصغر الشرر
كم من نظره فتكت بصاحبها
فتك السهام بلا قوس ولا وتر



وعندما سال احد التابعين بما تستعين على غض البصر؟
قال بعلمك ان الله ينظر اليك اسبق اليك من نظرك الى المنظور اليه


اسباب النظره المحرمه
1_ضعف الوازع الدينى والخلقى وعلى قدر تقوى الله وخشيته والخوف منه ,يكون غض البصر
2_عوامل الاثاره ومنها الاختلاط واظهار المفاتن المثيره الملفته للنظر
3_كثره الطعام والشراب
4_مصاحبه اصحاب السوء وذلك اذالم تحسن التربيه
5_رؤيه العورات والفاتن فى وسائل الاعلام


العلاج من النظره المحرمه
1_الدعاء لانه كما قال صلى الله عليه وسلم(الدعاء سلاح المؤمن)
فلابد للاخ المسلم ان يدعو ربه ويقول ( اللهم غض بصرى اللهم حصن فرجى اللهم طهر قلبى ,كما دعى النبى عليه الصلاه والسلام لاحد اصحابه عندما جاء الى النبى يترخص منه الزنا فوضع الرسول الكريم يده على صدره وقال (اللهم غض بصره وحصن فرجه وطهر قلبه فخرج الرجل وليس فى صدره ابغض اليه من الزنا2_


2_التقوى والراقبه فهما من اهم الوسائل والادواء فتقوى الله وخشيته ومراقنته والخوف من عقابه والامتثال لامره والانشغال بذكر الله وتحصيل العلم والمذاكره والرياضه الروحيه والبدنيه
3_الزواج او الصوم لقول النبى صلى الله عليه وسلم(يا معشر الشباب من استطاع منكم الباءه فليتزوج فانه اغض للبصر واحصن للفرج ومن لم يستطيع فعليه بالصوم فانه له وجاء)اى وقايه من الزنا
4_معرفه ثواب من غض بصره وعقاب من اطلق بصره فبذالك يتذكر قول النبى صلى الله عليه وسلم (النظره سهم مسموم من سهام ابليس من تركها مخافه الله ابدله الله عنها ايمانا يجد حلاوته فى قلبه)رواه البخارى



فوائد غض البصر
1_ من غض بصره من غض بصره فعينه لا تبكى يوم القيامه لقول الرسول صلى الله عليه وسلم (كل عين باكيه يوه القيامه الا عينان عين غضت عن محارم الله )حديث حسن
2_من غض بصره يجد حلاوه الايمان فى قلبه
3_من غض بصره وحصن فرجه ضمن الجنه
4_من غض بصره حرمت النار على عينيه
5_غض البصر يخلص القلب من الم الحسره لان من اطلق بصره دامت حسرته لانه ينظر الىما لايستطيع الوصول اليه
6_غض البصر يورث الفراسه لان من حبس بصره عن الحرام اطلق الله نور بصيرته
7_ غض البصر سبب فى فتح ابواب العلم واما اطلاق البصر فيورث الظلمه على العقل
8_غض البصر يورث القوه والشجاعه وقوه الحجه
9_غض البصر يخلص القلب من الغفله
10_غض البصر يخلص القلب من اسر الشهوه
11_غض البصر يورث القلب فرحا وسرورا وانشراحا


اللهم غض ابصارنا وحصن فروجنا وطهر قلوبناوبعد
اذكر اخوانى فى الله بان ميدانكم الاول انفسكم فان انتصرتوا عليها كنتم على غيرها اقدر
انتهي النقل
مع تحياتي

Nohaz يقول...
أزال المؤلف هذا التعليق.
Nohaz يقول...

في ناس اما بشوفها بقشعر مش عارفة ليه
نظام بررر

بحس ناحيتهم بقرف معرفش ليه و احس بزي اني بتنفض
يمكن ده نتيجة قرفي منهم؟؟

صحيح ياسمين عايزين نكتب في موضوع عنوانه
كلنا مرضي نفسيين
انا اكتشفت ان كل واحد فينا فيه حاجة مش صح بس بدرجات متفاوتة و مفيش حد فينا بنسبة 100% سوي نفسيا

smraa alnil يقول...

ياسمين

مش فاكرة مين اللي قال
ان موضوع الجنس دة حقيقة
انا في راي انه خالي من الذبذبات دي
يعني مش معقولة اكون ماشية واحس بذبذبه عشان يبقي فيه عملية من دي مع الولد اللي حسيت بيه
بس ممكن كدة تحسي ان في ذبذبة باحساس خلا قلبك ينبض بسرعه اوي وتحسي برعشة في اطرافك
بس سرعان ما بتروح هذه الاعراض
لانك برضه سرعان ما بتفوقي نفسك من الحلم دة

الدبور يقول...

في خاطري عده تساؤلات علي نظريتك يا يا سمين
انت قلت "الذبذبات هى نشوة اللمسة الأولى .. القبلة الأولى .. العناق الأول .. الرغبة فى شخص ما لأول مرة
" هل هذه الذبابات تنطلق عندما يوجد ما يحررها ام انها تنطلق بدون سابق انذار و لا اراديا "
مش قادرا افهم الحته دي علي وجه الخصوص

النقطه التانيه
اعتقد انه في حاجه مشابهه لكلامك اسمها التليباثي او التخاطر عن بعد انا قريت عنها قبل كده ومختصرها ان الانسان او العقل علي وجه التحديد قادر علي ارسال رسائل تخاطريه لاي عقل بشري سواء كان قريب منه او بعيد عنه وهنا يوجد مستقبل ومرسل للرسائل التخاطريه وقد يتبادلا الادوار فالمرسل يصبح مستقبل و العكس صحيح ولكن مازالت هذة الظواهر غامضه وتحيطها هاله من الغموض و اتفق مع عبد الله في نظريه الطيف النفسي المحيط بالانسان و يلازمه
و لكن لماذا اقتصرت الذبذبات علي اساس انها جنسيه فقط لماذا لاتكون اعجاب مثلا او اي شئ اخر
في انتظار مزيد من التوضيح لان الموضوع شيق

تحياتي
الدبور

هــيـبـاتـيـا يقول...

الأخت ياسمين
كلامك في العموم صحيح، لكن لو كان اقتصر الحديث عن الذبذبات قبل اللمس و وقبل القبلة وقبل الحضن إلخ كان يكون الموضوع أكثر اتساقا لأن موضوع القبلة واللمسة إلخ دا موضوع تالي للذبذبات المشار إليها
في ناس بتخرج الموضوع من دايرة الفزياء وتدخلة لدايرة الكمياء فتتحدث عن قابلية التفاعل او عدمه
لكن بالفعل هناك مجال مغناطيسي لكل منا يتعرض للتوترات وفقا للمواقف المختلفة التي نضطر فيها للتعامل مع الآخر وما ينتج عنه من تلامس بين المجالات، وليس شرطا أن يكون تعامل محوره الجنس
قد تلعب الفروق الفردية العامة دورها سواء كانت فروق طبقية أو معرفية
أنا طبعا مش متخصصة في مثل هذه المواضيع لكني على كل حال متحمسة لموضوعك ولباقي موضوعاتك الجريئة
تحياتي

ياسمين يقول...

فيمتو

أنا كنت مستنية الرد دة

انت أول واحد يقول ان دى حاجة بتحصل ويعترف انها حصلت له شخصيا

كنت محتاجة لتعليقك فثبات النظرية بشكل عملى

وشكرا على زيارتك وتعليقك

ياسمين يقول...

why me

يمكن تكون بتهزر بس لو انت بتتكلم جد فالذبذبات اللى بأتكلم عنها هنا هى ذبذبات غير موجهةة وغير مقصودة تقتحمك كالطوفان ولا تستطيع منها فكاك

ياسمين يقول...

مايكل محسن

آدى واحد تانى بيثبت النظرية ودة معناه انك حسيت بالذبذبات قبل كدة وعشتها

أشكرك على التاج .. ظريف بجد

ياسمين يقول...

هارملس
أفهم من كدة انك مش مؤمن بالنظرية ومش مقتنع بيها

والله دى مجرد نظرية أنا اخترعتها بعد ما حسيتها أكتر من مرة

وهى تفسر التجاذب العجيب الذى تشعر به تجاه شخص ما ليس لك أى علاقة به فى الحياة

وهى ليست مبرر للوقوع فى الخطأ
انما هى جرس انذار يحذرك ان المنطقة دى خطر وأوعى تقرب أكثر

دة طبعا لو عندك موانع شرعية أو اجتماعية أو غيرهما من الموانع

ياسمين يقول...

عبد الله

والله صدقت وصدق رسول الله

عجبتنى جدا الحتة اللى بتقول فيها
ان غض البصر امر مهم ومطلوب للمرأه ايضا فهن يتاثرن بالنظره وتفعل فيهن ما تفعله فى الرجال

اصل فى ناس كتير فاكرة ان الستات ماعندهاش شهوة النظر

وأنا كثيرا ما تساءلت عن عورة الرجل .. لماذا من السرة وحتى الركبة بينما نظرة إلى ساعدى أو صدر لشاب فتى قوى يمكن أن تثير الشهوة فى نفس المرأة

هل عندك تفسير لذلك؟؟

ياسمين يقول...

نوهاز

أنا موافقة على رايك بخصوص اننا جميعا لسنا أسوياء نفسيا

وموافقة كمان على الكتابة فى الموضوع دة

فعلا كلنا مرضى نفسيين

ياسمين يقول...

سمراء النيل

حبيبتى الجميلة

يبقى انتى لسة ما حصلتلكيش الحكاية دى

بس دة مش معناه انها مش بتحصل

ياسمين يقول...

الدبور

أوضح لك

انا بأتكلم عن ذبذبات بتحس بيها من غير مناسبة .. ممكن تكون قاعد فى مكان عام وبعدين تحس بقشعريرة تلك الذبذبات وعندما تتلفت حولك تجد نفسك تركز النظر على شخص معين وتجده ينظر اليك .. ليه .. عشان حس بذبذباتك زى ما انت حسيت بذبذباته

أنا لماذا ترتبط بكلمة الأولى؟؟

عشان الذبذبات دى لما بتحس بيها بتتسبب فى اشعال رغبة جنسية تسعى للحصول على ما يغذيها أو يخمدها حتى

وهى تكون مع ناس أول مرة تعرفهم غالبا أو بمعنى اصح أول مرة (دة اذا حصل تجاوب) يحصل تلامس بينك وبينهم
ومن هنا ترتبط الذبذبات بالإحساس الحسى الأول لكل ما ذكرت فى البوست

أرجو انى أكون وضحت

ياسمين يقول...

هيباتيا

طبعا انا موافقاكى ان التجاذب والتنافر ممكن يحصل فى جميع المجالات

لكن أنا هنا بأتكلم عن مجال محدد وبأحذر من تأثير الذبذبات فى المجال دة علينا

لأن لو الواحد ما أخدش باله ممكن الدنيا تعك فوق دماغه بعد كدة نتيجة مجرد ذبذبات

عبدالله يقول...

عم الدبور الي عمال يزن بص ياعم
شكلك مش فاهم كلام ياسمين كويس بس احشرحهولك بطريقه سهله
دايما اللقاء الاول و النظره الاولي و اي حاجه اولي تحمل للمراه البصمه للمتعه في صورتها البدائيه بدون تعقيدات ودايما يرمز ليها لبيان قوة الرغبه
فكلامها هنا لما بتوصف الاحساس انه شبه الاحساس باللحظه الاولي لبيان قوة الرغبه مش اكتر

شكلك انت مش فمهت لا شكلك فهمت غلط ما علينا بقي
:)
تحياتي

micheal mohsen يقول...

بصراحة شديدة...أنا عمري ما حسيت الذبذبات بس اديني بسمع...ههههه
في اتظار التاج يا ياسمينا

مصر هى أمى يقول...

ياسمين
نظرية الذبذبات ديه زى نظرية الكيميا اللى بتكون موجودة عندى لو شفت اى واحدة حلوة فى الشارع واقعد اقول لنفسى بتحبنى بتحبنى حتى لو هيا ما شافتنيش اصلا لو هيا كدة زى ما انا فهمت تبقى حلوة اوى النظرية ديه
ممكن تاخدى عليها جايزة جهاز كهربا 500 فولت

ياسمين يقول...

عبد الله

طب والله انت قلت اللى كنت عاوزة أقوله أحسن منى

دة ايه الفهم العميق للمرأة دة

تصفيق حاد

ياسمين يقول...

مايكل محسن

حاجة جميلة قوى هتحسها لو جربت الذبذبات

بس برضه على قد جمالها على قد ما بندعى ان ربنا يكفينا شرها

ياسمين يقول...

مصر هى أمى

ضحكتنى بجد

بس تصدق .. هى فعلا كدة .. واحدة تعجبك فى الشارع .. تعدى من جنبك وتحس ان جسمك اتلبش كدة والقشعريرة تسرى فيه

هو دة تطبيق النظرية

مصر هى أمى يقول...

طب كويس انى ضحكتك ادخلى على البلوج بتاعى وانتى تقرى بوست نكد بأه

الدبور يقول...

من الواضح ان مستوي ذكائي دخل مرحله الخطر لاني لسه مش فاهم اي حاجه

انتظروا الكومنت اللي جاي اصل انا الكومبيوتر عطلان

هقول اللي انا فهمته و انت يا عبد الله و يا ياسمين
تفهموني

tamer يقول...

ياعينى ياعينى على النظريات
دكتور ذرة ياسمين حضرتك

بجد كلامك عجنى جداا انا من راى ان فعلاا الانسان محتاج شحن لعبض حاجات جواة زى البطارية كدة عشان ما تتوقف لو خلصت

تفسيرك منطقى

تحياتى

الحصان الأسود يقول...

هههههه
ياسميـــن

لا انا ماعنديش موانع شرعية :)
ولا اجتماعية بس شوفيلي انتي اللي تدي معايا شارة الحب من اول نظرة ومالكيش دعوة
هههههههه

يامدام النهاردة الجمعه اتنين فبراير وانتي مشغولة مع اختك العزيزة لسة في حوارات الاختين الحلوين
ولا سافرت بالسلامة

شكلنا كدة اتشغلنا ونسينا نرتب للاجتماع

الحصان الأسود يقول...

اة انا خلاص قريت دلوقتي بقيت الكومنات وشفت ردك على محمد عبد الغفار ان الاجتماع سافر لغاية ما أخت معاليكم الكريمة تسافر بالسلامة

بصي بقى بالنسبة لموضوع الذبذبات دة فانا مقتنع بية جدا
وماتقوليش انة من اختراعك لأننة من قديم الأزل

هوة لغة للعيون

بيتعرف بيها اتنين

مش بس انجذاب جنسي

لا حتى الانجذاب العاطفي

الاعجاب والحب من اول نظرة

حتى تعرفي الشواذ_(المثليين بجنسيهم) بيتعرفوا على بعض من نظرة العين مش اكتر

بالنسبة بقى للانجذاب الجنسي بين اتنين الموضوع هنا في مصر مستجد حديث نسبيا

وانتي عارفة طبعا ان في اوروبا وامريكا وحتى في روسيا نظرة عين بين ولد وبنت ولو حتى في مكان عام او المترو بيتفاهموا بيها وممكن بعدها بنص ساعه يكونوا مع بعض في سرير واحد

هوة نوع من الاعجاب الجنسي الصرف

زي كدة ما اي راجل يبص لهيفاء وهبي, في خلال ثانية بيكون باين علية هوة عاوز اية ههههههه

والجاذبية اللي من نظرة عين دي بتبقى هبه لنساء معينة مش كلهم عندهم الهبه دي, ومش شرط ان الست الجذابة تكون حلوة, لكن بيبقى في عنيها جاذبية من نوع خاص
فية ممثلات امريكيات كتير كل مؤهلاتهم لعالم السينما هو تلك النظرة الجذابة في عيونهن التي تجعل من ينظر اليهن مصعوقاً مكهرباً


انما اية الصورة اللي شبة علم كوريا دي ؟؟؟

تحياتي

ياسمين يقول...

مصر هى امى

دخلت على مدونتك وتركت تعليق طويل أرجو انه يعجبك

ياسمين يقول...

الدبور

مستية التعليق الجاى

وربنا يقوم الجهاز بالسلامة ويكفيه شر المرض قادر يا كريم

ياسمين يقول...

تامر

شكرا لتعليقك خفيف الدم

اللى فهمت منه انك متفق معايا فى النظرية

تمام يا فندم

اى خدمة

ياسمين يقول...

الحصان الأسود

والله واحشنى جدا

أخبارك ايه يا راجل .. مش تسأل كدة وتحسسنى انك موجود

معلش بقى بالنسبة لموضوع المقابلة هتتأجل زى ما انت فهمت من ردى على سمراء وكمان عندى امتحان بكرة

وعجبنى ردك بان النظرية دى مش من اختراعى دى موجودة من قديم الأزل

لأن كلامك دة يثبت وجودها فعلا وما يهمنيش انها من اختراعى ولا لأ

دة معناه انى ما اخترعتهاش لكن اكتشفتها زى كدة لما اكتشف نيوتن الجاذبية .. هى موجودة بس هو اللى قدمها للناس

الحصان الأسود يقول...

وانتي والله واحشاني كتير يا ياسمين ووحشني كلامنا اللي بقالة كتير

والله انا باسأل عليكي بس مش باشوفك عالماسنجر وماعرفش رقمك علشان اسأل , وخللي بالك انتي اللي معاكي رقمي هاه ومابتسأليش

انتي لسة بتمتحني يا ياسمين

انا فاكرك خلصتي مدرسة

يؤسفني ابلغك برضة انك مش اللي اكتشفتي نظرية الانجاذب الجنسي دي وانها موجودة في الدنيا كلها من زمان قوي

انا نفسي عارف موضوع نظرات الانجذاب دي من ثانوي من تجارب شخصية او من حكايات وتجارب اصدقاء
وعلى فكرة ثانوي بتاعي دة من زمان يعني من التمانينات مش قريب مانتي عارفة

ابقي طمنينا عليكي

ياسمين يقول...

والله انت عندك حق بس مشغوووووولة جدا اليومين دول مع اختى والإمتحانات فى نفس الوقت
بالمناسبة انا قلتلك انى فى اعلام تعليم مفتوح بس انت شكلك نسيت

معلش قريبا هأبقى معاكم تانى

وبرضه كونك اكتشفت موضوع الذبذبات دة ما يزعلنيش .. دة معناه اننا متفقين فى وجهة النظر حول هذا الموضوع

يا ريت ما تقطعش الزيارة لأن كل علاقتى دلوقتى بالجهاز هى البلوج الذى لا استطيع مقاومته من حين لآخر

SaRa يقول...

تعبير رائع وحديث ممتع ومحاولة البحث والتنقيب داخل النفس البشرية

محاولة جميلة وطرحك لها جميل جداا

الدبور يقول...

بجد مش قادراكتبمش عارف اعبر عن اللي انا فاهمه وانا قاعد في السيبر زيمايكون عندي
mental block !!!
الي ان يرجع جهازي بالسلامه
هبقي اوضح اللي انا فهمته وبجد اسف جدا بس صدقيني مش عارف اعبر خالص

Sharm يقول...

انا بدأت اتذبذب

ياسمين يقول...

سارة

انتى الأجمل

والله تعليقك اثلج صدرى وكلامك يفتح النفس للكتابة

كتر خيرك يا قمر

أنا قريت البوست بتاعك الأخير

جميل جدا

ياسمين يقول...

الدبور

ولا يهمك يا سيدى العزيز

وما زلت فى انتظار تعليقك

ياسمين يقول...

شرم

مش عارفة كدة الإسم صح بالعربى ولا لأ

بس كويس انك بدات تتذبذب عشان استخدمك فى اثبات النظرية بالتجربة العملية

:))))))

amany يقول...

النظرية دى قوية جدا

وهى واقع حقيقى اوافق عليه بشدة

مرة واحدة قالتلى

جارى .. بينى وبينه حاجة .. سألتها انتى مرتبطة بيه .. قالت لأ .. طب بيعاكسك .. قالت لأ

بس فى بينى وبينه حاجة غريبة ..

أعتقد ان هى الذبذبات

frozen love يقول...

نظرية رغم اني عارفها ومؤمن بفكرتها لكن عمري ما فكرت فيها بمق الا لما قريت كلماتك...فكرة رائعة وكلمات جامدة...

انا بعتقد اني الحالة دي ليها علاقة بالارواح اكتر منها تجاوب جسدي

Fancy يقول...

كان فى موضوع شبة كدة من كام سنة
بيقولوا ان فى بين الناس كميا
كمياء الجسد
ان جسمنا فيه كمياء هى السبب فى انك تحبى تقربى من حد معين او انك تنفرى منة

صياد يقول...

حلوة مدونتك
وحلوةنظريه الذبذبات دى
ساعات بحس بيها
وساعات مبحاولش افكر فيها
وساعات بحس انى اكبر كداب
لانى بحاول اقنع نفسى بعدم وجود مثل هذا الاحساس

انا كداب
الاحساس ده موجود لكن انا اللى بستهبل وبحاول اقنع نفسى انه مفيش كده
هوا فى كدا لكن لسه انا مصدفتوش بجد

سيف من خشب يقول...

ايضا تكتبى من خلال تجرب الحزينه تفاااااااااااااااااائلى

Noran يقول...

الله حلوه الحاله ده ....

.هى مش دى برده الحالة البيقولوا عليها ...تجاذب ...قلق ...حالة حب ؟

عشان كده كل الناس أكيد مرت بيها و أكيد عشتها وحستها

و أكيد الكل فهمك
:)

ياسمين يقول...

أمانى

حبيبة قلبى الجميلة .. والله انتى سكر

أنا عارفة مين صاحبتك دى

بلغيها تحياتى وخليها تسلملى على جارها

:)))))))

ياسمين يقول...

frozen love

انت كمان موافق ومتفق معايا على النظرية

انا مبسوطة قوى عشان دة يثبت انها مش مجرد نظرية دى حقيقة واقعة

وموضوع الروح دة برضه أنا موافقاك عليه

ياسمين يقول...

فانسى

فعلا هى ممكن تكون كيمياء الجسد بس أنا سمتها ذبذبات بقى على حسب اللى بأحسه

لكن كيمياء الجسد دة ممكن يكون افسم العلمى للنظرية

أنا قريت البوست بتاعك وموتنى
حسيت انى كنت معاكى وشايفاكى
لأ مش بس كدة .. انا بتحصلى الحاجات دى كل يوم

ياسمين يقول...

صياد

وانت كمان بتأكد النظرية مع انك بتحاول تنكرها فى نفس الوقت ظاهريا

سيب نفسك تحس .. وجرب حلاوة الذبذبات

اصلها حلوة قوى

ياسمين يقول...

سيف من خشب

واحشنى يا باشا .. فينك بجد

انت اللى بتقولى تفاءلى

هو انت فاكرنى صدقت انك نسيت

لو كان النسيان كدة بالساهل ما كانش حد غلب

ياسمين يقول...

نوران الرقيقة

واحشانى يا بنتى .. فينك

آه .. هى حالة .. مش أى حالة

حلوة بشكل .. طعمة بشكل

:))))))

الدبور يقول...

عدنا بس من السيبرات و النت كافيه بعد ان تعطل الكومبيوتر الي اجل غير مسمي
اللي انا فهمته اصل الوحي نزل عليا و البلوك اللي كان عندي راح و الحمد لله بصي يا ياسمين الذبذبات دي بتنطلق و بيشعر بيها الانسان او الشخص عندما يري شخصا ما قد لايعرفه و تتلاقي تلك الذبذبات بينهم و قد تختفي الذبذبات بعد ان يختفي الشخص او تظل موجوده فنرة الي ان يزول سببها
تمام كده ؟
اما الجزء التاني قد تستمر الذبذبات بعد ان يتم التفاء الطرفين عاطفيا و اعتقد انه لايشترط ان يكون اللقاء جسديا او من الناحيه الجنسيه فهو قريب نوعا من من الاعجاب او الحب من اول نظرة

انا فاهم و لا مش فاهم

تحياتي الدبور

ياسمين يقول...

الدبور

ايه الحلاوة دى يا عم الدبور

وتقولى غمامة

دة انت فاهم أكتر منى أنا شخصيا

هو كدة فعلا وكمان صح يشبه الحب من أول نظرة

تحياتى

بنت البدو يقول...

نظرية حلوة بس مين يطبق هالنظرية ياريتك وضعتى المعادلة ليها فيى خطوتين

بالتوفيق

حبيبها أنا يقول...

نظرية الذبذبات ؟؟؟؟
..............
؟؟؟؟؟؟؟؟؟؟؟؟؟؟
مش عارف اعلق بصراحه
لأن من المفترض ان المعرفة تسبق الحديث وانا لم اتطرق لمثل هذه النظرية من قبل سواء نظرية الذبذبات أو الطيف المغناطيسى
لكن الإنجذاب الجنسي
كنت اظنه من قبل ماهو الا رغبة داخلية خاصة جدا لا ترقى الى مستوى التنظير
افيدونا بالشرح لنظرية الطيف دي لو سمحتم

أخف دم يقول...

إيه كل الذبذبات اللى فى البلوج دى يا ياسمين؟
أنا فضلت مرووش طول ما باقرأ.
أسلوبك جميل فى عرض القضايا ..
بس يا ريت تهشى كل الدبان ده ..

ياسمين يقول...

بنت البدو

النظرية دى لحاجة بتحصل فجأة وبدون معادلات

حاجة بتهاجمك من غير ما تحسى

احساس بنقض عليكى بدون ترتيبات مسبقة

تحياتى

ياسمين يقول...

حبيبها انا

نظريات افنجذاب الجنسى كتير ودى واحدة منهم

شكرا على زيارتك وتعليقك وما تحرمناش من الزيارة

ياسمين يقول...

أخف دم

بجد حسيت بذبذبات

دة معناه ان النظرية اشتغلت معاك

تحياتى

الدبور يقول...

yasmin
may i ask u a favour
i wanna join the next monthly meeting so may u tell me when when will it be ?
tell me the time, date, and the place of the meeting

thanx
from damn cybers : dabbor

ياسمين يقول...

الدبور

أهلا بيك جدا جدا

وهأعلن قريب عن الموعد الجديد

أنا عارفة ان فى ناس كتير مستنيانى اعلن عنه لكن ظروفى اليومبن دول ملخبطة

أهلا بيك مرة تانية واحد من أصدقاء التدوين

وشكرا لحماسك .. تحياتى

الدبور يقول...

thanx for payin attention for my request yasmin
i will be waitin the date announcement.

from damn cybers: dabbor

مصر هى أمى يقول...

ياسمين
ازيك انا مررت ليك تاج ابقى رد عليه مستنى اجاباتك

ياسمين يقول...

مصر هى أمى

اشكرك على تمرير التاج

فى ناس كتير مرروا لى التاج دة بس انا مش حاسة انه بيعبر بجد عن الناس

يعنى لازم أبص فى عنيك وانت بتتكلم عن نفسك مش اقراه

عموما هافكر وأشوف اذا كنت هأعمله ولا ايه

مصر هى أمى يقول...

لا حضرتك التاج ده منيل

يعنى تحكى عن خمس مواقف منيلة حصلتلك ومحدش يعرف عنها حاجة غيرك يعنى

بالبلدى تفضحى نفسك امام كل المدونيين يعنى مش محتاجة تبصى فى عنيا علشان تعرفينى

مستنى الرد ماشى

شادي فايد يقول...

انا بصراحة مبتعد عن التدوين وبقضي اجازة اخرها اسبوع كمان

ومقرتش البوست المتذبذب ده

بس اصحابي المدونين وحشوني قلت امسي على كل واحد في مدونته

على فكرة يا ياسمين

انا كل يوم بحترمك اكتر من الاول
واحتفظ بالاسباب لنفسي اللي منها انك بتحبي منير زيي


ايه اخبار اللقاء الثاني
مش شايف كتابات عنه

هو حصل مشكلة ولا حاجة
؟؟؟؟؟؟

ياسمين يقول...

مصر هى امى

أوعدك انى أكتب فى موضوع التاج دة

وعد

ياسمين يقول...

شادى فايد

أشكرك على رايك فية

دة تقدير كبير جدا وأوعدك انى أحافظ على رايك دة

بالنسبة لموضوع المقابلة .. ربنا ما يجيبش مشاكل بس أختى جت من السفر وقاعدة أسبوعين معايا .. مش ممكن أسيبها اليومين دول كما أنا عندى امتحانات .. فقررت أأجله شوية بس

وهأعمل بوست قريب بالموعد الجديد

Hannoda يقول...

على فكرة أحمد سلامةسألك اذا كنت بتقصدي إسقاط لحاجة معينة و قلتيله لأ أنا ما قصدش إسقاط لحاجة
بس هو في الحقيقة كلامك فعلا شايل فمعناه إسقاط للحب .. انت ماقصدتهوش و يمكن الإحساس ده مش جواك
بس الذبذبة دِه أعتقد و( ده رأيي ) إنها السبب في فشل علاقة إتبنت على إنها حب
لان هي المبرر اللي بيوهم الواحد إنه بيحب..
وكلامك حسسني انك أهملتي الحب و إكتفيتي بالذبذبات دِه.. وأنا معاك إن الذبذبات بقت أجمل و أعمق عشان الحب اللي أعمق منها مبقاش موجود في حياتنا.. مش نظرة سوداوية مني لكن ده حالنا اللي اتغير فيه كتير
زي ما في الأتوبيسات ماحدش بيقوم للكبار
زي ما بنقلس ع المدرسين
زي ما مابقيناش نتلم في بيت العيلة كل جمعة
زي مابرضه مابقناش بنحب..
بس الذبذبات مش كفاية عشان تبني بيت و عمر.. هو أنا آه رأيي إن ما ينفعش نعتمد على الحب عشان نبني حياه.. بس كمان ما ينفعش نعتمد على الذبذبات.. وأنا فاهمة انك ما تقصديش إننا نبني بيها حياتنا.. بس للأسف كتير منا ما بيفهمش كده إلاّ إذا إتقرص منها
آسفة إذا كنت إتكلمت بغلاسة عن شعور جميل جواك و حولته لمعني تقيل ع القلب... بس أنا بتكلم بعشم عن اللي جواي من غير حجر على رأيك طبعاً

ياسمين يقول...

هنودة

والله ابدا مش متضايقة خالص

أنا فعلا معاكى ان لا الحب ولا الذبذبات لوحدهم ينفعوا للجواز

لازم يبقى فى حب وذبذبات وعقل يوزن الأمور ويوافق عليها

واشكرك لإثارة تلك النقطة بجد

انتى ذكية جدا

ياسمين يقول...

خواطر مثلية

شكرا لزيارتك مدونتى وتعليقك

واوعدك بالزيارة فعلا

وارحب بصداقتك

ekarros يقول...

والله دي اجمل نظرية قريتها في 2007
واتمنى تتطور وتبقى منهج قابل للتطبيق

دوللي يقول...

لو الذبذبات فعلا موجوده يبقي المقاومه السلاح الوحيد فانا بطلب منك انك تتكلمي عن كيفيه المقاومه عشان تكملي بيها موضوعك الملفت و تبقي عرضتي مشكله و كمان حلها
تحياتي