الأحد، 14 يناير، 2007

لو مكانى تعمل ايه؟؟

عارف لما تتعلق على كوبرى خشب مربوط بالحبال بين جبلين وتحت الكوبرى هاوية سحيقة .. والكوبرى متعلق بحبال دايبة .. وبعد ما وصلت لنص الكوبرى اكتشفت انك لازم تقف مكانك .. لو اتحركت .. اتكلمت .. أو حتى اتنفست .. الحبل ممكن يتقطع والكوبرى يبقى فى الهوا .. وانت فى الهاوية .. يا ترى تختار تتحرك ويحصل اللى يحصل ولا تختار تفضل فى مكانك للأبد ؟؟ ..
عارف لما تتعلق من رقبتك فى حبل وطراطيف صوابع رجليك يادوبك لامسة كرسى .. لو ريحت رجليك الحبل يخنقك .. ولو فضلت كدة هتفضل حى .. تختار ايه تريح رجلك وتموت مرتاح ولا تفضل متعلق كدة على طول؟؟
عارف لما تلاقى النار بتحاصرك من كل جانب فى أوضة ومش عارف توصل للباب .. لكن قدامك الشباك مفتوح .. انت فى الدور العاشر .. ممكن تنط . وانت وحظك .. تختار تنط ولا تستنى النار لما تحرقك؟؟
تخيلت نفسك قبل كدة فى تيتانيك .. السفينة بتغرق .. تفضل فيها ولا تنط فى مياه المحيط المجمدة .. وبرضه وانت وحظك .. يا ترى تستنى ولا تنط؟؟
عارف لما الدكتور يقل لك عندك غرغرينا فى أى جزء من جسمك ولازم نستأصله علشان تعيش .. تختار ايه .. تعيش عاجز ولا تسيب الدكتور وتمشى .. وتقول أعيش اللى فاضل بكرامة واللى يحصل يحصل ؟؟

هناك 107 تعليقات:

nadiataha2000 يقول...

عزيزتى ياسمين
هذه أول مرة أكتب لكى فيها رغم اننى أتابع كتاباتك باعجاب لصراحتك و جرأتك وواقعية موضوعاتك و ترفعك على الآلام ورعايتك للعزيزة سمراء النيل .. أنت بحق راااائعة
أما عن بوستر " لو كنت مكانى تعمل ايه ".. فصدقينى .. الكثيرات مثلك .. انا نفسى مررت بهذه التجربة و الحمد لله مرت بسلام بفضل الله اولا و ناس حلوين مثلك آزرونى و لم يتركونى و تأكدى يا عزيزتى ان انسانة جميلة معطاءة مثلك لابد أن الله سبحانه و تعالى يدخر لها جائزة كبيرة عنده فتفاءلى و اصبرى و أبشرى .. و كونى قوية كما انت دائما
تحياتى لكى
ناديه طه

tamer يقول...

اانا مش متخيل اى حاجة لانى لو تخيلت هيجى ليا احباط وانا مش عايز النهاردة خليها يوم تانى


وبعدين المواقف دى لما بتحصل بدون تفكير بنختار الهروب واسهل الاضرار

ونعمل اللى علينا والباقى على ربنا

تحياتى

شادي فايد يقول...

هو مفيش اختيار ثالث ابدا
انا لو مكانك ح ادور على
اختيار ثالث
ولو ملقتش حدور تاني

ولو اتأكدت بنسبة %10000000000
ان مفيش اختيارات تانية

ح انط من الشباك
واللي يحصل يحصل

ياسمين يقول...

نادية
شكرا بجد على الكومنت المشجع دة
وأشكرك تانى على رأيك فى بوستاتى المتواضعة
وأشكرك تالت على دعوتك لى بالتفاؤل والصبر
بجد تعليقك بعث فى نفسى أمل كبير
ولاتحرمينى من زيارتك .. أرجوكى

ياسمين يقول...

تامر
ربنا ما يوقعك فى ضيقة ابدا

بجد ساعات الهروب بيبقى زيه زى الإنتظار بالظبط

ياسمين يقول...

شادى فايد

دة معناه انك احتست
زيى بالظبط
وهو دة المعنى الأصلى للبوست

اشكرك على توضيح المعنى أكتر بتعليقك اللطيف دة

Ahmed Shokeir يقول...

نجحت في إحساس القارئ بالخنقة

خنقتيني

ياسمين يقول...

أحمد شقير

والله ما كان قصدى

بس دلوقتى على الأقل

فى حد مخنوق زيى

سندباد مصري يقول...

وتقول أعيش اللى فاضل بكرامة واللى يحصل يحصل ؟؟


=============

انا رأيي زي رأيك بالظبط إذا كان ده رأيك زي ما فهمت

وتتوقعي ايه من سندباد يعني

طبعا يفضل الموت وهو يحاول أفضل من عيشه زليله

تحياتي والسلام

ياسمين يقول...

سندباد المصرى

ضحكت لما قريت التعليق

انت قريت اللى بين السطور

:))))))

Harmless يقول...

دعينا من الجبل والحبل وخلينا فى الغرغرينا والبتر ثم العجز
الموضوع يحتاج بعض الخيال
تخيلى مثلا ان الله قدر ان يخلق للانسان اجنحة ويمنحه القدره على الطيران
تحيلى دروس الحبو (اقصد دروس الطيران) ونحن اطفال ثم تخيلى اللعب والتمشيه والفسحه علويا
وتخيلى المرور وقد اصبح هوائيا للمشاه وارضيا لراكبى السبارت
مؤكد السبارت ستظل اسرع واسهل واقل مجهود ولذا ستخصص لها الشوارع التى ستخلو من الماره الراجلين
تخيلى البيوت وقد خلت من السلالم والاسانسيرات والابواب
فقد اصبح الدخول للشقق طيرانا ومن النوافذ
كل منا على غرفته فورا
تخيلى اللصوص وقد اكتسبوا القدره على الطيران وكيف سيكون حالهم وكيف سيكون اسلوب مكافحتهم
تخيلى الحروب وكيف سيكون اخو عبد العاطى صائدا للطائرات مثل اخيه صائد الدبابات
وتخيلى ماتشات الملاكمه والمصارعه ومباريات كرة القدم واليد اما كرة السله فمصيبتها اكبر
ساترك لخيالك العنان ليتخيل كل صغيرة وكبيره فىى حياة مخلوقات عاقله تطير من اول الرؤساء الى عصابة التوربينى

ثم
قدر الله لشخص ان ينكسر جناحه ويفقد القدره على الطيران وصار فقط يمشى على قدميه مثلنا الان
يمشى وبجرى ويقفز وكل شئ تماما كحالنا هو طبيعى بمقايسنا
ولكن فى المقياس الاخر هو عاجز مسكين
يراه الناس فيمصمون الشفاه ويذرفون الدموع ويشكرون الله على ان نجاهم من العجز
وسترى المؤسسات الاجتماعيه والحكومات المتقدمه تبنى سلالم وابوابا خصوصا للعجزة فاقدى القدره على الطيران وترعاهم نفسيا واجتماعيا وتخطط لهم ارصفه فى الشوارع "لم يكن من المفروض بناءها" حتى يسيرون فيها

ثم
ماذا اذا راى هذا المجتمع الطائر مجتمعنا الذى يدب على قدميه فى بطء قاتل ويلف حول المبانى ليصل الى مقصده ويتمشى فيه المحبون على الكورنيش متأبطين الاذرع
سيرانا مجموعه من العجزة المرضى
سيرانا اصحاب عاهات مشوهين جسديا ونفسيا
ربما يعزلنا فى محميات او ربما ياتى نازيين فيقرروا التخلص منا لتنقيه الجنس البشرى

ما اقصده يا عزيزتى ان الموضوع نسبى
نسبى للاخرين وهو واضح
ونسبى لانفسنا وهو ما لايدركه الا كل من اصابه عجز
وقد يكون الاحساس بالعجز بسيطا اكثر مما تتخيلى بالمقياس النسبى لصاحب العجز
فهو نسبى لقوة شخصيته ونسبى لثقته بنفسه ونسبى لرؤيته للحياة
نسبى لفلسفته لوجوده ووجود الدنيا ووجود البشر
ونسبى -وهو الاهم- لادراكه بالفرق بين ما هو عجز وما هو ليس بعجز
بل ربما يجهل العاجز تماما (من باب الاحساس وليس المعرفه) انه عاجز

فنحن لاندرك الاشياء
ولكن فقط ندرك الفروق بين الاشياء

Harmless

ياسمين يقول...

harmless

دى فلسفة أنا مش قدها
لكن الإحساس بالعجز يظل هو الإحساس بالعجز وان اختلفت المسميات

وما تحرمنيش من تعليقاتك الفلسفية

AZ يقول...

الكوبرى كده كده هيقع يبقى هحاو اوصل للناحيه التانيه قبل مايقع وامسك فى الحبل كويس عشان لو اتقطع اتشعلق فى الحبل.. الوميديا بقى لو الحته اللى انا متعلقه فيها كمان اتقطعت بس اهى يا طابت يا اتنين عور
------
اما بالنسبه للحبل فانا طبعا عفضل متشعلقه لحد مايطلعلى عضلات فى رقبتى تشيلنى واتعلق منها زى جيمس بوند واتقلب لفوق وافك الحبل زى بروس ويلز فى فيلم سن سيتى
-------
اما موضوع النار اكيد هنط فى الناس واطلع من الناحيه التانيه اعيش محروقه احسن ماعيش مكسحه ده ان عيشت اساسا على الاقل المحروق مبيحتجش حد يعمله كل حاجه غير اللى عايش مكسح وضهره مقطوم
-------
تيتانيك.. اكيد مش هقفز منغير لوح خشب اصل بعيد عنك مبعرفش اعوم
-------
اما لو الدكتور قال غرغرينا اكيد هختار البتر.. بيع يا لطفى
--------
"لو يعلم الله فى قلوبكم خير يؤتكم خيرا مما اخذ منكم"
لو مت وانا بحاول اعيش.. لو عيشت وانا بعاهه اكيد اكرم الف مره من انى اياس لدرجه انى محاولش حتى اعيش.. ده بيوازى الانتحار من وجهة نظرى
فكيها يا بنوته الحيا مش ناقصه كركبه.. تخيلى انك تحت الكوبرى ابو حبل دايب هتقعى فى بحر وهتنزلى صح وتعيشى
وتخيلى لو ان النار اللى محاوطاكى دى سمكها لا يتجاوز ربع متر لو عديتيه جرى بسرعه هدومك بس هتتحروق شويه وتلحقى تطفيها قبل ما النار توصل لجسمك
وتخيلى ان ك لو صبرتى شويه على الحبل اللى معلقك من رقبتك عقتده هتتفك وتقعى او يمكن يكون حبل دايب ميقدرش يشيلك كتير وتقعى وتعيشى
وتخيلى ان لما الدكتور يجى يعمل العمليه ورجلك تتقطع تلاقى نفس بقيت من احد الابطال الرياضيين فى مسابقات تحدى الاعاقه
الحياه مش بدن صحيح وبس
الياس ازبل من الموت الف مره

ياسمين يقول...

az

تعليقك جميل .. ويدل على شخصية متفائلة .. تعشق الحياة

المقصود من البوست دة لو قدامك اختيارين فقط .. كل منهما يضعك فى مشكلة أكثر من اللى انت فيها اصلا .. تعمل ايه

لكن انت حللتى الموضوع بمنتهى العقل والحكمة والتفاؤل

كنت زيك فى يوم من الأيام .. لكن الناس بقى .. اقرب الناس لما تغدر ..تبقى الدنيا وحشة .. وحشة .. وتتمنى تخلص بقى الحياة دى عشان تبطلى تحسى بالألم .. زى مريض السرطان اللى مابيبقاش عارف يتحمل الألم ويتمنى يخلص ويموت

أيوب زمانه يقول...

نفترض إن الحياة ممكن توصل لدرجة إنها ماتستاهلش إن الإنسان يعيشها طيب ماهو الموت كمان ممكن نسميه نهاية تافهة لحياة تافهة .مش كدة؟
عايز أقول إن الموت والحياة نقيضين آه بس ماينفعش ينفصلوا عن بعض
بالمناسبة ليه التشاؤم ده؟

ياسمين يقول...

ايوب زمانه

انت نفسك مسمى نفسك أيوب
أيوب طول عمرنا نعرف انه رمز الصبر
يعنى لازم تكون صابر .. والصبر هو الصبر على المكاره

التشاؤم بييجى لما تتفائل يكون قوى وتفكر ان الدنيا ضحكتلك بعد كثير من الدموع .. وبعدين تكتشف ان الحب خدعة .. السعادة خدعة .. الناس كلها خدعة و وشوش لابسة اقنعة .. وكل وش بـ 100 قناع

لما يبقى الحياة عندك تساوى الموت
لما يبقى الأمل يساوى اليأس
لما تبقى الضلمة زى النور
لما تكتم صرختك جواك زى بالظبط لما تصرخ بعلو حسك
لما أحب الناس ليك يعملوا فيك اللى تتوقعه من اللى بيكرهوك

ياسمين يقول...

أيوب زمانه
أنا مش بأعرف أسيب أى تعليقات عندك خالص
ليه .. مش فاهمة النظام اللى انت عامله دة بصراحة .. ومتغاظة موووت من الموضوع دة

يا رب ما تقولش علية غبية

AZ يقول...

فاهمه يا ستنا والله :)
وانا كمان قصدى اقولك "ربما يأتى النفع من حيث كان يخشى الضرر" اسوا من انك تتحطى فى موقف فيه اختيارين انيل من بعض انك تفضلى الامر الواقع.. اى اختيار من الاتنين مهما كان شكله مهبب اكيد هيبقى احسن من اللى انتى فيه
things turn out to be fine at the end, if it's not fine, then it's not the end
"لا يكلف الله نفسا الا وسعها لها ماكسبت وعليها ما اكتسبت"
يعنى ايه؟؟؟؟ يعنى ادام انىت فى مصيبه \يبقى انتى فى شىء تقدرىتستحمليه والمثل بيقول اصبر تؤجر وامر الله نافد، ماتصبرش تكفر وامر الله برده نافد... الموضوع مش انى متفائله ولا حاجه انا من اكئب 3 ينى ادمين ممكن تشوفيهم فى حياتك لما ببقى متضايقه.. الموضوع محتاج منك شويه ثقه بنفس وشويتين ثقه بربنا.. روقى كده وهتلاقى الحياه بقت بونبونايه كوكاكولا من بتوع بمبم بتاع زمان ياست البنات :)

يارب سترك يقول...

السلام عليكم

كل اللي اقدر اقولو
اني فعلا حطيت نفسي في المكان ده وعشت جوا الموضوع....
والنتيجه اكتئــــــــــاب حاد
وشكلي كده هعيش اللي باقي
بكرامه واللي يحصل يحصل
ربنا يوفقك ويكرمك

smraa alnil يقول...

ياسمينتي
فعلا احيانا كتيرة مش بيبقي ادامنا غير اختيارني والاتنين اسؤ من بعض
ب انا مؤمنة اني ممكن اطلع الف حل وحل من الاختيارين الي فرضوا عليا
مش شرط انهيكون استسلام او هروب
زي موضوع النار دي
لو حصلت اني اقلع هدومي عشان اطفيها هعملها
يبقي انا كدة بقي ادامي اختيار تالت وهو المواجهه
بالنسبة لموضوع الغرغرينا
اعتقد ان بيبقي ليها اسبابه لو انا مش ماشة صح او مهملة في صحتي او في اي جرح صغير
يبقي استاهل
فكان لازم اني اتجنب الوقوع في مشكلة انا عارفة نتيجتها من الاول انها هتؤدي ليا لغرغرينا وبالتالي بتر
يبقي انا كدةكان ادامي حل تالت غير البتر او الاهمال وهو التكير قبل الوقوع في الغلط
يبقي لازم افكر في شئ اعرف ابعاده كويس اوي عشان مش اقع فيه
اما لو تصادف ان تم بتر احد من اعضاء جسمي
فقد رزقني الله به واستئمنته عنده
فالحمدد لله
بالنسبة للكوبري الخشب
فانا برضه لازم افكر مليون مرة قبل ما اخد طريقي دة واتاكد ان هو دة الطريق الامثل
يعني اتاكد ان الكوبري دة سليم ولا لا ولا الحبال اللي هو مربوط بيها قوية ومتينة ولا لا
يبقي انا كدة ادامي حل قبل ما ابقي مجبرة علي اختيارين بس
اني أتاكد من طريقي الاول
النسبة اني اتعلق من رقبتي
فانا ليه اصلا اسمح لنفي اني اخلي الحب يطوقني من الاول ولو تصادف ان حصل كدة اصلا
يبقي انا ليا ادين تفك عقدة الحبل دة
هي مش معضلة يعني
بالنسبة بقي لتياتنيك
فدو ساعتها هيبقي مصيري كتبوا عليا ربنا
وبعدين كدة كدة انا بعرف اعوم
يعني لما تغرق افينة هعوم لحد ما اوصل لخشبة واطلع عليها وافضل اجدف
لحد ما ربنا يقول كلمته عليا


اللي انا عازة اقوله ان مش شرط تبقي مرغمة علي اختيارين بس لحل مشكلة ما
طول ما احنا بنستخدم عقلنا
ليه نمشي في الطريق دة ولو مشينا ايه اللي هيحصل
لازم نحسبها صح ومش ماشين هلهلي كدة
نفكر بعد كدة نقرر

ياسمين يقول...

az

آدينا صابرين
رغما عنا
نعيش الأنين


قريت مدونتك الجميلة
هى فعلا جميلة وكلها احساس زيك بالظبط

مـحـمـد مـفـيـد يقول...

لابد ان تستمر الحياه
فكلها اختبارات وكل ما يمر بالانسان ما هو الا محنه ومن المحن تاتي المنح

قد تكون اول زياره لي ولكن ان شاء الله لن تكون الاخيره

Mohamed A. Ghaffar يقول...

فكره حلوه ، أزاى نختار بين اى شيئين فى الحياه ده سؤال مهم اوى اوى ، وبما ان هى حياه يبقى لازم الأختيار ينبع منها ، سياسه يبقى الحال على ما هو عليه بالنسبة ليا مرفوضه بكل لغات العالم

الكوبرى
اول شئ هتشاهد وهكمل وعلى الله لأن الوقفه لا تعنى شيئ فالحبال الدايبة حتى لو واقف مكانى هتنقطع هتنقطع مع الوقت فتنقطع وانا قدام افضل ما تنقطع وانا متسمر ويمكن اوصل قبل متنقطع


المشنقة
قبل اى شئ هستعين بمفرج الكروب فهو قادر على كل شئ وانا وايمانى بقى ، بعد كده فى كذا حل واحد منهم لازم يكون عندى لياقة بدنيه عاليه وده مش موجود فهعتبر الحل مش موجود ، حل تانى ان هعد أنادى على حد ينقزنى بدام وصلت للمكان ده يبقى ممكن حد يوصل له
أنما المشكله الحقيقة ان الواحد اكيد هينام فلو ربنا مأسعفوش بسرعه يبقى البقاء لله

النار
يهجرى واعدى للباب باى وسيلة او هنط من الشباك واللى يجرى يجرى ، المؤكد انى مش هقف استنى النار تاكلنى زى الأهبل

تيتانك
هاخد اى احتياط ممكن وهقفز

الغرغرينة
هستنضف دكتور وابتر

وفى الأول والأخر من يتق الله يجعل له مخرجاً

fancy يقول...

كنت عاوزة اكتب نفس المعنى دة
"لو يعلم الله فى قلوبكم خير يؤتكم خيرا مما اخذ منكم"
لو مت وانا بحاول اعيش.. لو عيشت وانا بحاول اكيد اكرم الف مره من انى اياس لدرجه انى محاولش حتى اعيش.. ده بيوازى الانتحار

مش هاجاوب على كل موقف لوحدة لان الهدف من المواقف دى زى ما انا فهمت
هو
هل تستسلم لموقف تم فرضة عليك و لا تستطيع تغيرة و ايضا لا تستطيع احتمال الاستمرار فيه ؟ام تسعى للتغير حتى لو كان هذا التغير يعنى الموت؟

عارفة مقولة مصطفى كامل لا حياة مع اليأس
لو جوايا كل اليأس دة يبئا حتى لو قدامى 1000 حل لمشكلتى هش هاقدر احلها

لا تستسلمى لا تستسلمى لا تستسلمى
انك تقفى فمكانك دون اى محاولة دة لا هايقدم والا هايأخر

لكن يمكن لو حاولتى تقدرى تتقدمى

العمر يا ياسمين مافيهوش كتير علشان نضيع منة ساعه فى استسلام

maged stephen يقول...

مشكلتك أنك خايفة من كلمة مطلقة
الخوف فقط هو الذى يجعل الانسان يشعر بأن الاختيار شبه مستحيل

ياسمين يقول...

يا رب سترك

قلبى معاك .. وأتمنى انك تعرف فعلا تختار الكرامة .. لأنه برضه اختيار صعب .. وله عذاباته

يا ريت أعرف منك عملت ايه يمكن اقدر أعمل زيك فى يوم من الأيام

ياسمين يقول...

سمراء النيل

مش ملاحظة ان أغلب حلولك قائمة على ان المشكلة ما تحصلش أصلا

صدقينى ساعات تمشى فى طريق وانتى متأكدة تماما نك هتلاقى النجاح .. وتحاولى توفرى بنفسك كل الوسائل لذلك بينما تأتى الرياح بما لا تشتهى السفن

عموما أنا مبسوطة انك قوية ولسة قدامك الحياة .. وهتبقى حريصة لدرجة انك مش هتسمحى للمحن انها تهدك

مش قلتلك .. سمراء النيل .. القوية الرقيقة

ياسمين يقول...

محمد مفيد

نورت المدونة
ولو ما زرتنيش تانى .. هتشوف أنا هاعمل ايه






هأزورك أنا

Shreif fahmy يقول...

ملاحظ حاجة غريبة ان اختياراتك في الحياة مش زي الناس بتختار مابين حلو ووحش ياسمين أن ملاحظ انه بيتفرض عليكي تختاري مابين وحش وأوحش منه مش عارف ممكن اكون غلطان بس ده احساسي المتواضع

zordeak يقول...

انا هنط يا ياسمين


وهعدى الكوبرى


وهريح رجلى

حتى لو كانت النهاية مووت

بالنسبة لحكاية الغنغرينا دى .., دى اكتر حاجة فكرت فيها

عارفة انى اعيش وانا فاقد جزء منى .., ده حاجة مقدرش استحملها

لكن انا لو سبتها .., هتموتنى بالبطىء

اقولك على حاجة
ساعتها هنتحر اسهل


هوا الموود طيين كده فى كل المدونات

اه يا اكتئابى

ياسمين يقول...

محمد عبد الغفار

تعرف خلاصة الموضوع دة

جملة واحدة قلتها فى الآخر

ومن يتق الله يجعل له مخرجا

طب لما تتق الله على قد ما تقدر وتراعيه فى كل تصرفاتك وبعدين تتفاجىء بمصيبة تعمل ايه؟؟

ياسمين يقول...

فانسى الرقيقة

مش عارفة اقولك ايه .. بجد لا تستسلمى بتاعتك دى هزتنى من جوة

نفسى اقوم وأنفض التراب من على قلبى

نفسى أحس بالدفا

نفسى أشوف نفسى فى المراية واحبنى

نفسى ابطل استسلم

Aoossa يقول...

البوست ده
مش كل الناس تقدر تحسه
لسبب
لو أنا قريت الموضوع ده وأنا لسه فى الجامعه كنت قلت عليكى متشائمه
لكن بعد تجارب كتيره
ومفاجأت غير متوقعه
أقدر أقولك أنى كتير حسيت بالضياع
ولسه بحسه
أقف فى وسط الطريق تايهه
الأختيار صعب
والأصعب منه أن الأنسان ميكونش ليه أختيار
الدنيا تفضل تلطش فيه
و من غير سبب
بأختصار
فى ناس مرها كتير و ناس حلوها كتير
على رأى محمد منير
الفرح ليه صاحب والحزن ليه صاحب
وأنا على الحزن متصاحب
تفائلى خير فالحزن لايترك أصحابه
الا على فراش الموت
ليلتكوا سعيده

ياسمين يقول...

ماجد ستيفن

انت مش فاهم الموضوع خالص على فكرة

لأ أنا مش خايفة من كلمة مطلقة على وجه الإطلاق .. دة حتى لقب ظريف

أنا مش عارفة أختار بين احتياجاتى وإحتياجات بناتى الصغيرين .. سنتين
وأربع سنين

أنا محتاجة أبدأ من جديد وأعيش قصة حب دافية
وهم محتاجين يكملوا حياتهم فى ظروف صحية ومحتاجين لحب الب وحنيته

فهمت الموضوع بقى يا ماجد؟

ياسمين يقول...

شريف فهمى

والله انت جبت المفيد

آه .. للأسف كل اختياراتى بين حاجتين وحشين

ودة تفهم منه ايه ؟؟؟؟

ان الوضع منيل بستين نيلة والحمد لله

يعنى أفضل الحلول .. زفت

ياسمين يقول...

أوســـــــــــا

دة رأى واحدة عندها خبرة حقيقية فى الحياة

عارفة المثل اللى بيقول

المنحوس .. منحوس .. حتى لو علقوا على بابه فانوس

قليل البخت يلاقى العضم فى الكرشة

تخيلى أنا رحت اشترى كرشة لقيت فيها عظم
:))))))

أيوب زمانه يقول...

ماعتقدش إن إيوب لو كان عنده حرية الإختيار كان إختار اللى جرى له أصلاً
بس هيه فكرة إن غلإنسان يواجه المصير بشجاعة وهدوء ويمكن سخرية زى أبطال قصص جاك لندن هيه دى الحاجة اللى بتشدنى
تانى حاجة عايز أقولها ليكى بجد هيه إن لا حياتك تتوقف على اللى كنتى بتحبيهم ولا حياتهم حتتوقف عليكى..الحياة بتستمر
بجد فكرى فى الكلام ده

أيوب زمانه يقول...

موضوع التعليق عالبلوج بتاعى بسيط جداً بس إختارى البوست اللى عاوزة تحطى تعليقك عليه ولو فيه مشكلة تانية ياريت تقولى

AZ يقول...

ربونا يخليكى يا ستو هانم.... بس المدونه اللى سيبتى فيها تعليق دى مش بتاعتى لوحدى والبوست الىل عجبك ده تحديد مش انا اللى كاتباه دى مدونه مشتركه بينى وبين بنتين صحابى
مدونتى الخاصه هى
http://alienzero.blogspot.com/

ياسمين يقول...

أيوب زمانه

يا ريت الموضوع بالسهولة دى
صح حياة حد لا تتوقف على وجود الآخرين

لكن حياتك كثيرا ما تتحسن أو تسوء بوجود آخرين يشاركونك الحب والسعادة أو آخرين يشاركونك الحياة ويقترفون بحقك كل ما يهين ويجرح تحت مسميات كثيرة .. ويطلبون منك أن تبقى فى النيران .. وتقتنع بأنك لا تحترق

بل يطلبون منك أن تقبل الإحتراق فى سبيل حصولهم على الدفء

وان هذا هو الحب

ياسمين يقول...

أيوب زمانه

للسف كل مرة اسيب كومنت

يدينى بيدج فيها العبارة التالية

Sorry, you must be logged in to post a comment

مش عارفة ليه

nadiataha2000 يقول...

ياسمين
فرحت جدا لما انت فرحتى بكلامى و حقيقى يا ياسمين مش مجاملة انت تستحقى كل خير و اللى زيك دلوقتى قليلات .. ربنا يسعدك
اما عن مدونتك فهى بجد اكثر من رائعة و كنت اتمنى من زمان ان اخوض انا فى هذه الموضوعات بمنتهى الصراحة خاصة و انا دارسة حقوق و عملت بالمحاماة فترة طويلة و لم اجد الوقت الكافى لتنفيذ فكرتى ثم نفذتيها انت بمنتهى الامانة فشكرا لكى ..
سواء انا او انت يا ياسمين ظروفنا بالنسبة لغيرنا كويسة و نحمد الله عليها من حيث اننا تعلمنا و نعمل و لنا دخل ثابت و هوايات و اصدقاء و صديقات على الاقل من خلال الانترنت على نفس مستوانا الثقافى يفهموننا و يواسونا فى المحن .. و انت و الحمد لله لكى اولادك ربنا يخليهم لك يسلونك و يسعدونك و ممكن تشغلى نفسك بيهم تماما اما لو فكرتى فى الطلاق لا قدر الله فهيكون امامك نزاعات رهيبة لا تتخيلينها اما القضاء و ممكن يكون الطرف الاخر لا يتقى الله و يقوم بالمنازعات لمجرد العكننه فقط و ممكن تتزوجى بانسان تحبينه و لا تعرفى ماذا سيحدث منه بعد الزواج ممكن يتغير لسبب ما ممكن يكون طمعان فى شىء ممكن يضايق اولادك .. فالحمد لله انت الان احسن من غيرك بكتير انا عن نفسى لو كان عندى اولاد فلن افكر فى الزواج ابدا و ساجعلكم احسن ناس فى الدنيا و اجعل ابوهم يندم على تركى و تركهم
فاثبتى و لا تظهرى ضعف او انهيار لان الرجال الايام دى فاكرين ان المراة خلقت لامتاعهم و ليست انسانه مثلهم تشعر و تتالم و تتعب فى عملها و تعود للبيت فتتعب به ايضا لا هم يريدونها متزوقه متعطرة مبتسمه 24 ساعه لا تشتكى لا تمرض لا تغير لا تحكى .. يالله اقول لك ايه .. ده قدرنا فارمى ورا ضهرك و اضحكى و اسعدى و اخرجى اتفسحى مع الاولاد و صاحبنا لو عايز ييجى اهلا و سهلا مش عايز انشالله ما جه فى ستين داهيه .. و لا تزعلى نفسك
يارب اجد لكى بوست متفائل قريبا و سيبك من مود الكابه ده عشان مش لايق عليكى بصراحه .. و شكرا لشكرك لى
ناديه طه

ياسمين يقول...

نادية
انتى بجد عظيمة قوى .. عظيمة فى فلسفتك للأمور .. عظيمة فى شعورك بالآخرين .. دة شىء نادر .. عظيمة فى قوتك وإيمانك

يا ريتنى كنت زيك

و الله أنا أعدت قراءة الكومنت دة كذا مرة .. لما فيه من تحفيز لى للخروج من تلك القوقعة التى وضعت فيها نفسى بنفسى

أنا رحت مرة لمحامى .. وأكيد انتى محامية وعارفة السكة دى قذرة قد ايه .. بجد حسيت انى هأكره نفسى لو مشيت فى السكة دى ..وهابهدل بناتى

انتى عندك حق .. لازم أرمى من ورا ضهرى
ربنا يوفقك ويوفقنى .. وأكيد هيوفقنا لأن ربنا العادل ما يقبلش بالظلم ابدا

ياسمين يقول...

نادية

انا ليه مش عارفة أدخل على البلوج بتاعك .. نفسى أقرالك

ولو ما عندكيش .. بجد هازعل

اللى زيك لازم يبقى قلمهم شمعة تنور طريق الناس

أرجوكى قولى عنوان مدونتك أو قومى فورا بالتدوين

ام العيال يقول...

ليييييييييييييييييييييييييييه
حراممممممممممممممممممممم عليكي
انا عندي عيال
:-(

nadiataha2000 يقول...

ياسمين
الحمد لله ان كلامى وجد صدى عندك و هدى نفسك .. ربنا معاكى
للأسف يا ياسمين لسه ماعملتش مدونه خاصة بيه ذى ما تقولى هايبه الموقف و خايفة شويه رغم ان عندى موضوعات كتيره جدا .. ياريت تشجعينى و انا على طول هنطلق و اعمل مدونه خطيرة بس خليكى معايا .. انا هنوى انشاء الله و استشرك لو صادفتنى اى صعوبه
دعواتك .. و شكرا
ناديه طه

daktara يقول...

فعلا انا احب كده يا ابيض يا اسود محبش انصاف الحلول ابدا
علشان كده هاختار
..........

ياسمين يقول...

دكترة

تصدق الحل دة هو الصح فعلا

:)))))))

aymen.farouk يقول...

عارفه يا ياسمين انا هاعمل ايه
انا الصبح بشتغل وبس بردذه انى متعلق من رقبتى لو سيبت الشغل هصيع
وباليل لما اصحى وملقيش حد جنبى يكلمنى وادور وملاقيش بس انى هضيع
لا بحاول ارمى نفسى من شباك ولا حتى بلكونه
اعمل ايه بقى اقفل الباب واظبط الدماغ وانزل الشارع واتعامل مع الناس والبشر وشتى انواع الحبال والكراسى المتحركه
ما انتى شوفتينى انا كنت عامل ازاى يوم الجمعه
بس تصدقى انا استريحت اوى لما قعدت معاكم عارفه ليه

عشان ملقتش لا حبل ولا كراسى ولا شوفت دكتور ببالطو ابيض

محمد بدرى يقول...

ومين قال ان حد لى اختيار فى اللى قولتيه ؟
الاختيار يجيى قبل ما اوصل للمراحل دى كلها، وطالما وصلت للمرحلة دى يبقى ده نتيحه اخيارى من الاول ومش هتفرق كتير النتيجة لإنى هبقى اكيد بختار غلط من الاول.

albida يقول...

مش عارفة!!.. بس أنتى اخترتى مواقف ما يعلم بيها الا ربنا

أعتقد أن الواحد لازم يحاول ويتحرك لاخر وقت حتى لو كان هيؤدى لموته
أصل الاستسلا هيودينا لنتيجة واحدة بس.. أما المحاولة فليها نتيجتين.. فليه منجربش ؟ حتى لو كانت نسبة النجاح 1 فى الميه

manal

ياسمين يقول...

أيمن فاروق

والله يا أيمن دة تجاهل للمشكلة مش حل ليها

لكن ساعات التجاهل بينفع برضه

ياسمين يقول...

البيداء الحسناء

انتى عندك حق برضه
وعلى الأقل
نبقى كسبنا شرف المحاولة

ياسمين يقول...

محمد بدرى

يعنى بدل ما تشوف الحل يبقى ايه
قررت انك تبدا فى اللوم على من وضع نفسه فى دة من الأول

بتفكرنى بأبويا وأمى

عمرى ما لجأتلهم فى مشكلة إلا وبدأوا فى إلقاء اللوم علية فى انى من الأول ما كانش مفروض أعمل كذا .. أو كذا

وكأن إلقاء اللوم علية هيطلعهم هم الشخص الصح

وهيحل المشكلة

Mohamed A. Ghaffar يقول...

لما يحصل اللى انت قلتيه ده يبقى الأمور تحمل على وجهين

الأول انى لم اتق الله حق تقاته كما اظن ويجب على المزيد من التقوى ، يعنى امشى لأدام فى طريق التقوى لا اقف مكانى ولاارجع للوراء

الثانى ان الله يختبر تقاوى ويجب على ايضاً المزيد من التقوى حتى اتجاوز الأمتحان ، يعنى امشى لأدام فى طريق التقوى لا اقف مكانى ولاارجع للوارء

أميرة ويلز يقول...

اكيد هعمل اى حاجة عشان اعيش

لازم اعيش مادام فى نفس بس مش بالحظ بالصبر والتفكير فكرى

فكرى

ربنا يعينك

تحياتى

ياسمين يقول...

أميرة ويلز

لو قلتلك ان تعليقك خلانى أفكر .. مش هتصدقينى

بس هى دى الحقيقة

اشكرك بجد

albida يقول...

على فكرة عنوان البلوج بتاعى اتغير الى
albidalife.blogspot.com
علشان القديم مبيفتحش

manal

أميرة ويلز يقول...

ياسمين ربنا يسعدك ويوفقك
اتمنى اكون قدرت اساعدك او ادفعك للتفكير المهم وصلتى لحل تالت ؟
:D

aymen.farouk يقول...

اكيد ساعات التجاهل بينفع اوى وانا جربت كده
احييكى

aymen.farouk يقول...

عارفه يا ياسمين
بجد كتير الواحد بيقابل مشاكل مش مشاكل دى ممكن تكون مصايب وبيعجز عن حلها رغم انه امام عده اختيارات او على الاقل امام اختيارين وكلاهما مؤلم
بس احنا هنا بنتكلم فى مسأله اقدار او حياه وموت
يعنى ملناش اننا نختار ولو اخترنا حل يبقى بنتوهم اننا احنا اللى اخترناه عارفه ليه؟؟
المسأله لما بتتعلق بحياه او موت
حلها عايز معجزه من عند الله سبحانه وتعالى
وزى ما بيقولو فو الامثال الشعبيه
ساعه القدر يعمى البصر ملناش حكم على اقدارنا وبعدين ماهو ممكن الحبل بتاع االكوبرى يكون متين ويخلينى اعدى بسلام وتبقى تجربه قويه احكيها لاولادى ولاولادهم بعد كده وممكن الحبل اللى على رقبتى ينقطع ويكون ربنا عايز كده وبرضه دى معجزه اما حكايه النار دى بقى كلنا عارفنها عارفين الام اللى حطتت اولادها جوه بطانيه ولفتهم بمرتبه ورمتهم من الدور العاشر ودى حادثه مشهوره كانت فى المعادى وانا شفتها بعنيا لانى ساكن جنبها ومشهوره بعماره كامليا العربى ورغم كده الاولاد عاشو
والام ماتت بس ماتت وهيا مطمنه على اولادها
فاكرين ربنا قال ايه لام سيدنا موسى ان القيه فى اليم
والست دى كمان ربنا اوحلها انها ترميهم ومتخفش وهوا اللى هيرعاهم
موضوع تيتانك ده بصراحه مفكرتش فيه
اما موضوع الدكتور انا سمعته شخصيا وكان دكتور طول بعرض كشفه 400جنيه والكلام كان على والدى الله يرحمه ووالدى رغم انه عارف انه لو عمل العمليه هيعيش عاجز بنسبه خمسين فى الميه لكن اختار يعمل العمليه
تمت وبنجاح رهيب وبعد كام يوم وانا قاعد معاه فى غرفته وماسك ايده لقيته بينده عليا ساعتها اطمنت ان هيكون كويس يوميها روحت البيت مرتاح اصحى الصبح عاى خبطه على الباب افتح الاقى جارتى بتقولى ياله عشان نروح لابوك البقاء لله
هو هنا عمل اللى ربنا عايزه مش الكتور ولا انا ولا اى حد

انا طولت عليكى اصل موضوعك شدنى اوى يا ياسمين

ياسمين يقول...

أميرة ويلز

فكرت ولقيت اننا عقولنا هى اللى بتختقنا بالتفكير الكتير فى المشاكل
واننا لو اعتبرنا ان مافيش مشكلة من اصله .. مش هنتعب
اذن المشكلة جوانا .. يبقى لازم نفكها من جوة .. ونعيش اللحظة الحلوة زى ما هى واللحظات المرة نحاول ننساها أو نتجاهلها وما نخليهاش تاخد مننا الحلو اللى فاضل

أشكرك بجد

ياسمين يقول...

ايمن فاروق

فعلا يا ايمن .. كله بإيد ربنا فى الآخر
حكايتك قطعت قلبى .. لكن علمتنى ان الدنيا فيها بلاوى كتير ومن شاف بلاوى غيره هانت عليه بلوته

مافيش غير ان الواحد يسيبها على الله ويعيش اللحظة وكأنها آخر لحظة فى عمره ويحاول ينسى المر ويفكر بس فى انه حتى لو اتألم دلوقتى أكيد الجاى أحلى ..

وكفاية ان الدنيا بتدينا ساعات
حاجات حلوة لكن ما بنفتكرش منها غير العذاب
لازم برضه ساعة الألم نقول الحمد لله عشنا ايام حلوة زمان

الحمد لله على كل حال

film69 يقول...

وفقا لمنطق لسينما هناك 3 حلول
بالنسبة لأفلام الأكشن ستكونيني خارقة أو محظوظة جدا فستنجين من كل المشاكل ، ربما تحتاجين دورة في الألعاب الخطيرة والسباحة قبل بداية التصوير
بالنسبة للأفلام الرومانسية ستضطربن لإنتظارالفارس ليأتي بحصانه ليخطفك و ينقذك من كافة الأخطار
بالنسبة لمنطق عادل أدهم
لما صباع رجلي يوجعني معلجوش ، أقطعه وأستريح منه
تحياتي

ياسمين يقول...

فيلم

موتنى من الضحك

طول عمرى كان نفسى أبقى قوية زى ستيفن سيجال و أرنولد وسلفستر

بس أنا أفضل نظرية الفارس بتاعة الحصان

هههههههههههه

micheal mohsen يقول...

ياسمين..تصدقي أن الكلام بتاع البوست دة ساعات كتير كان بيجي في دماغي بس بصراحة كنت بحاول أصرفة علي طول عشان متقلبش علي هلوسة و علي العموم بالنسبة لي أنا طبعا أفضل أني أموت بكرامتي و بكامل صحتي و عفيتي و ربنا يبعدعنا شر التجارب دة

ياسمين يقول...

مايكل محسن

دة معناه انى خلاص دخلت فى مرحلة الهلوسة

هههههههه

Harmless يقول...

وانا صغير قرات مقاله فى مجلة علميه عن فوائد الألم
لا يمكن ان تتخيلى اهمية الألم فى حياة المخلوقات
تخيلى لو لم يكن موجودا ويدك اقتربت من شعلة البوتاجاز وانت لا تريها
تخيلى الخبطات والتعثرات والوقعات وتخيلى لو بدون الم كيف كنا سنستخف بكل شئ وكيف سنتهاون فى جروحنا وكسورنا وحروقنا
تخيلى كيف سيضيع حرصنا وكيف ستتبلد مشاعرنا
الغريب ان هناك مرض خطير جدا (اعتقد انه الجزام) كل ما يفعله انه يفقد الانسان الشعور بالالم
مرضاه ينتهى بهم الحال الى تلف اجسادهم وتساقط اطرافهم ثم الموت

الالم النفسى كذلك
هو الذى يحدد علاقاتنا وهو الذى يحدد ما نقبله ومانرفضه وهو الذى يجعلنا نقرر من الذى لانستطيع ان نحبه ومن الذى لا نستطيع ان نستمر فى حبه
لا تكرهى الالم
ان مفيد جدا

ياسمين يقول...

هارملس

جايز يكزن مفيد فعلا
بس يعنى مش لازم اضرب بنتى الصغيرة علشان أنمى قداراتها على الشعور بالألم .. ومش لازم أغضب ناس قريبين عشان أتأكد انهم عندهم احساس وقدرة نفسية على التحمل

الألم نعمة .. أحياناً

sabrina يقول...

بيتهألي اني أختار الحل الثاني وأتوكل علي الله بدل ماأقف في مكاني و استني تصاريف القدر
ويكفيني شرف اني حاولت

عنقود العنب يقول...

لو هاتكلم عن الصح و اللي طول عمري نفسي أعمله هو اني أحاولب أتمسك بالحياه على قد ما أقدر و أعمل لالي عليّ لحد آخر لحظة
بس لو هاتكلم على اللي حاعمله فعلا هو إني هاتعب من مد رجليّ للكرسي و هاسيبها و أموت و حاعد مكاني على الكوبري و أحط ايدي على خدي لحد مايقع و هاستني في المركب لحد ما الناس كلها تقع فوق راسي..
فلسفة الاستسلام هي أول حاجة هاعملها ومش باقتناع .. لكن باستسلام
انتت وسندباد شايفين ان الموت باختياركم أكرم.. ده اذا كانت المحاولة و المعافرة للبقاء كان مهانة.. لكن الحياه غالية و مسئولية أنا شايفة ان المفروض نعافر عشانها..
ورغم ان اللي هاعمله اني هاقرر الموت لكن أنا شايفة ان ده هروبو استسلام

ياسمين يقول...

سابرينا

انتى شكلك جريئة .. والخوف مش فى خططك الحياتية

أحييكى

واشكرك على زيارة مدونتى لأول مرة

ياسمين يقول...

هنقود العنب

والله أنا بأشكرك على صراحتك

وصدقينى أنا لو كنت عارفة اعمل ايه ما كنتش كتبت البوست دة

تحياتى لك وأشكرك على التعليق

وماتحرمنيش منك

raspoutine يقول...

ياسمين
حبيت اقولك على عنوانى الجديد
ايمن فاروق

الغـــــــــــــريب يقول...

ياسمين
أختارى الحياه والمواصله والمثابره
بين يديكى كنز لا يقدر بثمن
لا يمكن ان تشتريه أو تبيعيه
كنز أذا ما أبتسم
فرح قلبك
وأذا بكا أو حزن أنخلع قلبك
أعتقد فهمتينى

بالنسبه للبوست بتاعى
أنسخى ما تشائين
وأعتذر لتأخرى فى الرد
فأنا لا أدخل على التعليقات غالبآ
وبالصدفه قرآت تعليقك منذ دقائق
شكرآ لمرورك و عذوبة كلماتك

Fancy يقول...

اقولك على حاجة يا ياسمين

انا قولتلك لا تستسلمى و الحاجة دى مش سهله

الانسان بيستسهل الاستسلام لمشاكلة و لا يحاول الخروج منها ده طبع مانقدرش نغيرة بسهولة

لكن وجودك جنب حد يقويكى سواء من الاصدقاء او الاهل هايضع فى نفسك القوة على المقاومة و عدم الاستسلام

بجد وجود ناس بتحبك و تتمنالك الخير جنبك بيقوى الواحد جدا

اتمنالك السعادة

Amr Ahmed يقول...

حتي لو كان الموقف بهذه الصعوبة

التي تكاد تكون مستحيلة

لان لكل مشكلة حل

فهناك الله سبحانه وتعالي
هو اكبر من اي شئ

فهو قريب مننا

ويكون اقرب اذا كنا في ضيق

وهنا ارادة الانسان في البحث عن حياته

تحياتي

Harmless يقول...

لغاية دلوقتى 77 تعليق (وده الـ 78) على رسالة واحدة
عايزين رساله جديده
ليه اتاخرتى كده؟
مش عارفه اننا بنستمتع بكلامك وبنستناه كل يوم؟
ولا فاكره انك ممكن تبقى بالذكاء ده وبالثقافه دى وبالتلقائيه دى وبالانسانيه دى وبالروعه دى وما تدفعيش التمن؟
التمن التزامك بالتواجد والحاحنا عليكى

اشتغلى يلا
هو لازم يعنى نشتكى؟؟؟؟

الامبراطورية المفقودة يقول...

بصراحة لازم تحسيبيها صح
اية اللي هتكسبية او هتخسرية
من الوقوف او التحرك
وبعد كدة خدي قرارك
بس اهم حاجة تتحملي عواقب القرار بكل شجاعة ومتندميش علي حاجة انتي عملتيها
بالتوفيق
========================
الامبراطورية المفقودة
عالم مختلف
www.lost-empire.blogspot.com

Aoossa يقول...

ياسمين
أنت فين يا ست الستات
أنا جيت أطمن عليكى
عاوزاكى شديده وجامده كده
أموووووووووه ليكى

Nohaz يقول...

wahashteni yassmina
how are u doing i dont have arabic fonts but hmm well :S i'm in a situationlike u are talking about now
i hate the company i work for
and i hate what is happining to me
what i have learned in years i'm loosing for not practcing it
my manager thinks he is doing me good by not giving me work as an engineer
he thinks that me stay at the office is better for me
anyway
i'm feeling that i'm going crazy soon
specialy he started making fun of me whenever i say i have learnd this and that

but still i cant move on and leave this job cause i fear i wont find another one

hope to meet u soon ya gamila

شــريف العدلى يقول...

بسم الله ما شاء الله يا ياسمين
ماسوره رجاله فتحه عندك
يالا اى خدمه

LionKing™ يقول...

صعب اوي دا
سعات الواحد بيحس بكدة
بس بيكون امله في ربنا كبير
وفعلا ربنا بيكون معاه
تحياتي
وفعلا مش عارف اقول ايه كلها لحظات صعبه وربنا ما يوريها لاي حد فينا

Aladdin يقول...

عموماً هوا دايماً في حل، بس للأسف "الحكومة" مانعاه عن الشعب رغم أن بيطلع حاجة كده بتاعة ربنا في أرض سيناء الله يحرسها!!

ياسمين يقول...

ايمن فاروق

تمام يا فندم .. علم

مبروك

ياسمين يقول...

الغريب

اشكرك على إهتمامك وردك علية

واشكرك مرة اخرى على دعمك لى

ياسمين يقول...

فانسى

الإستسلام اصعب حاجة مش اسهل حاجة

على الأقل بالنسبة لى

وحقيقى انتوا أهلى وأصحابى

بجد .. صدقينى

انتوا ملجأى وملاذى فى الوقت الحالى

أكتب وأستنى الرد بفارغ الصبر

وكأنى باستنى حد عزيز يزورنى

بحبكم كلكم .. وبأشكركم كلكم

ياسمين يقول...

عمرو أحمد

ونعم بالله .. فعلا ربنا كبير وما بينساش حد

وكل معاناه يعيشها الإنسان هى فى ميزان حسناته

أرجو ذلك

ياسمين يقول...

الإمبراطورية المفقودة

فعلا لازم أحسبها

المشكلة انى مش لوحدى

صدقنى لو لوحدى كنت أخدت أى قرار وفورا

بس للأسف أنا مش لوحدى

ياسمين يقول...

أوسا الجميلة

شكرا يا قمر انك فاكرانى

والله بقينا أكتر من الأهل

بقولك .. ايه أخبار سيف من خشب .. مختفى ليه بقاله كتير .. ما تعرفيش ايه أخباره .. عاوزين نطمن عليه

ياسمين يقول...

نوهاز

أنا كمان نفسى أشوفك قريب انشاء الله

ربنا معاكى .. ولو عاوزة رايى

ما حدش مرتاح فى شغله غالبا

لكن انتى لازم تشوفى شغل تانى وبعدين تسيبى الشغل دة

القعاد فى البيت صعب .. لكن فى الآخر .. الرزق بتاع ربنا

ياسمين يقول...

شريف العدلى

تعليقاتك فى منهتى السخف

انا مسحت التعليق اللى فات علشان ما حبتش ان زوار المدونة هم اللى يردوا عليك بنفسهم .. وحاولت انى أحترمك

لكن المرة دى أنا سايبة تعليقك علشان الناس تعرف .. أى نوع من زوار المدونات أنت

عموما أشكرك .. دة برضه يدل على شخصيتك واسلوب تفكيرك

ياسمين يقول...

ليون كينج

هى الحياة كلها مصاعب

بس ساعات بتزنق علينا قوى ومايبقاش فاضلنا غير كلمة .. امتى تفرج؟

ضاقت فلما استحكمت حلقاتها فرجت وكنت أظنها لا تفرج

ياسمين يقول...

علاء الدين

ضحكتنى .. أشكرك

كنت محتاجة لإبتسامة

ياسمين يقول...

هارملس

بكاااااااااااااااااش موووووووووووووت

:))))))))))))

طب مش هتهادينى بقى بمدونة حلوة كدة زى كلامك اللى يرفع الروح المعنوية دة

عاوزين مدونة تحت اسم هارملس

وانا عارفة انت بتكتب ازاى

والا خايف أدخل أعلق زيك كدة على بوستاتك

Aoossa يقول...

ياسمينه
أزيك
مين سيف من خشب ده
تقصدى مين ؟
بلاش ألغاز
حاولت أفكر بس مفيش فايده
مخى ضرب خالص
هههههههههههههه
قولى متتكسفيش
سلاموز

Shreif fahmy يقول...

إلى كل محبي وزوار مدونة سكاي لايت من حق ياسمين علينا أننا نحتفي بيها بشكل أحسن من كده خصوصا بعد التعليق البايخ اللي كتبه الاخ اللي مش فاكر ومش عاوز افتكره بعد أذن ياسمين هتاخدي الرسالة اللي هكتبها دي وتحطيها كمقال عندك وندخل عليها كلنا نحاول نثبت من خلالها أد ايه كلنا بنعزك وبنجترمك وكفاية أنك من خلال مدونتك عملت شباك صغير كلنا بنبص منه وننسى فيه همومنا وعاوز كل الناس من خلال رسالتي يكون استفتاء مننا على حب واحترام ياسمين وياخوفي لحسن يطلع نتيجته 99.9%
ورجاء خاص ياريت يا ياسمين تنشريها وهزعل لو ده محصلش ونص الرسالة كالأتي

(بنحبك كلنا يا يـــاسمين)

ياسمين يقول...

شريف فهمى
دى فكرة رائعة فعلا واقتراح ممتاز هأنفذه فورا

وعلى فكرة دة مش أول تعليق بايخ من الشخص دة

Harmless يقول...


ايه العيشه ديه؟
الناس مهرية
والنفوس سفليه
والعقول مصدية
والنظرات تحتية
والافكار خلفية
وتسعين فى المية
من الفكر والنية
شرور مستخبيه
وحقائق ملوية
واكاذيب غبية
واحقاد جلية
وربك حيهدها
بيك وبيا

ياسمين يقول...

هارملس

شكرا على الكلام اللطيف دة

مش بقولك لازم تعمل مدونة تكتب قيها بنفسك

فى انتظار مدونتك .. ولا خايف الناس تعرف اللى جواك واللى بتفكر فيه؟؟

Shreif fahmy يقول...

ياسمين مازالت في إنتظار الفكرة!!!

koukou el kemil يقول...

الحقيقه الاختيارات اصعب من بعض 00انا شخصيا مأدرش اقرر الا و انا في الموقف نفسه00
حلو البلوج

whyme يقول...

حسستينى بلبخنقه يا يا ياسمين


بس اكيد هفضل فى مكانى على الاقل شويه لان كل الاختيارات الى انت قلتيها مفيهاش انت و حظك دى كده كده هتموت


بس بالنسبه لموضوع الحرق بتيهئلى اكيد هنط قبل النار متوصلى
لانى بخاف جداً من النار
تحياتى

ياسمين يقول...

كوكو

هو دة اساسا الهدف من البوست

إظهار صعوبة إتخاذ القرار فى بعض الأحيان خاصة لما تكون قرارات مصيرية

اشكرك لإكتشافك الهدف دون أن تدرى

وشكرا لك على اطراءك

ياسمين يقول...

whyme

هى فعلا اختيارات صعبة .. ساعات نتحط فيها وما نبقاش عارفين نختار ايه

أنا برضه بأخاف من النار زيك بالظبط
لكن الفكرة انك فى الآخر بتختارلك موتة أفضل والسلام

خواطر مثليه يقول...

اولا بحييكي علي مدونتك الجميله اللي اتعرفت عليها عن طريق مدونه لصديقه ليا علي النت
و موضوعك فعلا شدني لأني فكرت فيه كتير
انا عن نفسي مش بحب اروح للدكاتره الا للشديد القوي مع اني بشتغل في نفس المجال
بس من كتر اللي بسمعه عن ناس كتير بتتوهم لما بتروح للدكاتره بخاف و انا بطبعي خوافه
يعني لما بشوف حد عايشو تمام التمام و فجأه يحس بشويه وجع بسيط و يبتدي يعمل تحاليل و يطلع عنده مرض قاتل و مع اه كان عايش تمام التمام و مش بيشتكي من حاجه جامده بيبتدي يتولد جواه احباط و خوف من اللي شافه في التحاليل و بيموت و ممكن يموت من الوهم و الاحباط صدقيني و ده حصل مع ناس في حياتي شوفتهم
انا في رأيي لو الدكتور قاللي مثلا اني عندي غرغرينا و لازم تتقطع رجلي يالا حموت مافتكرش اني حتقبل بسهوله الفكره اني اعيش عاجزه ممكن ماسمعش كلامه
انا مش بخاف من الموت اد مابخاف من الالم و الوهم عشان كده بسيب كل حاجه تمشي في حياتي كده و فين و فين لما تلاقيني بروح اكشف
انا عارفه ان ساعات كتيره الكشف المبكر عن حاجات بيخالي علاجها اسهل من لو اهملناها
المهم مش حطول عليكي ياريت تزوريني في مدونتي حكون مبسوطه و خصوصا و من اللي كتبتيه في مدونه صاحبتي حسيت اد ايه انتي بتحترميجميع الاراء و مش متعصبه لفكر معين
احييكي علي مدونتك
http://khwatermislya.blogspot.com/

غير معرف يقول...

لما علينا ان نختار بين شيئين هما وجهان لعملة واحدةبين موتين "موت مادي و اخر معنوي "فصدقين يا سيدتي العجز موت.الحيرة موت انتضار معجزة كي تخلصك من عدابك موت التيه و الضياع و .... موت العيش باجزاء ناقصة موت.".عادل صديق جديد "