الأربعاء، 21 فبراير، 2007

اللقاء الشهرى الثانى

أعزائى أصدقاء التدوين
بالنسبة لمكان وزمان اللقاء قام البعض بتقديم إقتراحات تتلخص فيما يلى
قهوة البورصة - وسط البلد
سافارى كلب - ميدان لبنان
نادى القوات البحرية - بجوار شيراتون الجزيرة
قصر الشوق - المقطم
أما الزمان المقترح للقاء هو
غدا الخميس - الجمعة - السبت
رجاء التصويت على المكان والزمان

هناك 20 تعليقًا:

frozen love يقول...

دي الاقتراحات كترت قوي وانا مسحول مع المشروع...بس كويس اني جيت الاول

انا رايي السبت في سافاري كلب...انا معرفوش بس المهندسين مناسبة قوي...الساعة طبعا العادي 6 -7 كده


انا على الخميس هفضى وتكونوا قررتم ان شاء الله

اشوفكم غلى خير

.:.-=- ELGaZaLy-=-.:. يقول...

مش عارف حاسس انكم على ما هتقررو هايكون الواحد ساب مصر..

ورحل مع طيور السنونو الغريبة وكدة...

مصر هى أمى يقول...

بما ان احنا فى عهد الديكتاتورية
فمن الممكن ان تصدرى فرمان بالمكان واليوم وتريحينا هوا احنا بنجهز الشهر ده ولا اللى جاى

ياسمين يقول...

frozen love
الغزالى
مصر هى امى

اللقاء هيكون الخميس بكرة

أو الجمعة بعد بكرة

فى احد الأماكن المطروحة

فى البوست

وعلى المشاركين اختيار يوم واحد ومكان واحد من الخيارات المطروحة

The Alien يقول...

البورصة
الجمعة
الساعة 7

تحياتي

dndn يقول...

yareet akon mawgood m3akom yom el sabt fe ay makan'
ya reet felmohndessn
nefsey ashofkom ya shbab
khasatn
samraa we yasmeen :)

ياسمين يقول...

دندن

والله أهلا ومرحبا بالجميع
لكن اشمعنى يعنى البنات
هو انت فاكره رانديفو ولا ايه
دة صالون ثقافى للمدونين أساسا

لو مستعد لدة .. تشرف

أحمد سلامة يقول...

الجمعة مناسب
المكان ؟؟
امممممممم
وسط البلد تقريبا اسهل مكان لكن باقي الاماكن برده جميلة ماعادا المقطم لأنه بيتهيألي هيكون صعب على اللي مش معاه عربيه بس برده لو الناس استقرت عليه هيكون أكيد جميل
وانا برجح رأي مصر هي أمي

ياسمين يقول...

أحمدسلامة

أنا عملت التصويت دة طبقا لدستور المدونين الديمقراطيين
:)))

Amr Ahmed يقول...

البورصة يوم الجمعة

أميرة ويلز يقول...

انا جاية اشجع

واعرف نتيجة التصويت

ربنا يعينك ياياسمين

فوضى الحواس يقول...

وسط البلد انسب حاجة خصوصا لمن يقطن خارج القاهرة

ذو النون المصري يقول...

ياسمين
انا رديت علي طلبك بالمشاركه في حل المشكله
و اسف جدا للتاخير
الرد في بوست المشكله

Noran يقول...

قهوة البورصة - وسط البلد
غدا الخميس


..... ya rab nela7a2

.:.-=- ELGaZaLy-=-.:. يقول...

الخميس الى هوا النهاردة؟؟

فين طيب والساعة كام؟

Mohamed A. Ghaffar يقول...

الطريقة دى مش هتوصلنا لأى شئ أبداً وانت عارفه الرأى بتاعى وطريقتى فى المواضيع

الأمر يستلزم قرار ثم تعلنيه من حضر حضر ون لم يحضر معلش المره الجايه يحضر، اما الأقتراع والأراء فلن نصل به لأى شئ

أنت متعلمتيش من المره اللى فاتت

إبـراهيم ... معـايــا يقول...

يبقى الجمعة وسط البلد يا ريســــة



قهوة البورصة

تحياااااااتي


هيا سمرا راااحت فيييييين ؟؟؟

مصر هى أمى يقول...

ياسمين
انا من راى محمد عبد الغفار
حددى المكان والزمان وريحينا
ولو عايزة رايى
الجمعة واختارى انتى المكان ومفيش حاجة اسمها المكان ده بعيد على حد احنا مش عايشيين فى صحرا

farida يقول...

و الله انا بحييكي انك واخده على عاتقك الموضوع ده

اتمنى توصلوا لاتفاق
و تحياتي لكم جميعا

الدبور يقول...

كان المفروض من الاول ان يكون التصويت علي مكانين و توقيتين
علي سبيل المثال
البورصه او سافاري
الساعه 6 او 7 وبعدها بقترة يتم ايقاف التصويت و احتساب الاصوات و الخروج بالنتيجهوفيها المكان و التوقيت
لكن انا شايف ان ده ارتجال والمطلوب نقطه نظام و احنا يوم الخميس اهو ومحدش حدد اي مكان و الساعه تقريبا 1 ظهرا وفي ناس من خارج القاهرةوانا منهم علشان يحضر يلزمه يخرج من بيتهم قبل قبلها ب3 ساعات علي الاقل علشان يحضر في ميعاد اللقاء
وعموما اتفقوا علي مكان و ميعاد و واي حد يبلغني عن طريق المدونه بتاعتي
او في ايميل المدونه و قبلها بمده كافيه

الدبور