اللقاء الشهرى .. لقاء المفاجآت
حسنى سليمان وحد فاهم حاجة
the alien & sky lightسمراء النيل فى المنتصف
راسبوتين - أحمد حداد - كلمة frozen love
مصر هى أمى
the alien
sky light الدبورعلى قهوة بورصة بمنطقة وسط البلد التقينا .. تجمعنا فى السادسة والنصف وانصرف آخرنا فى تمام الواحدة بعد منتصف الليل .. حضر اللقاء 17 من المدونين المتحمسين .. وكانت هناك مفاجآت عديدة فى هذا اللقاء الأكثر من رائع
اولها مفاجاة أحمد شقير صاحب مدونة حكاوى آخر الليل لنا بالحضور والتى أسعدتنى كثيرا واضفت البهجة على وجوهنا بمجرد أن ظهر ، خاصة وقد كنا نتحدث عنه بالفعل فى اللحظة التى ظهر فيها ، وأعتقد انه هو شخصيا لن ينسى ابدا تعبيرات وجهى التى اندمجت فيها السعادة مع الدهشة ، حقيقة لم أتخيل ابدا ولم يخطر على بالى ولو لثانية واحدة أن مدون بحجمه ومكانته قد يتجاوب مع فكرتى المتواضعة (طبعا دلوقتى مش متواضعة خالص) بعقد لقاء يجمعنا يكون بمثابة صالون ثقافى نتبادل فيه الآراء والأفكار ونثرى معلوماتنا بالمناقشات المثمرة
حضر اللقاء ايضا حسنى سليمان صاحب مدونة افنان الفنون وكان حضوره اللقاء بالنسبة لى بمثابة حصول طالب فى الثانوية العامة على مجموع 100% ، وقد اثرى اللقاء بحواراته الممتعة ولم يشعر احدا قط أنه الأكثر علما والأكثر ثقافة والأكثر خبرة بالحياة
تحية كبيرة لكل من حسنى سليمان واحمد شقير على دعمهم للقاء بالمشاركة فيه
اولها مفاجاة أحمد شقير صاحب مدونة حكاوى آخر الليل لنا بالحضور والتى أسعدتنى كثيرا واضفت البهجة على وجوهنا بمجرد أن ظهر ، خاصة وقد كنا نتحدث عنه بالفعل فى اللحظة التى ظهر فيها ، وأعتقد انه هو شخصيا لن ينسى ابدا تعبيرات وجهى التى اندمجت فيها السعادة مع الدهشة ، حقيقة لم أتخيل ابدا ولم يخطر على بالى ولو لثانية واحدة أن مدون بحجمه ومكانته قد يتجاوب مع فكرتى المتواضعة (طبعا دلوقتى مش متواضعة خالص) بعقد لقاء يجمعنا يكون بمثابة صالون ثقافى نتبادل فيه الآراء والأفكار ونثرى معلوماتنا بالمناقشات المثمرة
حضر اللقاء ايضا حسنى سليمان صاحب مدونة افنان الفنون وكان حضوره اللقاء بالنسبة لى بمثابة حصول طالب فى الثانوية العامة على مجموع 100% ، وقد اثرى اللقاء بحواراته الممتعة ولم يشعر احدا قط أنه الأكثر علما والأكثر ثقافة والأكثر خبرة بالحياة
تحية كبيرة لكل من حسنى سليمان واحمد شقير على دعمهم للقاء بالمشاركة فيه
طبعا شاركت للمرة الثانية سمراء النيل الجميلة الغنية عن التعريف ذات الشعبية الطاغية والتى كانت سببا مباشرا فى زيادة عدد الحضور ، وفى الحقيقة هى تستحق الشكر على تحمسها للفكرة ومساعدتها الكبيرة لى على خروجها من نطاق الفكرة الى نطاق التطبيق الفعلى
أما راسبوتين والذى يشارك للمرة الثانية ايضا فانا اشكره على تعريفنا بحسنى سليمان وتشجيعه على مشاركتنا اللقاء مما يدل على ايمان حقيقى بفكرة اللقاء .. شكرا يا ايمن من كل قلبى
ولم يحضر كل من محمد عبد الغفار و الحصان الأسود و الرجل الميت وافتقدناهم حقا خاصة انهم كانوا أول من استجابوا لدعوتى لعقد لقاء وحضروا بالفعل اللقاء الأول ، ونتمنى جميعا مشاركتهم معنا فى المرات القادمة
أما راسبوتين والذى يشارك للمرة الثانية ايضا فانا اشكره على تعريفنا بحسنى سليمان وتشجيعه على مشاركتنا اللقاء مما يدل على ايمان حقيقى بفكرة اللقاء .. شكرا يا ايمن من كل قلبى
ولم يحضر كل من محمد عبد الغفار و الحصان الأسود و الرجل الميت وافتقدناهم حقا خاصة انهم كانوا أول من استجابوا لدعوتى لعقد لقاء وحضروا بالفعل اللقاء الأول ، ونتمنى جميعا مشاركتهم معنا فى المرات القادمة
(واخدين بالكم من المرات القادمة دى)
تصفيق حاد وشكر كبير لفتى الإسماعيلية الأسمر ذو الوجه البشوش الدبور صاحب مدونة لسعة دبور ، حضر من الإسماعيلية خصيصا للمشاركة فى اللقاء .. شكرا يا دكتور
ابراهيم .. صاحب مدونة أنا وأنا .. كاتب ومفكر حضر وشارك وقد طرح له حديثا كتاب متوفر فى الأسواق تحت عنوان كتاب جماعة مغامير الأدبيــــة .. مبروك يا ابراهيم
شارك فى اللقاء بمنتهى الحماس ولاد مصر الحلوين اللى شايلين مستقبلها بين ايديهم و يستحقون جميعا ان يكتب عن كل منهم بوست كامل .. وانا اسجل اعجابى الشديد بكل منهم .. بجد انتوا المستقبل
شارك فى اللقاء كل من
تصفيق حاد وشكر كبير لفتى الإسماعيلية الأسمر ذو الوجه البشوش الدبور صاحب مدونة لسعة دبور ، حضر من الإسماعيلية خصيصا للمشاركة فى اللقاء .. شكرا يا دكتور
ابراهيم .. صاحب مدونة أنا وأنا .. كاتب ومفكر حضر وشارك وقد طرح له حديثا كتاب متوفر فى الأسواق تحت عنوان كتاب جماعة مغامير الأدبيــــة .. مبروك يا ابراهيم
شارك فى اللقاء بمنتهى الحماس ولاد مصر الحلوين اللى شايلين مستقبلها بين ايديهم و يستحقون جميعا ان يكتب عن كل منهم بوست كامل .. وانا اسجل اعجابى الشديد بكل منهم .. بجد انتوا المستقبل
شارك فى اللقاء كل من
أحمد شقير
http://shokeir.blogspot.com/
سمراء النيل
http://anooojy.blogspot.com/
أريدك انثى
http://oredoky-ontha.blogspot.com/
الدبور
http://dabbor.blogspot.com/
مصر هى أمى
http://misr-hya-omi.blogspot.com
The alien
http://alien-besho.blogspot.com/
مايكل محسن
http://michealito.blogspot.com/
Frozen love
http://m-rashed.blogspot.com/
Why me
http://yme1.blogspot.com/
ahmed_h
http://ahmedhelmasry.blogspot.com/
The eagles
http://hoba28.blogspot.com/
راسبوتين
http://raspoutine1.blogspot.com/
ابراهيم معايا
http://anaweana.blogspot.com/
حسنى سليمان
http://hosny45.blogspot.com/
كلمة
http://kelmetfagoumy.blogspot.com/
كيف تحيى الموتى
http://almawta.blogspot.com/
سكاى لايت
http://amyasser.blogspot.com/
http://shokeir.blogspot.com/
سمراء النيل
http://anooojy.blogspot.com/
أريدك انثى
http://oredoky-ontha.blogspot.com/
الدبور
http://dabbor.blogspot.com/
مصر هى أمى
http://misr-hya-omi.blogspot.com
The alien
http://alien-besho.blogspot.com/
مايكل محسن
http://michealito.blogspot.com/
Frozen love
http://m-rashed.blogspot.com/
Why me
http://yme1.blogspot.com/
ahmed_h
http://ahmedhelmasry.blogspot.com/
The eagles
http://hoba28.blogspot.com/
راسبوتين
http://raspoutine1.blogspot.com/
ابراهيم معايا
http://anaweana.blogspot.com/
حسنى سليمان
http://hosny45.blogspot.com/
كلمة
http://kelmetfagoumy.blogspot.com/
كيف تحيى الموتى
http://almawta.blogspot.com/
سكاى لايت
http://amyasser.blogspot.com/
هناك 98 تعليقًا:
ما اجمل ان تشهد الميلاد
وتراقب النمو
وترى التطور
وتعيش التحول
ما اجمل ان تشهد كيف يصير العظيم عظيما
وتنظر كيف يصير الكبير كبيرا
وتجلس يوما فتحكى عن البدايات
وكيف تآلفت القلوب
واجتمعت النفوس
وعاش الجميع لحظات الود والانسانية والتراحم والمحبة
امس 6 افراد واليوم 17 وغدا المئات
اليوم يتعرفون
وغدا يبدعون
وبعد غد يؤثرون
وبعد ذلك يخلقون عالم جديد
سبحان مؤلف القلوب
ومهيئ من خلقه من يستطيع تجميع الشتات ويصنع من ابسط الاشياء اجمل الاشياء
تحية واعجاب يا ياسمين
هارملس
مش عارفة أقولك ايه
سعادتى بنجاح اللقاء التانى أكبر من الكلام
بس بجد احنا جبنا سيرتك فى اللقاء بالإسم ..انت ونادية طه وحسن محمود
الجميع يذكر تعليقك الذى يتنبأ بلقاء المدونين الخامس عشر :)))
أحمد شقير يطلق عليكم لقب القارىء الخفى
الذى يقرأ ويتابع المدونات ويعيش واقعهم ويشاركهم مشاعرهم وتفاعلاتهم
شكرا هارملس
ياسمين واحنا مروحين امبارح قولتيلى كلمتين عجبونى اوى
قولتيلى الفكره اللى عملناها بتعتبريها زى حاجه بترعيها وبتشوفيها بتكبر قدام عينك كل يوم
شبهتى اللقاء بتاعنا بالحب اللى بيكبر او الطفل الصغير اللى لازم نرعاه
او النبته اللى لسه طالعه للحياه واحنا بنسيقها وبنرعاها كلنا
ياسمين انا بشكرك وبشكر كل مدون شارك معانا فى اللقاء ده
وزى ما انا قولتلكان البدايه مكنتش بالمستوى اللى احنا توقعناه لكن اللقاء التانى كان فيه حماس انا مشفتوش قبل كده غير ايام الكلية
بجد فر حت اوى وكل اللى كان موجود معانا امبارح كان فرحان واولهم الفنان حسنى سليمان والاستاذ شقير وكلهم والله
بشكرك تانى
وبقولك توقعى المزيد والمزيد
انا متأكد من كده
واخر حاجه بدعى ربنا يخليكى لينا وتمدينا بالروح اللى بجد احنا مفتقدينها اليومين دول
ايمن فاروق
انا بجد بشكرك يا ياسمين على اليوم ده او الحلم ده....انا فعلا متتصوريش كنت مبسوط امبارح قد ايه وانا شايفه بيتحقق..انا لسة عامل بوست عن اللقاء ده برضه..بوصف فيه قد ايه انا حسيت بالامل..وسعدت بيكم وبالمكان وباليوم
عقبال السنة المئة ان شاء الله
ايمن
الكلام دة كبير
بس مش هيكون الأخير انشاء الله
انت حسيت بية وبفرحتى
واحنا مروحين اكيد كنت بأتنطط من الفرحة .. وانت بالذات شفتنى وعارف شعورى تجاه الموضوع من أول لقاء
بس تصدق انت قلت كلمة كويسة .. حسينا كلنا بروح الجماعة اللى راحت من ساعة ما خلصنا كلياتنا واشتغلنا وبدانا نحسبها بالمصالح
ايمن .. شكرا
ياسمين الزعيمه ده كلام كبير عليا وانا الحقيقه سعدت بهذا اللقاء جدا..وده كله كان بفضل فكرك وجهدك انت وانجى..انا سعيد فعلا وكمان شكرا لانك نزلتى اسماء الحضور لانى كنت متلخبط شويه ومش عارف اسماء البعض ولا عناوين مدونتهم..اشكرك مرة اخرى وكل الشباب الجنيل اللى كان موجود
3aaaaaaaaaaaaaaaaaaa
بقى كده
كان نفسى فعلا احضر :(
و معرفتش بحكاية اللقاء غير من البوست ده
انا اى نعم مش من عتاولة المدونين و اعتبر يعنى لسة بشخبط
بس اللقاء ده فرصة هايلة للتعرف على باقى الناس
التحاور
التواصل
خصوصا ان كان فيه ناس كتير انا بقرالهم و بحترم إرائهم جدا
ياريت يا ياسمين قبل اللقاء بأسبوع كده او عشر ايام
تعملى بوست مخصوص تنويه عن اللقاء
و بجد الفكرة اكثر من رائعة
انتوا شباب جدعان قوى
يلا سلام
عملوها الوحوش .. ياريتني كنت معاهم
(من فيلم الطريق إلي إيلات(
:)
صور جميلة ونسبة حضور عالية وناس فل الفل
فين بقي المواضيع اللي اتكلمتوا فيها؟؟ ياريت كل واحد من اللي شاركو يحيكلنا عن تجربته والمواضيع اللي اتكلم فيها
شكرا ياسمين
انا كمان عملت بويت عن اللقاء يعنى محدش احسن من حد
و انا بجد امبارح كنت حاسس انى كنت فى حلم و صدقينى لغاية دلوقتى مش مصدق و كمان حاسس انكم شخصيات خياليه من كتر مانا مش مصدق
اللقاء كان اكتر من رائع و بشكرك جداً جداً انت و سمراء لمجهوداتكم الجميله علشان اليوم ده يطلع للنور
تحياتى
ملحوظه :- يعنى يا بنت الحلال من كل الصور الى قعدنا نتصورها امبارح ملقتيش غير الصوره الى طالع فيها مغمض عينى
على العموم كفايه انى متصور مع راجل عظيم زى استاذنا حسنى سليمان حتى لو كنت طالع بقفايا
تحياتى
ياسمين
بجد فكرة هايلة و يكفي انها خلتني اتعرف بناس محترمة و علي قدر عالي من الثقافة زيكم..بجد انا روحت بيتنا مبسوط جدا و مستني الللقاء القادم اللي أنانتوقع فية ضعف العدد دة علي الاقل و ابقي افتكري كلمتي ...عشان تصدقي لما قلتلك الفكرةدية حتعمل نقلة في عالم التدوين
تحياتي لكي و للجميع
ملحوظة..فين صورتي..ماشي يا ياسمين بس أما أشوفك تاني
frozen love
قريت البوست اللى انت كتبته
حلو قوى قوى
دة معناه اننا هنكرر التجربة .. مش كدة
حسنى سليمان
انت اللى اسعدتنا بوجودك معانا بجد
وعاوزين نظبط بقى المرة الجاية
نادين
لازم طبعا تبقى معانا المرة الجاية أحسن مشاركة البنات ضعيفة قوى
عاوزين تبقى فى مشاركة نسائية اكتر وحقيقى الناس كلها كانوا محترمين جدا جدا
مش هتندمى ابدا
قاسم افندى
ايوة عملوا الوحوش صحيح
والمواضيع اللى اتكلمنا فيها كانت كتير جدا
عاوزة بوستات لوحدها
احنا قعدنا 6 ساعات مع بعض
كان لقاء حقيقى جميل
why me
طب والله دى الصورة الوحيدة اللى انت
باين فيها
عموما معلش هأسألك الباقى على صورة أحسن
معلش اوعى تزعل
عزيزتى ياسمين
مبروك عليكى هذا النجاح الباهر
بجد فرحت جدا لهذه المبادرة منكى
و أتوقع لها المزيد من النمو و الاستمرار و الازدهار
تحياتى لكى و لجميع أعزائنا المدونين الذين سيكونون سلطة و قوة ضاغطة مستقبلا ان شاء الله و للاستاذة ياسمين الفضل فى ذلك
أتمنى أن أكون معكم فى اللقاءات القادمة باذن الله
ناديه طه
مايكل
صورتك موجودة عند باقى المدونين
هم عندهم صور مش على كاميرتى
ونزلوها
والله انت شاب ممتاز وربنا يوفقك بجد
انت من اللى تنبئوا بالنجاح فعلا .. بل أولهم
كان لقاء جميل بجد
حورية
مبروك البلوج يا جميل
رايحة اشوفه حالا وطبعا لازم تبقى معانا بعد كدة .. لازم
ياسمين
انا سعيده جدا بتجمعكم
و كان نفسى اكون معاكم
تن شاء الله اكون معاكم فى اللقء التالت
مانو
هنستناكى يا نور العين
وعاوزين نزود نسبة الحضور النسائى احسن كدة مش حلو
شكلنا وحش قوى
اتمني يا ياسمين تكونوا انبسطم
انا عندي فكرة هبقي اقول لك عليها بعدين
نوهاز
احنا حقيقى امبسطنا جدا ولو دخلتى على مدونات باقى الحضور هتقرى عن اللقاء أكتر
مستنية الفكرة
شوقتينى
لالالالالالالالالالالا
بجد انا زعلان جدا
انا في المرتين كان نفسي اجي
لازم
لازم
لازم
لازم
المرة الجاية يتحدد ميعاد اللقاء بدري
حدديه من دلوقتي
شادى فايد
الجمعة الجاية ل اللى بعدها
ايه رايك بقى ؟؟
فى اسرع من كدة؟؟
اهلا بالعقل المدبر
أتشرفت بمعرفتك و انشالله حتكون معرفة خير
تحياتى
بس الفكرة عايزة مجهود و عايزة تنظيم
ابقي بصي بصة عندي
ياسمين
طبعا انا مش عارف اشكرك ازاى على اليوم الجميل ده والتعارف العظيم بيكى وبالمدونيين التانيين بصراحة يا ياسمين شباب يفرح فعلا
وطبعا شكر كبير اوى ليكى انتى بالذات صاحبة الاقتراح ده ويارب تفضلى كده دايما لما المدونيين فى اجتماعات شهرية ويمكن زى ما قولت قبل كده يبقى اليوم ده يوم المدونيين المصريين وطبعا كل مدون معرفش ييجى خسر كتير اوى
بس ايه الصور ديه انتى عندك صور تانية احسن راحت فين عموما المرة الجاية نختار مكان يكون فيه اضاءة قوية علشان نعرف نتصور احسن
وعقبال كل اجتماع ان شاء الله
أحمد
والله انا كمان اتشرفت بمعرفتك
انت انسان جميل جدا
وعلى فكرة انا بحب التصوير برضه
ويمكن اقصدك تعملى شوية صور حلوة كدة زى الفنانات
ايه رايك
نوهاز
هأموت واعرف الفكرة
انا فضولية جدا
هاروح حالا عندك
انبسطلك اوى ياجميل علشان اللقاء طلع بشكل حلو كده زى مابتقولى بليز يابوسى المره الجيه ياريت تقولى علشان بجد نفسى اروح
ربنا يسعد ايامك كلها ياقمر
انا فرحت جدا لما عرفت بلقائكم و فرحت اكتر ان الفنان حسني سليمان حضر معكم
لقاء ممتاز فعلا رائع
انا سعدت جدا بالصور التزكاريه للقاء بينكم
...................علي فكره انا رديت علي المشكله السابقه بعدها بايام في مكانها بعد ما قراتها هنا و عند صاحب المشكله
ياسمين بلدياتي !
مساء الخير
زعلان منك
انت مش نشرتي الصورة اللي انا فيها لوحدي ليه
مش ده كان اتفاقنا علشان اللي بالي بالك تشوفها مش ده كان اتفاقنا امبارح و لا نسيتي !
بالمناسبه انت مش بعتي الصور ليه انا منتظرها كلها
علشان انشر البوست و الصور
ياسمين
ان بجد مش عارف اشكرك ازاى عجز لسانى عن وصف اعجابى بيكى وبافكارك النيرة
الفكرة كانت رائعة للغاية
كان فى هناك ناس جمييييييلة جداااااااااا
على راسهم اثنان استاذنا الكبير احمد شقير وفنانا الكبير حسنى سليمان
بصراحة انا لما اكن اعرفهم من قبل ولكن الان لن استطيع ان اصف لكى مدى قمة سعادتى بمعرفتهم
وطبعا انتى وسمراء النيل وباقى المدونين الرائعين
اكيد المرة القادم سوف يتضاعف العدد وكل مرة يتضاعف حتى يحضر معنا الشعب كله ويكون ناقص ان تحضر معنا عائلة مبارك الكريمة بس ساعتها اعملى حسابى انى مش جاى
هههههههههههههههههه
تجربة حلوة وجميلة
وسوف اذكر بما قلته فى اجتماعنا
انا كنت فى غاية السعادة عندما قرات للمدونين عموما وكنت سعيد جدا جدا جدا ان هناك شباب فى مصر بهذا التفكير وهذا التحضر
فمهما طلقتى العنان لخيالك لن تصلى الى مدى سعادتى بمعرفتك ومعرفة باقى المدونين
بجد
شكرااااااااا
والسلام...........
ما اجمل تلاقي الافكار و الابداعات
بجد يا بختكوااا
اضفتونا صوره تانيه لمصر
لسه فيه ناس بتفهم ومتحضره
ربنا يوفقكوا جميعا
ويمكن بعد سنتين تلاته كده ابقا معاكوا
علي بال ما اوصل بقاااااااااااا
أسفت لعدم الحضور والمشاركة وشكراً ان تزكرتونى
ولكن كان لتحديد الموعد قبلها ب 24 ساعه فقط اليد الطولى فى أعاقتى عن الحضور ، حيث لم أستطع ترتيب مواعيدى المعده حيث سلفاً ولا يمكن ان اخل بإرتباطات قد سبق وان اتفقت عليها
أرجو فى المرات القادمة تحديد الموعد قبلها بوقت كافى
تحياتى ك ولجميع الحضور
ياسمين
اولا ـ اول مرة اتشرف بمدونتك والتعليق فيها
ثانيا ـ عرفت مدونتك من عند عمرو احمد
ثالثا ـ بما ان اسمك زى اسم حفيدتى فدة حيخلينى مواظب على الزيارة
رابعا ـ فكرة لقاء المدونين جميلة ـ وطبعا مبقتش فكرة خاصة انها خرجت الى حيز التنفيذ مرتين ـيبقى لى سؤال هل هناك مكان لجدو فى هذا اللقاءـ
يا سمين
أنا سعيده جدا بالنجاح اللي شايفاه بيكبر بتدرج طبيعي و هادي.. وفخورة جدا ان فيه فمصر تحضر زي ده و كنت أتمنى إني أكون عضوة في حاجة كبيرة زي ده
بتمنالكم نجاح أكتر و المواصلة فيه و بجد بحييكم
مصر هى أمى
شكرا يا محمد .. احنا انتقلنا بالخطوة دى فعلا من عالم الخيال والتصور الى ارض الواقع
المشكلة فى الصور ان المكان كان مظلم وفى صور كتير طلعت مش واضحة قوى
المرة الجاية انشاء الله تكون احسن
عاوزين فعلا نعمل يوم المدونين المصريين ويكون موافق لتاريخ أول لقاء وهو 13 يناير من كل عام
الفكرة دى بنتك ولازم ترعاها دلوقتى
ماشى
محض الروح
شكرا على كلامك الرقيق
ولو تابعت مدونتى اكيد هتعرف مكان اللقاء الجديد
وهيكون قريبا على فكرة
ذو النون المصرى
شكرا لدعمك وتشجيعك
ونرجو انك تكون معانا المرة الجاية
انا فعلا قريت تعليقك على المشكلة
اشكرك
الدبور
صورتك لوحدك منشورة عند ايجلز وفروزن لاف
وطالع زى القمر
وبعدين ما أنا حاطالك صورة معايا
ولا دى حاجة تضايقك يعنى ومش عاجبك انى أبقى معاك فى الصورة
قولى بس وانا أغيرها
the eagles
انا كمان فرحت جدا لما شفتك انت والشباب الجميل المثقف اللى كله حماس
وعرفت ان البلد بخير
أنا راجعة بقول للناس نفسى ولادى يبقوا زيك انت وزمايلك
أو على الأقل ألاقى واحد زيك أجوزه لبنتى لما تكبر عشان ابقى مطمنة عليها
على فكرة دى مش مجاملة .. دة احساسى
مجهول
شكرا لتشجيعك لينا
وليه 3 سنين عشان تبقى معانا
الموضوع ابسط من كدة فعلا
اشكرك
محمد عبد الغفار
حقيقى افتقدناك جدا فى هذا اللقاء
كان نفسى تبقى معانا لكن معلش الجايات اكتر من الرايحات
عموما يمكن المقابلة الجاية تكون اقرب مما تتصور
جدو
انت تنورنا وتشرفنا وسوف يزداد اللقاء ثراءا بمن هم فى خبرتك
صدقنى .. لا مكان للفروق العمرية أو الدينية او الإجتماعية أو حتى فى الإتجاهات السياسية فى لقاءاتنا
اشكرك وأرجوك ان تكون معنا فى المرات القادمة
هنودة
شكرا يا نور العين على تشجيعك دة
وتتمنى ليه احنا فيها
تنورى معانا انشاء الله ولنا الشرف بوجودك
.comمبروك يا جماعة واضح انة كان ميتنج هايل
الغزالى
كان نفسى تبقى معانا يا غزالى قوى
وانا واثقة انك كنت هتمبسط جدا
بجد شكرا يا ياسمين
أنا مبسوط جدا إني كنت وسط المجموعة الهايلة دي وإتعرفت عليهم
اللقاء كان أكثر من رائع
وأعتقد إن كل اللقاءات الجاية هتبقي أحلي وأحلي
تحياتي
ياسمين
ماشى اوامرك انا هاعتبر ان يوم المدونيين المصريين بنتى وهارعاه وان شاء الله نحتفل بيه كل سنة بس لو ربنا ادانا العمر وعملناه اليوم ده وعملنا مؤتمر للمدونيين هنرشحك من دلوقتى رئيسة المؤتمر
جميل جدا ان العدد كان كبير وحضر الناس دي كلها
و حاجه جميله الصور تخلينا نبدا نعرف اشكال الناس الي بتكتب من الورا الكي بورد ايه
اكيد كان نفسي اكون بس مش مشكله اكيد في يوم هكون موجود
:)
حاجه اخيره يا تري ليه مكنش غيرك انتي و انجي من الجنس الناعم كلهم رجاله كده لازم تفكري ليه علشان تزودي نسبه الحضور من البنات
تحياتي
ايوة يا سوسو يا بتاعة المفاجأت
على فكرة انا عايزة اقول ان فكرة اللقاء لازم تيجي من واحدة زي ياسمين
كلها نشاط ..خاصة ناحية الاتصالات الاجتماعية
انا شايفة البداية جميلة
والاحاسيس اجمل
بغض النظر عن النتائج القادمة المتوقعة
محدش يقول عليا شكاكة لما اقول
خلوا بالكم من السيد (مستفيد) اللي دايما ينتظر فرص زي دي
او الاستاذ (زنبجي) اللي بيستمتع بالبيئة دي ويمارس هواياته
او عم(ماليش دعوة) اللي بيسخن ويطلع زي الشعرة م العجين
:-)
:-)
:-)
انا باقول كده مش عشان تبعدوهوم لو ظهروا .. لأ
دول هما دول اللي بيخلوا للكيان
واقعية وطعم زي طعم الحياة الطبيعي
(مش عارفة حاسة انه اعلان عصير!!!)
سوسو اكيد انت عرفتي انا مين
اخر حاجة انا مبسوطة جداً عشان انتي مبسوطة
Keep it up baby
ماشاء الله شكلكم اتبسطتم
ربنا يزيد ويبارك ويارب دايما
طيب مش تقولوا أتكلمتوا فى ايه؟
حطيتوا أمير للمدونات زى أمير الشعراء ولا لسه؟
ايه ياستى
مش تستفيضى فى الشرح علشان نعرف
وياترى فى توسعات مستقبلية؟
العزيزه والزعيمه ياسمين وردة بساتين المدونين..
انتى عارفه انا كنت سعيد جدا باللقاء وبعدين اصبحت اسعد بعد ما شفت ردود الافعال والتعليقات ..ودلوقتى انا مجنون سعادة..الفكرة فكرتك لكن مش لازم كل الافكار اللى يكون صدى ونتائج الروح اللى فى الفكره اقوى من الفكره نفسها..وطبعا انتى عارفه نظريه قوة الفكر..انتى قوة فكرك وخلق الروح فيها اخرجها الى حيز الوجود بما يدل على قدر الصدق اللى جواكى
ياسمين انا سعيد بان اكون صديق لكى نتشارك الافكار والافعال وزى ما قلت فى المدونه انى حسيت ان مسئولية الشباب ده اصبح واجب لازم اقوم عليه بالشكل اللى اكون فيه سبب فى اسعادهم..انا وانتى وكل من يسطيع ان يدلى بفكر وجهد فى هذا الامر..وهذا الا انك صاحبة الفكرة
ياسمين هناك بعض الافكار التى طقت فى دماغى حاقلك عليها بعدين ونشوف نعمل فيها ايه
ياسمين
الله يبارك فيكى
على فكرة انا لسه ما اكملتش البلوج بتاعى يمكن اكون اتسرعت
معلش فى التأنى السلامه
يارب اكون معاكم دى امنيتى
انا سعيدة جدا بنجاحك و بان يكون للمدونين مكان تحت الشمس
تحياتى لكى
ناديه طه
gameeeeel :)
fe amal en el 3amlya tekbar wla eh ??
law el leqa2at ba2t fel sheraton aw el foursezons mmkn agy :))))
Good Luck always ;)
منورة الصور يا سكاي
حقيقي ، مش عارف أقول لك إيه /، بجــد كان يوم رااائع جـــدًا ، وكلكم كنتم رااائعين ! ، بس المشكلـــة إني مش لااااقي وقت أكتب فيه عن اليوم الجميل ده !!!
وكل شهـر واحنا مع بعض إن شاء الله
بــــس خلااااص
آآآه يا ياسمين ، تسلم إيـدك ع الكلام الجمـيـل ده ، أمـا بالنسبة للكتـاب فهو كتاب جماعة مغامير الأدبيــــة
التي أنا واحد منهم . . . .
بس يعني ، والكتاب معروض عنه ف مدونتي
و في انتظااار اللقاء القادم إن شاء الله
انا دخلت علي اغلب المدونات دي ميرسي
كده زي ما اكون كنت معاكوا 00
كان نفسي اكون معاكوا بس مش عارفه حاسه اني مش عايزه حد يعرف انا مين كده احلي
The Alien
المقابلة كانت جميلة بيكم وانت كنت من الناس اللى سابوا علامة وبصمة بجد
وأكيد لازم نكرره طبعا وتكون برضه معانا
مصر هى أمى
ايه الحلاوة دى
محسسنى انى مهمة بجد
تعرف
انا كنت محتاجة قوى لحاجة أعملها وتنجح اليومين دول
اللقاء دة أحلى حاجة حصلتلى من مدة طويلة جدا
وخليك فاكر السنة اللى جاية انشاء الله قبل 13 يناير نعمل حملة كبيرة نقول فيها ان دة يوم المدونين المصريين ونعمل بجد مؤتمر ونحجز قاعة وكلام من دة
عبد الله
حقيقى قلة المشاركة النسائية واجعة قلبى قوى
ومش عارفة أحل المشكلة دى ازاى
رسمة
حبيبتى وحبيبة قلبى ورفيقة عمرى
الجميلة الحاضرة الغائبة اللى فى قلبى ومعايا مهما بعدتى
خلتينى عيطت يا شيخة
هتفضلى رسمة فى قلبى علامة مدى الحياة
وهنخلى بالنا من الساتذة ايهام وانا عارفة انك اللى بتكشفى كل المؤامرات دايما لأنك شكاكة وعلى طول نظرية المؤامرة مسيطرة عليكة
سيبك انتى .. أنا عاوزاكى تيجى ونعمل بقى احلى حاجة بنحب نعملها
عارفاها طبعا
:))))
حسن محمود
أكيد المرة الجاية هتكون ليها برنامج وهنكتب بنظام أكتر
اعتبر ان المرة دى سيطرت عليها العواطف أكتر
حسنى سليمان
أيوة فكرة .. خرجت للوجود
وانت عمال أهه بتقول أفكار برضه
وحماسنا هيخرجها للوجود
الحماس يا ناس .. الحماس
حورية
ولا اتسرعتى ولا حاجة انتى بس تحمستى ومن غير الحماس مش ممكن تعملى نجاح حقيقى
من هنا ورايح هأدخل كل يوم عشان أشوفك كتبتى ايه وكمان لازم تبقى معانا بعد كدة
د. طنطاوى
انت فاكر انك بتهرج طبعا لكن الفكرة عجبتنى و أوعدك ان فى يوم من الآيام هيكون لينا لقاء فى الشيراتون وانت تحضره
شكرا على الفكرة الجميلة
بستوكة
عقبال لما تجيبى طهقان وتيجى تحضرى بقى وتنورينا كلنا
ابراهيم معايا
معلش مقدرين ظروفك
وكمانأنا ىسفة لأنى ما كتبتش اسم الكتاب
عموما لو أعدت قراءة البوست هتلاقينى كتبته
آسفة تانى
كاوكاوى
احنا كمان نفسنا تبقى معانا
امتى بقى البنت المصرية تخرج من القمم
يا رب حررها
ياسمين
هوا صحيح ان يوم 13 يناير اول اجتماع بس انا باقترح ان احنا نعمله يوم 23 فبراير هوا يوم المدونيين المصريين علشان فى اليوم ده الفكرة اطرحت وان شاء الله هتخرج للنور وان شاء الله انا ناوى اعمل مدونة للموضوع ده بس تلم الاجتماعات الشهرية وكلنا نحطها فى المدونات بتاعتنا وانا هاسبلك اختيار اسم المدونة ماشى يا زعيمة
مصر هى أمى
انت بتبهرنى بنشاطك وافكارك بجد
أنا ما عنديش مانه طبعا لكن مش عاوزة اتجاهل الناس اللى تعبت وتحمست للفكرة وهى مازالت وليدة وهم اللى حضروا الإجتماع الأول وأنا عندى تقرير الإجتماع دة بالفعل
فكرة عمل مدونة خصيصا لذلك فكرة رائعة ويمكن تنفيذها فورا وعمل بوستات الإجتماعين وهابعتلك صورهم وتقرير الإجتماع الأول
وبالنسبة لإسم المدونة دة شرف لية انك تدينى شرف اختيار الإسم .. سيبنى افكر شوية دة عاوز مخمخة
انت عاجبنى مووووت حماسك بجد
ياسمين
النشاط ده احنا واخدينه من سعادتك
مش انتى اللى شجعتينا على الاجتماع
بصى الاجتماع اللى جاى نناقش الفكرةو نختار اليوم
انا النشاط اللى انا فيه لانى حسيت بنفسى مع عالم المدونات والتدوين
الشرف ده انت تستاهله يا باشا
مستنيين المخمخة بتاعة الاسم
انا نزلت صور الاجتماع بتاعنا اللى انتى بعتيهالى فى بوست جديد ابقى شوفيه عايز رايك
اولاً باشكرك جداص على الصوره الجميله دى الى انت حطيتيهالى و انك اهتمتى انك تغيرى الصوره
ثانياً باشكرك الف مره على كلامك الجميل و على زيارتك ليا مرتين فى بوست واحد ده بجد كتير عليا
و بجد انا سعيد جداص انى اتعرفت على شخصيه بهذا الحد من الرقى و التحضر و بجد انتى تصلحى تكونى زعيمه للمثقفين
تحياتى يا صديقتى العزيزه
فى اطار حرص سمــــوى على تشجيع المدونين الجدد
فانا قفشـــــت واحده من المدونيين الجدد و عايزكم تبقوا تزوروها
و مدونتها اسمها
askurself
و الرابط بتاعها
http://gm-16.blogspot.com/
تحياتى و الى يقفش حد جديد يبقى يقولى
هي الفكره مش في القمقم خالص بس
حاسه اني كمدونه لما الناس بتعرف شكلي و اسمي تأثيري بيقل مش عارفه ده صح و لا لأ
بس حاسه كده
كاوكاوى
على فكرة دى مش حقيقة
انتى بتكونى أكثر قوة وأكثر تأثيرا وانتى بتقولى رايك فى كل شىء أمام ناس مثقفين بيفهموا ان الناس بتختلف أفكارها
افكارك مش بس بتكتبيها لأ دة انتى هتقوليها وتعلنى التمرد والناس دى هتصقفلك وهتشجعك وهتحييكى حتى لو مختلفين معاكى
ودة اللى حصل معانا كلنا
مع إن دى اول مره أتابعكم بس ده كمان شىء مدهش و مفاجىء
أنا اشكرك على المبادره الحلوه دى و اتنمتى انها تتكرر
و اتمنى أنضم لكو
انتى عارفه أد ايه كان نفسى اكون موجوده لكن تتعوض المره الجايه ان شاء الله وكل المرات اللى بعدها
تحياتى لاحلى ياسمين
جميل لما نتفق والاجمل وجودكم كلكم وحماسكم ونجاحكم إن شاء الله راح اكون متواجد معاكم
hello
they told me you are the boss
and i must excuese you befor i come to the next meeting :)
so ..... can i come ?
note : Mr. hosny soliman and frozen love who i talk to
lel2asaf ana delwa2tee fe America welo kont fe masr akeed 100% kont haba2 fel magmo3a beta3atko dah eza sama7to
Alien a3az as7abee we howa elsabab anee batabe3 elmodawanat beta3etko
lama shoft sortoh 3ala elmodwana besara7a 7'oft la2n anto 3adadko so3'ayer we el7akoma 2lbaha 2sood
sawarko we 3aleha elasamee beta3atko ma3lomat 7'atera
ana mesh gaban bas mesh hasta7mel 7aga te7sal le Alien wana mesh mogood
low aktana3tee bekalamee men fadlek shelle elsawr
we felnahaya bakarar ta2deere elkabeer gadan lel magmo3a beta3atko, we rabana ya7'aleko lamsr alb benbod fakr ta3'er elbalad ma7taga
Bassam
اسلام يوسف
انت تنورنا .. وأى حد من المدونين كمان
احنا هيكون لنا لقاء شهرى دائم ونحب اننا نزيد كل مرة عن اللى قبلها
أمانى الجميلة
طبعا هتكونى موجودة وأنا هأعدى عليكى نبفسى عشان آخدك ومش هتعرفى تزوغى
7ntklm
هنستناك تشارك معانا اللقاء الجاى وما فيش تزويغ
ايهاب
والله قالولك كدة .. كتر خيرهم
كل اللى حصل انى عملت لقاء لزوار مدونتى وكبر الموضوع ودة بجد باسطنى جدا
واحب طبعا انك تكون معانا انت وأى حد من المدونين الجمال اللى زيكم
باسم
احنا لا بنتكلم فى السياسة ولا عاوزين نغير حاجة
احنا اصحاب فكر نتبادل المعلومات والأفكار وبس
نتواصل نتفق ونختلف لكن كلنا من النضج بحيث اننا نعلم ما هو الخطأ وما هو الصواب
كما ان لوالدى منصب سياسى سوف يحمى من اى شر فاطمئن
yasmeen
sada2nee ana ma3ako mesh 3aleko
we momken tes2alee Alien 3anee
ana mota2keed ano hay3ref yawasalek ana meen a7san mene
ta2kadee 100% ane mesh bashakek fe 7osn nawaya el magmo3a
laken fe baladna eltafkeer garema yo3akeeb 3aleha elqanon betare2a 2w be2o7'ra
kaman feih nas mo3'radeen kateer
we nas moftareen aktar
we belra3'm anee 3areef en elkosa wel solta yo3tamad 3alehom fe masr laken ma3takedsh en fard wa7ed hay2dar ya7me magmo3a kamla (sa3a mantakayan)
ana batmanalko kolok el 7'er
ta7ayatee
mal7oza: asmee Bassam mesh Basem
الأستاذة ياسمين
أري أنك قد حذفت ردي وأنا أتفهم لماذا حذفتيه وأشعر و أحس بسبب حذفه :)
عموماً لقد سعدت بالتحدث معك وأرجو أن تكوني قد تفهمتي وجهة نظري
وهدانا الله أجمعين
الي صراطه المستقيم
يا سيتى دا انت تأمرى
ربنا يسهل انشالله
بسام
شكرا لإهتمامك وسوف نراعى توجيهاتك
بينو
أنا ما حذفتش التعليق وهو موجود على بوست دكتور السنان زى ما هو
تحياتى
انا انسانه قالتلي علي التجمع ده هههههههه بتقولي اينوكو روحتوا البورصه انا اتخديت بحسب البورصه الي في فيصل قلت ايه ده و بنات رايحه المكان ده الناس الغريبه دي بس لما عرفت انها البورصة بتاعت وسط البلد اتطمنت يارب تكونوا استمتعتوا ببس المشكله علشان اجي التجمع صعب انا صغير 18 سنه ياعني هبقي كتكوت القاعده حمل وديع :)
كوبا
التجمع فيه كتير من سنك وما فيش حد حس بأى فروق
هنستناك
فكرة التجمع دية جميلة جدا يا ياسمين و بالذات لما نشوف بعضنا على الحقيقة و نكلم بعض اكيد هيبقا الحوار افضل بكتير من الكتابة على النت و يا رب يا رب اقدر احضر الاجتماع القادم بس ادعى ان صاحبتى توافق و تشجعنى انها تيجى معايا لان لسة جديدة على العالم بتاعكم و تقريبا ما اعرفش حد غيرها
يعني محدش قال ولا ادي رنة حتي
:)
شيء ؤائع لما تتقابل العقول السخنة دي في مكان واحد
وتركيب الوجوة علي كلمات كل مدون
يا ريت لما تتقابلو المرة الجاية يكون في حتة فيها شيشة
اصلي مش شايف حد حاطط لي ولا مبسبم في بقة .؟؟
إرسال تعليق