الخميس، 22 فبراير، 2007

اللقاء الشهرى الثانى

تقرر أن يكون اللقاء الشهرى الثانى
بوسط البلد - قهوة البورصة
فى تمام الساعة 6:30 مساءا
يوم الجمعة الموافق 23/2/2007
وعلى السادة المدونين اللذين يرغبون فى المشاركة بالحضور
ترك تعليق
وشكرا

هناك 57 تعليقًا:

harmless يقول...

اللقاء الشهرى الخامس عشر سيكون فى مكان محجوز بالكامل للمدونة وفى منطقه لا يعيق الازدحام المرور بها

وربما يحضرها بعض مندوبين الصحف والفضائيات

وربما يحضرها امن الدولة والامن المركزى

وربما تكون ياسمين موجوده كزعيمة ومؤسسه للمدونه

او ربما يكون اصحاب الاهواء وصائدى النجاح قرروا تغيير المنسق العام وانتخاب قياده جديده

مين عارف؟
معظم النار من مستصغر الشرر
وربنا يسهل

الحصان الأسود يقول...

قهوة البورصة في وسط البلد ؟؟؟؟؟


لية كدة؟؟ اية بورصة دي؟؟ مرات البورص؟؟؟ وفي وسط البلد وزحمه وسط البلد؟؟؟

انا مش جاي ماتعملوش حسابي

انا رايح اشيش في اي كوفي شوب تاني رايق في مدينة نصر

Enjoy your time

Amr Ahmed يقول...

ياااااااااااااااااااه

اخيرا حددتم ميعاد

ان شاء لله انا جاي

عاوز حرس الشرف يقف يستناني

سلام

The Alien يقول...

هو ده الكلام
كان لازم تعملي كده من مدة يا ياسمين
أشوفكوا بكرة
تحياتي

مصر هى أمى يقول...

ياسمين
اخيرا اتفقنا
ماشى كلامك يا باشا
بكرة الساعة 6.30
انا جاى ان شاء الله

whyme يقول...

الاجتماع ده جه فى وقته

بس انا حاسس ان المكان مش هيبقى مناسب

بس على العموم انا جاااااااااااااااااااى

اشوفكوا بكره

من مجهول يقول...

مع ان مدونتك مكتوب عليها بالبنط العريض للنساء
بس
تعليقاتك في مدونات الاخرين خلتني غصب عني لازم اشوف ايه الموضوع
فضول انساني بحت
وللاسف
اصبحت مدونه لنساء الشرق من المدونات المفضله لدي
سيدتي
انا طبعا بهزر وارجو التواصل معك في مدونتي الجديده

مصر هى أمى يقول...

ياسمين
طب ديه اول مرة اشوفكم فيها ممكن اعرف هاعرفكم ازاى

hosnysoliman يقول...

المحترمة ياسمين وكل الاحباب الاخوة المدونين
اذا كان ممكن العبد لله ومعاه ابنه ايمن)راسبوتين( نكون موجودين معكم بكره باذن الله..وربنا يسهل

ياسمين يقول...

هارملس

يا رب تتحقق النبوءة دى وانا ليك عندك اجيب سيرتك فى المؤتمر الصحفى كأول من تنبأ بالنجاح الباهر دة

اشكرك على مجاملتك الرقيقة جدا جدا

ياسمين يقول...

الحصان الأسود

هنفتقدك .. معلش بقى .. دة عيب الديمقراطية

غالبية الحضور اختاروا البورصة دى وأنا شخصيا عمرى ما رحتها وأكيد برضه الركن هيبقى صعب فى وسط البلد

لكن كله يهون عشان عيون المدونين

ياسمين يقول...

عمر أحمد

دة انت تنور معانا
حاضر هنفرش السجادة الحمرا

ياسمين يقول...

thr alien

هنستناك كلنا

انت طبعا مش شايف ابتسامتى لكن أوعدك انك تشوفها لما تيجى

ياسمين يقول...

مصر هى أمى

اسم مدونتك بيوحى لى ان مصر كلها هتبقى حاضرة معانا بكرة

ياسمين يقول...

why me

أنا برضه مش عارفة المكان دة هيبقى كويس ولا لأ

لكن كفاية اننا هنكون مع بعض كلنا بكرة

وشكرا لحماسك

ياسمين يقول...

من مجهول

اشكرك لمتعليقك الرقيق

وهأتابع مدونتك حالا

ياسمين يقول...

حسنى سليمان

ايمن اساسا أخ لينا كلنا وشرف لينا انك تكونوا معانا

هنستناكم

frozen love يقول...

هو المكان هايل بس انا الجمعة عندي مشوار الاول..عشان كده كان نفسي يبقى السبت..ان شاء الله هجيلكم بس هتاخر شوية غالبا..بس هو في سؤال وجيه

هنعرف بعض ازاي؟
بصي يا ياسمين ده الميل بتاعي
aidcoindust@hotmail.com

ممكن لو قدرتي تضيفيني عندك يكون احسن

smraa alnil يقول...

اوعي السريع انا جاااااااااااااااااي

استنوني يا ولاد
انشاء الله

الدبور يقول...

انا ان شاء الله جاي

الدبور يقول...

بس وسط البلد ده كبير عاوز العنوان بالظبط و تحديدا علشان انا لا افقه شئ في وسط البلد او القاهرة عموما
يعني انا اعرف ان وسط البلد ده اركب ليه مترو السادات اللي هو التحرير و بعدين انا معلوماتي لغايه كده

مطلوب مساعده علي وجه السرعه بالعنوان الوصفي التفصيلي مع ذكر كيفيه الوصول
وشكرا

الدبور يقول...
أزال المؤلف هذا التعليق.
.:.-=- ELGaZaLy-=-.:. يقول...
أزال المؤلف هذا التعليق.
.:.-=- ELGaZaLy-=-.:. يقول...

خسارة كان نفسى اشوفكم بجد..معلش خيرها فى غيرها


تمنياتى لكم بلقاء سعيد وموفق

(:

وينكى يقول...

انا لسه عارفه الموضوع دا النهارده
ياريت اقدر اجى
لو خلصت مذاكره..ان شاء الله هاجى
ادعولييييييي

The Alien يقول...

واضح إن الأغلبية مش عارفة المكان
أنا مش عارف أوصف كويس
أصل فيه أكتر من قهوة ف البورصة
وأنا حاسس إننا هنبقي قاعدين جنب بعض ومش واخدين بالنا
وعلي العموم ده رقم تليفوني
ولو حد محتاج مساعدة يكلمني
0106227463
أنا هروح بدري شوية وهستناكو هناك

مبسوط جدا إني هقابلكوا
تحياتي

raspoutine يقول...
أزال المؤلف هذا التعليق.
raspoutine يقول...

السلام عليكم
ازيك يا ياسمين وازيكم يا جماعه
اشوفكم على خير ان شاء الله بكرة وربنا يستر ويكون المكان متأمن يا ياسمين اصل انا كنت هناك من كام يوم انا وانجى وجماعه من المدونين انا معرفهمش انتى عارفه اننا هنقعد فى الشارع هوا المكان مش عاجبنى خالص بس مدام اتفقته خلاص عليه مفيش مشاكل وخصوصا انى عايز اشوفكم اوى وكمان عشان اقابل الفنان حسنى سليمان عشان هوا كمان واحشنى اوى

وربنا يستر ويعديها على خير
اصل انا هقولك على سر بس متقوليش لحد
البت انجى متراقبه
اه متراقبه
وعليها حكم كمان
واحتمال بتوع تنفيذ الاحكام يقبضو عليها بكره
وانتى عارفه بقى لازم ينوبنا من الحب جانب
مش مهم كله عشان خاطر مصر هنعمل ايه بقى لبازم نتحمل
بس ياريت ميستعملوش معانا الكهربا كأسلوب من اساليب التعذيب
ولا يستعملو الطريقه السليمانيه
اكيد ناس كتير عارفاها وهى الطريقه اللى اتبعوها مع الاب الروحى للبلوجريه ويعتبر عميد المدونين المرحوم سليمان الحلبى
ومنجلكمش فى حاجه وحشه ويجعلو عامر

February 23, 2007 3:36 AM

توتة توتة يقول...

مش فاهمة ايه ده

قاسم أفندي يقول...

ياسمين
متنسوش بقي ضروري حد فيكم يكتبلنا وقائع الاجتماع
Minutes of meeting
حاجه تانية ياريت تشوفوا رأيكم في تحديد يوم السبت 3 مارس كيوم للتضامن مع المسجد الأقصى علي كل المدونات المشاركة زي ما اقترحنا عندي في مدونة يوم الأقصى
انشالله لقاء مثمر وممتع

Mohamed A. Ghaffar يقول...

ليس من المعقول تحديد الموعد قبل يوم واحد فقط من تاريخه أنما لالالالا معقول معقول معلش اسف انا نسيت اننا فى مصر

أتمنى لكم قضاء وقت ظريف

تحياتى

إبـراهيم ... معـايــا يقول...

موش عارف ، بس إن شاء الله هحااااول !ّ

smraa alnil يقول...

هههههههههههههههههههههه
واد يا ايمن بقي انا متراقبة
طب لما اشوفك يا ايمن
يا جماعه البورصة دي اسالوا بس علي البنك المركزي وهتلاقوها
طب وحياتك عندي يا ايمن لاوريك

ياسمين يقول...

البورصة عند البنك المركزى

خلاص

micheal يقول...

المكان دة جنب البيت جدا لاني ساكن في باب اللوق...انتوا حتكونوا موجودين تقريبا لغاية الساعة كام لاني عندي مشاور حخلصة و باذن الله أعدي عليكم
تحياتي للجميع

ياسمين يقول...

يا جماعة هنعرف بعض بسهولة

كلمة السر
blogge

وردها
post

تمام كدة اللى يقولك بلوج ترد تقوله بوست وخلصنا

:)))))

mano يقول...

انا جايه ان شاء الله
على الأقل هحاول آجى بدرى
بس موضوع التعرف هيكون صعب شويه
و لا ايه؟

micheal يقول...

ياسمين...مردتيش عليا...حتكونوا موجودين تقريبا للساعة كام؟

شادي فايد يقول...

دلوقتي ساعتي
19:00
23-2-2007

طبعا زمان المدونين
اتجمعوا دلوقتي

وزمان ياسمين التي تقوم بدور الزعيم
تقود أحلى صالون ثقافي

يا ترى عددهم كام
؟؟؟؟؟

يا ترى كل اللي سابو كومنتات راحو

ممكن يكون في ناس راحت
غير اللي حطو كومنتات فوق دول

اااااااااااااه
كان نفسي اكون هناك
معاهم

ماشي يا ياسمين

ما لو انت حددتي الوقت و المكان قبلها بفترة كافية
اسبوع على الاقل
كان ممكن الواحد يفضي نفسه

يا ترى كام واحد من اللي كانوا في اللقاء الاول راحو التاني

المشكلة اني يفصلني عنكم مسافة
7
ساعات سفر

انا متأكد انه حيكون لقاء ناجح

أقصد صالون ثقافي ناجح

mano يقول...

انا آسفه كان نفسى آجى
بس ظروف حصلت
ان شاء الله المره الجايه

hosnysoliman يقول...

ياسمين العظيمه
انا لسه راجع..تعرفى انها فعلا كانت ساعات جميله..انا حسيت معاكم ان شبابى رجع ليا بس خايف يكون عجزى نضح عليكوا..معلش ما هى واحده من مساوىء البلوجات..
المهم اللقاء كان جميل جدا ومشجع..والصور طلعت مش بطاله..انا قلت اشكرك على السريع علشان الوفت متاخر والى لقاءت اخرى وكذلك معاكى على البلوج

ياسمين يقول...

على فكرة انا سعيدة جدا بتعليقك على اللقاء
واحب اقولك ان حضورك كان اجمل ما فيه

الفكر والمشاعر والأحاسيس والعلم والثقافة والفن ولا يتغير بتغير العمر

كلنا واحد

وصدقنى لم أر فيك ما تتكلم عنه من عجز وخلافه

أنت فى نظرى فنان مفكر على قدر عالى من الثقافة

أنا باشكرك جدا انك ما اعتبرتش اللقاء دة مجرد لعب عيال

بل حضرت وشاركت وشجعت وناقشت وانخرطت فينا وانخرطنا فيك

تحية من القلب لدعمك لهذا اللقاء

hosnysoliman يقول...

بسرعة يا زعيمة
دانا لسه بعمل لفه على الاحباب ونسيت اذا كان تعليقى ظهر عندك ولالا قلت ارجع اتاكد
انا اللى متشكر جدا لتشجيعك على هذا اللقاء

micheal mohsen يقول...

استاذ حسني سليمان
بالرغم من حضوري متأخرا و جلوسي في مكان بعيد عنك الا أني أشكرك علي حضورك الطيب لاني اتبسطت جدا أول ما شفت حضرتك أنت و الاستاذ أحمد شوكير لاني كنت فاكر أنة اجتماع شبابي بس و أن مستحيل حد يفكر يجي معانا الا أن حضورك كان أكبر تشجيع لينا و بجد نورتنا و أتمني أشوفك دايما انت و الكل

micheal mohsen يقول...

ياسمين
بجد لقاء جميل و طيب للغاية ...أنا مكنتش فاكر أن الواحد حيتبسط و يستفاد منة بالشكل دة لان الكل فعلا كانوا ناس هايلة و علي قدر كبير من الثقافة و الوعي...بجد فكرة ممتازة منك و دة مش غريب علي انسانة محترمة علي قدر عالي من الثقافة و الذكاء
تحياتي لك و في انتظار الميعاد القادم و باذن الله حاكون موجود بدري من أوله

ياسمين يقول...

مايكل

بجد مش عارفة اقول ايه
صحيح هى كانت مجرد فكرة لكن انتوا بحضوركم واستجابتكم ودعمكم حولتوها لواقع

وطبعا لازم تبقى موجود من الأول المرة الجاية والا هناخدك غياب

:)))))

hosnysoliman يقول...

مايكل باشا انا مسيت عليك فى المدونه بتعتك قبل ما اقراء التعليق بتاعك وحاتحس كانى برد عليك من قبل ماعرف انتى قلت ايه هنا عند ياسمين

hosnysoliman يقول...

ياسمين انا عرفت ان ايمن بعت لك الصور وانتى كمان عندك صور شوفى بقى ممكن تنزليهم ازاى ومش عارف حتعرفى الاشخاص ولا لا مش عارف ..لان البعض قال ما فيش داعى لذكر الاسماء مش عارف ايه موقف الصور وفكرى وقولى ليا

ياسمين يقول...

حسنى سليمان

هنكتب اسماء المدونات عند الإشارة لأصحاب الصورة

ايه رايك؟؟

hosnysoliman يقول...

ياسمين ده الاايميل بتاعى اذا كنتى اون لين

hosny44@yahoo.com
hosny45@hotmail.com

frozen love يقول...

والله يا جماعة مش عارف اقول لكم انا قد ايه كنت سعيد باللقاء ده..هاكتب بوست عنه وعنكم وعن الناس اللي سعيد اني عرفتها والله

بجد فكرة موفقة يا ياسمين

الدبور يقول...

انا لسه راجع بيتنا علي وش الفجر !
اتشحططت في المواصلات
بس يلا مش مهم
ومش تنسي تبعتي ليا الصور كلها اللي انا فيها و اللي مش فيها

whyme يقول...

الزعيمه ياسمين

انا لسه واصل الشغل دلوقتى و طبعاً مش شايف قدامى

بس بجد انا اتبسط جداً ان الحلم اتحول لحقيقه بجد انا كنت فى حلم جميل جداً امبارح و مش عارف اشكركم كلكم ازاى على وجودكم معايا امبارح فى وقت كنت فعلاً محتاج اتعرف على ناس حلوه كده و مصريه كده
بشكركم كلكم و خصوصاً الاستاذ القدير حسنى سليمان الى اضاف لوجودنا قيمه كبيره اوى امبارح و شعرنا بوجوده بقدر كبير من التواصل
و كمان الاستاذ احمد شقير الى عملنا احلى مفاجاه امبارح و خلانا نحس ان لمقابلاتنا اهميه
و طبعاً بشكرك انت اولاً و اخيراً لانك صاحبه الحلم الجميل ده

اسيبكوا بقه علشان اكمل شغل

تحياتى

مصر هى أمى يقول...

ياسمين
احنا متشكرين جدا على الفكرة الهايلة ديه وان شاء الله دايما نتقابل

طبعا انا لسه رايح الشغل ومش عايز اقولك انى شايف الكمبيوتر بالعافية

بس اكتر حاجة بسطتنى انى لاقيت مدونيين صغيرين فى السن لكن عندهم ثقافة كويسة وشكرا لكل المدونيين انى تعرفت عليهم وبجد كان اجتماع حلو اوى
وشكرا ليكى بالذات لانك صاحبة الفكرة

وانا موافق على اعتبار يوم 5 يناير يوم المدونيين المصريين ويمكن نوصل ان احنا نخليه عيد قومى

karakib يقول...

واضح أني شوفت البوست متأخر :(

ياسمين يقول...

frozen love

الدبور

why me

مصر هى أمى

اللقاء كان ناجح لأن فى ناس مثقفين ولهم فكر زيكم حضروا و شاركوا شجعوا وتحمسوا

وأنا باشكر الجميع على الحماس الرائع اللى كان بيحسسنى ان مصر بخير وان ولادها اللى قاعدين معايا دول هم المستقبل الجميل اللى ياما حلمنا بيه

كلكم كنتوا حلوين قوى
قوى
قوى

ياسمين يقول...

كراكيب

معلش خيرها فى غيرها

هنستناك المرة الجاية قريب قوى