سمراء النيل
سمراء النيل .. حبيبتى .. ليه كدة .. عارفة انك فى حالة مزاجية سيئة .. موود اكتئاب .. الله يخرب بيت الإكتئاب
مابيكتئبش للأسف غير الناس اللى بتحس
سمراء النيل الجميلة .. الصغيرة .. بنتى اللى ما خلفتهاش .. أختى اللى ما ولدتهاش أمى .. أمى اللى ما عرفتهاش
أنا هأستناكى .. عارفة انك هترجعى .. مش هتلاقى حد غيرنا فى النهاية
مالناش هدف .. مالناش مقصد .. مالناش مصلحة
كل واحد مننا بيربطه بالتاني مجرد صفحة .. صفحة على الإنترنت
ما حدش مجبر انه يدخل ويقرا
ماحدش مجبر انه يكتب للتانى
ماحدش مجبر انه يسيب تعليق
علاقة بلا مصلحة بجد
بنحب بعض من غير ما نعرف بعض
بنخاف على بعض من غير ما نشوف بعض
بنسمع لبعض من غير ما نلوم بعض
بنحبك يا سمراء .. ارجعى بسرعة .. ما تتأخريش
وحشتينى من قبل ما اشوفك يا شيخة
ما تعمليش فية كدة .. انا محتاجة لك زى ما انتى تمام محتاجة لكلنا
بنحبك .. مستنيينك
انتى على فكرة أجمد من تامر حسنى دلوقتى
سمراء النيل الجميلة .. الصغيرة .. بنتى اللى ما خلفتهاش .. أختى اللى ما ولدتهاش أمى .. أمى اللى ما عرفتهاش
أنا هأستناكى .. عارفة انك هترجعى .. مش هتلاقى حد غيرنا فى النهاية
مالناش هدف .. مالناش مقصد .. مالناش مصلحة
كل واحد مننا بيربطه بالتاني مجرد صفحة .. صفحة على الإنترنت
ما حدش مجبر انه يدخل ويقرا
ماحدش مجبر انه يكتب للتانى
ماحدش مجبر انه يسيب تعليق
علاقة بلا مصلحة بجد
بنحب بعض من غير ما نعرف بعض
بنخاف على بعض من غير ما نشوف بعض
بنسمع لبعض من غير ما نلوم بعض
بنحبك يا سمراء .. ارجعى بسرعة .. ما تتأخريش
وحشتينى من قبل ما اشوفك يا شيخة
ما تعمليش فية كدة .. انا محتاجة لك زى ما انتى تمام محتاجة لكلنا
بنحبك .. مستنيينك
انتى على فكرة أجمد من تامر حسنى دلوقتى
هناك 20 تعليقًا:
كنت اود ان اكون اول من يعلق قعلى هذا هنا كتبت ما هو شبيه به وانى ارد الجميل الى انسانه غاليه كثيرا على قلبى لانها وقفت بجانبى من غير ما تعرف من انا وحان الان دورى
سيف من خشب
احنا لازم نقود حملة شعارها
وحشتينا يا سمراء النيل .. ارجعى
وأنا وانت لازم نبدأ دلوقتى .. حالا
ربنا معاها و لازم كمان كل البلوجرز يساعدوها فبالرغم من أني جديد في عالم البلوجات فان المرات القليلة التي زرت فيها مدونتها ..احسست بأنها ذات حس مرهف و مشاعر رقيقة
ياسمين... أنا معاكم!! عايزين بجد نعرف اخبارها ايه دلوقتى.. أنا قلقانة عليها أوى
:(
manal
ياسمين
اشكرك جدا ان كتبتى هذا البوست ان نم هذا البوست على شىء فا نه ينم عن انسا نه صا دقه تقدر قيمة الانسا ن والعلا قه التى تر بطنا ببعضا فعلا انتىانسا نه بكل ما تحمل هذه الكلمه من معنى ولا اجد من قاموس اللغه ما اريد شكرك فاللغه هى من الحو ادث وانتى تريدين لغه اخرى للشكر
اما سمرا
فهى ا ا لاميره الجميله الطيبه المرحه الطا ئره الحسا سه النقيه تلك البنت التى غزت عا لمنا جميعا لتحوله الى طوفا ن من الحب طوفا ن من الصدق الذى عجزت حدود ذواتنا عن رده فهى سرت بداخلنا كما النسيم العليل لكى تدخل الى ار واحنا لتمحو تلك الطعنات والندبات التى الامتنا بل واوشكت على القضاء عليناحتى كانت هى
سمرا
كلنا حزن لاى الم تمرين به كلنا امل ان تعودى الينا بحبك بحنا نك بصدقك
سمرا
نتالم لكل ذرة حزن تمرين بها فلا تعتقدى اننا لا نشعر بكى على العكس
يكفيكى ما قامت يا سمين به لاجلك
يكفيكى شعورنا بالحزن لاجلك يكفيك محبة النا س لكى
ارجو ان تكون سمر ا بافضل الاحوال ومش عا وز اطول لان الكلام لايوفى سمر ا حقها
اسف
يا سمين
وشكر ا لمشاعرك العا ليه
مايكل
هى فعلا انسانة رقيقة جدا وذات احساس عالى للغاية
وهى محتاجة لنا جميعا
أشكرك على الإهتمام
البيداء
اهتمامك مش غريب من كاتبة رقيقة زيك
لو أى حد عرف يوصل لها .. يطمنى ويطمنك
جحيم
مش عارفة اقولك ايه بجد .. صعب أرد على هذا الإطراء .. لكن كلامك يؤكد اننا فعلا ممكن نكون من غير ما نشوف بعض جميعا .. أقرب الأصدقاء وأسرة واحدة من عيلة المدونات الشهيرة
مناشدتك سمراء فى منتهى الرقة .. وأرجو انها تكون قرت الكلام الجميل اللى انت كاتبه عنها دة .. عشان تعرف قد ايه احنا بنحبها كلنا
لقينا سمراء النيل يا رجالة
عادت سالمة إلى أرض الوطن .. وحضن المدونات
الحمد لله
يا سمين
مش تتصوري فرحتي اد ايه بجد انك عملتي كدة
والله كانك امي وبتدور عليا
وطبعا انا بنتك الصغنتوتة
واختك اللي حاسة بيكي
وامك اللي بجد مسئولة عنك وشايله همك بجد
مش عارفة اقولك ايه بس بجد بجد
بحبك جدا
يارب يخليكي ليا
ياسمين انتي حسستيني اني فعلا لو حصلي حاجة هتتحركي عشاني في حين ان اقرب لناس ليا مش بيعمل كدة
حسستني اني لو بعدت هتلاقيني وتقومي تدوري عليا
علي اد ما البوست دة خلاني اعيط
الا اني نازلة من بيتنا وانا مبسوطة جدا وعلي وشي ابتسامة فشر قناه السويس في اتساعها
كفاية انك حاسة بيا وشايفاني كل اللي انتي قلتيه دة
انا والله مش كنت اقصد اني ابعد
انا بس كنت اكتئبت زي مانتي قلتي لاسباب كتيرة اوي
ولقتني بقول الكلام اللي كتبته
ومش كنت عايزة تعليقات من حد
لان اي كلمة كنت هسمعها صدقيني مش هتخفف عني بالعكس هتخليني ازود في حزني زيادة
وحبيت اني انا اللي اعدي المرحلة دي لوحدي كالعادة
والحمد لله اديني رجعتلك
اديني بين اديكي
كفاية دموع بقي
مش عارف اشوف عنيكي
يوووو سوري دي اغنية لعمرو دياب
هههههههه
بجد يا ياسمين ربنا يخليكي ليا
والكلام اللي انتي كاتباه دة بجد كبير اوي عليا
انا مش استحمله بجد اسعدتيني وريحتيني
مش عارفة من غيركم كنت هعمل ايه
سيف من خشب صديقي
بجد انت برضه ليك كلام كتير بس هيبقي عندك
عشان اردلك اللي انت قلته عليا
ومايكل
بعدين مش بتزورني كتير ليه
وبتقولها بمنتهي الشجاعه ادامي كدة من خلال زيارتك القليلية عندي
هعديهالك ولينا بيت نتحاسب عليه
بس بجد بشكرك اوي
منال
منولتي الصغنتوتة
ربنلا يخليي يا قمر وبعدين تقلقي ليه
مانتي عارفة اني بسبع ارواح
هتلاقيني ناطالك في اي حتة كدة
يخليكي ليا يارب
الجحيم
مش قلتلك يا ابني كلمة الجحيم دي مش لايقة علك
بس ايه الكلام الجامد دة
ربنا يخليك ليا يارب
بس انا كل دة ومش كنت اعرف
يارب اكون سبب سعادتك زي مانت بتقول كدة
وبعدين كنت طول في الكلام شوية
هو الكلام بفلوس يعني
علي الاقل عشان اتنفخ كدة وافرد عضلاتي واقول انا هذا الرجل
ههههههههه
والله بحبكم
انتو بجد فرقتوا في حياتي كتير
ومش هقدر استغني عنكم ابدا
بحبك يا ياسمين
وبحكبم والله
مش عارفة أقول غير
هيييييه .. سمراء رجعت يا أولاد
عن أذنكم هاروح أجيب التورتة والجاتوه والطراطير
:)
manal
انا جييت هنا بعد مسمراء رجعت
أنوووجتى الحبوبة
اللى وحشتنا كلنا
بس الحمد لله رجعت
كنت ناوى اعمل تنويه فى التلفزيوون واقولها
عودى يا هاميس
بس لقيت الفكرة دى مش هتنفع بقى
الحمد لله انها رجعت لوحدها من غير اعلانات ولا احاجة
والحمد لله انها ليها اصحاب زيك كده يا ياسمين يا جميلة .., بيخافو عليها بالشكل الرائع بتاعك ده
بجد ربنا يخليكو لبعض
فى الزنقة بتبان معادن الناس
وانتى جدعة اوى
سعيد بزيارة مدونتك
ومبروك على رجووع سمرااء
لولولولولولولى
مبعرفش ازغرت بقى وكده
:D
البيداء
دة واجب علينا والله
شفتى البنت عملت فينا ايه
تختفى كدة من غير احم ولا دستور
وبعدين ترجع ولا كأن فى حاجة
:)))))
زورديك
اشكرك أولا على زيارتك
ثانيا على اهتمامك بسمراء
ثالثا .. انت أخجلتنى بكلامك دة
وياريت تكرر الزيارة
i7saas gameel awi elli bashoofo been el modaweneen...
ento aktar mel ahl...
Ahl bel2ekhtyaar mosh bel2egbaar...!
القهوجهى
أشكرك على زيارتك لمدونتى
وطبعا احنا أهل
بالإختيار مش بالإجبار
كلام جميل جدا
وانت برضه واحد من أسرة المدونين
يمكن صحيح الحظ مش صادفني اني اتعرف علي سمراء النيل بس انا زروت المدونة بتاعتك فعلا وقريت قصة هي حياة ولا موت قصتك وكنت ناوي اعلق بس جيت اعلق مالقتاش كلام اقوله اول مرة في حياتي اقف كدة قدام موضوع عشان اقول رد ومش لقيت كنت بفكر اني اواسيها وبعدين قولت دي اقوي مني ومنك ومن اي حد كنت بقول اقولها برافو في 117 تعليق نصهم برافو اقولها ايه..سكتت مالقتيش كلام يعني بالرغم اني بكتب في الصحافة وفي المدونة بتاعتي بس اول مرة بجد مش عارف القي كلام..سكتت وكنت حاسس اوي اني عايزة اقولها حاجة ..والنهاردة وانا بتصفح في المدونات شوفت الرسالة اللي كاتبها ليكي ياسمين ...بس بجد عجبتني ياسمين وهي بتقول اننا لبعض مش مجرد صفحات ويب لا احنا بجد بنبقي كلنا جزء من بعض وهو ده الغرض من المدونة..سمراء احنا اتعلمنا دايما ان الايد اللي لوحدها مش تسقف بس صدقيني ايدينا ووقلوبنا كلنا كدة علي بعضنا اخواتك واهلك وعيلتلك واصحابك وكل حاجة وانتي بقي بجد بقيتي اشهر من تامر حسني مع اني شخصيا بختلف ان في انسان بيتكرم عشان بيهرب من اداء الخدمة الوطنية ماعلينا ..عشان ماندخلش في حورات جانبيه بس بجد انتي اعظم انسانة شوفتها في حياتي وعشان كدة بتمني انك بجد تقبلينيا كلنا اخوات ليكي واصحاب ليكي يلا عيلة كاملة. اهو اي نعم احنا كثير بس خلاص بقينا قدرك ونصيبك ومافيش حد بيهرب من قدره..كل سنة وانتي طيبة وروقي صدقيني محدش بياخذ منها حاجة..روقي يا احلي اخت لينا في الدنيا كلها وهاتي ربع جنيه سلف بقي مش بقتي اختي
أحمد
أحمد
كلام جميل جدا .. أتمنى ان سمراء تشوفه وتقراه
انت بتأكد فعلا كلامى اننا عيلة واحدة
ما تحرمنيش من زيارتك يا أحمد
احمد
انا بجد اللي مش عارفة تقول ايه
احرجتني جدا
فعلا خليت لساني عاجز عن اي كلمة اقولها
بس مش هقول اني غير اني بجد بقي ليا عيلة فعلا
واخوات بجد بيحسوا بيا وبحس بيهم
وبنتشارك
اللي عملتوا ياسمين وسيف من خشب بجد
خلوني احس اني مش لوحدي
كل كلمة انت كتبتها وصلتني
وتاكد ان اي كلمة تانية انت مش عارف تقولها او تعبر عنها برضه هي وصلتني
بس بما انك بتقول انك صحفي وعندك مدونة ياريت تبعتلي لينكها عشان اقدر اشاركك
بجد شكرا ليك اوووووووووووووووي
إرسال تعليق