اللقاء الشهرى
أحب أقولكم ان غدا الجمعة هنتقابل انشاء الله
فى تمام السابعة مساءا .. فى تريانون المهندسين
سور نادى الزمالك
أرجو من اللى ناوى يحضر انه يسيب تعليق
أنا فى منتهى الإبتهاج للحدث دة
وأشوفكم على خير
الشعب اللى مصدق!!
-
نفس الشعب اللى صدق اعلام عبد الناصر ومخابراته ومراكز قواه .. نفس الشعب اللى
صدق اننا انتصرنا ف يونيو ٦٧ رغم احتلال سيناء .. هو نفس الشعب اللى صدق ان
الاخ...
قبل 10 أعوام
هناك 38 تعليقًا:
فكرة جميلة والله بس ما ينفعش اللقاء يلف مصر كلها على سبيل التواصل يعنى مثلا يكون مكانه الدائم المنصورة مثلا عشان انا منها وأريحلى..ويثبت فى المنصورة علطول بقى.. عشان التواصل برضه!!!!
من الحضور بإذن الله
بكرة يا محمد
انا نفسى اكون من الموجودين بس اعذرونى عشان اللقاء ده جاى ايام امتحانات المفروض على فكرة يتأجل شوية بس الشهر الجاى اكيد هكون موجود بس فى مشكلة افرضوا حد رخم جه لو لزج انا عمرى ما اطيق انى اقعد مع حد بالشكل ده مع ان مفيش حد بيزور مدونتك هيبقى كدة طبعاً
بس دى مجازفة على فكرة
انا بقى فاضيه و معنديش امتحانات بس للأسف مش هينفع اجى علشان الصيدليه الله يحرقها
المرة الجاية بقى
يارب تنبسطوا
و اتصوروا و احكولنا
برافو عليك يا ياسمين على هذه المبادرة
وأرجو لكم وقتا طيبا وتعارف عميق
وانتظر منكم بل اتمنى ان تكتبوا عن تجربة اللقاء
وانعكاستها على عملية التدوين
ومدى بعد أو قرب الصور الافتراضية عن الصور الحقيقة
تحياتي لكل المجتمعين
معكم
سردية
هانوفر، المانيا
سردية
الظاهر انى تحمست زيادة عن اللزوم
مافيش حد حتى الآن قرر يشارك فى المقابلة غير محمد عبد الغفار كتر خيره
وعلشان يكون اجتماع حقيقى .. لازم نكون على الأقل 3 مدونين
عندى احباط بجد
هي فكرة جميلة قةي..وسمعت عنها من مدونة سمرااء..ورغم تشجيعي الريهيب ليها الا انها جاية ايام امتحانات..انا عندي امتحان بعد بكرة في مادة المشروع بتاعي...يعني ميكلش..ان شاء الله هكون من المؤسسين المرة الجاية
وسعيد اني عرفت مدونتك..رائعة
أنا و عد مني لازم أجي المرة الجاية يا ياسمن و يا ريت تعمليانا بوست علي لقاء بكرة و باذن اللة الكل ينبسط
ياسمين
دي أول زيارة ليا عندك طبعا
وكان من حظي موضوع المقابلة ده
الفكرة جميلة بس محتاجة الدعوة تكون بشكل أوسع من خلال مجموعة كبيرة من البلوجات
تحياتي
لالالالالالا يا ماما
انا كمان جاية
هو معقولة افوت فرصة اشوفك فيها
يبقي احنا كدة تلاته
انا وانتي وعبد الغفار
ونبقي احنا التلاتة سكر نباته
هههههههه
بس يا ماما انا كدة كدة هتوه
فبس ياريت تسبيلي رقم تلفونك في اميل ليا عشان ابقي اعرف اكلمك ونتفق علي ساعه محددة
ومش تزعلي عامة الناس دي بجد بمجرد انها تخلص امتحاناتها وهتلاقيهم علي قلبنا بعد كدة
اوكي
سمراء النيل
حبيبتى اللى مش ممكن تخذلنى ابدا
كان لازم أعرف وأتأكد انك جاية طبعا
هأبعتلك الرقم .. اتصلى بية
معاكم إن شاء الله
بس يا ياسمين احجزيللي شيشة كريز
على فكرة اكيد ان فية بلوجرية كتير مرتبين انهم ييجوا الاجتماع بس يمكن مادخلوش البلوج بتاعك من امبارح علشان كدة مش سايبين تعليق
وتأكيد حجز
المهم قوليلهم يعملوا حسابهم في شيش زيادة
الحصان الأسود
بجد مبسوطة جدا علشان هنتقابل
ما خذلتونيش يا أصدقائى الأعزاء
اشوفكم على خير
للأسف ما فيش شيشة فى تريانون .. سجاير بس بناء.. على طلب سمراء العزيزة
بس هنعرف بعض ازاى؟؟؟
أولا زعلتيني انة مافيش شيشة
طيب ممكن اجيب شيشة بورتابل معايا؟؟
ثانيا صحيح... حانعرف بعض ازاي
او عالاقل السؤال المهم احنا حانعرفك ازاي
ضروري اننا نعرفك وتكوني نقطة التجمع
اقترح ان تكتبي هنا الان ما سوف ترتدينة أووصف لون ردائك حتى نتعرف عليكي و يسهل تجمعنا
وماتخافيش مش حانقول لحبايبنا الحلوين بتوع أمن الدولة علشان يعتقلوكي
الحصان الأسود
أنا برضه بحب الشيشة جدا .. لكن كله يهون عشان خاطر عيون الجميلة سمراء النيل
أنا طبعا لسة مش عارفة دلوقتى أنا هألبس ايه بالليل .. لكن الأكيد انى هابقى لابسة حلق لولى
مش محجبة
شعرى قصير
طولى حوالى 158 سم
وزنى حوالى 57 كج
دول أكيد مش هيتغيروا لحد المعاد
ولما أقرر هألبس ايه هقول على طول
ههههههه
ياسمين
مش معقول اخش ترينانو واقعد ابص على ودان السيدات واشوف مين لابسة حلق لولي
والل شعرها طويل ارفع شعرها علشان اشوف الحلق
ههههههه
لا بجد ياريت تحددي اللي حاتلبسية بدل مالاقي نفسي في موقف محرج وما قد يعقبة من لطشة قلم او عيب يا استاذ انت اللي بتقولة دة مدونة ايو بتاع اية
لايفتكرها لفظ قبيح ولا حاجة قال مدونة قال
الموضوع عامل زي مايكون
Blind Date
سهليها شوية وقوليلنا حاتلبسي اية من دلوقتي
ياللا بقى قوي زي الشاطرة اكوي هدومك و ردي علينا
وبلاش مقالب
هههههههههههههههههه
ضحكتوني والله
وبعدين يا حصان يا اسود
انت هتمثل
انت هتعرف ياسمين بيا
يعني انت عارف شكلي
هتشبه عليا وهتعرفنا
انا بقي عارفة شكل ياسمين
بس الفاجعه الكبري اني انا اطول منها
ههههههههههههه
لا يا سمراء انا عارف شكلك طبعا بس بقى بلاش سياحه
احسن المدونين يفتكرونا بنتقابل راند فو سوا
هههههه
لا يا جماعه اعرف شكل سمرا من صورتها اللي عالماسنجر بس والله
بس ماتفرحيش قوي يا سمرا بطولك
لاني واثق ان الرشيقة ياسمين
اللي طولها158 و وزنها 57 بس حاتاكل عليكي الجو في القعده
شكلي حاعاكسها وانطرد من الاجتماع اصلا
ههههههههههه
اصلي باحب الصنف المينيو دة
ههههههههههه
بس بقى يابنت لاتفتكرني باتكلم جد و تمنعني من الحضور
ههههههههههههههه شكلي انا اللي هطردك من القعده
وبعدين انت بتششكك في قدراتي ولا ايه
عامة اديني سيحتلك اهو
انت عارفني مش بيهمني
وبعدين طبعا ياسمين هتاكل الجو
وهنتفق عليك
بس انت متخبيل اني اطول منها ب 8 سنتي بحالهم
دي تفرقة بشعه
بس هتجاوز عنها عشان خاطرعيون ماما
لا مايهمناش انا كمان اطول منك ب 8 سنتي تانيين يا سمراء
بطلي بقى حكاية انك تقولي لياسمين يا ماما دي
خللي بالك ان انا مولود مع ياسمين في نفس السنة
عام الكلب بعيد عنك
يبقى كدة حاتقوليلي يا بابا وللا اية؟؟
بس يابنت انتي يا صغننة ماتحسسيناش اننا عجزنا قوي كدة
بدل مانطلبلك واحد لبن دافي في شيشة على قدك
شكلنا احنا اللي حانتفق عليكي يا اطفال جيل المستقبل انتي يا صغننة
هههههههههههههههههههههه
حلو موضوع لبن دافي دة
بس انا مش بشرب اللبن ولا بحبه
وبعدين هي ياسمين اشتكتلك انا اقولها زي ماانا عايزة
انا اي نعم اصغر واحدة بس عشان اغيظك انت
ههههههههههه
ياااااه دة انا جوايا اسود اوي
وبعدين ايه سنة الكلب دي
ههههههه
انا بقي مواليد سنة الديك
طول عمري بعمل ازعاج
شفتي بقى لو كنتي بتشربي اللبن مكانش يبقى جواكي السواد دة ....كلة من شرب البيبسي بدل اللبن... وللا لبن اسود من جاموسة سوداء
ويمكن كمان لو كنتي سمعتي كلام ماما وشربتي اللبن كنتي ابيضيتي شوية وبقيتي بيضاء النيل
انا من حيث الازعاج فربنا يستر انا مش باحب الدوشة يابرج الفرخه انتي .....شكلنا حانتعشي فروج طازج النهاردة خللي بالك بقى
كوكوكوكو
سمرا مش ملاحظة ان ياسمين ساكتة و بتتفرج عالحوار اللي بيننا هنا في مدونتها
واحنا متفردين ولا كأنها مدونة أبونا
واكيد بتفكر دلوقتي وبتقول ايةالمجانين دول والله مانا نازلة وخليهم يتلطعوا و يشوفوا مين اللي حايعبرهم
طب تصدق بقي ان شكلي هعملها معاك
ولا هيهمني سن ولا ناس ولا كافية ولا مصر كلها
ههههههههه
وبعدين انت شفتني وعارف اني مش سمرا مش هنمثل بقي
وبعدين سيبني بقي اكتبلي كلمتين في ام البحث دة
عشان اخلص بقي
ماشي يا حصان خلي بالك ان انت اسود ها
ومدونتك لونها اسود
ها
وحياتك بيا هخليها اسود
ها
فخلي بالك انت بقي
لحسن عربيات الكلاب بتعدي
بما انك عام الكلب بعيد عني
مش تزعل انا بهزر ها
انا كنمت لسة والله هسال هي فين يا سمين
هي بتقول ايه العبط دول بقي دول اللي انا نازلة اقابلهم
هههههههه
ردي علينا مش تحسسينا اننا مجانينين يا سمين
سمراء النيل
الحصان الأسود
هأموت من الضحك وأنا شايفة الحوار
متحمسة جدا انى أقابلكم .. دمكم زى العسل
اتصلى بية بقى يا قمر .. أو ابعتى ماسيدج .. أو حتى رنى لى وهاكلمك
ياسمين
انا بعتلك ايميل فيه ارقامي
عشان بعيد عنك مش معايا رصيد
سمراء
ماهي المصيبة اني شفت صورتك
ولا هيه الصورة كانت متصورة في الضلمة ؟؟؟
اما بخصوص السواد فاحنا ولا يهمنا لامؤاخذة
ماهيه عيشتنا متنيلة سودة في كل حاجة جت عالمدونة ولا الحصان ولا البيبسي
بافكر اشرب سفن اب يمكن ربنا يفتحهها علينا شوية من السواد دة
ياللا بقى روحي اكتبي البحث بتاعك في كيفية تربية الديوك الرومية والتدريبات القوية للفراخ المخلية
ياسمين
انتي لسة متأكدة انك حاتنزلي وتقابلي الاشكال دي
يابنتي فكري كويس دول باين عليهم جنان رسمي
اقعدي في بيتك
ومن خرج من دارة
....
انتوا يعني مشغلينها اميلات وموبايلات وماسيدجات
اية وانا حاتنقطر من الحركات دي؟؟ طيب ماشي
حاروح ادور على نمرتكم في الدليل
وحابعتلكم ماسيدجات تولع في موبايلاتكم
الحصان الأسود
بجد هأموت من الضحك
عموما أنا يشرفنى انى أقابل الأشكال دى
ماتقلقش يا باشا
ولما أشوفك هبقى اقولك كلمة سر عن كيفية معاملة المرأة .. شكلك كدة من اللى محتاجين دروس قوية
فى حد يقول " المصيبة انى شفت صورتك .. دة ايه الحس المرهف دة .ز جننتنى برقتك وذوقك يا بطل
وبعدين حد قالك اننا جايبينهالك عروسة .. دى أنوج يا باشا .. يعنى ست البنات .. يعنى اللى هياخدها نقوله يتقلها بالمال والذهب والياقوت والمرجان
أوعى ترد وتقول .. ليه هى هتتجوز على بابا
هههههه
واحشينى من قبل ما أشوفكم .. دمكم خفيف وزى السكر
معادنا زى ما هو .. تريانون سور الزمالك .. الساعة 7
ولسة مش عارفة ألبس ايه لسة
هاعرف بعد ساعة كدة
فعلا انا محتاج دروس ناعمه وقوية وكلها حنية
ربنا يستر بقى لما اشوفك انتي وسمراء شكلي حاجيب معايا اربعه بودي جارد احتياطي
شكلك حاتنزلي زي مانتي كدة بدل مانتي مش عارفة حاتلبسي اية
الساعه 7 يا جميلة انتي والسمراء الاميرة حاكون في انتظاركم
بس البودي جارد واقفين ورايا
أنا لابسة جاكيت لونه جراى .. فرانى .. شمواه .. فى فرو على الكولة وعلى الكمام
وبنطلون زيتى وبوت اسود
ولابسة تحت الجاكيت فيست لونه موف
اهم علامة .ز صدقونى هى الحلق اللولى و سلسلة مفاتيحى فيها صورة كبيرة زى ورقة الكوتشينة
دلوقتى نازلة اتغدى برة ومعادنا زى ماهو .. اشوفكم على خير
يا جماعة أنا بعد قراءتي للحوار دة أنا بقيت متشوق جدا لميعاد الاجتماع الجاي و أسف علي أني مقدرتش النهاردة و دة لارتباطي بمشوار كنت لازم أخلصة من امبارح و أتأجل بسبب شويتين البرد اللي خدتهم امبارح
Yasmina
يقول الناس يا عمري .. بأنك سوف تنساني
و تنسى أنني يوما .. وهبتك نبض وجداني
و تعشقُ موجةً أخرى .. و تهجر دفء شُطآني
و يسقط كالمنى إسمي .. و سوف يتوه عنواني
ترى ستقول يا عمري بأنك كنتَ تهواني؟
حبيبي .. كيف تنساني؟
جلاجل
أنا فعلا بحب القصيدة دى جدا لنزار
فى عينيك عنوانى
اشكرك انك ذكرتنى بها
معذرة يا اخت ياسمين الأبيات من قصيدة فى عينيك عنوانى لفاروق جويدة واذا كنت بتحبى شعر جويدة خدى اللينك ده من عندى
http://www.adab.com/modules.php?name=Sh3er&doWhat=lsq&shid=10&start=0
إرسال تعليق