الأربعاء، 14 فبراير 2007

أنعيه بدموع حارة

حزينة .. وحيدة .. وأفاجأ بما يسمى عيد الحب او الفالنتين داى .. يوم كدة عشان أحس أكتر انى وحيدة .. تعيسة .. ويزيد من احساسى بالإكتئاب مع انى عمرى ما احتفلت بيه اصلا

النهاردة أنا شعورى بالظبط يشبه شعور اليتيم بعيد الأم
الحب .. يعنى ايه اصلا .. دة أنا حتى اصبحت اصنف الأفلام الرومانسية على انها افلام خيال علمى .. أو ممكن لو جرعة الرومانسية زادت شوية ابدا أخاف و أصنفها أفلام رعب
لذلك انا قررت أن أطلق على هذا اليوم .. يوم الذكرى السنوية للحب
وهذا هو النعى

توفى الى رحمة الله تعالى

المدعو حب هيام غرام
إثر حادث أليم
وقد توفى فى نفس الحادث
قلبى المسكين
ولا عزاء لقلوب السيدات

هناك 85 تعليقًا:

raspoutine يقول...

ياسمين
مالك فى ايه؟
yamen_4@msn.com

طمنينى


ايمن

محمد عبد الغفار يقول...

لا لم يمت ، والصورة سيئة

أسوور يقول...

أيمن

مافيش

أنا كويسة وعايشة بس قلبى هو اللى مات

أسوور يقول...

محمد عبد الغفار

طب والله مات والصورة عاجبانى

مصر هى أمى يقول...

ياسمين
ايه الصورة السوداوية ديه
مش معنى ان حد ملاقش الحب لحد دلوقتى معنى ذلك ان مافيش حب
الحياة عبارة عن سلسلة حب متصلة الراجل يحب واحدة وبعديها يتجوزوا يجيبوا اولاد يحبوهم والاولاد يحبوا اهاليهم ويتعلموا حب الدين والوطن والاخلاق وهكذا الابن يحب واحدة ويتجوز ويخلف
انا اعتقد ان من غير الحب مفيش حياة الحب هوا اللى بيدى دفعة للانسان

وعموما كل سنة وانتى طيبة

The Alien يقول...

بلاش التشائم ده
الحب موجود بس المشكلة فينا
حاجات كتير بتبوظ العلاقات
ده غير إن المجتمع بيحرم الحب
ومع ذلك كلنا عايزين نحب ونتحب

وبعدين فين نظرية الذبذبات بتاعتك؟
لازم تستغليها وتطبقيها عملي
ساعدي نفسك شوية

تحياتي

الدبور يقول...

ايه يا ياسمين ايه النظرة السوداويه للحياة دي
كن جميلا تري الوجود جميلا و لا ايه ؟
الحب كائن عجيب يموت ويصحي و يروح ويغيب ويرجع تاني لكن مش بيموت ده زي ما انت بتقولي روقي كده دمك و عاوزك تعصري مخك و تقدحي زناد فكرك علشان اللقاء الشهري
هبقي اتابع الردود علشان انا مش شايف قدامي ومطبق من امبارح فهنام و ابقي ان شاء الله اصحي اكمل الكومنتات

تحياتي
الدبور
11.33 ص

smraa alnil يقول...

عارفة

انا كمان قلبي مات
وبجد بقيت احس اني انا كمان بتصنع احاسيس

كنت هكتب النهاردة بوست زي الزفت واقول فيه اني مت واني مش طايقة الدنيا

لكن لقيت ان في عيد حب وان في ناس حبوا جديد

احمد الهواري حب جديد

مش قدرت اني اقول كدة خفت ليكون في ناس بتحب
لقتني غصب عني بكتب
برضه خيال علمي

وهم مكتوب علي ورق

وعيون بتقراها
سراب بس للاسف انتي مش شايفاه من بعيد لا دة انتي عايشة جواه

زيف وخداع وغدر وخيانة وضحك علي قلوب البشر
اسهل شئ انك تقنعي واحد انك بتحبيه

بس بجد

الواحد مات

نخرج هنخرج
نضحك هنضحك
نبكي
احنا دايما بنبكي

تمثال ماشية بتوزع ابتسامات
وفضا قلوب الحب فيها مات

احلام
انا مش عارفة انا بوهم نفسي في ايه
وبستني ايه ولا مستنية ايه

حب ايه وزفت ايه اللي انا بتكلم عليه
والله العظيم ما له وجود

وبضم قلبي جنب قلبيك يدفنوا مع بعض

وياريت تدفنين انا
عشان مش عايزة اسمع عن مهاترات اسمها حب
وقرف

ما ارخص المشاعر في دنيا كلها خداع
وكلبيضحك علي كله

تعالي دة في مزاد علي قلب ميت

مين يشتري يا جدعان قلب ميت

الادوا الاتريه
خلاص هنشيل الليله ونروح
اخر كلام

تصدقي حتي القلب الميت مش ليه تمن

خلاص وايه في حياتنا بيه ليه تمن

ومن غبائي بكتب عن عيد حب

كل سنة وانا قلبي ميت

micheal mohsen يقول...

يا بنتي عادي و الله...أغلب الناس كدة..مش أنتي بس...حاولي متفكريش فيها من الناحية دة لان أكيد برضة فية حاجات كتير كويسة في حياتك

سهر الليالى يقول...

ياسمين
صدقينى هو لسه عايش بس فى غيبوبه الانعاش هو علاجه الوحيد اللى محتاج لرعايه منك وصبروشويه تسامح حاولى تنقذيه وتتمسكى بيه
رحمه بنفسك اولا ورحمه بمن تحبيهم حاولى حاولى ارجوكى
بحبك

الأباصيرى يقول...

عادى بقى كلة بيعدى

أنا أول مرة أدخل المدونة عندك
أصلى لقيت "مصر هى أمى" بيقولى على المدونى بتاعتك
أصلى كاتب جواب أعتزال الحب عندى فى المدونة وبيقول أن أنا وأنتى قالبينها نكد
ياريت تشوفيها

سلام

أسوور يقول...

مصر هى امى

لا والله أنا لقيته .. لقيته كنير

بس هو مات بسكين الغدر وقتل قلبى فى نفس الحادث

أسوور يقول...

TheAlien

أنا نشات فى مجتمع لا يحرم الحب ولا يمنعه

بس دلوقتى عرفت ليه؟؟

أكيد كانوا عارفين انه مجرد خيال علمى فلم يهتمون وتركونى أكتشف ذلك بنفسى

أسوور يقول...

الدبور

الوجود جميل بى أو بدونى

بالحب أو بدون الحب

هاستناك لما تصحى

أسوور يقول...

سمراء النيل

welcome to the club

أسوور يقول...

مايكل

ايوة فعلا فى حاجات كتير كويسة غير اللى اسمه حب دة

باحاول انى اكتشفها

وهأكتشفها

أسوور يقول...

أمانى

لو هو فى غيبوبة تبقى غيبوبة ناتجة عن موت اكلينيكى

واللى بيموت اكلينيكيا ما هواش حى اصلا

شكرا يا جميلة

أسوور يقول...

الأباصيرى

بقينا 3 دلوقتى

انا وانت وسمراء النيل

مين يزود المجروحين واحد؟؟؟

nooooooooooo يقول...

كل سنة و انتى طيبة يا ياسمينا

اضحكى للدنيا تضحكلك

أسوور يقول...

فانسى

والله انا ضحكتلها .. ضحكت علية

Amira يقول...

لأن الحب تأثيره كبير
بيكون خسارته تأثيرها كبير

ساعات الواحد بيحس انه خلاص
و ساعات بيكفر بأشياء كان مؤمن بيها تماما

حالة عدم التوازن دي حتعيشيها وقت

لكن صدقيني حتحبي تاني

يمكن مش بنفس الطريقه
يمكن مش بنفس النظره للأمور

لكن فجأه ستكتشفي أن للحب وجوه عده لا وجه واحد كما يقولون

اعلم انك ستقولي لا
لا فائده مات القلب و رحل

لا عزيزيتي
ستجدي أن نعيك سينقلب يوما شهادة ميلاد لقلب جديد

.....
تحياتي و امنياتي الطيبه

أسوور يقول...

فريدة

لما حد يتولد دة مش معناه ان مافيش حد مات

يمكن يتولد فى حياتى حب جديد لكن المستقبل أنا ما أعرفوش

اللى عارفاه دلوقتى ان فى حب مات

دة كان نعيه

شكرا للكومنت الرقيق

غير معرف يقول...

ياسلام
خلاص الناس اتقسمت لنوعين مافيش بينهم وسط

نوع بيحب ونوع بيخدع
نوع مخلص ونوع كاذب
نوع وفى ونوع بالف وش
مايعرفش الا انه ياخد
نوع مضحى ومتفانى ونوع انانى يدور حول نفسه
نوع يتلقى الطعنات ونوع يتسلى بتحطيم القلوب
نوع ملايكه فردوسيه ونوع شياطين جهنمية

والمصيبه ان النوع الاول مش بيعشق ولا بيحب الا واحد من النوع التانى

يمكن المصيبه الاكبر ان النساء هم النوع الاول والرجال هم النوع التانى

لو كان الكلام السيريالى ده حقيقه يبقى الحب فعلا مات او ماكانش موجود اصلا

ايه الكلام ده يا ياسمين؟
ايه الحكم البات المبرم العام الشامل ده عشان قصة ولا قصتين ولا الف فشلوا

بقى قضية الحب موجود ولا مش موجود عايش ولا ميت حقيقة ولا وهم مبنى على قصة حبك؟
اذا فشلت مات واذا نجحت نجا؟؟؟

ماكانش العشم

أسوور يقول...

هارملس

تعرف

مش بس الحب هو اللى عامل زى افلام الخيال العلمى

انت نفسك فيلم من افلام الخيال العلمى برضه

2 good 2 belive

Hannoda يقول...

معلش بقى أنا مش معاك

وأكبر دليل على ان الحب موجود هو كمية الحب اللي بلقيها ع البلوج بتاعك

طبعا انت تقصدي حب ((فالنتينو))
وأنا فاهمة بس بستعبط أو بمعنى أصح بحاول أقنعنا ان الحب اللي بين الناس و اللي بيتخلق كده بدون أي ترتيبات أو انتظار لنتائج حاتترتب عليه بيكون أجمل و أعمق و أخف ع القلب من (( فالنتينو )).. بس بجد بجد.. الحب اللي بيربط الناس بدون هدف أجمل من الحب اللي أنا معاك انه أصبح ذكري

وزي مابيقولTheAlien ان المشكلة في الناس مش في الحب

أتمنالك قلب قادر على اكتشاف الحب في الناس و قادر على اكتشلف الحب في نفسه

برضه أقصد الحب الرومانسي.. أما الحب الأعمق فأنا أتمني لنفسي اني أتعلمه منك

أسوور يقول...

هنودة الرقيقة

كلماتك أحيت قلبى

وفعلا المدونة اصبحت منفذى الوحيد للحياة

هى الحاجة الوحيدة الحية فى حياتى دلوقتى

SomeOne يقول...

انا ايضا لا أحتفل بعيد الحب
وعمري ما احتفلت بيه

بس مش عشان انا من المجاريح

لا

لاني دايما شايف قصص الحب اللي قدامي
لا تمت بصلة للحب
60%
تفاهات مراهقين
و39%
تفاهات غير المراهقين
و
1%
حب حقيقي ولكن بين اتنين متجوزين من 5او 6 سنين ع الاقل

SomeOne يقول...

على فكرة

انا حاولت اشرح وجهة نظري في الحب
في بوست عندي

بس شكلي كده معرفتش اعبر

محتاج رأيك يا ياسمين

أسوور يقول...

شادى فايد

انت قلت المفيد

بس ما كملتش كلامك

حب بين المتزوجين
1%

لمدة 5 او 6 سنين بس

انت نسيت كلمة بس

لأن دى أقصى مدة للحب بين المتزوجين

أسوور يقول...

شادى فايد

أهنئك على البوست الجديد

وأدعو الجميع لقراءته

غير معرف يقول...

والله يا ستى مش انتى لوحدك
وجتنا نيله فحظنا الهباب

elkamhawi يقول...

البوست ده فكرنى بقصة كنت قرتها قبل كدة اسمحيلى انى اقولهالك واكيد هتفهمينى

كانت الفضائل والرذائل.. تطوف العالم معا"..
وتشعر بالملل الشديد....
ذات يوم... وكحل لمشكلة الملل المستعصية...
اقترح الأبداع.. لعبة.. وأسماها الأستغماية.. أو الغميمة..

أحب الجميع الفكرة...

وصرخ الجنون: أريد أن أبدأ.. أريد أن أبدأ...
أنا من سيغمض عينيه.. ويبدأ العدّ...
وأنتم عليكم مباشرة الأختفاء....
ثم أنه اتكأ بمرفقيه..على شجرة.. وبدأ...
واحد... اثنين.... ثلاثة....

وبدأت الفضائل والرذائل بالأختباء..
وجدت الرقة مكانا لنفسها فوق القمر..
وأخفت الخيانة نفسها في كومة زبالة...
وذهب الولع واختبأ... بين الغيوم..
ومضى الشوق الى باطن الأرض...

الكذب قال بصوت عال: سأخفي نفسي تحت الحجارة.. ثم توجه لقعر البحيرة..

واستمر الجنون: تسعة وسبعون... ثمانون.... واحد وثمانون..
خلال ذلك أتمت كل الفضائل والرذائل تخفيها... ماعدا الحب...
كعادته.. لم يكن صاحب قرار... وبالتالي لم يقرر أين يختفي..
وهذا غير مفاجيء لأحد... فنحن نعلم كم هو صعب اخفاء الحب..


هى القصة ليها بقية بس اظن انها ملهاش مكان فى الموضوع ده

عبدالله يقول...

ليه بس الحزن الجميل ده يا ياسمين انتي عندك قلب و مشاعر من اجمل الحاجات الموجوده مش معني ان مش لقيتي مقابل للجمال ده بعد العطاء ان نقول ان الحياة بدون حب هي موجوده بس لحد دلوقتي انتي قدرك كده بس محدش يعرف المستقبل فيه ايه يمكن تغيري رايك
خصوصا بعد ما تشوفيني
:)))))))))))))))

وزي ما اكتب في الردود ناس كتير هنا بتحبك من غير ما تشوفك و ناس كتير نفسها تسمعك من غير ما تعرفك لو فقدتي حب رومانسي صغير فده الماساه الي فجرت مشاعرك علشان تحلصي علي حب اكبر من الناس كلهم

مكنتش اتمني اشوفك حزينه في يوم فيه ناس فرحانه و وجعني قوي انك بتقولي شعور اليتيم في عيد الام احساس بشع بجد بس غيري شويه في اتجاه مشاعرك لاتجاه تاني حبي الحياة و ناسها هتلاقي نفسك اجمل بكتير

صغيرتي سمراء النيل ليه انتي كمان الحزن ده كله بقي معقول انتي الي بتكتبي الكلام ده و لسه قاري عندك اجمل كلام اتكتب عن الرومانسيه ليه كده يا جميل مش بتكتبي عن مشاعرك الحقيقه بتكتبي عن احلام انتي معتقده انها مش بتتحقق مش معني ان صدفه سيئة الحظ مع حد مش شايف جمال روحك انك تفقدي الامل و الحياة في الي بتحلمي بيه لو عملتي كده يبقي انتي الي بتدمري نفسك اكتر من اي واحد بيكرهك بيعمل كده
اتمني اشوفك قريب و انتي متفائله وشايفه الدنيا اجمل

تحياتي

نضـــال يقول...

لااااااااااا كفاااااااية انتو كلكو كده ... ياساتر ايه كمية اليأس دى كلها ؟؟وانا اللي كنت فاكرة نفسي محبطة ومش هلاقي الحب؟؟
لا يا ياسمين ماتقوليش كده
الحب لسة عايش وقلبك كمان بس انتي ركزي هتلاقيه ان شاء الله

أسوور يقول...

القمحاوى

القصة استهوتنى وأريد ان أعرف بقيتها

سوف أنتظر البقية

أرجوك لا تبخل بها حتى وان كانت لا علاقة لها بالموضوع

أسوور يقول...

عبد الله

شكرا ليك
انت على طول بترفع من روحى المعنوية
ربنا اداك القدرة دى .. سبحانه

دايما كلامك بيدينى طاقة ايجابية

يا ترى انت مين اللى بيديك الطاقة دى؟

فعلا المدونة دى كانت من أجمل الحاجات اللى عملتها فى حياتى كلها وتأكد ان مكانتها كبيرة قوى عندى وكل واحد بييجى عندى ويعلق بأحس انه ضيف فى بيتى وبابقى نفسى أضايفه وأعطيه حقه من الإهتمام والتقدير حتى ولو كان له رأى مخالف

شكرا دى كلمة قليلة على دعمك الدائم لى

أسوور يقول...

نضال

مبسوطة انك سعيدة ومتفائلة

يا رب يديكى كل ما تتمنيه

ما تاخديش أحوال الناس على انها مشاعر عامة

لأ

كل انسان هو حالة خاصة وفريدة من نوعها فى ماضيه وحاضره ومستقبله ومشاعره وتاريخه وبيئته رغم اشتراكنا كآدميين فى الخطوط العريضة

يعنى موت حب فى حياتى ممكن يكون فى حب غيره بيتولد فى حياة حد تانى

مش معنى ان حد ابنه مات ان مافيش ناس عندها ولاد تانيين

أكيد فهمتينى

وشكرا لإهتمامك بمشاعرى
دى حاجة مش هانساها أبدا

elkamhawi يقول...

دى بقيه القصة ومقدرش ابخل ع

تابع الجنون: خمسة وتسعون....... سبعة وتسعون....

وعندما وصل الجنون في تعداده الى: مائة ،،،،،،
قفز الحب وسط أجمة من الورد.. واختفى بداخلها..
فتح الجنون عينيه.. وبدأ البحث صائحا": أنا آت اليكم.... أنا آت
اليكم....

كان الكسل أول من أنكشف...لأنه لم يبذل أي جهد في إخفاء نفسه..
ثم ظهرت الرقّة المختفية في القمر...
وبعدها.. خرج الكذب من قاع البحيرة مقطوع النفس ... !!
واشار على الشوق ان يرجع من باطن الأرض...
وجدهم الجنون جميعا".. واحدا بعد الآخر....

ماعدا الحب...

كاد يصاب بالأحباط والبأس.. في بحثه عن الحب...
الى ان اقترب منه الحسد ،،،
وهمس في أذنه:
الحب مختف في شجيرة الورد...
التقط الجنون شوكة خشبية أشبه بالرمح.. وبدأ في طعن شجيرة الورد بشكل طائش ،،،،،، ليخرج منها الحب .
ولم يتوقف الا عندما سمع صوت بكاء يمزق القلوب...
ظهر الحب.. وهو يحجب عينيه بيديه.. والدم يقطر من بين أصابعه...


صاح الجنون نادما": يا الهي ماذا فعلت؟..
ماذا أفعل كي أصلح غلطتي بعد أن أفقدتك البصر ؟...
أجابه الحب: لن تستطيع إعادة النظر لي... لكن لازال هناك ماتستطيع
فعله لأجلي... كن دليلي ...
وهذا ماحصل من يومها.... يمضي الحب الأعمى... يقوده الجنون


يعنى فعلاً زى ما بيقولو الحب اعمى

أسوور يقول...

القمحاوى

قصة جميلة جدا جدا

عجبتنى قوى

أرجوك انشرها فى مدونتك حتى يقرأها المدونون

قصة تستحق النشر

اشكرك

-_- يقول...

ياسمين

عايز اقولك حاجة .. البوست ده اكبر دليل ان قلبك لسة كبير و مماتش ولا حاجة

الانسان بيفقد انسانيته لما قلبه يموت و انا شايف قدامي كلام انسانه احساسها عالي

يمكن تكون مجروحة بس ايه المشكله , اكيد انتى كمان جرحتى حد .. يمكن من غير ما تحسي .. لكن صدقيني يا ياسمين , هي الحياة كده بتاخد شوية و بتدي شوية

انا واحد من الناس اللى المفروض اقول كلامك ده .. بس هل عملت كده ؟

خالص بالعكس , عملت موقع رومانسي عشان الناس تقدر معنى الشعور الانساني اللى بيجمع اي اتنين
http://www.romancy.tk

اللى عايزك تعرفيه .. ان ربنا شايفك و عارف اللى جواكي و صدقيني اكيد بدام انتى كويسة ربنا هيعوضك بحب حقيقي مش كدب و بقلب صافي مش مجروح

تحياتي

حوريه يقول...

ياسمين
انتى اجمل و ارق ياسمينه عرفتها و كلامك ده رغم انه حزين بس دليل على حساسيتك و نقائك وروعة مشاعرك بدليل كل القلوب الجميلة التى تلتف حولك الان
كل سنة و انتى طيبة و محبوبة و محبة
ياسمين
حبى نفسك و تحررى و ابدائى بداية جديدة و انسى اللى فات
انشاء الله ربنا هيعوضك بس سيبى باب قلبك موارب بلاش تقفليه
وربنا معاكى
ناديه طه

غير معرف يقول...

عزيزتي ياسمين
أول مرة بزور مدونتك
راااائعة جدا
هذا الموضوع أثر في كثير
انا أصلا لا أعترف بعيد الحب هذا لأن الحب في نظري لازم نحتفل بيه بقلوبنا كل يوم و كل ثانية هذا اذا كان أصلا من يستحق الحب
بتعرفي سعات بنحب و بنحب بإخلاص بس اللي بنحبوا يكون مابيستهلش أو مش حاسس بالحب دا أصلا
ربنا يستر في الزمان دا
أنا صحيح بتمنى أتجرد من قلبي و أحاسيسي لأنها سبب عذاب لا ينتهي لكن هذا مستحيل طبعا
سلام

أسوور يقول...

شارم

شكرا على كلامك الرقيق

أسوور يقول...

نادية طه

حبيبتى الجميلة دائما .. ذات المشاعر الراقية

اشكرك

أسوور يقول...

مذكرات امرأة مثلية

شكرا لزيارتك وشكرا لرأيك فى مدونتى

فعلا بنحب وننجرح واللى بيجرح يا ترى بيحس بإيه .. ولا حاجة .. اللى بيجرح لو بيحس ما كانش يجرح اصلا

تحياتى ولا تقطعى الزيارة

.:.-=- ELGaZaLy-=-.:. يقول...

دى اول مرة اخش مدونتك وصدمت والحق يقال...



هارد عليكى بشعر بسيط للغاية لفنان عظيم للغاية...

سعات بقوم الصبح قلبى حزين اطل برة الباب ياخدنى الحنين..الى اشتريتة انباع والى لقيتة ضاع والى قابلتة راح وفاتلى الانين..

وارجع واقول..لسة الطيور بتفن والنحلايت بتطن والطفل ضحكة يرن مع ان مش كل البشر فرحانين..حبيبى سكر مر طعم الهوى...

بس كفاية كدة...

اضحكى فالكون اكبر من ان يحتوية قلب واحد حزين...

raspoutine يقول...

يا سمين
ها عامله ايه النهارده وايه اخبار المزاج اكيد رايق انا عارف لان اللى انتى كنتى فيه مجرد حاله وعدت صح ولا لاء
المهم مش عايزين شوشره عشان دماغنا متعوره
هما بيقولوها كده فى الشوارع لما بيهزرو
بصى انتى انسانه محبوبه ومن الشخصيات الظريفه اللى اقابلتها وشوفتها مع انى كنت فى حاله انتى عارفه بقى انا يومها كنت عامل ازاى بس والله انتى الناس كفايه انها بتحبك وبتخاف وبتخض عليكى لما يحسو انك فى مشكله او كده
وبعدين فين القلب اللى مات ده
ده انا سامع دقاته من عندى هنا

ربنا يسعدك

Nohaz يقول...

يه يعني مش لسه فيه حب ربنا و حب اهلك و حب اصدقائك؟

الفيلسوف يقول...

اظن يا ياسمين انك واخدة الموضوع قفش شويتين ..اول مرة الاقى حد حاسه اكتر منى ؟
عموما ..الاحساس ..لا زال نعمة ..اتمنى لها الدوام معاكى..و التواصل ..و هابى فالانتين

أحمد سلامــة يقول...

مش هعلق غير على اخر جملة بس يا ياسمين لان الباقي رأيك وأكيد انتي حرة فيه
لا هو مش رأيك هو احساسك
وبرده انتي حرة فيه أو هو اللي حر في رأيك
المهم ليه بقى قلتي

ولا عزاء لقلوب السيدات

الرجال مالهومش قلوب يعني هم كمان نفسها ماتعزيش ولا ايه؟

الحصان الأسود يقول...

الف لعنة على كل من قتل الحب

الف لعنة على كل من خان حبيبة او تركة و جرحة

الف لعنة على كل من خنق حباً صادقاً

ألف لعنه على كل من لم تقدر حباً صادقاً

ألف لعنة.... ولعنه

كلبوزة لكن سمباتيك يقول...

معلش يا حبيبتي كلنا لها
بس تصدقي الواحد بعد موت قلبه بيعيش احسن
بيعيش بعقله
:)

واحـــد مـــــن الـنـــاس يقول...

انا كمان عندي نفسي الاحساس
الحياة بقت باهتة اوي اوي

بس على فكرة
المشكلة فينا احنا مش في الاخرين

صدقيني

على فكرة الصورة سيئة برضه ..:)

الدبور يقول...

انا صحيت
بقولك ايه خديني معاكو انت وسمرا في النادي
Alive body, Dead heart
that's me!

نهارك لذيذ
الدبور

frozen love يقول...

متعودناش على النبر دي في مدونتك يا ساسمين...مش كده يعني..انا عملت تدوينة هتضحكك على موضوع الفالانتين ده..روحي شوفيها..وبطلي نبرة الياس دي...عشان مش دي ياسمين اللي احنا عرفناها...عادي..كلنا وحيدون..بس مقتنعين اني لسة يعني..ماجاش اللي هايكسر اللي الوحدة..واللي راح ده..مش هو اللي كان المفروض يكسرها

albida يقول...

على فكرة بقى يا ياسمين هى دى الحقيقة فعلا ولازم كلنا نتعود عليها علشان منتألمش بعد كده

مفيش حاجة أسمها حب أساسا.. ده فعلا زى ما قلتى خيال علمى, اختراع من الاختراعات مش أكتر

أنا لو قعدت أشرح وجهة نظرى عن الموضوع ده مش هتخلصوا منى
:)

اضحكى بقى علشان خاطرى
:) :)


manal

sara... يقول...

مش مهم حبي اي حاجه تانيه واحتفلي بيها
هابي فلانتين

أميرة يقول...

انا كمان بنعيه معاكى ياياسمين

يعنى بجد قلتى اللى جوايا

الله يرحمه الحب دة كان راجل طيب

تحياتى

الدبور يقول...

انت فين مختفيه ليه مش عادتك يعني ظ
عسي ان يكون المانع خير

الدبور

علي الالفي يقول...

البقاء لله
انا مش فاهم راسبوتين مستغرب ليه
ماهو فعلا الحب مش موجود
و اللي زعلان من كلمة مات
نقدر نقول له مسافر مهاجر
او يمكن متجمد في تلاجة الظروف
كل سنة وانت طيبة
قصدي تعيشي و تفتكري

أسوور يقول...

الغزالى

دى أغنية ماجدة الرومى الجميلة

والله رسمت ابتسامة على وجهى لأن الأغنية دى ليها ذكريات معايا

تحياتى

أسوور يقول...

عزيزى راسبوتين

بجد كفاية كلامك الجميل دة عشان أنسى كل أحزاتى للحظات وأتطلع بجد الى لقائنا التالى

عاوزين نخطط ونشوف هنعمله فين وامتى وازاى

عشان كلكم وحشتونى جداجدا

أسوور يقول...

نوهاز

العيد دة هو عيد العشاق وعيد الحب اللى تقصديه هو يوم 4 نوفمبر

أما النعى كان بمناسبة عيد العشاق أو الذكرى السنوية للحب كما اسميتها

وانا قلت اسمه بالكامل

حب هيام غرام

يعنى مالهوش دعوة بحب الأهل والأصدقاء

وعموما هو بقى الله يرحمه

نورتى يا قمر

أسوور يقول...

الفيلسوف

برضه انت مصر يعنى على موضوع هابى فالنتين دة؟؟

طيب يا سيدى

وانت طيب

وربنا يزود الناس اللى بتحس زيك أحسن بقوا عملة نادرة جدا

أسوور يقول...

أحمد سلامة

شكرا لأنك أخدت بالك من الجزئية دى
والله فكرت ما حدش هياخد باله

تحياتى

أسوور يقول...

الحصان الأسود

نعم ألف الف لعنة

على كل من اشرت اليهم

وحسبنا الله

أسوور يقول...

سمباتيك

فعلا الواحد بعد ما بيموت قلبه بيعيش احسن

بس بيفتقد احساسه انه انسان

تحياتى

أسوور يقول...

واحد من الناس

ماشى

تمام

أحب أعرف ليه الصورة سيئة
ودة رايك وراى محمد عبد الغفار

أحب معرفةالسبب

أسوور يقول...

الدبور

صديقى العزيز

أهلا بيك طبعا وهتكون من المؤسسين كمان

ربنا يعيننا

أسوور يقول...

frozen love

أهلا يا محمد

دخلت مدونتك وقريت البوست بتاع تامر حسنى

طب بذمتك مش غيران منه

أنا شخصيا هاموت من الغيرة والحسد

عمرك شفت حد ينعم عليه الله بالسجن للدرجة دى

آى والله دى نعمة

والله الواد دة محظوظ مش أكتر

كل الناس اللى بتخش السجن بتنهار حياتها الا تامر المحظوظ

ما تشوفلنا كدة حاجة نزورها يمكن الفالنتين الجاى يجيلى هدية ولا حاجة زى تامر المحظوظ

تحياتى

أسوور يقول...

البيداء

منال الجميلة

طبعا أضحك لما ألاقى تعليقك عندى

والله أنا حاطة ايدى على قلبى لأحسن تعمليها مرة وتختفى

بس اعملى حسابك مهما حاولتى تختفى الجواسيس بتوعى هيحددوا موقعك ويرجعوكى تانى

الظاهر ان نادى المجروحين أعضاؤه كتير

تحياتى

أسوور يقول...

سارة

فكرة

أنا فعلا بحب حاجات كتير

بس لازم أحب نفسى أكتر واحتفل بيها

تحياتى

أسوور يقول...

أميرة ويلز

welcome to the chub

طب ايه ارأيك نعمل جماعة للى ماتلهم حب قبل كدة

الظاهر ان الأعضاء هيبقوا كتير
بس انتى لسة صغيرة وقدامك حياة حلوة

تحياتى

أسوور يقول...

الدبور

أنا هنا

وصلت اختى المطار وفضيت لموضوع اللقاء

أما أشوف هتيجى ولا هتطلع مهيساتى

أسوور يقول...

على الألفى

تاخد جايزة أحسن تعليق منى على المدونة دى

دة لو كان فى جوايز يعنى

أحلى تعليق من أكثر شخص فهم البوست

"تعيشى وتفتكرى"

عبقرى يا ألفى

hebaz يقول...

عارفة لو قلبك مات فعلا مكنش يوم الحب دة أثر فيكى لكن أحاسيسك و مشاعرك تصرخ معلنة عن غضبها و وجعها ووجودها أيضا
ما عش ولا كان الى يجرحك بجد
تحياتى

koukawy يقول...

انا قريت الكومنت عند شادي ففهمت الموضوع ايه00
معلش انا عارفه انها حاجه توقف القلب مش تزعل بس
بس حاولي تتماسكي و بعد كده فكري في نفسك بس00
بس في نفس الوقت اعملي اللي عليكي قدام ربنا
و ربنا معاكي

أسوور يقول...

هباز الجميلة

شكرا يا حبيبة قلبى على تعليقك الجميل اللى يدل على قد ايه انتى انسانة فعلا حساسة

أسوور يقول...

كوكاوى

شكرا بجد لإهتمامك بقراية الكومنت والدخول على مدونتى وكمان ترك تعليق

انتى انسانة رائعة بجد

الربان يقول...

تحياتي ...

ياسمين.... الحب ليس ميلاد..و لا وفاة...الحب ليس له مكان أو زمان...

لماذا نقصر الحب علي ذلك الذي بين المرأة و الرجل..... يمكن يكون اهمهم..لكنه ليس الوحيد...

ارجو ان نشعر كل من حولنا بالحب.. الاخ..الاخت...الام..الاب...الاهل.... الجيران...زملاء العمل و الدراسة...
و طبعا لكل فئة من هؤلاء نوعية مختلفة من الحب.

و أخيرا اقول : خلي عندك آمل ..الحب ليس له زمان و لا مكان... ومن الممكن جدا ان ( نتكعبل ) فيه أثناء سيرنا.

تحياتي و لك حب كل من قرأ مدونتك

NOHA يقول...

ياسمين
الملام اللى انت كاتباه اكبر دليل على ان قلبك مليان حب و ان جواك طاقة حنان بس مش عارفه تطلعيها لمين

انا اعرف ان انت بتحبى الأطفال ليه ما تحوليش طاقة الحنان اللى جواك دة و تقضى يوم جميل معاهم كلة حب

انا عارفة انك بتتكلمى على نوع معين من الحب و هو الحب المتبادل بين الراجل و الست لكن صدقنى انك تكونى من غير حبيب و تكونى صادقة مع نفسك افضل بكتير من انك تخدعى نفسك و تصدقى كلام من واحد انت عارفة كويس انك لا انت و لا هو بتحبوا بعض مجرد بس واحد يلاقى واحدة يخرج معاها فى يوم عيد الحب و يجيبوا هدايا لبعض
و على فكرة اغلب الناس كدة دلوقتى مجرد مظهر خارجى فقط

تقدرى تقولى كدة موضة

مراكب ورق يقول...

الحب عامل زي ربنا بالظبط
ما ينفعش يبقى موجود
الا لو آمنا بيه الاول
طبعا انتى عارفة ان ربنا مش موجود بالنسبة للكفار
والكفار بيروحوا النار
لو آمنتى بيه تلاقيه

بسمه عبدالباسط يقول...

الحب ما بيموتش ولا بيخلص بس بقى قليل جداجدا جدا وبقى بيحل محله المصالح

غير معرف يقول...

انا اول مره ادخل المدونه بتاعتك وعجبتنى جدا وبضم صوتى لصوتك فى اعلان عن موت الفقيد اللى اسمه الحب بس عايزه اقولك انه حرام نظلم المعنى الجميل ده بسبب اشخاص معرفوش يحافظوا عليه او مش قادرين يتخلصوا من انانيتهم شويه
اه متنسيش تقوليلى على ميعاد الجنازه ارجوكى لانه بجد معنى غالى عليه قوى قوى

كراكيب عادل يقول...

اظن بعد كل الناس الي قالت وحبت تطمن عليك والكل بيحبك ان ده شئ يدهو الي التفاؤل الحب له عده اوجه والذي اراه علي مدونتك وجه من اوجه الحب حب هؤلاء البشر الذين يكتبون اليك

عزيزتي تفائلي